దేశీ టెలికం మార్కెట్లో నిలదొక్కుకునే క్రమంలో వొడాఫోన్‌ ఐడియా 5జీ సర్వీసులను ప్రవేశపెట్టింది. ముందుగా ముంబైలో ప్రారంభించి, ఏప్రిల్‌ నాటికి ఢిల్లీ, బెంగళూరు, చండీగఢ్, పట్నా, మైసూర్‌ వంటి అయిదు నగరాలకు విస్తరించనున్నట్లు కంపెనీ చీఫ్‌ టెక్నాలజీ ఆఫీసర్‌ జగ్బీర్‌ సింగ్‌ వెల్లడించారు. వచ్చే మూడేళ్లలో 17 సర్కిల్స్‌లోని 100 నగరాలు/పట్టణాల్లో విస్తరించాలని లక్ష్యంగా పెట్టుకున్నట్లు పేర్కొన్నారు.ప్రస్తుతం ‘పరిచయ ఆఫర్‌’ కింద రూ.299 నుంచి ప్రారంభమయ్యే అన్‌లిమిటెడ్‌ ప్లాన్లతో యాడ్‌–ఆన్‌గా ఈ సేవలు లభిస్తాయి. అయితే, ఈ ఆఫర్‌ ఎంత కాలం ఉంటుందో వెల్లడి కాలేదు. వచ్చే మూడేళ్ల వ్యవధిలో రూ.50,000–55,000 కోట్ల పెట్టుబడుల ప్రణాళికలు ఉండగా ఇందులో దాదాపు సగ భాగం 5జీపై, మిగతా మొత్తాన్ని 4జీ కవరేజీ విస్తరణపై వెచ్చించనున్నట్లు సింగ్‌ చెప్పారు. కస్టమర్ల వినియోగాన్ని బట్టి 5జీ నెట్‌వర్క్‌ విస్తరణ ఉంటుందని పేర్కొన్నారు. ప్రస్తుతం 17 కోట్ల యూజర్లతో రిలయన్స్‌ జియో, 12 కోట్ల మందితో భారతీ ఎయిర్‌టెల్‌ 5జీ మార్కెట్లో అగ్రస్థానంలో ఉన్నాయి. ఇదీ చదవండి: గోల్డ్‌.. నాన్‌ స్టాప్‌ ర్యాలీశాట్‌కామ్‌ సంస్థలతో చర్చలు..ఫైబర్‌ ఆప్టిక్‌ కేబుల్స్, సెల్‌ టవర్లు లాంటి కనెక్టివిటీ సదుపాయాలు లేని ప్రాంతాల్లో శాటిలైట్‌ కమ్యూనికేషన్‌ సర్వీసులను అందుబాటులోకి తెచ్చేందుకు శాట్‌కామ్‌ సంస్థలతో జట్టు కట్టే అవకాశాలు పరిశీలిస్తున్నట్లు సింగ్‌ చెప్పారు. అయితే, డివైజ్‌ల వ్యయాలు, నియంత్రణ సంస్థల నుంచి అనుమతులు తదితర అంశాలపై ఇంకా కొన్ని సందేహాలు నెలకొన్నాయని పేర్కొన్నారు. స్టార్‌లింక్‌ బ్రాడ్‌బ్యాŠండ్‌ ఇంటర్నెట్‌ సేవలను భారత్‌లో ప్రవేశపెట్టే దిశగా జియో ప్లాట్‌ఫామ్స్, ఎయిర్‌టెల్‌ ఇప్పటికే స్పేస్‌ఎక్స్‌తో జట్టు కట్టిన సంగతి తెలిసిందే.

జియో, ఎయిర్‌టెల్ కంపెనీలు యూజర్లను ఆకర్షిస్తున్న వేళ.. 'వోడాఫోన్ ఐడియా' (VI) వినియోగదారుల కోసం ఓ కొత్త ప్రీపెయిడ్ ప్లాన్‌ను ప్రారంభించింది. ఈ ప్లాన్ ధర రూ. 209 మాత్రమే. 28 రోజుల వ్యాలిడిటీతో లభించే ఈ ప్లాన్ అన్ని రకాలుగా చాలా ఉపయోగకరంగా ఉంటుందని సమాచారం. దీని గురించి మరిన్ని వివరాలు ఇక్కడ తెలుసుకుందాం.వోడాఫోన్ ఐడియా అందిస్తున్న 209 రూపాయల ప్లాన్ అపరిమిత కాలింగ్ ప్రయోజనాలను అందించడం మాత్రమే కాకుండా, రోజుకు 2జీబీ డేటా అందిస్తుంది. అంతే కాకుండా 300 ఎస్‌ఎమ్‌ఎస్‌లు లభిస్తాయి. ఈ ప్లాన్‌లో అందించే ప్రయోజనాలు రూ.199 ప్లాన్‌కు సమానంగా ఉంటాయి. అయితే ఈ రెండింటి మధ్య ఉన్న ఒకే ఒక్క తేడా ఏమిటంటే.. రూ.209 ప్లాన్‌లో కంపెనీ అపరిమిత కాలర్ ట్యూన్‌లను అందిస్తోంది. రూ. 209 ప్లాన్ కాకుండా.. కంపెనీ రూ. 218, రూ. 249, రూ. 289 ప్లాన్స్ కూడా అందిస్తోంది.రూ. 218 ప్లాన్కంపెనీ రూ.218 ప్లాన్ ద్వారా 1 నెల వాలిడిటీ పొందవచ్చు. ఈ ప్లాన్‌లో, మీరు ఇంటర్నెట్ వినియోగం కోసం మొత్తం 3జీబీ డేటాను పొందుతారు. డేటా పరిమితి ముగిసిన తర్వాత, మీరు 1MB డేటా కోసం 50 పైసలు చెల్లించాలి. ప్లాన్‌లో.. కంపెనీ అపరిమిత కాలింగ్, 300 ఉచిత ఎస్‌ఎమ్‌ఎస్‌లను అందిస్తోంది. 300 ఎస్‌ఎమ్‌ఎస్‌ల పరిమితి ముగిసిన తర్వాత.. ఒక్కో లోకల్ ఎస్‌ఎమ్‌ఎస్‌ కోసం రూ.1, ఎస్‌టీడీ ఎస్‌ఎమ్‌ఎస్‌ కోసం రూ. 1.5 పైసలు చెల్లించాల్సి వస్తుంది.రూ. 249 ప్లాన్‌కంపెనీ అందించే.. ఈ ప్లాన్ వాలిడిటీ 24 రోజులు. దీని ద్వారా మీరు ఇంటర్నెట్ వినియోగం కోసం ప్రతిరోజూ 1 జీబీ డేటా పొందవచ్చు. డేటా పరిమితి ముగిసిన తర్వాత, ప్లాన్‌లో అందించే ఇంటర్నెట్ వేగం 64Kbpsకి తగ్గుతుంది. ఈ ప్లాన్‌లో కంపెనీ ప్రతిరోజూ 100 ఎస్‌ఎమ్‌ఎస్‌లను అందిస్తోంది. దీనితో పాటు, మీరు అపరిమిత కాలింగ్ కూడా పొందుతారు.రూ. 289 ప్లాన్ఈ ప్లాన్ ద్వారా మీరు 40 రోజుల వ్యాలిడిటీ పొందవచ్చు. 4 జీబీ డేటా లభిస్తుంది. డేటా పరిమితి ముగిసిన తర్వాత, మీరు 1MB డేటా కోసం 50 పైసలు చెల్లించాలి. ఈ ప్లాన్ 600 ఉచిత ఎస్‌ఎమ్‌ఎస్‌లు, అపరిమిత కాలింగ్ ప్రయోజనాలు లభిస్తాయి.ఇదీ చదవండి: ఒక్క రీఛార్జ్‌తో 84 రోజులు - బెస్ట్ ప్లాన్ చూడండిమొబైల్‌ రీఛార్జ్‌ మరింత భారం అవుతుందా?రిలయన్స్ జియో(Jio), భారతీ ఎయిర్‌టెల్‌, వొడాఫోన్ ఐడియా సహా భారతదేశంలోని టెలికాం ఆపరేటర్లు ఈ ఏడాది టారిఫ్‌(Tariff)లను 10 శాతం పెంచే అవకాశం ఉందని విశ్లేషకులు భావిస్తున్నారు. గతంలో 2024 జులైలో 25 శాతం వరకు టారిఫ్ పెంచిన విషయం తెలిసిందే. ఆపరేటర్లు మార్జిన్లపై దృష్టి పెడుతున్నారని, త్వరలో 5జీ నిర్దిష్ట ధరలను ప్రవేశపెట్టవచ్చని జెఫరీస్ నివేదిక తెలిపింది.

ప్రముఖ టెలికం సంస్థ వొడాఫోన్‌ ఐడియా (వీఐ) తన కస్టమర్లను ఆకట్టుకునే ప‍్రయత్నం చేస్తోంది. ఇందులో భాగంగా సంస్థ వీఐ నెట్‌ వర్క్‌ సబ్‌ స్క్రైబర్లు 4జీ, 5జీ స్మార్ట్‌ఫోన్ వినియోగదారుల కోసం అదనపు డేటాను అందిస్తోంది.ప్రీపెయిడ్ వినియోగదారుల కోసం ‘వీఐ గ్యారెంటీ ప్రోగ్రామ్’ను ప్రకటించింది. 5జీ, 4జీ ఫోన్ వినియోగదారులందరికీ 130 జీబీ డేటాను అందిస్తుంది. ఈ ప్యాక్‌ను ఎంచుకున్న యూజర్లకు మరో ఏడాది పాటు ఈ డేటాను పొందవచ్చని వీఐ పేర్కొంది. 13 వరుస సైకిళ్లకు ప్రతి 28వ రోజు ఆటోమేటిక్‌గా 10జీబీ జమ అవుతుందని కంపెనీ ఒక విడుదలలో తెలిపింది.ఈ సందర్భంగా వీఐ చీఫ్ మార్కెటింగ్ ఆఫీసర్ అవనీష్ ఖోస్లా మాట్లాడుతూ..దేశంలో చాలా మంది స్మార్ట్‌ఫోన్ వినియోగదారులు తగినంత డేటా లేకపోవడం వల్ల వారి 4జీ/5జీ స్మార్ట్‌ ఫోన్‌ వినియోగం సామర్థ్యాన్ని పెంచుకోవడం లేదని చెప్పారు.

ముంబై: నేషనల్‌ స్టాక్‌ ఎక్సేచంజీ నేటి(బుధవారం) నుంచి ‘నిఫ్టీ నెక్ట్స్‌ 50’ సూచీ డెరివేటివ్‌ కాంట్రాక్టులు ప్రవేశపెడుతోంది. మూడు నెలల ఫ్యూచర్స్, ఆప్షన్స్‌ కాంట్రాక్టులను ట్రేడింగ్‌కు అందుబాటులో ఉంచుతుంది. ప్రతినెలా చివరి శుక్రవారం ఈ కాంట్రాక్టుల గడువు ముగుస్తుంది. నిఫ్టీ 100లోని నిఫ్టీ 50 కంపెనీలు మినహా మిగితా కంపెనీలన్నీ ఈ సూచీలో ఉంటాయి. ఈ ఏడాది మార్చి 29 నాటికి ఈ సూచీలోని కంపెనీల మొత్తం మార్కెట్‌ విలువ రూ.70 లక్షల కోట్లుగా ఉంది. ఎన్‌ఎస్‌ఈలోని నమోదిత కంపెనీల మొత్తం మార్కెట్‌ విలువలో ఇది సుమారు 18%గా ఉంది. ఈ కాంట్రాక్టు్టలపై అక్టోబర్‌ 31 వరకు ఎలాంటి ట్రాన్సాక్షన్‌  చార్జీలు ఉండవని ఎన్‌ఎస్‌ఈ పేర్కొంది.   మూడో రోజూ సూచీలు ముందుకే... స్టాక్‌ సూచీలు మంగళవారం స్వల్ప లాభాలతో గట్టెక్కాయి. సెన్సెక్స్‌ 90 పాయింట్లు పెరిగి 73,738 వద్ద స్థిరపడింది. నిఫ్టీ 32 పాయింట్లు బలపడి 22,368 వద్ద నిలిచింది. సూచీలకిది ఇది మూడో రోజూ లాభాల ముగింపు. ప్రపంచ ఈక్విటీ మార్కెట్ల నుంచి సానుకూల సంకేతాలు అందుకున్న సూచీలు ఉదయం లాభాలతో మొదలయ్యాయి. ట్రేడింగ్‌ ప్రారంభంలోనే సెన్సెక్స్‌ 411 పాయింట్లు ఎగసి 74,060 వద్ద, నిఫ్టీ 111 పాయింట్లు దూసుకెళ్లి 22,448 వద్ద ఇంట్రాడే గరిష్టాలు నమోదు చేశాయి. అయితే అధిక వెయి టేజీ రిలయన్స్‌ ఇండస్ట్రీస్‌ షేరులో లాభా ల స్వీకరణ, క్రూడాయిల్‌ ధరల రికవరీ, విదేశీ ఇన్వెస్టర్లు విక్రయాలతో సూచీల లాభాలు పరిమితమయ్యాయి. టెలికం, రియల్టీ, యుటిలిటీ, కన్జూమర్, కమోడిటీ షేర్లకు కొనుగోళ్ల మద్దతు లభించాయి. మెటల్, ఇంధన షేర్లు అమ్మకాల ఒత్తిడికి లోనయ్యాయి.  ఫాలోఆన్‌ఆఫర్‌(ఎఫ్‌పీఓ) ద్వారా రూ.18వేల కోట్లు సమీకరించడంతో వొడాఫోన్‌ ఐడియా షేరు 12% పెరిగి రూ.14.39 వద్ద స్థిరపడింది. ట్రేడింగ్‌లో 14% ఎగసి రూ.14.42 వద్ద ఇంట్రాడే గరిష్టాన్ని తాకింది.  

ప్రపంచ కుబేరుల్లో ఒకరైన ఎలాన్ మస్క్ కంపెనీ స్టార్‌‌‌‌‌‌‌‌లింక్‌‌‌‌‌‌‌‌ అప్పుల్లో ఉన్న వొడాఫోన్‌ ఐడియా సంస్థలో వాటాను కొనుగోలు చేస్తుందనే వార్తలు వైరల్‌ అవుతున్నాయి. అందుకు సంబంధించిన ఫొటోలు, క్లిప్‌లు సామాజికమాధ్యమాల్లో చక్కర్లు కొడుతున్నాయి. దాంతో టెలికాం ఆపరేటర్ వొడాఫోన్ ఐడియా స్పందించింది.  స్టార్‌లింగ్‌ తమ కంపెనీలో వాటా కొనుగోలు చేయడానికి సంబంధించి ఎలాంటి చర్చలు జరపడం లేదని  టెలికాం ఆపరేటర్ వొడాఫోన్ ఐడియా మంగళవారం ప్రకటించింది. వాటా కొనుగోలుకు అవకాశం  ఉందంటూ వచ్చిన వార్తల్లో నిజం లేదని స్పష్టం చేసింది. తాము  కంపెనీకి సంబంధించిన అన్ని వివరాలను ఎప్పటికప్పుడు  స్టాక్ ఎక్స్ఛేంజీలకు తెలియజేస్తామని పేర్కొంది. సామాజికమధ్యమాల్లో వస్తున్న వార్తలు నమ్మకూడదని చెప్పింది. ఏ సమాచారమైన అధికారిక వెబ్‌సైట్‌ల్లో సరిచేసుకోవాలని తెలిపింది. ఇదీ చదవండి: కొత్త కార్ల పరుగు దేశంలో తొలిసారి టెలికాం రంగంలో ప్రవేశించేందుకు స్టార్‌‌‌‌‌‌‌‌లింక్ వోడాఫోన్ ఐడియాతో జతకట్టవచ్చనే ప్రచారం వల్ల వీఐ షేర్లు ఇటీవల భారీగా ర్యాలీ అయ్యాయి. స్టార్‌‌‌‌‌‌‌‌లింక్ భారత మార్కెట్‌‌‌‌‌‌‌‌లోకి ప్రవేశించేందుకు వీలుగా ప్రభుత్వం వీఐలో తన 33.1 శాతం వాటాను మస్క్‌‌‌‌‌‌‌‌కు విక్రయించవచ్చని ఊహాగానాలు వచ్చాయి. మస్క్ వచ్చే వారం వైబ్రెంట్ గుజరాత్ బిజినెస్ సమ్మిట్‌‌‌‌‌‌‌‌కు హాజరయ్యేందుకు భారత్‌ రానున్న నేపథ్యంలో ఈ వార్తలకు ప్రాధ్యాన్యం సంతరించుకుంది.

నగదు కొరతతో సతమతమవుతున్న వొడాఫోన్‌ ఐడియాను టేకోవర్‌ చేసే ఎలాంటి ప్రతిపాదన ప్రభుత్వ పరిశీలనలో లేదని కేంద్రం స్పష్టంచేసింది. వొడాఫోన్‌ ఐడియాను టేకోవర్‌ చేసే ప్రణాళిక ప్రభుత్వానికి ఉందా అన్న ప్రశ్నకు బుధవారం లోక్‌సభలో కమ్యూనికేషన్ల శాఖ సహాయ మంత్రి దేవుసిన్హ్‌ చౌహాన్‌ లిఖితపూర్వక సమాధానం ఇస్తూ తమ శాఖ వద్ద అలాంటి ఏ ప్రతిపాదన లేదని తెలిపారు. అయితే కంపెనీని ఆర్థికంగా ఆదుకునేందుకు మాత్రమే ఆ వాటాను తీసుకున్నామనీ స్పష్టం చేశారు.  మేజర్‌ వాటా కేంద్రానిదే.. ప్రస్తుతం వొడాఫోన్‌ ఐడియాలో కేంద్ర ప్రభుత్వానికి 33.1 శాతం వాటా ఉంది. ఆ కంపెనీ టెలికం శాఖకు చెల్లించాల్సిన ఏజీఆర్‌ బకాయిలను ఈ ఏడాది ఫిబ్రవరిలో ఈక్విటీ షేర్లుగా మార్చుకుంది. దీంతో ప్రభుత్వానికి ఆ వాటా సమకూరింది. ఇప్పుడు కంపెనీలో అతిపెద్ద వాటాదారు కేంద్ర ప్రభుత్వమే. భాగస్వామ్య సంస్థ బ్రిటన్‌కు చెందిన వొడాఫోన్‌కు 32.3 శాతం, ఆదిత్యా బిర్లా గ్రూప్‌నకు 18.1 శాతం..రెండింటికీ కలిపి 50.4 శాతం వాటా ఉన్నది. మిగిలిన వాటా రిటైల్‌ ఇన్వెస్టర్ల వద్ద ఉంది. వొడాఫోన్‌ చెల్లించాల్సిన మరో రూ.40,000 కోట్లకు నాలుగేళ్లపాటు మారటోరియం ఉంది. అయితే ఈ మొత్తాన్ని 2026 నుంచి కంపెనీ చెల్లించాల్సి ఉంటుంది. ఆ బకాయిల్ని ప్రభుత్వం ఈక్విటీగా మార్చుకుని వాటాను 70 శాతానికి పెంచుకుంటుందన్న అంచనాలున్నాయి. ఇదీ చదవండి: భారత్‌ ప్రధాన సమస్య ఏమిటంటే..? ప్రభుత్వ ఆధ్వర్యంలోని భారత్ సంచార్ నిగమ్ లిమిటెడ్ (బీఎన్‌ఎన్‌ఎల్‌)పై అడిగిన ప్రశ్నకు చౌహాన్ స్పందిస్తూ.. ప్రభుత్వ ఆత్మనిర్భర్ భారత్‌లో భాగంగా 4జీ సేవలను ప్రారంభించడానికి దేశీయంగా అభివృద్ధి చేసిన 1,00,000 సైట్‌ల కోసం కొనుగోలు ప్రణాళికలు చేసిందని తెలిపారు.

దేశంలోని మూడో అతిపెద్ద టెలికాం కంపెనీ వొడాఫోన్ ఐడియా యూజర్లకు గుడ్ న్యూస్ చెప్పింది. త్వరలో భారత మార్కెట్లో 5జీ నెట్‌వర్క్‌ను పూర్తి స్థాయిలో అందుబాటులోకి తెస్తున్నట్లు తెలిపింది. వొడాఫోన్ ఐడియా 5జీ  5జీ సేవలను ప్రారంభించనున్నట్లు వొడాఫోన్ ఐడియా కంపెనీ అధికారికంగా ప్రకటించలేదు. కానీ అధికారిక వెబ్‌సైట్‌ ప్రకారం.. ఢిల్లీ, పూణేలోని నిర్దిష్ట ప్రాంతాల్లోని ప్రజలు ఇప్పటికే 'విఐ 5జీ రెడీ సిమ్' ఉపయోగించి కనెక్షన్ పొందవచ్చు అని పేర్కొంది. దేశంలో వొడాఫోన్‌ ఐడియా 5జీ సేవలకు ఊతం ఇచ్చేలా వొడాఫోన్ ఐడియా ఆగస్టులో 26జీహెచ్‌,  3.3జీహెచ్‌జెడ్‌ బ్యాండ్‌లను ఉపయోగించి పూణేలో 5G సేవలను విజయవంతంగా పరీక్షించింది. గత ఏడాది జులైలో స్పెక్ట్రమ్‌ వేలం అయితే, గత ఏడాది జూలై నెలలో జరిగిన 5జీ స్పెక్ట్రం వేలంలో 17 టెలికం సర్కిళ్లను సొంతం చేసుకుంది. కానీ వాటిల్లో 15 సర్కిళ్లలో 5జీ నెట్‌వర్క్‌ని అందించలేమని ఆ సంస్థ సీఈవో అక్షయ్‌ మూంద్రా తెలిపారు.   ఆసక్తికర పరిణామాలు ఈ నేపథ్యంలో ఇండియా ముబైల్‌ కాంగ్రెస్‌ (ఐఎంసీ) ఈవెంట్లో వొడాఫోన్‌ ఐడియా నాన్‌ ఎగ్జిక్యూటీవ్‌ డైరెక్టర్‌ కుమార్‌ మంగళం బిర్లా మాట్లాడుతూ.. దేశంలో 5జీ సేవల్ని అందించేందుకు సిద్ధంగా ఉన్నట్లు తెలిపారు. అంతేకాదు దశల వారీగా 4జీ, 5జీ సేవల్ని కస్టమర్లకు అందించేందుకు తాము కట్టుబడి ఉన్నామని అన్నారు. ఈ తరుణంలో వొడాఫోన్‌ 5జీ సేవలు రానున్నాయనే నివేదికలతో టెలికం రంగంలో ఆసక్తిర పరిణామాలు చోటు చేసుకోనున్నాయి. 

Reliance Jio: ఏప్రిల్ 2023లో టెలికమ్యూనికేషన్స్ పరిశ్రమలో తన ఆధిపత్య స్థానాన్ని నిలుపుకోవడంలో 'రిలయన్స్ జియో' (Reliance Jio) ముందు వరుసలో నిలిచినట్లు 'టెలికామ్ రెగ్యులేటరీ అథారిటీ ఆఫ్ ఇండియా' (TRAI) తెలిపింది. దీని గురించి మరిన్ని వివరాలు ఈ కథనంలో తెలుసుకుందాం. నివేదికల ప్రకారం, రిలయన్స్ జియో 2023 ఏప్రిల్ నెలలో కొత్తగా 3.04 మిలియన్ల సబ్‌స్క్రైబర్లను పొందగలిగింది. ఇదే సమయంలో భారతి ఎయిర్‌టెల్ (Bharti Airtel) 76,328 మంది వినియోగదారులను పొందినట్లు తెలిసింది. వోడాఫోన్ ఏకంగా 2.99 మిలియన్ల సబ్‌స్క్రైబర్లను కోల్పోయింది. కాగా మొత్తం వైర్‌లెస్ చందాదారుల సంఖ్య మార్చి 2023లో 1,143.93 మిలియన్ల నుంచి ఏప్రిల్ 2023లో 1,143.13 మిలియన్లకు తగ్గింది. దీని ప్రకారం నెలవారీ క్షీణత రేటు 0.07 శాతం. ఈ విషయంలో పట్టణ ప్రాంతాల వారి కంటే గ్రామీణ ప్రాంతాల్లో సంఖ్య పెరిగినట్లు నివేదికలు చెబుతున్నాయి. (ఇదీ చదవండి: హైలక్స్ కొనుగోలుపై బంపర్ ఆఫర్.. మిస్ చేసుకుంటే మళ్ళీ రాదేమో!) టెలికామ్ రంగంలో ప్రైవేట్ హవా కొనసాగుతోందని స్పష్టంగా తెలుస్తోంది. దాదాపు 90 శాతం వాటా వీరిదే ఉందని తెలుస్తోంది. ఒక్క రిలయన్స్ జియో వాటా 37.9 శాతంతో అగ్రస్థానంలో నిలిచింది. ఈ జాబితాలో ఎయిర్‌టెల్ 32.4 శాతం, వోడాఫోన్ 20.4 శాతంలో వరుసగా రెండు మూడు స్థానాల్లో ఉన్నట్లు తెలుస్తోంది. ప్రభుత్వ రంగ సంస్థలు బీఎస్‌ఎన్‌ఎల్‌ (BSNL), ఎమ్‌టీఎన్‌ఎల్‌ (MTNL) వాటా కేవలం 9.2 శాతం కావడం గమనార్హం. రానున్న రోజుల్లో ప్రభుత్వ రంగంలో మరింత తగ్గిపోయే అవకాశాలున్నట్లు స్పష్టంగా తెలుస్తోంది.

ప్రముఖ టెలికాం సంస్థ వొడాఫోన్‌  లేఆఫ్స్‌ ప్రకటించింది. రానున్న 3 ఏళ్లలో 11వేల మంది ఉద్యోగుల్ని తొలగించనున్నట్లు ఆ సంస్థ సీఈఓ మార్గరీటా డెల్లా వల్లే తెలిపారు.  త‌మ సామ‌ర్ధ్యం త‌గినంత‌గా లేద‌ని, నిరంతరం మెరుగైన సేవ‌లు అందించే క్ర‌మంలో వొడాఫోన్ విధిగా మారాల‌ని డెలా వ‌లె స్ప‌ష్టం చేశారు. ‘కస్టమర్లు, సరళత, వృద్ధి ఈ మూడు అంశాలే మా లక్ష్యం. వీటి ఆధారంగా మార్కెట్‌లో నెలకొన్న పోటీని ధీటుగా ఎదుర్కొనేందుకు సంస్థను తీర్చిదిద్దుతామని చెప్పారు. అంతేకాదు కస్టమర్లకు నాణ్యమైన సేవల్ని అందించేలా వనరులను కేటాయిస్తూ మరింత వృద్ధి సాధిస్తామని మార్గరీటా డెల్లా ధీమా వ్యక్తం చేశారు. సంస్థ సైతం ప్రపంచ వ్యాప్తంగా నెలకొన్న ఆర్ధిక అనిశ్చితి నేపథ్యంలో వొడాఫోన్‌ ఈ నిర్ణయం తీసుకోవడం టెలికాం రంగానికి చెందిన ఉద్యోగులు ఆందోళన వ్యక్తంచేస్తున్నారు. కాగా, గత ఏడాది వొడాఫోన్‌లో 104,000 మంది సిబ్బంది ఉండగా.. తాజాగా మొత్తం వర్క్‌ ఫోర్స్‌లో 10శాతానికి పైగా సిబ్బందిని తొలగిస్తూ నిర్ణయం తీసుకుంది. చదవండి👉 అమెజాన్‌లో లేఆఫ్స్‌.. భారత్‌లో 500 మంది ఉద్యోగుల తొలగింపు!

ప్రముఖ టెలికాం కంపెనీ వొడాఫోన్ ఐడియా భారీ షాక్‌ తగిలింది. ఫిబ్రవరి నెలలో వొడాఫోన్ ఐడియా 20 లక్షల మంది వినియోగదారులను చేజార్చుకున్నట్లు టెలికాం నియంత్రణ సంస్థ ట్రాయ్ గణాంకాలను రిలీజ్ చేసింది.  అదే నెలలో జియోలోకి 10 లక్షల మంది చేరగా, ఎయిర్‌టెల్‌లోకి 9,82,554 మంది చేరినట్లు తెలిపింది. ఇక సబ్‌స్క్రైబర్ల పరంగా జియో 37.41శాతం వాటా కలిగి ఉండగా ఎయిర్ 32.39శాతం వాటాతో రెండవ స్థానంలో ఉంది. 10లక్షల మంది కస్టమర్లను కోల్పోయినప్పటికీ వొడాఫోన్ ఐడియాకు మార్కెట్‌లో 20శాతం ఉంది.   కాగా, టెలికాం విభాగంలో వొడాఫోన్ ఐడియా వెనకంజలో ఉండటమే కారణమని సమాచారం. ముఖ్యంగా ఆ సంస్థను అప్పులు బిక్కిరి చేస్తున్నాయి. గత ఏడాది సెప్టెంబర్ నాటికి ఆ కంపెనీకి రూ.2.2లక్షల కోట్ల వరకు అప్పులు ఉండగా, ఏజీఆర్ బకాయిల కింద దాదాపు రూ.16వేల కోట్ల బకాయిలను ప్రభుత్వం ఈక్విటీ కింద మార్చుకుంది. టెలికాం నెట్‌ వర్క్‌లైన జియో, ఎయిర్‌టెల్ 5జీ సేవల్ని అందిస్తుండగా.. వొడాఫోన్‌ ఐడియాలు మాత్రం లేటెస్ట్‌ నెట్‌వర్క్‌పై ఎలాంటి చర్యలు తీసుకోలేదు. వెరసీ యూజర్లు ఇతర నెట్‌వర్క్‌లను వినియోగించుకునేందుకు మొగ్గు చూపుతున్నారు.

మనదేశంలో ప్రముఖ టెలికాం సర్వీసులైన జియో, ఎయిర్ టెల్ నువ్వా నేనా అంటూ పోటీ పడుతున్నాయి. ఇందులో భాగంగానే ఎప్పటికప్పుడు కొత్త ప్లాన్స్ పుట్టుకొస్తున్నాయి. 5జీ రంగంలో దూసుకెళ్తున్న కంపెనీలతో పోటీ పడటంలో వోడాఫోన్ ఐడియా కొంత వెనుకపడ్డాయి. ఈ కారణంగా ఈ సర్వీసులు ఉపయోగించే వారి సంఖ్య చాలా వరకు తగ్గింది. దీనిని దృష్టిలో ఉంచుకుని వోడాఫోన్, ఐడియా కొత్త ప్లాన్లు, ఆఫర్స్ తీసుకువచ్చాయి. దీని గురించి మరిన్ని వివరాలు ఈ కథనంలో తెలుసుకుందాం. ఎక్కువగా జియో సేవలకు ఆసక్తి చూపుతున్న కస్టమర్లను తమవైపు ఆకర్శించడానికి ఎలాంటి అదనపు చార్జీలు లేకుండా 5జీబీ డేటా ఉచితంగా పొందే ఆఫర్ అందుబాటులోకి వచ్చింది. ఈ కొత్త ఆఫర్ కింద రూ. 299తో గానీ అంతకంటే ఎక్కువ రీఛార్జ్ చేసుకున్న వారు ఈ ఆఫర్ పొందవచ్చని వోడాఫోన్ ఐడియా ప్రకటించాయి. కంపెనీ ప్రవేశపెట్టిన ఈ కొత్త ఆఫర్ రీఛార్జ్ చేసుకున్న మూడు రోజుల వ్యాలిడిటీతో 5జీబీ డేటాను ఉచితంగా అందిస్తుంది. ఇది మాత్రమే కాకుండా రూ. 199 నుంచి రూ. 299 మధ్య ఉన్న వివిధ ప్లాన్స్ ప్రకారం రీఛార్జ్ చేసుకున్న వారికి 2జీబీ డేటా ఫ్రీగా వస్తుంది. దీని వ్యాలిడిటీ కూడా కేవలం మూడు రోజులు మాత్రమే ఉంటుంది. ఈ డేటాతో మీరు వీఐ మూవీస్, టీవీ, వీఐ మ్యూజిక్, వీఐ గేమ్స్, ఆండ్రాయిడ్ గేమ్స్ మొదలైనవి వినియోగించుకోవచ్చు. (ఇదీ చదవండి: 1998లో ప్రభంజనం సృష్టించిన టాటా ఇండికా - అరుదైన వీడియో) ఇటీవల రూ. 549 ప్రీపెయిడ్ ప్లాన్ తొలగించి, దీని ద్వారా 180 రోజుల వ్యాలిడిటీ అందించింది. ఇందులో అపరిమిత కాల్స్, లిమిటెడ్ ఓటీటీ బెనిఫీట్స్ వంటివి ఇందులో అందుబాటులో ఉండేవి, దీనికి ఆశించినంత ఆదరణ లేకపోవడం వల్ల సంస్థ దీనిని నిలిపివేసింది. ఇలాంటి మరిన్ని ఆసక్తికరమైన విషయాలను ఎప్పటికప్పుడు తెలుసుకోవడానికి సాక్షి బిజినెస్ చూస్తూ ఉండండి. ఈ కథనంపై మీ సందేహాలను, అభిప్రాయాలను తప్పకుండా మాతో పంచుకోండి.

వోడాఫోన్ కస్టమర్ల నిరీక్షణ ఎట్టకేలకు ముగిసింది. భారతదేశంలో 5జీ సేవలను అందుబాటులోకి తీసుకురావడానికి వోడాఫోన్‌ సిద్ధమవుతోంది. ఆదిత్య బిర్లా గ్రూప్ చైర్‌పర్సన్ కుమార్ మంగళం బిర్లా ఓ వార్తాచానెల్‌రకు ఇచ్చిన ఇంటర్వ్యూలో వొడాఫోన్ ఐడియా  5జీ సేవలను త్వరలో ప్రారంభించబోతున్నట్లు ధ్రువీకరించారు. (Akshata Murthy: బ్రిటన్ ప్రధాని సతీమణి చేతికి ఒక్క రోజులో రూ.68 కోట్లు..)  వోడాఫోన్ తన సబ్‌స్క్రైబర్ బేస్‌ను వేగంగా కోల్పోతున్న సమయంలో ఈ ప్రకటన వచ్చింది. రాబోయే 5జీ సేవల కోసం వోడాఫోన్‌ మోటరోలా, షావోమీ స్మార్ట్‌ఫోన్ కంపెనీలతో కలిసి పనిచేస్తోంది. ప్రస్తుతం వోడాఫోన్ భారతదేశంలో 4జీ సేవలను మాత్రమే అందిస్తోంది. దేశంలో 5జీ సేవలను ఇప్పటివరకూ ప్రారంభించని ఏకైక టెలికాం కంపెనీ ఇదే. జియో, ఎయిర్‌టెల్‌ రెండూ ఇప్పటికే 5జీ సేవలను అందుబాటులోకి తీసుకొచ్చాయి. భారత్‌లో వోడాఫోన్ 5జీ సేవలను ప్రారంభించనున్నట్లు ప్రకటించినప్పటికీ అది ఎప్పటిలోగా అందుబాటులోకి తీసుకొచ్చేది స్పష్టం చేయలేదు. దేశంలో ఇప్పటికే 5జీ సేవలను ప్రారంభించిన ఎయిర్‌టెల్, రిలయన్స్ జియోలకు వొడాఫోన్ ఐడియా క్రమంగా కస్టమర్లను కోల్పోతున్న క్రమంలో ఈ ప్రకటన వచ్చింది. 2021 ఏప్రిల్  నుంచి వోడాఫోన్‌ 42.4 మిలియన్ల మంది సబ్‌స్క్రైబర్‌లను కోల్పోయింది. 2022 డిసెంబర్ నాటికి 12 నెలల వ్యవధిలో 24.2 మిలియన్ల సబ్‌స్క్రైబర్-బేస్ కోతను చవి చూసింది. (tata motors: మళ్లీ పెరగనున్న టాటా కార్ల ధరలు.. ఎందుకంటే..) 2022 డిసెంబర్ 31తో ముగిసిన త్రైమాసికంలో వొడాఫోన్ ఐడియా రూ. 7,990 కోట్ల నికర నష్టాన్ని నమోదు చేసింది. అంతకుముందు సెప్టెంబర్ త్రైమాసికంలో కంపెనీ నికర నష్టం రూ. 7,595.5 కోట్లు. అయితే డిసెంబర్ త్రైమాసికంలో కంపెనీ మొత్తం ఆదాయం రూ.10,620.6 కోట్లు కాగా సెప్టెంబర్ త్రైమాసికంలో రూ.10,614.6 కోట్లు. ఎయిర్‌టెల్‌, జియో 5జీ అవకాశాన్ని సద్వినియోగం చేసుకుని దూసుకెళ్తుంటే వోడాఫోన్ ఐడియా వెనుకబడి ఉంది. ఏది ఏమైనప్పటికీ త్వరలో 5జీ సేవలను ప్రారంభించబోతున్నట్లు వోడాఫోన్‌ ఐడియా ప్రకటించడం వల్ల కోల్పోయిన కస్టమర్లను తిరిగి పొందడంలో కొంతైనా సహాయపడవచ్చు. (Akshay Tritiya 2023: అక్షయ తృతీయ నాడు బంగారం కొంటున్నారా? ఈ విషయాలు గుర్తుంచుకోండి...)

న్యూఢిల్లీ: ప్రస్తుత ఆర్థిక సంవత్సరం(2022–23) మూడో త్రైమాసికంలో మొబైల్‌ టెలికం రంగ కంపెనీ వొడాఫోన్‌ ఐడియా నిరుత్సాహకర ఫలితాలు ప్రకటించింది. కన్సాలిడేటెడ్‌ ప్రాతిపదికన అక్టోబర్‌–డిసెంబర్‌(క్యూ3)లో నికర నష్టం పెరిగి రూ. 7,990 కోట్లను తాకింది. గతేడాది(2021–22) ఇదే కాలంలో రూ. 7,234 కోట్ల నికర నష్టం ప్రకటించింది. మొత్తం ఆదాయం మాత్రం 9 శాతంపైగా బలపడి రూ. 10,621 కోట్లకు చేరింది. గత క్యూ3లో రూ. రూ. 9,717 కోట్ల టర్నోవర్‌ నమోదైంది. ఈ కాలంలో కంపెనీ రూ. 16,133 కోట్లమేర (స్పెక్ట్రమ్‌ వాయిదాలు, ఏజీఆర్‌ బకాయిలపై) చెల్లించవలసిన వడ్డీని ప్రభుత్వం ఈక్విటీగా మారి్పడి చేసుకుంది. దీంతో వొడాఫోన్‌ ఐడియాలో ప్రభుత్వం 33 శాతం వాటాతో అతిపెద్ద వాటాదారుగా ఆవిర్భవించింది. మరోపక్క కంపెనీ బోర్డు ఏటీసీ ఇండియాకు రూ. 1,600 కోట్ల విలువైన అప్షనల్లీ కన్వరి్టబుల్‌ డిబెంచర్ల జారీకి ఆమోదించింది.  కాగా, తాజా సమీక్షా కాలంలో ఒక్కో వినియోగదారునిపై సగటు ఆదాయం(ఏఆర్‌పీయూ) 17 శాతంపైగా మెరుగై రూ. 135ను తాకింది. మొత్తం కస్టమర్ల సంఖ్య 23.44 కోట్ల(క్యూ2) నుంచి 22.86 కోట్లకు నీరసించింది. ఫలితాల నేపథ్యంలో కంపెనీ షేరు ఎన్‌ఎస్‌ఈలో యథాతథంగా రూ. 7.70 వద్ద ముగిసింది.

న్యూఢిల్లీ: రుణ సంక్షోభంలో కూరుకుపోయిన వొడాఫోన్‌ ఐడియా (వీఐఎల్‌) కట్టాల్సిన రూ. 16,133 కోట్ల వడ్డీ బాకీలను ఈక్విటీ కింద మార్చుకునే ప్రతిపాదనకు కేంద్రం ఆమోదముద్ర వేసింది. స్పెక్ట్రం వాయిదాలు, సవరించిన స్థూల లాభాలపై కట్టాల్సినది (ఏజీఆర్‌) కలిపి ప్రభుత్వానికి వీఐఎల్‌ భారీగా బాకీ పడింది. సంస్థ ఆర్థిక పరిస్థితులు దృష్ట్యా బకాయిలకు సంబంధించి ప్రభుత్వానికి ఈక్విటీ షేర్లను వాటాగా కేటాయించింది.  దీంతో రూ.10 షేర్‌ విలువతో రూ.16,133 కోట్ల విలువైన షేర్లను కంపెనీ కేంద్రానికి  బదిలీ చేసింది. తమ భాకీలను ఈక్విటీగా మార్చుకుంటే తమ సంస్థలో ప్రభుత్వానికి 33.14 శాతం వాటా లభించగలదని వీఐఎల్‌ గతంలో తెలిపింది. పలు కారణాలతో కేంద్రం ఈ ప్రక్రియను వాయిదా వేస్తూ వస్తోంది. అయితే తాజాగా దీనికి ఆమోదం తెలుపుతూ ఉత్తర్వులు జారీ చేసింది. భారతదేశ టెలికాం రంగంలో బిలియనీర్ ముఖేష్ అంబానీ రిలయన్స్ జియో రంగ ప్రవేశంతో సంచలనం సృష్టించిన సంగతి తెలిసిందే. జియో దెబ్బకు ఈ రంగంలోని పలు టెలికాం కంపెనీలు మూతపడ్డాయి. మరో వైపు ప్రభుత్వానికి చెల్లించాల్సిన భారీ బకాయిలు కూడా టెలికాం రంగం ఇబ్బందులను మరింత పెంచాయి.   చదవండి: అదానీ గ్రూప్‌: బ్యాంకులకు కీలక ఆదేశాలు జారీ చేసిన ఆర్బీఐ

న్యూఢిల్లీ: టెలికం కంపెనీలు రిలయన్స్‌ జియో, భారతీ ఎయిర్‌టెల్‌ సంయుక్తంగా దేశవ్యాప్తంగా నవంబర్‌లో కొత్తగా 25 లక్షల మంది  మొబైల్‌ కస్టమర్లను సొంతం చేసుకున్నాయి. వొడాఫోన్‌ ఐడియా 18.3 లక్షల మంది వినియోగదార్లను కోల్పోయింది. టెలికం రెగ్యులేటరీ అథారిటీ ఆఫ్‌ ఇండియా (ట్రాయ్‌) ప్రకారం.. జియో నూతనంగా 14.26 లక్షల మందిని చేర్చుకుంది. దీంతో సంస్థ మొబైల్‌ చందాదార్ల సంఖ్య నవంబర్‌ చివరినాటికి 42.28 కోట్లకు చేరింది. భారతీ ఎయిర్‌టెల్‌ 10.56 లక్షల మంది కొత్త కస్టమర్ల చేరికతో మొత్తం సబ్‌స్క్రైబర్ల సంఖ్య 36.60 కోట్లను తాకింది. వొడాఫోన్‌ ఐడియా చందాదార్లు 24.37 కోట్లకు వచ్చి చేరారు. భారత్‌లో మొ త్తం మొబైల్‌ కనెక్షన్లు 114.3 కోట్లు ఉన్నాయి. చదవండి: Union Budget 2023: కేంద్రం శుభవార్త.. రైతులకు ఇస్తున్న సాయం పెంచనుందా!

ఎస్‌ఎంస్‌ల మోసాలను నివారించేందుకు డిపార్ట్‌మెంట్ ఆఫ్ టెలికమ్యూనికేషన్స్(DoT) షార్ట్ మెసేజ్ సర్వీస్ (SMS) సేవలకు సంబంధించి కొత్త నిబంధనను ప్రవేశపెట్టింది. దీని ప్రకారం.. రిలయన్స్ జియో, ఎయిర్‌టెల్, వోడాఫోన్-ఐడియాతో సహా టెలికాం ఆపరేటర్‌లను సిమ్ మార్పిడి లేదా అప్‌గ్రేడ్ ప్రక్రియలో ఎస్‌ఎంఎస్‌ (SMS) సౌకర్యాన్ని (ఇన్‌కమింగ్, అవుట్‌గోయింగ్ రెండూ) నిలిపివేయాలని ఆదేశించింది. కొత్త SIM కార్డ్‌లను యాక్టివేట్ చేసిన తర్వాత 24 గంటల పాటు ఎస్‌ఎంఎస్‌ (SMS) సేవలు నిలిపివేయాలని సూచించింది. కొత్త నిబంధనలు ఏం చెప్తున్నాయి.. కొత్త నిబంధన ప్రకారం, సిమ్ కార్డ్ లేదా నంబర్‌ను మార్చమని రిక్వెస్ట్‌ వచ్చిన తర్వాత, టెలికాం ఆపరేటర్లు కస్టమర్లకు అభ్యర్థనకు సంబంధించిన నోటిఫికేషన్‌ను కూడా పంపాలి. సిమ్ కార్డ్ హోల్డర్ ఐవీఆర్‌ఎస్‌ ( IVRS ) కాల్ ద్వారా ఈ అభ్యర్థనను మరింత ధృవీకరించాలి. కస్టమర్ ఏదైనా సమయంలో సిమ్‌ కార్డ్ అప్‌గ్రేడ్ అభ్యర్థనను తిరస్కరిస్తే, వెంటనే దీన్ని నిలిపివేయాలి. సిమ్ స్విచ్ స్కామ్‌లు, ఇతర సంబంధిత సైబర్ నేరాలను తగ్గించేందుకు టెలికాం శాఖ ఈ కొత్త మార్గదర్శకాలు అమలులోకి తెచ్చింది. వీటిని అమలు చేసేందుకు టెలికాం సర్వీస్ ప్రొవైడర్లకు 15 రోజుల గడువు కూడా ఇచ్చింది. చదవండి: భారీగా ఉద్యోగులను తొలగించిన ప్రముఖ కంపెనీ.. భారత్‌పైనే ఎక్కువ ప్రభావం పడుతుందా!

టెలికాం రంగంలో పోటీ విపరీతంగా పెరుగుతోంది. కస్టమర్లను ఆకట్టుకునేందుకు కంపెనీలు అదిరిపోయే ఆఫర్లతో పాటు ట్రెండ్‌ని కూడా ఫాలో అవుతూ ప్లాన్‌లను ప్రకటిస్తున్నాయి. ప్రముఖ టెలికం కంపెనీ వొడాఫోన్ ఐడియా (వీఐ) తమ వినియోగదారుల కోసం సరికొత్త రీచార్జ్ ప్లాన్‌ను ప్రవేశపెట్టింది. కరోనా కారణంగా ప్రజలు ఓటీటీలకు అలవాటు పడ్డ సంగతి తెలిసిందే. ఈ నేపథ్యంలో ఆ కేటగిరి కస్టమర్లను దృష్టిలో వోడాఫోన్‌ ఐడియా తీసుకొచ్చిన కొత్త రీఛార్జ్ ప్లాన్ ఓటీటీ( OTT) ప్రయోజనాలతో వస్తుంది. ఓటీటీ ప్రియుల కోసం ప్రత్యేక ప్లాన్‌.. ఓటీటీ కోసం డబ్బులు ఎక్కువ ఖర్చు కాకుండా ఫుల్ ఎంటర్‌టైన్‌మెంట్ కావాలనుకునే కస్టమర్లకు ఈ రీచార్జ్ ప్లాన్ అనువుగా ఉంటుందని చెప్పుకోవచ్చు. ఈ ప్లాన్‌లోని బెనిఫిట్స్‌పై ఓ లుక్కేద్దాం.. వీఐ కొత్త రూ.151 ప్రీపెయిడ్ యాడ్-ఆన్ ప్యాక్‌ని ప్రకటించింది.  ఈ చవకైన రీచార్జ్ ప్లాన్ వాలిడిటీ 30 రోజులు ఉంటుంది. ఇందులో ప్రధానంగా మూడు నెలల డిస్నీ+ హాట్‌స్టార్ మొబైల్ సబ్‌స్క్రిప్షన్‌తో వస్తుంది. ఈ ప్యాక్‌తో కస్టమర్లు మొత్తం 8GB డేటాను కూడా పొందుతారు. అయితే ఈ రీచార్జ్ ప్లాన్‌పై కాలింగ్, ఉచితంగా ఎస్ఎంఎస్ బెనిఫిట్స్ అనేవి ఉండవు. అధిక డేటాతో హాట్ స్టార్, డిస్నీ సబ్‌స్క్రిప్షన్ కోరుకునే కస్టమర్లకు ఈ రీచార్జ్ ప్లాన్ అనువుగా ఉంటుందని చెప్పువచ్చు. చదవండి: వెనకాల ఇంత జరుగుతుందా.. ఐసీఐసీఐ బ్యాంక్‌ కస్టమర్లకు భారీ షాక్‌!

గతంలో గ్రామాల్లో సంతలు జరిగేవి, అక్కడికి వెళ్లి మనకి నచ్చిన వస్తువుని కొనుగోలు చేసేవాళ్లం. ప్రస్తుత రోజుల్లో అలాంటివి కనుమరుగైనా ఆ స్థానంలోకి ఆన్‌లైన్‌ షాపింగ్‌లు వచ్చాయి. అందులో ప్రధానంగా అమెజాన్ సంస్థ నిర్వహించే అమెజాన్‌ ప్రైమ్ డే సేల్ ఒకటి. తాజాగా అమెజాన్‌ ప్రైమ్‌ డే సేల్‌ 2022 జూలై 23, 24 తేదీల్లో జరగబోతోంది. అయితే ఇందులో అమెజాన్‌ ప్రైమ్‌ సభ్యులు మాత్రమే పాల్గొనాలి.  వారికి అమెజాన్‌లో షాపింగ్ చేస్తే ఉచితంగా డెలివరీ, కొన్ని ప్రొడక్ట్స్‌పై డిస్కౌంట్, ప్రైమ్ వీడియో యాక్సెస్ లాంటి బెనిఫిట్స్ బోలెడు ఉంటాయి.  ఇతరులు ఈ సేల్‌లో షాపింగ్‌ చేయాలంటే ప్రైమ్ సబ్‌స్క్రిప్షన్ తప్పక తీసుకోవాల్సిందే. అయితే ప్రైమ్ సబ్‌స్క్రిప్షన్ పొందేందుకు ఆ సంస్థ మొబైల్‌ వినియోగదారులకు ఓ బంఫర్‌ ఆఫర్‌ ప్రకటించింది. కేవలం మొబైల్‌ని రీచార్జ్‌తో అమెజాన్ ప్రైమ్ సబ్‌స్క్రిప్షన్ ఉచితంగా పొందేలా ప్లాన్‌ని తీసుకొచ్చింది. ఈ ప్లాన్‌ని.. ఎయిర్‌టెల్, వోడాఫోన్, రిలయన్స్ జియో నెట్‌వర్క్‌ కస్టమర్లు ఉపయోగించుకోవచ్చు. అయితే అందులో కొన్ని సెలక్టడ్‌ ప్లాన్‌లకు అమెజాన్ ప్రైమ్ మెంబర్‌షిప్‌ని లింక్‌ చేశారు. ఈ రీచార్జ్‌లు చేసుకున్నవారికి నిబంధనల ప్రకారం ఉచిత సబ్‌స్క్రిప్షన్ వర్తిస్తుంది. అవేంటో చూద్దాం. ఫ్రీ సబ్‌స్క్రిప్షన్ ప్లాన్‌లు ఇవే: Airtel Rs 359 postpaid plan: ఎయిర్‌టెల్ రూ.359 పోస్ట్‌పెయిడ్ ప్లాన్ తీసుకుంటే 28 రోజుల అమెజాన్ ప్రైమ్ మెంబర్‌షిప్ ఉచితంగా లభిస్తుంది. అన్‌లిమిటెడ్ కాల్స్ చేయొచ్చు. రోజుకు 2 జీబీ డేటీ వాడుకోవచ్చు. రోజూ 100 ఎస్ఎంఎస్‌లు లభిస్తాయి. ఈ తరహాలోనే ఎయిర్‌టెల్‌ కస్టమర్లు  ఉచితంగా సబ్‌స్క్రిప్షన్ పొందేందుకు .. 499, 699, 999, 1199, 1599. Jio Rs 399 PostPaid Plan: జియో రూ.399 పోస్ట్‌పెయిడ్ ప్లాన్ తీసుకుంటే నెట్‌ఫ్లిక్స్, అమెజాన్ ప్రైమ్ ఉచిత సబ్‌స్క్రిప్షన్ లభిస్తుంది. 75జీబీ డేటా వాడుకోవచ్చు. రోజూ 100ఎస్ఎంఎస్‌లు లభిస్తాయి. ఉచితంగా సబ్‌స్క్రిప్షన్ పొందేందుకు జియో ప్లాన్‌ జాబితా.. 599, 399, 1499, 799. Vi Rs 999 postpaid plan: వొడాఫోన్ ఐడియా రూ.999 పోస్ట్‌పెయిడ్ ప్లాన్ తీసుకున్నవారికి ఆరు నెలల అమెజాన్ ప్రైమ్ మెంబర్‌షిప్ ఉచితంగా లభిస్తుంది. అన్‌లిమిటెడ్ కాల్స్ చేయొచ్చు. 220 డేటా వాడుకోవచ్చు. రోజూ 100 ఎస్ఎంఎస్‌లు లభిస్తాయి. ఉచిత సబ్‌స్క్రిప్షన్ పొందేందుకు వొడాఫోన్‌ ప్లాన్‌ జాబితా..699, 1099, 499, 999, 1299,1699, 2299.

సాక్షి,హైదరాబాద్: టెలికాం రెగ్యులేటరీ సంస్థ (TRAI) విడుదల చేసిన తాజా సబ్‌స్క్రైబర్ డేటా ప్రకారం, మే 2022 నెలకు గాను రిలయన్స్ జియో ఆంధ్రప్రదేశ్, తెలంగాణ రాష్ట్రాలలో 3.27 లక్షల మంది కొత్త కస్టమర్లను చేర్చుకుంది.  ఇదే నెలలో భారతీ ఎయిర్‌టెల్ 71,312 మొబైల్ కస్టమర్లను చేర్చుకుంది. మరోవైపు ఇదే సమయంలో వోడాఫోన్ ఐడియా 74,808 మంది సబ్‌స్క్రైబర్లను కోల్పోగా, ప్రభుత్వ టెలికాం సంస్థ బీఎస్‌ఎన్‌ఎల్‌ (BSNL) 78,423 మంది సబ్‌స్క్రైబర్లను కోల్పోయింది. జాతీయంగా, రిలయన్స్ జియో మే నెలలో 31.11 లక్షల వైర్‌లెస్ సబ్‌స్క్రైబర్‌లను సంపాదించి, భారతీయ టెలికాం మార్కెట్లో తన ఆధిక్యాన్ని మరింతగా పెంచుకుంది. ఫలితంగా, దేశవ్యాప్తంగా జియో మొత్తం మొబైల్ కస్టమర్ల సంఖ్య ఇప్పుడు 40.87 కోట్లకు చేరుకుంది. భారతీ ఎయిర్‌టెల్ దేశవ్యాప్తంగా 10.27 లక్షల మంది సబ్‌స్క్రైబర్‌లను చేర్చుకుంది, దీంతో సంస్థ మొత్తం మొబైల్ వినియోగదారుల సంఖ్య 36.21 కోట్లకు చేరుకుంది. మరో వైపు, వోడాఫోన్ ఐడియా సబ్‌స్క్రైబర్‌ల సంఖ్య ఈ నెలలో 7.59 లక్షలు తగ్గి 25.84 కోట్లకు పడిపోయింది. బీఎస్‌ఎన్‌ఎల్‌( BSNL ) వినియోగదారుల సంఖ్య కూడా దాదాపు 53.62 లక్షలు తగ్గి 11.28 కోట్లకు పడిపోయింది. చదవండి: ఇలా అయితే జీఎస్టీ ఉండదు: నిర్మలా సీతారామన్‌ క్లారిటీ

టెలికాం రంగంలో పని చేస్తున్న ఉద్యోగులకు శుభవార్త. త్వరలో టెలికాం సంస్థలు భారీ ఎత్తున శాలరీలు పెంచేందుకు సిద్ధంగా ఉన్నట్లు పలు నివేదికలు వెలుగులోకి వచ్చాయి.  టైమ్స్‌ కథనం ప్రకారం...టెలికాం దిగ్గజాలైన రిలయన్స్‌,ఎయిటెల్‌,వొడాఫోన్‌ ఐడియా సంస్థలు వారి ఉద్యోగుల జీతాల్ని ఈ ఏడాదిలో 10నుంచి 12శాతం వరకు పెంచుతున్నట్లు తెలుస్తోంది.గతేడాది పెంచిన శాలరీ 7.5శాతంగా ఉండగా..ఈ ఏడాది అత్యధికంగా పెంచే యోచనలో ఉన్నాయని, పైన పేర్కొన్న మూడు టెలికాం సంస్థలు ఉద్యోగులకు కనీసం  8 నుంచి 12శాతం శాలరీ హైక్‌ చేయోచ్చని టైమ్స్‌ తన కథనంలో హైలెట్‌ చేసింది. జులైలో పెరగనున్నాయి టెలికాం కంపెనీలు జీతాలు పెంచుతున్నట్లు తమకు సమాచారం అందించాయని ఐటీ,ఐటీఈఎస్‌,మీడియా, గవర్నమెంట్‌ శాఖల్లో స్టాఫింగ్‌ సర్వీస్‌ సంస్థ టీం లీజ్‌ సర్వీస్‌ వెల్లడించింది. అంతేకాదు ఇప్పటికే కొంత మంది ఉద్యోగుల జీతాలు పెంచామని,జులై నుంచి మిగిలిన వారి జీతాలు పెంచుతున్నామని టీం లీస్‌ సర్వీస్‌ బిజినెస్‌ హెడ్‌ దేవాల్‌ సింగ్‌ తెలిపారు.  అప్‌డేట్‌ అవ్వాల్సిందే టెలికాం రంగంలో దేశ వ్యాప్తంగా 4మిలియన్ల మంది విధులు నిర్వహిస్తున్నారు. అయితే టెలికాం రంగంలో టక్నాలజీ అనుగుణంగా ఎప్పటికప్పుడు అప్‌డేట్‌ అవుతున్న ఉద్యోగులు జీతాలు ఊహించిన దానికంటే ఎక్కువగానే పెరగనున్నట్లు టీం లీస్‌ సర్వీస్‌ పేర్కొంది. 5జీ సర్వీసుల వినియోగంతో మార్కెట్‌లో ఉద్యోగులకు డిమాండ్‌ ఎక్కువగా ఉందని, వారి ఎంపిక విషయంలో సైతం కంపెనీలు భారీ ఎత్తున ఖర్చు చేస్తున్నట్లు వెల్లడించింది.

ఫొటోలో ఉన్నవాళ్లు ఏదో సంగీతానికి అనుగుణంగా సంతోషంగా చిందులు వేస్తున్నట్లు కనిపిస్తున్నారు కదా! సంగీతం వింటూ సంతోషంగా చిందులు వేయడం మామూలే కదా అనుకుంటున్నారా? మామూలే అనుకోండి. కాని, ఈ ఫొటోలో కనిపిస్తున్న వాళ్లంతా బధిరులు. అయితే, వాళ్లు సంగీతానికి అనుగుణంగానే చిందులు వేస్తున్నారు. బధిరులు సంగీతానికి అనుగుణంగా చిందులు వేయడమేంటని అవాక్కవుతున్నారా? ఫొటోను జాగ్రత్తగా గమనించండి. వాళ్ల ఒంటిపై ముందువైపు కనిపిస్తున్న స్ట్రాప్స్‌ వెనక్కు వేలాడేలా భుజాన తగిలించుకున్న బ్యాగులవి కావు. ఇవి వాళ్లు తొడుక్కున్న ‘హాప్టిక్‌ సూట్‌’కు చెందినవి. చేతి మణికట్లకు, ఒంటికి అంటిపెట్టుకునేలా ఉండే ఈ స్ట్రాప్స్‌తో కూడిన సూట్‌ను ధరిస్తే, ఈ సూట్‌ సంగీతానికి అనుగుణమైన ప్రకంపనలు సృష్టిస్తుంది. దాంతో బధిరులూ సంగీతాన్ని అనుభూతించగలరు. దీనిని ‘వోడాఫోన్‌’ కంపెనీ రూపొందించింది.  

