‘అహంకారం, ద్వేషం, విభజన వాదం నరనరాన జీర్ణించుకుపోయిన వ్యక్తి డొనాల్డ్ ట్రంప్. అలాంటి వారు మనకొద్దు’ అంటూ ట్రంప్‌పై అమెరికా మాజీ అధ్యక్షుడు బరాక్‌ ఒబామా విమర్శలు గుప్పించారు.త్వరలో జరగనున్న అమెరికా అధ్యక్ష ఎన్నికల్లో డెమోక్రటిక్‌ అభ్యర్థిగా కమలా హారిస్‌ పోటీ చేస్తుండగా..తాజాగా ఆమెకు మద్దతుగా బరాక్‌ ఒబామా పెన్సిల్వేనియాలలో ప్రచార సభ నిర్వహించారు. ఈ సభలో ట్రంప్‌పై తీవ్ర విమర్శలు చేశారు.‘గత కొన్ని సంవత్సరాలుగా ముఖ్యంగా కోవిడ్‌-19 ప్రారంభం నుంచి అమెరికన్లు గడ్డు పరిస్థితుల్ని ఎదుర్కొంటున్నారు. అధిక ధరలతో పాటు పలు ఇతర అంశాలు తీవ్ర ఇబ్బందులకు గురవుతున్నారు. అలాంటి పరిస్థితుల నుంచి మనల్ని గట్టెక్కించే నాయకులు కావాలి. ట్రంప్‌ అందుకు అనర్హులు. ఆయనలో అహంకారం, ద్వేషం మెండుగా ఉన్నాయి. సమస్యలు పరిష్కరిస్తూ.. ప్రజల జీవితాలను మెరుగుపరిచే అధ్యక్షుడు మాత్రమే మనకు కావాలి. కమలాహారిస్‌ మాత్రమే అలా చేయగలరని నేను నమ్ముతున్నాను’ అని ఒబమా పేర్కొన్నారు.

సాక్షి, న్యూఢిల్లీ: వచ్చే ఏడాది జనవరిలో జరగబోయే భారత గణతంత్ర దినోత్సవ వేడుకలకు ముఖ్య అతిథిగా హాజరవ్వాలని అమెరికా అధ్యక్షుడు బైడెన్‌ను ప్రధాని మోదీ ఆహ్వానించారు. ఈనెల రెండో వారంలో ఢిల్లీలో జరిగిన జీ20 శిఖరాగ్ర సదస్సులో భాగంగా బైడెన్‌తో ద్వైపాక్షిక చర్చల సందర్భంగా ఆయనను రిపబ్లిక్‌డే వేడుకకు మోదీ ఆహ్వానించారని భారత్‌లో అమెరికా రాయబారి ఎరిక్‌ గార్సెట్టి వెల్లడించారు.   అయితే, భారత్‌ ప్రతీ ఏడాది గణతంత్ర వేడుకలకు ప్రపంచ దేశాల నేతలను ముఖ్య అతిథులుగా ఆహ్వానిస్తున్న విషయం తెలిసిందే. ఈ నేపథ్యంలోనే 2015లో అప్పటి అమెరికా అధ్యక్షుడు బరాక్‌ ఒబామా కూడా భారత్‌ ఆహ్వానాన్ని అంగీకరించి గణతంత్ర వేడుకలకు ముఖ్య అతిథిగా విచ్చేశారు. ఇప్పుడు బైడెన్‌ కూడా మోదీ ఆహ్వానాన్ని అంగీకరిస్తే.. గణతంత్ర వేడుకలకు ముఖ్య అతిథిగా విచ్చేసిన అమెరికా రెండో అధ్యక్షుడిగా బైడెన్‌ నిలుస్తారు. #PMModi has invited #US President Joe Biden as Chief Guest for the 2024 Republic Day Parade.#IADN pic.twitter.com/N8Rao4EBJC — Indian Aerospace Defence News - IADN (@NewsIADN) September 20, 2023 ఇది కూడా చదవండి: సెల్‌ఫోన్‌ యూజర్లకు వార్నింగ్‌ మెసేజ్‌.. స్పందించిన కేంద్రం

సాక్షి, ముంబై: ప్రముఖ వ్యాపారవేత్త, దార్శనికుడు రతన్‌ టాటా ఆదర్శ జీవితానికి నిరాడంబ‌ర‌త‌కు నిలువెత్తు నిద‌ర్శ‌నం. అవ్వడానికే ఐకానిక్‌ పర్సనాలిటీ, బిలియనీరే కానీ, సింప్లిసిటీకి పెట్టింది పేరు. విలాసాలకు, ఆడంబరాలకు దూరంగా అందరికీ స్ఫూర్తిగా నిలుస్తారు. సోషల్‌ మీడియాలో పెద్దగా యాక్టివ్‌గా ఉండని ఆయనకు ఫాలోయర్ల సంఖ్య మిలియన్లలోనే. ట్విటర్‌లో 12.4 మిలియన్ల ఫాలోయర్లుండగా, ఇన్‌స్టాగ్రామ్‌లో, 8.5 మిలియన్ల మంది ఫ్యాన్స్‌ ఉండటం విశేషం. ఇక ఇన్‌స్టాగ్రామ్‌లో టాటా ట్రస్ట్‌ను(1919లో స్థాపించిన ఛారిటబుల్ ట్రస్ట్)ఫాలో అవుతున్నారు.  (ఇదీ చదవండి: నీతా అంబానీ డ్రీమ్‌ ప్రాజెక్ట్‌ లాంచ్‌: తరలి వచ్చిన తారలు, ఫోటోలు వైరల్‌ ) రతన్ టాటా  ఫాలో  అవుతున్న  ఆ ముగ్గురు రాజకీయ నాయకుల్లో ఒకరు ప్రధానమంత్రి నరేంద్ర మోదీ. ఇంకొకరు ఆప్‌ నేత ఢిల్లీ సీఎం అరవింద్ కేజ్రీవాల్ కాగా, మూడవ వారు, అమెరికా మాజీ అధ్యక్షులు బరాక్ ఒబామా ఉన్నారు. దీంతోపాటు  పీఎంవో ట్విటర్‌ హ్యండిల్‌, బ్రిటన్  పీఎంవో, అమెరికా విదేశాంగ మంత్రిత్వ శాఖ, కార్నెల్ విశ్వవిద్యాలయం, హార్వర్డ్ విశ్వవిద్యాలయం, బ్లూమ్‌బెర్గ్‌లను కూడా ఫాలో అవుతారు. ముఖ్యంగా బాలీవుడ్‌ నటులు ప్రియాంక చోప్రా, బోమన్ ఇరానీని రతన్‌టాటా ఫోలో అవుతుండటం విశేషం. వివేక్ ఒబెరాయ్ 'పీఎం నరేంద్ర మోదీ' బయోపిక్‌లో బొమన్ ఇరానీ రతన్ టాటా పాత్రను పోషించిన సంగతి తెలిసిందే.  ఇంకా మహీంద్ర అధినేత ఆనంద్ మహీంద్రా, సమీర్, ఆటో డిజైనర్ ఇయాన్ కల్లమ్, ప్రణయ్ రాయ్,సింగపూర్  పీఎం లీ సియన్ లూంగ్, ల్యాండ్ రోవర్ (అమెరికా) జాగ్వార్,  టాటా నానో, ఆటోకార్ ఇండియా, MIT మీడియా ల్యాబ్, BBC బ్రేకింగ్ న్యూస్, ఫైనాన్షియల్ టైమ్స్, ది ఎకనామిస్ట్, ది హిందూ, ఎన్ రామ్, వాల్ స్ట్రీట్ జర్నల్‌ ఆయన మనసు దోచిన ఖాతాలన్నమాట. (నోకియా సరికొత్త చరిత్ర: చందమామపై 4జీ నెట్‌వర్క్‌ త్వరలో)

వాషింగ్టన్‌: అగ్ర రాజ్యం అమెరికా అధ్యక్షుడు జో బైడెన్‌ తప్పులో కాలేశారు. దీంతో సోషల్‌ మీడియాలో ట్రోలింగ్‌లో నిలిచారు. ఆయన వ్యాఖ‍్యలపై నెటిజన్లు ఫన్నీ కామెంట్స్‌ చేస్తున్నారు. అయితే, ఆదివారం అమెరికా అణుసబ్‌మెరైన్ యూఎస్ఎస్ డెలావేర్‌ను అధికారికంగా విధుల్లోకి ప్రవేశపెడుతున్న సమయంలో ఇచ్చిన స్పీచ్‌లో బైడెన్ తప్పుగా వ్యాఖ్యానించారు.  బైడెన్‌ ప్రసంగిస్తూ.. అమెరికా మాజీ అధ్యక్షుడు బరాక్ ఒబామా సతీమణి మిషెల్ ఒబామా గురించి ప్రస్తావించిన ఆయన.. మిషెల్‌ను మాజీ ఉపాధ్యక్షురాలు అంటూ కామెంట్స్‌ చేశారు. ఈ సందర్బంగా మిషెల్ ఒబామా ఉపాధ్యక్షురాలిగా ఉన్న సమయంలో మొదలైన పలు కార్యక్రమాలను ప్రస్తుతం ఉన్న ప్రథమ మహిళ ముందుగా తీసుకెళుతున్నారని ప్రశంసించారు.  అయితే, బరాక్ ఒబామా సతీమణి మిషెల్ ఒబామాను ప్రథమ మహిళ అని పిలవాల్సి ఉండగా.. బైడెన్‌ తప్పుగా ఉపాధ్యక్షురాలు అని అనడంతో అక్కడున్న వారంతా ఒక్కసారిగా షాకయ్యారు. ఆయన వ్యాఖ్యలకు సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది. నెటిజన్లు ఫన్నీ కామెంట్స్‌ చేస్తున్నారు.  Does Biden think Michelle Obama was Vice President? pic.twitter.com/SyzKLsu378 — Benny (@bennyjohnson) April 2, 2022

ప్రపంచంలోనే అతి పెద్ద ప్రజాస్వామ్య దేశానికి ప్రధాని ఒకరు, మోస్ట్‌ పవర్‌ఫుల్‌ కంట్రీ ఆన్‌ ఎర్త్‌కి ప్రెసిడెంట్‌ మరొకరు. వీరిద్దరు ఓ సమావేశంలో కలుసుకున్నారు. అక్కడే ఉన్న ఓ అంతర్జాతీయ సంస్థ సీఈవోని చూస్తూ.. తమ దేశానికి చెందినది అంటే తమ దేశానికి చెందినది అంటూ ఇద్దరు నేతలు పోటీ పడ్డారు. ఈ ఆరుదైన ఘటన 2009లో చోటు చేసుకుంది. భారత ప్రధాని మన్మోహన్‌ సింగ్‌ 2009లో అమెరికా పర్యటనకు వెళ్లారు. అక్కడ అమెరికా అధ్యక్షుడు బరాక్‌ ఒబామాతో సమావేశమయ్యారు. ఈ సందర్భంగా తమ దేశం సాధిస్తున్న ప్రగతిని అక్కడి కంపెనీల పనితీరుని ప్రధాని మన్మోహన్‌కి వివరిస్తున్నారు బరాక్‌ ఒబామా. ఈ క్రమంలో పెప్సీ కంపెనీ వంతు వచ్చింది.  2009లో పెప్సీ కంపెనీకి గ్లోబల్‌ సీఈవోగా భారత సంతతికి చెందిన ఇంద్రానూయి ఉన్నారు. ఆమెను చూడగానే ప్రధాని మన్మోహన్‌సింగ్‌ ఈమె మాలో ఒకరు అని ఒబామాతో అన్నారు. వెంటనే స్పందించిన బరాక్‌ ఒబామా ‘ ఆహ్‌! కానీ ఆమె మాలో కూడా ఒకరు’ అంటూ బదులిచ్చారు. శక్తివంతమైన రెండు దేశాలకు చెందిన అధినేతలు తనను మాలో ఒకరు అంటూ ‍ప్రశంసించడం తన జీవితంలో మరిచిపోలేని ఘటన అంటూ ఇంద్రనూయి తాజాగా ఓ ఇంటర్వ్యూలో తెలిపారు. ఆనాడు జరిగిన ఘటనను గుర్తు చేసుకుని సంబరపడ్డారు. భారత సంతతికి చెందిన ఇంద్రానూయి అమెరికాలో స్థిరపడ్డారు. 25 ఏళ్ల పాటు పెప్సీ కంపెనీలో పని చేశారు. అందులో 12 ఏళ్ల పాటు సీఈవోగా కొనసాగారు. ఆమె సీఈవోగా ఉన్న కాలంలో పెప్పీ కంపెనీ రెవెన్యూ 35 బిలియన్ల నుంచి 63 బిలియన్లకు చేరుకుంది. తొలి గ్లోబల్‌ మహిళా సీఈవోగా ఇంద్రనూయి రికార్డు సృష్టించారు. ఆమె తర్వాత ఇటీవల లీనా నాయర్‌ ఛానల్‌ సంస్థకు గ్లోబల్‌ సీఈవోగా నియమితులయ్యారు. 

సాక్షి, న్యూఢిల్లీ : ‘నేను వైట్‌హౌజ్‌లో ఉన్నప్పుడు పని ఒత్తిడి తట్టుకోలేక రోజుకు ఎనిమిది లేదా తొమ్మిది సిగరెట్లు తాగే వాడిని. ఒక రోజు సిగరెట్‌ తాగుతూ మాలియాకు పట్టుబడ్డాను. అంతే సిగరెట్‌ తాగడం మానేయాలని నిర్ణయానికి వచ్చాను’ అని అమెరికా మాజీ అధ్యక్షుడు బరాక్‌ ఒబామా తన వైట్‌హౌజ్‌ జీవితానికి సంబంధించిన గత స్మృతుల్లో వెల్లడించారు. అలా సిగరెట్‌ మానేయడానికి ఆయన ఎంత కష్టపడాల్సి వచ్చిందో కూడా అందులో ఆయన వివరించారు. ఒబామా అమెరికా అధ్యక్ష పదవిలో ఉన్నప్పుడు ‘మీరు సిగరెట్‌ తాగుతారా?’ అంటూ మీడియా అడిగిన ప్రశ్నకు ఆయనెప్పుడూ సూటిగా సమాధానం ఇవ్వలేదు.  (చదవండి : రాహుల్‌ గాంధీకి ఆ పట్టుదల లేదు : ఒబామా) సిగరెట్‌ తాగుతూ తన పెద్ద కూతురు మాలియాకు పట్టుబడ్డానని గత స్మృతుల్లో వెల్లడించిన ఒబామా.. మీడియాకు మాత్రం ఎప్పుడు పట్టుబడలేదు. అదే మాలియా స్నేహితులతో కలిసి సిగరెట్‌ తాగుతూ రెండు, మూడు సార్లు మీడియాకు దొరికి పోయారు. ఒబామా ఆఫ్రికా దేశమైన కెన్యాలో ఉన్నప్పుడు తన తండ్రి కుటుంబ సభ్యుల ముందు తాగేవారు. 1987లో ఆయన తన కుటుంబ సభ్యుల ఇంటి ముందు కూర్చొని సిగరెట్‌ తాగుతున్న ఫొటోలు నేటికి అందుబాటులో ఉన్నాయి.  అయితే ఆ అలవాటుకు అమెరికా అధ్యక్ష ఎన్నికల్లో పోటీ చేయడానికి ముందే ఒబామా స్వస్తి చెప్పారు. అమెరికా అధ్యక్షుడిగా శ్వేత భవనంలోకి అడుగు పెట్టాక పని ఒత్తిడి తట్టుకోలేక సిగరెట్‌ స్మోకింగ్‌ మళ్లీ మొదలు పెట్టానని, రోజుకు 8,9 సిగరెట్లు తాగే వాడినని ‘ఏ ప్రామిస్డ్‌ ల్యాండ్‌’ పేరిట ఆయన రాసిన స్మృతుల్లో చెప్పారు. రోజుకు 8,9 కాదు, పది సిగరెట్లు కూడా తాగే వారని ఆయన భార్య మిషెల్లీ ఒబామా తెలిపారు. ఆయన రాసిన పుస్తకం నవంబర్‌ 17వ తేదీన మార్కెట్లోకి వస్తోంది. ఒబామా తాను వైట్‌హౌజ్‌లో గడిపిన రోజుల నాటి స్మృతులతోపాటు తన కుటుంబంలో ఎదురైన ఒడుదుడుకుల గురించి కూడా ఆ పుస్తకంలో ఆయన వెల్లడించారట. 

