ఢిల్లీలో కాల్పుల కలకలం

ఢిల్లీలో కాల్పుల కలకలం

ఢిల్లీ: దేశరాజధానిలో కాల్పులు కలకలం రేపాయి. ఓ గ్యాంగ్‌స్టర్‌ను లక్ష్యంగా చేసుకొని జరిపిన కాల్పుల్లో ముగ్గురు మృతి చెందగా.. ఓ వ్యక్తి తీవ్రంగా గాయపడ్డాడు.

మియన్‌వాలి ప్రాంతంలో ఆదివారం అర్ధరాత్రి సమయంలో ఈ ఘటన చోటు చేసుకుంది. గతంలో పలు కేసుల్లో నిందితుడిగా ఉన్న భూపేంద్ర అనే గ్యాంగ్‌స్టర్‌.. మిత్రుడు అరుణ్‌, పర్సనల్‌ సెక్యూరిటీ ఆఫీసర్‌ విజయ్‌తో కలిసి కారులో ఉన్న సమయంలో గుర్తు తెలియని వ్యక్తులు కాల్పులు జరిపారు. ఈ ఘటనలో ముగ్గురు అక్కడికక్కడే మృతి చెందారు. కుల్దీప్‌ అనే మరో కానిస్టేబుల్‌ సైతం ఈ ఘటనలో గాయపడ్డాడు. అతడిని ఆసుపత్రికి తరలించి చికిత్స అందిస్తున్నారు. దీనిపై విచారణ జరుపుతున్నట్లు పోలీసులు వెల్లడించారు.