హైదరాబాద్, బిజినెస్‌ బ్యూరో: టెలికం కంపెనీ రిలయన్స్‌ జియో ఏప్రిల్‌లో కొత్తగా 16.8 లక్షల మంది మొబైల్‌ చందాదార్లను దక్కించుకుంది. దీంతో సంస్థ మొత్తం మొబైల్‌ యూజర్ల సంఖ్య 40.5 కోట్లకు ఎగసింది. ఎయిర్‌టెల్‌ ఖాతాలో నూతనంగా 8.1 లక్షల మంది చేరికతో మొత్తం మొబైల్‌ చందాదార్ల సంఖ్య 36.11 కోట్లను తాకింది.  టెలికం రెగ్యులేటరీ అథారిటీ ఆఫ్‌ ఇండియా (ట్రాయ్‌) గణాంకాల ప్రకారం.. వొడాఫోన్‌ ఐడియా 15.7 లక్షల మంది చందాదార్లను పోగొట్టుకుంది. ఈ సంస్థ మొత్తం సబ్‌స్కైబ్రర్లు 25.9 కోట్లకు వచ్చి చేరారు. ఇక అన్ని కంపెనీలవి కలిపి మొత్తం వైర్‌లెస్‌ చందాదార్ల సంఖ్య స్వల్పంగా పెరిగి 114.3 కోట్లుగా ఉంది. కస్టమర్లు పట్టణాల్లో 0.07 శాతం తగ్గి, గ్రామాల్లో 0.20 శాతం పెరిగారు. బ్రాడ్‌బ్యాండ్‌ చందాదార్లు మార్చితో పోలిస్తే ఏప్రిల్‌లో కొద్దిగా అధికమై 78.87 కోట్లకు చేరారు. చదవండి: బడ్జెట్‌ ధరలో రియల్‌మీ.. విడుదల ఎప్పుడంటే!

ఈ ఏడాది జియో, ఎయిర్‌టెల్, వొడాఫోన్‌ ఐడియా మరోసారి టారిఫ్‌లు పెంచే అవకాశాలు ఉన్నాయి. దీంతో 2022–23లో టెల్కోల ఆదాయాలు 20–25 శాతం పెరగనున్నాయని దేశీ రేటింగ్‌ ఏజెన్సీ క్రిసిల్‌ వెల్లడించింది. అందుకే  ప్రస్తుతానికి, రోజువారీ ఇంటర్నెట్ డేటా, అపరిమిత కాలింగ్, లాంగ్‌ టైమ్‌ వ్యాలిడిటీతో తక్కువ మొత్తంలో ఎక్కువ ప్రయోజనాల్ని అందించే టారిఫ్‌ ధరల్ని ఎంపిక చేసుకోవడం ఉత్తమం. అయితే ఇప్పుడు మనం మూడు టెలికాం సంస్థల్లో ఆఫర్లు ఎలా ఉన్నాయో తెలుసుకుందాం.    వోడాఫోన్ ఐడియా వోడాఫోన్ ఐడియా రూ.400లోపు ప్లాన్‌లను అందిస్తుంది. ముఖ్యంగా రూ.299 ప్రీపెయిడ్ ప్లాన్‌లో 28 రోజుల వ్యాలిడిటీతో రోజుకు 1.5 డేటా,అపరిమిత కాల్‌లు, రోజుకు 100 ఎస్‌ఎంఎస్‌లను పొందవచ్చు. ఎటువంటి అదనపు ఖర్చు లేకుండా, వారాంతపు డేటా రోల్‌ఓవర్, వీఐ సినిమాలు, ప్రతి నెలా 2జీబీ వరకు బ్యాకప్ డేటా పొందవచ్చు.  రూ.359 ప్రీపెయిడ్ ప్లాన్‌లో రోజుకు 3జీబీ డేటా, అపరిమిత కాల్‌లు, రోజుకు 100ఎస్‌ఎంఎస్‌లను అందిస్తుంది. 28 రోజుల వ్యాలిడిటీతో అదనపు ప్రయోజనాల్ని అందిస్తుంది. వారాంతపు డేటా రోల్‌ఓవర్, వీఐ సినిమాలు, టీవీని ఫ్రీగా యాక్సిస్‌ చేయోచ్చు. ప్రతి నెలా 2జీబీ వరకు బ్యాకప్ డేటా పొందవచ్చు.  రూ.399 ప్లాన్‌లో 28రోజుల వ్యాలిడిటీతో 3నెలల డిస్నీ ప‍్లస్‌ హాట్‌స్టార్‌ ఫ్రీ సబ్‌స్క్రిప్షన్‌ను పొందవచ్చు. ఈ ప్లాన్‌లో రోజుకు 2.5జీబీ డేటాను పొందవచ్చు. ఎటువంటి అదనపు ఖర్చు లేకుండా,వారాంతపు డేటా రోల్‌ఓవర్, వీఐ సినిమాలు, టీవీని ఫ్రీగా యాక్సిస్‌ చేయోచ్చు. ప్రతి నెలా 2జీబీ వరకు బ్యాకప్ డేటా పొందవచ్చు.  ఎయిర్‌టెల్ 28రోజుల వ్యాలిడిటీతో ఎయిర్‌టెల్ రూ.399 ప్లాన్‌ను కూడా అందిస్తుంది. ప్రీపెయిడ్ ప్లాన్ రోజుకు 2.5జీబీ డేటా, అపరిమిత కాల్‌లు, డిస్నీప్లస్‌ హాట్‌స్టార్‌కి ఉచిత సబ్‌స్క్రిప్షన్లను పొందవచ్చు.   28రోజుల వ్యాలిడిటీతో రూ. 359 ప్లాన్‌లో రోజుకు 2జీబీ డేటా, అపరిమిత కాల్‌లను అందిస్తుంది.  28 రోజుల వ్యాలిడిటీతో రూ. 319 ప్లాన్‌ను అందిస్తుంది. ఈ ప్లాన్ రోజుకు 2జీబీ డేటా, అపరిమిత కాల్స్ పొందచ్చు.  జియో 28రోజుల వ్యాలిడిటీతో రూ.299 ప్రీపెయిడ్ పెయిడ్ ప్లాన్. 2జీబీ డేటా, అపరిమిత వాయిస్ కాలింగ్, ఎస్‌ఎంఎస్‌ పొందవచ్చు.    రిలయన్స్ జియో 30 రోజుల వ్యాలిడిటీతో రూ.259 ప్రీపెయిడ్ ప్లాన్‌ను అందుబాటులోకి తెచ్చింది. రోజుకు 1.5జీబీ డేటాను అందిస్తుంది. మీ రోజువారీ డేటా ముగిసిన తర్వాత, మీరు 64కేబీపీఎస్‌ వేగంతో ఇంటర్నెట్‌ను బ్రౌజ్ చేయోచ్చు. రోజువారీ డేటా ప్రయోజనాలతో పాటు, రిలయన్స్ జియో ప్లాన్ అపరిమిత వాయిస్ కాలింగ్‌ను కూడా అందిస్తుంది. మీరు రోజుకు 100ఎస్‌ఎంఎస్‌, జియో యాప్‌లకు కాంప్లిమెంటరీ సబ్‌స్క్రిప్షన్ పొందవచ్చు.

న్యూఢిల్లీ: టెలికం చందాదారులు 2021 నవంబర్‌ నాటికి 119.05 కోట్లకు చేరుకున్నారు. గతేడాది నవంబర్‌ నెలలో రిలయన్స్‌ జియో, భారతీ ఎయిర్‌టెల్‌ నికరంగా కొత్త యూజర్లను సంపాదించుకోగా, వొడాఫోన్‌ ఐడియా యూజర్లను కోల్పోయింది. బీఎస్‌ఎన్‌ఎల్‌ను వెనక్కి నెట్టి రిలయన్స్‌ జియో ఫిక్స్‌డ్‌ లైన్‌ బ్రాడ్‌బ్యాండ్‌ చందాదారుల పరంగా మొదటి స్థానానికి చేరుకుంది. వైర్‌లెస్‌ కస్టమర్లు మొత్తం మీద దేశంలో 116.7 కోట్లుగా ఉన్నారు. టెలికం రెగ్యులేటరీ సంస్థ (ట్రాయ్‌) గతేడాది నవంబర్‌ నెల గణాంకాలను మంగళవారం విడుదల చేసింది.  ♦రిలయన్స్‌ జియో 20,19,362 మంది చందారులను నికరంగా చేర్చుకుంది. మొత్తం చందాదారుల సంఖ్య 42.8 కోట్లకు పెరిగింది.  ♦ ఎయిర్‌టెల్‌ 13,18,251 మంది చందాదారులను సంపాదించుకుంది. మొత్తం  చందాదారుల సంఖ్య 35.52 కోట్లుగా ఉంది. ఈ సంస్థ అక్టోబర్‌లో నికరంగా చందాదారులను నష్టపోవడం గమనార్హం.   ♦వొడాఫోన్‌ ఐడియా 18,97,050 కస్టమర్లు కోల్పోయింది. ఈ సంస్థ మొత్తం చందాదారులు 26.7 కోట్లకు పరిమితమయ్యారు.  ♦బీఎస్‌ఎన్‌ఎల్‌ 2,40,062 మంది మొబైల్‌ కస్టమర్లను కోల్పోయింది.   ♦ఎంటీఎన్‌ఎల్‌ 4,318 కనెక్షన్లను నష్టపోయింది.  ♦ఫిక్స్‌డ్‌ లైన్‌ కనెక్షన్లు 2.35 కోట్లు పెరిగాయి. రిలయన్స్‌ జియో 2,07,114, ఎయిర్‌టెల్‌ 1,30,902 కనెక్షన్లను సంపాదించుకున్నాయి. బీఎస్‌ఎన్‌ఎల్‌ 77,434 కనెక్షన్లను కోల్పోయింది.  ♦బ్రాడ్‌బ్యాండ్‌ చందాదారుల సంఖ్య 80.16 కోట్లకు చేరుకుంది. అక్టోబర్‌ చివరికి ఇది 79.89 కోట్లుగా నమోదైంది.

'ఆఫర్లు మావి..ఛాయిస్‌ మీది' అంటూ దేశీయ టెలికాం దిగ్గజాలు యూజర్లకు భారీ ఆఫర్లు ప్రకటిస్తున్నాయి. ఇప్పటికే జియో' బ్రాండ్‌ బ్యాండ్‌ తన  వినియోగదారులకు ఉచితంగా నెట్‌ఫ్లిక్స్‌, డిస్నీ+హాట్‌స్టార్‌, అమెజాన్‌ ప్రైమ్‌ సబ్‌స్క్రిప్షన్‌..! వీటితో పాటుగా మరో 14 ఓటీటీ సేవల్ని ఉచితంగా అందిస్తుంది. తాజాగా టెలికాం నెట్‌వర్క్‌లైన జియో, ఎయిర్‌టెల్‌, వొడాఫోన్‌ఐడియాకు పోటీగా కొన్నిప్లాన్‌లను అందుబాటులోకి తెచ్చాయి. అవేంటో ఇప్పుడు తెలుసుకుందాం.  టెలికాం ఆపరేటర్లు ఎయిర్‌టెల్‌, జియో, వొడాఫోన్‌ ఐడియా'లు ప్రీపెయిడ్ ప్లాన్‌ల టారిఫ్‌లను పెంచాయి.ఈ ప్రీపెయిడ్ ప్లాన్‌లలో కొన్ని అదనపు డేటా ప్రయోజనాలను అందిస్తున్నాయి. అంతేకాదు ఆయా కంపెనీల యాప్ ద్వారా రీఛార్జ్ చేసుకుంటే ప్రత్యేకంగా డిస్కౌంట్‌లను ప్రకటించాయి. ముఖ్యంగా యాప్‌ ద్వారా రీఛార్జ్‌ చేయించుకునే వినియోగదారులు కొంతమేర డబ్బును ఆదా చేసుకోవచ్చని టెలికాం కంపెనీలు ప్రచారం చేస్తున్నాయి. అందులో భాగంగా చాలా మంది వినియోగదారులు అపరిమిత కాల్‌లు, రోజుకు 100ఎస్‌ఎంఎస్‌లతో పాటు రోజువారీ 2జీబీ డేటాను పొందవచ్చు. 2జీబీ రోజువారీ డేటా, నెలవారీ, వార్షిక ప్లాన్‌లు ధరల పరంగా విభిన్నంగా ఉన్నాయి. ముందుగా   ఎయిర్‌ టెల్‌ 2జీబీ నెలవారీ ప్లాన్‌లు vs వార్షిక ప్రీపెయిడ్ ప్లాన్‌లు ఎయిర్‌టెల్ 28 రోజులు, 56 రోజులు, 84 రోజులు, 365 రోజుల వ్యాలిడిటీతో పాటు.. ఈ నాలుగు ప్లాన్‌లకు రోజువారీ  2జీబీ డేటాను అందిస్తుంది. ఈ ప్లాన్‌ల ధరలు వరుసగా రూ.359, రూ.549, రూ.839, రూ.2999 ఉన్నాయి. ఇక యాప్ ద్వారా రీఛార్జ్ చేసినప్పుడు రూ.359 ప్రీపెయిడ్ ప్లాన్ రూ.309కే వస్తుంది. దీంతో రూ.50 ఆదా అవుతుంది. ఈ ప్లాన్‌లో రోజుకు 100 ఎస్‌ఎంఎస్‌లతో పాటు అపరిమిత కాల్‌లను పొందవచ్చు. రోజువారీ డేటా ఎక్కువ పొందితే..వాటిపై ధరలు తక్కువగా ఉంటున్నాయి. ప్లాన్‌ల ధరలు పెరిగే కొద్ది ప్రయోజనాలు పెరుగుతున్నాయి. ►ఉదాహరణకు వినియోగదారులు సంవత్సరానికి ప్రతి నెల రూ.359 చెల్లిస్తున్నట్లయితే ఆమొత్తం రూ.4308 అవుతుంది. కానీ నేరుగా వార్షిక ప్లాన్‌కు సబ్‌స్క్రయిబ్ అయినప్పుడు ధర రూ.2999 అవుతుంది. దీని వల్ల వినియోగదారులకు రూ.1309 ఆదా చేసుకోవచ్చు. ►అలాగే వినియోగదారులు రూ.2999 ప్రీపెయిడ్ ప్లాన్‌కు సబ్‌స్క్రైబ్ చేసినప్పుడు నెలకు రూ. 250 ఖర్చవుతుంది. ఎయిర్‌టెల్ థాంక్స్ యాప్ లో రూ. 839 ప్రీపెయిడ్ ప్లాన్‌ ప్యాక్‌ తో నెలకు ఖర్చు రూ.200 లోపు అవుతుందని ప్రచారం చేస్తుంది.  జియో నెలకు 2జీబీ vs వార్షిక ప్రీపెయిడ్ ప్లాన్‌లు ►జియో 28రోజుల వ్యాలిడిటీతో రూ.299ప్లాన్‌లో భాగంగా 2జీబీ డేటాతో పాటు అపరిమిత వాయిస్ కాల్‌లు,రోజుకు 100 ఎస్‌ఎంఎస్‌లను అందిస్తుంది.  ►రూ.533 ప‍్లాన్‌లో భాగంగా 56 రోజుల వాలిడిటీతో  అందిస్తుంది.  ►84రోజుల వ్యాలిడిటీతో రూ.719 ప్లాన్‌ను అందిస్తుంది ►చివరిగా వార్షిక ప్లాన్‌ కింద రూ.2879తో సూపర్‌ వాల్యూ ప్లాన్‌ను అందిస్తుంది. మొత్తం డేటా ప్రయోజనాలు నెలవారీ ప్లాన్ కంటే ఎక్కువ, ప్లాన్ మొత్తం సంవత్సరం పాటు కొనసాగుతుంది. వొడాఫోన్‌ ఐడియా నెలకు 2జీబీ vs త్రైమాసిక ప్రీపెయిడ్ ప్లాన్‌లు వొడాఫోన్‌ ఐడియా 28 రోజులు, 56 రోజులు, 84 రోజుల వ్యాలిడిటీతో ప్రతిరోజు 2జీబీ ప్రీపెయిడ్‌ ప్లాన్‌లను అందిస్తుంది. ఈ ప్లాన్‌ల ధరలు వరుసగా రూ.359, రూ.539, రూ.839. అందిస్తున్నాయి. ఈ ప్లాన్‌లో అపరిమిత కాల్స్,రోజుకు 100ఎస్‌ఎంఎస్‌లను పొందవచ్చు. వార్షిక ప్లాన్‌ లేదా 84 రోజుల చెల్లుబాటుతో ప్లాన్ రూ.279కి తగ్గింది. ప్రస్తుతం వొడాఫోన్‌ ఐడియా 2జీబీ రోజువారీ డేటాను అందించే వార్షిక ప్లాన్‌లను అందించడం లేదు. అయితే, ఇది రూ.2899 ధరతో 1.5GB రోజువారీ డేటాను అందించే ప్రీపెయిడ్ ప్లాన్‌ను అందిస్తోంది. ఎక్కువ వ్యాలిడిటీతో ప్రీపెయిడ్ ప్లాన్‌లకు సబ్‌స్క్రయిబ్ చేసుకోవడం వల్ల యూజర్లకు డబ్బు ఆదా అవుతుంది. వార్షిక ప్లాన్‌లకు సబ్‌స్క్రయిబ్ చేసినట్లయితే, వారు పూర్తి సంవత్సరం వ్యాలిడిటీతో పాటు అదే డేటా, కాలింగ్ ప్రయోజనాలను పొందుతారని పై ప్లాన్‌లు చూపుతున్నాయి. చదవండి: నెట్‌ఫ్లిక్స్‌, డిస్నీ+హాట్‌స్టార్‌, అమెజాన్‌ ప్రైమ్‌ సేవలను ఉచితంగా ఇలా పొందండి..!

ప్రపంచవ్యాప్తంగా క్రిప్టోకరెన్సీలతో సమానంగా ఎన్‌ఎఫ్‌టీ(నాన్‌ ఫంజిబుల్‌ టోకెన్స్‌)కు భారీ ఆదరణ లభిస్తోంది. సినీ తారల నుంచి మొదలుకొని అగ్ర కంపెనీల వరకు ప్రత్యేకంగా ఎన్‌ఎఫ్‌టీ కలెక్షన్లను తీసుకొస్తున్నాయి. తాజాగా బ్రిటన్‌ నెట్ వర్క్ దిగ్గజం వొడాఫోన్ ఎన్‌ఎఫ్‌టీ తీసుకొని వచ్చింది. ప్రపంచంలోని మొట్టమొదటి సారిగా 1992 డిసెంబరు 3న పంపిన "మెర్రీ క్రిస్మస్" అనే టెక్స్ట్ సందేశాన్ని వొడాఫోన్ వేలానికి ఉంచింది. పారిస్ ఆక్షన్ హౌస్‌‌‌‌‌‌‌‌‌‌‌‌‌‌‌‌లో 'నాన్‌ ఫంజిబుల్‌ టోకెన్స్‌'గా ఈ వారం ప్రారంభంలో ప్రపంచంలోని మొట్టమొదటి టెక్స్ట్ సందేశాన్ని 121,000 డాలర్ల(సుమారు రూ.90 లక్షలు)కు వొడాఫోన్ విక్రయించింది.  30 ఏళ్ల క్రితం(డిసెంబర్ 3, 1992న) వొడాఫోన్‌‌‌‌‌‌‌‌‌‌‌‌‌‌‌‌ కంపెనీలో ఎస్‌‌‌‌‌‌‌‌‌‌‌‌‌‌‌‌ఎంఎస్ కమ్యూనికేషన్‌‌‌‌‌‌‌‌‌‌‌‌‌‌‌‌పై పనిచేసిన ఇంజినీర్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ నీల్‌‌‌‌‌‌‌‌‌‌‌‌‌‌‌‌ పాప్‌‌‌‌‌‌‌‌‌‌‌‌‌‌‌‌వర్త్‌‌‌‌‌‌‌‌‌‌‌‌‌‌‌‌ తన మొదటి టెస్టింగ్ ఎస్‌‌‌‌‌‌‌‌‌‌‌‌‌‌‌‌ఎంఎస్‌‌‌‌‌‌‌‌‌‌‌‌‌‌‌‌ 'మెర్రీ క్రిస్మస్' సందేశాన్ని రిచార్డ్ జార్విస్‌‌‌‌‌‌‌‌‌‌‌‌‌‌‌‌(బిజినెస్‌‌‌‌‌‌‌‌‌‌‌‌‌‌‌‌మ్యాన్‌‌‌‌‌‌‌‌‌‌‌‌‌‌‌‌)కు పంపించారు. అతను తన 2 కిలోల ఆర్బిటెల్ పరికరంలో ఈ సందేశాన్ని అందుకున్నాడు. ఈ ఆర్బిటెల్ పరికరం డెస్క్ ఫోన్ తరహాలోనే ఉంటుంది. ఈ "మెర్రీ క్రిస్మస్" అనే టెక్స్ట్ సందేశాన్ని వేలం వేయడం ద్వారా వచ్చిన డబ్బును ఐక్యరాజ్యసమితి శరణార్థుల ఏజెన్సీ- యుఎన్‌హెచ్‌సిఆర్‌కు యూఎన్‌‌‌‌‌‌‌‌‌‌‌‌‌‌‌‌ హైకమిషనర్ ఫర్ రిఫ్యూజికి విరాళంగా అందిస్తారు. ఈ వేలం తర్వాత ప్రపంచంలోని మొదటి ఎస్‌‌‌‌‌‌‌‌‌‌‌‌‌‌‌‌ఎంఎస్‌‌‌‌‌‌‌‌‌‌‌‌‌‌‌‌కు సంబంధించి ఎటువంటి ఎన్‌‌‌‌‌‌‌‌‌‌‌‌‌‌‌‌ఎఫ్‌‌‌‌‌‌‌‌‌‌‌‌‌‌‌‌టీని లేదా కాయిన్‌‌‌‌‌‌‌‌‌‌‌‌‌‌‌‌ను ఇష్యూ చేయబోమని  వొడాఫోన్ ప్రకటించింది.   (చదవండి: భూమివైపుగా ముంచుకొస్తున్న పెను ఉపద్రవం! నాసా హెచ్చరిక)

న్యూఢిల్లీ: 5జీ సర్వీసులకు సంబంధించి నెట్‌వర్క్‌ భద్రత పెద్ద సవాలుగా మారే అవకాశం ఉందని టెలికం సంస్థ వొడాఫోన్‌ ఐడియా చీఫ్‌ టెక్నాలజీ ఆఫీసర్‌ జగ్‌బీర్‌ సింగ్‌ తెలిపారు. ప్రస్తుతమున్న ఇంటర్నెట్‌ ఆఫ్‌ థింగ్స్‌ (ఐవోటీ), మెషిన్‌ టు మెషిన్‌ (ఎం2ఎం) సెన్సార్లు ఏవీ కూడా భద్రత ప్రమాణాలకు అనుగుణంగా లేకపోవడమే ఇందుకు కారణమని ఇండియా మొబైల్‌ కాంగ్రెస్‌ 2021 సదస్సులో పాల్గొన్న సందర్భంగా  వివరించారు. ఈ నేపథ్యంలో 5జీని అందుబాటులోకి తేవడంలో సైబర్‌ భద్రతకు ముప్పు వాటిల్లకుండా ప్రభుత్వం, ఆపరేటర్లు అంతా కలిసి పని చేయాల్సిన అవసరం ఉందని సింగ్‌ పేర్కొన్నారు. 5జీ సేవలను విజయవంతంగా అందుబాటులోకి తేవాలంటే స్పెక్ట్రం ధర సముచితంగా అవసరమన్నారు. చదవండి: జనవరిలో 5జీ ‘టెస్ట్‌బెడ్‌’

మొబైల్‌ ఆపరేటర్‌ సర్వీసుల్లో లోపాలకు సంబంధించి ఎయిర్‌టెల్‌ నెట్‌వర్క్‌పై అత్యధిక ఫిర్యాదులు అందినట్టు టెలికాం రెగ్యులేటరీ అథారిటీ ఆఫ్‌ ఇండియా(ట్రాయ్‌) తెలిపింది. మంత్రి దేవుసింహ్‌ చౌహాన్‌ తెలిపిన వివరాల ప్రకారం ఈ ఏడాదికి సంబంధించి నెట్‌వర్క్‌ సర్వీస్‌ ప్రొవైడర్లపై దేశవ్యాప్తంగా ట్రాయ్‌కి వేల సంఖ్యలో ఫిర్యాదులు అందాయి. ఇందులో అత్యధికంగా ఎయిర్‌టెల్‌పై 16,111 ఫిర్యాదులు వచ్చాయి. దీని తర్వాత స్థానంలో వోడాఫోన్‌ ఐడియాపై 14,487, రిలయన్స్‌ జియోపై 7,341 ఫిర్యాదులు ఉన్నాయి.  ఇక ప్రభుత్వ రంగ సంస్థలైన బీఎస్‌ఎన్‌ఎల్‌పై 2,913 కంప్లైంట్స్‌, ఎంఎన్‌టీఎల్‌పై 732 మంది ఫిర్యాదు చేశారు. అయితే ఈ ఫిర్యాదులకు సంబంధించి ఎటువంటి చర్యలు తీసుకున్నారనే అంశంపై మంత్రి నుంచి స్పష్టమైన సమాధానం లభించలేదు. సాధారణంగా ట్రాయ్‌ స్వీకరించే ఫిర్యాదులను పరిష్కరించాల్సిందిగా ఆయా నెట్‌వర్క్‌లకు ఫార్వార్డ్‌ చేస్తుందని మంత్రి తెలిపారు. అయితే ఫిర్యాదుకు సరైన స్పందన రాని ఎడల వినియోగదారులు టెలికాం సర్వీస్‌ ప్రొవైడర్‌ అప్పీలేట్‌ అధికారికి ఫిర్యాదు చేసే వెసులుబాటు ఉంది. 

న్యూఢిల్లీ: ఇతర నెట్‌వర్క్‌కు మారాలనుకునే (పోర్టింగ్‌) యూజర్లకు టారిఫ్‌ వోచరు, ప్లాన్లతో సంబంధం లేకుండా ఎస్‌ఎంఎస్‌ సదుపాయాన్ని తక్షణం కల్పించాలంటూ టెల్కోలను టెలికం రంగ నియంత్రణ సంస్థ ట్రాయ్‌ ఆదేశించింది. ప్రీపెయిడ్, పోస్ట్‌పెయిడ్‌ మొబైల్‌ యూజర్‌లు అందరికీ దీన్ని వర్తింపచేయాలని సూచించింది. పోర్టింగ్‌ కోసం నిర్దిష్ట కోడ్‌ను (యూపీసీ) పొందడానికి 1900కు ఎస్‌ఎంఎస్‌ పంపే వెసులుబాటు కల్పించాల్సిందేనని స్పష్టం చేసింది. సాధారణంగా ఇతర నెట్‌వర్క్‌కు మారాలనుకునే యూజర్లు 1900కు ఎస్‌ఎంఎస్‌ చేయాల్సి ఉంటుంది. ఆ తర్వాత తమ ఫోన్‌కు వచ్చే కోడ్‌ను కొత్త ఆపరేటరుకు తెలియజేయడం ద్వారా నెట్‌వర్క్‌ మారవచ్చు. అయితే, ప్రస్తుతం కొన్ని టెల్కోలు పలు ప్లాన్లలో ఎస్‌ఎంఎస్‌ ప్యాకేజీలను అందించడం లేదు. దీంతో వేరే నెట్‌వర్క్‌కు మారాలనుకునే యూజర్ల ప్రీపెయిడ్‌ ఖాతాల్లో తగినంత బ్యాలెన్స్‌ ఉన్నప్పటికీ ఎస్‌ఎంఎస్‌ ప్యాకేజీ లేదన్న కారణంతో .. 1900 నంబరుకు పోర్టింగ్‌ రిక్వెస్ట్‌ పంపనివ్వకుండా మోకాలడ్డుతున్నాయి. ఎస్‌ఎంఎస్‌లు కావాలంటే మరింత అధిక టారిఫ్‌ ప్లాన్‌నో లేదా ప్రత్యేకంగా ప్యాకేజీనో ఎంచుకోవాల్సి వస్తోంది. టెలికాం ఆపరేటర్లు అమలు చేస్తున్న కొత్త విధానంపై ఆరోపణలు వెల్లువెత్తాయి. ఇదే విధానంలో ఉన్న వొడాఫోన్‌ ఐడియా (వీఐఎల్‌) కొత్త ప్లాన్లపై రిలయన్స్‌ జియో సంస్థ ట్రాయ్‌కు ఫిర్యాదు చేసింది. వీఐఎల్‌ ఇటీవల 18–25% మేర టారిఫ్‌లు పెంచింది. కొత్త టారిఫ్‌ల ప్రకారం 28 రోజుల వేలిడిటీ ఉండే ఎంట్రీ లెవల్‌ ప్లాన్‌ రేటును ఎస్‌ఎంఎస్‌ సర్వీసు లేకుండా రూ. 99కి పెంచేసింది. రూ. 179కి మిం చిన ప్లాన్లలోనే ఎస్‌ఎంఎస్‌ సర్వీసు అందిస్తోంది. చదవండి: ట్రాయ్‌ నిద్రపోతోందా? హీటెక్కిన బాయ్‌కాట్‌ ట్రెండ్‌ 

న్యూఢిల్లీ: 5జీ ట్రయల్స్‌లో భాగంగా వొడాఫోన్‌ ఐడియా నెట్‌వర్క్‌పై వేగం 9.85 జీబీపీఎస్‌ నమోదైందని టెలికం పరికరాల తయారీ సంస్థ నోకియా తెలిపింది. 80 గిగాహెట్జ్‌ స్పెక్ట్రంలో ఈ–బ్యాండ్‌ మైక్రోవేవ్‌ను వినియోగించి ఈ ఘనతను సాధించినట్టు వెల్లడించింది. ఫైబర్‌ కేబుల్స్‌ వేయలేని ప్రాంతాల్లో ఈ–బ్యాండ్‌ ద్వారా.. స్మాల్‌సెల్స్, మాక్రోసెల్స్‌ను అనుసంధానించడం ద్వారా ఫైబర్‌ స్థాయి వేగంతో 5జీ సేవలను అందించేందుకు వొడాఫోన్‌ ఐడియా ట్రయల్స్‌లో భాగస్వామ్యం కావడం ఆనందంగా ఉందని కంపెనీ తెలిపింది.    

న్యూఢిల్లీ: దాదాపు రూ. 40,000 కోట్ల వసూళ్ల వివాదాలకు సంబంధించి టెలికం కంపెనీలపై దాఖలు చేసిన లీగల్‌ కేసులను ఉపసంహరించుకోవాలని టెలికం శాఖ (డాట్‌) యోచిస్తోంది. ఇందులో భాగంగా రిలయన్స్‌ కమ్యూనికేషన్స్‌పై కేసు విషయంలో ప్రస్తుత అప్పీలును కొనసాగించాలా లేదా అన్న దానిపై తగు నిర్ణయం తీసుకునేందుకు అవకాశమివ్వాలంటూ సుప్రీం కోర్టులో అఫిడవిట్‌ దాఖలు చేసినట్లు సంబంధిత వర్గాలు తెలిపాయి.  ఆర్థిక సమస్యలతో సతమతమవుతున్న టెల్కోలు సంక్షోభంలో కూరుకుపోతే బ్యాంకింగ్‌ వ్యవస్థపై ప్రతికూల ప్రభావం పడుతుందని, అలా జరగకుండా చర్యలు తీసుకోవాలని ఇండియన్‌ బ్యాంక్స్‌ అసోసియేషన్‌ (ఐబీఏ) తమకు విజ్ఞప్తి పంపిందని అఫిడవిట్‌లో డాట్‌ పేర్కొంది. ఈ నేపథ్యంలో అప్పీళ్లపై ముందుకెళ్లే విషయాన్ని పునరాలోచించాలని కేంద్ర ప్రభుత్వం భావిస్తోందని వివరించింది.  కేసు విచారణ సదర్భంగా ఇదే విషయాన్ని సొలిసిటర్‌ జనరల్‌ సుప్రీంకోర్టు ధర్మాసనానికి తెలిపారు. ఈ విషయమై తుది నిర్ణయం తీసుకోవలసిందని సూచిస్తూ, కేసు విచారణను నవంబర్‌ 17కు ధర్మాసనం వాయిదా వేసింది.  పరిస్థితి తీవ్రత దృష్ట్యా వివిధ స్థాయుల్లో అప్పీళ్లపై నిర్ణయం తీసుకునేందుకు కొంత సమయం పడుతుందని అఫిడవిట్‌లో పేర్కొంది. సముచిత నిర్ణయం తీసుకునేందుకు ప్రభుత్వానికి మూడు వారాల వ్యవధినివ్వాలని, కేసును నాలుగు వారాల పాటు వాయిదా వేయాలని కోరింది. కేంద్ర ప్రభుత్వ అంచనాల ప్రకారం వివిధ టెలికం ఆపరేటర్ల నుంచి ఈ కేసుల ద్వారా ఖజానాకు సుమారు రూ. 40,000 కోట్లు రావాల్సి ఉంది.  టెలికం రంగాన్ని ఆదుకునే దిశగా బకాయిలు, పెనాల్టీలు చెల్లించడానికి సమయమిస్తూ సెప్టెంబర్‌ 15న కేంద్ర ప్రభుత్వం ఉపశమన ప్యాకేజీ ప్రకటించిన సంగతి తెలిసిందే. అదే క్రమంలో టెల్కోలపై ఉన్న కేసులను కూడా ఉపసంహరించే యోచన చేయడమనేది గత సమస్యలను సరిచేసే ప్రయత్నంలో భాగంగా చూడవచ్చని న్యాయసేవల సంస్థ సిరిల్‌ అమర్‌చంద్‌ మంగళ్‌దాస్‌ పార్ట్‌నర్‌ సమీర్‌ చుగ్‌ అభిప్రాయపడ్డారు.

న్యూఢిల్లీ: ప్రయివేట్‌ రంగ మొబైల్‌ టెలికం కంపెనీ వొడాఫోన్‌ ఐడియా(వీఐ) లిమిటెడ్‌లో తమకున్న వాటాను ప్రభుత్వం లేదా ఏ ఇతర సంస్థకైనా అప్పగించేందుకు సంసిద్ధమంటూ కేఎం బిర్లా తాజాగా స్పష్టం చేశారు. కంపెనీ కొనసాగింపునకు వీలుగా ప్రభుత్వం చర్యలు తీసుకోవడం మేలు చేయగలదని ఈ సందర్భంగా అభిప్రాయపడ్డారు. ఈ అంశాలను ప్రస్తావిస్తూ జూన్‌ 7న కేబినెట్‌ సెక్రటరీ రాజీవ్‌ గాబాకు బిర్లా లేఖ రాశారు. వీఐఎల్‌లో బిర్లాకు 27 శాతం వాటా ఉంది. అధికారిక సమాచారం ప్రకారం వీఐఎల్‌కున్న సర్దుబాటు చేసిన స్థూల ఆదాయం(ఏజీఆర్‌) బకాయిలు(లయబిలిటీ) రూ. 58,254 కోట్లుకాగా.. వీటిలో రూ. 7,854 కోట్లకుపైగా చెల్లించింది. సుప్రీం నో: ఏజీఆర్‌ మదింపులో దిద్దుబాట్లకోసం భారతీ ఎయిర్‌టెల్‌సహా వీఐఎల్‌ సుప్రీం కోర్టును ఆశ్రయించినప్పటికీ చుక్కెదురైంది. కాగా.. ఏజీఆర్‌ బకాయిలపై స్పష్టత లోపించిన నేపథ్యంలో ఇన్వెస్టర్లు కంపెనీలో పెట్టుబడులకు ముందుకురావడంలేదని లేఖలో బిర్లా పేర్కొన్నారు. స్పెక్ట్రమ్‌ చెల్లింపులపై అవసరమైనంత మారటోరియం విధింపు, ప్రధానంగా సర్వీసు వ్యయాలకు మించిన ఫ్లోర్‌ ధరల విధానాలపై ప్రభుత్వం చర్యలు తీసుకోవాలన్నారు. భారీ రుణ భారం: రూ. 25,000 కోట్లు సమీకరించేందుకు 2020 సెప్టెంబర్‌లో బోర్డు వీఐఎల్‌కు గ్రీన్‌సిగ్నల్‌ ఇచ్చింది. అయితే కంపెనీ నిధుల సమీకరణ చేపట్టలేకపోవడం గమనార్హం! లీజ్‌ లయబిలిటీలను మినహాయిస్తే కంపెనీకి స్థూలంగా రూ. 1,80,310 కోట్ల మేర రుణభారముంది. వీటిలో వాయిదాపడిన స్పెక్ట్రమ్‌ చెల్లింపులు రూ. 96,270 కోట్లుకాగా.. బ్యాంకులు, ఆర్థిక సంస్థల రుణాలు రూ. 23,080 కోట్లుగా నమోదయ్యాయి. 

దేశ వ్యాప్తంగా ఇంధన ధరలు, నిత్యావసర వస్తువుల ధరలతో సతమతమవుతున్న సామాన్యుడి నెత్తిమీద మరో పిడుగు పడనుంది. ఈ సారి మొబైల్‌ రీచార్జ్‌ టారిఫ్‌ల రూపంలో రానుంది. పలు టెలికాం కంపెనీలు రీచార్జ్‌ టారిఫ్‌ల రేట్లను పెంచనున్నట్లు తెలుస్తోంది. టారిఫ్‌ల పెంపులతో సామాన్యుడికి మరింత భారం కానుంది. తాజాగా భారతి ఎయిర్‌టెల్‌ తన యూజర్ల కోసం బేసిక్‌ స్మార్ట్‌ ప్రీ పెయిడ్‌ ప్లాన్‌ ధరను రూ. 49 నుంచి ఏకంగా రూ. 79 పెంచేసింది. ఈ బేసిక్‌ ప్లాన్‌పై సుమారు 55 మిలియన్ల యూజర్లు ఆధారపడి ఉన్నారు. ఎయిర్‌టెల్‌ ఈ ప్లాన్‌లో భాగంగా అవుట్‌ గోయింగ్‌ కాల్స్‌కు సంబంధించి నాలుగు రెట్లు అధికంగా టాక్‌టైంను అందించింది. దాంతోపాటుగా డబుల్‌ మొబైల్‌ డేటాను చేసింది. తాజాగా ఎయిర్‌టెల్‌ బాటలో వోడాఫోన్‌-ఐడియా కూడా టారిఫ్‌లను పెంచే దారిలో పయనిస్తున్నట్లు తెలుస్తోంది.  వోడాఫోన్‌-ఐడియా ఇప్పటికే రూ. 49 ప్లాన్‌ను విరమించుకుంది. ఈ ప్లాన్‌కు బదులుగా కొత్తగా 28 రోజుల వ్యాలిడిటీతో రూ. 79 ప్లాన్‌ను తీసుకువచ్చింది. ఎయిర్‌టెల్‌, వోడాఫోన్‌-ఐడియా బాటలోనే పలు టెలికాం కంపెనీలు ప్రయాణించనున్నట్లు తెలుస్తోంది.  వచ్చే 6 నెలల్లో రీచార్జ్  టారిఫ్ ప్లాన్ల ధరలను 30 శాతం మేర పెంచాలని టెలికాం కంపెనీలు భావిస్తున్నాయి. టారిఫ్‌లను పెంచడంతో యూజర్ల నుంచి వచ్చే సగటు తలసరి ఆదాయాన్ని (ఏఆర్పీయూ) పెంచుకోవాలని టెలికాం కంపెనీలు యోచిస్తున్నాయి. గోల్డ్‌మన్‌ సాచ్‌ ప్రకారం.. టెలికం కంపెనీలు 2021 ఆర్థిక సంవత్సరంలో ప్రీ పెయిడ్‌ కస్టమర్ల నుంచి 50-80 శాతం వరకు రెవెన్యూను జనరేట్‌ చేసుకున్నాయని పేర్కొంది. టెలికాం కంపెనీల్లో ఫ్రీ క్యాష్‌ ఫ్లో (ఎఫ్‌సీఎఫ్‌) మెరుగుపడాలంటే..కచ్చితంగా ప్రీపెయిడ్‌ ప్లాన్‌ల టారిఫ్‌ల పెంపు అనివార్యమని తెలిపింది. కాగా జియో నుంచి టారిఫ్‌ల పెంపు తక్కువగా ఉండే అవకాశం ఉందని గోల్డ్‌మన్‌ సాచ్‌ పేర్కొంది.  

న్యూఢిల్లీ: సర్దుబాటు చేసిన స్థూల ఆదాయం (ఏజీఆర్‌) లెక్కల లోపాలపై తగిన ఉత్తర్వులు జారీ చేస్తామని టెలికం కంపెనీలకు సుప్రీంకోర్టు తెలియజేసింది.ప్రభుత్వానికి తాము చెల్లించాల్సిన ఏజీఆర్‌ బకాయిల లెక్కల్లో తప్పులు దొర్లాయని వొడాఫోన్‌ ఐడియా, భారతీ ఎయిర్‌టెల్, టాటా టెలీ సర్వీసెస్‌లు దాఖలు చేసుకున్న పిటిషన్‌పై అత్యున్నత న్యాయస్థానం ఈ విషయాన్ని తెలిపింది. దాదాపు రూ.93,520 కోట్లు చెల్లించడానికి 2020 సెప్టెంబర్‌లో టెలికం సేవల కంపెనీలకు సుప్రీంకోర్టు పది సంవత్సరాల గడువును ఇచ్చిన సంగతి తెలిసిందే. వాదనలు ఇలా..  టెలికం కంపెనీలు దాఖలు చేసిన పిటిషన్‌ విచారణ సందర్భంగా జస్టిస్‌ ఎల్‌ఎన్‌ రావులతో కూడిన ధర్మాససం సుప్రీంకోర్టు ఈ కేసు విషయంలో గతంలో జారీ చేసిన ఉత్తర్వులను ప్రస్తావించింది. ఏజీఆర్‌ సంబంధిత బకాయిలను తిరిగి అంచనా వేయజాలమని పేర్కొంది. అయితే అర్థమెటికల్‌ లోపాలను సరిదిద్దే అవకాశం ఉంటుందని, ఎంట్రీస్‌ డ్యూప్లికేషన్‌ జరిగినట్లు లెక్కల్లో స్పష్టమయినట్లు కంపెనీల న్యాయవాదులు ఈ సందర్భంగా విన్నవించారు. ‘‘అర్థమెటికల్‌ ఎంట్రీస్‌ విషయంలో టెలికమ్యూనికేషన్ల శాఖ (టెలికం) మేము తప్పు పట్టడం లేదు’’ అని వొడాఫోన్‌ ఐడియా తరఫు సీనియర్‌ న్యాయవాది ముకుల్‌ రోహత్గి అత్యున్నత న్యాయస్థానానికి తెలిపారు. ఎంట్రీలను టెలికం శాఖ ముందు పెట్టి, తిరిగి పరిశీలించుకోదలచామని అన్నారు. ఇందుకు అనుమతించాలని కోరారు. ఎయిర్‌టెల్‌ తరఫు సీనియర్‌ న్యాయవాది ఏఎం సంఘ్వీ, టాటా టెలీ సర్వీసెస్‌ తరఫు సీనియర్‌ న్యాయవాది అరవింద్‌ దత్తార్‌లు కూడా ఇదే విధమైన విజ్ఞప్తి చేశారు. దీనిపై మీ అభిప్రాయమేమిటని అప్పట్లో టెలికం శాఖ తరఫున వాదలు వినిపించిన సొలిసిటర్‌ జనరల్‌ తుషార్‌ మెహతాను సుప్రీం ప్రశ్నించింది. అయితే దీనిపై తనకు తాజా ఇన్‌స్ట్రక్షన్స్‌ ఏవీ లేవని, టెలికం శాఖ అభిప్రాయం తెలుసుకోడానికి రెండు రోజుల సమయం ఇవ్వాలని ఆయన ధర్మాసనానికి విన్నవించారు. దీనితో ఈ అంశంపై తగిన ఉత్తర్వులు ఇస్తామని న్యాయమూర్తులు ఎస్‌ఏ నజీర్, ఎంఆర్‌ షాలు కూడా కలిగి ఉన్న ధర్మాసనం సూచించింది. 2031 మార్చిలోపు దశలవారీగా..  టెలికం శాఖ డిమాండ్‌ చేసిన ఏజీఆర్‌ బకాయిల్లో 10 శాతాన్ని 2021 మార్చి 31వ తేదీలోపు చెల్లించాలని టెలికం కంపెనీలకు గత ఏడాది సెప్టెంబర్‌లో అత్యున్నత న్యాయస్థానం ఆదేశాలు ఇచ్చింది. మిగిలిన మొత్తాలను 2021 ఏప్రిల్‌ 1వ తేదీ నుంచి 2031 మర్చి 31వ తేదీ లోపు వార్షిక వాయిదాల్లో చెల్లించాలని సూచించింది. ఆయా అంశాలపై ఇదే తుది నిర్ణయమని కూడా సుప్రీంకోర్టు  అప్పట్లో స్పష్టం చేసింది. నిజానికి ఏజీఆర్‌ సమస్యపై తన తీర్పును 2019 అక్టోబర్‌లో సుప్రీం తీర్పు నిచ్చింది. అయితే బకాయిలను వాయిదాల వారీగా చెల్లించేలా ఆదేశాలు ఇవ్వాలని కోరుతూ గత ఏడాది మార్చిలో టెలికం శాఖ గత ఏడాది సుప్రీంను ఆశ్రయించింది. దీనికి అత్యున్నత న్యాయస్థానం అనుమతులు ఇస్తూ, 2021 ఏప్రిల్‌ 1వ తేదీ నుంచి 2031 మర్చి 31వ తేదీ లోపు వార్షిక వాయిదాల్లో చెల్లించాలని సూచించింది. ్ఞ్ఞ్ఞ్ఞసుప్రీంకోర్టు ఆదేశాల ప్రకారం భారతీ ఎయిర్‌టెల్, వొడాఫోన్‌ ఐడియాసహా టెలికం ఆపరేటర్లు  ఏజీఆర్‌ బకాయిల్లో 10 శాతాన్ని 2021 మార్చి 31వ తేదీ నాటికి తనకు చెల్లించాయి.      

న్యూఢిల్లీ: కరోనా వైరస్ నేపథ్యంలో 2020 ప్రజలంతా ఇంటికే పరిమితమయ్యారు. ఎక్కువ శాతం ఉద్యోగులు వర్క్ ఫ్రమ్ హోమ్ చేస్తున్నారు. దీంతో ఇంటర్నెట్ వాడకం విపరీతంగా పెరిగిపోయింది. ఇంటర్నెట్ వినియోగాన్ని దృష్టిలో ఉంచుకొని టెలికాం కంపెనీలు యూజర్లకు తక్కువ ధరకే ఇంటర్ నెట్ ను అందించేందుకు ప్రయత్నిస్తున్నాయి. తాజాగా విఐ(వోడాఫోన్ ఐడియా) కూడా ప్రీపెయిడ్ చందాదారుల కోసం వార్షిక రూ.1,499 ప్లాన్‌తో 50 జీబీ అదనపు డేటాను అందిస్తోంది. అయితే ఈ అదనపు డేటా అనేది ఎంపిక చేసిన సర్కిల్‌లలోని వినియోగదారులకు లభిస్తుంది అని విఐ పేర్కొంది. (చదవండి: రూ.500 లోపు బెస్ట్ పోస్ట్ పెయిడ్ ప్లాన్స్ ఇవే!) ఈ డేటా తమకు వర్తిస్తుందో లేదో తెలుసుకోవడానికి వోడాఫోన్ ఐడియా యూజర్లు విఐ యొక్క అధికారిక వెబ్ సైట్ లేదా యాప్ ని సందర్శించాలని పేర్కొంది. అలాగే ఎంపిక చేసిన వినియోగ దారులకు ఈ ఆఫర్ గురించి విఐ టెక్స్ట్ సందేశాలను కూడా పంపుతున్నట్లు పేర్కొంది. వోడాఫోన్ ఐడియా రూ.1,499 వార్షిక ప్రణాళిక కింద సాధారణంగా 24జీబీ హై-స్పీడ్ డేటా మాత్రమే లభిస్తుంది. ఇప్పుడు ఎంపిక చేసిన యూజర్లకు 50జీబీ డేటా కలుపుకొని మొత్తం 75జీబీ లభిస్తుంది. ఈ ప్లాన్ కింద అపరిమిత కాల్స్, 3,600 ఎస్ఎంఎస్ లను పొందవచ్చు. అలాగే పాపులర్ వెబ్ సిరీస్, టీవీ షోలు, సినిమాలు, లైవ్ టీవీ ఛానళ్లకు ఉచిత యాక్సెస్ కూడా పొందవచ్చు. ఈ ప్లాన్ మొత్తం 365 రోజులు పాటు చెల్లుబాటు అవుతుంది.  

వొడాఫోన్ ఐడియా వినియోగదారులు ఎంతో ఆసక్తిగా ఎదురుచూస్తున్న 'వై-ఫై కాలింగ్' లేదా 'వోవీ-ఫై' సేవను నేడు ప్రారంభించింది. ప్రస్తుతం వీ 'వై-ఫై కాలింగ్' కాలింగ్ సేవలు మహారాష్ట్ర & గోవా, కోలకతా వంటి సర్కిల్స్ లో మాత్రమే అందుబాటులో ఉన్నాయి. వోడాఫోన్ ఇండియా దశలవారీగా ఇతర సర్కిల్‌లలో ఈ సేవను ప్రారంభించనున్నట్లు తెలిపింది. రిలయన్స్ జియో, భారతి ఎయిర్‌టెల్ వంటి సంస్థలు ఏడాది క్రితమే వై-ఫై కాలింగ్ సేవలను ప్రారంభించాయి. టెలికాం టాక్ నివేదిక ప్రకారం, వై వై-ఫై కాలింగ్ ప్రారంభించినట్లు కంపెనీ కస్టమర్ సపోర్ట్ టీం ట్విట్టర్‌లో ధృవీకరించింది. ఎయిర్టెల్ ప్రారంభించిన VoWi-Fi కాలింగ్ సేవల మాదిరిగానే ఈ సేవలు ఉండనున్నాయి. వోడాఫోన్ ఇండియా గత కొంతకాలంగా వై-ఫై కాలింగ్ సేవలను పరీక్షించింది. వాస్తవానికి, 2019 ప్రారంభంలో వీ వై-ఫై కాలింగ్ ఫీచర్‌ను ఇతర టెల్కోల కంటే ముందుగానే ప్రారంభించనున్నట్లు నివేదికలు వెలువడ్డాయి. అయితే, వోడాఫోన్- ఐడియా యొక్క నెట్‌వర్క్ ఇంటిగ్రేషన్ కారణంగా ప్రయోగం వాయిదా పడింది.(చదవండి: వివో సబ్ బ్రాండ్ కొత్త 5జీ మొబైల్)

వోడాఫోన్ ఐడియాగా రీబ్రాండ్ చేయబడిన తర్వాత 1197 ప్రీపెయిడ్ ప్లాన్ లభ్యతను విస్తరించింది. ఈ ప్లాన్ గతంలో హోమ్ క్రెడిట్ ద్వారా స్మార్ట్‌ఫోన్ బండిల్‌ను కొనుగోలు చేసే వినియోగదారులకు మాత్రమే అందుబాటులో ఉండేది. 2019లో వోడాఫోన్ ఐడియా... హోమ్ క్రెడిట్ ఇండియా సంస్థతో పాట్నర్‌షిప్ ఒప్పందం చేసుకుంది. దీంట్లో భాగంగా కస్టమర్లు రూ.15వేల లోపు ఏదైనా 4జీ స్మార్ట్‌ఫోన్‌ను కొనాలనుకుంటే ఆ సంస్థ ఆర్థిక సహాయం అందిస్తుంది. ఇప్పుడు తాజాగా భారత్‌లోని అన్ని సర్కిళ్లలో ఈ ప్లాన్ ని‌ అందుబాటులోకి తీసుకొచ్చింది. దీనికి సంబందించిన సమాచారాన్ని వోడాఫోన్ ఐడియా వెబ్‌సైట్‌లో ఉంచింది. అమెజాన్ పే వంటి థర్డ్ పార్టీ రీఛార్జ్ ప్లాట్‌ఫాంల ద్వారా కూడా ఈ ప్లాన్‌ను రీఛార్జ్ చేసుకోవచ్చు.(చదవండి: ట్విట్టర్ లవర్స్ కి గుడ్ న్యూస్) వోడాఫోన్ ఐడియా 1197 ప్రీపెయిడ్ ప్లాన్ లో భాగంగా రోజుకి 1.5జీబీ డేటాతో పాటు అపరిమిత కాలింగ్‌ చేసుకోవచ్చు. దీని కాలపరిమితి వచ్చేసి 180 రోజులు, అలాగే రోజుకి ఉచిత 100 ఎస్సెమ్మెస్ లను అందిస్తుంది. ఈ ప్రీపెయిడ్ ప్లాన్ తో వోడాఫోన్ ఐడియా మూవీస్ & టీవీని కస్టమర్లు ఫ్రీగా యాక్సెస్ చేయవచ్చు. అలాగే ఆ వారంలో వాడకుండా మిగిలి ఉన్న డేటాను తిరిగి వారం చివరి రోజులో వాడుకోవచ్చు.  రూ.1197 ప్రీపెయిడ్ ప్లాన్ ని అందరికి అందుబాటులోకి తీసుకోని రాకముందు, టెల్కో రూ.599కు 1.5 జీబీ రోజువారీ డేటాను 84 రోజులు, రూ.2399 ప్రీపెయిడ్ ప్లాన్‌ను వరుసగా 365 రోజుల వాలిడిటీతో అందించింది. రూ.2,595 ప్రీపెయిడ్ ప్లాన్ తో రోజుకి 2జీబీ డేటాతో పాటు ఒక సంవత్సరం వరకు ఉచితంగా ZEE5 ప్లాట్‌ఫామ్‌ మెంబర్‌షిప్ లభిస్తుంది.

ముంబై: దేశీ మొబైల్‌ టెలికం కంపెనీ వొడాఫోన్‌ ఐడియాలో భారీ పెట్టుబడులకు విదేశీ సంస్థలు ఆసక్తి చూపుతున్నట్లు తెలుస్తోంది. ఓక్‌ట్రీ క్యాపిటల్‌ అధ్యక్షతన ఏర్పడిన కన్సార్షియం 2-2.5 బిలియన్‌ డాలర్లను ఇన్వెస్ట్‌ చేసే వీలున్నట్లు తాజాగా వార్తలు వెలువడ్డాయి. తద్వారా వొడాఫోన్‌ ఐడియాలో కొంత వాటాను సొంతం చేసుకునే అవకాశమున్నట్లు సంబంధిత వర్గాలు పేర్కొన్నాయి. ఈ ఏడాది సెప్టెంబర్‌లో వొడాఫోన్‌ ఐడియా 3.4 బిలియన్‌ డాలర్ల(సుమారు రూ. 25,000 కోట్లు)ను సమీకరించే యోచనలో ఉన్నట్లు ప్రకటించింది. షేర్ల విక్రయం, రుణ సమీకరణ ద్వారా నిధులను సమకూర్చుకునే ప్రణాళికలు వేసినట్లు తెలియజేసింది. దీంతో ఓక్‌ట్రీ క్యాపిటల్‌ పెట్టుబడుల వార్తలకు ప్రాధాన్యత ఏర్పడినట్లు టెలికం రంగ నిపుణులు వ్యాఖ్యానించారు. చదవండి: (నాలుగో రోజూ పసిడి- వెండి.. వీక్‌) పోటీ తీవ్రం.. కొంతకాలంగా దిగ్గజ కంపెనీలు రిలయన్స్‌ జియో, భారతీ ఎయిర్‌టెల్‌ భారీస్థాయిలో కస్టమర్లను పొందుతూ వస్తున్నాయి. ఇటీవలి కాలంలో ఈ రెండు కంపెనీలూ వొడాఫోన్‌ ఐడియా కస్టమర్లను సైతం ఆకట్టుకుంటున్నట్లు పరిశ్రమవర్గాలు చెబుతున్నాయి. దేశీ మొబైల్‌ టెలికం రంగంలో పెరిగిన తీవ్ర పోటీ, నిధుల ఆవశ్యకత నేపథ్యంలో వొడాఫోన్‌ ఐడియా పెట్టుబడుల సమీకరణ సన్నాహాలు చేస్తున్నట్లు తెలియజేశాయి. తద్వారా తిరిగి మార్కెట్‌ వాటాను పెంచుకోవడంపై దృష్టి సారించనున్నట్లు అభిప్రాయపడ్డాయి. అంతేకాకుండా లాభదాయకతను సైతం పెంచుకోవాలని చూస్తున్నట్లు తెలియజేశాయి. ఈ బాటలో డిసెంబర్‌ చివరికల్లా 20 శాతంవరకూ టారిఫ్‌లను పెంచే ప్రణాళికలు వేసినట్లు వివరించాయి. 

న్యూఢిల్లీ: వోడాఫోన్ ఐడియా(వి), ఎయిర్‌టెల్ వంటి టెల్కో సంస్థలు టారిఫ్‌లు పెంచాలని చూస్తున్నందున రాబోయే కొత్త సంవత్సరంలో మీ ఫోన్ బిల్లు 15-20 శాతం పెరిగే అవకాశం ఉంది. వోడాఫోన్ ఐడియా ఈ ఏడాది చివరినాటికి లేదా వచ్చే ఏడాది ఆరంభంలో చార్జీలను 15-20 శాతం పెంచాలని చూస్తోంది. ప్రస్తుత పరిస్థితులలో కంపెనీలు నష్టాల నుండి బయటపడానికి ఆర్థిక పరిస్థితులను మెరుగుపరచడానికి లక్ష్యంగా పెట్టుకున్నట్లు ఎకనామిక్ టైమ్స్ ఒక నివేదికలో పేర్కొంది. వొడాఫోన్‌ ఐడియా ఇటీవల కొద్ది రోజులుగా రిలయన్స్ జియో మరియు ఎయిర్‌టెల్ సంస్థలకు వినియోగదారులను కోల్పోతున్నట్లు నివేదికలో తెలియ జేసింది.  కొంత మేరకు ఎయిర్‌టెల్ సంస్థ రిలయన్స్ జియోను అనుసరిస్తున్నప్పటికీ ప్రస్తుత పరిస్థితులలో ఎయిర్‌టెల్ కూడా రేట్లను సవరించే అవకాశం ఉన్నట్లు  పరిశ్రమ నిపుణలు తెలుపుతున్నారు. "టెలికం రెగ్యులేటర్ ఫ్లోర్ ధరలను ప్రకటించడానికి ముందే టెల్కో కంపెనీలు టారిఫ్‌లను పెంచే అవకాశం ఉంది" అని ఒక వ్యాపార దినపత్రిక పేర్కొంది. వోడాఫోన్ ఐడియా డిసెంబరు నాటికి రేట్లు పెంచే అవకాశం ఉన్నట్లు సమాచారం. టెల్కో సంస్థలు 20 శాతం చార్జీల పెంపుపై ప్రజలలో అంతర్గత  చర్చ జరుగుతుండగా, ఒకే సారి ఇంత మొత్తంలో పెంపు అమలు చేయడం భారమవుతుందని ప్రజల అభిప్రాయం. 2016లో రిలయన్స్ జియో ఇన్ఫోకామ్ ప్రవేశించిన తరువాత దేశంలోని మూడు ప్రైవేట్ టెల్కోలు గతంలో 2019 డిసెంబరులో రేట్లు పెంచాయి. 

