జియో ఎఫెక్ట్‌ : వొడాఫోన్‌ ''సూపర్‌ అవర్‌'' ప్లాన్స్‌

టెలికాం ఇండస్ట్రిలో రిలయన్స్‌ జియో ఎఫెక్ట్‌ అంతా ఇంతా కాదు. జియో తెరతీస్తున్న ధరల యుద్దానికి టెలికాం కంపెనీలు కూడా వరుసబెట్టి ఆఫర్ల మీద ఆఫర్ల కురిపిస్తున్నాయి. తాజాగా వొడాఫోన్‌ తన ప్రీపెయిడ్‌, పోస్టు పెయిడ్‌ కస్టమర్లకు ప్రారంభ ధర రూ.7 నుంచి అవర్లీ అన్‌లిమిటెడ్‌ ప్లాన్లను అందుబాటులోకి తీసుకొచ్చింది. ''సూపర్‌ అవర్‌‌'' ప్లాన్ కింద వొడాఫోన్‌ ఈ ఆఫర్లను తమ కస్టమర్లకు పరిమిత వ్యవధిలో లాంచ్‌ చేసింది. ఈ ప్లాన్ల కింద అపరిమితంగా వొడాఫోన్‌ నుంచి వొడాఫోన్‌కు ఉచితంగా లోకల్‌ కాల్స్‌ చేసుకోవచ్చు. అంతేకాక సూపర్‌ అవర్లీ ప్యాక్‌ల కింద అపరిమిత 3జీ, 4జీ డేటా ప్రయోజనాలు వొడాఫోన్‌ తన కస్టమర్లకు అందిస్తోంది. గత నెలలోనే ధన్‌ ధనా ధన్‌ ఆఫర్‌ కింద జియో కొత్త ప్లాన్లను ప్రకటించింది. జియో ఆ కొత్త ఆఫర్లు తీసుకురాగానే, టెలికాం దిగ్గజాలు కూడా తమ సరికొత్త ప్లాన్లను ప్రకటిస్తున్నాయి.