సౌతాఫ్రికాతో టీ20 సిరీస్‌లో టీమిండియా నాయకుడు సూర్యకుమార్‌ యాదవ్‌ బ్యాటర్‌గా విఫలమవుతూనే ఉన్నాడు. ఒకప్పుడు ప్రపంచంలోనే నంబర్‌ వన్‌గా ఉన్న అతడు.. ఇప్పుడు కనీసం పట్టుమని పది పరుగులు చేసేందుకు కూడా శ్రమించాల్సి వస్తోంది.కెప్టెన్‌, వైస్‌ కెప్టెన్‌ ఫెయిల్‌సూర్య సంగతి ఇలా ఉంటే.. వైస్‌ కెప్టెన్‌గా రీఎంట్రీ ఇచ్చిన నాటి నుంచి ఓపెనర్‌గా శుబ్‌మన్‌ గిల్‌ (Shubman Gill) కూడా వరుస వైఫల్యాలు చవిచూస్తున్నాడు. దాదాపు గత ఇరవైకి పైగా ఇన్నింగ్స్‌లో అతడు కనీసం హాఫ్‌ సెంచరీ కూడా బాదకపోవడం ఇందుకు నిదర్శనం. ఈ నేపథ్యంలో నాయకత్వ బృందమే ఇలా ఉంటే.. టీ20 ప్రపంచకప్‌-2026 (T20 WC 2026) నాటికి టీమిండియా పరిస్థితి ఏమిటన్న సందేహాలు వస్తున్నాయి. కెప్టెన్‌గా విజయవంతమవుతున్నందున సూర్యకుమార్‌ (Suryakumar Yadav)పై విమర్శల పదును కాస్త తక్కువగా ఉండగా.. సంజూ శాంసన్‌ను బలి చేసి గిల్‌కు వరుస అవకాశాలు ఇస్తున్నారన్న అభిప్రాయాలు ఎక్కువగా వినిపిస్తున్నాయి. సూర్య, గిల్‌పై నమ్మకం ఉందిఈ నేపథ్యంలో సౌతాఫ్రికాతో మూడో టీ20లో విజయానంతరం భారత విధ్వంసకర ఓపెనర్‌ అభిషేక్‌ శర్మ ఆసక్తికర వ్యాఖ్యలు చేశాడు ‘‘మీడియా ముఖంగా మీ అందరికీ నేనొక మాట చెబుతా.. గుర్తుపెట్టుకోండి. సూర్య, గిల్‌పై నాకు నమ్మకం ఉంది. వీరిద్దరు కలిసి టీ20 ప్రపంచకప్‌ టోర్నీలో మ్యాచ్‌లు గెలిపించబోతున్నారు. అంతకంటే ముందు ఈ సిరీస్‌లో జట్టును గెలిపిస్తారు.వీళ్లిద్దరితో కలిసి నేను చాలా కాలంగా ఆడుతున్నా. ముఖ్యంగా.. శుబ్‌మన్‌తో ఆడిన అనుభవం నాకుంది. ఎలాంటి పరిస్థితుల్లో.. అతడు ఎలా ఆడతాడో నాకు తెలుసు. ప్రత్యర్థి ఎవరైనా తన సమయం వచ్చినపుడు అతడు చెలరేగి ఆడతాడు.త్వరలోనే మీరు కూడా చూస్తారుసూర్య, గిల్‌ గురించి నాకు తెలుసు. అందుకే వారిపై నాకు అంత నమ్మకం. త్వరలోనే మీరు కూడా ఇది చూస్తారు. ముఖ్యంగా గిల్‌ను విమర్శిస్తున్న వారు.. త్వరలోనే అతడి నైపుణ్యాలను కళ్లారా చూస్తారు’’ అని అభిషేక్‌ శర్మ చెప్పుకొచ్చాడు. అతడి వ్యాఖ్యలపై టీమిండియా అభిమానుల నుంచి సైతం మిశ్రమ స్పందన వస్తోంది.వరుస వైఫల్యాలుకాగా అభిషేక్‌ శర్మకు జోడీగా ఓపెనర్‌గా వస్తున్న గిల్‌.. సౌతాఫ్రికాతో ఇప్పటి వరు జరిగిన మ్యాచ్‌లలో చేసిన స్కోర్లు వరుసగా.. 4(2), 0(1), 28 (28). మరోవైపు.. సూర్య చేసిన పరుగులు 12(11), 5(4), 12(11). ఇక అభిషేక్‌ శర్మ తొలి టీ20లో (17), రెండో టీ20లో (17) తడబడ్డా.. మూడో టీ20లో 35(18) మెరుగ్గా రాణించాడు.ఇదిలా ఉంటే.. కటక్‌లో తొలి టీ20లో గెలిచిన టీమిండియా.. ముల్లన్‌పూర్‌లో మాత్రం సఫారీల చేతిలో ఓడిపోయింది. తాజాగా ఆదివారం నాటి మ్యాచ్‌లో ధర్మశాలలో జయభేరి మోగించి.. ఐదు మ్యాచ్‌ల సిరీస్‌లో 2-1తో ఆధిక్యంలోకి వెళ్లింది. కాగా ఫిబ్రవరి 7న టీ20 ప్రపంచకప్‌-2026 మొదలుకానుంది. ఈ మెగా టోర్నీకి భారత్‌- శ్రీలంక సంయుక్తంగా ఆతిథ్యం ఇస్తాయి.చదవండి: చరిత్ర సృష్టించిన తిలక్‌ వర్మ.. ప్రపంచంలోనే ‘బెస్ట్‌’ ప్లేయర్‌గా..

ఈ ఏడాది ఆసియాకప్‌తో టీ20ల్లో రీఎంట్రీ ఇచ్చిన టీమిండియా స్టార్ శుభ్‌మన్ గిల్.. దారుణ ప్రదర్శన కనబరుస్తున్నాడు. టెస్టు, వన్డే ఫార్మాట్లలో రాణిస్తున్నప్పటికి టీ20ల్లో మాత్రం తన మార్క్‌ను చూపించలేకపోతున్నాడు. గిల్ తన చివరి పది మ్యాచ్‌లలో 181 పరుగులు మాత్రమే చేశాడు.అతడి స్ట్రైక్-రేట్ 140 కంటే తక్కువగా ఉంది. ప్రస్తుతం సౌతాఫ్రికాతో జరుగుతున్న టీ20 సిరీస్‌లోనూ అతడి పేలవ ఫామ్ కొనసాగుతోంది. తొలి టీ20లో కేవలం 5 పరుగులు మాత్రమే చేసిన గిల్‌.. రెండో టీ20ల్లో గోల్డెన్ డక్‌గా వెనుదిరిగాడు. దీంతో అతడిని జట్టు నుంచి తప్పించాలని చాలా మంది డిమాండ్ చేస్తున్నారు. ఎందుకంటే సూపర్ ఫామ్‌లో ఉన్న సంజూను కాదని మరి గిల్‌కు ఛాన్స్ ఇచ్చారు. గిల్ పునరాగమనం ముందువరకు టీ20ల్లో భారత్ ఓపెనింగ్ జోడీ అభిషేక్‌-సంజూ శాంసన్ ఉండేవారు. కానీ గిల్ రాకతో సంజూకు ప్లేయింగ్ ఎలెవన్‌లోనే చోటు లేకుండాపోయింది. అలా అని గిల్ రాణిస్తున్నాడా అంటే అది లేదు. ఈ నేపథ్యంలో టీమ్ మెనెజ్‌మెంట్‌పై భారత మాజీ కెప్టెన్ రాబిన్ ఊతప్ప ప్రశ్నల వర్షం కురిపించాడు.శాంసన్ చేసిన తప్పేంటి?"సంజూ శాంసన్ చేసిన తప్పు ఏంటి? ఎందుకు అత‌డికి అవ‌కాశ‌మివ్వ‌డం లేదు? అభిషేక్ శ‌ర్మ‌, సంజూ శాంస‌న్ జోడీ టీ20ల్లో అద్భుతాలు చేశారు. అటువంటి ఓపెనింగ్ జోడీని బ్రేక్ చేయాల్సిన అవ‌స‌రం ఏమి వ‌చ్చింది. ఈ సిరీస్‌కు ముందు సూర్య‌కుమార్ మాట్లాడుతూ.. సంజూకు అవ‌కాశం రాక‌ముందే శుభ్‌మ‌న్ టీ20 జ‌ట్టులో భాగంగా ఉన్నాడ‌ని చెప్పుకొచ్చాడు.ఆ విష‌యం నాకు కూడా తెలుసు. కానీ సంజూ అవ‌కాశం వ‌స్తే ఏమి చేశాడో మ‌నందరికి తెలుసు. ఓపెన‌ర్‌గా వ‌చ్చి వ‌రుస‌గా మూడు సెంచ‌రీలు బాదాడు. ప్ర‌స్తుత యువ క్రికెట‌ర్లలో అంద‌రికంటే ముందు సంజూనే చేశాడు. ఆ త‌ర్వాత అభిషేక్‌, తిల‌క్ వ‌ర్మ సెంచ‌రీలు సాధించారు. ఓపెన‌ర్‌గా సంజూ త‌న‌ను తాను నిరూపించుకున్నాడు. అభిషేక్ శ‌ర్మ సంజూనే విజ‌య‌వంతమైన ఓపెన‌ర్‌గా ఉన్నాడు. అయిన‌ప్ప‌టికి అత‌డిని ఓపెన‌ర్‌గా త‌ప్పించారు. ఆ త‌ర్వాత అత‌డిని మిడిల్ ఆర్డర్‌కు మార్చాలని నిర్ణయించుకున్నారు. ఆపై ఆపై నెమ్మదిగా జట్టు నుండి తొలగించారు. మ‌రోసారి అడుగుతున్న అత‌డు చేసిన త‌ప్పు ఏంటి? క‌చ్చితంగా ఓపెనింగ్ స్దానాన్ని అత‌డు అర్హుడు.ప్ర‌స్తుతం శుభ్‌మ‌న్ టీ20ల్లో రాణించ‌లేక‌పోతున్నాడు. త‌న శైలికి విరుద్దంగా ప్ర‌య‌త్నించి విఫ‌ల‌మ‌వుతున్నాడు. మొద‌టిలో అభిషేక్‌తో పోటీప‌డానికి ప్ర‌య‌త్నిస్తున్నాడ‌ని నేను భావిస్తున్నాను. త‌డు బ్యాటింగ్ చేసే విధానం ఇది కాదు. అత‌డు క్రీజులో సెటిల్ అయ్యేందుకు కాస్త స‌మయం తీసుకుంటాడు. 15 నుంచి 20 బంతులు ఆడిన త‌ర్వాత అత‌డిని ఆప‌డం ఎవ‌రి త‌రం కాదు. తానంతంట తానే ఔట్ అవ్వాలి. అలా ఆడితే గిల్‌కు టీ20కు స‌రిపోతుంది" అని ఉత‌ప్ప స్టార్ స్పోర్ట్స్ షోలో పేర్కొన్నాడు.

టీమిండియా టీ20 కెప్టెన్ సూర్యకుమార్ యాదవ్ పేలవ ఫామ్‌తో నానా తంటాలు పడుతున్నాడు. దాదాపు రెండేళ్లగా వరల్డ్ నంబర్ వన్ టీ20 బ్యాటర్‌గా కొనసాగిన సూర్య.. 2025లో మాత్రం ఘోరంగా విఫలయ్యాడు. సౌతాఫ్రికాతో జరుగుతున్న టీ20 సిరీస్‌లో ఈ ముంబై ఆటగాడు తీవ్ర నిరాశపరుస్తున్నాడు.తొలి టీ20లో కేవలం 12 పరుగులు మాత్రమే చేసిన సూర్య.. రెండో టీ20లో ఐదు పరుగులే చూసి పెవిలియన్‌కు చేరాడు. టీ20 ప్రపంచకప్‌-2026కు ముందు అతడి పూర్ ఫామ్ టీమ్‌మెనెజ్‌మెంట్‌ను తెగ కలవరపడుతోంది. ఈ నేపథ్యంలో సూర్యకుమార్‌పై భారత మాజీ క్రికెటర్ ఆకాష్ చోప్రా విమర్శలు గుప్పించాడు. కెప్టెన్ అంటే టాస్‌లు వేయడం, ఫీల్డ్‌ను సెట్ చేయడం కాదని పరుగులు కూడా చోప్రా అన్నాడు. ఈ ఏడాది ఇప్ప‌టివ‌ర‌కు 18 అంత‌ర్జాతీయ టీ20లు ఆడిన స్కై.. 15.07 స‌గ‌టుతో కేవలం 196 పరుగులు మాత్రమే చేశాడు."సూర్య.. భారత జట్టుకు కెప్టెన్ అన్న విషయం మర్చిపోకూడదు. కెప్టెన్ పని కేవలం టాస్ వేయడం, బౌలర్లను రోటేట్ చేయడం, వ్యూహాలు రచించడమే కాదు. బ్యాట్‌తో కూడా రాణించాలి. టాప్ ఫోర్‌లో బ్యాటింగ్‌కు వస్తుందున ఖచ్చింగా పరుగులు చేయాలి. ఈ ఏడాది అతడు చాలా మ్యాచ్‌లు ఆడాడు.అయినా అతడి ఆట తీరు మారలేదు. ఇప్పటివరకు ఈ ఏడాదిలో 18 మ్యాచ్‌లు ఆడి కేవలం 15 సగటు మాత్రమే కలిగి ఉన్నాడు. స్ట్రైక్ రేట్ కూడా మరీ ఘోరంగా ఉంది. ఒక్క అర్థ సెంచరీ కూడా సాధించలేకపోయాడు. ఐపీఎల్‌కు ముందు, తర్వాత కూడా అతడి ఫామ్‌లో ఎటువంటి మార్పు కన్పించలేదు. మూడు లేదా నాలుగో స్ధానంలో బ్యాటింగ్‌కు వచ్చి పరుగులు సాధించకపోతే జట్టుకు ఎల్లప్పుడూ అదే భారంగానే ఉంటుంది. ఇదే ఫామ్‌తో టీ20 ప్రపంచకప్‌లో ఎలా రాణిస్తారు. కాబట్టి కెప్టెన్‌తో పాటు వైస్ కెప్టెన్ శుభ్‌మన్ గిల్ కూడా తన ఫామ్‌ను అందుకోవాల్సిన అవసరముందని చోప్రా తన యూట్యూబ్ ఛానల్‌లో పేర్కొన్నాడు.చదవండి: IND vs SA: గంభీర్ సంచ‌ల‌న నిర్ణ‌యం..? గిల్‌కు ఊహించని షాక్‌!

ధర్మశాల వేదికగా దక్షిణాఫ్రికా-భారత్ మధ్య మూడో టీ20 ఆదివారం జరగనుంది. ఈ మ్యాచ్‌లో ఎలాగైనా గెలిచి ముల్లాన్‌పూర్‌లో ఎదురైన ఘోర పరాభావానికి ప్రతీకారం తీర్చుకోవాలని టీమిండియా భావిస్తోంది. ఇప్పటికే ధర్మశాలకు చేరుకున్న భారత జట్టు శనివారం నెట్ ప్రాక్టీస్‌లో పాల్గోనుంది. ప్రస్తుతం ఐదు మ్యాచ్‌ల సిరీస్ 1-1 సమంగా ఉంది. సిరీస్ ఆధిక్యం పెంచుకునేందుకు మూడో టీ20ల్లో భారత్ తమ తుది జట్టులో కీలక మార్పులు చేయనున్నట్లు తెలుస్తోంది. తొలి రెండు టీ20ల్లో ఘోరంగా విఫలమైన వైస్ కెప్టెన్ శుభ్‌మన్ గిల్‌పై వేటు పడనున్నట్లు వార్తలు వస్తున్నాయి.సంజూకు చోటు!గిల్ స్దానంలో వికెట్ కీప‌ర్ బ్యాట‌ర్ సంజూ శాంస‌న్ తుది జ‌ట్టులోకి రానున్న‌ట్లు ప‌లు రిపోర్ట్‌లు పేర్కొంటున్నాయి. ఈ ఏడాది గిల్ టీ20 జ‌ట్టులోకి తిరిగి వ‌చ్చేంత‌వ‌ర‌కు భార‌త ఇన్నింగ్స్‌ను అభిషేక్ శ‌ర్మ‌, శాంస‌న్‌లు ఆరంభించేవారు. ఓపెన‌ర్‌గా సంజూ మూడు సెంచ‌రీలు కూడా బాదాడు.అయితే గిల్ రీ ఎంట్రీతో శాంస‌న్ ఏకంగా జ‌ట్టులోనే చోటు కోల్పోయాడు. ప్ర‌ధాన జ‌ట్టులో ఉన్న‌ప్ప‌టికి చాలా మ్యాచ్‌ల‌కు బెంచ్‌కే ప‌రిమిత‌మ‌వుతున్నాడు. దీంతో హెడ్ కోచ్ గౌత‌మ్ గంభీర్‌పై తీవ్ర స్ధాయిలో విమ‌ర్శ‌లు వ‌స్తున్నాయి. గిల్ కోసం సంజూను బ‌లి చేస్తారా? అని మాజీలు సైతం మండిప‌డుతున్నారు. ఈ క్ర‌మంలో శాంస‌న్‌ను మ‌ళ్లీ తుది జ‌ట్టులోకి తీసుకు రావాల‌ని గంభీర్ నిర్ణ‌యించిన‌ట్లు బీసీసీఐ వ‌ర్గాలు వెల్ల‌డించాయి. అంత‌ర్జాతీయ టీ20ల్లో గిల్ ప్ర‌స్తుతం గ‌డ్డు ప‌రిస్థితుల‌ను ఎదుర్కొంటున్నాడు. ఈ ఏడాది గిల్ 14 ఇన్నింగ్స్‌లలో 23.90 సగటుతో కేవలం 263 పరుగులు మాత్రమే చేయగలిగాడు. దీంతో అత‌డిని టీ20ల నుంచి త‌ప్పించాల‌ని పెద్ద ఎత్తున డిమాండ్లు వ‌స్తున్నాయి. మ‌రి నిజంగానే గంభీర్‌.. మూడో టీ20 నుంచి గిల్‌ను త‌ప్పిస్తాడా? అని తెలియాలంటే ఆదివారం వ‌ర‌కు వేచి ఉండాల్సిందే.మూడో టీ20 కోసం భార‌త తుది జ‌ట్టు(అంచ‌నా)సంజూ శాంసన్‌, అభిషేక్ శర్మ, సూర్యకుమార్ యాదవ్ (కెప్టెన్‌), తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేష్ శర్మ (వికెట్ కీప‌ర్‌), అర్ష్‌దీప్ సింగ్, వరుణ్ చ‌క్ర‌వ‌ర్తి, జస్ప్రీత్ బుమ్రాచదవండి: GOAT Tour India 2025: 70 అడుగుల విగ్రహం.. మెస్సీ తొలి రియాక్షన్‌ ఇదే!

సౌతాఫ్రికాతో టీ20 సిరీస్‌ను ఘనంగా ఆరంభించిన టీమిండియా.. అదే జోరును కొనసాగించలేకపోయింది. ముల్లన్‌పూర్‌ వేదికగా రెండో టీ20లో 51 పరుగుల తేడాతో ఓడిపోయింది. ఈ మ్యాచ్‌లోనూ టీమిండియా బ్యాటింగ్‌ ఆర్డర్‌లో ప్రయోగం చేయగా.. అది కాస్తా బెడిసికొట్టింది.ఓపెనర్‌, వైస్‌ కెప్టెన్‌ శుబ్‌మన్‌ గిల్‌ (0) గోల్డెన్‌ డకౌట్‌ కాగా.. వన్‌డౌన్‌లో ఆల్‌రౌండర్‌ అక్షర్‌ పటేల్‌ను పంపించింది మేనేజ్‌మెంట్‌. సఫారీలు విధించిన 214 పరుగుల భారీ లక్ష్య ఛేదనలో అక్షర్‌ 21 బంతుల్లో 21 పరుగులు చేసి నిష్క్రమించాడు.మరోవైపు.. విధ్వంసకర ఓపెనర్‌ అభిషేక్‌ శర్మ (17)తో పాటు కెప్టెన్‌ సూర్యకుమార్‌ యాదవ్‌ (5) దారుణంగా విఫలమయ్యాడు. మిగిలిన వారిలో హార్దిక్‌ పాండ్యా (20), జితేశ్‌ శర్మ (17 బంతుల్లో 27) ఫర్వాలేదనిపించగా.. తిలక్‌ వర్మ (34 బంతుల్లో 62) ఒంటరి పోరాటం చేశాడు. అయితే, సఫారీ బౌలర్ల ధాటికి 19.1 ఓవర్లలో 162 పరుగులకే టీమిండియా కుప్పకూలడంతో పరాజయం ఖరారైంది.ఈ నేపథ్యంలో బ్యాటింగ్‌ ఆర్డర్‌లో మార్పుల గురించి ప్రస్తావిస్తూ సౌతాఫ్రికా దిగ్గజ పేసర్‌ డేల్‌ స్టెయిన్‌.. టీమిండియా నాయకత్వ బృందాన్ని విమర్శించాడు. ‘‘అక్షర్‌ మీ జట్టులోని అత్యుత్తమ బ్యాటర్లలో ఒకడై ఉండవచ్చు. కానీ ఇలాటి భారీ ఛేదన సమయంలో మీరు ఇలాంటి నిర్ణయం ఎలా తీసుకుంటారు?నా అభిప్రాయం ప్రకారం ఈ మ్యాచ్‌లో మీరు చేసిన అతి పెద్ద తప్పు ఇదే. అక్షర్‌ బ్యాటింగ్‌ చేయగలడు. కానీ అతడిని ముందు తోసి చిక్కుల్లో పడేయడం సరికాదు. ఒకవేళ గిల్‌ కంటే ముందు అభిషేక్‌ శర్మ అవుటై ఉంటే.. లెఫ్ట్‌- రైట్‌ కాంబినేషన్‌ కోసం అక్షర్‌ను పంపించారనుకోవచ్చు.కానీ ఇక్కడ అలా జరుగలేదు. అభిషేక్‌తో పాటు మరో లెఫ్టాండర్‌ అక్షర్‌ను పంపారు. ఏం చేస్తున్నారో అర్థమే కాలేదు. ప్రయోగాలు చేయడం మంచిదే. అయితే, ఇలాంటి సమయంలో ఇలాంటి నిర్ణయాలు తీసుకోవడం సరికాదు’’ అని హెడ్‌కోచ్‌ గౌతం గంభీర్‌, కెప్టెన్‌ సూర్యకుమార్‌ల తీరును స్టెయిన్‌ తప్పుబట్టాడు.కాగా సిరీస్‌ ఆరంభానికి ముందు సూర్య మాట్లాడుతూ.. తమ జట్టులో ఓపెనింగ్‌ జోడీ మాత్రమే ఫిక్స్‌డ్‌గా ఉంటుందని పేర్కొన్నాడు. మిగతా వారంతా ఏ స్థానంలో బ్యాటింగ్‌ చేసేందుకు సిద్ధంగా ఉండాలని.. తమ వ్యూహాలకు అనుగుణంగానే ఈ నిర్ణయం తీసుకున్నట్లు తెలిపాడు.అయితే, టీ20 ఓపెనర్‌గా గిల్‌ను పంపడం కోసం.. ఫామ్‌లో ఉన్న సంజూ శాంసన్‌పై వేటు వేశారు. కానీ టీ20 జట్టులో పునరాగమనం చేసిన నాటి నుంచి గిల్‌ పేలవ ప్రదర్శన కనబరుస్తూనే ఉన్నాడు. ఇదిలా ఉంటే.. కటక్‌ వేదికగా సౌతాఫ్రికాతో తొలి టీ20లో టీమిండియా 101 పరుగులతో భారీ విజయం సాధించింది. తాజా మ్యాచ్‌లో సఫారీలు గెలిచి.. ఐదు మ్యాచ్‌ల సిరీస్‌ను 1-1తో సమం చేశారు.

టీ20 వరల్డ్‌కప్‌-2026కు కౌంట్‌డౌన్ మొద‌లైంది. మ‌రో 55 రోజుల్లో భార‌త్‌, శ్రీలంక వేదిల‌క‌గా ఈ మెగా టోర్న‌మెంట్ షూరూ కానుంది. ఈ పొట్టి ప్ర‌పంచ‌క‌ప్‌లో టీమిండియా డిఫెండింగ్ ఛాంపియ‌న్ హోదాలో బ‌రిలోకి దిగనుంది. అయితే ఈ మెగా టోర్నీకి ముందు ఇద్ద‌రు ప్లేయ‌ర్ల పేల‌వ ఫామ్‌ భారత జట్టు మెనెజ్‌మెంట్‌ను క‌ల‌వ‌ర‌పెడుతోంది. అందులో ఒకరు కెప్టెన్ సూర్యకుమార్ యాదవ్ కాగా.. మరొకరు అతడి డిప్యూటీ శుభ్‌మన్ గిల్‌.టీ20 ప్రపంచకప్ సన్నాహకాల్లో భాగంగా స్వదేశంలో సౌతాఫ్రికాతో జరుగుతున్న టీ20 సిరీస్‌లో వీరిద్ద‌రూ దారుణ ప్రదర్శన కనబరుస్తున్నారు.సూర్యకు ఏమైంది..?ప్రపంచంలోనే అత్యుత్తమ టీ20 బ్యాటర్‌గా పేరున్న సూర్యకుమార్.. 2025లో మాత్రం ఘోరంగా విఫ‌ల‌మ‌య్యాడు. ఐపీఎల్‌-2025లో రాణించిన‌ప్ప‌టికి అంత‌ర్జాతీయ క్రికెట్‌లో పూర్తిగా తేలిపోయాడు. కెప్టెన్‌గా జ‌ట్టును విజ‌యప‌థంలో న‌డిపిస్తున్న‌ప్ప‌టికి వ్య‌క్తిగ‌త ప్ర‌ద‌ర్శ‌న‌ల ప‌రంగా మాత్రం తీవ్ర నిరాశ‌ప‌రుస్తున్నాడు.ఈ ఏడాది ఇప్ప‌టివ‌ర‌కు 18 అంత‌ర్జాతీయ టీ20లు ఆడిన స్కై.. 15.07 స‌గ‌టుతో కేవలం 196 పరుగులు మాత్రమే చేశాడు. ఈ సంవత్సరం ఒక్క హాఫ్ సెంచరీ కూడా చేయలేకపోయాడు. అతడి టాప్ స్కోర్ 38 పరుగులగా ఉంది. కీలకమైన మూడో స్ధానంలో బ్యాటింగ్‌కు వస్తున్న సూర్య తన చెత్త ప్రదర్శనలతో జట్టుకు భారంగా మారుతున్నాడు. తనపై తనకే నమ్మకం లేక ఒక మ్యాచ్‌లో మూడో స్ధానంలో.. మరో మ్యాచ్‌లో నాలుగో స్ధానంలో బ్యాటింగ్‌కు వస్తున్నాడు. ఒకప్పుడు సూర్య క్రీజులో ఉంటే బౌలింగ్ చేయాలంటే ప్రత్యర్ధి బౌలర్లు భయపడేవారు. కానీ ఇప్పుడు అతడి వీక్‌నెస్‌ను పసిగట్టిన బౌలర్లు.. అతడిని చాలా ఈజీగా ట్రాప్ చేస్తున్నారు. టీ20 ప్రపంచకప్‌కు ముందు భారత్ ఇంకా 8 మ్యాచ్‌లు ఆడనుంది. సౌతాఫ్రికాతో మూడు, న్యూజిలాండ్‌తో ఐదు టీ20లు ఆడనుంది. ఈ మ్యాచ్‌లలో సూర్య తిరిగి తన ఫామ్‌ను అందుకోవాల్సి ఉంది. లేదంటే భారత్‌కు బ్యాటింగ్‌ కష్టాలు తప్పవు. ఈ సిరీస్‌లో తొలి టీ20లో కేవలం 12 పరుగులు చేసిన సూర్యకుమార్‌.. రెండో టీ20లో 5 పరుగులు మాత్రమే చేసి పెవిలియన్‌కు చేరాడు. మూడో మ్యాచ్‌లోనైనా ఈ ముంబై ఆటగాడు తన బ్యాట్‌కు పనిచెప్పాలని అభిమానులు కోరుకుంటున్నారు.గిల్ ఢమాల్‌..ఇక మొన్నటివర​కు టీ20 ప్రపంచకప్ ప్రణాళికలలో అస్సలు శుభ్‌మన్ గిల్ లేడు. టీ20ల్లో భారత జట్టు ఓపెనర్లగా సంజూ శాంసన్‌, అభిషేక్ శర్మ ఉండేవారు. కానీ ఆసియాకప్ 2025కు ముందు గిల్‌ను టీ20ల్లో అనూహ్యంగా తీసుకొచ్చారు. అంతేకాకుండా అప్పటివరకు వైస్ కెప్టెన్‌గా ఉన్న అక్షర్ పటేల్‌ను తప్పించి ఆ బాధ్యతలను గిల్‌కు బీసీసీఐ అప్పగించింది.అయితే ఆల్‌ఫార్మాట్‌గా గిల్‌కు పేరు ఉన్నప్పటికి.. తన టీ20 రీ ఎంట్రీలో ఏ మాత్రం ప్రభావం చూపలేకపోతున్నాడు. ఆసియాకప్‌, ఆస్ట్రేలియా సిరీస్‌తో పాటు ప్రస్తుతం సౌతాఫ్రికాతో జరుగుతున్న టీ20ల్లోనూ పేలవ ప్రదర్శన కనబరుస్తున్నాడు. తొలి టీ20లో కేవలం 5 పరుగులు మాత్రమే చేసిన గిల్‌.. రెండో టీ20ల కనీసం తన పరుగుల ఖాతా తెరవకుండానే పెవిలియన్‌కు చేరాడు. అద్భుతమైన ఫామ్‌లో ఉన్న సంజూ శాంసన్‌ను తప్పించి మరి అతడికి ఓపెనర్‌గా అవకాశమిచ్చారు. కానీ అతడు మాత్రం చెత్త ప్రదర్శనతో నిరాపరుస్తున్నాడు. ఈ ఏడాది గిల్ 14 ఇన్నింగ్స్‌లలో 23.90 సగటుతో కేవలం 263 పరుగులు మాత్రమే చేయగలిగాడు. రాబోయో మ్యాచ్‌లలోనైనా కెప్టెన్‌, వైస్‌ కెప్టెన్‌ ఇద్దరూ తమ ఫామ్‌ను అందుకుంటారో లేదో చూడాలి.చదవండి: IND Vs SA: అర్ష్‌దీప్‌ 13 బంతుల ఓవర్‌.. గంభీర్ రియాక్షన్‌ వైరల్‌

ముల్లాన్‌పూర్ వేదికగా సౌతాఫ్రికాతో జరిగిన రెండో టీ20లో 51 పరుగుల తేడాతో ఘోర ఓటమి చవిచూసింది. బ్యాటింగ్‌, బౌలింగ్‌ రెండింటిలోనూ భారత్ పూర్తిగా తేలిపోయింది. 214 పరుగుల లక్ష్య చేధనలో 19.1 ఓవర్లలో 162 రన్స్‌కే టీమిండియా కుప్పకూలింది.భారత బ్యాటర్లలో తిలక్‌ వర్మ(34 బంతుల్లో 2 ఫోర్లు, 5 సిక్స్‌లతో 62) ఒక్కడే ఒంటరి పోరాటం చేశాడు. కెప్టెన్‌ సూర్యకుమార్‌ యాదవ్‌(5), శుభ్‌మన్‌ గిల్‌(0), అభిషేక్‌ శర్మ(17) వంటి కీలక ఆటగాళ్లు విఫలమయ్యారు. సఫారీ పేసర్‌ బార్ట్‌మాన్‌ 4 వికెట్లు పడగొట్టగా.. ఎంగిడి, జాన్సెన్‌, సిప్లమా తలా రెండు వికెట్లు సాధించారు.అంతకుముందు క్వింటన్‌ డికాక్‌(90) చెలరేగడంతో సౌతాఫ్రికా నిర్ణీత 20 ఓవర్లలో 4 వికెట్ల నష్టానికి 213 పరుగులు చేసింది. ఈ విజయంతో సిరీస్‌ను 1-1తో ప్రోటీస్‌ సమం చేసింది. ఇక ఈ ఓటమిపై టీమిండియా కెప్టెన్ సూర్యకుమార్ యాదవ్ స్పందించాడు. బ్యాటింగ్‌లో మెరుగైన ప్రదర్శన చేయడంలో విఫలమయ్యామని అతడు చెప్పుకొచ్చాడు.అభిషేక్ ఒక్కడే కాదు.."ఈ మ్యాచ్‌లో టాస్ గెలవడం మినహా ఏదీ మాకు అనుకూలించలేదు. టాస్ గెలిచిన తర్వాత తొలుత బ్యాటింగ్ తీసుకుని ఉండాల్సింది. రెండో ఇన్నింగ్స్ సమయానికి మంచు ప్రభావం ఎక్కువగా ఉంటుందనే తొలుత బౌలింగ్ తీసుకున్నాము. కానీ ఆరంభంలోనే ఈ వికెట్‌పై ఏ లెంగ్త్‌లో బౌలింగ్ చేయాలో సరిగ్గా అర్థం చేసుకోలేకపోయాం. ఆ తర్వాత ఏ లెంగ్త్‌లో బౌలింగ్ చేయాలో మా బౌలర్లు గ్రహించారు. కానీ అప్పటికే జరగాల్సిన నష్టం జరిగిపోయింది. ఇది నేర్చుకునే ప్రక్రియ. మేము ఈ ఓట‌మి నుంచి మేము పాఠాలు నేర్చుకుంటాము. తప్పిదాలను సరిదిద్దుకొని ముందుకు సాగుతాం. మంచు ప్రభావం ఎక్కువ‌గా ఉంది. మా మొద‌టి ప్లాన్ విఫ‌ల‌మైన‌ప్పుడు.. వెంట‌నే మా సెకెండ్ ప్లాన్‌ను అమ‌లు చేయ‌లేక‌పోయాము. కానీ సౌతాఫ్రికా బౌల‌ర్లు మాత్రం రెండో ఇన్నింగ్స్‌లో డ్యూ ఉన్న‌ప్ప‌టికి ఎలా బౌలింగ్ చేయాలో మాకు చూపించారు. మా త‌దుప‌రి మ్యాచ్‌లో వారిని మేము అనుస‌రిస్తాము.బ్యాటింగ్‌లో నేను, శుభ్‌మన్ ఇంకొంచెం బాధ్యత తీసుకోవాల్సింది. అభిషేక్ అద్భుతంగా ఆడుతున్నాడు, కానీ ప్రతిసారీ అతనిపైనే ఆధారపడలేము. శుభ్‌మన్ తొలి బంతికే అవుటయ్యాడు. ఆ స‌మ‌యంలో నేను ఎక్కువ క్రీజులో ఉండి, ఛేజింగ్ బాధ్య‌త‌ను నా భుజాల‌పై వేసుకోవాల్సింది. ఇక అన్ని ఫార్మాట్ల‌లోనూ అక్ష‌ర్ అద్భుతంగా బ్యాటింగ్ చేస్తున్నాడు. అందుకే ఈ మ్యాచ్‌లో అత‌డిని ప్ర‌మోట్ చేశాము. దురదృష్టవశాత్తూ ఈ మ్యాచ్‌లో మా ప్లాన్ విజ‌య‌వంతం కాలేదు. ఈ ఓట‌మిని మేము జీర్ణించుకోలేక‌పోతున్నాము. అయిన‌ప్ప‌టికి మా త‌దుప‌రి మ్యాచ్‌లో గ‌ట్టిగా క‌మ్‌బ్యాక్ ఇస్తాం. ధర్మశాలలో కలుద్దాం" అని సూర్య పోస్ట్ మ్యాచ్ ప్రెజేంటేష‌న్‌లో సూర్య పేర్కొన్నాడు.చదవండి: యువ భారత్‌కు ఎదురుందా!

భారత టీ20 జట్టు ఓపెనర్‌గా శుబ్‌మన్‌ గిల్‌ మరోసారి విఫలమయ్యాడు. సౌతాఫ్రికాతో రెండో టీ20లో గోల్డెన్‌ డకౌట్‌గా వెనుదిరిగాడు. దీంతో గిల్‌తో పాటు టీమిండియా యాజమాన్యంపై మరోసారి తీవ్ర స్థాయిలో విమర్శలు వెల్లువెత్తుతున్నాయి.సంజూకు ఓపెనర్‌గా మొండిచేయిఆసియా కప్‌-2025 టీ20 టోర్నీతో భారత టీ20 జట్టు వైస్‌ కెప్టెన్‌గా అంతర్జాతీయ పొట్టి ఫార్మాట్లో రీఎంట్రీ ఇచ్చాడు గిల్‌ (Shubman Gill). దీంతో అభిషేక్‌ శర్మ (Abhishek Sharma)కు విజయవంతమైన ఓపెనింగ్‌ జోడీగా కొనసాగుతున్న సంజూ శాంసన్‌ (Sanju Samson)ను మేనేజ్‌మెంట్‌ పక్కనపెట్టింది. వరుస మ్యాచ్‌లలో గిల్‌ విఫలమవుతున్నా.. భవిష్య కెప్టెన్‌ అనే ఒక్క కారణంతో అతడిని కొనసాగిస్తోంది.ఈసారి గోల్డెన్‌ డక్‌తాజాగా స్వదేశంలో టీ20 సిరీస్‌లోనూ సంజూకు ఓపెనర్‌గా మొండిచేయి చూపి.. యథావిధిగా గిల్‌కు పెద్దపీట వేసింది. అయితే, కటక్‌ వేదికగా తొలి టీ20లో రెండు బంతులు ఎదుర్కొని నాలుగు పరుగులకే నిష్క్రమించిన ఈ కుడిచేతి వాటం బ్యాటర్‌.. తాజాగా గురువారం నాటి మ్యాచ్‌లో ముల్లన్‌పూర్‌లో గోల్డెన్‌ డకౌట్‌ అయ్యాడు.వరుసగా వైఫల్యాలుసఫారీలు విధించిన 214 పరుగుల భారీ లక్ష్యాన్ని ఛేదించే క్రమంలో తొలి ఓవర్లోనే గిల్‌ మొదటి వికెట్‌గా వెనుదిరిగాడు. లుంగి ఎంగిడి బౌలింగ్‌లో ఐదో బంతికి రీజా హెండ్రిక్స్‌కు క్యాచ్‌ ఇచ్చి పెవిలియన్‌ చేరాడు. ఇక టీమిండియా తరఫున గత ఇరవై ఇన్నింగ్స్‌లో గిల్‌ సాధించిన స్కోర్లు వరుసగా.. 20(9), 10(7), 5(8), 47(28), 29(19), 4(3), 12(10), 37*(20), 5(10), 15(12), 46(40), 29(16), 4(2), 0(1).ఈ స్థాయిలో గిల్‌ విఫలమవుతున్నా.. హెడ్‌కోచ్‌ గౌతం గంభీర్‌, మేనేజ్‌మెంట్‌ మాత్రం అతడికి వరుస అవకాశాలు ఇవ్వడం పట్ల విమర్శలు వస్తున్నాయి. ముఖ్యంగా ఓపెనర్‌గా గిల్‌ను ఆడించేందుకు సంజూను బలిచేయడాన్ని మాజీ క్రికెటర్లు సైతం ప్రశ్నిస్తున్నారు. సంజూను ఎందుకు బలి చేస్తున్నారు?టెస్టు, వన్డే జట్ల కెప్టెన్‌గా, బ్యాటర్‌గా మెరుగ్గా ఆడుతున్న గిల్‌ను రెండు ఫార్మాట్లకే పరిమితం చేయాలని.. టీ20లలో సంజూకు అవకాశం ఇవ్వాలని సూచిస్తున్నారు. టీ20 ప్రపంచకప్‌-2026 నాటికి తప్పు సరిదిద్దుకోకపోతే భారీ మూల్యమే చెల్లించాల్సి ఉంటుందని హెచ్చరిస్తున్నారు. మరోవైపు.. గిల్‌ కోసం సంజూను ఎందుకు బలి చేస్తున్నారని అతడి అభిమానులు మండిపడుతున్నారు.ఇదిలా ఉంటే.. ముల్లన్‌పూర్‌ మ్యాచ్‌లో టీమిండియా పవర్‌ ప్లేలో ఏకంగా మూడు వికెట్లు కోల్పోయి 51 పరుగులే చేసింది. గిల్‌తో పాటు.. అభిషేక్‌ శర్మ (17), కెప్టెన్‌ సూర్యకుమార్‌ యాదవ్‌ (5) విఫలమయ్యారు. అన్నట్లు ఈ మ్యాచ్‌లో టీమిండియా మరో ప్రయోగం చేసింది. వన్‌డౌన్‌లో ఆల్‌రౌండర్‌ అక్షర్‌ పటేల్‌ను పంపింది.చదవండి: విరాట్‌ కోహ్లి సంచలన నిర్ణయం!

టీమిండియా వ‌న్డే, టెస్టు కెప్టెన్ శుభ్‌మన్ గిల్‌కు మ‌రో బిగ్ ప్ర‌మోష‌న్ ఇచ్చేందుకు బీసీసీఐ సిద్ద‌మైంది. 2025/26 సీజన్‌కు సంబంధించిన‌ కొత్త సెంట్ర‌ల్ కాంట్రాక్ట్ జాబితాలో గిల్‌‘ఏ ప్లస్‌’ కేటగిరీకి ప‌దోన్నతి పొందే అవకాశం ఉంది.డిసెంబర్ 22న జరగనున్న బీసీసీఐ 31వ వార్షిక సర్వసభ్య సమావేశం (AGM) ఆటగాళ్ల కాంట్రాక్టులపై నిర్ణయం తీసుకోనున్నారు. అనంత‌రం గిల్ ప్ర‌మోష‌న్‌పై అధికారిక ప్ర‌క‌ట‌న వెలువ‌డే ఛాన్స్ ఉంది. గిల్ ప్ర‌స్తుతం గ్రేడ్‌-ఎలో ఉన్నాడు. అందుకు గాను ప్ర‌తీ ఏటా రూ. 5 కోట్ల‌ను జీతంగా అందుకుంటున్నాడు. అయితే ఇప్పుడు ‘ఏ ప్లస్‌’ కేటగిరీలో గిల్‌కు చోటు ద‌క్కితే ప్ర‌తీ ఏటా ఇక‌పై రూ.7 కోట్లు వార్షిక వేత‌నం తీసుకోనున్నాడు. ప్రస్తుతం గ్రేడ్ A+ కేటగిరీలో విరాట్ కోహ్లి, రోహిత్ శర్మ,రవీంద్ర జడేజా, జస్ప్రీత్ బుమ్రా ఉన్నారు. అయితే రో-కో ద్వయం కేవలం ఒక్క ఫార్మాట్‌లో ఆడుతుండడంతో వారిని గ్రేడ్‌-ఎకు డిమోట్ చేసే అవకాశముంది.శుభ్‌మన్ గిల్ రైజ్‌శుభ్‌మన్ గిల్‌.. అరంగేట్రం చేసిన అతి తక్కువ కాలంలోనే భారత జట్టు కెప్టెన్‌గా ఎంపికయ్యాడు. ఈ ఏడాది జూన్‌లో రోహిత్ శర్మ నుంచి టెస్టు జట్టు పగ్గాలను చేపట్టిన గిల్‌.. ఇంగ్లండ్ గడ్డపై అదరహో అనిపించాడు. అతడి నాయకత్వంలోని భారత జట్టు ఐదు మ్యాచ్‌ల టెస్టు సిరీస్‌ను 2-2తో డ్రా చేసింది.ఆ తర్వాత అక్టోబర్‌లో వన్డే కెప్టెన్‌గా కూడా గిల్ బాధ్యతలు చేపట్టాడు. అంతేకాకుండా టీ20ల్లో భారత వైస్ కెప్టెన్‌గా గిల్ ఉన్నాడు. 2026 టీ20 ప్రపంచ కప్ తర్వాత గిల్‌ను టీమిండియాకు ఆల్ ఫార్మాట్ కెప్టెన్‌గా బీసీసీఐ నియమించనున్నట్లు తెలుస్తోంది.చదవండి: IPL 2026 SRH Plans: కావ్య మార‌న్ మాస్ట‌ర్ ప్లాన్..! యార్కర్ల కింగ్‌పై కన్ను?

టీమిండియా స్టార్‌ శుబ్‌మన్‌ గిల్‌ ఓపెనింగ్‌ బ్యాటర్‌గా మరోసారి విఫలమయ్యాడు. సౌతాఫ్రికాతో తొలి టీ20లో అతడు తీవ్రంగా నిరాశపరిచాడు. రెండు బంతులు ఎదుర్కొని కేవలం నాలుగు పరుగులే చేసి నిష్క్రమించాడు. సఫారీ పేసర్‌ లుంగి ఎంగిడి బౌలింగ్‌లో మార్కో యాన్సెన్‌కు క్యాచ్‌ ఇచ్చి పెవిలియన్‌ చేరాడు.ఈ నేపథ్యంలో గిల్‌ ఆట తీరుపై విమర్శలు వెల్లువెత్తుతున్నాయి. టీ20లలో ఓపెనర్‌గా గిల్‌ కంటే మెరుగైన రికార్డు ఉన్నా.. సంజూ శాంసన్‌ (Sanju Samson)ను కావాలనే బలి చేస్తున్నారనే ఆరోపణలు మరోసారి తెరమీదకు వచ్చాయి. ఈ పరిణామాల నేపథ్యంలో సౌతాఫ్రికా మాజీ ఆల్‌రౌండర్‌ షాన్‌ పొలాక్‌ గిల్‌ (Shubman Gill)ను ఉద్దేశించి కీలక వ్యాఖ్యలు చేశాడు.నిన్ను తప్పిస్తారన్న ఊహే ఉండదుక్రిక్‌బజ్‌ షోలో మాట్లాడుతూ.. ‘‘ఐపీఎల్‌లో ఇలాంటి వాళ్లు ఎలా ఆడుతున్నారో మనం చూస్తూనే ఉన్నాం. నిజానికి అక్కడ.. జట్టులో ప్రధాన ఆటగాడు అతడే. అతడిని జట్టు నుంచి తప్పిస్తారన్న ఊహ కూడా ఉండదు. కాబట్టి ఒత్తిడీ తక్కువే.కానీ ఇక్కడ అలా కాదుకానీ టీమిండియాకు వచ్చే సరికి కథ మారుతుంది. ఇక్కడ జట్టులో స్థానం కోసం పోటీ ఉంటుంది. కాబట్టి బ్యాటర్‌ మైండ్‌సెట్‌ మారిపోతుంది. కాస్త ఒత్తిడి కూడా పెరుగుతుంది. బాగా ఆడకుంటే జట్టులో స్థానం గల్లంతు అవుతుందనే ఆందోళన ఉంటుంది.కనీసం ఒక్క హాఫ్‌ సెంచరీఅయితే, శుబ్‌మన్‌ గిల్‌ విషయం మాత్రం ఇందుకు భిన్నం. అతడిపై భారీ అంచనాలు ఉన్నాయి. అంతర్జాతీయ టీ20లలో మెరుగైన స్కోరు సాధించకపోవడం అతడిని నిరాశపరిచి ఉండవచ్చు. ప్రతి మూడు- నాలుగు మ్యాచ్‌లలో అతడు కనీసం ఒక్క హాఫ్‌ సెంచరీ అయినా చేయాలి.లేదంటే విమర్శలు తప్పవు. ఐపీఎల్‌లో మాదిరి ఇక్కడా ఉంటుంది అనుకోవడం పొరపాటు. వరుసగా విఫలమైతే ఇక్కడ మళ్లీ ఆడే అవకాశం రాకపోవచ్చు’’ అని షాన్‌ పొలాక్‌ చెప్పుకొచ్చాడు. వరుస మ్యాచ్‌లలో ఫెయిలైనాకాగా టీమిండియా టెస్టు, వన్డే సారథి అయిన గిల్‌ను.. టీ20లలోనూ కెప్టెన్‌గా చేయాలని మేనేజ్‌మెంట్‌ భావిస్తోంది. అందుకే వరుస మ్యాచ్‌లలో ఫెయిలైనా అవకాశాలు ఇస్తూనే ఉంది. అయితే, ఇందుకోసం సంజూ బలికావడం గమనార్హం. ఇదిలా ఉంటే.. సౌతాఫ్రికాతో కటక్‌ వేదికగా తొలి టీ20 మ్యాచ్‌లో భారత్‌ 101 పరుగుల తేడాతో ఘన విజయం సాధించింది.భారత్‌ వర్సెస్‌ సౌతాఫ్రికా తొలి టీ20 స్కోర్లు👉వేదిక: బారాబతి స్టేడియం, కటక్‌, ఒడిశా.👉టాస్‌: సౌతాఫ్రికా.. తొలుత బౌలింగ్‌👉భారత్‌ స్కోరు: 175/6(20)👉సౌతాఫ్రికా స్కోరు: 74(12.3)👉 ఫలితం: 101 పరుగుల తేడాతో సఫారీ జట్టుపై భారత్‌ గెలుపు👉ప్లేయర్‌ ఆఫ్‌ ది మ్యాచ్‌: హార్దిక్‌ పాండ్యా (28 బంతుల్లో 59 నాటౌట్‌, ఒక వికెట్‌).చదవండి: విరిగిన చెయ్యితోనే బ్యాటింగ్‌.. అతడి వల్లే టీమిండియా సెలక్ట్‌ అయ్యాను: సచిన్‌

టీ20 ప్రపంచకప్‌-2024 తర్వాత సంజూ శాంసన్‌కు వరుస అవకాశాలు వచ్చాయి. అభిషేక్‌ శర్మతో కలిసి టీమిండియా టీ20 ఓపెనర్‌గా ఈ కేరళ బ్యాటర్‌ అదరగొట్టాడు. వికెట్‌ కీపర్‌గా సేవలు అందిస్తూ.. టాపార్డర్‌లో రాణించాడు. ఈ క్రమంలో మూడు శతకాలు బాది జట్టులో తన స్థానం సుస్థిరం చేసుకునే దిశగా అడుగులు వేశాడు.విఫలమైనా.. అయితే, ఆసియా టీ20 కప్‌-2025 టోర్నీతో వైస్‌ కెప్టెన్‌గా శుబ్‌మన్‌ గిల్‌ (Shubman Gill) తిరిగి రావడంతో.. సంజూ భవిష్యత్తు ఆగమ్యగోచరంగా మారింది. అభిషేక్‌కు జోడీగా వస్తున్న గిల్‌ చాలాసార్లు విఫలమైనా.. యాజమాన్యం మాత్రం అతడికే మద్దతుగా నిలుస్తోంది. భవిష్య కెప్టెన్‌గా అతడికి పెద్ద పీట వేస్తూ ఒక్కోసారి భారీ మూల్యమే చెల్లిస్తోంది.మరోవైపు.. గిల్‌ రాకతో సంజూ (Sanju Samson)కు తుదిజట్టులో చోటు కష్టమైపోయింది. ఒకవేళ ప్లేయింగ్‌ ఎలెవన్‌లో స్థానం దక్కినా.. బ్యాటింగ్‌ ఆర్డర్‌లో ఎప్పుడు రావాలో తెలియని పరిస్థితి. ఓసారి వన్‌డౌన్‌లో.. మరోసారి ఐదో స్థానంలో మేనేజ్‌మెంట్‌ అతడిని బ్యాటింగ్‌కు పంపిస్తోంది.సంజూపై వేటు వేసి.. జితేశ్‌కు చోటుఇక ఇటీవల ఆస్ట్రేలియా పర్యటనలో భాగంగా ఆఖరిగా ఐదో స్థానంలో వచ్చి విఫలమైన సంజూ (4 బంతుల్లో 2)ను.. ఆ తర్వాత మేనేజ్‌మెంట్‌ తప్పించింది. ఐదు మ్యాచ్‌ల సిరీస్‌లో భాగంగా ఒకే ఒక్క మ్యాచ్‌ ఆడిన తర్వాత సంజూపై వేటు వేసి.. వికెట్‌ కీపర్‌ కోటాలో జితేశ్‌ శర్మను ఆడించింది.ఈ క్రమంలో తాజాగా సౌతాఫ్రికాతో స్వదేశంలో జరిగే టీ20 సిరీస్‌లోనూ సంజూకు మొండిచేయి చూపిస్తారనే అభిప్రాయాలు వ్యక్తమవుతున్నాయి. ఇందుకు కెప్టెన్‌ సూర్యకుమార్‌ యాదవ్‌ వ్యాఖ్యలు కూడా బలం చేకూరుస్తున్నాయి. సంజూ కంటే తమకు గిల్‌ ఎక్కువని సూర్య చెప్పకనే చెప్పాడు.గిల్‌కే పెద్దపీట వేస్తామన్న సూర్యసౌతాఫ్రికాతో కటక్‌ వేదికగా తొలి టీ20కి ముందు మీడియాతో మాట్లాడుతూ.. ‘‘సంజూ టాపార్డర్‌లో రాణిస్తాడు. అయితే, జట్టులో ఓపెనర్లు కాకుండా మిగిలిన ప్రతి ఒక్క ఆటగాడు ఏ స్థానంలో బ్యాటింగ్‌ చేసేందుకైనా సిద్ధంగా ఉండాలి.నిజానికి సంజూ ఓపెనర్‌గా అదరగొట్టాడు. మంచి ఇన్నింగ్స్‌ ఆడాడు. కానీ గతేడాది శ్రీలంక పర్యటనలో గిల్‌ ఓపెనర్‌గా ఉన్నాడు. సంజూ కంటే ముందు అతడే జట్టుతో ఉన్నాడు. కాబట్టి గిల్‌ తన స్థానంలోకి తిరిగి వచ్చేందుకు వందశాతం అర్హుడు.కావాల్సినన్ని అవకాశాలు ఇచ్చాముసంజూకు మేము కావాల్సినన్ని అవకాశాలు ఇచ్చాము. అతడు కూడా ఏ స్థానంలో బ్యాటింగ్‌ చేసేందుకైనా సిద్ధంగా ఉన్నాడు. జట్టుకు అదొక సానుకూలాంశం. మూడు- ఆరు వరకు ఏ స్థానంలో ఆడేందుకైనా మా ఆటగాళ్లు సిద్ధంగా ఉంటారు.టాపార్డర్‌లో ఆడుతూనే.. అవసరం వచ్చినపుడు మిడిల్‌ ఆర్డర్‌లోనూ రాణించగల ఆటగాళ్లు ఉండటం మా జట్టుకు అదృష్టం లాంటిదే. తుదిజట్టులో స్థానం ఇంత మంది ఆటగాళ్లు పోటీపడటం.. సెలక్షన్‌ విషయంలో మాకు ఇలాంటి తలనొప్పి ఉండటం ఎంతో బాగుంటుంది. వరల్డ్‌కప్‌ ఆశలు ఆవిరేనా?మా జట్టుకు ఉన్న వైవిధ్యమైన ఆప్షన్లను ఇది సూచిస్తుంది’’ అని సూర్యకుమార్‌ యాదవ్‌ చెప్పుకొచ్చాడు. టీ20 ప్రపంచకప్‌-2026 టోర్నీకి సమయం ఆసన్నమవుతున్న వేళ ప్రయోగాల పేరిట సంజూను పక్కనపెట్టడం చూస్తుంటే.. ఈసారి కూడా అతడికి వరల్డ్‌కప్‌లో ఆడే అవకాశం ఇవ్వరనే అనిపిస్తోంది. చదవండి: వాళ్లిద్దరికి మొండిచేయి!.. తొలి టీ20కి భారత తుదిజట్టు ఇదే!

భారత్‌- సౌతాఫ్రికా మధ్య మంగళవారం కటక్‌ వేదికగా తొలి టీ20 నిర్వహణకు షెడ్యూల్‌ ఖరారైంది. ఈ మ్యాచ్‌తో టీమిండియా స్టార్లు శుబ్‌మన్‌ గిల్‌, హార్దిక్‌ పాండ్యా పునరాగమనం చేయనున్నారు.టెస్టు సారథి గిల్‌ (Shubman Gill) మెడ నొప్పి కారణంగా సఫారీలతో రెండో టెస్టు, వన్డే సిరీస్‌ మొత్తానికి దూరమైన విషయం తెలిసిందే. ఈ క్రమంలో కోలుకుని పూర్తిస్థాయిలో ఫిట్‌నెస్‌ సాధించిన గిల్‌.. నేరుగా తుదిజట్టులోకి రీఎంట్రీ ఇవ్వనున్నాడు.మరోవైపు.. ఆసియా కప్‌-2025 టోర్నీ సందర్భంగా గాయపడిన ఆల్‌రౌండర్‌ హార్దిక్‌ పాండ్యా (Hardik Pandya)చాన్నాళ్ల తర్వాత మళ్లీ మైదానంలో అడుగుపెట్టనున్నాడు. జితేశ్‌ శర్మకే ప్రాధాన్యంఈ నేపథ్యంలో భారత తుదిజట్టు కూర్పుపై టీమిండియా మాజీ ఆల్‌రౌండర్‌ ఇర్ఫాన్‌ పఠాన్‌ (Irfan Pathan) తన అభిప్రాయాలు పంచుకున్నాడు. గిల్‌ రాకతో సంజూ శాంసన్‌పై వేటు తప్పదన్న పఠాన్‌.. వికెట్‌ కీపర్‌గా జితేశ్‌ శర్మకే తొలి ప్రాధాన్యం దక్కుతుందని పేర్కొన్నాడు.శివం దూబేకు నో ఛాన్స్‌అదే విధంగా.. హార్దిక్‌ వల్ల ఓ ఆల్‌రౌండర్‌కు మొండిచేయి తప్పదని ఇర్ఫాన్‌ పఠాన్‌ అభిప్రాయపడ్డాడు. ఇక ఓపెనింగ్‌ జోడీగా అభిషేక్‌ శర్మ- శుబ్‌మన్‌ గిల్‌ ఉంటారన్న అతడు.. స్పిన్నర్ల కోటాలో కుల్దీప్‌ యాదవ్‌తో పాటు.. వరుణ్‌ చక్రవర్తి ప్లేయింగ్‌ ఎలెవన్‌లో ఉంటాడని పేర్కొన్నాడు. ఆల్‌రౌండర్ల విభాగంలో హార్దిక్‌ పాండ్యాతో పాటు అక్షర్‌ పటేల్‌ తుదిజట్టులో ఉంటాడన్న ఇర్ఫాన్‌ పఠాన్‌.. శివం దూబేకు ఛాన్స్‌ ఉండదని అభిప్రాయపడ్డాడు.ఇర్ఫాన్‌ ఓటు అర్ష్‌కేఇక పేసర్ల కోటాలో నాయకుడు జస్‌ప్రీత్‌ బుమ్రాతో పాటు అర్ష్‌దీప్‌ సింగ్‌కు చోటు దక్కుతుందని ఇర్ఫాన్‌ పఠాన్‌ పేర్కొన్నాడు. అయితే, గత కొంతకాలంగా యువ పేసర్‌ హర్షిత్‌ రాణా కూడా మెరుగ్గా రాణిస్తున్నాడని.. అతడికి గనుక మేనేజ్‌మెంట్‌ అవకాశం ఇవ్వాలని భావిస్తే అర్ష్‌పైనే వేటు పడుతుందని అంచనా వేశాడు.ఎనిమిదో స్థానంలో బ్యాటింగ్‌ చేయగలనని హర్షిత్‌ ఆస్ట్రేలియా గడ్డ మీద నిరూపించుకున్నాడని.. కాబట్టి యాజమాన్యం అతడి వైపు మొగ్గు చూపే అవకాశం లేకపోలేదని పేర్కొన్నాడు. ఏదేమైనా తాను మాత్రం అర్ష్‌దీప్‌కే ఓటు వేస్తానని ఇర్ఫాన్‌ పఠాన్‌ ఈ సందర్భంగా వెల్లడించాడు.సౌతాఫ్రికాతో తొలి టీ20 మ్యాచ్‌కు ఇర్ఫాన్‌ పఠాన్‌ ఎంచుకున్న భారత తుదిజట్టుఅభిషేక్‌ శర్మ, శుబ్‌మన్‌ గిల్‌, సూర్యకుమార్‌ యాదవ్‌, తిలక్‌ వర్మ, అక్షర్‌ పటేల్‌, హార్దిక్‌ పాండ్యా, జితేశ్‌ శర్మ, కుల్దీప్‌ యాదవ్‌, అర్ష్‌దీప్‌ సింగ్‌, వరుణ్‌ చక్రవర్తి, జస్‌ప్రీత్‌ బుమ్రా.చదవండి: IND vs SA: టీమిండియాకు భారీ షాక్‌..!

డిసెంబర్‌ 9 నుంచి కటక్‌ (ఒడిషా) వేదికగా భారత్‌, సౌతాఫ్రికా మధ్య 5 మ్యాచ్‌ల టీ20 సిరీస్‌ ప్రారంభం కానుంది. తొలి మ్యాచ్‌ కోసం భారత జట్టు మొత్తం ఇప్పటికే భువనేశ్వర్‌కు (ఒడిషా రాజధాని) చేరుకుంది. గాయం కారణంగా టెస్ట్‌, వన్డే సిరీస్‌కు (సౌతాఫ్రికాతో) దూరమైన శుభ్‌మన్‌ గిల్‌ కూడా నిన్న రాత్రి భువనేశ్వర్‌ చేరుకున్నాడు.గిల్‌ మెడ్‌ గాయం నుంచి పూర్తిగా కోలుకోని రీఎంట్రీకి సిద్దంగా ఉన్నాడు. గిల్‌ రాకతో టీమిండియాకు ఓపెనింగ్‌ జోడీ సమస్య తిరగబెట్టింది. అభిషేక్‌కు జోడీగా గిల్‌ బరిలోకి దిగితే సంజూ శాంసన్‌కు మళ్లీ నిరాశ తప్పదు.మిడిలార్డర్‌లో ఆడించాల్సి వస్తే మేనేజ్‌మెంట్‌ జితేశ్‌ శర్మకు ఓటు వస్తుంది తప్ప సంజూకు అవకాశం ఇవ్వదు. సంజూ ఓపెనర్‌గా అయితేనే సక్సెస్‌ కాగలడని మేనేజ్‌మెంట్‌ భావిస్తుంది. ఇది ఆసీస్‌ పర్యటనలో తొలి రెండు టీ20ల్లో నిరూపితమైంది. దీన్ని బట్టి చూస్తే సంజూ ఓపెనర్‌గా అవకాశం ఉంటేనే తుది జట్టులో ఉంటాడు. లేకపోతే జట్టులో చోటే ఉండదు.మేనేజ్‌మెంట్‌ దగ్గర మిడిలార్డర్‌ వికెట్‌ కీపర్‌ బ్యాటర్‌ కోసం​ జితేశ్‌ శర్మ రూపం మంచి ఆప్షన్‌ ఉంది. జితేశ్‌ మంచి ఫినిషర్‌గానూ గుర్తింపు తెచ్చుకున్నాడు. కాబట్టి సౌతాఫ్రికా టీ20 సిరీస్‌లో అతడికే అవకాశాలు ఉంటాయి. ఓపెనర్లలో ఎవరో ఒకరికి గాయమైతే తప్ప సంజూ తుది జట్టులోకి వచ్చే పరిస్థితి లేదు.గిల్‌ ఆకలితో ఉన్నాడు: గంభీర్‌గిల్‌ గాయంపై టీమిండియా హెడ్‌ కోచ్‌ గౌతమ్‌ గంభీర్‌ రెండు రోజుల ముందే అప్‌డేట్‌ ఇచ్చాడు. దక్షిణాఫ్రికాతో వన్డే సిరీస్‌ ముగిశాక గంభీర్‌ మాట్లాడుతూ.. అవును, గిల్‌ సిద్ధంగా ఉన్నాడు. అందుకే అతన్ని ఎంపిక చేశాం. అతను ఫిట్‌గా, ఫైన్‌గా, ఆడేందుకు ఆకలితో ఉన్నాడని అన్నాడు.కాగా, సౌతాఫ్రికాతో జరిగిన తొలి టెస్ట్‌లో మెడ గాయానికి గురైన గిల్‌.. గత కొద్ది రోజులుగా బెంగళూరులోని BCCI సెంటర్ ఆఫ్ ఎక్సలెన్స్‌లో ఉన్నాడు. అక్కడ పూర్తిగా కోలుకొని, వైద్య బృందం నుంచి ఫిట్‌నెస్ క్లియరెన్స్ పొందాడు. టెస్ట్‌, వన్డే ఫార్మాట్లలో టీమిండియా కెప్టెన్‌గా ఉన్న గిల్‌.. టీ20ల్లో వైస్‌ కెప్టెన్‌గా వ్యవహరిస్తున్నాడు. సౌతాఫ్రికాతో తొలి టీ20 కోసం భారత జట్టు (అంచనా)..శుభ్‌మన్‌ గిల్‌, అభిషేక్‌ శర్మ, సూర్యకుమార్‌ యాదవ్‌ (కెప్టెన్‌), తిలక్‌ వర్మ, హార్దిక్‌ పాండ్యా, జితేశ్‌ శర్మ (వికెట్‌కీపర్‌), శివమ్‌ దూబే, కుల్దీప్‌ యాదవ్‌, వరుణ్‌ చక్రవర్తి, బుమ్రా, అర్షదీప్‌ సింగ్‌

భారత పురుషల క్రికెట్ జట్టుకు మూడు ఫార్మాట్లలో ఒకే కెప్టెన్ ఉండేవిధంగా బీసీసీఐ అడుగులు వేస్తున్నట్లు తెలుస్తోంది. ప్రస్తుతం వన్డే, టెస్టుల్లో టీమిండియా సారథిగా శుభ్‌మన్ గిల్ ఉండగా.. టీ20ల్లో సూర్యకుమార్ యాదవ్ జట్టును నడిపిస్తున్నాడు. ఈ ఏడాది మేలో రోహిత్ శర్మ రిటైర్మెంట్ ప్రకటించిన భారత టెస్టు జట్గు పగ్గాలను గిల్ చేపట్టాడు. ఆ తర్వాత ఆస్ట్రేలియా టూర్‌కు ముందు వన్డే జట్టు బాధ్యతలను కూడా గిల్‌కే బీసీసీఐ అప్పగించింది. అంతేకాకుండా టీ20ల్లో సూర్యకు డిప్యూటీగా గిల్‌ను ఎంపిక చేశారు.దీంతో రాబోయో రోజుల్లో పొట్టి క్రికెట్‌లో కూడా గిల్‌ను సారథిగా నియమించే యోచనలో ఉన్నట్లు ఆర్ధమవుతోంది. అయితే టీ20 ప్రపంచకప్‌-2024 విజయం తర్వాత రోహిత్ శర్మ రిటైర్మెంట్ ప్రకటించడంతో.. అతడి స్ధానంలో కెప్టెన్‌గా హార్దిక్ పాండ్యా లేదా జస్ప్రీత్‌ బుమ్రా ఎంపిక అవుతారని అంతా భావించారు. కానీ బీసీసీఐ మాత్రం జట్టు బాధ్యతలను సూర్యకుమార్ యాదవ్‌కు అప్పగించింది. అయితే సూర్యను కెప్టెన్‌గా ఎంపిక చేయడాన్ని చాలా మంది తప్పు బట్టారు. కానీ సూర్య మాత్రం తన అద్భుత కెప్టెన్సీతో జట్టును విజయ పథంలో నడిపిస్తున్నాడు. అతడి నాయకత్వంలో భారత్ ఆడిన 22 మ్యాచ్‌లలో కేవలం రెండింట మాత్రమే ఓడిపోయింది.అయినప్పటికి టీ20ల్లో కూడా గిల్‌ను కెప్టెన్‌గా చేయాలని చాలా మంది బీసీసీఐని సూచిస్తున్నారు. ఈ జాబితాలోకి తాజాగా భారత మాజీ కెప్టెన్ సౌరవ్ గంగూలీ చేరాడు. అన్ని ఫార్మాట్లలో గిల్‌ను కెప్టెన్‌గా నియమించాలని గంగూలీ అభిప్రాయపడ్డాడు."సౌతాఫ్రికాతో తొలి టెస్టు సందర్భంగా ఈడెన్ గార్డెన్స్‌లో ఒకరితో నాకు ఆసక్తికర సంభాషణ చోటు చేసుకుంది. శుభ్‌మన్ గిల్ టీ20ల్లో కూడా కెప్టెన్‌గా ఉండాలని మీరు కోరుకుంటున్నారా? ఒకరు నన్ను అడిగారు. వెంటనే నేను అవునాని సమాధానమిచ్చాను. అతడికి అద్భుతమైన కెప్టెన్సీ స్కిల్స్ ఉన్నాయి.శుభ్‌మన్ ఏ ఫార్మాట్‌లో నైనా జట్టును నడిపించగలడు అని చెప్పా. మూడు నెలల క్రితం అతడు ఇంగ్లండ్‌లో ఏమి చేశాడో మనమందరం చూశాము. బ్యాటింగ్, కెప్టెన్సీతో అదరగొట్టాడు. రోహిత్ శర్మ, కోహ్లి వంటి సీనియర్లు లేనప్పటికి అతడు తన కెప్టెన్సీతో అద్భుతం చేశాడు" అని 'కెప్టెన్'స్ కామ్' పోడ్‌కాస్ట్‌లో దాదా పేర్కొన్నాడు.చదవండి: మంధానతో పెళ్లి క్యాన్సిల్‌.. పలాష్ ముచ్చల్ ఏమన్నాడంటే?

దక్షిణాఫ్రికాతో జరిగిన మూడో వన్డేలో యువ ఓపెనర్‌ యశస్వి జైస్వాల్‌ సూపర్‌ సెంచరీ చేసి టీమిండియా మేనేజ్‌మెంట్‌కు కొత్త తలనొప్పి తెచ్చిపెట్టాడు. రెగ్యులర్‌ కెప్టెన్‌ శుభ్‌మన్‌ గిల్‌ గాయపడటంతో ఆ స్థానాన్ని తాత్కాలికంగా భర్తీ చేసేందుకు జట్టులోకి వచ్చిన జైస్వాల్‌ అందివచ్చిన అవకాశాన్ని సద్వినియోగం చేసుకొని కెప్టెన్‌నే పోటీదారుగా మారాడు. ఇప్పటికే జట్టు కూర్పు విషయంలో తలలు పట్టుకున్న భారత మేనేజ్‌మెంట్‌కు జైస్వాల్‌ మరో సమస్యగా మారాడు.గిల్‌ వస్తే పరిస్థితి ఏంటన్నది ఎవరికీ అర్దం కావట్లేదు. కెప్టెన్‌ కోసం​ జైస్వాల్‌ను తప్పిస్తారా లేక కెప్టెన్‌నే పక్కకు కూర్చోబెడతారా అన్నది ఆసక్తికరంగా మారింది. ఇప్పటికే గిల్‌ రూపేనా జైస్వాల్‌కు అన్యాయం జరుగుతుందన్న విమర్శలు ఉన్నాయి. విజయవంతమైన రైట్‌ అండ్‌ లెఫ్ట్‌ కాంబినేషన్‌ ప్రకారం రోహిత్‌తో పాటు జైస్వాల్‌కు అవకామివ్వాలి. అయితే కెప్టెన్‌ అయిన కారణంగా మేనేజ్‌మెంట్‌ గిల్‌వైపే మొగ్గు చూపుతుంది.అలాగనీ గిల్‌ను అత్యుత్తమ వన్డే బ్యాటర్‌ కాదని అనలేం. గిల్‌ ఈ ఫార్మాట్‌లో చాలా అద్భుతంగా ఆడతాడు. అతనితో సమానంగా జైస్వాల్‌ కూడా ఆడతాడు. సాధారణంగా ఏ జట్టైన రైట్‌ అండ్‌ లెఫ్ట్‌ కాంబినేషన్ కోసం చూస్తుంది. ఈ కోటాలో జైస్వాల్‌కే అవకాశాలు రావాలి. కానీ కెప్టెన్‌ కావడంతో జైస్వాల్‌పై వివక్ష తప్పలేదు. పోనీ జైస్వాల్‌ను కానీ గిల్‌ను కానీ మిడిలార్డర్‌లో ఆడిద్దాదా అంటే, ఆ ఛాన్సే లేదు. మిడిలార్డర్‌లో బెర్త్‌ల కోసం ఇప్పటికే పదుల సంఖ్యలో పోటీ ఉంది.ఇలాంటి పరిస్థితుల్లో జైస్వాల్‌ సెంచరీ చేసి మేనేజ్‌మెంట్‌ను ఏ నిర్ణయం తీసుకోలేని స్థితిలోకి నెట్టాడు. పక్షపాతాలకు పోకుండా ఉంటే సెంచరీ చేశాడు కాబట్టి జైస్వాల్‌కు మరిన్ని అవకాశాలు ఇవ్వాలి. జైస్వాల్‌ క్రమంగా రాణిస్తే మాత్రం గిల్‌ వన్డేల నుంచి బ్రేక్‌ తీసుకోవాలి. ‌రోహిత్‌ శర్మ రిటైరయ్యే వరకు ఇదే పరిస్థితి కొనసాగవచ్చు. రోహిత్‌ చూస్తే 2027 వరకు తగ్గేదేలేదంటున్నాడు. తదుపరి వన్డే సిరీస్‌ సమయానికి మేనేజ్‌మెంట్‌ ఏం చేస్తుందో చూడాలి.వన్డే ఫార్మాట్‌లో గిల్‌ ప్రస్తుత పరిస్థితి ఇది. ఈ పంజాబీ ‍కుర్రాడికి టీ20 ఫార్మాట్‌లోనూ పరిస్థితి అంత మెరుగ్గా లేదు. ఏదో, లాబీయింగ్‌ జరిగి వైస్‌ కెప్టెన్‌ అయ్యాడే కానీ ఈ ఫార్మాట్‌ జట్టులో స్థానానికి అతడు అర్హుడే కాదు. అతను ఆడితే ఓపెనర్‌గా ఆడాలి. లేదంటే లేదు. ఈ ఫార్మాట్‌లో గిల్‌కు అవకాశం ఇవ్వడం కోసం మేనేజ్‌మెంట్‌ ఇద్దరిని బలిపశువులను చేస్తుంది.ఈ ఫార్మాట్‌లో రోహిత్‌ శర్మ రిటైరయ్యాక ఓ ఓపెనింగ్‌ స్థానాన్ని అభిషేక్‌ శర్మ భర్తీ చేశాడు. గత కొద్ది కాలంగా మరో ఓపెనింగ్‌ బెర్త్‌కు సంజూ శాంసన్‌ న్యాయం​ చేస్తున్నాడు. ఇలాంటి పరిస్థితుల్లో గిల్‌కు ఆఘమేఘాల మీద వైస్‌ కెప్టెన్సీ కట్టబెట్టి జట్టులో స్థానం కల్పిస్తున్నారు. దీని వల్ల సంజూ మిడిలార్డర్‌కు వెళ్లాల్సి వస్తుంది. వైస్‌ కెప్టెన్‌ కోటాలో గిల్‌కు ఓపెనింగ్‌ స్థానాన్ని కట్టబెట్టినా ఏమైనా న్యాయం చేయగలుగుతున్నాడా అంటే అదీ లేదు. వరుస అవకాశాలను వృధా చేసుకున్నాడు. ఈ నేపథ్యంలో గిల్‌ను టీ20 జట్టు నుంచి తప్పించాలని మేనేజ్‌మెంట్‌పై ఒత్తిడి ఎక్కువైంది. త్వరలో ఈ ఫార్మాట్‌లో అతను స్థానం కోల్పోయే ప్రమాదం ఉంది.వన్డేలు చూస్తే అలా. టీ20లు చూస్తే ఇలా. ఇక గిల్‌ స్థానం​ పదిలంగా ఉండేది టెస్ట్‌ల్లో మాత్రమే. ఈ ఫార్మాట్‌ నుంచి కూడా రోహిత్‌ రిటైర్‌ కావడంతో లెఫ్ట్‌ అండ్‌ రైట్‌ కాంబినేషన్‌లో గిల్‌-జైస్వాల్‌ టెన్షన్‌ లేకుండా ఆడుకుంటున్నారు. వన్డేల్లో జైస్వాల్‌.. టీ20ల్లో సంజూ (అవకాశాలు వచ్చి ఓపెనర్‌గా) క్రమంగా రాణిస్తూ ఉంటే గిల్‌ వన్డేల్లో కెప్టెన్సీ కోల్పోవడంతో పాటు టీ20ల్లో స్థానం గల్లంతై, టెస్ట్‌లకు మాత్రమే పరిమితం కావాల్సి ఉంటుంది.

సౌతాఫ్రికాతో టీ20 సిరీస్‌కు ముందు టీమిండియాకు శుభవార్త అందింది. స్టార్‌ బ్యాటర్‌, వైస్‌ కెప్టెన్‌ శుబ్‌మన్‌ గిల్‌ మ్యాచ్‌ ఫిట్‌నెస్‌ సాధించాడు. సఫారీ జట్టుతో తొలి టీ20 నుంచే అతడు అందుబాటులోకి రానున్నాడు.ఫిట్‌నెస్‌ సాధించాడుభారత క్రికెట్‌ నియంత్రణ మండలి (BCCI) సెంటర్‌ ఆఫ్‌ ఎక్సలెన్స్‌ (CoE) వర్గాలు ఈ విషయాన్ని శనివారం ధ్రువీకరించాయి. గిల్‌ పూర్తి స్థాయిలో ఫిట్‌నెస్‌ సాధించినట్లు తెలిపాయి. ఈ మేరకు.. ‘‘CoEలో శుబ్‌మన్‌ గిల్‌ తన పునరావాసం పూర్తి చేసుకున్నాడు. అన్ని ఫార్మాట్లు ఆడేందుకు ఫిట్‌నెస్‌ సాధించాడు’’ అని సదరు వర్గాలు పేర్కొన్నాయి. ఈ నేపథ్యంలో డిసెంబరు 9న కటక్‌ వేదికగా భారత్‌- సౌతాఫ్రికా (IND vs SA T20Is) మధ్య మొదలయ్యే టీ20 సిరీస్‌కు గిల్‌ అందుబాటులోకి రానున్నాడు. కాగా స్వదేశంలో టీమిండియా సౌతాఫ్రికాతో రెండు టెస్టులు, మూడు వన్డేలు, ఐదు టీ20 మ్యాచ్‌లు ఆడేందుకు షెడ్యూల్‌ ఖరారైంది. ఇందులో భాగంగా తొలుత టెస్టు సిరీస్‌ జరుగగా.. సఫారీల చేతిలో భారత జట్టు 2-0తో వైట్‌వాష్‌కు గురైంది.మెడనొప్పి కారణంగా..ఇదిలా ఉంటే.. తొలి టెస్టు సందర్భంగానే గిల్‌ గాయపడి జట్టుకు దూరమయ్యాడు. మెడనొప్పి కారణంగా బ్యాటింగ్‌ మధ్యలోనే నిష్క్రమించిన గిల్‌.. ఆ తర్వాత ఆస్పత్రిలో చేరాడు. ఐసీయూలో చికిత్స పొంది డిశ్చార్జ్‌ అయిన తర్వాత.. అతడు రెండో టెస్టుతో పాటు.. వన్డే సిరీస్‌ మొత్తానికి దూరమైనట్లు బీసీసీఐ తెలిపింది.ఈ క్రమంలో గిల్‌ టీ20 సిరీస్‌కు కూడా అందుబాటులో ఉంటాడో.. లేదోనన్న సందేహాలు నెలకొన్నాయి. అయితే, ప్రొటిస్‌ టీమ్‌తో పొట్టి సిరీస్‌కు ప్రకటించిన భారత జట్టులో అతడికి చోటిచ్చిన యాజమాన్యం ఫిట్‌నెస్‌ ఆధారంగా జట్టుతో కొనసాగేది.. లేనిది తేలుతుందని పేర్కొంది. తాజాగా గిల్‌ మ్యాచ్‌ ఫిట్‌నెస్‌ సాధించినట్లు వెల్లడించింది.సౌతాఫ్రికాతో టీ20 సిరీస్‌కు బీసీసీఐ ప్రకటించిన జట్టుసూర్యకుమార్ యాదవ్ (కెప్టెన్‌), శుబ్‌‌మన్ గిల్ (వైస్‌ కెప్టెన్‌, ఫిట్‌నెస్‌కు లోబడి), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేశ్‌ శర్మ (వికెట్‌ కీపర్‌), సంజు శాంసన్ (వికెట్‌ కీపర్‌), జస్‌ప్రీత్ బుమ్రా, వరుణ్ చక్రవర్తి, అర్ష్‌దీప్ సింగ్, కుల్దీప్‌ యాదవ్‌, హర్షిత్‌ రాణా, వాషింగ్టన్‌ సుందర్‌.భారత్‌ వర్సెస్‌ సౌతాఫ్రికా టీ20 సిరీస్‌ షెడ్యూల్‌👉మొదటి టీ20: డిసెంబరు 9- కటక్‌, ఒడిశా👉రెండో టీ20: డిసెంబరు 11- ముల్లన్‌పూర్‌, చండీగఢ్‌👉మూడో టీ20: డిసెంబరు 14- ధర్మశాల, హిమాచల్‌ ప్రదేశ్‌👉నాలుగో టీ20: డిసెంబరు 17- లక్నో, ఉత్తరప్రదేశ్‌👉ఐదో టీ20: డిసెంబరు 19- అహ్మదాబాద్‌, గుజరాత్‌.చదవండి: టెస్టుల్లో వెస్టిండీస్‌ క్రికెటర్‌ ప్రపంచ రికార్డు

యాషెస్‌ సిరీస్‌ రెండో టెస్ట్‌ తొలి ఇన్నింగ్స్‌లో ఆసీస్‌ ఓపెనింగ్‌ జోడీ జేక్‌ వెదరాల్డ్‌-ట్రవిస్‌ హెడ్‌ అద్భుతమైన భాగస్వామ్యాన్ని నెలకొల్పారు. ఈ ఇద్దరు తొలి వికెట్‌కు 77 పరుగులు జోడించారు. తద్వారా ఇంగ్లండ్‌పై డే అండ్‌ నైట్‌ టెస్ట్‌లో తొలి వికెట్‌కు అత్యధిక భాగస్వామ్యం నెలకొల్పిన జోడీగా సరికొత్త రికార్డు నెలకొల్పారు. గతంలో ఈ రికార్డు టీమిండియా ఓపెనింగ్‌ జోడీ రోహిత్‌ శర్మ-శుభ్‌మన్‌ గిల్‌ పేరిట ఉండేది. ఈ జోడీ 2021 అహ్మదాబాద్‌ టెస్ట్‌లో తొలి వికెట్‌కు అజేయమైన 49 పరుగుల భాగస్వామ్యం నెలకొల్పింది.మ్యాచ్‌ విషయానికొస్తే.. ఓవర్‌నైట్‌ స్కోర్‌కు (325/9) మరో తొమ్మిది పరుగులు జోడించిన అనంతరం ఇంగ్లండ్‌ తొలి ఇన్నింగ్స్‌కు 334 పరుగుల వద్ద తెరపడింది. లబూషేన్‌ కళ్లు చెదిరే క్యాచ్‌ పట్టడంతో జోఫ్రా ఆర్చర్‌ (38) చివరి వికెట్‌గా వెనుదిరిగాడు. ఆసీస్‌ గడ్డపై తొలి శతకం బాదిన రూట్‌ (138) అజేయ బ్యాటర్‌గా నిలిచాడు. ఆర్చర్‌ వికెట్‌ బ్రెండన్‌ డాగెట్‌కు దక్కింది. తొలి రోజు ఆటలో నిప్పులు చెరిగిన స్టార్క్‌ 6 వికెట్లతో ఇన్నింగ్స్‌ను ముగించాడు. మైఖేల్‌ నెసర్‌, స్కాట్‌ బోలాండ్‌కు తలో వికెట్‌ దక్కింది. ఇంగ్లండ్‌ ఇన్నింగ్స్‌లో జాక్‌ క్రాలే 76, బ్రూక్‌ 31, స్టోక్స్‌ 19, విల్‌ జాక్స్‌ 19, అట్కిన్సన్‌ 4 పరుగులు చేయగా.. డకెట్‌, పోప్‌, జేమీ స్మిత్‌, కార్స్‌ డకౌట్లయ్యారు.అనంతరం బరిలోకి దిగిన ఆసీస్‌ ధాటిగా ఇన్నింగ్స్‌ను ప్రారంభించింది. అరంగేట్రం టెస్ట్‌లో విఫలమైన ఓపెనర్‌ జేక్‌ వెదరాల్డ్‌ చెలరేగి ఆడాడు. శైలికి భిన్నంగా హెడ్‌ నిదానంగా ఆడాడు. వీరి జోడి తొలి వికెట్‌కు 77 పరుగులు జోడించిన తర్వాత బ్రైడన్‌ కార్స్‌ బౌలింగ్‌లో హెడ్‌ (33) ఔటయ్యాడు. అనంతరం లబూషేన్‌ వెదరాల్డ్‌తో జత కలిశాడు. హెడ్‌ ఔటయ్యాక వెదరాల్డ్‌ హాఫ్‌ సెంచరీ పూర్తి చేసుకున్నాడు. లబూషేన్‌తో కలిసి రెండో వికెట్‌కు అజేయమైన 53 పరుగుల భాగస్వామ్యాన్ని నెలకొల్పాడు. రెండో రోజు టీ విరామం సమయానికి వెదరాల్డ్‌ 59, లబూషేన్‌ 27 పరుగులతో క్రీజ్‌లో ఉన్నారు. 21 ఓవర్ల తర్వాత ఆసీస్‌ స్కోర్‌ 130/1గా ఉంది. ఇంగ్లండ్‌ తొలి ఇన్నింగ్స్‌ స్కోర్‌కు ఇంకా 204 పరుగులు వెనుకపడి ఉంది.

