పంజాబ్ కింగ్స్ సూపర్ విక్టరీ

పంజాబ్ కింగ్స్ సూపర్ విక్టరీ

మొహాలీ: చాంపియన్స్ లీగ్ లో భాగంగా ఇక్కడ నార్తరన్ డిస్ట్రిక్స్ తో జరిగిన మ్యాచ్ లో పంజాబ్ కింగ్స్ 120 పరుగుల తేడాతో భారీ విజయం సాధించింది. టాస్ ఓడి తొలుత బ్యాటింగ్ చేపట్టిన పంజాబ్ కింగ్స్ 216 పరుగుల లక్ష్యాన్ని నార్తరన్ డిస్ట్రిక్స్ కు నిర్దేశించింది. భారీ లక్ష్యంతో బ్యాటింగ్ చేపట్టిన నార్తరన్ డిస్ర్టిక్స్ కు ఆదిలోనే ఎదురుదెబ్బ తగిలింది. ఓపెనర్లు విలియమ్ సన్(20),హారిస్(9)పరుగులు చేసి పెవిలియన్ కు చేరడంతో ఆ జట్టుకు కష్టాలు ఆరంభమయ్యాయి. అనంతరం డేవ్ రిచ్(28) పరుగులు చేసి నిష్క్రమించడంతో నార్తరన్ పతనం మొదలైంది. తరువాత ఓ ఒక్క ఆటగాడు పోరాట పటిమ ప్రదర్శించకపోవడంతో కేవలం 95 పరుగులకే పరిమితమైన నార్తరన్ డిస్ట్రిక్స్ ఘోర ఓటమిని మూటగట్టుకుంది.

నార్తరన్ జట్టులో 8 మంది ఆటగాళ్లు సింగిల్ డిజిట్ కే పరిమితమవడం గమనార్హం. పంజాబ్ బౌలర్ల కరణ్ వీర్ సింగ్ నాలుగు వికెట్లు లభించగా, పటేల్ కు రెండు వికెట్లు దక్కాయి. వరుసుగా మూడు మ్యాచ్ ల్లో విజయం సాధించిన పంజాబ్ ఘనంగా సెమీస్ లోకి అడుగుపెట్టింది.