ఐసిస్ హిట్‌లిస్టులో జడ్జీలు, ఆర్ఎస్ఎస్ నాయకులు

ఫ్రాన్స్లోని నైస్ నగరంలో జరిగిన భారీ ఉగ్రదాడి మాదిరిగా భారత్లోనూ అటాక్కు ప్లాన్ చేస్తున్న ఓ ఆరుగురు ఐఎస్ఐఎస్ అనుమానితులను పోలీసులు అరెస్టు చేశారు. కేరళలో మతనాయకులందరూ సమావేశమైనప్పుడు వాహనాన్ని పేల్చి దాడి చేసేందుకు వారు పన్నాగం పన్నినట్టు తెలుస్తోంది. కాగ గతవారమే ఐఎస్ఐఎస్తో సంబంధాలున్న కేరళ తిరునల్వేలిలో ఓ న్యాయవిద్యార్థిని జాతీయ  దర్యాప్తు సంస్థ అరెస్ట్ చేసింది. అతన్ని అదుపులోకి తీసుకున్న కొన్ని రోజుల్లోనే మరో ఆరుగురిని కేరళ పోలీసులు అరెస్టుచేశారు. ఈ ఏడుగురు కలిసి కేరళలో దాడికి ప్లాన్ చేస్తున్నట్టు వెల్లడైంది. నైస్ తరహాలో దాడి మాత్రమే కాక వారి హిట్ లిస్టులో ఇద్దరు హైకోర్టు జడ్జీలు, ప్రముఖ హేతువాది, ఆర్ఎస్ఎస్ నాయకులు ఉన్నట్టు తెలిసింది. విచారణలో ఈ విషయాలు బయటపడ్డాయని, వారిపై కఠినచర్యలు తీసుకుంటామని కేరళ పోలీసు డైరెక్టర్ జనరల్ లోక్నాథ్ బెహెరా తెలిపారు.