ఆ కారు కొనాలంటే.. నోటు బాధలేదు!

న్యూఢిల్లీ : పెద్ద నోట్ల ప్రభావం.. కారు అమ్మకాలపై ప్రతికూల ప్రభావాన్ని చూపకూడదనే అభిప్రాయంతో హోండా కార్స్ ఇండియా కొనుగోలుదారుల కోసం బంపర్ ఆఫర్ తీసుకొచ్చింది. హెచ్డీఎఫ్సీ, యాక్సిస్, ఐసీఐసీఐ బ్యాంకులతో జతకట్టిన హోండా కార్స్, కొనుగోలుదారులకు 100 శాతం రుణ సౌకర్యాన్ని కల్పించనున్నట్టు ప్రకటించింది. దీంతో కస్టమర్లు నోట్ల బాధ నుంచి తప్పించుకుని, కార్లను తేలికగా కొనుగోలు చేస్తారని హోండా కార్స్ తెలిపింది. రూ.500, రూ.1000 నోట్లను రద్దుచేస్తూ ప్రభుత్వం తీసుకున్న నిర్ణయం కార్ల కొనుగోలు ప్రక్రియలో అతిపెద్ద అవాంతరంగా ఏర్పతుందని, నగదుతో కార్లను కొనుగోలు చేసే స్థాయి పడిపోతున్నట్టు అంచనావేస్తున్నట్టు హెచ్సీఐఎల్ సేల్స్ అండ్ మార్కెటింగ్ సీనియర్ వైస్ ప్రెసిడెంట్ జ్ఞానేశ్వర్ సేన్ తెలిపారు.