కాలిఫోర్నియా : గురువారం ఉదయం కాలిఫోర్నియాలో వాతావరణం ఒక్కసారిగా మారిపోయింది. అడవిలో కార్చిచ్చు అంటుకొని అగ్ని కీలలు ఎగిసిపడి బారీగా మంటలు అంటుకున్నాయి. దీంతో నీలం రంగులో ఉండాల్సిన ఆకాశం మొత్తం నారింజ రంగులోకి మారింది. ఈ దృష్యాలను అమెరికన్లు తమ కెమెరాలో బంధించి సోషల్ మీడియాలో షేర్‌ చేశారు. వీళ్లలో అమెరికా మాజీ అధ్యక్షుడు బరాక్‌ ఒబామా కూడా ఉన్నారు. బరాక్‌ ఒబామా ఫోటోలను షేర్‌ చేస్తూ రాజకీయ కోణంలో చేసిన ఒక ట్వీట్‌ ఆసక్తికరంగా ఉంది. త్వరలో జరగబోయే అధ్యక్ష ఎన్నికలను దృష్టిలో పెట్టుకొని ఒబామా ట్వీట్‌ చేశారు. (చదవండి :వ్యాక్సిన్‌ పంపిణీపై ఐఎంఎఫ్‌ కీలక వ్యాఖ్యలు) 'వెస్ట్ కోస్ట్ ప్రాంతమంతటా మంటలంటుకొని వాతావరణం పూర్తిగా నారింజ రంగులోకి మారిపోయింది. ఈ ఘటన జరగడం దురదృష్టకరం. ప్రకృతి ప్రకోపంతో మారిపోయినట్లే దేశ రాజకీయాలు కూడా అంతే వేగంగా మారుతున్నాయి. ఇప్పుడు మన దేశాన్ని రక్షించడమనేది బ్యాలెట్‌ చేతుల్లో ఉంది. ప్రకృతిని కాపాడుకోవడానికి బాధ్యత అనే ఓటు ఎంత అవసరమో.. రాజకీయాల్లో కూడా ఓటుకు అంతే  పవర్‌ ఉంటుంది. దానిని సక్రమ మార్గంలో వినియోగించండి.' అంటూ కామెంట్ చేశారు.  కాలిఫోర్నియాలో మరోసారి కార్చిచ్చు కాలిఫోర్నియాలో మరోసారి అడవులను కార్చిచ్చు దహించివేస్తోంది. తాజాగా, చెలరేగిన దావానలంలో లక్షలాది ఎకరాల్లో అడవి దగ్ధమైంది. బారీగా చెలరేగిన మంటల కారణంగా సమీప ప్రాంతాల ప్రజలు ఇళ్లను ఖాళీచేసి సురక్షిత ప్రాంతాలకు తరలివెళ్తున్నారు. ఓరెగాన్‌లో వందలాది గృహాలు మంటలకు కాలిబూడిదయ్యాయని కాలిఫోర్నియా గవర్నర్ కేట్ బ్రౌన్ తెలిపారు.   ప్రస్తుత వాతావరణ పరిస్థితుల ప్రకారం ఉపశమనం లభించే సూచనలు కనిపించడంలేదని, గాలులు బలంగా వీస్తుండటంతో పట్టణాలు, నగరాలకు మంటలు వ్యాపిస్తున్నాయని ఆందోళన వ్యక్తం చేశారు. ఐదు పట్టణాలు గణనీయంగా దెబ్బతిన్నాయని చెప్పిన బ్రౌన్.. ఎన్ని గృహాలు మంటలకు ఆహుతయ్యాయనేది స్పష్టంగా చెప్పలేదు. కానీ, అత్యవసర నిర్వహణ అధికారులు 4,70,000 ఎకరాలకు పైగా అడవులు కాలిబూడిదవుతున్నట్టు తెలిపారు.

ఈ మాటను గుర్తుపెట్టుకోండి. ‘ఫిల్లీ గర్ల్‌’! అమెరికా ఎన్నికలు అయ్యాక.. ట్రంప్‌ (ఒకవేళ) ఓడిపోయాక.. బైడెన్‌ కొత్త అధ్యక్షుడయ్యాక.. ఫిల్లీ గర్ల్‌ అనే మాట మీరు వింటారు. ఆ ఫిల్లీ గర్ల్‌.. జిల్‌ బైడెన్‌. యు.ఎస్‌. కొత్త ప్రథమ మహిళ! జిల్‌ ట్రేసీ పవర్‌ గర్ల్‌. ఫిలడెల్ఫియా మెట్రోపాలిటన్‌ ఏరియాలో పెరిగిన అమ్మాయిల్నెవర్నీ ఆ పట్టణం ఎంతోకాలం పూర్తి అమాయకత్వంతో ఉంచదు. జిల్‌ ట్రేసీలా న్యూజెర్సీలో పుట్టి వచ్చిన అమ్మాయిల్నైనా సరే, వాళ్లెప్పుడు టీనేజ్‌లోకి వస్తారా అని ఎదురు చూస్తూ ఉంటుంది. పదహారేళ్లు వచ్చేటప్పటికే జిల్‌ ట్రేసీ కూడా ఫిల్లీ గర్ల్‌ అయిపోయింది. అంటే.. ఫిలడెల్ఫియా సమర్పించిన పవర్‌ గర్ల్‌ అన్నమాట! ఆ వయసుకే ఫిలడెల్ఫియా స్పోర్ట్స్‌ టీమ్‌లోని కళ్లన్నీ జిల్‌ ట్రేసీ మీద పడ్డాయి. కాస్త తొందరపాటు ఉత్సాహంతో ముందుకు వచ్చిన ప్లేబాయ్‌ చూపుల్ని ట్రేసీ తన నొప్పించని తృణీకారపు నవ్వుతో పక్కకు తోసేసేది. అందం కాదు ఆ అమ్మాయిలోని గురుత్వాకర్షణ. టఫ్‌గా ఉంటుంది. అది నచ్చేది అబ్బాయిలకు. ‘టఫ్‌ కుకీ ఫిల్లీ గర్ల్‌’ అని పేరు కూడా పెట్టేశారు. ఫిజికల్‌గా, క్విజికల్‌గా ఉన్నవాళ్లను.. ముఖ్యంగా అమ్మాయిల్ని.. ‘టఫ్‌ కుకీ’లు అనడం ఫిలడెల్ఫియా పరాజిత బాలుర నిస్సహాయ నైజం. పదిహేనేళ్ల వయసులో ట్రేసీ న్యూజెర్సీలో వెయిట్రెస్‌గా చిన్న ఉద్యోగాన్ని వెతుక్కున్నప్పుడే స్లాట్లాండ్‌ యాస లో ఆమె మాట్లాడే ఫిలడెల్ఫియా ఇంగ్లిష్‌కు సహచరులు ఆమెను ప్రేమించడం మొదలు పెట్టీ పెట్టగానే భగ్న హృదయులైపోయారు. ట్రేసీకి తల్లి నుంచి వచ్చిన ఆకర్షణీయమైన యాస అది. గృహిణి ఆమె. తండ్రి బ్యాంకు ఉద్యోగి. ట్రేసీ తర్వాత నలుగురూ చెల్లెళ్లే. పద్దెనిమిదేళ్లకే ట్రేసీ డిగ్రీ పూర్తయింది. పందొమ్మిదేళ్లకు పెళ్లి చేసుకుంది. బిల్‌ స్టీవెన్‌సన్‌ అతడి పేరు. ఫుట్‌బాల్‌ ప్లేయర్‌. ఫిలడెల్ఫియా స్పోర్ట్‌ టీమ్‌లో ఆమె మనసును గెలిచినవాడు. మనసును గెలిచాడే గానీ, మనసును తెలుసుకోలేకపోయాడు! పెళ్లయ్యాక ఐదేళ్లే కలిసి ఉన్నారు! మూడో వ్యక్తి ప్రవేశం తన భార్యను తన నుంచి వేరుచేసిందని నాలుగు రోజుల క్రితం కూడా అన్నాడు స్టీవెన్‌సన్‌. ఆ మూడో వ్యక్తి.. జో బైడెన్‌. ప్రస్తుతం డొనాల్డ్‌ ట్రంప్‌పై అమెరికా అధ్యక్ష పదవికి పోటీ పడుతున్న డెమోక్రాటిక్‌ పార్టీ అభ్యర్థి. స్టీవెన్‌సన్‌తో విడాకులు తీసుకున్న రెండేళ్లకే జో బైడెన్‌ను పెళ్లి చేసుకున్నారు జిల్‌ ట్రేసీ. ఈ ఎన్నికల్లో బైడెన్‌ అమెరికా అధ్యక్షుడిగా ఎన్నికైతే.. జిల్‌ ట్రేసీ అమెరికా ప్రథమ మహిళ అవుతారు.  న్యూయార్క్‌లోని ఐక్యరాజ్య సమితి ప్రార్థనామందిరంలో (చాపెల్‌) 1977 లో జో బైడెన్, జిల్‌ ట్రేసీల పెళ్లి జరిగింది. బైడెన్‌కు అప్పటికే పిల్లలు ఉన్నారు. భార్య, కూతురు రోడ్డు ప్రమాదంలో చనిపోయి, ఇద్దరు కొడుకులతో ఒంటరిగా ఉన్న సమయంలో ట్రేసీ అతడికి పరిచయం అయ్యారు. రెండోసారి పెళ్లి అయేనాటికి ఆమె వయసు 26. బైడెన్‌కు 34 ఏళ్లు. వీళ్లిద్దరికీ ఒక కూతురు. ఇప్పటికి ముగ్గురు పిల్లల పెళ్లిళ్లూ అయిపోయాయి. పెద్దకొడుకు బ్యూ బైడెన్‌ పేరున్న లాయర్‌. బ్రెయిన్‌ ట్యూమర్‌తో చనిపోయాడు. చిన్నకొడుకు హంటర్‌ బైడెన్‌ ఇన్వెస్ట్‌మెంట్‌ అడ్వయిజర్‌. కూతురు ఆష్లీ సోషల్‌ వర్కర్‌. ట్రేసీతో పెళ్లయ్యేనాటికే జో బైడెన్‌ కౌంటీ కౌన్సిల్‌ సభ్యుడు. ఈ నలభై మూడేళ్ల కెరీర్‌లో అతడి అత్యున్నత స్థాయి అమెరికా ఉపాధ్యక్ష పదవి. బరాక్‌ ఒబామాతో కలిసి ఎనిమిదేళ్లు ఆ స్థానంలో ఉన్నారు. ఇప్పుడు అధ్యక్ష పదవికి పోటీలో ఉన్నారు. జిల్‌ ట్రేసీ మాత్రం తనకెంతో ఇష్టమైన టీచింగ్‌ ప్రొఫెషన్‌లోనే ఉండిపోయారు. బైడెన్‌ ఉపాధ్యక్షుడు అయ్యాక కూడా ‘ద్వితీయ మహిళ హోదా’ను వార్డ్‌రోబ్‌లో పడేసి, రోజూ కాలేజ్‌కి వెళ్లి రావడం మాత్రం ఆమె మానలేదు. విల్లింగ్టన్‌లోని సెయింట్‌ మార్క్స్‌ హైస్కూల్‌లో ఇంగ్లిష్‌ టీచర్‌ గా ఆమె ఉద్యోగ జీవితం మొదలైంది. ప్రస్తుతం ఆమె నార్తర్న్‌ వర్జీనియా కమ్యూనిటీ కాలేజ్‌లో ఇంగ్లిష్‌ ప్రొఫెసర్‌. బైడెన్‌ ఒక్కో మెట్టూ రాజకీయాల్లో ఎదుగుతూ ఉంటే జిల్‌ ట్రేసీ అధ్యాపక వృత్తికి అవసరమైన ఒక్కో డిగ్రీ పూర్తి చేసుకుంటూ వచ్చారు. ఇప్పుడు కూడా ఆమె.. తన భర్త అమెరికా అధ్యక్షుడు అయ్యాక కూడా తను మాత్రం కాలేజ్‌కి వెళ్లొస్తుంటాననే చెబుతున్నారు! ఆమెలోని ‘ఫిల్లీ గర్ల్‌’.. తనను ఆరాధించిన వారిని సున్నితంగా నిరాకరించిన విధంగానే వైట్‌ హౌస్‌ ఇచ్చే గొప్ప హోదా కన్నా, ఇంగ్లిష్‌ ప్రొఫెసర్‌ అనే గుర్తింపునే ఎక్కువగా ఇష్టపడుతున్నట్లు కనిపిస్తోంది.

వాషింగ్టన్‌ : ప్రపంచమంతా కరోనా వైరస్‌ ధాటికి భయాందోళనకు గురవుతుంటే అగ్రరాజ్యం అమెరికాలో మాత్రం రాజకీయ వేడి సెగలు పుట్టిస్తోంది. ప్రపంచ దేశాలపై ఆధిపత్యం చలాయించే అమెరికా తదుపరి అధ్యక్షుడు ఎవర్న అంశం సర్వత్రా చర్చనీయాంశంగా మారింది. ఇప్పటికే ఇరు పార్టీల అభ్యర్థులు ప్రచారంలో దూసుకుపోతున్నారు. ఈ నేపథ్యంలోనే అమెరికా మాజీ అధ్యక్షుడు బరాక్‌ ఒబామా చేసిన వ్యాఖ్యలు సంచలనంగా మారాయి. అమెరికాకు తదుపరి ప్రెసిడెండ్‌ డెమోక్రాటిక్‌ అభ్యర్థి జో బిడెన్‌ అంటూ జోస్యం చెప్పారు. బిడెన్‌  విధానాలకు తాము సంపూర్ణ మద్దతు తెలుపుతున్నట్లు ప్రకటించారు. ఈ మేరకు శుక్రవారం సోషల్‌ మీడియా‌ వేదికగా ఒబామా చేసిన ట్వీట్‌ రాజకీయ వర్గాల్లో చర్చనీయాంశంగా మారింది. (అంతకంటే పీడకల మరొకటి ఉండదు: ట్రంప్‌) మరోవైపు రిపబ్లిక్‌ పార్టీ అభ్యర్థి ప్రస్తుత అధ్యక్షుడు డొనాల్డ్‌ ట్రంప్‌ పాలనపై ఒబామా ఇదివరకే విమర్శల దాడి ప్రారంభించిన విషయం తెలిసిందే. వచ్చే ఎన్నికల్లో ట్రంప్‌ను తిరిగి ఎన్నుకుంటే అమెరికన్ ప్రజాస్వామ్యం మనుగడ సాగించలేదని ఇదివరకు ఘాటు వ్యాఖ్యలతో విరుచుకుపడ్డారు. ఈ ఏడాది నవంబర్ లో జరిగే అమెరికా అధ్యక్ష ఎన్నికల కోసం డెమోక్రాట్ పార్టీ తరపున జో బిడెన్ నామినేట్ అయిన విషయం తెలిసిందే. ఎన్నికల ప్రచారంలో భాగంగా డెమొక్రాట్‌ పార్టీ నిర్వహించిన ఎన్నికల ర్యాలీలో ఒబామా పాల్గొంటూ ట్రంప్‌కు వ్యతిరేకంగా బిడెన్‌కు మద్దతుగా ప్రచారం చేస్తున్నారు. ఈ నేపథ్యంలో ట్రంప్‌-ఒబామా మధ్య మాటల యుద్ధం తారాస్థాయికి చేరింది.