సౌతాఫ్రికాతో టీ20 సిరీస్‌కు భారత క్రికెట్‌ నియంత్రణ మండలి (బీసీసీఐ) తమ జట్టును ప్రకటించింది. సూర్యకుమార్‌ యాదవ్‌ సారథ్యంలోని టీమిండియాలో మొత్తంగా పదిహేను మంది సభ్యులకు చోటిచ్చినట్లు తెలిపింది. ఇందుకు సంబంధించి బీసీసీఐ బుధవారం అధికారిక ప్రకటన విడుదల చేసింది.హార్దిక్‌ రీఎంట్రీ.. రింకూపై వేటుఇక వైస్‌ కెప్టెన్‌ శుబ్‌మన్‌ గిల్‌ (Shubman Gill) ఫిట్‌నెస్‌ ఆధారంగా అందుబాటులో ఉంటాడని బోర్డు ఈ సందర్భంగా వెల్లడించింది. అదే విధంగా పేస్‌ బౌలింగ్‌ ఆల్‌రౌండర్‌ హార్దిక్‌ పాండ్యా (Hardik Pandya) గాయం నుంచి కోలుకుని జట్టుతో చేరినట్లు తెలిపింది. అయితే, చాన్నాళ్లుగా టీ20 జట్టుతో కొనసాగుతున్న రింకూ సింగ్‌ (Rinku Singh)పై ఈసారి వేటుపడటం గమనార్హం. ఇవి తప్ప రెగ్యులర్‌ టీ20 జట్టులో పెద్దగా మార్పుల్లేకుండానే బీసీసీఐ జట్టును ప్రకటించింది.టెస్టులలో వైట్‌వాష్‌.. వన్డేలలో జోరుకాగా టీమిండియా స్వదేశంలో సౌతాఫ్రికాతో రెండు టెస్టులు, మూడు వన్డేలు, ఐదు టీ20 మ్యాచ్‌ల సిరీస్‌లు ఆడేందుకు షెడ్యూల్‌ ఖరారైన విషయం తెలిసిందే. ఇందులో భాగంగా టెస్టు సిరీస్‌లో సఫారీల చేతిలో 2-0తో వైట్‌వాష్‌కు గురైన భారత జట్టు.. తొలి వన్డేలో గెలిచి 1-0తో ఆధిక్యంలో ఉంది.ఈ క్రమంలో డిసెంబరు 6న మూడో మ్యాచ్‌తో వన్డే సిరీస్‌ ముగియనుండగా.. డిసెంబరు 9- 19 వరకు టీ20 సిరీస్‌ నిర్వహిస్తారు. ఇక ప్రొటిస్‌ జట్టుతో తొలి టెస్టు సందర్భంగా మెడ నొప్పితో క్రీజును వీడిన టెస్టు సారథి గిల్‌.. రెండో టెస్టుతో పాటు వన్డే సిరీస్‌ మొత్తానికి దూరమయ్యాడు. ప్రస్తుతం కోలుకుంటున్న గిల్‌.. టీ20 సిరీస్‌కు అందుబాటులోకి వచ్చే అవకాశం ఉంది.సౌతాఫ్రికాతో టీ20 సిరీస్‌కు భారత జట్టు ఇదేసూర్యకుమార్ యాదవ్ (కెప్టెన్‌), శుబ్‌‌మన్ గిల్ (వైస్‌ కెప్టెన్‌- ఫిట్‌నెస్‌కు లోబడి), అభిషేక్ శర్మ, తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, జితేశ్‌ శర్మ (వికెట్‌ కీపర్‌), సంజు శాంసన్ (వికెట్‌ కీపర్‌), జస్‌ప్రీత్ బుమ్రా, వరుణ్ చక్రవర్తి, అర్ష్‌దీప్ సింగ్, కుల్దీప్‌ యాదవ్‌, హర్షిత్‌ రాణా, వాషింగ్టన్‌ సుందర్‌.భారత్‌ వర్సెస్‌ సౌతాఫ్రికా టీ20 సిరీస్‌ షెడ్యూల్‌🏏తొలి టీ20: డిసెంబరు 9- కటక్‌, ఒడిశా🏏రెండో టీ20: డిసెంబరు 11- ముల్లన్‌పూర్‌, చండీగఢ్‌🏏మూడో టీ20: డిసెంబరు 14- ధర్మశాల, హిమాచల్‌ ప్రదేశ్‌🏏నాలుగో టీ20: డిసెంబరు 17- లక్నో, ఉత్తరప్రదేశ్‌🏏ఐదో టీ20: డిసెంబరు 19- అహ్మదాబాద్‌, గుజరాత్‌.చదవండి: చరిత్ర సృష్టించిన విరాట్‌ కోహ్లి

ఐసీసీ వన్డే బ్యాటింగ్ ర్యాంకింగ్స్‌లో టీమిండియా స్టార్ బ్యాటర్ విరాట్ కోహ్లి మళ్లీ నంబర్ వన్ స్థానాన్ని దక్కించుకునేందుకు చేరువయ్యాడు. అంతర్జాతీయ క్రికెట్ కౌన్సిల్ తాజాగా ప్రకటించిన బ్యాటింగ్ ర్యాంకింగ్స్‌లో కోహ్లి భారత వన్డే కెప్టెన్ శుభ్‌మన్ గిల్‌ను వెనక్కి నెట్టి నాలుగో స్ధానానికి చేరుకున్నాడు. రాంచీ వన్డేలో సెంచరీతో సత్తాచాటడంతో కోహ్లి(751 రేటింగ్ పాయింట్లు) తన ర్యాంక్‌ను మెరుగుపరుచుకున్నాడు. విరాట్ కంటే ముందు ఇబ్రహీం జద్రాన్‌(764), డార్లీ మిచెల్‌(766 రేటింగ్‌ పాయింట్లు), రోహిత్‌ శర్మ(783) ఉన్నారు. అగ్రస్ధానంలో రోహిత్‌ కంటే విరాట్‌ ఇంకా కేవలం 33 రేటింగ్‌ పాయింట్లు మాత్రమే వెనకబడి ఉన్నాడు. ప్రస్తుతం రాయ్‌పూర్‌ వేదికగా సౌతాఫ్రికాతో జరుగుతున్న రెండో వన్డేలో కింగ్‌ మరోసారి భారీ ఇన్నింగ్స్‌ ఆడితే రోహిత్‌ను అధిగమించడం ఖాయం. రెండో వన్డేలో రోహిత్‌ కేవలం 14 పరుగులు మాత్రమే చేసి ఔటయ్యాడు.కాగా వన్డేల్లో కోహ్లి 2018 నుంచి 2021 వరకు దాదాపు మూడేళ్ల పాటు వరల్డ్ నంబర్ వన్ బ్యాటర్‌గా కొనసాగాడు. ఆ తర్వాత పాక్ స్టార్ ప్లేయర్ బాబర్ ఆజం.. కోహ్లి స్ధానంలో దూసుకొచ్చాడు. అప్పటి నుంచి ఇప్పటివరకు కోహ్లి ఒక్కసారి కూడా వన్డే ర్యాంకింగ్స్‌లో అగ్రస్ధానాన్ని సంపాదించుకోలేకపోయాడు. ఇప్పటికే టీ20, టెస్టులకు రిటైర్మెంట్ ప్రకటించిన కింగ్ కోహ్లి ప్రస్తుతం వన్డే ఫార్మాట్‌లో మాత్రమే కొనసాగుతున్నాడు. వన్డే వరల్డ్‌కప్‌-2027లో ఆడటమే లక్ష్యంగా దూసుకుపోతున్నాడు.చదవండి: అదే జరిగితే నీపై వేటు వేస్తారు: గంభీర్‌పై రవిశాస్త్రి వ్యాఖ్యలు వైరల్‌

టీమిండియాకు శుభవార్త. భారత టెస్ట్‌, వన్డే జట్టు కెప్టెన్ శుభ్‌మన్ గిల్ గాయం నుంచి కోలుకునే దిశగా కీలక అడుగు వేశాడు. మెడ గాయం కారణంగా గిల్‌ దక్షిణాఫ్రికాతో ప్రస్తుతం జరుగుతున్న వన్డే సిరీస్‌కి దూరమయ్యాడు. ఈ గాయం కారణగానే అతడు సౌతాఫ్రికాతో రెండో టెస్టు కూడా ఆడలేకపోయాడు. ఇవాళ (డిసెంబర్ 1) బెంగళూరులోని బీసీసీఐ సెంటర్ ఆఫ్ ఎక్సలెన్స్‌లో గిల్‌ రిహాబ్ కార్యక్రమం ప్రారంభమైందని తెలుస్తుంది. ముంబైలో విస్తృత ఫిజియోథెరపీ పూర్తి చేసిన గిల్, కుటుంబంతో కొద్ది రోజులు గడిపి, ప్రస్తుతం బీసీసీఐ వైద్య బృందం పర్యవేక్షణలో ఉన్నాడని సమాచారం. వైద్యులు ఆయనకు ప్రత్యేక ఫిట్‌నెస్ ప్రోగ్రామ్, వర్క్‌లోడ్ మేనేజ్‌మెంట్ ప్లాన్ సిద్ధం చేసినట్లు తెలుస్తుంది. గాయం తర్వాత బ్యాటింగ్‌కి దూరంగా ఉన్న గిల్, త్వరలోనే తేలికపాటి నెట్ సెషన్స్‌ ప్రారంభించే అవకాశం ఉంది. ఇటీవల చేసిన పలు విమాన ప్రయాణాల్లో గిల్‌కు ఎలాంటి అసౌకర్యం లేకపోవడం వైద్య బృందాన్ని ఉత్సాహపరుస్తోంది. డిసెంబర్ 9 నుంచి ప్రారంభమయ్యే దక్షిణాఫ్రికా టీ20 సిరీస్‌లో గిల్ ఆడతాడా లేదా అన్నది రిహాబ్ ప్రోగ్రామ్‌లో అతని ప్రతిస్పందనపై ఆధారపడి ఉంటుందని బీసీసీఐ వర్గాలు అంటున్నాయి.ఇదిలా ఉంటే, తాజాగా సౌతాఫ్రికాతో ముగిసిన తొలి వన్డేలో భారత్‌ ఘన విజయం సాధించింది. మూడు మ్యాచ్‌ల సిరీస్‌లో భాగంగా జరిగిన ఈ మ్యాచ్‌లో భారత బ్యాటర్లు చెలరేగిపోయారు. విరాట్‌ కోహ్లి సూపర్‌ సెంచరీతో, రోహిత్‌, రాహుల్‌ అద్భుతమైన అర్ద శతకాలతో భారత్‌కు భారీ స్కోర్‌ అందించారు. ఆతర్వాత భారీ లక్ష్య ఛేదనలో సౌతాఫ్రికా అద్భుతంగా ప్రతిఘటించినా అంతిమంగా భారత్‌దే పైచేయి అయ్యింది. రెండో వన్డే రాయ్‌పూర్‌ వేదికగా డిసెంబర్‌ 3న జరుగనుంది.

సౌతాఫ్రికాతో మ్యాచ్‌ సందర్భంగా వన్డేల్లో పునరాగమనం చేసిన టీమిండియా యువ ఓపెనర్‌ యశస్వి జైస్వాల్‌ నిరాశపరిచాడు. చాన్నాళ్ల తర్వాత యాభై ఓవర్ల ఫార్మాట్లో వచ్చిన అవకాశాన్ని ఈ లెఫ్టాండర్‌ బ్యాటర్‌ సద్వినియోగం చేసుకోలేకపోయాడు. మెరుగ్గానే ఇన్నింగ్స్‌ ఆరంభించినప్పటికీ నిలకడగా ముందుకు సాగలేకపోయాడు.ఈ నేపథ్యంలో జైస్వాల్‌ ఆట తీరుపై విమర్శల వర్షం కురుస్తోంది. టెస్టుల్లో ఓపెనర్‌గా పాతుకుపోయిన జైసూకు పరిమిత ఓవర్ల క్రికెట్‌ జట్టులో మాత్రం అడపాదడపా మాత్రమే అవకాశాలు వస్తున్నాయి. టీ20లలో శుబ్‌మన్‌ గిల్‌- అభిషేక్‌ శర్మ, వన్డేల్లో రోహిత్‌ శర్మ- శుబ్‌మన్‌ గిల్‌ ఓపెనర్లుగా రాణిస్తున్నారు. దీంతో వీరిలో ఎవరైనా గైర్హాజరైతే మాత్రమే జట్టులో చోటు దక్కుతోంది.తాజాగా స్వదేశంలో సౌతాఫ్రికాతో వన్డే సిరీస్‌కు కెప్టెన్‌ గిల్‌ గాయం కారణంగా దూరం కాగా.. జైస్వాల్‌ జట్టులోకి వచ్చాడు. రాంచి వేదికగా ప్రొటిస్‌ జట్టుతో ఆదివారం నాటి తొలి వన్డేలో రోహిత్‌ శర్మతో కలిసి ఓపెనర్‌గా బరిలోకి దిగాడు. ఈ క్రమంలో తొలి బంతికే ఫోర్‌ బాది సత్తా చాటిన జైసూ.. రెండో బంతిని కూడా బౌండరీకి తరలించాడు.ఆ తర్వాత సిక్సర్‌ బాది దూకుడు ప్రదర్శించిన జైస్వాల్‌కు ప్రొటిస్‌ పేసర్‌ నండ్రీ బర్గర్‌ చెక్‌ పెట్టాడు. నాలుగో ఓవర్లో బంతితో రంగంలోకి దిగిన బర్గర్‌... తొలి బంతిని అవుట్‌ సైడాఫ్‌ దిశగా సంధించగా.. జైస్వాల్‌ గాల్లోకి లేపాడు. ఈ క్రమంలో వేగంగా స్పందించిన వికెట్‌ కీపర్‌ క్వింటన్‌ డికాక్‌ బంతిని ఒడిసిపట్టగా.. జైసూ పెవిలియన్‌ చేరాడు. మొత్తంగా 16 బంతులు ఎదుర్కొని.. రెండు ఫోర్లు, ఒక సిక్సర్‌ సాయంతో 18 పరుగులు చేసి నిష్క్రమించాడు.ఈ నేపథ్యంలో జైస్వాల్‌పై విమర్శలు వస్తున్నాయి. రీఎంట్రీలో సత్తా చాటుతాడనుకుంటే.. నిరాశపరిచాడంటూ సోషల్‌ మీడియా వేదికగా అభిమానులు అసంతృప్తి వ్యక్తం చేస్తున్నారు. కాగా సౌతాఫ్రికాతో టెస్టుల్లోనూ జైసూ విఫలమైన విషయం తెలిసిందే. రెండు టెస్టు మ్యాచ్‌లలో ఈ ఓపెనింగ్‌ బ్యాటర్‌ చేసిన స్కోర్లు వరుసగా.. 12, 0, 58, 13. ప్రొటిస్‌ బౌలర్లను ఎదుర్కోవడంలో తడబడ్డ జైస్వాల్‌.. ఒక్క హాఫ్‌ సెంచరీతో సరిపెట్టాడు.

టీమిండియా యాజమాన్యం తీరుపై భారత మాజీ క్రికెటర్‌, కామెంటేటర్‌ ఆకాశ్‌ చోప్రా అసంతృప్తి వ్యక్తం చేశాడు. ఐపీఎల్‌ స్టార్లకు టెస్టు క్యాప్‌లు ఇవ్వడం ఎంత వరకు సమంజసం అని ప్రశ్నించాడు. పరిమిత ఓవర్ల క్రికెట్‌లో సత్తా చాటినప్పటికీ చాలా మంది ఆటగాళ్లు టెస్టుల్లో రాణించలేకపోతున్నారని విమర్శించాడు.సౌతాఫ్రికా చేతిలో 2-0తో వైట్‌వాష్‌వాస్తవానికి సదరు ప్లేయర్లు టెస్టులకు సిద్ధంగా లేకపోయినా.. వారిని ఆడిస్తూ జట్టు భారీ మూల్యమే చెల్లిస్తోందని ఆకాశ్‌ చోప్రా (Aakash Chopra) ఆగ్రహం వ్యక్తం చేశాడు. కాగా స్వదేశంలో టీమిండియాకు టెస్టుల్లో మరో ఘోర పరాభవం ఎదురైన విషయం తెలిసిందే. గతేడాది న్యూజిలాండ్‌ చేతిలో 3-0తో క్లీన్‌స్వీప్‌ అయిన టీమిండియా.. ఇటీవల సౌతాఫ్రికా చేతిలో 2-0 (IND vs SA)తో చిత్తుగా ఓడింది.ముఖ్యంగా గువాహటి వేదికగా రెండో టెస్టులో మరీ దారుణంగా ప్రొటిస్‌ జట్టు చేతిలో 408 పరుగుల తేడాతో చిత్తు చిత్తుగా ఓడింది. దీంతో టీమిండియాపై విమర్శలు వెల్లువెత్తుతున్నాయి. హెడ్‌కోచ్‌ గౌతం గంభీర్‌ (Gautam Gambhir)తో పాటు సెలక్టర్ల విధానాలను ప్రశ్నిస్తున్న మాజీ క్రికెటర్లు.. బ్యాటర్ల వైఫల్యాన్ని తూర్పారబడుతున్నారు.అంత మాత్రాన టెస్టు జట్టులో చోటిచ్చేస్తారా?ఈ నేపథ్యంలో ఆకాశ్‌ చోప్రా సైతం యూట్యూబ్‌ చానెల్‌ వేదికగా తన అభిప్రాయాలు పంచుకున్నాడు. ‘‘ఇటీవలి కాలంలో టెస్టుల్లో అరంగేట్రం చేసిన ఆటగాళ్లలో చాలా మందికి ఎక్కువగా ఫస్ట్‌క్లాస్‌ మ్యాచ్‌లు ఆడిన అనుభవం లేదు. యశస్వి జైస్వాల్‌ 15, శుబ్‌మన్‌ గిల్‌ (Shubman Gill) 20-22 మ్యాచ్‌లు ఆడిన తర్వాత టెస్టుల్లో అరంగేట్రం చేశారు.సాయి సుదర్శన్‌ 29, నితీశ్‌ కుమార్‌రెడ్డి 23, ధ్రువ్‌ జురెల్‌ 15 మ్యాచ్‌లు ఆడి ఉంటారు. దేవదత్‌ పడిక్కల్‌ అందరి కంటే ఎక్కువగా 31 మ్యాచ్‌లు ఆడినా.. అతడికి రావాల్సినన్ని అవకాశాలు రావడం లేదు. ఐపీఎల్‌ లేదంటే పరిమిత ఓవర్ల క్రికెట్‌లో విజృంభించినంత మాత్రాన టెస్టు జట్టులో చోటిచ్చేస్తారా?జైసూ, గిల్‌ వంటి ఆటగాళ్లు ఫస్ట్‌క్లాస్‌ క్రికెట్‌లో అనుభవం తక్కువగా ఉన్నా టెస్టుల్లో తమను తాము ఇప్పటికే నిరూపించుకున్నారు. కానీ ప్రతి ఒక్కరు అలాగే ఆడలేరు కదా!.. ఫార్మాట్‌కు అనుగుణంగా రాణించేందుకు కొందరికి తక్కువ సమయం పడితే.. మరికొందరు ఎక్కువ సమయం తీసుకుంటారు.అర్థం చేసుకోవాల్సింది మీరే!ఇప్పుడు జరిగింది ఇదే. ప్రొటిస్‌తో మ్యాచ్‌లలో పరుగులు రాబట్టేందుకు వారు ఆపసోపాలు పడ్డారు. నిజానికి వాళ్లు సంప్రదాయ ఫార్మాట్‌ ఆడేందుకు సిద్ధంగా లేరు. కనీసం 3-4 సీజన్లలో వరుసగా రెడ్‌బాల్‌ క్రికెట్‌ ఆడితే వారు పూర్తి స్థాయిలో టెస్టులకు సన్నద్ధం కాగలరు. కానీ అది గుర్తించకుండా వెంటనే జాతీయ జట్టులోకి పిలిపిస్తే ఎలా?నిజానికి ఇందులో ఆటగాళ్ల తప్పేమీ లేదు. వారు సిద్ధంగా లేరని అర్థం చేసుకోవాల్సింది మీరే!.. ఓ ఆటగాడికి టెస్టు క్యాప్‌ అందించే ముందు అతడు ఫస్ట్‌క్లాస్‌ క్రికెట్లో కనీసం 2-3 సీజన్లు ఆడేలా చూసుకోండి. నిలకడగా పరుగులు రాబట్టిన బ్యాటర్లు, వికెట్లు తీసిన బౌలర్లకి మాత్రమే ప్రాధాన్యం ఇవ్వండి. ఆ తర్వాతే టెస్టుల్లో ఆడించండి. సంధి కాలంలో ఇదే సరైన విధానం అనిపించుకుంటుంది’’ అంటూ టీమిండియా మేనేజ్‌మెంట్‌కు ఆకాశ్‌ చోప్రా చురకలు అంటించాడు.చదవండి: Ashes: ఊహించిందే జరిగింది.. ఆసీస్‌ కీలక ప్రకటన

సొంతగడ్డపై టెస్టుల్లో టీమిండియాకు మరోసారి ఘోర పరాభవం ఎదురైంది. గతేడాది న్యూజిలాండ్‌ చేతిలో 3-0తో వైట్‌వాష్‌ అయిన భారత జట్టు.. తాజాగా సౌతాఫ్రికా చేతిలో 2-0తో క్లీన్‌స్వీప్‌ అయింది. ముఖ్యంగా గువాహటి వేదికగా రెండో టెస్టులో కనీవినీ ఎరుగని రీతిలో 408 పరుగుల భారీ తేడాతో పరాజయం పాలైంది.ఈ నేపథ్యంలో హెడ్‌కోచ్‌ గౌతం గంభీర్‌ (Gautam Gambhir)పై విమర్శల వర్షం కురుస్తోంది. టెస్టు క్రికెట్‌ కోచ్‌గా అతడు పనికిరాడని.. వెంటనే పదవి నుంచి తొలగించాలంటూ సోషల్‌ మీడియా వేదికగా డిమాండ్లు వెల్లువెత్తుతున్నాయి. ఇందుకు కారణం లేకపోలేదు.కోచ్‌గా ఎలాంటి అనుభవం లేకపోయినా..టీ20 ప్రపంచకప్‌-2024 టోర్నమెంట్లో భారత్‌ చాంపియన్‌గా నిలిచిన తర్వాత రాహుల్‌ ద్రవిడ్‌ (Rahul Dravid) హెడ్‌కోచ్‌గా తప్పుకోగా.. గంభీర్‌ అతడి స్థానాన్ని భర్తీ చేశాడు. అంతకుముందు కోచ్‌గా గంభీర్‌కు ఎలాంటి అనుభవం లేకపోయినా భారత క్రికెట్‌ నియంత్రణ మండలి (BCCI) అతడిపై నమ్మకం ఉంచి గురుతర బాధ్యతను అప్పగించింది.అయితే, గౌతీ వచ్చిన తర్వాత టీమిండియా పరిమిత ఓవర్ల క్రికెట్లో మెరుగ్గానే రాణిస్తోంది. ఆదిలో శ్రీలంక పర్యటనలో దాదాపు రెండున్నర దశాబ్దాల తర్వాత తొలిసారి వన్డే సిరీస్‌ను కోల్పోయింది భారత్‌. ఆ తర్వాతి ద్వైపాక్షిక సిరీస్‌లలో అదరగొట్టిన టీమిండియా.. ఐసీసీ చాంపియన్స్‌ ట్రోఫీ-2025, ఆసియా టీ20 కప్‌-2025 టోర్నమెంట్లలో చాంపియన్‌గా నిలిచి సత్తా చాటింది.ద్రవిడ్‌కే ఆ క్రెడిట్‌కానీ చాంపియన్స్‌ ట్రోఫీలో దక్కిన విజయాన్ని గంభీర్‌ ఖాతాలో వేసేందుకు టీమిండియా మాజీ కెప్టెన్‌ రోహిత్‌ శర్మ అంగీకరించలేదు. ద్రవిడ్‌ భాయ్‌ తయారు చేసిన జట్టుతోనే ఇది సాధ్యమైందంటూ చాంపియన్స్‌ ట్రోఫీలో భారత్‌కు టైటిల్‌కు అందించిన హిట్‌మ్యాన్‌ వ్యాఖ్యానించాడు.పొమ్మనలేక పొగబెట్టి.. ప్రయోగాలతో కొంపముంచి..ఇదిలా ఉంటే.. టెస్టుల నుంచి దిగ్గజ బ్యాటర్లు విరాట్‌ కోహ్లి, రోహిత్‌ శర్మ.. అంతకుముందే స్పిన్‌ లెజెండ్‌ రవిచంద్రన్‌ అశ్విన్‌ తప్పుకోవడానికి కారణం గంభీర్‌ అనే ఆరోపణలు ఉన్నాయి. పొమ్మనలేక పొగబెట్టినట్లుగా సీనియర్లను వెళ్లగొట్టాడని.. రోహిత్‌ నుంచి టెస్టు, వన్డే కెప్టెన్సీ శుబ్‌మన్‌ గిల్‌కు దక్కడంలో గంభీర్‌ కీలకమనే విమర్శలు వచ్చాయి.ఇవన్నీ పక్కనపెడితే.. గంభీర్‌ మార్గదర్శనంలోనే గతేడాది న్యూజిలాండ్‌ చేతిలో టీమిండియాకు టెస్టుల్లో పరాభవం ఎదురుకావడం.. తాజాగా సౌతాఫ్రికా చేతిలోనూ చిత్తుగా ఓడటం అతడి రాజీనామా డిమాండ్లకు ప్రధాన కారణం అయ్యాయి. ముఖ్యంగా టెస్టుల్లో కీలకమైన మూడు, నాలుగు స్థానాల్లో తరచూ మార్పులు, ఆల్‌రౌండర్లకు ప్రాధాన్యం ఇస్తూ.. స్పెషలిస్టులను పక్కనపెట్టడం, బ్యాటింగ్‌ ఆర్డర్‌లో ప్రయోగాలు కొంపముంచాయని మాజీ క్రికెటర్లు సైతం అభిప్రాయపడ్డారు.సంధి కాలంఈ నేపథ్యంలో గంభీర్‌ తన భవితవ్యంపై స్పందిస్తూ.. ‘‘టెస్టు జట్టుకు కోచ్‌గా నేను సరైనవాడినా కాదా అనేది చెప్పడం తన చేతుల్లో లేదు. దీనిపై బీసీసీఐ నిర్ణయం తీసుకుంటుంది నేను గతంలోనే చెప్పినట్లు భారత జట్టు ముఖ్యం తప్ప వ్యక్తులు కాదు.చాలా మంది న్యూజిలాండ్‌ చేతిలో ఓటమి గురించి కూడా మాట్లాడుతున్నారు. కానీ ఇదే యువ జట్టుతోనే నేను ఇంగ్లండ్‌లో టెస్టు సిరీస్‌లో మంచి ఫలితాలు రాబట్టిన విషయం మరచిపోవద్దు. నా కోచింగ్‌లోనే జట్టు చాంపియన్స్‌ ట్రోఫీ, ఆసియా కప్‌ కూడా గెలిచింది.కివీస్‌తో సిరీస్‌తో దీనిని పోల్చవద్దు. ప్రస్తుతం జట్టులో అనుభవం తక్కువగా ఉంది. ఓటమికి సాకులు చెప్పే అలవాటు నాకు ఎప్పుడూ లేదు. నిజానికి ‘సంధి కాలం’ అనే మాటను నేను వాడను కానీ మా పరిస్థితి ఇప్పుడు సరిగ్గా అలాగే ఉంది.ఈ టెస్టులో ఒకదశలో మెరుగైన స్థితిలో ఉన్న జట్టు ఒక 30 నిమిషాల స్పెల్‌లో కుప్పకూలింది. మన ఆటగాళ్లు ఇంకా నేర్చుకుంటున్నారు. వారికి తగినంత సమయం ఇవ్వాలి’’ అని గంభీర్‌ విజ్ఞప్తి చేశాడు.బీసీసీఐ నిర్ణయం ఇదే!ఈ నేపథ్యంలో బీసీసీఐ ఎలాంటి నిర్ణయం తీసుకుంటుందా? అనే ఆసక్తి భారత క్రికెట్‌ వర్గాల్లో నెలకొంది. ఈ విషయం గురించి బీసీసీఐ వర్గాలు తాజాగా ఎన్‌డీటీవీతో మాట్లాడుతూ.. ‘‘ఇప్పట్లో గంభీర్‌ స్థానాన్ని వేరే వాళ్లతో భర్తీ చేయాలనే ఆలోచన మాకు లేదు.అతడు జట్టును పునర్నిర్మిస్తున్నాడు. 2027 వరల్డ్‌కప్‌ వరకు అతడి కాంటాక్టు ఉంది. సౌతాఫ్రికాతో సిరీస్‌లు ముగిసిన తర్వాత జట్టు యాజమాన్యం, సెలక్టర్లతో గంభీర్‌ సమావేశం అవుతాడు. సంధి దశలో టెస్టు జట్టు ప్రదర్శన గురించి అతడి అభిప్రాయం ఏమిటన్నది చెబుతాడు. లోపాలు ఎలా అధిగమించాలో తన ప్రణాళికలు వివరిస్తాడు’’ అని పేర్కొన్నాయి. దీనిని బట్టి ఇప్పట్లో గంభీర్‌ను హెడ్‌కోచ్‌గా తప్పించేందుకు బీసీసీఐ సుముఖంగా లేదని స్పష్టమవుతోంది.చదవండి: దంచికొట్టిన సంజూ.. ఇరగదీసిన రోహన్‌.. సరికొత్త చరిత్ర

ఆస్ట్రేలియా గడ్డపై ఓ ‘భారత’ క్రికెటర్‌ సరికొత్త చరిత్ర లిఖించాడు. ఆసీస్‌ ఫస్ట్‌క్లాస్‌ హిస్టరీలో శతకం బాదిన తొలి భారతీయుడిగా రికార్డు సాధించాడు. అతడే నిఖిల్‌ చౌదరి. గిల్‌ సహచర క్రికెటర్‌ఢిల్లీలో జన్మించిన నిఖిల్‌ చౌదరి.. దేశీ క్రికెట్‌లో పంజాబ్‌ జట్టుకు ప్రాతినిథ్యం వహించాడు. టీమిండియా ప్రస్తుత టెస్టు, వన్డే కెప్టెన్‌ శుబ్‌మన్‌ గిల్‌ (Shubman Gill).. భారత స్టార్లు అభిషేక్‌ శర్మ, అర్ష్‌దీప్‌ సింగ్‌ (Arshdeep Singh)లతో కలిసి లిస్ట్‌-ఎ క్రికెట్‌ ఆడాడు. అయితే, భారత్‌లో అతడికి ఆశించిన మేర అవకాశాలు రాలేదు.ఈ క్రమంలో ఆస్ట్రేలియాకు వెళ్లిన నిఖిల్‌ చౌదరి.. కోవిడ్‌-19 (Covid 19)లాక్‌డౌన్‌ కారణంగా అక్కడే ఉండిపోవాల్సి వచ్చింది. ఆ తర్వాత కూడా అతడు భారత్‌కు తిరిగి రావాలని అనుకోలేదు. ఆస్ట్రేలియాలోనే ఉంటూ శాశ్వత నివాసిగా మారిపోయాడు. అంతర్జాతీయ స్థాయి క్రికెటర్‌ కావాలన్న అతడి కల మాత్రం అలాగే ఉండిపోయింది.మాంసం కొట్టులో పనిఎలాగైనా తన ఆశయాన్ని నెరవేర్చుకోవాలనే సంకల్పంతో నిఖిల్‌ చౌదరి.. శిక్షణ కోసం డబ్బు కూడబెట్టడం మొదలుపెట్టాడు. మాంసం కొట్టులో పని చేయడంతో పాటు.. పార్శిళ్లు అందించే డెలివరీ బాయ్‌గా.. ఉబర్‌ క్యాబ్‌ డ్రైవర్‌గా.. ఇలా ఎన్నో పనులు చేశాడు. ఎన్నో కష్టనష్టాలకు ఓర్చుకున్నాడు.కొన్నాళ్ల తర్వాత నిఖిల్‌ చౌదరి శ్రమకు ఫలితం దక్కింది. ఆస్ట్రేలియా టీ20 టోర్నీ బిగ్‌ బాష్‌ లీగ్‌లో ఆడే అవకాశం అతడికి వచ్చింది. హోబర్ట్‌ హ్యారికేన్స్‌కు ప్రాతినిథ్యం వహించే సమయంలో నిఖిల్‌ చౌదరి.. పాకిస్తాన్‌ ఓవరాక్షన్‌ బౌలర్‌ హ్యారిస్‌ రవూఫ్‌ బౌలింగ్‌లో సిక్సర్‌ బాది.. దానిని తొడగొడుతూ మరీ సెలబ్రేట్‌ చేసుకోవడం హైలైట్‌గా నిలిచింది.సరికొత్త చరిత్రఈ క్రమంలోనే ఆసీస్‌ దేశీ క్రికెట్‌ జట్ల యాజమాన్యాలను ఆకర్షించిన నిఖిల్‌ చౌదరికి ఊహించని విధంగా ఓ అవకాశం వచ్చింది. స్పిన్నర్‌ మాథ్యూ కుహ్నెమన్‌ ఆస్ట్రేలియా తరఫున ఆడేందుకు జాతీయ జట్టులోకి వెళ్లగా.. టాస్మేనియా జట్టు నుంచి నిఖిల్‌కు పిలుపు వచ్చింది. ఆ తర్వాత అతడు జట్టులో భాగమైపోయాడు.ఆసీస్‌ ఫస్ట్‌ క్లాస్‌ క్రికెట్‌ టోర్నీ షెఫీల్డ్‌ షీల్డ్‌లో టాస్మేనియాకు ఆడుతున్న నిఖిల్‌ ఇటీవలే సరికొత్త చరిత్ర సృష్టించాడు. న్యూ సౌత్‌ వేల్స్‌తో మ్యాచ్‌లో ఈ స్పిన్‌ బౌలింగ్‌ ఆల్‌రౌండర్‌.. శతక్కొట్టాడు. 184 బంతుల్లోనే 163 పరుగులు రాబట్టాడు. తద్వారా ఆసీస్‌ దేశీ రెడ్‌బాల్‌ టోర్నీలో సెంచరీ చేసిన భారత మూలాలున్న తొలి క్రికెటర్‌గా నిలిచాడు. ఈ మ్యాచ్‌లో టాస్మేనియా న్యూ సౌత్‌ వేల్స్‌పై ఇన్నింగ్స్‌ 58 పరుగుల తేడాతో గెలవడం విశేషం.ఫాస్ట్‌ బౌలర్‌గా మొదలుపెట్టి..ఢిల్లీలో జన్మించిన నిఖిల్‌ చౌదరి పంజాబ్‌లో పెరిగాడు. పంజాబ్‌ తరఫున అన్ని ఏజ్‌ గ్రూపులలోనూ క్రికెట్‌ ఆడాడు. ఈ క్రమంలో భారత దిగ్గజ ఆల్‌రౌండర్‌ యువరాజ్‌ సింగ్‌తో సమయం గడిపే అవకాశం అతడికి వచ్చింది. నిజానికి నిఖిల్‌ తొలుత ఫాస్ట్‌ బౌలర్‌ కావాలని భావించాడు.అయితే, కాలక్రమేణా తన నైపుణ్యాలకు మెరుగు దిద్దుకుని లెగ్‌ స్పిన్నర్‌గా ఎదిగాడు. ఐపీఎల్‌ ట్రయల్స్‌లో ముంబై ఇండియన్స్‌ సెలక్షన్‌కు వెళ్లినప్పటికీ నిఖిల్‌కు నిరాశే మిగిలింది. ఆ తర్వాత ఆస్ట్రేలియాకు వెళ్లిన 29 ఏళ్ల నిఖిల్‌.. అక్కడి స్థానిక క్లబ్‌లలో ఆడుతూ టాస్మేనియా జట్టులో కుదురుకున్నాడు.చదవండి: స్మృతిని మోసం చేసిన పలాష్‌?!.. పెళ్లికి ముందు రోజు రాత్రి.. ఏం జరిగింది?

ద‌క్షిణాఫ్రికాతో జ‌రుగుతున్న రెండో టెస్ట్ మ్యాచ్‌లో టీమిండియా త‌డ‌బ‌డింది. మొద‌ట ప‌స‌లేని బౌలింగ్‌తో ప‌రుగులు స‌మ‌ర్పించుకున్న భార‌త్‌.. త‌ర్వాత బ్యాటింగ్‌లోనూ స‌త్తా చాట‌లేక‌పోయింది. తొలి ఇన్నింగ్స్‌లో సౌతాఫ్రికా 489 ప‌రుగులు చేయ‌గా.. టీమిండియా 122 ప‌రుగుల‌కే 7 వికెట్లు కోల్పోయి క‌ష్టాల్లో ప‌డింది. ఓపెన‌ర్లు ఫ‌ర్వాలేద‌ని పించినా.. త‌ర్వాత వ‌చ్చిన బ్యాట‌ర్లు విఫ‌లం కావ‌డంతో భార‌త్ ఎదురీదుతోంది. ముఖ్యంగా మూడో స్థానంలో బ్యాటింగ్‌కు దిగిన సాయి సుద‌ర్శ‌న్ పేల‌వ ప్ర‌ద‌ర్శ‌న జ‌ట్టుపై తీవ్ర ప్ర‌భావం చూపింది. సాయి 40 బంతులు ఎదుర్కొని 15 ప‌రుగులు చేసి అవుట‌య్యాడు. అయితే ధ్రువ్ జురైల్‌(0), రిష‌బ్ పంత్‌(7), ర‌వీంద్ర జ‌డేజా(6), నితీశ్ కుమార్‌రెడ్డి (10) కూడా వ‌రుస‌గా విఫ‌లం కావ‌డంతో టీమిండియా పీక‌ల్లోతు క‌ష్టాల్లో కూరుకుపోయింది.అయితే సోష‌ల్ మీడియాలో సాయి సుద‌ర్శ‌న్‌పై నెటిజ‌నులు ఎక్కువ‌గా విమ‌ర్శ‌లు కురిపిస్తున్నారు. శుబ్‌మ‌న్‌ గిల్ (Shubman Gill) స్థానంలో అత‌డికి జ‌ట్టులో చోటు క‌ల్పించ‌డాన్ని ప‌లువురు త‌ప్పుబ‌డుతున్నారు. టెస్ట్ జట్టులో అతనికి చోటు దక్కడానికి గిల్ కోటా కారణమని కామెంట్స్ చేస్తున్నారు. గిల్ స్నేహితుడు కాబ‌ట్టే సాయికి ఎక్కువ అవకాశాలు ఇస్తున్నార‌ని ఆరోపిస్తున్నారు. ఐపీఎల్‌లో గుజరాత్ టైటాన్స్‌కు ప్రాతినిధ్యం వ‌హిస్తున్న గిల్‌ స్థానంలో అదే జ‌ట్టు ఆట‌గాడిని త‌ప్ప మ‌రొక‌ని తీసుకోరా అని ప్ర‌శ్నిస్తున్నారు. కాగా, గుజరాత్ టైటాన్స్‌కు గిల్ కెప్టెన్‌గా కాగా, సాయి ఓపెన‌ర్‌."గిల్ స్నేహితుడు కాబట్టి సాయి సుద‌ర్శ‌న్‌కి చాలా అవకాశాలు వస్తున్నాయి. ఒక‌ట్రెండు మ్యాచ్‌ల్లో విఫ‌ల‌మైతే చాలు ఇత‌ర ఆట‌గాళ్ల‌ను జ‌ట్టు నుంచి తొల‌గించారు. ఐపీఎల్ ప్ర‌ద‌ర్శ‌న ఆధారంగా అత‌డినిటెస్టుల్లోకి తీసుకున్నారు. దేశ‌వాళీ క్రికెట్‌లో చూపిన ప్ర‌తిభ ఆధారంగా కాద‌ని ఓ నెటిజ‌న్ ఎక్స్‌లో కామెంట్ చేశారు. దేశీయ క్రికెట్‌లో అద్భుతంగా రాణిస్తున్న రుతురాజ్ గైక్వాడ్ (Ruturaj Gaikwad) లాంటి వారిని కాద‌ని సాయి సుద‌ర్శ‌న్‌ను జ‌ట్టులోకి తీసుకున్నందుకు హెడ్‌కోచ్ గౌతం గంభీర్ క‌నీసం ఎలాంటి అభ్యంత‌రం చెప్ప‌క‌పోవ‌డం ఆశ్చ‌ర్యం క‌లిగించింద‌ని మ‌రొక నెటిజ‌న్ పేర్కొన్నారు. టెస్టులో సాయి ప్ర‌ద‌ర్శ‌న అంతంత మాత్ర‌మేన‌ని పెద‌వి విరిచారు. సీఎస్కే ఆట‌గాడు కాబ‌ట్టే రుతురాజ్‌ను జ‌ట్టులోకి తీసుకోవ‌డం లేద‌ని అత‌డి మ‌ద్ద‌తుదారులు ఆరోపిస్తున్నారు.చ‌ద‌వండి: రిష‌బ్ పంత్‌పై నెటిజ‌న్ల మండిపాటుటెస్టుల్లో విఫ‌లంత‌మిళ‌నాడుకు చెందిన సాయి సుద‌ర్శ‌న్ (Sai Sudharsan) గ‌తేడాది జూన్‌లో ఇంగ్లండ్‌తో జ‌రిగిన సిరీస్‌తో టెస్టుల్లో అరంగ్రేటం చేశాడు. ఇప్ప‌టివ‌ర‌కు ఆరు టెస్టుల్లో రెండు అర్ధ‌సెంచ‌రీల‌తో 288 ప‌రుగులు సాధించాడు. టెస్టుల్లో అత‌డి అత్య‌ధిక స్కోరు 87. వెస్టిండీస్‌తో స్వదేశంలో జరిగిన రెండవ టెస్ట్‌లో ఈ స్కోరు న‌మోదు చేశారు. 24 ఏళ్ల ఈ ఎడంచేతి వాటం బ్యాట‌ర్‌లో ఇప్ప‌టివ‌ర‌కు 3 వ‌న్డేలు ఆడి 127 ప‌రుగులు చేశాడు. రెండు హాఫ్ సెంచ‌రీలు ఉన్నాయి. 28 లిస్ట్ ఏ మ్యాచ్‌ల్లో 6 సెంచ‌రీల‌తో 1396 ప‌రుగులు సాధించాడు. ఐపీఎల్‌లో 40 మ్యాచ్‌ల్లో 2 సెంచ‌రీలు, 12 హాఫ్ సెంచ‌రీల‌తో 1793 ప‌రుగులు బాదాడు. టెస్టుల్లో అత‌డి ప్ర‌ద‌ర్శ‌న స్థాయికి త‌గ్గ‌ట్టు లేద‌న్న విమ‌ర్శ‌లు ఎదుర్కొంటున్నాడు. Sai Sudarshan * 39 avg in the domestic* 28 avg in Test * Came into test team on IPL runs * TN Ranji coach said his technique is not good enough for Test cricket * Indian Assistant coach admitted his technique against Spin is not good Playing on GT Captain Quota? #INDvSA pic.twitter.com/ul8U9pcWzJ— 𝗕𝗥𝗨𝗧𝗨 (@Brutu24) November 24, 2025 Another failure for Sai Sudharsan but still Ajit Agarkar and Gautam Gambhir are not going to pick Ruturaj Gaikwad.Because Ruturaj Gaikwad plays for CSK. pic.twitter.com/zxrGlzldfx— Abhishek Kumar (@Abhishek060722) November 24, 2025

సౌతాఫ్రికాతో వన్డే సిరీస్‌కు టీమిండియా కెప్టెన్ శుభ్‌మన్ గిల్ దూరం కావడం దాదాపు ఖాయమైంది. మెడ నొప్పి గాయం కారణంగా దక్షిణాఫ్రికాతో టెస్టు సిరీస్ నుంచి అర్ధాంతరంగా తప్పుకొన్న గిల్‌.. పూర్తిగా కోలుకోవడానికి దాదాపు నాలుగు వారాల సమయం పట్టనున్నట్లు తెలుస్తోంది.దీంతో అతడు ప్రోటీస్‌తో వన్డే, టీ 20 సిరీస్‌కు కూడా దూరమయ్యే అవకాశముందని క్రికెట్ వర్గాలు వెల్లడించాయి. అదేవిధంగా వైస్ కెప్టెన్ కూడా సఫారీలతో వన్డేలకు దూరమయ్యాడు. ఈ క్రమంలో సౌతాఫ్రికాతో వన్డే సిరీస్‌లో భారత జట్టు పగ్గాలను ఎవరు చేపడతారనే ఆసక్తి అందరిలోనూ నెలకొంది.కెప్టెన్‌గా రాహుల్‌..రిషభ్ పంత్ కెప్టెన్సీ చేపడతాడనే వార్తలు వినిపించినప్పటికీ.. జట్టు మేనేజ్‌మెంట్ మాత్రం స్టార్ వికెట్ కీపర్ బ్యాటర్‌ కేఎల్ రాహుల్‌కు బాధ్యతలు అప్పగించాలని నిర్ణయించినట్లు సమాచారం. ఇప్పటికే సెలక్టర్లు తమ నిర్ణయాన్ని రాహుల్‌కు తెలియజేశారంట. అందుకు రాహుల్ కూడా అంగీకరించినట్లు పలు రిపోర్ట్‌లు పేర్కొంటున్నాయి. రాహుల్ కెప్టెన్సీలో విరాట్ కోహ్లి, రోహిత్ శర్మ వంటి సీనియర్ ఆటగాళ్లు ఆడనున్నారు. . గతంలో కూడా భారత జట్టు సారథిగా రాహుల్ వ్యవహరించాడు. అంతేకాకుండా ఐపీఎల్ లక్నో సూపర్ జెయింట్స్ వంటి జట్టుకు కెప్టెన్‌గా పనిచేసిన అనుభవం ఉంది. పంత్‌తో పోలిస్తే కెప్టెన్‌గా రాహుల్‌కే మెరుగైన రికార్డు ఉంది. అతడి అభనువాన్ని దృష్టిలో ఉంచుకుని జట్టు వన్డే పగ్గాలను అప్పగించేందుకు సెలక్టర్లు సిద్దమయ్యారు. సౌతాఫ్రికాతో వైట్ బాల్ సిరీస్‌కు భారత జట్టును బీసీసీఐ ఆదివారం ప్రకటించే ఛాన్స్ ఉంది. నవంబర్ 30 నుంచి మూడు వన్డేల సిరీస్ ప్రారంభం కానుంది.చదవండి: కెప్టెన్‌గా సంజూ శాంస‌న్‌.. అధికారిక ప్ర‌కట‌న‌

సౌతాఫ్రికాతో వైట్ బాల్ సిరీస్‌లకు భారత జట్టును బీసీసీఐ ఆదివారం(నవంబర్ 23) ప్రకటించనున్నట్లు తెలుస్తోంది. టైమ్స్ ఆఫ్ ఇండియా కథనం ప్రకారం.. దక్షిణాఫ్రికా, భారత్ మధ్య రెండో టెస్టు జరుగుతున్న గువహటిలో బీసీసీఐ చీఫ్ సెలక్టర్ అజిత్ అగార్కర్, సెల‌క్ట‌ర్ ఆర్పీ సింగ్‌, సెక్ర‌ట‌రీ దేవజిత్ సైకియా సమావేశమై స్క్వాడ్‌ను ఎంపిక చేయనున్నారు. అయితే ప్రోటీస్‌తో వ‌న్డే సిరీస్‌కు రెగ్యూల‌ర్ కెప్టెన్ శుభ్‌మ‌న్ గిల్ దూరం కానున్న‌ట్లు స‌మాచారం. మెడ‌నొప్పి గాయం కార‌ణంగా స‌ఫారీల‌తో టెస్టు సిరీస్ నుంచి త‌ప్పుకొన్న గిల్‌.. పూర్తిగా కోలుకోవ‌డానికి మ‌రో రెండు వారాల స‌మ‌యం ప‌ట్టనున్న‌ట్లు వ‌స్తున్నాయి. అత‌డు తిరిగి టీ20 సిరీస్‌కు అందుబాటులోకి వ‌చ్చే అవకాశ‌ముంది. అత‌డితో పాటు హార్దిక్ పాండ్యా, శ్రేయ‌స్ అయ్య‌ర్ కూడా వ‌న్డే సిరీస్‌కు దూరంగా ఉండ‌నున్నారు. హార్దిక్ తొడ కండరాల గాయం కార‌ణంగా ఆసియా కప్ నుంచి జట్టుకు దూరంగా ఉన్నాడు. ఇంకా అత‌డు పూర్తి ఫిట్‌నెస్ సాధించలేదు. అదేవిధంగా ఆస్ట్రేలియా పర్యటనలో గాయపడ్డ మిడిలార్డర్ బ్యాటర్ శ్రేయస్ అయ్యర్ పూర్తిగా కోలుకోవడానికి రెండు నెలల సమయం పట్టనున్నట్లు బీసీసీఐ వర్గాలు వెల్లడించాయి. అతడు సౌతాఫ్రికాతో సిరీస్‌తో పాటు న్యూజిలాండ్‌తో వన్డేలకు కూడా దూరం కానున్నట్లు తెలుస్తోంది. ఇక స్టార్ పేసర్ జస్ప్రీత్ బుమ్రాకు కూడా సౌతాఫ్రికాతో వన్డేలకు విశ్రాంతి ఇచ్చే అవకాశముంది.కెప్టెన్‌గా రిషబ్ పంత్‌..?కాగా శుభ్‌మన్ గిల్ గైర్హజరీలో భారత వన్డే జట్టు పగ్గాలను స్టార్ వికెట్ కీపర్ బ్యాటర్ రిషబ్ పంత్ చేపట్టనున్నట్లు పలు రిపోర్ట్‌లు పేర్కొంటున్నాయి. ప్రస్తుతం వన్డేల్లో గిల్‌కు డిప్యూటీగా అయ్యర్ ఉన్నాడు. కానీ అయ్యర్ కూడా ఇప్పుడు గాయం కారణంగా అందుబాటులో లేకపోవడంతో పంత్ వైపు సెలక్టర్లు మొగ్గు చూపుతున్నారు. పంత్ ప్రస్తుతం గౌహతిలో జరుగుతున్న రెండో టెస్టులో భారత జట్టును ముందుండి నడిపిస్తున్నాడు.ఇప్పటివరకు టెస్టు, టీ20ల్లో టీమిండియాకు సారథ్యం వహించిన పంత్‌.. తొలిసారి వన్డే జట్టు బాధ్యతలను తీసుకునేందుకు సిద్దమయ్యాడు. మరోవైపు వన్డే జట్టులో రుతురాజ్ గైక్వాడ్‌కు చోటు దక్కే ఛాన్స్ ఉంది. సౌతాఫ్రికా-ఎతో జరిగిన అనాధికారిక వన్డే సిరీస్‌లో రుతురాజ్ అద్భుతమైన ప్రదర్శన కనబరిచాడు. నవంబర్ 30 నుంచి భారత్‌-దక్షిణాఫ్రికా మధ్య వన్డే సిరీస్ ప్రారంభం కానుంది.చదవండి: Bengal squad for SMAT: మ‌హ్మ‌ద్ ష‌మీకి చోటిచ్చిన సెలక్టర్లు.. కెప్టెన్ ఎవ‌రంటే?

సౌతాఫ్రికాతో రెండో టెస్టులో టీమిండియా సారథిగా రిషభ్‌ పంత్‌ (Rishabh Pant) ఎంపికయ్యాడు. రెగ్యులర్‌ కెప్టెన్‌ శుబ్‌మన్‌ గిల్‌ మెడ నొప్పి కారణంగా జట్టుకు దూరం కావడంతో పగ్గాలు పంత్‌ చేతికి వచ్చాయి. ఈ నేపథ్యంలో శుక్రవారం మీడియాతో మాట్లాడిన పంత్‌.. తనకు కెప్టెన్‌గా అవకాశం ఇచ్చినందుకు భారత క్రికెట్‌ నియంత్రణ మండలి (BCCI)కి ధన్యవాదాలు తెలిపాడు.నా కెప్టెన్సీ అలాగే ఉంటుందిటీమిండియాకు సారథ్యం వహించడం సంతోషంగా ఉందన్న పంత్‌.. గువాహటి టెస్టులో తమ తుదిజట్టు కూర్పు గురించి స్పందించాడు. ‘‘మా బ్యాటింగ్‌ లైనప్‌లో ఎక్కువ మంది ఎడమచేతి వాటం బ్యాటర్లే ఉన్నారు. కోల్‌కతాలో మేము స్పిన్నర్ల సేవలను సమర్థంగా ఉపయోగించుకోవాలని భావించాం.పరిస్థితులు కూడా అందుకు అనుకూలించాయి. కానీ సానుకూల ఫలితం రాలేదు. ఏదేమైనా మేము సానుకూల దృక్పథంతోనే ముందుకు సాగుతాం. ఒత్తిడి దరిచేరనీయము. నా కెప్టెన్సీ సంప్రదాయబద్దంగానే ఉంటుంది. అదే సమయంలో సహజ శైలికి భిన్నంగా అవుట్‌-ఆఫ్‌-ది- బాక్స్‌ కూడా ఆలోచిస్తా.ఆడాలని ఉన్నా..నిజానికి రెండో టెస్టులో ఆడాలని శుబ్‌మన్‌ ఎంతగానో పరితపించాడు. కానీ అతడి ఆరోగ్యం అందుకు సహకరించలేదు. గువాహటిలో జరుగుతున్న తొలి టెస్టు మ్యాచ్‌ ఇది. అందుకే మాతో పాటు ప్రేక్షకులకూ ఇది ప్రత్యేకం.పిచ్‌ తొలుత బ్యాటింగ్‌కు అనుకూలంగా ఉండవచ్చు. ఆతర్వాత స్పిన్నర్లు ప్రభావం చూపగలరు’’ అని పంత్‌ పేర్కొన్నాడు. ఇక గంభీర్‌ మార్గదర్శనంలో ఆల్‌రౌండర్లకు ఎక్కువగా ప్రాధాన్యం దక్కుతోందన్న విలేకరుల మాటలకు స్పందిస్తూ..‘‘జట్టు కూర్పు సమతూకంగా ఉండాలి. కొన్నిసార్లు స్పెషలిస్టు ప్లేయర్ల కంటే కూడా ఆల్‌రౌండర్ల అవసరం ఎక్కువగా ఉంటుంది. పిచ్‌ పరిస్థితులకు తగ్గట్లు వారు తమ పాత్రకు న్యాయం చేయగలరు. టీమ్‌ బ్యాలెన్స్‌ దృష్ట్యానే ఆల్‌రౌండర్లను ఎంపిక చేస్తామే తప్ప.. టెస్టు స్పెషలిస్టులను పక్కనపెట్టాలని కాదు’’ అని పంత్‌ స్పష్టం చేశాడు.ఎవరిని ఆడించాలో తెలుసు.. నిర్ణయం తీసుకున్నాంఅదే విధంగా.. గిల్‌ స్థానంలో తుదిజట్టులోకి ఎవరు వస్తారన్న ప్రశ్నకు బదులిస్తూ.. ‘‘ఈ విషయంలో మేము ఇప్పటికే నిర్ణయం తీసుకున్నాం. గిల్‌ ప్లేస్‌లో ఎవరు ఆడతారో.. ఆ ప్లేయర్‌కు తెలుసు’’ అంటూ తాత్కాలిక కెప్టెన్‌ పంత్‌ మాట దాటవేశాడు. కాగా సౌతాఫ్రికాతో రెండు మ్యాచ్‌ల టెస్టు సిరీస్‌లో భాగంగా కోల్‌కతాలో తొలి టెస్టు జరిగింది. ఇందులో భారత జట్టు సఫారీల చేతిలో ముప్పై పరుగుల తేడాతో ఓటమిపాలైంది. గువాహటిలో శనివారం మొదలయ్యే రెండో టెస్టులో గెలిస్తేనే టీమిండియా పరువు నిలుస్తుంది.ఇక కోల్‌కతా టెస్టులో టీమిండియా ఏకంగా ఆరుగురు ఎడమచేతి వాటం ఆటగాళ్లతో బరిలోకి దిగింది. యశస్వి జైస్వాల్‌, వాషింగ్టన్‌ సుందర్‌, రిషభ్‌ పంత్‌, రవీంద్ర జడేజా, అక్షర్‌ పటేల్‌, కుల్దీప్‌ యాదవ్‌లను ఆడించింది. వీరితో పాటు కేఎల్‌ రాహుల్‌, ధ్రువ్‌ జురెల్‌, జస్‌ప్రీత్‌ బుమ్రా, మొహమ్మద్‌ సిరాజ్‌, శుబ్‌మన్‌ గిల్‌ సఫారీలతో తొలి టెస్టులో భాగమయ్యారు.చదవండి: Ashes: చరిత్ర సృష్టించిన మిచెల్‌ స్టార్క్‌

గువహటి వేదికగా సౌతాఫ్రికాతో జరగనున్న రెండో టెస్టుకు ముందు భారత్‌కు గట్టి ఎదురు దెబ్బ తగిలింది. సెకెం‍డ్‌ టెస్టు నుంచి టీమిండియా కెప్టెన్ శుభ్‌మన్ గిల్ మెడ నొప్పి కారణంగా తప్పుకొన్నాడు. ఈ విషయాన్ని బీసీసీఐ అధికారికంగా ధ్రువీకరించింది. అతడి స్ధానంలో భారత జట్టు సారథిగా రిషబ్‌ పంత్‌ వ్యవహరించనున్నాడు. జట్టుతో పాటు గిల్ గువహటికి వెళ్లినప్పటికి ఇంకా పూర్తి ఫిట్‌నెస్ సాధించడానికి మరింత సమయం పట్టనుంది. గిల్ త‌న‌ గాయం నుంచి కోలుకోనేంందుకు తిరిగి ముంబైకి వెళ్ల‌నున్న‌ట్లు బీసీసీఐ ఓ ప్ర‌క‌ట‌న‌లో పేర్కొంది. భార‌త కెప్టెన్ ముంబైలోని డాక్టర్ దిన్షా పార్దివాలా వ‌ద్ద చికిత్స పొంద‌నున్నాడు. దీంతో గిల్ నవంబర్‌ 30 నుంచి సఫారీలతో జరిగే వన్డే సిరీస్‌కు కూడా దూరమయ్యే అవకాశముంది.గిల్‌కు ఏమైందంటే?ఈడెన్ గార్డెన్స్ వేదికగా జరిగిన తొలి టె‍స్టు రెండో రోజు ఆటలో స్వీప్ షాట్ ఆడే క్రమంలో గిల్‌కు మెడ కండరాలు పట్టేశాయి. దీంతో అతడు రిటైర్డ్ హార్ట్‌గా వెనుదిరిగాడు. ఆ తర్వాత అతడిని కోల్‌కతాలోని వుడ్స్‌ల్యాండ్ అస్పత్రికి తరలించి చికిత్స అందించారు. 24 గంటల పాటు వైద్యుల పర్యవేక్షణ తర్వాత అతడిని అస్పత్రి నుంచి డిశ్చార్జ్ అయ్యాడు. అనంతరం నెక్ బ్యాండ్ లేకుండా గిల్ కన్పించడంతో రెండో టెస్టులో ఆడుతాడని చాలా భావించారు. అతడు జట్టుతో పాటు గువహటికి వెళ్లడంతో భారత శిబిరంలో ఆశలు రేకెత్తాయి. కానీ అతడికి ఇంకా పూర్తి స్ధాయిలో నొప్పి తగ్గలేదు. అందుకే అతడిని రెండో టెస్టు నుంచి బీసీసీఐ తప్పించింది.38వ టెస్టు కెప్టెన్‌గా..టీమిండియా టెస్టు కెప్టెన్సీ బాధ్య‌త‌లు తొలిసారి చేప‌ట్టేందుకు పంత్ సిద్ద‌మ‌య్యాడు. టీ20 క్రికెట్‌లో సార‌థిగా అపారమైన అనుభవం కలిగి ఉన్న పంత్‌.. సంప్రాదాయ క్రికెట్‌లో ఎలా జట్టును నడిపిస్తాడని అందరూ ఆసక్తిగా ఎదరుచూస్తున్నారు. ఫ‌స్ట్ క్లాస్ క్రికెట్‌లో కూడా కెప్టెన్‌గా పంత్ వ్య‌వ‌హ‌రించాడు. 2017-18 రంజీ ట్రోఫీ సీజ‌న్‌లో ఇషాంత్ శర్మ గైర్హ‌జ‌రీలో ఢిల్లీ జ‌ట్టును పంత్ న‌డిపించాడు. ఆ సీజ‌న్‌లో పంత్ వ్య‌క్తిగ‌త ప్ర‌ద‌ర్శ‌న ప‌రంగా నిరాశ‌ప‌రిచిన‌ప్ప‌టికి.. అత‌డి నాయ‌క‌త్వంలో ఢిల్లీ ఫైన‌ల్‌కు చేరింది. పంత్ ఇప్ప‌టివ‌ర‌కు ఐదు ఫ‌స్ట్ క్లాస్ క్రికెట్ మ్యాచ్‌ల‌లో కెప్టెన్‌గా వ్య‌వ‌హ‌రించ‌గా.. రెండు విజ‌యాలు, ఒక ఓట‌మిని ఎదుర్కొన్నాడు.రెండు మ్యాచ్‌లు డ్రాగా ముగిసింది. అదేవిధంగా గ‌తంలో భార‌త టీ20 జ‌ట్టు కెప్టెన్‌గా కూడా పంత్ బాధ్య‌త‌లు నిర్వ‌ర్తించాడు. సీనియర్ ఆటగాళ్లు గైర్హ‌జ‌రీలో ఐదు టీ20 మ్యాచ్‌ల్లో భార‌త జ‌ట్టుకు నాయ‌క‌త్వం వ‌హించాడు. ఈ ఐదు మ్యాచ్‌ల‌లో భార‌త్ రెండింట విజ‌యం సాధించ‌గా.. రెండో మ్యాచ్‌ల‌లో ఓట‌మి చ‌విచూసింది.ఓ మ్యాచ్‌లో ఫ‌లితం తేల‌లేదు. ఐపీఎల్‌లో పంత్ ప్ర‌స్తుతం ల‌క్నో సూప‌ర్ జెయింట్స్ కెప్టెన్‌గా ఉన్నాడు. ఇంత‌కుముందు ఢిల్లీ క్యాపిట‌ల్స్ కెప్టెన్‌గా కూడా పంత్ ప‌నిచేశాడు. ఇప్ప‌టివ‌ర‌కు ఇండియ‌న్ ప్రీమియ‌ర్ లీగ్‌లో పంత్ 57 మ్యాచ్‌ల‌లో నాయ‌క‌త్వం వ‌హించాడు.ఇందులో 30 విజ‌యాలు, 27 ఓట‌ములు ఉన్నాయి. అత‌డి విన్నింగ్ శాతం 52.63గా ఉంది. టీ20ల్లో కెప్టెన్‌గా సాహసోపేతమైన నిర్ణ‌యాలు, ఫీల్డ్ ప్లేస్‌మెంట్‌లు సెట్ చేయ‌డంలో పంత్‌ది దిట్ట‌. మ‌రి టెస్టుల్లో అదే మైండ్ సెట్‌తో వెళ్తాడా లేదా? త‌న శైలికి భిన్నంగా జ‌ట్టును న‌డిపిస్తాడో వేచి చూడాలి. కాగా భార‌త టెస్టు జ‌ట్టుకు 38వ కెప్టెన్‌గా పంత్ రికార్డుల‌కెక్కాడు.

టీమిండియాకు మూడు ఫార్మాట్లలోనూ కీలక ఆటగాడు శుబ్‌మన్‌ గిల్‌ (Shubman Gill). భారత జట్టు టెస్టు సారథిగా అరంగేట్రంలోనే ఇంగ్లండ్‌ గడ్డపై అదరగొట్టిన ఈ పంజాబీ బ్యాటర్‌.. ఆస్ట్రేలియా పర్యటన సందర్భంగా వన్డే కెప్టెన్‌గానూ పగ్గాలు చేపట్టాడు. ఇక అంతకంటే ముందే ఆసియా కప్‌-2025 సందర్భంగా టీమిండియా టీ20 జట్టులోకి పునరాగమనం చేశాడు.విరామం లేని షెడ్యూల్‌ఇలా వన్డే, టెస్టు, టీ20 ఫార్మాట్లలో విరామం లేకుండా ఆడుతున్న గిల్‌.. స్వదేశంలో సౌతాఫ్రికాతో తొలి టెస్టు సందర్భంగా గాయపడ్డాడు. మెడ నొప్పి కారణంగా ఆట మధ్యలోనే నిష్క్రమించి.. మళ్లీ తిరిగి మైదానంలో అడుగుపెట్టలేకపోయాడు. ఐసీయూలో చికిత్స పొందిన ఈ కెప్టెన్‌ సాబ్‌ ఇప్పుడిప్పుడే కోలుకుంటున్నాడు. ఫలితంగా గువాహటిలో సఫారీలతో జరిగే రెండో టెస్టుకు కూడా అందుబాటులో లేకుండా పోయాడు.కాగా నిద్రలేమి, అవిశ్రాంతంగా ఆడటం వల్లే గిల్‌ మెడ నొప్పి తీవ్రమైందనే అభిప్రాయాలు వ్యక్తం కాగా.. బీసీసీఐ మాత్రం అలాంటిదేమీ లేదని కొట్టిపారేసింది. ఇదిలా ఉంటే.. పేస్‌దళ నాయకుడు జస్‌ప్రీత్‌ బుమ్రా (Jasprit Bumrah) సైతం పనిభారం తగ్గించుకునే క్రమంలో ఇంగ్లండ్‌లో ఐదింటికి కేవలం రెండే టెస్టులు ఆడిన విషయం తెలిసిందే.వారికి విశ్రాంతిఅంతేకాదు.. సౌతాఫ్రికాతో టీ20లకు కూడా బుమ్రా దూరంగా ఉండనున్నాడని.. అతడితో పాటు హార్దిక్‌ పాండ్యా (Hardik Pandya)కు కూడా సెలక్టర్లు విశ్రాంతినివ్వనున్నట్లు తెలుస్తోంది. ఈ నేపథ్యంలో టీమిండియా ఆటగాళ్ల వర్క్‌లోడ్‌ మేనేజ్‌మెంట్‌ గురించి మరోసారి చర్చ మొదలైంది.ఈ విషయంలో టీమిండియా హెడ్‌కోచ్‌ గౌతం గంభీర్‌ (Gautam Gambhir) వైఖరి ఏమిటన్న ప్రశ్నలు మొదలుకాగా.. భారత మాజీ క్రికెటర్‌ ఆకాశ్‌ చోప్రా స్పందించాడు. తాను ఈ విషయం గురించి గంభీర్‌తో చర్చించినపుడు ఆటగాళ్లను ఉద్దేశించి అతడు ఓ కీలక సూచన చేశాడని తాజాగా వెల్లడించాడు.ఐపీఎల్‌ ఆడకపోతే సరిజియోస్టార్‌తో మాట్లాడిన ఆకాశ్‌ చోప్రా.. ‘‘వెస్టిండీస్‌తో టీమిండియా టెస్టు మ్యాచ్‌ సందర్భంగా నేను గౌతమ్‌ను ఓ ప్రశ్న అడిగాను. వర్క్‌లోడ్‌ మేనేజ్‌మెంట్‌కు ఏం చేయాలంటారు? అని అడిగాను. అందుకు అతడు.. ‘ఐపీఎల్‌ ఆడకపోతే సరి’ అని సమాధానం ఇచ్చాడు.‘ఐపీఎల్‌లో కెప్టెన్‌గా ఉంటే.. అదనపు ఒత్తిడిని కూడా ఎదుర్కోవాల్సి ఉంటుంది. అలాంటపుడు సారథిగా ఉండకుండా పగ్గాలు వదిలేయడం ఇంకా మంచిది. ఒకవేళ టీమిండియా కోసం ఆడాలనుకుంటే.. ఫిట్‌గా ఉండటంతో పాటు మానసికంగా కూడా సంసిద్ధంగా ఉండాలి.అలా జరగాలంటే ఐపీఎల్‌ వంటి టోర్నీలను వదిలేస్తే సరి’ అని గంభీర్‌ అభిప్రాయపడ్డాడు’’ అని తెలిపాడు. ఏదేమైనా టీమిండియాకు మూడు ఫార్మాట్లలో కీలకంగా ఉన్న ఆటగాళ్లు అదనపు ఒత్తిడిని తగ్గించుకుంటే.. ఎలాంటి ఇబ్బంది లేకుండా వరుస సిరీస్‌లు ఆడగలరని ఆకాశ్‌ చోప్రా చెప్పుకొచ్చాడు. మానసికంగా బలంగా ఉంటే.. ఇంటర్నేషనల్‌ క్రికెట్‌కు విరామం ఇవ్వాల్సిన అవసరం రాదని అభిప్రాయపడ్డాడు.చదవండి: Ashes: చరిత్ర సృష్టించిన మిచెల్‌ స్టార్క్‌

సౌతాఫ్రికాతో రెండో టెస్టుకు ముందు టీమిండియాకు భారీ ఎదురుదెబ్బ తగిలింది. కెప్టెన్‌ శుబ్‌మన్‌ గిల్‌ (Shubman Gill) మ్యాచ్‌ ఫిట్‌నెస్‌ సాధించలేదని తెలుస్తోంది. అంతేకాదు అతడు జట్టును వీడి తిరిగి ముంబైకి పయనమైనట్లు సమాచారం. కాగా ప్రపంచ టెస్టు చాంపియన్‌షిప్‌ 2025-27 సీజన్లో భాగంగా టీమిండియాతో రెండు టెస్టులు (IND vs SA) ఆడేందుకు సౌతాఫ్రికా ఇక్కడకు వచ్చింది.ఆస్పత్రి నుంచి డిశ్చార్జ్‌ అయినా.. కోల్‌కతా వేదికగా ఇరుజట్ల మధ్య తొలి టెస్టు జరుగగా సౌతాఫ్రికా టీమిండియాపై ముప్పై పరుగుల తేడాతో గెలిచింది. కోల్‌కతాలో జరిగిన ఈ మ్యాచ్‌ రెండో రోజు ఆట సందర్భంగా గిల్‌ మెడ నొప్పితో మైదానం వీడాడు. ఆ తర్వాత వెంటనే అతడిని ఆస్పత్రికి తరలించి ఐసీయూలో చికిత్స అందించినట్లు భారత క్రికెట్‌ నియంత్రణ మండలి (BCCI) తెలిపింది.ఆ మరుసటి రోజు గిల్‌ ఆస్పత్రి నుంచి డిశ్చార్జ్‌ అయినట్లు బోర్డు వెల్లడించింది. అయితే, మెడ నొప్పి ఇంకా తీవ్రంగానే ఉన్నట్లు వార్తలు వచ్చాయి. ఈ క్రమంలో చావోరేవో తేల్చుకోవాల్సిన రెండో టెస్టుకు గిల్ దూరమవుతాడనే అంచనాలు రాగా.. అనూహ్యంగా అతడు జట్టుతో పాటు గువాహటికి ప్రయాణం చేశాడు. తద్వారా మ్యాచ్‌కు తాను అందుబాటులో ఉంటాననే సంకేతాలు ఇచ్చాడు.అయితే, గిల్‌ ఇంకా మ్యాచ్‌ ఫిట్‌నెస్‌ సాధించినట్లు ఫిజియోలు, వైద్యులు నిర్ణయించలేదని భారత బ్యాటింగ్‌ కోచ్‌ సితాన్షు కొటక్‌ గురువారం మీడియా సమావేశంలో తెలిపాడు. శుక్రవారం సాయంత్రానికి గిల్‌ పరిస్థితిని బట్టి మ్యాచ్‌ ఆడించాలా? వద్దా? అనే నిర్ణయం తీసుకుంటామని పేర్కొన్నాడు. తాజా సమాచారం ప్రకారం గిల్‌ ఈ మ్యాచ్‌ నుంచి వైదొలిగినట్లు సమాచారం.జట్టు నుంచి రిలీజ్‌!టైమ్స్‌ ఆఫ్‌ ఇండియా కథనం ప్రకారం.. బీసీసీఐ గిల్‌ను జట్టు నుంచి రిలీజ్‌ చేసింది. కోలుకునే దశలో భాగంగా అతడిని మళ్లీ ముంబైకి పంపించినట్లు తెలుస్తోంది. బోర్డు సూచన మేరకు కొన్నాళ్ల పాటు గిల్‌ ముంబైలో డాక్టర్‌ దిన్షా పార్థీవాలా పర్యవేక్షణలో ఉండనున్నట్లు సమాచారం. రికవరీని బట్టి గిల్‌ సౌతాఫ్రికాతో వన్డేలు ఆడతాడా? లేదా? అన్న విషయాన్ని బోర్డు నిర్ణయిస్తుంది. కాగా భారత్‌- సౌతాఫ్రికా మధ్య శనివారం మొదలయ్యే రెండో టెస్టుకు గువాహటిలోని బర్సపరా స్టేడియం వేదిక. ఇందులో గెలిస్తేనే టీమిండియా సిరీస్‌ను 1-1తో సమం చేయగలదు. లేదంటే సొంతగడ్డపై టెస్టులలో మరో ఘోర పరాభవం తప్పదు.చదవండి: IND vs SA: 'నీ ఈగోను ప‌క్క‌న పెట్టు'.. టీమిండియా ఓపెన‌ర్‌కు వార్నింగ్‌

సౌతాఫ్రికాతో రెండో టెస్టులో టీమిండియా కెప్టెన్‌ శుబ్‌మన్‌ గిల్‌ (Shubman Gill) ఆడతాడా? లేదా? అన్న సందిగ్దం నెలకొంది. కోల్‌కతాలో తొలి టెస్టు సందర్భంగా మెడ నొప్పి కారణంగా గిల్‌ మధ్యలోనే నిష్క్రమించిన విషయం తెలిసిందే. ఆ తర్వాత అతడిని ఆస్పత్రికి తరలించి చికిత్స అందించగా.. మరుసటి రోజు డిశ్చార్జ్‌ అయ్యాడు.అయితే, గిల్‌ మెడ నొప్పి మాత్రం పూర్తిగా తగ్గలేదు. ఇంకా పూర్తిస్థాయిలో మ్యాచ్‌ ఫిట్‌నెస్‌ కూడా సాధించలేదు. ఈ నేపథ్యంలోనే అతడు గువాహటి టెస్టు ఆడడనే వార్తలు వచ్చాయి. ఈ విషయంపై టీమిండియా బ్యాటింగ్‌ కోచ్‌ సితాన్షు కొటక్‌ (Sitanshu Kotak) గురువారం స్పందించాడు.కెప్టెన్‌ కోలుకుంటున్నాడు‘‘గిల్‌ కోలుకుంటున్నాడు. నిన్ననే అతడిని కలిశాను. తనకు పెద్దగా సమస్య లేదు. అయితే, అతడు ఆడతాడా? లేదా అన్న అంశంపై శుక్రవారం సాయంత్రమే స్పష్టత వస్తుంది. ఫిజియోలు, డాక్టర్ల నిర్ణయాన్ని బట్టే అతడి ఆడించాలా? వద్దా? అన్నది తేలుతుంది.ప్రస్తుతానికి గిల్‌ వేగంగా కోలుకుంటున్నాడు. కానీ మ్యాచ్‌ సమయంలో నొప్పి మళ్లీ తిరగబెట్టే అవకాశాలను కొట్టిపడేయలేము. ఒకవేళ ఏదైనా తేడా అనిపిస్తే కచ్చితంగా అతడికి విశ్రాంతినిస్తాం. ఏదేమైనా కీలక బ్యాటర్‌, కెప్టెన్‌గా గిల్‌ సేవల్ని మాత్రం మేము కోల్పోతాము.అయినా మరేం పర్లేదు. ఒకవేళ గిల్‌ ఆడకపోయినా.. మాకు చాలా మంది బ్యాటర్లు అందుబాటులో ఉన్నారు. వాళ్లంతా ప్రొఫెషనల్‌ ఆటగాళ్లే. జట్టు కోసం వచ్చి ఆడతారు. గిల్‌ ఆడాలనే మేమూ కోరుకుంటున్నాం. అయితే, అతడి ఆరోగ్యానికే మొదటి ప్రాధాన్యత. గిల్‌ స్థానంలో వచ్చే ఆటగాడు సెంచరీ చేసినా ఆశ్చర్యపోనక్కర్లేదు.గిల్‌ స్థానంలో అతడే ఆడతాడుగిల్‌ ఆడే నాలుగో స్థానంలో ధ్రువ్‌ జురెల్‌ అందుబాటులో ఉండనే ఉన్నాడు. అయితే, గిల్‌ ప్లేస్‌లో తుదిజట్టులోకి ఎవరు వస్తారనేది రేపే నిర్ణయిస్తాం’’ అని సితాన్షు కొటక్‌ తెలిపాడు. కాగా టీమిండియా- సౌతాఫ్రికా మధ్య శనివారం నుంచి మొదలయ్యే రెండో టెస్టుకు గువాహటిలోని బర్సపరా స్టేడియం వేదిక. ఇదిలా ఉంటే.. కోల్‌కతాలో జరిగిన తొలి టెస్టులో భారత జట్టు సఫారీల చేతిలో 30 పరుగుల తేడాతో ఓడిపోయిన విషయం తెలిసిందే. గువాహటిలో గెలిస్తేనే రెండు మ్యాచ్‌ల సిరీస్‌ను టీమిండియా 1-1తో సమం చేయగలదు.చదవండి: IPL 2026: ‘సన్‌రైజర్స్‌కు అతడు దొరకడు.. బ్యాటింగ్‌ ఒక్కటే సరిపోదు.. కాబట్టి’

ఈడెన్ గార్డెన్స్ వేదికగా సౌతాఫ్రికాతో జరిగిన తొలి టెస్టు నుంచి మెడ గాయం కారణంగా ఆర్ధరాంతరంగా వైదొలిగిన టీమిండియా కెప్టెన్ శుభ్‌మన్ గిల్ ఇంకా పూర్తి ఫిట్‌నెస్ సాధించలేదు. అతడు జట్టుతో పాటు గౌహతికి వెళ్లినప్పటికి రెండో టెస్టుకు అందుబాటుపై సందేహలు నెలకొన్నాయి. అతడి గాయాన్ని బీసీసీఐ వైద్య బృం‍దం పర్యవేక్షిస్తోంది. ప్ర‌స్తుత ప‌రిస్థితుల‌ను చూస్తుంటే గిల్ దాదాపుగా గౌహ‌తి టెస్టుకు దూర‌మైన‌ట్లే. అత‌డి స్ధానంలో సాయిసుద‌ర్శ‌న్‌ను తుది జ‌ట్టులోకి రానున్నాడు.వ‌న్డేల‌కు దూరం?ఇక గత కొంతకాలంగా అవిరామంగా క్రికెట్ ఆడుతున్న గిల్‌కు సౌతాఫ్రికాతో వ‌న్డేల‌కు కూడా విశ్రాంతి ఇవ్వాల‌ని సెల‌క్ట‌ర్లు భావిస్తున్న‌ట్లు స‌మాచారం. అత‌డితో వైస్ కెప్టెన్ శ్రేయ‌స్ అయ్య‌ర్ కూడా వ‌న్డేల‌కు దూరం కానున్న‌ట్లు స‌మాచారం. ఆస్ట్రేలియా ప‌ర్య‌ట‌న‌లో గాయ‌ప‌డ్డ అయ్య‌ర్ ఇంకా పూర్తి ఫిట్‌నెస్ సాధించ‌లేదు. దీంతో అత‌డిని ఆడించి రిస్క్ తీసుకోడ‌ద‌ని బీసీసీఐ యోచిస్తోంది. వీరిద్ద‌రితో పాటు జ‌స్ప్రీత్‌ బుమ్రా, ఆల్‌రౌండర్‌ హార్దిక్‌ పాండ్యాలకు కూడా సెల‌క్ట‌ర్లు విశ్రాంతి ఇవ్వ‌నున్న‌ట్లు వార్త‌లు వ‌స్తున్నాయి. గాయం కారణంగా ఆసియా కప్‌ ఫైనల్‌కు దూరమైన పాండ్యా ఇప్పుడిప్పుడే కోలుకుంటున్నాడు.ఈ క్ర‌మంలో స‌ఫారీల‌తో వ‌న్డే సిరీస్‌లో భార‌త ప‌గ్గాల‌ను తిరిగి రోహిత్ శ‌ర్మకు అప్ప‌గించాల‌ని అజిత్ అగార్క‌ర్ అండ్ కో నిర్ణ‌యించుకున్న‌ట్లు తెలుస్తోంది. ఒక‌వేళ రోహిత్ అందుకు అంగీక‌రించ‌క‌పోతే వికెట్ కీప‌ర్ కేఎల్ రాహుల్‌ను సార‌థిగా నియ‌మించ‌నున్న‌ట్లు బీసీసీఐ వర్గాలు వెల్లడించాయి.ఈ వ‌న్డే సిరీస్‌కు భార‌త జ‌ట్టును సెల‌క్ష‌న్ క‌మిటీ ఒక‌ట్రెండు రోజుల్లో ప్ర‌కటించే అవ‌కాశ‌ముంది. వ‌న్డే జ‌ట్టులోకి య‌శ‌స్వి జైశ్వాల్‌, సాయిసుద‌ర్శ‌న్‌లు రానున్న‌ట్లు ప‌లు రిపోర్ట్‌లు పేర్కొంటున్నాయి. కాగా న‌వంబ‌ర్ 30 నుంచి రాంఛీ వేదిక‌గా ఈ మూడు వ‌న్డేల సిరీస్ ప్రారంభం కానుంది.చదవండి: రెండో టెస్టులో ఆడాలని ఉన్నా...

గువాహటి: భారత టెస్టు జట్టు కెప్టెన్‌ శుబ్‌మన్‌ గిల్‌ ఎలాగైనా దక్షిణాఫ్రికాతో రెండో టెస్టులో బరిలోకి దిగాలని పట్టుదలగా ఉన్నాడు. అయితే మెడనొప్పి నుంచి పూర్తిగా కోలుకోని అతను ఈ మ్యాచ్‌లో ఆడటం సందేహంగానే ఉంది. బుధవారం జట్టు సభ్యులతో పాటు గిల్‌ కూడా గువాహటికి వెళ్లాడు. గిల్‌ ఆరోగ్య స్థితిపై బీసీసీఐ ఒక ప్రకటన జారీ చేసింది. ‘కోల్‌కతా టెస్టు రెండో రోజు గిల్‌ మెడకు గాయం కాగా అదే రోజు ఆస్పత్రికి తీసుకెళ్లి చికిత్స అందించాం. తర్వాతి రోజు కొంత కోలుకొని అతను డిశ్చార్జ్‌ కూడా అయ్యాడు. ప్రస్తుతం అతని గాయాన్ని బోర్డు వైద్యులు పర్యవేక్షిస్తున్నారు. పరిస్థితిని బట్టి వైద్య బృందం సూచన మేరకే గువాహటి టెస్టులో ఆడించాలా లేదా అని నిర్ణయిస్తాం’ అని బోర్డు వెల్లడించింది. తాజా స్థితిని బట్టి చూస్తే అతను ఆరోగ్యపరంగా బాగానే ఉన్నా టెస్టు మ్యాచ్‌ ఆడే ఫిట్‌నెస్‌ లేదని సమాచారం. అతను అన్ని రకాలుగా కోలుకొని మైదానంలోకి వచ్చేందుకు కనీసం 10 రోజుల సమయం పట్టవచ్చు. రెండో టెస్టుతో పాటు వన్డే, టి20 సిరీస్‌ల నుంచి కూడా తప్పుకొని విశ్రాంతి తీసుకుంటే మంచిదని కూడా అభిప్రాయం వ్యక్తమవుతోంది. వన్డే సిరీస్‌కు బుమ్రా, పాండ్యా దూరం! పని భారం తగ్గించడంలో భాగంగా పేసర్‌ జస్‌ప్రీత్‌ బుమ్రా, ఆల్‌రౌండర్‌ హార్దిక్‌ పాండ్యాలకు దక్షిణాఫ్రికాతో జరిగే వన్డే సిరీస్‌ నుంచి విశ్రాంతి ఇచ్చే అవకాశం ఉంది. గాయం కారణంగా ఆసియా కప్‌ ఫైనల్‌కు దూరమైన పాండ్యా ఇప్పుడిప్పుడే కోలుకుంటున్నాడు. త్వరలోనే టి20 వరల్డ్‌ కప్‌ జరగనున్న నేపథ్యంలో వన్డేలకంటే టి20లకే ప్రాధాన్యతనివ్వాలని టీమ్‌ మేనేజ్‌మెంట్‌ భావిస్తోంది. అందుకే సఫారీలతో వన్డే సిరీస్‌కు దూరమై ముస్తాక్‌ అలీ ట్రోఫీలో ఫిట్‌నెస్‌ నిరూపించుకొని పాండ్యా టి20లు ఆడే అవకాశం ఉంది. ఇదే కారణంగా ప్రధాన పేసర్‌ బుమ్రాకు కూడా విరామం ఇవ్వవచ్చు.

