ఉప్పల్‌లో 'తెలుగు' తమ్ముళ్ల ఆందోళన

ఉప్పల్‌లో 'తెలుగు' తమ్ముళ్ల ఆందోళన

ఉప్పల్ (హైదరాబాద్) : గత సార్వత్రిక ఎన్నికల నుంచి పొత్తు కొనసాగిస్తున్న టీడీపీ, బీజేపీ పార్టీల మధ్య గ్రేటర్ ఎన్నికలు చిచ్చు పెట్టినట్లు కనిపిస్తున్నాయి. ఉప్పల్ పరిధిలోని చిలకానగర్, హబ్సీగూడ, రామాంతపూర్ డివిజన్‌లలో రెండు పార్టీలు అభ్యర్థులకు బీఫామ్‌లు ఇవ్వడంతో.. టీడీపీ వర్గాలు ఆందోళనకు దిగాయి. ఉప్పల్ మున్సిపాలిటీ కార్యాలయం ఎదుట బైఠాయించిన టీడీపీ కార్యకర్తలు బీజేపీకి వ్యతిరేకంగా నినాదాలు చేస్తున్నారు. ఉప్పల్ ఎమ్మెల్యే ప్రభాకర్ టికెట్లు అమ్ముకున్నారని ఆరోపిస్తున్నారు. దీంతో పరిస్థితి ఉద్రిక్తంగా మారింది.