TV
శేషాద్రి ఎక్స్ ప్రెస్ లో దొంగల భీభత్సం
నెల్లూరు: నెల్లూరు జిల్లా మనుబోలు వద్ద శేషాద్రి ఎక్స్ ప్రెస్ లో దొంగలు భీభత్సం సృష్టించారు. రైలు కాకినాడ నుంచి బెంగళూరు వెళ్తుండగా బుధవారం ఈ సంఘటన జరిగింది. మనుబోలు వద్ద రైలు లోకి చొరబడిన దొంగలు చైన్ లాగి దోపిడీకి పాల్పడ్డారు. ఎస్-2, 7, 8 బోగిల్లో ఉన్న ప్రయాణికులను బెదిరించి నగదును, బంగారాన్ని దోచుకెళ్లారు. ప్రయాణికుల సమాచారం మేరకు పోలీసులు కేసు నమోదు చేసుకుని దర్యాప్తు చేస్తున్నారు.