రిలయన్స్ జియో డౌన్‌‌లోడ్ స్పీడ్ అక్టోబర్‌లో 1.5 ఎంబీపీఎస్ పడిపోయింది. ఈ విషయాన్ని టెలికాం రెగ్యులేటరీ అథారిటీ ఆఫ్ ఇండియా(ట్రాయ్) వెల్లడించింది. అక్టోబర్ లో జియో డౌన్‌లోడ్ స్పీడ్ వచ్చేసి 17.8 ఎంబీపీఎస్‌గా ఉంది. రెండవ స్థానంలో కొనసాగుతున్న ఐడియా కంటే జియో స్పీడ్ వచ్చేసి 95% శాతం ఎక్కువ. అక్టోబర్ లో ఐడియా డౌన్‌లోడ్ స్పీడ్ వచ్చేసి 9.1 ఎంబీపీఎస్‌గా ఉంది. అప్ లోడ్ స్పీడ్ విషయంలో కూడా జియో ఇంకా వెనుక బడే ఉంది. గత ఏడాది కలిసిపోయిన  వొడాఫోన్, ఐడియాలను ట్రాయ్ ఇంకా ప్రత్యేక టెల్కోలుగానే పరిగణిస్తోంది. సెప్టెంబర్‌లో 19.1 ఎంబీపీఎస్‌గా ఉన్న జియో డౌన్‌లోడ్ స్పీడ్, అక్టోబర్‌లో 17.8 ఎంబీపీఎస్‌కు పడిపోయింది. ఇప్పటికీ ఇంకా ఇంటర్నెట్ స్పీడ్ విషయం‌లో జియోనే నంబర్ వన్. ఇక ఐడియా విషయానికి వస్తే.. జియో తర్వాత రెండో స్థానంలో 9.1 ఎంబీపీఎస్‌తో ఉంది. సెప్టెంబర్‌లో ఐడియా డౌన్ లోడ్ స్పీడ్ 8.6 ఎంబీపీఎస్‌గా ఉండగా, 0.5 ఎంబీపీఎస్ మెరుగు పరుచుకుంది.  ట్రాయ్ తెలిపిన వివరాల ప్రకారం మూడో స్థానంలో వొడాఫోన్ ఉంది. వొడాఫోన్ ఇంటర్నెట్ స్పీడ్ 8.8 ఎంబీపీఎస్‌గా ఉంది. సెప్టెంబర్‌లో వొడాఫోన్ 7.9 ఎంబీపీఎస్‌గా ఉండేది. అయితే ఇది కూడా 0.9 ఎంబీపీఎస్ వరకు పెరిగింది. ఇక 7.5 ఎంబీపీఎస్ డౌన్‌లోడ్ స్పీడ్‌తో ఎయిర్ టెల్ నాలుగో స్థానంలో ఉంది. ఎయిర్ టెల్ డౌన్‌లోడ్ స్పీడ్ రెండు నెలల నుంచి అలాగే ఉంది. అందులో ఎటువంటి మార్పూ లేదు.

సాక్షి, న్యూఢిల్లీ : భారత ప్రభుత్వానికి చెల్లించాల్సిన రూ 20,000 కోట్ల పన్ను వివాదంలో అంతర్జాతీయ న్యాయస్ధానంలో విజయం సాధించామని టెలికాం దిగ్గజం వొడాఫోన్‌ శుక్రవారం ప్రకటించింది. బకాయిలు రూ 12,000 కోట్లతో పాటు, రూ 7900 కోట్ల పెనాల్టీల చెల్లింపుపై అంతర్జాతీయ న్యాయస్ధానంలో ఉపశమనం లభించిందని పేర్కొంది. వాయుతరంగాల వాడకం, లైసెన్స్‌ ఫీజులకు సంబంధించి తలెత్తిన వివాదంపై వొడాఫోన్‌ 2016లో సింగపూర్‌ అంతర్జాతీయ ఆర్బిట్రేషన్‌ కేంద్రాన్ని ఆశ్రయించింది. చదవండి : వొడాఫోన్‌ కొత్త ‘ఐడియా’ వొడాఫోన్‌పై భారత ప్రభుత్వం మోపిన పన్ను భారాలు భారత్‌-నెదర్లాండ్స్‌ మధ్య కుదిరిన పెట్టుబడి ఒ‍ప్పందానికి విరుద్ధమని ట్రిబ్యునల్‌ రూలింగ్‌ ఇచ్చిందని వొడాఫోన్‌ పేర్కొంది. ఇక నష్టాలతో సతమతమవుతున్న టెలికాం సంస్థలకు సుప్రీంకోర్టు ఇటీవల వెల్లడించిన రూలింగ్‌ ఊరట కల్పించింది. ప్రభుత్వ బకాయిల చెల్లింపును పదేళ్లలోగా పూర్తిచేయాలని సర్వోన్నత న్యాయస్ధానం టెలికాం కంపెనీలకు వెసులుబాటు కల్పించింది.

మొబైల్‌ సేవల కంపెనీ వొడాఫోన్‌ ఐడియాలో విదేశీ దిగ్గజాలు వెరిజాన్‌, అమెజాన్‌ ఇన్వెస్ట్‌ చేయనున్నట్లు తెలుస్తోంది. వొడాఫోన్‌ ఐడియాలో వాటా కొనుగోలుకి ఇప్పటికే చర్చలు జరుగుతున్నట్లు ఆంగ్ల మీడియా పేర్కొంది. సంబంధిత కథనం ప్రకారం ఏజీఆర్‌ బకాయిల కేసుపై సుప్రీం కోర్టు తీర్పు నేపథ్యంలో చర్చలు నిలిచిపోయినట్లు సంబంధిత వర్గాలు తెలియజేశాయి. ఈకామర్స్‌ దిగ్గజం అమెజాన్‌, యూఎస్‌ వైర్‌లెస్‌ సేవల దిగ్గజం వెరిజాన్‌ కమ్యూనికేషన్స్‌ 400 కోట్ల డాలర్లు(సుమారు రూ.29,000 కోట్లు) ఇన్వెస్ట్‌ చేసే ప్రణాళికల్లో ఉన్నట్లు తెలుస్తోంది. కాగా.. పదేళ్లలోగా ఏజీఆర్ బకాయిలను చెల్లించమంటూ సుప్రీం కోర్టు ఆదేశాలు జారీ చేసిన నేపథ్యంలో తిరిగి వొడాఫోన్‌ ఐడియాలో వాటా కొనుగోలుకి విదేశీ దిగ్గజాలు చర్చలు ప్రారంభించినట్లు సంబంధిత వర్గాలు వెల్లడించాయి.  రూ. 50,000 కోట్లు బ్రిటిష్‌ దిగ్గజం వొడాఫోన్‌ గ్రూప్‌, ఆదిత్య బిర్లా గ్రూప్‌ భాగస్వామ్య సంస్థ వొడాఫోన్‌ ఐడియా సుమారు రూ. 50,000 కోట్లమేర ఏజీఆర్‌ బకాయిలను చెల్లించవలసి ఉన్నట్లు పరిశ్రమవర్గాలు తెలియజేశాయి. సుప్రీం ఆదేశాలమేరకు ఇప్పటికే కంపెనీ రూ. 7,850 కోట్లను చెల్లించిన అంశాన్ని ఈ సందర్భంగా ప్రస్తావించాయి.  షేరు జోరు అమెజాన్‌, వెరిజాన్‌ ఇన్వెస్ట్‌మెంట్‌ యోచనలో ఉన్న అంచనాలతో ఇటీవల వొడాఫోన్‌ ఐడియా కౌంటర్‌కు డిమాండ్ పెరిగింది. దీంతో మూడు రోజులుగా ఈ షేరు దూకుడు చూపుతోంది. ప్రస్తుతం ఎన్‌ఎస్‌ఈలో 8 శాతం జంప్‌చేసి రూ. 10.70 వద్ద ట్రేడవుతోంది. తొలుత రూ. 11.30 వరకూ ఎగసింది. 

వరుసగా రెండో రోజు దేశీ స్టాక్‌ మార్కెట్లు ఆటుపోట్ల మధ్య కదులుతున్నాయి. ఈ నేపథ్యంలో సానుకూల వార్తల కారణంగా అదానీ గ్రీన్‌ ఎనర్జీ కౌంటర్‌తోపాటు.. మొబైల్‌ సేవల కంపెనీ వొడాఫోన్‌ ఐడియా కౌంటర్‌ సైతం ఇన్వెస్టర్లను ఆకట్టుకుంటున్నాయి. వెరసి ఒడిదొడుకుల మార్కెట్లోనూ భారీ లాభాలతో కళకళలాడుతున్నాయి. వివరాలు చూద్దాం.. అదానీ గ్రీన్‌ ఎనర్జీ గ్లోబల్‌ సోలార్‌ విద్యుదుత్పత్తిలో అదానీ గ్రూప్‌.. ప్రపంచ నంబర్‌వన్‌గా ఆవిర్భవించినట్లు మెర్కామ్‌ క్యాపిటల్‌ తాజాగా పేర్కొంది. నిర్వహణ, నిర్మాణంలో ఉన్న యూనిట్లతోపాటు.. ఇంతవరకూ దక్కించుకున్న ప్రాజెక్టుల రీత్యా అదానీ గ్రూప్‌ టాప్‌ ర్యాంకులో నిలుస్తున్నట్లు వివరించింది. యూఎస్‌లో 2019లో ఏర్పాటైన మొత్తం సౌర విద్యుత్‌ సామర్థ్యంకంటే అదానీ గ్రూప్‌ పునరుత్పాదక ఇంధన పోర్ట్‌ఫోలియో అధికమని మెర్కామ్‌ తెలియజేసింది. అంతర్జాతీయ స్థాయిలో సోలార్‌ సెల్స్‌, మాడ్యూల్స్‌ తయారీతోపాటు.. పూర్తిస్థాయిలో సమీకృత సౌర విద్యుదుత్పత్తి కంపెనీగా అదానీ గ్రూప్‌ నిలుస్తున్నట్లు అభిప్రాయపడింది. జీవిత కాలంలో ఈ ప్రాజెక్టుల ద్వారా 1.4 బిలియన్‌ టన్నుల కర్బన ఉద్గారాలను తగ్గించగలదని అంచనా వేసింది. కేంద్ర ప్రభుత్వం నుంచి జూన్‌లో 8 గిగావాట్ల సోలార్‌ పవర్‌ ప్రాజెక్టుల కాంట్రాక్టులను అదానీ గ్రీన్‌ దక్కించుకున్న సంగతి తెలిసిందే. ప్రస్తుతం 2.5 గిగావాట్‌ విద్యుత్‌ సామర్థ్యాన్ని గ్రూప్‌ కలిగి ఉన్నట్లు విశ్లేషకులు ఈ సందర్భంగా ప్రస్తావించారు. ఈ నేపథ్యంలో అదానీ గ్రీన్‌ ఎనర్జీకి డిమాండ్ పెరిగింది. వెరసి ఎన్‌ఎస్‌ఈలో షేరు 10 శాతం అప్పర్‌ సర్క్యూట్‌ను తాకింది.  రూ. 544 వద్ద ఫ్రీజయ్యింది. ఇది సరికొత్త గరిష్టంకావడం విశేషం!  వొడాఫోన్‌ ఐడియా నిధుల సమీకరణ సన్నాహాల్లో ఉన్నట్లు తాజాగా మొబైల్‌ సేవల కంపెనీ వొడాఫోన్‌ ఐడియా పేర్కొంది. ఇందుకు ఈ నెల 4న(శుక్రవారం) బోర్డు సమావేశంకానున్నట్లు తెలియజేసింది. పబ్లిక్‌ ఇష్యూ, ప్రిఫరెన్షియల్‌ కేటాయింపు, ప్రయివేట్‌ ప్లేస్‌మెంట్‌ తదితర మార్గాలలో నిధుల సమీకరణపై బోర్డు చర్చించనున్నట్లు వెల్లడించింది. ఏజీఆర్‌ బకాయిల చెల్లింపులపై సుప్రీం కోర్టు ఆదేశాల నేపథ్యంలో ఈ అంశానికిప్రాధాన్యత ఏర్పడినట్లు నిపుణులు ఈ సందర్భంగా పేర్కొన్నారు. ఈ వార్తల నేపథ్యంలో ప్రస్తుతం ఎన్‌ఎస్‌ఈలో వొడాఫోన్‌ ఐడియా షేరు 8 శాతం జంప్‌చేసి రూ. 9.5 వద్ద ట్రేడవుతోంది. తొలుత రూ.  10.15 వరకూ ఎగసింది.

న్యూఢిల్లీ: సవరించిన స్థూల ఆదాయాల (ఏజీఆర్‌) ఆధారంగా టెల్కోలు కట్టాల్సిన బకాయిలకు సంబంధించి టెలికం శాఖ (డాట్‌) లెక్కలపై మరో మాట మాట్లాడటానికి లేదని సుప్రీం కోర్టు స్పష్టం చేసింది. వీటిని మరోసారి మదింపు చేయాలన్న టెల్కోల అభ్యర్థనను పట్టించుకునే ప్రసక్తే లేదని పేర్కొంది. ఏజీఆర్‌ బాకీల చెల్లింపునకు వ్యవధినిచ్చే అంశంపై తదుపరి విచారణను ఆగస్టు 10కి వాయిదా వేసింది. వివరాల్లోకి వెళితే.. ఏజీఆర్‌ ఫార్ములా ప్రకారం స్పెక్ట్రం యూసేజీ చార్జీలు, లైసెన్సు ఫీజు బకాయిల కింద టెలికం సంస్థలు దాదాపు రూ. 1.6 లక్షల కోట్లు చెల్లించాల్సి రానున్న సంగతి తెలిసిందే. స్వీయ మదింపు ప్రకారం కొంత కట్టిన టెల్కోలు.. తమ బాకీలు డాట్‌ చెబుతున్నంత స్థాయిలో లేవని, పైగా ఆర్థిక పరిస్థితులు బాగా లేనందున బకాయిలను కట్టేందుకు 20 ఏళ్ల దాకా వ్యవధినివ్వాలని సుప్రీం కోర్టును కోరుతున్నాయి. దీనిపై సోమవారం విచారణ సందర్భంగా అటు ప్రభుత్వం, ఇటు టెలికం సంస్థల వాదనలను సుప్రీం కోర్టు విన్నది. బాకీల పునఃమదింపు అంశాన్ని టెల్కోలు ప్రస్తావించగా.. ‘రీ–అసెస్‌మెంట్‌ విషయంలో మరొక్క క్షణం కూడా వాదనలు వినే ప్రసక్తే లేదు. ఏజీఆర్‌ నిర్వచనం ఖరారు చేశాం. దాని ఆధారంగా డాట్‌ బాకీల నోటీసులు కూడా పంపింది. దీన్ని మళ్లీ తెరిచే ప్రశ్నే లేదు‘ అని స్పష్టం చేసింది. ఇక, దివాలా తీసే పరిస్థితులు ఉన్నాయంటున్న కంపెనీల వాదనల్లో వాస్తవాలను కూడా పరిశీలిస్తామని పేర్కొంది.

టెలికాం రంగ షేర్లు సోమవారం లాభాల మోత మోగిస్తున్నాయి. ఈ రంగానికి చెందిన వొడాఫోన్‌ ఐడియా, రిలయన్స్‌ కమ్యూనికేషన్స్‌, ఎంటీఎన్‌ఎల్‌, టాటా సర్వీసెస్‌, భారతీ ఎయిర్‌టెల్‌ షేర్లు 13శాతం వరకు లాభపడ్డాయి. అత్యధికంగా వోడాఫోన్‌ ఐడియా షేరు 13శాతం ర్యాలీ చేసింది.  ఏజీఆర్‌ బకాయిల కింద టెలికాం విభాగానికి శుక్రవారం మరో రూ.1000 కోట్లు చెల్లించడంతో ఈ షేరుకు కొనుగోళ్ల మద్దతు లభించింది. మరోవైపు నేటి మధ్యాహ్నం 2గంటలకు సుప్రీం కోర్టులో ఏజీఆర్‌ అంశంపై విచారణ జరగనుంది. ఏజీఆర్‌ బకాయిలు చెల్లింపునకు టెలికాం సంస్థలు 10ఏళ్లలో గడువు కోరిన నేపథ్యంలో సుప్రీం కోర్టు స్పందన ఎలా ఉంటుందోనని సర్వత్రా ఆస్తకి నెలకొంది.  ఏజీఆర్‌ కేసుపై జూలై 18న సుప్రీం కోర్టు మాట్లాడుతూ ... వోడాఫోన్ ఐడియా, భారతీ ఎయిర్‌టెల్‌తో సహా ప్రైవేట్ టెలికాం ఆపరేటర్లు తప్పనిసరిగా "సహేతుకమైన చెల్లింపు ప్రణాళిక"ను కోర్టుకు సమర్పించాలని తెలిపింది. అలాగే బోన్‌ఫైడ్‌ కొరకు కొంత మొత్తంలో చెల్లింపు చేయాలని అలాగే గత పదేళ్లకు సంబంధించిన ఖాతా బుక్స్‌లను ఫైల్‌ చేయాల్సిందిగా టెలికాం కంపెనీలను ఆదేశించింది.  రూ.1000 కోట్లు చెల్లించిన వోడాఫోన్‌:  సవరించిన స్థూల ఆదాయం బకాయి కింద మరో రూ.1000 కోట్లు చెల్లించినట్లు టెలికాం సంస్థ వొడాఫోన్‌ ఐడియా శుక్రవారం ఒక ప్రకటనలో తెలిపింది. ఈ మొత్తాన్ని టెలికాం విభాగానికి జమ చేసినట్లు ఒక ప్రకటనలో తెలిపింది. ప్రస్తుత చెల్లింపుతో ఇప్పటి వరకు ఏజీఆర్‌ బకాయి కింద మొత్తం రూ.7854 కోట్లు చెల్లించినట్లు కంపెనీ తెలిపింది. ఇది వరకు  ఏజీఆర్‌ బకాయి కింద 3విడుతల్లో మొత్తం రూ.6584 కోట్ల చెల్లించినటన్లు వోడాఫోన్‌ పేర్కోంది. ఏజీఆర్‌ బకాయిల అంశంపై గతనెల జరిగిన విచారణ సందర్భంగా తదుపరి విచారణ నాటికి కొంతమొత్తం చెల్లించాలని సుప్రీం కోర్టు టెలికాం కంపెనీలకు సూచించింది. ఈ నేపథ్యంలో ఈ మొత్తాన్ని వొడాఫోన్‌ ఐడియా జమ చేసింది. ఏజీఆర్‌ బకాయి కింద రూ.58 వేల కోట్లు వొడాపోన్ ఐడియా ప్రభుత్వానికి చెల్లించాల్సి ఉంటుంది. 

వచ్చే ఏడాది కల్లా భారత్‌లో 5జీ టెక్నాలజీని అందుబాటులోకి తెస్తామని రిలయన్స్‌‌ ఇండస్ట్రీస్‌ ప్రకటనతో గురువారం ఉదయం సెషన్‌లో టెలికాం షేర్లు నష్టాల్లో ట్రేడ్‌ అవుతున్నాయి. ఈ రంగానికి చెందిన భారతీ ఎయిర్‌టెల్‌, వోడాఫోన్‌ ఐడియా, భారతీ ఇన్ఫ్రాటెల్‌ షేర్లు 2నుంచి 17శాతం నష్టాన్ని చవిచూశాయి.  కొన్ని నెలల క్రితం వోడాఫోన్‌లో టెక్‌ దిగ్గజం గూగుల్‌ పెట్టుబడులు పెడుతుందని వార్తలు వెలుగులోకి వచ్చిన సంగతి తెలిసిందే. ఇప్పుడు గూగుల్‌ జియోలో 7.7 శాతం వాటాలు కొనుగోలు చేస్తున్నట్లు వెల్లడించింది. ఇందుకోసం గూగుల్‌ రూ. 33,373 కోట్లు ఇన్వెస్ట్‌ చేస్తోంది. అలాగే స్పెక్ట్రం వేలం వేసిన తర్వాత రిలయన్స్ మేడ్ ఇన్ ఇండియా 5 జి సొల్యూషన్స్‌ను ట్రయల్ కోసం విడుదల చేయడానికి సిద్ధంగా ఉందనే వార్తలు వోడాఫోన్‌, ఎయిర్‌టెల్‌ షేర్లపై ఒత్తిడిని పెంచాయి.   బీఎస్‌ఈలో టెలికాం రంగ షేర్లకు ప్రాతినిథ్యం వహించే ఎస్‌అండ్‌పీ బీఎస్‌ఈ టెలికాం ఇండెక్స్‌ 2శాతం మేర నష్టాన్ని చవిచూసింది. ఈ ఏడాది ప్రారంభం నుంచి ఈ ఇండెక్స్‌ 30శాతం లాభపడటం పడింది. ఇదే సమయంలో సెనెక్స్‌ సూచీ 8శాతం నష్టాన్ని చవిచూడటం గమనార్హం. వోడాఫోన్‌ ఐడియా, భారతీ ఎయిర్‌టెల్‌, భారతీ ఇన్ఫ్రాస్ట్రక్చర్‌  షేర్లు నష్టాల్లో ట్రేడ్‌ అవుతున్నాయి. రిలయన్స్‌ షేరు మాత్రం 1శాతం లాభంతో కదులుతోంది.  

న్యూఢిల్లీ: టెలికం కంపెనీ వొడాఫోన్‌ ఐడియాకు గత ఆర్థిక సంవత్సరం(2019–20)లో రూ.73,878 కోట్ల నికర నష్టాలు వచ్చాయి. ఒక ఆర్థిక సంవత్సరంలో ఈ స్థాయి నష్టాలు ఇప్పటివరకూ ఏ భారత కంపెనీకి రాలేదు. ఏజీఆర్‌ (సవరించిన స్థూల రాబడి) సంబంధిత బకాయిలకు కేటాయింపులు కారణంగా ఈ కంపెనీకి ఈ స్థాయి నష్టాలు వచ్చాయి. అంతకు ముందటి ఆర్థిక సంవత్సరం (2018–19)లో నికర నష్టాలు రూ.14,604 కోట్లుగా ఉన్నాయి.  ఆదాయం రూ.37,093 కోట్ల నుంచి రూ.44,958 కోట్లకు పెరిగింది. (హైవే ప్రాజెక్టుల్లోకి చైనాకు నో వే!) ∙గత ఆర్థిక సంవత్సరం (2019–20) నాలుగో త్రైమాసిక కాలంలో ఈ కంపెనీ నష్టాలు మరింతగా పెరిగాయి. అంతకు ముందటి ఆర్థిక సంవత్సరం(2018–19) క్యూ4లో రూ.4,882 కోట్లుగా ఉన్న నికర నష్టాలు గత క్యూ4లో రూ.11,644 కోట్లకు ఎగిశాయి. గత క్యూ3లో నష్టాలు రూ.6,439 కోట్లుగా ఉన్నాయి.   ∙గత క్యూ4లో ఆదాయం రూ.11,754 కోట్లు. సీక్వెన్షియల్‌గా కార్యకలాపాల ఆదాయం 6 శాతం వృద్ధి చెందింది. గత ఏడాది డిసెంబర్‌ నుంచి టారిఫ్‌లు పెంచడం వల్ల ఆదాయం పెరిగింది.   ∙గత క్యూ3లో రూ.109గా ఉన్న ఒక్కో వినియోగదారుడి నుంచి లభించే సగటు రాబడి(ఏఆర్‌పీయూ) గత క్యూ4లో రూ.121కు పెరిగింది. ఇదే కాలంలో వినియోగదారుల సంఖ్య 30.4 కోట్ల నుంచి 29.1 కోట్లకు తగ్గింది.   ∙ఐడియా సెల్యులర్‌లో వొడాఫోన్‌ ఇండియా 2018, ఆగస్టులో విలీనమైంది. అందుకని అంతకు ముందటి ఆర్థిక సంవత్సరం ఫలితాలతో గత ఆర్థిక సంవత్సరం ఫలితాలను పోల్చడానికి లేదు.   ∙కంపెనీ రూ.51,400 కోట్ల మేర ఏజీఆర్‌ బకాయిలు చెల్లించాలి. మొత్తం రూ.58,254 కోట్ల బకాయిల్లో రూ.6,854 కోట్లు చెల్లింపులు జరిపింది.

ప్రపంచవ్యాప్తంగా మెరుగుపడిన సెంటిమెంటు నేపథ్యంలో దేశీ స్టాక్‌ మార్కెట్లు లాభాలతో పరుగు తీస్తున్నాయి. ప్రస్తుతం సెన్సెక్స్‌ 256 పాయింట్లు పెరిగి 34,543కు చేరగా.. నిఫ్టీ 64 పాయింట్లు పుంజుకుని 10,206 వద్ద ట్రేడవుతోంది. కాగా.. విభిన్న వార్తల కారణంగా టైటన్‌ కంపెనీ, యస్‌ బ్యాంక్‌, వొడాఫోన్‌ ఐడియా కౌంటర్లు ఇన్వెస్టర్లను ఆకట్టుకుంటున్నాయి. వెరసి లాభాలతో సందడి చేస్తున్నాయి. వివరాలు చూద్దాం.. టైటన్‌ కంపెనీ గత ఆర్థిక సంవత్సరం(2019-20) చివరి త్రైమాసిక ఫలితాలు వెల్లడించనున్న నేపథ్యంలో ప్రస్తుతం టైటన్‌ కంపెనీ షేరు జోరందుకుంది. ఎన్‌ఎస్‌ఈలో 3.5 శాతం పెరిగి రూ. 1025 వద్ద ట్రేడవుతోంది. తొలుత ఒక దశలో 7 శాతం జంప్‌చేసి రూ. 1,050 వద్ద ఇంట్రాడే గరిష్టానికి చేరింది. జ్యువెలరీ, ఐవేర్‌, వాచీలు తదితర లైఫ్‌స్టైల్‌ ప్రొడక్టుల ఈ కంపెనీ అమ్మకాలు ఇటీవల లాక్‌డవున్‌ నేపథ్యంలో నీరసించినట్లు తెలుస్తోంది. అయితే ఇటీవల పసిడి ధరలు పుంజుకోవడంతో మార్క్‌టు మార్కెట్‌ క్యాష్‌ఫ్లో పెరిగినట్లు పరిశ్రమవర్గాలు పేర్కొంటున్నాయి. దీనికితోడు స్టోర్లను తిరిగి తెరుస్తున్న కారణంగా అమ్మకాలు గాడిన పడగలవన్న అంచనాలు పెరిగినట్లు నిపుణులు తెలియజేశారు. యస్‌ బ్యాంక్‌  యస్‌ బ్యాంకుకు చెందిన రూ. 18,000 కోట్ల బాండ్లకు BBB రేటింగ్‌ను పునరుద్ఘాటిస్తున్నట్లు క్రిసిల్‌ తాజాగా పేర్కొంది. పీఎస్‌యూ దిగ్గజం స్టేట్‌బ్యాంక్‌ దన్ను కారణంగా యస్‌ బ్యాంక్‌ జారీ టైర్‌-2, ఇన్‌ఫ్రా బాండ్లకు స్టేబుల్‌ రేటింగ్‌ను ఇస్తున్నట్లు తెలియజేసింది. దీంతో ఎన్‌ఎస్‌ఈలో యస్‌ బ్యాంక్‌ షేరు తొలుత 10 శాతం జంప్‌చేసి రూ. 32ను తాకింది. ఇది 10 వారాల గరిష్టంకాగా.. ప్రస్తుతం 5.5 శాతం లాభంతో రూ. 30.4 వద్ద ట్రేడవుతోంది.  వొడాఫోన్‌ ఐడియా వరుసగా 10వ సెషన్‌లోనూ మొబైల్‌ టెలికం దిగ్గజం వొడాఫోన్‌ ఐడియా కౌంటర్‌ జోరు చూపుతోంది. ఎన్‌ఎస్‌ఈలో ఈ షేరు తొలుత 20 శాతం దూసుకెళ్లి రూ. 12.6ను తాకింది. ప్రస్తుతం 11.5 శాతం ఎగసి రూ. 11.7 వద్ద ట్రేడవుతోంది. గత 10 రోజుల్లోనూ ఈ కౌంటర్‌ 129 శాతం ర్యాలీ చేయడం విశేషం! గత 26న ఈ షేరు రూ. 5.5 వద్ద ట్రేడైన సంగతి తెలిసిందే. కాగా.. టెక్‌ దిగ్గజం గూగుల్‌ వొడాఫొన్‌ ఐడియాలో 5 శాతం వాటా కొనుగోలు చేయవచ్చన్న అంచనాలు ఈ కౌంటర్‌కు జోష్‌నిస్తున్నట్లు నిపుణులు చెబుతున్నారు. వెరసి గతేడాది జులైలో చేపట్టిన రైట్స్‌ ఇష్యూ ధర రూ. 12.5ను తాజాగా అధిగమించినట్లు తెలియజేశారు. ఈ అంశాన్ని కంపెనీ తోసిపుచ్చినప్పటికీ.. ఇటీవల దేశీయంగా మొబైల్‌ టారిఫ్‌ల పెంపు.. వినియోగదారుపై సగటు ఆదాయం(ఏఆర్‌పీయూ) మెరుగుపడటం వంటి అంశాలు మొబైల్‌ కౌంటర్‌కు జోష్‌నిస్తున్నట్లు చెబుతున్నారు. 

ప్రస్తుత పరిస్థితుల్లో వోడాఫోన్‌ ఐడియా షేరును కొనవద్దని ఎంఎస్‌ఎల్‌ రిటైల్‌ రీసెర్చ్‌ హెడ్‌ సిద్ధార్థ ఖేమ్కా సలహానిస్తున్నారు. వొడాఫోన్‌ ఐడియా నగదు ప్రవాహ ఒత్తిళ్లను ఎదుర్కోంటుందని,  కంపెనీ బ్యాలెన్స్‌ షీట్‌ తీవ్ర రుణాభారాన్ని కలిగి ఉందన్నారు. త్రైమాసిక నగదు ప్రవాహం సజావుగా కొనసాగాలంటే ఏఆర్‌పీయూ(యావరేజ్‌ రెవెన్యూ పర్‌ యూజర్‌) ఛార్జీలను కనీసం 40-50శాతం పెంచాల్సి ఉంటుందని ఖేమ్కా అన్నారు. ఇదే పరిస్థితుల్లో ప్రత్యర్థి భారతీ ఎయిర్‌టెల్‌ కేవలం 15-20శాతం ఏఆర్‌పీయూ పెంచినా వారికి వ్యాపారాభివృ‍ద్ధికి మేలు చేసే అంశమవుతుందని ఖేమ్కా చెప్పుకొచ్చారు. ఇటీవల టెలికాం రంగం నిలకడైన ప్రదర్శన కొనసాగిస్తున్నట్లు ఖేమ్కా తెలిపారు. రిలయన్స్‌ ఆధ్వర్యంలోని జియో వరుసగా వాటాలు విక్రయించడంతో పాటు మరికొంత వాటాను అమ్మేందుకు సిద్ధంగా ఉందనే వార్తలు ఇన్వెస్టర్లను టెలికాం రంగం వైపు దృష్టి మళ్లించేలా చేశాయన్నారు. ఇక భారతీ ఎయిర్‌టెల్‌ విషయానికొస్తే.., ఇటీవల ఏఆర్‌పీయూ(యావరేజ్‌ రెవెన్యూ పర్‌ యూజర్‌)గణీయంగా మెరుగపడటాన్ని ఖేమా గుర్తు చేశారు.   నిరాధరమైన వార్తల ఆధారంగా మాత్రమే వోడాఫోన్‌ షేరు ఇటీవల మూమెంట్‌ను కనబరుస్తుందని, ఈ సమయంలో వోడాఫోన్‌కు దూరంగా ఉండటం మంచిదని ఆయన సలహానిస్తున్నారు. అయితే ఇదే  రంగంలో భారతీ ఎయిర్‌టెల్‌ షేరు కొనుగోలు చేయడం మంచిదని ఖేమా చెప్పుకొచ్చారు. వొడాఐడియాలో దాదాపు 5 శాతం వాటా కొనేందుకు గూగుల్‌ సిద్ధంగా ఉందనే వార్తలు వెలుగులోకి రావడంతో శుక్రవారం ఒకదశలో షేరు దాదాపు 35శాతం లాభపడి రూ.7.85 వద్ద ఇంట్రాడే గరిష్టాన్ని తాకింది. అయితే తమ కంపెనీలో గూగుల్‌ పెట్టుబడులు పెడుతున్న ప్రతిపాదన తమ పరిశీలనలోకి రాలేదనే వొడాఫోన్‌ ఐడియా తెలిపడంతో షేరు మార్కెట్‌ ముగిసే సరికి 12.71శాతం లాభంతో రూ.6.56 వద్ద స్థిరపడింది.

కోవిడ్ సంబంధిత అంతరాయాతో  విశ్లేషకులు పలు కంపెనీ షేర్ల వృద్ధి అంచనాలను, టార్గెట్‌ ధరలను తగ్గిస్తున్నారు. దీంతో ఇటీవల వారాల్లో అనేక షేర్లు రీ-రేటింగ్‌ను చూస్తున్నాయి. కానీ ఇంత సంక్షోభంలో ఒక రంగానికి చెందిన కంపెనీలు దుమ్ముదులుపుతున్నాయి. చాలామంది ఇన్వెస్టర్లు ఈ రంగంపై మక్కువ చూపిస్తున్నారు. అదే టెలికాం రంగం.... ఇటీవల కాలం వరకు ఈ రంగం నానా ఇబ్బందులతో సతమతమైతూ వచ్చింది. కానీ ఒక్కమారుగా ఈ రంగం బంగారుబాతుగా మారిపోయింది. ప్రస్తుత పరిస్థితుల్లో తక్కువ వ్యవధిలో డబ్బులు డబుల్‌ కావడానికి టెలికాం రంగం ఉత్తమైన ఎంపికగా కొందరు మార్కెట్‌ విశ్లేషకులు అభిప్రాయపడుతున్నారు.    లాక్‌డౌన్‌ సమయంలో డేటా, వాయిస్‌ వినియోగం పెరగడం, గతేడాది చివరి నెలలో టారీఫ్‌ల పెంపుతో పాటు భవిష్యత్తులో కంపెనీలు టారీఫ్‌లు పెంచవచ్చనే అంచనాలతో బ్రోకరేజ్‌ సంస్థలు టెలికాం రంగ షేర్లకు బుల్లిష్‌ రేటింగ్‌ను ఇస్తున్నాయి. రాబోయే కాలంలో ఈ కంపెనీల ఆదాయాలు పెరగవచ్చని అంచనా వేస్తున్నాయి.  టెలికాం కంపెనీలు రానున్న పదేళ్ల వరకు వార్షిక ప్రాతిపాదికన 14శాతం చక్రీయ వార్షిక వృద్ది నమోదు చేయగలవని యాంబిట్‌ క్యాపిటల్ ఛైర్మన్‌ వివేకానంద్‌ అభిప్రాయపడ్డారు. ఈయన వోడాఫోన్‌ ఐడియా షేరుపై బాగా బుల్లిష్‌గా ఉన్నారు. త్వరలో పోస్ట్‌పెయిడ్‌ ధరలను పెంచడంతో పాటు ఇతర టెలికాం కంపెనీలతో పోలిస్తే  ప్రీమియం వినియోగదారులు అధికంగా ఉండటం వోడాఫోన్‌ ఐడియాకు కలిసొస్తుందని ఆయన అభిప్రాయపడుతున్నారు. ఈ నేపథ్యంలో షేరుకు ‘‘బై’’ రేటింగ్‌ కేటాయింపుతో పాటు,  ఏడాది కాలానికి టార్గెట్‌ ధరను రూ.19గా నిర్ణయించారు. ఈ టార్గెట్‌ ధర షేరు ప్రస్తుత ట్రేడింగ్‌ను నుంచి ఏకంగా 248శాతం అధికంగా ఉంది. ఇదే షేరు మార్చి కనిష్టం నుంచి ఏకంగా 73శాతం పెరిగింది. టెలికాం రంగంలో ఆదాయాల విజిబిలిటి మెరుగుపడుతున్నందున టెలికాం షేర్లు రానున్న రోజుల్లో చెప్పుకోదగిన ర్యాలీ చేసే అవకాశం ఉందని నిప్పాన్ ఇండియా మ్యూచువల్ ఫండ్ డిప్యూటీ సిఐఓ సైలేష్ రాజ్ భన్ అభిప్రాయపడ్డారు. భారతీ ఎయిర్‌టెల్‌ షేరుపై అధిక బ్రోకరేజ్‌ సంస్థలు ‘‘బై’’ రేటింగ్‌ను కేటాయించాయి. మోర్గాన్‌ స్టాన్లీతో సహా మొత్తం 7 కంపెనీలు అవుట్‌పర్‌ఫామ్‌ రేటింగ్‌, 16 కంపెనీలు ‘‘బై’’ రేటింగ్‌ను కేటాయించినట్లు రాయిటర్స్‌ నివేదికలు చెబుతున్నాయి. ఇటీవల కంపెనీ నిరుత్సాహకరమైన త్రైమాసికపు ఫలితాలను ప్రకటించినప్పటికీ.., మోర్గాన్‌ స్టాన్లీ సేరు ఓవర్‌వెయిట్‌ రేటింగ్‌ను కేటాయించడంతో పాటు షేరు టార్గెట్‌ ధరను రూ.525 నుంచి రూ.725కు పెంచింది. భారతీ ఎయిర్‌టెల్‌ షేరు ఈ క్యాలెండర్‌ అన్ని బ్లూచిప్‌ కంపెనీల్లో కెల్లా అత్యధిక ర్యాలీని చేసింది. వార్షిక ప్రాతిపదికన 31శాతం లాభపడింది. 

సాక్షి, ముంబై: దేశంలో కరోనా లాక్ డౌన్ కొనసాగుతున్న వేళ మొబైల్ వినియోగదారులకు ఊరటనిచ్చే వార్త ఇది. ముఖ్యంగా ఆన్‌లైన్‌లో రీచార్జ్ చేసుకోలేని తమ వినియోగదారులను దృష్టిలో వుంచుకుని ఎయిర్‌టెల్, వొడాఫోన్ ఐడియా ఇకపై తమ దగ్గర ఉన్న ఏటీఎంలో రీఛార్జ్ చేసుకునే అవకాశాన్ని కల్పించాయి. టెలికాం దిగ్గజం జియో బాటలో నడిచిన ఎయిర్‌టెల్‌, వొడాఫోన్ కూడా తమ కస్టమర్లకు ఈ సౌలభ్యాన్ని అందుబాటులోకి తీసుకొచ్చాయి. దీంతోపాటు ఎయిర్‌టెల్ వినియోగదారులు ఎంపిక చేసిన కొన్ని కిరాణా, ఫార్మసీ దుకాణాల్లో కూడా రీచార్జ్ చేసుకోవచ్చు. ఈ మేరకు ఎయిర్‌టెల్ ఒక భాగస్వామ్యం కుదుర్చుకుంది. ఎయిర్‌టెల్ వినియోగారులు హెచ్‌డీఎఫ్‌సీ, ఐసీఐసీఐ బ్యాంక్‌ల ఏటీఎంల వద్ద రీఛార్జ్ చేసుకోవచ్చు. వొడాఫోన్ ఐడియా కస్టమర్లు హెచ్‌డీఎఫ్‌సీ, ఐసీఐసీఐ, ఎస్‌బిఐ, యాక్సిస్, సిటీ బ్యాంక్, డీసీబీ, ఐడీబీఐ, స్టాండర్డ్ చార్టర్డ్‌ బ్యాంకుల ఏటీఎంలలో మొబైల్ రీచార్జ్ చేసుకోవచ్చు. ఈ మేరకు ఇరు సంస్థలు ఈ బ్యాంకులతో భాగస్వామ్యాన్ని కుదుర్చుకున్నాయి. వినియోగదారులు ఈ బ్యాంకుల ఏటీఎంలలో దేన్నైనా సందర్శించి వారి రీఛార్జిని పూర్తి చేసుకోవచ్చు. అలాగే ఎయిర్‌టెల్‌ వినియోగదారులు బిగ్ బజార్స్ , అపోలో ఫార్మసీలకు కూడా వెళ్లి వారి మొబైల్ రీఛార్జ్ చేసుకోవచ్చు. ఏటీఎం రీచార్జ్ ఎలా చేసుకోవాలంటే.. ► కార్డును ఏటీఎంలలో ఇన్‌సెర్ట్ చేయాలి. ► ఏటీఎం మెషీన్ తెరపై కనిపించే మొబైల్ కంపెనీని ఎంచుకోవాలి. ► రీఛార్జ్ చేయదలిచిన మొబైల్ నంబర్‌ను నమోదు చేయాలి. ► రీఛార్జ్ చేసుకునే మొత్తాన్ని నమోదు చేయాలి. తరువాత ఏటీఎం పిన్ ఎంటర్ చేయాలి. ఈ వివరాలన్నీ నమోదు చేసిన తరువాత ఎంటర్ చేస్తే రీఛార్జ్ పూర్తయిందని నిర్ధారిస్తూ సందేశం వస్తుంది.  రీచార్జ్ చేసుకున్న అమౌంట్ మీ బ్యాంక్ ఖాతా నుండి డెబిట్ అవుతుంది. అలాగే మీ నెట్‌వర్క్ ఆపరేటర్ నుండి కూడా మెసేజ్ వస్తుంది. ఆన్‌లైన్‌లో రీఛార్జ్  చేసుకోలేని వ్యక్తులకు మాత్రమే ఏటీఎం రీఛార్జ్ సాధ్యమవుతుంది. దీంతోపాటు వొడాఫోన్‌ ఐడియా వినియోగదారులకు ఎస్ఎంఎస్ రీఛార్జ్ సౌకర్యం కూడా అందుబాటులో వుంది. ముఖ్యంగా ఐసీఐసీఐ, యాక్సిస్ బ్యాంక్ కస్టమర్లు మాత్రమే ఎస్ఎంఎస్ రీఛార్జ్ ద్వారా చేసుకోవచ్చు. ఎస్ఎంఎస్ రీచార్జ్ ఎలా అంటే మీ నంబర్ నుండి ఐడియా/వొడాఫోన్ నంబరు టైప్ చేసి, స్పేస్ ఇచ్చి, రీచార్జ్ సొమ్ము టైప్ చేసి, స్పేస్ ఇచ్చి, ఐసీఐసీఐ, లేదా యాక్సిస్ బ్యాంక్ ఖాతా చివరి ఆరు అంకెలను నమోదు చేసి 9717000002 లేదా 5676782కు ఎస్ఎంఎస్ పంపితే రీచార్జ్ పూర్తవుతుంది. కాగా కరోనా వైరస్ కారణంగా ఇబ్బందుల నేపథ్యంలో జియో కూడా హెచ్‌డీఎఫ్‌సీ, ఐసీఐసీఐ, ఎస్‌బిఐ, యాక్సిస్ , సిటీ బ్యాంక్, డీసీబీ, ఐడీబీఐ, స్టాండర్డ్ చార్టర్డ్‌ బ్యాంకుల ఏటీఎంలద్వారా మొబైల్ రీచార్జ్ సౌకర్యాన్ని కల్పించింది. అలాగే వినియోగదారుల వోడాఫోన్, ఎయిర్‌టెల్ తమ వినియోగదారుల ప్రస్తుత ప్లాన్‌ల వాలిడిటీని ఏప్రిల్ 17వరకు పెంచాయి. తక్కువ ఆదాయ వినియోగదారుల ఖాతాలను రూ.10తో జమ చేశాయి. మరోవైపు రిలయన్స్ జియో కూడా ఏప్రిల్ 17 వరకు 100 కాల్స్ , 100 ఉచిత ఎస్‌ఎంఎస్‌లను అందిస్తున్న సంగతి తెలిసిందే.

న్యూఢిల్లీ: ఏజీఆర్‌ బాకీల కారణంగా దివాలా తీసే పరిస్థితుల్లో ఉన్న టెలికం సంస్థ వొడాఫోన్‌ ఐడియా (వీఐఎల్‌) .. ఈ సమస్య నుంచి గట్టెక్కడంపై కసరత్తు చేస్తోంది. కంపెనీ చైర్మన్‌ కుమార మంగళం బిర్లా .. మంగళవారం కేంద్ర టెలికం శాఖ కార్యదర్శి అన్షు ప్రకాష్‌తో సమావేశమయ్యారు. దాదాపు గంటపాటు సాగిన చర్చల్లో వొడాఫోన్‌ ఐడియా ఎండీ, సీఈవో రవీందర్‌ టక్కర్‌ కూడా పాల్గొన్నారు. అయితే, చర్చల సారాంశాన్ని వెల్లడించేందుకు బిర్లా నిరాకరించారు. ‘ఇప్పుడే ఏం చెప్పలేము‘ అంటూ భేటీ అనంతరం ఆయన వ్యాఖ్యానించారు. వీఐఎల్‌ సంస్థ ఏజీఆర్‌ బాకీలు కట్టగలదా, దివాలా ప్రకటించే అవకాశం ఉందా వంటి ప్రశ్నలకు ఆయన సమాధానమివ్వడానికి నిరాకరించారు. సవరించిన స్థూల ఆదాయం (ఏజీఆర్‌) లెక్కల ప్రకారం లైసెన్సు ఫీజులు, స్పెక్ట్రం యూసేజీ చార్జీల కింద టెల్కోలు దాదాపు రూ. 1.47 లక్షల కోట్లు కట్టాలంటూ టెలికం శాఖ డిమాండ్‌ చేస్తోంది. వీఐఎల్‌ సుమారు రూ. 53,000 కోట్లు కట్టాల్సి ఉంది. బాకీల చెల్లింపుల్లో ఆదేశాల ఉల్లంఘనపై సుప్రీం కోర్టు తీవ్ర ఆగ్రహం వ్యక్తం చేయడంతో మిగతా టెల్కోలతో పాటు వీఐఎల్‌ సోమవారం రూ. 2,500 కట్టింది. మరో వారం రోజుల్లోగా ఇంకో రూ. 1,000 కోట్లు కడతామని పేర్కొంది. మరోవైపు, బాకీలు కట్టని టెల్కోల బ్యాంకు గ్యారంటీలను స్వాధీనం చేసుకోవాలని టెలికం శాఖ భావిస్తోంది. అదే జరిగితే వీఐఎల్‌ వంటివి మూతబడే ప్రమాదముంది. బాకీలపై వెసులుబాటు లభించకపోతే మూసివేత తప్పదంటూ బిర్లా గతంలోనే వ్యాఖ్యానించడం గమనార్హం.

న్యూఢిల్లీ: టెలికం సేవల మార్కెట్లోకి రిలయన్స్‌ జియో రాకతో ఎక్కువగా మురిసిపోయింది సగటు వినియోగదారుడేనని అనడంలో సందేహం లేదు. కానీ, మారిన పరిస్థితులతో ఇప్పుడు అదే వినియోగదారుడు ఆందోళన చెందాల్సిన పరిస్థితి...! కేంద్రానికి భారీ బకాయిలు కట్టాల్సి ఉన్న టెలికం కంపెనీలు ఎయిర్‌టెల్, వొడాఫోన్‌ ఐడియాలకు చార్జీలు పెంచడం ద్వారా నిధులు సమకూర్చుకోవడం మినహా ప్రత్యామ్నాయ మార్గాలు కనిపించడం లేదు. ఒకవైపు 4జీ నెట్‌వర్క్‌ విస్తరణపై భారీగా నిధులు వెచ్చించాల్సిన పరిస్థితి.. మరోవైపు జియోకు వినియోగదారులు చేజారిపోకుండా కాపాడుకోవాల్సిన పరిస్థితి.. ఇంకోవైపు కేంద్రానికి భారీ బకాయిలు చెల్లించక తప్పని పరిస్థితి.. అందుకే గత డిసెంబర్‌లో ఏకంగా 42 శాతం వరకు చార్జీలను పెంచేసిన సంస్థలు.. తాజా పరిణామాల నేపథ్యంలో రానున్న ఏడాది కాలంలో మరింత పెంపునకు సిద్ధం అవుతున్నాయి. జియో రాక పూర్వం ఒక జీబీ డేటా వినియోగానికి రూ.200కుపైన ఖర్చు చేయాల్సిన పరిస్థితి. మోస్తరు కాల్స్‌ చేసుకునే వారు కూడా నెలకు రూ.200 వరకు వెచ్చించే వారు. కానీ, 2016లో జియో అడుగుపెట్టడంతో పరిస్థితి పూర్తిగా మారిపోయింది. ప్రయోగాత్మకంగా 4జీ సేవలను ఉచితంగా ఆరంభించిన జియో భారీగా వినియోగదారులను సొంతం చేసుకుంది. డేటా, కాల్స్‌ను పరిమితి లేకుండా ఉచితంగా అందించి వినియోగాన్ని కొత్త పుంతలు తొక్కించింది. జియో దెబ్బకు రిలయన్స్‌ కమ్యూనికేషన్స్, ఎయిర్‌సెల్, టాటా డొకొమో, టెలినార్‌ ఇలా అందరూ దుకాణాలను మూతేసుకోవాల్సి వచ్చింది. మూడేళ్లలోనే జియో చందాదారుల సంఖ్యా పరంగా నంబర్‌ 1 స్థానానికి చేరుకుంది. జియో విధ్వంసాన్ని తట్టుకోలేక ప్రధాన టెలికం ప్లేయర్లు వొడాఫోన్‌ ఇండియా, ఐడియా సెల్యులర్‌ విలీనమైన వొడాఫోన్‌ ఐడియాగా అవతరించాయి. చివరకు మూడు ప్రైవేటు సంస్థలు జియో, ఎయిర్‌టెల్, వొడాఫోన్‌ ఐడియా టెలికం మార్కెట్లో మిగిలాయి. ఇటీవలి సుప్రీంకోర్టు తీర్పు ప్రభావంతో గత 20 ఏళ్లకు సంబంధించి స్పెక్ట్రమ్, ఇతర బకాయిల రూపంలో టెల్కోలు ఇప్పుడు కేంద్రానికి రూ.1.47 లక్షల కోట్లను చెల్లించుకోవాల్సిన పరిస్థితి ఏర్పడింది. ఎయిర్‌టెల్‌ రూ.35వేల కోట్లు, వొడాఫోన్‌ ఐడియా రూ.53 వేల కోట్ల వరకు చెల్లించాల్సి ఉంది. ఈ ప్రభావాన్ని అధిగమించేందుకు వాటి ముందున్న మార్గం చార్జీల పెంపే. అదే జరిగితే డేటాను పొదుపుగా వాడుకోవాల్సిన రోజులు మళ్లీ వచ్చేలా ఉన్నాయి. లేదంటే జేబు నుంచి మరింత ఖర్చు చేయక తప్పదు. రానున్న ఏడాది కాలంలో సగటు వినియోగదారు నుంచి వచ్చే నెలవారీ ఆదాయం(ఏఆర్‌పీయూ) రెట్టింపు కావచ్చని టెలికం కంపెనీలు అంచనాలు వేసుకుంటున్నాయి. లాభాల్లోకి రావాలంటే పెంచాల్సిందే..  ‘‘2020 చివరికి ఏఆర్‌పీయూ నెలకు కనీసం రూ.200 స్థాయికి, 2021 నాటికి కనీసం రూ.300కు చేరాల్సి ఉందన్న సంకేతాన్ని ఇచ్చాం. టారిఫ్‌ల పెంపు వినియోగాన్ని తగ్గించొచ్చేమో కానీ, సంఖ్యపై ప్రభావం చూపించదు’’ అని సెల్యులర్‌ ఆపరేటర్స్‌ అసోసియేషన్‌ ఆఫ్‌ ఇండియా డైరెక్టర్‌ జనరల్‌ రాజన్‌ ఎస్‌ మాథ్యూస్‌ తెలిపారు. 2019 మార్చి నాటికి ఏఆర్‌పీయూ రూ.113 స్థాయిలో ఉంది. దీనిపై కంపెనీలకు 18 శాతం నష్టాలు వచ్చాయి. ఏఆర్‌పీయూ 77 శాతం పెరిగి రూ.200కు చేరుకుంటే అప్పుడు కంపెనీలు లాభాల్లోకి ప్రవేశిస్తాయి. ఆదాయంలో లాభాలు 10 శాతానికి చేరుకుంటాయని కంపెనీల అంచనా. ఇక ఏఆర్‌పీయూ రూ.300కు చేరుకుంటే కంపెనీల ఆదాయంలో పన్ను అనంతరం లాభాలు 30–40 శాతానికి విస్తరిస్తాయి. అయితే టెలికం నెట్‌వర్క్‌పై పెద్ద ఎత్తున పెట్టుబడులు పెట్టాల్సి ఉన్నందున వాస్తవ లాభాలు తక్కువగానే ఉంటాయన్నది విశ్లేషణ. వచ్చే పలు త్రైమాసికాల్లో ఏఆర్‌పీయూ రూ.200కు, ఆ తర్వాత కొంత కాలానికి రూ.300కు చేరుకుంటుందని భారతీ ఎయిర్‌టెల్‌ విశ్లేషకులకు ఇప్పటికే తెలియజేయడం గమనార్హం. ముఖ్యంగా ఏజీఆర్‌ బకాయిల భారాన్ని వినియోగదారులకు బదిలీ చేసే పరిస్థితులు తేటతెల్లంగా కనిపిస్తున్నాయి. కానీ, మార్కెట్లోకి లేటుగా వచ్చిన జియోకు ఈ ఏజీఆర్‌ భారం ఏమీ లేకపోవడంతో.. టారిఫ్‌ల పెంపు రూపంలో ఆ సంస్థకు లాభాల వరద పారనుంది. ఐడియా మూసేస్తే.. వొడా–ఐడియా ఒక్కో త్రైమాసికంలో రూ.6వేల కోట్లకు పైగా నష్టాలను ఎదుర్కొంటోంది. గత చార్జీల పెంపు సంస్థకు కలసి రాలేదు. పైగా కేంద్రానికి రూ.53 వేల కోట్ల వరకు కట్టాల్సి ఉంది. ప్రభుత్వం నుంచి ఉపశమనం రాకపోతే సంస్థను మూసేయక తప్పదని కుమారమంగళం బిర్లా బహిరంగంగానే సంకేతమిచ్చారు.  ఒకవేళ వొడా–ఐడియా దుకాణం బంద్‌ అయితే, ఈ సంస్థ చందాదారుల్లో (సుమారు 30 కోట్లు) కనీసం సగం మందిని అయినా సొంతం చేసుకోవడం ద్వారా 50 కోట్ల మార్క్‌ను అధిగమించాలని, 64.6 కోట్ల చందాదారుల లక్ష్యాన్ని చేరుకోవాలన్న ప్రణాళికలతో జియో సిద్ధంగా ఉందని తెలుస్తోంది. వొడా–ఐడియా నిష్క్రమణ చందాదారుల పరంగా అటు ఎయిర్‌టెల్‌ కూడా కలసి రానుంది. ప్రభుత్వరంగ బీఎస్‌ఎన్‌ఎల్‌ ఇప్పటికీ 4జీ సేవల్లో లేదు కనుక ఆ సంస్థకు వెళ్లే చందాదారులు తక్కువగానే ఉంటారని అంచనా.

