ముంబై’ పేలుళ్ల దోషికి క్షమాభిక్ష నిరాకరణ

న్యూఢిల్లీ: 1993 నాటి ముంబై వరుస పేలుళ్ల కేసులో మరణశిక్ష పడిన యాకూబ్ అబ్దుల్ రజాక్ మెమన్ పెట్టుకున్న క్షమాభిక్ష అభ్యర్థనను రాష్ట్రపతి ప్రణబ్‌ముఖర్జీ తిరస్కరించారు. కేంద్ర హోంమంత్రిత్వ శాఖ, మహారాష్ట్ర ప్రభుత్వ సిఫారసుల మేరకు రాష్ట్రపతి ఆ నిర్ణయం తీసుకున్నారని సీనియర్ అధికారి ఒకరు తెలిపారు. ముంబై పేలుళ్ల కుట్రలో కీలకపాత్ర, అందుకు ఆర్థిక సాయం చేయడం, పేలుళ్లలో పాలు పంచుకున్న ఇతరులకు ఆ డబ్బు పంపిణీ చేయడం.. తదితర నేరాలపై 2007లో టాడా కోర్టు యాకూబ్ మెమన్‌కు మరణశిక్ష విధించింది. టాడా కోర్టు తీర్పును 2013 అక్టోబర్‌లో సుప్రీంకోర్టు సమర్థించింది.