TV
శ్రీదేవి బెస్ట్.. రాధ డాన్స్ సూపర్: చిరంజీవి
తన సరసన నటించిన హీరోయిన్లలో శ్రీదేవి బెస్ట్ అని మెగాస్టార్ చిరంజీవి అన్నారు. రాధ డాన్స్ చేస్తుందని తెలిపారు. జగదేకవీరుడు- అతిలోక సుందరి రీమేక్ లో తన కుమారుడు చరణ్, తమన్నా కలిసి నటించాలన్న ఆకాంక్షను ఆయన వ్యక్తం చేశారు. అతిలోకసుందరిగా తమన్నాయే కరెక్ట్ అని అన్నారు. ఆమె వృతి నిబద్దత గల నటి అని ప్రశంసించారు.
ఈ సినిమాకు దర్శకుడిగా కె. రాఘవేంద్రరావును తప్ప మరొకరిని ఊహించలేమని చెప్పారు. అశ్వనీదత్ నిర్మాణంలో ఈ సినిమా ఉంటుందన్న నమ్మకాన్ని వ్యక్తం చేశారు. తాను ప్రేక్షకుడిగా ఈ సినిమా చూస్తానంటూ చిరంజీవి చమత్కరించారు. అమితాబ్ బచ్చన్, రజనీకాంత్ సినిమాలు చేస్తున్న సమయంలో తాను సినిమా రంగంలో ఉండడం తనకెంతో గర్వకారణమని చెప్పారు.