న్యూఢిల్లీ: ఏజీఆర్‌ బాకీలకు సంబంధించి సుప్రీం కోర్టు తీవ్ర ఆగ్రహం వ్యక్తం చేసిన నేపథ్యంలో టెలికం సంస్థలు చెల్లింపులు ప్రారంభించాయి. సోమవారం భారతి ఎయిర్‌టెల్, వొడాఫోన్‌ ఐడియా, టాటా టెలీసర్వీసెస్‌ కొంత మొత్తాన్ని కట్టాయి. టెలికం శాఖకు (డాట్‌) ఎయిర్‌టెల్‌ రూ. 10,000 కోట్లు, టాటా గ్రూప్‌ రూ.2,197 కోట్లు చెల్లించాయి. ‘భారతి ఎయిర్‌టెల్, భారతి హెక్సాకామ్, టెలినార్‌ల తరఫున రూ.10,000 కోట్లు చెల్లించాం. మిగతా బాకీలపై స్వీయ మదింపు చేపట్టాం. సుప్రీం కోర్టులో తదుపరి విచారణ తేదీలోగా దీన్ని కట్టేస్తాం’ అని ఎయిర్‌టెల్‌ ఒక ప్రకటనలో తెలిపింది. ఇందులో రూ.9,500 కోట్లు భారతి ఎయిర్‌టెల్‌కి సంబంధించినవి కాగా రూ.500 కోట్లు భారతి హెక్సాకామ్‌కు చెందినవి. మరోవైపు, టాటా టెలీ, టాటా టెలీ (మహారాష్ట్ర) తరఫున మొత్తం బాకీల కింద రూ.2,197 కోట్లు కట్టేశామని, వీటికి సంబంధించిన లెక్కల వివరాలను కూడా డాట్‌కు అందజేశామని టాటా టెలీసర్వీసెస్‌ తెలిపింది. సోమవారం రూ.2,500 కోట్లు కట్టిన వొడాఫోన్‌ ఐడియా.. శుక్రవారం నాటికి మరో రూ.1,000 కోట్లు కడతామంటూ సుప్రీం కోర్టుకు విన్నవించింది. అప్పటిదాకా డాట్‌ ఎటువంటి చర్యలు తీసుకోకుండా సూచనలివ్వాలని కోరింది. అయితే, సుప్రీం కోర్టు దీన్ని తోసిపుచ్చింది. బ్యాంక్‌ గ్యారంటీల స్వాధీనం సహా బాకీల వసూలుకు అన్ని చర్యలూ తీసుకునేందుకు డాట్‌కు వెసులుబాటునిచ్చింది. డాట్‌ గణాంకాలను బట్టి సవరించిన స్థూల ఆదాయ (ఏజీఆర్‌) లెక్కల ప్రకారం టెల్కోల నుంచి లైసెన్సు ఫీజులు, స్పెక్ట్రం యూసేజీ చార్జీల బాకీల కింద సుమారు రూ.1.47 లక్షల కోట్లు వసూలు కావాలి. ఎయిర్‌టెల్‌ సుమారు రూ. 35,586 కోట్లు, వొడాఫోన్‌ ఐడియా రూ. 53,000 కోట్లు, టాటా టెలీసర్వీసెస్‌ సుమారు రూ.13,800 కోట్లు చెల్లించాలి. ఈ ఏడాది జనవరి 23లోగా వీటిని కట్టేయాలంటూ గతేడాది ఆదేశించినా.. అమలు కాకపోవడంపై ఇటీవల సుప్రీం కోర్టు తీవ్ర ఆగ్రహం వ్యక్తం చేయడంతో కంపెనీలు, డాట్‌ కదిలాయి. దీనిపై మార్చి 17న సుప్రీం కోర్టు తదుపరి విచారణ జరపనుంది. బ్యాంక్‌ గ్యారంటీలపై డాట్‌ దృష్టి..  బాకీలను పూర్తిగా వసూలు చేసుకునే క్రమంలో.. టెల్కోలిచ్చిన బ్యాంక్‌ గ్యారంటీలను స్వాధీనం చేసుకునే అవకాశాలను డాట్‌ పరిశీలిస్తున్నట్లు సంబంధిత వర్గాలు తెలిపాయి. ఈ అంశంపై డాట్‌ అధికారులు మంగళవారం సమావేశమై, నిర్ణయం తీసుకోనున్నట్లు వివరించాయి. ఒకవేళ బ్యాంక్‌ గ్యారంటీలను నిజంగానే స్వాధీనం చేసుకుంటే... నిధులు సమీకరించుకునేందుకు నానా తంటాలు పడుతున్న వొడాఫోన్‌ ఐడియా వంటి సంస్థలు మూతబడక తప్పకపోవచ్చని పరిశ్రమ వర్గాలు అభిప్రాయపడ్డాయి. రెండు త్రైమాసికాల లైసెన్సు ఫీజులు, ఇతర బకాయిలకు సరిపడే  స్థాయిలో ఈ బ్యాంక్‌ గ్యారంటీ ఉంటుంది. ఎయిర్‌టెల్, వొడాఫోన్‌ ఐడియాకు సంబంధించి ఇది సుమారు రూ.5,000 కోట్ల మేర ఉంటుంది. డాట్‌ లెక్కలను టెల్కోలు ప్రశ్నించాయి. తమ సొంత మదింపు ప్రకారమే కడతామంటూ సూచనప్రాయంగా వెల్లడించాయి. ఈ మొత్తం వివాద ప్రభావం బ్యాంకులపై ఎలా ఉండవచ్చన్న అంశాన్ని రిజర్వ్‌ బ్యాంక్‌ పరిశీలిస్తోందని ఆర్‌బీఐ గవర్నర్‌ శక్తికాంత దాస్‌ ఒక ఇంటర్వూ్య సందర్భంగా తెలిపారు. ఆ ఉత్తర్వులు.. నాన్‌–టెల్కోలకు కాదేమో: ధర్మేంద్ర ప్రధాన్‌ నాన్‌ టెలికామ్‌ ఆదాయాలను కూడా పరిగణనలోకి తీసుకుని కంపెనీలు ఏజీఆర్‌ బాకీలు కట్టాలన్న సుప్రీం కోర్టు ఆదేశాలు.. టెలికంయేతర ప్రభుత్వ రంగ సంస్థలకు వర్తించకపోవచ్చని కేంద్ర చమురు శాఖ మంత్రి ధర్మేంద్ర ప్రధాన్‌ అభిప్రాయపడ్డారు. సమాచార లోపం వల్లే చమురు కంపెనీలకు కూడా డాట్‌ నోటీసులిచ్చి ఉంటుందని, న్యాయనిపుణుల సలహాలు తీసుకున్నాక తమ అభిప్రాయం తెలియజేశామని చెప్పారు. నోటీసులు అందుకున్న కంపెనీలకు టెలికం కార్యకలాపాలు ప్రధాన వ్యాపారం కాదన్నారు. స్పెక్ట్రం వాడుకున్నందుకు గాను గెయిల్, ఆయిల్‌ ఇండియా, పవర్‌గ్రిడ్‌ వంటి టెలికంయేతర కంపెనీలు కూడా రూ.2.7 లక్షల కోట్లు కట్టాలంటూ డాట్‌ నోటీసులివ్వటం తెలిసిందే. ద్రవ్య లోటు తగ్గుతుంది: ఆర్థికవేత్తల అంచనా టెలికం సంస్థలు రూ.1.20 లక్షల కోట్ల బాకీలు కట్టిన పక్షంలో 2019–20 ఆర్థిక సంవత్సరంలో.. సవరించిన గణాంకాల కన్నా ద్రవ్య లోటు తగ్గగలదని ఆర్థికవేత్తలు తెలిపారు. స్థూల దేశీయోత్పత్తిలో (జీడీపీ) ఇది 3.5 శాతానికి పరిమితం కాగలదని ఎస్‌బీఐ ఆర్థికవేత్తలు పేర్కొన్నారు. సవరించిన గణాంకాల ప్రకారం ఇది 3.8 శాతం స్థాయిలో ఉండొచ్చని గతంలో అంచనా వేశారు. ‘టెల్కోలు బాకీలు కట్టేందుకు గడువైన మార్చి 16 తర్వాత ద్రవ్య లోటు పరిస్థితి గణనీయంగా మారిపోతుంది. ఏజీఆర్‌ బాకీలు కనీసం రూ.1.20 కోట్లు వసూలైనా.. ప్రస్తుత 2019–20 ఆర్థిక సంవత్సరంలో ద్రవ్య లోటు.. జీడీపీలో 3.5 శాతానికి దిగి రావొచ్చు‘ అని ఎస్‌బీఐ ఆర్థికవేత్తలు పేర్కొన్నారు. మరోవైపు, వంట గ్యాస్‌ ధరలు భారీగా పెరిగిపోవడంతో ప్రజలు మళ్లీ కాలుష్యకారక పాత ప్రత్యామ్నాయాల వైపు మళ్లుతున్నారని తెలిపారు. గ్యాస్‌ సిలిండర్‌ అందుబాటు ధరల్లో అందించడం ద్వారా ప్రభుత్వం ఈ సమస్యను పరిష్కరించవచ్చని ఆర్థిక వేత్తలు పేర్కొన్నారు.

ముంబై: భారీ రుణభారంతో కుదేలైన వొడాఫోన్‌ ఐడియా కంపెనీ ఆస్తుల విక్రయానికి వివిధ సంస్థలతో సంప్రదింపులు జరుపుతోంది. ఆప్టిక్‌ ఫైబర్‌ వ్యాపారాన్ని విక్రయించడానికి బ్రూక్‌ఫీల్డ్‌ అసెట్‌ మేనేజ్‌మెంట్‌తోనూ, నవీ ముంబైలో ఉన్న డేటా సెంటర్‌ను అమ్మేయడానికి ఎడెల్‌వీజ్‌ గ్రూప్‌తోనూ ఐడియా చర్చలు జరుపుతోందని సమాచారం. సంబంధిత వర్గాల కథనం ప్రకారం... వొడాఫోన్‌ ఐడియా కంపెనీ తన 1,56,000 కిమీ. ఆప్టిక్‌ ఫైబర్‌ వ్యాపారాన్ని విక్రయించడానికి బ్రూక్‌ఫీల్డ్‌ సంస్థతో పాటు ఇతర సంస్థలతో కూడా చర్చలు జరుపుతోంది. ఈ వ్యాపారం విలువ 150–200 కోట్ల డాలర్ల మేర ఉండొచ్చని అంచనా. ఇక నవీ ముంబైలోని డేటా సెంటర్‌ను ఎడెల్‌వీజ్‌ సంస్థకు చెందిన ఎడెల్‌వీజ్‌ ఈల్డ్‌ ప్లస్‌ ఫండ్‌ కొనుగోలు చేయాలని యోచిస్తోంది. ఈ డేటా సెంటర్‌ విలువ 6–10 కోట్ల డాలర్ల మేర ఉండొచ్చు. సవరించిన స్థూల రాబడి(ఏజీఆర్‌)కు సంబంధించి వొడాఫోన్‌ ఐడియా రూ.53,000 కోట్ల బకాయిలను మూడు నెలల్లోగా చెల్లించాలని సుప్రీం కోర్ట్‌ ఈ ఏడాది అక్టోబర్‌24న తీర్పునిచి్చంది. ఈ ఆస్తుల విక్రయం ద్వారా ఈ బకాయిలను కొంతైనా తీర్చాలని ఈ కంపెనీ యోచిస్తోంది. అయితే టెలికం రంగానికి రూ.7 లక్షల కోట్లకు పైగా బకాయిలు ఉండటంతో ఆప్టిక్‌ ఫైబర్‌ ఆస్తుల విక్రయానికి బ్యాంక్‌లు అభ్యతరం చెప్పే అవకాశాలున్నాయి.

న్యూఢిల్లీ: కేంద్రానికి చెల్లించాల్సిన పాత బకాయిలకు సంబంధించి ప్రభుత్వం ఊరట చర్యలేమీ తీసుకోకపోతే కంపెనీని మూసివేయక తప్పదని టెలికం సంస్థ వొడాఫోన్‌– ఐడియా చైర్మన్‌ కుమార మంగళం బిర్లా వ్యాఖ్యానించారు. ‘ప్రభుత్వం నుంచి ఏ రకమైన తోడ్పాటూ లేకపోతే ఇక వొడాఫోన్‌ ఐడియా కథ ముగిసినట్లే. ఇందులో ఇంకా పెట్టుబడులు పెట్టడం వల్ల ప్రయోజనమేమీ ఉండదు. సంస్థను మూసేయాల్సి ఉంటుంది‘  అని శుక్రవారం ఒక సదస్సులో పాల్గొన్న సందర్భంగా ఆయన చెప్పారు. అయితే, ఎకానమీని గాడిలో పెట్టే దిశగా.. సంక్షోభంలో ఉన్న టెలికం రంగాన్ని గట్టెక్కించేందుకు ప్రభుత్వం తగు చర్యలు తీసుకోగలదని ఆయన ఆశాభావం వ్యక్తం చేశారు. ‘టెలికం అనేది చాలా కీలక రంగమని ప్రభుత్వం గుర్తించింది. మొత్తం డిజిటల్‌ ఇండియా కార్యక్రమమంతా దీనిపైనే ఆధారపడి ఉంది. ఇది నిలదొక్కుకోవాల్సిన అవసరం ఉంది కాబట్టి.. ప్రభుత్వం నుంచి మరింత తోడ్పాటు అవసరం‘ అని ఆయన చెప్పారు. ఏ రకమైన ఊరట చర్యలు కోరుకుంటున్నారన్న ప్రశ్నపై స్పందిస్తూ.. ‘ప్రధానమైన సమస్య .. సవరించిన స్థూల ఆదాయం (ఏజీఆర్‌) వివాదమే. ఇది ప్రస్తుతం కోర్టులో ఉంది. ప్రభుత్వమే టెల్కోలకు వ్యతిరేకంగా ఈ కేసు వేసింది. చర్చల ద్వారా దీన్ని పరిష్కరించవచ్చు‘ అని బిర్లా పేర్కొన్నారు. ఏజీఆర్‌ లెక్కింపు వివాదంలో ఇటీవల కేంద్రానికి అనుకూలంగా సుప్రీం కోర్టు తీర్పునిచ్చిన నేపథ్యంలో టెలికం సంస్థలు ఏకంగా రూ. 1.4 లక్షల కోట్ల మేర లైసెన్సు ఫీజులు, స్పెక్ట్రం యూసేజీ చార్జీల బకాయీలు కట్టాల్సి రానుంది. దీంతో వీటికి కేటాయింపులు జరపాల్సి రావడం వల్ల వొడాఫోన్‌ ఐడియా సెపె్టంబర్‌ త్రైమాసికంలో ఏకంగా రూ.50,921 కోట్ల మేర రికార్డు స్థాయిలో నష్టాలు ప్రకటించడం తెలిసిందే.   ఆర్థిక వ్యవస్థకు ఊతమివ్వాలి.. ఎకానమీకి ఊతమిచ్చేందుకు కార్పొరేట్‌ ట్యాక్స్‌ను తగ్గించటం మాత్రమే సరిపోదని, ఆర్థికంగా తోడ్పాటునిచ్చేలా పటిష్టమైన ఉద్దీపన ప్యాకేజీలాంటిది అవసరమని బిర్లా చెప్పారు. ఆ రూపంలో వచ్చే నిధులతో కొన్ని కార్పొరేట్లు రుణభారం తగ్గించుకోగలవని, మరికొన్ని ఉత్పత్తి సామర్థ్యాన్ని మరింతగా విస్తరించుకోగలవని ఆయన వివరించారు. ఎకానమీని గట్టెక్కించడానికి ఆదాయ పన్ను రేటును తగ్గించాలని ప్రభుత్వం యోచిస్తోందన్న వార్తలపై స్పందిస్తూ.. ‘ఇది కేవలం వినియోగ డిమాండ్‌ పెంచడానికే పరిమితమైన సమస్య కాదు. ఆదాయాలు తక్కువగా ఉన్నాయి. ప్రజలు మరింతగా ఖర్చు చేయడానికి ఇష్టపడటం లేదు. దీన్నుంచి బైటపడాలంటే.. ఉద్దీపన చర్యలు ప్రకటించడం ఒక్కటే మార్గం. జీఎస్‌టీని 15 శాతానికి తగ్గించారనుకోండి.. అదే పెద్ద ఉద్దీపన చర్య కాగలదు‘ అని బిర్లా చెప్పారు. మరోవైపు ఇన్‌ఫ్రాపై ప్రభుత్వం మరింతగా పెట్టుబడులు పెట్టడం కూడా ఎకానమీపై బాగా సానుకూల ప్రభావం చూపగలదని తెలిపారు. ప్రస్తుత ఆర్థిక సంవత్సరం స్థూల దేశీయోత్పత్తి (జీడీపీ) వృద్ధి రేటు అంచనాలను రిజర్వ్‌ బ్యాంక్‌ ఏకంగా 6.1 శాతం నుంచి 5 శాతానికి కుదించిన నేపథ్యంలో బిర్లా వ్యాఖ్యలు ప్రాధాన్యం సంతరించుకున్నాయి. 

సాక్షి, న్యూఢిల్లీ : చౌక మొబైల్‌ చార్జీలకు కాలం చెల్లింది. ఈనెల 3 నుంచి కాల్‌ చార్జీలు భారీగా పెరగనున్నాయి. మొబైల్‌ కాల్స్‌, డేటా చార్జీలను మంగళవారం నుంచి పెంచనున్నట్టు టెలికాం ఆపరేటర్‌ వొడాఫోన్-ఐడియా ప్రకటించింది. ప్రీపెయిడ్‌ విభాగంలో రెండు రోజులు, 28, 84, 368 రోజుల వాలిడిటీతో కూడిన ప్లాన్‌లపై చార్జీలను పెంచనున్నట్టు కంపెనీ వెల్లడించింది. గత ప్లాన్‌లతో పోలిస్తే తాజా ప్లాన్‌లు దాదాపు 42 శాతం మేరకు భారమవుతాయని భావిస్తున్నారు. ప్రీపెయిడ్‌ సేవలు, ప్రోడక్టులపై నూతన టారిఫ్‌లు, ప్లాన్‌లను ప్రకటించామని, డిసెంబర్‌ 3 నుంచి ఇవి అందుబాటులోకి వస్తాయని వొడాఫోన్‌ ఐడియా లిమిటెడ్‌ ఓ ప్రకటనలో పేర్కొంది. డిసెంబర్‌ నుంచి మొబైల్‌ టారిఫ్‌లను పెంచుతామని భారత టెలికాం ఆపరేటర్లు గత నెలలో ప్రకటించిన సంగతి తెలిసిందే. టెలికాం టారిఫ్‌ల సవరణపై ట్రాయ్‌ సంప్రదింపుల ప్రక్రియ నేపథ్యంలో వొడాఫోన్‌ ఐడియా టారిఫ్‌ పెంపను ప్రకటించింది. మరోవైపు దేశంలో డిజిటల్‌ మళ్లింపు, డేటా వినియోగంపై ప్రతికూల ప్రభావం చూపని రీతిలో రానున్న వారాల్లో టారిఫ్‌లను పెంచుతామని రిలయన్స్‌ జియో ఓ ప్రకటనలో పేర్కొంది. ఇక ఎయిర్‌టెల్‌ సైతం టారిఫ్‌ల పెంపునకు రంగం సిద్ధం చేసింది.

న్యూఢిల్లీ: సుప్రీంకోర్టు తీర్పుతో వేల కోట్ల రూపాయలు కట్టాల్సి వస్తే భారత్‌లో కార్యకలాపాలు కొనసాగించడం కష్టమేనని బ్రిటన్‌ టెలికం దిగ్గజం వొడాఫోన్‌ సీఈవో నిక్‌రీడ్‌ వ్యాఖ్యానించారు. వొడాఫోన్‌– ఐడియా జాయింట్‌ వెంచర్‌ మరింత సంక్షోభంలో కూరుకుపోకుండా చూసేందుకు చెల్లింపుల విషయంలో ప్రభుత్వం తోడ్పాటు అందించాల్సిన అవసరం ఉందని ఆయన పేర్కొన్నారు. కంపెనీ ఆర్థిక ఫలితాల వెల్లడి సందర్భంగా రీడ్‌ ఈ విషయాలు చెప్పారు. ‘చాన్నాళ్లుగా భారత్‌ సవాళ్లమయంగా ఉంటోంది. అనుకూలంగా లేని నిబంధనలు, భారీ పన్నులు.. వీటికి తోడు సుప్రీంకోర్టు నుంచి ప్రతికూల తీర్పు .. ఇవన్నీ కలిసి సంస్థకి ఆర్థికంగా పెనుభారం అవుతున్నాయి‘ అని ఆయన వ్యాఖ్యానించారు. సవరించిన స్థూల ఆదాయం (ఏజీఆర్‌) లెక్కల ప్రకారం లైసెన్సు ఫీజులు, స్పెక్ట్రం చార్జీల కింద భారత్‌లో సుమారు రూ.40 వేల కోట్ల దాకా బకాయిలు వొడాఫోన్‌–ఐడియా కట్టాల్సి రావొచ్చని అంచనా. దీంతో పాటు ఏప్రిల్‌– సెపె్టంబర్‌ మధ్యలో వొడాఫోన్‌ భారత విభాగం నిర్వహణ నష్టాలు 692 మిలియన్‌ యూరోలకు ఎగిశాయి. తాజా పరిణామాలతో భారత్‌లో మరిన్ని పెట్టుబడులు పెట్టే పరిస్థితి లేదని ఆర్థిక ఫలితాల్లో వొడాఫోన్‌ వెల్లడించింది. 2007లో భారత మార్కెట్లోకి ప్రవేశించినప్పటి నుంచీ ఏదో ఒక విషయంలో వొడాఫోన్‌ కోర్టుల చుట్టూ తిరుగుతూనే ఉంది.   స్పెక్ట్రం వేలంలో పాల్గొనేదెవరు: సీవోఏఐ 5జీ సేవలకు సంబంధించి కావాలనుకుంటే ఈ ఆర్థిక సంవత్సరంలోనే స్పెక్ట్రంను వేలం వేసేందుకు ప్రభుత్వానికి పూర్తి అధికారాలు ఉన్నాయని.. కాకపోతే ఆర్థిక సంక్షోభంలో ఉన్న పాత టెల్కోలు ఇందులో పాల్గొనకపోవచ్చని టెలికం సంస్థల సమాఖ్య సీవోఏఐ వ్యాఖ్యానించింది.

కోల్‌కత్తా: ఏజీఆర్‌ బకాయిల చెల్లింపుల విషయంలో ఎయిర్‌టెల్‌, వొడాఫోన్ ఐడియాలకు మినహాయింపులు ఇవ్వొద్దని కేంద్ర టెలికాం మంత్రి రవిశంకర్‌ ప్రసాద్‌కు రిలయన్స్‌ జియో రెండో లేఖ రాసింది. వడ్డీ చెల్లింపులు, పెనాల్టీలను తగ్గించాలన్న వొడాఫోన్ ఐడియా అభ్యర్థనను సుప్రీం కోర్టు తిరస్కరించిన విషయాన్ని ముఖేష్‌ అంబానీ నేతృత్వంలోని జియో గుర్తు చేసింది. కోర్టు తీర్పు మేరకు ప్రభుత్వం కంపెనీలకు మినహాయింపులు ఇచ్చే అవకాశమే లేదని జియో స్పష్టం చేసింది. చెల్లింపుల విషయంలో ప్రభుత్వం తాత్సారం చేస్తే సుప్రీం​ తీర్పును ఉల్లంఘించినట్లేనని జియో తెలిపింది. మరోవైపు  ఐడియా వొడాఫోన్లు ఆర్థికంగా బలంగా ఉన్నాయని ఎటువంటి పరిస్థితినైనా ఎదుర్కొనే సత్తా ఆ కంపెనీలకు ఉందని జియో తెలిపింది. కాగా ఎయిర్‌టెల్‌, వొడాఫోన్ ఐడియా పెనాల్టీలు, వడ్డీ చెల్లింపులు, లైసెన్స్‌ రుసుములు పరంగా 81,000కోట్లు చెల్లించాలని టెలికాం వర్గాలు తెలిపాయి.

న్యూఢిల్లీ: లైసెన్సు ఫీజుల బకాయిలకు సంబంధించి సుప్రీం కోర్టు ప్రతికూల తీర్పునిచ్చిన నేపథ్యంలో కేంద్రాన్ని ఆశ్రయించాలని టెలికం సంస్థ వొడాఫోన్‌–ఐడియా నిర్ణయించుకుంది. వడ్డీలు, పెనాల్టీలు మొదలైనవి తొలగించడం సహా ఊరట చర్యలు తీసుకోవాలని టెలికం శాఖను (డాట్‌) కోరాలని భావిస్తున్నట్లు సంస్థ వెల్లడించింది. డాట్‌ నిర్దేశించిన ఫార్ములా ప్రకారమే టెల్కోలు లైసెన్సు ఫీజులు, స్పెక్ట్రం ఫీజులు కట్టాలంటూ సుప్రీం కోర్టు ఆదేశించిన సంగతి తెలిసిందే. దీని ప్రకారం వొడాఫోన్‌ ఐడియా ఏకంగా రూ. 21,000 కోట్లు  కట్టాల్సి రానుంది.  

సాక్షి, ముంబై:  టెలికాం సంస్థ వొడాఫోన్ తన ప్రీపెయిడ్ వినియోగదారుల కోసం రూ.69 ల  ఒక కొత్త  ప్రీ పెయిడ్‌ ప్లాన్‌ను  తీసుకొచ్చింది. 28 రోజల వాలిడిటీ  ఉన్న ఈ ప్లాన్‌లో 150 నిమిషాల వాయిస్‌ కాల్స్, 250 ఎంబీ డేటా ప్రయోజనాలను వినియోగదారులకు అందిస్తోంది.  అలాగే పలు సర్కిల్స్‌లో ఈ ప్లాన్‌లో ఎస్‌ఎంఎస్‌లు కూడా ఉచితం.  ప్రస్తుతం ఏపీ, తెలంగాణ, అస్సాం, బీహార్, జార్ఖండ్, ఢిల్లీ, ముంబై ప్రాంతాల్లో మాత్రమే ఈ ప్లాన్ వినియోగదారులకు అందుబాటులో ఉంది.  తన ఆల్ రౌండర్ ప్రీ పెయిడ్ ప్లాన్లలో  ఈ కొత్త ప్లాన్‌ను ప్రవేశపెట్టింది.  తన పోర్ట్‌ఫోలియోలోఇప్పటికే లాంచ్‌ చేసిన  రూ .45 , 35, 65, 95, రూ .145 ప్లాన్లకు కొనసాగింపుగా దీన్ని తీసుకొచ్చింది.

ముంబై : జియో షాకింగ్‌ నిర్ణయంతో ఎయిర్‌టెల్‌, వోడాఫోన్‌ పంట పండింది. వోడాఫోన్‌, ఐడియా ఏకంగా 18శాతం లాభదాయక షేర్లతో ఎగబాకింది. మరోవైపు ఎయిర్‌టెల్ 4.8  లాభదాయక షేర్లతో దూసుకెళ్తోంది. ఇప్పటి వరకు ఇతర నెట్‌వర్క్‌ల పై ఉచిత కాల్స్‌ సదుపాయాన్ని అందిస్తున్న జియో సంస్థ తాజాగా వేరే నెట్‌వర్క్‌లకు చేసే వాయిస్‌ కాల్స్‌పై నిమిషానికి 6 పైసల చొప్పున చార్జీలు విధించనున్నట్లు బుధవారం ప్రకటించిన విషయం తెలిసిందే. జియో మాత్రం కాల్‌ టెర్మినేషన్‌ చార్జీలు అమల్లో ఉన్నంత వరకూ 6 పైసల చార్జీల విధింపు కొనసాగిస్తామని పేర్కొంది. అయితే తమ సంస్థ  ప్రారంభించినప్పటి నుండి ప్రత్యర్థి ఆపరేటర్లకు వినియోగదారుల రుసుము 13,500 కోట్లు చెల్లించినట్లు జియో ఓ ప్రకటనలో తెలిపింది. ఈ క్రమంలో బిజినెస్‌ అనలిస్ట్‌ క్రిస్‌ లేన్‌ స్పందిస్తూ జియో లాభదాయక వృద్దిని ఆశిస్తున్నట్లు తెలిపాడు. 

సాక్షి, న్యూఢిల్లీ: టెలికం దిగ్గజం రిలయన్స్‌జియో తన ప్రత్యేకతను నిలబెట్టుకుంది. 4జీ డౌన్‌లోడ్ స్పీడ్ చార్టులో అగ్రస్థానంలోనే కొనసాగుతోంది. అయితే  అప్‌లోడ్‌  స్పీడ్‌లో వోడాఫోన్‌ అగ్రభాగాన నిలిచింది.  ఆగస్టు మాసానికి సంబంధించిన గణాంకాలను టెలికం రెగ్యులేటరీ ట్రాయ్‌ తాజాగా విడుదల చేసింది.  ఆగస్టు నెలలో 21.3 ఎంబీపీఎస్‌ సగటు డౌన్‌లోడ్ వేగంతో టాప్‌ లోఉంది జియో.  జూలైలో 21.0 ఎంబీపీఎస్‌తో పోలిస్తే మరికొంచెం మెరుగుపడింది.  మొత్తం 12 నెలల్లో అత్యధిక సగటు డౌన్‌లోడ్ వేగంతో రిలయన్స్ జియో 2018లో అత్యంత వేగవంతమైన 4 జీ ఆపరేటర్‌గా నిలిచింది.  కాగా ఈ ఏడాది మళ్ళీ మొత్తం 8 నెలల్లో జియో అగ్రస్థానంలో నిలిచింది. టెలికాం రెగ్యులేటరీ అథారిటీ ఆఫ్ ఇండియా (ట్రాయ్) ప్రచురించిన గణాంకాల ప్రకారం భారతి ఎయిర్‌టెల్ పనితీరు ఏమాత్రం మెరుగుపడలేదు. జూలైలో 8.8 ఎంబీపీఎస్‌ నుండి ఆగస్టులో 8.2 ఎంబీపీఎస్‌ పడిపోయింది. వోడాఫోన్,  ఐడియా సెల్యులార్ తమ వ్యాపారాలను విలీనం అనంతరం  వోడాఫోన్ ఐడియాగా పనిచేస్తున్నప్పటికీ, ట్రాయ్ వారి నెట్‌వర్క్ పనితీరును విడి, విడిగానే  ప్రచురించింది. వోడాఫోన్ నెట్‌వర్క్‌లో సగటు 4జి డౌన్‌లోడ్ వేగం ఆగస్టులో 7.7 ఎంబీపీఎస్‌ వద్ద ఉండగా, ఐడియా జూలైలో సగటు డౌన్‌లోడ్ వేగం 6.6 ఎంబీపీఎస్‌ నుండి 6.1 ఎంబీపీఎస్‌కు తగ్గింది. వోడాఫోన్ ఆగస్టులో 4జీ అప్‌లోడ్ వేగం సగటు 5.5 ఎంబీపీఎస్‌ సాధించగా, జూలై నెలలో 5.8 ఎంబీపీఎస్‌నుంచి క్షీణించింది. ఐడియా, ఎయిర్‌టెల్ నెట్‌వర్క్ ఆగస్టులో సగటున 4 జి అప్‌లోడ్ వేగంలో వరుసగా 5.1, 3.1 ఎంబీపీఎస్‌ వద్ద స్వల్ప క్షీణతను నమోదు చేయగా, జియో 4.4 ఎంబీపీఎస్‌ సగటు అప్‌లోడ్  మెరుగుపడటం విశేషం.

న్యూఢిల్లీ: భారత్‌లో అత్యంత వేగమైన మొబైల్‌ నెట్‌వర్క్‌ సేవలందిస్తున్న కంపెనీగా ‘భారతీ ఎయిర్‌టెల్‌’ నిలిచిందని స్పీడ్‌టెస్ట్‌ డేటా సేవలందించే సంస్థ ‘ఊక్లా’ ప్రకటించింది. గతేడాది ఆగస్టు నుంచి ఈ ఏడాది జూలై వరకు సేకరించిన సమాచారం ప్రకారం ఎయిర్‌టెల్‌ ప్రథమ స్థానంలో నిలిచినట్లు వివరించింది. ఢిల్లీ పరిధిలో అత్యంత వేగమైన 4జీ మొబైల్‌ నెట్‌వర్క్‌గా వొడాఫోన్‌ నిలిచింది. వొడాఫోన్‌, ఐడియా కలిసిపోవడంతో డేటా వేగం పెరిగినట్టు వెల్లడించింది. గతనెల్లో రిలయన్స్‌ జియో నెట్‌వర్క్‌ చాలా నెమ్మదిగా ఉందని పేర్కొంది. అయితే, ఊక్లా నివేదిక ట్రాయ్‌ తాజాగా ప్రకటించిన సమాచారానికి విరుద్ధంగా ఉండడం విశేషం. బ్రాడ్‌బ్యాండ్‌ నెట్‌వర్క్‌లో రిలయన్స్‌ జియో ప్రథమ స్థానంలో ఉండగా.. వేగం విషయంలో పోటీ కంపెనీలకు రెట్టింపు వేగంతో ఉందని ట్రాయ్‌ విశ్లేషణ కావడం గమనార్హం. అయితే ఈ ఏడాది మే నెల నేంచి ఎయిర్‌టెల్‌, జియో డౌన్‌లోడ్‌ స్పీడ్‌ తగ్గిందని ‘ఊక్లా’  తెలిపింది. వొడాఫోన్‌, ఐడియా కలిసిపోయిన తర్వాత ఈ మొబైల్‌ నెట్‌వర్క్‌ వినియోగదారుల డౌన్‌లోడ్‌ స్పీడ్‌ పుంజుకుందని గణాంకాలతో వివరించింది. (చదవండి: ఇండియా, రిలయన్స్‌ రైజింగ్‌.. ఎవ్వరూ ఆపలేరు!)

ప్రపంచవ్యాప్తంగా ట్రూకాలర్‌ యాప్‌ ఎంతో ఫేమస్‌. మొబైల్‌కు వచ్చే గుర్తుతెలియని నెంబర్ల వివరాలు తెలుపడం ఈ యాప్‌ ప్రత్యేకత. అయితే, ట్రూకాలర్‌ యాప్‌తో యూజర్‌ ఖాతా వివరాలు దుర్వినియోగమయ్యే అవకాశముందని తాజాగా తేలింది. ఈ మేరకు యాప్‌లోని ప్రధాన లోపాన్ని సెక్యూరిటీ పరిశోధకుడు ఎహరాజ్‌ అహ్మద్‌ కనుగొన్నారు. రద్దైన, పనిచేయని ఫోన్‌ నెంబర్ల ఆధారంగా కూడా ట్రూకాలర్‌లోని ఖాతాదారుల వివరాలు పసిగట్టవచ్చునని ఆయన గుర్తించారు. ఒకవేళ ట్రూకాలర్‌ ఖాతాను దుర్వినియోగపరుస్తే ట్రూకాలర్‌ మొబైల్‌ నెంబర్‌ వెరిఫికేషన్‌ నెంబర్‌ ‘ట్రూఎస్‌డీకే’ ద్వారా సైన్‌ చేసి తెలుసుకోవచ్చు.​ ప్రసిద్ది చెందిన షాప్‌క్లూస్‌, ఓయో, గ్రోఫర్స్‌ మింత్ర లాంటి ఆప్స్‌ ఈ సూత్రాన్నే పాటిస్తున్నాయి.  అయితే, ట్రూకాలర్‌ నంబర్‌ వెరిఫికేషన్‌ సిస్టమ్‌లోకి సైబర్‌ అటాకర్లు లాగిన్‌ కావడానికి  ఈ లోపం ఉపకరిస్తుందని, ఒకసారి ఎవరైనా అటాకర్‌ నెంబర్‌ వెరిఫికేషన్‌ సిస్టమ్‌ ద్వారా ట్రూకాలర్‌ ఖాతాదారుడి అకౌంట్‌లోకి లాగిన్‌ అయితే.. అతని వివరాలు, డాటా అటాకర్ల చేతిలోకి వెళ్లిపోయే ప్రమాదం ఉంటుందని అహ్మద్‌ తెలిపారు. దీనిని ఒక వీడియో ద్వారా ఆయన సవివరంగా వివరించారు. ఇందులో ట్రూకాలర్‌ చాట్‌ నుంచి పనిచెయ్యని మొబైల్‌ నెంబర్‌కు మెసెజ్‌ పంపించారు . అది ఎయిర్‌టెల్‌ కస్టమర్‌ కేర్‌ సెంటర్‌దని తేలింది. ఈ మేరకు ట్రూకాలర్‌ ఖాతాల దుర్వినియోగంపై ఎయిర్‌టెల్‌, వోడాఫోన్‌ సంస్థలు స్పందిస్తూ అహ్మద్‌ ప్రయత్నం చాలా గొప్పదని, ఆయన కనిపెట్టిన లోపాలను గ్రహించామని తెలిపారు. అతనితో కలిసి పనిచేస్తామని సంస్థలు వెల్లడించాయి. భవిష్యత్తులో ఎలాంటి సమస్యలు రాకుండా చూసుకుంటామని పేర్కొన్నాయి.

న్యూఢిల్లీ: వొడాఫోన్‌ ఐడియా కన్సాలిడేటెడ్‌ నష్టాలు జూన్‌ త్రైమాసికంలో రూ.4,874 కోట్లుగా ఉన్నాయి. మార్చి త్రైమాసికంలో ఈ సంస్థ రూ.4,882 కోట్ల నష్టాలను నమోదు చేసింది. అంటే రూ.8 కోట్ల నష్టాలను తగ్గించుకుంది. వొడాఫోన్‌ ఇండియా, ఐడియా సెల్యులర్‌ రెండూ 2018 ఆగస్ట్‌ 31 నుంచి విలీనమై వొడాఫోన్‌ ఐడియాగా ఏర్పడిన విషయం తెలిసిందే. ఈ నేపథ్యంలో క్రితం ఏడాది జూన్‌ త్రైమాసికం ఫలితాలతో ఈ ఏడాది జూన్‌ త్రైమాసికం ఫలితాలను పోల్చి చూడడం సరికాదు. జూన్‌ క్వార్టర్‌లో ఆదాయం మార్చి క్వార్టర్‌లో వచ్చిన రూ.11,775 కోట్ల నుంచి రూ.11,270 కోట్లకు తగ్గింది. కొంత మంది కస్టమర్లను కోల్పోవడం, ఉన్న కస్టమర్లలో కొంత మంది తక్కువ విలువ కలిగిన ప్లాన్లకు మారిపోవడం, సగటు యూజర్‌ నుంచి వచ్చే ఆదాయం తగ్గడం (ఏఆర్‌పీయూ) ప్రభావం చూపించాయి. ‘‘మేము చెప్పిన విధానాన్నే ఆచరణలో అమలు చేస్తున్నాం. దీని తాలూకు ఫలితాలు ఇంకా కనిపించలేదు. మా నెట్‌వర్క్‌ అనుసంధానత, కస్టమర్ల డేటా వినియోగ అనుభవం చాలా ప్రాంతాల్లో మెరుగుపడింది’’ అని వొడాఫోన్‌ ఐడియా సీఈవో బాలేష్‌ శర్మ పేర్కొన్నారు. దేశవ్యాప్తంగా 4జీ కవరేజీ విస్తరిస్తామని, డేటా సామర్థ్యాలను కూడా పెంచుకుంటామని చెప్పారు. జూన్‌ త్రైమాసికంలో రూ.2,840 కోట్ల మూలధన పెట్టుబడులు పెట్టామని కంపెనీ తెలిపింది. కంపెనీ యూజర్ల సంఖ్య 33.4 కోట్ల నుంచి 32 కోట్లకు తగ్గడం గమనార్హం.

ప్రజలందరికీ మరింతగా ఆర్థిక సేవలు అందుబాటులోకి తేవాలనే లక్ష్యంతో ప్రవేశపెట్టిన పేమెంట్స్‌ బ్యాంకుల పరిస్థితి ప్రస్తుతం అగమ్యగోచరంగా మారుతోంది. లా¿¶ సాటైన వ్యాపార విధానం లేకపోవడంతో కార్యకలాపాలు ప్రారంభించిన కొన్నాళ్లకే కొన్ని మూతబడగా, అసలు మొదలుపెట్టకుండానే మరికొన్ని వైదొలుగుతున్నాయి. వొడాఫోన్‌ ఎం–పెసా ఈ నెల తొలినాళ్లలోనే కార్యకలాపాలు నిలిపివేసినట్లు సమాచారం. తాజాగా ఆదిత్య బిర్లా ఐడియా పేమెంట్స్‌ బ్యాంక్‌ (ఏబీఐపీబీ) ఈ ఏడాది అక్టోబర్‌ నుంచి కార్యకలాపాలు నిలిపివేయాలని నిర్ణయించింది. వ్యాపార పరిస్థితుల్లో అనూహ్య పరిణామాలు చోటు చేసుకోవడం వల్ల వ్యాపార విధానం లాభదాయకత దెబ్బతినడంతో ఈ నిర్ణయం తీసుకున్నట్లు వివరించింది. 2018 ఫిబ్రవరిలో ఆదిత్య బిర్లా ఐడియా పేమెంట్స్‌ బ్యాంక్‌ కార్యకలాపాలు ప్రారంభించింది. ఏబీఐపీబీలో దాదాపు 20 కోట్ల మేర డిపాజిట్లు ఉన్నాయి. సుమారు 200 మంది పైగా సిబ్బంది ఉన్నారు. ఏబీఐపీబీ మూసివేతతో వీరిని గ్రూప్‌లోని ఇతర సంస్థలకు బదిలీ చేయొచ్చని సంబంధిత వర్గాలు తెలిపాయి. డిపాజిట్ల గురించి ఖాతాదారులు ఆందోళన చెందాల్సిన అవసరం లేదని, విత్‌డ్రా చేసుకునేందుకు తగినంత సమయం ఇవ్వడం జరుగుతుందని పేర్కొన్నాయి. గ్రాసిమ్‌ ఇండస్ట్రీస్‌కు ఇందులో 51 శాతం, వొడాఫోన్‌ ఐడియాకు 49 శాతం వాటాలు ఉన్నాయి. 2017–18లో ఏబీఐపీబీ రూ. 24 కోట్ల నష్టం నమోదు చేసింది.   11 బ్యాంకులకు లైసెన్సులు.. 2015లో 11 సంస్థలకు ఆర్‌బీఐ పేమెంట్స్‌ బ్యాంక్‌ లైసెన్సులు ఇచ్చింది. అయితే, టెక్‌ మహీంద్రా, చోళమండలం ఇన్వెస్ట్‌మెంట్‌ అండ్‌ ఫైనాన్స్‌ కంపెనీతో పాటు కన్సార్షియంగా ఏర్పడిన దిలీప్‌ సంఘ్వీ, ఐడీఎఫ్‌సీ బ్యాంక్, టెలినార్‌ ఫైనాన్షియల్‌ సర్వీసెస్‌ సంస్థలు పేమెంట్స్‌ బ్యాంక్‌ ప్రతిపాదనలను పక్కన పెట్టాయి. సూత్రప్రాయంగా పొందిన లైసెన్సులను తిరిగిచ్చేశాయి. ఫినో పేమెంట్స్‌ బ్యాంక్, ఇండియా పోస్ట్‌ పేమెంట్స్‌ బ్యాంక్, ఎయిర్‌టెల్‌ పేమెంట్స్‌ బ్యాంకులు పూర్తి స్థాయి కార్యకలాపాలు సాగిస్తున్నాయి. వీటితో పోలిస్తే ఎన్‌ఎస్‌డీఎల్‌ పేమెంట్స్‌ బ్యాంక్, జియో పేమెంట్స్‌ బ్యాంక్‌ కార్యకలాపాలు పరిమిత స్థాయిలో ఉన్నాయి. 2018 మే ఆఖరు నాటికి దేశీయంగా పేమెంట్స్‌ బ్యాంకుల్లో రూ. 540 కోట్ల మేర డిపాజిట్లు ఉన్నట్లు గణాంకాలు చెబుతున్నాయి. ఎయిర్‌టెల్‌ పేమెంట్స్‌ బ్యాంక్‌లో అత్యధికంగా రూ. 307 కోట్లు, పేటీఎం పేమెంట్స్‌ బ్యాంకులో రూ. 194 కోట్లు, ఫినోలో రూ. 37 కోట్లు, ఇండియా పోస్ట్‌ పేమెంట్స్‌ బ్యాంక్‌లో రూ. 1.39 కోట్ల డిపాజిట్లు ఉన్నాయి.   కఠినతరమైన నిబంధనలతో కష్టాలు..   ఇటు డిపాజిట్ల సమీకరణపరంగానూ అటు రుణాల వితరణలోనూ కష్టతరమైన నిబంధనలు పాటించాల్సి వస్తుండటమే పేమెంట్స్‌ బ్యాంకులు విఫలమవుతుండటానికి కారణాలుగా ఉంటున్నాయి. పేమెంట్‌ బ్యాంకులు ఒక్కో ఖాతాదారు నుంచి రూ. 1 లక్షకు మించి డిపాజిట్లు సేకరించడానికి లేదు. రుణాలివ్వడానికి లేదు. కానీ సేకరించిన నిధుల్లో 75 శాతాన్ని ప్రభుత్వ బాండ్లలో ఇన్వెస్ట్‌ చేయాల్సి ఉంటుంది. రుణాలపరమైన రిస్కులు పెద్దగా లేకపోయినప్పటికీ 15 శాతం మేర మూలధనం నిబంధనను తప్పనిసరిగా పాటించాల్సి వస్తోంది. ఇక ప్రతీ వివరాన్నీ నియంత్రణ సంస్థకు తెలియజేయాలన్న మరో నిబంధన కూడా సమస్యగా ఉంటోంది. పేమెంట్‌ బ్యాంకులు వైవిధ్యమైన సేవలు అందించేందుకు ఎక్కువగా టెక్నాలజీపైనే ఆధారపడుతున్నాయి. అయితే, వివరాల వెల్లడి నిబంధనల వల్ల మొత్తం వ్యాపార ప్రణాళికను బైటపెట్టినట్లవుతుందని, ఫలితంగా పోటీ సంస్థలకు తమ వ్యాపార రహస్యాలను చేజేతులా అందించినట్లవుతుందని అవి ఆందోళన చెందుతున్నాయి. ఈ పరిస్థితుల్లో అవి పూర్తి స్థాయి బ్యాంకులకు ఎప్పటికీ నిజమైన పోటీదారుగా నిలిచే పరిస్థితులు లేవని పరిశ్రమవర్గాలు భావిస్తున్నాయి. అయితే, ఖాతాదారుల వివరాల ్ర«ధువీకరణ కోసం ఆధార్‌ ఆధారిత ప్రక్రియను పేమెంట్స్‌ బ్యాంకులకు కూడా అందుబాటులోకి తెస్తే .. కేవైసీ నిబంధన పాటింపు వ్యయాలు తగ్గుతాయని ఎస్‌బీఐ నివేదిక పేర్కొంది. అలాగే వివిధ సాధనాలను విక్రయించేందుకు థర్డ్‌ పార్టీ సంస్థలతో ఒప్పందాలు కుదుర్చుకునేందుకు కూడా పేమెంట్స్‌ బ్యాంకులకు వెసులుబాటు కల్పించాలని తెలిపింది. ఇలాంటి విధానాలతో పేమెంట్స్‌ బ్యాంకులు విజయవంతం కాగలవని పేర్కొంది. అనిశ్చితిలో బ్యాంకుల భవిష్యత్‌..: ఎస్‌బీఐ నివేదిక పేమెంట్స్‌ బ్యాంకుల భవిష్యత్‌ అనిశ్చితిలో ఉందని, అవి సమర్ధంగా పనిచేయాలంటే నియంత్రణ సంస్థ తోడ్పాటు తప్పనిసరని ఎస్‌బీఐ ఒక నివేదికలో వెల్లడించింది. ‘పేమెంట్‌ బ్యాంక్‌ల భవిష్యత్‌ అనిశ్చితిలో ఉన్నట్లు కనిపిస్తోంది. అయితే, నియంత్రణ సంస్థ, ప్రభుత్వ తోడ్పాటుతో వీటి వ్యాపారం క్రమంగా విస్తరించి, వృద్ధి చెందే అవకాశం ఉంది‘ అని పేర్కొంది. నిర్దేశిత లక్ష్యాలను సాధించడంలో పేమెంట్స్‌ బ్యాంక్‌ విధాన ం విఫలమైనట్లుగానే కనిపిస్తోందని వివరించింది. 11 సంస్థలు లైసెన్సులు పొందినప్పటికీ నాలుగు సంస్థలు మాత్రమే కార్యకలాపాలు ప్రారంభించడం అవి కూడా మనుగడ సాగించలేని పరిస్థితులు నెలకొనడం ఇందుకు నిదర్శనమని పేర్కొంది.

న్యూఢిల్లీ: రిలయన్స్‌ జియో నెట్‌వర్క్‌ కాల్స్‌కు ఇంటర్‌ కనెక్షన్‌ పాయింట్లను సమకూర్చనందుకు గాను భారతీ ఎయిర్‌టెల్, వొడాఫోన్‌ ఐడియాలకు భారీ పెనాల్టీ భారం పడింది. టెలికం శాఖ అత్యున్నత నిర్ణయాల విభాగం డిజిటల్‌ కమ్యూనికేషన్స్‌ కమిషన్‌ (డీసీసీ) పెనాల్టీ విధించే నిర్ణయానికి ఆమోదముద్ర వేసింది. అయితే, టెలికం రంగంలో తీవ్ర ఆర్థిక సమస్యల నేపథ్యంలో రూ.3,050 కోట్ల జరిమానాను అమలు చేసే ముందు దీన్ని సవరించే విషయంలో ట్రాయ్‌ సూచనలను తీసుకోవాలని కమిషన్‌ నిర్ణయించింది. టెలికం రంగంలోకి కొత్తగా ప్రవేశించిన జియోకు ఇంటర్‌కనెక్షన్‌ పాయింట్లను ఇచ్చేందుకు నిరాకరించిన భారతీ ఎయిర్‌టెల్, వొడాఫోన్‌ ఐడియాలపై రూ.3,050 కోట్ల పెనాల్టీని విధించాలని 2016 అక్టోబర్‌లో ట్రాయ్‌ సిఫారసు చేసింది. ఇందులో ఎయిర్‌టెల్, వొడాఫోన్‌లకు రూ.1,050 కోట్ల చొప్పున, ఐడియాపై రూ.950 కోట్ల జరిమానా అమలు చేయాల్సి ఉంది. వొడాఫోన్, ఐడియాలు విలీనమై ఒకే సంస్థగా ఏర్పడడంతో ఇప్పుడు ఉమ్మడి జరిమానాను వొడాఫోన్‌ ఐడియా చెల్లించాల్సి ఉంటుంది. పోటీ సంస్థలు సరిపడా ఇంటర్‌ కనెక్షన్‌ పాయింట్లను సమకూర్చకపోవడంతో తమ నెట్‌వర్క్‌కు సంబంధించి 75 శాతం కాల్స్‌ ఫెయిల్‌ అవుతున్నాయంటూ జియో చేసిన ఫిర్యాదు ఆధారంగా ట్రాయ్‌ నాడు చర్యలకు ఆదేశించింది. అయితే, నాణ్యమైన సేవలను తన కస్టమర్లకు అందించనందుకు రిలయన్స్‌ జియోపై కూడా పెనాల్టీ విధించాల్సి ఉంటుందని, నాణ్యమైన సేవలందించే ప్రాథమిక బాధ్యతను ఇతరులపై మోపవచ్చా? అంటూ డీసీసీలో భాగమైన ఓ శాఖా కార్యదర్శి ప్రశ్నించగా... దీన్ని డీసీసీ సభ్యులు కొట్టిపారేసినట్లు విశ్వసనీయ వర్గాలు తెలిపాయి.   

సాక్షి, న్యూఢిల్లీ : దేశీయ టెలికం రంగంలోకి రిలయన్స్ జియో ప్రవేశం  తరువాత నుంచి  జోరందుకున్న టారిఫ్‌ల వార్‌ కొనసాగుతోంది. తాజాగా ప్రధాన ప్రత్యర్థులు ఎయిర్టెల్‌, జియోకు షాకిచ్చేలా వొడాఫోన్‌ అద్భుత ఆఫర్‌  ప్రకటించింది. తాజాగా, వొడాఫోన్ తన యూజర్లకోసం సూపర్‌ ఆఫర్‌ ప్రకటించింది.  సిటీబ్యాంక్ భాగస్వామ్యంతో సరికొత్త ప్రీపెయిడ్ రీచార్జ్ ప్యాక్‌ను తీసుకొచ్చింది. ఇది వోడాఫోన్‌  ఎగ్జిస్టింగ్ యూజర్లు మాత్రమే అందుబాటులో ఉంటుంది.   రోజుకు 1.5 జీబీ డేటా, అపరిమిత కాల్స్‌ లాంటి ప్రయోజనాలతో  కొత్త ప్రీపెయిడ్‌  ప్లాన్‌ను తీసుకొచ్చింది.  ఇందులో  సిటీబ్యాంక్ క్రెడిట్ కార్డు కోసం దరఖాస్తు చేసుకుంటే ఈ ప్యాకేజీలో రోజుకు 1.5 జీబీ డేటా, అపరిమిత ఫోన్ కాల్స్  ఏడాది పాటు ఉచితంగా అందిస్తుంది.  ఇది కేవలం వొడాఫోన్ యూజర్లకు మాత్రమే వర్తిస్తుంది.  వొడాఫోన్ వెబ్‌సైట్ ద్వారా సిటీబ్యాంక్ క్రెడిట్ కార్డ్ కోసం దరఖాస్తు చేసుకుంటే ఈ ఆఫర్‌ వర్తిస్తుంది. అలాగే ఇప్పటికే వోడాఫోన్ యూజర్ అయి ఉండాలి. (ఫస్ట్‌ టైమ్ వోడాఫోన్ కస్టమర్లకు ఈ ఆఫర్ వర్తించదు) . సిటీబ్యాంక్ క్రెడిట్ కార్డు కోసం దరఖాస్తు చేసుకోవాల్సి ఉంటుంది.  క్రెడిట్ కార్డు  క్రెడిట్ కార్డ్ ఇష్యూ అయిన నెల రోజుల్లోనే   క్రెడిట్‌ కార్దు ద్వారా ఒకేసారి లేదా దఫ దఫాలుగా  రూ.4,000 ఖర్చు చేయాల్సి ఉంటుంది.  వోడాఫోన్ లేదా ఐడియా వెబ్‌సైట్ ద్వారాగానీ, ఎక్కడైనా ఖర్చు చేయవచ్చు. క్రెడిట్ కార్డ్ ద్వారా ఆ మొత్తం ఖర్చు చేసిన అనంతరం ఆటోమేటిక్‌గా  వొడాఫోన్ ఆఫర్‌కు  యూజర్‌  అర‍్హుడవుతారు. ఇందుకు సంబంధించిన బెనిఫిట్స్ 45 రోజుల్లో  వొడాఫోన్‌కు క్రెడిట్ అవుతాయి. ఆ తర్వాత  నుంచి  రోజుకు 1.5 జీబీ డేటా, అపరిమిత కాల్స్, రోజుకు 100 ఎస్సెమ్మెస్‌లు పంపించుకునే  సదుపాయాలు అందుబాటులోకి వస్తాయి. ఈ ఆఫర్‌ వాలిడిటీ సంవత్సరం (365) రోజులు.  అయితే ఈ ఆఫర్ కొన్ని సర్కిళ్లకు మాత్రమే వర్తిస్తుంది.  ఈ ఆఫర్ ఎక్కడెక్కడ  అందుబాటులో ఉంది ఈ కొత్త ప్రీపెయిడ్‌ ఆఫర్‌ పరిమిత సర్కిళ్లకు మాత్రమే  అంటే..ఢిల్లీ-ఎన్సీఆర్, అహ్మదాబాద్, ముంబై, బెంగళూరు, హైదరాబాద్, జైపూర్, కోయంబత్తూరు, వడోదర, చండీగఢ్, సికింద్రాబాద్, కోల్‌కతా, చెన్నై, పుణే నగరాల్లో ఈ ఆఫర్‌ అందుబాటులో ఉంది. రానున్న రోజుల్లో మరిన్ని సర్కిల్స్‌లో ఈ ఆఫర్‌ను విస్తరిస్తారా లేదా  అనే దానిపై స్పష్టత రావాల్సి ఉంది.  వోడాఫోన్ వెబ్‌సైట్ ప్రకారం ఈ ఆఫర్ జూలై 31వ తేదీ వరకు ఉంది.  మరిన్ని వివరాలు వొడాఫోన్ వెబ్‌సైట్‌లో కాగా ఎయిర్‌టెల్‌ తరహాలోనే వొడాఫోన్‌ కూడా 1699  రూపాయల వార్షిక ప్లాన్‌ను ఇప్పటికే లాంచ్‌ చేసింది. ఇందులో అన్‌లిమిటెడ్‌ కాలింగ్‌తోపాటు రోజుకు 100ఎస్‌ఎంఎస్‌లు, 1 జీబీ డేటాను అందిస్తున్న సంగతి తెలిసిందే. 

న్యూఢిల్లీ: వొడాఫోన్‌ ఐడియా కంపెనీ రైట్స్‌ ఇష్యూ ధరను నిర్ణయించింది. రైట్స్‌ ఇష్యూ ద్వారా రూ.25,000 కోట్లు సమీకరించాలని ఈ కంపెనీ యోచిస్తోన్న విషయం తెలిసిందే. ఈ ప్రతిపాదిత రైట్స్‌ ఇష్యూలో ఒక్కో ఈక్విటీ షేర్‌ (రూ.10 ముఖ విలువ) ధరను రూ.12.50కు జారీ చేయడానికి  కంపెనీ డైరెక్టర్ల బోర్డ్‌ ఆమోదం తెలిపింది. బుధవారం వొడాఫోన్‌ ఐడియా ముగింపు ధర(రూ.33)కు ఇది దాదాపు 62 శాతం తక్కువ.  రికార్డ్‌ డేట్‌ వచ్చే నెల 2  రైట్స్‌ ఇష్యూకు రికార్డ్‌  డేట్‌గా వచ్చే నెల 2ను నిర్ణయించామని కంపెనీ తెలిపింది. ఏప్రిల్‌ 2వ తేదీలోపు ఎవరి దగ్గరైతే వొడాఫోన్‌ ఐడియా షేర్లు ఉంటాయో వారికి మాత్రమే ఈ రైట్స్‌ ఇష్యూలో షేర్లు పొందడానికి అర్హత ఉంటుంది.  ప్రతి 38 ఈక్విటీ షేర్లకు కొత్తగా 87 రైట్స్‌ షేర్లను జారీ చేస్తారు. రైట్స్‌ ఇష్యూ ఏప్రిల్‌ 10న మొదలై 24న ముగుస్తుంది. ఈ రైట్స్‌ ఇష్యూలో ప్రమోటర్‌ సంస్థలు–వొడాఫోన్‌ గ్రూప్‌ రూ.11,000 కోట్లు, ఆదిత్య బిర్లా గ్రూప్‌ రూ.7,250 కోట్లు చొప్పున ఇన్వెస్ట్‌ చేయనున్నాయి. రైట్స్‌ ఇష్యూలో భాగంగా  ఈ కంపెనీ 2,000 కోట్ల కొత్త ఈక్విటీ షేర్లను జారీ చేస్తుంది. రైట్స్‌ ఇష్యూ వల్ల సమకూరే నిధులతో ఆర్థికంగా మరింతగా పుంజుకొని రిలయన్స్‌ జియోకు వొడాఫోన్‌ ఐడియా గట్టిపోటీనివ్వగలదని నిపుణుల అంచనా. ఐడియా రుణ భారం రూ.1,23,660 కోట్లుగా ఉంది. ఈ రుణ భారం తగ్గించుకోవడానికి రైట్స్‌ ఇష్యూ నిధులను వినియోగించుకోవాలని ఈ కంపెనీ యోచిస్తోంది.  నష్టాల్లోంచి.. లాభాల్లోకి ఐడియా షేరు... రైట్స్‌ ఇష్యూ వార్తల నేపథ్యంలో వొడాఫోన్‌ ఐడియా తీవ్రమైన ఒడిదడుకులకు గురైంది. రైట్స్‌ ఇష్యూ ధర వార్త వెలువడగానే ఈ షేర్‌ 8 శాతం పతనమై రూ.29.60ను తాకింది. ఆ తర్వాత కోలుకుని ఇంట్రాడే గరిష్ట స్థాయి, రూ.33.50ను తాకింది.  చివరకు 3 శాతం లాభంతో రూ.33 వద్ద ముగిసింది.  

సాక్షి, ముంబై : రిలయన్స్‌ జియో  డౌన్‌లోడ్‌ స్పీడ్‌లో తన ఆధిక్యాన్ని మరోసారి నిరూపించుకుంది. జనవరి మాసంతో పోలిస్తే మరింత పుంజుకుని ఫిబ్రవరిలో 20.9 ఎంబీపీఎస్‌గా నమోదైంది. మరో టెలికం కంపెనీ భారతి ఎయిర్‌టెల్‌ 9.4 ఎంబీపీఎస్‌ రెండవస్థానంలో నిలిచింది. 6.8 ఎంబీపీఎస్‌తో వోడాఫోన్‌ మూడవ స్థానాన్ని సాధించింది. టెలికాం రెగ్యులేటరీ అథారిటీ ఆఫ్ ఇండియా (ట్రాయ్) ఈ గణాంకాలను విడుదల చేసింది. ఫిబ్రవరిలో సగటున సెకన్ కి 20.9 మెగాబిట్ స్పీడ్ తో రిలయన్స్ జియో అన్నిటి కంటే వేగమైన 4జి నెట్ వర్క్ గా నిలిచింది.  జనవరిలో  పోలిస్తే భారతీ ఎయిర్టెల్  స్పీడ్‌ 9.5 వద్ద, వొడాఫోన్ స్పీడ్ 6.7ఎంబీపీఎస్‌ గా నమోదయ్యాయి.  మరోవైపు ఐడియా డౌన్ లోడ్ స్పీడ్ స్వల్పంగా పుంజుకుంది. ఫిబ్రవరిలో ఐడియా నెట్ వర్క్ సగటు డౌన్ లోడ్ స్పీడ్  5.7 ఎంబీపీఎస్‌గా ఉంది.  జనవరిలో ఇది 5.5 ఎంబీపీఎస్ గా ఉంది. అయితే వోడాఫోన్, ఐడియా సెల్యులార్  కంపెనీలు మెగా మెర్జర్‌ అనంతరం వోడాఫోన్‌ ఐడియాగా అవతరించిన సంగతి తెలిసిందే.  కానీ ట్రాయ్ ఈ రెండు నెట్ వర్క్ ల ప్రదర్శన గణాంకాలను వేర్వేరుగా విడుదల చేసింది. సగటు అప్లోడ్ స్పీడ్ విషయంలో వోడాఫోన్ మిగతా నెట్ వర్క్ల కంటే ముందుంది. ఫిబ్రవరిలో వోడాఫోన్ అప్ లోడ్ స్పీడ్ 6ఎంబీపీఎస్ గా ఉంది. గత నెలలో ఇది 5.4 ఎంబీపీఎస్ మాత్రమే ఐడియా, ఎయిర్టెల్ సగటు 4జి అప్ లోడ్ స్పీడ్ లు తగ్గి వరుసగా 5.6 ఎంబీపీఎస్, 3.7 ఎంబీపీఎస్ గా ఉన్నాయి. జియో సగటు అప్ లోడ్ స్పీడ్ కొంత మెరుగై 4.5ఎంబీపీఎస్ కి చేరింది.

