కేవలం 72 గంటల్లో..4000 ఈ-మెయిల్స్

న్యూఢిల్లీ : బ్లాక్మనీ హోల్డర్స్పై ఉక్కుపాదం మోపడానికి ప్రభుత్వం తీసుకుంటున్న చర్యలకు అనూహ్య స్పందన వస్తోంది. పాత నోట్ల రద్దు అనంతరం బ్లాక్మనీ హోల్డర్స్ వివరాలు తెలిసిన వాళ్లు తమకు డైరెక్ట్ గా సమాచారం అందించాలంటూ ప్రభుత్వం ఓ ఈ-మెయిల్ అడ్రస్ను ప్రవేశపెట్టింది. ప్రభుత్వం తీసుకొచ్చిన ఈ-మెయిల్ అడ్రస్కు కేవలం 72 గంటల్లోనే 4,000 మెసేజ్లు అందాయి. శుక్రవారం నుంచి తీసుకొచ్చిన   blackmoneyinfo@incometax. gov మెయిల్కు మంచి స్పందన వస్తున్నట్టు ఆర్థికమంత్రిత్వ శాఖ తెలిపింది. బ్యాంకు అకౌంట్లలో డిపాజిట్లు, ఇతర అస్పష్టమైన ఆదాయ వివరాలు కూడా ఇటు పన్ను అధికారులు, ఇతర విచారణ ఏజెన్సీలకు భారీగా అందుతున్నట్టు పేర్కొంది. డిపాజిట్ల  చేసిన నివేదికలు తమకు రోజువారీ అందుతున్నాయని, దాని ప్రకారం ఏజెన్సీలు వీటిపై దృష్టిసారిస్తున్నట్టు ఆర్థికశాఖ అధికారులు చెప్పారు.