TV
పుట్టినరోజు శుభాకాంక్షలు చెప్పలేదని భార్య ఆత్మహత్య
చెన్నై: పుట్టినరోజు భర్త శుభాకాంక్షలు చెప్పకపోవడంతో విరక్తి చెందిన మహిళ ఆత్మహత్యకు పాల్పడింది. ఈ సంఘటన తమిళనాడులోని మన్నడిలో చోటు చేసుకుంది. మన్నడి ముత్తుమారి శెట్టి వీధికి చెందిన అశోక్‌కుమార్, శోభన భార్యభర్తలు. అశోక్‌కుమార్ రెడ్‌హిల్స్‌లో చిన్న ఫ్యాక్టరీ నడుపుతున్నాడు.
బుధవారం పుట్టినరోజు కావడంతో శోభన ఉదయాన్నే భర్త చెప్పే పుట్టిన రోజు శుభాకాంక్షల కోసం వేచి చూసింది. అయితే అశోక్‌కుమార్ పుట్టినో రోజు శుభాకాంక్షలు చెప్పకుండానే వెళ్లిపోయాడు. దీంతో తీవ్రమనస్థాపం చెందిన శోభన ఫ్యాన్‌కు ఉరేసుకుంది. గమనించిన స్థానికులు శోభనను ఆసుపత్రికి తీసుకెళుతుండగా మార్గమధ్యలోనే మృతి చెందింది.
