'ఎయిర్‌పోర్టు పేరు మారిస్తే ఉద్యమాలు చేస్తాం'

'ఎయిర్‌పోర్టు పేరు మారిస్తే ఉద్యమాలు చేస్తాం'

హైదరాబాద్: శంషాబాద్ ఎయిర్ పోర్టుకు ప్రస్తుతం ఉన్న రాజీవ్ గాంధీ పేరును మార్చి..ఎన్టీఆర్ పేరు పెడితే ఉద్యమాలు చేస్తామని టీపీసీసీ చీఫ్ పొన్నాల లక్ష్మయ్య హెచ్చరించారు. ఆ ప్రతిపాదనను వెంటనే ఉపసంహరించు కోవాలని డిమాండ్ చేశారు.ఈ రోజు తెలంగాణ టి.కాంగ్రెస్ ప్రజాప్రతినిధుల సమావేశంలో పొన్నాల ఈ మేరకు వ్యాఖ్యలు చేశారు. సీఎల్పీ నేత ఎన్నిక నిర్ణయాన్ని ఏఐసీసీ అధ్యక్షురాలు సోనియా గాంధీకే అప్పగిస్తూ ఈ భేటీలో తీర్మానం చేశారు.

ఈ సందర్భంగా మాట్లాడిన పొన్నాల.. ఎయిర్ పోర్టుకు పేరు మార్చి యోచన మంచి పద్దతి కాదని తెలిపారు. దీనిపై కేంద్రం ఉపసంహరించుకోవాలని ఆయన కోరారు. పోలవరం ఆర్డినెన్స్‌ అప్రజాస్వామికమని ఆయన అన్నారు. పోలవరం ఆర్డినెన్స్‌ను కేంద్రం వెంటనే నిలిపివేయాలన్నారు.