TV
వరంగల్ జిల్లా తాడ్వాయి మండలం కాల్వపల్లి గ్రామానికి చెందిన ఓ వ్యక్తిని మావోయిస్టు సానుభూతిపరుడనే అనుమానంతో పోలీసులు అదుపులోకి తీసుకున్నారు. గ్రామానికి చెందిన సిద్ధబోయిన సంపత్ (25) గతంలో కూలీ పనులు చేసుకునేవాడు. ఆరు నెలల క్రితం లారీ క్లీనర్ పని కోసం వెళుతున్నానని చెప్పి ఇంటి నుంచి వెళ్లిపోయాడు. ఇటీవల వరంగల్ జిల్లాలో జరిగిన ఎన్‌కౌంటర్‌కు ముందు తిరిగి తన గ్రామానికి చేరుకున్నాడు. ఈ నేపథ్యంలో నాలుగు రోజుల క్రితం పోలీసులు సంపత్‌ను మావోయిస్టు సానుభూతిపరుడనే అనుమానంతో అదుపులోకి తీసుకున్నట్టు విశ్వసనీయ సమాచారం. సంపత్‌ను కోర్టు ముందు హాజరపరచనున్నట్టు తెలిసింది.
పోలీసుల అదుపులో మావోయిస్టు!
Published Wed, Sep 23 2015 10:49 AM | Last Updated on Tue, Oct 9 2018 2:47 PM
Advertisement
Advertisement
