ఇస్రోకు ఇందిరాగాంధీ శాంతి బహుమతి

ఇస్రోకు ఇందిరాగాంధీ శాంతి బహుమతి

న్యూఢిల్లీ: భారత అంతరిక్ష పరిశోధనా సంస్థ ‘ఇస్రో’ ఈ ఏడాది ఇందిరాగాంధీ శాంతి, నిరాయుధీకరణ, అభివృద్ధి బహుమతికి ఎంపికైంది. అంతరిక్షాన్ని శాంతియుతంగా వినియోగించుకొనేందుకు వీలుగా అంతర్జాతీయ సహకారాన్ని బలోపేతం చేయడానికి కృషిచేస్తున్నందున ‘ఇస్రో’కు ఈ బహుమతి ఇస్తున్నట్లు కేంద్రం ప్రకటించింది. ఈ మేరకు ఉప రాష్ట్రపతి హమీద్ అన్సారీ నేతృత్వంలోని అవార్డుల కమిటీ బుధవారం ఒక ప్రకటన విడుదల చేసింది. మార్స్ ఆర్బిటర్ మిషన్ (మామ్) ప్రాజెక్టును విజయవంతం చేయడం ద్వారా ఇస్రో అంతర్జాతీయ ఖ్యాతిని ఆర్జించిందని అందులో పేర్కొంది.