టీమిండియా కెప్టెన్‌ శుబ్‌మన్‌ గిల్‌ (Shubman Gill)కు సంబంధించి భారత క్రికెట్‌ నియంత్రణ మండలి (BCCI) కీలక అప్‌డేట్‌ అందించింది. గిల్‌ గువాహటికి ప్రయాణం చేస్తాడని స్పష్టం చేసింది. కాగా భారత జట్టు స్వదేశంలో సౌతాఫ్రికా (IND vs SA)తో రెండు మ్యాచ్‌ల టెస్టు సిరీస్‌ ఆడుతున్న విషయం తెలిసిందే.మెడ నొప్పి తీవ్రం కావడంతోఇందులో భాగంగా కోల్‌కతాలోని ఈడెన్‌ గార్డెన్స్‌లో ఇరుజట్ల మధ్య తొలి టెస్టు జరిగింది. ఈ మ్యాచ్‌ సందర్భంగా గిల్‌ భారత తొలి ఇన్నింగ్స్‌ సమయంలో గాయపడ్డాడు. మెడ నొప్పి తీవ్రం కావడంతో మైదానం వీడాడు. అనంతరం వైద్య పరీక్షల నిమిత్తం గిల్‌ను ఆస్పత్రికి తరలించిన బీసీసీఐ.. పరిస్థితి తీవ్రత దృష్ట్యా ఐసీయూలో ఉంచి చికిత్స అందించింది.ప్రస్తుతం గిల్‌ పరిస్థితి బాగానే ఉంది. అతడు ఆస్పత్రి నుంచి డిశ్చార్జ్‌ అయ్యాడు. కానీ మెడ నొప్పి మాత్రం ఇంకా తగ్గలేదు. దీంతో బీసీసీఐ వైద్య బృందం ఎప్పటికప్పుడు అతడి ఆరోగ్య పరిస్థితిని పర్యవేక్షిస్తోంది. ఈ క్రమంలో గిల్‌ విమాన ప్రయాణం చేస్తే.. నొప్పి ఎక్కువయ్యే ప్రమాదం ఉందని వైద్యులు హెచ్చరించినట్లు సమాచారం బయటకు వచ్చింది.దీంతో సౌతాఫ్రికాతో గువాహటిలో శనివారం మొదలయ్యే రెండో టెస్టుకు గిల్‌ అందుబాటులో ఉండడనే ప్రచారం జరిగింది. ఈ క్రమంలో బీసీసీఐ తాజాగా గిల్‌ ఆరోగ్యం గురించి కీలక అప్‌డేట్‌ అందించింది.శుబ్‌మన్‌ గిల్‌ వెళ్తాడు.. కానీఈ మేరకు.. ‘‘కోల్‌కతా వేదికగా సౌతాఫ్రికాతో తొలి టెస్టులో రెండో రోజు ఆట సందర్భంగా టీమిండియా కెప్టెన్‌ శుబ్‌మన్‌ గిల్‌ మెడ నొప్పితో బాధపడ్డాడు. వైద్య పరీక్షల కోసం ఆస్పత్రికి తరలించాము.మరుసటి రోజు అతడు డిశ్చార్జ్‌ అయ్యాడు. చికిత్సకు గిల్‌ స్పందిస్తున్నాడు. నవంబరు 19న జట్టుతో కలిసి అతడు గువాహటికి ప్రయాణం చేస్తాడు. అయితే, బీసీసీఐ వైద్య బృందం పర్యవేక్షణలోనే ఉంటాడు. పరిస్థితిని బట్టి అతడిని రెండో టెస్టులో ఆడించాలా? లేదా? అనే నిర్ణయం తీసుకుంటాం’’ అని బీసీసీఐ బుధవారం నాటి ప్రకటనలో పేర్కొంది.చదవండి: ఆల్‌టైమ్‌ టీ20 జట్టు.. రోహిత్‌, కోహ్లికి దక్కని చోటు!.. ఓపెనర్లుగా వారే..

సౌతాఫ్రికాతో రెండో టెస్టుకు టీమిండియా కెప్టెన్‌ శుబ్‌మన్‌ గిల్‌ (Shubman Gill) దూరం కానున్నట్లు తెలుస్తోంది. మెడ నొప్పి తీవ్రంగా ఉండటంతో అతడు ఈ మ్యాచ్‌కు అందుబాటులో ఉండటం లేదని సమాచారం. ఆసుపత్రి నుంచి డిశ్చార్జ్‌ అయినా ఇంకా కనీసం మూడు, నాలుగు రోజుల పాటు విశ్రాంతి తీసుకోవాలని వైద్యులు అతడికి సూచించినట్లు బీసీసీఐ వర్గాలు జాతీయ మీడియాకు వెల్లడించాయి.ఊహించని ఆటగాడుగిల్‌ ప్రస్తుతం విమానంలో ప్రయాణించే పరిస్థితి లేదు కాబట్టి.. గువాహటి వేదికగా రెండో టెస్టు (IND vs SA 2nd Test)కు అతడు దూరమయ్యే పరిస్థితి ఉందని బీసీసీఐ అధికారి ఒకరు సంకేతాలు ఇచ్చారు. ఈ నేపథ్యంలో తుదిజట్టులో గిల్‌ స్థానాన్ని మేనేజ్‌మెంట్‌ ఎవరితో భర్తీ చేస్తారనే చర్చ జరుగుతుండగా.. భారత మాజీ ఓపెనర్‌ ఆకాశ్‌ చోప్రా ఊహించని ఆటగాడి పేరు తెరపైకి తెచ్చాడు.ఈ మేరకు తన యూట్యూబ్‌ చానెల్‌ వేదికగా మాట్లాడుతూ.. ‘‘రుతురాజ్‌ గైక్వాడ్‌ (Ruturaj Gaikwad)ను టెస్టు జట్టులోకి తీసుకోవాలా? ఈ మాట వింటే మీకు ఆశ్చర్యం కలుగవచ్చు. ఇప్పటికే సౌతాఫ్రికాతో టెస్టులకు జట్టును ఎంపిక చేసిన తర్వాత రుతు పేరెందుకు? అని మీరు అడుగవచ్చు.సాయి, పడిక్కల్‌ కాదు!రెండో టెస్టులో గిల్‌ ఆడతాడా? లేదా? అన్న అంశంపై స్పష్టత లేదు. ఆసుపత్రి నుంచి డిశ్చార్జ్‌ అయినా మెడ నొప్పి ఇంకా తగ్గలేదనే సమాచారం ఉంది. ఒకవేళ అతడు మ్యాచ్‌కు పూర్తిగా దూరమైతే.. సాయి సుదర్శన్‌, దేవ్‌దత్‌ పడిక్కల్‌లో ఒకరిని ప్లేయింగ్‌ ఎలెవన్‌లోకి తీసుకుంటారా?ఇప్పటికే తుది జట్టులో ఆరుగురు లెఫ్టాండర్లు ఉన్నారు. మరి అలాంటపుడు మరో ఇద్దరు లెఫ్టాండర్ల (సాయి, పడిక్కల్‌)లలో ఒకరివైపు మొగ్గుచూపుతారా? అలాంటపుడు మొత్తంగా ఏడుగురు ఎడమచేతి వాటం ఆటగాళ్లను ఆడించాల్సి వస్తుంది.రుతు బెస్ట్‌.. ఎందుకంటే?అలాంటపుడే బెటర్‌ ఆప్షన్‌ కోసం చూడాలి. రుతురాజ్‌ ప్రస్తుతం సూపర్‌ ఫామ్‌లో ఉన్నాడు. భారత్‌-‘ఎ’ తరఫున వైట్‌బాల్‌ క్రికెట్‌లో సౌతాఫ్రికాతో మ్యాచ్‌లలో అదరగొడుతున్నాడు. రంజీ, దులిప్‌ ట్రోఫీ వంటి రెడ్‌బాల్‌ టోర్నీల్లోనూ పరుగులు రాబడుతున్నాడు.మిడిలార్డర్లోనూ రుతు బ్యాటింగ్‌ చేయగలడు. అతడి టెక్నిక్‌ కూడా బాగుంటుంది. నిజానికి టెస్టులకు అతడు సరైన ఆప్షన్‌. ఆస్ట్రేలియాతో టీ20 మ్యాచ్‌లో ఇదే వేదిక (గువాహటి)పై రుతు సెంచరీ చేశాడు. కాబట్టి శుబ్‌మన్‌ గిల్‌ రెండో టెస్టుకు అందుబాటులో లేకుంటే.. రుతురాజ్‌ను తీసుకువస్తే బాగుంటుంది’’ అంటూ ఆకాశ్‌ చోప్రా తన అభిప్రాయాలు పంచుకున్నాడు.చదవండి: వైభవ్‌ తుపాన్‌ ఎలా ఆపేది?

ఈడెన్ గార్డెన్స్‌.. భారత క్రికెట్ జట్టుకు కంచుకోట. ఈ ప్రతిష్టాత్మక మైదానంలో టీమిండియాను ఓడించాలంటే ప్రత్యర్ధి జట్టుకు కత్తి మీద సామే. అయితే ఈ ఐకానిక్ ‍గ్రౌండ్‌లో గత 13 ఏళ్లగా ఓటమి ఎరుగుని భారత జట్టును టెంబా బవుమా సారథ్యంలోని సౌతాఫ్రికా కంగు తినిపించింది. ఈడెన్ గార్డెన్స్‌లో జరిగిన తొలి టెస్టులో 30 పరుగుల తేడాతో భారత్‌ను ప్రోటీస్ చిత్తు చేసింది. 124 పరుగుల స్వల్ప లక్ష్యాన్ని చేధించలేక మెన్ ఇన్‌ బ్లూ 93 పరుగుల వద్దే చతికిల పడింది. భారత బ్యాటర్లు దారుణ ప్రదర్శన కనబరిచారు. దీంతో రెండు మ్యాచ్‌ల సిరీస్‌లో టీమిండియా 1-0 తేడాతో వెన‌కంజ‌లో నిలిచింది. ఈ క్ర‌మంలో భార‌త జ‌ట్టు త‌మ త‌ప్పిదాల‌ను స‌రిదిద్దుకోవాల్సిన స‌మ‌యం అసన్న‌మైంది.భార‌త్‌కు 'డూ ఆర్ డై'న‌వంబ‌ర్ 22 నుంచి గౌహ‌తిలోని బార్సాపరా స్టేడియం వేదిక‌గా ప్రోటీస్‌తో ప్రారంభం కానున్న రెండో టెస్టులో టీమిండియా త‌ల‌ప‌డనుంది. ఈ మ్యాచ్‌లో గెలిచి సిరీస్‌ను స‌మం చేయాల‌ని భార‌త జ‌ట్టు ప‌ట్టుద‌ల‌తో ఉంది. ఈ 'డూ ఆర్ డై' మ్యాచ్‌ కోసం భారత్‌ ప్రత్యేక వ్యూహాలు రచిస్తోంది.ఎక్కడైతే ప్రోటీస్ బౌలర్లను ఎదుర్కొలేక భారత బ్యాటర్లు ఇబ్బంది పడ్డారో.. అక్కడే ప్రాక్టీస్‌ను మొదలు పెట్టారు. భారత జట్టు మంగళవారం ఈడెన్ గార్డెన్స్‌లో తమ తొలి ప్రాక్టీస్ సెషన్‌లో పాల్గోనుంది. హెడ్ కోచ్ గౌతమ్ గంభీర్ పర్యవేక్షణలో భారత ఆటగాళ్లు చమటోడ్చనున్నారు. బ్యాటింగ్ ప్రాక్టీస్‌పై ఎక్కువగా దృష్టిసారించనున్నట్లు తెలుస్తోంది.గిల్ దూరం..!ఇక కీల‌క‌మైన రెండో టెస్టుకు భార‌త కెప్టెన్ శుభ్‌మ‌న్ గిల్ దూర‌మ‌య్యే అవ‌కాశ‌ముంది. మెడ నొప్పి కార‌ణంగా తొలి టెస్టు నుంచి అర్ధాంతరంగా త‌ప్పుకొన్న గిల్‌.. ఇంకా పూర్తిగా కోలుకోలేదు. అత‌డు పూర్తి ఫిట్‌నెస్ సాధించ‌డానికి నాలుగైదు రోజుల స‌మ‌యం ప‌ట్ట‌నుంది.దీంతో గౌహతికి టెస్టుకు గిల్‌కు విశ్రాంతి ఇచ్చే అవ‌కాశ‌ముంది. ఒక‌వేళ ఇదే జ‌రిగితే అత‌డి స్ధానంలో సాయి సుద‌ర్శ‌న్ తుది జ‌ట్టులోకి రానున్నాడు. సుద‌ర్శ‌న్‌కు స్వ‌దేశంలో మంచి ట్రాక్ రికార్డు ఉంది. అత‌డి సేవ‌ల‌ను మిడిలార్డ‌ర్‌లో భార‌త్ ఉప‌యెగించుకోనుంది.వాషింగ్ట‌న్‌పై వేటు..ఈ మ్యాచ్‌లో భార‌త్ ప‌లు మార్పుల‌తో బ‌రిలోకి దిగే అవ‌కాశ‌ముంది. గౌహతి పిచ్‌ సాధారణంగా పేస్ బౌలర్లకు అనుకూలంగా ఉంటుంది. దీంతో ఈ మ్యాచ్‌లో ముగ్గురు పేస‌ర్లతో భార‌త్ ఆడ‌నున్న‌ట్లు స‌మాచారం. వాషింగ్ట‌న్ సుంద‌ర్‌పై మెనెజ్‌మెంట్ వేటు వేసేందుకు సిద్ద‌మైన‌ట్లు తెలుస్తోంది. గ‌త మ్యాచ్‌లో అత‌డు స్పెష‌లిస్ట్ బ్యాట‌ర్‌గా ఆడాడు. వాషీ రెండు ఇన్నింగ్స్‌లు క‌లిపి కేవ‌లం ఒక్క ఓవ‌ర్ మాత్ర‌మే బౌలింగ్ చేశాడు. కుల్దీప్ యాద‌వ్‌, అక్ష‌ర్ ప‌టేల్‌, ర‌వీంద్ర జ‌డేజాలు స్పిన్న‌ర్ల‌గా మెరుగ్గా రాణించారు. ఇప్పుడు సుంద‌ర్ స్ధానంలో ఫాస్ట్ బౌల‌ర్‌ ఆకాష్ దీప్‌ను ఆడించే యోచ‌న‌లో హెడ్‌కోచ్ గౌత‌మ్ గంభీర్ ఉన్నాడంట‌. భార‌త్‌కు బౌలింగ్‌కు ప‌రంగా ప్ర‌స్తుతం ఎటువంటి ఢోకా లేదు. స‌ఫారీల‌పై మ‌న బ్యాట‌ర్లే స‌త్తాచాటాల్సి ఉంది. అదేవిధంగా ఈ మ్యాచ్‌లో ఒకే వికెట్ కీప‌ర్‌తో భార‌త్ ఆడ‌నునున్న‌ట్లు స‌మాచారం. ధ్రువ్ జురెల్ స్ధానంలో పేస్ బౌలింగ్ ఆల్‌రౌండ‌ర్ నితీశ్ కుమార్ రెడ్డిని జ‌ట్టులోకి తీసుకోనున్న‌ట్లు వార్త‌లు వ‌స్తున్నాయి.జైశ్వాల్ ఫామ్ అందుకుంటాడా?ఇక తొలి టెస్టులో పూర్తిగా విఫ‌ల‌మైన స్టార్ ఓపెన‌ర్ య‌శస్వి జైశ్వాల్ త‌న ఫామ్‌ను తిరిగి అందుకోవాల్సిన స‌మ‌యం అస‌న్న‌మైంది. దాదాపుగా ప్ర‌తీ టెస్టులోనూ జైశూ త‌న మెరుపు బ్యాటింగ్‌తో భార‌త్‌కు అద్భుత‌మైన శుభారంభం అందిస్తూ ఉంటాడు.గ‌త మ్యాచ్‌లో అత‌డు త‌న బ్యాట్‌కు పని చెప్ప‌కోవ‌డంతో భార‌త్ ఘోర ప‌రాజ‌యం ఎదుర్కొంది. దీంతో అత‌డు కీల‌క‌మైన గౌహ‌తి టెస్టులో రాణించాల‌ని స‌గ‌టు భార‌త అభిమాని కోరుకుంటున్నాడు. అత‌డితో పాటు వైస్ కెప్టెన్ రిష‌బ్ పంత్ కూడా రాణించాల్సిన అవ‌స‌ర‌ముంది. ఒక‌వేళ గిల్ దూర‌మైతే పంత్‌నే జ‌ట్టును న‌డిపించ‌నున్నాడు.రెండో టెస్టుకు భారత తుది జట్టు(అంచనా)యశస్వి జైస్వాల్, కేఎల్ రాహుల్, సాయి సుదర్శన్, వాషింగ్టన్ సుందర్, అక్షర్ పటేల్, రిషబ్ పంత్,ధృవ్ జురెల్, రవీంద్ర జడేజా, ఆకాష్ దీప్, జస్ప్రీత్ బుమ్రా, మహ్మద్ సిరాజ్

కోల్‌క‌తా వేదిక‌గా సౌతాఫ్రికాతో జ‌రిగిన తొలి టెస్టులో అనుహ్య ఓట‌మి చ‌విచూసిన భార‌త్‌.. ఇప్పుడు గౌహ‌తిలో జ‌ర‌గ‌నున్న రెండో టెస్టుకు సిద్ద‌మ‌వుతోంది. మంగ‌ళ‌వారం ఈడెన్ గార్డెన్స్‌లో త‌మ మొద‌టి ట్రైనింగ్ సెష‌న్‌లో టీమిండియా పాల్గోనుంది. ఆ త‌ర్వాత బుధ‌వారం గౌహ‌తికి భార‌త జ‌ట్టు ప‌య‌నం కానుంది. న‌వంబ‌ర్ 22 నుంచి సెకెండ్ టెస్టు ప్రారంభం కానుంది. అయితే ఈ మ్యాచ్‌కు టీమిండియా కెప్టెన్ శుభ్‌మ‌న్ గిల్ దూర‌మయ్యే సూచ‌న‌లు ఎక్కువ‌గా క‌న్పిస్తున్నాయి.మెడనొప్పితో తొలి టెస్టు నుంచి అర్ధాంతరంగా తప్పుకున్న భారత టెస్టు జట్టు కెప్టెన్‌ శుబ్‌మన్‌ గిల్‌ ఇంకా పూర్తిగా కోలుకోలేదు. . ఆస్పత్రి నుంచి డిశ్చార్జ్‌ అయినా అతని పరిస్థితి ఇంకా మెరుగుపడలేదని సమాచారం. ‘గిల్‌కి మెడ నొప్పి తీవ్రంగా ఉంది. అతను నెక్‌ కాలర్‌ ధరిస్తూనే ఉన్నాడు. కనీసం 3–4 రోజులు విశ్రాంతి తీసుకోవాలని, విమానం ఎక్కరాదని వైద్యులు చెప్పారు. ఇలాంటి స్థితిలో అతను ప్రయాణించే పరిస్థితి లేదు. అయితే అతని ఆరోగ్య స్థితిని ఎప్పటికప్పుడు పర్యవేక్షిస్తున్నాం’ అని బోర్డు అధికారి ఒకరు వెల్లడించారు. అయితే గిల్ బుధవారం జట్టుతో పాటు గౌహతికి వెళ్లనున్నాడని మరి కొన్ని రిపోర్ట్‌లు పేర్కొంటున్నాయి. ఒకవేళ బుధవారం కాకపోతే గురువారం గౌహతికి గిల్ పయనం కానున్నాడు. ఏదేమైనప్పటికి భారత కెప్టెన్ ఫుల్ ఫిట్‌నెస్‌ సాధిస్తేనే రెండో టెస్టులో ఆడనున్నాడు.నితీశ్‌కు పిలుపు..ఈ నేపథ్యంలో స్టార్ ఆల్‌రౌండర్ నితీశ్ కుమార్ రెడ్డి టీమ్ మేనెజ్‌మెంట్ తిరిగి పిలుపునిచ్చింది. వాస్తవానికి సౌతాఫ్రికాతో టెస్టులకు తొలుత ఎంపిక చేసిన భారత జట్టులో నితీశ్ కూడా ఉన్నాడు. కానీ సౌతాఫ్రికా-తో వన్డే సిరీస్ ఆడేందుకు జట్టు నుంచి అతడిని రిలీజ్ చేశారు. ఇప్పుడు గిల్ గాయపడడంతో అతడిని తిరిగి జట్టులో చేరమని ఆదేశించారు. ఈ ఆంధ్ర ఆటగాడు మంగళవారం జట్టుతో చేరి ప్రాక్టీస్‌లో పాల్గోనున్నట్లు తెలుస్తోంది.రెండో టెస్టుకు భారత తుది జట్టు(అంచనా)యశస్వి జైస్వాల్, కేఎల్ రాహుల్, సాయి సుదర్శన్, వాషింగ్టన్ సుందర్, అక్షర్ పటేల్, రిషబ్ పంత్,ధృవ్ జురెల్, రవీంద్ర జడేజా, ఆకాష్ దీప్, జస్ప్రీత్ బుమ్రా, మహ్మద్ సిరాజ్చదవండి: IPL 2026: సన్‌రైజర్స్‌ హైదరాబాద్‌ కెప్టెన్‌గా అతడే.. అధికారిక ప్రకటన

కోల్‌కతా వేదికగా సౌతాఫ్రికాతో జరిగిన తొలి టెస్టులో ఘోర ఓటమి చవిచూసిన భారత జట్టు.. తమ తప్పిదాలను సరిదిద్దుకునేందుకు సిద్ధమైంది. నవంబర్ 22 నుంచి గౌహతిలో ప్రోటీస్‌తో ప్రారంభం కానున్న రెండో టెస్టు కోసం టీమిండియా తమ ప్రాక్టీస్‌ను మొదలు పెట్టనుంది.అయితే భారత జట్టు గౌహతిలో కాకుండా ఈడెన్ గార్డెన్స్‌లోనే మొదటి ట్రైనింగ్ సెషన్‌ను మంగళవారం(నవంబర్ 18) నిర్వహించనుంది. ఈడెన్‌ లాంటి కఠినమైన వికెట్‌పై తమ ప్లేయర్లను ప్రాక్టీస్‌ చేయించాలని హెడ్‌ కోచ్‌ గౌతమ్‌ గంభీర్‌ నిర్ణయించుకున్నట్లు తెలుస్తోంది.మ్యాచ్‌ అనంతరం మాట్లాడిన గంభీర్‌ ఈడెన్‌గార్డెన్స్‌ పిచ్‌పై కీలక వ్యాఖ్యలు చేశాడు. పిచ్‌లో ఎటువంటి భూతాలు లేవని, మంచి డిఫెన్స్‌ టెక్నిక్‌ ఉంటే ఇటువంటి వికెట్‌పై పరుగులు సాధించవచ్చు అని చెప్పుకొచ్చాడు. ఈ క్రమంలో తొలి మ్యాచ్‌ జరిగిన పిచ్‌పై భారత ‍బ్యాటర్లు ప్రాక్టీస్‌ చేసే అవకాశముంది.గౌహతికి ఎప్పుడంటే?కాగా బుధవారం మెన్ ఇన్ బ్లూ గౌహతికి పయనం కానుంది. అయితే తొలి ప్రాక్టీస్ సెష‌న్‌కు టీమిండియా రెగ్యూల‌ర్ కెప్టెన్ శుభ్‌మ‌న్ గిల్ దూరం కానున్నాడు. మెడ నొప్పి గాయం నుంచి గిల్ కోలుకుంటున్నాడు.ఆస్ప్ర‌త్రి నుంచి డిశ్చార్జ్ అయిన గిల్ ప్రస్తుతం టీమ్ హోటల్ విశ్రాంతి తీసుకుంటున్నాడు. తొలి టెస్టులో రెండో రోజు ఆట సందర్భంగా గిల్ మెడ నొప్పితో బాధపడ్డాడు. స్వీప్ షాట్ ఆడే క్రమంలో గిల్ మెడపట్టేసింది. దీంతో కేవలం మూడు బంతులు మాత్రమే ఆడి గిల్ రిటైర్డ్ హార్ట్‌గా వెనుదిరిగాడు. ఆ తర్వాత అతడిని ఆస్ప్రత్రికి తరలించారు. 24 గంటల పర్యవేక్షణ తర్వాత గిల్ ఆస్ప్రత్రి నుంచి డిశ్చార్జ్ అయ్యాడు. అతడు మెడ అటు ఇటు కదపుతున్నప్పటికి వారం రోజుల పాటు విశ్రాంతి అవసరమని వైద్యులు సూచించినట్లు సమాచారం. దీంతో శుభ్‌మన్ గౌహతి టెస్టుకు దూరమయ్యే అవకాశముంది. ఒకవేళ గిల్ అందుబాటులో లేకపోతే అతడి స్దానంలో సాయిసుదర్శన్ తుది జట్టులోకి రానున్నాడు. కాగా తొలి టెస్టులో భారత్ బ్యాటర్లు దారుణ ప్రదర్శన కనబరిచారు. కేవలం 124 పరుగుల లక్ష్యాన్ని చేధించలేక టీమిండియా పరాజయం పాలైంది.చదవండి: గంభీర్‌.. ఇప్పటికైనా అతడిని జట్టులోకి తీసుకో: గంగూలీ

కోల్‌కతాలోని ఈడెన్ గార్డెన్స్ వేదికగా సౌతాఫ్రికాతో జరిగిన తొలి టెస్టులో మెడకు గాయమైన భారత కెప్టెన్ శుభ్‌మన్ గిల్ క్రమంగా కోలుకుంటున్నాడు. ఆస్ప్రత్రి నుంచి ఆదివారం గిల్‌ డిశ్చార్జ్‌ అయ్యాడు. అతడు ప్రస్తుతం టీమ్ హోటల్‌లో విశ్రాంతి తీసుకుంటున్నాడు. మెడ గాయం నుంచి కోలుకుంటున్నందున గిల్‌కు విమాన ప్రయాణం చేయవద్దని వైద్యులు సూచించినట్లు తెలుస్తోంది. అతడికి కనీసం వారం రోజుల పాటు విశ్రాంతి అవసరమని వైద్యులు చెప్పినట్లు బీసీసీఐ వర్గాలు వెల్లడించాయి. టీమ్ హోటల్‌లో ఉన్న గిల్ ఆరోగ్య పరిస్థితిని బీసీసీఐ వైద్య బృందం పర్యవేక్షిస్తుంది.అయితే ప్రస్తుతం అతడు మెడను ఈజీగా అటూ ఇటూ కదపగలుగుతున్నాడు. కానీ గౌహతి వేదికగా జరిగే రెండో టెస్టులో అతడు ఆడుతాడా లేదా అనేది ఇంకా క్లారిటీ లేదు. కాగా ఆస్పత్రి నుంచి డిశ్చార్జ్ అయ్యే ముందు గిల్‌ను మాజీ భారత కెప్టెన్, క్రికెట్ అసోసియేషన్ ఆఫ్ బెంగాల్ (CAB) అధ్యక్షుడు సౌరవ్ గంగూలీ పరామర్శించాడు.గిల్ ఎలా గాయ‌ప‌డ్డాంటే?తొలి టెస్టు రెండో రోజు ఆట సంద‌ర్భంగా సైమ‌న్ హార్మ‌ర్ బౌలింగ్‌లో స్లాగ్ స్వీప్ షాట్ ప్ర‌య‌త్నంలో గిల్ మెడ‌ప‌ట్టేసింది. ఫిజియో వ‌చ్చి చికిత్స అందించిన‌ప్ప‌టికి నొప్పి మాత్రం త‌గ్గ‌లేదు. దీంతో అత‌డు మూడు బంతులు ఆడిన తర్వాత రిటైర్డ్ హర్ట్ అయ్యాడు. అయితే అత‌డి గాయం తీవ్ర‌త‌రం కావ‌డంతో రెండో రోజు ఆట ముగిసిన త‌ర్వాత కోల్‌కతాలోని వుడ్‌ల్యాండ్స్ ఆసుపత్రికి తరలించారు. గిల్‌ను ఐసీయూలో ఉంచి చికిత్స అందించిన‌ట్లు వార్త‌లు వ‌చ్చాయి. 24 గంట‌ల పాటు వైద్యుల‌ ప‌ర్య‌వేక్ష‌ణ‌లో ఉన్నాక అత‌డిని ఆస్ప‌త్రి నుంచి డిశ్చార్జ్ చేశారు. గిల్ రెండు ఇన్నింగ్స్‌ల‌కు దూరం కావ‌డం టీమిండియా కొంప‌ముంచింది. గిల్ లేక‌పోవ‌డంతో భార‌త జ‌ట్టును వైస్ కెప్టెన్ రిష‌బ్ పంత్ ముందుండి న‌డిపించాడు. ఈ మ్యాచ్‌లో 30 ప‌రుగుల తేడాతో భార‌త్ అనుహ్య ఓటమిని చ‌విచూసింది. 124 ప‌రుగుల స్వ‌ల్ప ల‌క్ష్యాన్ని చేధించ‌లేక భార‌త్ చ‌తిక‌ల‌ప‌డింది.చదవండి: PAK vs SL 3rd Odi: శ్రీలంకను చిత్తు చేసిన పాకిస్తాన్‌..

సౌతాఫ్రికాతో స్వదేశంలో టెస్టు సిరీస్‌ను టీమిండియా ఓటమి (IND vs SA)తో ఆరంభించింది. కోల్‌కతా వేదికగా ఈడెన్‌ గార్డెన్స్‌లో సఫారీల చేతిలో 30 పరుగుల తేడాతో పరాజయం పాలైంది. దీంతో రెండు మ్యాచ్‌ల సిరీస్‌లో బవుమా బృందం 1-0తో ఆధిక్యంలోకి వెళ్లగా.. రెండో టెస్టులో తప్పక గెలవాల్సిన పరిస్థితిలో టీమిండియా నిలిచింది.అందుకే ఓడిపోయాంఈ నేపథ్యంలో భారత జట్టు తాత్కాలిక కెప్టెన్‌ రిషభ్‌ పంత్‌ (Risbah Pant) ఓటమిపై స్పందించాడు. ఒత్తిడిలో తాము చిత్తయ్యామని పేర్కొన్నాడు. ఇంకాస్త మెరుగ్గా ఆడి ఉంటే లక్ష్యాన్ని ఛేదించే వాళ్లమని తమ వైఫల్యాన్ని అంగీకరించాడు.వాళ్లిద్దరు అద్భుతంఈ మేరకు.. ‘‘124 పరుగుల టార్గెట్‌ను మేము ఛేదించి ఉండాల్సింది. రెండో ఇన్నింగ్స్‌లో మాపై ఒత్తిడి బాగా పెరిగింది. అయితే, మేము దానిని అధిగమించలేకపోయాము. తెంబా, బాష్‌.. అద్భుతంగా బ్యాటింగ్‌ చేసి.. తమ భాగస్వామ్యంతో మ్యాచ్‌ను తమ వైపునకు తిప్పేసుకున్నారు.ఇలాంటి పిచ్‌పై 120 పరుగులు చేయడం అంత తేలికేమీ కాదు. అయితే, మేము మాత్రం ఈ విషయంలో సఫలం కాలేకపోయాము. మ్యాచ్‌ ఇప్పుడే ముగిసింది. ఫలితాన్ని విశ్లేషించిన తర్వాత తదుపరి నిర్ణయం తీసుకుంటాం. తిరిగి పుంజుకుంటామనే నమ్మకం ఉంది’’ అని పేర్కొన్నాడు.బవుమా ఫిఫ్టీ.. నిలబడిన బాష్‌కాగా భారత్‌- సౌతాఫ్రికా మధ్య శుక్రవారం మొదలైన తొలి టెస్టు మూడురోజుల్లోనే ముగిసిపోయింది. 93/7 ఓవర్‌నైట్‌ స్కోరుతో ఆదివారం నాటి ఆట మొదలుపెట్టిన సఫారీ జట్టుకు కెప్టెన్‌ తెంబా బవుమా, టెయిలెండర్‌ కార్బిన్‌ బాష్‌ అద్భుత బ్యాటింగ్‌తో మెరుగైన స్కోరు అందించారు.తొలి ఇన్నింగ్స్‌(3)లో విఫలమైన బవుమా.. రెండో ఇన్నింగ్స్‌లో మాత్రం విలువైన అజేయ అర్ధ శతకం (136 బంతుల్లో 55) బాదాడు. మరోవైపు.. బాష్‌ 37 బంతుల్లో 25 పరుగులతో ఆకట్టుకున్నాడు. ఈ ఇద్దరు కలిసి 79 బంతుల్లో 44 పరుగుల భాగస్వామ్యం నెలకొల్పారు. ఫలితంగా సౌతాఫ్రికా 153 పరుగులు చేయగలిగింది. ఆది నుంచే తడబాటుఇక తొలి ఇన్నింగ్స్‌లో టీమిండియా 30 పరుగుల స్వల్ప ఆధిక్యం సంపాదించినందున.. విజయ లక్ష్యం 124 పరుగులుగా మారింది. అయితే, లక్ష్యఛేదనలో ఆరంభం నుంచే టీమిండియా బ్యాటర్లు తేలిపోయారు. ఓపెనర్లు కేఎల్‌ రాహుల్‌ (1), యశస్వి జైస్వాల్‌ (0) పూర్తిగా విఫలం కాగా.. ధ్రువ్‌ జురెల్‌ (13), రిషభ్‌ పంత్‌ (2) నిరాశపరిచారు.ఆల్‌రౌండర్లు వాషింగ్టన్‌ సుందర్‌ (31) ఓ మోస్తరుగా రాణించగా.. రవీంద్ర జడేజా (18), అక్షర్‌ పటేల్‌ (17 బంతుల్లో 26) వేగంగా ఆడే ప్రయత్నం చేశారు. ఆఖర్లో కుల్దీప్‌ యాదవ్‌ (1), సిరాజ్‌ (0) చేతులెత్తేయగా.. కెప్టెన్‌ శుబ్‌మన్‌ గిల్‌ అబ్సెంట్‌ హర్ట్‌ కావడంతో టీమిండియా ఆలౌట్‌ అయింది. కాగా మెడనొప్పి వల్ల తొలి ఇన్నింగ్స్‌ మధ్యలోనే నిష్క్రమించిన గిల్‌.. మళ్లీ బ్యాటింగ్‌కు రాలేదు. అతడి స్థానంలో వైస్‌ కెప్టెన్‌ పంత్‌.. తాత్కాలిక సారథిగా వ్యవహరించాడు.చదవండి: పంత్‌ ఫెయిల్‌.. గంభీర్‌ ప్లాన్‌ అట్టర్‌ఫ్లాప్‌.. టీమిండియా ఓటమి

టీమిండియా- సౌతాఫ్రికా (IND vs SA 1st Test) మధ్య కోల్‌కతా వేదికగా తొలి టెస్టు నేపథ్యంలో ఈడెన్‌ గార్డెన్స్‌ పిచ్‌ చర్చనీయాంశమైంది. బౌలర్ల విజృంభణతో బ్యాటర్లు విలవిల్లాడుతున్నారు. పరుగులు రాబట్టేందుకు ఎంత ప్రయత్నించినా సఫలం కాలేకపోతున్నారు.సౌతాఫ్రికా తొలి ఇన్నింగ్స్‌లో ఓపెనర్‌ ఐడెన్‌ మార్క్రమ్‌ 31 పరుగులతో టాప్‌ రన్‌ స్కోరర్‌గా నిలిస్తే.. టీమిండియా మొదటి ఇన్నింగ్స్‌లో ఓ‍పెనర్‌ కేఎల్‌ రాహుల్‌ (KL Rahul- 39) టాప్‌. ఇటు స్పిన్‌.. అటు పూర్తి బౌన్సీగా కాకుండా ఉన్న ఈడెన్‌ గార్డెన్స్‌ పిచ్‌ వల్ల ఇప్పటికి మూడు ఇన్నింగ్స్‌లో కలిపి రెండు జట్లు ఒక్కసారి కూడా కనీసం రెండు వందల మార్కు చేరుకోలేకపోయాయి.మూడో రోజు హాఫ్‌ సెంచరీఅయితే, ఆదివారం నాటి మూడో రోజు ఆటలో భాగంగా సౌతాఫ్రికా కెప్టెన్‌ తెంబా బవుమా (Temba Bavuma) తమ రెండో ఇన్నింగ్స్‌లో 55 పరుగులతో సత్తా చాటడం ప్రేక్షకులకు కనువిందు చేసింది. ఈ మ్యాచ్‌లో మూడో రోజైనా కనీసం హాఫ్‌ సెంచరీ చూసే భాగ్యం దక్కిందని బ్యాటింగ్‌ అభిమానులు సంబరపడుతున్నారు.టెస్టు క్రికెట్‌ను చంపేస్తారా?ఇదిలా ఉంటే.. ఈడెన్‌ గార్డెన్స్‌ పిచ్‌పై మాజీ క్రికెటర్లు మైకేల్‌ వాన్‌, హర్భజన్‌ సింగ్‌ తదితరులు తీవ్ర స్థాయిలో విమర్శలు గుప్పిస్తున్నారు. భజ్జీ అయితే.. ‘‘టెస్టు క్రికెట్‌ను చంపేస్తారా? మూడు రోజుల్లోనే మ్యాచ్‌ ముగిసిపోతుందా?’’ అంటూ క్యూరేటర్‌ తీరును తప్పుబట్టాడు. అస్సలు ఊహించలేదుమరోవైపు.. రెండు రోజుల్లోనే ఏకంగా పదహారు వికెట్లు కూలడంతో టీమిండియా బౌలింగ్‌ కోచ్‌ మోర్నీ మోర్కెల్‌ కూడా క్యూరేటర్‌ పనితీరును విమర్శించాడు. ‘‘తొలిరోజు వికెట్‌ కాసేపు బాగానే ఉంది. కానీ ఆ తర్వాత చెత్తగా మారిపోయింది. ఇది మేము అస్సలు ఊహించలేదు’’ అని ఘాటు వ్యాఖ్యలు చేశాడు.తప్పు మీరు చేసి.. మమ్మల్ని అంటారా?ఈ పరిణామాల నేపథ్యంలో టీమిండియా మాజీ కెప్టెన్‌, బెంగాల్‌ క్రికెట్‌ అసోసియేషన్‌ అధ్యక్షుడు సౌరవ్‌ గంగూలీ భారత జట్టు యాజమాన్యానికి దిమ్మదిరిగేలా కౌంటర్‌ ఇచ్చాడు. ‘‘టీమిండియా కోరుకున్న పిచ్‌ ఇదే. వాళ్లే ఇలా కావాలని అడిగారు.నాలుగు రోజుల పాటు పిచ్‌పై నీళ్లు చల్లకుంటే ఇలాగే ఉంటుంది. ఇందులో క్యూరేటర్‌ సుజన్‌ ముఖర్జీని తప్పుబట్టడానికి ఏమీ లేదు. వాళ్లు కోరిందే ఇది’’ అని దాదా.. పరోక్షంగా హెడ్‌కోచ్‌ గౌతం గంభీర్‌దే తప్పంతా అంటూ ఒకింత ఆగ్రహం వ్యక్తం చేశాడు.టీమిండియా ఓటమిసౌతాఫ్రికాతో తొలి టెస్టులో టీమిండియా ఓటమి పాలైంది. పర్యాటక ప్రొటిస్‌ జట్టు చేతిలో 30 పరుగుల తేడాతో పరాజయం చవిచూసింది. 124 పరుగుల లక్ష్యాన్నిఛేదించే క్రమంలో భారత్‌ 93 పరుగులకే కుప్పకూలింది.చదవండి: ఈడెన్‌ గార్డెన్స్‌లో అత్యధిక లక్ష్య ఛేదన ఎంతో తెలుసా?

టీమిండియాకు భారీ ఎదురుదెబ్బ తగిలింది. కెప్టెన్‌ శుబ్‌మన్‌ గిల్‌ (Shubman Gill) గాయం తీవ్రతరమైనట్లు తెలుస్తోంది. దీంతో అతడు తొలి టెస్టులో మిగిలిన ఆటకు.. రెండో టెస్టుకు దూరమయ్యే పరిస్థితి కనిపిస్తోంది.బిజీబిజీకాగా టెస్టు, వన్డే సారథి గిల్‌ విరామం లేకుండా క్రికెట్‌ ఆడుతున్నాడు. ఆసియా టీ20 కప్‌ టోర్నీ ముగిసిన వెంటనే.. ఆస్ట్రేలియా పర్యటనలో భాగంగా మూడు వన్డేలు, ఐదు టీ20లు ఆడాడు ఈ కుడిచేతి వాటం బ్యాటర్‌. తాజాగా స్వదేశంలో సౌతాఫ్రికాతో టెస్టు సిరీస్‌ (IND vs SA)లో భారత జట్టును ముందుకు నడిపిస్తున్నాడు.కోల్‌కతాలో సఫారీ జట్టుతో శుక్రవారం మొదలైన టెస్టులో రెండో రోజు ఆట ముగిసేసరికి టీమిండియా పటిష్టస్థితిలో నిలిచింది. అయితే, శనివారం నాటి ఆట సందర్భంగా కెప్టెన్‌ గిల్‌ మెడకు గాయమైంది. నాలుగో నంబర్‌ బ్యాటర్‌గా క్రీజులోకి వచ్చిన గిల్‌ మూడు బంతులు ఎదుర్కొని ఒక ఫోర్‌ బాది రిటైర్డ్‌ హర్ట్‌ అయ్యాడు.నొప్పి ఎక్కువగా ఉండటంతోప్రొటిస్‌ స్పిన్నర్‌ సైమన్‌ హార్మర్‌ బౌలింగ్‌లో స్వీప్‌ షాట్‌ ఆడేందుకు ప్రయత్నించిన గిల్‌కు మెడపట్టేసింది. వెంటనే ఫిజియో వచ్చి గిల్‌ను పరిశీలించాడు. నొప్పి ఎక్కువగా ఉండటంతో గిల్‌ను డ్రెసింగ్‌రూమ్‌కు తీసుకువెళ్లారు. ఆ తర్వాత గాయం తీవ్రత దృష్ట్యా అతడిని కోల్‌కతాలోని ఆస్పత్రికి తరలించినట్లు సమాచారం.ఐసీయూలో చికిత్సఈ విషయం గురించి బీసీసీఐ వర్గాలు ఎన్‌డీటీవీతో మాట్లాడుతూ.. గిల్‌ ప్రస్తుతం ఇంటెన్సివ్‌ కేర్‌ యూనిట్‌ (ICU)లో చికిత్స పొందుతున్నట్లు తెలిపాయి. అయితే, ఎలాంటి ప్రమాదం వాటిల్లకుండా ముందుజాగ్రత్త చర్యగానే వైద్యుల సమక్షంలో ఐసీయూలో ఉంచి ట్రీట్‌మెంట్‌ చేయిస్తున్నట్లు వెల్లడించాయి.ముందు జాగ్రత్త చర్యల్లో భాగంగానేగిల్‌ కోసం ప్రత్యేకంగా డాక్టర్స్‌ ప్యానెల్‌ ఏర్పాటైందని.. క్రిటికల్‌ కేర్‌ స్పెషలిస్టు, న్యూరోసర్జన్‌, న్యూరాలజిస్ట్‌, కార్డియాలజిస్ట్‌ అతడిని పరిశీలిస్తున్నారని తెలిపాయి. ప్రస్తుతం గిల్‌ వుడ్‌లాండ్స్‌ ఆస్పత్రిలో ఉన్నాడని.. పెద్దగా సమస్య లేకపోయినా.. ముందు జాగ్రత్త చర్యల్లో భాగంగా ఈ మేరకు కేర్‌ తీసుకుంటున్నట్లు పేర్కొన్నాయి. ఏదేమైనా వైద్య పరీక్షలు పూర్తైన తర్వాతే అతడు మళ్లీ మైదానంలో దిగుతాడా? లేదా? అన్నది తేలుతుందని తెలిపాయి.కాగా తొలి ఇన్నింగ్స్‌లో రిటైర్డ్‌ హర్ట్‌గా వెనుదిరిగిన గిల్‌.. ఆ తర్వాత కూడా మళ్లీ బ్యాటింగ్‌కు రాలేదు. దీంతో అతడిని రిటైర్డ్‌ అవుట్‌గా ప్రకటించారు. ఈ మ్యాచ్‌లో భారత్‌ 189 పరుగులకు ఆలౌట్‌ అయింది. అంతకు ముందు సౌతాఫ్రికాను తొలి ఇన్నింగ్స్‌లో 159 పరుగులకే కుప్పకూల్చింది. దీంతో ముప్పై పరుగుల స్వల్ప ఆధిక్యం సంపాదించింది. ఇక రెండో రోజు ఆట పూర్తయ్యేసరికి సౌతాఫ్రికా రెండో ఇన్నింగ్స్‌లో కేవలం 93 పరుగులు చేసి ఏకంగా ఏడు వికెట్లు కోల్పోయి పీకల్లోతు కష్టాల్లో కూరుకుపోయింది.బీసీసీఐ అప్‌డేట్‌గిల్‌ తొలి టెస్టుకు దూరమయ్యాడని బీసీసీఐ తాజాగా వెల్లడించింది. ప్రస్తుతం అతడు ఆస్పత్రిలో చికి త్స పొందుతున్నాడని తెలిపింది. వైద్యులు నిరంతరం అతడి పరిస్థితిని పర్యవేక్షిస్తున్నారని పేర్కొంది.చదవండి: IPL 2026: కెప్టెన్‌ పేరును ప్రకటించిన సీఎస్‌కే

టీమిండియా స్వదేశంలో సౌతాఫ్రికా (IND vs SA)తో రెండు మ్యాచ్‌ల టెస్టు సిరీస్‌ ఆడుతోంది. ఇందులో భాగంగా ఇరుజట్ల మధ్య శుక్రవారం తొలి టెస్టు మొదలైంది. కోల్‌కతాలోని ఈడెన్‌ గార్డెన్స్‌ మైదానం ఇందుకు వేదిక.రాణించిన భారత బౌలర్లుఈ మ్యాచ్‌లో టాస్‌ గెలిచిన సౌతాఫ్రికా తొలుత బ్యాటింగ్‌ ఎంచుకోగా.. భారత్‌.. సఫారీలను తొలి ఇన్నింగ్స్‌లో 159 పరుగులకే ఆలౌట్‌ చేసి సత్తా చాటింది. టీమిండియా ప్రధాన పేసర్‌ జస్‌ప్రీత్‌ బుమ్రా ఐదు వికెట్లతో చెలరేగగా.. మొహమ్మద్‌ సిరాజ్‌, కుల్దీప్‌ యాదవ్‌ (Kuldeep Yadav) చెరో రెండు.. అక్షర్‌ పటేల్‌ (Axar Patel) ఒక వికెట్‌ దక్కించుకున్నారు.అయితే, బుమ్రా ఆది నుంచే అద్భుత ప్రదర్శనతో ఆకట్టుకోగా.. హైదరాబాదీ పేసర్‌ సిరాజ్‌ మాత్రం ధారాళంగా పరుగులు ఇచ్చుకున్నాడు. తొమ్మిది ఓవర్ల బౌలింగ్‌లో అప్పటికే 43 పరుగులు ఇచ్చేసిన సిరాజ్‌ మియా చేతికి ఆ తర్వాత బంతి రావడానికి చాలా సమయమే పట్టింది.ఒకే ఓవర్లో రెండుఎట్టకేలకు తను వేసిన పదో ఓవర్లో సిరాజ్‌ అద్భుతం చేశాడు. సౌతాఫ్రికా తొలి ఇన్నింగ్స్‌లో 45వ ఓవర్లో బంతితో రంగంలోకి దిగిన ఈ రైటార్మ్‌ పేసర్‌.. తొలి బంతికి కైల్‌ వెరెన్నె(16)ను వికెట్ల ముందు దొరకబుచ్చుకున్నాడు. అదే ఓవర్లో నాలుగో బంతికి మార్కో యాన్సెన్‌(0)ను బౌల్డ్‌ చేసి తన ఖాతాలో రెండో వికెట్‌ జమచేసుకున్నాడు.ప్లీజ్‌.. ఒక్క ఓవర్‌ వేసే అవకాశం ఇవ్వుఈ నేపథ్యంలో శుక్రవారం నాటి తొలి రోజు ఆట తర్వాత సిరాజ్‌ మాట్లాడుతూ ఆసక్తికర వ్యాఖ్యలు చేశాడు. ‘‘ప్లీజ్‌.. ఒక్క ఓవర్‌ వేసే అవకాశం ఇవ్వు అని గిల్‌ను అడిగాను. అదే ఓవర్లో ఏకంగా రెండు వికెట్లు తీశాను’’ అని సిరాజ్‌ తెలిపాడు.అదే విధంగా బుమ్రా గురించి ప్రస్తావిస్తూ.. ‘‘వికెట్‌ తీయడానికి నేను ఇబ్బంది పడుతున్న సమయంలో జస్సీ భాయ్‌ వచ్చి.. స్టంప్స్‌ మీదకు బౌల్‌ చేయమని చెప్పాడు. ఎల్బీడబ్ల్యూ కోసం ట్రై చేయమన్నాడు. బౌల్డ్‌ చేయడం.. క్యాచ్‌లు పట్టడం.. ఇలా వికెట్‌ తీయడానికి చాలా ఆప్షన్లు ఉన్నాయని.. నన్ను కేవలం బౌలింగ్‌ మీద మాత్రమే దృష్టి పెట్టమని చెప్పాడు’’ అని సిరాజ్‌ పేర్కొన్నాడు. తాను నిరాశకు గురైన వేళ బుమ్రా తనలో ఆత్మవిశ్వాసం నింపాడని తెలిపాడు. కాగా.. సౌతాఫ్రికా తొలి ఇన్నింగ్స్‌లో సిరాజ్‌ మొత్తంగా 12 ఓవర్లు బౌల్‌ చేసి 47 పరుగులు ఇచ్చి రెండు వికెట్లు కూల్చాడు.స్వల్ప ఆధిక్యంకాగా తొలిరోజు సౌతాఫ్రికాను 159 పరుగులకు ఆలౌట్‌ చేసిన టీమిండియా.. శుక్రవారం ఆట ముగిసేసరికి వికెట్‌ నష్టానికి 37 పరుగులు చేసింది. ఈ క్రమంలో శనివారం నాటి రెండో ఆటలో భాగంగా 189 పరుగులకు ఆలౌట్‌ అయి.. ముప్పై పరుగుల స్వల్ప ఆధిక్యం సంపాదించింది. భారత బ్యాటర్లలో కేఎల్‌ రాహుల్‌ 39 పరుగులతో టాప్‌ రన్‌ స్కోరర్‌గా నిలిచాడు.చదవండి: IPL 2026: స‌చిన్ త‌న‌యుడికి ముంబై ఇండియన్స్‌ షాక్‌

కోల్‌క‌తా వేదిక‌గా సౌతాఫ్రికాతో జ‌రుగుతున్న తొలి టెస్టులో భార‌త బ్యాట‌ర్లు సైతం తీవ్ర నిరాశ‌ప‌రిచారు. టీమిండియా తొలి ఇన్నింగ్స్‌లో 189 ప‌రుగుల‌కు ఆలౌటైంది. 37/1 ఓవ‌ర్ నైట్ స్కోర్‌తో రెండో రోజు ఆట‌ను ప్రారంభించిన భార‌త్ అద‌నంగా 152 ప‌రుగులు చేసి త‌మ ఇన్నింగ్స్‌ను ముగించింది.తొలి ఇన్నింగ్స్‌లో భారత్‌కు కేవలం 30 పరుగుల స్వల్ప ఆధిక్యం మాత్రమే లభించింది. టీమిండియా బ్యాటర్లలో ఓపెనర్‌ కేఎల్‌ రాహుల్‌(39) టాప్‌ స్కోరర్‌గా నిలవగా.. వాషింగ్టన్‌ సుందర్‌(29), రవీంద్ర జడేజా(27), రిషబ్‌ పంత్‌(27) కాసేపు క్రీజులో నిలబడ్డారు. సౌతాఫ్రికా స్పిన్నర్‌ సైమన్‌ హార్మర్‌ను ఎదుర్కొనేందుకు భారత ‍బ్యాటర్లు ఇబ్బంది పడ్డారు. హార్మర్‌ 4 వికెట్లతో గిల్‌ సేన పతనాన్ని శాసించాడు. అతడితో పాటు పేసర్ మార్కో జానెసన్ మూడు, మహారాజ్‌, బాష్ తలా వికెట్ సాధించారు. తొలి ఇన్నింగ్స్‌లో సౌతాఫ్రికా 159 పరుగులకు ఆలౌటైన సంగతి తెలిసిందే.గిల్ రిటైర్డ్ ఔట్‌..కాగా ఈ మ్యాచ్‌లో భారత్‌కు భారీ షాక్ తగిలింది. కెప్టెన్ శుభ్‌మన్ గిల్ గాయపడ్డాడు. హార్మర్ బౌలింగ్‌లో స్లాగ్ స్వీప్ షాట్ ఆడే క్రమంలో గిల్ మెడ పట్టేసింది. దీంతో ఫిజియో సాయంతో గిల్ మైదానాన్ని వీడాడు.ఆ తర్వాత అతడు తిరిగి బ్యాటింగ్‌కు రాలేదు. దీంతో అత‌డిని రిటైర్డ్ ఔట్‌గా ప‌రిగణించారు. అయితే గిల్ తమ వైద్యుల పర్యవేక్షణలో ఉన్నాడని బీసీసీఐ ఓ ప్రకటనలో పేర్కొంది. రెండో ఇన్నింగ్స్‌లో గిల్ బ్యాటింగ్‌కు వచ్చే అవకాశం ఉంది.చదవండి: IPL 2026: స‌చిన్ త‌న‌యుడికి ముంబై ఇండియన్స్‌ షాక్‌

కోల్‌కతా వేదికగా దక్షిణాఫ్రికాతో జరుగుతున్న తొలి టెస్టులో టీమిండియాకు ఊహించని షాక్ తగిలింది. రెండో రోజు ఆటలో కెప్టెన్ శుభ్‌మన్ గిల్ మెడపట్టేయడం (Neck Sprain)తో రిటైర్డ్ హార్ట్‌గా వెనుదిరిగాడు. భారత ఇన్నింగ్స్ 35 ఓవర్ వేసిన సైమన్ హార్మర్ బౌలింగ్‌లో రెండో బంతిని సుందర్ ఔటయ్యాక గిల్ క్రీజులోకి వచ్చాడు. అదే ఓవర్‌లో ఐదో బంతికి స్లాగ్ స్వీప్ షాట్ ఆడాడు. ఈ షాట్ ఆడే ప్రయత్నంలో గిల్ మెడ పట్టేసిం‍ది. దీంతో గిల్ నొప్పితో విల్లవిల్లాడు. అతడు మెడను పూర్తిగా కదల్చలేని విధంగా కనిపించాడు. వెంటనే ఫిజియో వచ్చి చికిత్స అందించినప్పటికి గిల్ మాత్రం కాస్త ఆసౌకర్యంగానే కన్పించాడు.ఈ క్రమంలో ఫిజియో సాయంతో గిల్ మైదానాన్ని వీడాడు. గిల్‌ బ్యాటింగ్‌కు తిరిగి వస్తాడో లేదో ఇంకా క్లారిటీ లేదు. ఇక తొలి ఇన్నింగ్స్‌లో భారత బ్యాటర్లు తడబడుతున్నారు. రెండో రోజు లంచ్ బ్రేక్ సమయానికి భారత్ తమ తొలి ఇన్నింగ్స్‌లో 4 వికెట్ల నష్టానికి 136 పరుగులు చేసింది. టీమిండియా సఫారీల కంటే ఇంకా 21 పరుగుల వెనకంజలో ఉంది. కాగా అంతకుముందు పర్యాటక జట్టు తమ మొదటి ఇన్నింగ్స్‌లో 159 పరుగులకే కుప్పకూలింది. కాగా గిల్ గాయంపై బీసీసీఐ తాజాగా అప్‌డేట్ ఇచ్చింది. గిల్ మెడ నొప్పితో బాధ‌ప‌డుతున్నాడు. అత‌డు ప్ర‌స్తుతం బీసీసీఐ వైద్య బృందం పర్యవేక్షణలో ఉన్నాడు. గిల్ రికవరీ బట్టి ఈ రోజు ఆటలో పాల్గొనడంపై నిర్ణయం తీసుకోబడుతుంది అని బీసీసీఐ ఎక్స్‌లో రాసుకొచ్చింది.చదవండి: చ‌రిత్ర సృష్టించిన బాబర్ ఆజామ్‌

కోల్‌కతా వేదికగా దక్షిణాఫ్రికాతో జరుగుతున్న తొలి టెస్టులో టీమిండియా బ్యాటర్లు సైతం తడబడుతున్నారు. రెండో రోజు లంచ్ బ్రేక్ సమయానికి భారత్ తమ తొలి ఇన్నింగ్స్‌లో 4 వికెట్ల నష్టానికి 136 పరుగులు చేసింది. క్రీజులో ప్రస్తుతం రవీంద్ర జడేజా(11), ధ్రువ్ జురెల్‌(4) ఉన్నారు.37-1 ఓవర్ నైట్ స్కోర్‌తో రెండో రోజు ఆటను ప్రారంభించిన భారత్.. 14 ఓవర్ల తర్వాత వాషింగ్టన్ సుందర్‌(29) వికెట్ కోల్పోయింది. ఆచితూచి ఆడిన సుందర్ సఫారీ స్పిన్నర్ హార్మర్ బౌలింగ్‌లో పెవిలియన్‌కు చేరాడు. ఆ తర్వాత క్రీజులోకి వచ్చి కెప్టెన్ శుభ్‌మన్ గిల్(4) మెడ పట్టేయడంతో రిటైర్డ్ హార్ట్‌గా వెనుదిరిగాడు. అనంతరం క్రీజులో నిలదొక్కుకున్న కేఎల్ రాహుల్‌(39), రిషబ్ పంత్‌(27) స్వల్ప వ్యవధిలో ఔటయ్యారు. దక్షిణాఫ్రికా బౌలర్లలో ఇప్పటివరకు జానెసన్‌, బాష్‌, హార్మర్‌, మహారాజ్ తలా వికెట్ సాధించారు. కాగా అంతకుముందు సౌతాఫ్రికా తమ తొలి ఇన్నింగ్స్‌లో కేవలం 159 పరుగులకే కుప్పకూలింది. జస్ప్రీత్ బుమ్రా ఐదు వికెట్లతో ప్రోటీస్ పతనాన్ని శాసించాడు. తొలి ఇన్నింగ్స్‌లో భారత్ ఇంకా 21 పరుగుల వెనకంజలో ఉంది.తుది జట్లుదక్షిణాఫ్రికా : ఐడెన్ మార్క్‌రామ్, ర్యాన్ రికెల్టన్, వియాన్ ముల్డర్, టెంబా బావుమా(కెప్టెన్‌), టోనీ డి జోర్జి, ట్రిస్టన్ స్టబ్స్, కైల్ వెర్రెయిన్(వికెట్ కీపర్‌), సైమన్ హార్మర్, మార్కో జాన్సెన్, కార్బిన్ బాష్, కేశవ్ మహారాజ్భారత్: యశస్వి జైస్వాల్, కెఎల్ రాహుల్, వాషింగ్టన్ సుందర్, శుభ్‌మన్ గిల్ (కెప్టెన్‌), రిషబ్ పంత్ (వికెట్ కీపర్‌), రవీంద్ర జడేజా, ధ్రువ్ జురెల్, అక్షర్ పటేల్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్

భారత్‌- సౌతాఫ్రికా మధ్య తొలి టెస్టు (IND vs SA 1st Test) తొలి రోజు ఆట ముందుగానే ముగిసిపోయింది. వెలుతురు లేమి కారణంగా అంపైర్లు ఈ మేరకు నిర్ణయం తీసుకున్నారు. బౌలర్ల విజృంభణ కారణంగా మొదటి రోజు ఆతిథ్య భారత్‌.. ప్రొటిస్‌ జట్టుపై పైచేయి సాధించింది.ఈడెన్‌ గార్డెన్స్‌ వేదికగారెండు టెస్టులు, మూడు వన్డేలు, ఐదు టీ20 మ్యాచ్‌లు ఆడేందుకు సౌతాఫ్రికా భారత పర్యటనకు వచ్చింది. ఇందులో భాగంగా ఇరుజట్ల మధ్య శుక్రవారం టెస్టు సిరీస్‌ మొదలైంది. కోల్‌కతాలోని ఈడెన్‌ గార్డెన్స్‌ వేదికగా తొలి టెస్టులో టాస్‌ గెలిచిన సౌతాఫ్రికా.. భారత్‌ను బౌలింగ్‌కు ఆహ్వానించింది.159 పరుగులకే ఆలౌట్‌ఈ క్రమంలో బ్యాటింగ్‌కు దిగిన బవుమా బృందం టీమిండియా బౌలర్ల విజృంభణ ముందు ఎక్కువ సేపు నిలవలేకపోయింది. తొలి ఇన్నింగ్స్‌లో 55 ఓవర్లు ఆడి 159 పరుగులకే ఆలౌట్‌ అయింది. ఓపెనర్లు ఐడెన్‌ మార్క్రమ్‌ (31), రియాన్‌ రికెల్టన్‌ (23) ఓ మోస్తరుగా రాణించగా.. వీరిద్దరని భారత ప్రధాన పేసర్‌ జస్‌ప్రీత్‌ బుమ్రా (Jasprit Bumrah) వెనక్కి పంపించాడు.వన్‌డౌన్‌ బ్యాటర్‌ వియాన్‌ ముల్దర్‌ 51 బంతులు ఎదుర్కొని 24 పరుగులు చేసి కుల్దీప్‌ యాదవ్‌ బౌలింగ్‌లో అవుటయ్యాడు. ఇక కెప్టెన్‌ తెంబా బవుమా దారుణంగా విఫలమయ్యాడు. కుల్దీప్‌ యాదవ్‌ బౌలింగ్‌లో ధ్రువ్‌ జురెల్‌కు క్యాచ్‌ ఇచ్చి మూడు పరుగుల వ్యక్తిగత స్కోరు వద్ద వెనుదిరిగాడు.ఒకే ఓవర్లోమరోవైపు.. టోనీ డి జోర్జి (55 బంతుల్లో 24) నిలబడే ప్రయత్నం చేయగా బుమ్రా.. అతడిని వికెట్ల ముందు దొరకబుచ్చుకున్నాడు. వికెట్‌ కీపర్‌ కైల్‌ వెరెన్నె(16)తో పాటు.. మార్కో యాన్సెన్‌ (0)ను ఒకే ఓవర్లో మొహమ్మద్‌ సిరాజ్‌ పెవిలియన్‌కు చేర్చాడు. కార్బిన్‌ బాష్‌ (3)ను అక్షర్‌ పటేల్‌ ఎల్బీడబ్ల్యూ చేయగా.. సైమన్‌ హార్మర్‌ (5), కేశవ్‌ మహరాజ్‌ (0)ల వికెట్లు కూల్చి.. బుమ్రా సౌతాఫ్రికా తొలి ఇన్నింగ్స్‌కు చరమగీతం పాడాడు. ట్రిస్టన్‌ స్టబ్స్‌ 74 బంతులు ఎదుర్కొని 15 పరుగులతో ఆఖరి వరకు అజేయంగా నిలిచాడు.భారత బౌలర్లలో పేసర్లు బుమ్రా ఐదు వికెట్లతో చెలరేగగా.. సిరాజ్‌ రెండు వికెట్లు దక్కించుకున్నాడు. స్పిన్నర్లలో కుల్దీప్‌ యాదవ్‌ రెండు, అక్షర్‌ పటేల్‌ ఒక వికెట్‌ దక్కించుకున్నారు. జైసూ విఫలంఅనంతరం బ్యాటింగ్‌కు దిగిన భారత జట్టుకు శుభారంభం లభించలేదు. ఓపెనర్‌ యశస్వి జైస్వాల్‌ తన లభించిన లైఫ్‌లను దుర్వినియోగం చేసుకున్నాడు.మొత్తంగా 27 బంతులు ఎదుర్కొన్న జైసూ.. మూడు ఫోర్ల సాయంతో 12 పరుగులు చేసి.. మార్కో యాన్సెన్‌ బౌలింగ్‌లో బౌల్డ్‌ అయ్యాడు. మరో ఓపెనర్‌ కేఎల్‌ రాహుల్‌ 59 బంతుల్లో 13, వన్‌డౌన్‌ బ్యాటర్‌ వాషింగ్టన్‌ సుందర్‌ 38 బంతుల్లో 6 పరుగులతో క్రీజులో నిలిచారు. ప్రత్యర్థిని తొలిరోజే ఆలౌట్‌ చేసి.. పైచేయిఫలితంగా శుక్రవారం నాటి తొలి రోజు ఆట ముగిసే సరికి భారత్‌.. 20 ఓవర్ల ఆటలో వికెట్‌ నష్టానికి 37 పరుగులు చేసింది. సౌతాఫ్రికా కంటే తొలి ఇన్నింగ్స్‌లో ఇంకా 122 పరుగులు వెనుకబడి ఉంది. అయితే, ఓవరాల్‌గా ప్రత్యర్థిని తొలిరోజే ఆలౌట్‌ చేసి గిల్‌ సేన ఆధిపత్యం కొనసాగించింది. చదవండి: IND vs SA: అతడిని ఎందుకు పక్కన పెట్టారు? గంభీర్‌పై కుంబ్లే ఫైర్‌

భారత టీ20 జట్టులో శుబ్‌మన్‌ గిల్‌ (Shubman Gill) అవసరమా?.. క్రికెట్‌ వర్గాల్లో చాన్నాళ్లుగా ఇదే చర్చ. టెస్టు, వన్డేల్లో సత్తా చాటుతూ ఏకంగా కెప్టెన్‌గా ఎదిగిన ఈ పంజాబీ బ్యాటర్‌.. అంతర్జాతీయ పొట్టి ఫార్మాట్లో స్థాయికి తగ్గట్లు ఆడలేకపోవడం ఇందుకు కారణం.దాదాపు ఏడాది కాలం పాటు భారత టీ20 జట్టుకు దూరంగా ఉన్న గిల్‌ను.. సెలక్టర్లు ఆసియా కప్‌ సందర్భంగా వైస్‌ కెప్టెన్‌గా తిరిగి తీసుకువచ్చారు. దీంతో అప్పటిదాకా ఓపెనింగ్‌ జోడీగా పాతుకుపోయిన అభిషేక్‌ శర్మ (Abhishek Sharma)- సంజూ శాంసన్‌ (Sanju Samson) విడిపోయారు.అంతంత మాత్రమేగిల్‌ ఓపెనర్‌గా రీఎంట్రీ ఇవ్వగా.. సంజూకు బ్యాటింగ్‌ ఆర్డర్లో ప్రత్యేక స్థానం అంటూ లేకుండా పోయింది. ఇక ఇటీవల ఆస్ట్రేలియా పర్యటనలోనూ గిల్‌ మరోసారి టీ20 ఫార్మాట్లో తన బలహీనతను బయటపెట్టుకున్నాడు. ఐదు మ్యాచ్‌ల టీ20 సిరీస్‌లో భాగంగా కేవలం 132 పరుగులే చేశాడు.ఈ నేపథ్యంలో మరోసారి గిల్‌ విమర్శలు పాలయ్యాడు. అతడి కారణంగా సంజూ శాంసన్‌తో పాటు యశస్వి జైస్వాల్‌ కూడా మూల్యం చెల్లించాల్సి వస్తోందని మాజీ క్రికెటర్లు విమర్శిస్తున్నారు. ఈ క్రమంలో భారత దిగ్గజ స్పిన్నర్‌ రవిచంద్రన్‌ అశ్విన్‌ భారత టీ20 ఓపెనింగ్‌ జోడీ గురించి కీలక వ్యాఖ్యలు చేశాడు.అశ్‌ కీ బాత్‌లో మాట్లాడుతూ.. ‘‘టెస్టు ఫార్మాట్‌కు.. టీ20లకు ఎలాంటి పోలికా ఉండదు. ప్రతి ఫార్మాట్‌ దేనికదే ప్రత్యేకం. ఏదేమైనా రెండు ఫార్మాట్లలో జైస్వాల్‌ ఇప్పటికే తనను తాను నిరూపించుకున్నాడు.పవర్‌ ప్లేలో సూపర్‌టెస్టుల్లో పరుగులు చేయడం ద్వారా అతడు టీ20 జట్టులోకి రాలేడు. కానీ ఇప్పటికే పొట్టి క్రికెట్‌లో అతడికి మంచి రికార్డు ఉందన్న విషయం గుర్తుపెట్టుకోవాలి. 160కి పైగా స్ట్రైక్‌రేటుతో పరుగులు రాబట్టాడు. ముఖ్యంగా పవర్‌ ప్లేలో సూపర్‌గా ఆడతాడు.అతడి సగటు కూడా బాగుంది. ప్రస్తుతం అభిషేక్‌ శర్మతో పాటు విధ్వంసకర ఇన్నింగ్స్‌ ఆడగల సత్తా జైస్వాల్‌కే ఉంది. ఒకవేళ టీమిండియా అగ్రెసివ్‌ ఓపెనర్లను కోరుకుంటే వీళ్లిద్దరే సరిజోడి. అలా కాకుండా ఫైర్‌ అండ్‌ ఐస్‌ కాంబినేషన్‌ కావాలనుకుంటే అభిషేక్‌- గిల్‌ జోడీవైపు మొగ్గు చూపవచ్చు’’ అని అశ్విన్‌ పేర్కొన్నాడు.వాళ్లిద్దరే సరి జోడీఅభిషేక్‌ శర్మ దూకుడుగా ఆడితే.. గిల్‌ మాత్రం నెమ్మదిగా ఆడతాడనే ఉద్దేశంలో అశూ ఈ మేరకు వ్యాఖ్యలు చేశాడు. కాగా ఇటీవల మరో మాజీ క్రికెటర్‌ రమేశ్‌ సదగోపన్‌ మాట్లాడుతూ.. అభిషేక్‌ తుఫాన్‌ ఇన్నింగ్స్‌లో గిల్‌.. టేబుల్‌ ఫ్యాన్‌ను తలపిస్తున్నాడంటూ విమర్శించిన విషయం తెలిసిందే. తుఫాన్‌ ఉన్నంత వరకు టేబుల్‌ ఫ్యాన్‌పై దృష్టి పడదంటూ ఘాటు విమర్శలు చేశాడు. కాగా ఆస్ట్రేలియా పర్యటన ముగించుకున్న టీమిండియా.. స్వదేశంలో టెస్టు, వన్డే, టీ20 సిరీస్‌లు ఆడేందుకు సిద్ధమైంది. చదవండి: భారత జట్టులో ఆయుశ్‌ మాత్రే, వైభవ్‌ సూర్యవంశీలకు దక్కని చోటు.. కారణం ఇదే

టీమిండియా హెడ్‌కోచ్‌, భారత మాజీ క్రికెటర్‌ గౌతం గంభీర్‌ (Gautam Gambhir)కు ముక్కుసూటిగా మాట్లాడటం అలవాటు. దీనికి తోడు దూకుడు స్వభావం కారణంగా ఎన్నోసార్లు విమర్శలు మూటగట్టుకున్నాడు గౌతీ. అయినా.. కూడా తగ్గేదేలే అంటూ అలాగే ముందుకు సాగుతున్నాడు. అతడి తాజా వ్యాఖ్యలే ఇందుకు నిదర్శనం.ఇటీవల గౌతీ మార్గదర్శనంలో ఆస్ట్రేలియా పర్యటన (IND vs AUS)లో వన్డే సిరీస్‌ను టీమిండియా 1-2తో కోల్పోయిన విషయం తెలిసిందే. ఈ సిరీస్‌కు ముందు వన్డే కెప్టెన్‌గా దిగ్గజ బ్యాటర్‌ రోహిత్‌ శర్మ (Rohit Sharma)ను తప్పిస్తూ సంచలన నిర్ణయం తీసుకున్న యాజమాన్యం.. టెస్టు సారథి శుబ్‌మన్‌ గిల్‌ (Shubman Gill)కే వన్డే పగ్గాలూ అప్పగించింది.చేదు అనుభవం ఇక వన్డే కెప్టెన్‌గా ఆసీస్‌ రూపంలో తొలి ప్రయత్నంలోనే కఠిన సవాలు ఎదుర్కొన్న గిల్‌.. ఇటు బ్యాటర్‌గా.. అటు కెప్టెన్‌గా చేదు అనుభవం చవిచూశాడు. తొలి రెండు వన్డేల్లో ఓడి భారత్‌ ముందుగానే సిరీస్‌ కోల్పోగా.. ఆఖరిదైన నామమాత్రపు మూడో వన్డేలో మాత్రం గెలిచి క్లీన్‌స్వీప్‌ నుంచి తప్పించుకుంది.‘రో-కో’దే కీలక పాత్రఈ విజయంలో రీఎంట్రీ బ్యాటర్లు రోహిత్‌ శర్మ, విరాట్‌ కోహ్లిదే కీలక పాత్ర. రోహిత్‌ అజేయ శతకం (121)తో దుమ్ములేపగా.. కోహ్లి 74 పరుగులతో నాటౌట్‌గా నిలిచాడు. వీరిద్దరి విజృంభణ కారణంగా ఆసీస్‌ విధించిన 236 పరుగుల లక్ష్యాన్ని టీమిండియా కేవలం ఒక్క వికెట్‌ కోల్పోయి ఛేదించింది.ఈ నేపథ్యంలో ఆస్ట్రేలియాతో వన్డే సిరీస్‌లో ఓటమి పట్ల గౌతం గంభీర్‌ తాజాగా స్పందించాడు. బీసీసీఐ టీవీతో మాట్లాడుతూ.. సిరీస్‌ ఓడిపోవడం ఎంతమాత్రం ఉపేక్షించదగింది కాదని.. తాను అందుకే మూడో వన్డే గెలుపు సెలబ్రేట్‌ చేసుకోలేదంటూ కుండబద్దలు కొట్టాడు.వాటిని పట్టించుకోను‘‘వ్యక్తిగత ప్రదర్శనలను నేనెప్పుడూ పట్టించుకోను. అయితే, వారి ప్రదర్శన పట్ల సంతోషంగా ఉంటాను. ఏదేమైనా అంతిమంగా మనం సిరీస్‌ ఓడిపోయాం.అన్నింటికంటే అదే అతి ముఖ్యమైన విషయం. కోచ్‌గా నేను ఇలాంటి వాటిని ఎప్పుడూ సెలబ్రేట్‌ చేసుకోను. ఓ ఆటగాడిగా.. వ్యక్తిగత ప్రదర్శనలను అభినందిస్తా. కానీ కోచ్‌గా ఇలాంటివి జీర్ణించుకోలేను.కోచ్‌గా అలాంటి పని ఎప్పటికీ చేయనుదేశానికి ప్రాతినిథ్యం వహిస్తున్నపుడు ఆటగాళ్లైనా, కోచ్‌ అయినా ఇలాంటి ఘోర ఓటమి తర్వాత వచ్చిన విజయాన్ని సెలబ్రేట్‌ చేసుకోవడం సరికాదు కూడా!.. ఏదేమైనా మేము ఆస్ట్రేలియాలో టీ20 సిరీస్‌ గెలిచాం. ఇదొక భిన్నమైన ఫార్మాట్‌. అయితే, ఈ సిరీస్‌లో సానుకూల అంశాలతో పాటు నేర్చుకోవాల్సిన గుణపాఠాలు కూడా ఉన్నాయి’’ అని గంభీర్‌ తన మనసులోని భావాలను కుండబద్దలు కొట్టినట్లుగా చెప్పాడు.కాగా ఆసీస్‌తో ఐదు మ్యాచ్‌ల టీ20 సిరీస్‌లో.. మొదటి. ఆఖరి మ్యాచ్‌లు వర్షం వల్ల రద్దు అయ్యాయి. అయితే, రెండో టీ20లో ఓడిన సూర్యకుమార్‌ సేన వరుసగా రెండు మ్యాచ్‌లు గెలిచి సిరీస్‌ కైవసం చేసుకుంది.చదవండి: వన్డే ఆల్‌టైమ్‌ జట్టు.. టీమిండియా నుంచి ముగ్గురు.. రోహిత్‌కు దక్కని చోటు

టీమిండియా యువ ఓపెనర్‌ అభిషేక్‌ శర్మ (Abhishek Sharma) సరికొత్త చరిత్ర సృష్టించాడు. అంతర్జాతీయ టీ20 ఫార్మాట్లో అతి తక్కువ బంతుల్లోనే వెయ్యి పరుగుల మార్కు అందుకున్న ఆటగాడిగా ఈ ఎడమచేతి వాటం బ్యాటర్‌ ప్రపంచ రికార్డు సాధించాడు. ఆస్ట్రేలియాతో ఐదో టీ20 సందర్భంగా శనివారం నాటి మ్యాచ్‌లో అభిషేక్‌ శర్మ ఈ ఫీట్‌ నమోదు చేశాడు.పంజాబ్‌కు చెందిన అభిషేక్‌ శర్మ ఐపీఎల్‌లో సన్‌రైజర్స్‌ హైదరాబాద్‌ తరపున సత్తా చాటి.. గతేడాది టీమిండియాలో అడుగుపెట్టాడు. టీ20 ఫార్మాట్‌ ద్వారా అంతర్జాతీయ క్రికెట్‌లో ఎంట్రీ ఇచ్చాడు.ఆస్ట్రేలియా పర్యటనలో..ప్రస్తుతం ఆస్ట్రేలియా పర్యటన (IND vs AUS)లో ఉన్న అభిషేక్‌ శర్మ.. కంగారూ గడ్డపై సత్తా చాటుతున్నాడు. ఇందులో భాగంగా ఆసీస్‌తో ఆడిన నాలుగు టీ20లలో వరుసగా.. 19, 68, 25, 28 పరుగులు సాధించాడు. ఈ క్రమంలో భారత్‌ తరఫున ఇప్పటి వరకు 28 మ్యాచ్‌లు పూర్తి చేసుకున్న అభిషేక్‌ శర్మ.. 521 బంతుల్లో 989 పరుగులు సాధించాడు. ఇక ఈ సిరీస్‌లో ఇప్పటికే 2-1తో ఆధిక్యంలో ఉన్న టీమిండియా బ్రిస్బేన్‌లో ఆఖరిదైన ఐదో టీ20లో గెలిచి సిరీస్‌ను సొంతం చేసుకోవాలని పట్టుదలగా ఉంది.ఈ నేపథ్యంలో గాబా మైదానంలో టాస్‌ ఓడిన భారత్‌ తొలుత బ్యాటింగ్‌కు దిగింది. ఓపెనర్లు అభిషేక్‌ శర్మ, శుబ్‌మన్‌ గిల్‌ ధనాధన్‌ దంచికొట్టడంతో 4.5 ఓవర్లలోనే వికెట్‌ నష్టపోకుండా 52 పరుగులు సాధించింది. మెరుపులు... వర్షం మొదలుకావడంతో అక్కడికి ఆటను ఆపివేశారు. ఆటగాళ్లను డ్రెసింగ్‌రూమ్‌లోకి పిలిచారు.రెండుసార్లు లైఫ్‌కాగా ఈ మ్యాచ్‌లో ఐదు పరుగుల వ్యక్తిగత స్కోరు వద్ద అభిషేక్‌ శర్మకు లైఫ్‌ లభించింది. అతడు ఇచ్చిన క్యాచ్‌ను గ్లెన్‌ మాక్స్‌వెల్‌ జారవిడిచాడు. అదే విధంగా.. పదమూడు పరుగుల వద్ద ఉన్న వేళ బెన్‌ డ్వార్షుయిస్‌ క్యాచ్‌ డ్రాప్‌ చేయడంతో అభిషేక్‌కు మరో లైఫ్‌ వచ్చింది.ఈ క్రమంలోనే అభిషేక్‌ శర్మ అరుదైన మైలురాయిని చేరుకున్నాడు. పదకొండు పరుగుల వ్యక్తిగత స్కోరు వద్ద అంతర్జాతీయ టీ20లలో ఈ లెఫ్టాండర్‌ వెయ్యి పరుగులు పూర్తి చేసుకున్నాడు. ఇందుకోసం అతడు తీసుకున్న బంతులు కేవలం 528.ప్రపంచ రికార్డుతద్వారా అతి తక్కువ బంతుల్లోనే ఈ మైలురాయి చేరుకున్న క్రికెటర్‌గా అభిషేక్‌ శర్మ చరిత్రకెక్కాడు. అంతేకాదు తక్కువ ఇన్నింగ్స్‌లోనే వెయ్యి పరుగుల మార్కు అందుకున్న రెండో భారత బ్యాటర్‌గానూ నిలిచాడు. కాగా ఆట నిలిచేసరికి అభిషేక్‌ శర్మ 13 బంతుల్లో 23, శుబ్‌మన్‌ గిల్‌ 16 బంతుల్లో 29 పరుగులతో ఉన్నారు.అతి తక్కువ బంతుల్లో అంతర్జాతీయ టీ20లలో వెయ్యి పరుగులు పూర్తి చేసుకున్న ఆటగాళ్లు🏏అభిషేక్‌ శర్మ- 528 బంతుల్లో🏏సూర్యకుమార్‌ యాదవ్‌- 573 బంతుల్లో🏏ఫిల్‌ సాల్ట్‌- 599 బంతుల్లో🏏గ్లెన్‌ మాక్స్‌వెల్‌- 604 బంతుల్లో🏏ఆండ్రీ రసెల్‌, ఫిన్‌ అలెన్‌- 609 బంతుల్లో.తక్కువ ఇన్నింగ్స్‌లో అంతర్జాతీయ టీ20లలో వెయ్యి పరుగులు పూర్తి చేసుకున్న భారత బ్యాటర్లు🏏విరాట్‌ కోహ్లి- 27 ఇన్నింగ్స్‌లో🏏అభిషేక్‌ శర్మ- 28 ఇన్నింగ్స్‌లో🏏కేఎల్‌ రాహుల్‌- 29 ఇన్నింగ్స్‌లో🏏సూర్యకుమార్‌ యాదవ్‌- 31 ఇన్నింగ్స్‌లో🏏రోహిత్‌ శర్మ- 40 ఇన్నింగ్స్‌లో.చదవండి: భారత జట్టుకు ఘోర పరాభవం.. కువైట్‌, యూఏఈ చేతిలో చిత్తు Pace off from the bowler, POWER ON from #AbhishekSharma! 🧨🤩Absolutely smashed over the ropes for a flat six! 💪#AUSvIND 👉 5th T20I | LIVE NOW 👉 https://t.co/KVDenaqq4f pic.twitter.com/aGYxqj5hhP— Star Sports (@StarSportsIndia) November 8, 2025

Australia vs India, 5th T20I Updates: ఐదో టీ20 రద్దు..భారత్- ఆస్ట్రేలియా మధ్య బ్రిస్బేన్‌ వేదికగా జరుగుతున్న ఐదో టీ20 మ్యాచ్​ వర్షం కారణంగా రద్దైంది. మ్యాచ్ నిలిచిపోయే సమయానికి భారత్ 4.5 ఓవర్లలో వికెట్ నష్టపోకుండా 52 పరుగులు చేసింది. తొలుత ఉరుములు, మెరుపులు రావడంతో మ్యాచ్‌ను నిలిపివేశారు. ఆ తర్వాత భారీ వర్షం కూడా తోడవడంతో మ్యాచ్‌ను అంపైర్‌లు రద్దు చేస్తున్నట్లు ప్రకటించారు. దీంతో ఐదు మ్యాచ్‌ల టీ20 సిరీస్‌ను 2-1 తేడాతో భారత్‌ సొంతం చేసుకుంది.ఆగిన ఆట.. భారత్‌ స్కోరెంతంటే?4.5 ఓవర్ల వద్ద వాతావరణ మార్పు కారణంగా భారత్‌ బ్యాటింగ్‌ నిలిచిపోయింది. మెరుపులు, వాన మొదలుకావడంతో ఆట నిలిపివేశారు. ఇక ఆట ఆగే సరికి టీమిండియా స్కోరు: 52-0. అభిషేక్‌ శర్మ 13 బంతుల్లో 23, గిల్‌ 16 బంతుల్లో 29 పరుగులతో ఉన్నారు.గిల్‌ ధనాధన్‌మూడు ఓవర్లు ముగిసే సరికి భారత ఓపెనర్లు అభిషేక్‌ శర్మ ఆరు బంతుల్లో 9, గిల్‌ 12 బంతుల్లో 26 పరుగులతో క్రీజులో ఉన్నారు. మూడో ఓవర్లో గిల్‌ డ్వార్షుయిస్‌ బౌలింగ్‌లో ఏకంగా నాలుగు ఫోర్లు బాదడం విశేషం.తిలక్‌ వర్మకు విశ్రాంతిఇక నిర్ణయాత్మక​ మ్యాచ్‌లో భారత్‌ తమ తుదిజట్టులో కీలక మార్పు చేసింది. బర్త్‌డే బాయ్‌ తిలక్‌ వర్మకు విశ్రాంతినిచ్చి.. రింకూ సింగ్‌ను ప్లేయింగ్‌ ఎలెవన్‌లోకి తీసుకున్నట్లు కెప్టెన్‌ సూర్యకుమార్‌ యాదవ్‌ వెల్లడించాడు. మరోవైపు.. ఆస్ట్రేలియా నాలుగో టీ20లో ఆడిన జట్టునే కొనసాగించింది.కాగా ఐదు మ్యాచ్‌ల టీ20 సిరీస్‌లో భారత్‌ రెండు గెలవగా.. ఆసీస్‌ ఒక మ్యాచ్‌లో విజయం సాధించింది. ఫలితంగా 2-1తో ఆధిక్యంలో ఉన్న టీమిండియా గాబాలో గెలిచి సిరీస్‌ కైవసం చేసుకోవాలని పట్టుదలగా ఉంది.భారత్‌ వర్సెస్‌ ఆస్ట్రేలియా ఐదో టీ20 తుదిజట్లుభారత్‌అభిషేక్‌ శర్మ, శుబ్‌మన్‌ గిల్‌, సూర్యకుమార్‌ యాదవ్‌ (కెప్టెన్‌), రింకూ సింగ్‌, జితేశ్‌ శర్మ (వికెట్‌ కీపర్‌), వాషింగ్టన్‌ సుందర్‌, శివం దూబే, అక్షర్‌ పటేల్‌, అర్ష్‌దీప్‌ సింగ్‌, వరుణ్‌ చక్రవర్తి, జస్‌ప్రీత్‌ బుమ్రా.ఆస్ట్రేలియామిచెల్‌ మార్ష్‌ (కెప్టెన్‌), మాథ్యూ షార్ట్‌, జోష్‌ ఇంగ్లిస్‌ (వికెట్‌ కీపర్‌), టిమ్‌ డేవిడ్‌, జోష్‌ ఫిలిప్‌, మార్కస్‌ స్టొయినిస్‌, గ్లెన్‌ మాక్స్‌వెల్‌, బెన్‌ డ్వార్షుయిస్‌, జేవియర్‌ బార్ట్‌లెట్‌, నాథన్‌ ఎల్లిస్‌, ఆడం జంపా.

