దక్షిణముంబై నుంచి జోషి పోటీ?

 

 ఈ నేపథ్యంలోనే ముందుగా కళ్యాణ్ లోకసభ నుంచి బరిలోకి దింపాలనుకున్న మనోహర్ జోషిని దక్షిణ ముంబై లోకసభ నుంచి బరిలోకి దింపాలని పార్టీ యోచిస్తోంది. మనోహర్ జోషి సీనియర్ నాయకుడు కావడంతోపాటు రాజ్‌ఠాక్రేతో ఇప్పటికీ సత్సంబంధాలు ఉన్నాయి. ఈ నేపథ్యంలో ఆయనను బరిలోకి దింపితే, జోషికి వ్యతిరేకంగా ఎమ్మెన్నెస్ తమ అభ్యర్థిని బరిలోకి దింపబోదని భావిస్తున్నారు. అయితే ప్రతిష్టాత్మకంగా భావించే ఈ నియోజకవర్గాన్ని మనోహర్ జోషి కోసం ఎమ్మెన్నెస్ వదులుకుంటుందా అనేది మాత్రం సందేహాస్పదమే. ముందుగా భావించినట్టు సురేష్ ప్రభు, సంజయ్ రావుత్, సూర్యకాంత్ మాడిక్‌ను కాకుండా మనోహర్ జోషిని బరిలోకి శివసేన దింపుతుందా..? అనే విషయంపై సేన ఇప్పటి వరకు అధికారిక ప్రకటన చేయలేదు. 

 

 ఇదిలా ఉంటే దక్షిణ ముంబై నుంచే తానూ పోటీ చేస్తానని రిపబ్లిక్ పార్టీ ఆఫ్ ఇండియా (ఆర్పీఐ) అధిపతి రాందాస్ అథవలె చెబు తున్నారు. ఆర్పీఐ మహాకూటమిలో భాగస్వామి కావడంతో శివసేన ఈ ప్రతిపాదనకు ఎలా స్పందిస్తుందో వేచిచూడాలి. గత ఎన్నికల్లో అథవలె ఓటమిపాలు కావడంతో ఈసారి దక్షిణ ముంబై నుంచి పోటీ చేయాలని భావిస్తున్నారు. బీజేపీ కూడా మహాకూటమిలో భాగస్వామి అనే విషయం తెలిసిందే.