TV
విజేందర్‌కు హర్యానా ప్రభుత్వ మద్దతు
చండీగఢ్: ప్రొఫెషనల్ బాక్సర్‌గా మారాలనుకున్న విజేందర్ సింగ్‌కు హర్యానా రాష్ట్ర ప్రభుత్వం అండగా నిలిచింది. తమ అనుమతి లేకుండా విజేందర్ ప్రొఫెషనల్‌గా మారరాదని అతను ఉద్యోగిగా ఉన్న పోలీస్ శాఖ హెచ్చరించిన సంగతి తెలిసిందే. దాంతో ఈ విషయంలో సహకారం కోరుతూ విజేందర్ రాష్ట్ర ముఖ్యమంత్రి మనోహర్ లాల్ ఖట్టర్‌ను కలిశాడు.
లండన్ వెళ్లి ప్రొఫెషనల్ బాక్సింగ్‌లో భాగమయ్యేందుకు అనుమతి ఇవ్వాలని అతను సీఎంకు విజ్ఞప్తి చేశాడు. దీనిపై స్పందించిన ముఖ్యమంత్రి సహకరిస్తామని హామీ ఇచ్చినట్లు తెలిసింది. ఈ అంశంలో తాము నిబంధనలకు అనుగుణంగానే పని చేస్తామని, ప్రభుత్వంనుంచి ఏదైనా ఆదేశాలు వస్తే పాటిస్తామని హర్యానా డీజీపీ వైపీ సింఘాల్ స్పష్టం చేశారు.