సాక్షి, ముంబై:  వోడాఫోన్‌  కొత్త రీచార్జ్‌ ప్లాన్‌ను లాంచ్‌ చేసింది. రూ.351 ల  ప్రీపెయిడ్‌ ప్లాన్‌లో అన్‌లిమిటెడ్‌ కాలింగ్‌ ఆఫర్‌ను అందిస్తోంది.  ఈ ప్లాన్‌ వాలిడిటీ 56 రోజులు.  ఫస్ట్‌ రీచార్జ్‌ ప్లాన్‌గా తీసుకొచ్చిన  ఈ ప్లాన్‌ వోడాఫోన్‌ కొత్త సిమ్‌ వాడే కొత్త యూజర్లకు మాత్రమే అందుబాటులో ఉంటుందని కంపెనీ వెల్లడించింది.  ఇందులో అన్‌ లిమిటెడ్‌ కాలింగ్‌తోపాటు ఎస్‌ఎంఎస్‌ కూడా సదుపాయాన్ని అందిస్తున్నట్టు  వోడాఫోన్‌ తెలిపింది. 

న్యూఢిల్లీ: టెలికం కంపెనీ వొడాఫోన్‌– ఐడియాకు ఈ ఆర్థిక సంవత్సరం మూడో త్రైమాసిక కాలంలో రూ.5,006 కోట్ల నికర నష్టాలు(కన్సాలిడేటెడ్‌) వచ్చాయి. వడ్డీ వ్యయాలు అధికంగా ఉండటం, నెట్‌వర్క్‌ ఇంటిగ్రేషన్‌ వ్యయాలు కూడా ఎక్కువగా ఉండటం, మొబైల్‌ టవర్‌ వ్యాపారం నుంచి నిష్క్రమించిన వ్యయాలు కూడా అధికంగా ఉండటం వల్ల ఈ స్థాయిలో నష్టాలొచ్చాయని కంపెనీ తెలిపింది. గత ఆర్థిక సంవత్సరం ఇదే క్వార్టర్‌లో ఈ రెండు కంపెనీలకు కలసి రూ.1,285 కోట్ల నష్టాలొచ్చాయి. గత ఏడాది ఆగస్టు 31న ఐడియా, వొడాఫోన్‌ల విలీనం పూర్తయినందువల్ల ఫలితాలను పోల్చడానికి లేదు. అయితే సీక్వెన్షియల్‌గా చూస్తే, నికర నష్టాలు మరింతగా పెరిగాయి. వడ్డీ వ్యయాలు రూ.2,824 కోట్లు... ఈ క్యూ3లో మొత్తం ఆదాయం రూ.11,983 కోట్లకు పెరిగిందని వొడాఫోన్‌ ఐడియా తెలిపింది. ఈ క్యూ2లో సాధించిన మొత్తం ఆదాయం రూ.7,879 కోట్లతో పోల్చితే 52 శాతం వృద్ధి సాధించామని కంపెనీ సీఈఓ బాలేశ్‌ శర్మ చెప్పారు. గత ఆర్థిక సంవత్సరం క్యూ3లో రూ.6,552 కోట్ల ఆదాయం వచ్చిందని వివరించారు. వడ్డీ వ్యయాలు రూ.2,824 కోట్లుగా ఉన్నాయని, మొబైల్‌ టవర్ల వ్యాపారం నుంచి బైటకు వచ్చామని, దీనికి గాను వెండర్లకు రూ.725 కోట్లు చెల్లించాల్సి ఉందని చెప్పారు. గతేడాది డిసెంబర్‌ 31 నాటికి కంపెనీ మొత్తం రుణ భారం రూ.1,23,660 కోట్లుగా ఉందని తెలిపారు. ఇండస్‌ టవర్స్‌లో 11.15 శాతం వాటాను విక్రయించే ప్రయత్నాలు చేస్తున్నామని, ఈ వాటా విలువ రూ.4,960 కోట్లుగా ఉండొచ్చ న్నారు. అలాగే 1.58 లక్షల కిలోమీటర్ల ఆప్టికల్‌ ఫైబర్‌ నెట్‌వర్క్‌ను విక్రయించనున్నామని, ఈ విక్రయాల ద్వారా సమకూరిన నిధులను రుణ భారం తగ్గించుకోవడానికి వినియోగిస్తామని తెలిపారు.   రూ.89కు ఏఆర్‌పీయూ.. ఈ క్యూ3లో ఎబిటా రూ.1,137 కోట్లుగా నమోదైందని, ఈ క్యూ2లో 6 శాతంగా ఉన్న మార్జిన్‌ ఈ క్యూ3లో 9.7 శాతానికి పెరిగిందని బాలేశ్‌ శర్మ పేర్కొన్నారు. ఒక్కో వినియోగదారుడి నుంచి వచ్చే సగటు ఆదాయం (ఏఆర్‌పీయూ) 1.5 శాతం పెరిగి రూ.89కు చేరిందని తెలిపారు. ఒక్కో వినియోగదారుడు వినియోగించే డేటా 5.6 జీబీనుంచి 6.2 జీబీకి పెరిగిందన్నారు. 75 కోట్ల మందికి 4జీ సర్వీసులందేలా 11,123 సైట్లను అందుబాటులోకి తెచ్చామని తెలిపారు. ఈ క్యూ3లో కొత్తగా 95 లక్షల 4జీ యూజర్లు జతయ్యారని, దీంతో మొత్తం 4జీ కస్టమర్ల సంఖ్య 7.53 కోట్లకు చేరిందని వివరించారు. 4జీ నెట్‌వర్క్‌ విస్తరణపై దృష్టి పెట్టామని బాలేశ్‌ శర్మ చెప్పారు.  అలాగే 4జీ యూజర్ల సంఖ్యను మరింతగా పెంచుకోవాలనేది లక్ష్య మన్నారు. మూలధన సమీకరణ కోసం ప్రణాళికలు రూపొందించామని, ఈ ప్రణాళికకనుగుణంగా సమీకరించిన నిధులతో వ్యూహాత్మక లక్ష్యాలను సాధించగలమన్న ధీమాను ఆయన వ్యక్తం చేశారు. తాజా ఏడాది కనిష్టానికి షేరు.. మార్కెట్‌ ముగిసిన తర్వాత ఆర్థిక ఫలితాలు వచ్చాయి. ఈ నేపథ్యంలో బీఎస్‌ఈలో వొడాఫోన్‌ ఐడియా షేర్‌ 1.6 శాతం నష్టపోయి రూ.29.80 వద్ద ముగిసింది. ఇంట్రాడేలో తాజా ఏడాది కనిష్ట స్థాయి, రూ.28.80ను తాకింది.

స్మార్ట్‌ఫోన్‌ యూజర్లకు అన్‌లిమిటెడ్‌ డేటాతో వినోదాన్ని అందిస్తున్న టెలికాం సంచలనం రిలయన్స్‌ జియో డౌన్‌లోడ్‌ స్పీడ్‌ గణనీయంగా తగ్గిందని ట్రాయ్‌ (టెలికాం రెగ్యులేటరీ అథారిటీ ఆఫ్‌ ఇండియా) వెల్లడించింది. గతేడాది నవంబరులో 20.3 ఎంబీపీఎస్‌ డౌన్‌లోడ్‌ స్పీడుతో సరికొత్త రికార్డును నమోదు చేసిన జియో.. డిసెంబరులో మాత్రం ఈ స్పీడును 8 శాతానికి తగ్గించి(18.7 ఎంబీపీఎస్‌)  యూజర్లను నిరాశపరిచింది. కాగా జియో దాటికి తట్టుకోలేక చతికిల పడిన ఎయిర్‌టెల్‌, వొడాఫోన్‌- ఐడియా మాత్రం ఓ మోస్తరుగా స్పీడును పెంచాయి. నవంబరులో 9.7 ఎంబీపీఎస్‌గా ఎయిర్‌టెల్‌ 4జీ నెట్‌వర్క్‌ డౌన్‌లోడ్‌ స్పీడు డిసెంబరులో 9.8 ఎంబీపీఎస్‌కు చేరింది. ఇక జియో నుంచి ఎదురయ్యే పోటీని తట్టుకునేందుకు ఒకే గొడుగు కిందకి వచ్చినప్పటికీ వొడాఫోన్‌- ఐడియాల డౌన్‌లోడ్‌ స్పీడు మాత్రం మెరుగుపడలేదు. అయితే ఈ రెండు నెట్‌వర్క్‌లకు సంబంధించిన గణాంకాలను ట్రాయ్‌ విడివిడిగానే ప్రకటించింది. నవంబరులో 6.8 ఎంబీపీఎస్‌గా ఉన్న వొడాఫోన్‌ స్పీడు.. డిసెంబరులో 6.3 ఎంబీపీఎస్‌.. అదేవిధంగా ఐడియా డౌన్‌లోడ్‌ స్పీడు నవంబరులో 5.6 ఎంబీపీఎస్‌ కాగా డిసెంబరులో 5.3 ఎంబీపీఎస్‌కు తగ్గింది. అయితే డౌన్‌లోడ్‌ స్పీడు తగ్గినప్పటికీ ఏడాది కాలంగా ఈ కేటగిరీలో జియో తన మొదటి స్థానాన్ని నిలబెట్టుకోవడం గమనార్హం. డేటా షేరింగ్‌, బ్రౌజింగ్‌, వీడియోల వీక్షణ తదితర అంశాల్లో కీలకమైన నెట్‌వర్క్‌ స్పీడు యూజర్లను ఆకర్షించడంలో కీలక పాత్ర పోషిస్తుందన్న విషయం తెలిసిందే. ఈ క్రమంలో స్పీడు కాస్త తగ్గినప్పటికీ ఇతర నెట్‌వర్క్‌లతో పోలిస్తే జియోనే తన కస్టమర్లకు మెరుగైన సేవలు అందిస్తోంది. ఇక అప్‌లోడింగ్‌ విషయానికొస్తే... నవంబరులో 4.5 ఎంబీపీఎస్‌గా ఉన్న జియో స్పీడు డిసెంబరులో 4.3కి తగ్గగా..  వొడాఫోన్‌ మాత్రం 4.9 నుంచి 5.1ఎంబీపీఎస్‌కి స్పీడును పెంచిందని ట్రాయ్‌ పేర్కొంది. మైస్పీడ్‌ యాప్‌ రూపొందించిన డేటా స్పీడ్‌ వివరాల ఆధారంగా ట్రాయ్‌ ఈ గణాంకాలను వెల్లడించింది.

టెలికాంసంస్థ వొడాఫోన్ తన ప్రధాన ప్రత్యర్థులు ఎయిర్‌టెల్‌,  జియోలకు దీటుగా  ఆఫర్లతో ముందుకొచ్చింది. వోడాఫోన్‌  ప్రీపెయిడ్‌ వినియోగదారులకు 100 శాతం క్యాష్‌బ్యాక్ ఆఫర్‌ను ప్రకటించింది. ఈ ప్యాక్‌లను మై వొడాఫోన్ యాప్ ద్వారా రీచార్జి చేసుకున్న వారికి  నిర్దేశిత వోచర్లు వస్తాయి. అంటే రీచార్జ్‌ చేసుకున్న ప్లాన్‌ఆధారంగా ఈ వోచర్లు లభిస్తాయి. ఒక్కో  వోచర్ విలువ రూ.50 ఉంటుంది.  వీటిని తదుపరి చేసుకునే రీచార్జిలకు ఉపయోగించుకుని ఆ మేర డిస్కౌంట్‌ను పొందవచ్చు. రూ.399, రూ.458, రూ.509 ప్యాక్‌లను రీచార్జి చేసుకున్న వారికి ఈ ఆఫర్ వర్తిస్తుంది.  రూ.399 రీచార్జికు 8 వోచర్లు,  రూ.458కు 9, రూ.509 రీచార్జికి 10 వోచర్లను వోడాఫోన్‌ అందిస్తోంది. వీటిద్వారా  తదుపరి రీచార్జ్‌ సమయంలో 100 శాతం క్యాష్‌బ్యాక్ పొందవచ్చు.

సాక్షి, ముంబై: టెలికాం సంస్థ వోడాఫోన్ రీచార్జ్‌ ప్లాన్‌లో పరిచయడం చేయడంలో  దూకుడుగా ఉంది. ప్రత్యర్థులకు సవాల్‌గా  అందుబాటు ధరలో మరో రీచార్జ్‌ ప్లాన్‌ను లాచ్‌ చేసింది.  ముఖ్యంగా  ఎక్కువ రోజుల వాలిడిటీతో  రూ.200వందల లోపు ఈ ప్రీపెయిడ్‌ ప్లాన్‌ను తీసుకొచ్చింది. రూ.189ల ప్రీపెయిడ్‌ ప్లాన్‌ను కస్టమర్లకు అందుబాటులో ఉంచింది.   రూ. 189ల ప్లాన్‌ అన్‌లిమిటెడ్‌ కాలింగ్, 2జీ డేటా ప్రయోజనాలను వోడాఫోన్‌ అందిస్తోంది.  అయితే ఎస్‌ఎంఎస్‌ల ఆఫర్‌ లేదు. అలాగే  కాల్స్‌  వినియోగంలో కూడా పరిమితులు విధించింది. ఫెయిర్‌ యూసేజ్‌ పాలసీ ప్రకారం రోజువారీ 250 నిమిషాలు, వారానికి 1,000 నిమిషాలు వాడుకునేలా నిబంధన విధించింది. అంటే  వాయిస్‌ కాలింగ్‌లో ఈ పరిమితి దాటితే  సెకనుకు పైసా చొప్పున చార్జ్‌ చేయనుంది.  ఈ ప్లాన్‌ వాలిడిటీ 56 రోజులు. జియో, ఎయిర్‌టెల్‌, ఐడియా అందిస్తున్న ఈ తరహా ప్లాన్‌లు అన్నీ రూ.200కు పైనే వసూలు చేస్తున్నాయి. జియో 198 రూపాయల ప్లాన్లో 56జీబీ 4జీ డేటా, అన్‌లిమిటెడ్‌   కాలింగ్‌ సదుపాయం. రోజుకు 100ఎంఎస్‌ఎస్‌లు ఆఫర్‌ చేస్తోంది. అయితే ప్లాన్‌ వాలిడిటీ మాత్రం రూ.28రోజులు.    ఇటీవల రూ.279 ప్రీపెయిడ్ ప్లాన్‌ను ప్రవేశపెట్టింది. అన్‌లిమిటెడ్ కాల్స్, 4జీబీ 4జీ/3జీ డేటా ఆఫర్‌ చేస్తోంది. ఇందులో కూడా ఎస్‌ఎంఎస్‌ ఆఫర్‌ లేదు.  ప్లాన్ వాలిడిటీ 84 రోజులు.  మరోవైపు జియో అందిస్తున్న  84 రోజుల వాలిడిటీ   ఉన్న రూ.399 ప్లాన్‌లో కస్టమర్లకు రోజుకు 1.5 జీబీ డేటా, 100 ఎస్‌ఎంఎస్‌లు, అన్‌లిమిటెడ్ కాల్స్ వినియోగించుకోవచ్చు.

న్యూఢిల్లీ : ఐడియా-వొడాఫోన్‌ కంపెనీల విలీనం పూర్తయింది. ఈ రెండు సంస్థలు కలిసి దేశంలోనే అతిపెద్ద టెలికాం కంపెనీగా అవతరించాయి. ఈ నేపథ్యంలో ఐడియా-వొడాఫోన్‌లు తమ హెడ్‌కౌంట్‌ను(ఉద్యోగుల సంఖ్యను) 15వేలకు కుదించాలని ప్లాన్‌ చేస్తున్నాయి. ప్రస్తుతం ఈ రెండు కంపెనీల్లో 17,500 నుంచి 18వేల మంది ఉద్యోగులున్నారు. అంటే వీరిలో 2500 మంది ఉద్యోగులను ఇంటికి పంపించేసేయాలని ఐడియా-వొడాఫోన్‌లు నిర్ణయించాయి.  విలీనం సందర్భంగా 10 బిలియన్‌ డాలర్ల పొదుపు ప్రణాళికను అవలంభిస్తున్నాయి. దీంతో ఉద్యోగులపై వేటు పడుతోంది. కొంతమంది ఉద్యోగులను పేరెంట్‌ కంపెనీలు వొడాఫోన్‌ గ్రూప్‌, ఆదిత్య బిర్లా గ్రూప్‌లోకి తీసుకుని, మిగతా కొంతమందిపై వేటు వేయాలని ఈ విలీన సంస్థ ప్లాన్‌ చేసింది. అంతేకాక ఉద్యోగులకు ప్రమోషన్లను, ఇంక్రిమెంట్లను కూడా ప్ర​స్తుతం పక్కన పెట్టింది. అయితే ఉద్యోగుల వేటుకు సంబంధించిన వార్తలు మార్కెట్‌లో చక్కర్లు కొడుతుండటంతో, ఈ వార్తలన్నీ ఊహాగానాలేనని వొడాఫోన్‌ ఇండియాకొట్టిపారేసింది.  ‘కొంతవరకు హేతుబద్దీకరణ ఉంటుంది. అది సర్వసాధారణం. కంపెనీ వచ్చే కొన్ని నెలల్లో ఉద్యోగుల సంఖ్యను 2000 నుంచి 2500 మందిని తగ్గించుకోవాలనుకుంటుంది’ అని ఈ విషయం తెలిసిన సీనియర్‌ ఎగ్జిక్యూటివ్‌ చెప్పారు. అయితే ఉద్యోగుల సంక్షేమాన్ని కంపెనీ పట్టించుకుంటుందని, సెవరెన్స్‌ ప్యాకేజీలను అందిస్తుందని, పేరెంట్‌ గ్రూప్‌ ఆదిత్యా బిర్లా గ్రూప్‌లో ఇంటర్నల్‌ ట్రాన్స్‌ఫర్లు ఉంటాయని చెబుతున్నారు. అయితే టెలికాం కంపెనీల్లో ఉద్యోగుల కోత ఇదేమీ కొత్త కాదు. రిలయన్స్‌ జియో మార్కెట్‌లోకి ఎంట్రీ ఇచ్చిన తర్వాత, టెలికాం రంగం అస్తవ్యస్తమైంది. ఇక అప్పటి నుంచి టెలికాం కంపెనీలు పోటీని తట్టుకోలేక, వ్యయాలను తగ్గించుకోవడానికి ఉద్యోగులకు వేటు వేయడం ప్రారంభించాయి. వొడాఫోన్‌ ఇండియా కూడా వాలంటరీ అట్రిక్షన్‌ను ఆఫర్‌చేస్తుంది. దీంతో ఆటోమేటిక్‌గా ఉద్యోగుల సంఖ్య తగ్గించేస్తుంది. అయితే వొడాఫోన్‌ ఇండియా ఉద్యోగులను, ఐడియా సెల్యులార్‌ ఉద్యోగులను విలీన సంస్థ సమానంగా చూస్తోంది. ఉద్యోగులందరిన్నీ ఎంతో గౌరవంగా చూస్తున్నట్టు వొడాఫోన్‌ ఐడియా హెచ్‌ఆర్‌ హెడ్‌ చెప్పారు. 

న్యూఢిల్లీ: దేశీయంగా నంబర్‌వన్‌ టెల్కో ఆవిర్భావం దిశగా.. టెల్కో దిగ్గజాలు ఐడియా సెల్యులార్, వొడాఫోన్‌ భారత విభాగం విలీనం పూర్తయ్యింది. ఇకపై వొడాఫోన్‌ ఐడియాగా వ్యవహరించే ఈ సంస్థకు 40.8 కోట్ల మంది యూజర్లు, 35 శాతం మార్కెట్‌ వాటా ఉంటుంది. సుమారు 23.2 బిలియన్‌ డాలర్లు (దాదాపు రూ. 1.6 లక్షల కోట్లు) విలువ చేసే ఈ డీల్‌తో వొడాఫోన్‌ ఐడియా నంబర్‌వన్‌ టెల్కోగా ఆవిర్భవించగా.. ఇప్పటిదాకా ఈ స్థానంలో ఉన్న భారతి ఎయిర్‌టెల్‌ రెండో స్థానానికి పరిమితమవుతుంది. ఆదిత్య బిర్లా గ్రూప్‌ (ఐడియా సెల్యులార్‌ ప్రమోటర్‌) అధిపతి కుమార మంగళం బిర్లా కొత్త సంస్థకు చైర్మన్‌గా వ్యవహరిస్తారు. దీనికి 12 మంది డైరెక్టర్ల బోర్డు ఉంటుందని ఇరు సంస్థలు శుక్రవారం ఒక సంయుక్త ప్రకటనలో తెలిపాయి. ఐడియా సెల్యులార్‌ ఎండీగా హిమాంశు కపానియా తప్పుకున్నారని, అయితే విలీన సంస్థలో నాన్‌ ఎగ్జిక్యూటివ్‌ డైరెక్టర్‌గా కొనసాగుతారని పేర్కొన్నాయి. వొడాఫోన్‌ ఐడియాకు బాలేశ్‌ శర్మ సీఈవోగా ఉంటారు. చీఫ్‌ ఫైనాన్షియల్‌ ఆఫీసర్‌ని నియమించే అధికారాలు వొడాఫోన్‌కు ఉంటాయి. తాజా డీల్‌తో మూడు ప్రైవేట్‌ టెల్కోలు, ఒక ప్రభుత్వ రంగ సంస్థ (బీఎస్‌ఎన్‌ఎల్‌) మాత్రమే మార్కెట్లో మిగిలినట్లవుతుంది. రూ. 14,000 కోట్లు ఆదా.. వ్యయాలు తగ్గించుకునేందుకు, ప్రత్యర్థి సంస్థ రిలయన్స్‌ జియోను మరింత గట్టిగా ఎదుర్కొనేందుకు ఐడియా, వొడాఫోన్‌లకు ఈ విలీన డీల్‌ తోడ్పడనుంది. ఈ ఒప్పందంతో సుమారు రూ. 14,000 కోట్ల మేర వ్యయాలు ఆదా కాగలవని అంచనా వేస్తున్నట్లు ఇరు సంస్థలు తెలిపాయి. డీల్‌ ప్రకారం వొడాఫోన్‌ ఇండియా సంస్థాగత విలువను రూ. 82,800 కోట్లుగాను, ఐడియా విలువను రూ. 72,200 కోట్లుగాను పరిగణించారు. కొత్త సంస్థలో వొడాఫోన్‌కి 45.1 శాతం, ఆదిత్య బిర్లా గ్రూప్‌నకు 26 శాతం వాటాలు ఉంటాయి. విలీన సంస్థ వొడాఫోన్‌ ఐడియాకు దేశవ్యాప్తంగా 32.2 శాతం మార్కెట్‌ వాటా, 9 సర్కిళ్లలో నంబర్‌ వన్‌ స్థానం లభిస్తుంది. ఐడియా రూ. 6,750 కోట్లు, వొడాఫోన్‌ రూ. 8,600 కోట్లు ఈక్విటీని సమకూర్చనున్నాయి. అటు రెండు కంపెనీల స్టాండెలోన్‌ టవర్ల వ్యాపార విక్రయంతో మరో రూ. 7,850 కోట్లు లభించనున్నాయి. ఇందులో టెలికం శాఖకు చెల్లించాల్సిన రూ. 3,900 కోట్లు పోగా నికరంగా రూ. 19,300 కోట్ల మేర నగదు నిల్వలతో కంపెనీ పటిష్ట స్థానంలో ఉంటుంది. సంయుక్త ప్రకటన ప్రకారం కావాలనుకుంటే ఇండస్‌ టవర్స్‌లో 11.15 శాతం వాటాను రూ. 5,100 కోట్లకు కూడా విక్రయించవచ్చు. విలీన సంస్థకు రూ. 1,09,200 కోట్ల నికర రుణం ఉంటుంది. బ్రిటన్‌ టెలికం దిగ్గజం వొడాఫోన్‌కు ఈ డీల్‌ భారీ ఊరటనివ్వనుంది. 2007లో భారత మార్కెట్లోకి ప్రవేశించిన నాటి నుంచి వొడాఫోన్‌ ఏదో ఒక సమస్య ఎదుర్కొంటూనే ఉంది. అప్పట్లో హచిసన్‌ ఎస్సార్‌ నుంచి భారత టెలికం వ్యాపారాన్ని వొడాఫోన్‌ 7.4 బిలియన్‌ డాలర్లకు కొనుగోలు చేసింది. అయితే, దీనికి సంబంధించి 2.5 బిలియన్‌ డాలర్ల పన్నులు కట్టాలంటూ ఆదాయ పన్ను శాఖ అయిదేళ్ల తర్వాత నోటీసులు ఇచ్చింది. ఈ వివాదంపై అంతర్జాతీయ స్థాయిలో ఆర్బిట్రేషన్‌ జరుగుతోంది. మరోవైపు తీవ్రమైన పోటీ కారణంగా కంపెనీ ఏకంగా 6.6 బిలియన్‌ డాలర్ల మేర నష్టాలు రైటాఫ్‌ చేయాల్సి వచ్చింది. టెలికంలో కన్సాలిడేషన్‌.. పారిశ్రామిక దిగ్గజం ముకేశ్‌ అంబానీకి చెందిన రిలయన్స్‌ జియో ఏకంగా 25 బిలియన్‌ డాలర్ల పెట్టుబడులతో భారీగా ఆరంగేట్రం చేసినప్పట్నుంచీ టెలికం రంగంలో కన్సాలిడేషన్‌ జరుగుతోంది. నార్వే సంస్థ టెలినార్‌కి చెందిన భారత విభాగాన్ని కొనుగోలు చేయడం ద్వారా భారతి ఎయిర్‌టెల్‌ ఈ స్థిరీకరణకు తెరతీసింది. ఆ తర్వాత టాటా టెలీసర్వీసెస్‌ (టీటీఎస్‌ఎల్‌), టాటా టెలీసర్వీసెస్‌ మహారాష్ట్ర  మొబైల్‌ వ్యాపారాలను కొనుగోలు చేసింది. ‘భారత్‌లో అగ్ర స్థాయి టెలికం సంస్థ నేడు ఆవిర్భవించింది. ఇది నిజంగానే చారిత్రక ఘట్టం. ఇది కేవలం ఒక వ్యాపార దిగ్గజ ఆవిర్భావం మాత్రమే కాదు. నవభారత నిర్మాణానికి, యువత ఆకాంక్షల సాధనకు తోడ్పడాలన్నది మా లక్ష్యం’ – కుమార మంగళం బిర్లా మైలురాయి డీల్‌: టెలికం శాఖ ఐడియా, వొడాఫోన్‌ ఇండియాల విలీనం దేశీయంగా అతి పెద్ద కార్పొరేట్‌ మైలురాయిగా కేంద్ర ప్రభుత్వం అభివర్ణించింది. ‘ఆరోగ్యకరమైన పోటీతత్వ’ ధోరణులకు ఇది దోహదపడగలదని టెలికం శాఖ కార్యదర్శి అరుణ సుందరరాజన్‌ వ్యాఖ్యానించారు. ‘టెలికం మార్కెట్‌ స్థిరత్వ దిశగా సాగుతోంది. ఆ క్రమంలో ఈ అతి పెద్ద కార్పొరేట్‌ విలీన ఒప్పందం ఒక మైలురాయిలాంటిది’ అని అరుణ తెలిపారు. వినియోగదారుల ప్రయోజనాలు దెబ్బతీసేలా టెల్కోలు కుమ్మక్కయ్యే అవకాశాలు లేవన్నారు.

సాక్షి, ముంబై: దేశీయ రెండవ అతిపెద్ద  టెలికాం కంపెనీ వోడాఫోన్‌ ప్రత్యర్థుల కంపెనీలకు ధీటుగా సరికొత్త  ప్లాన్‌ను అందు బాటులోకి తీసు​కొచ్చింది.  ప్రీపెయిడ్‌ కస‍్టమర్లకోసం  597 రూపాయల రీఛార్జ్ ప్యాక్‌ను లాంచ్‌ చేసింది.  ఇందులో అన్‌లిమిటెడ్‌  వాయిస్‌కాల్స్‌, 10జీబీ డేటా, రోజుకు 100ఎస్‌ఎంఎస్‌లు అందిస్తోంది.  జియో, ఎయిర్‌టెల్‌ కంపెనీలను దెబ్బకొట్టేలా వోడాఫోన్‌ కొత్త ప్రీపెయిడ్ ప్లాన్‌ తీసుకొచ్చింది. అయితే ఈ ప్లాన్‌లో దుర్వినియోగం నివారించడానికంటూ కొన్ని పరిమితులు విధించడం  విశేషం.  ముఖ్యంగా వాయిస్ కాలింగ్‌లో పరిమితి పెట్టింది.  రోజుకు 250 నిమిషాలు,  వారానికి 1000 నిమిషాలకు మాత్రమే కాల్స్‌ పరిమితం.  అంతేకాదు మొత్త వాలిడిటీ పీరియడ్‌లో 100  యూనిక్‌ నెంబర్లకు మాత్రమే కాల్‌ చేసుకునే అవకాశం ఉంది.  అంతేనా..ఇక్కడ ఇంకో ట్విస్ట్ కూడా వుంది. ఈ ప్లాన్ వాలిడిటీస్మార్ట్‌ఫోన్‌ వినియోగదారుల కోసం 112 రోజులు, ఫీచర్ ఫోన్ వినియోగదారులకయితే 168 రోజులుగా  నిర్ణయించింది.

సాక్షి, న్యూఢిల్లీ: ప్రధాన ప్రత్యర్థులనుంచి ఎదురవుతున్నసవాళ్లను ఎదుర్కొనేందుకు మరో టెలికాం సంస్థ వొడాఫోన్ సరికొత్త ప్లాన్‌ను లాంచ్‌ చేసింది.  రిలయన్స్‌ జియో 98, ఎయిర్‌టెల్‌ 99రూపాయల రీచార్జ్‌ ప్లాన​ తరహాలో కొత్త ప్లాన్‌ను అందుబాటులోకి తెచ్చింది. ప్రీపెయిడ్ కస్టమర్ల కోసం రూ.99కే ప్లాన్‌ను ప్రవేశపెట్టింది. ఈ ప్లాన్‌లో అన్‌లిమిటెడ్ కాల్స్ లభిస్తాయి. అయితే ఎయిర్‌టెల్‌, జియో తరహాలో డేటా, ఎస్‌ఎంఎస్ బెనిఫిట్స్‌ను ఈ ప్లాన్‌లో అందించడం లేదు. ఇక ఈ ప్లాన్ వాలిడిటీని 28 రోజులు.  కస్టమర్లు రోజుకు 250 నిమిషాలు, వారానికి 1000 నిమిషాల కాల్స్  ఈ ప్లాన్‌ స్పెషాలిటీగా చెప్పాలి.  వొడాఫోన్ వెబ్‌సైట్‌, యాప్‌లో  ఈ ప్లాన్‌ను రీ ఛార్జి చేసుకునే ఆఫర్‌ కల్పించింది. మరోవైపు  99 రూపాయలకు ఎయిర్‌టెల్‌ 1 జీబీ డేటా,  రోజుకు 100ఎస్‌ఎంఎస్‌లు అన్‌లిమిటెడ్‌ కాలింగ్‌ ఆఫర్‌ చేస్తోంది. అయితే ఈ ప్లాన్‌ వాలిడిటీ 10 రోజులు మాత్రమే.  ఇక జియో  రూ. 98 ప్లాన్‌లో 1 జీబీ డేటా,  రోజుకు 300ఎస్‌ఎంఎస్‌లు అన్‌లిమిటెడ్‌ కాలింగ్‌ ఆఫర్‌ చేస్తోంది. అయితే ఈ ప్లాన్‌ వాలిడిటీ 28 రోజులు.   

సాక్షి, న్యూఢిల్లీ: టెలికాం రంగంలో డేటావార్‌ కొనసాగుతూనే ఉంది. ఇటీవల  ఎయిర్‌టెల్‌, బీఎస్‌ఎన్‌ఎల్‌  కొత్త ప్లాన్లను ప్రకటించిన నేపథ్యంగా మరో  ప్రధాన ఆపరేటర్‌ వోడాఫోన్‌ కొత్త ప్లాన్‌తో కస‍్టమర్లను  ఆకట్టుకునేందుకు సిద్ధమైంది. తన ప్రీపెయిడ్ చందాదారుల కోసం రెండు కొత్త ప్లాన్లను వోడాఫోన్‌ ప్రకటించింది. వోడాఫోన్ రూ.549,  రూ.799 రెండు రీచార్జ్‌ ప్లాన్లను తీసుకొచ్చింది. రూ. 549 ప్లాన్‌లో  రోజుకు 3.5జీబీ డేటాను అందిస్తోంది. ఈ ప్లాన్‌ వాలిడిటీ 28 రోజులు.  అంటే మొత్తం 98 జీబీ డేటా నెలకు అందిస్తుంది. దీనితో పాటు  అన్‌లిమిటెడ్‌ కాలింగ్‌,  రోజుకు 100 ఎస్ఎంఎస్‌లు ఉచితం. ఇక రెండో ప్లాన్‌ రూ.799 రీచార్జ్‌పై వోడాఫోన్ వినియోగదారులు రోజుకు 4.5జీబీ డేటా వాడుకోవచ్చు. దీని ప్రకారం మొత్తం126జీబీ ఉచితం. ఈ ప్లాన్‌ వాలిడిటీ 28 రోజులు.  ఇంకా అన్‌లిమిటెడ్‌ కాలింగ్‌, రోజుకు 100 ఎస్ఎంఎస్‌లు ఆఫర్‌ చేస్తోంది.  

న్యూఢిల్లీ: టెలికం దిగ్గజాలు ఐడియా సెల్యులార్, వొడాఫోన్‌ల మెగా విలీన ప్రతిపాదనకు కేంద్రం తుది అనుమతులు మంజూరు చేసింది. దీంతో దేశీయంగా అతి పెద్ద టెలికం సంస్థ ఏర్పాటుకు లైన్‌ క్లియర్‌ అయినట్లయింది. విలీన సంస్థకు మొత్తం 43 కోట్ల మంది యూజర్లతో 35 శాతం మార్కెట్‌ వాటా ఉంటుంది. ఇప్పటిదాకా 34.4 కోట్ల యూజర్లతో అగ్రస్థానంలో కొనసాగుతున్న భారతీ ఎయిర్‌టెల్‌... ఇకపై రెండో స్థానానికి పరిమితం కానుంది. వొడాఫోన్, ఐడియాల విలీన ప్రతిపాదనకు గురువారం తుది అనుమతులిచ్చినట్లు టెలికం శాఖ (డాట్‌) సీనియర్‌ అధికారి ఒకరు తెలియజేశారు. ఇక సంబంధిత శాఖల నుంచి పొందిన అనుమతులను ఇరు సంస్థలు రిజిస్ట్రార్‌ ఆఫ్‌ కంపెనీస్‌ (ఆర్‌వోసీ)కి సమర్పించి, విలీన ప్రక్రియ పూర్తి చేయాల్సి ఉంటుందని వెల్లడించారు. టెలికం ట్రిబ్యునల్, ఇతర కోర్టుల ఆదేశాలకు విలీన సంస్థ కట్టుబడి ఉండాలనే షరతులతోనే తుది అనుమతులిచ్చినట్లు స్పష్టం చేశారు. విలీనం ప్రక్రియ ఆగస్టు ఆఖరికల్లా పూర్తి కాగలదని వొడాఫోన్‌ గ్రూప్‌ సీఈవో విటోరియో కొలావో ఇటీవలే పేర్కొన్నారు.  ఈ డీల్‌కు సంబంధించి జూలై 9న డాట్‌ కొన్ని షరతులతో కూడిన అనుమతులిచ్చింది. దీని ప్రకారం ఇరు సంస్థలు రూ. 7,269 కోట్లు ప్రభుత్వానికి చెల్లించాయి. ఇందులో రూ. 3,926 కోట్లు నగదు రూపంలో, మిగతాది బ్యాంక్‌ గ్యారంటీల రూపంలో సమర్పించాయి. తమపై విధించిన షరతులను వ్యతిరేకిస్తూనే.. ఈ మొత్తాన్ని చెల్లించినట్లు రెండు సంస్థలు తెలిపాయి.   విలీన సంస్థ స్వరూపం ఇలా..  బ్రిటన్‌ సంస్థ వొడాఫోన్‌కి భారత్‌లో ఉన్న టెలికం కార్యకలాపాలతో ఆదిత్య బిర్లా గ్రూప్‌లో భాగమైన ఐడియా సెల్యులార్‌ సంస్థను విలీనం చేయాలన్న ఆలోచన 2017 మార్చిలోనే ఇరు సంస్థలూ ప్రకటించాయి. అనేక ప్రతిబంధకాలన్నీ అధిగమించిన తర్వాత ఈ ఏడాది జూన్‌ కల్లా డీల్‌ ముగియొచ్చని ముందుగా భావించారు. అయితే, జూలై 9కి గానీ డాట్‌ నుంచి అనుమతులు రాలేదు. మొత్తం మీద.. కొత్తగా ఏర్పడే విలీన సంస్థ విలువ సుమారు 23 బిలియన్‌ డాలర్ల (దాదాపు రూ. 1.5 లక్షల కోట్లు) స్థాయిలో ఉండనుంది. దేశవ్యాప్తంగా అన్ని సర్కిళ్లలో 4జీ స్పీడ్‌తో మొబైల్‌ ఇంటర్నెట్‌ సర్వీసులు అందించడానికి వీలవుతుంది. ఆదిత్య బిర్లా గ్రూప్‌ చైర్మన్‌ కుమార మంగళం బిర్లా దీనికి నాన్‌ ఎగ్జిక్యూటివ్‌ చైర్మన్‌గాను, బాలేశ్‌ శర్మ కొత్త సీఈవోగాను ఉంటారు. ఇది లిస్టెడ్‌ కంపెనీగా కొనసాగుతుంది. ఇందులో వొడాఫోన్‌కి 45.1 శాతం, ఆదిత్య బిర్లాకు 26 శాతం, ఐడియా షేర్‌హోల్డర్లకు 28.9 శాతం వాటాలు ఉంటాయి. నాలుగేళ్ల వ్యవధిలో సమాన వాటాల స్థాయిని సాధించేందుకు వొడాఫోన్‌ నుంచి ఆదిత్య బిర్లా గ్రూప్‌ మరో 9.5 శాతం వాటాలు కొనుగోలు చేయొచ్చు. ఒకవేళ అప్పటికీ రెండు సంస్థల వాటాలు సమాన స్థాయిలో లేని పక్షంలో వొడాఫోన్‌ కొంత వాటాలు విక్రయిస్తుంది. భారీ రుణభారం ఉన్న ఐడియా, వొడాఫోన్‌లు.. టెలికం మార్కెట్లో రిలయన్స్‌ జియో రాకతో పెరిగిన తీవ్ర పోటీని గట్టిగా ఎదుర్కొనేందుకు ఈ డీల్‌ తోడ్పడే అవకాశం ఉందని భావిస్తున్నారు.   షేరు 4% అప్‌..  విలీన ప్రతిపాదనకు డాట్‌ అనుమతుల నేపథ్యంలో.. గురువారం బీఎస్‌ఈలో ఐడియా సెల్యులార్‌ షేరు సుమారు 4 శాతం పెరిగి రూ. 56.95 వద్ద క్లోజయ్యింది. ఒక దశలో 4.64 శాతం ఎగిసి రూ.57.50 స్థాయిని కూడా తాకింది. ఎన్‌ఎస్‌ఈలో 4.18 శాతం పెరిగి రూ. 57.20 వద్ద క్లోజయ్యింది. మొత్తం మీద కంపెనీ మార్కెట్‌ విలువ రూ. 873 కోట్లు పెరిగి రూ. 24,830 కోట్లకు చేరింది. బీఎస్‌ఈలో 1.77 లక్షలు, ఎన్‌ఎస్‌ఈలో 2 కోట్ల షేర్లు చేతులు మారాయి.    కొత్త ప్రయాణానికి శ్రీకారం: కుమార మంగళం బిర్లా  వొడాఫోన్, ఐడియాల విలీన ప్రతిపాదనకు డాట్‌ నుంచి తుది అనుమతులు వచ్చినట్లు అటు ఆదిత్య బిర్లా గ్రూప్‌ చైర్మన్‌ కుమార మంగళం బిర్లా వెల్లడించారు. గ్రూప్‌ సంస్థ హిందాల్కో కాన్ఫరెన్స్‌లో ఈ విషయాన్ని ధృవీకరించారు. ‘ఐడియా, వొడాఫోన్‌ విలీనంతో.. ఉత్తేజకరమైన కొత్త ప్రయాణం ప్రారంభం కానుంది. దీనిపై ఎంతో ఆశావహంగా ఉన్నాం‘ అని ఆయన చెప్పారు. మరికొద్ది వారాల్లో విలీన ప్రక్రియ పూర్తి కాగలదన్నారు. కొత్త సంస్థకు ఇంకా బ్రాండింగ్‌పై నిర్ణయం తీసుకోవాల్సి ఉందని కుమార మంగళం బిర్లా వివరించారు.     

టెలికాం మార్కెట్‌లో రిలయన్స్‌ జియో సంచలనంతో దిగ్గజాలు ఇప్పట్లో కోలుకునేలా కనిపించడం లేదు.  దేశీయ రెండో అతిపెద్ద టెలికాం వొడాఫోన్‌ మరోసారి తన క్వార్టర్‌ ఫలితాల్లో కిందకి పడిపోయింది. నేడు ప్రకటించిన జూన్‌ క్వార్టర్‌ ఫలితాల్లో వొడాఫోన్‌ రెవెన్యూలు 22.3 శాతం క్షీణించి 959 మిలియన్‌ యూరోలుగా(రూ.7706 కోట్లగా) రికార్డైనట్టు తెలిసింది. టర్మినేషన్‌ రేట్ల కోత, తీవ్రతరమవుతున్న పోటీ నేపథ్యంలో తన రెవెన్యూలను కోల్పోయినట్టు వొడాఫోన్‌ ప్రకటించింది. గతేడాది ఇదే క్వార్టర్‌లో 1.387 బిలియన్‌ యూరోల రెవెన్యూలను ఈ కంపెనీ పోస్టు చేసింది. కాగ, రిలయన్స్‌ జియో నుంచి వస్తున్న పోటీని ధీటుగా ఎదుర్కొనేందుకు వొడాఫోన్‌, ఐడియా సెల్యులార్‌లు ఒకటిగా అతిపెద్ద దేశీయ టెలికాం సంస్థగా అవతరించబోతున్నాయి. ఈ విలీనానికి టెలికాం డిపార్ట్‌మెంట్‌ కూడా గ్రీన్‌ సిగ్నల్‌ ఇచ్చింది. ఆగస్టు వరకు తమ విలీనాన్ని పూర్తి చేస్తామని ఈ కంపెనీలు ప్రకటించాయి.  అయితే గత మార్చి క్వార్టర్‌తో పోలిస్తే, సర్వీసు రెవెన్యూలు కేవలం 0.2 శాతం మాత్రమే తగ్గాయని కంపెనీ చెప్పింది. ఈ మూడు నెలల కాలంలో ప్రీపెయిడ్‌ ధరలు స్థిరంగా కొనసాగించడంతో, కాస్త సర్వీసు రెవెన్యూల నష్టాలను తగ్గించుకోగలిగామని పేర్కొంది. పోస్టు పెయిడ్‌ కనెక్షన్లకు ఒక్కో యూజర్‌ సగటు రెవెన్యూ 20 శాతం పడిపోయిందని, ప్రీపెయిడ్‌ కనెక్షన్లకు 28 శాతం తగ్గిందని ఫైల్‌ చేసింది. 29 శాతానికి పైగా తమ ప్రీపెయిడ్‌ యూజర్లు అపరిమిత ఆఫర్లను పొందుతున్నారని, 77 మిలియన్‌ మంది డేటాను వాడుతుండగా.. వారిలో 20.9 మిలియన్ల మంది 4జీ ని కలిగి ఉన్నారని పేర్కొంది. భారత్‌లో డేటా ధరలు భారీగా తగ్గిపోవడంతో, కస్టమర్లు నెలకు సగటున  4.6జీబీ డేటా వాడుతున్నట్టు వొడాఫోన్‌ చెప్పింది. ఇదే యూరప్‌లో అయితే కేవలం 2.8 జీబీ మాత్రమేనని వెల్లడించింది. అయితే తక్కువ ధరల వద్ద హై-వాల్యు కస్టమర్లను కాపాడుకునే సత్తా తమకు ఉందని కంపెనీ చెప్పింది. 

న్యూఢిల్లీ: టెలికం సంస్థలు ఐడియా సెల్యులార్, వొడాఫోన్‌... తమ మొబైల్‌ వ్యాపార విభాగాల విలీన ప్రక్రియను వేగవంతం చేశాయి. ఇందులో భాగంగా టెలికం శాఖ (డాట్‌) నిర్దేశించినట్లుగా రూ.7,248 కోట్లు చెల్లించాయి. నిర్దిష్ట షరతులపై తమ నిరసనను తెలియజేస్తూ.. టెలికం శాఖకు చెల్లింపులు జరిపినట్లు ఐడియా వర్గాలు చెప్పాయి. విలీనానికి డాట్‌ డిమాండ్‌ ప్రకారం రూ.3,926.34 కోట్లు నగదు రూపంలో, మరో రూ.3,322.44 కోట్లు బ్యాంక్‌ గ్యారంటీ రూపంలో ఇచ్చినట్లు తెలిపాయి. ఇరు సంస్థల విలీనానికి జూలై 9న డాట్‌ షరతులతో అనుమతులిచ్చింది. 23 బిలియన్‌ డాలర్ల (దాదాపు రూ. 1.5 లక్షల కోట్లు) విలువ, 35% మార్కెట్‌ వాటా, 43 కోట్ల యూజర్లతో విలీన సంస్థ దేశీయంగా అతి పెద్ద టెల్కోగా ఇది ఆవిర్భవించనుంది. విలీన సంస్థ రుణభారం రూ.1.15 లక్షల కోట్ల మేర ఉంటుంది. ఈ కంపెనీలో వొడాఫోన్‌కి 45.1%, ఆదిత్య బిర్లా గ్రూప్‌నకు 26%, ఐడియా షేర్‌హోల్డర్లకు 28.9% వాటాలుంటాయి.

న్యూఢిల్లీ: మీరు ఎయిర్‌టెల్‌ కస్టమరా..? అయితే, అమెజాన్‌ ప్రైమ్‌ సభ్యత్వం ఏడాదిపాటు ఉచితం. వొడాఫోన్‌ కస్టమర్‌ అయితే, అమెజాన్‌ ప్రైమ్‌ సభ్యత్వం తొలి ఏడాది ఫీజులో సగం రాయితీ. ఇవన్నీ తమ కస్టమర్లకు టెలికం కంపెనీలు అందిస్తున్న రాయితీలు!!. టెలికం, ఈ–కామర్స్‌ కంపెనీల మధ్య వ్యాపార బంధానికి ఉదాహరణలు కూడా. ఈ కామర్స్, డీటీహెచ్, బ్రాడ్‌బ్యాండ్‌ సేవలతో మార్కెట్‌ను షేక్‌ చేసేందుకు జియో వస్తుండడంతో, పోటీలో నిలబడేందుకు ప్రత్యర్థి సంస్థలు ఇప్పటి నుంచే ఏకమవుతున్నాయి. రిలయన్స్‌ జియోతో పోటీ పడేందుకు ఈ కామర్స్‌ సంస్థలు, హ్యాండ్‌సెట్‌ తయారీ సంస్థలతో కలిసి మరిన్ని ఆఫర్లు తెస్తామని ఓ టెలికం కంపెనీ సీనియర్‌ ఎగ్జిక్యూటివ్‌ చెప్పారు కూడా. ఎయిర్‌టెల్‌ అయితే, ఈ కామర్స్‌ సంస్థలతో దోస్తీ విషయంలో ఎంతో ఆశాభావంతో ఉంది. కొత్త వేదికలను కూడా అన్వేషిస్తున్నట్టు కంపెనీ ఉద్యోగి ఒకరు చెప్పారు. రిలయన్స్‌ ఇండస్ట్రీస్‌ చైర్మన్‌ ముకేశ్‌ అంబానీ ఈ నెల ఆరంభంలోనే మాట్లాడుతూ... జియో ఇన్ఫోకామ్, రిలయన్స్‌ రిటైల్‌ చైన్‌ కలిసి ఆన్‌లైన్‌– ఆఫ్‌లైన్‌ రిటైల్‌ వెంచర్‌గా మారనున్నట్లు ప్రకటించడం తెలిసిందే.   తప్పనిసరి కాబట్టే..! ఈ కామర్స్, డీటీహెచ్, డిజిటల్‌ సేవలు, టెలికం సేవల విషయంలో రిలయన్స్‌ ప్రతిష్టాత్మక ప్రణాళికల నేపథ్యంలో ఇతర టెలికం కంపెనీలు, ఈ కామర్స్‌ కంపెనీలు ఒక్కటై నడవాల్సిన పరిస్థితులు తప్పనిసరవుతున్నాయనేది నిపుణుల విశ్లేషణ. ‘‘టెలికం కంపెనీలకు చివరిదాకా కస్టమర్లతో సంబంధం ఉంటుంది. కానీ, దాన్ని లాభదాయకంగా మార్చుకోవాలి. పారదర్శకమైన వాటా కోసం అవి మరింత మెరుగైన సేవలందించే స్థితిలో ఉండాలి’’ అని డెలాయిట్‌ ఇండియా మీడియా, టెక్నాలజీ పార్ట్‌నర్‌ హేమంత్‌ ఎం జోషి చెప్పారు. ఈ పరిస్థితుల నేపథ్యంలో ఈ కామర్స్, ఇతర కంపెనీలతో టారిఫ్‌లు, పరికరాలు, కంటెంట్‌ విషయంలో మరిన్ని భాగస్వామ్యాలు అవసరం ఉందన్నారు.   జియో పోటీకి భయపడి కాదు అయితే, మొబైల్‌ ఆపరేటర్లతో సంయుక్తంగా అందించే ఆఫర్లు జియో ఈ కామర్స్‌ ప్రణాళికలను దృష్టిలో ఉంచుకుని చేస్తున్నవి కాదని అమెజాన్‌ ప్రైమ్‌ ఇండియా హెడ్‌ అక్షయ్‌సాహి చెప్పారు. ఈ భాగస్వామ్య చర్యలను గతేడాది జూలై నుంచే ప్రారంభించినట్టు సాహి పేర్కొన్నారు. ‘‘టెలికం కంపెనీలతో ఒప్పందాలు కస్టమర్లను చేరుకునేందుకే. దాంతో వారు అమెజాన్‌ ప్రైమ్‌ సేవలు ఎలా ఉన్నాయన్నది తెలుసుకోగలరు’’ అని సాహి చెప్పారు. అమెజాన్‌ ప్రైమ్‌ మెంబర్‌షిప్‌ ఉన్న వారు ప్రైమ్‌ యాప్‌ ద్వారా తెలుగుతో పాటు ఎన్నో భాషలకు చెందిన సినిమాలు, ఇతర వీడియో కంటెంట్‌ ఉచితంగా చూడొచ్చు. అలాగే, ఉచితంగా పాటలను ‘ప్రైమ్‌ మ్యూజిక్‌’ ద్వారా వినొచ్చు. పైపెచ్చు వీరికి అమెజాన్‌లో కొనుగోళ్లపై ఉచిత డెలివరీ, ఫాస్ట్‌ డెలివరీ ప్రయోజనాలూ ఉన్నాయి. ‘‘అమెజాన్‌ ప్రైమ్‌ అన్నది భారత్‌లో ఇంకా ఆరంభంలోనే ఉంది. దీని గురించి చాలా మందికి తెలియదు. టెలికం కంపెనీలతో టైఅప్‌ అవడం వెనుక ఉద్దేశం మరింత మందిని చేరటమే’’ అని అక్షయ్‌ వివరించారు. టల్కోలతో తమకు ఈ తరహా భాగస్వామ్యాల్లేవని, ఇందుకు సంబంధించి చర్యలు కూడా లేవని ఫ్లిప్‌కార్ట్‌ తెలిపింది. ‘‘కస్టమర్ల పరంగా ఓవర్‌ల్యాప్‌కు (రెండు సంస్థలకూ ఒకే కస్టమర్‌) ఎక్కువగా అవకాశాలున్నాయి. అధికాదాయ పోస్ట్‌పెయిడ్‌ కస్టమర్లతో అమెజాన్‌ టైఅప్‌ అవడం తెలివైన యోచన అవుతుంది’’ అని కన్సల్టింగ్‌ సంస్థ ఏటీ కెర్నే పార్ట్‌నర్‌ అభిషేక్‌ మల్హోత్రా అభిప్రాయపడ్డారు. ఆఫర్లు ఇవీ... ♦ ఎయిర్‌ టెల్‌ పోస్ట్‌పెయిడ్‌ కస్టమర్లు రూ.499 అంతకంటే అధిక విలువ కలిగిన ప్లాన్లలో ఉంటే అమెజాన్‌ ఏడాది కాల ప్రైమ్‌ సభ్యత్వం ఉచితంగా లభిస్తుంది. ♦    వొడాఫోన్‌ రెడ్‌ పోస్ట్‌ పెయిడ్‌ ప్లాన్‌ కస్టమర్లు ఏడాది కాల ఉచిత అమెజాన్‌ ప్రైమ్‌ మెంబర్‌షిప్‌కు అర్హులు. 18–24 ఏళ్ల మధ్యనున్న యువ ప్రీపెయిడ్‌ కస్టమర్లు అయితే రూ.999కు బదులు కేవలం రూ.499 చెల్లించి అమేజాన్‌ ప్రైమ్‌ సభ్యత్వాన్ని పొందొచ్చు.

ముంబై : రిలయన్స్‌ జియోకు కౌంటర్‌ ఇవ్వడానికి టెలికాం కంపెనీలన్నీ దాదాపు తమ ప్లాన్లను సమీక్షిస్తూనే ఉ‍న్నాయి. అంతకముందు ఆఫర్‌ చేసే డేటాను దాదాపు రెండింతలు పెంచుతున్నాయి. తాజాగా వొడాఫోన్‌ సైతం తన డేటా పరిమితిని రెండింతలు చేసింది. తన మెస్ట్‌ అఫార్డబుల్‌ ప్యాక్‌ 199 రూపాయలపై రోజుకు 2.8 జీబీ 3జీ లేదా 4జీ డేటాను అందించనున్నట్టు తెలిపింది. అంతకముందు ఈ ప్యాక్‌పై కేవలం రోజుకు 1.4జీబీ డేటా మాత్రమే అందించేది. అయితే ఈ ఆఫర్‌ కేవలం ఎంపిక చేసిన కస్టమర్లకేనని, వొడాఫోన్‌ సబ్‌స్క్రైబర్లందరికీ కాదని తెలిసింది. అదనంగా ఈ ఆఫర్‌ వొడాఫోన్‌ 4జీ ఉన్న టెలికాం సర్కిళ్లకు అందుబాటులో ఉంది.  అప్‌డేట్‌ చేసిన 199 రూపాయల ప్రీపెయిడ్‌ ప్యాక్‌, అపరిమిత వాయిస్‌ కాల్స్‌ను అందిస్తోంది. అయితే ఈ ఉచిత వాయిస్‌ కాల్స్‌లోనూ రోజుకు 250 నిమిషాలు, వారానికి 1000 నిమిషాలు వాడుకునే పరిమితి మాత్రమే ఉంది. వొడాఫోతో పోలిస్తే, రిలయన్స్‌ తన అఫార్డబుల్‌ రూ.198 ప్యాక్‌పై కేవలం రోజుకు 2 జీబీ డేటా మాత్రమే ఇస్తోంది. పోస్టు పెయిడ్‌ సబ్‌స్క్రైబర్లకు, వొడాఫోన్‌ ఇటీవలే ‘లోయస్ట్‌ బిల్‌ గ్యారెంటీ’తో కొత్త ప్లాన్లను ప్రవేశపెట్టింది. అదేవిధంగా ప్రముఖ ఈ-కామర్స్‌ కంపెనీ అమెజాన్‌తో కూడా వొడాఫోన్‌ జతకట్టింది. ఈ భాగస్వామ్యంలో అమెజాన్‌ ప్రైమ్‌ సర్వీసులను ఏడాది పాటు ఎంపిక చేసిన యూజర్లకు ఉచితంగా అందిస్తోంది. అయితే ఆ సబ్‌స్క్రైబర్లు వొడాఫోన్‌ రెడ్‌ పోస్టు పెయిడ్‌ ప్లాన్‌ను కలిగి ఉండాలి.   

న్యూఢిల్లీ : అమెజాన్‌ ప్రైమ్‌ యువతకు బంపరాఫర్‌ ప్రకటించింది. ఏడాది 999 రూపాయలతో పొందాల్సిన అమెజాన్‌ ప్రైమ్‌ను, యువతకు కేవలం 499 రూపాయలకు ఆఫర్‌ చేస్తోంది. దీంతో అపరిమిత వీడియో స్ట్రీమింగ్‌, ఫాస్ట్‌ డెలివరీ, యాడ్‌-ఫ్రీ మ్యూజిక్‌ అన్నీ కూడా ఇక 50 శాతం తగ్గింపుతో లభ్యం కానున్నాయి. అయితే ఇది కేవలం 18 నుంచి 24 ఏళ్ల మధ్యలో వయసు ఉన్న వొడాఫోన్‌ ప్రీపెయిడ్‌ కస్టమర్లకు మాత్రమే. దీని కోసం మైవొడాఫోన్‌ యాప్‌ లేటెస్ట్‌ వెర్షన్‌ను డౌన్‌లోడ్‌ లేదా అప్‌డేట్‌ చేసుకోవాలని అమెజాన్‌ తెలిపింది.  ఆ అనంతరం ‘గ్రాబ్‌ ఇట్‌’ లేదా ‘గెట్‌ ఇట్‌ నౌ’ అనే దానిపై క్లిక్‌ చేయాలి. ఈ మెసేజ్‌ కేవలం అర్హత కలిగిన కస్టమర్లకు మాత్రమే కనిపిస్తుంది. ఆ తర్వాత ‘అగ్రి అండ్‌ పే ఐఎన్‌ఆర్‌ 499 నౌ’ పై క్లిక్‌ చేయాలి. మీరు ఎంచుకున్న పేమెంట్‌ విధానంలో రూ.499లో చెల్లించి, ‘యాక్టివ్‌ నౌ’ను క్లిక్‌ చేయాలి. ఆ తర్వాత వచ్చే స్క్రీన్‌ ద్వారా అమెజాన్‌.ఇన్‌లోకి సైన్‌-ఇన్‌ అవ్వాలి. ఈ ప్రక్రియలన్నీ ముగిశాక, మీ ప్రైమ్‌ మెంబర్‌షిప్‌ యాక్టివేట్‌ అవుతుంది. దీంతో మీరు అమెజాన్‌ ప్రైమ్‌ కింద ఆఫర్‌ చేసే అన్ని ప్రయోజనాలను ఎంజాయ్‌ చేసుకోవచ్చు. కాగ, కొన్ని రోజుల క్రితమే వొడాఫోన్‌ పోస్టు పెయిడ్‌ కస్టమర్లకు అమెజాన్‌ ప్రీమియం వీడియో ఆఫర్‌ను ఏడాదిపాటు ఉచితంగా ఆఫర్‌ చేయనున్నట్టు ప్రకటించింది. వోడాఫోన్‌ ప్లే యాప్‌ ద్వారా  ఈ ఆఫర్‌ను అందిస్తోంది. తాజాగా కస్టమర్లను ముఖ్యంగా యువతను ఎక్కువగా ఆకట్టుకోవడానికి అమెజాన్‌, వొడాఫోన్‌ ప్రీపెయిడ్‌ కస్టమర్లకు కూడా అమెజాన్‌ ప్రైమ్‌ను తక్కువ ధరకు అందుబాటులోకి తెచ్చింది.

