TV
దుమ్మురేపుతున్న హీరో కూతురి ఫొటోలు!
త్వరలో అమ్మ కాబోతున్న బాలీవుడ్‌ నటి కరీనా కపూర్‌ పుట్టినరోజు వేడుక బుధవారం ఘనంగా జరిగింది. 36వ వసంతంలోకి అడుగుపెట్టిన ఆమె సన్నిహిత బంధుమిత్రుల సమక్షంలో బర్త్‌ డే సంబరాలు జరుపుకొన్నారు. ఈ వేడుకలో భర్త సైఫ్‌ అలీఖాన్‌తోపాటు సోదరి కరిష్మా కపూర్‌, సోదరుడు రణ్‌బీర్‌ కపూర్‌ తోపాటు కపూర్‌, ఖాన్‌ పరివారానికి చెందిన ప్రముఖులు చాలామంది హాజరయ్యారు.
ఎంతోమంది ప్రముఖులు పాల్గొన్న ఈ వేడకలో సైఫ్‌ అలీఖాన్‌- ఆయన మొదటి భార్య కూతురు సారా అలీఖాన్‌ స్పెషల్‌ అట్రాక్షన్‌ గా నిలిచింది. త్వరలో కరణ్‌ జోహర్‌ తెరకెక్కిస్తున్న 'స్టూడెంట్‌ ఆఫ్‌ ది ఇయర్‌-2' సినిమాలో టైగర్‌ ష్రఫ్‌కు జోడీగా సారా బాలీవుడ్‌లో అరంగేట్రం చేయబోతున్నట్టు కథనాలు వస్తున్నాయి. ప్రముఖ క్రికెటర్‌ పటౌడీ అలీఖాన్‌ మనవరాలు అయిన సారా అలీఖాన్‌ సినీ ప్రవేశం గురించి చాలా కథనాలు చక్కర్లు కొడుతున్నాయి. ఈ నేపథ్యంలో పిన్ని కరీనా జన్మదిన వేడుకలో కనిపించిన ఆమె హాట్‌ ఫొటోలు ఇప్పుడు ఆన్‌లైన్‌లో హల్‌చల్‌ చేస్తున్నాయి. ఇక, కరీనా జన్మదిన వేడుకలో అమృత అరోరా, మలైకా ఆరోరా, రణ్‌ధీర్‌ కపూర్‌, అమన్‌ జైన్‌, కరణ్‌ కపూర్‌ వంటి ప్రముఖులు పాల్గొన్నారు.
