న్యూజిలాండ్‌తో హాకీ టెస్టు సిరీస్

ఆరు మ్యాచ్‌లు ఆడనున్న భారత్
 
 న్యూఢిల్లీ : వచ్చే ఏడాది జరగనున్న రియో ఒలింపిక్స్ సన్నాహకాల్లో భాగంగా భారత హాకీ జట్టు... న్యూజి లాండ్‌తో ఆరు మ్యాచ్‌ల టెస్టు సిరీస్ ఆడనుంది. అక్టోబర్ 2 నుంచి 11 వరకు ఆక్లాండ్, నెల్సన్, క్రైస్ట్‌చర్చ్‌లో ఈ మ్యాచ్‌లు జరగనున్నాయి. తొలి రెండు మ్యాచ్‌లు కివీస్ ‘ఎ’ జట్టుతో మిగతా నాలుగు సీనియర్ టీమ్‌తో జరుగుతాయని హాకీ ఇండియా (హెచ్‌ఐ) వెల్లడించింది.

ఈ ఏడాది చివర్లో రాయ్‌పూర్‌లో జరగనున్న ఎఫ్‌ఐహెచ్ హాకీ వరల్డ్ లీగ్ ఫైనల్స్‌కు సిద్ధమయ్యేందు కూడా ఈ టోర్నీని ఉపయోగించుకోనున్నారు.  2009 తర్వాత భారత పురుషుల జట్టు కివీస్‌లో పర్యటించడం ఇదే తొలిసారి.