రేపు బీసీ చైతన్య సదస్సు

హన్మకొండ : భూపాలపల్లిలో శనివారం బీసీ చైతన్య సదస్సు ఏర్పాటుచేసినట్లు బీసీ సంక్షేమ సంఘం జిల్లా అధ్యక్షుడు వడ్లకొం డ వేణుగోపాల్‌ తెలిపారు. హన్మకొండలోని హరితకాకతీయ హోట ల్‌లో గురువారం జరిగిన సంఘం కార్యకర్తల సమావేశంలో ఆయన మాట్లాడారు. సంఘాన్ని బలోపేతం చేయడంలో భాగంగా చైతన్య సదస్సులు నిర్వహిస్తున్నట్లు తెలిపారు.

ఈ మేరకు భూపాలపల్లిలో 30వ తేదీన జరగనున్న సదస్సులో సంఘం జాతీయ అధ్యక్షుడు ఆర్‌.కృష్ణయ్య ముఖ్య అతిథిగా పాల్గొంటారన్నారు. సదస్సుకు రాజకీయాలకతీతంగా బీసీ ప్రజాప్రతినిధులు, ఉద్యోగులు, యువత, విద్యార్థులు హాజరుకావాలని కోరారు.  దొడ్డపల్లి రఘుపతి, తాళ్ల సంపత్‌కుమార్, సబ్బు అనిల్‌కుమార్, ఇందారపు మహేష్‌కుమార్, చిట్యాల పురుషోత్తం, నాగపురి పవన్‌కుమార్‌ పాల్గొన్నారు.