ఆస్ట్రేలియాతో ఐదో టీ20 (IND vs AUS 5th T20I)లో గెలిచి సిరీస్‌ కైవసం చేసుకోవాలని టీమిండియా పట్టుదలగా ఉంది. ఇరుజట్ల మధ్య బ్రిస్బేన్‌ వేదికగా శనివారం నాటి నిర్ణయాత్మక మ్యాచ్‌లో సత్తా చాటేందుకు సూర్యకుమార్‌ సేన సిద్ధమైంది. ఈ నేపథ్యంలో కీలక టీ20లో తుదిజట్టు విషయంలో టీమిండియా యాజమాన్యం మార్పులు చేస్తుందా? లేదంటే విన్నింగ్‌ టీమ్‌నే కొనసాగిస్తుందా? అనేది ఆసక్తికరంగా మారింది.2-1తో భారత్‌ ముందంజ భారత్‌- ఆసీస్‌ మధ్య కాన్‌బెర్రాలో జరగాల్సిన తొలి టీ20 వర్షం వల్ల రద్దైన విషయం తెలిసిందే. ఆ తర్వాత మెల్‌బోర్న్‌లో ఆతిథ్య కంగారూ జట్టు చేతిలో ఓడిన సూర్యకుమార్‌ సేన.. హోబర్ట్‌, క్వీన్స్‌లాండ్‌ మ్యాచ్‌లలో వరుసగా విజయాలు సాధించింది. తద్వారా ఆధిక్యాన్ని 2-1కు పెంచుకుంది.ఇక మూడు, నాలుగో టీ20లలో టీమిండియా ఒకే ప్లేయింగ్‌ ఎలెవన్‌తో బరిలోకి దిగింది. సూర్యకుమార్‌ యాదవ్‌ కెప్టెన్సీలోని జట్టులో ఓపెనర్లుగా శుబ్‌మన్‌ గిల్‌ (Shubman Gill), అభిషేక్‌ శర్మను కొనసాగించిన మేనేజ్‌మెంట్‌.. తిలక్‌ వర్మ, శివం దూబే (Shivam Dube), అక్షర్‌ పటేల్‌, వాషింగ్టన్‌ సుందర్‌, అర్ష్‌దీప్‌ సింగ్‌, వరుణ్‌ చక్రవర్తి, జస్‌ప్రీత్‌ బుమ్రాలను ఆడించింది.వారం తిరగకముందేవిమర్శల వర్షం వెల్లువెత్తడంతో ఈ రెండు మ్యాచ్‌ల నుంచి యువ పేసర్‌ హర్షిత్‌ రాణాను తప్పించినప్పటికీ.. వికెట్‌ కీపర్‌ కోటాలో జితేశ్‌కు చోటిచ్చి సంజూపై వేటు వేసింది. ఇదిలా ఉంటే.. ఐదో టీ20 ముగియగానే స్వదేశానికి చేరుకోనున్న టీమిండియా.. తదుపరి సొంతగడ్డపై సౌతాఫ్రికాతో టెస్టు సిరీస్‌ మొదలుపెట్టనుంది. వారం తిరగకముందే మళ్లీ బిజీ కానుంది.బుమ్రాకు విశ్రాంతి?ఈ నేపథ్యంలో వర్క్‌లోడ్‌ మేనేజ్‌మెంట్‌ దృష్ట్యా ప్రధాన పేసర్‌ జస్‌ప్రీత్‌ బుమ్రాకు విశ్రాంతినిచ్చే అవకాశం ఉంది. అదే విధంగా.. టెస్టు జట్టు కెప్టెన్‌ శుబ్‌మన్‌ గిల్‌కు రెస్ట్‌ ఇస్తారనుకున్నా.. ఇంత వరకు అతడు ఈ సిరీస్‌లో తనను తాను నిరూపించుకోలేకపోయాడు. కాబట్టి కీలక మ్యాచ్‌లో ఓపెనర్‌గా సత్తా చాటేందుకు గిల్‌ సిద్ధంగా ఉన్నందున అతడిని పక్కనపెట్టే అవకాశం లేదు.సంజూకు మరోసారి మొండిచేయిఇక మిడిల్‌ ఆర్డర్‌లో టీ20 స్పెషలిస్టులు తిలక్‌ వర్మ, సూర్యకుమార్‌ యాదవ్‌, శివం దూబేలతో పాటు.. ఆల్‌రౌండర్లు అక్షర్‌ పటేల్‌, వాషింగ్టన్‌ సుందర్‌ తమ స్థానాలు నిలబెట్టుకుంటారని చెప్పడంలో సందేహం లేదు. వికెట్‌ కీపర్‌గా ఈసారి కూడా జితేశ్‌ శర్మకే నాయకత్వ బృందం ఓటు వేసే అవకాశం ఉంది.కాబట్టి సంజూకు మరోసారి మొండిచేయి తప్పదు. ఇక ఇప్పటి వరకు ఆసీస్‌తో తాజా సిరీస్‌లో రింకూ సింగ్‌కు ఒక్క మ్యాచ్‌ కూడా ఆడే ఛాన్స్‌ రాలేదు. అదే విధంగా.. గాయం వల్ల సిరీస్‌ ఆరంభం నుంచే జట్టుకు దూరమైన ఆల్‌రౌండర్‌ నితీశ్‌ కుమార్‌ రెడ్డిది కూడా ఇదే పరిస్థితి.హర్షిత్‌ రాణా జట్టులోకి!సిరీస్‌ డిసైడర్‌ కావున రింకూ, ఫిట్‌గా మారిన నితీశ్‌ రెడ్డిలను.. మేనేజ్‌మెంట్‌ ఈ మ్యాచ్‌లో ఆడించే రిస్క్‌ చేయకపోవచ్చు. ఇక లోయర్‌ ఆర్డర్‌లో బుమ్రాకు గనుక విశ్రాంతినిస్తే.. హర్షిత్‌ రాణా జట్టులోకి వచ్చే అవకాశం ఉంటుంది.మరోవైపు.. ఇప్పటికే మూడు, నాలుగో టీ20లలో సత్తా చాటిన అర్ష్‌దీప్‌ సింగ్‌, వరుణ్‌ చక్రవర్తి ప్లేయింగ్‌ ఎలెవన్‌లో కొనసాగడం ఖాయమే!.. అన్నట్లు భారత్‌- ఆసీస్‌ మధ్య ఐదో టీ20కి స్వల్ప వర్ష సూచన ఉంది.ఆస్ట్రేలియాతో ఐదో టీ20కి భారత తుదిజట్టు (అంచనా)శుబ్‌మన్‌ గిల్‌, అభిషేక్‌ శర్మ, సూర్యకుమార్‌ యాదవ్‌ (కెప్టెన్‌), తిలక్‌ వర్మ, శివం దూబే, అక్షర్‌ పటేల్‌, జితేశ్‌ శర్మ, వాషింగ్టన్‌ సుందర్‌, జస్‌ప్రీత్‌ బుమ్రా/హర్షిత్‌ రాణా, అర్ష్‌దీప్‌ సింగ్‌, వరుణ్‌ చక్రవర్తి.చదవండి: ఐసీసీ కీలక నిర్ణయం

ఆసియా కప్‌-2025 సందర్భంగా భారత టీ20 జట్టులోకి శుబ్‌మన్‌ గిల్‌ (Shubman Gill) తిరిగి వచ్చిన నాటి నుంచి సంజూ శాంసన్‌ (Sanju Samson) చిక్కుల్లో పడ్డాడు. గిల్‌ గైర్హాజరీలో దాదాపు ఏడాది పాటు ఓపెనర్‌గా అదరగొట్టిన ఈ కేరళ బ్యాటర్‌కు ఇప్పుడు తుదిజట్టులో చోటే కరువయ్యే పరిస్థితి నెలకొంది.ఏ స్థానంలో బ్యాటింగ్‌కు రావాలో తెలియదుఒకవేళ ప్లేయింగ్‌ ఎలెవన్‌కు ఎంపికైనా.. ఏ స్థానంలో బ్యాటింగ్‌కు రావాలో ఆఖరి నిమిషం వరకు తనకే తెలియని దుస్థితి. ఆస్ట్రేలియా తాజా పర్యటన (IND vs AUS)లో ఐదు మ్యాచ్‌ల సిరీస్‌లో భాగంగా తొలి టీ20 వర్షార్పణం కాగా.. రెండో టీ20లో సంజూను వన్‌డౌన్‌లో ఆడించారు. అయితే, ఈ స్థానంలో సంజూ దారుణంగా విఫలమయ్యాడు. కేవలం రెండు పరుగులే చేసి నాథన్‌ ఎల్లిస్‌ బౌలింగ్‌లో బౌల్డ్‌ అయ్యాడు.ఈ క్రమంలో మూడో టీ20 నుంచి సంజూను తప్పించిన యాజమాన్యం అతడి స్థానంలో మరో వికెట్‌ కీపర్‌ బ్యాటర్‌ జితేశ్‌ శర్మకు చోటు కల్పించింది. ఏడో స్థానంలో వచ్చిన జితేశ్‌ 13 బంతుల్లో 22 పరుగులతో అజేయంగా నిలిచాడు. ఇక నాలుగో టీ20లో మాత్రం కేవలం మూడే పరుగులు చేసి నిష్క్రమించాడు.ఇదిలా ఉంటే.. ఆసీస్‌తో నాలుగో టీ20లో టీమిండియా మేనేజ్‌మెంట్‌ మరో ప్రయోగం చేసింది. ఆల్‌రౌండర్‌ శివం దూబేను మూడో స్థానంలో పంపింది. ఈ పరిణామాల నేపథ్యంలో భారత మాజీ క్రికెటర్‌ మొహమ్మద్‌ కైఫ్‌.. గిల్‌, సంజూ, జితేశ్‌లతో పాటు యశస్వి జైస్వాల్‌ను ఉద్దేశించి కీలక వ్యాఖ్యలు చేశాడు.గిల్‌ కోసం బలి‘‘ఒకవేళ సంజూ శాంసన్‌ తుదిజట్టులో ఉంటే బ్యాటింగ్‌ ఆర్డర్‌లో ఎలాంటి కన్ఫ్యూజన్‌ ఉండదు. అయితే, వైస్‌ కెప్టెన్‌ హోదాలో శుబ్‌మన్‌ గిల్‌ అన్ని మ్యాచ్‌లు ఆడటం ఖాయం. అందుకే సంజూను పక్కనపెట్టారు.సంజూను కాదని ..ఇక ఐదు లేదంటే ఆరో స్థానంలో ఫినిషర్‌గా.. సంజూ కంటే జితేశ్‌ మెరుగు అని భావించి అతడి వైపు మేనేజ్‌మెంట్‌ మొగ్గు చూపుతోంది. గిల్‌ కాబోయే కెప్టెన్‌ కాబట్టి సంజూకు ఇక స్థానం దక్కకపోవచ్చు.ఏదేమైనా సంజూ రికార్డు అద్భుతంగా ఉంది. 150కి పైగా స్ట్రైక్‌రేటుతో అతడు పరుగులు రాబట్టాడు. కానీ ఇప్పుడు ఏ స్థానంలో ఎవరు బెటర్‌ అన్న అంశం ఆధారంగానే జట్టును ఎంపిక చేస్తున్నారు కాబట్టి సంజూకు అవకాశం దక్కడం లేదు.గిల్‌ టీ20లలో మరీ అంత తీసిపారేసే బ్యాటరేమీ కాదు. ఐపీఎల్‌లో గుజరాత్‌ టైటాన్స్‌ ఓపెనర్‌గా మెరుగ్గా ఆడుతున్నాడు. కానీ అంతర్జాతీయ ఫార్మాట్లోనే విఫలమవుతున్నాడు. భారీ ఇన్నింగ్స్‌ ఆడితే తప్ప అతడిపై విమర్శలు ఆగవు. సంజూతో పాటు జైసూ జట్టులోకి!అప్పుడే సంజూ, యశస్వి జైస్వాల్‌ గురించి ఎవరూ మాట్లాడరు. సౌతాఫ్రికాతో స్వదేశంలో టీ20 సిరీస్‌లో గిల్‌కు విశ్రాంతినిచ్చే అవకాశం ఉంది. కాబట్టి ఓపెనింగ్‌ స్థానంలో సంజూ, జైసూ జట్టులోకి రావొచ్చు. వీరిద్దరు గనుక మరోసారి నిరూపించుకుంటే.. వరల్డ్‌కప్‌ రేసులో తప్పక ఉంటారు’’ అని కైఫ్‌ అభిప్రాయపడ్డాడు.కాగా ఆసీస్‌తో నాలుగు టీ20లలో కలిపి గిల్‌ కేవలం 103 పరుగులు రాబట్టాడు. ఈ సిరీస్‌లో భారత్‌ 2-1తో ముందంజలో ఉండగా.. ఇరుజట్ల మధ్య నిర్ణయాత్మక శనివారం నాటి ఐదో టీ20కి గబ్బా వేదిక.చదవండి: ICC: జై షా జోక్యం.. నాకూ వరల్డ్‌కప్‌ మెడల్‌: ప్రతికా రావల్‌

అంత‌ర్జాతీయ టీ20ల్లో టీమిండియా టెస్టు, వ‌న్డే కెప్టెన్ శుభ్‌మ‌న్ గిల్ త‌న మార్క్‌ను చూపించ‌లేక‌పోతున్నాడు. దాదాపు ఏడాది పాటు భార‌త త‌ర‌పున పొట్టి ఫార్మాట్‌కు దూరంగా ఉన్న గిల్‌.. ఈ ఏడాది ఆసియాక‌ప్‌తో తిరిగి రీ ఎంట్రీ ఇచ్చాడు. దీంతో అప్ప‌టివ‌ర‌కు ఓపెన‌ర్‌గా కొన‌సాగుతున్న సంజూ శాంస‌న్‌ను మిడిలార్డ‌ర్‌కు టీమ్‌మెనెజ్‌మెంట్‌ డిమోట్ చేసింది. అయితే త‌న టీ20 పున‌రాగ‌మ‌నంలో గిల్ మాత్రం చెప్పుకోదగ్గ స్థాయిలో రాణించడం లేదు. ఆసియా కప్‌తో పాటు ఆస్ట్రేలియా టీ20 సిరీస్‌లోనూ విఫలమయ్యాడు. గురువారం క్వీన్స్‌లాండ్ వేదిక‌గా ఆసీస్‌తో జ‌రిగిన నాలుగో టీ20లో గిల్ 42 ప‌రుగులతో టాప్ స్కోర‌ర్‌గా నిలిచిన‌ప్ప‌టికి.. అత‌డి జిడ్డు బ్యాటింగ్‌పై విమ‌ర్శ‌ల వ‌ర్షం కురుస్తోంది. ఈ మ్యాచ్‌లో గిల్ 120 కంటే తక్కువ స్ట్రైక్‌ రేట్‌తో బ్యాటింగ్ చేశాడు. అతడు 39 బంతుల్లో 4 ఫోర్లు, 1 సిక్స్‌తో 46 పరుగులు చేశాడు. తొలుత గిల్‌ పవర్‌ప్లేలో అభిషేక్‌ శర్మతో కలిసి కాస్త దూకుడా ఆడాడు. కానీ అభిషేక్‌ ఔటయ్యాక గిల్‌ బ్యాటింగ్‌ జోరు తగ్గింది. తను ఎదుర్కొన్న చివరి 21 బంతుల్లో కేవలం 20 పరుగులు మాత్రమే చేయగలిగాడు. దీంతో గిల్ టీ20లకు సరిపోడని.. అతడికి బదులుగా జైశ్వాల్, సంజూ శాంసన్ ఎంతో బెటర్ అని నెటిజన్లు ఎక్స్‌లో పోస్ట్‌లు పెడుతున్నారు.గిల్ గణాంకాలు ఇవే..2023లో టీ20 అరంగేట్రం చేసిన శుభ్‌మన్ గిల్ ఇప్పటివరకు 32 ఇన్నింగ్స్‌లు ఆడి కేవలం 808 పరుగులు మాత్రమే చేశాడు. అతడి బ్యాటింగ్ సగటు 28.86 ఉండగా, స్ట్రయిక్‌రేట్ 139.32గా ఉంది. అతడి ఇన్నింగ్స్‌లలో ఒక సెంచరీతో పాటు మూడు హాఫ్ సెంచరీలు కూడా చేశాడు. అయితే ఇదే ఫార్మాట్‌లో మరో ఓపెనర్ జైశ్వాల్ 22 ఇన్నింగ్స్‌లలో 36.15 యావరేజ్, 164.31 స్ట్రయిక్‌రేట్‌తో 723 పరుగులు చేశాడు. మరోవైపు సంజూ శాంసన్ సైతం ఓపెనర్‌గా వచ్చి అద్భుతాలు చేశాడు. ఓపెనర్‌గా కేవలం 13 ఇన్నింగ్స్‌లే ఆడినా సెంచరీలు మోత మ్రోగించాడు. 34.75 యావరేజ్‌, 182.89 స్ట్రయిక్‌రేట్‌తో 417 పరుగులు చేశాడు. రుతురాజ్ గైక్వాడ్ కూడా ఓపెనర్‌గా సత్తాచాటాడు. 9 మ్యాచ్‌లలో భారత్ ఓపెనర్‌గా బరిలోకి దిగిన గైక్వాడ్ ఒక సెంచరీ, రెండు హాఫ్ సెంచరీలతో 365 పరుగులు చేశాడు. అందరికంటే రుతురాజ్( 60.83) సగటే ఎక్కువగా ఉంది. టీమిండియా మిగతా ఓపెనర్లతో గిల్ ప్రదర్శన చాలా పేలవంగా ఉంది. ఒకవేళ ఇదే తీరును శుభ్‌మన్ కొనసాగిస్తే టీ20 జట్టు నుంచి పక్కన పెట్టే అవకాశముంది.చదవండి:

ఆస్ట్రేలియాతో జరుగుతున్న టీ20 సిరీస్‌లో భారత్ వరుసగా రెండో విజయాన్ని నమోదు చేసిది. గురువారం క్వీన్స్‌ల్యాండ్ వేదికగా జరిగిన నాలుగో టీ20లో 48 పరుగుల తేడాతో ఆసీస్‌ను టీమిండియా చిత్తు చేసింది. దీంతో ఐదు మ్యాచ్‌ల టీ20 సిరీస్‌లో 2-1 ఆధిక్యంలోకి భారత్ దూసుకెళ్లింది. ఈ మ్యాచ్‌లో తొలుత బ్యాటింగ్ చేసిన మెన్ ఇన్ బ్లూ నిర్ణీత 20 ఓవర్లలో 8 వికెట్ల నష్టానికి 167 పరుగుల స్కోరు చేసింది. అనంతరం లక్ష్య చేధనలో ఆస్ట్రేలియాను 119 పరుగులకే కుప్పకూలింది. ఈ విజయంపై మ్యాచ్ అనంతరం భారత కెప్టెన్ సూర్యకుమార్ స్పందించాడు."సిరీస్‌లో ముందంజ వేసినందుకు చాలా సంతోషంగా ఉంది. మా బ్యాటర్లకు క్రెడిట్ ఇవ్వాలనుకుంటున్నాను. ముఖ్యంగా అభిషేక్ శర్మ, శుభ్‌మన్ గిల్ అద్భుతమైన ప్రదర్శన కనబరిచారు. వారిద్దరూ మాకు పవర్ ప్లేలో మంచి ఆరంభాన్ని ఇచ్చారు. ఈ పిచ్‌పై 200 పైగా పరుగులు సాధించడం చాలా కష్టమని మా ఓపెనర్లు ముందే గ్రహించారు. అందుకే గిల్ ఆచితూచి ఆడాడు. బ్యాటింగ్‌లో దాదాపుగా ప్రతీ ఒక్కరూ తమ వంతు పాత్ర పోషించారు. డ‌గౌట్ నుంచి నుంచి కూడా మాకు ఎప్ప‌టిక‌ప్పుడు సందేశాలు అందుతూ ఉన్నాయి. గౌతీ భాయ్‌(గంభీర్‌), నేను ఒకే అభిప్రాయంతో ఉన్నాము. మిడిల్‌ ఓవర్లలో శివ‌మ్ దూబేను ఎటాక్‌లో తీసుకు రావాల‌ని నిర్ణ‌యించుకున్నాము. అందుకు త‌గ్గ‌ట్టే దూబే మాకు కీల‌క వికెట్ల‌ను అందించాడు. నిజంగా బౌల‌ర్లు కూడా అద్భుతం చేశారు. మంచు ప్ర‌భావం ఉన్న‌ప్ప‌టికి మా బౌల‌ర్లు ఎక్క‌డ కూడా ప‌ట్టుకోల్పోలేదు. పిచ్ కండీష‌న్స్ త‌గ్గ‌ట్టు బౌలింగ్ చేశారు. మా జ‌ట్టులో నాలుగు ఓవ‌ర్లు కూడా బౌలింగ్ చేసే ఆల్‌రౌండ‌ర్లు ఉండ‌డం గొప్ప విష‌యం. అయితే వారిని ప‌రిస్థితుల బ‌ట్టి ఉప‌యోగిస్తాం. కొన్ని రోజులు వాషింగ్టన్ నాలుగు ఓవర్లు వేస్తే.. దూబే రెండు ఓవ‌ర్లు మాత్ర‌మే బౌలింగ్ చేస్తాడు. మ‌రి కొన్ని మ్యాచ్‌ల‌లో దూబే నాలుగు ఓవ‌ర్లు వేస్తే.. వాషింగ్ట‌న్‌కు రెండు ఓవ‌ర్లే వ‌స్తాయి. కానీ జ‌ట్టుకు ఏం అవసరమో అది అందించడానికి ప్రతి ఒక్కరూ సిద్ధంగా ఉన్నారని" పోస్ట్ మ్యాచ్ ప్రెజెంటేష‌న్‌లో సూర్య పేర్కొన్నాడు.చదవండి: IND vs AUS: గంభీర్ పిచ్చి ప్రయోగం.. అట్టర్‌ ప్లాప్‌

టీమిండియా టెస్టు, వ‌న్డే కెప్టెన్ శుబ్‌మన్ గిల్ (shubman gill).. రెండు ఫార్మాట్లలోనూ అంచ‌నాల‌కు మించి రాణిస్తున్నాడు. కానీ పొట్టి ఫార్మాట్ టి20లో స్థాయికి త‌గిన ఆట‌తీరు క‌న‌బ‌ర‌చ‌డం లేదు. 26 ఏళ్ల వ‌య‌సులో ఇండియ‌న్ క్రికెట్‌ ఫేస్‌గా పేరుగాంచిన ఈ కుడిచేతి వాటం బ్యాట‌ర్.. పొట్టి ఫార్మాట్లోనూ పుంజుకోవాల్సి ఉంది. ప్ర‌స్తుతం టీమిండియా జ‌ట్టుకు సూర్య‌కుమార్ యాద‌వ్ కెప్టెన్‌గా ఉన్నాడు. అత‌డి త‌ర్వాత టి20 జ‌ట్టు ప‌గ్గాలు కూడా గిల్‌కే ద‌క్కే అవ‌కాశాలు క‌న్పిస్తున్నాయి. దీని కంటే అంత‌ర్జాతీయ టి20ల్లో త‌న గ‌ణాంకాల‌ను అత‌డు మెరుగుప‌రుచుకోవాల్సి ఉంది.శుబ్‌మన్ గిల్ ఎలాంటి బ్యాట‌రో క్రికెట్ అభిమానుల‌కు తెలుసు. వ‌న్డేలు, టెస్టుల్లో తానేంటో నిరూపించుకున్నాడు. సాంకేతికంగా అత‌డి బ్యాటింగ్ ఎటువంటి వంక పెట్ట‌డానికి లేదు. క్లాసిక‌ల్ షాట్లు ఆడటంలోనూ దిట్ట. క్రీజులోకి వ‌చ్చిన త‌ర్వాత నెమ్మ‌దిగా మొదలుపెట్టి త‌ర్వాత జోరు పెంచ‌డం అత‌డి స్ట‌యిల్.భారీ ఇన్నింగ్స్ బాకీలాంగ్ ఫార్మాట్‌తో పోలిస్తే పొట్టి ఫార్మాట్‌లో బ్యాటింగ్ భిన్నంగా ఉంటుంది. ప‌వ‌ర్ హిట్టింగ్ (Power hitting) చేసే వాళ్లే ఎక్కువ‌గా మ్యాచ్ ఫ‌లితాల‌ను నిర్దేశిస్తూ ఉంటారు. గిల్ కూడా బంతులు ఎక్కువ‌గా వృధా చేయ‌కుండానే ప‌రుగులు చేస్తుంటాడు. అయితే టి20ల్లో అత‌డి ప్ర‌ద‌ర్శ‌న‌ స్థాయికి త‌గిన‌ట్టు లేక‌పోక‌డ‌మే ప్ర‌ధాన స‌మ‌స్య‌. తాజాగా ఆస్ట్రేలియాతో జ‌రుగుతున్న టి20 సిరీస్‌లోనూ గిల్ పెద్ద‌గా రాణించ‌లేదు. ఇప్ప‌టివ‌ర‌కు జ‌రిగిన రెండు మ్యాచ్‌ల్లో కేవ‌లం 5, 15 ప‌రుగులు మాత్ర‌మే చేశాడు. చివ‌రి రెండు మ్యాచ్‌ల్లోనా భారీ ఇన్నింగ్స్ ఆడ‌తాడేమో చూడాలి.గ‌ట్టి పోటీ ఉన్న‌ప్ప‌టికీ..సూర్య‌కుమార్ త‌ర్వాత కెప్టెన్ ప‌ద‌వి అప్ప‌గించాల‌న్న ఉద్దేశంతోనూ టి20 వైస్ కెప్టెన్‌గా గిల్‌ను నియ‌మించింది బీసీసీఐ. దీంతో ఏడాది విరామం త‌ర్వాత టి20 జ‌ట్టులోకి వ‌చ్చాడు. సంజూ శామ్స‌న్‌, య‌శ‌స్వీ జైశాల్ (Yashasvi Jaiswal) నుంచి గ‌ట్టి పోటీ ఉన్న‌ప్ప‌టికీ భ‌విష్య‌త్తు కెప్టెన్ అనే ఉద్దేశంతో గిల్‌పైపు జ‌ట్టు యాజ‌మాన్యం మొగ్గు చూపింది. డాషింగ్ ఓపెన‌ర్ అభిషేక్ శ‌ర్మ‌తో పాటు ప్ర‌స్తుతం జ‌ట్టులో ఉన్న ఆట‌గాళ్లు ప‌వ‌ర్ హిట్టింగ్‌తో దుంచుతున్నారు. దీంతో గిల్ కూడా రిథ‌మ్ అందుకోవాల‌ని అభిమానులు భావిస్తున్నారు.ఐపీఎల్‌లో అద‌ర‌హోధ‌నాధ‌న్ క్రికెట్ సిరీస్‌.. ఇండియ‌న్ ప్రీమియ‌ర్ లీగ్‌(ఐపీఎల్‌)లో గిల్‌కు మంచి రికార్డ్ ఉంది. గ‌త ఐదేళ్ల‌లో ప్ర‌తి సీజ‌న్‌లోనూ 400 ప‌రుగులు త‌గ్గ‌కుండా స్కోరు చేస్తున్నాడు. ఇప్ప‌టివ‌ర‌కు 118 ఐపీఎల్ మ్యాచ్‌లు ఆడిన గిల్.. 39.44 స‌గటుతో 3866 ప‌రుగులు చేశాడు. ఇందులో 4 సెంచ‌రీలు, 26 హాఫ్ సెంచ‌రీలు ఉన్నాయి. త‌క్కువ మ్యాచ్‌లే ఆడిన‌ప్ప‌టికీ ఇంట‌ర్నేష‌న‌ల్ టి20ల్లో అత‌డి బ్యాటింగ్ స‌గ‌టు స్థాయికి త‌గ్గ‌ట్టు లేద‌నేది విశ్లేష‌కుల అభిప్రాయం. ఇప్ప‌టివ‌ర‌కు 31 అంత‌ర్జాతీయ టి20ల్లో 28.22 స‌గ‌టుతో 762 ప‌రుగులు మాత్ర‌మే సాధించాడు. ఇందుల్లో సెంచ‌రీ, 3 హాఫ్ సెంచ‌రీలున్నాయి.స‌త్తా చాటాలిప్ర‌స్తుతం అభిషేక్ శ‌ర్మ‌తో క‌లిసి ఓపెన‌ర్‌గా వ‌స్తున్న గిల్‌.. మున్ముందు మ్యాచ్‌ల్లో అంచ‌నాల‌కు త‌గిన‌ట్టుగా ఆడాల్సి ఉంద‌ని జ‌ట్టు మేనేజ్‌మెంట్ కోరుకుంటోంది. త‌క్కువ స‌మ‌యంలోనే టెస్టులు, వ‌న్డేల్లో త‌న‌దైన ముద్ర వేసిన ఈ యువ కెప్టెన్.. పొట్టి ఫార్మాట్‌లోనూ స‌త్తా చాటాల‌ని టీమిండియా క్రికెట్ ఫ్యాన్స్ ఆశిస్తున్నారు. చ‌ద‌వండి: టీమిండియాకు ఎంపిక కావాలంటే ఇంకా ఏం చేయాలి?

టీమిండియా దిగ్గజ ఆల్‌రౌండర్లలో యువరాజ్‌ సింగ్‌ (Yuvraj Singh) ఒకడు. భారత్‌ టీ20 ప్రపంచకప్‌-2007, వన్డే వరల్డ్‌కప్‌-2011 గెలవడంలో ఈ ఎడమచేతి వాటం ఆటగాడు కీలక పాత్ర పోషించాడు. క్యాన్సర్‌తో పోరాడి తిరిగి మైదానంలో అడుగుపెట్టి పరుగులు రాబట్టిన ఘనుడు.ఇక అన్ని ఫార్మాట్ల నుంచి చాలా ఏళ్ల క్రితమే వైదొలిగిన యువీ.. ఆ తర్వాత మెంటార్‌గా కొత్త అవతారం ఎత్తాడు. పంజాబీ స్టార్లు.. టీమిండియా వన్డే, టెస్టు కెప్టెన్‌ శుబ్‌మన్‌ గిల్‌ (Shubman Gill), అభిషేక్‌ శర్మ (Abhishek Sharma)లకు చాన్నాళ్లుగా యువీ మార్గనిర్దేశకుడిగా ఉన్నాడు. ముఖ్యంగా అతడి గైడెన్స్‌లోనే అభిషేక్‌ టీ20 విధ్వంసకరవీరుడిగా రాటుదేలాడు.అస్సలు పోలికలు లేవుఈ నేపథ్యంలో యువరాజ్‌ సింగ్‌ తాజాగా PTIతో మాట్లాడుతూ ఆసక్తికర వ్యాఖ్యలు చేశాడు. కోచింగ్‌ విషయంలో తన తండ్రి యోగ్‌రాజ్‌ సింగ్‌తో తనకు అస్సలు పోలికలు లేవన్నాడు. మనకు నచ్చినది ఎదుటివాళ్లపై రుద్దడం కోచింగ్‌ కాదని.. ఆటగాళ్ల మైండ్‌సెట్‌ను బట్టి తీర్చిదిద్దడమే అసలైన కోచింగ్‌ అంటూ పరోక్షంగా తండ్రికి కౌంటర్‌ ఇచ్చాడు.యోగ్‌రాజ్‌ సింగ్‌ లాంటివాడిని కానే కాదుఈ మేరకు.. ‘‘నేను కచ్చితంగా యోగ్‌రాజ్‌ సింగ్‌ లాంటివాడిని కానే కాదు. వ్యక్తిగా, వ్యక్తిత్వం పరంగా ఆయనతో నాకు పోలిక లేదు. మేమిద్దరం భిన్న ధృవాలము. నా కోచింగ్‌ శైలి కూడా వేరుగా ఉంటుంది.ఒక ఆటగాడికి కోచ్‌గా ఉన్నపుడు.. అతడి స్థానంలో ఉండి ఆలోచించాలి. అతడికి ఆలోచనా విధానం, శక్తి సామర్థ్యాలకు అనుగుణంగా వ్యవహరించాలి. వారి గురించి పూర్తిగా తెలుసుకుని మార్గనిర్దేశనం చేయాలి.అభిషేక్‌ శర్మకు చాలా ఏళ్లుగా మెంటార్‌గా ఉన్నాను. తద్వారా ఓ వ్యక్తికి ఎలా మార్గదర్శనం చేయాలో నేను పరిపూర్ణంగా నేర్చుకున్నా. ప్రతిభావంతులను ఎలా గుర్తించాలో తెలుసుకున్నా. కఠిన శ్రమకు ఓరుస్తూ.. ఒక్కో మెట్టు ఎక్కి మేము అనుకున్న ఫలితాలు రాబడుతున్నాం.అభిషేక్‌ శర్మ అదే చేస్తున్నాడుసహజమైన శైలిలో ఆడితేనే ఏ ఆటగాడైనా తన అత్యుత్తమ ప్రదర్శన ఇవ్వగలడు. 2011 వరల్డ్‌కప్‌ విన్నింగ్‌ జట్టు కెప్టెన్‌ గ్యారీ కిర్‌స్టెన్‌ నాకు ఈ మాట చెప్పాడు. ఇదే నేను ఫాలో అయ్యాను. నా శిష్యులకు కూడా ఇదే చెబుతున్నా. కోచ్‌, కెప్టెన్‌ స్వేచ్ఛను ఇస్తే ఆటగాడు అద్భుతాలు చేయగలడు. ఇప్పుడు అభిషేక్‌ శర్మ అదే చేస్తున్నాడు’’ అని యువరాజ్‌ సింగ్‌ చెప్పుకొచ్చాడు.కాగా అభిషేక్‌ శర్మ ఐపీఎల్‌లో సత్తా చాటి టీమిండియాలో అడుగుపెట్టాడు. అనతికాలంలోనే ఐసీసీ నంబర్‌వన్‌ టీ20 బ్యాటర్‌గా ఎదిగాడు. ఇదిలా ఉంటే.. యువీని చిన్ననాటి నుంచే క్రికెటర్‌గా తీర్చిదిద్దే క్రమంలో యోగ్‌రాజ్‌ సింగ్‌ చాలా కఠినంగా వ్యవహరించాడు.ఈ విషయాన్ని అతడే స్వయంగా వెల్లడించాడు కూడా!.. ఒకానొక సందర్భంగా తన శిక్షణలో యువీ చచ్చిపోతాడంటూ అతడి తన తల్లి గొడవపెట్టినా పట్టించుకోలేదని తెలిపాడు. ఈ నేపథ్యంలో యువీ తన తండ్రి గురించి పైవిధంగా స్పందించడం గమనార్హం.చదవండి: BCCI: భారత జట్టు కెప్టెన్‌గా తిలక్‌ వర్మ.. రోహిత్‌- కోహ్లి లేరు

సౌతాఫ్రికాతో స్వదేశంలో టెస్టు సిరీస్‌కు భారత క్రికెట్‌ నియంత్రణ మండలి (BCCI) తమ జట్టును ప్రకటించింది. శుబ్‌మన్‌ గిల్‌ (Shubman Gill) సారథ్యంలోని ఈ టీమ్‌కు పదిహేను మంది సభ్యులను సెలక్టర్లు ఎంపిక చేశారు.ఇక ఇంగ్లండ్‌ పర్యటనలో గాయపడిన వైస్‌ కెప్టెన్‌ రిషభ్‌ పంత్‌ (Rishabh Pant).. ప్రొటిస్‌ జట్టుతో సిరీస్‌ ద్వారా టీమిండియా తరఫున పునరాగమనం చేయనున్నాడు. ఇప్పటికే పంత్‌.. సౌతాఫ్రికా- ‘ఎ’ జట్టుతో అనధికారిక టెస్టు సిరీస్‌లో భారత్‌- ‘ఎ’ (IND A vs SA) కెప్టెన్‌గా వ్యవహరిస్తున్న విషయం తెలిసిందే.పడిక్కల్‌పై సెలక్టర్ల నమ్మకంబెంగళూరు వేదికగా జరిగిన తొలి అనధికారిక టెస్టులో పంత్‌ 90 పరుగులతో రాణించి.. భారత్‌ను గెలిపించాడు. ఇదిలా ఉంటే.. సౌతాఫ్రికాతో టెస్టు సిరీస్‌లో భాగంగా ఓపెనర్లు యశస్వి జైస్వాల్‌, కేఎల్‌ రాహుల్‌ తమ స్థానాలు నిలబెట్టుకోగా.. సాయి సుదర్శన్‌తో పాటు దేవదత్‌ పడిక్కల్‌కు సెలక్టర్లు చోటు ఇచ్చారు.ఆస్ట్రేలియా పర్యటనతో పాటు.. ఇటీవల సౌతాఫ్రికా- ‘ఎ’ జట్టుతో తొలి టెస్టులో విఫలమైనా పడిక్కల్‌పై సెలక్టర్లు నమ్మకం ఉంచడం విశేషం. మరోవైపు.. పంత్‌ వికెట్‌ కీపర్‌గా రీఎంట్రీ ఇవ్వగా.. ధ్రువ్‌ జురెల్‌ స్పెషలిస్టు బ్యాటర్‌గా తుదిజట్టులో చోటు దక్కించుకోవడం ఖాయంగానే కనిపిస్తోంది.షమీకి మరోసారి మొండిచేయిఇక స్పిన్నర్ల కోటాలో చైనామన్‌ బౌలర్‌ కుల్దీప్‌ యాదవ్‌తో పాటు.. ఆల్‌రౌండర్లు రవీంద్ర జడేజా, వాషింగ్టన్‌ సుందర్‌ స్థానం సంపాదించగా.. పేసర్ల కోటాలో జస్‌ప్రీత్‌ బుమ్రాతో పాటు మొహమ్మద్‌ సిరాజ్‌, ఆకాశ్‌ దీప్‌, ఆల్‌రౌండర్‌ నితీశ్‌ కుమార్‌ రెడ్డిని సెలక్టర్లు ఎంపిక చేశారు.ఈ క్రమంలో వెటరన్‌ పేసర్‌ మొహమ్మద్‌ షమీకి మరోసారి మొండిచేయే ఎదురైంది. రంజీ ట్రోఫీ తాజా సీజన్‌లో ఇటీవల బెంగాల్‌ తరఫున షమీ సత్తా చాటినా సెలక్టర్లు అతడిని కనికరించలేదు. మరో బెంగాల్‌ పేసర్‌ ఆకాశ్‌కు చోటిచ్చి షమీని మాత్రం పక్కనపెట్టారు. కాగా ప్రపంచ టెస్టు చాంపియన్‌షిప్‌ 2025-27 సీజన్‌లో భాగంగా టీమిండియా.. సౌతాఫ్రికాతో సొంతగడ్డపై రెండు టెస్టులు ఆడనుంది. నవంబరు 14- నవంబరు 26 వరకు ఈ మ్యాచ్‌లు జరుగుతాయి. తొలి టెస్టుకు కోల్‌కతాలోని ఈడెన్‌ గార్డెన్స్‌ వేదిక కాగా.. రెండో టెస్టుకు గువాహటిలోని బర్సపరా క్రికెట్‌ స్టేడియం ఆతిథ్యం ఇస్తుంది.సౌతాఫ్రికాతో టెస్టు సిరీస్‌కు బీసీసీఐ ప్రకటించిన జట్టుశుబ్‌మన్‌ గిల్‌ (కెప్టెన్‌), రిషభ్‌ పంత్‌ (వికెట్‌ కీపర్‌/వైస్‌ కెప్టెన్‌), యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, దేవ్‌దత్‌ పడిక్కల్‌, ధ్రువ్‌ జురెల్‌, రవీంద్ర జడేజా, వాషింగ్టన్‌ సుందర్‌, జస్‌ప్రీత్‌ బుమ్రా, నితీశ్‌ కుమార్‌ రెడ్డి, మొహమ్మద్‌ సిరాజ్‌, కుల్దీప్‌ యాదవ్‌, ఆకాశ్‌ దీప్‌.చదవండి: భారత జట్టు ప్రకటన.. కెప్టెన్‌గా డీకే.. పన్నెండు జట్ల వివరాలు ఇవే

టీమిండియా దిగ్గజ కెప్టెన్‌ రోహిత్‌ శర్మ (Rohit Sharma)పై భారత మాజీ క్రికెటర్‌ మొహమ్మద్‌ కైఫ్‌ (Mohammad Kaif) ప్రశంసలు కురిపించాడు. ప్రపంచ నంబర్‌ వన్‌ కావాలనే ఆశ హిట్‌మ్యాన్‌కు లేదని.. ఎల్లప్పుడూ జట్టు కోసమే తాపత్రయపడేవాడని తెలిపాడు. రోహిత్‌ అద్భుత కెప్టెన్సీ కారణంగానే భారత జట్టు వన్డే, టీ20లలో అగ్రస్థానానికి చేరుకుందని కొనియాడాడు.కాగా ఆస్ట్రేలియా పర్యటనకు ముందు భారత క్రికెట్‌ నియంత్రణ మండలి (BCCI) రోహిత్‌ శర్మను వన్డే కెప్టెన్సీ నుంచి తప్పించిన విషయం తెలిసిందే. యువ ఆటగాడు శుబ్‌మన్‌ గిల్‌ (Shubman Gill)కు సారథ్య బాధ్యతలు అప్పగించగా.. హిట్‌మ్యాన్‌ కేవలం బ్యాటర్‌గా జట్టులో కొనసాగుతున్నాడు. తొలిసారి అగ్రస్థానంఇక ఆసీస్‌ టూర్‌లో మూడు వన్డేల సిరీస్‌లో 38 ఏళ్ల రోహిత్‌ 202 పరుగులు చేసి ‘ప్లేయర్‌ ఆఫ్‌ ది సిరీస్‌’గా నిలిచాడు. ఈ క్రమంలో అంతర్జాతీయ క్రికెట్‌ మండలి (ఐసీసీ) వన్డే బ్యాటింగ్‌ ర్యాంకింగ్స్‌లో తొలిసారి అగ్రస్థానం దక్కించుకున్నాడు. రెండు స్థానాలు మెరుగుపరచుకుని.. 781 పాయింట్లతో నంబర్‌ వన్‌ వన్డే బ్యాటర్‌గగా నిలిచాడు. అతిపెద్ద వయస్కుడిగాతద్వారా సచిన్‌ టెండూల్కర్, మహేంద్ర సింగ్‌ ధోని, విరాట్‌ కోహ్లి, శుబ్‌మన్‌ గిల్‌ తర్వాత ఐసీసీ వన్డే ర్యాంకింగ్స్‌లో టాప్‌ ర్యాంక్‌లో నిలిచిన ఐదో భారతీయ క్రికెటర్‌గా హిట్‌మ్యాన్‌ గుర్తింపు దక్కించుకున్నాడు. అంతేకాదు.. ఐసీసీ నంబర్‌వన్‌ ర్యాంక్‌ దక్కించుకున్న అతిపెద్ద వయస్కుడిగానూ రోహిత్‌ చరిత్ర సృష్టించాడు.వరల్డ్‌ నంబర్‌ వన్‌ కావాలని కోరుకోలేదుఈ నేపథ్యంలో మొహమ్మద్‌ కైఫ్‌ రోహిత్‌ శర్మ జట్టుకు నిస్వార్థ సేవ చేశాడంటూ అతడి అంకితభావాన్ని ప్రశంసించాడు. ‘‘ఐసీసీ వన్డే నంబర్‌ వన్‌ ర్యాంకు నడుచుకుంటూ రోహిత్‌ దగ్గరకు వచ్చింది. తాను ప్రపంచంలోనే నంబర్‌ వన్‌ బ్యాటర్‌ కావాలని రోహిత్‌ ఎప్పుడూ అనుకోలేదు.అలాంటి కోరిక ఒకటి మనసులో ఉందని ఎన్నడూ చెప్పనూ లేదు. తన ధ్యాస ఎల్లప్పుడూ జట్టు గురించే. టీమిండియా గెలవాలి.. టాప్‌లో ఉండాలి.. ఇదే తన ఆశయం. అతడు గొప్ప కెప్టెన్‌.టీమిండియాను నంబర్‌ వన్‌గా నిలిపాడుకీలక సమయాల్లో బ్యాట్‌తో రాణించడం తనకు అలవాటు. ఇక జట్టు విజయానికి కారణం ఎవరైనా వారిని తప్పక ప్రశంసిస్తాడు రోహిత్‌. టీమిండియా వన్డే ర్యాంకింగ్స్‌లో నాలుగో స్థానంలో ఉన్నపుడు రోహిత్‌ కెప్టెన్సీ చేపట్టాడు.జట్టును నంబర్‌ వన్‌గా నిలిపిన తర్వాత అతడు తప్పుకోవాల్సి వచ్చింది. ఇక టీ20లలో రెండో ర్యాంకులో ఉన్నపుడు పగ్గాలు చేపట్టిన రోహిత్‌.. ఈ ఫార్మాట్లోనూ టీమిండియాను అగ్రస్థానంలో నిలిపి.. వరల్డ్‌కప్‌ (2024) అందించి కెప్టెన్సీ నుంచి వైదొలిగాడు’’ అని కైఫ్‌ ప్రశంసల వర్షం కురిపించాడు.అజేయ సెంచరీతో చెలరేగిన రోహిత్‌ ఇక ఇప్పటికే టీ20, టెస్టు ఫార్మాట్‌లకు వీడ్కోలు పలికిన రోహిత్‌ శర్మ... చాంపియన్స్‌ ట్రోఫీ తర్వాత సుదీర్ఘ విరామం అనంతరం ఆసీస్‌తో వన్డే సిరీస్‌ ఆడిన విషయం తెలిసిందే. కంగారూలతో చివరి మ్యాచ్‌లో అజేయ సెంచరీతో చెలరేగిన రోహిత్‌ భారత్‌ తరఫున అత్యధిక పరుగులు, అత్యధిక సెంచరీలు చేసిన ఓపెనర్‌గానూ రికార్డుల్లోకెక్కాడు.కాగా 2019 వన్డే ప్రపంచకప్‌లో రికార్డు స్థాయిలో 5 శతకాలతో చెలరేగిన రోహిత్‌ శర్మ కెరీర్‌ అత్యుత్తమంగా 882 రేటింగ్‌ పాయింట్లు సాధించినా... రెండో ర్యాంక్‌లోనే నిలిచాడు. తాజాగా ఆస్ట్రేలియా పర్యటన సందర్భంగా అతడికి తొలిసారి ‘టాప్‌’ ప్లేస్‌ దక్కింది.చదవండి: ఓడిపోతే.. ఎలా ఉంటుందో తెలుసు.. గెలిచినా.. ఓడినా ఏడ్చేస్తా: భారత కెప్టెన్‌

Australia vs India, 2nd T20I Melbourne Updates And Highlights: మెల్‌బోర్న్ వేదికగా ఆస్ట్రేలియాతో జరిగిన రెండో టీ20లో 4 వికెట్ల తేడాతో భారత్ ఓటమి పాలైంది. 126 పరుగుల స్వల్ప లక్ష్యాన్ని 13.2 ఓవర్లలో 6 వికెట్లు కోల్పోయి ఆసీస్ చేధించింది. ఆసీస్ బ్యాటర్లలో కెప్టెన్ మిచెల్ మార్ష్‌( 26 బంతుల్లో 2 ఫోర్లు, 4 సిక్స్‌లతో 46) టాప్ స్కోరర్‌గా నిలవగా.. ట్రావిస్‌ హెడ్‌(15 బంతుల్లో3 ఫోర్లు, 1 సిక్స్‌తో 28) మెరుపు ఇన్నింగ్స్ ఆడాడు. భారత బౌలర్లలో వరుణ్‌ చక్రవర్తి, బుమ్రా, కుల్దీప్‌ యాదవ్‌ తలా రెండు వికెట్లు సాధించారు.అంతకుముందు బ్యాటింగ్‌ చేసిన భారత్‌ 125 పరుగులకే కుప్పకూలింది. ఓపెనర్‌ అభిషేక్‌ శర్మ (37 బంతుల్లో 68) టాప్‌ స్కోరర్‌గా నిలవగా .. పేసర్‌ హర్షిత్‌ రాణా (33 బంతుల్లో 35) రాణించాడు. ఆసీస్‌ బౌలర్లలో జోష్‌ హాజిల్‌వుడ్‌ మూడు వికెట్లతో చెలరేగగా.. జేవియర్‌ బార్ట్‌లెట్‌, నాథన్‌ ఎల్లిస్‌ తలా రెండు వికెట్లు పడగొట్టారు.బుమ్ బుమ్‌ బుమ్రా..ఆస్ట్రేలియా ఆఖ‌రిలో రెండు వికెట్లు కోల్పోయింది. త‌మ విజ‌యానికి రెండు ప‌రుగులు కావాల్సిన స‌మ‌యంలో బుమ్రా వ‌రుస బంతుల్లో ఓవెన్‌, షార్ట్‌ను పెవిలియ‌న్‌కు పంపాడు. మూడో వికెట్‌ కోల్పోయిన ఆసీస్‌8.4: వరుణ్‌ చక్రవర్తి బౌలింగ్‌లో రిటర్న్‌ క్యాచ్‌ ఇచ్చి మూడో వికెట్‌గా వెనుదిరిగిన టిమ్‌ డేవిడ్‌ (2 బంతుల్లో 1). ఆసీస్‌ స్కోరు: 90-3(8.4). ఇంగ్లిస్‌ 5 పరుగులతో ఉన్నాడు. విజయానికి 68 బంతుల్లో 36 పరుగుల దూరంలో ఆసీస్‌. ఏడు వికెట్ల దూరంలో టీమిండియా.రెండో వికెట్‌ కోల్పోయిన ఆసీస్‌కుల్దీప్‌ యాదవ్‌ బౌలింగ్‌లో అభిషేక్‌ శర్మకు క్యాచ్‌ ఇచ్చి మార్ష్‌ (26 బంతుల్లో 46) అవుట్‌. ఆసీస్‌ స్కోరు: 87-2(8). విజయానికి 72 బంతుల్లో 39 పరుగులు అవసరం. ఇంగ్లిస్‌ 3 పరుగులతో ఉన్నాడు. టిమ్‌ డేవిడ్‌ క్రీజులోకి వచ్చాడు.తొలి వికెట్‌ కోల్పోయిన ఆసీస్‌4.3: వరుణ్‌ చక్రవర్తి బౌలింగ్‌లో తిలక్‌ వర్మకు క్యాచ్‌ ఇచ్చి హెడ్‌ (15 బంతుల్లో 28) అవుట్‌. దీంతో ఆసీస్‌ తొలి వికెట్‌ కోల్పోగా.. మార్ష్‌ 13 పరుగులతో క్రీజులో ఉన్నాడు. ఆసీస్‌ స్కోరు: 51-1(4.3). విజయానికి 93 బంతుల్లో 75 పరుగులు అవసరం.నాలుగు ఓవర్లలో ఆసీస్‌ స్కోరు: 49-0(4)ట్రావిస్‌ హెడ్‌ 27, మార్ష్‌ 12 పరుగులతో క్రీజులోకి ఉన్నారు.పదో వికెట్‌గా బుమ్రాఆస్ట్రేలియాతో రెండో టీ20లో భారత బ్యాటర్లు తీవ్రంగా నిరాశపరిచారు. ఆసీస్‌ బౌలర్ల ధాటికి తాళలేక పెవిలియన్‌కు క్యూ కట్టారు. ఓపెనర్‌ అభిషేక్‌ శర్మ (37 బంతుల్లో 68) రాణించగా.. పేసర్‌ హర్షిత్‌ రాణా (33 బంతుల్లో 35) అతడికి సహకారం అందించాడు. దీంతో భారత జట్టు కాస్త పరువు నిలుపుకోగలిగింది. 18.4 ఓవర్లలో 125 పరుగులకు ఆలౌట్‌ అయింది.ఆసీస్‌ బౌలర్లలో జోష్‌ హాజిల్‌వుడ్‌ మూడు వికెట్లతో చెలరేగగా.. జేవియర్‌ బార్ట్‌లెట్‌, నాథన్‌ ఎల్లిస్‌ రెండేసి వికెట్లు పడగొట్టారు. మార్కస్‌ స్టొయినిస్‌కు ఒక వికెట్‌ దక్కింది. భారత బ్యాటర్లలో గిల్‌ (5), సంజూ శాంసన్‌ (1), సూర్యకుమార్‌ యాదవ్‌ (1), తిలక్‌ వర్మ (0), అక్షర్‌ పటేల్‌ (7), శివం దూబే (4), కుల్దీప్‌ యాదవ్‌ (0) సింగిల్‌ డిజిట్‌కే పరిమితం కాగా.. బుమ్రా రనౌట్‌ కావడంతో భారత్‌ పదో వికెట్‌ కోల్పోయింది.తొమ్మిదో వికెట్‌ డౌన్‌18.3: హాఫ్‌ సెంచరీ వీరుడు అభిషేక్‌ శర్మ (68)రూపంలో టీమిండియా తొమ్మిదో వికెట్‌ కోల్పోయింది. నాథన్‌ ఎల్లిస్‌ బౌలింగ్‌లో అభిషేక్‌ LBW అయ్యాడు. బుమ్రా క్రీజులోకి వచ్చాడు. భారత్‌ స్కోరు: 125-9(18.3) ఫోర్‌, సిక్సర్‌తో చెలరేగిన అభిషేక్‌18 ఓవర్లు ముగిసే సరికి టీమిండియా ఎనిమిది వికెట్ల నష్టానికి 125 పరుగులు చేసింది. 18వ ఓవర్లో అభిషేక్‌ ఫోర్‌, సిక్సర్‌ బాదాడు. అభిషేక్‌ 34 బంతుల్లో 68 పరుగులు పూర్తి చేసుకున్నాడు.ఎనిమిదో వికెట్‌ డౌన్‌కుల్దీప్‌ యాదవ్‌ (0) ఎనిమిదో వికెట్‌గా వెనుదిరిగాడు. స్టొయినిస్‌ బౌలింగ్‌లో అబాట్‌ (సబ్‌స్టిట్యూట్‌)కు క్యాచ్‌ ఇచ్చి పెవిలియన్‌ చేరాడు. టీమిండియా స్కోరు: 110-8(17). అభిషేక్‌ శర్మ 53 పరుగులతో ఉండగా.. వరుణ్‌ చక్రవర్తి క్రీజులోకి వచ్చాడు.శివం దూబే అవుట్‌బార్ట్‌లెట్‌ బౌలింగ్‌లో శివం దూబే (4)ఇచ్చిన క్యాచ్‌ను జోష్‌ ఇంగ్లిస్‌ అద్భుత రీతిలో ఒడిసిపట్టాడు. దీంతో భారత్‌ ఏడో వికెట్‌ కోల్పోయింది. భారత్‌ స్కోరు: 109-7(15.4). కుల్దీప్‌ యాదవ్‌ క్రీజులోకి వచ్చాడు.ఆరో వికెట్‌ కోల్పోయిన భారత్‌15.2:బార్ట్‌లెట్‌ బౌలింగ్‌లో టిమ్‌ డేవిడ్‌కు క్యాచ్‌ ఇచ్చి ఆరో వికెట్‌గా హర్షిత్‌ రాణా వెనుదిరిగాడు. రాణా 33 బంతుల్లో మూడు ఫోర్లు, ఒక సిక్సర్‌ సాయంతో 35 పరుగులు రాబట్టాడు. శివం దూబే క్రీజులోకి వచ్చాడు.15 ఓవర్లలో టీమిండియా స్కోరు: 105-5హర్షిత్‌ రాణా 31 బంతుల్లో 35, అభిషేక్‌ 27 బంతుల్లో 52 పరుగులతో క్రీజులో ఉ‍న్నారు.అభిషేక్ శ‌ర్మ హాఫ్ సెంచ‌రీ..టీమిండియా స్టార్ ఓపెన‌ర్ అభిషేక్ శ‌ర్మ త‌న హాఫ్ సెంచ‌రీని పూర్తి చేసుకున్నాడు. వ‌రుస క్ర‌మంలో వికెట్లుకోల్పోయినప్ప‌టికి అభిషేక్ అద్భుత‌మైన ఇన్నింగ్స్ ఆడుతున్నాడు. 13 ఓవ‌ర్లు ముగిసే స‌రికి భార‌త్ 5 వికెట్ల న‌ష్టానికి 92 ప‌రుగులు చేసింది.టీమిండియా ఐదో వికెట్‌ డౌన్‌..అక్ష‌ర్ ప‌టేల్ రూపంలో టీమిండియా ఐదో వికెట్ కోల్పోయింది. 7 ప‌రుగులు చేసిన అక్ష‌ర్ పటేల్.. రనౌట్ రూపంలో వెనుదిరిగాడు. క్రీజులోకి హ‌ర్షిత్ రాణా వ‌చ్చాడు. 9 ఓవర్లు ముగిసే సరికి భారత్‌ 5 వికెట్ల నష్టానికి 56 పరుగులు చేసింది. క్రీజులో అభిషేక్‌ శర్మ(37),రాణా(4) ఉన్నారు.పవర్‌ ప్లేలో టీమిండియా స్కోరు: 40-4.అక్షర్‌ 3, అభిషేక్‌ శర్మ 29 పరుగులతో క్రీజులో ఉన్నారు.నాలుగో వికెట్‌ డౌన్‌4.5: తిలక్‌ వర్మ డకౌట్‌ అయ్యాడు. హాజిల్‌వుడ్‌ బౌలింగ్లో రెండు బంతులు ఎదుర్కొని పరుగుల ఖాతా తెరవకుండానే పెవిలియన్‌ చేరాడు. వికెట్‌ కీపర్‌ జోష్‌ ఇంగ్లిస్‌కు క్యాచ్‌ ఇచ్చి తిలక్‌ వెనుదిరగగా.. అతడి స్థానంలో అక్షర్‌ పటేల్‌ వచ్చాడు. టీమిండియా స్కోరు: 32-4(4.5). అభిషేక్‌ 24 పరుగులతో క్రీజులో ఉన్నాడు.మూడో వికెట్‌ డౌన్‌4.3: కెప్టెన్‌ సూర్యకుమార్‌ యాదవ్‌ రూపంలో టీమిండియా మూడో వికెట్‌ కోల్పోయింది. హాజిల్‌వుడ్‌ బౌలింగ్‌లో జోష్‌ ఇంగ్లిస్‌కు క్యాచ్‌ ఇచ్చి సూర్య వెనుదిరిగాడు. అంతకు ముందే క్యాచ్‌ డ్రాప్‌ రూపంలో తనకు వచ్చిన లైఫ్‌ను సూర్య సద్వినియోగం చేసుకోలేక ఒక్క పరుగే చేసి నిష్క్రమించాడు. సూర్య స్థానంలో తిలక్‌ వర్మ క్రీజులోకి రాగా.. అభిషేక్‌ 24 పరుగులతో ఉన్నాడు. టీమిండియా స్కోరు: 32-3(4.4)రెండో వికెట్‌ కోల్పోయిన టీమిండియా3.3: నాథన్‌ ఎల్లిస్‌ బౌలింగ్‌ లెగ్‌ బిఫోర్‌ వికెట్‌గా వెనుదిరిగిన సంజూ శాంసన్‌(2). ఓపెనర్‌గా, మిడిలార్డర్‌లో ఆడించిన సంజూను వన్‌డౌన్‌లో పంపిస్తూ మేనేజ్‌మెంట్‌ చేసిన ప్రయోగం బెడిసికొట్టింది. భారత్‌ స్కోరు: 23-2(3.3). అభిషేక్‌ 16 పరుగులతో ఉన్నాడు. సూర్యకుమార్‌ యాదవ్‌ క్రీజులోకి వచ్చాడు.Nathan Ellis got off to a rapid start, dismissing Sanju Samson for just two. #AUSvIND pic.twitter.com/lY4FAlbzDI— cricket.com.au (@cricketcomau) October 31, 2025 తొలి వికెట్‌ కోల్పోయిన భారత్‌2.4: హాజిల్‌వుడ్‌ బౌలింగ్‌లో మార్ష్‌కు క్యాచ్‌ ఇచ్చి గిల్‌ తొలి వికెట్‌గా వెనుదిరిగాడు. పది బంతులు ఎదుర్కొని ఐదు పరుగులు చేసి నిష్క్రమించాడు. సంజూ శాంసన్‌ వన్‌డౌన్‌ బ్యాటర్‌గా క్రీజులోకి వచ్చాడు. భారత్‌ స్కోరు: 22-1(2.5). అభిషేక్‌ 15, సంజూ రెండు పరుగులతో ఉన్నారు.రెండు ఓవర్లలో టీమిండియా స్కోరు: 18-0అభిషేక్‌ శర్మ నాలుగు బంతుల్లో 14, శుబ్‌మన్‌ గిల్‌ 8 బంతుల్లో 4 పరుగులతో క్రీజులో ఉన్నారు. తొలి ఓవర్‌ను హాజిల్‌వుడ్‌ కట్టుదిట్టంగా వేయడంతో టీమిండియాకు ఒక్క పరుగే వచ్చింది. తొలి బంతికే గిల్‌ను అంపైర్‌ ఎల్బీడబ్ల్యూగా ప్రకటించగా.. రివ్యూలో అనుకూల ఫలితం వచ్చింది. దీంతో టీమిండియా రివ్యూ నిలుపుకోగలిగింది.టాస్‌ గెలిచిన ఆసీస్‌టీమిండియాతో రెండో టీ20లో ఆస్ట్రేలియా (IND vs AUS) టాస్‌ గెలిచింది. మెల్‌బోర్న్‌ వేదికగా తొలుత బౌలింగ్‌ చేసేందుకు మొగ్గుచూపిన ఆసీస్‌ కెప్టెన్‌ మిచెల్‌ మార్ష్‌ (Mitchell Marsh).. భారత్‌ను బ్యాటింగ్‌కు ఆహ్వానించాడు. కాగా మార్ష్‌ అంతర్జాతీయ టీ20 ఫార్మాట్లో టాస్‌ గెలవడం ఇది పందొమ్మిదోసారి. ప్రతిసారీ అతడు లక్ష్య ఛేదననే ఎంచుకోవడం విశేషం.ఒక మార్పుతో బరిలోకిటాస్‌ సందర్భంగా మార్ష్‌ మాట్లాడుతూ.. ‘‘మేము ముందుగా బౌలింగ్‌ చేయాలనే నిర్ణయించుకున్నాం. వికెట్‌ బాగుంది. 40 ఓవర్లపాటు పిచ్‌ ఇలాగే ఉంటుందని అనుకుంటున్నాం. మా తుదిజట్టులో ఒక మార్పు చేశాము. జోష్‌ ఫిలిప్‌ స్థానంలో మాథ్యూ షార్ట్‌ వచ్చాడు’’ అని తెలిపాడు.అదే జట్టుతో భారత్‌ఇక టీమిండియా కెప్టెన్‌ సూర్యకుమార్‌ యాదవ్‌ తమ తుదిజట్టులో ఎలాంటి మార్పులు లేవని చెప్పాడు. తొలి టీ20కి ఎంచుకున్న జట్టుతోనే తాము మెల్‌బోర్న్‌లో బరిలోకి దిగుతున్నట్లు తెలిపాడు.కాగా మూడు వన్డేలు, ఐదు టీ20లు ఆడేందుకు టీమిండియా ఆస్ట్రేలియా పర్యటనకు వెళ్లింది. వన్డే సిరీస్‌లో 2-1తో ఆసీస్‌ గెలుపొందగా.. టీ20 సిరీస్‌లోనైనా సత్తా చాటాలని భారత్‌ పట్టుదలగా ఉంది.ఈ క్రమంలో ఇరుజట్ల మధ్య బుధవారం కాన్‌బెర్రాలో జరగాల్సిన మ్యాచ్‌ వర్షం కారణంగా అర్ధంతరంగా ముగిసిపోయింది. టాస్‌ ఓడి తొలుత బ్యాటింగ్‌కు దిగిన భారత్‌.. 9.4 ఓవర్లలో వికెట్‌ నష్టానికి 97 పరుగులు చేసింది. అయితే, వర్షం తెరిపినివ్వకపోవడంతో మ్యాచ్‌ను రద్దు చేస్తున్నట్లు అంపైర్లు ప్రకటించారు.భారత్‌ వర్సెస్‌ ఆస్ట్రేలియా రెండో టీ20 తుదిజట్లుభారత్‌అభిషేక్ శర్మ, శుబ్‌మన్ గిల్, సూర్యకుమార్ యాదవ్(కెప్టెన్‌), తిలక్ వర్మ, సంజు శాంసన్(వికెట్‌ కీపర్‌), శివమ్ దూబే, అక్షర్ పటేల్, హర్షిత్ రాణా, కుల్దీప్ యాదవ్, వరుణ్ చక్రవర్తి, జస్ప్రీత్ బుమ్రా.ఆస్ట్రేలియామిచెల్ మార్ష్(కెప్టెన్‌), ట్రావిస్ హెడ్, జోష్ ఇంగ్లిస్(వికెట్‌ కీపర్‌), టిమ్ డేవిడ్, మాథ్యూ షార్ట్, మిచెల్ ఓవెన్, మార్కస్ స్టోయినిస్, జేవియర్ బార్ట్‌లెట్, నాథన్ ఎల్లిస్, మాథ్యూ కుహ్నెమాన్, జోష్ హాజిల్‌వుడ్.

టీ20 ప్రపంచకప్‌-2024 తర్వాత టీమిండియా ఓపెనర్‌గా వచ్చి అదరగొట్టాడు సంజూ శాంసన్‌ (Sanju Samson). పదమూడు ఇన్నింగ్స్‌లో ఓపెనర్‌గా వచ్చి 183కు పైగా స్ట్రైక్‌రేటుతో పరుగులు రాబట్టాడు. ఇందులో ఏకంగా మూడు శతకాలు కూడా ఉండటం గమనార్హం.గిల్‌ రాకతో గందరగోళంఅయితే, ఆసియా టీ20 కప్‌-2025 సందర్భంగా శుబ్‌మన్‌ గిల్‌ (Shubman Gill) వైస్‌ కెప్టెన్‌గా రీ ఎంట్రీ ఇవ్వడంతో సంజూకు కష్టాలు మొదలయ్యాయి. భవిష్య కెప్టెన్‌ గిల్‌ ఓపెనర్‌గా వచ్చేందుకు సంజూపై వేటు వేసింది యాజమాన్యం. ఇక ఆ టోర్నీలో సంజూకంటూ బ్యాటింగ్‌ ఆర్డర్‌లో ప్రత్యేక స్థానం లేకుండా పోయింది.ఆసియా కప్‌ టోర్నీలో మూడుసార్లు ఐదో స్థానంలో.. ఓసారి ఆరో స్థానంలో సంజూను బ్యాటింగ్‌కు పంపారు. ఇక బంగ్లాదేశ్‌తో మ్యాచ్‌లోనైతే ఎనిమిదో స్థానం వరకు అతడికి పిలుపేరాలేదు. వికెట్‌ కీపర్‌గా మాత్రమే టోర్నీ ఆసాంతం అతడి సేవలు వాడుకున్నారు.తాజాగా ఆస్ట్రేలియా పర్యటనలోనూ తొలి టీ20లో శుబ్‌మన్‌ గిల్‌- అభిషేక్‌ శర్మ (Abhishek Sharma)తో కలిసి భారత ఇన్నింగ్స్‌ ఆరంభించాడు. ఈ నేపథ్యంలో టీమిండియా మాజీ కెప్టెన్‌, మాజీ చీఫ్‌ సెలక్టర్‌ క్రిష్ణమాచారి శ్రీకాంత్‌ సంజూ శాంసన్‌ను ఉద్దేశించి కీలక వ్యాఖ్యలు చేశాడు.దురదృష్టవంతుడైన ఆటగాడుయూట్యూబ్‌ చానెల్‌ వేదికగా మాట్లాడుతూ.. ‘‘జట్టులో ప్రస్తుతం అత్యంత దురదృష్టవంతుడైన ఆటగాడు సంజూ శాంసన్‌. ఓపెనర్‌గా సెంచరీ చేసిన ఘనత అతడిది. కానీ ఇప్పుడు 3-8 వరకు ఏ స్థానంలోనైనా మేనేజ్‌మెంట్‌ అతడిని పంపేందుకు వెనుకాడటం లేదు.కుదిరితే పదకొండో స్థానంలో కూడా ఆడిస్తారుఒకవేళ అవకాశం గనుక ఉంటే.. పదకొండో స్థానంలో కూడా సంజూను బ్యాటింగ్‌ చేయమంటారు. ఇలా చేయడం వల్ల ఆటగాడి మనసు గాయపడుతుంది. టాపార్డర్‌లో రాణించినా డిమోట్‌ చేయడం ఎంతమాత్రం సరికాదు. అయినా.. ఇప్పుడు అతడికి ఇంతకంటే గొప్ప ఆప్షన్‌ మరొకటి లేదు.వికెట్‌ కీపర్‌గానైనా అవకాశంమౌనంగా అన్నీ భరిస్తూనే యాజమాన్యం చెప్పినట్లు నడుచుకోవాల్సి ఉంటుంది. అయితే, ఆసియాకప్‌ టోర్నీలో ఐదో స్థానంలో వచ్చి అతడు మెరుగ్గా రాణించాడు. టీ20 ప్రపంచకప్‌ టోర్నీలో అతడు మొదటి ప్రాధాన్య వికెట్‌ కీపర్‌గా ఉంటే అంతకంటే మంచి విషయం మరొకటి ఉండదు. ఐదో నంబర్‌లో సంజూ మరింత మెరుగ్గా రాణిస్తే జట్టులో అతడి స్థానానికి ఢోకా ఉండదు. కాగా ఆసియా కప్‌లో సంజూ ఏడు మ్యాచ్‌లలో కలిపి 125 కంటే తక్కువ స్ట్రైక్‌రేటు నమోదు చేశాడు. అయితే, పాకిస్తాన్‌తో ఫైనల్లో 21 బంతుల్లో 24 పరుగులు చేసి సత్తా చాటాడు. ఇదిలా ఉంటే ఆసీస్‌- భారత్‌ మధ్య తొలి టీ20 వర్షం కారణంగా రద్దై పోయింది.చదవండి: IND vs AUS: అతడి కోసం అర్ష్‌దీప్‌ను బలిచేస్తారా?.. గంభీర్‌పై ఫైర్‌

భారత్‌ తరఫున అంతర్జాతీయ టీ20 ఫార్మాట్లో అత్యధిక వికెట్లు తీసిన బౌలర్‌గా కొనసాగుతున్నాడు అర్ష్‌దీప్‌ సింగ్‌ (Arshdeep Singh). ఈ లెఫ్టార్మ్‌ సీమర్‌ ఇప్పటి వరకు ఆడిన 65 మ్యాచ్‌లలో కలిపి 101 వికెట్లు తీశాడు. అంతేకాదు టీమిండియా తరఫున పొట్టి క్రికెట్‌లో అత్యంత వేగంగా వంద వికెట్ల క్లబ్‌లో చేరిన బౌలర్‌గానూ నిలిచాడు.ఇంతటి ప్రతిభ గల అర్ష్‌దీప్‌ సింగ్‌ను ఆస్ట్రేలియాతో తొలి టీ20 (IND vs AUS T20)లో పక్కనపెట్టారు. ఆసీస్‌ టూర్‌లో తొలి రెండు వన్డేల్లో ఈ పేసర్‌ను ఆడించిన యాజమాన్యం.. మూడో వన్డే నుంచి తప్పించింది. చైనామన్‌ స్పిన్నర్‌ కుల్దీప్‌ యాదవ్‌ రాకతో.. అర్ష్‌దీప్‌పై వేటు వేసి హర్షిత్‌ రాణా (Harshit Rana)కు పెద్దపీట వేసింది. అందుకు తగ్గట్లుగానే నాలుగు వికెట్లు తీసి హర్షిత్‌ టీమిండియా విజయంలో తన వంతు పాత్ర పోషించాడు.హర్షిత్‌ కోసం అతడిని పక్కనపెట్టారు!అయితే, టీ20 ఫార్మాట్లో అర్ష్‌దీప్‌ సింగ్‌కు మంచి రికార్డు ఉన్నా.. మరోసారి హర్షిత్‌ కోసం అతడిని పక్కనపెట్టడం పట్ల విమర్శలు వెల్లువెత్తాయి. టీమిండియా హెడ్‌కోచ్‌ గౌతం గంభీర్‌ తన ప్రియ శిష్యుడు హర్షిత్‌ కోసం అర్ష్‌ను బలిచేస్తున్నాడనే అభిప్రాయాలు వ్యక్తమయ్యాయి.ఈ నేపథ్యంలో టీమిండియా మాజీ ఆల్‌రౌండర్‌ ఇర్ఫాన్‌ పఠాన్‌ స్పందిస్తూ.. ‘‘అర్ష్‌దీప్‌ సింగ్‌’’ అంటూ ఒక్క మాటతో మేనేజ్‌మెంట్‌ తీరును విమర్శించాడు. మరోవైపు.. దేశీ స్టార్‌ ప్రియాంక్‌ పాంచల్‌ కాస్త తీవ్ర స్థాయిలోనే మేనేజ్‌మెంట్‌ తీరును తప్పుబట్టాడు.ఎంత వరకు సమంజసం?‘‘టీ20 ప్రపంచకప్‌ టోర్నీకి ఇంకా నాలుగు నెలల సమయం కూడా లేదు. అలాంటిది విదేశీ పర్యటనలో తమ అత్యధిక వికెట్ల వీరుడిని పక్కనపెట్టడం ఎంత వరకు సమంజసం? అర్ష్‌దీప్‌ సింగ్‌ పట్ల ఇంకాస్త మంచిగా వ్యవహరించండి. అతడు అందుకు అర్హుడు’’ అని ప్రియాంక్‌ పాంచల్‌ విమర్శించాడు.అతడి కోసం అర్ష్‌దీప్‌ను బలిచేస్తారా?ఇక శ్రీవత్స్‌ గోస్వామి కూడా అర్ష్‌దీప్‌ సింగ్‌ను కాదని హర్షిత్‌ రాణాను తుదిజట్టులోకి తీసుకోవడాన్ని విమర్శించాడు. ఇందుకు గల కారణమేమిటో తనకైతే అంతుపట్టడం లేదన్నాడు. అలాగే రింకూ సింగ్‌ను కూడా జట్టు నుంచి అకారణంగా తప్పించడం ఏమిటోనంటూ ఆశ్చర్యం వ్యక్తం చేశాడు.కాగా టీమిండియా- ఆస్ట్రేలియా మధ్య తొలి టీ20 వర్షార్పణమైంది. చాన్నాళ్లుగా ఫామ్‌లో లేక ఇబ్బంది పడుతున్న టీమిండియా సారథి సూర్యకుమార్‌ యాదవ్‌ చక్కటి షాట్‌లతో అలరించినా... భారీ వర్షం కారణంగా మ్యాచ్‌ సజావుగా సాగలేదు. వర్షార్పణంఐదు మ్యాచ్‌ల సిరీస్‌లో భాగంగా బుధవారం తొలి పోరులో టాస్‌ ఓడి మొదట బ్యాటింగ్‌కు దిగిన భారత్‌... 9.4 ఓవర్లలో ఒక వికెట్‌ నష్టానికి 97 పరుగుల వద్ద నిలిచింది. కెప్టెన్‌ సూర్యకుమార్‌ యాదవ్‌ (24 బంతుల్లో 39 నాటౌట్‌; 3 ఫోర్లు, 2 సిక్స్‌లు), వైస్‌ కెప్టెన్‌ శుబ్‌మన్‌ గిల్‌ (20 బంతుల్లో 37 నాటౌట్‌; 4 ఫోర్లు, 1 సిక్స్‌) ఆకట్టుకున్నారు. ఆసియా కప్‌లో అదరగొట్టిన ఓపెనర్‌ అభిషేక్‌ శర్మ (14 బంతుల్లో 19; 4 ఫోర్లు) ఎక్కువసేపు నిలవలేకపోయాడు. నాథన్‌ ఎల్లిస్‌ బౌలింగ్‌లో టిమ్‌ డేవిడ్‌కు క్యాచ్‌ ఇచ్చి తొలి వికెట్‌గా వెనుదిరిగాడు. ఇక 9.4 ఓవర్ల వద్ద ఆటకు అంతరాయం కలిగించిన వర్షం తెరిపినివ్వకపోవడంతో మ్యాచ్‌ను రద్దు చేస్తున్నట్లు అంపైర్లు ప్రకటించారు.ఆసీస్‌తో తొలి టీ20కి భారత తుదిజట్టు అభిషేక్ శర్మ, శుబ్‌మన్ గిల్, సూర్యకుమార్ యాదవ్ (కెప్టెన్‌), తిలక్ వర్మ, సంజు శాంసన్ (వికెట్‌ కీపర్‌), శివమ్ దూబే, అక్షర్ పటేల్, హర్షిత్ రాణా, కుల్దీప్ యాదవ్, వరుణ్ చక్రవర్తి, జస్‌ప్రీత్ బుమ్రా.చదవండి: పెను విషాదం.. ఆస్ట్రేలియా యువ క్రికెటర్‌ మృతి

టీమిండియా టీ20 కెప్టెన్‌ సూర్యకుమార్‌ యాదవ్‌ (Suryakumar Yadav) సరికొత్త చరిత్ర సృష్టించాడు. టెస్టు హోదా ఉన్న జట్ల తరఫున అత్యంత వేగంగా 150 సిక్సర్లు బాదిన తొలి క్రికెటర్‌గా ప్రపంచ రికార్డు సాధించాడు. ముంబైకి చెందిన 35 ఏళ్ల సూర్యకుమార్‌ ఆలస్యంగానే టీమిండియాలో ఎంట్రీ ఇచ్చాడు.ఇంగ్లండ్‌తో స్వదేశంలో టీ20 సిరీస్‌ సందర్భంగా భారత్‌ తరఫున 2021లో అంతర్జాతీయ క్రికెట్లో అడుగుపెట్టిన సూర్యకుమార్‌ యాదవ్‌.. ఆ తర్వాత వన్డే, టెస్టుల్లోనూ అరంగేట్రం చేశాడు. అయితే, ఈ రెండు ఫార్మాట్లలోనూ సత్తా చాటలేక చతికిల పడ్డ సూర్య.. తనకు కలిసి వచ్చిన టీ20 క్రికెట్‌లో మాత్రం వరల్డ్‌ నంబర్‌ వన్‌ బ్యాటర్‌గా ఎదిగాడు.వరుస విజయాలుఈ క్రమంలో గతేడాది ఏకంగా టీమిండియా టీ20 కెప్టెన్‌గా పగ్గాలు చేపట్టిన సూర్య.. వరుస విజయాలు సాధించాడు. ఇటీవలే ఆసియా టీ20 కప్‌-2025లో భారత్‌ను చాంపియన్‌గా నిలిపాడు. కానీ బ్యాటర్‌గా మాత్రం విఫలం కావడం విమర్శలకు దారితీసింది.ఈ నేపథ్యంలో ఆస్ట్రేలియా పర్యటనలో సత్తా చాటాలని పట్టుదలగా ఉన్న సూర్య.. తొలి టీ20లో ధనాధన్‌ ఇన్నింగ్స్‌తో అలరించాడు. కాన్‌బెర్రా వేదికగా టాస్‌ గెలిచిన ఆసీస్‌.. భారత్‌ను తొలుత బ్యాటింగ్‌కు ఆహ్వానించింది.వర్షం వల్ల మ్యాచ్‌ రద్దుఈ క్రమంలో ఓపెనర్‌ అభిషేక్‌ శర్మ (14 బంతుల్లో 19) వేగంగా ఆడే ప్రయత్నంలోనే.. నాథన్‌ ఎల్లిస్‌ బౌలింగ్‌లో టిమ్‌ డేవిడ్‌కు క్యాచ్‌ ఇచ్చి తొలి వికెట్‌గా పెవిలియన్‌ చేరాడు. అతడి స్థానంలో వన్‌డౌన్‌లో వచ్చిన సూర్య.. మరో ఓపెనర్‌ శుబ్‌మన్‌ గిల్‌ (Shubman Gill)తో కలిసి దంచికొట్టాడు. అయితే, వర్షం వల్ల ఈ మ్యాచ్‌ అర్ధంతరంగా ముగిసిపోయింది.అప్పటికి.. 9.4 ఓవర్ల ఆట సాగగా.. వికెట్‌ నష్టానికి 97 పరుగులు చేసింది టీమిండియా. గిల్‌ 20 బంతుల్లో నాలుగు ఫోర్లు, ఒక సిక్సర్‌ సాయంతో 37 పరుగులు చేయగా.. సూర్యకుమార్‌ 24 బంతుల్లో 39 పరుగులు సాధించాడు. అతడి ఇన్నింగ్స్‌లో మూడు ఫోర్లు, రెండు సిక్సర్లు ఉన్నాయి. Fearless batting on display! 💥We’re in for a @surya_14kumar special!Match Update ➡️ Rain Delay. Revised start time awaited!#AUSvIND 👉 1st T20I | LIVE NOW 👉 https://t.co/nKdrjgZhGQ pic.twitter.com/87NwgUurcT— Star Sports (@StarSportsIndia) October 29, 2025205 సిక్సర్లతో టాప్‌లో రోహిత్‌ ఇక ఈ మ్యాచ్‌ సందర్భంగా సూర్య అంతర్జాతీయ టీ20 ఫార్మాట్లో 150 సిక్సర్ల క్లబ్‌లో చేరాడు. ఈ జాబితాలో టీమిండియా దిగ్గజ కెప్టెన్‌ రోహిత్‌ శర్మ 205 సిక్సర్లతో టాప్‌లో ఉండగా.. సూర్య ఐదో స్థానంలో నిలిచాడు.అయితే, అత్యంత తక్కువ ఇన్నింగ్స్‌లోనే అంటే.. 86వ ఇన్నింగ్స్‌లోనే 150 సిక్సర్లు పూర్తి చేసుకున్నాడు సూర్య. తద్వారా ఐసీసీ ఫుల్‌ మెంబర్ల (టెస్టు హోదా) జట్ల తరఫున ఫాస్టెస్ట్‌ 150 సిక్సెస్‌ సాధించిన తొలి క్రికెటర్‌గా నిలిచాడు. ఇక అసోసియేట్‌ దేశమైన యూఏఈ తరఫున ముహమ్మద్‌ వసీం 66 ఇన్నింగ్స్‌లోనే ఈ ఘనత సాధించడం విశేషం.అంతర్జాతీయ టీ20 ఫార్మాట్లో అత్యధిక సిక్సర్లు బాదిన టాప్‌-5 క్రికెటర్లు🏏 రోహిత్‌ శర్మ (ఇండియా)- 159 మ్యాచ్‌లలో 205 సిక్సర్లు🏏ముహమ్మద్‌ వసీం (యూఏఈ)- 91 మ్యాచ్‌లలో 187 సిక్సర్లు🏏మార్టిన్‌ గప్టిల్‌ (న్యూజిలాండ్‌)- 122 మ్యాచ్‌లలో 173 సిక్సర్లు🏏జోస్‌ బట్లర్‌ (ఇంగ్లండ్‌)- 144 మ్యాచ్‌లలో 172 సిక్సర్లు🏏సూర్యకుమార్‌ యాదవ్‌ (ఇండియా)- 91 మ్యాచ్‌లలో 150 సిక్సర్లు*.చదవండి: PKL 2025: అత‌డొక అద్భుతం.. తెలుగు టైటాన్స్‌కు దొరికిన ఆణిముత్యం