న్యూఢిల్లీ: ప్రభుత్వ రంగ టెలికం దిగ్గజం బీఎస్‌ఎన్‌ఎల్‌ దేశీయంగా తొలి ఇంటర్నెట్‌ టెలిఫోనీ సర్వీసును ఆవిష్కరించింది. మొబైల్‌ యాప్‌ ద్వారా దేశవ్యాప్తంగా ఏ టెలిఫోన్‌ నంబరుకైనా కాల్‌ చేసే సదుపాయం దీనితో అందుబాటులోకి రానుంది. జూలై 25 నుంచి ఈ సర్వీసులు అధికారికంగా ప్రారంభం కానున్నాయి. ఇందుకు సంబంధించిన మొబైల్‌ యాప్‌ ’వింగ్స్‌’ను కేంద్ర టెలికం శాఖ మంత్రి మనోజ్‌ సిన్హా బుధవారం ఆవిష్కరించారు. ‘ప్రస్తుతం పోటీ తీవ్రంగా ఉన్న పరిస్థితుల్లో కూడా బీఎస్‌ఎన్‌ఎల్‌ మార్కెట్‌ వాటాను పెంచుకోగలగడం ప్రశంసనీయం. సిమ్‌ అవసరం లేకుండా ఫోన్‌ కాల్స్‌ చేసుకునే సదుపాయం కల్పించే ఇంటర్నెట్‌ టెలిఫోనీని అందుబాటులోకి తెచ్చినందుకు బీఎస్‌ఎన్‌ఎల్‌ను అభినందిస్తున్నా‘ అని ఈ సందర్భంగా ఆయన చెప్పారు. దేశీ సేవల కోసం వార్షికంగా రూ. 1,099 ఫీజును చెల్లించి, వై–ఫై లేదా ఇతరత్రా ఏ టెలికం ఆపరేటరు ఇంటర్నెట్‌ సర్వీస్‌నైనా ఉపయోగించుకుని దేశవ్యాప్తంగా ఏ టెలిఫోన్‌ నంబరుకైనా ఈ యాప్‌ ద్వారా అపరిమితమైన కాల్స్‌ చేసుకోవచ్చు. ప్రస్తుతం కూడా మొబైల్‌ యాప్స్‌ ద్వారా వాయిస్‌ కాల్స్‌ చేసుకునే వీలున్నప్పటికీ, సదరు యాప్‌ను ఉపయోగిస్తున్న వారికి మాత్రమే చేసే అవకాశం ఉంది.   త్వరలో రిజిస్ట్రేషన్స్‌ ప్రారంభం..  మరికొద్ది రోజుల్లో రిజిస్ట్రేషన్స్‌ ప్రారంభిస్తామని, జూలై 25 నుంచి అధికారికంగా సర్వీసులు అందుబాటులోకి వస్తాయని బీఎస్‌ఎన్‌ఎల్‌ సీఎండీ అనుపమ్‌ శ్రీవాస్తవ తెలిపారు. ‘వింగ్స్‌ యాప్‌ను ఉపయోగించి కస్టమర్లు.. భారత్‌లోని నంబర్లకు విదేశాల నుంచి కూడా కాల్‌ చేయొచ్చు. ఇంటర్నెట్‌ ద్వారా ప్రపంచవ్యాప్తంగా ఎక్కడైనా ఈ యాప్‌ను యాక్టివేట్‌ చేసుకోవచ్చు. కాల్స్‌ చేసుకోవచ్చు. దేశీయంగా అన్‌లిమిటెడ్‌ కాల్స్‌ కోసం వార్షికంగా రూ. 1,099 ఫీజు ఉంటుంది‘ అని ఆయన చెప్పారు. బీఎస్‌ఎన్‌ఎల్‌ జారీ చేసే మొబైల్‌ నంబరుకు ఈ యాప్‌ అనుసంధానమై ఉంటుందని తెలిపారు.   ఐడియా–వొడాఫోన్‌ విలీనానికి ఆమోదం..  ప్రైవేట్‌ టెలికం దిగ్గజాలు ఐడియా సెల్యులార్, వొడాఫోన్‌ ఇండియా విలీన ప్రతిపాదనకు కేంద్రం ఆమోదం తెలిపిందని మనోజ్‌ సిన్హా చెప్పారు. అయితే, రెండు కంపెనీలూ ఇంకా కొన్ని లాంఛనాలు పూర్తి చేయాల్సి ఉందని, ఆ తర్వాత తుది ఆమోదముద్ర లభిస్తుందని వివరించారు. డీల్‌కు పూర్తి స్థాయిలో అనుమతులివ్వాలంటే వొడాఫోన్‌ ఇండియాకు చెందిన స్పెక్ట్రం కోసం ఐడియా రూ. 3,976 కోట్లు కట్టాలని, ఇరు సంస్థలు రూ. 3,342 కోట్ల మేర బ్యాంకు గ్యారంటీ ఇవ్వాలని టెలికం శాఖ షరతులు విధించిన సంగతి తెలిసిందే. కానీ ఐడియా, వొడాఫోన్‌ వీటిని కోర్టులో సవాలు చేసే అవకాశం ఉందని పరిశ్రమ వర్గాలు భావిస్తున్నాయి. ఐడియా, వొడాఫోన్‌లు విలీనమైతే దాదాపు రూ. 1.5 లక్షల కోట్ల నికర విలువ, 35 శాతం మార్కెట్‌ వాటా, 43 కోట్ల యూజర్లతో దేశీయంగా అతి పెద్ద టెలికం సంస్థ ఆవిర్భవించనుంది. 

ముంబై : దేశంలో అతిపెద్ద టెలికాం సంస్థగా అవతరించేందుకు.. వొడాఫోన్‌, ఐడియాలు విలీనం కాబోతున్న సంగతి తెలిసిందే. గతేడాది క్రితమే ఇరు కంపెనీలు విలీనంపై తుది ప్రకటన ఇచ్చేశాయి. అప్పటి నుంచి ఈ కంపెనీలు విలీన ప్రక్రియను కొనసాగిస్తూనే ఉన్నాయి. కానీ ఇప్పటి వరకు ఈ ఒప్పంద ప్రక్రియ పూర్తి కాలేకపోయింది. వొడాఫోన్‌ ఇండియా-ఐడియా సెల్యులార్‌ విలీనం ఆలస్యమైతే, వీటి మెగా కంపెనీ భారీగా కస్టమర్లను, రెవెన్యూలను నష్టపోయే ప్రమాదముందని పరిశ్రమ నిపుణులు హెచ్చరిస్తున్నారు. ఈ విలీన ప్రక్రియ ముగియడానికి ఇంకా రెండు నెలలు పట్టే అవకాశముందని, ఈ సమయంలో రెవెన్యూ మార్కెట్‌ షేరులో ఈ సంస్థ 150 బేసిస్‌ పాయింట్లను కోల్పోయే ప్రమాదముందని తెలుస్తోంది. దీంతో ప్రతి రెండు నెలల జాప్యానికి 600 కోట్ల నుంచి వెయ్యి కోట్ల వరకు రెవెన్యూలను ఈ విలీన సంస్థ కోల్పోతుందని ఫిలిప్‌క్యాపిటల్‌ టెలికాం విశ్లేషకుడు నవీన్‌ కులకర్ని చెప్పారు.  కీలక కస్టమర్లను, రెవెన్యూ మార్కెట్‌ షేరును భారతీ ఎయిర్‌టెల్‌కు, రిలయన్స్‌ జియోకు వదులుకోవాల్సి వస్తుందని కులకర్ని తెలిపారు. మార్కెట్‌ వ్యూహాల విధంగా వెళ్లి, విలీనాన్ని త్వరగా ముగించేయాలని చెప్పారు. గత నెల చివరి వరకే వొడాఫోన్‌, కుమార్‌ బిర్లాకు చెందిన ఐడియాల విలీన ఒప్పందం పూర్తి కావాల్సి ఉంది. కానీ మూడో పార్టీ ఆసక్తి మేరకు ఈ ప్రక్రియ ఆలస్యమవుతుందని తెలుస్తోంది. మెగా విలీనాన్ని వొడాఫోన్‌, ఐడియాలు రెండూ విజయవంతంగా ముగిస్తాయని, కొంత సమస్యం ఆలస్యమైతే అంత ప్రమాదకరమేమీ కాదని కంపెనీకి చెందిన ఎగ్జిక్యూటివ్‌ అన్నారు. విలీన సంస్థలో ఇరు కంపెనీలకు సమానమైన యాజమాన్య హక్కులు ఉంటాయి. విలీన సంస్థ పేరును వొడాఫోన్‌ ఐడియా లిమిటెడ్‌గా ప్రతిపాదించారు. విలీన సంస్థలో వొడాఫోన్‌ గ్రూప్‌ 45.1 శాతం, ఐడియా ప్రమోటర్లు 26 శాతం వాటా కలిగి ఉండనున్నారు. మిగతా 28.9 శాతం వాటా పబ్లిక్‌ షేర్‌ హోల్డర్ల వద్ద ఉండనుంది.  

ముంబై : ముఖేష్‌ అంబానీకి చెందిన రిలయన్స్‌ జియో ప్రవేశం భారత టెలికాం మార్కెట్‌లో ఓ సంచలనం. ప్రీపెయిడ్‌ రీఛార్జ్‌ ప్యాక్‌లలో భారీగా ధరల పతనం ఏర్పడింది. ఒక్కసారిగా డేటా ధరలన్నీ కిందకి దిగొచ్చాయి. తాజాగా ఈ కంపెనీ పోస్టు పెయిడ్‌ మార్కెట్‌ స్పేస్‌ను టార్గెట్‌ చేసింది. పోస్టు పెయిడ్‌ రీఛార్జ్‌ ప్యాక్‌ల రేట్లను తగ్గించడానికి సరికొత్త ప్లాన్లను ఆవిష్కరిస్తోంది. 199 రూపాయల ప్లాన్‌ను గత రెండు నెలల క్రితమే రిలయన్స్‌ జియో మార్కెట్‌లోకి తీసుకొచ్చింది. ఈ ప్లాన్‌పై 25 జీబీ డేటా, అపరిమిత కాలింగ్‌, అపరిమిత ఎస్‌ఎంఎస్‌లు, ఉచిత రోమింగ్‌ను ఆఫర్‌ చేయనున్నట్టు పేర్కొంది. జియో తీసుకొచ్చిన ఈ ప్లాన్‌తో‌, ఇతర టెలికాం దిగ్గజాలు సైతం తమ రేట్లను తగ్గించడానికి ప్రయత్నిస్తున్నాయి. వొడాఫోన్‌ తన డేటా పరిమితులను పెంచడానికి సరికొత్త పోస్టు పెయిడ్‌ ప్లాన్లను ఆవిష్కరించడం ప్రారంభించింది.  జియో ప్లాన్‌ రూ.199కు పోటీగా వొడాఫోన్‌  రూ.299 ప్లాన్‌ను తీసుకొచ్చింది. రెడ్‌ పోస్టు పెయిడ్‌ ప్లాన్ల కింద రెండు రోజుల క్రితమే దీన్ని ఆవిష్కరించింది. ఈ ప్యాక్‌పై జియో కంటే కాస్త తక్కువగా 20 జీబీ డేటాను ఆఫర్‌ చేస్తోంది. అంతేకాక అపరిమిత వాయిస్‌ కాల్స్‌, ఉచిత రోమింగ్‌, 100ఎస్‌ఎంఎస్‌లను అందిస్తోంది. కస్టమర్లకు ఇది శుభవార్త అని, కానీ ఇది ప్రీపెయిడ్‌ నుంచి పోస్టు పెయిడ్‌కు మారేందుకు ప్రోత్సహిస్తుందా అని? గేమ్స్‌ ఎడిటర్‌ రిషి అల్వాని అన్నారు.  అయితే పోస్టుపెయిడ్‌ సెగ్మెంట్‌పై అనాసక్తితో ఉన్న కస్టమర్లకు మాత్రం జియో సరికొత్త జోష్‌ను అందిస్తుందని టెలికాం విశ్లేషకులు చెప్పారు. జియో ఎఫెక్ట్‌తో వొడాఫోన్‌తో పాటు, టెలికాం, ఐడియా లాంటి సంస్థలు కూడా తమ పోస్టు పెయిడ్‌ ప్లాన్లను చౌకైన ధరల్లో ఆఫర్‌ చేయడం మొదలు పెడతాయని ఆశాభావం వ్యక్తం చేశారు. 

సాక్షి, ముంబై: ప్రముఖ ఆన్‌లైన్‌​ రీటైలర్‌ అమెజాన్‌, టెలికాం ఆపరేటర్‌ వోడాఫోన్‌ ఇండియా తమ కస‍్టమర్లకు  సువర్ణావకాశాన్ని అందిస్తున్నాయి. మార్కెట్లో పోటీ తట్టుకునే  వ్యూహంలో  ప్రధాన ప్రత్యర్థి జియోకి షాకిచ్చేలా ఎయిర్‌టెల్‌ నిర్ణయం తీసుకోగా తాజాగా.. ఎయిర్‌టెల్‌ను వోడాఫోన్‌ను ఫాలో అవుతోంది.  టీవీ, వీడియో సర్వీసులను ఉచితంగా అందించే ప్రణాళికలో అమెజాన్‌ ప్రైమ్‌తో ఒక భాగస్వామ్యం కుదర్చుకుంది. ఇందులో భాగంగా వోడాఫోన్‌ రెడ్‌ పోస్ట్‌ పెయిడ్‌ వినియోగదారులకు  వెయ్యి రూపాయల విలువైన అమెజాన్‌ ప్రీమియం వీడియో ఆఫర్‌ను ఏడాదిపాటు ఉచితంగా అందిస్తోంది.  ఈ ఆఫర్‌లో  వోడాఫోన్‌ రెడ్‌ ప్లాన్‌ రూ.399 నుంచి ప్రారంభం​.   వోడాఫోన్‌​ రెడ్‌ పోస్ట్‌పెయిడ్‌  ప్లాన్లను అప్‌గ్రేడ్‌ చేసుకున్న కస్టమర్లకు  వెయ్యి రూపాయల విలువైన అమెజాన్‌ ప్రైమ్‌ ఉచిత చందాను అందిస్తోంది.  వోడాఫోన్‌ ప్లే యాప్‌ ద్వారా  ఈ ఆఫర్‌ను పొందవచ్చు.  యాప్‌లో లాగిన్‌ అయ్యి  స్పెషల్‌ వోడాఫోన్‌ అమెజాన్‌ ఆఫర్‌పై క్లిక్‌  చేయాలి. అనంతరం రిజిస్టర్డ్‌ ​ మొబైల్‌కి వచ్చిన  ఓటీపీని ఎంటర్‌ చేస్తే ఆటోమేటిగ్గా అమెజాన్‌  ప్రైమ్‌ వీడియో​  మెంబర్‌షిప్‌ వస్తుంది. వేలకొద్దీ సినిమాలు, వీడియోలు, టీవీషోలు, సంగీతంలాంటి 999రూపాయల విలువైన ప్రీమియమ్ సేవలను వోడాఫోన్ రెడ్‌ పోస్ట్‌పెయిడ్ కస్టమర్లకు అందించనున్నామని అమెజాన్‌ ఒక ప్రకటనలో తెలిపింది.  అమెజాన్‌ భాగస్వామ్యంతో  వోడాఫోన్ పోస్ట్‌పెయిడ్‌ కస్టమర్లకు షాపింగ్‌తో పాటు వినోదాన్నికూడా  అందించడం ఆనందంగా ఉందని అమెజాన్ ప్రైమ్ ఇండియా  డైరెక్టర్ అక్షయ్ సాహి చెప్పారు. ఈ భాగస్వామ్యం ద్వారా కస్టమర్లకు విలువైన సేవలను అందించనున్నామని వోడాఫోన్‌ ఇండియా డైరెక్టర్‌  అవనీష్‌ ఖోస్లా తెలిపారు.

న్యూఢిల్లీ: ఐడియా–వొడాఫోన్‌ విలీనం ముందు అనుకున్నట్టు ఈ నెల 30లోపు పూర్తయ్యే అవకాశాలు కనిపించడం లేదు. వొడాఫోన్‌ ఇండియా వన్‌టైమ్‌ స్పెక్ట్రమ్‌ చార్జీల రూపంలో రూ.4,700 కోట్ల మేర బకాయి ఉంది. దీంతో ఐడియాలో విలీనానికి ముందే ఈ బకాయిలను చెల్లించాలని టెలికం శాఖ కోరనుంది. లేదా బ్యాంకు గ్యారంటీలను సమర్పించాలని కోరనున్నట్టు సమాచారం. నిజానికి 2015లో వొడాఫోన్‌ తన సబ్సిడరీలైన వొడాఫోన్‌ ఈస్ట్, వొడాఫోన్‌ సౌత్, వొడాఫోన్‌ సెల్యులర్, వొడాఫోన్‌ డిజిలింక్‌లను వొడాఫోన్‌ మొబైల్‌ సర్వీసెస్‌లో విలీనం చేసింది. ఇదే ఇప్పుడు వొడాఫోన్‌ ఇండియాగా మారింది. అయితే, విలీనం సమయంలోనే రూ.6,678 కోట్ల వన్‌టైమ్‌ స్పెక్ట్రమ్‌ బకాయిలను చెల్లించాలని టెలికం శాఖ డిమాండ్‌ నోటీసు చేయడంతో వొడాఫోన్‌ కోర్టును ఆశ్రయించింది. సుప్రీంకోర్టు ఆదేశాలతో వొడాఫోన్‌ రూ.2,000 కోట్ల బకాయిలనే చెల్లించింది. దీంతో బకాయిలపై టెలికం శాఖ న్యాయ సలహా కోరగా, వొడాఫోన్‌ నుంచి బకాయిల చెల్లింపునకు డిమాండ్‌ చేయవచ్చని వచ్చింది. దీంతో వడ్డీ సహా మొత్తం ఎంత బకాయి అన్నది ఖరారు చేసే పనిలో ఉన్నట్టు ఆ అధికారి తెలిపారు. 

సోషల్‌ మీడియాలో ఎప్పుడూ యాక్టీవ్‌గా ఉండే మెగాహీరో అల్లు శిరీష్‌. తన అభిమానులు వేసే ప్రశ్నలకు సరదాగా సమాధానాలు చెబుతూ ఉంటారు. ఎప్పుడూ కూల్‌గా ఉండే అల్లు శిరీష్‌ ఓ విషయంపై అసహనం వ్యక్తం చేశారు. చూస్తుంటే ఆ విషయం ఏదో కానీ తనకు ఎక్కడ లేని కోపాన్ని తెచ్చిపెట్టినట్టుంది. ఇంతకీ ఏం జరిగిందంటే. అల్లు శిరీష్‌ ఈ మధ్యే ఎయిర్‌టెల్‌ నుంచి వోడాఫోన్‌ నెట్‌వర్క్‌కు మారారట. అయితే వోడాఫోన్‌ నెట్‌వర్క్‌ సర్వీస్‌ చాలా ఘోరంగా ఉందని, బ్యాడ్‌నుంచి వరెస్ట్‌కు వచ్చినట్టైందని ఆవేదన వ్యక్తం చేశారు. 4జీ సర్వీస్‌ వదిలేయండి, కనీసం 2జీ కూడా సరిగా పనిచేయడం లేదని, ఒక్కోసారి కాల్‌ డ్రాప్స్‌ అవుతున్నాయని, సిగ్నల్‌ కూడా ఉండటంలేదని వాపోయారు. ఈ విషయంపైనే ఈ మెగా హీరో ఏదైనా ఉన్నప్పుడు విలువ తెలియదంటూ వేదాంత ధోరణిలో మాట్లాడారు. అల్లు శిరీష్‌ ప్రస్తుతం కన్నడ రీమేక్‌ ఏబీసీడీలో నటిస్తున్నారు.  "You'll never realise the value of something while you have it." Ported from Airtel to Vodafone. Its a move from bad to worse. Forget 4G, even 2G doesn't work most times. Forget call drops there's no signal only. Regret it! Lesson learnt. @VodafoneIN 😂😂😂 — Allu Sirish (@AlluSirish) June 21, 2018

రోజురోజుకి టెల్కోల మధ్య పోటీ తీవ్రతరమవుతోంది. ముఖ్యంగా రిలయన్స్‌ జియో, ఎయిర్‌టెల్‌, వొడాఫోన్‌ల మధ్య ఈ పోటీగా భారీగా ఉంది. తాజాగా 799 రూపాయలతో సరికొత్త ప్లాన్‌ను లాంచ్‌ చేసిన రిలయన్స్‌ జియో, వెంటనే మరో ఆఫర్‌ను ప్రకటించింది. తన 299 రూపాయల ప్యాక్‌ను సమీక్షిస్తున్నట్టు ప్రకటించింది. ఈ సమీక్షించిన ప్యాక్‌ కింద అదనంగా రోజుకు 1.5జీబీ డేటాను ఆఫర్‌ చేయనున్నట్టు రిలయన్స్‌ జియో పేర్కొంది. అంటే ఇన్ని రోజులు ఈ ప్యాక్‌పై రోజుకు 3 జీబీ డేటా అందుబాటులో ఉండగా.. ఇక నుంచి 4.5జీబీ డేటాను యూజర్లు పొందనున్నారు. దీంతో ఇక నుంచి జియో యూజర్లు రూ.299 ప్యాక్‌పై 28 రోజులకు 126 జీబీ డేటా పొందనున్నారు.  ఈ ఆఫర్‌ కేవలం జూన్‌ 30 వరకే అందుబాటులో​ ఉండనుంది. ఎక్కువ డేటా ప్రయోజనాలతో పాటు అపరిమిత వాయిస్‌ కాల్స్‌(రోమింగ్‌తో కలిపి), రోజుకు 100 ఉచిత ఎస్‌ఎంఎస్‌లను కంపెనీ ఆఫర్‌ చేస్తోంది. ఈ కొత్త స్కీమ్‌ కింద రూ.149, రూ.349, రూ.399, రూ.449 ప్యాక్‌లపై రోజుకు 3 జీబీ డేటాను యూజర్లు పొందనున్నారు. అంతేకాక మైజియో యాప్‌పై ఫోన్‌పే వాలెట్‌ వాడే కస్టమర్లకు 300 రూపాయల కంటే ఎక్కువున్న అన్ని రీఛార్జ్‌లపై 100 రూపాయల డిస్కౌంట్‌ లభించనుంది. 300 రూపాయల కంటే తక్కువ మొత్తాల రీఛార్జ్‌లకు కేవలం 20 శాతం డిస్కౌంట్‌ను మాత్రమే జియో ఆఫర్‌ చేయనుంది. 

న్యూఢిల్లీ: టెలికం కంపెనీ వొడాఫోన్‌ ఇండియాతో విలీనాంతరం అవతరించే కొత్త కంపెనీకి ‘వొడాఫోన్‌ ఐడియా’ పేరు పెట్టాలని ఐడియా తాజాగా ప్రతిపాదించింది. కొత్తగా ఏర్పడే కంపెనీ దేశంలోనే అతిపెద్ద టెలికం సంస్థగా ఆవిర్భవిస్తుంది. కంపెనీ పేరులో మార్పును నిర్ణయించడానికి జూన్‌ 26న అసాధారణ సర్వసభ్య సమావేశం నిర్వహిస్తామని ఐడియా తెలిపింది. అలాగే ఇందులో ఎన్‌సీడీల ద్వారా రూ.15,000 కోట్ల నిధుల సమీకరణ అంశం చర్చకు రానుంది. కాగా ఐడియా, వొడాఫోన్‌ ఇండియా వాటి వ్యాపారాలను విలీనం చేస్తున్న విషయం తెలిసిందే. ఈ విలీనానికి టెలికం డిపార్ట్‌మెంట్‌ ఆమోదం తుది దశలో ఉంది. విలీనం తర్వాత ఏర్పడే కంపెనీలో వొడాఫోన్‌ కు 45.1%, ఆదిత్య బిర్లా గ్రూప్‌నకు 26%, ఐడియా వాటాదారులకు 28.9% వాటాలు రావొచ్చు.

సాక్షి, ముంబై:  దేశీయ టెలికాంరంగంలో  జియో ఆధిపత్యాన్ని అడ్డుకునేందుకు  ప్రత్యర్థి కంపెనీలు ఎయిర్‌టెల్‌,  ఐడియా లాంటి కంపెనీలు ఆకర్షణీయమైన ప్లాన్లను ముందుకు వస్తున్నాయి. తాజాగా వోడాఫోన్‌ కూడా ఇలాంటి ఆఫర్‌నే ప్రకటించింది.   ఎయిర్‌టెల్‌, జియో లాంటి ప్లాన్ల తరహాలోనే కేవలం రూ. 9ల కే ఒక  రీచార్జ్‌ ప్లాన్‌ను శుక్రవారం వెల్లడించింది.  ఇందులో వొడాఫోన్  ప్రీపెయిడ్‌ చందాదారులు  రోజుకు అపరిమిత స్థానిక , ఎస్టీడీ వాయిస్ కాల్స్‌,  100 ఎస్ఎంఎస్‌లు, 100ఎంబీ డేటాను పొందవచ్చు.  అయితే కొత్త ప్యాక్ ప్రత్యేకంగా యుపి ఈస్ట్ లో వోడాఫోన్ చందాదారుల కోసం ఈప్లాన్‌ను తీసుకొచ్చింది.  అయితే తాజా రూ. 9 వొడాఫోన్ ప్యాక్‌ను కేవలం యూపీకే పరిమితం చేయగా.. మరోవైపు 9 రూపాయల ప్యాక్‌లో ఎయిర్టెల్  దేశవ్యాప్తంగా రోజుకు అన్‌లిమిటెడ్‌ కాలింగ్‌ 100ఎస్‌ఎంఎస్‌లు,  100ఎంబీ డేటాను అందిస్తోంది.  జియో రూ. 19 రోజువారీ ప్యాక్‌లో అపరిమిత వాయిస్ కాల్స్, 20 ఎస్‌ఎంఎస్‌లు, 150 ఎంబీ డేటాను ఆఫర​ చేస్తున్న సంగతి తెలిసిందే. మరి వోడాఫోన్‌ కూడా ఈ ప్లాన్‌ను దేశవ్యాప్తంగా కూడా  అమలు చేసే అవకాశం ఉందో లేదో వేచి చూడాలి.

న్యూఢిల్లీ : పండుగొచ్చిదంటే చాలు.. టెలికాం కంపెనీలు కూడా కొత్త కొత్త ఆఫర్లతో వినియోగదారులను హోర్రెత్తిస్తుంటాయి. తాజాగా రంజాన్‌ పవిత్ర మాసాన్ని పురష్కరించుకుని టెలికాం దిగ్గజం వొడాఫోన్‌ తన కస్టమర్లకు బంపర్‌ ఆఫర్‌ ప్రకటించింది. 509 రూపాయలతో ‘రంజాన్‌ సే ఈద్‌ ఉల్‌ జుహా తక్‌’ అనే రీఛార్జ్‌ ప్లాన్‌ను ఆవిష్కరించింది. ఈ ప్లాన్‌ కింద రోజుకు 1.4జీబీ డేటాను, అపరిమిత కాలింగ్‌ను 90 రోజుల పాటు ఆఫర్‌ చేస్తున్నట్టు తెలిపింది. అయితే ఈ ఆఫర్‌ కేవలం కర్ణాటకకు మాత్రమే అందుబాటులో ఉంది.  రంజాన్‌ మాసం ప్రారంభమైనప్పటి నుంచి అంటే 2018 మే 16 నుంచి ఆగస్టులో ఈద్‌ ఉల్‌ జుహా వరకు కర్ణాటకలోని వొడాఫోన్‌ కస్టమర్లు అపరిమిత ఉచిత కాలింగ్‌, రోజుకు 1.4జీబీ డేటాను పొందవచ్చని వొడాఫోన్‌ ఓ ప్రకటనలో పేర్కొంది. అదేవిధంగా కస్టమర్లు వొడాఫోన్‌ ప్లే యాప్‌ డౌన్‌లోడ్‌ చేసుకుని, మక్కా అండ్‌ మదీనా లైవ్‌లను వీక్షించవచ్చని తెలిపింది. 509 రూపాయల ప్లాన్‌తో పాటు, వొడాఫోన్‌ 569 రూపాయలతో, 511 రూపాయలతో మరో రెండు ప్లాన్లను కూడా లాంచ్‌ చేసింది. 569 రూపాయల ప్లాన్‌ కింద రోజుకు 3జీబీ డేటా, అపరిమిత కాల్స్‌ను 84 రోజుల పాటు పొందవచ్చని వొడాఫోన్‌ పేర్కొంది. అదేవిధంగా 511 రూపాయల ప్లాన్‌ కింద రోజుకు 2జీబీ డేటా, అపరిమిత కాలింగ్‌ను 84 రోజుల పాటు అందించనున్నామని చెప్పింది.    

న్యూఢిల్లీ: టెలికం దిగ్గజం వొడాఫోన్‌ ఇండియా కంపెనీ గత ఆర్థిక సంవత్సరంలో రూ.9,805 కోట్ల నిర్వహణ లాభం సాధించింది. అంతకు ముందటి ఆర్థిక సంవత్సరంలో రూ.30,690 కోట్ల నిర్వహణ నష్టాలు వచ్చాయని వొడాఫోన్‌ తెలిపింది. ఐడియా సెల్యులార్‌తో విలీనం వచ్చే నెల కల్లా పూర్తవ్వగలద  ని అంచనాలున్నాయని వొడాఫోన్‌ గ్రూప్‌ సీఈఓ కొలావో పేర్కొన్నారు. బహుశా ఇవే తమ చివర స్టాండలోన్‌ ఫలితాలు కావచ్చని వ్యాఖ్యానించారు.   86 శాతం తగ్గిన డేటా చార్జీలు... టారిఫ్‌ల యుద్దం తమపై తీవ్రంగానే ప్రభావం చూపించిందని కొలావో అంగీకరించారు. మొబైల్‌ టర్మినేషన్‌ చార్జీలను తగ్గించడం మరింత ప్రతికూల ప్రభావం చూపించిందని తెలిపారు. 2016–17లో రూ.42,927 కోట్లుగా ఉన్న సేవల ఆదాయం గత ఆర్థిక సంవత్సరంలో 19 శాతం క్షీణించి రూ.35,045 కోట్లకు పడిపోయిందని వివరించారు. తీవ్రమైన పోటీ కారణంగా డేటా చార్జీలు 86 శాతం తగ్గాయని తెలిపారు. గత ఆర్థిక సంవత్సరం చివరి క్వార్టర్‌లో కోటి మంది కొత్త వినియోగదారులు లభించారని, దీనికి చాలా ఖరీదైన మూల్యం చెల్లించాల్సి వచ్చిందని వివరించారు. ఇదే క్వార్టర్‌లో 5.76 లక్షల పోస్ట్‌–పెయిడ్‌ వినియోగదారులను కోల్పోయామని తెలిపారు.

సాక్షి, న్యూఢిల్లీ: షావోమి, మోటరోలా లాంటి దిగ్గజ కంపెనీలకు షాకిచ్చేలా ఆసుస్‌ కంపెనీ సోమవారం లాంచ్‌ చేసిన  తాజా స్మార్ట్‌ఫోన్‌పై   వోడాఫోన్‌ నెట్‌వర్క్‌ ద్వారా  బంపర్‌ ఆఫర్లు అందిస్తోంది.  అలాగే ఆన్‌లైన్‌ రీటైలర్‌ ఫ్లిప్‌కార్ట్‌  అందిస్తున్న కిలర్స్‌ డీల్స్‌ కూడా ఆకర్షణీయంగా ఉన్నాయి. జెన్‌ ఫోన్‌ మాక్స్‌  ప్రో ఎం 1 3జీబీ ర్యామ్‌/32జీబీ స్టోరేజ్‌  రూ. 10,999 ధరలో,  4జీబీ ర్యామ్‌/64 జీబీ రూ. 12,999గాను  నిర్ణయించింది.  డీప్‌ సీ బ్లాక్‌, గ్రే రంగుల్లో   కస్టమర్లకు  అందుబాటులో ఉంటాయి. మాక్స్‌ బాక్స్‌  పేరుతో   మరో అదనపు బహుమతి కూడా ఉంది. స్పీకర్‌ సౌండ్‌ ఈ  డివైస్‌ రెండు  రెట్లు పెంచుతుందని కంపెనీ వెల్లడించింది.   వోడాఫోన్‌  కిల్లర్‌ డీల్‌: వోడాఫోన్‌ భాగస్వామ్యంతో ఈ స్మార్ట్‌ఫోన్‌  కొనుగోలుపై 3200 రూపాయల  దాకా అదనపు డేటా ప్రయోజనాలను  ప్రకటించింది. రూ. 199 ప్రీపెయిడ్‌ ప్యాకేజీలు వాడే వోడాఫోన్‌ యూజర్లకు అదనంగా 10జీబీ డేటా ఒక సంవత్సరం మొత్తం ఫ్రీ.  రూ. 499  ప్యాకేజీలపై  వోడాఫోన్‌ రెండు సంవత్సరాలపాటు10జీబీ అదనపు  డేటా ఉచితం. మ 6జీబీ వెర్షన్‌:  6 జీబీ వెర్షన్‌ను కూడా త్వరలోనే లాంచ్‌ చేయనున్నట్టు కూడా కంపెనీ చెప్పింది.ముఖ్యంగా ఫ్రంట్‌ అండ్‌ రియర్‌  కెమెరాలను 16ఎంపీకి అప్‌గ్రేడ్‌ చేసి,  ధరలో   రూ.14999 గా ఉంటుంది.  ఇది కూడా  ప్రత్యేకంగా ఫ్లిప్‌కార్ట్‌లో  మే 3వ తేదీనుంచి విక్రయానికి  లభ్యం.  ఫ్లిప్‌కార్ట్‌ కిల్లర్‌ డీల్‌: కేవలం  రూ.49లకే  కంప్లీట్‌ మొబైల్‌ ప్రొటెక్షన్‌ అందిస్తోంది.   హార్డ్‌వేర్‌, సాఫ్ట్‌వేర్‌,  స్క్రీన్‌ డ్యామేజ్‌, లిక్విడ్‌ డ్యామేజ్‌ ఏదైనా సంవత్సరం పాటు  ఫ్రీ సర్వీసు.  అంతేకాదు  ఏదైనా మరమ్మతు చేయాల్సి  వస్తే..  వినియోగదారుని ఇంటినుంచే ఫోన్‌ పికప్‌ చేసుకుని రిపేర్‌ చేస్తామని ప్రకటించింది.. ఒక వేళ  10రోజుల్లో  ఫోన్‌ రిపేర్‌ సాధ్యం కాకపోతే ఫోన్‌ను రీప్లేస్‌ చేస్తామని ఫ్లిప్‌కార్ట్‌  ప్రతినిధి ప్రకటించారు. ఇంకా నో ఇఎంఐ కాస్ట్‌ సౌకర‍్యంతో పాటు సెలెక్ట్‌ మోడల్స్‌పై 1000 రూపాయల ఎక్సేంజ్‌ ఆఫర్‌ అందిస్తోంది. జెన్‌ఫోన్‌  మాక్స్‌ ప్రొ ఎం1 ఫీచర్లు 5.99 స్క్రీన్‌ ఫుల్‌ వ్యూ డిస్‌ప్లే ఆండ్రాయిడ్‌ ఓరియో 8.1 13 + 5 ఎంపీ రియర్‌ కెమెరా, 8 ఎంపీ సెల్ఫీ కెమెరా విత్‌ ఎల్‌ఈడీ ఫ్లాష్‌ 5000 ఎంఏహెచ్‌ బ్యాటరీ

న్యూఢిల్లీ: వొడాఫోన్‌ ఇండియా టవర్ల వ్యాపార విక్రయం పూర్తయింది. భారత్‌లోని టవర్ల వ్యాపారాన్ని అమెరికన్‌ టవర్‌ కార్పొరేషన్‌(ఏటీసీ) టెలికం ఇన్‌ఫ్రాస్ట్రక్చర్‌ ప్రైవేట్‌ లిమిటెడ్‌కు రూ.3,850 కోట్లకు విక్రయించడం పూర్తయిందని వొడాఫోన్‌ ఇండియా తెలిపింది. ప్రస్తుతం తమకు 58,000 మొబైల్‌ టవర్లున్నాయని ఏటీసీ ఎగ్జిక్యూటివ్‌ వైస్‌ ప్రెసిడెంట్, ప్రెసిడెంట్‌(ఏషియా) అమిత్‌ శర్మ తెలిపారు. వొడాఫోన్‌ నుంచి కొనుగోలు చేసిన 10,200 టవర్లతో తమ మొబైల్‌ టవర్ల వ్యాపారం మరింత శక్తివంతం అవుతుందని  వివరించారు. భారత్‌లోని తమ క్లయింట్లు 4జీ సేవలను విస్తరిస్తుండటంతో వారికి మరింత సమర్థవంతమైన సేవలందించడానికి వీలవుతుందని వివరించారు. ఐడియాతో కుదుర్చుకున్న రూ.4,000 కోట్ల టవర్ల కొనుగోలు ఒప్పందం పూర్తికావలసి ఉందని తెలిపారు. ఐడియా డీల్‌కు ఈ నెలాఖరుకల్లా సంబంధిత అనుమతులు వస్తాయని భావిస్తున్నామని, వచ్చే నెల చివరికల్లా ఈ డీల్‌ పూర్తవుతుందన్న ఆశాభావాన్ని వ్యక్తం చేశారు. ఐడియా, వొడాఫోన్‌ల నుంచి కొనుగోలు చేసే 20,000 టవర్ల కారణంగా ఏటీసీకి తొలి పూర్తి ఏడాదికి రూ.2,100 కోట్ల ప్రోపర్టీ ఆదాయం, రూ.800 కోట్ల స్థూల మార్జిన్‌ వస్తాయని అంచనా. వొడాఫోన్, ఐడియాకు చెందిన మొత్తం 20,000 టవర్లను రూ.7,850 కోట్లకు కొనుగోలు చేయడానికి గతేడాది నవంబర్‌లో ఏటీసీ డీల్‌ కుదుర్చుకుంది.  ఐడియా–ఏటీసీ టవర్ల డీల్‌ పూర్తయిన తర్వాతనే ఐడియా, ఓడాఫోన్‌ విలీనం పూర్తవుతుందని సంబంధిత వర్గాలు వెల్లడించాయి.  ఐడియాతో విలీనం  ఈఏడాది జూన్‌కల్లా పూర్తవ్వగలదని వొడాఫోన్‌ పేర్కొంది.

టెలికాం మార్కెట్‌లో సంచలనాలు సృష్టిస్తున్న రిలయన్స్‌ జియో మరింత ముందుకు దూసుకెళ్తోంది. కొత్త సబ్‌స్క్రైబర్లను యాడ్‌ చేసుకోవడంలో జియో అగ్రగామిగా ఉందని ట్రాయ్‌ డేటాలో వెల్లడైంది. నేడు విడుదల చేసిన ట్రాయ్‌ డేటాలో జనవరి నెలలో భారత్‌ టెలికాం సబ్‌స్క్రైబర్‌ బేస్‌  మొత్తంగా 15.66 మిలయన్లు తగ్గి 1,175.01 మిలియన్లుగా నమోదైనట్టు తెలిసింది. మొత్తంగా వైర్‌లెస్‌ సబ్‌స్క్రైబర్లు కూడా 15.5 మిలియన్లు తగ్గి 1,151.94 మిలియన్లుగా నమోదయ్యారు. ఆశ్చర్యకరంగా ఈ నెలలో జియో 8.3 మిలియన్ల మంది కొత్త సబ్‌స్క్రైబర్లను చేర్చుకున్నట్టు వెల్లడైంది. ఈ సంఖ్య తన ప్రత్యర్థులు ఎయిర్‌టెల్‌, వొడాఫోన్‌, ఐడియా సెల్యులార్‌ల చేర్చుకున్న సబ్‌స్క్రైబర్ల సంఖ్య కంటే రెండింతలు ఎక్కువని తెలిసింది. 2017 డిసెంబర్‌ నెలలో 1,190.67 మిలియన్లుగా ఉన్న టెలికాం సబ్‌స్క్రైబర్ల సంఖ్య, 2018 జనవరి నాటికి 1,175.01 మిలియన్లకు తగ్గినట్టు ట్రాయ్‌ నేడు తెలిపింది. దిగ్గజ టెలికాం ఆపరేటర్లు మొత్తంగా 1.26 కోట్లకు పైగా కస్టమర్లను యాడ్‌ చేసుకున్నట్టు పేర్కొంది. దీనిలో జియో 8.3 మిలియన్‌ కొత్త సబ్‌స్క్రైబర్లతో టాప్‌లో ఉందన్నారు. దీంతో మొత్తంగా జియో సబ్‌స్క్రైబర్లు 168.3 మిలియన్లకు చేరుకున్నట్టు చెప్పింది. అయితే మొత్తం సబ్‌స్క్రైబర్‌ బేస్‌ పరంగా చూసుకుంటే 291.6 మిలియన్లతో ఎయిర్‌టెల్‌ కంపెనీనే టాప్‌లో ఉంది. కానీ కంపెనీ కేవలం 1.5 మిలియన్‌ మంది కొత్త సబ్‌స్క్రైబర్లను మాత్రమే ఈ కంపెనీ చేర్చుకుంది. అదేవిధంగా ఐడియా 1.1 మిలియన్ల మంది కొత్త సబ్‌స్క్రైబర్లను యాడ్‌ చేసుకుంది. వొడాఫోన్‌ 1.28 మిలియన్ల మందిని, బీఎస్‌ఎన్‌ఎల్‌ 0.39 మిలియన్ల మందిని యాడ్‌ చేసుకున్నాయి. ఆర్‌కామ్‌ తన టెలికాం సర్వీసులను డిసెంబర్‌లో మూసివేసిన సంగతి తెలిసిందే.  దీంతో 21 మిలియన్ల మంది సబ్‌స్క్రైబర్లను కోల్పోయింది. ఎయిర్‌సెల్‌ కూడా 3.4 మిలియన్ల మందిని, టాటా టెలి 1.9 మిలియన్ల మందిని, టెలినార్‌ 1.6 మిలియన్ల మంది సబ్‌స్క్రైబర్లను వదులుకుంది.    

టెలికాం దిగ్గజం ఎయిర్‌టెల్‌ 4జీ డౌన్‌లోడ్‌ స్పీడ్‌ టెస్ట్‌లో దూసుకుపోయింది. జియోను దాటేసి, ఎయిర్‌టెల్‌ మెరుగైన పాయింట్లను స్కోర్‌ చేసిందని తాజా డేటాలో వెల్లడైంది. దేశవ్యాప్తంగా 10 నగరాల్లో ట్రాయ్‌ చేపట్టిన 4జీ డౌన్‌లోడ్‌ స్పీడు టెస్ట్‌లో.. జియో, వొడాఫోన్‌, ఐడియాల కంటే ఎయిర్‌టెల్‌ మెరుగైన స్కోర్‌ను పొంది, 4జీ డౌన్‌లోడ్‌ స్పీడ్‌ ప్రొవైడర్‌గా నిలిచింది. ఆల్ట్రా న్యూస్‌ రిపోర్టు ప్రకారం ఎయిర్‌టెల్‌ సగటు డౌన్‌లోడ్‌ స్పీడు 9.64 ఎంబీపీఎస్‌ కాగ, జియో 4జీ డౌన్‌లోడ్‌ స్పీడు 6.57 ఎంబీపీఎస్‌గా, ఐడియా సెల్యులార్‌ డౌన్‌లోడ్‌ స్పీడు 7.41ఎంబీపీఎస్‌గా ఉన్నట్టు తెలిసింది. ఈ రిపోర్టు ప్రకారం ఎయిర్‌టెల్‌ సగటు డౌన్‌లోడ్‌ స్పీడు జియో కంటే 44 శాతం వేగవంతంగా ఉన్నట్టు వెల్లడైంది. టెస్ట్‌ జరిపిన 10 నగరాల్లో హర్యానాలోని భివాని, రాజస్తాన్‌లోని కొటా, కేరళలోని కాలికట్‌ ఉన్నాయి.   అయితే మైస్పీడు యాప్‌లో జియో సగటు డౌన్‌లోడ్‌ స్పీడు 20.3 ఎంబీపీఎస్‌గా ఉంది. ఎయిర్‌టెల్‌ 8.9గా, ఐడియా 8.2ఎంబీపీఎస్‌గా రికార్డైంది. అక్టోబర్‌లో నిర్వహించిన ప్రత్యేక ట్రాయ్‌ టెస్ట్‌లో మాత్రం జియో 21.9ఎంబీపీఎస్‌ డౌన్‌లోడ్‌ స్పీడుతో తొలి స్థానంలో ఉంది. ఈ సారి మాత్రం జియోను అధిగమించి, ఎయిర్‌టెల్‌ ముందుకు వచ్చేసింది. తన ప్రత్యర్థులకు పోటీగా ఎయిర్‌టెల్‌ పలు రీఛార్జ్‌ ప్లాన్లను ప్రవేశపెడుతూ వచ్చింది. కంపెనీ ఇటీవలే రూ.499 పోస్టుపెయిడ్‌ ప్లాన్‌ను లాంచ్‌ చేసింది. ఈ ప్లాన్‌ కింద అపరిమిత కాల్స్‌, 40జీబీ డేటా, 30రోజుల బిల్లింగ్‌ సైకిల్‌ ద్వారా ఏడాది అమెజాన్‌ ప్రైమ్‌ సబ్‌స్క్రిప్షన్‌ ఆఫర్‌ చేస్తోంది. 

సాక్షి, ముంబై: దేశీయ టెలికాం ఆపరేటర్‌ వోడాఫోన్‌ కొత్త రీఛార్జ్‌ ప్యాక్‌ను ప్రకటించింది.  ముఖ్యంగా జియో ప్యాక్‌కు దీటుగా తన ప్రీపెయిడ్ కస్టమర్లకు ఓ  సరికొత్త ప్లాన్‌నులాంచ్‌ చేసింది.   24 గంటల వాలిడిటితో  రూ.21లకు గంటకు  అన్‌లిమిటెడ్‌ 3జీ/4జీ డేటాను అందిస్తుంది. దీంతోపాటు వోడాఫోన్ ఒక "సూపర్ అవర్" రీఛార్జ్ ప్లాన్‌ను కూడా ప్రారంభించింది. ఇందులో  కస్టమర్ కేవలం  16 రూపాయలు  రీఛార్జ్‌పై అపరిమిత డేటాను పొందవచ్చు. కాగా రిలయన్స్‌ జియో 19 రూపాయలకే ఒక రోజు వ్యాలిడిటీతో 150 ఎంజీ 4జీ హైస్పీడ్ డేటా వాడుకోవచ్చు .అంతేకాదు 20 లోకల్ ఎస్ఎంఎస్‌లు ఉచితంగా వినియోగించుకోవచ్చు.

సాక్షి, న్యూఢిల్లీ: టెలికాం ఆపరేటర్ వొడాఫోన్  ఇండియా ఆకర్షణీయమైన  ఆఫర్‌ ప్రకటించింది. ట్రాన్స్‌మిషన్ టెక్నాలజీకి చెందిన 4జీ స్మార్ట్‌ఫోన్ కొనుగోలుదారులకు 2,200 రూపాయల వరకు  క్యాష్‌బ్యాక్‌  ఆఫర్ చేస్తోంది. ఈ మేరకు తమ మధ్య ఒక అంగీకారం కుదిరిందని ఇరు సంస్థలు మంగళవారం  ఒక  ఉమ్మడి ప్రకటన విడుదల చేశాయి. రూ. 6,990 - రూ.14,990 మధ్య టెక్నో ఐ సిరీస్‌  మొబైల్స్‌ను కొనుగోలు చేసిన వినియోగదారులకు  ఈ ఆఫర్‌ అందుబాటులో ఉంటుంది.  ఈ ఆఫర్ పొందేందుకు కస్టమర్లు  మార్చి 14వ తేదీనుంచి జూన్ 30, 2018 వరకు ఈ స్మార్ట్‌ఫోన్లను కొనుగోలు చేయాలి. అయితే పాత, కొత్త  ప్రీపెయిడ్‌ కస్టమర్లు ఈ ఆఫర్‌ను పొందాలంటే  నెలకు రూ.150 చొప్పున 18నెలలపాటు రీచార్జ్‌ చేసుకోవాలి. పిదప మొదటి విడతగా రూ.900, మరో 18నెలలపాటు రూ.150 రీచార్జ్‌పై  మిగిలిన రూ.1300 క్యాష్‌ బ్యాక్‌ను అందిస్తుంది.  ఈ మొత్తం నగదును  వోడాపోన్‌ ఎం-పైసా వాలెట్‌లో  జమ చేస్తుంది. దీంతోపాటు  వోడాఫోన్ ప్లే 3నెలల సభ్యత్వం  ఉచితం.  తద్వారా టెక్నో కస్టమర్లు అన్‌ లెమిటెడ్‌ ప్రీమియం వీడియో కంటెంట్‌ను పొందవచ్చు.

న్యూఢిల్లీ: స్పెక్ట్రమ్‌ చెల్లింపుల విషయంలో ప్రభుత్వం ఇచ్చిన వెసులుబాటు వల్ల అన్నింటికంటే ఐడియా– వొడాఫోన్‌ విలీన కంపెనీకే అధిక ప్రయోజనం అందిస్తుందని డాయిష్‌ బ్యాంక్‌ తాజా నివేదిక వెల్లడించింది. వేలంలో స్పెక్ట్రమ్‌ను పొందిన టెలికం కంపెనీలు చెల్లింపులకు మరింత గడువునివ్వడం, స్పెక్ట్రమ్‌ పరిమితులను సడలించడం, తదితర అనుకూల నిర్ణయాలతో కూడిన రిలీఫ్‌ ప్యాకేజీకి కేంద్ర కేబినెట్‌ బుధవారం ఆమోదం తెలపిన విషయం తెలిసిందే. స్పెక్ట్రమ్‌ చెల్లింపుల కాలాన్ని ప్రస్తుతమున్న పదేళ్ల కాలం నుంచి పదహారేళ్లకు పొడిగించడం వల్ల వొడాఫోన్‌–ఐడియా విలీన కంపెనీకి బాగా ప్రయోజనం కలుగుతుందని డాయిష్‌ బ్యాంక్‌ పేర్కొంది. ఈ విలీన కంపెనీకి స్పెక్ట్రమ్‌ వార్షిక ఇన్‌స్టాల్‌మెంట్‌ 30 శాతం మేర తగ్గుతుందని తెలిపింది. అంతేకాకుండా స్పెక్ట్రమ్‌ పరిమితులను పెంచడం కూడా ఈ విలీన కంపెనీకి ప్రయోజనకరమని పేర్కొంది. మరోవైపు స్పెక్ట్రమ్‌ చెల్లింపులకు మరింత గడువునివ్వడం వల్ల టెలికం కంపెనీల ఫ్రీ క్యాష్‌ ఫ్లోస్‌కు ఒకింత ఊరటనిస్తుందని మోర్గాన్‌ స్టాన్లీ పేర్కొంది. స్పెక్ట్రమ్‌ పరిమితిని పెంచడంవల్ల విలీనాలకు ఊతం లభిస్తుందని గోల్డ్‌మన్‌ శాక్స్‌ వివరించింది.   

బెర్లిన్‌: జియో వచ్చిన తర్వాత ఇప్పడంతా 4జీ సేవలను వినియోగిస్తున్నారు. ఇప్పుడు మారుమూల గ్రామాలకు కూడా 4జీ నెట్‌వర్క్‌ విస్తరించింది. అయితే ఈ 4జీ నెట్‌వర్క్‌ను ఏకంగా చంద్రమండలానికే విస్తరించే ప్రయత్నాలు జరుగుతున్నాయి. జాబిలిపై కూడా 4జీ నెట్‌వర్క్‌ను సిద్ధం చేయడానికి ఏర్పాట్లు జరుగుతున్నాయి. నాసాకు చెందిన వ్యోమగాములు చంద్రుని ఉపరితలంపై నడిచి.. దాదాపు 50ఏళ్ల పూర్తవుతున్న నేపథ్యంలో.. వచ్చే ఏడాది చంద్రునిపై 4జీ కవరేజ్‌ను అందుబాటులోకి తీసుకొచ్చేందుకు జర్మనీకి చెందిన దిగ్గజ టెలికాం సంస్థ వొడాఫోన్‌ సన్నాహాలు చేస్తోంది. టెక్నాలజీ పార్ట్‌నర్‌గా నోకియాతో ఒప్పందాన్ని కూడా కుదుర్చుకుంది. ప్రైవేట్‌ రంగంలో బెర్లిన్‌కు చెందిన పీటీ  స్పేస్‌ కంపెనీ సైంటిస్టుల సహకారంతో వొడాఫోన్, నోకియా ప్రైవేట్‌ భాగస్వామ్యంతో తొలిసారి చందమామపై ఈ సేవలు అందుబాటులోకి రానున్నాయి. మిషన్‌ మూన్‌లో భాగంగా 2019లో కేప్‌ కెనవరాల్‌ నుంచి స్పేస్‌ఎక్స్‌ ఫాల్కన్‌ 9 రాకెట్‌ ద్వారా ప్రయో గం చేపట్టనున్నారు. ప్రపంచవ్యాప్తంగా ఉన్న ప్రేక్షకు ల కోసం తొలిసారి లైవ్‌–స్ట్రీమింగ్‌ ద్వారా హెచ్‌డీ వీడియోను ప్రసారం చేసి, ప్రత్యేక అనుభూతి కల్పిస్తామని కూడా వొడాఫోన్‌ చెబుతోంది.

దేశంలో రెండో అతిపెద్ద టెలికాం ప్రొవైడర్‌ వొడాఫోన్‌, రిలయన్స్‌ జియోకి గట్టి పోటీ ఆఫర్‌ని ప్రకటించింది. 799 రూపాయలతో సరికొత్త ప్యాక్‌ను మార్కెట్‌లోకి తీసుకొచ్చింది. ఈ ప్యాక్‌ డైరెక్ట్‌ జియో రూ.799 ప్లాన్‌కు పోటీగా ఉంది.  జియో తన రూ.799 ప్లాన్‌ కింద రోజుకు 5జీబీ డేటా ఆఫర్‌ చేస్తుండగా... దీని కంటే 0.5 జీబీ తక్కువగా రోజుకు 4.5జీబీ డేటాను ఆఫర్‌ చేయనున్నట్టు వొడాఫోన్‌ తెలిపింది. ఈ ప్యాక్‌ వాలిడిటీ 28 రోజులు. దీంతో మొత్తంగా 28 రోజుల పాటు 126 జీబీ డేటా యూజర్లకు లభించనుంది. అదనంగా అపరిమిత లోకల్‌, ఎస్టీడీ కాల్స్‌, రోమింగ్స్‌ కాల్స్‌, రోజుకు 100 ఎస్‌ఎంఎస్‌లు ఉచితంగా లభించనున్నాయి.  రూ.549తో కూడా వొడాఫోన్‌ మరో ప్లాన్‌ను ఆవిష్కరించింది. ఈ ప్లాన్‌ కింద రోజుకు 3.5జీబీ డేటాను వొడాఫోన్‌ ఆఫర్‌ చేయనుంది. దీనిపై కూడా ఇతర ప్రయోజనాలు అపరిమిత లోకల్‌, ఎస్టీడీ, రోమింగ్‌ వాయిస్‌ కాల్స్‌ ఉచితం. రోజుకు 100 ఎస్‌ఎంఎస్‌లు కూడా యూజర్లు పొందనున్నారు. మొత్తంగా యూజర్లకు 28 రోజులకు 98జీబీ డేటా అందుబాటులోకి రానుంది.   వొడాఫోన్‌ ఇటీవలే రూ.158 ప్లాన్‌ను పునరుద్ధరించింది. ఈ ప్లాన్‌ కింద కూడా 28 రోజులకు అపరిమిత వాయిస్‌ కాల్స్‌, 1జీబీ 3జీ లేదా 4జీ డేటాను వొడాఫోన్‌ ఆఫర్‌ చేస్తోంది. అయితే ఈ ప్లాన్‌పై రోజుకు 250 నిమిషాలు, వారానికి 1000 నిమిషాలు మాట్లాడుకునే అవకాశం మాత్రమే ఉంటుంది. ఈ ప్లాన్‌ కూడా డైరెక్ట్‌ జియో రూ.149 ప్లాన్‌కు గట్టి పోటీగా ఉంది. ప్రీపెయిడ్‌ యూజర్ల కోసం ప్రత్యేకంగా రూ.151 సూపర్‌ప్లాన్‌ను కూడా వొడాఫోన్‌ ఆఫర్‌ చేస్తున్న సంగతి తెలిసిందే. అయితే ఈ రెండు ప్లాన్స్‌ కూడా కేవలం కేరళ సర్కిల్‌లో మాత్రమే అందుబాటులో ఉన్నాయి.   

సాక్షి, అమరావతి : కొడుకు కోసం ఆతల్లి పేగు తపించిపోతోంది. ఉద్యోగం కోసం పక్క రాష్ట్రం వెళ్లి కనిపించకుండా పోయిన కుమారుడి కోసం ఆ తండ్రి ఎదురుచూడని రోజు లేదు. తన బిడ్డ ఆచూకీ కోసం  తొక్కని గుడిలేదు, కలవని ప్రభుత్వ అధికారి, రాజకీయ నాయకుడు లేడు. చివరకు మీరే దిక్కంటూ ఉపరాష్ట్రపతి వెంకయ్యనాయుడుని ఆశ్రయించారు. వివరాల్లోకి విజయవాడ, నున్న గ్రామానికి చెందిన గుదిబండి లక్ష్మారెడ్డి, పార్వతి భవానీ దంపతుల కుమారుడు శ్రీహర్షారెడ్డి(28) ఉద్యోగం కోసం 2016లో పూణె వెళ్లాడు. అప్పటి నుంచి ఫోన్‌లో తల్లిదండ్రులతో మాట్లాడేవాడు. అయితే గత ఏడాది ఆగస్టు 6నుంచి ఫోన్‌ చేయడం లేదు. అనుమానం వచ్చిన పూణెకు వెళ్లి విచారించగా అదృశ్యం అయినట్లు గుర్తించారు. అప్పటి నుంచి తల్లిదండ్రులు హర్ష కోసం గాలింపు చేపట్టారు. మహారాష్ట్ర గవర్నర్‌ విద్యాసాగర్‌ రావును సైతం కలిసి తమ బిడ్డ ఆచూకీ కోసం సాయం చేయమంటూ అర్థించారు. అయినా ఫలితం లేకపోయింది. తాజాగా శ్రీహర్ష తల్లిదండ్రులు ఉపరాష్ట్రపతి వెంకయ్యనాయుడును అత్కూరు స్వర్ణభారత్‌ ట్రస్ట్‌లో కలిశారు. తమ బిడ్డ చూసి 18 నెలలైందంటూ విలపించారు.   శ్రీహర్షారెడ్డి ఆచూకీ కోసం సాయం చేయాలని ఉపరాష్ట్రపతి వెంకయ్యనాయుడుకు వినతిపత్రం ఇచ్చారు. వారి ఆవేదనను విన్న ఆయన సానుకూలంగా స్పందించారు. మహారాష్ట్ర సీఎం తో మాట్లాడతానని హామీ ఇచ్చారు.

