TV
మోడీకి ఒబామా ఆహ్వానం
వాషింగ్టన్: భారత సార్వత్రిక ఎన్నికల్లో ఘన విజయం సాధించిన బీజేపీ ప్రధాని అభ్యర్థి నరేంద్ర మోడీని తమ దేశానికి రావాల్సిందిగా అమెరికా అధ్యక్షుడు బరాక్ ఒబామా ఆహ్వానించారు. ఫలితాలు వెలువడిన తర్వాత శుక్రవారం రాత్రి పొద్దు పోయాక ఆయన మోడీకి ఫోన్‌చేసి అభినందనలు తెలిపారు. ద్వైపాక్షిక బంధాలను బలోపేతం చేసుకునేందుకు వీలు చూసుకుని అమెరికా రావాల్సిందిగా మోడీని ఒబామా ఆహ్వానించినట్లు వైట్‌హౌస్ తెలిపింది. మోడీతో ఒబామా సంభాషించడం ఇదే మొదటిసారి. కాగా, అమెరికా పర్యటనకు వచ్చేటట్లయితే మోడీ, భారత ప్రభుత్వాధినేత హోదాలో ఏ-1 వీసా పొందేందుకు అర్హుడవుతారని అమెరికా విదేశాంగ ప్రతినిధి జెన్ సాకీ తెలిపారు.
