ఇక పెళ్లిళ్లపై సర్కారు ఆంక్షలు

ఇంట్లో కొడుకు లేదా కూతురు పెళ్లి జరుగుతోందంటే చెప్పలేనంత ఆర్భాటం ఉంటుంది. నిశ్చితార్థం నుంచి పెళ్లి అయ్యేవరకు చుట్టాల సందడి, బాజా భజంత్రీలు, భారీ ఎత్తున విందు వినోదాలు.. ఇవన్నీ ఉంటాయి. కానీ ఈ హంగు, ఆర్భాటాలకు జమ్ము కశ్మీర్ ప్రభుత్వం ముకుతాడు వేసింది. నిశ్చితార్థం లాంటి చిన్న ఫంక్షన్లకైతే గరిష్ఠంగా వంద మందికి మించి అతిథులను పిలవడానికి వీల్లేదని, అలాగే కూతురి పెళ్లికైతే 500 మంది, కొడుకు పెళ్లికైతే 400 మందిని మాత్రమే పిలవాలని ప్రభుత్వం నిబంధనలు విధించింది. ఏడు రకాల వంటలను మాత్రమే వడ్డించాలి తప్ప.. ఎక్కువ పదార్థాలు పెట్టి వాటిని వృథా చేయకూడదని కూడా ఆదేశాల్లో పేర్కొన్నారు.