TV
ఆన్‌లైన్ మందులకు నిరసనగా 14న బంద్
సాక్షి, హైదరాబాద్: ఇంటర్నెట్ ద్వారా ఆన్‌లైన్‌లో మందుల వ్యాపారానికి అనుమతిచ్చిన కేంద్ర నిర్ణయాన్ని వ్యతిరేకిస్తూ ఈ నెల 14న జాతీయ స్థాయిలో కెమిస్టులు బంద్ నిర్వహిస్తున్నట్లు ఆలిండియా కెమిస్ట్స్ అసోసియేషన్ అధ్యక్షుడు జె.ఎస్.షిండే తెలిపారు. మందుల విక్రయాలకు సంబంధించి దేశంలో అనేక సమస్యలున్నాయని, ఇప్పటికే నిబంధనలకు వ్యతిరేకంగా ఆన్‌లైన్‌లో మందుల విక్రయాలు జరుగుతున్నా కేంద్రం చూసీచూడనట్లు వ్యవహరిస్తోందని గురువారం ఓ ప్రకటనలో పేర్కొన్నారు.