వాషింగ్టన్‌: భారత సంతతికి చెందిన సారా గిడియాన్(48) అనే మహిళను మైనే రాష్ట్రం డెమొక్రటిక్ పార్టీ సెనెటర్ అభ్యర్థిగా అమెరికా మాజీ అధ్యక్షుడు బరాక్‌ ఒబామా ఆమోదించారు. నవంబర్‌లో జరగనున్న అధ్యక్ష ఎన్నికలలో ఇది అత్యధిక పోటీ ఉండే సెనేట్ రేసుల్లో ఒకటి.  దేశవ్యాప్తంగా అనేక రాష్ట్రాలకు చెందిన అభ్యర్థుల పేర్లను ఒబామా ప్రకటించారు. ఆ పేర్లలో భారత సంతతికి చెందిన సారా గిడియాన్ కూడా ఉన్నారు. 48 ఏళ్ల ఎంఎస్ గిడియాన్ ప్రస్తుతం మైనే స్టేట్ అసెంబ్లీ స్పీకర్‌గా ఉన్నారు. రిపబ్లికన్ సెనేటర్ సుసాన్ కాలిన్స్‌కు గట్టి పోటీ ఇస్తున్నారు.  సారా గిడియాన్‌ను అభ్యర్థిగా పెడితే ఆ సెనెటర్ స్థానం డెమొక్రటిక్ పార్టీ గెలుచుకునే అవకాశాలు ఎక్కువగా ఉన్నాయని పార్టీ నేతలు గట్టిగా నమ్ముతున్నారు. అమెరికాలో ప్రతిష్టాత్మకమైన సెనెటర్ స్థానాల్లో మైనే రాష్ట్రం కూడా ఒకటి. ఇటీవల వచ్చిన పోల్స్ ఫలితాల్లో కూడా సారా గిడియాన్‌కు ఎక్కువ శాతం మంది మద్దతు తెలిపినట్టు తేలింది. కాల్సిన్‌కు 44 శాతం లీడ్‌ ఉండగా సారా గిడియాన్‌ పోటీతో అది 39 శాతానికి పడిపోయింది. గిడియాన్‌ తండ్రిది భారత్‌, తల్లిది అమెరికా. ఆలోచనాత్మక, అధిక అర్హత కలిగిన వారిని సెనెటర్ అభ్యర్థులుగా ఆమోదించడం గర్వంగా ఉందని ఒబామా ఈ సందర్భంగా విడుదల చేసిన మీడియా ప్రకటనలో పేర్కొన్నారు. తాను ఆమోదించిన అభ్యర్థులందరూ ప్రజల కోసం పాటుపడతారని ఒబామా అన్నారు. రిపబ్లికన్ పార్టీ నుంచి ప్రస్తుతం సెనెటర్‌గా వ్యవహరిస్తున్న సూసన్ కాలిన్స్ మరోమారు తన అదృష్టాన్ని పరీక్షించుకుంటున్నారు. సారా ఒకవేళ నవంబర్‌లో ఎన్నికైతే అమెరికా సెనెట్‌కు ఎన్నికైన రెండో ఇండియన్ అమెరికన్ మహిళ‌గా గుర్తింపు పొందుతారు.  సారా గిడియాన్‌తో పాటు రిపబ్లికన్ పార్టీ నుంచి మరో ఇద్దరు ఇండియన్ అమెరికన్స్ సెనెట్‌కు పోటీ చేస్తున్నారు. కాలిఫోర్నియా నుంచి మొట్టమొదటి సారి భారత సంతతి మహిళ అయిన కమలా హ్యారిస్ అమెరికా సెనేట్‌కు ఎన్నికయిన సంగతి తెలిసిందే.  చదవండి: అన్నంత పని చేసిన ట్రంప్‌!

