TV
ఒళ్లు గగుర్పొడిచే యాక్సిడెంట్‌ వీడియో
ఒళ్లు గగుర్పొడిచే రీతిలో దేశ రాజధాని న్యూఢిల్లీలో జరిగిన ఓ యాక్సిడెంట్‌ విజువల్స్‌ తాజాగా వెలుగులోకి వచ్చాయి. కొత్త సంవత్సరంనాడు ఢిల్లీ సాగర్‌పూర్‌లోని పింక్‌ అపార్ట్‌మెంట్స్‌ నుంచి బయటకు వచ్చిన ఓ మహిళ.. ఆటో కోసం రోడ్డు పక్కన ఎదురుచూస్తుండగా.. అదే సమయంలో అపార్ట్‌మెంట్స్‌ నుంచి వచ్చిన వాగన్‌ ఆర్‌ కారు ఆమెకు చేరువలో రోడ్డు దాటేందుకు సిద్ధంగా ఉంది. ఇంతలో అవతలివైపు నుంచి వేగంగా దూసుకొచ్చిన ఓ ఎర్టిగా కారు.. అదుపు తప్పి మొదట మహిళను, ఆ వెంటనే వాగన్‌ ఆర్‌ను ఢీ కొట్టింది. ఈ ప్రమాదంలో రెండు వాహనాల మధ్య నలిగి తీవ్రంగా గాయపడ్డ మహిళ.. వేగర్‌ ఆర్‌ కింద ఇరుక్కుపోయింది. స్థానికులు అతికష్టమ్మీద ఆమెను బయటకు తీశారు. ఒళ్లు గగుర్పొడిచేరీతిలో జరిగిన ఈ ప్రమాదంలో ఆమె ప్రాణాలతో బయటపడటం గమనార్హం.
కాగా, ఈ ప్రమాదానికి పాల్పడింది ఓ వీఐపీ కుమారుడని, మైనర్‌ అని గుర్తించారు. ప్రమాదం జరిగిన తర్వాత అతను పారిపోయేందుకు ప్రయత్నించగా స్థానికులు పట్టుకుని పోలీసులకు అప్పగించారు. గాయపడ్డ మహిళను వెంటనే ఆస్పత్రికి తరలించి చికిత్స అందించడంతో ఇప్పుడిప్పుడే కోలుకుంటోంది.
