TV
కపిల్‌కు ‘జీవితకాల సాఫల్య’ పురస్కారం
లండన్: భారత బౌలింగ్ దిగ్గజం కపిల్ దేవ్‌కు ‘జీవితకాల సాఫల్య పురస్కారం’ అవార్డు లభించింది. ఇండో-యూరోపియన్ బిజినెస్ ఫోరమ్ (ఐఈబీఎఫ్) నెలకొల్పిన ఈ అవార్డును బుధవారం రాత్రి హౌస్ ఆఫ్ లార్డ్స్‌లో జరిగిన ఓ కార్యక్రమంలో ఆయనకు అందజేశారు. క్రికెట్‌కు చేసిన సేవలతో పాటు నిరాశ్రయులకు చేయూతనిస్తున్నందుకు గుర్తింపుగా ఈ అవార్డును ప్రకటించారు. ‘మన దేశాన్ని వాళ్లు పాలించారు కాబట్టి ఒకప్పుడు ఇంగ్లండ్ అంటే నాకు ఇష్టముండేదికాదు. అయితే వాళ్లు బాగా ఆడకపోయినా మనకు క్రికెట్‌ను అందించారు. కాబట్టి ప్రస్తుతం ఆ భావన లేదు’ అని కపిల్ వ్యాఖ్యానించారు.
