ప్రమోషన్స్‌కు సైరా

చిరంజీవి

విడుదల సమయం దగ్గరపడుతుండటంతో ప్రమోషన్స్‌ వేగాన్ని పెంచారు ‘సైరా’ చిత్రబృందం. స్వాతంత్య్ర సమర యోధుడు ఉయ్యాలవాడ నరసింహారెడ్డి జీవితం ఆధారంగా తెరకెక్కిన చిత్రం ‘సైరా: నరసింహారెడ్డి’. చిరంజీవి టైటిల్‌ రోల్‌ చేశారు. సురేందర్‌ రెడ్డి దర్శకత్వంలో ఈ సినిమాను రామ్‌చరణ్‌ నిర్మించారు. అక్టోబరు 2న ఈ చిత్రం ప్రపంచవ్యాప్తంగా విడుదల కానుంది. దీంతో ప్రచార కార్యక్రమాలను ప్లాన్‌ చేస్తున్నారు ‘సైరా’ చిత్రబృందం. ఉయ్యాలవాడ నరసింహారెడ్డి కర్నూలు వాసి కాబట్టి అక్కడ ఓ ఈవెంట్‌ను ప్లాన్‌ చేశారు. ఈ వేడుక ఈ నెల 15న జరగనుందనే ప్రచారం జరుగుతోంది. ఈ కార్యక్రమంలో భాగంగానే ‘సైరా’ ట్రైలర్‌ను కూడా విడుదల చేస్తారని టాక్‌. ఇంకా  చెన్నై, బెంగళూరులో కూడా ‘సైరా’ ప్రమోషన్స్‌ను ప్లాన్‌ చేస్తున్నారని వినికిడి. చిరంజీవి పుట్టిన రోజు (ఆగస్టు 22) సందర్భంగా ‘సైరా’ టీజర్‌ను ముంబైలో విడుదల చేసిన సంగతి తెలిసిందే.