ప్రపంచ సినిమాల తీర్థస్థలి – ఆస్కార్‌ వేడుకలో– ఈసారి మన గాలి వీచింది. మన ఖండపు దేశానికి అభిషేకం జరిగింది. హాలీవుడ్‌ పండితులు దక్షిణ కొరియా సినిమా ‘పారసైట్‌’కు మరో మాట లేనట్టుగా టెంకాయ్‌ కొట్టి దండం పెట్టారు. నాలుగు అవార్డులు సమర్పించుకున్నారు. హాలీవుడ్‌ పెత్తనాన్ని కొరియన్‌ సినిమా ఓడించిన సందర్భం ఇది. కొరియా భాష గెలిచిన సన్నివేశం ఇది. నిజంగా ఇది ఆసియావాసుల గెలుపు. మన గెలుపు. ‘తలచినదే జరిగినదా? జరిగేదే తలచితిమా?’ అని పాడుతున్నారు ఆస్కార్‌ అవార్డులను తీక్షణంగా అనుసరించేవాళ్లు. అవును.. ఈ ఏడాది ఆస్కార్‌లో ఆశ్చర్యాలు పెద్దగా లేవు. అన్నీ అనుకున్నట్టుగానే జరిగాయి. గెలుస్తారు అనుకున్న విజేతల పేర్లే ప్రకటించబడ్డాయి. ‘పారసైట్‌’ హవా ఉంటుంది అనుకున్నారు. అదే జరిగింది. ఉత్తమ నటుడిగా ఓక్విన్‌ ఫీనిక్స్‌ స్పీచ్‌ వినబోతున్నాం అనుకున్నారు. అలాగే అయింది. ఇలా ఆస్కార్‌ వేడుక జరగక ముందు జరిగిన చర్చల్లో ఊహించినవి ఊహించినట్టే ఎక్కువ శాతం జరగడం ఓ విశేషం. మరి విషయానికి వస్తే... 92వ అకాడమీ అవార్డుల వేడుక ఆదివారం సాయంత్రం లాస్‌ ఏంజెల్స్, కాలిఫోర్నియాలోని డాల్బీ థియేటర్‌లో ఘనంగా జరిగింది. గత ఏడాది జరిగిన 91వ ఆస్కార్‌ వేడుకలానే ఈసారి కూడా వ్యాఖ్యాత లేకుండా కార్యక్రమాన్ని నిర్వహించారు. ఈ ఏడాది అత్యధికంగా 11 నామినేషన్లు దక్కించుకున్న ‘జోకర్‌’ కేవలం రెండు అవార్డులతో సరిపెట్టుకుంది. ‘ది ఐరిష్‌ మేన్‌’, ‘1917’, ‘వన్సపాన్‌ ఏ టైమ్‌ ఇన్‌ హాలీవుడ్‌’ సినిమాలు ఒక్కోటి పది నామినేషన్లు చొప్పున దక్కించుకుంటే ‘1917’ మూడు అవార్డులు, ‘వన్సపాన్‌ ఏ టైమ్‌ ఇన్‌ హాలీవుడ్‌’ రెండు అవార్డులు, ‘ది ఐరిష్‌ మేన్‌’ ఒక్క అవార్డు గెలుచుకున్నాయి. ఆరు విభాగాల్లో నామినేషన్లు పొందిన ‘పారసైట్‌’ ఈ ఏడాది అత్యధికంగా నాలుగు అవార్డులు గెలుపొందింది. ఇంగ్లిష్‌లో తెరకెక్కించని ఒక సినిమాకు ‘ఉత్తమ చిత్రం’ అవార్డు రావడం 92 ఏళ్ల ఆస్కార్‌ చరిత్రలో మొదటిసారి జరిగింది. ఆ విధంగా ‘పారసైట్‌’ చరిత్ర సృష్టించింది. అంతేకాదు.. సౌత్‌ కొరియాకి తొలి ఆస్కార్‌ తీసుకెళ్లిన ఘనత కూడా ఈ సినిమాదే. ఉత్తమ సహాయనటిగా తొలిసారి ఆస్కార్‌ అవార్డును అందుకున్నారు లారా డెర్న్‌.  నెట్‌ఫ్లిక్స్‌ నిర్మించిన ‘మ్యారేజ్‌ స్టోరీ’ సినిమాలో కీలక పాత్ర చేశారామె. ఈ ఆస్కార్‌ అవార్డు ఆమెకు బర్త్‌డే గిఫ్ట్‌గా మారింది. లారా ఫిబ్రవరి 10న జన్మించారు. ఆస్కార్‌ వేడుక ఫిబ్రవరి 9న జరిగింది. ‘‘బర్త్‌డే వేడుకలు కొంచెం ముందస్తుగా మొదలయ్యాయి’’ అని పేర్కొన్నారు లారా తోటి నటులు. ఉత్తమ సహాయ నటుడిగా బ్రాడ్‌ పిట్‌ తన తొలి ఆస్కార్‌ అందు కున్నారు.  ఉత్తమ సినిమాటో గ్రాఫర్‌గా ‘1917’ చిత్రానికిగాను రోజర్‌ డీకిన్స్‌ అవార్డు అందుకున్నారు. ‘బ్లేడ్‌ రన్నర్‌ 2049’ (2017) చిత్రానికి ఆయన తొలి ఆస్కార్‌ దక్కించుకున్నారు. మళ్లీ దక్కింది ఉత్తమ నటి: రెనీజెల్‌ వెగర్‌ ఓక్విన్‌ ఫీనిక్స్‌ ఉత్తమ నటుడిగా అవార్డు అందుకుంటారని అందరూ ఊహించినట్టే ఉత్తమ నటిగా రెనీజెల్‌ వెగర్‌ గెలుస్తారని కూడా ఊహించారు. ఆస్కార్‌కు ముందు జరిగిన ‘బాఫ్తా, గోల్డెన్‌ గ్లోబ్స్, క్రిటిక్స్‌ ఛాయిస్‌ అవార్డ్స్, ఎస్‌ఏజీ (స్క్రీన్‌ యాక్టర్స్‌ గిల్డ్‌) ల్లో ‘జూడి’ చిత్రానికిగాను అవార్డును అందుకున్నారు రెనీజెల్‌ వెగర్‌.  హాలీవుడ్‌ ఐకాన్‌ జూడి గార్లాండ్‌ జీవితం ఆధారంగా తెరకెక్కిన చిత్రం ‘జూడి’.  జూడి పాత్రను పోషించినందుకుగాను నటి రెనీజెల్‌ వెగర్‌ ఆస్కార్‌ను అందుకున్నారు. ఈ అవార్డును అందుకుంటూ తనకు స్ఫూర్తిగా నిలిచిన హీరోలందర్నీ గుర్తు చేసుకున్నారు రెనీజెల్‌. ‘‘జూడి గార్లాండ్‌ ఆస్కార్‌ను అందుకోలేకపోయారు. ఆమె వారసత్వాన్ని సెలబ్రేట్‌ చేసుకోవడానికే ఈ అవార్డు లభించిందని అనుకుంటున్నాను. మనకు స్ఫూర్తిగా నిలిచిన హీరోలే మనలోని అత్యుత్తమ ప్రతిభను బయటకు తీసుకురాగలరు. మనల్ని ఏకం చేయగలరు’’ అన్నారు రెనీజెల్‌. ఆమెకు ఇది రెండో ఆస్కార్‌. గతంలో ‘కోల్డ్‌ మౌంటేన్‌’ చిత్రానికి సహాయ నటిగా అవార్డు అందుకున్నారు. సాహో బాంగ్‌ జూన్‌ హూ ఉత్తమ దర్శకుడు: బాంగ్‌ జూన్‌ హూ ఒక కల నెరవేరింది. చరిత్ర సృష్టింపబడింది. ఆస్కార్‌ అవార్డు కోసం కొరియా ప్రయత్నం ఫలించింది. ఆస్కార్‌ నుంచి ప్రశంసగా చిన్న జల్లు కోరుకుంటే జడివానే కురిపించింది. ఇటీవలే కొరియన్‌ సినిమా నూరేళ్ల వార్షికోత్సవాన్ని పూర్తి చేసుకుంది. ఎన్నో ప్రపంచ స్థాయి సినిమాలను, ప్రపంచస్థాయి ప్రతిభను ఇంతకాలంగా ప్రదర్శిస్తూనే ఉంది. అయినప్పటికీ కొరియన్‌ కళామతల్లికి నైవేద్యంగా పెట్టడానికి ఆస్కార్‌ లేకుండాపోయింది. ఆ దేశపు దర్శకులు పార్క్‌ చాన్‌ ఊక్, జాంగ్‌ హూన్, కిమ్‌ జీ ఊన్, లీ జూ–ఇక్‌ ఆస్కార్‌ తీసుకొస్తారనుకున్నా గతంలో నిరాశే మిగిలింది. కానీ ఆ లోటుని బాంగ్‌ జూన్‌ హూ తీర్చేశారు. ప్రస్తుతం కొరియా అంతా బాంగ్‌ జూన్‌ çహూను ‘సాహో’ అని కీర్తిస్తోంది. ఆయన స్వీయదర్శకత్వంలో నిర్మించిన ‘పారసైట్‌’ చిత్రం ఈ ఏడాది నాలుగు ఆస్కార్లను గెలుచుకుంది. మొత్తం 6 విభాగాల్లో (ఉత్తమ చిత్రం, విదేశీ చిత్రం, దర్శకుడు, ఒరిజినల్‌ స్క్రీన్‌ప్లే, ప్రొడక్షన్‌ డిజైన్, ఎడిటింగ్‌) నామినేషన్‌ దక్కించుకున్న ఈ చిత్రం 4 అవార్డులు (ఉత్తమ చిత్రం, దర్శకుడు, విదేశీ చిత్రం, స్క్రీన్‌ప్లే విభాగల్లో) కైవసం చేసుకుంది. సుమారు 50 మిలియన్ల జనాభా ఉండే దేశం సౌత్‌ కొరియా. విస్తీర్ణంలో చూసుకుంటే చాలా చిన్నది. ఇరుకైనది. చోటు కోసమే అందరి పోటీ అంతా. నీకు మరింత చోటు కావాలంటే మరింత ధనికుడివై ఉండాలన్నది అక్కడి సిద్ధాంతం. సినిమా ఎప్పుడూ సమాజానికి అద్దమే అంటారు. అవును.. ‘పారసైట్‌’ కూడా అద్దమే. కొరియన్‌లో తయారైన అద్దం. కొరియాలో జరుగుతున్న వర్గ వివక్షను చూపెట్టిన అద్దం. ‘పారసైట్‌’లో కిమ్‌ కుటుంబం చాలా పేదది. ఆకలి తీర్చుకోవడానికి కూడా ఇబ్బంది పడేంత. మరోవైపు పార్క్‌ కుటుంబం చాలా డబ్బున్నది. అవసరమైన ప్రతీ పనికి పనివాళ్లను నియమించుకునేంత. చాలా తెలివిగా పార్క్‌ ఫ్యామిలీలోకి ప్రవేశిస్తారు కిమ్‌ కుటుంబ సభ్యులు. ఆ తర్వాత జరిగే కథాంశమే ‘పారసైట్‌’. రెండు భిన్న జాతులకు చెందిన జీవుల మధ్య సావాసం ఏర్పడినప్పుడు, ఒక జీవి రెండోదానికి నష్టం కలిగిస్తూ లాభం పొందుతూ జీవిస్తుంది. లాభం పొందే దాన్నే పరాన్న జీవి (పారసైట్‌) అంటారు. క్లుప్తంగా కథనంతా టైటిల్‌లోనే చెప్పారు దర్శకుడు బాంగ్‌ జూన్‌ హూ. ‘‘కొరియా పరిస్థితులను ఆధారం చేసుకుని తయారు చేసిన కథ ఇది. కానీ ప్రపంచవ్యాప్తంగా అందరూ కనెక్ట్‌ అవుతున్నారు. అంటే ఇది కేవలం కొరియన్‌ సమస్య కాదు ప్రపంచంలో అందరూ ఎదుర్కొంటున్న సమస్య’’ అంటారు బాంగ్‌. ఉత్తమ దర్శకుడిగా అవార్డు అందుకున్నాక ‘‘ఉత్తమ విదేశీ చిత్రానికి అవార్డు అందుకున్నప్పుడే ఈసారికి మన కోటా అయిపోయిందిలే అనుకున్నాను. కానీ థ్యాంక్యూ. ఉత్తమ చిత్రం, ఉత్తమ దర్శకుడు, స్క్రీన్‌ప్లేకి అవార్డులు వచ్చాయి. నేను సినిమా గురించి నేర్చుకుంటున్న సమయంలో ‘మన పని ఎంత వ్యక్తిగతమైనది అయితే అంత సృజనాత్మకంగా ఉంటుంది’ అని మార్టిన్‌ స్కోర్సిసీ చెప్పిన మాటలు నాలో ఉండిపోయాయి. నేను మార్టిన్‌ సినిమాల ద్వారా చాలా నేర్చుకున్నా. గెలవడం సంగతి పక్కన పెట్టండి, ఆయనతో కలసి నామినేషన్‌ పొందడం నా అదృష్టంగా భావిస్తున్నాను. ఒకవేళ అకాడమీ వాళ్లు అనుమతి ఇస్తే ఈ అవార్డుని ఐదు భాగాలు చేసి ఈ విభాగంలో (దర్శకులు) నామినేట్‌ అయిన అందరికీ వాటా ఇవ్వాలనుకుంటున్నాను. ఈ రాత్రంతా తాగుతూనే కూర్చుంటాను’’ అని ప్రసంగాన్ని ముగించారు బాంగ్‌. జోకర్‌ బన్‌ గయా హీరో ఉత్తమ నటుడు: ఓక్విన్‌ ఫీనిక్స్‌ ‘ప్రతిభకు పట్టాభిషేకం జరగడం ఆలస్యం అవుతుందేమో కానీ జరక్కుండా మాత్రం ఉండదు’... ఉత్తమ నటుడిగా ఓక్విన్‌ ఫీనిక్స్‌ పేరుని ప్రకటించినప్పుడు ఎంతో మంది అనుకున్న మాట ఇది. గతంలో ‘ది మాస్టర్‌’, ‘వాక్‌ ది లైన్‌’,  ‘గ్లాడియేటర్‌’ చిత్రాలకుగానూ ఉత్తమ నటుడిగా నామినేట్‌ అయ్యారు ఓక్విన్‌. ఆస్కార్‌ తనదే అని ఆశగా ఎదురుచూశారు. నిరాశే ఎదురయింది. ఈసారి మాత్రం ఉత్తమ నటుడు ఓక్విన్‌ ఫీనిక్సే అని ముక్తకంఠంతో అభిప్రాయాలు వ్యక్తమయ్యాయి. కారణం ‘జోకర్‌’గా ఆయన నటన ముగ్ధుల్ని చేయడమే. ముఖానికి రంగేసుకుని కామెడీ చేసేవాడే మనందరికీ తెలిసిన జోకర్‌. కానీ తనలోని ట్రాజెడీని తెలియజెప్పిన చిత్రం ‘జోకర్‌’. కామిక్‌ బుక్స్‌లో బ్యాట్‌మేన్‌ ఎదుర్కొన్న విలన్‌ జోకర్‌. బ్యాట్‌మేన్‌ చిత్రాల్లో చాలా ఏళ్లుగా ఈ పాత్రను చూస్తూనే ఉన్నారు ప్రేక్షకులు. అసలెవరీ జోకర్‌? అతని పుట్టుపూర్వోత్తరాలేంటి? అతను అలా మారడానికి (తయారవడానికి) కారణాలేంటి? అనే విషయాలను ప్రస్తావిస్తూ ‘జోకర్‌’ సినిమాను రూపొందించారు దర్శకుడు టాడ్‌ ఫిలిప్‌ (ఉత్తమ దర్శకుడిగా నామినేషన్‌ పొందారు కూడా). ‘జోకర్‌’ కథ విషయానికొస్తే... సందర్భంతో పనిలేకుండా పగలబడి న వ్వుతుండే విచిత్రమైన డిజార్డర్‌తో బాధపడుతుంటాడు ఆర్థర్‌ ఫ్లెక్‌ (ఓక్విన్‌ ఫీనిక్స్‌). స్టాండప్‌ కమేడియన్‌ అవ్వాలన్నది అతని ఆశ. కానీ అతను నివసిస్తున్న గోతమ్‌ సిటీలో అప్పటికే నిరుద్యోగం, క్రైమ్‌ పెరిగిపోయి ఉంటుంది. ఈ క్రమంలో తన చుట్టూ ఉన్న పరిస్థితులు, తన మానసిక æస్థితి తనని ఎలాంటిగా మనిషిగా మార్చాయి? తను ఎంచుకున్న మార్గమేంటి? అనే కథాంశంతో ‘జోకర్‌’ సినిమా తెరకెక్కింది. చట్ట విరుద్ధమైన పనులు చేసేందుకు ప్రేరేపించేలా ఉందని కొద్దిపాటి కాంట్రవర్శీ కూడా ఈ సినిమాను చుట్టుకుంది. అయినప్పటికీ విపరీతమైన జనాదరణ లభించింది. ఓక్విన్‌ నటనకు ఆస్కార్‌ అతని ఇంటికొస్తుంది అనే ప్రశంసల జల్లు కురిసింది. ఈ మధ్య జరిగిన ‘బాఫ్తా’, ‘క్రి టిక్స్‌ ఛాయిస్‌ అవార్డ్స్‌’, ‘ఎస్‌ఏజీ అవార్డ్స్‌’, ‘గోల్డెన్‌ గ్లోబ్స్‌ అవార్డ్స్‌’ అవార్డు వేడుకల్లో ఉత్తమ నటుడి అవార్డు ఎన్వలప్స్‌లో కూడా ఓక్విన్‌ ఫీనిక్స్‌ పేరే ఉంది. కొత్త ప్రపంచం తయారు చేద్దాం ఓక్విన్‌ తన ప్రసంగంలో ప్రస్తుతం ప్రపంచమంతా ఎదుర్కొంటున్న కొన్ని సీరియస్‌ సమస్యలను చర్చించారు. ‘‘ప్రస్తుతం మనందరం లింగ వివక్ష, వర్ణ వివక్ష, జంతు హక్కులు వంటి సమస్యలపై పోరాడుతున్నాం. ఒక జాతి (అది దేశం అయినా, వర్ణం అయినా, వర్గం అయినా సరే) మరో జాతిని కంట్రోల్‌ చేయొచ్చు, వాళ్లను దోచుకోవచ్చు అనే నమ్మకానికి విరుద్ధంగా పోరాడుతున్నాం. మనం చేసే ప్రతీ పనిలో ప్రేమ, కరుణ అనేవి ముఖ్య ఉద్దేశాలైతే మనందరం కలసి అందరికీ ఉపయోగపడే ఓ కొత్త ప్రపంచాన్ని తయారు చేయవచ్చు. గతంలో నేను చాలాసార్లు స్వార్థంగా ప్రవర్తించాను. కానీ ఈ హాల్లో (ఆస్కార్‌ థియేటర్‌లో వాళ్లను ఉద్దేశిస్తూ) ఉన్నవాళ్లు నాకు రెండో అవకాశం ఇచ్చారు. మనం తిరిగి పుంజుకోవడానికే ఈ రెండో అవకాశం’’ అని పేర్కొన్నారు ఫీనిక్స్‌. సూట్‌గా చెప్పారు అవార్డు ఫంక్షన్‌ జరిగేది ప్రతిభను పురస్కరించుకోవడానికే అయినా హంగూ ఆర్భాటాలను ప్రదర్శించడానికి కూడా. కాని ఓక్విన్‌ ఆ హంగు లేకుండా గత అవార్డు ఫంక్షన్‌లకు వేసుకున్న సూట్‌నే వేసుకొచ్చారు. ఏం అని అడిగితే ఎందుకూ... అనవసర ఖర్చు అని తేల్చేశారు. ఒబామాకి ఆస్కార్‌ బరాక్‌ ఒబామా, ఆయన భార్య మిచెల్లీ ఒబామా నిర్మాణ సంస్థలో రూపొందిన ‘అమెరికన్‌ ఫ్యాక్టరీ’ ఉత్తమ డాక్యుమెంటరీగా అవార్డు గెలుచుకుంది. వాళ్ల నిర్మాణ సంస్థ ‘హయ్యర్‌ గ్రౌండ్‌’ నిర్మించిన తొలి డాక్యుమెంటరీ ఇది. ‘‘ఉత్తమ కథలన్నీ చాలా తక్కువ సందర్భాల్లోనే శుభ్రంగా, పర్ఫెక్ట్‌గా ఉంటాయి. నిజాలన్నీ అలాంటి కథల్లోనే దాగుంటాయి’’ అని ట్వీట్‌ చేశారు ఒబామా. ఈ అవార్డు ఫంక్షన్‌కి ఒబామా హాజరు కాకపోవడంతో ఈ సినిమా కో డైరెక్టర్‌ అవార్డును అందుకున్నారు. గ్లామర్‌ గౌన్లు ఆస్కార్‌ వేడుకలో సెంటరాఫ్‌ ఎట్రాక్షన్‌ అంటే.. రెడ్‌ కార్పెట్‌పై స్టార్స్‌ ‘క్యాట్‌వాక్‌’. డిజైనర్‌ గౌన్లు, నగలతో చూడ్డానికి రెండు కళ్లూ చాలవన్నట్లుగా తయారై వస్తారు. ఉత్తమ నటి విభాగంలో నామినేషన్‌ దక్కించుకున్న సింథియా ఎరివో తెలుపు రంగులో మెరిశారు. నగలేవీ ధరించకుండా సింపుల్‌గా వచ్చేశారామె. సిల్క్‌ గౌనులో నటి, గాయని స్కార్లెట్‌ జోహాన్‌సన్‌ అందరి కళ్లూ తనవైపు తిప్పుకున్నారు. ఆమె ధరించిన 27 క్యారెట్ల వజ్రపు చెవి దుద్దులు ఓ ఎట్రాక్షన్‌. లైట్‌ పింక్‌ కలర్‌లో తళుకులీనుతున్న బ్రీ లార్సన్‌ గౌన్‌ చూశారు కదా. çపూసలు, రాళ్లతో ఈ గౌనుని డిజైన్‌ చేశారు. మొత్తం 1200 గంటలు పట్టిందట. అంటే.. ఈ గౌను తయారీకి 50 రోజులు పట్టింది. ఇంకా నటి పెనిలోప్‌ క్రూజ్‌ నలుపు రంగు గౌను, నడుముకి ముత్యాల బెల్ట్‌తో, ఉత్తమ నటి విభాగంలో నామినేషన్‌ దక్కించుకున్న చార్లెస్‌ థెరాన్‌ నలుపు రంగు గౌనులో.. ఇలా తారలందరూ రెడ్‌ కార్పెట్‌పై వయ్యారంగా నడిచి వచ్చిన వేళ కాలం స్తంభించిపోతే బాగుండు అనిపించే చిలిపి ఆలోచన రానివాళ్లు ఉండరేమో. విజేతల వివరాలు ఉత్తమ చిత్రం: పారసైట్‌ ఉత్తమ నటుడు: ఓక్విన్‌ ఫీనిక్స్‌ (జోకర్‌) ఉత్తమ నటి: రెనీజెల్‌ వెగర్‌ (జూడి) ఉత్తమ సహాయ నటుడు: బ్రాడ్‌ పిట్‌ (వన్స్‌ అపాన్‌ ఏ టైమ్‌ ఇన్‌ హాలీవుడ్‌) ఉత్తమ సహాయనటి: లారా డెర్న్‌ (మ్యారేజ్‌ స్టోరీ) ఉత్తమ దర్శకుడు: బాంగ్‌ జూన్‌ çహూ (పారసైట్‌) ఉత్తమ సంగీతం: హిల్డర్‌ (జోకర్‌) బెస్ట్‌మ్యూజిక్‌ ఒరిజినల్‌ సాంగ్‌: ఐయామ్‌ గాన్నా లవ్‌ మీ ఎగైన్‌ (రాకెట్‌ మ్యాన్‌) ఉత్తమ ఇంటర్నేషనల్‌ ఫీచర్‌ ఫిల్మ్‌: పారసైట్‌ మేకప్‌ అండ్‌ హెయిర్‌ స్టైలిస్ట్‌: బాంబ్‌ షెల్‌ ఉత్తమ డాక్యుమెంటరీ: అమెరికన్‌ ఫ్యాక్టరీ బెస్ట్‌ అడాప్టెడ్‌ స్క్రీన్‌ప్లే: టైకా వైటిటి (జోజో ర్యాబిట్‌) బెస్ట్‌ యానిమేటెడ్‌ ఫీచర్‌ ఫిల్మ్‌: టాయ్‌స్టోరీ 4 బెస్ట్‌ లైవ్‌ యాక్షన్‌ షార్ట్‌: ది నైబర్స్‌ విండో ఉత్తమ ఒరిజినల్‌ స్క్రీన్‌ప్లే: బాంగ్‌ జూన్‌ (పారసైట్‌) ఉత్తమ డాక్యుమెంటరీ షార్ట్‌: లెర్నింగ్‌ టు స్క్వేర్‌బోర్డ్‌ ఇన్‌ ఏ వార్‌ జోన్‌ (ఇఫ్‌ యు ఆర్‌ ఏ గర్ల్‌) బెస్ట్‌ యానిమేటెడ్‌ షార్ట్‌: హెయిర్‌ లవ్‌  బెస్ట్‌ ఫిల్మ్‌ ఎడిటింగ్‌: ఫోర్డ్‌ వర్సెస్‌ ఫెరారీ బెస్ట్‌ సౌండ్‌ మిక్సింగ్‌: 1917 బెస్ట్‌ సినిమాటోగ్రఫీ: 1917 బెస్ట్‌ సౌండ్‌ ఎడిటింగ్‌: ఫోర్డ్‌ వర్సెస్‌ ఫెరారీ బెస్ట్‌ ప్రొడక్షన్‌ డిజైన్‌: వన్స్‌ అపాన్‌ ఏ టైమ్‌ ఇన్‌ హాలీవుడ్‌ బెస్ట్‌ లైవ్‌ యాక్షన్‌  షార్ట్‌ ఫిల్మ్‌ : ది నైబర్స్‌ విండో బెస్ట్‌ కాస్ట్యూమ్‌ డిజైన్‌ లిటిల్‌ ఉమెన్‌ తెల్ల రంగు ఆధిపత్యం ఆస్కార్‌ అవార్డ్స్‌ విజేతల ఎంపికలో జరుగుతున్న ‘వర్ణ వివక్ష’పై ఐదేళ్లుగా ‘ఆస్కార్‌ సో వైట్‌’ అంటూ అవార్డు కమిటీ వివాదాలు ఎదుర్కొంటోంది. మహిళా డైరెక్టర్ల నామినేషన్‌ విషయంలోనూ వివాదం జరుగుతోంది. అందుకే ఈసారి ‘వెరీ మేల్‌.. వెరీ వైట్‌’ అంటూ పలువురు బాహాటంగానే విమర్శనాస్త్రాలు సంధించారు. డైరెక్టర్ల విభాగంలో పురుషాధిక్య ధోరణి కనబడుతోందని, మొత్తం అవార్డుల ఎంపిక పరంగా తెల్ల జాతీయుల ఆధిక్యం కనబడుతోందని సోషల్‌ మీడియాలోనూ విమర్శలు వచ్చాయి. 2017లో 18, 2018లో 13, 2019లో 15 మంది నల్ల జాతీయులకు నామినేషన్‌ దక్కింది. ఈసారి సంఖ్య బాగా తగ్గింది. జస్ట్‌ ఐదుగురు  మాత్రమే నామినేషన్‌ దక్కించుకున్నారు. ఉత్తమ నటి విభాగంలో ఒకే ఒక్క నల్ల జాతీయురాలికే నామినేషన్‌ దక్కడం బాధాకరం అని నామినేట్‌ అయిన ‘సింథియా ఎరివో’ ఆవేదన వ్యక్తం చేశారు. అవార్డుల విషయంలోనే కాదు.. రెడ్‌ కార్పెట్‌ దగ్గర కూడా వర్ణ వివక్ష ఉందని, తెల్ల రిపోర్టర్ల హవానే ఉందన్నారామె. బ్లాక్‌ రిపోర్టర్స్‌కి చేదు అనుభవాలు ఎదురవుతున్నాయని కూడా పేర్కొన్నారు. ప్రతిభకు పట్టం కట్టాల్సిన అవసరం ఉందని, రంగుకి కాదని అన్న సింథియా ‘వైట్‌ రిపోర్టర్స్‌’కి ఇంటర్వ్యూలు ఇవ్వలేదు. లోలా అనే బ్లాక్‌ ఫిమేల్‌ రిపోర్టర్‌ని పలకరించి, ‘నేను  మాట్లాడాలి’ అంటూ చిన్న చాట్‌ సెషన్‌లో పాల్గొన్నారు. మహిళా దర్శకులు ఎక్కడ? హాలీవుడ్, టాలీవుడ్, బాలీవుడ్‌... ఇలా ఏ భాషలో అయినా ఇరవై ముప్పై మంది మేల్‌ డైరెక్టర్లు ఉంటే నలుగురైదుగురు ఫిమేల్‌ డైరెక్టర్లు ఉంటారు. ఆ ఉన్న తక్కువమందికి ప్రోత్సా హం దక్కకపోతే? ఇదే విషయాన్ని సూచిస్తూ నటి, దర్శక–నిర్మాత నటాలీ పోర్ట్‌మేన్‌ ఆస్కార్‌ అవార్డుల జాబితాలో నామినేట్‌ కాని మహిళా దర్శకుల పేర్లను తన డ్రెస్‌ మీద కుట్టించుకున్నారు. ఆమె డ్రెస్‌ మీద ఎంబ్రాయిడరీ చేసిన పేర్లలో ‘హస్లర్స్‌’ చిత్రదర్శకురాలు లోరెనీ స్కఫారియా, ‘ది ఫేర్‌వెల్‌’ దర్శకురాలు లులు వ్యాంగ్, ‘లిటిల్‌ ఉమన్‌’ దర్శకురాలు గ్రెటి గెర్‌విగ్‌ తదితరులవి ఉన్నాయి. ఆస్కార్‌ చరిత్ర చూస్తే ఇప్పటివరకూ కాత్రిన్‌ బిజెలో, లీనా వెర్ట్‌ముల్లర్, జేన్‌ కాంపియన్, సోఫియా కొప్పోలా, గ్రెటి గెర్‌విగ్‌.. ఈ ఐదుగురు మాత్రమే నామినేషన్‌ దక్కించుకున్నారు. వీళ్లల్లో 82వ ఆస్కార్‌ అవార్డ్స్‌ (2010)లో ‘ది హర్ట్‌ లాకర్‌’ చిత్రానికి గాను కాత్రిన్‌ బిజెలో ఉత్తమ దర్శకురాలిగా ఆస్కార్‌ని సొంతం చేసుకున్నారు. లేడీ డైరెక్టర్ల విభాగంలో తొలి ఆస్కార్‌ అందుకున్న దర్శకురాలు ఆమే కావడం విశేషం. ఈ రికార్డ్‌ భవిష్యత్తులో వేరే లేడీ డైరెక్టర్‌కి దక్కే ఆస్కారం లేదని, ఎందుకంటే అకాడమీ కమిటీ వివక్ష చూపిస్తోందని అర్థమవుతోందనే విమర్శలు ఉన్నాయి. అసలు ఫిమేల్‌ డైరెక్టర్స్‌కి నామినేషన్‌ దక్కడమే గగనం అనే పరిస్థితి. గడచిన పదేళ్లల్లో 2018లో ‘లేడీ బర్డ్‌’ సినిమాకిగాను గ్రెటా గెర్‌విగ్‌ నామినేషన్‌ దక్కించుకున్నారు.. అంతే. జాలీ బిల్లీ నటుడు, గాయకుడు బిల్లీ పోర్టర్‌ కొంచెం జాలీ టైప్‌. అమ్మాయిలా డ్రెస్‌ చేసుకుని సరదాపడేంత జాలీ మేన్‌. గతేడాది ఆస్కార్‌ అవార్డ్‌ వేడుకకు బిల్‌ నలుపు రంగు గౌనులో హాజరయ్యారు. ఈ ఏడాది కూడా అమ్మాయిలా డ్రెసప్‌ అయి వచ్చారు. జూలియా బటర్స్‌  విశేషాలు ►యాంగ్‌ లీ (2012, లైఫ్‌ ఆఫ్‌ పై) తర్వాత ఆసియా నుంచి ఉత్తమ దర్శకుడిగా ఆస్కార్‌ అందుకున్నది బాంగ్‌ జూన్‌ హూ మాత్రమే.  ►గతంలో ‘జోకర్‌’ పాత్రను పోషించినందుకు ఉత్తమ నటుడిగా (2008) హీత్‌ లెడ్జర్‌ ఆస్కార్‌ అందుకున్నారు. ఇప్పుడు ఓక్విన్‌ ఫీనిక్స్‌. ►‘వన్స్‌ అపాన్‌ ఏ టైమ్‌ ఇన్‌ హాలీవుడ్‌’తో ఆకట్టుకున్న బాల నటి జూలియా బటర్స్‌ ఆస్కార్స్‌ వేడుకకు సాండ్‌విచ్‌ తెచ్చుకుంది. ‘‘కొన్నిసార్లు అవార్డు ఫంక్షన్‌లో ఏమీ పెట్టరు లేదా నాకు నచ్చేవి ఏమీ ఉండవు. అందుకే సాడ్‌విచ్‌ తెచ్చుకున్నాను’’ అని చెప్పింది జూలియా.

