TV
చైనాలో అరుదైన ఘటన!
చైనాలో అరుదైన ఘటనలకు కొదవలేనట్టుంది. అప్పుడో-ఇప్పుడో చైనాలోని అరుదైన ఘటనలు మనకు తెలుస్తూనే ఉంటాయి. తాజా అరుదైన ఘటన ఈ నెల 3న బీజింగ్‌లోని డాంగ్జీమెన్‌ రైల్వే స్టేషన్‌లో జరిగింది. ఓ వ్యక్తి ఫ్లాట్‌పామ్‌-రైలుకు మధ్య ఇరుక్కుపోయాడు. అతన్ని కాపాడేందుకు మొదట రైల్వే సిబ్బంది ప్రయత్నించినా కుదరలేదు.
దీంతో ప్రయాణికులు తలో చేయి వేశారు. అందరూ కలిసి రైలును అటువైపు తోసి.. ఇరుక్కుపోయిన వ్యక్తి ప్రాణాలను కాపాడారు. ప్రస్తుతం ఈ ఘటనకు సంబంధించిన వీడియోలు యూట్యూబ్‌లో హల్‌చల్‌ చేస్తున్నాయి. రైలు వస్తున్న సమయంలోనే ఓ వ్యక్తి ప్లాట్‌ఫామ్‌ కిందకు దిగాడని, దీంతో రైల్వే డ్రైవర్ సడన్‌గా బ్రేక్‌ వేసినా అతను ప్లాట్‌ఫామ్‌కు రైలుకు మధ్య ఉండే గ్యాప్‌లో చిక్కుకుపోయాడని, దీంతో తోటి ప్రయాణికులందరూ కలిసి అతన్ని కాపాడారని చానెల్‌ న్యూస్‌ ఏసియా ఒక కథనంలో తెలిపింది.
