ఆడపులి

విద్యా బాలన్‌

విద్యా బాలన్‌ ఆడపులిలా మారబోతున్నారు. అంటే అంత పవర్‌ఫుల్‌గా అన్నమాట. ‘షేర్నీ’ అనే సినిమాలో ఆమె శక్తిమంతమైన పాత్రలో కనిపించనున్నారు. షేర్నీ అంటే ఆడపులి అని అర్థం. ఈ చిత్రం పూజా కార్యక్రమాలు జరిగాయి. మర్డర్‌ 3 (2011), ‘సులేమానీ కీడా’ (2014), ‘న్యూటన్‌’ (2017) చిత్రాలకు దర్శకత్వం వహించిన అమిత్‌ మసూర్‌కర్‌ ఈ చిత్రానికి దర్శకుడు. ‘న్యూటన్‌’కి జాతీయ అవార్డు లభించిన విషయం తెలిసే ఉంటుంది. అలాగే ఉత్తమ విదేశీ చిత్రం విభాగంలో 90వ ఆస్కార్‌ ఆవార్డుల నామినేషన్‌ ఎంట్రీకి మన దేశం తరఫున ‘న్యూటన్‌’ వెళ్లింది. ఇప్పుడు ఓ మంచి కథతో అమిత్‌ ‘షేర్నీ’ని తెరకెక్కించనున్నారట. ‘‘ఈ సినిమాలో నాది మంచి పాత్ర. చాలా థ్రిల్‌గా ఉంది’’ అన్నారు విద్యాబాలన్‌.