న్యూయార్క్‌ : అమెరికా అధ్యక్షుడు డొనాల్డ్‌ ట్రంప్‌ శుక్రవారం ఉదయం పోస్ట్‌ చేసిన ఓ ఫోటో దుమారం రేపింది. ఈ ఫోటోపై ట్విటర్‌ యూజర్లు ట్రంప్‌ను ఓ రేంజ్‌లో ఆడుకున్నారు. ట్రంప్‌ చవకబారు వ్యక్తిత్వానికి ఈ పోస్ట్‌ సంకేతమని ట్రోల్‌ చేశారు. ఇంతకీ ట్రంప్‌ పోస్ట్‌ చేసిన ఫోటో పరిశీలిస్తే మార్ఫింగ్‌ చేసిన ఆ ఇమేజ్‌లో ట్రంప్ ఒక గది హాలు మూలన నిలబడి, కిటికీకి ఒక స్తంభంపై వాలగా అమెరికా మాజీ అధ్యక్షుడు బరాక్ ఒబామా హాలీవుడ్ చలనచిత్రాలలో గూఢచారుల తరహాలో కిటికీ బయట నుంచి  బైనాక్యులర్ల ద్వారా అతనిని చూస్తున్నట్టుగా ఉంది. ఈ కిటికీ భూమికిపైన కొన్ని అంతస్ధులపైన ఉన్నట్టు కనిపిస్తోంది. ఈ ఫోటోను ట్రంప్‌ పోస్ట్‌ చేసిన వెనువెంటనే నెటిజన్లు తమదైన కామెంట్స్‌తో అమెరికా అధ్యక్షుడిని ఇరకాటంలోకి నెట్టారు. అభిశంసనకు గురయ్యే అధ్యక్షుడు ఎలా ఉంటారో ఒబామా చూడాలని అనుకుని ఉంటారని ఓ ట్విటర్‌ యూజర్‌ కామెంట్‌ చేయగా, మీరెంత అపహాస్యమైన ఉద్దేశాలతో ఉన్నారో మీకు అర్ధమైందా అని మరో యూజర్‌ ట్రంప్‌కు గడ్డిపెట్టాడు.ఒబామా అంటే ట్రంప్‌కు ఎప్పుడూ అసూయేనని మరో నెటిజన్‌ మండిపడ్డారు. ఈ పోస్ట్‌ ట్విటర్‌లో కనిపించిన అరగంటలోనే 17,000 సార్లు రీట్వీట్‌ కావడం గమనార్హం. చదవండి : ‘అమెరికా అభివృద్ధి చెందుతున్న దేశమే’

హవాయి: అమెరికా మాజీ అధ్యక్షుడు బరాక్‌ ఒబామా ఎల్లప్పుడూ చిరునవ్వుతోనే దర్శనమిస్తుంటాడు. పదవీ విరమణ చేసిన తర్వాత కూడా ఆయన్ను అభిమానించే వారి సంఖ్య ఏమాత్రం తగ్గలేదు. ఆయనకు అమెరికాలోనే కాదు పలుదేశాల్లోనూ అభిమానులు ఉన్నారు. తాజాగా ఆయన ఓ చిన్నారిని ఆప్యాయంగా దగ్గరకు తీసుకుని ఆడించిన వీడియో వైరల్‌గా మారింది. ఒబామా హవాయి రాష్ట్రంలోని కనైలిలో ‘కనేహే క్లిప్పర్‌ గోల్ఫ్‌ కోర్సు’కు వెళ్లాడు. ఆ సమయంలో ఓ తల్లి తన చిన్నారిని ఎత్తుకుని అదే గోల్ఫ్ కోర్సులో ఆడిస్తోంది. ఒబామా వెళ్లి వారిని పలకరించాడు. ‘ఎవరీ పాప?’ అంటూ చిన్నారి రిలేను ఆమె తల్లి దగ్గరనుంచి తన చేతుల్లోకి తీసుకున్నాడు. ఈ పాపకు ఎన్ని సంవత్సరాలని ఒబామా అడగగా పాపాయి తల్లి మూడు నెలలని సమాధానమిచ్చింది. ఆ తర్వాత శిశువును ముద్దు చేస్తూ ఆడిస్తూ ‘నేను నీకు పాలివ్వలేను’ అంటూ పాపాయితో జోక్‌ చేశాడు. అనంతరం ఆమె నుదుటిపై ప్రేమగా ఓ ముద్దు పెట్టాడు. ప్రస్తుతం ఈ వీడియో వైరల్‌గా మారింది. ఈ అనూహ్య చర్యతో పాపాయి తల్లి టిఫానీ ఉక్కిరిబిక్కిరైపోయింది. మాజీ అధ్యక్షుడిలా కాకుండా సాదాసీదాగా వచ్చి, సామన్యుడిలానే పలకరించి వెళ్లిపోయాడని ఆ తల్లి ఆశ్చర్యం వ్యక్తం చేసింది. కాగా ఇప్పటివరకు ఈ వీడియోను పది లక్షల మందికి పైగా వీక్షించారు. President Obama gracefully walked up and asked to hold my niece Riley. He was golfing in Hawaii. My niece is the GOAT period. #Hawaii #obama #President #MichelleObama pic.twitter.com/u6gmhGqzx4 — Andrea Jones (@itsanicholle) December 19, 2019

ఫోటోలో కనిపిస్తున్న వ్యక్తి పేరు జివాన్‌దీప్‌. శాన్‌ డియాగోకు చెందిన ఈయన ఎల్‌జీబీటీక్యూలు జరుపుకునే ప్రైడ్‌  మంత్‌ ఉత్సవాల్లో భాగంగా ధరించిన ఇంద్ర ధనుస్సు రంగుల తలపాగా అమెరికా మాజీ అధ్యక్షుడు ఒబామాను ముగ్ధుడిని చేసింది.  ప్రైడ్‌ మంత్‌ ఉత్సవాలు ప్రారంభమైన జూన్‌ 1న జివాన్‌దీప్‌ ట్విట్టర్‌లో పెట్టిన ఈ ఫోటోకు లక్షకుపైగా లైకులు 15వేలకు పైగా రీట్వీట్‌లు వచ్చాయి. బైసెక్సువల్‌ అయిన జివాన్‌ ఈ ఫోటోకు ‘బై సెక్సువల్‌ బ్రెయిన్‌ సైంటిస్టయినందుకు గర్వంగా ఉంది. నా గుర్తింపునకు సంబంధించిన అన్ని అంశాలను(తలపాగా, గడ్డం) వ్యక్తీకరించగలగడం అదృష్టంగా భావిస్తున్నాను. ఇదే స్వేచ్ఛను ఇతరులు కూడా ప్రదర్శించేలా చూసేందుకు కృషి చేస్తాను’అని కేప్షన్‌ ఇచ్చారు. ఈ ఫోటోకు తాజాగా ఒబామా కూడా లైక్‌ కొట్టారు. ‘జివాన్‌దీప్‌ మీరు గర్వపడే పని చేశారు . ఈ దేశంలో గేలకు మరింత సమానత్వం కల్పించేందుకు మీరు చేసిన కృషికి ధన్యవాదాలు...అన్నట్టు.. మీ తలపాగా అద్భుతంగా ఉంది. అందరికీ ప్రైడ్‌ మంత్‌ శుభాకాంక్షలు.’అని ఒబామా ట్వీట్‌ చేశారు. జూన్‌ 4న ఒబామా చేసిన ఈ ట్వీట్‌కు 3 లక్షలకు పైగా లైక్‌లు వచ్చాయి. ఒబామా, కెనడా ప్రధాని ట్రూడో  ఎల్‌జీబీటీక్యూలకు మద్దతునిస్తున్న సంగతి తెలిసిందే. 1969 నుంచి ప్రపంచ వ్యాప్తంగా ఎల్‌జీబీటీక్యూ లు ప్రైడ్‌ మంత్‌ జరుపుకుంటున్నారు. 50 ఏళ్ల క్రితం అమెరికాలోని గ్రీన్‌విచ్‌ గ్రామంలోని ఒక బారులో గేలు సంబరాలు చేసుకుంటుండగా పోలీసులు దాడి చేశారు. దాంతో  దేశ వ్యాప్తంగా గేలు హక్కుల కోసం ఉద్యమించారు.ఫలితంగా ఇతరులతో పాటు సమానంగా హక్కులు సాధించారు. ఆ ఘటనకు గుర్తుగా ప్రతీ జూన్‌లో ఎల్‌జీబీటీక్యూలు ప్రైడ్‌ మంత్‌ నిర్వహిస్తారు.

