TV
'పాక్ ప్రమేయానికి సంబంధించి ఏమీ మాట్లాడను'
శ్రీనగర్ : జమ్మూ కాశ్మీర్‌లో జరిగిన దాడుల విషయంలో పాకిస్తాన్ ప్రమేయానికి సంబంధించిన తానేమి మాట్లాడలేనని జమ్మూ కాశ్మీర్ ముఖ్యమంత్రి ఒమర్‌ అబ్దుల్లా అన్నారు. భారత్‌-పాకిస్థాన్‌ మైత్రీ బంధాన్ని అడ్డుకునే దుష్టశక్తులు గతంలో కూడా చర్చల సమయంలో ఇలాంటి దాడులు చేశాయని గుర్తు చేశారు. జరిగిన దాడుల్ని ఒమర్‌ ఖండించారు.
జమ్ము కాశ్మీర్ రాష్ట్రంలో జరిగిన తీవ్రవాదుల దాడిలో ఓ ఆర్మీ అధికారి సహా మొత్తం 12 మంది మరణించారు. ఈనెల 29 వ తేదీన ప్రధాని మన్మోహన్ సింగ్, పాక్ ప్రధాని నవాజ్ షరీఫ్ మధ్య న్యూయార్క్లో సమావేశం జరగనున్న నేపథ్యంలో కూడా.. ఉగ్రవాదులు ఇలాంటి దాడులకు తెగబడటం గమనార్హం.