Australia vs India, 1st T20I- Canberra: ఆస్ట్రేలియా- టీమిండియా మధ్య తొలి టీ20 మ్యాచ్‌ వర్షం కారణంగా రద్దైపోయింది. కాన్‌బెర్రాలో టాస్‌ గెలిచిన ఆసీస్‌ తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది. ఈ క్రమంలో ఐదు ఓవర్ల తర్వాత ఆటకు వర్షం అంతరాయం కలిగించగా.. మ్యాచ్‌ను 18 ఓవర్లకు కుదించారు. కాసేపటి తర్వాత తిరిగి మొదలుపెట్టారు.అయితే, 9.4 ఓవర్ల మధ్య వర్షం మళ్లీ ఆటంకం కలిగించింది. ఆ తర్వాత వాన తగ్గే సూచనలు కనిపించకపోవడంతో మ్యాచ్‌ను రద్దు చేస్తున్నట్లు అంపైర్లు ప్రకటించారు. 9.4 ఓవర్లలో టీమిండియా వికెట్‌ నష్టానికి 97 పరుగులు చేసింది. అభిషేక్‌ శర్మ 14 బంతుల్లో 19 పరుగులు చేసి నాథన్‌ ఎల్లిస్‌ బౌలింగ్‌లో అవుట్‌ అయ్యాడు. మరో ఓపెనర్‌ శుబ్‌మన్‌ గిల్‌ (20 బంతుల్లో 37), కెప్టెన్‌ సూర్యకుమార్‌ యాదవ్‌ (24 బంతుల్లో 39) అజేయంగా నిలిచారు.మళ్లీ వర్షం.. ఆగిన ఆట9.4 ఓవర్ల వద్ద వర్షం మళ్లీ ఆటకు ఆటంకం కలిగింది. స్కోరు: 97-1. సూర్య 24 బంతుల్లో 39, గిల్‌ 20 బంతుల్లో 37 పరుగులతో క్రీజులో ఉన్నారు.తొమ్మిది ఓవర్లలో టీమిండియా స్కోరు: 82-1.సూర్య 20 బంతుల్లో 37, సూర్య 20 బంతుల్లో 25 పరుగులతో క్రీజులో ఉన్నారు.తిరిగి ప్రారంభమైన ఆట.. ఆట తిరిగి ప్రారంభమైంది. 6 ఓవర్లు ముగిసే సరికి భారత్‌ వికెట్‌ నష్టానికి 53 పరుగులు చేసింది. క్రీజులో శుభ్‌మన్‌ గిల్‌(25), సూర్యకుమార్‌ యాదవ్‌(12) ఉన్నారు.వర్షం వల్ల ఆటకు అంతరాయంఐదు ఓవర్ల ఆట ముగిసే సరికి భారత్‌ స్కోరు: 43-1. గిల్‌ 16, సూర్య 8 పరుగులతో ఉన్నారు. తొలి వికెట్‌ కోల్పోయిన భారత్‌3.5: నాథన్‌ ఎల్లిస్‌ బౌలింగ్‌లో తొలి వికెట్‌గా వెనుదిరిగిన అభిషేక్‌ శర్మ. 14 బంతుల్లో 19 పరుగులు చేసి టిమ్‌ డేవిడ్‌కు క్యాచ్‌ ఇచ్చి పెవిలియన్‌ చేరిన ఓపెనింగ్‌ బ్యాటర్‌. టీమిండియా స్కోరు: 36-1(4). గిల్‌ 16 పరుగులతో ఉండగా.. సూర్యకుమార్‌ ఒక పరుగుతో క్రీజులో ఉన్నాడు.టాస్‌ గెలిచిన ఆస్ట్రేలియాకాన్‌బెర్రా వేదికగా టీమిండియాతో తొలి టీ20లో టాస్‌ గెలిచిన ఆస్ట్రేలియా (IND vs AUS 1st T20I) తొలుత బౌలింగ్‌ ఎంచుకుంది. ఈ సందర్భంగా ఆసీస్‌ సారథి మిచెల్‌ మార్ష్‌ (Mitchell Marsh) మాట్లాడుతూ.. ‘‘వికెట్‌ బాగుంది. కాన్‌బెర్రాలో ప్రేక్షకుల మద్దతు కూడా మాకు కలిసి వస్తుంది. టీమిండియా మాదిరే మేము కూడా దూకుడైన క్రికెట్‌ ఆడుతున్నాం.ఇరుజట్లు పటిష్టంగా ఉన్నాయి. ప్రస్తుతం టీమిండియా వరల్డ్‌ నంబర్‌ వన్‌ జట్టుగా ఉంది. ఇలాంటి జట్టుతో పోటీ అంటే ఆసక్తికరమే. మా జట్టులో అవసరమైన మేర బ్యాటర్లు, బౌలర్లు, ఆల్‌రౌండర్లు ఉన్నారు’’ అని పేర్కొన్నాడు.ఇక టీమిండియా కెప్టెన్‌ సూర్యకుమార్‌ యాదవ్‌ మాట్లాడుతూ.. ‘‘మేము ముందుగా బ్యాటింగ్‌ చేయాలనే భావించాము. వికెట్‌ బాగుంది. మనుకా ఓవల్‌లో ఎక్కువ మ్యాచ్‌లు జరుగలేదని మా అనలిస్టుల ద్వారా విన్నాను. సెకండ్‌ ఇన్నింగ్స్‌లో వికెట్‌ కాస్త నెమ్మదించవచ్చు.అది ఎప్పుడూ తలనొప్పిగానే ఉంటుందిఅందుకే ముందుగానే బ్యాటింగ్‌ చేయాలనే అనుకున్నాం. మూడు- నాలుగు రోజుల ముందే ఇక్కడికి వచ్చి ప్రాక్టీస్‌ చేశాము. నిన్నటి మాదిరే ఈరోజు వాతావరణం చల్లగా ఉంది.మా జట్టులో ప్రతి ఆటగాడు తన వంతు పాత్ర పోషిస్తాడు. బాధ్యతాయుతంగా ఆడతారు. అందుకే తుదిజట్టు ఎంపిక ఎప్పుడూ తలనొప్పిగా మారుతుంది. అయితే, ఆ విషయంలో మాకు సంతోషంగా ఉంది. ఇంతమంది మంచి ఆటగాళ్లు అందుబాటులో ఉండటం సానుకూలాంశం. మాకు చాలా ఆప్షన్లు ఉన్నాయి.నితీశ్‌ రెడ్డి అవుట్‌ఈరోజు రింకూ సింగ్‌, జితేశ్‌ శర్మ, వాషింగ్టన్‌ సుందర్‌, అర్ష్‌దీప్‌ సింగ్‌, నితీశ్‌ రెడ్డి మిస్సవుతున్నారు’’ అని తెలిపాడు. కాగా గాయం కారణంగా నితీశ్‌ రెడ్డి ఆస్ట్రేలియాతో తొలి మూడు టీ20 మ్యాచ్‌లకు దూరం కానున్నట్లు భారత క్రికెట్‌ నియంత్రణ మండలి (BCCI) వెల్లడించింది. గజ్జల్లో గాయంతో ఇబ్బంది పడుతున్న నితీశ్‌ రెడ్డి బీసీసీఐ వైద్య బృందం పర్యవేక్షణలో ఉన్నట్లు తెలిపింది. తుదిజట్లు:టీమిండియా అభిషేక్ శర్మ, శుబ్‌మన్ గిల్, సూర్యకుమార్ యాదవ్ (కెప్టెన్‌), తిలక్ వర్మ, సంజు శాంసన్ (వికెట్‌ కీపర్‌), శివమ్ దూబే, అక్షర్ పటేల్, హర్షిత్ రాణా, కుల్దీప్ యాదవ్, వరుణ్ చక్రవర్తి, జస్‌ప్రీత్ బుమ్రా.ఆస్ట్రేలియామిచెల్ మార్ష్(కెప్టెన్‌), ట్రావిస్ హెడ్, జోష్ ఇంగ్లిస్(వికెట్‌ కీపర్‌), టిమ్ డేవిడ్, మిచెల్ ఓవెన్, మార్కస్ స్టొయినిస్, జోష్ ఫిలిప్, జేవియర్ బార్ట్‌లెట్, నాథన్ ఎల్లిస్, మాథ్యూ కుహ్నెమాన్, జోష్ హాజిల్‌వుడ్.చదవండి: నేను మాట్లాడితే కథ వేరేలా మారుతుంది.. సెలక్టర్‌ జోక్యంతో షమీ యూటర్న్‌?SKYBALL incoming!Get ready for some fearless batting, full hitting as #TeamIndia have been put in to bat first in the 1st T20I!#AUSvIND 👉 1st T20I | LIVE NOW 👉 https://t.co/nKdrjgZhGQ pic.twitter.com/wpak5bA2lz— Star Sports (@StarSportsIndia) October 29, 2025

ఐదు మ్యాచ్‌ల సిరీస్‌లో భాగంగా కాన్‌బెర్రా వేదికగా భారత్‌, ఆస్ట్రేలియా (India vs Australia) మధ్య రేపు (అక్టోబర్‌ 29) తొలి టీ20 జరుగనుంది. వన్డే సిరీస్‌ను 1-2 తేడాతో కోల్పోయిన భారత్‌.. టీ20 సిరీస్‌నైనా దక్కించుకొని పరువు కాపాడుకోవాలని పట్టుదలగా ఉంది. పొట్టి ఫార్మాట్‌లో ఆస్ట్రేలియాపై భారత్‌కు మంచి ట్రాక్‌ రికార్డే ఉంది. ఇప్పటివరకు ఆడిన 32 మ్యాచ్‌ల్లో 20 సార్లు గెలుపొందింది. ఆసీస్‌ కేవలం​ 11 మ్యాచ్‌ల్లో మాత్రమే విజయాలు సాధించింది. చివరిగా ఇరు జట్ల మధ్య జరిగిన 6 మ్యాచ్‌ల్లో భారత్‌ ఏకంగా 5 సార్లు విజయాలు సాధించింది. 2024 ప్రపంచకప్‌లో భాగంగా జరిగిన చివరి మ్యాచ్‌లో భారత్‌ 24 పరుగుల తేడాతో ఆసీస్‌ను చిత్తు చేసింది.అంతకుముందు స్వదేశంలో జరిగిన 5 మ్యాచ్‌ల సిరీస్‌ను భారత్‌ 4-1 తేడాతో కైవసం చేసుకుంది. సూర్యకుమార్‌ యాదవ్‌ నేతృత్వంలోని భారత యువ జట్టు ఇదే ఫామ్‌ను రేపటి నుంచి ప్రారంభం కాబోయే సిరీస్‌లోనూ కొనసాగించాలని భావిస్తుంది. ఇటీవలికాలంలో సూపర్‌ ఫామ్‌లో ఉండటంతో టీమిండియాపై అంచనాలు భారీగా ఉన్నాయి.విధ్వంసకర ఓపెనర్‌ అభిషేక్‌ శర్మ విశేషంగా రాణిస్తున్నాడు. వన్‌డౌన్‌లో తిలక్‌ వర్మ ఆకట్టుకుంటున్నాడు. సంజూ శాంసన్‌ సక్సెస్‌ ట్రాక్‌లో ఉన్నాడు. శుభ్‌మన్‌ గిల్‌ నుంచి స్థాయికి తగ్గ ఇన్నింగ్స్‌లు బాకీ ఉన్నాయి. శివమ్‌ దూబే, అక్షర్‌ పటేల్‌ ఆల్‌రౌండర్లుగా సత్తా చాటుతున్నారు. వరుణ్‌ చక్రవర్తి మ్యాజిక్‌ కొనసాగుతుంది. బుమ్రా, అర్షదీప్‌ సింగ్‌ రాణిస్తున్నారు. గంభీర సహకారంతో నెట్టుకొస్తున్న హర్షిత్‌ రాణా పర్వాలేదనిపిస్తున్నాడు. టీమిండియాను ప్రస్తుతం కెప్టెన్‌ సూర్యకుమార్‌ యాదవ్‌ ఫామ్‌ ఒక్కటే కలవరపెడుతుంది. స్కై బ్యాటింగ్‌లో రాణించి చాలాకాలమైంది. ఈ ఆసీస్‌ సిరీస్‌లో అయినా అతను సత్తా చాటాలని అభిమానులు కోరుకుంటున్నారు. వరుసగా విఫలమవుతున్నా మేనేజ్‌మెంట్‌, కోచ్‌ స్కైకు అండగా ఉన్నారు. వ్యక్తిగంతా విఫలమవుతున్నా జట్టును విజయవంతంగా ముందుండి నడిపిస్తున్నాడన్న కారణం చేత అతనికి మద్దతు లభిస్తుంది. అయితే ఇది ఎంతో కాలం ఉండే అవకాశం లేదు. ప్రస్తుత ఆస్ట్రేలియా సిరీస్‌లో విఫలమైతే మాత్రం సెలెక్టర్లు ప్రత్యామ్నాం వైపు చూడవచ్చు.ఆస్ట్రేలియాతో తొలి టీ20లో భారత జట్టు (అంచనా)..అభిషేక్ శర్మ, శుభ్‌మన్‌ గిల్, తిలక్ వర్మ, సూర్యకుమార్ యాదవ్ (కెప్టెన్‌), సంజు శాంసన్, శివమ్ దూబే, అక్షర్ పటేల్, హర్షిత్ రాణా, అర్ష్‌దీప్ సింగ్, వరుణ్ చక్రవర్తి, జస్ప్రీత్ బుమ్రాచదవండి: చరిత్ర సృష్టించిన శుభ్‌మన్‌ గిల్‌

టీమిండియా టెస్ట్‌, వన్డే జట్టు కెప్టెన్‌ శుభ్‌మన్‌ గిల్‌ (Shubman Gill) చరిత్ర సృష్టించాడు. భారత కెప్టెన్‌గా మూడు ఫార్మాట్లలో తొలి విజయాన్ని విదేశాల్లో నమోదు చేసిన ఆటగాడిగా రికార్డుల్లోకెక్కాడు. భారత కెప్టెన్‌గా టీ20ల్లో తన తొలి విజయాన్ని (తాత్కాలిక కెప్టెన్‌గా) జింబాబ్వేలో నమోదు చేసిన గిల్‌.. టెస్ట్‌ల్లో తొలి విజయాన్ని ఇంగ్లండ్‌లో, వన్డేల్లో తొలి విజయాన్ని ఆస్ట్రేలియా గడ్డపై సాధించాడు.తాజాగా ఆస్ట్రేలియాతో జరిగిన మూడో వన్డేలో విజయం అనంతరం గిల్‌ ఖాతాలో ఈ అల్టిమేట్‌ రికార్డు చేరింది. ఈ మ్యాచ్‌ గెలవడంతో భారత్‌ క్లీన్‌ స్వీప్‌ పరాభవాన్ని కూడా తప్పించుకుంది. తొలి రెండు వన్డేల్లో గెలిచిన ఆతిథ్య ఆసీస్‌ 2-1 తేడాతో సిరీస్‌ను కైవసం చేసుకుంది. చివరి వన్డేలో రోహిత్‌ శర్మ అద్భుతమైన శతకంతో భారత్‌ను గెలిపించాడు. అతనికి విరాట్‌ కోహ్లి సహకరించాడు.కోహ్లి సరసనఇదే సిరీస్‌లో గిల్‌ కెప్టెన్‌గా ఓ చెత్త రికార్డును కూడా మూటగట్టుకున్నాడు. తొలి వన్డేతో ఈ ఫార్మాట్‌లో కెప్టెన్సీ అరంగేట్రం చేసిన గిల్‌.. ఆ మ్యాచ్‌లో ఓటమి తర్వాత మూడు ఫార్మాట్లలో తొలి మ్యాచ్‌ ఓడిన రెండో భారత కెప్టెన్‌గా విరాట్‌ కోహ్లి సరసన చేరాడు. గిల్‌ టీ20 కెప్టెన్‌గా తన తొలి మ్యాచ్‌లో జింబాబ్వే చేతిలో ఓడాడు. టెస్ట్‌ కెప్టెన్‌గా తొలి మ్యాచ్‌లో ఇంగ్లండ్‌ చేతిలో పరాజయం ఎదుర్కొన్నాడు. తాజాగా వన్డే కెప్టెన్‌గా తొలి మ్యాచ్‌లో ఆసీస్‌ చేతిలో భంగపడ్డాడు.మొత్తంగా గిల్‌కు భారత కెప్టెన్‌గా మిశ్రమ అనుభవాలు ఎదురయ్యాయి. తాత్కాలిక కెప్టెన్‌గా టీ20ల్లో తొలి మ్యాచ్‌లో ఓడినప్పటికీ.. జింబాబ్వేతో జరిగిన ఆ సిరీస్‌ను భారత్‌ 4-1 తేడాతో గెలుచుకుంది.టెస్ట్‌ల్లో భారత కెప్టెన్‌గా తొలి మ్యాచ్‌లో​ ఇంగ్లండ్‌ చేతిలో ఓటమి ఎదురైనప్పటికీ.. ఆ తర్వాత అనూహ్యంగా పుంజుకొని, 5 మ్యాచ్‌ల ఆ సిరీస్‌ను 2-2తో డ్రా చేసుకున్నాడు.తాజాగా ఆస్ట్రేలియాతో మూడు మ్యాచ్‌ల సిరీస్‌ను ఓటమితో ప్రారంభించినప్పటికీ.. గెలుపుతో ముగించి వైట్‌వాష్‌ పరాభవం నుంచి తప్పించుకున్నాడు.గిల్‌.. రేపటి నుంచి (అక్టోబర్‌ 29) సాధారణ ఆటగాడిగా ఆస్ట్రేలియాతో జరుగబోయే 5 మ్యాచ్‌ల టీ20 సిరీస్‌లో తన అదృష్టాన్ని పరీక్షించుకోనున్నాడు. ఈ మ్యాచ్‌ కాన్‌బెర్రా వేదికగా భారతకాలమానం ప్రకారం రేపు మధ్యాహ్నం 1:45 గంటలకు ప్రారంభమవుతుంది.చదవండి: మరోసారి 'మరో ఛాన్స్‌' అంటున్న కరుణ్‌ నాయర్‌..!

ఆస్ట్రేలియాతో సిరీస్‌కు ముందు తన ఇష్ట్రపకారం తనకు నచ్చిన రీతిలో సన్నద్ధమయ్యాయని టీమిండియా స్టార్‌ బ్యాటర్‌ రోహిత్‌ శర్మ (Rohit Sharma) అన్నాడు. అదే ఇప్పుడు ఫలితాన్ని చూపించిందని హర్షం వ్యక్తం చేశాడు. సిడ్నీ వేదికగా ఆసీస్‌తో జరిగిన చివరి వన్డేలో సెంచరీ సాధించడంతో పాటు రోహిత్‌ ‘ప్లేయర్‌ ఆఫ్‌ ద సిరీస్‌’గా కూడా నిలిచాడు. ప్రొఫెషనల్‌ ఆటగాడిగా క్రికెట్‌ కెరీర్‌ కోసం సాధన చేయడం సహజమని... అయితే ఆట బయట కూడా మరో ప్రపంచం ఉందని భావించి ప్రాధాన్యతలు తెలుసుకోవాలని అతడు చెప్పాడు.క్రికెట్‌ ఒక్కటే జీవితం కాదు‘క్రికెటర్‌గా కెరీర్‌ మొదలు పెట్టినప్పటి నుంచి ఒక సిరీస్‌ కోసం 4–5 నెలల సన్నద్ధం అయ్యే అవకాశం ఎప్పుడూ కలగలేదు. కాబట్టి ఈ సారి ఆ సమయాన్ని బాగా వాడుకున్నాను. నాకు నచ్చిన రీతిలో, నా ఇష్ట్రపకారం సాధన చేయాలని నిర్ణయించుకున్నా. అది బాగా పని చేసింది. మిగిలిన కెరీర్‌ కోసం ఏం చేయాలో అర్థమైంది కూడా.భారత్‌తో పోలిస్తే ఆస్ట్రేలియా భిన్నమైన పరిస్థితులు ఉన్నా చాలా సార్లు రావడంతో వాటిపై అవగాహన ఉంది. ఒక్కసారి లయ అందుకుంటే చాలని భావించా. నా కోసం ఎక్కువ సమయం కేటాయించా. జీవితంలో క్రికెట్‌ కాకుండా ఇతర ప్రాధాన్యతలు కూడా ఉన్నాయని తెలుసుకున్నా’ అని రోహిత్‌ వెల్లడించాడు.కోహ్లితో అద్భుతమైన భాగస్వామ్యంఆస్ట్రేలియా గడ్డపై ఆడతాన్ని తాను చాలా ఇష్టపడతానని, ఇక్కడి అభిమానులు కూడా ఎంతో మద్దతునిస్తారని రోహిత్‌ పేర్కొన్నాడు వివరించాడు. ‘సిడ్నీ వన్డేలో నేను భారీ స్కోరు చేయడంతో పాటు జట్టును గెలిపించడం సంతృప్తినిచ్చింది. చాలా కాలం తర్వాత కోహ్లితో అద్భుతమైన భాగస్వామ్యం కుదిరింది. మేం సెంచరీ పార్ట్‌నర్‌షిప్‌ నెలకొల్పి చాలా రోజులైంది. జట్టుకు ఇది ఉపయోగపడటం సంతోషకరం.గిల్‌ అవుట్‌ కావడం.. శ్రేయస్‌ గాయం వల్ల..గిల్‌ తొందరగా అవుట్‌ కావడంతో శ్రేయస్‌ గాయం కారణంగా మాపై బాధ్యత పెరిగింది. నేను, విరాట్‌ ఎన్నో ఏళ్లుగా కలిసి ఆడుతున్నాం. ఇద్దరికీ అనుభవం ఉంది. ఒకరినొకరు బాగా అర్థం చేసుకోగలం. అందుకే క్రీజ్‌లో ఎంతో మాట్లాడుకుంటూ ప్రతీ క్షణాన్ని ఆస్వాదించాం. సిరీస్‌ గెలవకపోయినా అభిమానులు ఎంతో మద్దతునిచ్చారు. జట్టుతో సంబంధం లేకుండా మంచి ఆటను ప్రోత్సహించిన వారికి కృతజ్ఞతలు’ అని రోహిత్‌ వెల్లడించాడు.మూడో వన్డేలో గెలిచికాగా ఆసీస్‌తో మూడు వన్డేల సిరీస్‌ను భారత్‌ కోల్పోయింది. ఆతిథ్య జట్టు తొలి రెండు వన్డేల్లో గెలిచి సిరీస్‌ కైవసం చేసుకోగా.. టీమిండియా నామమాత్రపు మూడో వన్డేలో గెలిచి పరువు నిలుపుకొంది. ఈ మ్యాచ్‌లో రోహిత్‌ 121, కోహ్లి 74 పరుగులతో అజేయంగా నిలిచి.. భారత్‌ను తొమ్మిది వికెట్ల తేడాతో గెలిపించారు. ఇద్దరూ కలిసి రెండో వికెట్‌కు ఏకంగా 168 పరుగుల భాగస్వామ్యం నెలకొల్పారు.ఇదిలా ఉంటే.. ఆసీస్‌తో సిరీస్‌కు ముందే రోహిత్‌ను వన్డే కెప్టెన్‌గా తప్పించి.. అతడి స్థానంలో శుబ్‌మన్‌ గిల్‌ను సారథిగా నియమించింది బీసీసీఐ. ఇక ఇప్పటికే అంతర్జాతీయ పొట్టి ఫార్మాట్‌, టెస్టులకు రిటైర్మెంట్‌ ప్రకటించిన రో- కో వన్డేల్లో మాత్రమే కొనసాగుతున్న విషయం తెలిసిందే.చదవండి: అతడు అద్భుతం.. అహంకారం వద్దు.. రోహిత్‌- గిల్‌ సూపర్‌: గంభీర్‌

టీమిండియా ఆస్ట్రేలియా పర్యటనను పేలవంగా ఆరంభించింది. వన్డే సిరీస్‌లో ఆతిథ్య జట్టు చేతిలో 2-1 (Ind Loss ODI Series To Aus)తో ఓడిపోయింది. ఫలితంగా వన్డే కెప్టెన్‌గా శుబ్‌మన్‌ గిల్‌ (Shubman Gill)కు తొలి ప్రయత్నంలోనే చేదు అనుభవం మిగిలింది.ఈ నేపథ్యంలో టీ20 సిరీస్‌లోనైనా సత్తా చాటాలని టీమిండియా పట్టుదలగా ఉంది. టెస్టు, వన్డే ఫార్మాట్లలో తిరుగులేని ఆస్ట్రేలియా.. పొట్టి ఫార్మాట్లో మాత్రం అంత గొప్పగా రాణించిన దాఖలాలు లేవు. ముఖ్యంగా టీమిండియాతో ఆడిన 32 మ్యాచ్‌లలో కంగారూ జట్టు కేవలం 11 మ్యాచ్‌లలో మాత్రమే గెలుపొందడం ఇందుకు నిదర్శనం.బ్యాటింగ్‌ పరంగా విఫలంముఖాముఖి రికార్డు పరంగా భారత్‌ పటిష్ట స్థితిలోనే ఉన్నా సొంతగడ్డపై ఆస్ట్రేలియాను తక్కువగా అంచనా వేయలేము. మరోవైపు.. టీమిండియా టీ20 కెప్టెన్‌గా పగ్గాలు చేపట్టిన తర్వాత వరుస విజయాలు అందుకుంటున్న సూర్యకుమార్‌ యాదవ్‌ (Suryakumar Yadav).. బ్యాటింగ్‌ పరంగా విఫలం కావడం కలవరపెట్టే అంశం.గతేడాది జూలైలో టీ20 జట్టు పూర్తిస్థాయి కెప్టెన్‌గా బాధ్యతలు తీసుకున్న సూర్య.. 20 మ్యాచ్‌లలో కలిపి కేవలం రెండే హాఫ్‌ సెంచరీలు బాదాడు. సగటు 18 కంటే తక్కువ. టీ20 ప్రపంచకప్‌-2026 టోర్నీకి ఇంకా కేవలం మూడు నెలల సమయమే ఉన్న వేళ సూర్య ఫామ్‌ ఆందోళనకు గురి చేస్తోంది. 72 పరుగులేఇటీవల కెప్టెన్‌గా ఆసియా టీ20 కప్‌-2025 టైటిల్‌ గెలిచిన సూర్య.. ఆరు ఇన్నింగ్స్‌లో కలిపి కేవలం 72 పరుగులే చేయడం గమనార్హం. ఈ నేపథ్యంలో సూర్యకుమార్‌ యాదవ్‌ ఫామ్‌పై విమర్శలు వస్తుండగా.. టీమిండియా హెడ్‌కోచ్‌ గౌతం గంభీర్‌ తనదైన శైలిలో స్పందించాడు.ఎలాంటి భయాలు లేవుఆస్ట్రేలియాతో టీ20 సిరీస్‌ ఆరంభం నేపథ్యంలో జియోస్టార్‌తో మాట్లాడుతూ.. ‘‘సూర్య బ్యాటింగ్‌ ఫామ్‌ నన్ను ఏమాత్రం ఆందోళనకు గురిచేయడం లేదు. ఈ విషయంలో ఎలాంటి భయాలు లేవు. అల్ట్రా- అగ్రెసివ్‌గా ఆడాలని డ్రెసింగ్‌రూమ్‌లో నిర్ణయించుకున్నాం. దూకుడుగా ఆడటమే మాకు ఇష్టం.ఇలాంటి సిద్ధాంతాలు పెట్టుకున్నపుడు వైఫల్యాలను కూడా ఆమోదించగలగాలి. ఇలాంటి అప్రోచ్‌ కారణంగా ఒక్కోసారి విఫలమైనా సరే.. మేము దానికే కట్టుబడి ఉండాలని నిర్ణయించుకున్నాం’’ అని గంభీర్‌ తెలిపాడు.ఒక్కసారి లయ అందుకుంటేఇక టీమిండియా యువ ఓపెనర్‌ అభిషేక్‌ శర్మ గురించి ప్రస్తావిస్తూ.. ‘‘అతడు ఆసియా కప్‌ టోర్నీలో సూపర్‌ ఫామ్‌ కనబరిచాడు. ఏదేమైనా సూర్య ఒక్కసారి లయ అందుకుంటే బాధ్యత తన భుజం మీదు వేసుకోవడానికి ఏమాత్రం సందేహించడు.టీ20 క్రికెట్‌లో మేము వ్యక్తిగత పరుగుల కంటే కూడా మా క్రికెట్‌ బ్రాండ్‌పైనే ఎక్కువగా దృష్టి పెడతాం. దూకుడైన శైలితోనే ముందుకు సాగుతాం. బ్యాటర్లు తరచూ వ్యక్తిగతంగా విఫలమైనా.. జట్టు రాణిస్తే అది పెద్దగా లెక్కలోకి రాదు’’ అని గంభీర్‌ చెప్పుకొచ్చాడు. ఈ సిరీస్‌లోనూ తమ దూకుడు కొనసాగుతుందంటూ ఆస్ట్రేలియా జట్టుకు గౌతీ హెచ్చరికలు జారీ చేశాడు. కాగా అక్టోబరు 29- నవంబరు 8 వరకు భారత్‌- ఆస్ట్రేలియా మధ్య ఐదు మ్యాచ్‌ల టీ20 సిరీస్‌కు షెడ్యూల్‌ ఖరారైంది. చదవండి: అతడు అద్భుతం.. అహంకారం వద్దు.. రోహిత్‌- గిల్‌ సూపర్‌: గంభీర్‌

టీమిండియా దిగ్గజ బ్యాటర్లు రోహిత్‌ శర్మ (Rohit Sharma)- విరాట్‌ కోహ్లి (Virat Kohli) ఆస్ట్రేలియా పర్యటనను విజయవంతంగా ముగించారు. దాదాపు ఏడు నెలల విరామం తర్వాత భారత జట్టు తరఫున బరిలోకి దిగిన ఈ కుడిచేతి వాటం ఆటగాళ్లు.. ఆసీస్‌తో మూడో వన్డేలో దుమ్ములేపారు.168 పరుగులు భాగస్వామ్యంఓపెనర్‌ రోహిత్‌ శర్మ అజేయ శతకం (125 బంతుల్లో 121*)తో చెలరేగగా.. వన్‌డౌన్‌ బ్యాటర్‌ విరాట్‌ కోహ్లి 74 పరుగులతో చెలరేగి.. ఫోర్‌ బాది జట్టు విజయాన్ని ఖరారు చేశాడు. ఈ వెటరన్‌ బ్యాటర్లు తమ వింటేజ్‌ ఇన్నింగ్స్‌ను గుర్తుచేస్తూ.. ఏకంగా 168 పరుగులు భాగస్వామ్యాన్ని నమోదు చేశారు.తప్పిన గండంమరోవైపు.. అంతకు ముందు కెప్టెన్‌, ఓపెనర్‌ గిల్‌ (24)తో కలిసి రోహిత్‌ 69 పరుగుల పార్ట్‌నర్‌షిప్‌ నిర్మించాడు. ఈ క్రమంలో ఆస్ట్రేలియా విధించిన 237 పరుగుల లక్ష్యాన్ని టీమిండియా కేవలం ఒక వికెట్‌ కోల్పోయి 38.3 ఓవర్లలోనే పూర్తి చేసింది. తద్వారా సిడ్నీ వన్డేలో గెలుపొంది ఆసీస్‌ చేతిలో క్లీన్‌స్వీప్‌ నుంచి తప్పించుకుంది.మూడు వన్డేల సిరీస్‌లో ఆసీస్‌ ఆధిక్యాన్ని 2-1కు తగ్గించి పరువు కాపాడుకుంది. మరోవైపు.. ఆఖరిదైన ఈ మూడో వన్డేలో భారత బౌలర్లు అద్భుతంగా రాణించారు. ముఖ్యంగా యువ పేసర్‌ హర్షిత్‌ రాణా తన కెరీర్‌లో తొలిసారి నాలుగు వికెట్ల హాల్‌ నమోదు చేసి.. ఆసీస్‌ను 236 పరుగులకే కట్టడి చేయడంలో కీలక పాత్ర పోషించాడు.రోహిత్‌- గిల్‌ సూపర్‌ఈ నేపథ్యంలో డ్రెసింగ్‌ రూమ్‌లో ఆటగాళ్లతో మాట్లాడిన హెడ్‌కోచ్‌ గౌతం గంభీర్‌ జట్టుపై ప్రశంసలు కురిపించాడు. ‘‘శుబ్‌మన్‌, రోహిత్‌ మధ్య భాగస్వామ్యం అద్భుతం. ఛేదనలో వికెట్‌ కోల్పోకుండా 60కి పైగా పరుగులు చేయడం కలిసి వచ్చింది.ఆ తర్వాత రోహిత్‌-విరాట్‌ పార్ట్‌నర్‌షిప్‌ అత్యద్భుతం. ముఖ్యంగా రోహిత్‌ సెంచరీని ప్రత్యేకంగా సెలబ్రేట్‌ చేసుకోవాలి. అతడి ఆట తీరు అమోఘం. మ్యాచ్‌ను ముగించిన తీరు ప్రశంసనీయం. రోహిత్‌తో పాటు విరాట్‌ పని పూర్తి చేశాడు’’ అని గంభీర్‌ కొనియాడాడు.అహంకారం వద్దుఅంతకుముందు.. ‘‘బౌలర్లు కూడా అద్భుతంగా ఆడారు. హర్షిత్‌ అవుట్‌స్టాండింగ్‌ స్పెల్‌ వేశాడు. అయితే ఇది ఆరంభం మాత్రమే. ఒద్దికగా.. ఒదిగి ఉండాలి. మరింత కష్టపడాలి. అహంకారం వద్దు’’ అని గంభీర్‌ తన ప్రియ శిష్యుడు హర్షిత్‌ రాణాకు సూచించాడు. ఇక ఆఖర్లో ఇంపాక్ట్‌ ప్లేయర్‌ ఆఫ్‌ ది సిరీస్‌ అవార్డును రోహిత్‌ శర్మ అందుకున్నాడు. ఇందుకు సంబంధించిన వీడియోను బీసీసీఐ సోషల్‌ మీడియాలో షేర్‌ చేసింది.కాగా ఆస్ట్రేలియా పర్యటనకు ముందు వన్డే కెప్టెన్‌గా రోహిత్‌ శర్మ తప్పించిన టీమిండియా యాజమాన్యం.. అతడి స్థానంలో శుబ్‌మన్‌ గిల్‌కు పగ్గాలు అప్పగించింది. ఇక ఆసీస్‌ టూర్‌లో కెప్టెన్‌గా తొలి ప్రయత్నంలోనే గిల్‌ విఫలమయ్యాడు.మూడు వన్డేల్లో గిల్‌ చేసిన స్కోర్లు వరుసగా.. 10, 9, 24. ఇక కెప్టెన్‌గానూ సిరీస్‌ను ఆసీస్‌కు 1-2తో కోల్పోయాడు. మరోవైపు.. రోహిత్‌ శర్మ 8, 73, 121* పరుగులతో రాణించి మూడో వన్డేలో ‘ప్లేయర్‌ ఆఫ్‌ ది మ్యాచ్‌’గా నిలవడంతో పాటు ‘ప్లేయర్‌ ఆఫ్‌ ది సిరీస్‌’ అవార్డు కూడా దక్కించుకున్నాడు. చదవండి: Shreyas Iyer: పరిస్థితి సీరియస్‌?.. సిడ్నీకి పయనమైన తల్లిదండ్రులు! View this post on Instagram A post shared by Team India (@indiancricketteam)

ఆస్ట్రేలియాతో మూడో వన్డేలో టీమిండియా కెప్టెన్‌ శుబ్‌మన్‌ గిల్‌ (Shubman Gill) ఓ పొరపాటు చేశాడు. అతడి ఫీల్డింగ్‌ వైఫల్యం కారణంగా ఆసీస్‌ వన్‌డౌన్‌ బ్యాటర్‌ మాథ్యూ షార్ట్‌ (Matthew Short)ను త్వరగా పెవిలియన్‌కు పంపే అవకాశాన్ని భారత్‌ కోల్పోయింది. అసలేం జరిగిందంటే..ఇప్పటికే మూడు వన్డేల సిరీస్‌ను ఆసీస్‌ (IND vs AUS)కు కోల్పోయిన టీమిండియా సిడ్నీ వేదికగా నామమాత్రపు ఆఖరి వన్డేలో.. టాస్‌ ఓడి తొలుత బౌలింగ్‌కు దిగింది. ఈ క్రమంలో ఆసీస్‌ ఓపెనర్లు మిచెల్‌ మార్ష్‌, ట్రావిస్‌ హెడ్‌ ఆది నుంచే బౌండరీలు బాదుతూ పరుగులు పిండుకున్నారు.డైరెక్ట్‌ త్రో మిస్‌ చేసిన గిల్‌ఈ జోడీని విడదీసేందుకు భారత బౌలర్లు గట్టిగానే ప్రయత్నించగా.. మొహమ్మద్‌ సిరాజ్‌ సఫలమయ్యాడు. ఆసీస్‌ ఇన్నింగ్స్‌ పదో ఓవర్లో రెండో బంతికి డేంజరస్‌ బ్యాటర్‌ హెడ్‌ (29)ను పెవిలియన్‌కు పంపాడు. ఈ క్రమంలో మాథ్యూ షార్ట్‌ క్రీజులోకి వచ్చాడు. పదో ఓవర్లో సిరాజ్‌ వేసిన మూడో బంతికి అతడు పరుగులు రాబట్టలేకపోయాడు.ఫ్రంట్‌ ఫుట్‌ డిఫెండ్‌ షాట్‌తో సేవ్‌ అయ్యాడు. అయితే, సిరాజ్‌ సంధించిన నాలుగో బంతిని షార్ట్.. షార్ట్‌ కవర్‌ దిశగా బాదాడు. ఈ క్రమంలో మిడాఫ్‌ నుంచి పరిగెత్తుకు వచ్చిన ఫీల్డర్‌ గిల్‌ బంతిని అందుకున్నా.. దానిని సమర్థవంతంగా వికెట్లకు గిరాటేయడంలో విఫలమయ్యాడు. ఈజీ డైరెక్ట్‌ త్రోకు ఆస్కారం ఉన్నా గిల్‌ మిస్‌ఫీల్డ్‌ కారణంగా టీమిండియా రనౌట్‌ చేసే అవకాశాన్ని కోల్పోయింది.Can't BatCan't BowlCan't FieldCan't Captain What does Shubman Gill even do? pic.twitter.com/1tftX7250A— ADITYA (@Wxtreme10) October 25, 2025రవిశాస్త్రి ఫైర్‌అప్పటికే సింగిల్‌కు వచ్చిన షార్ట్‌ నాన్‌ స్ట్రైకర్‌ ఎండ్‌లోకి చేరుకోగా.. నిరాశగా స్టంప్స్‌ వైపు వచ్చిన సిరాజ్‌ అదుపు తప్పి షార్ట్‌పై పడిపోయాడు. మరోవైపు.. మార్ష్‌ కూడా సర్వైవ్‌ అయ్యాడు. ఈ ఘటన గురించి కామెంటేటర్‌ .. ‘‘ఇదొక మిక్స్‌ అప్‌. రనౌట్‌ చేసే అవకాశం మిస్సయ్యారు’’ అని పేర్కొనగా.. రవిశాస్త్రి.. ‘‘అవును.. అతడికి చాలా సమయం ఉన్నా సరైన విధంగా హిట్‌ చేయలేకపోయాడు’’ అని గిల్‌ను విమర్శించాడు.ఇదిలా ఉంటే.. సున్నా వద్ద లైఫ్‌ పొందిన షార్ట్‌ 30 పరుగులు చేసి వాషింగ్టన్‌ సుందర్‌ బౌలింగ్‌లో వెనుదిరిగాడు. మరోవైపు మార్ష్‌ (41) అక్షర్‌ పటేల్‌ బౌలింగ్‌లో బౌల్డ్‌ అయ్యాడు. 33 ఓవర్ల ఆట ముగిసేసరికి ఆసీస్‌ మూడు వికెట్ల నష్టానికి 178పరుగులు చేసింది. అలెక్స్‌ క్యారీ 24, మ్యాట్‌ రెన్షా 46 పరుగులతో ఉన్నారు.చదవండి: IND vs AUS 3rd ODI: నితీశ్‌ రెడ్డి అవుట్‌.. కారణం వెల్లడించిన బీసీసీఐ A classic Axar Patel delivery! 🔥The Aussie skipper heads back, and #TeamIndia are right back in the contest! 🇮🇳👏#AUSvIND 👉 3rd ODI | LIVE NOW 👉 https://t.co/0evPIuANAu pic.twitter.com/BDrWFPLvgs— Star Sports (@StarSportsIndia) October 25, 2025

Australia vs India, 3rd ODI Updates And Highlights: సిడ్నీ క్రికెట్‌ గ్రౌండ్‌లో టీమిండియాతో నామమాత్రపు మూడో వన్డేలో టాస్‌ గెలిచిన ఆస్ట్రేలియా.. తొలుత బ్యాటింగ్‌ ఎంచుకుంది. భారత బౌలర్ల ధాటికి 236 పరుగులకే ఆలౌట్‌ అయింది. భారత్‌ లక్ష్యం: 237 పరుగులుగా నిర్దేశించింది.భారత్‌ ఘన విజయం..సిడ్నీ వేదికగా ఆస్ట్రేలియాతో జరిగిన మూడో వన్డేలో 9 వికెట్ల తేడాతో భారత్‌ ఘన విజయం సాధించింది. దీంతో వైట్‌ వాష్‌ నుంచి టీమిండియా తప్పించుకుంది. 237 పరుగుల లక్ష్యంతో బరిలోకి దిగిన భారత్‌ కేవలం ఒక్క వికెట్‌ మాత్రం కోల్పోయి చేధించింది. లక్ష్య చేధనలో సీనియర్‌ ద్వయం రోహిత్‌ శర్మ, విరాట్‌ కోహ్లిలు అద్బుతమైన ఇన్నింగ్స్‌లు ఆడారు. రోహిత్‌ శర్మ సూపర్‌ సెంచరీతో చెలరేగగా.. కోహ్లి 74 పరుగులతో సత్తాచాటాడు. వీరిద్దరూ ఆఖరి వరకు క్రీజులో ఉండి మ్యాచ్‌ను ఫినిష్‌ చేశారు.విజయం దిశగా32.6: జంపా బౌలింగ్‌లో సింగిల్‌ తీసి సెంచరీ పూర్తి చేసుకున్న రోహిత్‌ శర్మ. వన్డేల్లో రోహిత్‌కు ఇది 33వ శతకం. 33 ఓవర్లలో టీమిండియా స్కోరు 200-1. రోహిత్‌ 100, కోహ్లి 59 పరుగులతో క్రీజులో ఉన్నారు. టీమిండియా విజయానికి 37 పరుగుల దూరంలో ఉంది.కోహ్లి హాఫ్‌ సెంచరీ..వరుసగా రెండు మ్యాచ్‌లలో డకౌటైన విరాట్‌ కోహ్లి.. సిడ్నీ వన్డేలో మాత్రం సత్తాచాటాడు. కోహ్లి 56 బంతుల్లో తన హాఫ్‌ సెంచరీ మార్క్‌ను అందుకున్నాడు. టీమిండియా స్కోరు: 178-1(29).రోహిత్‌ శర్మ హాఫ్‌ సెంచరీ..సిడ్నీ వ‌న్డేలోనూ రోహిత్ శ‌ర్మ అద్భుత‌మైన ఇన్నింగ్స్ ఆడుతున్నాడు. 63 బంతుల్లో త‌న హాఫ్ సెంచ‌రీని పూర్తి చేసుకున్నాడు. 23 ఓవ‌ర్లు ముగిసే సరికి భార‌త్ వికెట్ న‌ష్టానికి 130 ప‌రుగులు చేసింది. క్రీజులో రోహిత్‌తో పాటు కోహ్లి(36) ఉన్నాడు.తొలి వికెట్‌ కోల్పోయిన భారత్‌10.2: గిల్‌ (24) రూపంలో టీమిండియా తొలి వికెట్‌ కోల్పోయింది. హాజిల్‌వుడ్‌ బౌలింగ్‌లో వికెట్‌ కీపర్‌ క్యారీకి క్యాచ్‌ ఇచ్చి గిల్‌ పెవిలియన్‌ చేరాడు. విరాట్‌ కోహ్లి క్రీజులోకి వచ్చాడు. టీమిండియా స్కోరు: 70-1(10.3). రోహిత్‌ 32 పరుగులతో ఉన్నాడు. కోహ్లికి సిడ్నీలో ఇదే ఆఖరి మ్యాచ్‌ అన్నట్లుగా ప్రేక్షకులు స్టాండింగ్‌ ఓవియేషన్‌ ఇస్తూ ఎమోషనల్‌ అయ్యారు.పవర్‌ ప్లేలో టీమిండియా స్కోరు: 68-0 (10).గిల్‌ 24, రోహిత్‌ 31 పరుగులతో ఉన్నారు.నిలకడగా ఆడుతున్న రోహిత్‌, గిల్‌237 పరుగుల లక్ష్యంతో బరిలోకి దిగింది టీమిండియా. ఆది నుంచే ఆసీస్‌ బౌలర్లు కట్టడి చేయగా.. ఓపెనర్లు రోహిత్‌ శర్మ, శుబ్‌మన్‌ గిల్‌ ఆచితూచి ఆడుతున్నారు. 8 ఓవర్లలో టీమిండియా స్కోరు 48-0. రోహిత్‌ 25, గిల్‌ 10 పరుగులతో క్రీజులో ఉన్నారు.హాజిల్‌వుడ్‌ బౌల్డ్‌46.4: హర్షిత్‌ రాణా బౌలింగ్‌లో హాజిల్‌వుడ్‌ (0) బౌల్డ్‌ కావడంతో ఆసీస్‌ పదో వికెట్‌ కోల్పోయింది. ఫలితంగా 236 పరుగులకే ఆలౌట్‌ అయింది.తొమ్మిదో వికెట్‌ డౌన్‌46.2: హర్షిత్‌ రాణా బౌలింగ్‌లో కోహ్లికి క్యాచ్‌ ఇచ్చిన కన్నోలి (23). దీంతో ఆసీస్‌ తొమ్మిదో వికెట్‌ కోల్పోయింది. స్కోరు: 236-9(46.2). హాజిల్‌వుడ్‌ క్రీజులోకి రాగా... జంపా రెండు పరుగులతో ఉన్నాడు. ఎనిమిదో వికెట్‌ కోల్పోయిన ఆస్ట్రేలియా43.5: ప్రసిద్‌ కృష్ణ బౌలింగ్లో రోహిత్‌ శర్మకు క్యాచ్‌ ఇచ్చి ఎనిమిదో వికెట్‌గా వెనుదిరిగిన నాథన్‌ ఎల్లిస్‌ (16). స్కోరు: 223-8(43.5). కన్నోలి 13 పరుగులతో ఉన్నాడు. జంపా క్రీజులోకి వచ్చాడు.ఏడో వికెట్‌ డౌన్‌38.4: కుల్దీప్‌ బౌలింగ్‌లో ఏడో వికెట్‌గా వెనుదిరిగిన స్టార్క్‌ (2). కుల్దీప్‌ అద్భుత బంతితో స్టార్క్‌ను బౌల్డ్‌ చేశాడు. ఆసీస్‌ స్కోరు: 201-7(38.4). నాథన్‌ ఎల్లిస్‌ క్రీజులోకి రాగా.. కన్నోలి 8 పరుగులతో ఉన్నాడు.ఆరో వికెట్‌ కోల్పోయిన ఆస్ట్రేలియాఓవెన్‌ (1) రూపంలో ఆసీస్‌ ఆరో వికెట్‌ కోల్పోయింది. హర్షిత్‌ బౌలింగ్‌లో రోహిత్‌కు క్యాచ్‌ ఇచ్చి ఓవెన్‌ పెవిలియన్‌ చేరాడు. స్టార్క్‌ క్రీజులోకి రాగా.. 38 ఓవర్లలో ఆసీస్‌ స్కోరు: 199-6(38). కన్నోలి 7, స్టార్క్‌ ఒక పరుగుతో ఉన్నారు. ఐదో వికెట్‌ కోల్పోయిన ఆస్ట్రేలియా36.2: వాషింగ్టన్‌ సుందర్‌ బౌలింగ్‌లో హాఫ్‌ సెంచరీ వీరుడు మ్యాట్‌ రెన్షా (56) లెగ్‌ బిఫోర్‌ వికెట్‌గా వెనుదిరిగాడు. అయితే, ఎల్‌బీడబ్ల్యూ విషయంలో ఆసీస్‌ రివ్యూకు వెళ్లగా.. బంతి లెగ్‌ స్టంప్‌ను హిట్‌ చేస్తున్నట్లుగా తేలింది. దీంతో ఆసీస్‌ ఐదో వికెట్‌ కోల్పోగా.. మిచెల్‌ ఓవెన్‌ క్రీజులోకి వచ్చాడు. 37 ఓవర్లలో ఆసీస్‌ స్కోరు: 197-5. కన్నోలి 6 పరుగులతో ఉన్నాడు.నాలుగో వికెట్‌ కోల్పోయిన ఆస్ట్రేలియా33.4: హర్షిత్‌ రాణా బౌలింగ్‌లో శ్రేయస్‌ అయ్యర్‌కు క్యాచ్‌ ఇచ్చి క్యారీ (24) అవుట్‌. అద్భుతమైన క్యాచ్‌తో మెరిసి టీమిండియా కీలక వికెట్‌ పొందడంలో తన వంతు పాత్ర పోషించిన శ్రేయస్‌ గాయపడినట్లు తెలుస్తోంది. కూపర్‌ కన్నోలి క్రీజులోకి రాగా 34 ఓవర్లు ముగిసే సరికి ఆస్ట్రేలియా స్కోరు: 184-4. రెన్షా అర్ధ శతకం పూర్తి చేసుకున్నాడు.మూడో వికెట్‌ కోల్పోయిన ఆసీస్‌22.3: వాషింగ్టన్‌ సుందర్‌ బౌలింగ్‌లో కోహ్లికి క్యాచ్‌ ఇచ్చి మాథ్యూ షార్ట్‌ అవుటయ్యాడు. 41 బంతుల్లో 30 పరుగులు చేసి మూడో వికెట్‌గా వెనుదిరిగాడు. అలెక్స్‌ క్యారీ క్రీజులోకి వచ్చాడు. 24 ఓవర్లు ముగిసే సరికి ఆసీస్‌ మూడు వికెట్ల నష్టానికి 131 పరుగులు చేసింది. రెన్షా 22, క్యారీ ఒక పరుగుతో క్రీజులో ఉన్నారు.The only leadership summit all of us want to be part of! 📝📚#AUSvIND 👉 3rd ODI | LIVE NOW 👉 https://t.co/0evPIuANAu pic.twitter.com/HzAE2KIPI1— Star Sports (@StarSportsIndia) October 25, 2025 రెండో వికెట్‌ డౌన్‌15.1: మార్ష్‌ (41) రూపంలో ఆస్ట్రేలియా రెండో వికెట్‌ కోల్పోయింది. అక్షర్‌ పటేల్‌ బౌలింగ్‌లో మార్ష్‌ బౌల్డ్‌ అయ్యాడు. మ్యాట్‌ రెన్షా క్రీజులోకి రాగా.. షార్ట్‌ 11 పరుగులతో ఆడుతున్నాడు. స్కోరు: 92-2 (16)A classic Axar Patel delivery! 🔥The Aussie skipper heads back, and #TeamIndia are right back in the contest! 🇮🇳👏#AUSvIND 👉 3rd ODI | LIVE NOW 👉 https://t.co/0evPIuANAu pic.twitter.com/BDrWFPLvgs— Star Sports (@StarSportsIndia) October 25, 2025తొలి వికెట్‌ కోల్పోయిన ఆస్ట్రేలియా9.2: సిరాజ్‌ బౌలింగ్‌లో ప్రసిద్‌కు క్యాచ్‌ ఇచ్చి వెనుదిరిగిన ట్రావిస్‌ హెడ్‌. 25 బంతులు ఎదుర్కొని 29 పరుగుల చేసిన హెడ్‌ అవుట్‌. ఫలితంగా తొలి వికెట్‌ కోల్పోయిన ఆస్ట్రేలియా. మాథ్యూ షార్ట్‌ క్రీజులోకి రాగా.. మార్ష్‌ 25 పరుగులతో ఆడుతున్నాడు. పది ఓవర్లలో ఆసీస్‌ స్కోరు: 63-1ఐదు ఓవర్లలో ఆస్ట్రేలియా స్కోరు: 26-0(5)మిచెల్‌ మార్ష్‌ 6, ట్రావిస్‌ హెడ్‌ 13 పరుగులతో క్రీజులో ఉన్నారు. సిరాజ్‌ భారత బౌలింగ్‌ అటాక్‌ ఆరంభించగా.. హర్షిత్‌ రాణా సిరాజ్‌ కలిసి ఆల్టర్నేటివ్‌ ఓవర్లలో బరిలోకి దిగాడు.ఒక మార్పుతో బరిలోకిఈ సందర్భంగా ఆసీస్‌ కెప్టెన్‌ మిచెల్‌ మార్ష్‌ మాట్లాడుతూ.. ‘‘వికెట్‌ బాగుందనిపిస్తోంది. అందుకే ముందుగా బ్యాటింగ్‌ ఎంచుకున్నాం. యువ ఆటగాళ్లు రాణించడం మా జట్టుకు శుభపరిణామం. 3-0తో సిరీస్‌ క్లీన్‌స్వీప్‌ చేసే సువర్ణావకాశం మా ముందుంది. గత మ్యాచ్‌లో కూపర్‌ కన్నోలి అద్భుతంగా ఆడాడు. ఈ వన్డేలో మేము ఒక మార్పుతో బరిలోకి దిగుతున్నాం. జేవియర్‌ బార్ట్‌లెట్‌ స్థానంలో నాథన్‌ ఎల్లిస్‌ జట్టులోకి వచ్చాడు’’ అని తెలిపాడు.టీమిండియాలో రెండు మార్పులుమరోవైపు.. టీమిండియా గత మ్యాచ్‌లలో చేసిన పొరపాటును సరిచేసుకున్నట్లు అనిపిస్తోంది. రెండు వన్డేల్లో బెంచ్‌కే పరిమితం చేసిన చైనామన్‌ స్పిన్నర్‌ కుల్దీప్‌ యాదవ్‌కు ఎట్టకేలకు పిలుపునిచ్చింది. ఈ మ్యాచ్‌లో భారత్‌ తమ తుదిజట్టులో రెండు మార్పులు చేసింది. అర్ష్‌దీప్‌ సింగ్‌, నితీశ్‌ కుమార్‌ రెడ్డి స్థానాల్లో కుల్దీప్‌ యాదవ్‌, ప్రసిద్‌ కృష్ణలను ఎంపిక చేసుకుంది.టీమిండియా వర్సెస్‌ ఆస్ట్రేలియా మూడో వన్డే తుదిజట్లుటీమిండియారోహిత్ శర్మ, శుబ్‌మన్ గిల్ (కెప్టెన్‌), విరాట్ కోహ్లి, శ్రేయస్ అయ్యర్, అక్షర్ పటేల్, కేఎల్ రాహుల్ (వికెట్‌ కీపర్‌), వాషింగ్టన్ సుందర్, హర్షిత్ రాణా, కుల్దీప్ యాదవ్, మొహమ్మద్ సిరాజ్, ప్రసిద్‌ కృష్ణ.ఆస్ట్రేలియామిచెల్ మార్ష్(కెప్టెన్‌), ట్రావిస్ హెడ్, మాథ్యూ షార్ట్, మ్యాట్ రెన్షా, అలెక్స్ క్యారీ(వికెట్‌ కీపర్‌), కూపర్ కన్నోలీ, మిచెల్ ఓవెన్, నాథన్ ఎల్లిస్, మిచెల్ స్టార్క్, ఆడమ్ జంపా, జోష్ హాజిల్‌వుడ్.

ఆస్ట్రేలియాతో రెండో వన్డేలో టీమిండియా ఓటమిపై భారత స్పిన్‌ దిగ్గజం రవిచంద్రన్‌ అశ్విన్‌ (Ravichandran Ashwin) స్పందించాడు. అడిలైడ్‌ మ్యాచ్‌లో భారత జట్టు యాజమాన్యం అనుసరించిన వ్యూహాన్ని తప్పుబట్టిన అశూ.. తెలివి తక్కువ నిర్ణయం కారణంగా సిరీస్‌ కోల్పోయామంటూ ఘాటు విమర్శలు చేశాడు.కాగా మూడు వన్డేలు, ఐదు టీ20లు ఆడేందుకు ఆస్ట్రేలియా వెళ్లింది టీమిండియా. తొలుత వన్డే సిరీస్‌ మొదలుకాగా పెర్త్‌లో ఏడు వికెట్ల తేడాతో ఓడిన గిల్‌ సేన.. గురువారం నాటి రెండో వన్డేలో రెండు వికెట్ల తేడాతో పరాజయం పాలైంది. తద్వారా 0-2తో సిరీస్‌ను ఆసీస్‌కు కోల్పోయింది.బెంచ్‌కే పరిమితంఅయితే, ఈ రెండు వన్డేల్లోనూ చైనామన్‌ స్పిన్నర్‌ కుల్దీప్‌ యాదవ్‌ (Kuldeep Yadav)ను బెంచ్‌కే పరిమితం చేసింది టీమిండియా మేనేజ్‌మెంట్‌. వికెట్ల తీయగల సత్తా ఉన్నా అతడిని తుదిజట్టుకు ఎంపిక చేయకపోవడంపై విమర్శలు వెల్లువెత్తాయి.జంపా అదుర్స్‌ముఖ్యంగా రెండో వన్డేలో ఆసీస్‌ స్పిన్నర్‌ ఆడం జంపా (Adam Zampa) నాలుగు వికెట్లతో రాణించి.. భారత బ్యాటింగ్‌ ఆర్డర్‌ పతనాన్ని శాసించడం.. కుల్దీప్‌ లేనిలోటును మరింత ఎత్తి చూపింది. ఆతిథ్య జట్టు తమ స్పిన్నర్‌ను సమర్థవంతంగా ఉపయోగించుకుంటే.. టీమిండియా మాత్రం వ్యూహాత్మక తప్పిదం చేసిందనే విమర్శలు వచ్చాయి.వికెట్లు తీసే బౌలర్లు కావాలిఈ నేపథ్యంలో రవిచంద్రన్‌ అశ్విన్‌ మాట్లాడుతూ.. ‘‘అడిలైడ్‌ వన్డేలో టీమిండియా బౌలింగ్‌ అటాక్‌ అత్యంత సాధారణంగా అనిపించింది. అసలు వికెట్‌ తీయాలని ఎవరూ ప్రయత్నించినట్లుగా అనిపించనేలేదు. పరుగులు చేయడం కంటే కూడా వికెట్లు పడగొట్టగలిగే బౌలర్లను ఎంపిక చేసుకోవాలి.మంచి కెప్టెన్లు, నాయకులు ఎలా ఆలోచిస్తారంటేఆడం జంపా నాలుగు వికెట్లు ఎలా తీశాడో చూశారా?.. అతడు బంతిని తిప్పేశాడు. ప్రతిసారీ మన డ్రెసింగ్‌రూమ్‌ దృష్టికోణం గురించే ఆలోచించవద్దు. మంచి కెప్టెన్లు, నాయకులు.. ఎల్లప్పుడూ ప్రత్యర్థి జట్టు ఎలాంటి ప్రణాళికలు రచిస్తుందో ముందే ఊహించి.. అందుకు తగ్గట్లుగా నిర్ణయాలు తీసుకుంటారు.ఈ మ్యాచ్‌లో ఆడిన కూపర్‌ కన్నోలి ఇది వరకు అసలు కుల్దీప్‌ యాదవ్‌ను ఎదుర్కొన్నాడా? లేదు కదా!.. మరి మాథ్యూ షార్ట్‌.. అలెక్స్‌ క్యారీ కుల్దీప్‌ యాదవ్‌ బౌలింగ్‌లో ఇబ్బందిపడ్డాడు. మిచెల్‌ ఓవెన్‌ కూడా ఇంత వరకు కుల్దీప్‌ను ఎదుర్కొనేలేదు.తెలివి తక్కువ నిర్ణయంఆస్ట్రేలియా ప్రస్తుత బ్యాటింగ్‌ లైనప్‌లో చాలా మందికి కుల్దీప్‌ బౌలింగ్‌లో ఆడిన అనుభవమే లేదు. కాబట్టి అతడిని ఆడిస్తే.. ప్రత్యర్థి జట్టులోని ప్రతి బ్యాటర్‌ ఇబ్బంది పడేవాడు. కుల్దీప్‌ను బెంచ్‌కే పరిమితం చేయడం తెలివిగల నిర్ణయం అయితే కానేకాదు’’ అని అశ్విన్‌.. కెప్టెన్‌ శుబ్‌మన్‌ గిల్‌, హెడ్‌కోచ్‌ గౌతం గంభీర్‌పై విమర్శనాస్త్రాలు ఎక్కుపెట్టాడు. చదవండి: రోహిత్‌ భయ్యా ఏ తప్పూ చేయలేదు.. నన్నెందుకు కెప్టెన్‌ చేశారు?

వన్డే కెప్టెన్‌గా టీమిండియా పగ్గాలు చేపట్టిన శుబ్‌మన్‌ గిల్‌ (Shubman Gill)కు తొలి ప్రయత్నంలోనే చేదు అనుభవం ఎదురైంది. ఆస్ట్రేలియా పర్యటనలో భాగంగా మూడు వన్డేల సిరీస్‌ (IND vs AUS ODIS 2025)ను భారత్‌ కోల్పోయింది. తొలి రెండు వన్డేల్లో ఓడి.. మరో మ్యాచ్‌ మిగిలి ఉండగానే సిరీస్‌ను ఆతిథ్య జట్టుకు సమర్పించుకుంది.ఈ నేపథ్యంలో వన్డే సారథిగా తొలి సిరీస్‌లోనే వరుసగా రెండు వన్డేలు ఓడిన ఆరో భారత కెప్టెన్‌గా గిల్‌ నిలిచాడు. అతడి కంటే ముందు అజిత్‌ వాడేకర్‌, దిలీప్‌ వెంగ్‌సర్కార్‌, క్రిస్‌ శ్రీకాంత్‌, మొహమ్మద్‌ అజారుద్దీన్‌, కేఎల్‌ రాహుల్‌ ఈ చేదు అనుభవాన్ని చవిచూశారు.రోహిత్‌ శర్మపై వేటు వేసికాగా భారత్‌కు టీ20 ప్రపంచకప్‌-2024, ఐసీసీ చాంపియన్స్‌ ట్రోఫీ (వన్డే)-2025 అందించిన రోహిత్‌ శర్మ (Rohit Sharma)పై వేటు వేసి మరీ.. బీసీసీఐ గిల్‌కు పగ్గాలు అప్పగించిన విషయం తెలిసిందే. ఈ క్రమంలో అడిలైడ్‌లో రెండో వన్డేలో గిల్‌ సేన ఓటమి నేపథ్యంలో భారత మాజీ క్రికెటర్‌ మొహమ్మద్‌ కైఫ్‌ తనదైన శైలిలో స్పందించాడు.రోహిత్‌ భయ్యా ఏ తప్పూ చేయలేదు..‘‘కొత్తగా పగ్గాలు చేపట్టిన ప్రతి కెప్టెన్‌ మదిలో ఇలాంటి ఆలోచనలే ఉంటాయి. గిల్‌ కూడా ఇందుకు అతీతం కాదు. అతడి జట్టులో ఇప్పుడు రోహిత్‌ శర్మ ఉన్నాడు. ఇప్పటికే నాయకుడిగా తనను తాను నిరూపించుకున్న దిగ్గజం. అతడి సారథ్యంలో గిల్‌ ఆడాడు. కెప్టెన్‌గా రోహిత్‌ ఎలాంటి తప్పూ చేయలేదని గిల్‌కు బాగా తెలుసు.అయినా సరే.. అతడిని కెప్టెన్సీ నుంచి తొలగించారనీ తెలుసు. హోటల్‌ రూమ్‌లో నిద్రకు ఉపక్రమించే ముందు బహుశా గిల్‌ ఇదే అనుకుంటూ ఉంటాడు. ‘రోహిత్‌ భాయ్‌ ఎలాంటి తప్పూ చేయలేదు. అయినా ఎందుకిలా చేశారు?నన్నెందుకు కెప్టెన్‌ చేశారు?నన్ను సమర్థిస్తున్న వాళ్లు ఒక్కసారైనా రోహిత్‌ భాయ్‌ గురించి ఆలోచించారా? ఆయన రెండు ట్రోఫీలు గెలిచాడు. అయినా సరే కెప్టెన్‌గా వేటు వేశారు. కొత్త కెప్టెన్‌గా నన్ను ఎంపిక చేశారు’ అనే గిల్ట్‌తో సతమతమవుతూ ఉంటాడు’’ అని కైఫ్‌ అభిప్రాయపడ్డాడు. ఇక టీమిండియా సిరీస్‌ ఓటమిపై స్పందిస్తూ..ఆ విషయం గుర్తే లేదు ‘‘వరుస సిరీస్‌లు, ప్రయాణ బడలిక. రోహిత్‌, కోహ్లి వంటి దిగ్గజాలను లీడ్‌ చేయడం వంటికి గిల్‌కు పెద్ద సవాలు. వన్డే కెప్టెన్‌గా గిల్‌ ఇప్పుడే బాధ్యతలు తీసుకున్నాడు. జట్టు మార్పు చెందే ప్రక్రియలో ఇలాంటివి సహజమే.గిల్‌ కాస్త ఒత్తిడికి లోనై ఉంటాడు. అతడి సారథ్యంలో మనం వన్డే సిరీస్‌ కోల్పోయాం. చివరగా ఎప్పుడు ఇది జరిగిందో కూడా ఎవరికీ గుర్తులేదు. గిల్‌ కెప్టెన్సీలో ఆరంభంలోనే ఇది జరిగింది’’ అని కైఫ్‌ చెప్పుకొచ్చాడు.చదవండి: WTC: ఒక్క మ్యాచ్‌తో మారిన పాక్‌ రాత.. టీమిండియాకు బూస్ట్‌!Oh my word! 🤩@ImRo45 is back to his very best. Just what #TeamIndia needed. 👏#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/P95TUGWl95— Star Sports (@StarSportsIndia) October 23, 2025

అడిలైడ్ వేదిక‌గా టీమిండియాతో జ‌రిగిన రెండో వ‌న్డేలో 2 వికెట్ల తేడాతో ఆస్ట్రేలియా విజ‌యం సాధించింది. 265 ప‌రుగుల ల‌క్ష్యాన్ని ఆసీస్ 46.2 ఓవ‌ర్ల‌లో 8 వికెట్లు కోల్పోయి చేధించింది. దీంతో మూడు వ‌న్డేల సిరీస్‌ను మార్ష్ సేన మ‌రో మ్యాచ్ మిగిలూండ‌గానే 2-0తో సొంతం చేసుకుంది. కాగా ఆసీస్ విజ‌యంలో ఆ జ‌ట్టు యువ ఆట‌గాడు కూపర్ కొన్నోలీది కీల‌క పాత్ర‌.ల‌క్ష్య చేధ‌న‌లో కొన్నోలీ అద్భుత‌మైన ఇన్నింగ్స్ ఆడాడు. 132 ప‌రుగుల‌కే 4 వికెట్లు కోల్పోయిన స‌మంయ‌లో కంగారుల‌ను షార్ట్‌తో క‌లిసి కూప‌ర్ ఆదుకున్నాడు. షార్ట్ ఔట‌య్యాక కూడా 22 ఏళ్ల యువ సంచ‌ల‌నం ఏ మాత్రం ఒత్త‌డికి లోన‌వ్వ‌కుండా జ‌ట్టును గెలుపు దిశ‌గా న‌డిపించాడు. ఆఖ‌రిలో 14 పరుగుల వ్యవధిలో ఆసీస్‌ 3 వికెట్లు కోల్పోవడంతో ఉత్కంఠ పెరిగింది. కానీ కనోలీ ప్రశాంతంగా ఉండి మ్యాచ్‌ను ఫినిష్ చేశాడు. మొత్తంగా 53 బంతులు ఎదుర్కొన్న కొన్నోలీ.. 5 ఫోర్లు, ఒక సిక్స‌ర్‌తో 61 ప‌రుగులు చేసి ఆజేయంగా నిలిచాడు. ఒక‌వేళ కొన్నోలీ వికెట్‌ను టీమిండియా సాధించి ఉంటే క‌థ మ‌రో విధంగా ఉండేది. మ్యాచ్ విన్నింగ్ ఇన్నింగ్స్ ఆడిన కూప‌ర్‌పై స‌ర్వాత్ర ప్ర‌శంస‌ల వ‌ర్షం కురుస్తోంది. ఆసీస్ కెప్టెన్ మార్ష్ సైతం అత‌డిని పొగ‌డ్త‌లతో ముంచెత్తాడు.కూపర్ ఒక అద్భుతం. అత‌డు బ్యాట్‌తో పాటు బంతితో కూడా రాణించ‌గ‌ల‌డు. ఈ మ్యాచ్‌లో అసాధ‌ర‌ణ ప్ర‌ద‌ర్శ‌న క‌న‌బ‌రిచాడు. అత‌డు వ‌య‌స్సు 22 ఏళ్లు మాత్ర‌మే. ఖ‌చ్చితంగా ఆసీస్ గొప్ప క్రికెట‌ర్ల‌లో ఒక‌డిగా ఎదుగుతాడ‌ని మార్ష్ పోస్ట్ మ్యాచ్ ప్రెజెంటేష‌న్‌లో పేర్కొన్నాడు. కొన్నోలీ ఇప్ప‌టికే మూడు ఫార్మాట్ల‌లో ఆసీస్ జ‌ట్టు త‌ర‌పున అరంగేట్రం చేశాడు.అయితే ఈ మ్యాచ్‌ కంటే ముందు అతడు చెప్పుకోదగ్గ ప్రదర్శన చేయలేకపోయాడు. ఫస్ట్‌ క్లాస్‌ క్రికెట్‌లో కూడా అతడు ఇప్పటివరకు కేవలం 8 మ్యాచ్‌లు మాత్రమే ఆడాడు. కానీ బిగ్‌ బాష్‌ లీగ్‌లో మాత్రం అతడికి మంచి రి​కార్డు ఉంది.చదవండి: IND vs AUS: అత‌డే ఉంటే కథ వేరేలా ఉండేది.. గంభీర్ ఇక‌నైనా మార‌వా?

అడిలైడ్‌ వేదికగా ఆస్ట్రేలియాతో జరిగిన రెండో వన్డేలో (India vs Australia) టీమిండియా 2 వికెట్ల తేడాతో పరాజయంపాలైంది. తద్వారా మూడు మ్యాచ్‌ల సిరీస్‌ను మరో మ్యాచ్‌ మిగిలుండగానే 0-2 తేడాతో కోల్పోయింది. 17 ఏళ్ల తర్వాత అడిలైడ్‌లో భారత్‌కు ఇదే తొలి ఓటమి (వన్డేల్లో). మ్యాచ్‌ అనంతరం టీమిండియా కెప్టెన్‌ శుభ్‌మన్‌ గిల్‌ (Shubman Gill) ఓటమిపై స్పందిస్తూ ఇలా అన్నాడు. తొలుత బ్యాటింగ్‌ చేసి డీసెంట్‌ స్కోర్‌ చేశాం. అయితే కొన్ని క్యాచ్‌లు వదిలేయడం వల్ల ఆ స్కోర్‌ను కాపాడుకోలేకపోయాం.ప్రారంభంలో పిచ్ ఊహించిన దానికంటే ఎక్కువగా స్పందించింది. 15–20 ఓవర్ల తర్వాత పరిస్థితి కాస్త అదుపులోకి వచ్చింది. మొదటి మ్యాచ్‌లో టాస్ చాలా కీలకమైంది. వర్షం ప్రభావం ఉన్నందున అది మ్యాచ్ ఫలితంపై ప్రభావం చూపింది. అయితే రెండో మ్యాచ్‌లో టాస్‌ ప్రభావం పెద్దలా లేదు. ఇరు జట్లు దాదాపు 50 ఓవర్లు బ్యాటింగ్‌ చేశాయి.రోహిత్ శర్మపై ప్రశంసలుఏడు నెలల గ్యాప్‌ తర్వాత మునుపటి తరహాలో ఆడటం అంత ఈజీ కాదు. అయినా రోహిత్‌ ధైర్యంగా ఆడి, అద్భుతమైన ప్రదర్శన చేశాడు. ఈ మ్యాచ్‌లో అతను భారీ స్కోర్‌ మిస్‌ అయ్యాడు. ఇన్నింగ్స్‌ ఆరంభంలో వీరోచితంగా పోరాడాడు. రోహిత్‌ బ్యాటింగ్‌ విషయంలో చాలా హ్యాపీగా ఉన్నాను.కాగా, ఈ మ్యాచ్‌లో టాస్‌ ఓడి తొలుత బ్యాటింగ్‌కు దిగిన భారత్‌ ఆదిలో కాస్త ఇబ్బంది పడినా.. రోహిత్‌ (73), శ్రేయస్‌ (61), అక్షర్‌ (44) బాధ్యతాయుతంగా ఆడటంతో గౌరవప్రదమైన స్కోర్‌ (264/9) చేసింది. ఆఖర్లో హర్షిత్‌ రాణా (24 నాటౌట్‌), అర్షదీప్‌ సింగ్‌ (13) అమూల్యమైన పరుగులు జోడించారు.ఛేదనలో ఆస్ట్రేలియా కూడా తడబడినప్పటికీ.. అంతిమంగా విజయం సాధించింది. మాథ్యూ షార్ట్‌ (74), కూపర్‌ కన్నోల్నీ (61 నాటౌట్‌) రాణించడంతో ఆ జట్టు 46.2 ఓవర్లలో 8 వికెట్లు కోల్పోయి లక్ష్యాన్ని ఛేదించింది. ఈ మ్యాచ్‌లో షార్ట్‌కు రెండు లైఫ్‌లు లభించాయి. కీలక సమయాల్లో అక్షర్‌ పటేల్‌, సిరాజ్‌ ఈజీ క్యాచ్‌లు నేలపాలు చేశారు. ఈ క్యాచ్‌లే మ్యాచ్‌ను ఆస్ట్రేలియాకు అనుకూలంగా మార్చాయి. ఈ సిరీస్‌లో నామమాత్రపు మూడో వన్డే సిడ్నీ వేదికగా అక్టోబర్‌ 25న జరుగనుంది. చదవండి: ఓపెనర్ల శతకాలు.. తప్పక గెలవాల్సిన మ్యాచ్‌లో టీమిండియా భారీ స్కోర్‌

ఆస్ట్రేలియా పర్యటనలో టీమిండియాకు చేదు అనుభవం ఎదురైంది. మూడు మ్యాచ్‌ల వన్డే సిరీస్‌లో ఆతిథ్య ఆసీస్‌.. మరో మ్యాచ్‌ మిగిలి ఉండగానే కైవసం చేసుకుంది. పెర్త్‌లో జరిగిన తొలి వన్డేలో ఏడు వికెట్ల తేడాతో గెలిచిన కంగారూలు.. తాజాగా అడిలైడ్‌ వేదికగా రెండో వన్డే (IND vs AUS 2nd ODI)లోనూ జయభేరి మోగించారు.టాస్‌ గెలిచిన ఆస్ట్రేలియాఅడిలైడ్‌ ఓవల్‌లో టాస్‌ గెలిచిన ఆస్ట్రేలియా.. పర్యాటక భారత జట్టును తొలుత బ్యాటింగ్‌కు ఆ‍హ్వానించింది. ఈ క్రమంలో ఒకే ఓవర్లో ఓపెనర్‌, కెప్టెన్‌ శుబ్‌మన్‌ గిల్‌ (9)తో పాటు వన్‌డౌన్‌ బ్యాటర్‌ విరాట్‌ కోహ్లి (0) వికెట్‌ తీసి జేవియర్‌ బార్ట్‌లెట్‌ ఆసీస్‌కు శుభారంభం అందించాడు.రాణించిన రోహిత్‌, శ్రేయస్‌ఇలాంటి తరుణంలో మరో ఓపెనర్‌ రోహిత్‌ శర్మ (Rohit Sharma), వైస్‌ కెప్టెన్‌ శ్రేయస్‌ అయ్యర్‌ (Shreyas Iyer) ఇన్నింగ్స్‌ చక్కదిద్దే బాధ్యత తీసుకున్నారు. రోహిత్‌ (97 బంతుల్లో 73), అయ్యర్‌ (77 బంతుల్లో 61) పరుగులతో రాణించగా.. మిగతా వారిలో ఆల్‌రౌండర్‌ అక్షర్‌ పటేల్‌ (41 బంతుల్లో 44), హర్షిత్‌ రాణా (18 బంతుల్లో 24 నాటౌట్‌) మాత్రమే చెప్పుకోదగ్గ స్కోర్లు చేశారు.ఆసీస్‌ బౌలర్లలో స్పిన్నర్‌ ఆడం జంపా నాలుగు వికెట్లతో చెలరేగి భారత బ్యాటింగ్‌ ఆర్డర్‌ పతనాన్ని శాసించాడు. శ్రేయస్‌ అయ్యర్‌, అక్షర్‌ పటేల్‌, కేఎల్‌ రాహుల్‌ (11) నితీశ్‌ రెడ్డి (8) రూపంలో కీలక వికెట్లు దక్కించుకున్నాడు. పేసర్లలో బార్ట్‌లెట్‌ గిల్‌, కోహ్లి, వాషింగ్టన్‌ సుందర్‌ (12) వికెట్లు తన ఖాతాలో వేసుకోగా.. మిచెల్‌ స్టార్క్‌ రోహిత్‌ శర్మ, అర్ష్‌దీప్‌ సింగ్‌ (13)లను అవుట్‌ చేశాడు.264 పరుగులుఫలితంగా నిర్ణీత 50 ఓవర్లలో టీమిండియా తొమ్మిది వికెట్ల నష్టానికి 264 పరుగులు స్కోరు చేసింది. ఇక లక్ష్య ఛేదనలో ఆసీస్‌ ఆరంభంలో తడబడింది. ఓపెనర్‌, కెప్టెన్‌ మిచెల్‌ మార్ష్‌ (11)ను అర్ష్‌దీప్‌ త్వరగానే పెవిలియన్‌కు పంపగా.. ట్రవిస్‌ హెడ్‌ (40 బంతుల్లో 28)ను హర్షిత్‌ రాణా అవుట్‌ చేశాడు.అదరగొట్టిన షార్ట్‌, కన్నోలి అయితే, వన్‌డౌన్‌ బ్యాటర్‌ మాథ్యూ షార్ట్‌ అద్భుత అర్ధ శతకం (74)తో మెరిసి మ్యాచ్‌ను తమ వైపు తిప్పే ప్రయత్నం చేయగా.. మ్యాట్‌ రెన్షా (30) అతడికి సహకరించాడు. షార్ట్‌, రెన్షా వేసిన పునాదిపై ఆల్‌రౌండర్‌ కూపర్‌ కన్నోలి మిచెల్‌ ఓవెన్‌తో కలిసి ఇన్నింగ్స్‌ నిర్మించాడు.Just the wicket #TeamIndia needed! 🤩#NitishKumarReddy gets the wicket and #MohammedSiraj makes amends for the dropped catch. 👏#AUSvIND 👉 2nd ODI | LIVE NOW 👉 https://t.co/dfQTtniylt pic.twitter.com/YZwdPY0nr7— Star Sports (@StarSportsIndia) October 23, 2025 ఆఖర్లో వరుస విరామాల్లో వికెట్లు పడినా కన్నోలి పట్టుదలగా నిలబడ్డాడు. ఓవెన్‌ 23 బంతుల్లో 36 పరుగులతో వేగంగా ఆడి.. వాషింగ్టన్‌ సుందర్‌ బౌలింగ్‌లో వెనుదిరగగా.. బార్ట్‌లెట్‌ (3), స్టార్క్‌ (4) ఇలా వచ్చి అలా వెళ్లిపోయారు.అయితే, కన్నోలి మాత్రం నిలకడగా ముందుకు సాగాడు. 53 బంతుల్లో ఐదు ఫోర్లు, ఒక సిక్సర్‌ సాయంతో 61 పరుగులతో ఆఖరి వరకు అజేయంగా నిలిచి జట్టును విజయతీరాలకు చేర్చాడు. 46.2 ఓవర్లలో ఎనిమిది వికెట్ల నష్టపోయిన ఆస్ట్రేలియా లక్ష్యం పూర్తి చేసింది. రెండు వికెట్ల తేడాతో గెలిచి.. సిరీస్‌ను 2-0తో సొంతం చేసుకుంది. ఇరుజట్ల మధ్య శనివారం నాటి నామమాత్రపు మూడో వన్డేకు సిడ్నీ వేదిక. కాగా వన్డే సారథిగా గిల్‌కు తొలి సిరీస్‌లోనే ఇలా చేదు అనుభవం ఎదురైంది. ఇక రెండో వన్డేలో జంపాకు ప్లేయర్‌ ఆఫ్‌ దిమ్యాచ్‌ అవార్డు దక్కింది.చదవండి: బతికితే చాలనుకున్నా.. ఆకాశ్‌ అంబానీ హెల్ప్‌ చేశారు: తిలక్‌ వర్మ