తాను స్వలింగ సంపర్కుడినని ప్రకటించిన జీవన్‌దీప్‌ కోహ్లి అనే సిక్కు యువకుడిని అమెరికా మాజీ అధ్యక్షుడు బరాక్‌ ఒబామా ప్రశంసించారు. ఈ మేరకు..‘ జీవన్‌దీప్‌ నువ్వు చాలా గర్వపడాలి. ఇలా చేయడం ద్వారా ఈ దేశంలోని సమానత్వ భావనను మరింత ఇనుమడింపజేశావు. నీ టర్బన్‌ చాలా బాగుంది. అందరికీ హ్యాపీ ప్రైడ్‌ మంత్‌’ అని ట్వీట్‌ చేశారు. ఇంతకీ విషయమేమిటంటే.. 1968, జూన్‌ 28 తెల్లవారుజామున గే హక్కుల కార్యకర్తలపై పోలీసులు రైడ్‌ చేశారు. సమానత్వం కోసం పోరాడుతున్న తమను ఇబ్బంది పెట్టడాన్ని ఖండిస్తూ వారంతా పోలీసులపై దాడులకు పాల్పడ్డారు. స్టోన్‌వాల్ అల్లర్లుగా పిలువబడే ఈ ఉదంతం.. ఎల్జీబీటీ హక్కులను ప్రముఖంగా ప్రస్తావించిన ఉద్యమంగా ప్రసిద్ధి పొందింది. ఈ క్రమంలో అప్పటి నుంచి ఎల్జీబీటీ కమ్యూనిటీ ప్రతీ ఏడాది జూన్‌ను ప్రైడ్‌మంత్‌గా సెలబ్రేట్‌ చేసుకుంటున్నారు. ఈ నేపథ్యంలో సాండియాగోలో నివసించే జీవన్‌దీప్‌ కో్హ్లి..‘ నేను బైసెక్సువల్‌ అని చెప్పుకోవడాన్ని గర్వంగా ఫీలవుతాను. ఈ విధంగా నా గుర్తింపును బయటపెట్టుకోవడాన్ని అదృష్టంగా భావిస్తున్నా. నాలాగే అందరికీ ఇలాంటి స్వేఛ్చ లభించేందుకు నా వంతు కృషి చేస్తా అని ట్వీట్‌ చేశాడు. ఈ క్రమంలో ఎల్జీబీటీ వర్గాన్ని ప్రతిబింబించే ఇంద్రధనుస్సు రంగులతో కూడిన టర్బన్‌ ధరించాడు. దీంతో కోహ్లి ధైర్యానికి ఫిదా అయిన ఒబామా అతడిని ప్రశంసిస్తూ ట్వీట్‌ చేశారు. You've got a lot to be proud of, Jiwandeep. Thanks for everything you do to make this country a little more equal. Turban looks great, by the way. Happy Pride Month, everybody! https://t.co/SO7mgnOkgl — Barack Obama (@BarackObama) June 4, 2019

వాషింగ్టన్‌ : నా భర్త పౌరసత్వం గురించి అవాస్తవాలు ప్రచారం చేసి నా కుటుంబానికి భద్రత లేకుండా చేశాడు. ఈ విషయంలో ట్రంప్‌ను ఎన్నటికీ క్షమించలేను అంటూ అమెరికా మాజీ ప్రథమ మహిళ మిచెల్‌ ఒబామా ఆగ్రహం వ్యక్తం చేశారు. ‘బర్తర్‌’ థియరి పేరుతో తన కుటుంబం పట్ల ట్రంప్‌ ప్రవర్తన గురించి మిచెల్‌ తన ‘బికమింగ్‌’ పుస్తకంలో పలు విషయాల్ని ప్రస్తావించారు. అమెరికా మాజీ అధ్యక్షుడు బరాక్‌ ఒబామా పౌరసత్వాన్ని ప్రశ్నిస్తూ 2011 సమయంలో అమెరికా ప్రస్తుత అధ్యక్షుడు డొనాల్డ్‌ ట్రంప్‌ ‘బర్తర్‌’ థియరిని ప్రచారం చేశారు. ఈ సందర్భంగా ఒబామాను ఉద్దేశిస్తూ ‘ఎందుకు నీ బర్త్‌ సర్టిఫికేట్‌ను చూపించడం లేదం’టూ ట్రంప్‌ ప్రశ్నించారు. ఒకవేళ నిజంగా మీ దగ్గర బర్త్‌ సర్టిఫికేట్‌ లేకపోతే అది అమెరికా రాజకీయాల్లోనే పెను సంచలనం అంటూ వ్యాఖ్యానించారు. అంతటితో ఊరుకోక ఈ అంశానికి మతం రంగు పులిమే ప్రయత్నం కూడా చేశారు ట్రంప్‌. ‘ఒబామా ముస్లిం అనుకుంటాను. అందుకే తన బర్త్‌ సర్టిఫికేట్‌ని చూపించడం లేదం’టూ ఆరోపించారు. ఈ విషయాలన్నింటి గురించి మిచెల్‌ తన ‘బికమింగ్‌’ పుస్తకంలో గుర్తు చేసుకున్నారు.   ట్రంప్‌ లాంటి జాత్యహంకార వ్యక్తిని తానేప్పుడు చూడలేదన్నారు. ట్రంప్‌ చేసిన వ్యాఖ్యల వల్ల తన కుటుంబ భద్రతకు ముప్పు వాటిల్లిందని మిచెల్‌ ఆవేదన వ్యక్తం చేశారు. ‘ట్రంప్‌ ప్రచారం చేసిన ‘బర్తర్‌’ థియరీ చూడ్డానికి చాలా హాస్యాస్పదంగా ఉన్నా ఇది చాలా ప్రమాదకరమైంది. ఎందుకంటే ఎవరైనా మతి స్థిమితం సరిగా లేని వ్యక్తి ట్రంప్‌ మాటలను విశ్వసించి మా మీద ద్వేషం పెంచుకుని.. ఏ చాకో.. గన్నో​తీసుకుని మా కుటుంబం మీద దాడి చేయడానికి వస్తే మా పరిస్థితి ఏంట’ని ప్రశ్నించారు. అందుకే ఈ విషయంలో తాను ఎప్పటికి ట్రంప్‌ని క్షమించలేనని తెలిపారు. మూడు భాగాలుగా వస్తోన్న బికమింగ్‌ పుస్తకాన్ని నవంబర్‌ 14న విడుదల చేయనున్నారు

వాషింగ్టన్‌ : అమెరికా అధ్యక్షుడిగా ఎన్నికైన తర్వాత డొనాల్డ్‌ ట్రంప్‌ తొలిసారి ప్రజలను ఉద్దేశించి ప్రసంగించిన సమయంలో తీసిన ఫొటోలను కావాలనే ఎడిట్‌ చేశానని  అమెరికా ప్రభుత్వ ఫొటోగ్రాఫర్‌ తెలిపారు. 45వ అధ్యక్షుడిగా ట్రంప్‌ ప్రమాణ స్వీకారం చేసిన అనంతరం నేషనల్‌ పార్క్‌ సర్వీస్‌లో జనవరి 20, 2017న భారీ సభను ఏర్పాటు చేశారు. ఆ కార్యక్రమానికి సంబంధించిన ఫొటోలను చూసిన ట్రంప్‌, తనను పిలిచి ఒబామా సమావేశం ఫొటోల కంటే తన సమావేశంలో ప్రజలు తక్కువగా ఉన్నట్లు కనిపించాయని ఆగ్రహం వ్యక్తం చేశారని సదరు ఫొటోగ్రాఫర్‌ విచారణలో పేర్కొన్నారు. ట్రంప్‌ సూచనమేరకే.. ఖాళీగా ఉన్న ప్రదేశం కనపడకుండా, సభా ప్రాంగణమంతా జనాలతో నిండి ఉన్నట్లుగా ఫొటోలను తానే క్రాప్‌ చేశానని ఆయన పేర్కొన్నారు. కాగా అమెరికా అధ్యక్షుడిగా ట్రంప్‌ ఎన్నికవ్వడాన్ని వ్యతిరేకిస్తూ అధిక సంఖ్యలో ప్రజలు రోడ్లమీదకి వచ్చి నిరసన తెలిపిన విషయం తెలిపిందే. ఈ నేపథ్యంలో అధ్యక్షుడి హోదాలో ట్రంప్‌ ఏర్పాటు చేసిన మొదటి సమావేశానికి భారీగా ప్రజలు హాజరయ్యారని, ఆయనపై ఎటువంటి వ్యతిరేకత లేదంటూ.. ట్రంప్‌ మాజీ పత్రికా కార్యదర్శి సమావేశానికి సంబంధించిన ఫొటోలను సాక్ష్యంగా చూపారు. ఈ క్రమంలో అవన్నీ ఎడిటెడ్‌ ఫొటోలంటూ విమర్శలు వచ్చాయి. తాజాగా ఆ విమర్శలు నిజమేనని ఫొటోగ్రాఫర్‌ మాటల ద్వారా నిరూపితమైంది.     

త్వరలో జరగనున్న ప్రిన్స్‌ హ్యారీ, మేఘన్‌ మార్కెల్‌ల రాచరిక వివాహం బ్రిటన్‌, అమెరికా మధ్య దౌత్య వివాదానికి తెరతీసేలా కనిపిస్తోంది. అమెరికా మాజీ అధ్యక్షుడు బరాక్‌ ఒబామాను ఈ వేడుకకు ఆహ్వానించి.. ప్రస్తుత ప్రెసిడెంట్‌ డొనాల్డ్‌ ట్రంప్‌ను పిలువకపోతే.. ‘డిప్లమాటిక్‌ టైమ్‌బాంబ్‌’  బద్దలయ్యే అవకాశముందని నిపుణులు అంటున్నారు. ట్రంప్‌ అధ్యక్షుడైన తర్వాత బ్రిటన్‌-అమెరికా దౌత్యబంధం ఒడిదుడుకులను ఎదుర్కొంటున్న సంగతి తెలిసిందే. ఈ నేపథ్యంలో ఎలాంటి అవాంఛనీయ పరిణామాలు ఎదురుకాకుండా రాచకుటుంబం రంగంలోకి దిగింది. హ్యారీ పెళ్లి సందర్భంగా వివాదం రాకుండా జాగ్రత్తలు తీసుకుంటోంది. పెళ్లిపీటలు ఎక్కబోతున్న ప్రిన్స్‌ హ్యారీ బరాక్‌ ఒబామాను స్నేహితుడిగా భావిస్తారు. ఈ నేపథ్యంలో ఆయనను పెళ్లికి అతిథిగా ఆహ్వానించే అవకాశముందని కథనాలు వచ్చాయి. అదే సమయంలో ఈ వివాహం బ్రిటన్‌ అధికారిక వేడుక కాకపోవడంతో ట్రంప్‌ను పిలిచే అవకాశం లేదని సన్నిహితులు తెలిపారు. అయితే, ఒబామాను పిలిచి తనను పిలువకపోవడం ట్రంప్‌ అవమానంగా భావించే అవకాశముందని, తనకు ఆహ్వానం అందని నేపథ్యంలో ఆయన తాజా బ్రిటన్‌ పర్యటనను రద్దు చేసుకున్న సంగతి తెలిసిందే. అధ్యక్ష పదవి చేపట్టి ఏడాది పూర్తయిన సందర్భంగా బ్రిటన్‌లో పర్యటించాలని గతంలో ట్రంప్‌ భావించారు. అయితే, సరిగ్గా ఇదే సమయంలో హ్యారీ పెళ్లి జరుగుతుండటం, తనకు ఆహ్వానం అందకపోవడం ట్రంప్‌ తలవంపులుగా భావిస్తున్నట్టు చెప్తున్నారు. ఈ నేపథ్యంలో ఒబామాను ఈ పెళ్లికి ఆహ్వానిస్తే.. దౌత్యవివాదం మరింత తీవ్రమయ్యే అవకాశముందని, అందుకే ఒబామాను కూడా పిలువకూడదని నిర్ణయించినట్టు బ్రిటన్‌ రాయల్‌ ఫ్యామిలీ సన్నిహిత వర్గాలు తెలిపాయి.


 క్యూబా మాజీ అధ్యక్షుడు, విప్లవ యోధుడు ఫిడెల్ క్యాస్ట్రో మరణంపై అమెరికా అధ్యక్ష ఎన్నికల్లో గెలుపొందిన డోనాల్డ్ ట్రంప్ దారుణంగా స్పందించారు. 'క్యాస్ట్రో ఈజ్ డెడ్' అంటూ ట్వీట్ చేశారు. కాగా, ఓ అధ్యక్షుడిగా క్యాస్ట్రో కఠోరంగా శ్రమించారని, అమెరికా అధ్యక్షుడు బరాక్‌ ఒబామా అన్నారు. క్యూబా చరిత్రలో కొత్త అధ్యాయానికి క్యాస్ట్రో తెరలేపారని కొనియాడారు. క్యూబా పైనా, ప్రపంచం పైనా క్యాస్ట్రో ప్రభావాన్ని చరిత్రే నిర్ణయిస్తుందని వ్యాఖ్యానించారు.
 
 మరో వైపు అమెరికా కఠిన నిర్భందాలను ఎదుర్కొని బలీయమైన దేశంగా క్యూబాను క్యాస్ట్రో చేశాడని గత సోవియట్ అధ్యక్షుడు గోర్భచెవ్ అన్నారు. ఆధునిక ప్రపంచ చరిత్రలో ఓ శకానికి క్యాస్ట్రో చిహ్నం అని రష్యా అధ్యక్షుడు వ్లాధిమిర్ పుతిన్ పేర్కొన్నారు.
 
  
 
 Fidel Castro is dead!
 — Donald J. Trump (@realDonaldTrump) November 26, 2016


 న్యూఢిల్లీ: అమెరికా అధ్యక్ష ఎన్నికలు సమీపిస్తున్నాయి. ఈ నేపథ్యంలో అమెరికా అధ్యక్షుడిగా రిపబ్లికన్ అభ్యర్థి డొనాల్డ్ ట్రంప్‌ గెలుస్తాడేమోనన్న భయంతో భారత ప్రభుత్వం ప్రస్తుత అధ్యక్షుడు ఒబామా హయాం ముగిసిపోయేలోగా అగ్రరాజ్యంతో అనుకున్న ఒప్పందాలన్నింటినీ త్వరత్వరగా పట్టాలెక్కించాలని భావిస్తోంది. దీపం ఉన్నప్పుడే ఇల్లు చక్కబెట్టుకునే తరహాలో సైనిక నిఘాకు ఉద్దేశించిన ప్రిడేటర్‌ డ్రోన్‌ యుద్ధ విమానాల కొనుగోలు ప్రక్రియను వేగవంతం చేసింది. దీంతోపాటు పలు రక్షణ, అణు ప్రాజెక్టుల ఒప్పందాలు కూడా పూర్తయ్యేలా చర్యలు తీసుకుంటోంది.
 
 22 ప్రిడేటర్‌ గార్డియన్ డ్రోన్స్‌ను తమకు అమ్మాలని భారత్‌ గత జూన్‌లో అమెరికాను కోరింది. ఈ ఒప్పందం విషయంలో ప్రస్తుతం సంప్రదింపులు పురోగతి సాధించాయని, ఒబామా పదవిలోంచి దిగిపోయేలోగా ఈ కొనుగోలు ఒప్పందం పూర్తయ్యే అవకాశముందని భారత అధికార వర్గాలు తెలుపుతున్నాయి. రానున్న కొద్దినెలల్లో ఈ ప్రక్రియ పూర్తయ్యే అవకాశముందని సీనియర్‌ అధికారి ఒకరు తెలిపారు.
 
 మారిన మోదీ వ్యూహం!
 
 భారత ప్రధాని నరేంద్రమోదీ అమెరికా అధ్యక్షుడు బరాక్ ఒబామాతో వ్యక్తిగత బంధాన్ని ఏర్పరుచుకున్నారు. ఒబామా కూడా అమెరికా విదేశీ దౌత్యవ్యూహంలో ఘననీయమైన మార్పును తీసుకొచ్చి.. మధ్యప్రాచ్యం నుంచి ఆసియా మీదకు దృష్టి కేంద్రీకరించారు. భారత్‌కు అతిపెద్ద ఆయుధాల సరఫరాదారుగా ఉన్న రష్యాను భారత్‌ పక్కనపెట్టేలా అమెరికా ఒప్పించగలిగింది. ఇందుకు ప్రతిగా భారత్‌కు అత్యున్నత సైనిక సాంకేతికత అందించడంతోపాటు బిలియన్‌ డాలర్లు విలువ చేసే అణురియాక్టర్ల ఒప్పందాన్ని కుదుర్చుకుంది. అంతేకాకుండా మిసైల్‌ టెక్నాలజీ కంట్రోల్ రిజిమ్‌లో భారత్‌కు స్వభ్యత్వం వచ్చేలా చూసింది. దీంతో భారత్‌కు ప్రిడేటర్‌ డ్రోన్లు అమ్మేందుకు మార్గం సుగమమైంది. ఈ ఒప్పందం కోసం అమెరికా రక్షణమంత్రి అష్టన్‌ కార్టర్‌ ఈ ఏడాది చివర్లో భారత్‌కు వచ్చే అవకాశముంది.
 
 భయపెడుతున్న ట్రంప్‌ 'అమెరికా ఫస్ట్‌'
 
 అమెరికా ఎన్నికల ప్రచారంలో హోరెత్తిస్తున్న డొనాల్డ్ ట్రంప్‌ తన విదేశీ విధానంలో 'అమెరికా ఫస్ట్‌' అంశానికే ప్రథమ ప్రాధాన్యత ఇస్తానని చెప్తున్నారు. ఆయన ప్రకటనలు ఇటు భారత్‌లోనూ, అటు ఆసియాలోనూ సందేహాలు రేకెత్తిస్తున్నాయి. ఆసియాకు ప్రాధాన్యం ఇవ్వాలన్న ఒబామా వ్యూహం నుంచి ట్రంప్‌ తప్పుకోవచ్చునని వినిపిస్తోంది. ట్రంప్‌ ఇటీవల న్యూయార్క్ టైమ్స్‌ ఇంటర్వ్యూలో మాట్లాడుతూ అమెరికా మిత్రదేశాలు దక్షిణ కొరియా, జపాన్‌కు ఇస్తున్న రక్షణ సహకారంపై సందేహాలు రేకెత్తించారు. వారికి నేరుగా ఆయుధసాయం చేయడం కంటే.. సొంతంగా అవే అణ్వాయుధాలు రూపొందించుకునేలా చూస్తామని ఆయన చెప్పుకొచ్చారు. ట్రంప్‌ అధ్యక్షుడైతే అమెరికా విధానంలో ఆసియాకు ప్రాధాన్యం తగ్గొచ్చునని, ఇది పరోక్షంగా ఈ ప్రాంతంలో చైనా ఆధిపత్యానికి దారితీస్తుందని నిపుణులు హెచ్చరిస్తున్నారు.
  


