ఢిల్లీలో అర్ధరాత్రి రష్యా దౌత్యవేత్త వీరంగం

ఢిల్లీలో అర్ధరాత్రి రష్యా దౌత్యవేత్త వీరంగం

న్యూఢిల్లీ: రష్యా దౌత్యవేత్త మద్యంమత్తులో మంగళవారం అర్ధరాత్రి ఢిల్లీ వీధుల్లో వీరంగం సృష్టించాడు. కారుతో బైకును ఢీకొట్టి ఇద్దరిని గాయపరచడంతో పాటు ఓ కానిస్టేబుల్పై దాడి చేశాడు.


రష్యా దౌత్యాధికారి మద్యంమత్తులో వేగంగా కారు నడుపుతూ మోతీ బాగ్లో ఓ మోటార్ బైక్ను ఢీకొట్టడంతో ఇద్దరు వ్యక్తులు గాయపడ్డారు. ఈ తతంగాన్ని గమనించిన పోలీసులు కారును ఆపేందుకు ప్రయత్నించగా.. రష్యా దౌత్యవేత్త తన కారును ఆపకుండా పోలీస్ బ్యారికేడ్పై దూసుకెళ్లడంతో గాయపడ్డాడు. కారు దిగేందుకు నిరాకరించిన ఆయన ఓ కానిస్టేబుల్పై చేయి చేసుకుని దూషించాడు. దౌత్యాధికారి స్నేహితుడు పోలీసులతో మాట్లాడి ఆయన్ను తీసుకెళ్లాడు. ఢిల్లీ పోలీసులు ఈ విషయాన్ని రష్యా రాయబార కార్యాలయానికి తెలియజేసి.. ఆయనపై కేసు నమోదు చేశారు.