‘నిజాలపై విస్తృత స్థాయి బేటీలు’

హైదరాబాద్‌: టీజేఎసీ ఏర్పాటు చేసిన విస్తృత స్థాయి సమావేశం ఆదివారం ముగిసింది. ఈ సమావేశంలో టీజేఎసీ చైర్మెన్‌ ప్రొఫెసర్‌ కోదండరాం మాట్లాడుతూ .. తెలంగాణ  ప్రజలు అనేక ఇబ్బందులు ఎదుర్కొంటున్నా టీఆర్‌ఎస్‌ ప్రభుత్వం పట్టించుకోవట్లేదని విమర్శించారు. బతుకు తెలంగాణ సాధన కోసం జయశంకర్‌ స్ఫూర్తి యాత్ర చేపట్టాలని టీజేఎసీ నిర్ణయం తీసుకుందని అన్నారు. రాబోయే జూన్‌ 21 నుంచి యాత్ర ప్రారంభం కానుందని చెప్పారు.

తెలంగాణ రాష్ట్ర ప్రభుత్వ లక్ష్యం నీళ్లు, నిధులు, నియమాకాలు అని చెప్పి ప్రజలను మోసం చేస్తుందని ఆవేదన వ్యక్తం చేశారు. ఈ ప్రభుత్వం అన్ని అబద్ధాలు చెబుతుందని అందుకే నిజాలపై మే నెలలో విస్తృత స్థాయి భేటీలు చెపడుతామని కోదండరాం పేర్కొన్నారు. కేజీ టు పీజీ పథకం మాటలకే పరిమితం అయిందని దానిని వెంటనే ఏర్పాటు చేయాలని డిమాండ్‌ చేశారు. టీజేఎసీ ఆధ్వర్యంలో రాష్ట్ర ప్రజల సమస్యలు తెలుసుకుని నిరసన కార్యక్రమాలు చేస్తామని ఆయన పేర్కొన్నారు. అంతేకాక గ్రామస్థాయిలో కూడా టీజేఎసీ పటిష్టం చేసి ప్రజల సమస్యలపై పోరాడుతామని ఆయన అన్నారు. అందుకే గ్రామస్థాయి కమిటీలు ఏర్పాటు చేస్తున్నామని  కోదండరాం తెలిపారు.