TV
అందం ఉంది, టాలెంట్‌ ఉంది.
అందుకే ఒకప్పుడు సెన్సేషన్‌ అయింది.
కానీ రానురానూ అవకాశాలు తగ్గిపోయాయి.
బిగ్‌బాస్‌కు వెళ్లొచ్చాక పరిస్థితులు తలకిందులయ్యాయి.
ఒకప్పుడు అరకోటి సంపాదించిన ఈ బ్యూటీ ఇప్పుడు అందులో సగం సంపాదించడానికి కూడా అధికంగా శ్రమంచాల్సి వస్తోంది.
ఇంతకీ ఈ నటి మరెవరో కాదు తేజస్వి మదివాడ.
తల్లి చనిపోవడం.. తండ్రి మందుకు బానిసవడంతో ఇంటి నుంచి బయటకు వచ్చేసింది. అనాథాశ్రమంలో బతికింది.
తనకు నచ్చినట్లుగా జీవించింది.
జర్నలిజం చదివిన ఈ బ్యూటీకి నటనపట్ల ఆసక్తితో ఇండస్ట్రీలో అడుగుపెట్టింది.
ఓ ఇంటర్వ్యూలో ఆమె మాట్లాడుతూ.. ఒకప్పుడు నిద్ర, తిండి సరిగా లేకుండేది.
రెండేళ్లపాటు లంచ్‌ టైంలో పానీపూరి తిని కడుపు నింపుకున్నాను.
అప్పుడు నాకు టీబీ వచ్చింది. తర్వాత నేను ఆరోగ్యంపై, తినే ఆహారంపై శ్రద్ధ పెట్టాను.
ఐదేళ్ల క్రితం నేను చాలా ధనవంతురాలిని.
బిగ్‌బాస్‌కు ముందు ఏడాదికి రూ.50 లక్షలు సంపాదించేదాన్ని.
బిగ్‌బాస్‌ తర్వాత కూడా ఆ షో ద్వారా వచ్చిన పారితోషికం, నా సినిమాల రెమ్యునరేషన్‌ అంతా కలిపి దాదాపు రూ.40-50 లక్షలు నా అకౌంట్‌లో ఉన్నాయి.
ఇప్పుడేమో ఒక్కోసారి నా అకౌంట్‌లో రూ.2 వేలు, రూ.5 వేలు మాత్రమే ఉంటున్నాయి.
జిమ్‌కు, కారుకు, ఇంటి అద్దె అంతా కలిపి నెలకు రూ.1.5 లక్షలు ఖర్చవుతుంది.
ఇన్‌స్టాగ్రామ్‌లో రెండు పోస్టులు పెడితే ఆ డబ్బు వచ్చేస్తుంది.
అలా 2024లో ఇన్‌స్టాగ్రామ్‌ పోస్టులు, యాక్టింగ్‌ ప్రాజెక్ట్స్‌, యాంకరింగ్‌ అంతా కలుపుకుని దాదాపు రూ.30 లక్షల వరకు సంపాదించాను.
దానధర్మాలు చేస్తాను. కానీ అది అందరికీ చెప్పుకోవడం ఇష్టం లేదు అని పేర్కొంది.