IND vs Aus 2nd Odi live updates and Highlights: అడిలైడ్ వేదిక‌గా రెండో వ‌న్డేలో టీమిండియా ఆస్ట్రేలియా చేతిలో ఓటమి పాలైంది. రెండు వికెట్ల తేడాతో ఆతిథ్య జట్టు చేతిలో ఓడి.. మరో మ్యాచ్‌ మిగిలి ఉండగానే మూడు వన్డేల సిరీస్‌ను కోల్పోయింది. మాథ్యూ షార్ట్‌ (74), కూపర్‌ కన్నోలి (61 నాటౌట్‌) అద్భుత హాఫ్‌ సెంచరీలతో రాణించి ఆసీస్‌కు విజయం అందించారు. ఎనిమిదో వికెట్‌ డౌన్‌స్టార్క్‌ (4) రూపంలో ఆసీస్‌ ఎనిమిదో వికెట్‌ కోల్పోయింది.ఏడో వికెట్‌ కోల్పోయిన ఆసీస్‌అర్ష్‌దీప్‌ సింగ్‌ బౌలింగ్‌లో ఏడో వికెట్‌గా బార్ట్‌లెట్‌ (3) వెనుదిరిగాడు. 45 ఓవర్లలో ఏడు వికెట్ల నష్టానికి 255 పరుగులు చేసినన ఆసీస్‌.. విజయానికి 30 బంతుల్లో 10 పరుగుల దూరంలో ఉంది. కన్నోలి 56, స్టార్క్‌ సున్నా పరుగులతో క్రీజులో ఉన్నారు.ఆరో వికెట్‌ కోల్పోయిన ఆసీస్‌వాషింగ్టన్‌ సుందర్‌ బౌలింగ్‌లో అర్ష్‌దీప్‌ సింగ్‌కు క్యాచ్‌ ఇచ్చి మిచెల్‌ ఓవెన్‌ (36) అవుటయ్యాడు. దీంతో ఆసీస్‌ ఆరో వికెట్‌ కోల్పోయింది. అయితే, అర్ధ శతకంతో కూపర్‌ కన్నోలి జోరుమీద ఉన్నాడు. జేవియర్‌ బార్ట్‌లెట్‌ అతడికి సహకరిస్తున్నాడు. 43.1 ఓవర్ల ఆట ముగిసే సరికి ఆరు వికెట్లు కోల్పోయిన ఆసీస్‌ విజయానికి.. 41 బంతుల్లో కేవలం 16 పరుగులే అవసరం.ఐదో వికెట్‌ కోల్పోయిన ఆసీస్‌హర్షిత్‌ రాణా బౌలింగ్‌లో ఐదో వికెట్‌గా వెనుదిరిగాడు అర్థ శతక వీరుడు మాథ్యూ షార్ట్‌ (74). సిరాజ్‌కు క్యాచ్‌ ఇ‍వ్వడంతో అతడి ఇన్నింగ్స్‌ ముగిసిపోగా ఆసీస్‌ ఐదో వికెట్‌ కోల్పోయింది. మిచెల్‌ ఓవెన్‌ క్రీజులోకి వచ్చాడు. 39 ఓవర్ల తర్వాత ఆసీస్‌ స్కోరు 207-5. విజయానికి 66 బంతుల్లో 58 పరుగులు కావాలి. కన్నోలి 34, మిచెల్‌ ఓవెన్‌ 17 పరుగులతో క్రీజులో ఉన్నారు.నాలుగో వికెట్‌ కోల్పోయిన ఆసీస్‌26.2వ ఓవర్‌- 132 పరుగుల వద్ద ఆసీస్‌ నాలుగో వికెట్‌ కోల్పోయింది. వాషింగ్టన్‌ సుందర్‌ బౌలింగ్‌లో అలెక్స్‌ క్యారీ (9) క్లీన్‌ బౌల్డ్‌ అయ్యాడు. 30.3 ఓవర్ల తర్వాత ఆసీస్‌ స్కోర్‌ 4 వికెట్ల నష్టానికి 143 పరుగులుగా ఉంది. ఈ మ్యాచ్‌లో ఆసీస్‌ గెలవాలంటే మరో 122 పరుగులు చేయాలి. మూడో వికెట్‌ కోల్పోయిన ఆసీస్‌21.4వ ఓవర్‌- 109 పరుగుల వద్ద ఆసీస్‌ మూడో వికెట్‌ కోల్పోయింది. అక్షర్‌ పటేల్‌ బౌలింగ్‌లో మ్యాట్‌ రెన్‌షా (30) క్లీన్‌ బౌల్డ్‌ అయ్యాడు. దీంతో మాథ్యూ షార్ట్‌తో 50 పరుగుల భాగస్వామ్యానికి తెరపడింది. షార్ట్‌కు (37) జతగా అలెక్స్‌ క్యారీ క్రీజ్‌లోకి వచ్చాడు.రెండో వికెట్‌ కోల్పోయిన ఆసీస్‌12.2వ ఓవర్‌- 265 పరుగుల లక్ష్య ఛేదనలో ఆసీస్‌ 54 పరుగుల వద్ద రెండో వికెట్‌ కోల్పోయింది. హర్షిత్‌ రాణా బౌలింగ్‌లో కోహ్లికి క్యాచ్‌ ఇచ్చి హెడ్‌ (28) ఔటయ్యాడు. అంతకుముందు 8వ ఓవర్‌ రెండో బంతికి అర్షదీప్‌ సింగ్‌ బౌలింగ్‌లో కేఎల్‌ రాహుల్‌కు క్యాచ్‌ ఇచ్చి కెప్టెన్‌ మిచెల్‌ మార్ష్‌ (11) పెవిలియన్‌కు చేరాడు. రోహిత్‌, శ్రేయస్‌ హాఫ్‌ సెంచరీలు.. భారత్‌ స్కోర్‌: 264/9అడిలైడ్ వన్డేలో మొదట బ్యాటింగ్ చేసిన భారత్ 9 వికెట్ల నష్టానికి 264 పరుగులు చేసింది. భారత బ్యాటర్లలో రోహిత్ శర్మ(73) టాప్ స్కోరర్‌గా నిలవగా.. శ్రేయస్ అయ్యర్‌(61), అక్ష‌ర్ ప‌టేల్‌(44) రాణించారు. ఆఖ‌రిలో హ‌ర్షిత్ రాణా(24), అర్ష్‌దీప్ సింగ్‌ కీల‌క ఇన్నింగ్స్‌లు ఆడారు. కెప్టెన్ శుభ్‌మ‌న్ గిల్‌తో పాటు స్టార్ బ్యాట‌ర్లు విరాట్ కోహ్లి(0), కేఎల్ రాహుల్‌(11) విఫ‌ల‌మ‌య్యారు. ఆసీస్ బౌల‌ర్ల‌లో ఆడ‌మ్ జంపా 4 వికెట్లు ప‌డ‌గొట్ట‌గా..బార్ట్‌లెట్ మూడు, స్టార్క్ రెండు వికెట్లు సాధించాడు.భారత్‌ ఎనిమిదో వికెట్‌ డౌన్‌..అడిలైడ్ వన్డేలో భార‌త్ ఆలౌట్ దిశ‌గా సాగుతోంది. నితీశ్ కుమార్ రెడ్డి రూపంలో టీమిండియా ఎనిమిదో వికెట్ కోల్పోయింది. 8 ప‌రుగులు చేసిన నితీశ్‌.. ఆడ‌మ్ జంపా బౌలింగ్‌లో స్టంపౌట‌య్యాడు. భారత్‌ స్కోర్‌: 229-8(46 ఓవర్లు)ఏడో వికెట్‌ కోల్పోయిన భారత్‌44.1: నిలకడగా ఆడుతున​ అక్షర్‌ పటేల్‌ 44 పరుగుల వ్యక్తిగత స్కోరు వద్ద అవుటయ్యాడు. జంపా బౌలింగ్‌లో స్టార్క్‌కు క్యాచ్‌ ఇవ్వడంతో అక్షర్‌ ధనాధన్‌ ఇన్నింగ్స్‌కు తెరపడింది. దీంతో భారత్‌ ఏడో వికెట్‌ కోల్పోయింది. హర్షిత్‌ రాణా క్రీజులోకి రాగా.. నితీశ్‌ రెడ్డి ఏడు పరుగులతో ఉన్నాడు. స్కోరు: 223-7(44.1)వాషీ అవుట్‌.. ఆరో వికెట్‌ డౌన్‌41.5: బార్ట్‌లెట్‌ బౌలింగ్‌లో హాజిల్‌వుడ్‌కు క్యాచ్‌ ఇచ్చి అవుటైన వాషింగ్టన్‌ సుందర్‌ (12). దీంతో టీమిండియా ఆరో వికెట్‌ కోల్పోయింది. నితీశ్‌ కుమార్‌ రెడ్డి క్రీజులోకి రాగా.. అక్షర్‌ పటేల్‌ 41 పరుగులతో ఆడుతున్నాడు. స్కోరు: 213-6(42). టీమిండియా ఐదో వికెట్ డౌన్‌టీమిండియా 174 ప‌రుగుల వ‌ద్ద ఐదో వికెట్ కోల్పోయింది. 11 ప‌రుగులు చేసిన రాహుల్‌.. ఆడ‌మ్ జంపా బౌలింగ్‌లో ఔట‌య్యాడు. క్రీజులోకి వాషింగ్ట‌న్ సుంద‌ర్ వ‌చ్చాడు.నాలుగో వికెట్‌ కోల్పోయిన భారత్‌శ్రేయస్‌ అయ్యర్‌ (61)​ రూపంలో టీమిండియా నాలుగో వికెట్‌ కోల్పోయింది. జంపా బౌలింగ్‌లో అయ్యర్‌​ బౌల్డ్‌. స్కోరు: 160-4(32.4). అక్షర్‌ 13 పరుగులతో క్రీజులో ఉన్నాడు.రోహిత్‌ శర్మ ఔట్‌..రోహిత్ శర్మ రూపంలో భారత్ మూడో వికెట్ కోల్పో‍ంయింది. 73 పరుగులు చేసిన రోహిత్‌.. మిచెల్ స్టార్క్ బౌలింగ్‌లో ఔటయ్యాడు. క్రీజులోకి అక్షర్ పటేల్ వచ్చాడు.అయ్యర్‌ హాఫ్‌ సెంచరీ..శ్రేయస్‌ అయ్యర్‌ కూడా తన హాఫ్‌ సెంచరీని పూర్తి చేసుకున్నాడు. 67 బంతుల్లో అయ్యర్‌ తన 23వ ఆర్ధ శతకాన్ని అందుకున్నాడు. టీమిండియా స్కోరు: 94-2 (29). రోహిత్‌ 72 పరుగులతో క్రీజులో ఉన్నాడు.రోహిత్‌ శర్మ హాఫ్‌ సెంచరీ21.5: కన్నోలి బౌలింగ్‌లో సింగిల్‌ తీసి అర్ధ శతకం పూర్తి చేసుకున్న రోహిత్‌ శర్మ. 74 బంతుల్లో యాభై పరుగుల మార్కు అందుకున్న హిట్‌మ్యాన్‌. వన్డేల్లో ఇది 59వ ఫిఫ్టీ. టీమిండియా స్కోరు: 94-2 (22). అయ్యర్‌ 33 పరుగులతో ఆడుతున్నాడు.సిక్స్‌లు, ఫోర్‌.. 17 పరుగులు19వ ఓవర్లో రోహిత్‌ శర్మ రెండు సిక్స్‌లు బాదగా.. శ్రేయస్‌ అయ్యర్‌ ఓ ఫోర్‌ బాదాడు. ఈ క్రమంలో మిచెల్‌ ఓవెన్‌ బౌలింగ్‌లో ఈ ఓవర్లో ఓవరాల్‌గా 17 పరుగులు వచ్చాయి. టీమిండియా స్కోరు 83-2.నిలకడగా ఆడుతున్న రోహిత్‌, అయ్యర్‌..15 ఓవర్లు ముగిసే సరికి టీమిండియా రెండు వికెట్ల నష్టానికి 50 పరుగులు చేసింది. రోహిత్‌ శర్మ(26), శ్రేయస్‌ అయ్యర్‌(13) ఇన్నింగ్స్‌ను చక్కదిద్దే ప్రయత్నం చేస్తున్నారు.టీమిండియాకు భారీ షాక్‌.. కోహ్లి డకౌట్‌విరాట్ కోహ్లి రూపంలో టీమిండియా రెండో వికెట్ కోల్పోయింది. జేవియర్ బార్ట్‌లెట్ బౌలింగ్‌లో కోహ్లి వికెట్లు ముందు దొరికిపోయాడు. దీంతో ఖాతా తెరవకుండానే కోహ్లి పెవిలియన్‌కు చేరాడు.తొలి వికెట్‌ కోల్పోయిన భారత్‌..రెండో వన్డేలో కూడా భారత కెప్టెన్‌ శుభ్‌మన్‌ గిల్‌ విఫలమయ్యాడు. కేవలం 9 పరుగులు మాత్రమే చేసిన గిల్‌.. బార్ట్‌లెట్‌ బౌలింగ్‌లో ఔటయ్యాడు. క్రీజులోకి కోహ్లి వచ్చాడు.తడబడుతున్న గిల్‌..6 ఓవర్లు ముగిసే సరికి టీమిండియా వికెట్‌ నష్టపోకుండా 17 పరుగులు చేసింది. ఓ వైపు శుభ్‌మన్‌ గిల్‌(8 బంతుల్లో 9) మంచి టచ్‌లో కన్పిస్తుంటే.. రోహిత్‌ శర్మ(28 బంతుల్లో 8) మాత్రం తడబడుతున్నాడు.అడిలైడ్ వేదిక‌గా రెండో వ‌న్డేలో ఆస్ట్రేలియా-భార‌త్ జ‌ట్లు త‌ల‌ప‌డుతున్నాయి. ఈ మ్యాచ్‌లో టాస్ గెలిచిన ఆసీస్‌ కెప్టెన్ మిచెల్‌ మార్ష్‌ తొలుత బౌలింగ్ ఎంచుకున్నాడు. ఆసీస్‌ రెండు మార్పులతో బరిలో​కి దిగింది. తుది జట్టులో​కి స్టార్‌ ప్లేయర్లు అలెక్స్‌ క్యారీ, అడమ్‌ జంపా వచ్చారు. మరోవైపు భారత్‌ మాత్రం ఎటువంటి మార్పులు చేయలేదు. పెర్త్‌లో ఆడిన జట్టునే ​కొనసాగించింది. కుల్దీప్‌ యాదవ్‌ మరోసారి బెంచ్‌కే పరిమితమయ్యాడు.తుది జట్లుఆస్ట్రేలియా : మిచెల్ మార్ష్ (కెప్టెన్), ట్రావిస్ హెడ్, మాథ్యూ షార్ట్, మాట్ రెన్షా, అలెక్స్ కారీ (వికెట్ కీపర్‌), కూపర్ కోనోలీ, మిచెల్ ఓవెన్, జేవియర్ బార్ట్‌లెట్, మిచెల్ స్టార్క్, ఆడమ్ జంపా, జోష్ హాజిల్‌వుడ్భారత్‌ : రోహిత్ శర్మ, శుభ్‌మాన్ గిల్ (కెప్టెన్), విరాట్ కోహ్లీ, శ్రేయాస్ అయ్యర్, అక్షర్ పటేల్, కెఎల్ రాహుల్ (వికెట్ కీపర్‌), వాషింగ్టన్ సుందర్, నితీష్ కుమార్ రెడ్డి, హర్షిత్ రాణా, అర్ష్‌దీప్ సింగ్, మహ్మద్ సిరాజ్

అడిలైడ్‌: శుబ్‌మన్‌ గిల్‌ నాయకత్వంలో తొలి వన్డే ఓడిన భారత జట్టు మరో పోరులో తమ సత్తా చాటేందుకు సిద్ధమైంది. మూడు మ్యాచ్‌ల సిరీస్‌లో భాగంగా నేడు జరిగే రెండో వన్డేలో ఆ్రస్టేలియాతో భారత్‌ తలపడుతుంది. ప్రస్తుతం 0–1తో వెనుకంజతో ఉన్న టీమిండియా ఈ మ్యాచ్‌లో ఓడితే సిరీస్‌ను చేజార్చుకుంటుంది. వర్షం కారణంగా 26 ఓవర్లకే కుదించిన గత మ్యాచ్‌లో బ్యాటింగ్‌ వైఫల్యంతో టీమిండియా పరాజయాన్ని ఎదుర్కొంది. ఆ్రస్టేలియా అలవోకగా లక్ష్యాన్ని ఛేదించడంలో సఫలమైంది. ఈ నేపథ్యంలో భారత్‌ ఎలాంటి వ్యూహంతో బరిలోకి దిగుతుందనేది ఆసక్తికరం. సహజంగానే మరోసారి అందరి దృష్టీ రోహిత్‌ శర్మ, విరాట్‌ కోహ్లిలపైనే ఉంది. తొలి వన్డేలో వీరిద్దరు విఫలం కావడం కొత్త చర్చకు దారి తీసింది. ప్రతీ మ్యాచ్‌ వీరికి పరీక్ష కాదని చీఫ్‌ సెలక్టర్‌ అగార్కర్‌ చెబుతున్నా... కచి్చతంగా రాణించాల్సిన ఒత్తిడి వీరిపై ఉందనేది వాస్తవం. అరంగేట్ర మ్యాచ్‌లో ఆకట్టుకున్న ఆంధ్ర ఆల్‌రౌండర్‌ నితీశ్‌ కుమార్‌ రెడ్డి మరోసారి తన ప్రభావం చూపించాలని పట్టుదలగా ఉన్నాడు. భారత్‌ తుది జట్టు విషయంలో మార్పు ఉండకపోవచ్చు. స్పిన్‌ బౌలింగ్‌ ఆల్‌రౌండర్లు అక్షర్, సుందర్‌లలో ఒకరిని తప్పించి రెగ్యులర్‌ స్పిన్నర్‌ కుల్దీప్‌కు అవకాశం ఇస్తారా అనేది సందేహమే. మరోవైపు ఆస్ట్రేలియా టీమ్‌లో ఫిలిప్స్, కునెమన్‌ స్థానాల్లో అలెక్స్‌ కేరీ, ఆడమ్‌ జంపా రావడం ఖాయమైంది. అడిలైడ్‌ మైదానం బ్యాటింగ్‌కు బాగా అనుకూలం కావడంతో భారీ స్కోరుకు అవకాశం ఉంది. మ్యాచ్‌కు వర్షం ముప్పు లేదు. ఈ స్టేడియంలో ఆస్ట్రేలియాతో ఆడిన గత రెండు వన్డేల్లో (2012, 2019) భారత జట్టే గెలిచింది.

ఆస్ట్రేలియాతో రెండో వన్డేకు టీమిండియా స్టార్‌ రోహిత్‌ శర్మ (Rohit Sharma) సన్నద్ధమయ్యాడు. ఆప్షనల్‌ సెషన్‌లో భాగంగా నెట్స్‌లో తీవ్రంగా చెమటోడ్చిన హిట్‌మ్యాన్‌.. బ్యాటింగ్‌ ప్రాక్టీస్‌ చేశాడు. త్రోడౌన్స్‌ ఎదుర్కొంటూ బిజీబిజీగా గడిపాడు.అయితే, ప్రాక్టీస్‌ సెషన్‌ ముగించుకున్న తర్వాత రోహిత్‌ శర్మ మైదానాన్ని వీడే క్రమంలో ముభావంగా కనిపించడం చర్చకు దారితీసింది. ఇందుకు ప్రధాన కారణం.. హెడ్‌కోచ్‌ గౌతం గంభీర్‌ (Gautam Gambhir), చీఫ్‌ సెలక్టర్‌ అజిత్‌ అగార్కర్‌ (Ajit Agarkar) చర్యలే అని తెలుస్తోంది.అందుకే రోహిత్‌పై వేటుకెప్టెన్‌ హోదాలో భారత్‌కు ఐసీసీ చాంపియన్స్‌ ట్రోఫీ-2025 అందించిన 38 ఏళ్ల రోహిత్‌ శర్మపై యాజమాన్యం ఊహించని రీతిలో వేటు వేసిన విషయం తెలిసిందే. వన్డే ప్రపంచకప్‌-2027 టోర్నీని దృష్టిలో పెట్టుకుని రోహిత్‌ను తప్పించి.. అతడి స్థానంలో శుబ్‌మన్‌ గిల్‌కు పగ్గాలు అప్పగించినట్లు అగార్కర్‌ ఆసీస్‌ పర్యటన జట్టు ప్రకటన సందర్భంగా తెలిపాడు.రోహిత్‌కు ఇష్టం లేకపోయినా..అయితే, ఇప్పటికే అంతర్జాతీయ టీ20 ఫార్మాట్‌కు, టెస్టులకు రిటైర్మెంట్‌ ప్రకటించిన రోహిత్‌ శర్మ.. వన్డే కెప్టెన్‌గా కొనసాగాలని గట్టిగా నిర్ణయించుకున్నట్లు సమాచారం. అయితే, కోచ్‌ గంభీర్‌, చీఫ్‌ సెలక్టర్‌ అగార్కర్‌ బలవంతంగానే రోహిత్‌ను తప్పించడంలో కీలక పాత్ర పోషించినట్లు వార్తలు వచ్చాయి.ఓపెనర్‌గానూ చోటివ్వరా?ఇక ఈ పరిణామాల నేపథ్యంలో.. భారత్‌కు రెండు ఐసీసీ టైటిళ్లు అందించిన దిగ్గజ కెప్టెన్‌ రోహిత్‌ శర్మ ప్రస్తుతం వన్డే జట్టులో ఓపెనర్‌గా మాత్రమే కొనసాగుతున్నాడు. అయితే, ఆ స్థానానికీ గంభీర్‌- అగార్కర్‌ ఎసరు పెట్టినట్లు తాజా ఊహాగానాల ద్వారా తెలుస్తోంది.ఆసీస్‌తో రెండో వన్డేకు ముందు అడిలైడ్‌ ఓవల్‌ మైదానంలో రోహిత్‌ శర్మ ప్రాక్టీస్‌ చేస్తున్న వేళ.. గంభీర్‌, అగార్కర్‌.. యువ ఆటగాడు యశస్వి జైస్వాల్‌తో సుదీర్ఘ చర్చలు జరిపినట్లు సమాచారం. ఇదే రోహిత్‌ మూడ్‌ ఆఫ్‌ అవడానికి కారణమని రెవ్‌స్పోర్ట్స్‌ కథనం ద్వారా అర్థమవుతోంది.జైసూతో చర్చలకు అర్థం ఏమిటి?కాగా ఇప్పటికే టెస్టుల్లో ఓపెనర్‌గా పాతుకుపోయిన యశస్వి జైస్వాల్‌.. వన్డేల్లో మాత్రం అవకాశాలు దక్కించుకోలేకపోతున్నాడు. రోహిత్‌- గిల్‌ వన్డే ఫార్మాట్లో ఓపెనింగ్‌ జోడీగా కొనసాగుతున్న నేపథ్యంలో జైసూకు ఇంత వరకు ఒకే ఒక్క వన్డే ఆడే అవకాశం వచ్చింది.అయితే, తాజాగా ఆసీస్‌తో వన్డే సిరీస్‌ నేపథ్యంలో జైస్వాల్‌ను బ్యాకప్‌ ఓపెనర్‌గా ఎంపిక చేశారు సెలక్టర్లు. కెప్టెన్‌గా తుదిజట్టులో గిల్‌ స్థానానికి వచ్చిన ఢోకా లేదు. మరోవైపు.. రోహిత్‌ కూడా పది కిలోల బరువు తగ్గి పూర్తి ఫిట్‌గా ఉన్నాడు. ఇలాంటి తరుణంలో గంభీర్‌, అగార్కర్‌ జైసూకు ప్రాధాన్యం ఇస్తూ చర్చలు జరపడం.. రోహిత్‌ అభిమానులను ఆందోళనలోకి నెట్టేసింది.భవిష్యత్తు ప్రణాళికలు అంటూ.. రోహిత్‌ను జట్టు నుంచే తప్పించి జైస్వాల్‌ ఆడిస్తారా ఏమిటి? అనే సందేహాలు ఫ్యాన్స్‌ను వెంటాడుతున్నాయి. ఇదిలా ఉంటే.. ప్యూర్‌ బ్యాటర్‌ అయిన జైస్వాల్‌.. నెట్స్‌లో లెగ్‌ స్పిన్‌ బౌలింగ్‌ ప్రాక్టీస్‌ చేయడం గమనార్హం. గంభీర్‌ ఆల్‌రౌండర్లకే పెద్దపీట వేస్తాడన్న పేరుంది. కాబట్టి తనలోని ఆల్‌రౌండ్‌ నైపుణ్యాలతో గంభీర్‌ను ఆకట్టుకుని తుదిజట్టులో చోటు సంపాదించాలని జైసూ భావిస్తున్నట్లు తెలుస్తోంది. మరోవైపు.. ఈ ఆప్షనల్‌ సెషన్‌కు విరాట్‌ కోహ్లితో పాటు గిల్‌ కూడా డుమ్మాకొట్టినట్లు సమాచారం.విఫలమైన రో- కోకాగా ఆసీస్‌తో మూడు వన్డేల సిరీస్‌లో భాగంగా పెర్త్‌లో జరిగిన తొలి మ్యాచ్‌లో టీమిండియా ఏడు వికెట్ల తేడాతో ఓడిపోయింది. ఇరుజట్ల మధ్య గురువారం జరిగే రెండో వన్డేకు అడిలైడ్‌ ఓవల్‌ వేదిక. ఇక ఏడు నెలల తర్వాత టీమిండియా తరఫున తొలి వన్డేతో రీఎంట్రీ ఇచ్చిన రో- కో నిరాశపరిచారు. రోహిత్‌ 8 పరుగులే చేసి అవుట్‌ కాగా.. కోహ్లి డకౌట్‌గా వెనుదిరిగాడు. చదవండి: కోహ్లి, రోహిత్‌ అందుకే ఫెయిల్‌ అయ్యారు: టీమిండియా కోచ్‌ కామెంట్స్‌ వైరల్‌

న్యూజిలాండ్‌ పర్యటన సందర్భంగా 2019లో అంతర్జాతీయ క్రికెట్‌లో అడుగుపెట్టాడు శుబ్‌మన్‌ గిల్‌ (Shubman Gill). కివీస్‌తో వన్డే సిరీస్‌ సందర్భంగా టీమిండియా తరఫున అరంగేట్రం చేశాడు. మరుసటి ఏడాదే టెస్టుల్లోనూ ఎంట్రీ ఇచ్చిన ఈ కుడిచేతి వాటం బ్యాటర్‌.. 2023లో అంతర్జాతీయ టీ20 ఫార్మాట్లోనూ అరంగేట్రం చేశాడు.ఇప్పటి వరకు టీమిండియా తరఫున 56 వన్డేలు, 28 టీ20లు, 39 టెస్టులు ఆడిన గిల్‌.. వన్డేల్లో 2785, టీ20లలో 705, టెస్టుల్లో 2839 పరుగులు సాధించాడు. బ్యాటర్‌గా తనను తాను నిరూపించుకున్న గిల్‌.. ఐదేళ్ల కాలంలోనే కెప్టెన్‌గానూ ఎదిగాడు.ప్రస్తుతం టీమిండియా, వన్డే జట్లకు కెప్టెన్‌గా ఉన్న గిల్‌.. టీ20 ఫార్మాట్లో వైస్‌ కెప్టెన్‌గా కొనసాగుతున్నాడు. త్వరలోనే పొట్టి క్రికెట్‌లోనూ టీమిండియాను ముందుకు నడిపించనున్నాడు. మరి గిల్‌తో పాటే ఆయా ఫార్మాట్లలో అరంగేట్రం చేసిన ఓ ఐదుగురు ప్లేయర్లు మాత్రం జాతీయ జట్టులో చోటు కోసం కనీసం పోటీపడే స్థితిలో కూడా లేకుండా పోయారు.విజయ్‌ శంకర్‌ (Vijay Shankar)గిల్‌తో పాటు 2019లో వన్డేల్లో అడుగుపెట్టాడు తమిళనాడు ప్లేయర్‌ విజయ్‌ శంకర్‌. 2019లో వన్డే వరల్డ్‌కప్‌ ఆడే సువర్ణావకాశం వచ్చిన దానిని సద్వినియోగం చేసుకోలేకపోయాడు. ఎనిమిది ఇన్నింగ్స్‌లో కలిపి 223 పరుగులు చేయడంతో పాటు తొమ్మిది మ్యాచ్‌లు ఆడి నాలుగు వికెట్లు మాత్రమే తీయగలిగాడు.ఆ తర్వాత కూడా పెద్దగా రాణించకపోవడంతో విజయ్‌ శంకర్‌కు టీమిండియా తలుపులు మూసుకుపోయాయి. ఐపీఎల్‌-2025లో చెన్నై సూపర్‌ కింగ్స్‌ తరఫున బరిలోకి దిగిన శంకర్‌ ఇక్కడా ఫెయిలయ్యాడు.నవదీప్‌ సైనీ (Navdeep Saini)వన్డేల్లో గిల్‌తో పాటే జాతీయ జట్టులో అడుగుపెట్టాడు నవదీప్‌ సైనీ. ఈ పేస్‌ బౌలర్‌ నిలకడలేమి ఆట కారణంగా జట్టులో స్థానం కోల్పోయాడు.ఫిట్‌నెస్‌ సమస్యలు కూడా వెంటాడటంతో కెరీర్‌ కష్టాలు తప్పడం లేదు.టీమిండియా తరఫున రెండు టెస్టుల్లో నాలుగు, 8 వన్డేల్లో ఆరు, 11 టీ20లలో 13 వికెట్లు తీసిన ఈ హర్యానా రైటార్మ్‌ పేసర్‌.. 2021లో చివరగా టీమిండియాకు ఆడాడు.టి.నటరాజన్‌ (T. Natarajan)తమిళనాడుకు చెందిన టి.నటరాజన్‌ 2020-21 ఆస్ట్రేలియా పర్యటన సందర్భంగా మూడు ఫార్మాట్లలో అరంగేట్రం చేశాడు. కానీ లెఫ్టార్మ్‌ పేసర్‌ను గాయాల బెడద వేధించడంతో త్వరగానే కనుమరుగైపోయాడు.టీమిండియా తరఫున ఒక టెస్టు, రెండు వన్డేలు, నాలుగు టీ20 మ్యాచ్‌లు ఆడిన నటరాజన్‌.. ఆయా ఫార్మాట్లలో 3, 3, 7 వికెట్లు తీశాడు.పృథ్వీ షా (Prithvi Shaw)భారత్‌కు అండర్‌-19 వరల్డ్‌కప్‌ అందించిన కెప్టెన్‌. ఈ టోర్నీలో పృథ్వీ సారథ్యంలో గిల్‌ ఆడాడు. తర్వాత ఇద్దరూ ఒకేసారి టీమిండియాలోకి వచ్చారు.ఓపెనింగ్‌ స్థానం కోసం జరిగిన పోటీలో గిల్‌ ముందుకు సాగిపోగా.. సచిన్‌ టెండుల్కర్‌ అంతటి వాడు అవుతాడనుకున్న పృథ్వీ కెరీర్‌ ఊహించని రీతిలో పతనమైంది.క్రమశిక్షణారాహిత్యం, ఫిట్‌నెస్‌ సమస్యలు ఇందుకు కారణం. పాతికేళ్ల పృథ్వీ షా ఐదు టెస్టుల్లో 339, ఆరు వన్డేల్లో 189 పరుగులు సాధించాడు. ఆడిన ఒకే ఒక్క టీ20లో డకౌట్‌ అయ్యాడు. చివరగా 2021లో టీమిండియాకు ఆడాడు పృథ్వీ షా.శివం మావి (Shivam Mavi)గిల్‌తో ‍కలిసి ఉత్తరప్రదేశ్‌ పేసర్‌ శివం మావి 2023లో అంతర్జాతీయ టీ20లలో అడుగుపెట్టాడు. ఈ ఫార్మాట్లో 26 ఏళ్ల గిల్‌ వైస్‌ కెప్టెన్‌గా ఎదగగా.. అదే ఏజ్‌లో ఉన్న శివం మాత్రం రెండేళ్ల క్రితమే తన చివరి మ్యాచ్‌ ఆడేశాడు. టీమిండియా తరఫున మొత్తంగా ఆరు టీ20లు ఆడిన ఈ రైటార్మ్‌ పేసర్‌ ఏడు వికెట్లు తీయగలిగాడు.చదవండి: సౌతాఫ్రికాతో సిరీస్‌కు భారత జట్టు ప్రకటన.. కెప్టెన్‌గా రిషభ్‌ పంత్‌

ఆస్ట్రేలియా పర్యటనను టీమిండియా ఓటమితో ఆరంభించింది. పెర్త్‌ వేదికగా తొలి వన్డేలో ఏడు వికెట్ల తేడాతో ఓడిపోయింది. వర్షం ఆటంకం కలిగించిన కారణంగా 26 ఓవర్లకు ఈ మ్యాచ్‌ను కుదించగా.. భారత్‌ తొమ్మిది వికెట్లు నష్టపోయి 136 పరుగులు చేసింది.డీఎల్‌ఎస్‌ పద్ధతి ప్రకారం ఆస్ట్రేలియా లక్ష్యం 131 పరుగులుగా నిర్దేశించగా.. 21.1 ఓవర్లలో మూడు వికెట్లు నష్టపోయి కంగారూలు పనిపూర్తి చేశారు. తద్వారా మూడు వన్డేల సిరీస్‌లో 1-0తో ఆసీస్‌ ఆధిక్యంలో నిలిచింది.అదేంటో.. ఎవరికీ అర్థం కాదుఈ నేపథ్యంలో టీమిండియా దిగ్గజం సునిల్‌ గావస్కర్‌ ఆసక్తికర వ్యాఖ్యలు చేశాడు. డీఎల్‌ఎస్‌ (Duckworth–Lewis–Stern method) పద్ధతి ద్వారా లక్ష్యాలు ఎలా నిర్దేశిస్తారో ఎవరికీ అర్థం కాదని వాపోయాడు. ‘‘ఈ మెథడ్‌ అందరికీ అర్థం అవుతుందని నేను అనుకోను. అయితే, సుదీర్ఘ కాలంగా ఈ పద్ధతినే వాడుతున్నారు.ఇలా మ్యాచ్‌లకు వర్షాలు ఆటంకం కలిగించినపుడు.. గతంలో ఓ భారతీయుడు VJD (వి. జయదేవన్‌ మెథడ్‌)మెథడ్‌ను ప్రవేశపెట్టాడు. దేశవాళీ క్రికెట్‌లో భారత క్రికెట్‌ నియంత్రణ మండలి (BCCI) ఇదే ఉపయోగించేది. అయితే, ఇప్పుడు ఉపయోగిస్తున్నారో లేదో తెలియదు.ఇరుజట్లకు సమన్యాయం జరిగేలాఏదేమైనా వర్షం వల్ల మ్యాచ్‌కు అంతరాయం కలిగినపుడు.. ఇరుజట్లకు సమన్యాయం జరిగేలా ఉండే పద్ధతులను వాడితే బాగుంటుంది. లక్ష్యం నిర్దేశించేందుకు ప్రామాణికం ఏమిటో వివరించాల్సి ఉంటుంది’’ అని సునిల్‌ గావస్కర్‌ ఇండియా టుడేతో తన అభిప్రాయాలు పంచుకున్నాడు.అదే విధంగా.. భారత దిగ్గజ బ్యాటర్లు విరాట్‌ కోహ్లి, రోహిత్‌ శర్మ ఆసీస్‌తో తొలి వన్డేలో విఫలం కావడంపై కూడా గావస్కర్‌ ఈ సందర్భంగా స్పందించాడు. ‘‘టీమిండియా ఐదు నెలల క్రితమే చాంపియన్స్‌ ట్రోపీ గెలిచింది. జట్టు బాగుంది.రో- కో ఒక్కసారి ఫామ్‌లోకి వస్తేరోహిత్‌ శర్మ, విరాట్‌ కోహ్లి తదుపరి మ్యాచ్‌లలో భారీగా పరుగులు రాబట్టినా ఆశ్చర్యపడాల్సిన అవసరం లేదు. చాన్నాళ్ల తర్వాత వారు మైదానంలో అడుగుపెట్టారు. నెట్స్‌లో రిజర్వు బౌలర్ల త్రోడౌన్స్‌ను ఎదుర్కొన్నారు. వాళ్లిద్దరు ఫామ్‌లోకి వస్తే టీమిండియా 300- 320 పరుగులు చేయగలదు’’ అని గావస్కర్‌ రో-కోకు మద్దతుగా నిలిచాడు.కాగా అంతర్జాతీయ టీ20, టెస్టులకు రిటైర్మెంట్‌ ప్రకటించిన రోహిత్‌ శర్మ- విరాట్‌ కోహ్లి ప్రస్తుతం వన్డేల్లో కొనసాగుతున్న విషయం తెలిసిందే. ఇక ఆస్ట్రేలియా పర్యటనకు ముందు రోహిత్‌ను వన్డే కెప్టెన్సీ నుంచి తప్పించిన టీమిండియా యాజమాన్యం.. అతడి స్థానంలో శుబ్‌మన్‌ గిల్‌ను నయా సారథిగా ఎంపిక చేసింది. ఇక గిల్‌ ఇప్పటికే టెస్టు జట్టుకు కెప్టెన్‌గా వ్యవహరిస్తున్న విషయం తెలిసిందే. ఇదిలా ఉంటే.. ఆసీస్‌- భారత్‌ మధ్య గురువారం జరిగే రెండో వన్డేకు అడిలైడ్‌ వేదిక.చదవండి: ‘నా వల్లే జట్టు ఓడింది.. ఓటమికి బాధ్యత నాదే.. తెలివిగా ఆడితే బాగుండేది’

ఆస్ట్రేలియాతో వన్డే సిరీస్‌కు భారత జట్టును ప్రకటించిన నాటి నుంచి చర్చనీయాంశమైన పేరు హర్షిత్‌ రాణా (Harshit Rana). హెడ్‌కోచ్‌ గౌతమ్‌ గంభీర్‌ (Gautam Gambhir) ప్రియ శిష్యుడైన కారణంగానే అతడికి జట్టులో చోటు దక్కిందనే విమర్శలు వచ్చాయి. భారత మాజీ క్రికెటర్లు క్రి​ష్ణమాచారి శ్రీకాంత్‌, రవిచంద్రన్‌ అశ్విన్‌ ప్రధానంగా ఈ విషయంపై వీడియోలు చేశారు.27 పరుగులు ఇచ్చిఅయితే, గంభీర్‌ కూడా వారికి అదే రీతిలో బదులిచ్చాడు. యూట్యూబ్‌ చానెళ్ల వ్యూస్‌ కోసం 23 ఏళ్ల కుర్రాడి భవిష్యత్తు నాశనం చేస్తారా? అంటూ మండిపడ్డాడు. ఇదిలా ఉంటే.. ఆస్ట్రేలియాతో తొలి వన్డే (IND vs AUS 1st ODI) తుదిజట్టులోనూ హర్షిత్‌ రాణాకు స్థానం దక్కింది. ఈ రైటార్మ్‌ యువ పేసర్‌ కేవలం నాలుగు ఓవర్ల బౌలింగ్‌లోనే 27 పరుగులు ఇచ్చి ఒక్క వికెట్‌ కూడా తీయలేకపోయాడు.ఇక బ్యాటింగ్‌ ఆర్డర్‌లో ఎనిమిదో స్థానంలో వచ్చి రెండు బంతులు ఎదుర్కొని ఒక్క పరుగు చేసి అవుటయ్యాడు హర్షిత్‌ రాణా. ఈ నేపథ్యంలో భారత-‘ఎ’ జట్టు మాజీ కెప్టెన్‌ ప్రియాంక్‌ పాంచల్‌ హర్షిత్‌కు మేనేజ్‌మెంట్‌ ప్రాధాన్యం ఇవ్వడాన్ని విమర్శించాడు.అతడిని ఎక్స్‌పోజ్‌ చేయండి.. దాచి పెడతారెందుకు?ఈ మేరకు.. ‘‘ఒకవేళ హర్షిత్‌ రాణాను ఎనిమిదో స్థానంలో బ్యాటింగ్‌ చేయడానికే జట్టులోకి తీసుకుంటే.. అతడిని తనను తాను నిరూపించుకునే అవకాశం ఇవ్వండి. ఎక్స్‌పోజ్‌ చేయండి. రెండేళ్ల పాటు ఆ పాత్రలో తనను కొనసాగించండి.అంతేగానీ.. అదనపు బ్యాటర్‌ను జట్టులోకి తీసుకుని హర్షిత్‌ను కాపాడటం ఎందుకు? జస్సీ లేనపుడు..ఆల్‌రౌండర్లు నితీశ్‌ రెడ్డి లేదంటే వాషింగ్టన్‌ సుందర్‌ స్థానంలో కుల్దీప్‌ యాదవ్‌ను ఆడించాల్సింది. జస్సీ (జస్‌ప్రీత్‌ బుమ్రా) గైర్హాజరీలో.. అతడు లేని లోటు పూడుస్తూ కుల్దీప్‌ వికెట్లు తీసేవాడు కదా!’’ అని ప్రియాంక్‌ పాంచల్‌ సోషల్‌ మీడియా వేదికగా మేనేజ్‌మెంట్‌ తీరుపై తన అభిప్రాయాలను నిక్కచ్చిగా పంచుకున్నాడు.ఓటమితో మొదలుకాగా పెర్త్‌లో జరిగిన తొలి వన్డేలో ఆస్ట్రేలియా చేతిలో టీమిండియా ఏడు వికెట్ల తేడాతో ఓటమిపాలైంది. వర్షం కారణంగా 26 ఓవర్లకు కుదించిన మ్యాచ్‌లో గిల్‌ సేన తొమ్మిది వికెట్ల నష్టానికి 136 పరుగులే చేసింది. డీఎల్‌ఎస్‌ పద్ధతి ప్రకారం ఆసీస్‌ తమ లక్ష్యాన్ని కేవలం మూడు వికెట్లు కోల్పోయి ఛేదించింది. 21.1 ఓవర్లలో 131 పరుగులు చేసి జయభేరి మోగించింది.చదవండి: నితీశ్‌ రెడ్డిని అందుకే తీసుకున్నారు.. కానీ ఇదేం పద్ధతి?: అశూ ఫైర్‌

ఆస్ట్రేలియాతో తొలి వన్డేలో టీమిండియా ఘోర పరాజయం (IND vs AUS 1st ODI) పాలైంది. ఏడు వికెట్ల తేడాతో ఆతిథ్య జట్టు చేతిలో ఓటమిని చవిచూసింది. ఈ నేపథ్యంలో భారత స్పిన్‌ దిగ్గజం రవిచంద్రన్‌ అశ్విన్‌ (Ravichandran Ashwin) టీమిండియా యాజమాన్యం తీరుపై విమర్శలు గుప్పించాడు.పెర్త్‌ వన్డేలో భారత తుదిజట్టు కూర్పు సరిగ్గా లేదని.. బ్యాటింగ్‌ డెప్త్‌ కోసం బౌలింగ్‌ విభాగాన్ని నీరుగార్చారని అశూ మండిపడ్డాడు. వన్డే కెప్టెన్‌గా శుబ్‌మన్‌ గిల్‌ (Shubman Gill) ఆసీస్‌తో సిరీస్‌తో తన ప్రయాణం మొదలుపెట్టాడు. పెర్త్‌ స్టేడియంలో టాస్‌ ఓడిన భారత్‌.. ఆస్ట్రేలియా ఆహ్వానం మేరకు తొలుత బ్యాటింగ్‌కు దిగింది.రో- కో ఫెయిల్‌ఆసీస్‌ బౌలర్ల ధాటికి టీమిండియా టాపార్డర్‌ కుప్పకూలింది. రోహిత్‌ శర్మ 8, గిల్‌ 10 పరుగులు చేయగా.. వన్‌డౌన్‌ బ్యాటర్‌ విరాట్‌ కోహ్లి (Virat Kohli) డకౌట్‌ అయి తీవ్రంగా నిరాశపరిచాడు. శ్రేయస్‌ అయ్యర్‌ (11) కూడా విఫలం కాగా.. అక్షర్‌ పటేల్‌ 31, కేఎల్‌ రాహుల్‌ 38 పరుగులతో రాణించి జట్టు పరువు కాపాడారు. ఆల్‌రౌండర్లలో వాషింగ్టన్‌ సుందర్‌(10), నితీశ్‌ కుమార్‌ రెడ్డి 19 (నాటౌట్‌) ఫర్వాలేదనిపించారు.రాణించిన మిచెల్‌ మార్ష్‌వర్షం కారణంగా 26 ఓవర్లకు కుదించిన ఈ మ్యాచ్‌లో టీమిండియా తొమ్మిది వికెట్లు నష్టపోయి 136 పరుగులే చేయగలిగింది. ఇక లక్ష్య ఛేదనకు దిగిన ఆసీస్‌ 21.1 ఓవర్లలో కేవలం మూడు వికెట్లు నష్టపోయి 131 పరుగులు చేసి.. డీఎల్‌ఎస్‌ పద్ధతితో ఏడు వికెట్ల తేడాతో విజయం సాధించింది. కెప్టెన్‌ మిచెల్‌ మార్ష్‌ (46 నాటౌట్‌), జోష్‌ ఫిలిప్‌ (37), మ్యాట్‌ రెన్షా (21 నాటౌట్‌) రాణించారు.Just when #TeamIndia needed it most! @Sundarwashi5 breaks a crucial partnership. 👏#AUSvIND 👉 1st ODI | LIVE NOW 👉 https://t.co/FkZ5L4CrRl pic.twitter.com/6e1VZmbAjz— Star Sports (@StarSportsIndia) October 19, 2025 తేలిపోయిన భారత బౌలర్లువికెట్‌ తీయడానికి తిప్పలు పడ్డ భారత బౌలర్లలో పేసర్‌ అర్ష్‌దీప్‌ సింగ్‌, స్పిన్నర్లు అక్షర్‌ పటేల్‌, వాషింగ్టన్‌ సుందర్‌ చెరో వికెట్‌ తీశారు. ఈ నేపథ్యంలో భారత బ్యాటింగ్‌, బౌలింగ్‌ వైఫల్యం గురించి అశ్విన్‌ మాట్లాడుతూ.. చైనామన్‌ స్పిన్నర్‌ కుల్దీప్‌ యాదవ్‌ విషయంలో మేనేజ్‌మెంట్‌ తీరును తప్పుబట్టాడు.నితీశ్‌ రెడ్డిని అందుకే తీసుకున్నారు‘‘వాళ్లు కేవలం ఇద్దరు స్పిన్నర్లతోనే ఎందుకు ఆడారో నేను అర్థం చేసుకోగలను. పేస్‌ ఆల్‌రౌండర్‌ నితీశ్‌ రెడ్డిని ఆడించింది బ్యాటింగ్‌లో డెప్త్‌ కోసమే. ఇక స్పిన్‌ ఆల్‌రౌండర్లు వాషింగ్టన్‌ సుందర్‌, అక్షర్‌ పటేల్‌ కూడా బ్యాటింగ్‌ చేయగలరు కాబట్టి నితీశ్‌ను వారికి జతచేశారు.కానీ ఇదేం పద్ధతి?అసలు మీరెందుకు బౌలింగ్‌పై దృష్టి పెట్టడం లేదు బాస్‌. ఇలాంటి పెద్ద మైదానాల్లో కాకపోతే కుల్దీప్‌ యాదవ్‌ ఇంకెక్కడ స్వేచ్ఛగా బౌలింగ్‌ చేయగలడు? ఈ పిచ్‌పై బంతిని తిప్పుతూ అతడు బౌన్స్‌ కూడా రాబట్టగలడు.అత్యుత్తమ బౌలర్లను పక్కన పెడతారా?ఏమైనా అంటే.. బ్యాటింగ్‌ డెప్త్‌ అని మాట్లాడతారు. బ్యాటింగ్‌ ఆర్డర్‌ రాణించాలంటే... బ్యాటర్లే పూర్తి బాధ్యత తీసుకోవాల్సి ఉంటుంది కదా! పరుగులు రాబట్టడం బ్యాటర్ల పని. అదనపు బ్యాటర్‌ కోసం ఆల్‌రౌండర్లను దించి వారి పని మరింత సులువు చేయాల్సిన అవసరం ఏముంది? జట్టులో అత్యుత్తమ బౌలర్లను పక్కనపెట్టడం ఎంత వరకు సమంజసం?కేవలం బ్యాటింగ్‌ ఆర్డర్‌ను పొడిగించుకోవడానికి తుదిజట్టు కూర్పు విషయంలో ఇలాంటి పొరపాట్లు చేయకండి’’ అని అశ్విన్‌.. టీమిండియా యాజమాన్యం తీరుపై ఆగ్రహం వ్యక్తం చేశాడు. కాగా మూడు వన్డేల సిరీస్‌లో భాగంగా ఆసీస్‌- భారత్‌ మధ్య గురువారం రెండో వన్డేకు షెడ్యూల్‌ ఖరారైంది. ఇందుకు అడిలైడ్‌ వేదిక.చదవండి: CWC 2025: ఇంగ్లండ్ చేతిలో ఓటమి.. అయినా భార‌త్‌కు సెమీస్ ఛాన్స్‌! ఇలా జరగాల్సిందే?

భారత్, ఆస్ట్రేలియా మధ్య తొలి వన్డే సందర్భంగా జరిగిన ఓ సంఘటన చర్చనీయాంశమైంది. మూడు మ్యాచ్‌ల సిరీస్‌లో భాగంగా ఆదివారం జరిగిన తొలి వన్డేలో శుబ్‌మన్‌ గిల్‌ సారథ్యంలోని భారత జట్టు 7 వికెట్ల తేడాతో ఓటమిపాలైంది. వర్షం కారణంగా మ్యాచ్‌కు పలుమార్లు అంతరాయం వాటిల్లగా... చివరకు 26 ఓవర్లకు కుదించాల్సి వచ్చింది.అయితే మ్యాచ్‌కు పదేపదే వర్షం ఆటంకం కల్పించినప్పుడు ప్లేయర్లు డ్రెస్సింగ్‌ రూమ్‌లో సేదతీరుతూ కనిపించారు. ఆ సమయంలో వ్యాఖ్యాతగా ఉన్న టీమిండియా మాజీ అసిస్టెంట్‌ కోచ్‌ అభిషేక్‌ నాయర్‌ తన స్నేహితుడైన రోహిత్‌ శర్మపై ఆసక్తికర వ్యాఖ్యలు చేశాడు. కెప్టెన్‌ శుబ్‌మన్‌ గిల్‌తో కలిసి పాప్‌కార్న్‌ తింటున్న రోహిత్‌ను చూస్తూ... ‘అరే భాయ్‌ ఉసే పాప్‌కార్న్‌ మత్‌ దే’ (సోదరా అతడికి పాప్‌కార్న్‌ ఇవ్వకు) అంటూ కామెంట్‌ చేశాడు.టెస్టు, టి20 ఫార్మాట్‌లకు వీడ్కోలు పలికిన రోహిత్‌ శర్మ... ప్రస్తుతం వన్డే ఫార్మాట్‌లో మాత్రమే టీమిండియాకు ప్రాతినిధ్యం వహిస్తున్నాడు. 2027 వన్డే ప్రపంచకప్‌ వరకు జట్టులో కొనసాగాలని భావిస్తున్న హిట్‌మ్యాన్‌... ఇటీవల ఫిట్‌నెస్‌పై ప్రత్యేక దృష్టి పెట్టాడు. చాంపియన్స్‌ ట్రోఫీ విజయం అనంతరం వచ్చిన విరామంలో... ఏకంగా 11 కేజీల బరువు తగ్గాడు. దీనిపై మ్యాచ్‌కు ముందు అభిషేక్‌ మాట్లాడుతూ... ‘రోహిత్‌ పూర్తిగా మారిపోయాడు. మరింత ఫిట్‌గా, మరింత దృఢంగా మారాడు. ఫిట్‌నెస్‌ పెంపొందించుకుంటే... నైపుణ్యం దానంతటదే పెరుగుతుంది. ఈ విషయంలో రోహిత్‌ చాలా కష్టపడ్డాడు. ఇదంతా 2027 వన్డే ప్రపంచకప్‌ను దృష్టిలో పెట్టుకునే కావచ్చు. అప్పటి వరకు ఆటలో కొనసాగాలంటే మొదట తన బరువు తగ్గించుకోవాలని రోహిత్‌ బలంగా అనుకున్నాడు. దాని వల్లే ఇదంతా సాధ్యమైంది. ఇప్పుడతడు నవ యువకుడిలా కనిపిస్తున్నాడు’ అని అన్నాడు.చదవండి: CWC 2025: ఇంగ్లండ్ చేతిలో ఓటమి.. అయినా భార‌త్‌కు సెమీస్ ఛాన్స్‌! ఇలా జరగాల్సిందే?

ఆస్ట్రేలియా పర్యటనలో టీమిండియాకు తొలి మ్యాచ్‌లోనే ఓటమి ఎదురైంది. మూడు మ్యాచ్‌ల సిరీస్‌లో భాగంగా పెర్త్‌ వేదికగా జరిగిన తొలి మ్యాచ్‌లో (India vs Australia) భారత్‌ 7 వికెట్ల తేడాతో (డక్‌వర్త్‌ లూయిస్‌ పద్దతి ప్రకారం) పరాజయంపాలైంది. వర్షం అంతరాయాల నడుమ 26 ఓవర్లకు కుదించిన ఈ మ్యాచ్‌లో భారత బ్యాటర్లు దారుణంగా విఫలమయ్యారు.కేఎల్‌ రాహుల్‌ (38), అక్షర్‌ పటేల్‌ (31), ఆఖర్లో అరంగేట్రం ఆటగాడు నితీశ్‌ కుమార్‌ రెడ్డి (19 నాటౌట్‌; 2 సిక్సర్లు) ఓ మోస్తరుగా రాణించి టీమిండియా పరువు కాపాడారు.నాలుగు నెలల విరామం తర్వాత (ఛాంపియన్స్‌ ట్రోఫీ తర్వాత) రీఎంట్రీ ఇచ్చిన స్టార్‌ బ్యాటర్లు రోహిత్‌ శర్మ (8), విరాట్‌ కోహ్లి (0) ఈ మ్యాచ్‌లో దారుణంగా విఫలమయ్యారు. ఫుల్‌టైమ్‌ వన్డే కెప్టెన్‌గా గిల్‌ తొలి మ్యాచ్‌లోనే (10) నిరాశపరిచాడు. ఓవర్‌ హైప్‌ మధ్య శ్రేయస్‌ అయ్యర్‌ (11) పరుగులు చేసేందుకు చాలా ఇబ్బంది పడ్డాడు. మొత్తంగా భారత్‌ పవర్‌ప్లేలో మూడు కీలక వికెట్లు కోల్పోయి ఆదిలోనే మ్యాచ్‌పై పట్టు కోల్పోయింది.ఆసీస్‌ బౌలర్లలో జోష్‌ హాజిల్‌వుడ్‌, మిచెల్‌ ఓవెన్‌, కుహ్నేమన్‌ తలో 2 వికెట్లు.. స్టార్క్‌, ఎల్లిస్‌ చెరో వికెట్‌ పడగొట్టడంతో భారత్‌ 9 వికెట్ల నష్టానికి 136 పరుగులు చేయగలిగింది.అనంతరం డక్‌వర్త్‌ లూయిస్‌ పద్దతిన కుదించిన 131 పరుగుల స్వల్ప లక్ష్యాన్ని ఆసీస్‌ 21.1 ఓవర్లలో 3 వికెట్లు మాత్రమే కోల్పోయి ఛేదించింది. మిచెల్‌ మార్ష్‌ (46 నాటౌట్‌), రెన్‌షా (21 నాటౌట్‌) ఆసీస్‌ను విజయతీరాలకు చేర్చారు. ఆసీస్‌ ఇన్నింగ్స్‌లో ట్రవిస్‌ హెడ్‌ (8), మాథ్యూ షార్ట్‌ (8) విఫలం కాగా.. జోష్‌ ఫిలిప్‌ (37) పర్వాలేదనిపించాడు. భారత బౌలర్లలో అర్షదీప్‌, అక్షర్‌, సుందర్‌ తలో వికెట్‌ తీశారు. ఈ సిరీస్‌లో రెండో వన్డే అడిలైడ్‌ వేదికగా అక్టోబర్‌ 23న జరుగనుంది.గిల్‌ ఆసక్తికర వ్యాఖ్యలుమ్యాచ్‌ అనంతరం టీమిండియా కెప్టెన్‌ శుభ్‌మన్‌ గిల్‌ (Shubman Gill) ఆసక్తికర వ్యాఖ్యలు చేశాడు. "పవర్‌ప్లేలో మూడు వికెట్లు కోల్పోయినప్పుడు, ఆట మొత్తం క్యాచ్‌-అప్‌ గేమ్‌గా మారుతుంది. ఈ మ్యాచ్‌ నుంచి చాలా నేర్చుకున్నాం. కొన్ని పాజిటివ్‌లు కూడా ఉన్నాయి. 130 పరుగుల స్వల్ప లక్ష్యాన్ని కాపాడుకుంటూ మ్యాచ్‌ను చివరి వరకు తీసుకెళ్లాం. దానికి సంతృప్తిగా ఉన్నాం" అని అన్నాడు.అభిమానుల మద్దతుపై కూడా గిల్‌ స్పందించాడు. "అభిమానులు భారీగా వచ్చారు. మేము అదృష్టవంతులం. అడిలైడ్‌లో కూడా మాకు ఇలాగే మద్దతు లభిస్తుందని ఆశిస్తున్నాం" అని అన్నాడు.కాగా, గిల్‌ తన వన్డే కెప్టెన్సీ కెరీర్‌ను ఓటమితో ప్రారంభించాడు. తద్వారా విరాట్‌ కోహ్లి తర్వాత మూడు ఫార్మాట్లలో తొలి మ్యాచ్‌లో ఓటమిని ఎదుర్కొన్న భారత కెప్టెన్‌గా నిలిచాడు. ఈ ఓటమితో టీమిండియా జైత్రయాత్రకు కూడా బ్రేక్‌ పడింది. ఈ ఏడాది ఎనిమిది వరుస విజయాల తర్వాత (వన్డేల్లో) భారత్‌కు ఇది తొలి పరాజయం. చదవండి: చరిత్ర సృష్టించిన దీప్తి శర్మ.. తొలి భారత ప్లేయర్‌

వన్డే క్రికెట్‌లో టీమిండియా (Team India) జైత్రయాత్రకు బ్రేక్‌ పడింది. ఈ ఏడాది రోహిత్‌ శర్మ సారథ్యంలో వరుసగా 8 మ్యాచ్‌ల్లో గెలిచిన భారత జట్టు.. శుభ్‌మన్‌ గిల్‌ (Shubman Gill) నేతృత్వంలో తొలి పరాజయాన్ని ఎదుర్కొంది.పెర్త్‌ వేదికగా ఆస్ట్రేలియాతో జరిగిన మ్యాచ్‌లో (India vs Australia) భారత్‌ 7 వికెట్ల తేడాతో (డక్‌వర్త్‌ లూయిస్‌ పద్దతిలో) ఓటమిపాలైంది. వన్డేల్లో దాదాపుగా రెండేళ్ల తర్వాత భారత్‌కు ఇది తొలి పరాజయం. భారత్‌ చివరిగా 2023 డిసెంబర్‌ 19న సౌతాఫ్రికా చేతిలో ఓడింది.లేట్‌గా పలకరించిన పరాజయంఈ ఏడాది వన్డేల్లో భారత్‌ను పరాజయం చాలా లేట్‌గా పలకరించింది. 1991 తర్వాత ఓ ఏడాది అత్యంత లేట్‌గా పలకరించిన పరాజయం ఇది. నాడు భారత్‌కు తొలి వన్డే పరాజయం అక్టోబర్‌ 23న ఎదురైంది.టీమిండియా జైత్రయాత్రకు బ్రేక్‌ వేసిన గిల్‌వన్డేల్టో టీమిండియా జైత్రయాత్రకు శుభ్‌మన్‌ గిల్‌ బ్రేక్‌లు వేశాడు. భారత వన్డే జట్టుకు రెగ్యులర్‌ కెప్టెన్‌గా గిల్‌ తన ప్రయాణాన్ని ఓటమితో ప్రారంభించాడు.కోహ్లి సరసన గిల్‌ఈ ఓటమితో గిల్‌ మరో అప్రతిష్టను కూడా మూటగట్టుకున్నాడు. విరాట్‌ కోహ్లి తర్వాత మూడు ఫార్మాట్లలో తొలి మ్యాచ్‌లో ఓటమిపాలైన భారత కెప్టెన్‌గా చెత్త రికార్డును సొంతం చేసుకున్నాడు.మ్యాచ్‌ విషయానికొస్తే.. పెర్త్‌లో కొత్తగా నిర్మించిన ఓపస్‌ స్టేడియంలో ఆస్ట్రేలియా బోణీ కొట్టింది. వర్షం అంతరాయాల నడుమ 26 ఓవర్లకు కుదించిన ఈ మ్యాచ్‌లో భారత్‌ తొలుత బ్యాటింగ్‌ చేసి 136 పరుగులకే పరిమితమైంది. అనంతరం ఆసీస్‌ 21.1 ఓవర్లలో 3 వికెట్లు మాత్రమే కోల్పోయి లక్ష్యాన్ని ఛేదించింది. మిచెల్‌ మార్ష్‌ (46 నాటౌట్‌) ఆసీస్‌ను విజయతీరాలకు చేర్చాడు. భారత్‌ తరఫున కేఎల్‌ రాహుల్‌ (38) టాప్‌ స్కోరర్‌గా నిలువగా.. ఆఖర్లో అరంగేట్రం​ ఆటగాడు నితీశ్‌ కుమార్‌ రెడ్డి (19 నాటౌట్‌) మెరుపు ఇన్నింగ్స్‌ ఆడాడు.నాలుగు నెలల విరామం తర్వాత (ఛాంపియన్స్‌ ట్రోఫీ) రీఎంట్రీ ఇచ్చిన రోహిత్‌ శర్మ (8), విరాట్‌ కోహ్లి (0) ఈ మ్యాచ్‌లో దారుణంగా విఫలమయ్యారు. ఫుల్‌టైమ్‌ వన్డే కెప్టెన్‌గా శుభ్‌మన్‌ గిల్‌ (10) కూడా తొలి మ్యాచ్‌లో నిరాశపరిచాడు.ఆసీస్‌ బౌలర్లలో జోష్‌ హాజిల్‌వుడ్‌, మిచెల్‌ ఓవెన్‌, కుహ్నేమన్‌ తలో 2 వికెట్లు తీయగా.. స్టార్క్‌, ఎల్లిస్‌ చెరో వికెట్‌ పడగొట్టారు. ఈ సిరీస్‌లో రెండో వన్డే అక్టోబర్‌ 23న అడిలైడ్‌ వేదికగా జరుగనుంది. కాగా, భారత జట్టు 3 మ్యాచ్‌ల వన్డే సిరీస్‌, 5 మ్యాచ్‌ల టీ20 సిరీస్‌ కోసం ఆస్ట్రేలియాలో పర్యటిస్తున్న విషయం తెలిసిందే.చదవండి: Test Twenty: క్రికెట్‌లో సరికొత్త ఫార్మాట్‌.. వచ్చే ఏడాది జనవరిలో ప్రారంభం

టీమిండియా టెస్టు కెప్టెన్సీని అద్బుతమైన సెంచరీతో ఆరంభించిన శుభ్‌మన్ గిల్‌.. వన్డేల్లో మాత్రం తన మార్క్‌ను చూపించలేకపోయాడు. భారత వన్డే సారథిగా తొలి మ్యాచ్‌లో గిల్ విఫలమయ్యాడు. పెర్త్ వేదికగా ఆస్ట్రేలియాతో జరుగుతున్న తొలి వన్డేలో గిల్ కేవలం​ 10 పరుగులు మాత్రమే చేసి ఔటయ్యాడు.స్టార్ బ్యాటర్లు రోహిత్ శర్మ, విరాట్ కోహ్లి ఔటైన సమయంలో బాధ్యతయతంగా ఆడాల్సిన గిల్‌.. పేలవ షాట్ ఆడి తన వికెట్‌ను కోల్పోయాడు. భారత ఇన్నింగ్స్ 9 ఓవర్ వేసిన నాథన్ ఈల్లీస్‌.. తొలి బంతిని గిల్‌కు లైగ్ సైడ్ డెలివరీగా సంధించాడు. బౌలర్ ట్రాప్‌లో పడ్డ గిల్ ఆ డెలివరీని డౌన్‌ది లెగ్ సైడ్ ఆడటానికి ప్రయత్నించాడు.కానీ షాట్ సరిగ్గా కనక్ట్ కాకపోవడంతో వికెట్ కీపర్‌​ ఫిలిప్ తన ఎడమ వైపున‌కు డైవ్ చేస్తూ క్యాచ్‌ను అందుకున్నాడు. అయితే గిల్ ఔట‌య్యాక మ్యాచ్‌కు వ‌ర్షం అంత‌రాయం క‌లిగించింది. దీంతో డ్రెస్సింగ్ రూమ్‌కు వెళ్లిన గిల్‌.. మాజీ కెప్టెన్‌ రోహిత్‌ శర్మతో కలిసి పాప్ కార్న్ తింటూ రిలాక్స్‌గా క‌న్పించాడు.ఇందుకు సంబంధించిన వీడియో సోష‌ల్ మీడియాలో వైర‌ల‌వుతోంది. ఇది చూసిన నెటిజ‌న్లు కొంచెం బాధ లేకుండా పాప్ కార్న్ తింటూ రిలాక్స్ అవుతున్నావా అంటూ కామెంట్లు చేస్తున్నారు. కాగా టాస్ ఓడి బ్యాటింగ్‌కు దిగిన భార‌త్ 48 ప‌రుగుల‌కు 4 వికెట్లు కోల్పోయి పీక‌ల్లోతు క‌ష్టాల్లో ప‌డింది. వ‌ర్షం కార‌ణంగా మ్యాచ్‌ను 32 ఓవ‌ర్ల‌కు కుదించారు. ఇంకా 17 ఓవ‌ర్లు మాత్ర‌మే మిగిలి ఉన్నాయి. స్టార్‌ బ్యాటర్లు రోహిత్‌ శర్మ(8), విరాట్‌ కోహ్లి(0), శ్రేయస్‌ అయ్యర్‌(11) తీవ్ర నిరాశపరిచారు.చదవండి: IND vs AUS: చరిత్ర సృష్టించిన నితీశ్ కుమార్ రెడ్డి.. 93 ఏళ్లలో ఒకే ఒక్కడు😭😭 #RohitSharma𓃵 #ShubmanGillpic.twitter.com/DCNj5q3Spu— 𝓗𝓲𝓽𝓶𝓪𝓷 (@Slefless45) October 19, 2025

మూడు మ్యాచ్‌ల సిరీస్‌లో భాగంగా ఆస్ట్రేలియాతో జరిగిన తొలి వన్డేలో టీమిండియా 7 వికెట్ల తేడాతో పరాజయంపాలైంది. వరుణుడి అంతరాయాల నడుమ 26 ఓవర్లకు కుదించిన ఈ మ్యాచ్‌లో భారత్‌ తొలుత బ్యాటింగ్‌ చేసి 9 వికెట్ల నష్టానికి 136 పరుగులు మాత్రమే చేయగలిగింది.వికెట్‌కీపర్‌ కేఎల్‌ (38), అక్షర్‌ పటేల్‌ (31) ఓ మోస్తరు స్కోర్లు చేయడంతో ఈ మాత్రం స్కోరైనా చేయగలిగింది. ఆఖరి ఓవర్‌లో అరంగేట్రం​ ఆటగాడు నితీశ్‌ కుమార్‌ రెడ్డి (19 నాటౌట్‌) రెండు సిక్సర్లు బాది గౌరవప్రదమైన స్కోర్‌ అందించాడు.నాలుగు నెలల విరామం తర్వాత (ఛాంపియన్స్‌ ట్రోఫీ) రీఎంట్రీ ఇచ్చిన రోహిత్‌ శర్మ (8), విరాట్‌ కోహ్లి (0) దారుణంగా విఫలమయ్యారు. ఫుల్‌టైమ్‌ వన్డే కెప్టెన్‌గా తొలి మ్యాచ్‌లోనే శుభ్‌మన్‌ గిల్‌ (10) నిరాశపరిచాడు. శ్రేయస్‌ అయ్యర్‌ (11) పరుగులు చేసేందుకు చాలా ఇబ్బంది పడ్డాడు.అనంతరం డక్‌వర్త్‌ లూయిస్‌ పద్దతి ప్రకారం ఆసీస్‌ లక్ష్యాన్ని అన్నే ఓవర్లలో 131 పరుగులకు కుదించారు. ఆసీస్‌ 21.1 ఓవర్లలో 3 వికెట్లు మాత్రమే కోల్పోయి లక్ష్యాన్ని ఛేదించింది. మిచెల్‌ మార్ష్‌ (46 నాటౌట్‌), రెన్‌షా (21 నాటౌట్‌) ఆసీస్‌ను విజయతీరాలకు చేర్చారు. రెండో వికెట్‌ కోల్పోయిన ఆసీస్‌7.5వ ఓవర్‌- 44 పరుగుల వద్ద ఆసీస్ రెండో వికెట్‌ కోల్పోయింది. అక్షర్‌ పటేల్‌ బౌలింగ్‌లో రోహిత్‌ శర్మ క్యాచ్‌ పట్టడంతో మాథ్యూ షార్ట్‌ (8) ఔటయ్యాడు.తొలి వికెట్‌ కోల్పోయిన ఆసీస్‌26 ఓవర్లకు కుదించిన మ్యాచ్‌లో భారత్‌ తొలుత బ్యాటింగ్‌ చేసి 9 వికెట్ల నష్టానికి 136 పరుగులు చేసింది. అయితే డక​్‌వర్త్‌ లూయిస్‌ పద్దతి ప్రకారం ఆసీస్‌ లక్ష్యాన్ని అన్నే ఓవర్లలో 131 పరుగులకు కుదించారు. ఛేదనను ఆసీస్‌ ఘనంగా ప్రారంభించింది. సిరాజ్‌ వేసిన తొలి ఓవర్‌లో హెడ్‌ రెండు బౌండరీలు బాదాడు. అయితే రెండో ఓవర్‌లో ఆసీస్‌కు షాక్‌ తగిలింది. అర్షదీప్‌ సింగ్‌ బౌలింగ్‌లో హర్షిత్‌ రాణాకు క్యాచ్‌ ఇచ్చి హెడ్‌ (8) ఔటయ్యాడు. స్వల్ప స్కోర్‌కే పరిమితమైన భారత్‌పెర్త్‌ వేదికగా ఆస్ట్రేలియాతో జరుగుతున్న తొలి వన్డేలో భారత్‌ స్వల్ప స్కోర్‌కే పరిమితమైంది. వరుణుడి ఆటంకాల నడుమ 26 ఓవర్లకు కుదించిన ఈ మ్యాచ్‌లో తొలుత బ్యాటింగ్‌ చేసి 9 వికెట్ల నష్టానికి 136 పరుగులు మాత్రమే చేయగలిగింది. వికెట్‌కీపర్‌ కేఎల్‌ (38), అక్షర్‌ పటేల్‌ (31) ఓ మోస్తరు స్కోర్లు చేయడంతో ఈ మాత్రం స్కోరైనా చేయగలిగింది. ఆఖరి ఓవర్‌లో నితీశ్‌ కుమార్‌ రెడ్డి (19 నాటౌట్‌) రెండు సిక్సర్లు బాది గౌరవప్రదమైన స్కోర్‌ అందించాడు. ఛాంపియన్స్‌ ట్రోఫీ తర్వాత రీఎంట్రీ ఇచ్చిన రోహిత్‌ శర్మ (8), విరాట్‌ కోహ్లి (0) దారుణంగా విఫలమయ్యారు. ఫుల్‌టైమ్‌ వన్డే కెప్టెన్‌గా తొలి మ్యాచ్‌లోనే శుభ్‌మన్‌ గిల్‌ (10) నిరాశపరిచాడు. శ్రేయస్‌ అయ్యర్‌ (11) పరుగులు చేసేందుకు చాలా ఇబ్బంది పడ్డాడు. వాషింగ్టన్‌ సుందర్‌ 10, హర్షిత్‌ రాణా 1, అర్షదీప్‌ సింగ్‌ డకౌటయ్యారు. ఆసీస్‌ బౌలర్లలో జోష్‌ హాజిల్‌వుడ్‌, మిచెల్‌ ఓవెన్‌, కుహ్నేమన్‌ తలో 2 వికెట్లు తీయగా.. స్టార్క్‌, ఎల్లిస్‌ చెరో వికెట్‌ పడగొట్టారు.ఐదో వికెట్‌ కోల్పోయిన టీమిండియా19.6వ ఓవర్‌- 84 పరుగుల వద్ద టీమిండియా ఐదో వికెట్‌ కోల్పోయింది. కుహ్నేమన్‌ బౌలింగ్‌లో రెన్‌షాకు క్యాచ్‌ ఇచ్చి అక్షర్‌ పటేల్‌ (310 ఔటయ్యాడు. రాహుల్‌కు (17) జతగా వాషింగ్టన్‌ సుందర్‌ క్రీజ్‌లోకి వచ్చాడు. వర్షం కారణంగా ఈ మ్యాచ్‌ 26 ఓవర్లకు కుదించిన విషయం తెలిసిందే. భారత్ నాలుగో వికెట్ డౌన్‌..శ్రేయస్ అయ్యర్ రూపంలో భారత్ నాలుగో వికెట్ కోల్పోయింది. 11 పరుగులు చేసిన అయ్యర్‌.. జోష్ హాజిల్‌వుడ్ బౌలింగ్‌లో ఔటయ్యాడు. 14 ఓవర్లు ముగిసే సరికి భారత్ 4 వికెట్ల నష్టానికి 45 పరుగులు చేసింది. క్రీజులో అక్షర్ పటేల్‌(10), కేఎల్ రాహుల్‌(0) ఉన్నారు. మ‌రి కాసేపట్లో ఆట మొద‌లుమ‌రో 10 నిమిషాల్లో ఆట తిరిగి ప్రారంభం కానుంది. అయితే మ్యాచ్‌ను వ‌ర్షం కార‌ణంగా 35 ఓవ‌ర్ల‌కు కుదించారు. ప్ర‌స్తుతం భార‌త్ మూడు వికెట్ల న‌ష్టానికి 37 ప‌రుగులు చేసింది.మరోసారి వర్షం​ అడ్డంకి..పెర్త్ వ‌న్డేకు వ‌రుణుడు మ‌రోసారి అంత‌రాయం క‌లిగించాడు. భారత్‌ స్కోర్‌ 37/3 వద్ద ఉండగా.. వర్షం రావడంతో ఆటను నిలిపివేశారు.11 ఓవర్లకు భారత్‌ స్కోర్‌: 35/311 ఓవ‌ర్లు ముగిసే స‌రికి భార‌త్ మూడు వికెట్లు కోల్పోయి 35 ప‌రుగులు చేసింది. క్రీజులో అక్ష‌ర్ ప‌టేల్‌(6), శ్రేయ‌స్ అయ్య‌ర్‌(6) ఉన్నారు.వర్షం అటంకి..తొలి వన్డేకు వరుణుడు అంతరాయం కలిగించాడు. వర్షం కారణంగా ఆట నిలిచే పోయే సమయానికి భారత్‌ స్కోర్‌: 25/3.కెప్టెన్‌ గిల్‌ ఔట్‌.. భారత్‌కు వరుస షాక్‌లు తగిలాయి. కెప్టెన్‌ గిల్‌ ఔట్‌. ఇన్నింగ్స్‌లో 10 పరుగులు చేసిన గిల్‌.. ఇల్లీస్‌ బౌలింగ్‌లో ఔటయ్యాడు. కింగ్‌ కోహ్లీ ఔట్‌..భారత్‌ మరో షాక్‌ తగిలింది. రోహిత్‌ బాటలోనే కింగ్‌ కోహ్లీ కూడా వెనుదిరిగాడు. స్టార్క్‌ బౌలింగ్‌లో కోహ్లీ.. క్యాచ్‌ అవుటయ్యాడు. ఈ ఇన్నింగ్స్‌లో కోహ్లీ డకౌట్‌ అయ్యాడు. రోహిత్‌ శర్మ ఔట్‌..టాస్ ఓడి బ్యాటింగ్‌కు దిగిన భారత్‌కు ఆదిలోనే భారీ షాక్ తగిలింది. ఓపెనర్ రోహిత్ శర్మ కేవలం 8 పరుగులు మాత్రమే చేసి ఔటయ్యాడు. క్రీజులోకి విరాట్ కోహ్లి వచ్చాడు. 4 ఓవర్లకు భారత్‌ స్కోర్‌: 14/1ఆచితూచి ఆడుతున్న ఓపెనర్లు..3 ఓవర్లు ముగిసే సరికి భారత్‌ వికెట్‌ నష్టపోకుండా13 పరుగులు చేసింది. క్రీజులో శుభ్‌మన్‌ గిల్‌(5), రోహిత్‌ శర్మ(8) ఉన్నారు.బౌలింగ్‌ ఎంచుకున్న ఆసీస్‌..పెర్త్ వేదికగా తొలి వన్డేలో ఆస్ట్రేలియా-భారత్ తలపడతున్నాయి. ఈ మ్యాచ్‌లో టాస్ గెలిచిన ఆసీస్‌ కెప్టెన్‌ మిచెల్‌ మార్ష్‌ తొలుత బౌలింగ్ ఎంచుకున్నాడు. ఈ మ్యాచ్‌లో భార‌త్ త‌ర‌పున నితీశ్ కుమార్ రెడ్డి వ‌న్డే అరంగేట్రం చేశాడు. అదేవిధంగా ముగ్గురు ఫాస్ట్ బౌలర్లు, ముగ్గురు ఆల్‌రౌండర్లతో టీమిండియాకు బరిలోకి దిగింది.మహ్మద్ సిరాజ్, హర్షిత్ రాణా, అర్ష్‌దీప్ సింగ్‌లు ఫాస్ట్ బౌలర్లగా చోటు దక్కించుకున్నారు. స్పిన్ బౌలింగ్ ఆల్‌రౌండర్లగా అక్షర్ పటేల్‌, వాషింగ్టన్ సుందర్ ఉన్నారు. అయితే స్టార్ స్పిన్నర్ కుల్దీప్ యాదవ్‌కు చోటు దక్కలేదు.రోహిత్‌, విరాట్‌ కోహ్లి తిరిగి జట్టులోకి వచ్చారు. మరోవైపు ఆసీస్ తరపున ఇద్దరు ఆటగాళ్లు డెబ్యూ చేశారు. మాట్ రెన్‌షా, మిచెల్ ఓవెన్‌లకు వన్డే క్యాప్‌లను అందించారు.తుది జట్లుభారత్‌: రోహిత్ శర్మ, శుభ్‌మన్ గిల్ (కెప్టెన్), విరాట్ కోహ్లీ, శ్రేయాస్ అయ్యర్, కెఎల్ రాహుల్ (వికెట్ కీపర్‌), అక్షర్ పటేల్, వాషింగ్టన్ సుందర్, నితీష్ కుమార్ రెడ్డి, హర్షిత్ రాణా, మహమ్మద్ సిరాజ్, అర్ష్‌దీప్ సింగ్ఆస్ట్రేలియా: ట్రావిస్ హెడ్, మిచెల్ మార్ష్ (కెప్టెన్), మాథ్యూ షార్ట్, జోష్ ఫిలిప్ (వికెట్ కీపర్‌), మాట్ రెన్షా, కూపర్ కొన్నోలీ, మిచెల్ ఓవెన్, మిచెల్ స్టార్క్, నాథన్ ఎల్లిస్, మాథ్యూ కుహ్నెమాన్, జోష్ హాజిల్‌వుడ్

ఆసియా కప్‌ టి20ల్లో అజేయంగా ట్రోఫీ గెలుపు, అంతకు ముందు ఇంగ్లండ్‌తో టెస్టుల్లో అద్భుత ప్రదర్శన...ఇప్పుడు కొంత విరామానంతరం భారత జట్టు మూడో ఫార్మాట్‌లో పెద్ద టీమ్‌తో సమరానికి సిద్ధమైంది. ఈ సారి ఎదురుగా ఉంది వన్డే ప్రపంచ చాంపియన్‌ ఆస్ట్రేలియా. ఆసీస్‌ గడ్డపైనే జరిగే ఈ మూడు వన్డేల పోరులో పైచేయి సాధించాలని టీమిండియా పట్టుదలగా ఉంది. కొత్త కెప్టెన్‌ గిల్‌ నేతృత్వంలో ఈ సమరానికి భారత్‌ సిద్ధం కాగా... ఈ ఫార్మాట్‌లో ఆల్‌టైమ్‌ అత్యుత్తమ ఆటగాళ్లలో ఇద్దరైన విరాట్‌ కోహ్లి, రోహిత్‌ శర్మల ఆటపైనే అందరి దృష్టీ నిలిచింది. మరో వైపు పలువురు కీలక ఆటగాళ్లు దూరమైనా...ఆసీస్‌ తమ స్వదేశంలో పటిష్టమైన బలగంతోనే బరిలోకి దిగుతోంది. పెర్త్‌: చాంపియన్స్‌ ట్రోఫీలో విజేతగా నిలిచిన దాదాపు ఏడు నెలల తర్వాత భారత జట్టు వన్డేల్లో బరిలోకి దిగుతోంది. ఆస్ట్రేలియాతో మూడు మ్యాచ్‌ల సిరీస్‌లో భాగంగా మధ్య నేడు (ఆదివారం) తొలి మ్యాచ్‌ జరుగుతుంది. ఇరు జట్లు చివరిసారిగా తలపడిన వన్డేలో (చాంపియన్స్‌ ట్రోఫీ సెమీఫైనల్‌) భారత్‌ 4 వికెట్ల తేడాతో గెలిచింది. టీమిండియాకు సంబంధించి కెప్టెన్ గా శుబ్‌మన్‌ గిల్‌ రావడం ప్రధాన మార్పు కాగా...గాయంతో ప్యాట్‌ కమిన్స్‌ తప్పుకోవడంతో మిచెల్‌ మార్ష్ ఆసీస్‌ సారథిగా బాధ్యతలు చేపట్టాడు. ఆటగాళ్లంతా ఫామ్‌లో... చీఫ్‌ సెలక్టర్‌ అజిత్‌ అగార్కర్‌ 2027 వరల్డ్‌ కప్‌ జట్టు విషయంలో ఎలాంటి స్పష్టత ఇవ్వకున్నా...దానికి చాలా సమయం ఉందని కోచ్‌ గంభీర్‌ చెబుతున్నా వాస్తవ పరిస్థితి ఏమిటో సగటు క్రికెట్‌ అభిమానులందరికీ తెలుసు. ఈ సిరీస్‌ గెలిచినా గెలవకపోయినా స్టార్‌ బ్యాటర్లు కోహ్లి, రోహిత్‌ ఎలా ఆడతారనేదే అన్నింటికంటే ముఖ్యం. ఈ ఇద్దరు ఆటగాళ్లు ఇంతకంటే ఎక్కువ ఒత్తిడిని ఎదుర్కొన్న సందర్భాలు గతంలో ఎన్నో ఉన్నా...ఇలాంటి అనుభవం పూర్తిగా భిన్నం. వీరిద్దరు పరస్పర కెప్టెన్సీలో కాకుండా మరో సారథి (ధోని) నాయకత్వంలో ఆడి తొమ్మిదేళ్లయింది. ఇప్పుడు ఎంతో జూనియర్‌ అయిన గిల్‌ కెప్టెన్సీలో ఆడటంతో పాటు కచ్చితంగా రాణించాల్సిన స్థితిలో వీరిద్దరు ఉన్నారు. ఆట, అనుభవం విషయంలో కొత్తగా చెప్పాల్సింది లేకపోయినా, ఇక్కడా బాగా ఆడాలని అంతా కోరుకుంటున్నారు. ఇతర బ్యాటర్లలో గిల్, శ్రేయస్, రాహుల్‌ కీలకం కానున్నారు. వన్డే టీమ్‌లోనూ జట్టులో పలువురు ఆల్‌రౌండర్లు జట్టుకు అందుబాటులో ఉన్నారు. అక్షర్, వాషింగ్టన్‌ సుందర్‌ రూపంలో ఇద్దరు స్పిన్‌ ఆల్‌రౌండర్లతో పాటు ఆంధ్ర ఆటగాడు నితీశ్‌ రెడ్డి బరిలోకి దిగడం కూడా ఖాయం. రెగ్యులర్‌ స్పిన్నర్‌గా కుల్దీప్‌ ఆడతాడు. బుమ్రా వన్డే సిరీస్‌కు లేకపోవడంతో ప్రధాన పేసర్‌గా సిరాజ్‌ బాధ్యతలు తీసుకోనుండగా, ఆసీస్‌ పరిస్థితులను బట్టి చూస్తే రెండో పేసర్‌గా ప్రసిధ్‌ లేదా అర్ష్ దీప్‌ లలో ఒకరికి చాన్స్‌ దక్కుతుంది. మొత్తంగా జట్టు అన్ని విధాలా పటిష్టంగా కనిపిస్తోంది. కొత్త ఆటగాళ్లతో... వేర్వేరు కారణాలతో పలువురు ఆస్ట్రేలియా రెగ్యులర్‌ వన్డే ఆటగాళ్లు ఈ మ్యాచ్‌కు దూరమయ్యారు. వారి స్థానాల్లో యువ ఆటగాళ్లు తమ అదృష్టాన్ని పరీక్షించుకోనున్నారు. రెన్‌షా, ఒవెన్‌ వన్డేల్లో అరంగేట్రం చేయనున్నారు. ఆసీస్‌ టాప్‌ పేసర్లు స్టార్క్, హాజల్‌వుడ్‌తో పాటు కమిన్స్‌ గైర్హాజరు ఎలిస్‌కు అవకాశం ఇస్తోంది. ఫామ్‌లో ఉన్న ఓపెనర్లు హెడ్, మార్ష్తమ దూకుడైన బ్యాటింగ్‌తో మ్యాచ్‌ను ప్రభావితం చేయగలరు. మిగతా ప్రధాన బ్యాటర్లకు పెద్దగా అనుభవం లేకపోయినా సొంతగడ్డ అనుకూలత వారికి బలం కానుంది.పిచ్, వాతావరణం ఆప్టస్‌ స్టేడియం బ్యాటింగ్‌కు పెద్దగా అనుకూలించే మైదానం కాదు. బౌలర్లే ప్రభావం చూపిస్తారు. గత ఆరేళ్లలో మూడు వన్డేలే జరగ్గా, అన్నింటిలో తక్కువ స్కోర్లే నమోదయ్యాయి. ఆసీస్‌ ఇక్కడ ఆడిన మూడూ ఓడింది. మ్యాచ్‌కు స్వల్ప వర్ష సూచన ఉంది. తుది జట్లు (అంచనా) భారత్‌: గిల్‌ (కెప్టెన్‌), రోహిత్, కోహ్లి, శ్రేయస్, అక్షర్, రాహుల్, నితీశ్, సుందర్, కుల్దీప్, సిరాజ్,ప్రసిధ్‌/ అర్ష్ దీప్‌. ఆ్రస్టేలియా: మార్ష్(కెప్టెన్‌), హెడ్, షార్ట్, రెన్‌షా, ఫిలిప్, ఒవెన్, కనోలీ, స్టార్క్, ఎలిస్, కునెమన్,హాజల్‌వుడ్‌.

