TV
షారుక్‌ ఖాన్‌
షారుక్‌ ఖాన్‌ నిర్మాతగా ఫుల్‌ స్పీడ్‌లో ఉన్నారు. కానీ, హీరోగా చేసే కొత్త ప్రాజెక్ట్‌ను అంగీకరించడానికి మాత్రం టైమ్‌ తీసుకుంటున్నారు. ఆల్రెడీ ‘బార్డ్‌ ఆఫ్‌ బ్లడ్, క్లాస్‌ ఆఫ్‌ 83’ సినిమాలను నెట్‌ఫ్లిక్స్‌ కోసం నిర్మిస్తున్న ఆయన తాజాగా ఓ హారర్‌ సిరీస్‌కు సహ నిర్మాతగా వ్యవహరించనున్నారని తెలిసింది. ‘బీతాల్‌’ టైటిల్‌తో తెరకెక్కనున్న ఈ సిరీస్‌లో వినీత్‌ కుమార్‌ సింగ్, ఆహనా కుమ్రా ముఖ్య పాత్రల్లో నటించనున్నారు. రాధికా ఆప్టే ‘గౌల్‌’ సిరీస్‌ను డైరెక్ట్‌ చేసిన ప్యాట్రిక్‌ గ్రహం ఈ చిత్రానికి దర్శకుడు. త్వరలో షూటింగ్‌ స్టార్ట్‌ కానుంది. షారుక్‌ సినిమాల విషయానికి వస్తే అట్లీ దర్శకత్వంలో ఓ సినిమలో నటించడానికి గ్రీన్‌ సిగ్నల్‌ ఇచ్చారని సమాచారం.