 పారిస్ శిఖరాగ్ర సదస్సులో నిరుడు డిసెంబర్‌లో దాదాపు 200 దేశాల మధ్య కర్బన ఉద్గారాల తగ్గింపుపై కుదిరిన చరిత్రాత్మక ఒడంబడికకు అనుగుణంగా దాన్ని ధ్రువపరుస్తున్నట్టు మన దేశం మహాత్ముడి జయంతి రోజున ప్రకటించింది. దీంతో ఇంతవరకూ అలా ధ్రువీకరించిన 60 దేశాల సరసన మనమూ చేరాం. ఈ దేశాలన్నీ 2005నాటి కర్బన ఉద్గారాల స్థాయిలో 33నుంచి 35 శాతాన్ని తగ్గించాల్సి ఉంటుంది.
 
 2030నాటికి దీన్ని సాధించాలి. అందుకోసం మన దేశమైతే ఇప్పుడు వినియోగిస్తున్న శిలాజ ఇంధనాల శాతంలో 40శాతం కోత విధించుకోవాలి. వాటి స్థానంలో ప్రత్యామ్నాయ ఇంధన వనరుల వాడకాన్ని ప్రారంభించాలి.  ప్రపం చంలో 55 శాతానికి మించి కర్బన ఉద్గారాలకు కారణమవుతున్న 55 దేశాల్లో మన దేశం కూడా ఉంది. ఒప్పందం ఆచరణలోకి రావాలంటే కనీసం ఈ దేశాల ఆమో దం తప్పనిసరి.
  
   వాస్తవానికి ఇంతవరకూ ధ్రువీకరించిన దేశాలు సంఖ్యాపరంగా చూస్తే 61 అయినా...వీటి వల్ల కలిగే కాలుష్యం 51.8 శాతం వరకూ ఉంది. పారిస్ సదస్సులో ఒడంబడికకు ఆమోదం తెలిపిన 196 దేశాల్లో ఒక్కొక్కటే ఈ జాబితాలో చేరుతుండటంవల్ల చాలా త్వరగానే మిగిలిన 3.2 శాతం పూర్తవుతుందని చెబు తున్నారు. గడువు ప్రకారం నవంబర్ 1 కల్లా ఆ దేశాలన్నీ ధ్రువీకరణ లాంఛనాన్ని పూర్తిచేయాల్సి ఉంది.
 
 12 శాతం ఉద్గారాలకు కారణమవుతున్న యూరోపియన్ యూనియన్(ఈయూ) ఇప్పటికే ఆ దిశగా అడుగులేస్తున్నది. దీన్ని ఆచరణలోకి తీసుకొచ్చేందుకు అందరికన్నా అమెరికా అధ్యక్షుడు బరాక్ ఒబామా తొందరపడు తున్నారు. తన పదవీకాలం వచ్చే జనవరితో పూర్తవుతున్నందున ఈలోగానే దీన్ని అయిందనిపించాలన్నది ఆయన ఆరాటం. ఈ విషయంలో మన దేశంతోసహా చాలామంది ఆయనను సానుభూతితో అర్ధం చేసుకుని సహకరిస్తున్నట్టు కనబడుతూనే ఉంది.
  
  వాస్తవానికి గత నెలలో చైనాలో జరిగిన జీ-20 శిఖరాగ్ర సదస్సులో నీతి ఆయోగ్ వైస్ చైర్మన్ అరవింద్ పనగారియా...అంతకన్నా ముందు ఆగస్టులో అమెరికా విదేశాంగమంత్రి జాన్ కెరీ మన దేశంలో పర్యటించినప్పుడు విదేశాంగ మంత్రి సుష్మా స్వరాజ్ వెనువెంటనే పారిస్ ఒడంబడిక ధ్రువీకరణ సాధ్యం కాదని తేల్చిచెప్పారు. పారిస్‌లో అంగీకరించి తీరా లాంఛనంగా ధ్రువీకరించవలసి వచ్చే సరికి ఎందుకీ జాప్యమని కొందరు ప్రశ్నించారు. వారిద్దరూ అందుకు రెండు కార ణాలు చెప్పారు. పారిస్ ఒడంబడిక అమలుకు అనుగుణంగా మార్పులు చేపట్టా లంటే రాగల పదేళ్ల కాలంలో లక్ష కోట్ల డాలర్లు(సుమారు రూ.66.55 లక్షల కోట్లు) అవసరమవుతాయి. కాలుష్యాన్ని వడబోసే హరిత సాంకేతికత(గ్రీన్ టెక్నాలజీ) కోసం వెచ్చించాల్సి వచ్చే సొమ్ము దీనికి అదనం. కనుక అభివృద్ధి విషయంలో రాజీ పడకుండా లక్ష్యాన్ని సాధించాలంటే... సంపన్న దేశాల చేయూత అవసరం.
  
  అణు సరఫరా దేశాల బృందం(ఎన్‌ఎస్‌జీ)లో తమ సభ్యత్వం సంగతి ముందు తేల్చాల న్నది మరో డిమాండ్. ఎన్‌ఎస్‌జీలో చేరితే అణు విద్యుత్ రంగంలో సత్వర ప్రగతి సాధ్యమవుతుందని, శిలాజ ఇంధనాలపై ఆధారపడటం గణనీయంగా తగ్గుతుం దని మన దేశం భావిస్తోంది. ఈ అంశాల్లో విస్పష్టమైన హామీలు దొరక్కుండానే పారిస్ ఒడంబడికను ఇప్పుడు ధ్రువీకరించారు. అయితే ఎన్‌ఎస్‌జీ సభ్యత్వం, సం పన్న దేశాల ఆర్ధిక సాయం తదితరాలతో పారిస్ ఒడంబడిక ధ్రువీకరణను మన దేశం ఏనాడూ ముడిపెట్టలేదని కేంద్ర పర్యావరణ మంత్రి అనిల్ దవే అంటు న్నారు.
  
  పారిస్ ఒడంబడిక వ్యవహారాన్ని ప్రధాని నరేంద్ర మోదీ, తమ మంత్రిత్వ శాఖ చూస్తున్నాయని...వివిధ స్థాయిల్లో సమాలోచనల వల్లే ఒడంబడిక ధ్రువీక రణలో ఆలస్యమైందని ఆయన సంజాయిషీ ఇస్తున్నారు. అంతేకాదు...దానికి సంబ ంధించి ఇతరులు వ్యక్తం చేసిన అభిప్రాయాలన్నీ వారి వారి వ్యక్తిగతమైనవని అంటున్నారు.
 
 ఇది అన్యాయమైన మాట. విధానపరమైన అంశానికి సంబంధించి విదేశాంగమంత్రి సుష్మా స్వరాజ్ జాన్ కెరీ వద్ద తన వ్యక్తిగతమైన అభిప్రాయాన్ని ఎలా చెప్పగలుగుతారు? జీ-20 వేదికపై నీతిఆయోగ్ వైస్ చైర్మన్ పనగారియా తన సొంత వాదన ఎందుకు వినిపిస్తారు? ఆ స్థాయి వారు మాట్లాడాక అవి వారి వ్యక్తిగతమని తేల్చడం సరికాదు. ఆ రెండింటి విషయంలో ఎందుకని మన పట్టు సడలించుకున్నామో చెబితే సబబుగా ఉండేది.
  
 పర్యావరణ ముప్పు ముంచుకొస్తున్నదన్న వాదనతో ఎవరూ విభేదించడం లేదు. నిజానికి పారిస్ ఒడంబడిక దాని తీవ్రతను అవసరమైన స్థాయిలో పట్టిం చుకోలేదన్న విమర్శలున్నాయి. ఆ ఒడంబడిక 2050నాటికి భూతాపం పెరుగుదల ను కనీసం 2 డిగ్రీల సెంటీగ్రేడ్‌కు పరిమితం చేయాలన్న సంకల్పాన్ని ప్రకటిం చినా... దాన్ని చేరుకోవడానికిచ్చిన హామీలు ఏమాత్రం సరిపోవని శాస్త్రవేత్తలు చెబుతున్నారు. అందువల్ల సాధ్యమైనంత త్వరగా ఒడంబడిక అమలు కావలసిందే. అయితే బొగ్గు వాడకంలో 29 శాతంతో చైనా అగ్రభాగాన ఉండగా అమెరికా 16 శాతంతో, యూరప్ 10శాతంతో దాని తర్వాత ఉన్నాయి.
 
 ఉండటానికి మనం నాలుగో స్థానంలో ఉన్నా మన వినియోగం 5 శాతం మాత్రమే. కర్బన ఉద్గారాల వాటా దామాషాలో కోత  విధింపు కూడా ఉంటే సంపన్న దేశాలపై అధిక భారం పడేది. కానీ పారిస్ శిఖరాగ్ర సదస్సులో సంపన్న దేశాలు పేచీకి దిగి అందరికీ సమాన బాధ్యత ఉంటుందని వాదించాయి. స్వచ్ఛ ఇంధనం కోసం చేసే కృషికి తమ వైపుగా ఆర్ధిక చేయూతకు, హరిత సాంకేతికత అందుబాటులో తీసుకొచ్చేం దుకు సిద్ధమేనని చెప్పి ఒడంబడికపై సంతకాలు చేయించాయి.
  
  కానీ ఆ విషయంలో ఇంకా తగినంత స్పష్టత లేదు. ఈ పరిస్థితుల్లో మనం ధ్రువీకరణ లాంఛనాన్ని పూర్తి చేస్తే అవి తమ హామీలను నెరవేరుస్తాయా? 2030కల్లా మనం విద్యుదుత్పాదనలో పునరుత్పాదక ఇంధన వనరుల శాతాన్ని 40 శాతానికి పెంచాలి. ఇందుకోసం థర్మల్ కేంద్రాలను బాగా తగ్గించి సౌరశక్తి, అణు విద్యుత్, పవన విద్యుత్, జలవిద్యుత్ వనరులవైపు మళ్లాలి. మనపై ఇంత భారం ఉన్న నేపథ్యంలో సంపన్న దేశాల నుంచి స్పష్టమైన హామీ రాకుండా ధ్రువీకరణ సబబైందేనా? ఆలోచించాలి.


 వాషింగ్టన్ డీసీ: దశాబ్దాలుగా ఉప్పు, నిప్పులా ఉన్న అమెరికా,క్యూబా సంబంధాల్లో కీలక ముందడుగు పడింది. ఐదు దశాబ్దాల అనంతరం క్యూబాలో అమెరికా రాయబార కార్యాలయం తెరుచుకోనుంది. జెఫ్రీ డిలారెంటిస్ ను క్యూబాలో అమెరికా రాయబారిగా నియమిస్తూ అమెరికా అధ్యక్షుడు బరాక్ ఒబామా మంగళవారం ఉత్తర్వులు జారీ చేశారు.50 ఏళ్ల అనంతరం క్యూబాలో అంబాసిడర్ను నియమించడం గర్వంగా ఉందని  ఒబామా వ్యాఖ్యానించారు.
 
 క్యూబా, అమెరికా సంబంధాలను మెరుగుపర్చడంలో కీలక పాత్ర పోషించిన ఆయన జెఫ్రీని అభినందించారు.ఇరు దేశాల మధ్య ఉన్న యుద్ధ పూరిత పరిస్థితులను పరిష్కరించడంలో ఒబామాతో కలిసి జెఫ్రీ కీలకపాత్ర పోషించారు. దాదాపు  90 ఏళ్ల అనంతరం  ఈ యేడాది మార్చిలో అమెరికా అధ్యక్షుని హోదాలో ఒబామా క్యూబాలో పర్యటించారు. దీంతో ఇరు దేశాలు స్నేహపూర్వక సంబంధాలను పెంపొందించుకోవడంలో కీలక ముందడుగు పడింది.
  


 అమెరికా అధ్యక్షుడు ఒబామా తన పొరుగుదేశం క్యూబాని సందర్శించడం చారిత్రాత్మకం. అభినందనీయం. పొరుగునే తొంబైమైళ్ళ దూరాన ఉన్న దేశాన్ని, అమెరికా అధ్యక్షుడు పర్యటించడానికి దాదాపు తొంబైఏళ్ళు పట్టడం విదేశాంగ విధానాలో్ల కరడుగట్టిన హ్రస్వదృష్టికి నిదర్శనం. దేశాల మధ్య సైద్ధాంతిక భేదాలు శతృత్వ భావనల్ని ప్రేరేపించడం వల్ల చివరకు ఇరువర్గాలూ నష్టపోవడమేకాక ప్రపంచ శాంతి ఎండమావిగా తయారైంది. తన పక్కనే ఉన్న చిన్న దేశం క్యూబాపై అమెరికా తీవ్ర ఆర్థిక ఆంక్షలు విధించి ఇన్నాళ్ళూ శత్రు పూరిత వైఖరిని ప్రదర్శించింది. అందుకు ముఖ్యకారణం పాలనలో తనకు భిన్నమైన సిద్ధాంతాన్ని అవలంభిస్తోన్న దేశాన్ని మెడలు వంచి తన దారికి తెచ్చుకోవాలన్న అహంకార పూరిత వైఖరి. దశాబ్దాలపాటు సాగిన ఆర్థిక ఇబ్బందుల్ని లెక్క చెయ్యకపోవడమేగాక వైద్య, ప్రజారోగ్య రంగాల్లో, మానవ వనరుల అభివృద్ధిలో ముందంజ వేయడం క్యూబా విజయం.
  
  అయితే ప్రస్తుతం అహంకార వైఖరి స్థానే సహకారం, సుహృద్బావం ప్రోది చేసే దిశగా అమెరికా అధ్యక్షుడు మొదటి అడుగు వేయడం మేలిమలుపు. ఉమ్మడి ప్రయోజనాలకు, తద్వారా ప్రపంచ శాంతికి దేశాలు తమతమ సిద్ధాంతాలకు, స్వప్రయోజనాలకు అతీతంగా స్పందించాల్సిన అవసరముంది. ఆ దిశగా జరిగిన ఈ ప్రయత్నానికి అందరూ మద్దతు పలకాలి. దశాబ్దాలుగా క్యూబాపై మనం అమలుపరిచిన ఏకాకి విధానం ఫలితాలను ఇవ్వలేదు కాబట్టి క్యూబా ప్రజలకు మరింత దగ్గరవడం ద్వారానే ఇరుదేశాల సంబంధాలను మార్చగలం అని హిల్లరీ క్లింటన్ చెప్పారు. దీన్ని కేవలం మాటల్లోనే కాకుండా ఆచరణలోనూ పాటిస్తే అమెరికా, క్యూబా రెండింటికీ ప్రయోజనం కలిగిస్తోంది.
 - డా ॥డి.వి.జి. శంకరరావు,
 మాజీ ఎంపీ, పార్వతీపురం  9440836931


 ఒబామా అధ్యక్షునిగా ఎన్నికైన వాస్తవాన్ని జీర్ణించుకోవడమే అసాధ్యం అన్న రీతిలోనే రిపబ్లికన్లు కనిపించారు. వాళ్లు అబద్ధాలను ఆయుధాలుగా ఉపయోగించారు. ఆఖరికి ఆయన జన్మ ధృవీకరణ పత్రం గురించి కూడా కట్టుకథలు అల్లారు. వేలం వెర్రితో ఇలాంటి దుష్ర్పచారానికి పాల్పడిన బృందానికి నాయకుడు ట్రంప్. ఒబామా రెండురకాలుగా బయటి వ్యక్తి అన్నట్టు సూచించారు. ఎలాగంటే - మొదటిది- ఆయన అమెరికన్ కాదు, రెండోది - ఆయన మహమ్మదీయుడు. ఉద్యోగాలంటూ వస్తున్న మెక్సికన్లు, యుద్ధమంటున్న మహమ్మదీయులు అమెరికాకు ‘‘ప్రమాదకరంగా’’ పరిణమించిన నేపథ్యంలో అధ్యక్ష అభ్యర్థిత్వం ట్రంప్‌కు దక్కడం యాదృచ్ఛికంగా జరిగిందని అనుకోలేం.
  