టెలికాం కంపెనీ వొడాఫోన్ ఇండియా‌, దేశీయ ఈ-కామర్స్‌ దిగ్గజం ఫ్లిప్‌కార్ట్‌తో భాగస్వామ్యం కుదుర్చుకుంది. ఈ భాగస్వామ్యంలో ఎంట్రీ-లెవల్‌ స్మార్ట్‌ఫోన్లను అత్యంత తక్కువగా 999 రూపాయలకే ఆఫర్‌ చేయనున్నట్టు ఇరు కంపెనీలు పేర్కొన్నాయి. ఈ స్కీమ్‌ కొత్త, పాత వొడాఫోన్‌ ప్రీపెయిడ్‌ కస్టమర్లకేనని తెలిపాయి. 2018 మార్చి 31 వరకు ఈ ఆఫర్‌ వాలిడ్‌లో ఉండనుంది. ఈ స్పెషల్‌ ధరను అందిపుచ్చుకోవడానికి కస్టమర్లు ప్రతి నెలా కనీసం 150 రూపాయల రీఛార్జ్‌ను 36 నెలల పాటు చేయించుకోవాలి. ఏ డినామినేషన్‌లో రీఛార్జ్‌ చేయించుకున్నా.. నెల ఆఖరిని కనీసం 150 రూపాయలు రీఛార్జ్‌ అయి ఉండాలి. దీంతో 18 నెలల అనంతరం కస్టమర్లకు 900 రూపాయల క్యాష్‌బ్యాక్‌ లభించనుంది. మరో 18 నెలల అనంతరం 1,100 రూపాయల క్యాష్‌బ్యాక్‌ను కస్టమర్లు పొందనున్నారు. మొత్తంగా 2వేల రూపాయల మేర క్యాష్‌బ్యాక్‌ లభించనుంది.  ఈ క్యాష్‌బ్యాక్‌ కస్టమర్ల వొడాఫోన్‌ ఎం-పైసా వాలెట్లలో క్రెడిట్‌ అవుతాయి. మైక్రోమ్యాక్స్‌, ఐవోమి, యు మొబైల్స్‌, ఇంటెక్స్‌, స్వైప్‌, ఆల్కాటెల్‌ వంటి పలు బ్రాండుల స్మార్ట్‌ఫోన్లకు వొడాఫోన్‌ క్యాష్‌బ్యాక్‌ను ఈ-కామర్స్‌ ప్లాట్‌ఫామ్‌ అందిస్తోంది. రిలయన్స్‌ జియోను ఎదుర్కోవడానికి వొడాఫోన్‌ వేసిన ఎత్తుగడలో ఇదీ ఒకటి. కేవలం వొడాఫోన్‌ మాత్రమే కాక, ఇతర ఇంక్యుబెంట్‌ ఆపరేటర్లు కూడా స్మార్ట్‌ఫోన్లను ఎక్కువమందికి అందించడానికి హ్యాండ్‌సెట్‌ తయారీదారులతో భాగస్వామ్యం ఏర్పరుచుకుంటున్నాయి. టెలికాం దిగ్గజం భారతీ ఎయిర్‌టెల్‌ కూడా స్మార్ట్‌ఫోన్‌ తయారీదారుల భాగస్వామ్యంలో ఇదే రకమైన డీల్స్‌ను ఆఫర్‌ చేస్తోంది. ప్రస్తుతం ఎయిర్‌టెల్‌ డీల్స్‌, ఈ-కామర్స్‌ ప్లాట్‌ఫామ్స్‌లో అందుబాటులో లేవు.   

సాక్షి, న్యూఢిల్లీ:  టెలికాం రంగంలో వొడాఫోన్ -ఐడియా మెగా  విలీనానికి మరో కీలక ముందడుగు పడింది.  తాజాగా నేషనల్ కంపెనీ లా ట్రిబ్యునల్ (ఎన్‌సీఎల్‌టీ) ఆమోదం తెలిపిందని ఐడియా సెల్యులార్ శుక్రవారం తెలిపింది. ఇక ఫైనల్‌గా  రెండు కంపెనీలకు టెలికామ్ విభాగం నుంచి తుది ఆమోదం  రావాల్సి ఉంది.  దీంతో  ఈ డీల్‌ అమల్లోకి వస్తుంది. టెలికాం రంగలోకి దూసుకొచ్చిన రిలయన్స్‌జియో పోటీని తట్టుకునే వ్యూహంలో భాగంగా ఈ మెగాడీల్‌కు పునాది పడింది. గత ఏడాది మార్చిలో బ్రిటన్ టెలికం దిగ్గజం వొడాఫోన్ గ్రూపునకు చెందిన భారతీయ విభాగం..ఆదిత్య బిర్లా గ్రూపునకు చెందిన ఐడియా సెల్యులార్‌తో విలీనం కాబోతున్నట్టు వెల్లడించాయి. 23 బిలియన్ డాలర్ల విలువైన, 35 శాతం మార్కెట్ వాటాతో ఈ అతిపెద్ద   విలీనానికి   ఇరు సంస్థలు అంగీకరించాయి.  అటు అక్టోబర్‌లో ఐడియా వాటాదారులు  వొడాఫోన్‌తో  విలీనానికి ఆమోదం తెలిపారు.  ఇప్పటికే  మార్కెట్‌ రెగ్యులేటరీ  సెబీ,  కాంపిటీషన్‌ కమిషన్‌ ఆఫ్‌ ఇండియా (సీసీఐ) ఆమోదం లభించిన సంగతి తెలిసిందే.  డిపార్ట్‌మెంట్‌ ఆఫ్‌ టెలి కమ్యూనికేషన్స్‌ (డాట్‌)  ఇచ్చే తుది ఆమెదంతో ఏడాది జూన్‌ నాటికి ఈ పక్రియ పూర్తి చేయాలని రెండు కంపెనీలు యోచిస్తున్నాయి. ఈ ఉమ్మడి సంస్థలో బ్రిటిష్ కంపెనీ 45.1 శాతం వాటా,  ఐడియా పేరెంట్‌  సం‍స్థ ఆదిత్య బిర్లా గ్రూపు 26 శాతం వాటా కలిగి ఉంటుంది. మిగిలిన 28.9 శాతం ఇతర వాటాదారుల సొంతం. ప్రస్తుతం భారతదేశంలో నంబర్ 2 , 3 స్థానాల్లో కొనసాగుతున్న వొడాఫోన్ ఇండియా, ఐడియాల జాయింట్‌ వెంచర్‌ సంస్థ ఆవిష్కారంతో  ప్రపంచ రెండవ అతిపెద్ద టెలికాం భారతి ఎయిర్‌టెల్‌కు గట్టిపోటీగా నిలుస్తుందని అంచనా.  

న్యూఢిల్లీ : టెలికాం రెగ్యులేటరీ ట్రాయ్‌ అనుకున్నంత పని చేసేసింది. టెల్కోలకు షాకిస్తూ ఇంటర్నేషనల్‌ టర్మినేషనల్‌ రేటును సగం తగ్గించేసింది. కాల్స్‌ స్వీకరించేందుకు గాను, లోకల్‌ నెట్‌వర్క్‌లకు ఇంటర్నేషనల్‌ ఆపరేటర్‌ చెల్లించే టర్మినేషన్‌ రేటును నిమిషానికి 30 పైసలకు తగ్గిస్తున్నట్టు ట్రాయ్‌ పేర్కొంది. ఇప్పటి వరకు ఈ రేటు 53 పైసలుగా ఉండేది. ఇంటర్నేషనల్‌ టర్మినేషనల్‌ రేటును తగ్గిస్తున్నట్టు రెగ్యులేటరీ నేడు ఓ ప్రకటన విడుదల చేసింది. దేశంలోని టాప్‌ టెలికాం కంపెనీలు భారతీ ఎయిర్‌టెల్‌, వొడాఫోన్‌ ఇండియా, ఐడియా సెల్యులార్‌లకు భారీగా ఇంటర్నేషనల్‌ కాల్స్‌ వస్తూ ఉంటాయి. వీటిపై విధించే ఛార్జీలతో కంపెనీలు బాగానే రెవెన్యూలను పొందుతున్నాయి. ప్రస్తుతమున్న ఛార్జీలే చాలా తక్కువగా ఉన్నాయని.. ఈ ఛార్జీలను ఒక్క రూపాయికి, అనంతరం రూ.3.50 కు పెంచాలని ఈ కంపెనీలు అంతకముందు కోరాయి. కానీ వీటికి షాకిస్తూ ఈ ఛార్జీలను సగం తగ్గించేసింది. ట్రాయ్‌ ఈ నిర్ణయంతో కంపెనీలు భారీగా తమ రెవెన్యూలను కోల్పోయే అవకాశముంది.  ఇప్పటికే దేశీయంగా మొబైల్‌ టర్మినేషన్‌ రేటును తగ్గించడంతో, టెల్కోల ఆదాయానికి భారీగా గండికొడుతోంది. టర్మినేషనల్‌ ఛార్జీలను తగ్గించడంతో, దేశీయంగా కాల్‌ టారిఫ్‌లలో మధ్యవర్తిత్వాన్ని తగ్గించవచ్చని ట్రాయ్‌ చెబుతోంది. దీంతో అక్రమ వీఓఐపీ(వాయిస్‌ ఓవర్‌ ఇంటర్నెట్‌ ప్రొటోకాల్‌) గేట్‌వే బిజినెస్‌లకు చెక్‌ పెట్టొచ్చని పేర్కొంటోంది. ఇలా ఇంటర్నేషనల్‌ ఇన్‌కమింగ్‌ ట్రాఫిక్‌లో గ్రే మార్కెట్‌ను నిర్మూలించవచ్చని తెలిపింది. గ్రే మార్కెట్‌ ద్వారా దేశ భద్రతకు భారీగా ముప్పు వాటిల్లే ప్రమాదం ఉందని, అంతేకాక రెవెన్యూలు లీకవుతాయని ట్రాయ్‌ చెప్పింది.  ఈ నేపథ్యంలో ఇంటర్నేషనల్‌ ఇన్‌కమింగ్‌కాల్‌ టర్మినేషనల్‌ ఛార్జీలను నిమిషానికి 0.53 పైసల నుంచి 0.30 పైసలకు తగ్గిస్తున్నట్టు పేర్కొంది. కానీ ఈ ఛార్జీల తగ్గింపుతో టెలికాం కంపెనీలు తమ రెవెన్యూల నుంచి 5వేల కోట్ల రూపాయల వరకు కోల్పోయే అవకాశముందని తెలిసింది.  

ఎయిర్‌టెల్‌, వొడాఫోన్‌లకు షాకిస్తూ.. రిలయన్స్‌ జియో తన ప్లాన్లను అప్‌గ్రేడ్‌ చేసింది. రూ.509, రూ.799 ప్రీపెయిడ్‌ ప్లాన్లను సమీక్షిస్తున్నట్టు కంపెనీ పేర్కొంది. ఎయిర్‌టెల్‌, వొడాఫోన్‌ తమ ఎంపిక చేసిన ప్లాన్లను అప్‌గ్రేడ్‌ చేసిన తర్వాత జియో కూడా తన ప్లాన్లను సమీక్షించింది. సమీక్షించిన ఈ ప్లాన్లను జియో ఎక్కువ డేటాను ఆఫర్‌ చేయనున్నట్టు ప్రకటించింది. కొత్త రూ.509 ప్లాన్‌పై రోజుకు 3జీబీ డేటాను 28 రోజుల పాటు అందించనున్నట్టు పేర్కొంది. అంటే మొత్తంగా 84జీబీ డేటాను ఆఫర్‌ చేయబోతుంది. అంతకముందు ఈ ప్యాక్‌పై రోజుకు 2జీబీ డేటాను, 49 రోజుల పాటు అందించింది. అదేవిధంగా రూ.799 ప్లాన్‌పై రోజుకు 5జీబీ 4జీ డేటాను 28 రోజుల పాటు ఆఫర్‌ చేయనున్నట్టు పేర్కొంది. దీంతో మొత్తంగా యూజర్లకు 140జీబీ లభ్యం కానుంది. అంతకముందు ఈ ప్యాక్‌పై రోజుకు 3జీబీ డేటాను జియో ఆఫర్‌ చేసింది. గురువారం జియో తన ప్రీపెయిడ్‌ ప్యాక్‌లపై ధరలు తగ్గిస్తున్నట్టు ప్రకటించిన అనంతరం, ఎయిర్‌టెల్‌ తన ప్లాన్లను సమీక్షించింది. వొడాఫోన్‌ కూడా రూ.456 ప్రీపెయిడ్‌ ప్లాన్‌ను అప్‌గ్రేడ్‌ చేసింది. ఇవి ప్లాన్లను అప్‌గ్రేడ్‌ చేయడంతో, జియో కూడా మరోసారి తన ప్లాన్లను సమీక్షించింది.  

న్యూఢిల్లీ : స్మార్ట్‌ఫోన్ల దిగ్గజం శాంసంగ్‌తో టెలికాం దిగ్గజాలు ఎయిర్‌టెల్‌, వొడాఫోన్‌లు చేతులు కలిపాయి. శాంసంగ్‌తో జతకట్టి, ఎంపకిచేసిన గెలాక్సీ జే-సిరీస్ డివైజ్‌లపై రెండేళ్ల కాలంలో రూ.1500 విలువైన క్యాష్‌బ్యాక్‌ ఆఫర్లను ప్రకటించాయి. రూ.6,990 మధ్య నుంచి రూ19,900 ధరల శ్రేణిలో ఉన్న గెలాక్సీ జే2 (2017), గెలాక్సీ జే5 ప్రైమ్‌, గెలాక్సీ జే7 ప్రైమ్‌, గెలాక్సీ జే7 ప్రో మోడళ్లపై ఎయిర్‌టెల్‌ ఆఫర్లు ప్రకటించగా... రూ.8,490 నుంచి రూ.16,900 మధ్యలో ధర కల్గిన గెలాక్సీ జే2 ప్రో, గెలాక్సీ జే7 నెక్స్ట్‌, గెలాక్సీ జే7 మోడళ్లపై క్యాష్‌బ్యాక్‌ ఇవ్వనున్నట్లు వొడాఫోన్‌ తెలిపింది.  శామ్‌సంగ్‌ స్మార్ట్‌ఫోన్లు కొనుగోలు చేసిన ఎయిర్‌టెల్‌ వినియోగదారులు.. రూ.199తో ప్రత్యేక రీఛార్జి చేసుకుంటే.. దేశవ్యాప్తంగా అపరిమిత కాల్స్‌, రోజుకు 1 జీబీ డేటా పొందుతారు. మొత్తంగా రెండేళ్లలో ఎయిర్‌టెల్‌ ఖాతాదారులు రూ.5,000తో రీఛార్జి చేసుకోవాల్సి ఉంటుంది. ఇక వొడాఫోన్‌ ఖాతాదారులు ప్రతినెలా రూ.198తో (రెండేళ్లలో మొత్తంగా రూ.4,752) రీఛార్జి చేసుకుంటే పూర్తి క్యాష్ బ్యాక్‌ ఆఫర్‌ను పొందుతారు.  ''24 నెలల్లో రెండేళ్ల కాలవ్యవధిలో రూ.1,500 క్యాష్‌బ్యాక్‌ను కస్టమర్లు పొందుతారు. ఏడాది ముగిసేసరికి.. వినియోగదారులు ఏ రీఛార్జి చేసుకున్నా మొత్తం విలువ రూ.2,500కు సమానం కావాలి.  దీంతో రూ.300 క్యాష్‌బ్యాంక్‌కు అర్హత సాధిస్తారు. ఇక రెండో ఏడాదీ మరో రూ.2,500 సమానమైన రీఛార్జి చేసుకుంటే రెండో విడతగా రూ.1200 క్యాష్‌బ్యాక్‌ను పొందగలరు'' అని ఎయిర్‌టెల్‌ వివరించింది. అర్హులైన ఖాతాదారుకు చెందిన ఎయిర్‌టెల్‌ పేమెంట్స్‌ బ్యాంక్‌ ఖాతాలో ఈ నగదును జమ చేస్తుందని, పోస్ట్‌పెయిడ్‌ ఖాతాదారులకు సైతం వొడాఫోన్‌ ఈ సదుపాయాన్ని అందిస్తోందని  తెలిసింది. వొడాఫోన్‌ కూడా ఏడాది తర్వాత రూ.600, రెండో ఏడాది తర్వాత రూ.900 క్యాష్‌బ్యాక్‌ను కస్టమర్ల ఎం-పెసా వాలెట్లలో జమచేయనుంది.

సాక్షి,ముంబై: భారత్‌లో మూడవ అతిపెద్ద మొబైల్ సేవల ఆపరేటర్  ఐడియా సెల్యులర్ లిమిటెడ్ గురువారం   భారీ నిధుల సేకరణ ప్రణాళను విడుదల చేసింది. వొడాఫోన్ విలీనానికి ముందు  ఈ ఫండ్‌ రైజింగ్‌ ప్లాన్‌ను రివీల్‌ చేసింది.  రూ.6750 కోట్ల నిధుల సేకరణ ప్రణాళికను  గురువాం వెల్లడించింది.  ముఖ్యంగా  షేర్ల విక్రయం  ద్వారా 35 బిలియన్ రూపాయలు సేకరించాలని కంపెనీ భావిస్తున్నట్లు కంపెనీ ఒక ప్రకటనలో తెలిపింది. ఈ ప్రణాళికలో భాగంగా  ఐడియా 326.6 మిలియన్ల షేర్ల అమ్మకం ద్వారా 32.5 బిలియన్ల  రూపాయలను సమకూర్చుకోనుంది.  ప్రిఫరెన్షియల్‌ బేసిస్‌ కింద షేరుకు రూ.99.5చొప్పున మాతృ సంస్థ ఆదిత్య బిర్లా గ్రూప్ కు విక్రయించనుంది. దీంతో ఆదిత్యా బిర్లా వాటా 42.4 శాతంనుంచి 47.2 శాతానికి పెరగనుంది. గత ఏడాది మార్చిలో వోడాఫోన్‌ తో ఈ విలీనాన్ని ప్రకటించింది.  అతిపెద్ద భారత ఫోన్ క్యారియర్‌ సృష్టించేందుకు  చేసుకున్న ఈ  ఒప్పందం ఈ ఏడాది చివరకు ముగియనుంది. ఈ వార్తలతో ఇవాల్టి ట్రేడింగ్‌లో ఐడియా షేరు 3శాతం లాభపడింది. 

న్యూఢిల్లీ: ప్రముఖ టెలికం కంపెనీ ‘వొడాఫోన్‌ ఇండియా’ జనవరిలో వీవోఎల్‌టీఈ 4జీ సర్వీసులను ప్రారంభించడానికి రెడీ అవుతోంది. ‘వాయిస్‌ ఓవర్‌ ఎల్‌టీఈ (వీవోఎల్‌టీఈ) సేవల ప్రారంభమనేది కీలకమైన చర్య. దీని ద్వారా డేటా నెట్‌వర్క్‌ బలోపేతమౌతుంది. కస్టమర్లు మెరుగైన సర్వీసులు పొందొచ్చు. హెచ్‌డీ క్వాలిటీ కాలింగ్‌ సదుపాయం అందుబాటులోకి వస్తుంది’ అని వొడాఫోన్‌ ఇండియా సీఈవో, మేనేజింగ్‌ డైరెక్టర్‌ సునీల్‌ సూద్‌ తెలిపారు. వీవోఎల్‌టీఈ సర్వీసులను తొలిసారిగా ముంబై, గుజరాత్, ఢిల్లీ, కర్ణాటక, కోల్‌కతా ప్రాంతాల్లో అందుబాటులోకి తెస్తామని చెప్పారాయన. తర్వాత ఇతర ప్రాంతాలకు విస్తరిస్తామని తెలియజేశారు. 

కొత్త ఏడాది వస్తుందంటే... రిలయన్స్‌ జియో న్యూఇయర్‌ ఆఫర్లతో టెల్కోలకు షాకిస్తోంది. ఇప్పటికే న్యూఇయర్‌ 2018 సందర్భంగా మరో రెండు కొత్త ప్లాన్లతో రిలయన్స్‌ జియో తన కస్టమర్ల ముందుకు వచ్చేసింది. జియో న్యూఇయర్‌ ప్లాన్ల ఎఫెక్ట్‌తో దిగ్గజ టెల్కోలు కూడా కొత్త కొత్త ప్లాన్లతో వినియోగదారులను మురిపించబోతున్నాయి. దిగ్గజ కంపెనీల్లో ఒకటైన వొడాఫోన్‌, జియో న్యూఇయర్‌ ప్లాన్లకు ఫస్ట్‌ సవాల్‌గా రెండు సరికొత్త ప్లాన్లను మార్కెట్‌లోకి ప్రవేశపెట్టింది. దానిలో ఒకటి రూ.198 ఆఫర్‌. మరొకటి రూ.229 ఆఫర్‌. రూ.199 ఆఫర్‌ కింద వొడాఫోన్‌ తన కస్టమర్లకు రోమింగ్‌తో పాటు అపరిమిత వాయిస్‌ కాల్స్‌, రోజూ 100 ఎస్‌ఎంఎస్‌లు, రోజూ 1జీబీ 3జీ/4జీ డేటాను అందిస్తుంది. ఈ ప్లాన్‌ కేవలం వొడాఫోన్‌ ప్రీపెయిడ్‌ కస్టమర్లకేనని, 28 రోజుల పాటు వాలిడిటీలో ఉంటుందని కంపెనీ ఓ ప్రకటనలో తెలిపింది. రెండో వొడాఫోన్‌ ప్లాన్‌ రూ.229పై కూడా రోజుకు 1జీబీ డేటా, అపరమిత కాల్స్‌, ఉచిత రోమింగ్‌, రోజుకు 100 ఎస్‌ఎంఎస్‌లను 28 రోజుల పాటు ఆఫర్‌ చేస్తుంది. అయితే ఈ ప్లాన్‌ కేవలం వొడాఫోన్‌ కొత్త యూజర్లకు మాత్రమేనని తెలిసింది. ఈ రెండు ప్లాన్లు వొడాఫోన్‌ 4జీ సర్కిల్స్‌కు మాత్రమే అందుబాటులో ఉంటాయి. జియో హ్యాపీ న్యూఇయర్‌ ఆఫర్‌ను టార్గెట్‌ చేసి ఈ రెండు ప్లాన్లను వొడాఫోన్‌ ప్రవేశపెట్టింది. న్యూఇయర్‌ సందర్భంగా జియో రూ.199, రూ.299తో కొత్త ప్లాన్లను వినియోగదారుల ముందుకు తీసుకొచ్చింది. రిలయన్స్‌ జియోకు టెలికాం దిగ్గజం ఎయిర్‌టెల్‌ నుంచి కూడా గట్టి పోటీ ఎదురవుతోంది. రూ.198తో 28 రోజుల వాలిడిటీలో ఎయిర్‌టెల్‌ గత నెలలోనే సరికొత్త ఆఫర్‌ను ప్రవేశపెట్టింది.  రూ.199 ప్లాన్‌ను కూడా ఎయిర్‌టెల్‌ లాంచ్‌ చేసింది.  

జియో ఫోన్‌కు పోటీగా వొడాఫోన్‌, ఐటెల్‌ భాగస్వామ్యంలో కొత్తగా ఓ 4జీ స్మార్ట్‌ఫోన్‌ను లాంచ్‌ చేసింది. ఏ20 పేరుతో  ఎంట్రీ లెవల్‌ సెగ్మెంట్‌లో ఈ స్మార్ట్‌ఫోన్‌ను మార్కెట్‌లోకి తీసుకొచ్చింది. రూ.3,690 డౌన్‌పేమెంట్‌లో అందుబాటులో ఉండే ఈ స్మార్ట్‌ఫోన్‌పై రూ.2100 క్యాష్‌బ్యాక్‌ను వొడాఫోన్‌ ఆఫర్‌చేస్తోంది. అంటే కేవలం రూ.1,590కే ఈ స్మార్ట్‌ఫోన్‌ అందుబాటులో ఉంటుంది. ఈ ఆఫర్‌ కింద వినియోగదారులు 4జీ కనెక్టివిటీని కూడా పొందవచ్చు. అయితే క్యాష్‌బ్యాక్‌ను పొందడానికి ఏ20 స్మార్ట్‌ఫోన్‌ కొనుగోలుదారులు వరుసగా 18 నెలల పాటు రూ.150 లేదా ఆపై మొత్తాలతో రీఛార్జ్‌ చేయించుకోవాల్సి ఉంటుంది. ఇలా రీఛార్జ్‌లు చేయించుకుంటే, ఏడాదిన్నర తర్వాత రూ.900, ఆ తర్వాత ఏడాదిన్నరకు రూ.1200ను క్యాష్‌బ్యాక్‌గా అందిస్తుంది. యూజర్లు ఈ క్యాష్‌బ్యాక్‌ మొత్తాన్ని ఎం-పైసా వాలెట్లలో పొందుతారని వొడాఫోన్‌ పేర్కొంది.  వొడాఫోన్‌-ఇంటెల్‌ ఏ20 స్మార్ట్‌ఫోన్‌ ఫీచర్లు... 4జీ వాయిస్‌ఓవర్‌ ఎల్‌టీఈ ఆండ్రాయిడ్‌ 7.0 నోగట్‌ 1జీబీ ర్యామ్‌, 8జీబీ ఇంటర్నల్‌ మెమరీ 1.3గిగాహెడ్జ్‌ క్వాడ్‌-కోర్‌ ప్రాసెసర్‌ 1500 ఎంఏహెచ్‌ బ్యాటరీ

వొడాఫోన్‌ కొత్తగా తన ప్రీపెయిడ్‌ యూజర్లకు రెండు సూపర్‌ ప్లాన్లను లాంచ్‌ చేసింది. ఎంపిక చేసిన సర్కిళ్లు మధ్యప్రదేశ్‌,  చత్తీష్‌గఢ్‌‌, ఆంధ్రప్రదేశ్‌, తెలంగాణ, బిహార్‌ అండ్‌ జార్ఖాండ్‌, జమ్ము, కశ్మీర్‌, హిమాచల్‌ప్రదేశ్‌ యూజర్లకు కొత్తగా ఈ రూ.409, రూ.459 ప్లాన్లను తీసుకొచ్చింది. ఈ రీఛార్జ్‌ ప్యాక్స్‌ కింద అపరిమిత వాయిస్‌ కాల్స్‌, రోజుకు 100 ఎస్‌ఎంఎస్‌లు, అపరిమిత 2జీ డేటాను ఆఫర్‌ చేయనుంది. కొత్తగా తీసుకొచ్చిన ఈ రెండు ప్యాక్‌లకు మధ్య ఉన్న తేడా వాలిడిటీ మాత్రమే. రూ.409 ప్లాన్‌ను 70 రోజుల వ్యవధిలో అందిస్తుండగా.. రూ.459 ప్లాన్‌ను 84 రోజుల కాలానికి గాను అందిస్తోంది. ఆసక్తి గల వినియోగదారులు ఈ ప్యాక్‌లను మైవొడాఫోన్‌ యాప్‌, ఇతర ఆఫ్‌లైన్‌ వొడాఫోన్‌ స్టోర్‌ల ద్వారా కొనుగోలు చేయొచ్చని కంపెనీ తెలిపింది. ప్రస్తుతం ఈ ప్యాక్‌లు అందుబాటులో ఉన్న సర్కిల్స్‌లో వొడాఫోన్‌ 3జీ కవరేజ్‌ లేదు.  జమ్ము, కశ్మీర్‌ సర్కిల్‌లో ఈ రెండు ప్యాక్‌లు ఇంకా తక్కువ ధరలకే లభించనున్నాయి. రూ.409 ప్లాన్‌ రూ.359కు, రూ.459 ప్లాన్‌ కేవలం రూ.409కే అందుబాటులో ఉంది. వొడాఫోన్‌ ఇటీవలే మధ్య ప్రదేశ్‌, చత్తీష్‌గఢ్‌ సర్కిల్‌ వినియోగదారులకు రూ.176 ప్యాక్‌ను లాంచ్‌ చేసింది. ఈ ప్లాన్‌ కింద అపరమిత రోమింగ్‌ వాయిస్‌ కాల్స్‌ను అందిస్తోంది. అంతేకాక రోజుకు 1జీబీ డేటాను 28 రోజుల పాటు ఆపర్‌ చేస్తోంది. రూ.79 నుంచి రూ.509 మధ్యలో కూడా ఐదు సూపర్‌ ప్లాన్లను వొడాఫోన్‌ ఈ నెల మొదట్లో లాంచ్‌ చేసింది. 

న్యూఢిల్లీ: కేంద్రం జారీ చేసిన రూ.11,000 కోట్ల పన్ను డిమాండ్‌పై ఇండియాకు వ్యతిరేకంగా వొడాఫోన్‌ రెండోసారి ఆర్బిట్రేషన్‌ ప్రక్రియను ప్రారంభించనుంది. ఈ మేరకు గురువారం కంపెనీకి సుప్రీంకోర్టు అనుమతినిచ్చింది. దీంతో 2012 నాటి చట్టం ప్రకారం వొడాఫోన్‌ రూ.11,000కోట్లు పన్ను చెల్లించాలంటూ కేంద్రం ఇచ్చిన నోటీసుపై ఆర్బిట్రేటర్‌ లేదా కమిషన్‌ ఛైర్మన్‌ను నియమించే పక్రియ ఆరంభమవుతుంది. ఆర్బిట్రేషన్‌ ట్రైబ్యునల్‌ ఏర్పాటవుతుంది. అయితే జనవరి 10వ తేదీ నాటికి ఈ అంశంపై ఢిల్లీ హైకోర్టు తన ఉత్తర్వులు ఇవ్వనున్న నేపథ్యంలో– అప్పటి వరకూ వాదనలు మాత్రం కొత్త ట్రిబ్యునల్‌లో ప్రారంభం కారాదని సుప్రీంకోర్టు నిర్దేశించింది. నేపథ్యం ఇదీ: వొడాఫోన్‌ 11 బిలియన్‌ డాలర్లు వెచ్చించి హచిసన్‌ ఎస్సార్‌ను కొనుగోలు చేసింది. తద్వారా 2007లో భారత్‌లో కార్యకలాపాలు ప్రారంభించింది. అయితే ఈ వ్యవహారానికి సబంధించి గత లావాదేవీకూ వర్తించే విధంగా 2012లో తీసుకువచ్చిన రెట్రాస్పెక్టివ్‌ చట్టం ప్రకారం – కేంద్రం రూ.11,000 కోట్ల పన్ను చెల్లించాలంటూ నోటీసు జారీ చేసింది. అయితే ఈ అంశం బ్రిటన్‌తో పెట్టుబడుల ఒప్పందం కిందికి వస్తున్నందున ఇందులో భారత్‌ జోక్యం చేసుకునేందుకు ఎలాంటి న్యాయ పరిధీ లేదన్నది వొడాఫోన్‌ వాదన. ఈ అంశంపై ఇండియా–నెదర్లాండ్స్‌ ద్వైపాక్షిక పెట్టుబడుల రక్షణ ఒప్పందం (బీఐపీఏ) పరిధిలోని క్లాజ్‌  ప్రకారం 2014లో వొడాఫోన్‌ తొలి ఆర్బ్రిట్రేషన్‌ ప్రక్రియను ప్రారంభించింది. ఇది ప్రస్తుతం కొనసాగుతోంది. అయితే ఆ తర్వాత ఇండియా–బ్రిటన్‌ బీఐపీఏ ప్రకారం రెండో ఆర్బిట్రేషన్‌ ప్రక్రియకూ వొడాఫోన్‌ చర్యలు ప్రారం భించింది. దీన్ని సమర్దిస్తూ, ఢిల్లీ హైకోర్టు అక్టోబర్‌ 26న ఇచ్చిన ఉత్తర్వులను సవాలు చేస్తూ, కేంద్రం సుప్రీంను ఆశ్రయించింది. అయితే ఇక్కడా వొడాఫోన్‌కు అనుకూలంగా రూలింగ్‌ వచ్చింది.

టెలికాం ఆపరేటర్ల మధ్య కొత్త రకం ధరల యుద్ధం ప్రారంభమైంది. కంపెనీలన్నీ తమ ప్యాక్‌లను అప్‌గ్రేడ్‌ చేయడం ప్రారంభించాయి. ఈ అప్‌గ్రేడ్‌లో భాగంగా రోజుకు కంపెనీలు అందించే డేటాను పెంచడం మొదలు పెట్టాయి. తాజాగా వొడాఫోన్‌ తన ప్రీపెయిడ్‌ కస్టమర్లకు అందిస్తున్న రూ.348 ప్యాక్‌ను అప్‌గ్రేడ్‌ చేసింది. ఈ ప్యాక్‌పై రోజుకు అందిస్తున్న 1జీబీ డేటాను 2జీబీకి పెంచింది. దీంతో 28 రోజుల పాటు మొత్తం 56జీబీ డేటా వినియోగదారులకు అందుబాటులోకి వచ్చింది. రోజుకు 2జీబీ డేటాతో పాటు అపరిమిత ఉచిత లోకల్‌, ఎస్టీడీ కాల్స్‌, ఉచిత రోమింగ్‌ అవుట్‌గోయింగ్‌ కాల్స్‌ను అందించనుంది. అయితే ఉచిత కాల్స్‌లో రోజుకు 250 నిమిషాలు, వారానికి 1000 నిమిషాలు మాత్రమే వాడుకోవాల్సి ఉంటుంది. ఆ తర్వాత సెకనుకు 1పైసా ఛార్జీ విధించనుంది. రూ.348 ప్లాన్‌పై 5 శాతం క్యాష్‌బ్యాక్‌ను కూడా పొందవచ్చు. వొడాఫోన్‌కు చెందిన ఈ ప్యాక్‌, ఎయిర్‌టెల్‌ రూ.349 ప్యాక్‌కు డైరెక్ట్‌ పోటీగా నిలుస్తోంది. ఎయిర్‌టెల్‌ కూడా రూ.349 ప్యాక్‌ కింద రోజుకు 2జీబీ 4జీ డేటాను అందిస్తోంది. వొడాఫోన్‌ ప్రస్తుతం అప్‌గ్రేడ్‌ చేసిన రూ.348 ప్యాక్‌ను ఈ కంపెనీ ఆగస్టులో లాంచ్‌ చేసింది. అత్యంత చౌకైన నెలవారీ ప్రీపెయిడ్‌ ప్లాన్‌ రూ.176ను వొడాఫోన్‌ లాంచ్‌ చుసింది. ఈ ప్లాన్‌ కింద ఉచిత కాల్స్‌తో పాటు రోజుకు 1జీబీ 2జీ డేటాను అందిస్తోంది.    

రిలయన్స్‌ జియో, ఎయిర్‌టెల్‌, వొడాఫోన్లకు పోటీగా ఐడియా తన ప్రీపెయిడ్‌ కస్టమర్లకు సరికొత్త ప్యాక్‌ను లాంచ్‌ చేసింది. ఈ ప్యాక్‌ కింద రోజుకు 1జీబీ 3జీ డేటాతో పాటు అపరిమిత ఉచిత కాల్స్‌(హోమ్‌, నేషనల్‌ రోమింగ్‌), రోజుకు 100 ఉచిత ఎస్‌ఎంఎస్‌లను 84 రోజుల పాటు ఆఫర్ చేయనుంది. దీని కోసం ఐడియా కస్టమర్లు రూ.509తో రీఛార్జ్‌ చేయించుకోవాల్సి ఉంటుంది. రిలయన్స్‌ జియో రూ.459 ప్యాక్‌కు, ఎయిర్‌టెల్‌కు రూ.509 ప్యాక్‌కు ఇది డైరెక్ట్‌ పోటీ. రిలయన్స్‌ జియో తన రూ.459 ప్యాక్‌ కింద రోజుకు 1జీబీ 4జీ డేటాను, ఉచిత కాల్స్‌, రోజుకు 100 ఎస్‌ఎంఎస్‌లను అందిస్తోంది. జియోకు కూడా రూ.509 ప్యాక్‌ ఉంది. కానీ ఈ ప్యాక్‌ కింద రోజుకు 2జీబీ డేటాను 49 రోజుల పాటే అందిస్తోంది. అదేవిధంగా ఎయిర్‌టెల్‌, వొడాఫోన్‌లు కూడా రూ.509 ప్యాక్‌లను ఆఫర్‌ చేస్తున్నాయి. దీంతో ఒకే రకమైన టారిఫ్‌తో ఎయిర్‌టెల్‌, ఐడియా సెల్యులార్‌, వొడాఫోన్‌లు పోటీపడనున్నాయి. ఐడియా ప్రీపెయిడ్‌ కస్టమర్లు రూ.300, ఆపై మొత్తాల రీఛార్జ్‌లపై వచ్చే ఏడాదిలో 100 శాతం క్యాష్‌బ్యాక్‌ను అందుబాటులోకి తీసుకురానుంది.  అదేవిధంగా ఐడియా తన రూ.198 ప్రీపెయిడ్‌ ప్యాక్‌ను ఇటీవల అప్‌గ్రేడ్‌ చేసింది. రూ.198 ప్రీపెయిడ్‌ ప్యాక్‌ కింద రోజుకు 1జీబీ డేటా కాకుండా 1.5జీబీ 3జీ డేటాను ఆఫర్‌ చేస్తోంది.

డేటా సబ్‌స్క్రైబర్లు విపరీతంగా పెరిగిపోవడం, రిలయన్స్‌ జియో, వొడాఫోన్‌ల నుంచి గట్టి పోటీతో టెలికాం దిగ్గజం ఎయిర్‌టెల్‌ మరో కొత్త ఆఫర్‌ను ప్రవేశపెట్టింది. అచ్చం వొడాఫోన్‌ మాదిరే రూ.199కు కొత్త ప్రీపెయిడ్‌ టారిఫ్‌ను లాంచ్‌ చేసింది. 28 రోజుల వాలిడిటీతో దీన్ని తీసుకొచ్చింది. ఈ కొత్త రూ.199 ప్యాక్‌, వొడాఫోన్‌ ప్రకటించిన కొత్త టారిఫ్‌ అనంతరం ఎయిర్‌టెల్‌ మార్కెట్‌లోకి అందుబాటులోకి తీసుకొచ్చింది. ఈ రూ.199 ప్యాక్‌ కింద ఎయిర్‌టెల్‌ ప్రీపెయిడ్‌ సబ్‌స్క్రైబర్లు అపరిమిత లోకల్‌, ఎస్టీడీ కాల్స్‌ను, రోమింగ్‌పై అపరిమిత ఇన్‌కమింగ్‌ కాల్స్‌, అపరమిత లోకల్‌, నేషనల్‌ ఎస్‌ఎంఎస్‌, రోజుకు 1జీబీ 3జీ, 4జీ డేటాను 28 రోజుల పాటు అందించనున్నట్టు తెలిపింది. ఈ ప్రయోజనాలన్నీ పాత, కొత్త ఎయిర్‌టెల్‌ ప్రీపెయిడ్‌ సబ్‌స్క్రైబర్లందరికీ వర్తిస్తాయి. అయితే ఈ ప్యాక్‌ ఎంపికచేసిన సర్కిళ్లకు మాత్రమే అందుబాటులోకి తెచ్చింది. చెన్నై, ఢిల్లీ ఎన్‌సీఆర్‌, ముంబై, కర్నాటక సర్కిళ్లకు ఈ కొత్త టారిఫ్‌ ప్లాన్‌ లభ్యమవుతుంది. అయితే సబ్‌స్క్రైబర్లందరికీ మై ఎయిర్‌టెల్‌ యాప్‌లో ఈ ప్యాక్‌ యాక్టివేట్‌ అవాల్సి ఉంది. ప్రస్తుతం దీన్ని ఎయిర్‌టెల్‌ సైట్‌ నుంచి పొందాల్సి ఉంటుంది. ఈ వారం ప్రారంభంలోనే వొడాఫోన్‌ రూ.199కు కొత్త ప్రీపెయిడ్‌ ప్యాక్‌ను లాంచ్‌ చేసింది. ఈ ప్యాక్‌ కింద వొడాఫోన్‌ రోజుకు 1జీబీ డేటా, అపరిమిత ఎస్‌టీడీ, లోకల్‌ కాల్స్‌ను ఆఫర్‌చేస్తోంది. అయితే రోజు వారీ కాల్స్‌పై వొడాఫోన్‌ పరిమితి విధించింది. వొడాఫోన్‌ లాంచ్‌ చేసిన ఈ రూ.199 ప్యాక్‌ కేవలం ఢిల్లీ ఎన్‌సీఆర్‌ సర్కిల్‌ వారికి మాత్రమే.  అదనంగా ఎయిర్‌టెల్‌ రూ.157 ప్యాక్‌ను కూడా లాంచ్‌ చేసింది. ఈ ప్యాక్‌ కింద 27 రోజుల పాటు 3జీబీ 3జీ, 4జీ డేటాను ఆఫర్‌ చేస్తోంది. 

సాక్షి, ముంబై: దేశీయ మొబైల్‌ బ్రాండ్‌ మైక్రోమ్యాక్స్  భారీ బ్యాటరీతో ‘భారత్ 5’   పేరుతో ఓ స్మార్ట్‌ఫోన్‌ను శుక్రవారం లాంచ్‌  చేసింది. ఈ డివైస్‌లో అతిపెద్ద హైలైట్  5000  ఎంఏహెచ్‌ బ్యాటరీ అయితే మరో  విశేషం రూ.5555 ధరకే ఈ 4జీ స్మార్ట్‌ఫోన్‌ను అందుబాటులోకి తేవడం. అలాగే వొడాఫోన్‌తో  భాగస్వామ్యంలో  డేటా ఆఫర్ కూడా ఉంది. దేశంలో ఆఫ్‌లైన్ రిటైలర్లు ద్వారా కొనుగోలు చేయడానికి మాత్రమే ఇది  అందుబాటులో ఉంటుంది. భారత్-సీరీస్లో భారత్ 5 ప్లస్, భారత్ 5 ప్రోతో పాటు మరో రెండు స్మార్ట్‌ఫోన్లను విడుదల చేయనున్నట్లు కంపెనీ ప్రకటించింది. మార్చి 2018 నాటికి 6 లక్షల యూనిట్లను విక్రయించాలని కంపెనీ భావిస్తోంది మైక్రోమ్యాక్స్ ఇన్ఫర్మాటిక్స్, చీఫ్ మార్కెటింగ్ అండ్ చీఫ్ కమర్షియల్ ఆఫీసర్ షుబోడిప్ పాల్ మాట్లాడుతూ .. భారత్‌5  సిరీస్‌ స్మార్ట్‌ఫోన్లు  స్మార్ట్‌ఫోన్‌ సెగ్మెంట్‌లో తరువాత దిశగా భారత్‌ను తీసుకెళతాయని,  ఈ క్రమంలో ‌ఇప్పటికీ తీవ్రమైన విద్యుత్తు అంతరాయ సమస్యలను ఎదుర్కొంటున్న దేశంలోని  3-4 టైర్‌ నగరాల్లో తమ 5000 ఎమ్ఏహెచ్ బ్యాటరీ డివైస్‌లు కీలకంగా నిలుస్తాయన్నారు.   లాంచింగ్‌ ఆఫర్‌ దేశ్‌కా స్మార్ట్‌ఫోన్‌ అంటూ లాంచ్‌ అయిన రెడ్‌మీ5ఏ కీ పోటీగా తీసుకొచ్చిన భారత్‌ 5 లాంచింగ్‌ ఆఫర్‌గా వొడాఫోన్ కస్టమర్లకు  5నెలలు 50జీబీ డేటా ఉచితంగా అందిస్తోంది.  అం‍టే 1జీబీ  డేటా  అందించే ఏదైనా  వోడాఫోన్‌ ప్యాక్‌లో కస్టమర్లకు  అదనంగా  10 జీబీ డేటాను  5నెలలపాటు ఉచితంగా అందిస్తుంది.    మైక్రోమ్యాక్స్ భారత్ 5  ఫీచర్లు  5.2 అంగుళాల ఫుల్‌ హెచ్‌డీ స్క్రీన్‌ 1.3GHz క్వాడ్-కోర్ ప్రాసెసర్ ఆండ్రాయిడ్‌ నౌగాట్‌ 720x1280 పిక్సల్స్‌ రిజల్యూషన్‌ 1జీబీ  ర్యామ్‌ 16జీబీ స్టోరేజ్‌ 64జీబీదాకా విస్తరించుకునే సదుపాయం 5 మెగాపిక్సెల్‌ బ్యాంక్‌ అండ్‌ ఫ్రంట్‌  కెమెరాలు విత్‌ ఎల్‌ఈడీ ఫ్లాష్‌ 5000 ఎంఏహెచ్‌ బ్యాటరీ  

ఎంపికచేసిన మైక్రోమ్యాక్స్‌ 4జీ స్మార్ట్‌ఫోన్లపై టెలికాం దిగ్గజం వొడాఫోన్‌ క్యాష్‌బ్యాక్‌ ఆఫర్‌ ప్రకటించింది. మైక్రోమ్యాక్స్‌తో కొత్త భాగస్వామ్యం ఏర్పరుచుకుంటున్నట్టు గురువారం ప్రకటించిన వొడాఫోన్‌, ఈ మేరకు క్యాష్‌బ్యాక్‌ వివరాలను కూడా వెల్లడించింది. గురువారం ప్రకటించిన క్యాష్‌బ్యాక్‌ ఆఫర్లలో మైక్రోమ్యాక్స్‌ భారత్‌ 2 ప్లస్‌, మైక్రోమ్యాక్స్‌ భారత్‌ 3, మైక్రోమ్యాక్స్‌ భారత్‌ 4, మైక్రోమ్యాక్స్‌ కాన్వాస్‌ 1 స్మార్ట్‌ఫోన్లు ఉన్నాయి. ఈ ఆఫర్‌ను సద్వినియోగం చేసుకునేందుకు వొడాఫోన్‌ కొత్త, పాత కస్టమర్లు పైన పేర్కొన్న ఆ నాలుగు స్మార్ట్‌ఫోన్లలో ఒకదాన్ని కొనుగోలు చేయాల్సి ఉంటుంది. దాంతో పాటు 36 నెలల పాటు నెలకు కనీసం రూ.150 వరకు వొడాఫోన్‌ రీఛార్జ్‌లు చేయించుకోవాలి. ఇలా చేసిన కస్టమర్లకు తొలి 18 నెలలు ముగియగానే, రూ.900 క్యాష్‌బ్యాక్‌, ఆ తర్వాత 18 నెలలు ముగియగానే రూ.1300 క్యాష్‌బ్యాక్‌ లభించనుంది. అంటే మొత్తంగా రూ.2,200 వరకు క్యాష్‌బ్యాక్‌ను కస్టమర్లు పొందనున్నారు. సబ్‌స్క్రైబర్‌ వొడాఫోన్‌ ఎం-పెసా వాలెట్‌లో ఈ క్యాష్‌బ్యాక్‌ మొత్తాన్ని క్రెడిట్‌ చేయనున్నారు.  గత నెలలో కూడా వొడాఫోన్‌, మైక్రోమ్యాక్స్‌లు భాగస్వామ్యం ఏర్పరుచుకున్నాయి. అప్పుడు మైక్రోమ్యాక్స్‌ భారత్‌ 2 ఆల్ట్రా స్మార్ట్‌ఫోన్‌ రూ.999కే అందుబాటులోకి వచ్చింది.  మోడల్‌ పేరు                               భారత్‌2 ప్లస్‌   భారత్‌ 3       భారత్‌ 4       కాన్వాస్‌ 1  18 నెలల అనంతరం క్యాష్‌బ్యాక్‌      రూ.900       రూ.900         రూ.900       రూ.900      36 నెలల అనంతరం క్యాష్‌బ్యాక్‌     రూ.1300     రూ.1300       రూ.1300      రూ.1300  మార్కెట్‌ ఆపరేటింగ్‌ ధర               రూ.3749     రూ.4499       రూ.4999      రూ.5999           మొత్తం క్యాష్‌బ్యాక్‌                     రూ.2200      రూ.2200       రూ.2200      రూ.2200   తుది ధర                                 రూ.1549     రూ.2299       రూ.2799       రూ.3799

రిలయన్స్‌ జియో దెబ్బకు, టెల్కోలు రోజుకో కొత్త ప్లాన్‌తో వినియోగదారుల ముందుకు వస్తున్నాయి. తాజాగా వొడాఫోన్‌ ఢిల్లీ-ఎన్‌సీఆర్‌ సర్కిల్‌లోని ప్రీపెయిడ్‌ యూజర్లకు కొత్త రీఛార్జ్‌ ప్యాక్‌ను లాంచ్‌ చేసింది. 199 రూపాయలతో ఈ ప్లాన్‌ను వొడాఫోన్‌ అందుబాటులోకి తీసుకొచ్చింది. ఈ కొత్త రీఛార్జ్‌ ప్యాక్‌ కింద ఉచిత కాల్స్‌ను, 1జీబీ డేటాను 28 రోజుల పాటు అందించనుంది. అయితే రోజుకు గరిష్టంగా 250 నిమిషాలు, వారానికి 1000 నిమిషాలను మాత్రమే ఉచిత కాల్స్‌ను వినియోగించుకోవచ్చు. ఒకవేళ ఈ పరిమితి మించితే నిమిషానికి 30 పైసలను చెల్లించాల్సి వస్తుంది. నియమ, నిబంధనల ప్రకారం ఏడు రోజుల వ్యవధిలో 300పైగా యూనిక్‌ నెంబర్లకు కాల్స్‌ చేసుకోవడానికి వీలులేదు. 300 నెంబర్ల మార్కు దాటినా నిమిషానికి 30 పైసలు చెల్లించాల్సిందే. ఇతర టెలికాం ఆపరేటర్ల మాదిరిగా వొడాఫోన్‌ కూడా కొత్త కొత్త ఆఫర్లతో రిలయన్స్‌ జియోకు షాకిస్తోంది. అంతేకాక రూ.349 ప్లాన్‌ను కూడా అప్‌డేట్‌ చేసింది. ఈ అప్‌డేట్‌ చేసిన ప్లాన్‌ కింద అంతకముందు రోజుకు 1జీబీ డేటా వాడుకునే సౌకర్యాన్ని ప్రస్తుతం 1.5జీబీ డేటాకు పెంచింది. ఎయిర్‌టెల్‌, ఐడియా సెల్యులార్‌లు కూడా రూ.350 ప్లాన్‌ కింద రోజువారీ డేటాగా 1.5జీబీని అందిస్తున్నాయి.    

రిలయన్స్ జియో నుంచి వస్తున్న పోటీని తట్టుకునేందుకు వొడాఫోన్ సంస్థ తన ప్రీపెయిడ్ కస్టమర్లకు తాజాగా రెండు సరికొత్త ప్లాన్లను లాంచ్‌ చేసింది. రూ.458, రూ.509 పేరిట ఈ రెండు ప్లాన్లు తన ప్రీపెయిడ్ కస్టమర్లకు ప్రవేశపెడుతున్నట్టు తెలిపింది. ఈ ప్లాన్ల కింద రోజుకు 1జీబీ డేటా, అపరిమిత కాలింగ్‌ సౌకర్యం, ఉచిత రోమింగ్‌, ఉచిత ఎస్‌ఎంఎస్‌లు లభ్యం కానున్నాయి. అయితే ఇతర ప్లాన్ల మాదిరిగా కాకుండా ఈ రెండు ప్లాన్ల వాలిడిటీ మాత్రం భిన్నంగా ఉంది. రూ.458 ప్లాన్ వాలిడిటీ 70 రోజులు ఉండగా, రూ.509 ప్లాన్ వాలిడిటీ 84 రోజులుగా ఉంది. రూ.509 రీఛార్జ్‌ చేసుకున్న వొడాఫోన్‌ ప్రీపెయిడ్‌ యూజర్లకు అపరిమిత లోకల్‌ కాల్స్‌, రోజుకు 1జీబీ డేటా లభించనుందని కంపెనీ తెలిపింది. అపరిమిత లోకల్‌, ఎస్టీడీ కాల్స్‌ భారత్‌లో ఏ నెంబర్‌కైనా చేసుకోవచ్చు. రోమింగ్‌కు కూడా ఇది ఉచితమే. అయితే రోజుకు గరిష్టంగా 250 నిమిషాల వరకు, వారానికి 1వేయి నిమిషాల వరకు మాత్రమే లోకల్, ఎస్‌టీడీ కాల్స్ చేసుకోవచ్చు. ఈ ప్లాన్‌లో భాగంగా వొడాఫోన్‌ ప్లే ఉచిత సబ్‌స్క్రిప్షన్‌ కూడా దీనిలో కలిసి ఉంటుంది. 1జీబీ డేటా 4జీ, 3జీ కనెక్షన్ల రెండింటికీ వర్తిసుంది. మొత్తం వాలిడిటీ ఈ ప్లాన్‌ది 84 రోజులు. అంటే 84జీబీ డేటా వినియోగదారులకు అందుబాటులో ఉండనుంది. రోజుకు 1జీబీ డేటా పరిమితి దాటిపోయిన తర్వాత బ్రౌజింగ్‌ స్పీడు పడిపోతుంది.  ఇక రెండో ప్లాన్‌ కింద రూ.458 తో రీఛార్జ్‌ చేయించుకోవాల్సి ఉంటుంది. ఈ ప్లాన్‌ కింద కూడా అచ్చం రూ.509 ప్లాన్‌లో అందిస్తున్న ప్రయోజనాలే అందనున్నాయి. కానీ వాలిడిటీ మాత్రమే భిన్నం. ఈ ప్లాన్‌ వాలిడిటీ 70 రోజులే. అంటే రోజుకు 1జీబీ డేటా చొప్పున మొత్తంగా వినియోగదారులకు 70జీబీ డేటా అందుబాటులో ఉండనుంది. అయితే ఈ రెండు ప్లాన్లు కూడా ఎంపిక చేసిన ప్రీపెయిడ్‌ యూజర్లకేనని తెలిసింది. ప్యాన్‌ ఇండియా బేసిస్‌లో ఎంపిక చేసిన కస్టమర్లకు ఈ ప్లాన్లను అందించనుంది. మైవొడాఫోన్‌ యాప్‌ లేదా కస్టమర్‌ కేర్‌కు కాల్‌ చేసి ఈ ఆఫర్లు తమకు అందుబాటులో ఉన్నాయో లేదో కస్టమర్లు తెలుసుకోవాల్సి ఉంది. ఇవే ప్లాన్లు జియోలో రూ.459, రూ.509 లకు లభిస్తున్నాయి. రూ.459 ప్లాన్‌లో రోజుకు 1జీబీ డేటా లభిస్తుండగా, రూ.509 ప్లాన్‌లో రోజుకు 2జీబీ డేటా లభిస్తుంది. ఈ ప్లాన్ల వాలిడిటీ వరుసగా 84 రోజులు, 49 రోజులుగా ఉంది. రెండింటిలోనూ యూజర్లకు అన్‌లిమిటెల్ కాల్స్ లభిస్తాయి.

రిలయన్స్‌ జియో దెబ్బకి టెలికాం మార్కెట్‌లో నెలకొన్న తీవ్రమైన ధరల యుద్ధం, మరోవైపు దేశవ్యాప్తంగా అమల్లోకి వచ్చిన జీఎస్టీ ప్రభావం.. వొడాఫోన్‌ గ్రూప్‌ పీఎల్‌సీ ఇండియా యూనిట్‌ను భారీగానే దెబ్బతీస్తున్నాయి. ఈ ఆర్థిక సంవత్సరం ప్రథమార్థంలో కంపెనీ ఆపరేటింగ్‌ లాభాలు 39 శాతం పతనమయ్యాయి. సెప్టెంబర్‌ 30తో ముగిసిన ప్రథమార్థంలో ఈబీఐటీడీఏల అనంతరం ఆదాయం రూ. 4,075 కోట్లకు పడిపోయింది. గతేడాది ఇదే కాలంలో ఇవి రూ.6,704 కోట్లగా ఉందని వొడాఫోన్‌ ఇండియా తెలిపింది. ఈబీఐటీడీఏ మార్జిన్లు 29.6 శాతం నుంచి 21.4 శాతానికి పడిపోయాయని, అదేవిధంగా సర్వీస్‌ రెవెన్యూ కూడా 16 శాతం క్షీణించి రూ.19,002 కోట్లగా నమోదైనట్టు రిపోర్టు చేసింది.   గతేడాది రిలయన్స్‌ జియో ఇన్ఫోకామ్‌ మార్కెట్‌లోకి ప్రవేశించిన అనంతరం ఉచిత వాయిస్‌ ఆఫర్లు, డేటా ధరల కోత వంటి వాటితో ఇతర ఆపరేటర్లను ముప్పు తిప్పలు పెడుతోంది. రిలయన్స్‌ జియో దెబ్బకు తమ మార్జిన్లు పడిపోతున్నా... తన కస్టమర్లను కాపాడుకోవడం కోసం ఇంక్యుబెంట్‌ ఆపరేటర్లు కూడా ఆఫర్ల వర్షం కురిపిస్తున్నారు. జియోతో పోటీ కోసం మరోవైపు టెలికాం రంగంలో విలీనాలు భారీ ఎత్తున్న జరుగుతున్నాయి. వొడాఫోన్‌ ఇండియా కూడా ఐడియా సెల్యులార్‌ లిమిటెడ్‌లో విలీనం కాబోతుంది. మరోవైపు జీఎస్టీ ప్రభావం కూడా టెలికాం మార్కెట్‌పై ప్రభావం చూపుతుంది. టెలికాం రంగానికి 18 శాతం జీఎస్టీ విధిస్తుండటంతో, ఇప్పటికే నష్టాల్లో  టెలికాం పరిశ్రమపై  మరింత భారాన్ని పెంచుతుంది. సోమవారం వొడాఫోన్‌ ఇండియా తన స్టాండలోన్‌ టవర్‌ వ్యాపారాలను అమెరికన్‌ టవర్‌ కార్పొరేషన్‌కు రూ.3,850 కోట్లకు అమ్మడానికి సోమవారం ఆమోదం తెలిపింది. 

