మంచి గురువును ఎంచుకోవడం ఎలా?

మంచి గురువును ఎంచుకోవడం ఎలా?

ప్రపంచంలోని అత్యుత్తమ గురువుల జాబితాలో కనిపించే పేరు.. చాణక్యుడు

ఆచార్య చాణక్యుడు తన జీవితాన్ని ఆర్థిక, రాజకీయ, సామాజిక విధానాలకు అంకితం చేశాడు. ఎన్నో గొప్ప గొప్ప విషయాలను చెప్పాడు. అలాగే.. చాణక్య నీతి శాస్త్రంలో మంచి గురువుకు ఉండే లక్షణాలు వివరించాడు.

ఎల్లప్పుడూ సరైన మార్గనిర్దేశం చేసేవాడే గురువు. ఆ గురువు మంచిగా ఉంటే.. శిష్యుడి జీవితం మారిపోతుంది. గురువును ఎంచుకునే ముందు అతని చర్యలు, మాటల లక్షణాలను అర్థం చేసుకోవాలి.

ఒక వ్యక్తి తన సొంత జీవితం క్రమశిక్షణతో ఉంటేనే ఇతరుల జీవితంలో క్రమశిక్షణను తీసుకురాగలడు. చాణక్యుడి ప్రకారం, గురువు క్రమశిక్షణను ఇష్టపడాలి. జీవితంలో విజయానికి క్రమశిక్షణ కీలకం.

సద్గుణాలతో నిండి ఉండేవాడే నిజమైన గురువు. అతనికి దురాశ, అసూయ, అహంకారం, వ్యామోహం వంటి దుర్గుణాలు ఉండవు. ఎప్పుడైతే గురువు దురాచారాలకు దూరంగా ఉంటాడో, అప్పుడు శిష్యులను దుర్గుణాల నుండి దూరంగా ఉంచగలడు.

గురువు అంటే ధర్మాన్ని అనుసరించేవాడు. నైతికత అనుసరించే వ్యక్తి మాత్రమే సద్గురువు కాగలడు. ఒక గురువు తన శిష్యులకు ధర్మంతో పాటు పూర్తి భక్తిని కూడా చూపాలి. తద్వారా శిష్యులు నేర్చుకుని ఆదర్శ పౌరులుగా మారాలి.

గురువుకు అసూయ ఉండకూడదు. శిష్యుడు ఎదుగుతుంటే.. భుజాలపై ఎక్కించుకుని ప్రపంచాన్ని చూపించాలి. శిష్యుడి ఎదుగుదల తన ఎదుగుదలగా భావించాలి. అప్పుడే శిష్యుడు గెలుస్తాడు.., తద్వార గురువు కూడా గెలిచినట్టవుతుంది.

గురువు తన శిష్యుడికి ప్రపంచం అంటే ఏంటో తెలపాలి. బయటకు వెళ్తే ఎలా ఉందో వివరించాలి. నిజమైన గురువు.. తన జ్ఞానంతో శిష్యుల అభివృద్ధికి బాటలు వేయాలి.

నిజమైన గురువు తన జ్ఞానాన్ని ఎప్పుడూ పంచుతాడు. తనకు తెలిసిన విషయాలను శిష్యులకు వివరించేవాడు అసలైన గురువు. తనకు తెలిసిన మంచి విషయాలను చెప్పకుండా.. లోలోపల దాచుకునేవారు.. మంచి గురువులు కాలేరు.

గురువు.. మంచి చెడులను వివరిస్తూ.. జీవితానికి కావాల్సిన విషయాలను శిష్యులకు వివరించాలి. సమాజంలో ఎలా ఉంటే.. పైకి వస్తామనే విషయాన్ని శిష్యులకు గురువు తెలపాలి.

పైన చెప్పిన విషయాలను పాటించే.. వ్యక్తిని గురువుగా ఎంచుకోవాలి: ఆచార చాణక్య Photo Credits: deviantart.com and Others