భారత క్రికెట్‌ జట్టు యువ రక్తంతో నిండిపోతోంది. ఇప్పటికే టెస్టు, వన్డే ఫార్మాట్లలో కెప్టెన్సీ మార్పు కూడా జరిగింది. టెస్టులకు రోహిత్‌ శర్మ (Rohit Sharma) స్వచ్ఛందంగా రిటైర్మెంట్‌ ప్రకటించగా.. వన్డే కెప్టెన్సీ నుంచి భారత క్రికెట్‌ నియంత్రణ మండలి అతడిని తప్పించింది.ఇక ఈ రెండు ఫార్మాట్లలోనూ రోహిత్‌ శర్మ స్థానాన్ని యువ ఆటగాడు శుబ్‌మన్‌ గిల్‌ (Shubman Gill) భర్తీ చేశాడు. ఇప్పటికే టెస్టు సారథిగా ఇంగ్లండ్‌ పర్యటనలో సిరీస్‌ను 2-2తో సమం చేసిన గిల్‌.. ఇటీవల స్వదేశంలో వెస్టిండీస్‌తో సిరీస్‌ను 2-0తో వైట్‌వాష్‌ చేశాడు.త్వరలోనే టీ20 పగ్గాలు కూడా అతడికేఈ క్రమంలో వన్డే సారథిగా తొలి ప్రయత్నంలోనే ఆస్ట్రేలియా పర్యటన రూపంలో గిల్‌కు కఠిన సవాలు ఎదురుకానుంది. ఇదిలా ఉంటే.. మూడు ఫార్మాట్లలో ఒకే కెప్టెన్‌ ఉండాలని భావిస్తున్నామని.. త్వరలోనే టీ20 పగ్గాలు గిల్‌కు అప్పగిస్తామని చీఫ్‌ సెలక్టర్‌ అజిత్‌ అగార్కర్‌ ఇటీవల సంకేతాలు ఇచ్చాడు.ఈ నేపథ్యంలో టీమిండియా టీ20 కెప్టెన్‌ సూర్యకుమార్‌ యాదవ్‌ (Suryakumar Yadav) తాజాగా చేసిన వ్యాఖ్యలు వైరల్‌గా మారాయి. ఇండియా టుడేతో మాట్లాడుతూ.. ‘‘గిల్‌ రెండు ఫార్మాట్లకు కెప్టెన్‌ కావడం పట్ల సంతోషంగా ఉంది. తను అద్భుతంగా ఆడుతున్నాడు. అయితే, టీ20 కెప్టెన్సీ విషయంలో నేను అబద్ధం చెప్పను.కెప్టెన్సీ చేజారుతుందనే భయంఇలాంటి పరిస్థితుల్లో ఎవరికైనా కెప్టెన్సీ చేజారుతుందనే భయం ఉంటుంది. అయితే, ఆ భయం నుంచే నన్ను నేను మరింత మెరుగుపరచుకోవాలనే ప్రేరణ కూడా వస్తుంది. మైదానం లోపల, వెలుపల గిల్‌తో నా రిలేషన్‌ అత్యద్భుతంగా ఉంది. సోదర భావంతో మెలుగుతాం.మనిషిగా, ఆటగాడిగా తను ఎలాంటివాడో నాకు పూర్తిగా తెలుసు. తను ఈ స్థాయికి చేరడం పట్ల సంతోషంగా ఉంది. అందరికీ అతడు స్ఫూర్తిగా నిలిచాడు కూడా!’’ అని సూర్యకుమార్‌ యాదవ్‌ తన మనసులోని భావాలు పంచుకున్నాడు. కాగా అక్టోబరు 18- నవంబరు 8 వరకు ఆస్ట్రేలియా- టీమిండియా మధ్య మూడు వన్డేలు, ఐదు టీ20 మ్యాచ్‌లు జరుగుతాయి.ఆసియా కప్‌ విజేతగాఇందుకోసం గిల్‌ సారథ్యంలోని వన్డే జట్టు ఇప్పటికే ఆస్ట్రేలియాకు చేరుకోగా.. సూర్య సేన టీ20 సిరీస్‌కు ముందు అక్కడికి చేరుకుంటుంది. కాగా ఆసియా కప్‌ టీ20- 2025 టోర్నీలో సూర్యకుమార్‌ కెప్టెన్సీలో టీమిండియా ఇటీవలే చాంపియన్‌గా నిలిచిన విషయం తెలిసిందే.చదవండి: రోహిత్‌ శర్మతో విభేదాలు!.. స్పందించిన శుబ్‌మన్‌ గిల్‌

టీమిండియా వన్డే కెప్టెన్‌గా రోహిత్‌ శర్మ (Rohit Sharma) విజయశాతం 75. ఆటగాడిగానూ యాభై ఓవర్ల ఫార్మాట్లో హిట్‌మ్యాన్‌కు తిరుగులేదు. రెండేళ్ల క్రితం వన్డే వరల్డ్‌కప్‌లో భారత్‌ను ఫైనల్‌కు చేర్చిన రోహిత్‌.. ఇటీవలే ఐసీసీ చాంపియన్స్‌ ట్రోఫీ (ICC Champions Trophy 2025) గెలిచాడు. రానున్న వన్డే వరల్డ్‌కప్‌లోనూ అతడే టీమిండియాకు సారథ్యం వహిస్తాడని అంతా అనుకున్నారు.పది కిలోల బరువు తగ్గి అందుకు అనుగుణంగానే ఇప్పటికే అంతర్జాతీయ టీ20 ఫార్మాట్‌కు గుడ్‌బై చెప్పిన రోహిత్‌.. ఇటీవలే టెస్టులకూ రిటైర్మెంట్‌ ప్రకటించాడు. తద్వారా తన దృష్టి మొత్తం వన్డేలపైనే ఉంటుందని చెప్పకనే చెప్పాడు. అంతేకాదు.. 38 ఏళ్ల రోహిత్‌ ఇటీవలే పది కిలోల బరువు కూడా తగ్గి మునుపటి కంటే కూడా మరింత ఫిట్‌గా తయారయ్యాడు.అయితే, అనూహ్య రీతిలో భారత క్రికెట్‌ నియంత్రణ మండలి (BCCI) రోహిత్‌ శర్మను వన్డే కెప్టెన్సీ నుంచి తప్పించింది. అతడి స్థాయంలో యువ ఆటగాడు, టెస్టు సారథి అయిన శుబ్‌మన్‌ గిల్‌కే వన్డే జట్టు బాధ్యతలూ అప్పగించింది. వన్డే వరల్డ్‌కప్‌-2027ను దృష్టిలో పెట్టుకునే ఈ నిర్ణయం తీసుకున్న ట్లు బోర్డు తెలిపింది. ఈ నేపథ్యంలో మేనేజ్‌మెంట్‌తో పాటు గిల్‌తోనూ రోహిత్‌కు విభేదాలు తలెత్తాయనే ప్రచారం జరిగింది.రెండింటికీ చాలా తేడా ఉంటుందిఈ క్రమంలో ఆస్ట్రేలియాతో వన్డే సిరీస్‌ ఆరంభానికి ముందు శనివారం మీడియాతో మాట్లాడిన గిల్‌.. ఈ విషయంపై స్పందించాడు. ‘‘బయట మా గురించి జరుగుతున్న ప్రచారానికి, అంతర్గత విషయాలకు చాలా తేడా ఉంటుంది. మా మధ్య ఉన్న బంధాన్ని ఎవరూ చెరిపివేయలేరు.ఇంతకు ముందు మేమెలా కలిసి ఉన్నామో.. ఇప్పుడూ అలాగే ఉన్నాము. అతడు పూర్తి సహాయసహకారాలు అందించే వ్యక్తి. ఇన్నేళ్ల అనుభవం కారణంగా.. నేనేదైనా తప్పు చేసినట్లు భావిస్తే.. నా తప్పులను సరిదిద్దుతాడు. ఒకవేళ నాకు ఆయన సలహాలు అవసరమని భావిస్తే.. తప్పక అడుగుతా.అంతిమ నిర్ణయం నాదేప్రతి ఒక్కరి ఆలోచనలను నేను తెలుసుకునేందుకు ప్రయత్నిస్తా. అలాగే మ్యాచ్‌ విషయంలో పరిస్థితులకు అనుగుణంగా నేనే అంతిమ నిర్ణయం తీసుకుంటా. రోహిత్‌ భాయ్‌, విరాట్‌ భాయ్‌తో నాకు మంచి రిలేషన్‌ ఉంది.నాకు ఏవైనా సందేహాలు వస్తే.. వారి సలహాలు తీసుకుంటా. నాకు సహాయం చేసేందుకు వాళ్లు కూడా ఎల్లప్పుడూ సిద్ధంగానే ఉంటారు’’ అని శుబ్‌మన్‌ గిల్‌ తెలిపాడు. తద్వారా తమ మధ్య ఎలాంటి విభేదాలు లేవని స్పష్టం చేశాడు. కాగా రోహిత్‌ పాటు టీ20, టెస్టులకు రిటైర్మెంట్‌ ప్రకటించిన కోహ్లి వన్డేల్లో కొనసాగుతున్న విషయం తెలిసిందే.చదవండి: IND vs AUS: జట్లు, షెడ్యూల్‌, వేదికలు, టైమింగ్‌, లైవ్‌ స్ట్రీమింగ్‌.. పూర్తి వివరాలు

టీమిండియా హెడ్‌కోచ్‌గా రాహుల్‌ ద్రవిడ్‌ (Rahul Dravid) తనదైన ముద్ర వేశాడు. రెండున్నరేళ్ల పాటు అతడి మార్గదర్శనంలో ముందుకు సాగిన భారత జట్టు టీ20 ప్రపంచకప్‌-2024 రూపంలో ఐసీసీ టైటిల్‌ గెలిచింది. అంతకుముందు.. వన్డే వరల్డ్‌కప్‌-2023 టోర్నీలో అజేయంగా ఫైనల్‌కు చేరి.. రన్నరప్‌గా నిలిచింది.ఇక ద్రవిడ్‌ జట్టులో నింపిన స్ఫూర్తి కారణంగానే తాము టీ20 ప్రపంచకప్‌తో పాటు.. తాజాగా ఐసీసీ చాంపియన్స్‌ ట్రోఫీ-2025 టైటిల్‌ కూడా గెలిచామని టీమిండియా తాజా మాజీ కెప్టెన్‌ రోహిత్‌ శర్మ (Rohit Sharma) ఇటీవలే వెల్లడించాడు. ద్రవిడ్‌ భాయ్‌ తమలో గెలవాలన్న పట్టుదలను మరింత పెంచి జట్టు బంగారు భవిష్యత్తుకు బాటలు వేశాడని పేర్కొన్నాడు. ఏదేమైనా రోహిత్‌- ద్రవిడ్‌ కాంబోలో టీమిండియా మంచి ఫలితాలు రాబట్టిందని చెప్పవచ్చు.ద్రవిడ్‌తో మాకు విభేదాలుభారత క్రికెట్‌లో ద్రవిడ్‌కు సౌమ్యుడనే పేరుంది. ఈ మాజీ కెప్టెన్‌ కెరీర్‌లో వివాదాలకు తావులేదు. అయితే, అలాంటి ద్రవిడ్‌ కోచ్‌గా మారిన తర్వాత మాత్రం జట్టు విషయంలో తగ్గేదేలే అన్నట్లు సెలక్టర్లతో వాదనలకు దిగేవాడట. తన ప్రణాళికలు, వ్యూహాలకు అనుగుణంగా జట్టు కూర్పు ఉండాల్సిందేనని పట్టుబట్టేవాడట.టీమిండియా చీఫ్‌ సెలక్టర్‌ అజిత్‌ అగార్కర్‌ (Ajit Agarkar) తాజాగా ఈ విషయాన్ని వెల్లడించాడు. ఎన్‌డీటీవీతో మాట్లాడుతూ.. ‘‘రాహుల్ ద్రవిడ్‌ నాకు ప్రియమైన స్నేహితుడు. అయితే, అతడు కోచ్‌గా ఉన్న సమయంలో మా మధ్య విభేదాలు వచ్చిన మాట వాస్తవం. అవి తగువులాటలు అని నేను చెప్పను.మా నిర్ణయమే ఫైనల్‌కానీ ఇద్దరి మధ్య కొన్నిసార్లు అభిప్రాయ భేదాలు వచ్చేవి. కొన్ని విషయాల్లో తను అనుకున్నట్లే జరగాలని ద్రవిడ్‌ పట్టుబట్టేవాడు. ఏదేమైనా జట్టు ప్రయోజనాలకు అనుగుణంగానే మా ఆలోచనలు ఉండేవి.జట్టు ఎంపిక పూర్తిగా మా నిర్ణయం మీదే ఆధారపడి ఉంటుంది. ఇంతకు ముందు రాహుల్‌.. ఇప్పుడు గంభీర్‌.. గతంలో రోహిత్‌.. ఇప్పుడు శుబ్‌మన్‌.. ఇలా కోచ్‌లు, కెప్టెన్లుగా ఎవరున్నా సరే.. వారికి కూడా జట్టు ఎంపిక విషయంలో జోక్యం కల్పిస్తాం. వారితో చర్చించిన తర్వాతే ఓ నిర్ణయానికి వస్తాం.మా పని అదేకోచ్‌, కెప్టెన్‌ పని సులువు చేసే విధంగా అత్యుత్తమైన పదిహేను మంది ఆటగాళ్లను ఎంపిక చేయడమే మా పని. ఒకవేళ కోచ్‌, కెప్టెన్‌ను గనుక సెలక్షన్‌ విషయంలో భాగం చేయకపోతే.. అంతకంటే తెలివితక్కువతనం మరొకటి ఉండదు’’ అని అగార్కర్‌ పేర్కొన్నాడు.కాగా టీమిండియా ప్రస్తుతం ఆస్ట్రేలియా పర్యటనలో ఉంది. అక్టోబరు 19- నవంబరు 8 వరకు ఇరుజట్ల మధ్య మూడు వన్డేలు, ఐదు టీ20 మ్యాచ్‌లు నిర్వహించేందుకు షెడ్యూల్‌ ఖరారైంది. అయితే, ఈ సిరీస్‌కు ముందే కెప్టెన్‌గా రోహిత్‌ను తప్పించిన యాజమాన్యం.. గిల్‌కు వన్డే పగ్గాలూ అప్పగించింది. ఇక ఇప్పటికే అతడు టెస్టు సారథిగా జట్టును ముందుకు నడిపిస్తున్న విషయం తెలిసిందే. అయితే, వన్డే కెప్టెన్‌గా రోహిత్‌ను తొలగించిన నేపథ్యంలో గంభీర్‌తో పాటు అగార్కర్‌పైనా విమర్శలు వెల్లువెత్తాయి.చదవండి: IND vs AUS: జట్లు, షెడ్యూల్‌, వేదికలు, టైమింగ్‌, లైవ్‌ స్ట్రీమింగ్‌.. పూర్తి వివరాలు

పెర్త్‌: స్టార్‌ ఆటగాళ్లు విరాట్‌ కోహ్లి, రోహిత్‌ శర్మ సమక్షంలో శుబ్‌మన్‌ గిల్‌ వన్డే కెప్టెన్‌గా రాటుదేలుతాడని భారత ఆల్‌రౌండర్‌ అక్షర్‌ పటేల్‌ అభిప్రాయ పడ్డాడు. ఇద్దరు సీనియర్‌ బ్యాటర్లు తమ అనుభవంతో గిల్‌కు సరైన మార్గనిర్దేశనం చేయగలరని అతను అన్నాడు. ‘గిల్‌కు కెప్టెన్‌గా ఇది సరైన సమయం. కెప్టెన్లుగా పని చేసిన రోహిత్, కోహ్లి జట్టుతో ఉన్నారు. వారు అతనికి తమ వైపునుంచి సహాయపడగలరు. ఇది గిల్‌ నాయకుడిగా ఎదగడంలో ఉపయోగపడుతుంది. ఇప్పటి వరకు తాను కెప్టెన్‌గా వ్యవహరించిన మ్యాచ్‌లలో ఎప్పుడూ ఒత్తిడికి లోను కాకపోవడం గిల్‌కు సంబంధించి అతి పెద్ద సానుకూలత’ అని అక్షర్‌ వ్యాఖ్యానించాడు. కోహ్లి, రోహిత్‌ల ఆట గురించి తాను ప్రత్యేకంగా చెప్పనవసరం లేదని అక్షర్‌ గుర్తు చేశాడు. ‘కోహ్లి, రోహిత్‌ అత్యున్నత స్థాయి క్రికెటర్లు. వారి ఫామ్‌లో ఎలా ఉందో తొలి వన్డేలో తెలుస్తుంది. ప్రొఫెషనల్‌ ఆటగాళ్లుగా తాము ఏం చేయాలో వారిద్దరికి బాగా తెలుసు. సీఓఈలో ప్రాక్టీస్‌ చేసి ఈ సిరీస్‌కు సిద్ధమయ్యారు. నెట్స్‌లో, ఫిట్‌నెస్‌పరంగా కూడా చాలా చురుగ్గా కనిపిస్తున్నారు’ అని అక్షర్‌ వెల్లడించాడు. ఆ్రస్టేలియాలో ఎలాంటి పిచ్‌లు ఎదురైనా తమకు ఇబ్బంది లేదని, తాము పిచ్‌ల గురించి మాట్లాడటం మానేసి వ్యూహాలపైనే చర్చిస్తున్నామని అతను స్పష్టం చేశాడు. ‘ఒకప్పుడు మన జట్టు ఆ్రస్టేలియాకు వస్తే పిచ్‌లు, పరిస్థితులు, బౌన్స్‌ల గురించి చర్చ జరిగేది. మేం చాలా తక్కువగా కూడా అక్కడ ఆడేవాళ్లం. కానీ 2015 వరల్డ్‌ కప్‌ తర్వాత పరిస్థితి మారింది. మేం ఇక్కడ ఎక్కువగా ఆడటం మొదలు పెట్టడంతో బ్యాటింగ్‌ కూడా మెరుగైంది. ఇప్పుడైతే ఆ్రస్టేలియాలో ఆడుతున్నట్లు అనిపించడం లేదు. ప్రత్యేకంగా సన్నద్ధం కావాల్సిన అవసరమూ లేదు. పిచ్‌ గురించి కాకుండా పరుగులు ఎలా చేయాలి తదితర ప్రణాళికల గురించే మాట్లాడుకుంటున్నాం’ అని అక్షర్‌ వివరించాడు. ఆసియా కప్‌లో తాను బాగా ఆడానని, ఆ్రస్టేలియా గడ్డపై సవాల్‌కు తాను సిద్ధంగా ఉన్నట్లు అతను పేర్కొన్నాడు.

పరిమిత ఓవర్ల సిరీస్‌లు ఆడేందుకు టీమిండియా ఆస్ట్రేలియా పర్యటన (India Tour Of Australia 2025)కు వెళ్లింది. ఇందులో భాగంగా ఆదివారం (అక్టోబరు 19)నాటి మ్యాచ్‌తో తొలుత వన్డే సిరీస్‌కు తెరలేస్తుంది. అనంతరం ఆసీస్‌- భారత్‌ (IND vs AUS) ఐదు మ్యాచ్‌ల టీ20 సిరీస్‌లో తలపడేందుకు ముహూర్తం ఖరారైంది.ఇందుకోసం ఇప్పటికే టీమిండియా- ఆస్ట్రేలియా తమ జట్లను ప్రకటించాయి. ఈ నేపథ్యంలో ఇరుజట్ల మధ్య వన్డే, టీ20 సిరీస్‌ షెడ్యూల్‌, మ్యాచ్‌ వేదికలు, మ్యాచ్‌ ఆరంభ సమయం, లైవ్‌ స్ట్రీమింగ్‌ తదితర వివరాలు తెలుసుకుందాం!ఆస్ట్రేలియా వర్సెస్‌ టీమిండియా వన్డే సిరీస్‌ షెడ్యూల్‌🏏తొలి వన్డే: అక్టోబరు 19 (ఆదివారం)- పెర్త్‌ స్టేడియం, పెర్త్‌🏏రెండో వన్డే: అక్టోబరు 23 (గురువారం)- అడిలైడ్‌ ఓవల్‌, అడిలైడ్‌🏏మూడో వన్డే: అక్టోబరు 25 (శనివారం)- సిడ్నీ క్రికెట్‌ గ్రౌండ్‌, సిడ్నీ👉మ్యాచ్‌ ఆరంభ సమయం: భారత కాలమానం ప్రకారం ఆసీస్‌- భారత్‌ వన్డే మ్యాచ్‌లు ఉదయం 9 గంటలకు ఆరంభంఆస్ట్రేలియా వర్సెస్‌ టీమిండియా టీ20 సిరీస్‌ షెడ్యూల్‌🏏తొలి టీ20: అక్టోబరు 29 (బుధవారం)- మనుకా ఓవల్‌, కాన్‌బెర్రా🏏రెండో టీ20: అక్టోబరు 31 (శుక్రవారం)- మెల్‌బోర్న్‌ క్రికెట్‌ గ్రౌండ్‌, మెల్‌బోర్న్‌🏏మూడో టీ20: నవంబరు 2 (ఆదివారం)- బెలిరివ్‌ ఓవల్‌, హోబర్ట్‌🏏నాలుగో టీ20: నవంబరు 6 (గురువారం)- బిల్‌ పిప్పెన్‌ ఓవల్‌, గోల్డ్‌ కోస్ట్‌🏏ఐదో టీ20: నవంబరు 8 (శనివారం)- ది గాబా, బ్రిస్బేన్‌.👉మ్యాచ్‌ ఆరంభ సమయం: భారత కాలమానం ప్రకారం మధ్యాహ్నం 1.45 నిమిషాలకు టీ20 మ్యాచ్‌లు ఆరంభం.లైవ్‌ స్ట్రీమింగ్‌ ఎక్కడంటే..👉జియో హాట్‌స్టార్‌ యాప్‌, వెబ్‌సైట్‌లో మ్యాచ్‌లు ప్రత్యక్ష ప్రసారం👉టీవీలో స్టార్‌ స్పోర్ట్స్‌ నెట్‌వర్క్స్‌లో ప్రసారంఆస్ట్రేలియాతో వన్డే సిరీస్‌కు భారత జట్టుశుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లి, శ్రేయస్‌ అయ్యర్, అక్షర్ పటేల్, కేఎల్ రాహుల్, నితీశ్‌ కుమార్ రెడ్డి, వాషింగ్టన్ సుందర్, కుల్దీప్ యాదవ్, హర్షిత్ రాణా, మొహమ్మద్ సిరాజ్, అర్ష్‌దీప్ సింగ్, ప్రసిద్ధ్ కృష్ణ, ధ్రువ్ జురెల్, యశస్వి జైస్వాల్.ఆస్ట్రేలియాతో టీ20 సిరీస్‌కు భారత జట్టుఅభిషేక్ శర్మ, శుబ్‌మన్ గిల్, సూర్యకుమార్ యాదవ్ (కెప్టెన్‌), రింకూ సింగ్, తిలక్ వర్మ, సంజు శాంసన్, జితేశ్‌ శర్మ, శివమ్ దూబే, అక్షర్ పటేల్, కుల్దీప్ యాదవ్, వరుణ్ చక్రవర్తి, నితీశ్‌ కుమార్ రెడ్డి, జస్‌ప్రీత్ బుమ్రా, అర్ష్‌దీప్ సింగ్, హర్షిత్ రాణా, వాషింగ్టన్ సుందర్‌.భారత్‌తో వన్డేలకు ఆస్ట్రేలియా జట్టుమిచెల్ మార్ష్ (కెప్టెన్‌), జేవియర్ బార్ట్‌లెట్, అలెక్స్ కారీ (వికెట్‌ కీపర్‌), కూపర్ కొన్నోలీ, బెన్ డ్వార్షుయిస్, నాథన్ ఎల్లిస్, మార్నస్‌ లబుషేన్‌, జోష్ హాజిల్‌వుడ్, ట్రావిస్ హెడ్, జోష్ ఇంగ్లిస్, మిచెల్ ఓవెన్, మాథ్యూ రెన్‌షా, మాథ్యూ షార్ట్, మిచెల్ స్టార్క్, ఆడమ్‌ జంపా.భారత్‌తో టీ20లకు ఆస్ట్రేలియా జట్టు (తొలి రెండు మ్యాచ్‌లకు మాత్రమే)మిచెల్ మార్ష్ (కెప్టెన్‌), సీన్ అబాట్, జేవియర్ బార్ట్‌లెట్, టిమ్ డేవిడ్, బెన్ డ్వార్షుయిస్, నాథన్ ఎల్లిస్, జోష్ హాజిల్‌వుడ్, ట్రావిస్ హెడ్, జోష్ ఇంగ్లిస్, మాథ్యూ కుహ్నెమాన్, మిచెల్ ఓవెన్, మాథ్యూ షార్ట్, మార్కస్ స్టోయినిస్, ఆడమ్ జంపా.చదవండి: షమీ విమర్శలు.. స్పందించిన చీఫ్‌ సెలక్టర్‌ అగార్కర్‌

న్యూఢిల్లీ: దాదాపు ఏడు నెలల సుదీర్ఘ విరామం తర్వాత స్టార్‌ బ్యాటర్లు విరాట్‌ కోహ్లి, రోహిత్‌ శర్మ భారత జట్టుతో చేరారు. చాంపియన్స్‌ ట్రోఫీ ఫైనల్‌ తర్వాత వీరిద్దరు అంతర్జాతీయ క్రికెట్‌ బరిలోకి దిగలేదు. టెస్టు లేదా టి20 జట్టు సభ్యులుగా ఉన్న ఇతర ప్లేయర్లు కలిసి ఆడుతూ బిజీగా ఉండగా వన్డేలకే పరిమితమైన రోహిత్, కోహ్లి మాత్రం టీమ్‌కు దూరంగా ఉన్నారు. వన్డే, టి20ల సిరీస్‌ల కోసం బుధవారం భారత జట్టు రెండు బృందాలుగా ఆ్రస్టేలియాకు బయల్దేరి వెళ్లింది. మొదటి బృందంలో రోహిత్, కోహ్లి, శ్రేయస్, కెపె్టన్‌ శుబ్‌మన్‌ గిల్‌ తదితరులు ఉన్నారు. ఎలా ఉన్నావు హీరో?ఈ సందర్భంగా రోహిత్, గిల్‌ భేటీ ఆసక్తిని సంతరించుకుంది. తన స్థానంలోనే గిల్‌ను సెలక్టర్లు వన్డే కెప్టెన్ గా నియమించగా... గిల్‌ నాయకత్వంలో రోహిత్‌ తొలిసారి ఆడనున్నాడు. టూర్‌కు వెళ్లేందుకు ఆటగాళ్లంతా ఒకే చోటికి చేరే క్రమంలో ఇందిరాగాంధీ విమానాశ్రయంలో రోహిత్‌ను చూసిన గిల్‌ దగ్గరకు వచ్చి ఆలింగనం చేసుకున్నాడు. వెంటనే రోహిత్‌ కూడా ‘ఎలా ఉన్నావు హీరో’ అంటూ ఆత్మీయంగా పలకరించాడు. టీమ్‌ బస్సులోకి వెళ్లాక మొదటి సీటులోనే కూర్చున్న కోహ్లికి కూడా గిల్‌ అభివాదం చేయగా... దానికి బదులిచ్చిన కోహ్లి కెపె్టన్‌ భుజం తట్టి అభినందించాడు. జట్టు సహచరుల్లో కనిపించిన చిరునవ్వులు అందరి మధ్య ఉన్న అనుబంధాన్ని చూపించాయి. ఆసీస్‌ పర్యటనలో భాగంగా భారత జట్టు 3 వన్డేలు, 5 టి20లు ఆడుతుంది. ఆదివారం ఇరు జట్ల మధ్య తొలి వన్డే జరుగుతుంది. 𝙀𝙣 𝙧𝙤𝙪𝙩𝙚 𝘿𝙤𝙬𝙣 𝙐𝙣𝙙𝙚𝙧 ✈️Of familiar faces and special reunions as #TeamIndia depart for the Australia challenge 😍#AUSvIND pic.twitter.com/ElV3OtV3Lj— BCCI (@BCCI) October 15, 2025

పరిమిత ఓవర్ల సిరీస్‌ కోసం టీమిండియా ఆస్ట్రేలియాకు పయనమైంది. తొలి బ్యాచ్‌లో భాగంగా దిగ్గజ బ్యాటర్లు విరాట్‌ కోహ్లి (Virat Kohli), రోహిత్‌ శర్మ (Rohit Sharma), వన్డే జట్టు వైస్‌ కెప్టెన్‌ శ్రేయస్‌ అయ్యర్‌ (Shreyas Iyer) తదితరులు కంగారూ దేశానికి బయల్దేరారు.వీరితో పాటు టెస్టు, వన్డే కెప్టెన్‌ శుబ్‌మన్‌ గిల్‌, ఓపెనర్‌ యశస్వి జైస్వాల్‌, ఆల్‌రౌండర్‌ నితీశ్‌ కుమార్‌ రెడ్డి, పేసర్లు అర్ష్‌దీప్‌ సింగ్‌, ప్రసిద్‌ కృష్ణ కూడా ఢిల్లీ విమానాశ్రయంలో దర్శనమిచ్చారు. ఆ సమయంలో కొంత మంది సహాయక సిబ్బంది కూడా ఆటగాళ్ల వెంట ఉన్నారు.Team India off to Australia ✈️ pic.twitter.com/FCpqxYjTSI— Virat Kohli Fan Club (@Trend_VKohli) October 15, 2025గంభీర్‌ లేకుండానే..అయితే, హెడ్‌కోచ్‌ గౌతం గంభీర్‌ లేకుండానే తొలి బ్యాచ్‌తో వెళ్లడం లేదు. రెండో బ్యాచ్‌తో కలిసి అతడు సాయంత్రం ఆస్ట్రేలియాకు బయలుదేరనున్నట్లు సమాచారం. ఇక టీమ్‌ బస్‌లో రోహిత్‌, కోహ్లి, శ్రేయస్‌ అయ్యర్‌ ముందు వరుసలో కూర్చోగా.. ఇందుకు సంబంధించిన దృశ్యాలు సోషల్‌ మీడియాలో వైరల్‌ అవుతున్నాయి.Virat Kohli with Team India at Airport left for Australia. pic.twitter.com/ZJ6Wb80hPC— Virat Kohli Fan Club (@Trend_VKohli) October 15, 2025 కాగా స్వదేశంలో వెస్టిండీస్‌తో టెస్టులను 2-0తో వైట్‌వాష్‌ చేసిన టీమిండియా.. అక్టోబరు 19 నుంచి ఆస్ట్రేలియాతో వన్డే సిరీస్‌ మొదలుపెట్టనుంది. ఈ సిరీస్‌కు ముందే వన్డే సారథిగా రోహిత్‌ను తప్పించిన బీసీసీఐ.. గిల్‌కు కెప్టెన్సీ అప్పగించింది.కెప్టెన్సీ మార్పు వెనుకఈ నేపథ్యంలో కెప్టెన్సీ మార్పు వెనుక గంభీర్‌ హస్తం ఉందనే విమర్శలు వచ్చాయి. ఇదిలా ఉంటే.. అంతర్జాతీయ టీ20, టెస్టులకు రిటైర్మెంట్‌ ప్రకటించిన రోహిత్‌- కోహ్లి చివరగా ఐసీసీ చాంపియన్స్‌ ట్రోఫీ-2025లో ఆడారు. ఈ మెగా టోర్నీలో టీమిండియాను చాంపియన్‌గా నిలపడంలో కీలక పాత్ర పోషించారు.ఇక ఈ ఐసీసీ ఈవెంట్‌ తర్వాత టీమిండియా తరఫున రో- కో తొలిసారి ఆస్ట్రేలియాతో వన్డేల సందర్భంగా బరిలోకి దిగనుండటంతో సర్వత్రా ఆసక్తి నెలకొంది. ప్రస్తుతం ఫిట్‌గా ఉన్న ఈ ఇద్దరు కంగారూ గడ్డపై సత్తా చాటాలని అభిమానులు ఆకాంక్షిస్తున్నారు.వన్డే వరల్డ్‌కప్‌-2027లో ఆడతారా?కాగా 37 ఏళ్ల రోహిత్‌, 36 ఏళ్ల కోహ్లి వన్డే వరల్డ్‌కప్‌-2027లో ఆడతారో లేదోనని చీఫ్‌ సెలక్టర్‌ అజిత్‌ అగార్కర్‌ వెల్లడించాడు. అయితే, పూర్తి ఫిట్‌గా ఉన్న ఈ ఇద్దరు తప్పక మెగా టోర్నీ ఆడతారనే అభిప్రాయాలు వ్యక్తమవుతున్నాయి. అదే సమయంలో.. వీరిద్దరి విషయంలో మేనేజ్‌మెంట్‌ వైఖరిపైనా సందేహాలు తలెత్తుతున్నాయి. ఇదిలా ఉంటే.. ఆస్ట్రేలియా- టీమిండియా మధ్య అక్టోబరు 19 నుంచి నవంబరు 8 వరకు మూడు వన్డేలు, ఐదు టీ20 మ్యాచ్‌ల నిర్వహణకు షెడ్యూల్‌ ఖరారైంది.చదవండి: BCCI: రోహిత్‌, కోహ్లిలకు ఇదే ఆఖరి సిరీస్‌!.. స్పందించిన బీసీసీఐpic.twitter.com/BZLAUZArJP— Ro³ (@45__rohan) October 15, 2025

ప్రతి ఒక్కరికి ఏదో ఒక సెంటిమెంట్‌ ఉంటుంది. ఫలానా రంగు డ్రెస్‌ ధరిస్తే ఆరోజంతా మంచేనని కొందరు భావిస్తే.. మరికొందరు వివిధ వస్తువులను తమతో పెట్టుకోవడం ద్వారా అనుకున్న ఫలితాన్ని రాబట్టవచ్చని నమ్ముతూ ఉంటారు.ముఖ్యంగా సెలబ్రిటీలు ఇలాంటి సెంటిమెంట్లు బాగా ఫాలో అవుతుంటారు. టీమిండియా విధ్వంసకర బ్యాటర్‌ వీరేందర్‌ సెహ్వాగ్‌ (Virender Sehwag).. ఎల్లప్పుడూ ఎరుపు రంగు రుమాలును తన వెంటే ఉంచుకునేవాడు. రెడ్‌ హ్యాండ్‌కర్చీఫ్‌ను అతడు తన లక్కీ చార్మ్‌గా భావించేవాడు. అంతకుముందు మోహిందర్‌ అమర్‌నాథ్‌, స్టీవ్‌ వా కూడా ఇలాంటి సెంటిమెంట్‌ను ఫాలో అయ్యేవారు.2022లో తొలిసారి గమనించాటీమిండియా ప్రస్తుత టెస్టు, వన్డే కెప్టెన్‌ శుబ్‌మన్‌ గిల్‌ (Shubman Gill)కు కూడా ఇలాంటి ‘మూఢనమ్మకం’ ఒకటి ఉందట. భారత టీ20 జట్టు సారథి సూర్యకుమార్‌ యాదవ్‌ (Suryakumar Yadav) ఈ విషయాన్ని తాజాగా వెల్లడించాడు. ‘‘శుబ్‌మన్‌ గిల్‌ గుడ్డిగా నమ్మే ఓ విషయం గురించి చెబుతాను. ఈ విషయం గురించి ఆసియా కప్‌ సమయంలోనూ ఎవరో నన్ను అడిగారు.నేటికీ ఆ ప్యాడ్ల రంగును గిల్‌ మార్చలేదుదీనిని నేను 2022లో తొలిసారి గమనించా. బహుశా ఆ ఏడాది లేదంటే మరుసటి సంవత్సరం నుంచో ఇది మొదలైనట్లుంది. జట్టులో అందరికంటే భిన్నమైన రంగులో ఉన్న ప్యాడ్లను గిల్‌ ధరిస్తాడు. అతడి ప్యాడ్స్‌ రంగు లేత నీలం రంగులో ఉంటుంది.ఆ ప్యాడ్స్‌ ధరించిన నాటి నుంచి అతడు పరుగుల వరద కొనసాగిస్తూనే ఉన్నాడు. నేటికీ ఆ ప్యాడ్ల రంగును గిల్‌ మార్చలేదు. ఆసియా కప్‌ టోర్నీలోనూ అవే ధరించాడు. మా అందరి జెర్సీ ప్యాంట్‌ కలర్‌ ఒకేలా ఉంటుంది. కానీ అతడి ప్యాడ్స్‌ కలర్‌ మాత్రం డిఫరెంట్‌.మూఢనమ్మకంగా మారిపోయింది కదా!ఈ విషయం గురించి.. ‘సోదరా.. నీకిది ఒక మూఢనమ్మకంగా మారిపోయింది కదా!’ అని నేను చాలాసార్లు తనతో అన్నాను’’ అని సూర్యకుమార్‌ యాదవ్‌ సరదాగా వ్యాఖ్యానించాడు. న్యూస్‌24తో మాట్లాడుతూ ఈ మేరకు వ్యాఖ్యలు చేశాడు.కాగా సూర్య చివరగా ఆసియా టీ20 కప్‌-2025 సందర్భంగా టీమిండియా తరఫున బరిలోకి దిగాడు. యునైటెడ్‌ అరబ్‌ ఎమిరేట్స్‌ వేదికగా జరిగిన ఈ ఖండాంతర టోర్నీలో బ్యాటర్‌గా విఫలమైనా.. కెప్టెన్‌గా జట్టుకు టైటిల్‌ అందించాడు.వన్డే సారథిగానూఈ టోర్నీలో గిల్‌ సూర్యకు డిప్యూటీగా వ్యవహరించాడు. ఇక అంతకుముందే టీమిండియా టెస్టు కెప్టెన్‌ అయిన గిల్‌.. తాజా ఆస్ట్రేలియా పర్యటనతో వన్డే సారథిగానూ ప్రయాణం మొదలుపెట్టనున్నాడు. ఇక టీ20 ప్రపంచకప్‌-2026 తర్వాత పొట్టి ఫార్మాట్‌ కెప్టెన్‌గా సూర్య స్థానాన్ని అతడు భర్తీ చేసే అవకాశం ఉంది. ఇదిలా ఉంటే.. అక్టోబరు 19- నవంబరు 8 వరకు భారత జట్టు ఆసీస్‌తో మూడు వన్డేలు, ఐదు టీ20లు ఆడనుంది. వన్డేల్లో గిల్‌, టీ20లలో సూర్య సారథ్యం వహిస్తారు.చదవండి: BCCI: రోహిత్‌, కోహ్లిలకు ఇదే ఆఖరి సిరీస్‌!.. స్పందించిన బీసీసీఐ

టీమిండియా దిగ్గజ బ్యాటర్లు విరాట్‌ కోహ్లి (Virat Kohli)- రోహిత్‌ శర్మ (Rohit Sharma)ల అంతర్జాతీయ క్రికెట్‌ భవితవ్యంపై గత కొన్ని రోజులుగా చర్చ నడుస్తోంది. వీరిద్దరు ఇంగ్లండ్‌ పర్యటనలో టెస్టులు ఆడేందుకు సిద్ధంగా ఉన్నారనే వార్తలు వచ్చినా.. అనూహ్యంగా ఇద్దరూ ఐదు రోజుల వ్యవధిలోనే రిటైర్మెంట్‌ ప్రకటించారు.వన్డే కెప్టెన్సీ నుంచి తొలగింపుఈ నేపథ్యంలో భారత క్రికెట్‌ నియంత్రణ మండలి (BCCI) పెద్దల వైఖరితో నొచ్చుకున్న రో- కో ఈ మేరకు అనూహ్య నిర్ణయం తీసుకున్నారనే వార్తలు వినిపించాయి. ఇక ఇప్పటికే అంతర్జాతీయ పొట్టి ఫార్మాట్‌కూ వీడ్కోలు పలికిన రోహిత్‌- కోహ్లి.. ప్రస్తుతం వన్డేల్లో కొనసాగుతున్నారు. అయితే, ఊహించని రీతిలో రోహిత్‌ను వన్డే కెప్టెన్సీ నుంచి తొలగించింది బీసీసీఐ.దేశీ టోర్నీలు కూడా ఆడాలిఆస్ట్రేలియాతో సిరీస్‌కు ముందు రోహిత్‌ స్థానంలో శుబ్‌మన్‌ గిల్‌ (Shubman Gill)కు వన్డే జట్టు పగ్గాలు అప్పగించింది. వన్డే వరల్డ్‌కప్‌-2027ను దృష్టిలో పెట్టుకునే తాము ఈ నిర్ణయం తీసుకున్నట్లు చీఫ్‌ సెలక్టర్‌ అజిత్‌ అగార్కర్‌ వెల్లడించాడు. ఈ సందర్భంగా రో- కో వన్డే వరల్డ్‌కప్‌ వరకు కొనసాగుతారనే హామీ కూడా లేదని చెప్పాడు. అంతేకాదు.. అవసరమైతే ఈ ఇద్దరు దేశీ టోర్నీలు కూడా ఆడాల్సి ఉంటుందని సంకేతాలు ఇచ్చాడు.రోహిత్‌, కోహ్లిలకు ఇదే ఆఖరి సిరీస్‌!ఈ నేపథ్యంలో రోహిత్‌ శర్మ- విరాట్‌ కోహ్లి వన్డేలకూ త్వరలోనే గుడ్‌బై చెప్పనున్నారనే వార్తలు వినిపిస్తున్నాయి. ఆసీస్‌తో జరిగే వన్డే సిరీస్‌ వీరి అంతర్జాతీయ కెరీర్‌లో చివరిదనే ఊహాగానాలు వెలువడుతున్నాయి. ఈ విషయంపై బీసీసీఐ ఉపాధ్యక్షుడు రాజీవ్‌ శుక్లా స్పందించాడు.స్పందించిన బీసీసీఐఢిల్లీలో మంగళవారం వెస్టిండీస్‌తో రెండో టెస్టులో భారత్‌ జయభేరి మోగించిన అనంతరం రాజీశ్‌ శుక్లా మీడియాతో మాట్లాడాడు. ఈ క్రమంలో రో- కో వన్డే రిటైర్మెంట్‌ గురించి ప్రస్తావన రాగా.. ‘‘వాళ్లిద్దరు జట్టులో ఉండటం మాకు అతిపెద్ద సానుకూలాంశం. ఇద్దరూ గొప్ప బ్యాటర్లు.వారిద్దరి సమక్షంలో టీమిండియా కచ్చితంగా ఆస్ట్రేలియాను ఓడించి తీరుతుంది. రో-కో లకు ఇదే చివరి సిరీస్‌ అనడం హాస్యాస్పదం. అసలు మేము ఈ విషయం గురించి ఆలోచించము. రిటైర్మెంట్‌ అనేది ఆటగాళ్ల వ్యక్తిగత నిర్ణయం. ఏదేమైనా రోహిత్‌- కోహ్లికు ఆసీస్‌ సిరీస్‌ ఆఖరిది అనడం తప్పు’’ అని రాజీవ్‌ శుక్లా పేర్కొన్నాడు.ఇద్దరూ ఇద్దరేకాగా వన్డేల్లో కోహ్లి, రోహిత్‌లకు ఉన్న రికార్డు గురించి ప్రత్యేకంగా చెప్పాల్సిన పనిలేదు. వన్డేల్లో 51 సెంచరీలతో కోహ్లి ప్రపంచ రికార్డు సాధిస్తే.. రోహిత్‌ వన్డే ఫార్మాట్‌లో అత్యధిక వ్యక్తిగత స్కోరు (264) రికార్డును తన పేరిట లిఖించుకున్నాడు. ఈ ఏడాది వీరిద్దరు ఐసీసీ చాంపియన్స్‌ ట్రోఫీ-2025లో భారత్‌ విజేతగా నిలవడంలో తమ వంతు పాత్ర పోషించారు.అంతేకాదు 2025లో రోహిత్‌ ఇప్పటికి 8 వన్డేల్లో ఓ సెంచరీ సాయంతో 302 పరుగులు చేయగా.. కోహ్లి ఏడు ఇన్నింగ్స్‌ ఆడి 275 పరుగులు సాధించాడు. ఇందులో ఓ సెంచరీ, రెండు అర్ధ శతకాలు ఉన్నాయి. ఇక 36 ఏళ్ల కోహ్లి ఫిట్‌నెస్‌ గురించి ప్రత్యేకంగా చెప్పాల్సిన పనిలేదు. అదే విధంగా.. 37 ఏళ్ల రోహిత్‌ ఇటీవల పది కిలోలు తగ్గి మరింత ఫిట్‌గా తయారయ్యాడు. కాబట్టి ప్రస్తుత ఫామ్‌, ఫిట్‌నెస్‌ దృష్ట్యా వీరిద్దరు ఇప్పట్లో రిటైర్‌ కాకపోవచ్చని చెప్పవచ్చు.చదవండి: సిగ్గుచేటు అంటూ గంభీర్‌ ఫైర్‌.. బీసీసీఐ స్పందన ఇదే

వెస్టిండీస్‌తో స్వదేశంలో టెస్టు సిరీస్‌ను 2-0తో వైట్‌వాష్‌ చేసిన టీమిండియా.. తదుపరి ఆస్ట్రేలియా (India Tour Of Australia 2025)లో పర్యటించనుంది. కంగారూ జట్టుతో భారత్‌ మూడు వన్డేలు, ఐదు టీ20 మ్యాచ్‌లు ఆడేందుకు షెడ్యూల్‌ ఖరారైంది. అక్టోబరు 19 నుంచి టీమిండియా ఆసీస్‌ టూర్‌ ప్రారంభం కానుండగా... దిగ్గజ బ్యాటర్లు విరాట్‌ కోహ్లి (Virat Kohli), రోహిత్‌ శర్మ (Rohit Sharma) చాన్నాళ్ల తర్వాత పునరాగమనం చేయనున్నారు.అనూహ్యంగా టెస్టులకు రిటైర్మెంట్‌చివరగా ఐసీసీ చాంపియన్స్‌ ట్రోఫీ-2025లో టీమిండియాకు ఆడిన రో- కో.. ఆ తర్వాత అనూహ్యంగా టెస్టులకు రిటైర్మెంట్‌ ప్రకటించారు. ఇక గతేడాదే అంతర్జాతీయ టీ20 ఫార్మాట్‌కు కూడా వీడ్కోలు పలికిన ఈ ఇద్దరు మేటి బ్యాటర్లు.. వన్డేల్లో మాత్రం కొనసాగుతున్నారు.ఆస్ట్రేలియాలో గిల్‌ సారథ్యంలోఇలాంటి తరుణంలో రోహిత్‌ శర్మ విషయంలో భారత క్రికెట్‌ నియంత్రణ మండలి (BCCI) ఇటీవలే కీలక నిర్ణయం తీసుకుంది. వన్డే కెప్టెన్‌గా రోహిత్‌ను తప్పించి.. అతడి స్థానంలో శుబ్‌మన్‌ గిల్‌కు పగ్గాలు ఇచ్చింది. ఈ నేపథ్యంలో ఆస్ట్రేలియాలో గిల్‌ సారథ్యంలో మాజీ కెప్టెన్లు రోహిత్‌- కోహ్లి కలిసి ఆడనున్నారు.కాగా రోహిత్‌పై వేటు వేసిన సమయంలో చీఫ్‌ సెలక్టర్‌ అజిత్‌ అగార్కర్‌ మాట్లాడుతూ.. రోహిత్‌, కోహ్లి వన్డే వరల్డ్‌కప్‌-2027 ఆడటం గురించి తమకు ఎలాంటి హామీ ఇవ్వలేదని తెలిపాడు. ఈ నేపథ్యంలో భారత మాజీ స్పిన్నర్‌ హర్భజన్‌ సింగ్‌ రో-కో గురించి ఆసక్తికర వ్యాఖ్యలు చేశాడు.మరో నాలుగైదేళ్లు ఢోకా లేదు‘‘దయచేసి విరాట్‌ ఫిట్‌నెస్‌ గురించి ఎవరూ ఏమీ అడగకండి. ఫిట్‌నెస్‌ విషయంలో అతడొక గురు. అతడు ఏం చేసినా మిగతా వాళ్లు ఫాలో అయిపోతారు. కాబట్టి విరాట్‌ కోహ్లి ఫిట్‌నెస్‌ గురించి మనమేమీ ఆందోళన పడాల్సిన పనిలేదు.అంతర్జాతీయ క్రికెట్‌లో ప్రస్తుతం అతడి కంటే ఫిట్‌గా ఉన్న మరొక ప్లేయర్‌ ఎవరూ లేరు. అయితే, కోహ్లి బ్యాట్‌చేతపట్టి ఎప్పుడెప్పుడు మైదానంలో దిగుతాడా అని నేను ఎదురుచూస్తున్నా.చాలా రోజులుగా అభిమానులతో పాటు నేనూ అతడి ఆటను మిస్సవుతున్నాను. వన్డేల్లో కోహ్లి ఇంకా ఎంతో సాధించగలడు. ఇంకొన్నేళ్లు ఆడగల సత్తా అతడికి ఉంది. కనీసం మరో నాలుగైదేళ్లు కోహ్లి వన్డేలు ఆడతాడని నేను నమ్ముతున్నా.కేవలం ఆడటమే కాదు.. తనదైన శైలిలో ఆధిపత్యం కూడా చూపిస్తాడని విశ్వసిస్తున్నా. ఆస్ట్రేలియాలో అతడి ఆట కోసం ఎదురుచూస్తున్నా. ఇక రోహిత్‌ విషయంలోనూ నేను ఇదే చెప్తా.కోహ్లి రెండు సెంచరీలు చేస్తాడుఆస్ట్రేలియాలో ఈ ఇద్దరు దిగ్గజాలు భారీ స్కోర్లు సాధించి టీమిండియాను గెలిపిస్తారని ఆశిస్తున్నా. ఆస్ట్రేలియా కోహ్లికి ఇష్టమైన ప్రత్యర్థి. మూడు వన్డేల్లో కలిపి అతడు కనీసం రెండు శతకాలైనా బాదుతాడని అనుకుంటున్నా’’ అని భజ్జీ చెప్పుకొచ్చాడు. కాగా అక్టోబరు 19 నుంచి నవంబరు 8 వరకు ఆస్ట్రేలియా- టీమిండియా మధ్య వన్డే, టీ20 సిరీస్‌లు జరుగనున్నాయి.చదవండి: చరిత్ర సృష్టించిన ధ్రువ్‌ జురెల్‌.. భారత తొలి క్రికెటర్‌గా ఫీట్‌

టీమిండియా టెస్టు సారథి శుబ్‌మన్‌ గిల్‌ (Shubman Gill)పై హెడ్‌కోచ్‌ గౌతం గంభీర్‌ (Gautam Gambhir) ప్రశంసలు కురిపించాడు. టెస్టు కెప్టెన్‌గా అతడు తొలి ప్రయత్నంలోనే ఉత్తీర్ణుడయ్యాడని.. అతడికి వంక పెట్టేందుకు ఏమీ లేదని కొనియాడాడు. తనకు ఉన్న నైపుణ్యాలతోనే గిల్‌ టెస్టు సారథి అయ్యాడని.. అలాగే వన్డే కెప్టెన్సీ బాధ్యతలు కూడా దక్కించుకున్నాడని పేర్కొన్నాడు.సారథిగా తొలి ప్రయత్నంలోనేకాగా ఇంగ్లండ్‌ పర్యటనకు ముందు కెప్టెన్‌ రోహిత్‌ శర్మ (Rohit Sharma) టెస్టులకు రిటైర్మెంట్‌ ప్రకటించగా.. గిల్‌ అతడి స్థానాన్ని భర్తీ చేసిన విషయం తెలిసిందే. సారథిగా తొలి ప్రయత్నంలోనే ఇంగ్లండ్‌ వంటి పటిష్టమైన జట్టుతో తలపడ్డాడు. బ్యాటర్‌గా, కెప్టెన్‌గా రాణించి ఇంగ్లండ్‌ గడ్డ మీద ఐదు మ్యాచ్‌ల సిరీస్‌ను 2-2తో సమం చేశాడు.విండీస్‌ను వైట్‌వాష్‌ చేసి తొలి విజయంఇక తాజాగా వెస్టిండీస్‌తో స్వదేశంలో జరిగిన రెండు మ్యాచ్‌ల సిరీస్‌ను 2-0తో వైట్‌వాష్‌ చేసి.. కెప్టెన్‌గా గిల్‌ తొలి సిరీస్‌ విజయాన్ని రుచిచూశాడు. ఇదిలా ఉంటే.. ఇటీవలే వన్డే కెప్టెన్సీ నుంచి దిగ్గజ కెప్టెన్‌ రోహిత్‌ శర్మను తప్పించిన భారత క్రికెట్‌ యాజమాన్యం.. గిల్‌కు పగ్గాలు అప్పగించింది.ఫేవటెరిజం లేదుఈ నేపథ్యంలో విమర్శలు రాగా.. విండీస్‌పై విజయానంతరం గంభీర్‌ స్పందించాడు. ‘‘అతడిని అచ్చంగా అతడిలా ఉండనివ్వడమే మేము చేసిన మంచిపని. టెస్టు లేదంటే వన్డే కెప్టెన్‌గా అతడిని ఎంపిక చేయడంలో ఎలాంటి ఫేవటెరిజం లేదు. ఇందుకు వందశాతం గిల్‌ అర్హుడు.ఎన్నో ఏళ్లుగా అతడు కఠినంగా శ్రమిస్తున్నాడు. ఇంగ్లండ్‌ గడ్డ మీద టెస్టు కెప్టెన్‌ ఇప్పటికే కఠిన సవాలు ఎదుర్కొని.. అతడు సారథిగా పాసయ్యాడు. నాణ్యమైన జట్టుపై బ్యాటర్‌గా, కెప్టెన్‌గా రాణించాడు. వరల్డ్‌ టెస్టు చాంపియన్‌షిప్‌ ఫైనల్‌ 2027 గురించి ఇప్పటి నుంచే ఆలోచించడం సరికాదు.అందరూ అతడిని గౌరవిస్తారుప్రతి మ్యాచ్‌లోనూ గెలుపే లక్ష్యంగా ముందుకు వెళ్లడం ముఖ్యం. సొంతగడ్డపై మాకిది కీలకమైన సిరీస్‌. ఇదే స్ఫూర్తితో మేము ముందుకు వెళ్తాం. నిజానికి ఇంగ్లండ్‌లో టెస్టులు ఇంతకంటే కష్టంగా ఉండేవి. ఇదే విషయాన్ని గిల్‌తో నేను చాలాసార్లు చెప్పాను.రెండున్నర నెలల పాటు అక్కడ గిల్‌ అత్యంత కఠినమైన సవాలును ఎదుర్కొన్నాడు. ఇంతకంటే అతడు ఇంకేం చేయాలి? డ్రెసింగ్‌రూమ్‌లో అందరూ అతడిని గౌరవిస్తారు. సరైన పనులు చేసినందుకు అతడికి ఇవన్నీ దక్కాయి. మాటల కంటే చేతలు ముఖ్యం’’ అని గంభీర్‌ చెప్పుకొచ్చాడు.నాకు ఆ అవసరం ఉందిఇక ఒత్తిడిని తట్టుకునేందుకు గిల్‌ కోసం మెంటల్‌ కండిషనింగ్‌ కోచ్‌ను నియమిస్తారా? అన్న ప్రశ్నకు బదులిస్తూ.. ‘‘ముందైతే నాకు అతడి అవసరం ఉంది’’ అంటూ నవ్వులు చిందించాడు. గెలిచినప్పుడు జట్టుకు ప్రశంసలు దక్కుతాయన్న గౌతీ.. ఓడినప్పుడు మాత్రం ఆటగాళ్లు కుంగిపోకుండా చూసుకోవడం తన బాధ్యత అని చెప్పుకొచ్చాడు.చదవండి: చరిత్ర సృష్టించిన ధ్రువ్‌ జురెల్‌.. భారత తొలి క్రికెటర్‌గా ఫీట్‌

శుభ్‌మన్ గిల్‌.. టీమిండియా కెప్టెన్‌గా తొలి సిరీస్ విజయాన్ని అందుకున్నాడు. ఢిల్లీ వేదికగా జరిగిన రెండో టెస్టులో 7 వికెట్ల తేడాతో వెస్టిండీస్‌ను భారత్ చిత్తు చేసింది. దీంతో రెండు మ్యాచ్‌ల సిరీస్‌ను 2-0 తేడాతో గిల్ సారథ్యంలో టీమిండియా క్లీన్ స్వీప్ చేసింది.ఢిల్లీ టెస్టులో భారత్ ఆల్‌రౌండ్ షోతో అదరగొట్టింది. యశస్వి జైశ్వాల్‌(175), శుభ్‌మన్ గిల్(129), సాయిసుదర్శన్‌(87) బ్యాటింగ్‌లో సత్తాచాటగా.. కుల్దీప్ యాదవ్‌( 8 వికెట్లు), జడేజా(4 వికెట్లు), జస్పీత్ బుమ్రా (4) బౌలింగ్‌లో మాయ చేశారు. ఇక విజయంపై మ్యాచ్ అనంతరం గిల్ స్పందించాడు. తన నాయకత్వ అనుభవం, జట్టు వ్యూహాలపై గిల్ మాట్లాడాడు."భారత జట్టుకు కెప్టెన్‌గా వ్యవహరించడం నాకు దక్కిన అరుదైన గౌరవంగా భావిస్తున్నాను. కెప్టెన్‌గా తొలి సిరీస్ విజయాన్ని అందుకోవడం చాలా సంతోషంగా ఉంది. ప్రతీ ఆటగాడితో కలిసి పనిచేయడం, జ‌ట్టును న‌డిపించ‌డం వంటివి నేను నేర్చుకుంటున్నాను.పరిస్థితులకు తగ్గ నిర్ణయాలు తీసుకునేందుకు ప్రయత్నిస్తాను. కొన్ని సందర్భాల్లో ధైర్యమైన నిర్ణయాలు కూడా తీసుకోవాల్సి ఉంటుంది. మరి కొన్ని సార్లు ఎక్స్-ఫాక్టర్ ఆటగాళ్లను రంగం దించాల్సి వవస్తుంది. ఏ ఆటగాడైతే పరుగులు లేదా వికెట్లు అందించగలడో వారిని ఎక్స్‌-ఫాక్టర్‌గా ఉపయోగించుకోవాలి" అని గిల్ చెప్పుకొచ్చాడు.ఫాలో-ఆన్‌ నిర్ణయం గురించి మాట్లాడుతూ.. "విండీస్ తొలి ఇన్నింగ్స్ ముగిసిన తర్వాత మేము సుమారు 300 పరుగుల ఆధిక్యంలో ఉన్నాం. ఐదో రోజున వికెట్లు తీయడం కష్టం అవుతుందనే భావించి ఫాలో-ఆన్ ఆడించాము. మేము 500 పరుగులు చేసినా.. ఆఖరి రోజు ఆటలో వికెట్లు పడగొట్టడం కష్టమవుతుందని ఫాలో ఆన్‌ను అమలు చేశాము.నితీష్‌ రెడ్డి గురించి మాట్లాడుతూ .. నితీష్‌కు ఈ మ్యాచ్‌లో బౌలింగ్‌ చేసే అవకాశం రాలేదు. విదేశాల్లో మాత్రమే కాదు, ఇక్కడ పిచ్‌లపై కూడా అతడిని అలవాటు చేయాలని చూస్తున్నాము. విదేశీ గడ్డపై మ్యాచ్‌లను గెలవడంలో మాకు సహాయపడతారని భావించే కొంతమం‍ది ఆటగాళ్లను మేము ప్రత్యేకంగా తీర్చిదిద్దుతున్నాము. ఎందకంటే అక్కడ గెలవడం మాకు ఎల్లప్పుడూ ఒక సవాలుగా ఉంటుంది. నేను బ్యాటింగ్‌కు వెళ్లిన‌ప్పుడు కేవ‌లం బ్యాట‌ర్‌గానే ఆలోచిస్తాను. నేను 3-4 ఏళ్ల వయసు నుంచి బ్యాటింగ్ చేస్తున్నాను. క్రీజులోకి వెళ్లిన ప్ర‌తీసారి జ‌ట్టును గెలిపించడమే నా లక్ష్యంగా పెట్టుకుంటా. ఆస్ట్రేలియా పర్యటనకు సంబంధించి ఇంకా ఎలాంటి ప్రణాళికలు రచించలేదు. ఫ్లైట్‌లో కూడా ప్లాన్ చేసుకోవచ్చు న‌వ్వుతూ గిల్ పేర్కొన్నాడు.చదవండి: IND vs WI: టీమిండియా వ‌ర‌ల్డ్ రికార్డు..

వ‌ర‌ల్డ్ టెస్టు ఛాంపియ‌న్ షిప్ 2025-27 సైకిల్‌లో టీమిండియా ఖాతాలో తొలి టెస్టు సిరీస్ విజ‌యం చేరింది. ఢిల్లీ వేదిక‌గా వెస్టిండీస్‌తో జ‌రిగిన రెండో టెస్టులో 7 వికెట్ల తేడాతో భార‌త్ విజ‌య భేరి మ్రోగించింది. దీంతో రెండు మ్యాచ్‌ల టెస్టు సిరీస్‌ను గిల్ సేన 2-0 తేడాతో క్లీన్ స్వీప్ చేసింది.121 ప‌రుగుల‌ టార్గెట్‌తో బ‌రిలోకి దిగిన టీమిండియా కేవ‌లం మూడు వికెట్లు కోల్పోయి చేధించింది. ఆఖ‌రి రోజు తొలి సెష‌న్‌లోనే మ్యాచ్ ముగిసిపోయింది. భార‌త ఓపెన‌ర్ కేఎల్ రాహుల్ 58 ర‌న్స్ చేసి టాప్ స్కోర‌ర్‌గా నిల‌వ‌గా.. సుద‌ర్శ‌న్(39) రెండో ఇన్నింగ్స్‌లోనూ స‌త్తాచాటాడు. అంత‌కుముందు య‌శ‌స్వి జైశ్వాల్‌, గిల్ సెంచ‌రీల‌తో క‌దం తొక్క‌డంతో టీమిండియా త‌మ తొలి ఇన్నింగ్స్‌ను 518/5 డిక్లేర్‌ చేసింది. అనంతరం విండీస్ తొలి ఇన్నింగ్స్‌లో 248 ర‌న్స్ చేసి ఫాలోఆన్ ఆడింది. అయితే రెండో ఇన్నింగ్స్‌లో విండీస్ బ్యాట‌ర్లు పోరాడారు. క్యాంప్‌బెల్‌, హోప్‌లు సెంచ‌రీల‌తో సత్తాచాటడంతో సెకెండ్ ఇన్నింగ్స్‌లో కరేబియన్ జట్టు 390 పరుగులు చేయగల్గింది. దీంతో విండీస్ 121 ప‌రుగుల టార్గెట్‌ను భారత్ ముందు ఉంచింది. ఈ టార్గెట్‌ను భారత్ ఆడుతూ పాడుతూ చేధించింది.సౌతాఫ్రికా వరల్డ్ రికార్డు సమం..ఇ​క ఈ మ్యాచ్‌లో అద్బుతమైన విజయం సాధించిన భారత్ ఓ వరల్డ్ రికార్డును సమం చేసింది. ఒకే జట్టుపై వరుసుగా అత్యధిక టెస్టు సిరీస్ విజయాలు సాధించిన జట్టుగా సౌతాఫ్రికా సరసన టీమిండియా నిలిచింది. దక్షిణాఫ్రికా టీమ్ విండీస్‌(1998-24)పై వరుసగా 10 సార్లు టెస్టు సిరీస్‌ను సొంతం చేసుకుంది.భారత్ కూడా వెస్టిండీస్ (2002-25)పై 10 సార్లు టెస్టు సిరీస్‌ను కైవసం చేసుకుంది. ఈ రెండు జట్ల తర్వాత ఆస్ట్రేలియా ఉంది. విండీస్‌పై ఆసీస్ ఇప్పటివరకు 9 సార్లు టెస్టు సిరీస్‌లలో పై చేయి సాధించింది.చదవండి: అర్జున్‌ టెండూల్కర్‌కు గుడ్‌ న్యూస్‌.. జట్టులో చోటిచ్చిన సెలక్టర్లు

ఢిల్లీ వేదికగా వెస్టిండీస్‌తో జరిగిన రెండో టెస్టులో 7 వికెట్ల తేడాతో భార‌త్ ఘ‌న విజ‌యం సాధించింది. విండీస్ విధించిన 121 ప‌రుగుల ల‌క్ష్యాన్ని టీమిండియా మూడు వికెట్లు కోల్పోయి చేధించింది. దీంతో రెండు టెస్టుల సిరీస్‌ను 2-0 తేడాతో గిల్ సేన‌ క్లీన్ స్వీప్ చేసింది.63/1 ఓవ‌ర్ నైట్ స్కోర్‌తో ఆఖ‌రి రోజు ఆట‌ను ప్రారంభించిన భార‌త్ సాయిసుద‌ర్శ‌న్‌(39), కెప్టెన్ గిల్‌(13) వికెట్‌ను కోల్పోయింది. స్టార్ బ్యాట‌ర్లు కేఎల్ రాహుల్‌(58 నాటౌట్‌), ధ్రువ్ జురెల్(6 నాటౌట్‌) మ‌రో వికెట్ కోల్పోకుండా జాగ్ర‌త్త‌గా ఆడి మ్యాచ్ ఫినిష్ చేశారు. విండీస్ బౌల‌ర్ల‌లో కెప్టెన్ ఛేజ్ రెండు, వారిక‌న్ ఓ వికెట్ సాధించారు. కెప్టెన్‌గా శుభ్‌మ‌న్ గిల్‌కు ఇదే తొలి సిరీస్ విజ‌యం. సెంచ‌రీలతో మెరిసిన హోప్‌, క్యాంప్‌బెల్‌..కాగా ఈ మ్యాచ్‌లో భార‌త్ ఇన్నింగ్స్ తేడాతో గెలుస్తుంద‌ని అంతా భావించారు. కానీ ఫాల్ ఆన్ ఆడిన వెస్టిండీస్.. సెకెండ్ ఇన్నింగ్స్‌లో అద్బుత‌మైన పోరాటం క‌న‌బ‌రిచింది. ఓపెనర్‌ జాన్‌ క్యాంప్‌బెల్‌ (199 బంతుల్లో 115; 12 ఫోర్లు, 3 సిక్స్‌లు), షై హోప్‌ (214 బంతుల్లో 103; 12 ఫోర్లు, 2 సిక్స్‌లు) సెంచరీలతో క‌దం తొక్కారు. దీంతో క‌రేబియ‌న్ జ‌ట్టు రెండో ఇన్నింగ్స్‌లో 390 ప‌రుగుల భారీ స్కోర్ సాధించింది. ఓ ద‌శలో భార‌త్ ముందు మెరుగైన టార్గెట్‌ను ఉంచేలా క‌న్పించిన విండీస్ బ్యాట‌ర్లు.. మ‌రోసారి కుల్దీప్ యాద‌వ్ స్పిన్ మ‌యాజాలానికి చిత్తు అయ్యారు. వ‌రుస క్రమంలో వికెట్లు కోల్పోయి ఇన్నింగ్స్‌ను ముగించింది.అంత‌కుముందు టీమిండియా త‌మ ఫ‌స్ట్ ఇన్నింగ్స్‌లో 518 ర‌న్స్ స్కోరు చేసి డిక్లేర్ చేయ‌గా.. వెస్టిండీస్ త‌న తొలి ఇన్నింగ్స్‌లో 248 ర‌న్స్ చేసి ఫాలోఆన్ ఆడింది. అంత‌కుముందు టీమిండియా త‌మ ఫ‌స్ట్ ఇన్నింగ్స్‌లో 518 ర‌న్స్ స్కోరు చేసి డిక్లేర్ చేయ‌గా.. వెస్టిండీస్ త‌న తొలి ఇన్నింగ్స్‌లో 248 ర‌న్స్ చేసి ఫాలోఆన్ ఆడింది.భారత బ్యాటర్లలో యశస్వి జైస్వాల్ (175), శుభ్‌మన్ గిల్‌(129) అద్బుతమైన సెంచరీలతో చెలరేగారు. స్పిన్నర్ కుల్దీప్ యాదవ్ రెండు ఇన్నింగ్స్‌లు కలిపి 8 వికెట్ల పడగొట్టాడు. అతడితో రవీంద్ర జడేజా, మ‍హ్మద్ సిరాజ్‌, జస్ప్రీత్ బుమ్రా కూడా రాణించారు.చదవండి: అర్జున్‌ టెండూల్కర్‌కు గుడ్‌ న్యూస్‌.. జట్టులో చోటిచ్చిన సెలక్టర్లు

వెస్టిండీస్‌తో రెండో టెస్టులో టీమిండియా ఓపెనర్‌ యశస్వి జైస్వాల్‌ (Yashasvi Jaiswal)భారీ శతకం బాదాడు. మొత్తంగా 258 బంతులు ఎదుర్కొనని 175 పరుగులు చేసిన ఈ ఎడమచేతి వాటం బ్యాటర్‌.. తన కెరీర్‌లో మూడో డబుల్‌ సెంచరీకి చేరువైన సమయంలో ఘోర తప్పిదం చేశాడు.ఇరవై ఐదు పరుగుల దూరంలోఅనవసరపు పరుగుకు యత్నించిన జైసూ.. రనౌట్‌ రూపంలో భారీ మూల్యమే చెల్లించాడు. ద్విశతకానికి ఇరవై ఐదు పరుగుల దూరంలో నిలిచిపోయాడు. ఢిల్లీ వేదికగా శనివారం నాటి రెండో రోజు ఆట సందర్భంగా ఈ పరిణామం చోటుచేసుకుంది.భారత్‌ తొలి ఇన్నింగ్స్‌ 92వ ఓవర్లో జేడన్‌ సీల్స్‌ (Jayden Seals) బౌలింగ్‌లో జైస్వాల్‌.. బంతిని మిడాఫ్‌ దిశగా బాదగా.. అది నేరుగా ఫీల్డర్‌ చెంతకు చేరింది. అయితే, అప్పటికే సింగిల్‌ కోసం జైసూ క్రీజును వీడగా.. మరో ఎండ్‌లో ఉన్న కెప్టెన్‌ శుబ్‌మన్‌ గిల్‌ (Shubman Gill) మాత్రం పరిస్థితిని అంచనా వేసి తన స్థానం నుంచి కదిలినా మళ్లీ యథాస్థితికి వచ్చాడు.తలబాదుకుంటూఇంతలో జైస్వాల్‌ వెనక్కి పరిగెత్తగా అప్పటికే బంతిని అందుకున్న విండీస్‌ వికెట్‌ కీపర్‌ టెవిన్‌ ఇమ్లాచ్‌.. దానిని వికెట్లకు గిరాటేయగా.. జైసూ రనౌట్‌ అయ్యాడు. దీంతో తీవ్ర అసంతృప్తికి లోనైన జైస్వాల్‌ తలబాదుకుంటూ మైదానం వీడాడు.ఈ నేపథ్యంలో కొంతమంది నెటిజన్లు గిల్‌ను టార్గెట్‌ చేస్తూ ట్రోల్స్‌కు దిగారు. జైస్వాల్‌ అంటే గిల్‌కు అసూయ అని.. అందుకే అతడు రన్‌ కోసం పిలుపునిచ్చినా సరైన సమయంలో స్పందించలేదని నిందిస్తున్నారు. ఈ విషయంపై టీమిండియా మాజీ క్రికెటర్‌, కామెంటేటర్‌ ఆకాశ్‌ చోప్రా తనదైన శైలిలో స్పందించాడు.జైస్వాల్‌ అంటే గిల్‌కు అసూయా?‘‘నితీశ్‌ రెడ్డి కోసం గిల్‌ పరిగెడతాడు. కానీ జైస్వాల్‌ కోసం సింగిల్‌ తీయడు. ఎందుకిలా?.. ఎందుకంటే.. జైస్వాల్‌ అంటే గిల్‌కు అసూయ!.. అసలేం మాట్లాడుతున్నారో అర్థమవుతోందా?వారి విషయంలోనూ ఇలాగే చేశారురోహిత్‌ శర్మ- విరాట్‌ కోహ్లి విషయంలోనూ మీరు ఇలాగే చేశారు. చాంపియన్స్‌ ట్రోఫీలో ఇద్దరూ కలిసికట్టుగా జట్టును గెలిపించారు. టీ20 ప్రపంచకప్‌ గెలిచిన తర్వాత ఇద్దరూ ట్రోఫీని ముద్దాడుతూ కన్నీటిపర్యంతమయ్యారు. ఒకరినొకరు ఆలింగనం చేసుకుని భావోద్వేగానికి లోనయ్యారు.ఇక ఇప్పుడు మీరేమో మళ్లీ జైస్వాల్‌- గిల్‌ల గురించి ఇలాంటి ప్రచారమే మొదలుపెట్టారు. వాళ్లిద్దరు స్నేహితులు. ఇద్దరూ ఒకే జట్టుకు ఆడుతున్నారు. ఈ రనౌట్‌ విషయంలో తప్పు ఎవరిదైనా.. డ్రెసింగ్‌రూమ్‌లో వాళ్లిద్దరు సరదాగా మాట్లాడుకుంటున్న వీడియో కూడా చూడండి.అసహనం ప్రదర్శించాడంతేఈ ఘటన తర్వాత కూడా వాళ్లిద్దరు ఫ్రెండ్లీగానే మాట్లాడుకున్నారు. అసలేం జరిగిందో అర్థంకాక జైస్వాల్‌ అసహనం ప్రదర్శించాడంతే. ఫ్యాన్స్‌ ఆర్మీలే ఇలాంటి గొడవలు సృష్టిస్తాయి. కలిసికట్టుగా కాకుండా ఒకరిపై ఒకరు పైచేయి సాధించేందుకు ఆడతారని కామెంట్లు చేస్తారు. గిల్‌- జైస్వాల్‌ల ప్రయాణం ఇప్పుడే మొదలైంది. దయచేసి ఇలాంటి ట్రోలింగ్‌ ద్వారా వారి కెరీర్‌పై ప్రభావం పడేలా చేయకండి. వాళ్లిద్దరు కలిసి భారత క్రికెట్‌ను ఎలా ముందుకు తీసుకువెళ్తారో చూడండి’’ అంటూ ఆకాశ్‌ చోప్రా ట్రోలర్స్‌పై మండిపడ్డాడు.కాగా విండీస్‌తో రెండో టెస్టులో గిల్‌ అజేయ శతకం (129) సాధించిన తర్వాత.. ఐదు వికెట్ల నష్టానికి 518 పరుగుల వద్ద ఉన్న వేళ టీమిండియా తొలి ఇన్నింగ్స్‌ డిక్లేర్‌ చేశాడు. ఈ క్రమంలో మొదటి ఇన్నింగ్స్‌లో 248 పరుగులకు ఆలౌట్‌ అయిన వెస్టిండీస్‌.. ఫాలో ఆన్‌ ఆడుతోంది.చదవండి: భర్తేమో బ్యాటర్ల పాలిట విలన్‌.. భార్యేమో బౌలర్లకు హడల్‌! ఆ జంట ఎవరో తెలుసా?

అనుకున్నట్లే రెండో రోజూ భారత్‌ జోరు కొనసాగింది. బ్యాటింగ్, బౌలింగ్‌తో కరీబియన్‌లను కష్టాల్లోకి నెట్టేసింది. మొదట కెప్టెన్‌ శుబ్‌మన్‌ గిల్‌ శతకంతో భారీ స్కోరులో భాగమయ్యాడు. 500 పైచిలుకు స్కోరు వద్ద ఇన్నింగ్స్‌ను డిక్లేర్‌ చేసిన భారత్‌... బౌలింగ్‌తోనూ అదరగొట్టింది. రెండో రోజే స్పిన్‌ తిరగడంతో భారత కెప్టెన్‌ గిల్‌... జడేజా, కుల్దీప్‌లతో అనుకున్న ఫలితాలు సాధించాడు.న్యూఢిల్లీ: ఈ రెండో టెస్టును కూడా ముందే ముగించేందుకు భారత్‌ సిద్ధమైంది. రెండో రోజు ఆటలో ఆల్‌రౌండ్‌ ప్రదర్శనతో ప్రత్యర్థిని ఉక్కిరిబిక్కిరి చేసింది. బ్యాటింగ్‌లో శుబ్‌మన్‌ గిల్, నితీశ్‌ కుమార్‌ రెడ్డి, ధ్రువ్‌ జురేల్‌లు కరీబియన్‌ బౌలర్లపై సులువుగా పరుగులు రాబట్టారు. తర్వాత రవీంద్ర జడేజా, కుల్దీప్‌ యాదవ్‌లు స్పిన్‌ ఉచ్చును బిగించారు. తద్వారా క్లీన్‌స్వీప్‌నకు రాచబాట వేశారు. కెప్టెన్‌ గిల్‌ (196 బంతుల్లో 129 నాటౌట్‌; 16 ఫోర్లు, 2 సిక్స్‌లు) అజేయ సెంచరీ సాధించాడు. దీంతో భారత్‌ 134.2 ఓవర్లలో 5 వికెట్లకు 518 పరుగుల భారీస్కోరు వద్ద తొలి ఇన్నింగ్స్‌ను డిక్లేర్‌ చేసింది. నితీశ్‌ (54 బంతుల్లో 43; 4 ఫోర్లు, 2 సిక్స్‌లు), జురేల్‌ (79 బంతుల్లో 44; 5 ఫోర్లు) రాణించారు. తర్వాత బ్యాటింగ్‌కు దిగిన వెస్టిండీస్‌ తొలి ఇన్నింగ్స్‌లో 43 ఓవర్లలో 4 వికెట్ల నష్టానికి 140 పరుగులు చేసింది. అలిక్‌ అతనేజ్‌ (84 బంతుల్లో 41; 5 ఫోర్లు, 1 సిక్స్‌) భారత బౌలర్లను ఎక్కువసేపు ఎదుర్కొన్నాడు. జడేజా 3 వికెట్లు తీశాడు. జైస్వాల్‌ రనౌట్‌డబుల్‌ సెంచరీ చేస్తాడనుకున్న ఓపెనర్‌ యశస్వి జైస్వాల్‌ కేవలం తన క్రితం రోజు స్కోరుకు 2 పరుగులే జతచేసి రనౌటయ్యాడు. దీంతో శనివారం 318/2 ఓవర్‌నైట్‌ స్కోరుతో రెండో రోజు ఆటకొనసాగించిన భారత్‌కు ఆదిలోనే ఎదురుదెబ్బ తగిలింది. సారథి గిల్‌ పరుగుకు ఉపక్రమించి వెనకడుగు వేయడంతో జైస్వాల్‌ నిష్క్రమించాల్సి వచ్చింది. నిరాశకు లోనైన యశస్వి తలకొట్టుకొని అసహనంగా క్రీజు వీడాడు. తర్వాత గిల్‌కు జతయిన నితీశ్‌ వన్డే తరహా ఆటతీరుతో ధాటిగా పరుగులు సాధించాడు. శుబ్‌మన్‌ అర్ధసెంచరీని పూర్తిచేసుకోగా... జట్టు స్కోరు తొలిసెషన్‌లోనే 400 పరుగులు దాటింది. క్రీజులో పాతుకుపోయిన నితీశ్‌ను లంచ్‌ విరామానికి ముందు వారికెన్‌ అవుట్‌ చేశాడు. క్రీజులోకి ధ్రువ్‌ జురేల్‌ రాగా 427/4 స్కోరు వద్ద తొలిసెషన్‌ ముగిసింది. శతక్కొట్టిన సారథిరెండో సెషన్‌లో పూర్తిగా భారత బ్యాటర్ల జోరే కొనసాగింది. జురేల్‌ అండతో గిల్‌ టెస్టుల్లో పదో సెంచరీ సాధించాడు. అడపాదడపా బౌండరీతతో పరుగులు సాధించడంతో భారత్‌ స్కోరు సాఫీగా సాగిపోయింది. ఈ క్రమంలో జట్టు స్కోరు 500 పరుగుల్ని దాటింది. ఐదో వికెట్‌కు 102 పరుగులు జోడించాక జురేల్‌ను చేజ్‌ అవుట్‌ చేయడంతోనే గిల్‌ ఇన్నింగ్స్‌ను డిక్లేర్‌ చేశాడు. తర్వాత తొలి ఇన్నింగ్స్‌ ఆరంభించిన విండీస్‌ ఆదిలోనే క్యాంప్‌బెల్‌ (10) వికెట్‌ను కోల్పోయినా... చాలాసేపు పోరాడింది. తేజ్‌ నారాయణ్‌ చందర్‌పాల్‌ (34; 4 ఫోర్లు, 1 సిక్స్‌), అతనేజ్‌ భారత బౌలర్లను దీటుగా ఎదుర్కొన్నారు. జట్టు స్కోరు 87 వద్ద తేజ్‌ను జడేజా అవుట్‌ చేశాకే భారత్‌కు పట్టు దొరికింది. పరుగు తేడాతో అతనేజ్, చేజ్‌ (0) వికెట్లను స్పిన్నర్లు పడగొట్టేశారు. షై హోప్‌ (31 బ్యాటింగ్‌; 5 ఫోర్లు), ఇమ్లాచ్‌ (14 బ్యాటింగ్‌; 2 ఫోర్లు) క్రీజులో ఉన్నారు. విండీస్‌ ఇంకా 378 పరుగుల వెనుకంజలో ఉంది.స్కోరు వివరాలుభారత్‌ తొలిఇన్నింగ్స్‌: జైస్వాల్‌ రనౌట్‌ 175; రాహుల్‌ (స్టంప్డ్‌) ఇమ్లాచ్‌ (బి) వారికెన్‌ 38; సాయి సుదర్శన్‌ (ఎల్బీడబ్ల్యూ) (బి) వారికెన్‌ 87; శుబ్‌మన్‌ (నాటౌట్‌) 129; నితీశ్‌ రెడ్డి (సి) సీల్స్‌ (బి) వారికెన్‌ 43; జురేల్‌ (బి) చేజ్‌ 44; ఎక్స్‌ట్రాలు 2; మొత్తం (134.2 ఓవర్లలో) 518/5 డిక్లేర్డ్‌. వికెట్ల పతనం: 1–58, 2–251, 3–325, 4–416, 5–518. బౌలింగ్‌: సీల్స్‌ 22–2–88–0, ఫిలిప్‌ 17–2–71–0, గ్రీవెస్‌ 14–1–58–0, పియర్‌ 30–2–120–0, వారికెన్‌ 34–6–98–3, చేజ్‌ 17.2–0–83–1.వెస్టిండీస్‌ తొలిఇన్నింగ్స్‌: క్యాంప్‌బెల్‌ (సి) సుదర్శన్‌ (బి) జడేజా 10; తేజ్‌ (సి) రాహుల్‌ (బి) జడేజా 34; అతనేజ్‌ (సి) జడేజా (బి) కుల్దీప్‌ 41; షై హోప్‌ (బ్యాటింగ్‌) 31; చేజ్‌ (సి) అండ్‌ (బి) జడేజా 0; ఇమ్లాచ్‌ (బ్యాటింగ్‌) 14; ఎక్స్‌ట్రాలు 10; మొత్తం (43 ఓవర్లలో 4 వికెట్ల నష్టానికి) 140. వికెట్ల పతనం: 1–21, 2–87, 3–106, 4–107. బౌలింగ్‌: బుమ్రా 6–3–18–0, సిరాజ్‌ 4–0–9–0, జడేజా 14–3–37–3, కుల్దీప్‌ 12–3–45–1, సుందర్‌ 7–1–23–0.