దేశీయ అతిపెద్ద టెలికాం ఆపరేటర్లలో ఒకటైన వొడాఫోన్‌, నేడు(సోమవారం) ఓ స్పెషల్‌ వాయిస్‌, డేటా ప్యాక్‌ను లాంచ్‌ చేసింది. మధ్య ప్రదేశ్‌, చత్తీష్‌ఘర్‌, బిహార్‌, జార్ఖాండ్‌, ఆంధ్రప్రదేశ్‌, తెలంగాణ ప్రాంత ప్రీపెయిడ్‌ కస్టమర్లకు వొడాఫోన్‌ చోటా ఛాంపియన్‌ ప్లాన్‌ను లాంచ్‌ చేస్తున్నట్టు ప్రకటించింది. ఈ ప్లాన్‌ కింద 38 రూపాయలకే 100 నిమిషాల లోకల్‌, ఎస్టీడీ కాలింగ్ సౌకర్యాన్ని, 100ఎంబీ 3జీ, 4జీ డేటాను 28 రోజుల పాటు అందించనున్నట్టు పేర్కొంది. వొడాఫోన్‌ తన కస్టమర్లకు ఎల్లప్పుడూ కొత్త కొత్త ఆవిష్కరణలు అందిస్తూ ఉంటుందని వొడాఫోన్‌ ఇండియా కన్జ్యూమర్‌ బిజినెస్‌ అసోసియేట్‌ డైరెక్టర్‌ అవ్‌నీష్‌ కోస్లా తెలిపారు.  ఈ విధంగా అందిస్తున్న ఆవిష్కరణలో భాగమే వొడాఫోన్‌ చోటా ఛాంపియన్‌ ప్యాక్‌ అని, తక్కువ ధరలో నెలంతా ప్రయోజనాలను అందించడం ఇదే తొలిసారని పేర్కొన్నారు. అదనంగా కస్టమర్లకు 100ఎంబీ డేటాను అందిస్తున్నామని, ఇక ఎంతో విశ్వాసంతో కస్టమర్లు తమకు కనెక్ట్‌ అయి ఉంటారన్నారు. ఇటీవలే వొడాఫోన్‌ తన కొత్త ఫస్ట్‌ రీఛార్జ్‌ కూపన్‌(ఎఫ్‌ఆర్‌సీ)ని రూ.496కు లాంచ్‌చేసింది. ఢిల్లీ, ఎన్‌సీఆర్‌ పరిధిలోని కొత్త వొడాఫోన్‌ ప్రీపెయిడ్‌ యూజర్లందరికీ అందుబాటులోకి తీసుకొచ్చింది. వొడాఫోన్‌ తీసుకొచ్చిన రూ.496 ప్లాన్‌, రిలయన్స్‌ జియో రూ.459 ప్లాన్‌కి గట్టి పోటీగా ఉంది. దీంతో పాటు వొడాఫోన్‌ ఎఫ్‌ఆర్‌సీ 177 ప్లాన్‌ను లాంచ్‌చేసింది. దీని కింద 28 రోజలు పాటు 28జీబీ డేటాతో పాటు అపరిమిత కాలింగ్‌ సౌకర్యాన్ని అందిస్తోంది.     

 సాక్షి, ముంబై:  ఉచిత డేటా, ఉచిత కాలింగ్‌ అంటూ టెలికాం మార్కెట్‌లోకి దూసుకువచ్చిన రిలయన్స్‌ జియో  ఇటీవల చార్జీల బాదుడుకు  శ్రీకారం చుట్టి  వినియోగదారులకు షాకిచ్చింది.  దీంతో ప్రత్యర్థి ఆపరేటర్‌  వోడాఫోన్‌  తన  వినియోగదారుల బేస్‌ను విస్తరించే  చర్యల్లో భాగంగా రెండు కొత్త డేటా ప్లాన్లను వెల్లడించింది.  ముఖ‍్యంగా జియోకు  కౌంటర్‌గా శుక్రవారం సరికొత్త ప్లాన్లను ప్రకటించింది.  వీటిల్లో అన్‌లిమిటెడ్‌ కాలింగ్‌, డేటా సదుపాయాన్ని ఆఫర్‌ చేస్తోంది.  ముఖ్యంగా కొత్త వినియోగదారులను ఆకర్షించే లక్ష్యంతో రూ. 496 మొదటి రీచార్జ్‌పై  ఉచిత కాలింగ్‌ సదుపాయాన్ని రోజుకు 1 జీబీ డేటాను అందించనుంది. ఈ ప్లాన్‌ వాలిడిటీ 84 రోజులు. ఇక రెండవ ప్లాన్‌లో కొత్త వినియోగదారుడు  రూ .177 రీచార్జ్‌పై అపరిమిత  కాలింగ్‌ సదుపాయంతోపాటు, రోజుకు 1 జీబీ డేటా  పొందవచ్చు.  ఈ ప్లాన్‌ వాలిడిటీ 28 రోజులు. ఇన్నాళ్లూ చౌకగా అందించిన ప్లాన్స్‌ను పెంచుకుంటూ పోతున్న జియో దీపావళి సందర్భంగా అందుబాటులోకి తెచ్చిన 491 రూపాయల ప్లాన్‌ను 499 రూపాయలకు పెంచేసిన సంగతి తెలిసిందే. కాగా వోడాఫోన్‌  తాజాగా (గురువారం) తక్కువ కాల  వ్యవధి ప్లాన్‌ను ప్రకటించింది.   ఇందులో వారం రోజుల ప్లాన్‌లో రూ.69 రీచార్జ్‌పై 500 ఎంబీ, అన్‌లిమిటెడ్‌ కాలింగ్‌ సదుపాయం ఆఫర్‌ చేస్తోంది.

దేశంలో రెండో అతిపెద్ద టెలికాం ఆపరేటర్‌ వొడాఫోన్‌ సరికొత్త సూపర్‌వీక్‌ ప్లాన్‌ను ప్రకటించింది. రూ.69కు ఈ ప్లాన్‌ను తన ప్రీపెయిడ్‌ యూజర్లకు అందుబాటులోకి తీసుకొచ్చింది. ఈ ప్లాన్‌ కింద అపరిమిత లోకల్‌, ఎస్టీడీ కాల్స్‌ను, 500 ఎంబీ డేటాను వారం పాటు అందించనుంది. ఇది ఒక్కసారి ప్యాక్‌ కాదని, ప్రతి ఏడు రోజులకు ఒకసారి దీన్ని కొనుగోలు చేయాల్సి ఉంటుందని కంపెనీ తెలిపింది. బెస్ట్‌ నెట్‌వర్క్‌ను, సర్వీసు అనుభవాన్ని తాము అందిస్తున్నట్టు నమ్ముతున్నామని వొడాఫోన్‌ ఇండియా కన్జ్యూమర్‌ బిజినెస్‌ అసోసియేట్‌ డైరెక్టర్‌ అవనీష్‌ ఖోస్లా తెలిపారు.  సూపర్‌వీక్‌తో స్నేహపూర్వకమైన, సరసమైన అపరిమిత ప్లాన్‌ను ప్రీపెయిడ్‌ కస్టమర్లకు అందించనున్నట్టు చెప్పారు. ఎలాంటి ఆందోళన లేకుండా ఉచితంగా వొడాఫోన్‌ సూపర్‌నెట్‌ 4జీ అనుభవాన్ని కస్టమర్లు ఎంజాయ్‌ చేయవచ్చని పేర్కొన్నారు. ఈ ప్యాక్‌ను రిటైల్‌ అవుట్‌లెట్లు, యూఎస్‌ఎస్‌డీ, వెబ్‌సైట్‌, మైవొడాఫోన్‌ యాప్‌ ద్వారా కొనుగోలుచేసుకోవచ్చని కంపెనీ తెలిపింది. ఈ ఏడాదే కంపెనీ సూపర్‌డే, సూపర్‌వీక్‌ ప్లాన్‌ను వొడాఫోన్‌ లాంచ్‌ చేసింది. ఢిల్లీ ఎన్‌సీఆర్‌లో రూ.52తో మరో సూపర్‌వీక్‌ ప్లాన్‌ను ప్రవేశపెట్టింది. దీనికింద అపరిమితంగా వొడాఫోన్‌ టూ వొడాఫోన్‌ కాల్స్‌ను, 250ఎంబీ 3జీ, 4జీ డేటాను అందిస్తోంది. 

సాక్షి,కోల్‌కతా: రిలయన్స్‌ జియో రాకతో కారు చౌకగా మారిన మొబైల్‌ టారిఫ్‌లు మళ్లీ అదే  జియో దెబ్బకు భారీగా పెరగనున్నాయి. ఈ నెల 19 నుంచి 4జీ టారిఫ్‌ ప్లాన్‌లను 15 నుంచి 20 శాతం మేర జియో పెంచడంతో ఇదే అదనుగా ఎయిర్‌టెల్‌, వొడాఫోన్‌, ఐడియా సెల్యులార్‌లూ ఇదే బాట పట్టనున్నాయి. గత కొద్ది నెలలుగా జియో టారిఫ్‌లకు అనుగుణంగా తమ మొబైల్‌ చార్జీలను తగ్గించిన మొబైల్‌ ఆపరేటర్లు ఇప్పుడు కస్టమర్లపై పెనుభారం మోపేలా టారిఫ్‌లను సవరిస్తారని భావిస్తున్నారు. టెలికాం రంగం టారిఫ్‌ సంక్షోభం నుంచి బయటపడేందుకు ధరల పెంపు సానుకూల అంశమని, ప్రస్తుతం ఆపరేటర్లందరూ టారిఫ్‌ల పెంపుపై దృష్టిసారిస్తాయని స్విస్‌ బ్రోకరేజ్‌ సంస్థ యూబీఎస్‌ అంచనా వేసింది. మొబైల్‌ టారిఫ్‌లను తిరగరాస్తూ రిలయన్స్‌ జియో ఆరంభంలో కస్టమర్లకు ఉచిత డేటా, వాయిస్‌ కాల్స్‌ను ఆఫర్‌ చేయడంతో పోటీని తట్టుకునేందుకు ఇతర మొబైల్‌ ఆపరేటర్లూ టారిఫ్‌లను గణనీయంగా తగ్గించిన విషయం తెలిసిందే. అయితే ఇప్పుడు జియో క్రమంగా మొబైల్‌ టారిఫ్‌లను పెంచుతుండటంతో ఎయిర్‌టెల్‌, వొడాఫోన్‌ వంటి ఇతర ఆపరేటర్లూ తిరిగి కాల్‌ చార్జీలను పెంచేపనిలో పడ్డారు. ఇవి మొబైల్‌ కంపెనీలకు ఊరట కలిగించే పరిణామాలే అయినా సగటు కస్టమర్‌కు మాత్రం మొబైల్‌ టారిఫ్‌లు గుదిబండ కానున్నాయి. మరోవైపు జియో తన రూ 149 4 జీబీ ప్యాక్‌కు అందించే డేటాను రెట్టింపు చేయడం వ్యూహాత్మక నిర్ణయమని స్విస్‌ బ్రోకరేజ్‌ సంస్థ యూబీఎస్‌ పేర్కొంది. లోయర్‌ ఎండ్‌ కస్టమర్లను కాపాడుకుంటూనే హైఎండ్‌పై టారిఫ్‌ల పెంపుతో లాభాలు దండుకోవాలని జియో భావిస్తోంది. జియో మరికొన్ని ప్లాన్‌లపైనా నొప్పి తెలియకుండా కస్టమర్లకు వాతలు పెట్టింది. రూ 399 ప్లాన్‌లో వాలిడిటీని 84 రోజుల నుంచి 70 రోజులకు తగ్గించింది. 84 రోజుల బెనిఫిట్స్‌ను పొందాలంటే రూ 459 ప్లాన్‌ను ఎంచుకోవాలని నూతన ప్లాన్‌ను ముందుకు తెచ్చింది. 

టెలికాం దిగ్గజాలు పండుగ సీజన్‌ను ప్రారంభించాయి. ఆఫర్లు, టారిఫ్‌ ప్లాన్లతో కస్టమర్లను ఆకట్టుకుంటున్నాయి. తాజాగా వొడాఫోన్‌ తన ప్రీపెయిడ్‌ యూజర్ల కోసం బంపర్‌ ఆఫర్‌ ప్రకటించింది. సరికొత్త ప్రీపెయిడ్‌ ప్లాన్‌ను అందుబాటులోకి తీసుకొచ్చింది. ఈ ప్లాన్‌ కింద వొడాఫోన్‌ యూజర్లు కేవలం రూ.399కే ఆరు నెలల పాటు 90జీబీ 4జీ డేటా, అపరిమిత వాయిస్‌ కాలింగ్‌ సౌకర్యం పొందనున్నారు. రిలయన్స్‌, ఎయిర్‌టెల్‌ రూ.399 ప్లాన్‌కు కౌంటర్‌గా వొడాఫోన్‌ ఈ సరికొత్త ప్లాన్‌ను తీసుకొచ్చింది. ఈ ఆఫర్‌ కేవలం వొడాఫోన్‌ ప్రీపెయిడ్‌ యూజర్లకు మాత్రమే. అంతేకాక కేవలం 4జీ సర్కిళ్ల వారికి మాత్రమేనని తెలిసింది. తెలుగు రాష్ట్రాలు ఏపీ, తెలంగాణ రెండు కూడా వొడాఫోన్‌ 2జీ సర్కిళ్లు మాత్రమే. దివాళి గిఫ్ట్‌గా తన కస్టమర్లకు వొడాఫోన్‌ ఈ ఆఫర్‌ను ప్రవేశపెట్టింది.  జియో ఆఫర్‌ చేసే రూ.399 ప్లాన్‌ కింద 84 రోజుల పాటు 84జీబీ 4జీ డేటా, అపరిమిత ఎస్టీడీ, లోకల్‌ కాల్స్‌ పొందనున్నారు. అదేవిధంగా ఎయిర్‌టెల్‌ ఆఫర్‌ చేసే రూ.399 ప్లాన్‌ కింద కూడా అదే రకమైన ప్రయోజనాలను తమ కస్టమర్లు పొందుతున్నారు. జియో తన కస్టమర్లకు దివాళి ఆఫర్‌ ప్రకటించగానే వొడాఫోన్‌ కూడా ఈ ప్లాన్‌ను ప్రకటించింది. జియో ప్రకటించిన దివాళి ఆఫర్‌లో రూ.399 రీఛార్జ్‌పై 100 శాతం క్యాష్‌బ్యాక్‌ పొందనున్నారు. 

ముంబై : రిలయన్స్‌ జియో ఇచ్చిన షాక్‌తో టెలికాం కంపెనీలు ఒక్కోటి 4జీ స్మార్ట్‌ఫోన్ల దిశగా యోచన ప్రారంభించాయి. జియో ఫీచర్‌ఫోన్‌కు కౌంటర్‌గా ఎయిర్‌టెల్‌ తన 4జీ స్మార్ట్‌ఫోన్‌ను మార్కెట్‌లోకి ప్రవేశపెట్టగా.. తాజాగా ఐడియా, వొడాఫోన్‌ కంపెనీలు కూడా తమ 4జీ ఫోన్లతో ఈ పండుగ సీజన్‌లో వినియోగదారుల ముందుకు రాబోతున్నాయి. రూ.1,500 లేదా అంతకంటే తక్కువ ధరకు 4జీ ఫోన్లను ఆఫర్‌ చేయాలని ఐడియా, వొడాఫోన్‌ నిర్ణయించినట్టు తెలుస్తోంది. వొడాఫోన్‌, ఐడియాలు రెండూ కొత్త స్మార్ట్‌ఫోన్లను విడుదల చేయడానికి దేశీయ హ్యాండ్‌ సెట్ తయారీదారులు లావా, కార్బన్‌లతో సంప్రదింపులు జరుపుతున్నాయని సంబంధిత వర్గాలు చెప్పాయి. ఇవి సునిల్‌ మిట్టల్‌కు చెందిన ఎయిర్‌టెల్‌, అంబానీకి చెందిన రిలయన్స్‌ జియోకు కౌంటర్‌గా వీటిని ప్రవేశపెట్టబోతున్నట్టు పేర్కొన్నాయి.  ఎయిర్‌టెల్‌ ఈ బుధవారమే రూ.1,399కు ఎంట్రీ-లెవల్‌ 4జీ స్మార్ట్‌ఫోన్‌ను మార్కెట్‌లోకి లాంచ్‌చేసింది. కార్బన్‌తో కలిసి ఈ స్మార్ట్‌ఫోన్‌ను రూపొందించింది. ప్రస్తుతం అతిపెద్ద టెలికాం సంస్థగా అవతరించబోతున్న ఐడియా, వొడాఫోన్‌లు కూడా 4జీ స్మార్ట్‌ఫోన్ల విడుదలపై దృష్టిసారించాయి. మెగా విలీనంతో ఈ కంపెనీల యూజర్ల సంఖ్య 500 మిలియన్‌కు చేరబోతుంది. దీంతో అత్యధిక మొత్తంలో మొబైల్‌ యూజర్లు కలిగిన సంస్థగా ఇవి అవతరించబోతున్నాయి. మొబైల్‌ ఆపరేటర్లతో చర్చలు జరిపినట్టు లావా, కార్బన్‌లు కూడా ధృవీకరించాయని సంబంధిత వర్గాలు చెప్పాయి. దివాలి కంటే ముందుగానే ఈ డీల్స్‌ చివరి దశకు వస్తాయని తెలిపాయి. మూడు టెల్కో కంపెనీలతో తాము చర్చలు జరిపామని, కానీ ఇంకా ప్లాన్లు చివరి దశకు చేరుకోలేదని లావా ప్రొడక్ట్‌ హెడ్‌ గౌరవ్‌ నిగమ్‌ చెప్పారు. అయితే ఏ టెల్కోలతో ఆయన చర్చలు జరిపారో వెల్లడించలేదు. వొడాఫోన్‌, ఐడియాలు మాత్రం దీనిపై ఇంకా స్పందించలేదు. 


 సాక్షి, న్యూఢిల్లీ : దేశీయ మొబైల్‌ ఫోన్‌ తయారీదారు లావా ఇంటర్నేషనల్‌, వొడాఫోన్‌ ఇండియాతో భాగస్వామ్యం ఏర్పరుచుకుంది. ఈ భాగస్వామ్యంలో భాగంగా ఎంపికచేసిన లావా ఫోన్లపై వొడాఫోన్‌ 900 రూపాయల క్యాష్‌బ్యాక్‌ను అందిస్తోంది. 2017 అక్టోబర్‌ 31 వరకు ఈ ఆఫర్‌ అందుబాటులో ఉంటుంది. ఈ ఆఫర్‌ను తన కొత్త, పాత కస్టమర్లందరికీ ఇవ్వనుంది. ఈ ఆఫర్‌ కింద, ఎంపికచేసిన లావా ఫోన్లను వాడే వొడాఫోన్‌ యూజర్‌కు నెలకు కనీస రీఛార్జ్‌ 100 రూపాయలపై 50 రూపాయల డిస్కౌంట్‌ ఇ‍వ్వనుంది. అలా 18 నెలల పాటు అందించనుంది. దీంతో మొత్తంగా రూ.900 క్యాష్‌బ్యాక్‌ లభించనుంది. 
  
 ఈ ఆఫర్‌ వర్తించే ఎంపికచేసిన లావా ఫోన్లలో ఏఆర్‌సీ 101, ఏఆర్‌సీ 105, ఏఆర్‌సీ వన్‌ ప్లస్‌, స్పార్క్‌ ఐ7, కేకేటీ 9ఎస్‌, కేకేటీ పెర్ల్‌, కేకేటీ 34 పవర్‌, కేకేటీ 40 పవర్‌ ప్లస్‌, కెప్టెన్‌ కే1 ప్లస్‌, కెప్టెన్‌ ఎన్‌1లు ఉన్నాయి. లావాతో భాగస్వామ్యం ఏర్పరచుకోవడం తమకు చాలా సంతోషంగా ఉందని, లావా మొబైల్స్‌ వాడే తమ కస్టమర్లకు పాకెట్‌ ఫ్రెండ్లీ ఆఫర్లను తీసుకొచ్చామని వొడాఫోన్‌ ఇండియా కన్జ్యూమర్‌ బిజినెస్‌ అసోసియేట్‌ డైరెక్టర్‌ అన్వేష్‌ కోస్లా చెప్పారు. కస్టమర్లకు వొడాఫోన్‌ ఆఫర్‌ చేసే క్యాష్‌బ్యాక్‌ మొత్తం, తమకు అత్యధికంగా అమ్ముడుపోతున్న ఫీచర్‌ ఫోన్‌ కెప్టెన్‌ ఎన్‌1 ధరకు సమానంగా ఉందని లావా ఇంటర్నేషనల్‌ హెడ్‌ ఆఫ్‌ ప్రొడక్ట్‌, సీనియర్‌ వీపీ గౌరవ్‌ నిగమ్‌ అన్నారు. 


 సాక్షి, హైదరాబాద్‌ : ఇప్పటిదాకా మనం సెల్‌ఫోన్లు, ల్యాప్‌టాప్‌లు, నగదు, వాహనాలు చోరీకి గురవడం చూస్తుంటాం. కానీ తాజాగా ఓ ఫ్యాన్సీ మొబైల్‌ నంబర్‌ చోరీకి గురైంది. దీనిపై బాధితుడు జూబ్లీహిల్స్‌ పోలీస్‌ స్టేషన్‌లో తన ఫోన్‌ నంబర్‌ చోరీకి గురైందంటూ శుక్రవారం ఫిర్యాదు చేశారు. ఆ వివరాలిలా.. బంజారాహిల్స్‌ రోడ్‌ నెం. 2లోని అన్నపూర్ణ స్టూడియో సమీపంలో నివసించే రాకేష్‌ చంద్ర గౌరిశెట్టి(28) మూడేళ్ల క్రితం వొడాఫోన్‌ ఫ్యాన్సీ నంబర్‌ తీసుకున్నారు.
 
 గత నెల 17న ఫోన్‌ స్విచ్చాఫ్‌ చేసి థాయ్‌లాండ్‌ పర్యటనకు వెళ్లిన ఆయన అనంతరం 21వ తేదీన నగరానికి తిరిగొచ్చేశారు. ఇక్కడికి వచ్చి చూడగా ఫోన్‌ నో సర్వీస్‌ అని వచ్చింది. వొడాఫోన్‌ స్టోర్‌కి వెళ్లాడు. డాక్యుమెంట్లు ఇస్తే కొత్త నంబర్‌ ఇస్తామని చెప్పడంతో ఆ మేరకు పత్రాలన్నీ ఇచ్చి మూడు రోజుల తర్వాత మళ్లీ వెళ్లి తీసుకోగా ఆ నంబర్‌కూడా నో సర్వీస్‌ అని వచ్చింది. దీంతో వొడాఫోన్‌ నోడల్‌ ఆఫీస్‌ బేగంపేటకు వెళ్లి ఫిర్యాదు చేయగా ఒడిశాలోని వొడాఫోన్‌ స్టోర్‌లో రీప్లేస్‌మెంట్‌ చేసుకోవాల్సిందిగా చెప్పారు.
 
 తన పత్రాలను గుర్తు తెలియని వ్యక్తులు ఫోర్జరీ చేసి తన ప్రమేయం లేకుండానే తన ఫ్యాన్సీ నంబర్‌ను తస్కరించారని ఫిర్యాదులో ఫేర్కొన్నారు. ఈ మేరకు జూబ్లీహిల్స్‌ పోలీసులు ఐపీసీ సెక్షన్‌ 420, 468, 471 కింద కేసు నమోదు చేసి దర్యాప్తు చేస్తున్నారు.


 సాక్షి, న్యూఢిల్లీ : వొడాఫోన్‌ భారీ డీల్‌కు సంబంధించి పన్ను సరిగ్గా కట్టనందుకు బిలీనియర్‌ లీ కా-సింగ్‌కు చెందిన హచిసన్‌ హోల్డింగ్స్‌ లిమిటెడ్‌కు ఆదాయపు పన్ను శాఖ జారీ మొత్తంలో జరిమానా విధించింది. రూ.7900 కోట్ల పన్ను డిమాండ్‌కు అంతేమొత్తంలో పెనాల్టీ వేసింది. పన్ను, వడ్డీ, జరిమానాలు మొత్తం కలిపి రూ.32,320 కోట్లు చెల్లించాలని హచిసన్‌ను ఆదాయపు పన్ను శాఖ ఆదేశించింది. భారత్‌లో తమ మొబైల్‌ వ్యాపారాలను 11 బిలియన్‌ డాలర్లకు 2007లో యూకే వొడాఫోన్‌ గ్రూప్‌కు విక్రయించారు. ఈ డీల్‌లో హచిసన్‌ టెలికాం భారీగా లబ్ది పొందిందని, కానీ పన్నులు సరిగ్గా చెల్లించలేదని తెలిసింది. ఈ నోటీసుల్లో పన్ను రూ.7900 కోట్లు కాగ, రూ.16,430 కోట్లు వడ్డీ, రూ.7900 కోట్లు పెనాల్టీ కింద తమకు చెల్లించాలని ఆదాయపు పన్ను శాఖ నోటీసులు జారీచేసినట్టు హచిసన్‌ తన హాంకాంగ్‌ స్టాక్‌ ఎక్స్చేంజ్‌ ఫైలింగ్‌లో పేర్కొంది. 
  
 మొత్తం రూ.16, 430 కోట్ల ల‌బ్ధి పొందినందు వ‌ల్ల త‌మ‌కు రూ.7900 కోట్ల ప‌న్ను చెల్లించాల‌ని ఇన్‌క‌మ్ ట్యాక్స్ డిపార్ట్‌మెంట్ హ‌చిస‌న్‌ను ఆదేశించింది. ఆ మొత్తం చెల్లించ‌నందు వ‌ల్ల అంతే మొత్తంలో పెనాల్టీని ఇప్పుడు ఐటీ శాఖ విధించింది. అయితే హచిసన్‌ నుంచి భారత్‌లో ఆస్తులు కొనుగోలు చేస్తే ఎలాంటి పన్ను చెల్లించాల్సినవసరం లేదని కంపెనీ వాదిస్తోంది. 2012 జనవరిలో సుప్రీంకోర్టు ఆదేశాలకు ఈ పన్ను నోటీసులు విరుద్దంగా ఉన్నాయని పేర్కొంది. పన్ను నోటీసులు అందుకున్న హచిసన్‌ తన మొత్తం 67 శాతం భారత వ్యాపారాలను వొడాఫోన్‌కు విక్రయించింది. 


 వొడాఫోన్‌ ఇండియా తన కస్టమర్లకు బుధవారం బంపర్‌ ఆఫర్‌ ప్రకటించింది. తన ప్రీపెయిడ్‌ కస్టమర్లకు రూ.348 ఆఫర్‌ను లాంచ్‌ చేసింది. ఈ ఆఫర్‌ కింద రోజుకు 1జీబీ డేటాతో పాటు 28 రోజుల పాటు అపరిమిత వాయిస్‌ కాల్స్‌ను పొందవచ్చు. 4జీ, 3జీ, 2జీ ఎనాబుల్డ్‌ ప్రీపెయిడ్‌ కస్టమర్లందరూ ఈ అపరిమిత వాయిస్‌ కాలింగ్‌, డేటా ప్రయోజనాలను పొందవచ్చని వొడాఫోన్‌ పేర్కొంది. అయితే ఇది కేవలం రాజస్తాన్‌ రాష్ట్ర వాసులకు మాత్రమే. ఈ రూ.348 ప్రీపెయిడ్‌ రీఛార్జ్‌ ఆఫర్‌ రాష్ట్రవ్యాప్తంగా అన్ని లీడింగ్‌ వొడాఫోన్‌ స్టోర్లు, మినీ స్టోర్లు, మల్టి బ్రాండు రిటైల్‌ అవుట్‌లెట్లలో అందుబాటులో ఉంటుందని కంపెనీ తన అధికారిక ప్రకటనలో తెలిపింది. మైవొడాఫోన్‌ యాప్‌ ద్వారా కూడా కస్టమర్లు ఈ రీఛార్జ్‌ చేపించుకోవచ్చని పేర్కొంది. 
  
 వొడాఫోన్‌ ఎప్పడికప్పుడు వినూత్న ప్రొడక్ట్‌లు, సర్వీసులతో మీ ముందుకు వస్తుందని,  కస్టమర్లకు అత్యున్నతమైన విలువలు అందించడమే ఈ ఆఫర్‌ లక్ష్యమని రాజస్తాన్‌ వొడాఫోన్‌ ఇండియా బిజినెస్‌ హెడ్‌ అమిత్‌ భేడీ చెప్పారు. రూ.348 ప్రీపెయిడ్‌ రీఛార్జ్ ఆఫర్‌తో, యూజర్లు ఇంటర్నెట్‌కు సంబంధించిన వీడియో, లైవ్‌టీవీ, ఛాట్స్‌ వంటి వాటిని అన్వేషించవచ్చని పేర్కొన్నారు. అదనంగా తమకు ప్రియమైన వారితో దేశవ్యాప్తంగా ఏ ప్రాంతంలో ఉన్న అపరిమిత సంభాషణ జరుపవచ్చన్నారు. రిలయన్స్‌ జియో లాంచైన దగ్గర్నుంచి వొడాఫోన్‌తో పాటు మిగతా టాప్‌ టెలికాం ప్లేయర్స్‌ తమ కస్టమర్లకు బంపర్‌ ఆఫర్లు ప్రకటిస్తున్న సంగతి తెలిసిందే. జియోకు గట్టిపోటీ ఇవ్వడానికి, దేశంలోనే అతిపెద్ద టెలికాం ఆపరేటర్‌గా ఆవిర్భవించడానికి వొడాఫోన్‌, ఐడియా సెల్యులార్‌లు ఒకటిగా జతకట్టబోతున్నాయి. 


 ► ఉచిత ఫోన్‌తో మరింతగా తగ్గే ప్రమాదం
 ► టెలికం శాఖకు వొడాఫోన్‌ ఫిర్యాదు
 
 న్యూఢిల్లీ: రిలయన్స్‌ జియో ఉచిత ఫీచర్ల ఫోన్ల వల్ల టెలికం పరిశ్రమపై ప్రతికూల ప్రభావం పడుతుందని దేశీ రెండో అతిపెద్ద టెలికం ఆపరేటర్‌ వొడాఫోన్‌ అభిప్రాయపడింది. జియో ఫోన్ల వల్ల ఆపరేటర్ల ఆదాయాలు మరింత తగ్గే ప్రమాదముందని పేర్కొంది. ‘ఇప్పటికే టెల్కోల ఆదాయాల్లో గణనీయమైన క్షీణత నమోదవుతోంది. మరొకవైపు తీవ్ర ఒత్తిడిలో ఉన్న టెలికం కంపెనీలు కేంద్ర ప్రభుత్వం విధించే పలు సుంకాలపై తగ్గింపును కోరుకుంటున్నాయి’ అని వివరించింది. కొత్త ఆపరేటర్‌ అయిన జియో తన సర్వీసులను పోటీ ధరల కన్నా తక్కువకే ఆఫర్‌ చేస్తోందని, అపరిమిత వాయిస్‌ కాల్స్‌తో కూడిన ఫీచర్‌ ఫోన్స్‌ కూడా ఇందులో భాగమేనని పేర్కొంది. దీని వల్ల ప్రస్తుత టెల్కోల ఆదాయాలు మరింత తగ్గే అవకాశముందని తెలిపింది.
 
 సంస్థ ఈ విషయాలను పేర్కొంటూ టెలికం కమిషన్‌ సభ్యులు (ఫైనాన్స్‌) అనురాధ మిత్రకు ఒక లేఖ రాసింది. ‘మాకు టెలికం సర్వీసెస్‌ నుంచి వచ్చే ఆదాయం క్షీణిస్తూనే ఉంది. 2017 జూన్‌తో ముగిసిన త్రైమాసికంలోనూ 3.41 శాతం తగ్గుదల నమోదయ్యింది’ అని వొడాఫోన్‌ వివరించింది. స్పెక్ట్రమ్‌ వాయిదా చెల్లింపులపై వడ్డీ రేట్లను తగ్గించాలని, దీని వల్ల ఆపరేటర్లకు కొంత ఉపశమనం కలుగుతుందని తెలిపింది. యూనివర్సల్‌ సర్వీస్‌ ఆబ్లిగేషన్‌ (యూఎస్‌వో) సుంకాన్ని 5 శాతం నుంచి 3 శాతానికి తగ్గించాలనే ట్రాయ్‌ ప్రతిపాదనను పరిశీలించాలని డాట్‌ను కోరింది.
 
  అధికారిక సమాచారం ప్రకారం జనవరి–మార్చి త్రైమాసికంలో టెల్కోల సర్వీసుల ఆదాయం 15 శాతం క్షీణతతో రూ.40,831 కోట్లకు తగ్గింది. గతేడాది ఇదే కాలంలో సర్వీసుల ఆదాయం రూ.48,379 కోట్లుగా ఉంది. కాగా ఆర్‌ఐఎల్‌ అధినేత ముకేశ్‌ అంబానీ ఇటీవల రూ.1,500ల పూర్తి రిఫండబుల్‌ డిపాజిట్‌తో ఉచిత 4జీ ఫీచర్‌ ఫోన్‌ను ఆవిష్కరించిన విషయం తెలిసిందే. ఈ ఫోన్ల బుకింగ్స్‌ సెప్టెంబర్‌ 24 నుంచి ప్రారంభం కానున్నవి.   
 
 లైసెన్స్‌ గడువు పొడిగించండి
 న్యూఢిల్లీ: ప్రభుత్వ రంగ టెలికం దిగ్గజం బీఎస్‌ఎన్‌ఎల్‌ తమ సెల్యులార్‌ లైసెన్సు, స్పెక్ట్రమ్‌ గడువును మరో రెండేళ్ల పాటు .. 2022 దాకా పొడిగించాలని కేంద్రాన్ని కోరింది. తమకు 2000లోనే లైసెన్సు ఇచ్చినా కార్యకలాపాలు 2002లో ప్రారంభమయ్యాయని, ఈ నేపథ్యంలో 20 ఏళ్ల లైసెన్సు వ్యవధిని 2022 దాకా పొడిగించాలని కోరినట్లు సంస్థ చైర్మన్‌ అనుపమ్‌ శ్రీవాస్తవ తెలిపారు. ముంబై, ఢిల్లీ మినహా బీఎస్‌ఎన్‌ఎల్‌ .. దేశవ్యాప్తంగా సర్వీసులు అందిస్తోంది.
 
  సుమారు 10 కోట్ల మంది యూజర్లతో 8.7 శాతం మార్కెట్‌ వాటా ఉంది. ముంబై, ఢిల్లీలో కార్యకలాపాలు ఉన్న మరో ప్రభుత్వ రంగ టెలికం సంస్థ ఎంటీఎన్‌ఎల్‌ సైతం తమ లైసెన్సు గడువు కూడా 2021 దాకా రెండేళ్ల పాటు ఎటువంటి అదనపు చార్జీలు లేకుండా పొడిగించాలంటూ ఇటీవలే కేంద్రాన్ని కోరింది. వివిధ కారణాల వల్ల పర్మిట్‌ అందిన తొలి నాలుగేళ్లలో లైసెన్సును పూర్తి స్థాయిలో వినియోగించుకోలేదని పేర్కొంది.


 న్యూఢిల్లీ : జియో ఫోన్‌ ఇంకో 15 రోజుల్లో మార్కెట్‌లోకి వచ్చేస్తోంది. ఇప్పటికే ఈ ఫోన్‌ టెస్టింగ్‌ కూడా ప్రారంభమైంది. జియో ఫోన్‌తో వచ్చే నష్టాలపై దేశీయ రెండో అతిపెద్ద టెలికాం కంపెనీ వొడాఫోన్‌ ముందుగానే ఆందోళన వ్యక్తంచేస్తోంది. అపరిమిత కాలింగ్‌ సౌకర్యంతో ఉచితంగా జియో ఫోన్‌ను అందిస్తే, టెలికాం ఆపరేటర్ల రెవెన్యూలు మరింత పతనం కానున్నాయని పేర్కొంది. ఇప్పటికే జియో ఎంట్రీతో కుదేలైన తమ రెవెన్యూలు, భారీగానే కుంగిపోనున్నాయని పేర్కొంది. ఈ క్రమంలో ఇండస్ట్రీని కాపాడేందుకు ప్రభుత్వం విధిస్తున్న లెవీలను తగ్గించాలని వొడాఫోన్‌ కోరుతోంది. జీరోకే ఫీచర్‌ ఫోన్‌, దాంతో పాటు అపరిమిత వాయిస్‌ కాలింగ్‌ వంటి వాటితో కొత్త ఆపరేటర్‌ ధరల దూకుడుతనాన్ని కొనసాగిస్తుందని వొడాఫోన్‌ ఆరోపించింది. 
  
 దీంతో ఇప్పటికే మార్కెట్‌లో ఉన్న ఆపరేటర్ల రెవెన్యూలు మరింత పతనం కానున్నాయని తెలుపుతూ టెలికాం కమిషన్‌ మెంబర్‌(ఫైనాన్స్‌) అనురాధ మిత్రాకి కంపెనీ ఓ లేఖ రాసింది. రిలయన్స్‌ ఇండస్ట్రీస్‌ అధినేత, ఎండీ ముఖేష్‌ అంబానీ ఇటీవలే జియో 4జీ ఫీచర్‌ ఫోన్‌ను ఆవిష్కరించారు. ఒక్కో యూనిట్‌కు రూ.1500 రీఫండబుల్‌ డిపాజిట్‌ చెల్లించి దీన్ని కొనుగోలు చేసుకోవచ్చని పేర్కొన్నారు. మూడేళ్ల తర్వాత ఈ మొత్తాన్ని తిరిగి ఇచ్చేయనున్నారు. ఆగస్టు 24 నుంచి ఈ ఫోన్‌ బుకింగ్స్‌ కూడా ప్రారంభం కాబోతున్నాయి. జియో దెబ్బకు వొడాఫోన్‌ రెవెన్యూలు భారీగా పడిపోతున్నాయి. 2017 జూన్‌ క్వార్టర్‌లో కంపెనీ మరో 3.41 శాతం ఢమాలమంది. స్పెక్ట్రమ్‌ చెల్లింపుల్లో ఆలస్యానికి విధిస్తున్న వడ్డీరేటు తగ్గించాల్సినవసరం ఉందని, ఇది టెలికాం ఆపరేటర్లపై భారాన్ని కూడా తగ్గిస్తుందని వొడాఫోన్‌ పేర్కొంది. ప్రస్తుతమున్న 10 శాతం రేటును 6.25-6.5 శాతం మధ్యలో ఉంచాలని వొడాఫోన్‌ కోరుతోంది. అంతేకాక యూఎస్‌ఓ లెవీని కూడా 5 శాతం నుంచి 3 శాతానికి తగ్గించాలని కూడా డీఓటీని వొడాఫోన్‌ అభ్యర్థిస్తోంది. 
  


 టెలికాం ఇండస్ట్రిలో రిలయన్స్‌ జియో ఎఫెక్ట్‌ అంతా ఇంతా కాదు. జియో తెరతీస్తున్న ధరల యుద్దానికి టెలికాం కంపెనీలు కూడా వరుసబెట్టి ఆఫర్ల మీద ఆఫర్ల కురిపిస్తున్నాయి. తాజాగా వొడాఫోన్‌ తన ప్రీపెయిడ్‌, పోస్టు పెయిడ్‌ కస్టమర్లకు ప్రారంభ ధర రూ.7 నుంచి అవర్లీ అన్‌లిమిటెడ్‌ ప్లాన్లను అందుబాటులోకి తీసుకొచ్చింది. ''సూపర్‌ అవర్‌‌'' ప్లాన్ కింద వొడాఫోన్‌ ఈ ఆఫర్లను తమ కస్టమర్లకు పరిమిత వ్యవధిలో లాంచ్‌ చేసింది. ఈ ప్లాన్ల కింద అపరిమితంగా వొడాఫోన్‌ నుంచి వొడాఫోన్‌కు ఉచితంగా లోకల్‌ కాల్స్‌ చేసుకోవచ్చు. అంతేకాక సూపర్‌ అవర్లీ ప్యాక్‌ల కింద అపరిమిత 3జీ, 4జీ డేటా ప్రయోజనాలు వొడాఫోన్‌ తన కస్టమర్లకు అందిస్తోంది. గత నెలలోనే ధన్‌ ధనా ధన్‌ ఆఫర్‌ కింద జియో కొత్త ప్లాన్లను ప్రకటించింది. జియో ఆ కొత్త ఆఫర్లు తీసుకురాగానే, టెలికాం దిగ్గజాలు కూడా తమ సరికొత్త ప్లాన్లను ప్రకటిస్తున్నాయి. 
  
 సూపర్‌ అవర్‌ ఆఫర్లను యాక్టివేట్‌ చేసుకోవాలంటే వొడాఫోన్‌ ప్రీపెయిడ్‌ కస్టమర్లు రీఛార్జ్‌  చేయించుకోవాల్సి ఉంటుంది. అదే పోస్టుపెయిడ్‌ కస్టమర్లు అయితే సంబంధిత యూఎస్‌ఎస్‌డీకి డయల్‌ చేసి ఈ ప్లాన్లను సబ్‌స్క్రైబ్‌ చేసుకోవాలి.  
  
 వొడాఫోన్‌ సూపర్‌ అవర్స్‌ ప్యాక్స్‌ గురించి కొన్ని విశేషాలు...
 1. గంటకు రూ.7 : ఈ ప్యాక్‌ కింద గంట పాటు వొడాఫోన్‌ టూ వొడాఫోన్‌ లోకల్‌ కాల్స్‌ అపరిమితంగా మాట్లాడుకోవచ్చు.
 
 2. గంటకు రూ.21 : ఈ ప్యాక్‌ కింద 4జీ, 3జీ డేటాను అపరిమితంగా వాడుకోవచ్చు.
 
 3. గంట వ్యవధి అనేది ప్యాక్‌లు యాక్టివేట్‌ చేసుకునే వొడాఫోన్‌ సిస్టమ్స్‌ సమయం ప్రకారం ఉంటుందని వొడాఫోన్‌ ఇండియా చెప్పింది.
 
 4. ఈ ఏడాది జనవరి నుంచి డిసెంబర్‌1 వరకు ఈ ప్యాక్లు అందుబాటు
 
 5. మల్టిపుల్‌ రీఛార్జ్‌లపై కూడా వొడాఫోన​ సూపర్‌ అవర్‌ స్కీమ్‌ అందుబాటులో ఉంటుంది. దీంతో ఎన్నిసార్లైనా కస్టమర్లకు ఈ ఆఫర్‌ను సబ్‌స్క్రైబ్‌ చేసుకోవచ్చు
 
 6. ముంబై, మహారాష్ట్ర, గోవా సర్వీసు ప్రాంతాల్లో, వాయిస్‌ సూపర్‌ అవర్‌ ప్లాన్లు దగ్గర్లోని గంట నుంచి యాక్టివేట్‌లో ఉంటాయి. అంటే, మీరు మధ్యాహ్నం 2.45కి రీఛార్జ్‌ చేయించుకుంటే, 3 గంటల నుంచి ఇవి అందుబాటులోకి వస్తాయి.
  
 7. అయితే సూపర్‌ అవర్‌ స్కీమ్‌ కింద ఆఫర్‌ చేసే 3జీ, 4జీ స్పీడ్‌ డేటా ప్యాక్‌లు ఆంధ్రప్రదేశ్‌, బిహార్‌, జమ్ముకశ్మీర్‌, హిమాచల్‌ ప్రదేశ్‌, మధ్యప్రదేశ్‌, చత్తీస్‌ఘర్‌ రాష్ట్రాల్లో అందుబాటులో లేవు. 
 
 8. అపరిమిత డేటా ప్యాక్‌లు వాడే కస్టమర్లకు కూడా ఇవి అందుబాటులోఉండవు. 


 టెలికాం కంపెనీలను ముప్పుతిప్పలు పెడుతున్న రిలయన్స్‌ జియోకి కౌంటర్‌ ఇచ్చేందుకు వొడాఫోన్‌ సిద్ధమైంది. విద్యార్థులను టార్గెట్‌గా చేసుకుని ఒ కొత్త స్కీమ్‌ను అందుబాటులోకి తీసుకొచ్చింది. ఈ స్కీమ్‌ కింద అపరిమిత కాల్స్‌, ప్రతి రోజూ 1జీబీ 4జీ లేదా 3జీ డేటాను 84 రోజుల పాటు వాడుకునే సదుపాయాన్ని అందించనున్నట్టు కంపెనీ ఓ ప్రకటనలో తెలిపింది. రిలయన్స్‌ జియో కూడా ధన్‌ ధనా ధన్‌ ఆఫర్‌ కింద ఇలాంటి ప్రయోజనాలనే ఆఫర్‌ చేస్తోంది. రూ.399 రీఛార్జ్‌తో ఉచిత రోమింగ్‌, అపరిమిత ఎస్‌ఎంఎస్‌ను ఇది కల్పిస్తోంది. ప్రస్తుతం వొడాఫోన్‌ విద్యార్థులకు ప్రకటించిన 'వొడాఫోన్‌ క్యాంపస్‌ సర్వైవల్ కిట్‌' స్కీమ్‌ కింద రూ.445 రీఛార్జ్‌పై అపరిమిత వాయిస్‌ కాల్స్‌, రోజుకు 1జీబీ 3జీ లేదా 4జీ డేటాను 84 రోజుల పాటు అందించనుంది. అంతేకాక డిస్కౌంట్‌ కూపన్లను, మెసెంజర్‌ బ్యాగ్‌ను ఉచితంగా ఆఫర్‌ చేస్తోంది. అయితే ఇది కేవలం కొత్త కనెక్షన్‌ తీసుకున్న ఢిల్లీ-ఎన్సీఆర్‌ ప్రాంత విద్యార్థుల​కు మాత్రమే. రూ.445 అనంతరం రూ.352తో తదుపరి రీఛార్జ్‌లకు కూడా ఇదే రకమైన ప్రయోజనాలను అందించనున్నామని వొడాఫోన్‌ తెలిపింది.
  
 రూ.445 సర్వైవల్‌ కిట్‌లోనే ఓలా, జోమాటో నుంచి డిస్కౌంట్‌ బుక్‌లెట్లు ఉంటాయి. ఈ విషయాన్ని ఢిల్లీ-ఎన్సీఆర్‌ పరిధిలోని విద్యార్థులందరికీ వొడాఫోన్‌ ఇండియా ఢిల్లీ సర్కిల్‌ బిజినెస్‌ హెడ్‌ అలోక్‌ వెర్మ ఈ-మెయిల్‌ ద్వారా తెలిపారు. ఈ స్కీమ్‌ను దేశమంతటా దశల వారీగా అందుబాటులోకి తీసుకొస్తామని కూడా చెప్పారు. అయితే సర్కిల్‌ సర్కిల్‌కు రీఛార్జ్‌ విలువ భిన్నంగా ఉంటుందని కన్స్జూమర్‌ మార్కెటింగ్‌ వొడాఫోన్‌ ఇండియా నేషనల్ హెడ్‌ అరవింద్‌ నివేటియా పేర్కొన్నారు. ప్రస్తుతం వొడాఫోన్‌ ఢిల్లీ-ఎన్సీఆర్‌లో రూ.349 రీఛార్జ్‌పై 84 రోజుల పాటు వారానికి 1200 నిమిషాలు, రోజుకు 300 నిమిషాలు చొప్పున కాలింగ్ సదుపాయాలను, రోజుకు 1జీబీ డేటాను ఆఫర్‌ చేస్తోంది. రూ.349 ఆఫర్‌ ముగుస్తుందని, కస్టమర్లు సర్వైవల్‌ కిట్‌ ద్వారా ఈ ప్రయోజనాలను పొందవచ్చని అరవింద్‌ తెలిపారు. ఇది కూడా 84 రోజుల పాటు అందుబాటులో ఉంటుందని చెప్పారు.  


 న్యూఢిల్లీ: సునామీలా  దూసుకొచ్చిన  రిలయన్స్ జియోకు  కౌంటర్‌గా  దేశీయ ప్రధాన టెలికాం ఆపరేటర్లు తన తారిఫ్‌లను, ఆఫర‍్లను ఎప్పటికపుడు సమీక్షించుకుంటున్నాయి. తద్వారా తమ కస్టమర్లను నిలుపుకొనేందుకు  ప్రయత్నిస్తున్నాయి. తాజాగా వోడాఫోన్‌   తన వినియోగదారులకు మరో కొత్త ప్లాన్  ప్రకటించింది.  ఆకర్షణీయమైన మొబైల్ డేటా ఆఫర్లతో  వస్తున్న జియోను  ఎదుర్కొనే ప్రణాళికలో భాగంగా  వోడాఫోన్‌ రూ.244 రీచార్జ్‌పై 70 జీబి 4 జీ డేటా అన్‌ లిమిటెడ్‌ కాలింగ్‌ సదుపాయాన్ని అందిస్తోంది.  70 రోజుల పాటు చెల్లుబాటయ్యేలా ఈ పథకాన్ని వినియోగదారులకు అందిస్తోంది.
 
 వోడాఫోన్ ఈ కొత్త ప్లాన్‌  రూ.244ల మొబైల్ డేటా ప్లాన్  కొత్త వినియోగదారులకు ప్రత్యేకంగా వర్తిస్తుంది.  దీని ప్రకారం రోజుకు 1జీబీ డేటా  ఉచితం. దీనికితోడు  70 రోజుల పాటు అపరిమిత కాలింగ్ సౌకర్యం పొందవచ్చు. రెండవ రీఛార్జి కోసం ఈ పథకంలో క్రొత్త వినియోగదారుడు అపరిమిత కాలింగ్ ,  డేటా సౌకర్యం  కొనసాగుతుంది. అయితే ఈ ప్లాన్‌  చెల్లుబాటు 35 రోజులకు పరిమితం.
 
  


 న్యూఢిల్లీ : భారతీ ఎయిర్‌టెల్‌, వొడాఫోన్‌, ఐడియా సెల్యులార్ల వంటి ప్రైవేట్‌ టెలికాం కంపెనీల గట్టును కాగ్‌ రట్టు చేసింది. 2010-11, 2014-15 మధ్య కాలంలో వీరు తక్కువ చేసి చూపించిన రెవెన్యూ విలువపై కాగ్‌ ఓ నివేదిక రూపొందించి పార్లమెంట్‌కి సమర్పించింది. ఈ రిపోర్టులో ఆరు ప్రైవేట్‌ టెలికాం కంపెనీలు రూ.61,064.5 కోట్ల రెవెన్యూలను తక్కువ చేసి చూపించినట్టు తెలిపింది. దీంతో ప్రభుత్వానికి రూ.7,697.6 కోట్ల చెల్లింపులు తగ్గిపోయాయని కాగ్‌ పేర్కొంది. దీనికి సంబంధించి పూర్తి నివేదికను కంప్ట్రోలర్ అండ్ ఆడిటర్ జనరల్(కాగ్) శుక్రవారంపార్లమెంట్‌లో సమర్పించింది.
  
 కాగ్‌ తన ఆడిట్‌లో ఆరు ఆపరేటర్లు అడ్జెస్టడ్‌ గ్రాస్‌ రెవెన్యూలు మొత్తం రూ. 61,064.56 కోట్లకు తగ్గించి చూపించాయని పేర్కొంది. భారతీ ఎయిర్‌టెల్‌, వొడాఫోన్‌ ఇండియా, ఐడియా సెల్యులార్‌, రిలయన్స్‌ కమ్యూనికేషన్స్‌, ఎయిర్‌సెల్‌ వంటి ఐదు ఆపరేటర్లకు సంబంధించిన 2010-11 నుంచి 2014-15 కాల ఆడిట్‌ రిపోర్టులో ఇవి బయటపడగా.. సిస్టెమా శ్యామ్ అనే కంపెనీ 2006-07 నుంచి 2014-15 ఈ చర్యకు పాల్పడిందని తెలిసింది. రెవెన్యూ షేరును తక్కువ చేసి చూపించడంతో ప్రభుత్వం భారీ మొత్తంలోనే చెల్లింపులను పోగట్టుకుందని కాగ్‌ రిపోర్టు తేల్చింది.       
  


 న్యూఢిల్లీ : ప్రస్తుతం మార్కెట్‌లో టెలికాం కంపెనీలు ఆఫర్‌ చేస్తున్న కాల్‌ రేట్లు ఇక మోతమోగనున్నాయి. ఇప్పటివరకున్న ఇంటర్‌కనెక్షన్‌ యూసేజ్‌ ఛార్జీలను(ఐయూసీ) రెండింతలు పెంచాలని టెలికాం దిగ్గజాలు భారతీ ఎయిర్‌టెల్‌, ఐడియా సెల్యులార్‌లు ప్రతిపాదించాయి. మొబైల్‌ కాల్‌ రేట్లకు ఐయూసీ కీలక ఇన్‌పుట్‌. తమ నెట్‌వర్క్‌లకు వచ్చే ఇన్‌కమింగ్‌ కాల్స్‌ను టర్మినేట్‌ చేయడానికి నిమిషానికి 30 పైసలు వసూలుచేయాలని నిర్ణయించాలని ఈ దిగ్గజాలు చెప్పాయి. మరో టెలికాం కంపెనీ వొడాఫోన్‌ కూడా ఈ రేటును ప్రస్తుతమున్న దానికంటే రెండింతలు ఎక్కువగా 34 పైసలుగా ప్రతిపాదించింది. ఈ ప్రభావం డైరెక్ట్‌గా మొబైల్‌ కాల్‌ రేట్లపై పడనుందని తెలుస్తోంది. ఐయూసీలో ఎలాంటి మార్పు వచ్చిన తొలుత ప్రభావితమయ్యేది మొబైల్‌ కాల్స్‌ రేట్లే. ఈ ఛార్జీలతోనే టెలికాం కంపెనీలు టారిఫ్‌లను నిర్ణయిస్తాయి.
  
 టెలికాం రెగ్యులేటరీ ట్రాయ్‌ నిర్వహించిన ఐయూసీ రివ్యూ వర్క్‌షాపులో ఈ ఛార్జీలను పెంచాలని ప్రతిపాదించినట్టు టెలికాం ఆపరేటర్లకు చెందిన ఓ అధికారి చెప్పారు. ఇతర నెట్‌వర్క్‌ల నుంచి వచ్చే ప్రతి ఇన్‌కమింగ్‌ కాల్స్‌కు ఇంటర్‌కనెక్షన్‌ ఛార్జీ కింద వీటిని వసూలు చేస్తాయి. ఈ ఛార్జీలు మొబైల్‌ సబ్‌స్క్రైబర్లు చెల్లించే ఛార్జీల్లోనే కలిసి ఉంటాయి. ఐయూసీను టెలికాం రెగ్యులేటరీ ట్రాయ్‌ నిర్ణయిస్తోంది. ప్రస్తుతం ప్రతి ఇన్‌కమింగ్‌ కాల్‌కు నిమిషానికి 14 పైసల ఐయూసీ ఉంది. ఈ రేట్ల పెంపుతో టెలికాం ఆపరేటర్లు ఇతర నెట్‌వర్క్‌ల నుంచి వచ్చే ఇన్‌కమింగ్‌ కాల్స్‌ లోడ్‌ వ్యయాలను తగ్గించుకోవాలని చూస్తున్నాయి. ట్రాయ్‌ నిర్వహించిన సమావేశంలో టెలికాం మార్కెట్లోకి కొత్తగా ఎంట్రీ ఇచ్చిన రిలయన్స్‌ జియో కూడా పాల్గొంది.  అయితే ఇన్‌కమింగ్‌ కాల్స్‌పై ఎలాంటి ఛార్జీలు వసూలు చేయవద్దని జియో పోరాడుతోంది.
  
 
 ఎయిర్‌టెల్‌ ఒక్కో ఇన్‌కమింగ్‌ కాల్‌ నిర్వహించడానికి అయ్యే వ్యయాలు 30 పైసలుగా పేర్కొంది. దీంతో ఐయూసీని పెంచాలని డిమాండ్‌ చేస్తుందని సంబంధిత వర్గాలు చెప్పాయి. ఐయూసీ పెంపుతో ఈ వ్యయాలను అది రికవరీ చేసుకోవాలని చూస్తోంది.
 
 వొడాఫోన్‌కు కూడా ఈ వ్యయాలు 30 పైసలవుతున్నాయి. దీనిలో లైసెన్సు ఫీజులను కలుపలేదు. లైసెన్సు ఫీజులను కలిపితే ఒక్కో ఇన్‌కమింగ్‌ కాల్‌కు 34 పైసల ఖర్చవుతుంది. 
 
 ట్రాయ్‌ మెథడాలజీ ప్రకారం ఐడియా సెల్యులార్‌కి కూడా ఒక్కో ఇన్‌కమింగ్‌ కాల్‌ నిర్వహించడానికి సమారు 30 పైసలు ఖర్చవుతోంది. దాని లెక్కల ప్రకారం ఇది 35 పైసలుగా ఉంది.  
 
  


 ముఖేష్ అంబానీ రిలయన్స్ జియో ఎఫెక్ట్ తో వొడాఫోన్ ఇటీవల ఆఫర్ల వర్షం కురిపిస్తున్న సంగతి తెలిసిందే. వొడాఫోన్ ఇండియా మళ్లీ సరికొత్త ఆఫర్ ను లాంచ్ చేసింది.  ఆ ఆఫర్ తో గంటకు తక్కువ ధర ఆరు రూపాయలతో అపరిమిత ఇంటర్నెట్ సౌకర్యాన్ని కల్పించనున్నట్టు పేర్కొంది. సూపర్ నైట్ పేరుతో ఈ ఆఫర్ ను వొడాఫోన్ తన ప్రీపెయిడ్ కస్టమర్లకు లాంచ్ చేసింది. దీనిలో భాగంగా 29 రూపాయలతో అపరిమిత 3జీ/4జీ డేటా వాడకాన్ని, డౌన్ లోడ్స్ ను ఐదు గంటల పాటు వినియోగించుకోవచ్చు.
 
 రోజుల్లో ఏ సమయంలోనైనా ఈ ఆఫర్ ను యాక్టివేట్ చేసుకోవచ్చు. కానీ ఈ ఆఫర్ కేవలం రాత్రి 1 గంటల నుంచి ఉదయం 6 గంటల వరకు మాత్రమే అందుబాటులో ఉంటుంది. నేడు వొడాఫోన్ ఇండియా విడుదల చేసిన ప్రకటనలో ఈ విషయాన్ని తెలిపింది. '' వొడాఫోన్ సూపర్ నైట్ రిపీట్ గా కొనుగోలు చేస్తూ.. కస్టమర్లు అపరిమితంతో ప్రతి రాత్రి సూపర్ రాత్రిగా అనుభూతి పొందండి. గంటకు కేవలం ఆరు రూపాయలతో డేటాను ఎంజాయ్ చేయండి'' అని వొడాఫోన్ పేర్కొంది.
  
 ఈ వినూత్న ప్రొడక్ట్ ను లాంచ్ చేసిన తర్వాత మాట్లాడిన వొడాఫోన్ ఇండియా చీఫ్ కమర్షియల్ ఆఫీసర్ సందీప్ కటారియా.. సూపర్ అంబ్రిలా కింద తమ కస్టమర్లకు వొడాఫోన్ నైట్ తీసుకురావడం తాము చాలా సంతోషిస్తున్నామని, అన్ని ఇతర సూపర్ ప్రొడక్ట్ లాగానే, ఇంటర్నెట్ వాడకానికి ఉన్న ధర అడ్డంకులను ఇది తొలగిస్తుందని పేర్కొన్నారు. నేటి యువత జీవనంలో మొబైల్ ఫోన్ కీలకపాత్ర పోషిస్తుందన్నారు.  ఈ సూపర్ నైట్ ప్యాక్స్ తో నామమాత్ర ధరలతో ఐదు గంటల పాటు ఎంత కావాలంటే అంత డేటా డౌనో లోడ్ చేసుకోవచ్చని తెలిపారు.
  
 సూపర్ నైట్ పై అందించే అపరిమిత డేటాతో వొడాఫోన్ ప్లే నుంచి విభిన్నమైన కంటెంట్ ను డౌన్ లోడ్ చేసుకోవచ్చని కూడా పేర్కొంది. డిజిటల్ చానల్స్, రిటైల్ టచ్ పాయింట్ల నుంచి ఈ సూపర్ నైట్ ప్యాక్ లను కస్టమర్లు కొనుగోలు చేసుకోవచ్చు లేదా  *444*4# డయల్ చేసి కూడా కస్టమర్లు ఈ ప్యాక్ ను యాక్టివేట్ చేసుకోవచ్చు. వొడాఫోన్ సూపర్ నెట్ తో కనెక్ట్ అయిన వెంటనే ఈ ప్రయోజనాలు అందుబాటులోకి వస్తాయి. జియో కూడా రూ.19 ప్యాక్ ను ఆఫర్ చేస్తోంది. దీనికి గట్టి పోటీగా వొడాఫోన్ ఈ ఆఫర్ ను లాంచ్ చేసింది.