మందుపాతర పేలుడు: జవాన్లకు గాయాలు

హైదరాబాద్: ఛత్తీస్గఢ్లో మావోయిస్టులు మరోసారి రెచ్చిపోయారు. సుకుమా సమీపంలోని తడిమెట్ల వద్ద సీఆర్పీఎఫ్ ఐజీ వాహన శ్రేణిని లక్ష్యంగా చేసుకుని మావోయిస్టులు మందుపాతర పేల్చివేశారు. ఈ ఘటనలో ఇద్దరు సీఆర్పీఎఫ్ జవాన్లు తీవ్రంగా గాయపడ్డారు. గాయపడిన సీఆర్పీఎఫ్ జవాన్లును హుటాహుటిన సమీపంలోని ఆసుపత్రికి తరలించారు. వారి పరిస్థితి విషమంగా ఉందని వైద్యులు వెల్లడించారు. మందుపాతర పేలుడులో ఐజీ వాహన శ్రేణిలోని వాహనాలు పాక్షికంగా దెబ్బతిన్నాయి.

ఆ ఘటనపై సమాచారం అందుకున్న సీఆర్పీఎఫ్, పోలీసు ఉన్నతాధికారులు హుటాహుటిన సంఘటన స్థలానికి చేరుకున్నారు. అనంతరం మావోయిస్టుల కోసం పరిసర ప్రాంతాలలో కూంబింగ్ నిర్వహిస్తున్నారు. అయితే నిన్న తెల్లవారుజామున మావోయిస్టులు ఇదే ప్రాంతంలో మందుపాతర పేల్చిన ఘటనలో సీఆర్పీఎఫ్ జవాన్ తీవ్రంగా గాయపడిన సంగతి తెలిసిందే.