 ఇలాంటి వేలం వెర్రి ప్రతికూల ప్రచారాలు తిరిగి తమకే చేటు చేస్తాయని మన దేశంలో కాంగ్రెస్ పార్టీ ఎప్పటికైనా గుర్తిస్తుందా? ప్రధాని నరేంద్ర మోదీ మీద ఆ పార్టీ అవిశ్రాంతంగా సాగిస్తున్న ప్రతికూల ప్రచారంలో ఉద్వేగమే తప్ప, హేతువు లేదు. ఆ విమర్శలన్నీ వ్యక్తిగతమైనవే. మోదీ ప్రతిపాదించినది ఏదైనా సరే, అది ఎప్పటికీ మంచిది కాదు. ఆఖరికి తాను ప్రతిపాదించినది గతంలో యూపీఏ అధికారంలో ఉండగా చేసినదేనని మోదీ చెప్పినా కూడా వారికి పట్టదు. సాధారణ వస్తుసేవల సుంకం బిల్లు ఇందుకు ప్రత్యక్ష ఉదాహరణ. ఆ పార్టీ ప్రస్తుత నాయకత్వం పుణ్యమా అని శ్లేష్మంలో పడ్డ ఈగలా కొట్టుకుంటున్నది. వాస్తవాల పట్ల ఏమాత్రం గౌరవం లేకుండా సత్యాన్ని అణచిపెడుతున్నారు.
  
 కెనడా ప్రధానమంత్రి జస్టిన్ ట్రూడోతో కలసి గడచిన గురువారం ఉమ్మడి విలేకరుల సమావేశంలో పాల్గొన్నప్పుడు అమెరికా అధ్యక్షుడు బరాక్ ఒబామా దీర్ఘాలోచనలో మునిగి ఉన్నట్టు కనిపించారు. ఆయన చురుకైన మేధ అమెరికా అధ్యక్ష ఎన్నికల వ్యవహారాలకు సంబంధించిన పరిమిత డిమాండ్లకు అతీతంగానే ఆలోచిస్తున్నదని స్పష్టంగానే అనిపిస్తుంది. శ్వేత సౌధంలో రెండు దఫాలు కొలువైనప్పటికీ ఒబామా తాత్వికుడైన అమెరికా అధ్యక్షునిగా అవతరించలేకపోయారు. అయితే అధ్యక్షునిగా చివరి దశను పూర్తి చేసుకుంటున్న ఈ కాలంలో మాత్రం సుదీర్ఘకాలంగా అమెరికా రాజకీ యాలలో పూరించకుండా ఉండిపోయిన వెలితిని భర్తీ చేయబోతున్నారు. ఎన్నికైనవారు, కొన్ని విపరీత మినహాయింపులు కాకుండా- తెలివైనవారే అయి ఉంటారు. కానీ వీరిలో కొద్దిమంది మాత్రమే మేధావులు. ఒబామా త్వరలోనే అమెరికాకు చెందిన పిన్న వయస్కుడైన పెద్ద రాజనీతిజ్ఞుడు కాబోతున్నారు.
 
 ఇందుకు సంబంధించిన రుజువు ఈ విలేకరుల సమావేశంలోనే కనిపించింది. ఎన్నికల ప్రచారంలో అరుపులూ, కేకలతో హడావిడి చేస్తున్న డొనాల్డ్ ట్రంప్ ఎన్నికైతే, అమెరికా- కెనాడా సంబంధాలు ఎలా ఉంటాయి అని ఒక విలేకరి ప్రశ్నించాడు. ఇప్పటికే ఈ అంశం మీద అమెరికాలో ఒక చతురోక్తి బాగా ప్రాచుర్యంలోకి వచ్చేసింది. ఆ పరిస్థితే వస్తే కెనడా అమెరికాకు మరోసారి అద్భుతమైన వలసగా మారు తుందన్నదే ఆ చతురోక్తి. అయితే రిపబ్లికన్‌ల అధ్యక్ష అభ్యర్థి ఎంపిక వ్యవహారం ఒక కొలిక్కి వచ్చి, ట్రంప్ అవకాశాలు మెరుగుపడుతూ ఉండడంతో, ఈ చచ్చు చతురోక్తి కాస్తా, అమెరికావాసుల పాలిట పీడకల స్థాయికి చేరుతోంది.
 
 ఒబామా తన జ్ఞాపకాలను నెమరువేసుకున్నారు. ఆలోచనకు కూడా రాని కొన్ని అంశాలు ఎందుకు ఎలా పరిగణించదగినవిగా ప్రాముఖ్యంలోకి వచ్చాయి? అధ్యక్ష పదవికి ఎన్నికైన నాటి నుంచి తాను ఏది చెప్పినా, ఏది చేసినా కూడా తప్పే అన్నట్టు రిపబ్లికన్ పార్టీ నిరాఘాటంగా ప్రతికూల ప్రచారం చేయడమే ఇందుకు కారణమని ఒబామా చెప్పారు. ఏ అంశాన్ని కూడా దానిలోని మంచిచెడ్డల మేరకు పరిశీలించలేదు. తాను ఏం చేసినా అది తప్పే. ఒబామాకు ముందు అధ్యక్షులైన వారు కూడా విమర్శలను ఎదుర్కొనకపోలేదు. కానీ వారిలో ఎవరూ ఇలా పరాయి ముద్రతో బాధపడలేదు. ఒబామా ‘ద్వేషం’ అన్న మాటను ఉపయోగించలేదు. కానీ ఆ అర్థం స్ఫురించే విధంగానే మాట్లాడారు. అలాగే ఆయన జాతి గురించిన ప్రస్తావన కూడా చేయలేదు. అయితే తనను ‘ఆక్రమణదారుడు’గానే భావించారన్నట్టు నర్మగర్భంగా చెప్పారు. అసలు  ఒబామా అధ్యక్షునిగా ఎన్నికైన వాస్తవాన్ని జీర్ణించుకోవడమే అసాధ్యం అన్న రీతిలోనే రిపబ్లికన్లు కనిపించారు. వాళ్లు అబద్ధాలను ఆయుధాలుగా ఉపయోగించారు. ఆఖరికి ఆయన జన్మ ధృవీకరణ పత్రం గురించి కూడా కట్టుకథలు అల్లారు. వేలం వెర్రితో ఇలాంటి దుష్ర్పచారానికి పాల్పడిన బృందానికి నాయకుడు ట్రంప్. ఒబామా రెండురకాలుగా బయటి వ్యక్తి అన్నట్టు సూచించారు. ఎలాగంటే - మొదటిది- ఆయన అమెరికన్ కాదు, రెండోది - ఆయన మహమ్మదీ యుడు. ఉద్యోగాలంటూ వస్తున్న మెక్సికన్లు, యుద్ధమంటున్న మహ మ్మదీయులు అమెరికాకు ‘‘ప్రమాదకరంగా’’ పరిణమించిన నేపథ్యంలో అధ్యక్ష అభ్యర్థిత్వం ట్రంప్‌కు దక్కడం యాదృచ్ఛికంగా జరిగిందని అనుకోలేం.
 
 అయితే ఈ మతిభ్రమించిన వాచాలత్వాన్నీ, అవాస్తవాలను అమెరికన్లు విశ్వసించలేదు. అందుకే ఒబామా రెండోసారి కూడా అధ్యక్ష ఎన్నికలలో విజయం సాధించారు. కానీ చాలామంది రిపబ్లికన్లు ఈ ధోరణిలోనే వ్యవహరించారు. అందుకే వారు ఇంత వికృతంగా, ఇంత దుస్సాహసంతో మాట్లాడుతున్నప్పటికీ ట్రంప్ అభ్యర్థిత్వం వైపు మొగ్గారు. ఇప్పుడు నమ్మకం కుదరక రిపబ్లికన్ పార్టీ తనను తను గిల్లుకుని చూసుకుంటోంది. అయినా వాస్తవం ఏమిటంటే, ట్రంప్ వారి సృష్టే. ప్రతిపక్షంలో ఉన్నప్పుడు ఎవ రిైైనైనా వెర్రి రాజకీయాలు ఊరిస్తూనే ఉంటాయి. కానీ అసభ్య పిల్లచేష్టలతో ఎవరూ మనుగడ సాధించలేరు.
 
 ఇలాంటి వేలం వెర్రి ప్రతికూల ప్రచారాలు తిరిగి తమకే చేటు చేస్తాయని మన దేశంలో కాంగ్రెస్ పార్టీ ఎప్పటికైనా గుర్తిస్తుందా? ప్రధాని నరేంద్ర మోదీ మీద ఆ పార్టీ అవిశ్రాంతంగా సాగిస్తున్న ప్రతికూల ప్రచా రంలో ఉద్వేగమే తప్ప, హేతువు లేదు. ఆ విమర్శలన్నీ వ్యక్తిగతమైనవే. మోదీ ప్రతిపాదించినది ఏదైనా సరే, అది ఎప్పటికీ మంచిది కాదు. ఆఖరికి తాను ప్రతిపాదించినది గతంలో యూపీఏ అధికారంలో ఉండగా చేసిన దేనని మోదీ చెప్పినా కూడా వారికి పట్టదు. సాధారణ వస్తుసేవల సుంకం బిల్లు ఇందుకు ప్రత్యక్ష ఉదాహరణ. ఆ పార్టీ ప్రస్తుత నాయకత్వం పుణ్యమా అని శ్లేష్మంలో పడ్డ ఈగలా కొట్టుకుంటున్నది. వాస్తవాల పట్ల ఏమాత్రం గౌరవం లేకుండా సత్యాన్ని అణచిపెడుతున్నారు.
 
 తాజాగా జరిగిన ఉదంతాన్నే తీసుకుందాం. ఈ ఘట్టంలో అపఖ్యాతిని మూటగట్టుకున్న వ్యాపారవేత్త విజయ్‌మాల్యా దేశం నుంచి పారిపోవడానికి కారణం ప్రస్తుత ప్రభుత్వమని కాంగ్రెస్ పార్టీ ఆరోపిస్తున్నది. ఇందులో గమనించవలసిన సున్నితమైన సత్యం ఏమిటంటే, మాల్యాకు చెందిన కింగ్‌ఫిషర్ అనే మునిగిపోతున్న విమానయాన సంస్థకు కాంగ్రెస్ అధి కారంలో ఉండగానే ప్రభుత్వ బ్యాంకుల నుంచి నిధులు కుమ్మరించేందుకు అనుమతి లభించింది. ఫిబ్రవరి 21, 2012న ఎస్‌పీఎస్ పన్ను, సంజయ్ సింగ్ అనే ఇద్దరు పత్రికా రచయితలు రాసిన నివేదిక నుంచి ఇక్కడ ఒక అంశాన్ని ఉదహరిస్తున్నాను. భారతీయ స్టేట్ బ్యాంక్ ‘‘విజయ్ మాల్యా  కింగ్‌ఫిషర్ విమానయాన సంస్థ మునిగిపోకుండా కాపాడడానికి మంగళ వారం రూ. 1500 కోట్లు విసిరింది. ఆదాయ పన్ను శాఖ కూడా తన విధా నాన్ని సరళం చేసుకుంది. నష్టాలలో ఉన్న ఆ సంస్థను కాపాడేందుకు ప్రకటించిన ఆర్థిక ప్రణాళికలో భాగంగా స్తంభింప చేసిన ఆ విమానయాన సంస్థ ఖాతాలు తిరిగి చెలామణిలోకి రావడానికి అంగీకరించింది.’’ మాల్యాకు ప్లాటినమ్ చెమ్చాతో అన్నీ నోటికందించిన ఘనత కాంగ్రెస్ పార్టీదే. ఆయన మీద చర్యలు మొదలైనది నిజానికి ప్రస్తుత ప్రభుత్వ హయాంలోనే. ప్రస్తుత వ్యవస్థను తనకు అనుకూలంగా మలుచుకోవడానికి ఇంక ఏమాత్రం సాధ్యం కాదని తెలుసుకున్న తరువాతే మాల్యా హడావిడిగా దేశం విడిచి వెళ్లారు. అతడి మీద చర్యలకు బ్యాంకులకు కూడా ఆదేశాలు వెళ్లాయి. ఇక్కడితో ఈ కథ అయిపోయిందని అనుకోవద్దు. చట్టం దృష్టి  చాలా విస్తృతమైనది. మాల్యా ఆచూకీ తెలిసి, హాజరు కావలసిన తేదీకి అతడు కోర్టుకు రాని పక్షంలో ఈ దృష్టిని ప్రభుత్వం కాపాడగలిగితే దాని విస్తృతికి లోటుండదు.
 
 ఒబామా ప్రత్యేకంగా చెప్పినట్టు, అసలు బాధ అమెరికా తన విలువలు, ఇంగిత జ్ఞానం- ఈ రెండింటినీ కోల్పోవడం గురించినది కాదు. రిపబ్లికన్ పార్టీ తనకు తాను చేసుకున్న గాయాల నుంచి కోలుకుంటుందా లేదా అన్నదే. ప్రజాస్వామ్యంలో విశ్వసనీయమైన ప్రభుత్వం ఎంత అవసరమో, పొందికైన ప్రతిపక్షం కూడా అంతే అవసరం. ఒక సామెత చెబుతారు, దేవతలు కాలు మోపడానికి కూడా భయపడే చోటికి అవివేకులు వెళతారట. అయితే ప్రజాస్వామ్యానికి ఉన్న శక్తి ఏమిటంటే, అక్కడ అవివేకులు కూడా అభ్యర్థులవుతారు. కానీ ఓటర్లు అంత దయకలిగిన వారేమీ కాదు. కానీ మూర్ఖులను సంతోషంగా భరిస్తున్న రాజకీయ పార్టీలు  మాత్రం విశ్వసనీయత విషయంలో చాలా మూల్యం చెల్లించవలసి ఉంటుంది.
 
 వ్యాసకర్త పార్లమెంటు సభ్యులు  బీజేపీ అధికార ప్రతినిధి
  


 వాషింగ్టన్: గన్ కల్చర్ కారణంగా మృతిచెందిన అమాయక చిన్నారులను గుర్తుచేసుకొని పబ్లిక్గా కన్నీరు పెట్టుకున్న అమెరికా అధ్యక్షడు బరాక్ ఒబామా.. తాను అలా ఏడవడం తనకే ఆశ్చర్యం కలిగించిందన్నారు.
 
 అగ్రరాజ్య అధినేత దీనిపై మాట్లాడుతూ.. 'నేను అలా కన్నీరు పెట్టుకోవడం చాలామందికి ఆశ్చర్యం కలిగించి ఉంటుంది. అయితే నేను వాస్తవవికతతో ప్రవర్తిచాను. నేను ఇంతకుముందు చెప్పినట్లుగానే.. చిన్నారుల మరణం నన్ను నిత్యం వెంటాడుతూనే ఉంటుంది. నేను అధ్యక్షుడిగా గా ఉన్న కాలంలో  కనెక్టికట్లో చిన్నారుల కాల్చివేత ఘటన జరిగిన రోజే అత్యంత చెత్త రోజు' అన్నారు.
 చిన్న చిన్న పిల్లలు కూడా దేశంలోని గన్ కల్చర్ కారణంగా బలి కావడంపై ఆయన ఆందోళన వ్యక్తం చేశారు. తన జీవితంలో ఎప్పుడూ తన వద్ద మాత్రం గన్ లేదని ఒబామా వెల్లడించారు.