TV
ఏయిర్ ఏసియా కలర్ ఫుల్ ఆఫర్
రంగుల వసంత కేళి సందర్భంగా ఏయిర్ ఏసియా కలర్ ఫుల్ ఆఫర్ ప్రకటించింది. హోళి పండుగ సందర్భంగా రూ.1,499కే విమాన టిక్కెట్ ధరలను విక్రయించనున్నట్టు పేర్కొంది. 2017 మార్చి 12 వరకు ఈ ఆఫర్ బుకింగ్స్ అందుబాటులో ఉండనున్నాయని టాటా సన్స్, మలేషియన్ క్యారియర్ ఏయిర్ ఏసియా జాయింట్ వెంచర్ తన వెబ్సైట్ లో వెల్లడించింది.
2017 జూన్ 30 వరకు ప్రయాణాలకు ఈ స్పెషల్ ఫేర్స్ వర్తించనున్నాయి. ఈ స్కీమ్ కింద హైదరాబాద్, బెంగళూరు మధ్య ప్రయాణాలకు అతి తక్కువ టిక్కెట్ ధర రూ.1,499కు(అన్ని ఛార్జీలు కలుపుకుని) అందుబాటులో ఉండనుంది. శ్రీనగర్, పూణే వంటి సుందర ప్రదేశాల్లో మీరు ప్రేమిస్తున్న వ్యక్తులతో రంగుల పండుగను సెలబ్రేట్ చేసుకోవాలని ఆకాంక్షిస్తూ ఏయిర్ ఏసియా ఓ ట్వీట్ కూడా చేసింది.
ఈ ఆఫర్ కింద ఇతర రూట్స్ టిక్కెట్ ధరలు ఇలా ఉన్నాయి:
ఇంఫాల్-గోహతి మధ్య ప్రయాణాలకు రూ.1999
పూణే-జైపూర్ మధ్య ప్రయాణాలకు రూ.2,999
పూణే-బెంగళూరు, విశాఖపట్నం-బెంగళూరు మధ్య ప్రయాణాలకు రూ.2,399
దేశీయ మార్కెట్లో ఏయిర్ ఇండియా, ఇండిగో, జెట్ ఏయిర్ వేస్, స్పైస్ జెట్ లకు పోటీగా ఏయిర్ ఏసియా ఈ ఆఫర్ ప్రకటించింది. ఇటీవలే ఈ ప్రత్యర్థి విమానయాన సంస్థలు కూడా డిస్కౌంటెడ్ టారిఫ్‌లను ప్రకటించాయి.