ఢిల్లీ వేదిక‌గా వెస్టిండీస్‌తో జ‌రుగుతున్న సెకెండ్ టెస్టులో టీమిండియా ఆధిప‌త్యం కొన‌సాగుతోంది. రెండో రోజు ఆట‌లో భార‌త్ అటు బ్యాట్‌తో, ఇటు బంతితో అద‌రగొట్టింది. ఓవర్‌నైట్ స్కోరు 318/2తో రెండో రోజు ఆట ప్రారంభించిన టీమిండియా.. మరో 200 పరుగులు జోడించి ఇన్నింగ్స్‌ను డిక్లేర్డ్‌ చేసింది.భారత బ్యాటర్లలో యశస్వి జైశ్వాల్ (177) తృటిలో డబుల్ సెంచరీ మిస్ చేసుకోగా.. కెప్టెన్ శుభ్‌మన్ గిల్(129) శతక్కొట్టాడు. వీరిద్దరితో పాటు ధ్రువ్ జురెల్ (44), నితీశ్ రెడ్డి (43), సాయిసుదర్శన్‌(87) రాణించారు. వెస్టిండీస్ బౌలర్లలో వారికన్ 3 వికెట్లు తీయగా కెప్టెన్ రోస్టన్‌ ఛేజ్ ఒక వికెట్ పడగొట్టాడు.జడేజా మ్యాజిక్‌..అనంతరం బ్యాటింగ్‌కు దిగిన విండీస్ తడబడుతోంది. రెండో రోజు ఆట ముగిసే సమయానికి కరేబియన్ జట్టు 4 వికెట్ల నష్టానికి 140 పరుగులు చేసింది. ప్రస్తుతం విండీస్ ఇంకా భారత్ కం‍టే 378 పరుగులు వెనుకంజలో ఉంది. క్రీజులో టెవిన్ ఇమ్లాచ్(14), షాయ్ హోప్‌(31) ఉన్నారు. భారత బౌలర్లలో జడేజా బంతితో మ్యాజిక్ చేశాడు. మూడు కీలక వికెట్లు పడగొట్టి విండీస్‌ను దెబ్బ తీశాడు. అతడితో పాటు కుల్దీప్ యాదవ్ ఓ వికెట్ సాధించాడు.చదవండి: IND vs WI: శుబ్‌మన్ గిల్ సరికొత్త చరిత్ర.. డాన్ బ్రాడ్‌మ‌న్ రికార్డు బ్రేక్‌

జీవితంలో ఏదోటి సాధించాల‌ని ప్ర‌తి ఒక్క‌రు క‌ల (Dream) కంటారు. కానీ కొంత‌మంది మాత్ర‌మే స్వప్నాల‌ను సాకారం చేసుకుంటారు. అహ‌ర‌హం శ్ర‌మించే వారు.. క‌ష్టాలు, న‌ష్టాలను ఓర్చుకునే వారే మాత్ర‌మే తాము అనుకున్న‌ది సాధిస్తారు. పేదరికం బెదిరించినా, అవ‌రోధాలు అడ్డుగా నిలిచినా అద‌ర‌క బెద‌ర‌క ల‌క్ష్య‌సాధ‌న‌కై ముందుకుసాగే వారు మాత్ర‌మే విజేత‌లవుతారు. చ‌రిత్ర‌లో త‌మ‌కంటూ ఓ పేజీని లిఖించుకుంటారు. మ‌నం చెప్పుకోబోతున్న యువ క్రికెటర్ కూడా అలాంటి వాడే!క్రికెట‌ర్ కావాల‌న్న త‌న క‌ల‌ను నిజం చేసుకోవ‌డానికి 10 ఏళ్ల లేత ప్రాయంలో స్వంత ఊరిని వదిలిపెట్టాడు. ఉత్తరప్రదేశ్‌లోని త‌న స్వ‌స్థ‌లం సూర్యవాన్‌ను విడిచిపెట్టి బ‌రువైన బ్యాగ్‌తో పాటు అంత‌కంటే బ‌రువైన క‌ల‌ను త‌న‌తో మోసుకుంటూ ముంబై మ‌హా న‌గ‌రానికి చేరుకున్నాడు. మొదట ఒక పాల దుకాణం పైకప్పుపై నివసించాడు. అక్క‌డి నుంచి ఒక్కో అడుగు వేస్తూ తానెంతో ప్రేమించే ఆట‌కు ద‌గ్గ‌ర‌య్యాడు. దీని కోసం ఏం చేయాల్సి వ‌చ్చినా వెనుకాడ‌లేదు, వెనుదిర‌గ‌లేదు. ఆజాద్ మైదాన్ (Azad Maidan) సమీపంలో పానీ పూరీ అమ్మాడు. గ్రౌండ్స్‌మెన్‌తో ప‌రిచ‌యం పెంచుకుని వారితో క‌లిసి ఒకే టెంట్ పంచుకున్నాడు. అవకాశం దొరికినప్పుడల్లా క్రికెట్ ఆడేవాడు.సంక‌ల్ప శుద్ధి, శ్ర‌మకు స‌రైన స‌మ‌యంలో గైడెన్స్ దొరికితే స‌క్సెస్ దానంత‌ట అదే వ‌స్తుంది. య‌శ్వ‌సి జైస్వాల్ (Yashasvi Jaiswal) విష‌యంలో అదే జ‌రిగింది. అవును ఇప్ప‌టివ‌ర‌కు మ‌నం చెప్పుకున్న‌ది ఈ యువ స్టార్ క్రికెట‌ర్ గురించే. కోచ్ జ్వాలా సింగ్ రూపంలో అత‌డికి సరైన సమయంలో చేయూత దొరికింది. యశస్విలో భ‌విష్య‌త్ క్రికెటర్‌ను చూసిన ఆయ‌న.. జైస్వాల్‌కు అన్నివిధాలా అండ‌గా నిలిచాడు. శిక్ష‌ణ ఇవ్వ‌డ‌మే కాకుండా ఆశ్ర‌యం, ఆహారంతో పాటు న‌మ్మ‌కాన్ని క‌ల్పించాడు. ఆయ‌న‌ మార్గదర్శకత్వంలో జైస్వాల్ ఆట ప‌దును తేలింది. అక్క‌డి నుంచి అత‌డి ఆటే సందేశం అయింది.బ్యాటింగ్ ఆపలేదుయ‌శస్వి జైస్వాల్‌ను ప్రత్యేకంగా నిలబెట్టింది అతడు ఆడే షాట్లు లేదా టైమింగ్ మాత్రమే కాదు.. అనుకున్న‌ది సాధించే వ‌ర‌కు ప‌ట్టు వ‌ద‌లని సంక‌ల్పం. వైఫల్యానికి జైస్వాల్‌ భయపడేవాడని కోచ్ జ్వాలా సింగ్ త‌ర‌చూ చెబుతుండేవారు. ఫెయిల్యూర్‌కు భ‌య‌ప‌డి అత‌డు ఎప్పుడూ బ్యాటింగ్ ఆపలేదు. మ్యాచ్ తర్వాత మ్యాచ్ ఆడుతూ ప్ర‌తి బంతిని ఎదుర్కొన్నాడు. స్కూల్ క్రికెట్, ముంబై అండర్-16, అండర్-19, తర్వాత ఇండియా అండర్-19 తరపున పరుగులు చేస్తూనే ఉన్నాడు. 2018లో అండర్-19 ఆసియా కప్‌లో అత్యధిక పరుగులు చేసిన ఆటగాడిగా నిలిచాడు. 2020 నాటికి అండర్-19 ప్రపంచ కప్‌లో అత్యధిక పరుగులు చేసిన ఆటగాడిగా గుర్తింపు పొందాడు. ఒకప్పుడు పానీ పూరీ (pani puri) అమ్మిన అదే బాలుడు ఇప్పుడు ప్రతి స్కౌట్ సంతకం చేయాలనుకునే పేరుగా మారిపోయాడు.అన్‌స్టాప‌బుల్ ప్లేయ‌ర్‌దేశీయ క్రికెట్‌లో ముంబై తరఫున జైస్వాల్‌.. అన్‌స్టాప‌బుల్ ప్లేయ‌ర్‌గా మారిపోయాడు. సెంచరీలు సంఖ్య పెర‌గ‌డంతో అతడి ఫస్ట్ క్లాస్ సగటు 60 దాటింది. ర‌న్స్ సాధించ‌డ‌మే చేయ‌డ‌మే కాదు.. బ్యాటింగ్ చేసిన ప్రతిసారీ తన ప్రతిభను నిరూపించుకున్నాడు. దీంతో ఐపీఎల్ ఫ్రాంచైజీల దృష్టిలో ప‌డ్డాడు. 2020 ఐపీఎల్ వేలంలో రాజస్థాన్ రాయల్స్ ఈ యంగ్ ప్లేయ‌ర్‌ను ₹2.4 కోట్లకు ద‌క్కించుకుంది. న‌మంత్ర‌పు సిరి అత‌డిని ఏమాత్రం మార్చ‌లేదు. ఆక‌ర్ష‌ణ కంటే ఆట‌కే ఎక్కువ విలువ‌నిచ్చాడు. త‌న స్వ‌ప్నం పూర్తిగా సాకారం కాలేద‌న్న స‌త్యాన్ని గ‌మ‌నించి టీమిండియా పిలుపు కోసం ఎదురు చూశాడు.తొలి మ్యాచ్‌లోనే భారీ సెంచ‌రీ2023, జూలై 12.. యశస్వి జైస్వాల్ జీవితంలో మ‌ర‌పురాని రోజు. ఈ రోజున వెస్టిండీస్‌తో ప్రారంభ‌మైన మ్యాచ్‌తో టీమిండియా త‌ర‌పున‌ టెస్టుల్లో అరంగ్రేటం చేశాడు. తొట్ట తొలి మ్యాచ్‌లోనే భారీ సెంచ‌రీ (171)తో క్రీడా ప్ర‌పంచాన్ని ఆక‌ర్షించాడు. అప్ప‌టి నుంచి టెస్ట్ క్రికెట్‌లో త‌న‌దైన ముద్ర వేసి ముందుకు సాగుతున్నాడు. తన తొలినాళ్లలో సచిన్ టెండూల్కర్ (Sachin Tendulkar) లాగానే, జైస్వాల్ ఇప్పటికే దక్షిణాఫ్రికా, ఆస్ట్రేలియా, ఇంగ్లాండ్‌లలో ఆడాడు. దక్షిణాఫ్రికా మినహా, అతడు అన్ని చోట్లా అద్భుతమైన ప్రదర్శన ఇచ్చాడు.జైసూ జైత్ర‌యాత్ర2024లో ఇంగ్లాండ్‌తో జరిగిన స్వదేశీ సిరీస్‌లో జైసూ జైత్ర‌యాత్ర చేశాడు. 40 సంవ‌త్స‌రాల రికార్డును తిర‌గ‌రాశాడు. ఒకే టెస్ట్ సిరీస్‌లో 700 ప‌రుగులు పైగా సాధించిన తొలి ఆసియా ఓపెనర్‌గా రికార్డుకెక్కాడు. భార‌త టెస్ట్ దిగ్గ‌జం సునీల్ గ‌వాస్క‌ర్ పేరిట ఉన్న రికార్డును త‌న పేరిట లిఖించుకున్నాడు. తాజాగా భార‌త్‌లో వెస్టిండీస్‌తో జ‌రిగిన రెండో టెస్ట్ మ్యాచ్‌లో 175 ప‌రుగులు చేసి శ‌భాష్ అనిపించుకున్నాడు. చిన్న వ‌య‌సులో ఎక్కువ టెస్ట్ సెంచ‌రీలు సాధించిన రెండో భార‌త బ్యాట‌ర్‌గా నిలిచాడు. గ‌త రెండేళ్లుగా టెస్టుల్లో జైస్వాల్ హ‌వా కొన‌సాగుతోంది. త‌న అరంగేట్రం తర్వాత జో రూట్ మిన‌హా ఎవరూ అతడి కంటే ఎక్కువ టెస్ట్ పరుగులు చేయలేదు. జైసూ చేసిన‌ ఏడు సెంచరీల్లో 4 ఆసియా వెలుపల వచ్చాయి. సచిన్ టెండూల్కర్ త‌ర్వాత అత‌డే యంగెస్ట్ టెస్ట్ సూప‌ర్‌స్టార్ అన్న కామెంట్లు విన్పిస్తున్నాయి. టీమిండియా ప్ర‌స్తుత కెప్టెన్ శుబ్‌మ‌న్ గిల్ (Shubman Gill) కూడా ఫామ్‌లో ఉన్న‌ప్ప‌టికీ.. జైస్వాల్ కంటే వ‌య‌సులో అత‌డు మూడేళ్లు పెద్డోడు. టెస్టుల్లో కంటే వ‌న్డేల్లో గిల్ బ్యాటింగ్ యావ‌రేజ్ మెరుగ్గా ఉంది.చ‌ద‌వండి: త‌ల‌బాదుకున్న జైస్వాల్‌.. త‌ప్పు నీదే!దిగ్గ‌జాల‌ స‌ర‌స‌న చోటు!23 ఏళ్ల ఎడంచేతి బ్యాట‌ర్ లాంగ్ ఫార్మాట్‌లో నిల‌క‌డ‌గా రాణిస్తున్నాడు. పాతిక టెస్టుల‌కే దాదాపు 50 శాతం బ్యాటింగ్‌ స‌గ‌టుతో 7 సెంచ‌రీలు, 12 అర్ధ‌సెంచ‌రీలు బాదాడు. ఇదే స్థిర‌త్వం కొన‌సాగిస్తే టెస్ట్ క్రికెట్‌లో దిగ్గ‌జాల‌ స‌ర‌స‌న అత‌డికి చోటు ద‌క్క‌డం ఖాయం. టీమిండియా టాప్-5 టెస్ట్ బ్యాటర్ల పేర్ల జాబితాలో ఎడమచేతి వాటం ఆటగాళ్లు చాలా అరుదుగా కనిపిస్తారు. అయితే జైస్వాల్ తన కెరీర్‌ను ముగించే సమయానికి ఈ లిస్ట్ క‌చ్చితంగా మారుతుంద‌ని స్పోర్ట్స్ ఎన‌లిస్టులు అంచ‌నా వేస్తున్నారు. ఆజాద్ మైదాన్ కుర్రాడు ఇప్ప‌టికే చాలా దూరం వచ్చాడు. ఇంకెంత దూరం ప్ర‌యాణిస్తాడో, ఎన్ని మైలురాళ్లు (Milestones) అందుకుంటాడో చూడాలి!Another stellar performance ✨Yashasvi Jaiswal with yet another superb Test innings 😎Scorecard ▶ https://t.co/GYLslRzj4G#TeamIndia | #INDvWI | @IDFCFIRSTBank | @ybj_19 pic.twitter.com/oDGP8iq6Le— BCCI (@BCCI) October 11, 2025

ల్లీలోని అరుణ్ జైట్లీ స్టేడియం వేదికగా వెస్టిండీస్‌తో జరుగుతున్న రెండో టెస్టులో భారత కెప్టెన్ శుబ్‌మన్ గిల్ (Shubman Gill) అద్బుతమైన సెంచరీతో చెలరేగాడు. వెస్టిండీస్‌ బౌలర్లపై ఆధిపత్యం చెలాయించిన గిల్‌.. 177 బంతుల్లో తన సెంచరీ మార్క్‌ను అందుకున్నాడు.గిల్‌కు ఇది తన కెరీర్‌లో పదో టెస్టు సెంచరీ కావడం విశేషం. ఇంగ్లాండ్‌పై నాలుగు సెంచరీలతో 754 పరుగులు చేసిన గిల్, ఇప్పుడు విండీస్‌పై కూడా అదే ఫామ్‌ను కొనసాగిస్తున్నాడు. అతడి సంచలన బ్యాటింగ్ ఫలితంగా భారత జట్టు తొలి ఇన్నింగ్స్‌లో 518 పరుగుల భారీ స్కోర్ సాధించింది. అతడితో పాటు జైశ్వాల్(175) సూప‌ర్ సెంచ‌రీతో మెరిశాడు. కాగా సెంచ‌రీతో స‌త్తాచాటిన గిల్ రికార్డుల మోత మోగించాడు.గిల్‌ రికార్డుల పంట..ప్రపంచ టెస్టు ఛాంపియన్‌షిప్‌ (WTC)లో భారత్‌ తరఫున అత్యధిక పరుగులు చేసిన ఆటగాడిగా గిల్ చ‌రిత్ర సృష్టించాడు. డబ్ల్యూటీసీ హిస్టరీలో ఇప్పటివరకు 71 మ్యాచ్‌లు ఆడిన గిల్ 2826 పరుగులు సాధించాడు. ఇంతకముందు ఈ రికార్డు స్టార్ వికెట్ కీపర్ బ్యాటర్ రిషబ్ పంత్(2731) పేరిట ఉండేది. తాజా ఇన్నింగ్స్‌తో పంత్‌ను గిల్ అధిగమించాడు.కెప్టెన్‌గా అత్యంత వేగంగా 5 టెస్ట్ సెంచరీలు చేసిన మూడో ప్లేయర్‌గా శుబ్‌మన్ నిలిచాడు. ఈ క్రమంలో ఆసీస్ దిగ్గజం డాన్ బ్రాడ్‌మన్‌ను అధిగమించాడు. బ్రాడ్‌మన్ ఈ ఫీట్ సాధించడానికి 13 ఇన్నింగ్స్‌లు అవసరమవ్వగా.. గిల్ కేవలం కేవలం 12 ఇన్నింగ్స్‌లలోనే నమోదు చేశాడు. ఈ ఫీట్ సాధించిన జాబితాలో అలిస్టర్ కుక్‌(9), గవాస్కర్‌(10) తొలి రెండు స్దానాల్లో ఉన్నాడు.ఒకే క్యాలెండర్‌ ఇయర్‌లో అత్యధిక టెస్టు సెంచరీలు బాదిన టీమిండియా కెప్టెన్‌గా గిల్‌.. విరాట్‌ కోహ్లి (Virat Kohli) రికార్డు సమం చేశాడు. కోహ్లి 2017, 2018లో చెరో ఐదు సెంచరీలు చొప్పున చేశాడు. ఇప్పుడు ఈ ఏడాదిలో గిల్‌కు ఇది ఐదో టెస్టు సెంచరీ. 2025లో గిల్ మరో సెంచరీ సాధిస్తే కోహ్లి ఆల్‌టైమ్ రికార్డును బ్రేక్ చేస్తాడు.చదవండి: IND vs WI 2nd Test: టీమిండియాకు భారీ షాక్‌..

టెస్టుల్లో ఇప్పటికే రెండు డబుల్‌ సెంచరీలు సాధించాడు టీమిండియా ఓపెనర్‌ యశస్వి జైస్వాల్‌ (Yashasvi Jaiswal). వెస్టిండీస్‌తో రెండో టెస్టు సందర్భంగా ముచ్చటగా మూడోది పూర్తి చేస్తాడనుకుంటే ఊహించని రీతిలో రనౌట్‌ అయ్యాడు.25 పరుగుల దూరంలోఢిల్లీలో శనివారం నాటి రెండో రోజు ఆట సందర్భంగా.. అనవసరపు పరుగు కోసం యత్నించి జైసూ మూల్యం చెల్లించాడు. 175 పరుగుల వ్యక్తిగత స్కోరు వద్ద రనౌట్‌ అయి డబుల్‌ సెంచరీకి 25 పరుగుల దూరంలో నిలిచిపోయాడు. టీమిండియా తొలి ఇన్నింగ్స్‌ 92వ ఓవర్లో ఈ ఘటన జరిగింది.జేడన్‌ సీల్స్‌ (Jayden Seales) బౌలింగ్‌లో బంతిని మిడాఫ్‌ దిశగా జైసూ బంతిని బాదగా.. అది నేరుగా ఫీల్డర్‌ దగ్గరకు వెళ్లింది. అయితే అప్పటికే పరుగు కోసం క్రీజు వీడిన జైస్వాల్‌.. మరో ఎండ్‌లో ఉన్న కెప్టెన్‌ శుబ్‌మన్‌ గిల్‌కు పిలుపునిచ్చాడు. కానీ ఫీల్డర్‌ చేతికి బంతి చిక్కడంతో జాగ్రత్త పడ్డ గిల్‌ కాస్త ముందుకు కదిలినా మళ్లీ తన స్థానంలోకి వచ్చేశాడు.గిల్‌కు మద్దతుగా కుంబ్లేఇంతలో జైసూ వెనక్కి పరిగెత్తగా అప్పటికే జరగాల్సిన నష్టం జరిగిపోయింది. ఈ నేపథ్యంలో జైసూ- గిల్‌ తీరుపై విమర్శలు వస్తుండగా.. టీమిండియా మాజీ కెప్టెన్‌ అనిల్‌ కుంబ్లే మాత్రం గిల్‌కు మద్దతుగా నిలిచాడు. స్వీయ తప్పిదంతోనే జైస్వాల్‌ వికెట్‌ పారేసుకున్నాడని అభిప్రాయపడ్డాడు.‘‘ఇదొక ఊహించని పరిణామం. జైస్వాల్‌ వంటి ప్రతిభావంతమైన ఆటగాడు ఇలా చేస్తాడని ఎవరైనా అనుకుంటారా?.. తన షాట్‌ బాగానే ఆడానని జైస్వాల్‌ భావించి ఉంటాడు. ఏదేమైనా పరుగుకోసం వెళ్లాలనేది జైస్వాల్‌ నిర్ణయం.తప్పంతా అతడిదేఇందులో నాన్‌-స్ట్రైకర్‌ ఎండ్‌లో ఉన్న ఆటగాడి (గిల్‌) తప్పేమీ లేదు. ఎందుకంటే జైసూ మిడాఫ్‌ ఫీల్డర్‌కు నేరుగా బంతిని అందించినట్లయింది. ఆ సమయంలో పరుగుకు తీయడానికి అసలు అవకాశమే లేదు’’ అని స్టార్‌ స్పోర్ట్స్‌ షోలో కుంబ్లే పేర్కొన్నాడు. ఇదిలా ఉంటే.. రెండో రోజు ఐదు వికెట్ల నష్టానికి 518 పరుగుల వద్ద ఉన్న వేళ టీమిండియా తమ తొలి ఇన్నింగ్స్‌ డిక్లేర్‌ చేసింది. గిల్‌ 196 బంతులు ఎదుర్కొని 16 ఫోర్లు, రెండు సిక్సర్ల సాయంతో 129 పరుగులతో అజేయంగా నిలిచాడు.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!

వెస్టిండీస్‌తో రెండో టెస్టులో టీమిండియా భారీ స్కోరు సాధించింది. శనివారం నాటి రెండో రోజు ఆట సందర్భంగా.. ఐదు వికెట్ల నష్టానికి 518 పరుగుల వద్ద తమ తొలి ఇన్నింగ్స్‌ డిక్లేర్‌ చేసింది. ఓపెనర్‌ యశస్వి జైస్వాల్‌ (Yashasvi Jaiswal)తో పాటు కెప్టెన్‌ శుబ్‌మన్‌ గిల్‌ (Shubman Gill) శతకంతో చెలరేగడంతో భారత్‌ ఈ మేర స్కోరు సాధ్యమైంది.ప్రపంచ టెస్టు చాంపియన్‌షిప్‌ 2025-27లో భాగంగా భారత్‌ వేదికగా టీమిండియా- వెస్టిండీస్‌ రెండు మ్యాచ్‌లు ఆడేందుకు షెడ్యూల్‌ ఖరారైంది. ఈ క్రమంలో తొలుత అహ్మదాబాద్‌లో ఇరుజట్లు తలపడగా.. టీమిండియా ఇన్నింగ్స్‌ 140 పరుగుల తేడాతో ఘన విజయం సాధించింది. జైస్వాల్‌ భారీ శతకంఇక ఢిల్లీలో శుక్రవారం రెండో టెస్టు (IND vs WI 2nd Test) మొదలు కాగా.. టాస్‌ గెలిచిన టీమిండియా కెప్టెన్‌ శుబ్‌మన్‌ గిల్‌ తొలుత బ్యాటింగ్‌ ఎంచుకున్నాడు. ఓపెనర్లలో కేఎల్‌ రాహుల్‌ (38) ఊహించని విధంగా స్టంపౌట్‌ కాగా.. యశస్వి జైస్వాల్‌ మాత్రం భారీ శతకంతో విరుచుకుపడ్డాడు.తొలి టెస్టు సెంచరీ మిస్‌మరోవైపు.. వన్‌డౌన్‌లో వచ్చిన సాయి సుదర్శన్‌ (87)కెరీర్‌లో తొలి టెస్టు సెంచరీ చేసే అవకాశాన్ని మిస్‌ చేసుకున్నాడు. ఈ క్రమంలో తొలిరోజు ఆటలో రెండు వికెట్ల నష్టానికి 318 పరుగులు చేసిన టీమిండియా.. శనివారం ఆట మొదలైన కాసేపటికే మూడో వికెట్‌ కోల్పోయింది.జైసూ రనౌట్‌175 పరుగుల వ్యక్తిగత స్కోరు వద్ద యశస్వి జైస్వాల్‌ రనౌట్‌ అయి.. డబుల్‌ సెంచరీ చేజార్చుకున్నాడు. అయితే, కెప్టెన్‌ గిల్‌ నిలకడగా ఆడుతూ సెంచరీ పూర్తి చేసుకోగా.. ఐదో స్థానంలో బ్యాటింగ్‌కు వచ్చిన ఆల్‌రౌండర్‌ నితీశ్‌ రెడ్డి 43, వికెట్‌ కీపర్‌ బ్యాటర్‌ ధ్రువ్‌ జురెల్‌ 44 పరుగులు చేసి.. అర్ధ శతకాలు పూర్తి చేసుకోకుండానే వెనుదిరిగారు.𝗚𝗶𝗹𝗹. 𝗚𝗹𝗼𝗿𝘆. 𝗚𝗿𝗲𝗮𝘁𝗻𝗲𝘀𝘀. 🙌@ShubmanGill reaches a brilliant century, guiding #TeamIndia towards a huge total, inching closer to the 500 mark! 🏏💪Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports &… pic.twitter.com/vIWGDISIcx— Star Sports (@StarSportsIndia) October 11, 2025గిల్‌ నిలకడగాఇక గిల్‌ మొత్తంగా 196 బంతులు ఎదుర్కొని 16 ఫోర్లు, రెండు సిక్సర్ల సాయంతో 129 పరుగులతో అజేయంగా నిలిచాడు. ఈ క్రమంలో 134.2 ఓవర్లలో ఐదు వికెట్ల నష్టానికి 518 పరుగుల వద్ద ఉన్న వేళ.. టీమిండియా తమ తొలి ఇన్నింగ్స్‌ డిక్లేర్‌ చేసింది. వెస్టిండీస్‌ బౌలర్లలో లెఫ్టార్మ్‌ స్పిన్నర్‌ జొమెల్‌ వారికన్‌ రాహుల్‌, సాయి, నితీశ్‌ రెడ్డి వికెట్లు తీయగా.. కెప్టెన్‌ రోస్టన్‌ ఛేజ్‌ జురెల్‌ వికెట్‌ తన ఖాతాలో వేసుకున్నాడు.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!

వెస్టిండీస్‌తో రెండో టెస్టులో టీమిండియా కెప్టెన్‌ శుబ్‌మన్‌ గిల్‌ (Shubman Gill) శతకంతో మెరిశాడు. 177 బంతుల్లో వంద పరుగుల మార్కు అందుకున్నాడు. టెస్టుల్లో అతడికి ఇది పదో సెంచరీ కావడం విశేషం.ఆరునెలలు తిరిగే లోపేఅంతేకాదు.. ఈ ఏడాది గిల్‌కు ఐదో టెస్టు శతకం. తద్వారా ఒకే క్యాలెండర్‌ ఇయర్‌లో అత్యధిక టెస్టు సెంచరీలు బాదిన టీమిండియా కెప్టెన్‌గా గిల్‌.. విరాట్‌ కోహ్లి (Virat Kohli) రికార్డు సమం చేశాడు. 2017, 2018లో కోహ్లి ఈ ఘనత సాధించాడు. ఇక టీమిండియా కెప్టెన్‌గా పగ్గాలు చేపట్టి ఆరునెలలు తిరిగే లోపే గిల్‌ ఈ ఫీట్‌ సాధించడం మరో విశేషం.𝗚𝗶𝗹𝗹. 𝗚𝗹𝗼𝗿𝘆. 𝗚𝗿𝗲𝗮𝘁𝗻𝗲𝘀𝘀. 🙌@ShubmanGill reaches a brilliant century, guiding #TeamIndia towards a huge total, inching closer to the 500 mark! 🏏💪Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports &… pic.twitter.com/vIWGDISIcx— Star Sports (@StarSportsIndia) October 11, 2025ఇంగ్లండ్‌ పర్యటనలో నాలుగుకాగా జూన్‌లో ఇంగ్లండ్‌ పర్యటనకు ముందు కెప్టెన్‌ రోహిత్‌ శర్మ టెస్టులకు రిటైర్మెంట్‌ ప్రకటించడంతో.. అతడి స్థానంలో గిల్‌ సారథ్య బాధ్యతలు స్వీకరించిన విషయం తెలిసిందే. ఈ క్రమంలో ఇంగ్లండ్‌తో జరిగిన ఐదు టెస్టుల్లో భాగంగా గిల్‌ నాలుగు శతకాలు బాదాడు.అంతేకాదు ఎడ్జ్‌బాస్టన్‌ టెస్టులో ఒకే ఇన్నింగ్స్‌లో ఏకంగా 269 పరుగులు సాధించి.. ఈ వేదిక మీద డబుల్‌ సెంచరీ సాధించిన భారత తొలి కెప్టెన్‌గా చరిత్ర సృష్టించాడు. ఇక టీమిండియా తాజాగా స్వదేశంలో వెస్టిండీస్‌తో టెస్టు సిరీస్‌ ఆడుతోంది.ఈ క్రమంలో అహ్మదాబాద్‌లో తొలి టెస్టు జరుగగా.. భారత్‌.. విండీస్‌ను ఇన్నింగ్స్‌ 140 పరుగుల తేడాతో చిత్తు చేసింది. అనంతరం ఢిల్లీ వేదికగా ఇరుజట్ల మధ్య శుక్రవారం రెండో టెస్టు మొదలుకాగా.. టాస్‌ గెలిచిన టీమిండియా తొలుత బ్యాటింగ్‌కు దిగింది. తొలి ఇన్నింగ్స్‌ డిక్లేర్‌తొలిరోజు రెండు వికెట్ల నష్టానికి 318 పరుగులు చేసిన భారత జట్టు.. శనివారం నాటి రెండో రోజు ఆటలో తమ తొలి ఇన్నింగ్స్‌ డిక్లేర్‌ చేసింది. 134.2 ఓవర్లలో ఐదు వికెట్ల నష్టానికి 518 పరుగుల భారీ స్కోరు వద్ద ఉన్న వేళ డిక్లేర్‌ చేస్తున్నట్లు ప్రకటించింది. గిల్‌ 196 బంతుల్లో 129 పరుగులు సాధించాడు. మిగిలిన వాళ్లలో ఓపెనర్‌ యశస్వి జైస్వాల్‌ (175) భారీ శతకం సాధించగా.. వన్‌డౌన్‌ బ్యాటర్‌ సాయి సుదర్శన్‌ (87) గొప్పగా రాణించాడు. మరో ఓపెనర్‌ కేఎల్‌ రాహుల్‌ 38, ఆల్‌రౌండర్‌ నితీశ్‌ కుమార్‌రెడ్డి 43, వికెట్‌ కీపర్‌ బ్యాటర్‌ ధ్రువ్‌ జురెల్‌ 44 పరుగులు చేశారు. విండీస్‌ బౌలర్లలో స్పిన్నర్‌ జొమెల్‌ వారికన్‌ మూడు వికెట్లు తీయగా.. కెప్టెన్‌ రోస్టన్‌ ఛేజ్‌ ఒక వికెట్‌ దక్కించుకున్నాడు.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!

వెస్టిండీస్‌తో రెండో టెస్టులో టీమిండియా (IND vs WI) అదరగొడుతోంది. రెండు మ్యాచ్‌ల సిరీస్‌ను వైట్‌వాష్‌ చేయడమే లక్ష్యంగా బరిలోకి దిగిన గిల్‌ సేన.. లక్ష్యం దిశగా పయనిస్తోంది. శనివారం నాటి రెండో రోజు ఆట భోజన విరామ సమయానికి 116 ఓవర్లలో.. నాలుగు వికెట్ల నష్టానికి 427 పరుగుల మేర భారీ స్కోరు సాధించింది.కాగా అహ్మదాబాద్‌ వేదికగా తొలి టెస్టులో విండీస్‌ను ఇన్నింగ్స్‌ 140 పరుగుల తేడాతో ఓడించిన టీమిండియా.. ఢిల్లీలో విండీస్‌తో శుక్రవారం రెండో టెస్టు మొదలుపెట్టిన విషయం తెలిసిందే. టాస్‌ గెలిచి తొలుత బ్యాటింగ్‌ చేస్తున్న భారత్‌.. తొలిరోజు ఆటలో కేవలం రెండు వికెట్లు నష్టపోయి 318 పరుగులు చేసి ఆధిక్యం ప్రదర్శించింది.డబుల్‌ సెంచరీ మిస్‌ చేసుకు న్న జైసూఈ క్రమంలో 318/2 ఓవర్‌నైట్‌ స్కోరుతో శనివారం నాటి రెండో రోజు ఆట మొదలుపెట్టిన టీమిండియాకు ఆదిలోనే షాక్‌ తగిలింది. 173 పరుగులతో ఆట మొదలుపెట్టిన ఓపెనర్‌ యశస్వి జైస్వాల్‌ (Yashasvi Jaiswal).. మరో రెండు పరుగులు జతచేసి దురదృష్టవశాత్తూ రనౌట్‌ అయ్యాడు. దీంతో డబుల్‌ సెంచరీ చేయకుండానే జైసూ (175) నిష్క్రమించాడు.నితీశ్‌ రెడ్డి ధనాధన్‌అయితే, కెప్టెన్‌ శుబ్‌మన్‌ గిల్‌ నిలకడగా ఆడుతూ అర్ధ శతకం పూర్తి చేసుకున్నాడు. అతడికి తోడుగా.. ఐదో స్థానంలో బ్యాటింగ్‌కు వచ్చిన ఆల్‌రౌండర్‌ నితీశ్‌ కుమార్‌ రెడ్డి ధనాధన్‌ దంచికొట్టాడు. ఫోర్లు, సిక్సర్లు బాదుతూ జోరు కనబరిచిన ఈ విశాఖ కుర్రాడు.. తృటిలో అర్ధ శతకాన్ని చేజార్చుకున్నాడు. 54 బంతులు ఎదుర్కొని నాలుగు ఫోర్లు, రెండు సిక్సర్ల సాయంతో 43 పరుగుల వ్యక్తిగత స్కోరు వద్ద ఉన్న వేళ.. విండీస్‌ స్పిన్నర్‌ జొమెల్‌ వారికన్‌ అద్భుత బంతితో నితీశ్‌ రెడ్డిని వెనక్కి పంపాడు.𝗕𝗶𝗴 𝗵𝗶𝘁, 𝗯𝗶𝗴 𝗶𝗺𝗽𝗮𝗰𝘁! 🙌#NitishKumarReddy hits a massive six, firing up the crowd as #TeamIndia builds momentum. 🔥Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports & JioHotstar pic.twitter.com/OZzBhNROPF— Star Sports (@StarSportsIndia) October 11, 2025 ఐదో నంబర్‌కు ప్రమోట్‌ అయిటీమిండియా తొలి ఇన్నింగ్స్‌ 108.3వ ఓవర్లో వారికన్‌ బౌలింగ్‌లో జేడన్‌ సీల్స్‌కు క్యాచ్‌ ఇచ్చి నితీశ్‌ రెడ్డి పెవిలియన్‌ చేరాడు. కాగా బ్యాటింగ్‌ ఆర్డర్‌లో ఐదో నంబర్‌కు ప్రమోట్‌ అయి.. ధనాధన్‌ దంచికొట్టి ఇలా అతడు వెనుదిరగడం అభిమానులన నిరాశపరిచింది.ఇక లంచ్‌ బ్రేక్‌ సమయానికి గిల్‌ 75 పరుగులు, ధ్రువ్‌ జురెల్‌ 7 పరుగులతో క్రీజులో ఉన్నారు. అంతకు ముందు అంటే తొలి రోజు ఓపెనర్‌ కేఎల్‌ రాహుల్‌ (38) విఫలం కాగా.. వన్‌డౌన్‌ బ్యాటర్‌ సాయి సుదర్శన్‌ శతకం (87) చేజార్చుకున్న విషయం తెలిసిందే. ఇక విండీస్‌ తీసిన నాలుగు వికెట్లలో మూడు వారికన్‌ ఖాతాలోనే ఉన్నాయి. జైసూ రనౌట్‌తో విండీస్‌కు మరో కీలక వికెట్‌ దక్కింది.చదవండి: గిల్‌పై అసహనం!.. తలబాదుకున్న జైస్వాల్‌.. తప్పు నీదే!Leading from the front! 👑Captain @ShubmanGill brings up a classy half-century - crossing 1000 runs as skipper in international cricket! 💥Catch the LIVE action 👉 https://t.co/tg7ZEVlTSH#INDvWI 👉 2nd Test, Day 2 | Live Now on Star Sports & JioHotstar pic.twitter.com/CDjnnehzO6— Star Sports (@StarSportsIndia) October 11, 2025

వెస్టిండీస్‌తో రెండో టెస్టులో భారీ శతకంతో కదంతొక్కిన టీమిండియా యువ ఓపెనర్‌ యశస్వి జైస్వాల్‌ (Yashasvi Jaiswal) డబుల్‌ సెంచరీ చేసే అవకాశాన్ని చేజార్చుకున్నాడు. శనివారం నాటి రెండో రోజు ఆట ఆరంభమైన కాసేపటికే రనౌట్‌ అయ్యాడు. ద్విశతకానికి పాతిక పరుగుల దూరంలో నిలిచిపోయాడు.ప్రపంచ టెస్టు చాంపియన్‌షిప్‌ (WTC) 2025-27 సైకిల్‌లో భాగంగా భారత్‌- వెస్టిండీస్‌ (IND vs WI) మధ్య రెండు మ్యాచ్‌ల సిరీస్‌ జరుగుతున్న విషయం తెలిసిందే. అహ్మదాబాద్‌లో జరిగిన తొలి టెస్టులో ఇన్నింగ్స్‌ 140 పరుగుల తేడాతో విండీస్‌ను చిత్తు చేసిన టీమిండియా.. 1-0తో ఆధిక్యంలో ఉంది.తొలిరోజు భారత్‌దేఈ క్రమంలో ఇరుజట్ల మధ్య ఢిల్లీ వేదికగా శుక్రవారం రెండో టెస్టు మొదలుకాగా.. టాస్‌ గెలిచిన టీమిండియా తొలుత బ్యాటింగ్‌ ఎంచుకుంది. ఓపెనర్లలో కేఎల్‌ రాహుల్‌ (38) విఫలం కాగా.. యశస్వి జైస్వాల్‌ భారీ శతకం బాదాడు. అతడికి తోడుగా వన్‌డౌన్‌ బ్యాటర్‌ సాయి సుదర్శన్‌ (Sai Sudharsan- 87) రాణించాడు.జైసూ డబుల్‌ సెంచరీ మిస్‌ఈ క్రమంలో తొలిరోజు ఆట ముగిసే సరికి భారత్‌ రెండు వికెట్ల నష్టానికి 318 పరుగులు చేసింది. జైస్వాల్‌ 173, కెప్టెన్‌ శుబ్‌మన్‌ గిల్‌ 20 పరుగులతో క్రీజులో నిలిచారు. ఇక శనివారం ఆట సందర్భంగా డబుల్‌ సెంచరీ పూర్తి చేసుకోవాలని భావించిన జైస్వాల్‌ తన తొందరపాటు చర్యతో రనౌట్‌ అయ్యాడు.గిల్‌ తప్పా?టీమిండియా తొలి ఇన్నింగ్స్‌ 92వ ఓవర్లో విండీస్‌ పేసర్‌ జేడన్‌ సీల్స్‌ బంతితో రంగంలోకి దిగాడు. అతడి బౌలింగ్‌లో రెండో బంతికి మిడాఫ్‌ దిశగా జైసూ బాదిన బంతి నేరుగా ఫీల్డర్‌ చెంతకు చేరింది. అయితే, ఇంతలోనే జైస్వాల్‌ పరుగు కోసం క్రీజు వీడగా.. గిల్‌ మాత్రం పరిస్థితికి తగ్గట్టుగా నాన్‌-స్ట్రైకర్‌ ఎండ్‌లోనే ఉండిపోయాడు.Yashasvi Jaiswal (runout) seems to have developed a habit of taking off for a run even when the ball goes straight to the fielder. He really needs to learn from this —When you're on a big score, what's the rush for a single? 🤦‍♂️pic.twitter.com/asdamXT1zj— Sporttify (@sporttify) October 11, 2025 తల బాదుకున్న జైసూదీంతో జైస్వాల్‌ వెనక్కి పరిగెత్తగా.. అప్పటికే ఫీల్డర్‌ నుంచి బంతిని అందుకున్న వికెట్‌ కీపర్‌ టెవిన్‌ ఇమ్లాచ్‌ దానిని వికెట్లకు గిరాటేశాడు. ఫలితంగా తన ఓవర్‌నైట్‌ స్కోరుకు కేవలం రెండు పరుగులు జతచేసి రనౌట్‌గా వెనుదిరిగాడు. ఈ క్రమంలో తీవ్ర నిరాశకు గురైన జైసూ.. కోపంలో తలబాదుకుంటూ క్రీజును వీడాడు.తప్పు నీదేఇందుకు సంబంధించిన దృశ్యాలు వైరల్‌ అవుతుండగా.. కొంతమంది గిల్‌ను తప్పుబడుతున్నారు. అయితే, చాలా మంది మాత్రం.. ‘బంతి ఫీల్డర్‌ చేతుల్లోకి వెళ్లినా తొందరపడి పరుగుకు రావడం జైసూ తప్పు. అతడికి ఇదొక అలవాటుగా మారింది. 175 పరుగులు చేసిన నీకు ఈ రిస్కీ సింగిల్‌ అవసరమా? ఇది నీ స్వీయ తప్పిదం’’ అంటూ జైస్వాల్‌ను విమర్శిస్తున్నారు.కాగా జైస్వాల్‌ తొలి ఇన్నింగ్స్‌లో మొత్తంగా 258 బంతులు ఎదుర్కొని 22 ఫోర్ల సాయంతో 175 పరుగులు సాధించాడు. వంద ఓవర్ల ఆట పూర్తయ్యేసరికి టీమిండియా మూడు వికెట్ల నష్టానికి 371 పరుగులు చేసింది. గిల్‌ హాఫ్‌ సెంచరీ పూర్తి చేసుకోగా.. ఐదో స్థానంలో బ్యాటింగ్‌కు వచ్చిన నితీశ్‌ కుమార్‌ రెడ్డి 20 పరుగులతో క్రీజులో ఉన్నాడు. చదవండి: యువీ తల్లిని పెళ్లి చేసుకుని తప్పు చేశా.. ఆమెను ఇంట్లో పెట్టి తాళం వేసేవాడిని!

టీమిండియా హెడ్‌కోచ్‌ గౌతం గంభీర్‌ (Gautam Gambhir) ఆసక్తికర వ్యాఖ్యలు చేశాడు. తనలో ఇప్పటికీ దూకుడు అలాగే ఉందని.. మైదానంలో తనను తాను ఇలా ఆవిష్కరించుకోవడం తన సహజమైన భావోద్వేగం అని తెలిపాడు. అయితే, వయసు పెరుగుతున్న దృష్ట్యా ఇంట్లో వాళ్ల కోసం కొన్నిసార్లు తనను తాను సంభాళించుకుంటున్నానని తెలిపాడు.కోహ్లితోనూ గొడవటీమిండియాకు ఆడిన రోజుల్లో గంభీర్‌ ఎంత అగ్రెసివ్‌గా ఉండేవాడో క్రికెట్‌ ప్రేమికులకు కొత్తగా చెప్పాల్సిన పనిలేదు. ముఖ్యంగా దాయాది పాకిస్తాన్‌తో మ్యాచ్‌లో దూకుడు ప్రదర్శిస్తూ ప్రత్యర్థి జట్టు ఆటగాళ్లకు తనదైన శైలిలో కౌంటర్లు ఇచ్చేవాడు. అంతేకాదు.. భారత దిగ్గజ బ్యాటర్‌ విరాట్‌ కోహ్లి (Virat Kohli)తోనూ.. ఈ వరల్డ్‌కప్‌ విన్నర్‌ గొడవ పడిన విషయం తెలిసిందే.ఐపీఎల్‌ మ్యాచ్‌ సందర్భంగా ‘ఢిల్లీ బాయ్స్‌’ గంభీర్‌- కోహ్లి రెండుసార్లు తీవ్ర స్థాయిలో వాగ్వాదం చేసుకున్నారు. ఇదిలా ఉంటే.. 43 ఏళ్ల గంభీర్‌ టీమిండియా హెడ్‌కోచ్‌గా వచ్చిన తర్వాత పాత పగలు పక్కనపెట్టి కోహ్లితో కలిసిపోయాడు. తమ మధ్య ఎలాంటి గొడవలు లేవని స్వయంగా వీరిద్దరు చెప్పడంతో అభిమానుల మధ్య సోషల్‌ మీడియా ఫైట్స్‌కు తెరపడింది.ఎప్పుడూ గంభీరంగానేఇక గంభీర్‌ డగౌట్‌లోనూ ఎప్పుడూ గంభీరంగానే ఉంటాడన్న విషయం తెలిసిందే. అతడి ముఖంలో అమావాస్యకో.. పున్నమికో గానీ నవ్వు కనిపించదు. ఎప్పుడూ సీరియస్‌గా ఉండే గంభీర్‌పై ఈ విషయంలో ఎన్నో మీమ్స్‌ కూడా వస్తూ ఉంటాయి.నేను మారలేదుఈ నేపథ్యంలో స్టార్‌ స్పోర్ట్స్‌తో మాట్లాడిన గౌతం గంభీర్‌ తన వ్యవహారశైలి గురించి తాజాగా ఆసక్తికర వ్యాఖ్యలు చేశాడు. ‘‘నాలో ఇప్పటికీ ఆ దూకుడు అలాగే ఉంది. నేను మారలేదు. అగ్రెసివ్‌గా ముందుకు వెళ్లాలనుకున్నపుడు గొడవ పడటమే నాకు ముందుగా గుర్తుకువస్తుంది.ఇంట్లో పిల్లలు ఉన్నారుఅయితే, వయసు పెరిగింది కాబట్టి.. నా మనసు.. ‘ఇంట్లో పిల్లలు ఉన్నారు’ కదా అని హెచ్చరిస్తుంది’’ అంటూ గంభీర్‌ సరదాగా వ్యాఖ్యానించాడు. కాగా టీమిండియా ప్రస్తుతం స్వదేశంలో వెస్టిండీస్‌తో టెస్టు సిరీస్‌తో బిజీగా ఉంది.రెండు మ్యాచ్‌ల సిరీస్‌లో తొలి టెస్టులో విండీస్‌ను ఇన్నింగ్స్‌ 140 పరుగుల తేడాతో చిత్తు చేసిన గిల్‌ సేన.. శుక్రవారం మొదలుపెట్టిన రెండో టెస్టులోనూ జోరు కనబరుస్తోంది. టీమిండియా- వెస్టిండీస్‌ రెండో టెస్టు తొలిరోజు ఆట సందర్భంగా గంభీర్‌ స్టార్‌ స్పోర్ట్స్‌తో మాట్లాడుతూ పైవిధంగా స్పందించాడు. టీమ్‌ డిన్నర్‌ఇక ఈ మ్యాచ్‌కు ముందు గౌతీ తన ఇంట్లో టీమిండియాకు డిన్నర్‌పార్టీ ఇచ్చినట్లు తెలుస్తోంది. కెప్టెన్‌ శుబ్‌మన్‌ గిల్‌తో పాటు జస్‌ప్రీత్‌ బుమ్రా,ధ్రువ్‌ జురెల్‌, కేఎల్‌ రాహుల్‌, అక్షర్‌ పటేల్‌, ప్రసిద్‌ కృష్ణ సహా కోచ్‌లు ర్యాన్‌ టెన్‌ డష్కాటే, మోర్నీ మోర్కెల్‌, బీసీసీఐ ఉపాధ్యక్షుడు రాజీవ్‌ శుక్లా గంభీర్‌ పార్టీకి హాజరైనట్లు సమాచారం. ఇదిలా ఉంటే.. రోహిత్‌ శర్మను వన్డే కెప్టెన్సీ నుంచి తప్పించి గిల్‌కు పగ్గాలు అప్పగించడంపై గంభీర్‌పై తీవ్ర స్థాయిలో విమర్శలు వస్తున్న విషయం తెలిసిందే. ఇలాంటి సమయంలో గౌతీ టీమ్‌ డిన్నర్‌ ఇవ్వడం గమనార్హం. చదవండి: ‘యువీ గనుక తన పిల్లల్ని.. నాకు అప్పగిస్తే వారికీ అదే ‘గతి’ పట్టిస్తా’

భార‌త వ‌న్డే జ‌ట్టు కెప్టెన్‌గా రోహిత్ శ‌ర్మ స్ధానంలో యువ ఆట‌గాడు శుబ్‌మ‌న్ గిల్‌ను బీసీసీఐ నియ‌మించిన సంగ‌తి తెలిసిందే. ఆస్ట్రేలియా టూర్‌కు ముందు అజిత్ అగార్కర్ నేతృత్వంలోని సెల‌క్ష‌న్ క‌మిటీ ఈ ఆక‌స్మిక నిర్ణ‌యం తీసుకుంది. దీంతో చాలా మంది సెల‌క్ట‌ర్ల నిర్ణ‌యాన్ని త‌ప్పుబ‌ట్టారు.రోహిత్‌ను కావాల‌నే కెప్టెన్సీ నుంచి త‌ప్పించార‌ని విమర్శించారు. ఈ నేప‌థ్యంలో బీసీసీఐ మాజీ అధ్యక్షుడు సౌరవ్ గంగూలీ కీల‌క వ్యాఖ్య‌లు చేశాడు. రోహిత్‌ను వన్డే కెప్టెన్‌గా ఉద్దేశ‌పూర్వ‌కంగానే తొలగించారనే వాద‌న‌ను గంగూలీ తోసిపుచ్చాడు. ప్ర‌తీ కెప్టెన్‌కు కెరీర్ ఎండ్ స‌మ‌యంలో ఇలా జ‌రుగుతుంద‌ని దాదా అభిప్రాయ‌ప‌డ్డాడు. రోహిత్ ఇక‌పై వ‌న్డే జ‌ట్టులో ప్లేయ‌ర్‌గా కొన‌సాగ‌నున్నాడు. అయితే వ‌న్డే ప్ర‌పంచ‌క‌ప్‌-2027లో హిట్‌మ్యాన్‌ ఆడుతాడో లేదో ఇంకా స్ప‌ష్ట‌త లేదు."రోహిత్‌తో మాట్లాడిన త‌ర్వాతే సెల‌క్ట‌ర్లు ఈ నిర్ణ‌యం తీసుకుని ఉంటారు. ఉద్దేశ‌పూర్వ‌కంగా అయితే అత‌డిని త‌ప్పించి ఉండ‌రు. రోహిత్‌, సెలక్టర్ల మధ్య పరస్పర అంగీకారంతోనే ఈ మార్పు చోటు చేసుకుందని అనుకుంటున్నా. రోహిత్ ఒక అద్భుత‌మైన కెప్టెన్‌. అత‌డు భార‌త్‌కు టీ20 ప్ర‌పంచ‌క‌ప్‌, ఛాంపియ‌న్స్ ట్రోఫీ టైటిల్స్‌ను అందించాడు.వ్యక్తిగత ప్రదర్శన పరంగా కూడా రోహిత్ ముందంజలో ఉన్నాడు. ఇక్కడ రోహిత్ కెప్టెన్సీ, ఫెర్మామ్మెన్స్ సమస్య కాదు. 2027 నాటికి రోహిత్‌కు 40 ఏళ్లు వస్తాయి. క్రికెట్‌లో వయస్సు పరంగా అది చాలా ఎక్కవ నంబర్‌. కెరీర్ ఆఖరిలో ప్రతీ కెప్టెన్‌కు ఇలానే జరుగుతోంది. నాకు,ద్రవిడ్‌కు కూడా ఇదే పరిస్థితి ఎదురైంది. శుబ్‌మన్ గిల్ కూడా 40 ఏళ్ల వయస్సులో ఇదే పరిస్థితిని ఎదుర్కొంటాడు. జేంటిల్‌మ్యాన్ గేమ్‌లో ప్రతీ ఒక్కరు ఏదో రోజున తమ కెరీర్‌ను ముగించాల్సిందే. గిల్‌ను కెప్టెన్‌గా ప్రమోట్ చేయడం సరైన నిర్ణయమే. అతడు ఇంగ్లండ్ టూర్‌లో అద్భుతంగా జట్టును నడిపించాడు. కెప్టెన్‌గా గిల్ ఎదిగే వరకు రోహిత్ ఆడుతూనే ఉండవచ్చు" ఓ ఇంటర్వ్యూలో గంగూలీ పేర్కొన్నాడు.చదవండి: కెప్టెన్‌గా శార్ధూల్ ఠాకూర్‌.. స‌ర్ఫ‌రాజ్ ఖాన్ రీ ఎంట్రీ! నో సూర్య కుమార్‌?

ఢిల్లీ వేదికగా టీమిండియా- వెస్టిండీస్‌ మధ్య శుక్రవారం (అక్టోబరు 10) రెండో టెస్టు (IND vs WI 2nd Test) మొదలైంది. అరుణ్‌జైట్లీ స్టేడియంలో టాస్‌ గెలిచిన భారత జట్టు సారథి శుబ్‌మన్‌ గిల్‌ (Shubman Gill).. తొలుత బ్యాటింగ్‌ ఎంచుకున్నాడు. ఈ క్రమంలో ఓపెనర్లు యశస్వి జైస్వాల్‌ (Yashasvi Jaiswal), కేఎల్‌ రాహుల్‌ టీమిండియాకు శుభారంభం అందించారు.ఈసారి నిరాశపరిచిన కేఎల్‌ రాహుల్‌అయితే, గత మ్యాచ్‌లో సెంచరీ సాధించిన రాహుల్‌ ఈసారి మాత్రం కాస్త నిరాశపరిచాడు. 54 బంతుల్లో ఐదు ఫోర్లు, ఒక సిక్సర్‌ బాది 38 పరుగులు చేసి నిష్క్రమించాడు. విండీస్‌ లెఫ్టార్మ్‌ ఆర్థోడాక్స్‌ స్పిన్నర్‌ జొమెల్‌ వారికన్‌ తన తొలి ఓవర్లోనే అద్భుతమైన బంతితో రాహుల్‌ను బోల్తా కొట్టించాడు.Shifting gears! ⚙After a steady start, @klrahul unwinds with an elegant punch down the ground. ⚡Catch the LIVE action 👉 https://t.co/8pkqpa9s4Z#INDvWI 👉 2nd Test, Day 1 | Live Now on Star Sports & JioHotstar pic.twitter.com/CpSkK3IJXi— Star Sports (@StarSportsIndia) October 10, 2025స్టంపౌట్‌గాటీమిండియా తొలి ఇన్నింగ్స్‌లో పద్దెనిమిదవ ఓవర్‌ మూడో బంతికి వారికన్‌ బౌలింగ్‌లో షాట్‌ ఆడేందుకు ప్రయత్నించిన రాహుల్‌ విఫలమయ్యాడు. ఈ క్రమంలో వెంటనే బంతిని అందుకున్న వికెట్‌ కీపర్‌ టెవిన్‌ ఇమ్లాచ్‌ బెయిల్స్‌కు గిరాటేశాడు. pic.twitter.com/iNdmtNK9e6— crictalk (@crictalk7) October 10, 2025 దీంతో కనీసం హాఫ్‌ సెంచరీ కూడా చేయకుండానే దురదృష్టవశాత్తూ స్టంపౌట్‌గా వెనుదిరిగాడు. ఈ క్రమంలో 58 పరుగుల స్కోరు వద్ద టీమిండియా తొలి వికెట్‌ కోల్పోయింది.లంచ్‌ బ్రేక్‌ సమయానికి స్కోరెంతంటే?ఇక తొలి టెస్టులో పెద్దగా ఆకట్టుకోలేకపోయిన మరో ఓపెనర్‌ యశస్వి జైస్వాల్‌ రెండో టెస్టులో ఓపికగా ఆడుతున్నాడు. తొలిరోజు నాటి భోజన విరామ సమయానికి జైసూ 78 బంతులు ఎదుర్కొని ఏడు ఫోర్ల సాయంతో 40 పరుగులు చేసి క్రీజులో ఉన్నాడు. ఇక​ వన్‌డౌన్‌లో వచ్చిన సాయి సుదర్శన్‌ 36 బంతుల్లో మూడు ఫోర్లు బాది 16 పరుగులతో జైసూతో కలిసి అజేయంగా నిలిచాడు. ఫలితంగా శుక్రవారం లంచ్‌ బ్రేక్‌ సమయానికి టీమిండియా 28 ఓవర్ల ఆట పూర్తి చేసుకుని వికెట్‌ నష్టానికి 94 పరుగులు చేసింది. ఇదిలా ఉంటే.. తొలి టెస్టులో టీమిండియా విండీస్‌ను ఇన్నింగ్స్‌ 140 పరుగుల తేడాతో త్తుగా ఓడించి.. రెండుమ్యాచ్‌ల సిరీస్‌లో 1-0తో ఆధిక్యంలో ఉన్న విషయం తెలిసిందే. తుది జట్లు..టీమిండియాయశస్వి జైస్వాల్, కేఎల్ రాహుల్, సాయి సుదర్శన్, శుబ్‌మన్‌ గిల్ (కెప్టెన్‌), ధ్రువ్ జురెల్ (వికెట్‌కీపర్‌), రవీంద్ర జడేజా, వాషింగ్టన్ సుందర్, నితీశ్‌ కుమార్ రెడ్డి, కుల్దీప్ యాదవ్, జస్‌ప్రీత్ బుమ్రా, మొహహ్మద్‌ సిరాజ్వెస్టిండీస్: జాన్ క్యాంప్‌బెల్, తగ్‌నరైన్ చందర్‌పాల్, అలిక్ అథనాజ్, షాయ్ హోప్, రోస్టన్ చేజ్(కెప్టెన్‌), టెవిన్ ఇమ్లాచ్(వికెట్‌కీపర్‌), జస్టిన్ గ్రీవ్స్, జోమెల్ వారికన్, ఖరీ పియర్, అండర్సన్ ఫిలిప్, జేడెన్ సీల్స్చదవండి: అందుకే గెలవాల్సిన మ్యాచ్‌ ఓడిపోయాం.. తనొక అద్భుతం: భారత కెప్టెన్‌

ఢిల్లీలోని అరుణ్‌ జైట్లీ స్టేడియంలో ఇవాల్టి నుంచి (అక్టోబర్‌ 10) భారత్‌, వెస్టిండీస్‌ జట్ల మధ్య రెండో టెస్ట్‌ ప్రారంభమవుతుంది. ఈ మ్యాచ్‌లో టీమిండియా కెప్టెన్‌ శుభ్‌మన్‌ గిల్‌ టాస్‌ గెలిచి తొలుత బ్యాటింగ్‌ ఎంచుకున్నాడు. టీమిండియా కెప్టెన్‌గా శుభ్‌మన్‌కు ఇది తొలి టాస్‌ విజయం. అతను టెస్ట్‌ కెప్టెన్‌ అయ్యాక వరుసగా ఆరు మ్యాచ్‌ల్లో టాస్‌లు ఓడాడు.ఈ మ్యాచ్‌ కోసం భారత్‌ ఎలాంటి మార్పులు చేయలేదు. తొలి టెస్ట్‌లో ఆడిన జట్టునే యధాతథంగా బరిలోకి దించింది. విండీస్‌ మాత్రం రెండు మార్పులతో బరిలోకి దిగనుంది. కింగ్‌, జోహన్‌ లేన్‌ స్థానాల్లో టెవిమ్‌ ఇమ్లాచ్‌, ఆండర్సన్‌ ఫిలిప్‌ జట్టులోకి వచ్చారు. కాగా, రెండు మ్యాచ్‌ల ఈ సిరీస్‌లోని తొలి మ్యాచ్‌లో భారత్‌ ఘన విజయం సాధించిన విషయం తెలిసిందే. తుది జట్లు..వెస్టిండీస్: జాన్ క్యాంప్‌బెల్, తేజ్‌నరైన్ చందర్‌పాల్, అలిక్ అథనాజ్, షాయ్ హోప్, రోస్టన్ చేజ్(కెప్టెన్‌), టెవిన్ ఇమ్లాచ్(వికెట్‌కీపర్‌), జస్టిన్ గ్రీవ్స్, జోమెల్ వారికన్, ఖరీ పియర్, అండర్సన్ ఫిలిప్, జేడెన్ సీల్స్భారత్: యశస్వి జైస్వాల్, కేఎల్ రాహుల్, సాయి సుదర్శన్, శుభ్‌మన్ గిల్(కెప్టెన్‌), ధ్రువ్ జురెల్(వికెట్‌కీపర్‌), రవీంద్ర జడేజా, వాషింగ్టన్ సుందర్, నితీష్ కుమార్ రెడ్డి, కుల్దీప్ యాదవ్, జస్‌ప్రీత్ బుమ్రా, మహ్మద్ సిరాజ్చదవండి: క్రికెట్‌ చరిత్రలో తొలిసారి ఇలా..!

ఆస్ట్రేలియా సిరీస్‌ నేపథ్యంలో టీమిండియా సెలక్టర్ల తీరుపై భారత దిగ్గజ స్పిన్నర్‌ రవిచంద్రన్‌ అశ్విన్‌ (Ravichandran Ashwin) ఆగ్రహం వ్యక్తం చేశాడు. రెండేళ్ల క్రితం అద్భుతమైన డెలివరీ సంధించాడని.. అదే ప్రాతిపదికగా ఇప్పటికీ ఓ ఆటగాడికి జట్టులో స్థానం కల్పిస్తున్నారంటూ ‘యువ పేసర్‌’ను టార్గెట్‌ చేశాడు.గిల్‌ సారథ్యంలో ..వెస్టిండీస్‌ స్వదేశంలో టెస్టు సిరీస్‌ ముగిసిన తర్వాత టీమిండియా ఆస్ట్రేలియా పర్యటన (IND vs AUS)కు వెళ్లనుంది. ఆతిథ్య జట్టుతో అక్టోబరు 19- నవంబరు 8 వరకు మూడు వన్డేలు, ఐదు టీ20 మ్యాచ్‌లు ఆడనుంది. ఇందుకు సంబంధించి భారత క్రికెట్‌ నియంత్రణ మండలి (BCCI) ఇ‍ప్పటికే జట్టును ప్రకటించింది.వన్డే కెప్టెన్‌గా రోహిత్‌ శర్మపై వేటు వేసిన బీసీసీఐ.. అతడి స్థానంలో శుబ్‌మన్‌ గిల్‌ (Shubman Gill)కు పగ్గాలు అప్పగించింది. ఇక ఆసీస్‌తో ఆడే వన్డే, టీ20 జట్లలో యువ పేసర్‌ హర్షిత్‌ రాణాకు చోటు దక్కడం గమనార్హం. ఈ నేపథ్యంలో అశ్విన్‌ ఘాటుగా స్పందించాడు.అతడిని ఎందుకు సెలక్ట్‌ చేస్తున్నారో అర్థం కాదు‘‘అసలు అతడిని ఎందుకు సెలక్ట్‌ చేస్తున్నారో అర్థం కావడం లేదు. నాకైతే ఈ విషయం అంతుపట్టడం లేదు. రాణాను జట్టులో చేర్చడానికి గల కారణమేమిటో తెలుసుకునేందుకైనా సెలక్షన్‌ కమిటీ సమావేశంలో భాగమైతే బాగుండు అనిపిస్తోంది.ఆస్ట్రేలియాలో బ్యాట్‌తోనూ రాణించగల ఫాస్ట్‌బౌలర్‌ టీమిండియాకు అవసరం. ఎనిమిదో స్థానంలో బ్యాటింగ్‌ చేయగలిగే బౌలర్‌ను వాళ్లు ఎంపిక చేయాలి. నాకైతే అతడి బ్యాటింగ్‌పై ఎలాంటి నమ్మకమూ లేదు. రెండేళ్ల క్రితం ఐపీఎల్‌ మ్యాచ్‌లో నితీశ్‌ కుమార్‌ రెడ్డిని అద్భుతమైన పేస్‌ డెలివరీతో అవుట్‌ చేసినందుకు.. నేటికీ ఆ ఒక్క కారణంతోనే వరుస అవకాశాలు ఇస్తున్నారు’’ అని అశ్విన్‌ వ్యంగ్యాస్త్రాలు సంధించాడు.గంభీర్‌కే చురకలుకాగా ఢిల్లీకి చెందిన హర్షిత్‌ రాణా ఐపీఎల్‌-2024లో కోల్‌కతా నైట్‌ రైడర్స్‌ టైటిల్‌ గెలవడంలో కీలక పాత్ర పోషించాడు. ఆ సమయంలో కేకేఆర్‌ మెంటార్‌గా ఉన్న గౌతం గంభీర్‌.. తర్వాత టీమిండియా హెడ్‌కోచ్‌ అయ్యాడు. ఈ క్రమంలో గంభీర్‌ ప్రియ శిష్యుడైన హర్షిత్‌ ఇప్పటికే మూడు ఫార్మాట్లలోనూ అరంగేట్రం చేయడమే కాదు.. వైఫల్యాలు ఎదురైనా జట్టులో వరుస అవకాశాలు దక్కించుకోవడం గమనార్హం. ఈ నేపథ్యంలో అశూ పరోక్షంగా గంభీర్‌కు ఈ విధంగా చురకలు అంటించినట్లు తెలుస్తోంది.చదవండి: వన్డే కెప్టెన్‌గా రోహిత్‌పై వేటు!.. నాకు ముందే తెలుసు: గిల్‌

రోహిత్‌ శర్మ నుంచి తాను ఎన్నో విషయాలు నేర్చుకున్నానని టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill) తెలిపాడు. రోహిత్‌ భయ్యా తనకు స్ఫూర్తిదాయకమని పేర్కొన్నాడు. టీమిండియాకు రెండు ఐసీసీ టైటిళ్లు అందించిన సారథి రోహిత్‌ శర్మ (Rohit Sharma).వన్డే కెప్టెన్‌గా రోహిత్‌పై వేటు!గతేడాది టీ20 ప్రపంచకప్‌-2024లో టీమిండియాను చాంపియన్‌గా నిలిపిన రోహిత్‌.. ఈ ఏడాది ఐసీసీ (వన్డే) చాంపియన్స్‌ ట్రోఫీ -2025లో జట్టుకు కప్‌ అందించాడు. ఇక ఇప్పటికే అంతర్జాతీయ టీ20లకు వీడ్కోలు పలికిన హిట్‌మ్యాన్‌.. ఇటీవలే టెస్టులకూ రిటైర్మెంట్‌ ప్రకటించగా.. టెస్టు సారథిగా గిల్‌ అతడి స్థానాన్ని భర్తీ చేశాడు.అయితే, వన్డేల్లో కొనసాగుతానని రోహిత్‌ శర్మ చెప్పినా.. బీసీసీఐ (BCCI) ఇటీవలే అతడిని కెప్టెన్సీ నుంచి తప్పించింది. రోహిత్‌ స్థానంలో వన్డే కొత్త కెప్టెన్‌గా శుబ్‌మన్‌ గిల్‌ను నియమించింది. ఆస్ట్రేలియాతో వన్డే సిరీస్‌ సందర్భంగా అతడి శకం మొదలుకానుంది. ఇక ప్రసుతం స్వదేశంలో వెస్టిండీస్‌తో టెస్టు సిరీస్‌తో బిజీగా ఉన్న గిల్‌ గురువారం మీడియాతో మాట్లాడాడు.నాకు ముందే ఈ విషయం గురించి తెలుసుఈ సందర్భంగా వన్డే సారథిగా రోహిత్‌ శర్మ స్థానాన్ని భర్తీ చేయడం గురించి స్పందిస్తూ.. ‘‘టెస్టు మ్యాచ్‌ మధ్యలోనే ఈ ప్రకటన వచ్చింది. అయితే, అంతకంటే ముందే నాకు ఈ విషయం గురించి తెలుసు. నాకు దక్కిన గొప్ప గౌరవం. అతిపెద్ద బాధ్యత.వన్డేల్లో టీమిండియాను ముందుకు నడిపించడానికి ఎంతో ఆతురతగా ఎదురుచూస్తున్నా. గత కొన్ని నెలలుగా నా జీవితం కొత్తగా మారిపోయింది. ఉత్సుకతను పెంచింది. భవిష్యత్తులో జట్టును గొప్పగా ముందుకు తీసుకువెళ్లేందుకు కృషి చేస్తా’’ అని గిల్‌ పేర్కొన్నాడు. మూడు ఫార్మాట్లలోనూ నాయకత్వం వహించేందుకు సిద్దంగా ఉన్నట్లు తెలిపాడు.రోహిత్‌ భాయ్‌ నుంచి నేర్చుకున్నవి ఇవేఇక రోహిత్‌ శర్మ గురించి ప్రస్తావన రాగా.. ‘‘రోహిత్‌ భాయ్‌లో ఎన్నో గొప్ప గుణాలు ఉన్నాయి. వాటిని వారసత్వంగా నేను స్వీకరిస్తా. ముఖ్యంగా ఎలాంటి పరిస్థితుల్లోనైనా ప్రశాంతంగా ఉండటం.. డ్రెసింగ్‌రూమ్‌లో ఆహ్లాదకరమైన వాతావరణం కల్పించడం ఆయనలో నాకు నచ్చే గుణాలు. ఈ రెండింటిని నేను తప్పకుండా కొనసాగిస్తా’’ అని గిల్‌ పేర్కొన్నాడు.కాగా వెస్టిండీస్‌తో తొలి టెస్టులో ఇన్నింగ్స్‌ 140 పరుగుల తేడాతో గెలిచిన టీమిండియా.. అక్టోబరు 10- 14 మధ్య జరిగే రెండో టెస్టులోనూ గెలిచి వైట్‌వాష్‌ చేయాలని పట్టుదలగా ఉంది. ఈ మ్యాచ్‌కు ఢిల్లీలోని అరుణ్‌ జైట్లీ మైదానం వేదిక. చదవండి: నిజం చెప్పడానికి సిగ్గెందుకు?: సూర్యకుమార్‌ యాదవ్‌

ఇటీవలే ఆసియా టీ20 కప్‌-2025 (Asia Cup) గెలిచిన టీమిండియా వరుస సిరీస్‌లతో బిజీ బిజీగా గడుపనుంది. అక్టోబరు నెల మొత్తం భారత క్రికెట్‌ జట్టు ఆటలో తలమునకలు కానుంది. ఇప్పటికే స్వదేశంలో వెస్టిండీస్‌తో టెస్టు సిరీస్‌ మొదలుపెట్టిన టీమిండియా.. తొలి మ్యాచ్‌ను మూడు రోజుల్లోనే ముగించి జయభేరి మెగించింది.ఇరుజట్ల మధ్య ఢిల్లీ వేదికగా రెండో టెస్టుకు అక్టోబరు 10- 14 వరకు రెండో టెస్టుకు షెడ్యూల్‌ ఖరారైంది. ఇక ఈ మ్యాచ్‌ ముగిసిన తర్వాత టీమిండియా ఆస్ట్రేలియా పర్యటన (India Tour Of Australia 2025)కు బయల్దేరనుంది. అక్టోబరు 15వ తేదీనే గిల్‌ సేన భారత్‌ నుంచి ఆసీస్‌కు పయనం కానున్నట్లు సమాచారం.టీమిండియాకు గంభీర్‌ డిన్నర్‌ పార్టీ!అయితే, అంతకంటే ముందు హెడ్‌కోచ్‌ గౌతం గంభీర్‌ (Gautam Gambhir) టీమిండియాకు తన నివాసంలో డిన్నర్‌ పార్టీ ఇవ్వనున్నట్లు తెలుస్తోంది. కాగా ఆసీస్‌ టూర్‌కు ముందు... వన్డే కెప్టెన్‌గా రోహిత్‌ శర్మపై వేటు వేసిన భారత క్రికెట్‌ నియంత్రణ మండలి (BCCI) శుబ్‌మన్‌ గిల్‌ను కొత్త సారథిగా ఎంపిక చేసింది.అయితే, రోహిత్‌ను ఓపెనర్‌గా జట్టులోకి తీసుకుంది. ఈ నేపథ్యంలో చీఫ్‌ సెలక్టర్‌ అజిత్‌ అగార్కర్‌- హెడ్‌కోచ్‌ గంభీర్‌పై విమర్శలు వస్తున్నాయి. వీరిద్దరు కలిసే దిగ్గజ కెప్టెన్‌పై వేటు వేశారంటూ పలువురు మాజీ క్రికెటర్లు రోహిత్‌కు మద్దతుగా నిలుస్తున్నారు.రోహిత్‌- కోహ్లి ఓ రోజు ముందుగానే..ఈ నేపథ్యంలో భారత జట్టు కంటే ముందే రోహిత్‌ శర్మ- విరాట్‌ కోహ్లి ఓ రోజు ముందుగానే ఆస్ట్రేలియాకు బయల్దేరనున్నట్లు వార్తలు వస్తున్నాయి. అదే సమయంలో గంభీర్‌.. గిల్‌ సేనకు ఢిల్లీలోని తన ఇంట్లో పార్టీ ఇచ్చేందుకు సిద్ధం కావడం మరోసారి సందేహాలకు తావిచ్చింది. రో-కోలకు గంభీర్‌తో సఖ్యత చెడిందనే గుసగుసలు మరోసారి గుప్పుమంటున్నాయి.కాగా అక్టోబరు 19- నవంబరు 8 వరకు టీమిండియా ఆస్ట్రేలియాలో పర్యటించనుంది. తొలుత మూడు వన్డేల సిరీస్‌.. ఆ తర్వాత ఐదు మ్యాచ్‌ల టీ20 సిరీస్‌ ఆడనుంది. ఇందుకు సంబంధించి భారత్‌- ఆస్ట్రేలియా ఇప్పటికే తమ జట్లను ప్రకటించాయి.ఆస్ట్రేలియాతో వన్డే సిరీస్‌కు టీమిండియాశుబ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లి, శ్రేయస్ అయ్యర్ (వైస్ కెప్టెన్‌), అక్షర్ పటేల్, కేఎల్ రాహుల్ (వికెట్ కీపర్), నితీశ్ కుమార్ రెడ్డి, వాషింగ్టన్ సుందర్, కుల్‌దీప్ యాదవ్, హర్షిత్ రాణా, మొహమ్మద్ సిరాజ్, అర్ష్‌దీప్‌ సింగ్, ప్రసిద్ధ్ కృష్ణ, ధ్రువ్ జురెల్ (వికెట్ కీపర్), యశస్వి జైశ్వాల్.ఆస్ట్రేలియాతో టీ20 సిరీస్‌కు టీమిండియాసూర్యకుమార్ యాదవ్ (కెప్టెన్‌), అభిషేక్ శర్మ, శుబ్‌మన్ గిల్ (వైస్ కెప్టెన్), తిలక్ వర్మ, నితీశ్ కుమార్ రెడ్డి, శివమ్ దూబె, అక్షర్ పటేల్, జితేశ్ శర్మ (వికెట్ కీపర్), వరుణ్ చక్రవర్తి, జస్‌ప్రీత్ బుమ్రా, అర్ష్‌దీప్‌ సింగ్, కుల్‌దీప్ యాదవ్, హర్షిత్ రాణా, సంజూ శాంసన్ (వికెట్ కీపర్), రింకూ సింగ్, వాషింగ్టన్ సుందర్‌. చదవండి: టీమిండియాతో సిరీస్‌లకు ఆసీస్‌ జట్ల ప్రకటన

టీమిండియా చీఫ్‌ సెలక్టర్‌ అజిత్‌ అగార్కర్‌ (Ajit Agarkar)పై ఇంగ్లండ్‌ మాజీ పేసర్‌ స్టీవ్‌ హార్మిసన్‌ (Steve Harmison) సంచలన వ్యాఖ్యలు చేశాడు. రోహిత్‌ శర్మ (Rohit Sharma)- విరాట్‌ కోహ్లి (Virat Kohli) విషయంలో అగార్కర్‌కు ఓటమి తప్పదని వ్యాఖ్యానించాడు. ఈ ఇద్దరు దిగ్గజ కెప్టెన్లు.. ముఖ్యంగా కోహ్లి.. అగ్కార్‌ను తప్పక ఓడించితీరతాడని పేర్కొన్నాడు.టీ20 ప్రపంచకప్‌-2024లో టీమిండియా చాంపియన్‌గా నిలిచిన తర్వాత రోహిత్‌- కోహ్లి అంతర్జాతీయ పొట్టి ఫార్మాట్‌కు వీడ్కోలు పలికిన విషయం తెలిసిందే. ఇటీవలే వీరిద్దరు టెస్టులకు కూడా రిటైర్మెంట్‌ ఇచ్చాడు. రో- కో ప్రస్తుతం వన్డేల్లో మాత్రమే కొనసాగుతుండగా.. బీసీసీఐ ఇటీవల అనూహ్య నిర్ణయం తీసుకుంది.శుబ్‌మన్‌ గిల్‌కు పగ్గాలుఇటీవలే ఐసీసీ చాంపియన్స్‌ ట్రోఫీ గెలిచిన రోహిత్‌ శర్మ వన్డే కెప్టెన్‌గా తప్పించి.. శుబ్‌మన్‌ గిల్‌కు పగ్గాలు అప్పగించింది. ఆస్ట్రేలియా పర్యటన సందర్భంగా గిల్‌ వన్డే సారథిగా తన ప్రయాణం మొదలుపెడతాడని వెల్లడించింది. ఇక ఈ జట్టులో రోహిత్‌, కోహ్లి ఆటగాళ్లుగా కొనసాగనున్నారు.రో- కోకు పరోక్షంగా వార్నింగ్‌ఇక రోహిత్‌పై వేటు వేయడం గురించి చీఫ్‌ సెలక్టర్‌ అజిత్‌ అగార్కర్‌ మాట్లాడుతూ.. రో- కో వన్డే వరల్డ్‌కప్‌-2027 వరకు ఆడతారని గ్యారెంటీ లేదని పేర్కొన్నాడు. అందుకే గిల్‌ను కెప్టెన్‌ చేసినట్లు వెల్లడించాడు. అంతేకాదు.. వరల్డ్‌కప్‌ నాటికి జట్టులో ఉండాలంటే దేశీ క్రికెట్‌ కూడా ఆడకతప్పదని రో- కోకు పరోక్షంగా వార్నింగ్‌ ఇచ్చాడు.అగార్కర్‌కు అవమానకర ముగింపు తప్పదుఈ విషయం గురించి స్టీవ్‌ హార్మిసన్‌ తాజాగా స్పందించాడు. ‘‘దురదృష్టవశాత్తూ.. చివరికి అగార్కర్‌ అవమానకరమైన ముగింపు తప్పదని భావిస్తున్నా. ఈ పోటీలో మాజీ కెప్టెన్లు గెలుస్తారా? లేదంటే మాజీ ఆల్‌రౌండర్‌దే గెలుపా? అంటే.. కచ్చితంగా ఆ ఇద్దరే గెలుస్తారని అనుకుంటున్నా.అలా కాకుండా కేవలం కోహ్లి- శర్మలను రెచ్చగొట్టడానికి.. వారిని ఎలాగైనా వరల్డ్‌కప్‌లో ఆడించాలనే ఉద్దేశంతో అగార్కర్‌ ఈ మాటలు అంటే అది వేరే సంగతి. నిజంగా అదొక మంచి విషయమే అవుతుంది. అలా కాకుండా వారి గురించి ఉద్దేశపూర్వకంగానే ఇలా మాట్లాడితే ఫలితం ఎలా ఉంటుందో ఇప్పుడే చెప్పలేము.కోహ్లి మాత్రం కచ్చితంగా..రోహిత్‌ కంటే కోహ్లికి వన్డేల్లో గొప్ప రికార్డు ఉంది. రోహిత్‌ కోహ్లి కంటే వయసులోనూ కాస్త పెద్దవాడు. కాబట్టి వరల్డ్‌కప్‌ నాటికి రోహిత్‌ విషయం ఎలా ఉన్నా.. కోహ్లి మాత్రం కచ్చితంగా కొనసాగుతాడనే అనుకుంటున్నా.ఇంగ్లండ్‌, ఆస్ట్రేలియా వంటి జట్లపై 350 పరుగుల లక్ష్య ఛేదనలో కోహ్లి లేకుంటే టీమిండియా ఎలా గెలవగలదు?.. బహుశా కోహ్లి మనసులో కూడా ఇదే ఉండి ఉంటుంది. ఏదేమైనా అగార్కర్‌కు ఈ విషయంలో ఓటమి తప్పదు.ఛేజింగ్‌ కింగ్‌ఒకవేళ అగార్కర్‌ నిజంగానే రో- కో గురించి అలా అన్నాడా? లేదంటే అనువాద తప్పిదాలు ఏమైనా ఉన్నాయో నాకైతే తెలియవు’’ అని స్టీవ్‌ హార్మిసన్‌ పేర్కొన్నాడు. కాగా వన్డేల్లో ఛేజింగ్‌లోనే కోహ్లి 28 శతకాలు బాది 8064 పరుగులు రాబట్టాడు. ఇందులో 41 హాఫ్‌ సెంచరీలు కూడా ఉండటం విశేషం. అత్యుత్తమ స్కోరు 183. అంతేకాదు.. 300 పరుగుల లక్ష్య ఛేదనలో కోహ్లి ఏకంగా ఏడు సెంచరీలు నమోదు చేయడం అతడు ఛేజింగ్‌ కింగ్‌ అనడానికి మరో నిదర్శనం.చదవండి: ‘మీ నాన్నతో కలిసి ఆటో తోలుకో’;.. ధోని ఆరోజు చెప్పిన మాటతో ఇలా..: సిరాజ్‌

టీమిండియా వన్డే కెప్టెన్‌ను మారుస్తూ భారత క్రికెట్‌ నియంత్రణ మండలి (BCCI) తీసుకున్న నిర్ణయం సరైందా? కాదా? అన్న చర్చ నడుస్తూనే ఉంది. రోహిత్‌ శర్మ (Rohit Sharma)ను తప్పించి శుబ్‌మన్‌ గిల్‌కు పగ్గాలు ఇవ్వడం పట్ల భిన్నాభిప్రాయాలు వ్యక్తమవుతున్నాయి.ఈ క్రమంలో భారత దిగ్గజం సునిల్‌ గావస్కర్‌ (Sunil Gavaskar)తో పాటు మదన్‌ లాల్‌ వంటి వారు సెలక్టర్ల నిర్ణయాన్ని సమర్థిస్తుండగా. హర్భజన్‌ సింగ్‌, రాబిన్‌ ఊతప్ప, మహ్మద్‌ కైఫ్‌ వంటి మాజీ క్రికెటర్లు దీనిని తొందరపాటు చర్యగా అభివర్ణిస్తున్నారు.ఈ నేపథ్యంలో సౌతాఫ్రికా లెజండరీ బ్యాటర్‌ ఏబీ డివిలియర్స్‌ కూడా భారత వన్డే జట్టు కెప్టెన్‌ మార్పు అంశంపై తాజాగా స్పందించాడు. రోహిత్‌ శర్మను తప్పించి గిల్‌ను కెప్టెన్‌ను చేయడం సరైన నిర్ణయమని పేర్కొన్నాడు. ఇందుకు గల కారణాలు వివరిస్తూ..రోహిత్‌పై వేటు సరైన నిర్ణయం‘‘రోహిత్‌ శర్మ, విరాట్‌ కోహ్లి (Virat Kohli).. వన్డే వరల్డ్‌కప్‌​-2027 వరకు ఆడతారో లేదో నమ్మకం లేదు. ఆ ఆలోచనతోనే శుబ్‌మన్‌ గిల్‌ను వన్డే కెప్టెన్‌గా చేసి ఉంటారు. అతడికి గొప్ప అవకాశం లభించింది.యువకుడు.. బ్యాటర్‌గానూ మంచి ఫామ్‌లో ఉన్నాడు. అద్భుతమైన నాయకుడిగా ఎదగగలడు. రోహిత్‌, కోహ్లి జట్టులో ఉండగానే గిల్‌ను కెప్టెన్‌ చేయడం సరైన నిర్ణయం. ఈ ఇద్దరు గొప్ప, అనుభవజ్ఞులైన కెప్టెన్ల నుంచి గిల్‌ ఎంతో నేర్చుకునే అవకాశం లభిస్తుంది.రోహిత్‌, కోహ్లి జట్టులో కొనసాగాలంటే..వారి అనుభవం తనకు ఉపయోగపడుతుంది. కెప్టెన్‌గా ఎదిగే క్రమంలో అతడికి ఇది ఎంతో ముఖ్యం. వాళ్లిద్దరు జట్టులో ఉండటం గిల్‌కు సానుకూలంగా ఉంటుంది. ఏదేమైనా ఒకవేళ రోహిత్‌, కోహ్లి 2027 వరల్డ్‌కప్‌ వరకు కొనసాగాలనుకుంటే.. తప్పకుండా పరుగులు రాబట్టాల్సి ఉంటుంది.సెలక్టర్లకు బ్యాట్‌ ద్వారానే సందేశం ఇవ్వాల్సి ఉంటుంది. ఎందుకంటే ప్రస్తుతం టీమిండియాలో చోటు కోసం తీవ్రమైన పోటీ ఉంది. ఈ పోటీని దాటి ముందుకు వెళ్లాలంటే కచ్చితంగా పరుగులు చేయాల్సిందే. రోహిత్‌, కోహ్లి వరల్డ్‌కప్‌ వరకు జట్టులో ఉంటే.. టీమిండియాకు అంతకంటే గొప్ప ఆస్తి మరొకటి ఉండదు’’ అని డివిలియర్స్‌ పేర్కొన్నాడు.ఆసీస్‌తో సిరీస్‌తో రీఎంట్రీకాగా ఇప్పటికే అంతర్జాతీయ టీ20లకు, టెస్టులకు రిటైర్మెంట్‌ ప్రకటించిన రోహిత్‌, కోహ్లి.. వన్డేల్లో మాత్రం కొనసాగుతున్నారు. చివరగా ఇద్దరూ ఐసీసీ చాంపియన్స్‌ ట్రోఫీ-2025 సందర్భంగా టీమిండియా తరఫున బరిలోకి దిగారు. ఇక ఆస్ట్రేలియా పర్యటనలో భాగంగా వన్డే సిరీస్‌తో రో- కో పునరాగమనం చేయనున్నారు. ఇదిలా ఉంటే.. ఇప్పటికే టీమిండియా టెస్టు కెప్టెన్‌గా గిల్‌ జట్టును ముందుకు నడిపిస్తుండగా.. టీ20 టీమ్‌కు సూర్యకుమార్‌ యాదవ్‌ సారథిగా ఉన్నాడు.చదవండి: ‘మీ నాన్నతో కలిసి ఆటో తోలుకో’;.. ధోని ఆరోజు చెప్పిన మాటతో ఇలా..: సిరాజ్‌

టీమిండియా కొత్త వ‌న్డే కెప్టెన్‌గా శుభ్‌మన్‌ గిల్‌ను బీసీసీఐ ఎంపిక చేసింది. రోహిత్ శ‌ర్మ స్ధానాన్ని గిల్ భ‌ర్తీ చేయ‌నున్నాడు. ఆసీస్ టూర్ నుంచి వ‌న్డే సార‌థిగా గిల్ త‌న ప్ర‌యాణాన్ని ప్రారంభించ‌నున్నాడు. భార‌త వ‌న్డే కెప్టెన్‌గా ఎంపికైన 28వ ఆట‌గాడిగా గిల్ నిలిచాడు. ఈ నేప‌థ్యంలో ఇప్ప‌టివ‌ర‌కు భార‌త జ‌ట్టు వ‌న్డే కెప్టెన్‌గా ప‌నిచేసిన ప్లేయ‌ర్ల‌పై ఓ లుక్కేద్దాం.అజిత్ వాడేకర్: వన్డేల్లో భారత్‌కు కెప్టెన్‌గా వ్యవహరించిన తొలి ఆటగాడు. అత‌డి నాయ‌క‌త్వంలో 1974లో భార‌త్ రెండు వ‌న్డేలు ఆడింది.శ్రీనివాసరాఘవన్ వెంకటరాఘవన్: శ్రీనివాసరాఘవన్ ఏడు వన్డేల్లో టీమిండియాకు నాయకత్వం వహించాడు.బిషన్ సింగ్ బేడి: లెజెండరీ స్పిన్నర్ బిషన్ సింగ్ బేడి నాలుగు వన్డే మ్యాచ్‌లలో భారత్‌ను నడిపించాడు.సునీల్ గవాస్కర్: 1980 నుండి 1985 వరకు సునీల్ గవాస్కర్ నాయకత్వంలో భార‌త్‌ 37 వన్డే మ్యాచ్‌లు ఆడింది.గుండప్ప విశ్వనాథ్: 1981లో గుండప్ప విశ్వనాథ్ ఒక వన్డే మ్యాచ్‌కు భారత జట్టుకు నాయకత్వం వహించాడు.కపిల్ దేవ్: కపిల్ దేవ్ నాయకత్వంలో భార‌త్‌ 74 వన్డేలు ఆడింది. అత‌డి కెప్టెన్సీలోనే 1983 ప్రపంచ కప్‌ను టీమిండియా గెలుచుకుంది.సయ్యద్ కిర్మాణి: 1983లో సయ్యద్ కిర్మాణి ఒక వ‌న్డే మ్యాచ్‌లో భారత జట్టుకు నాయకత్వం వహించాడు.మోహిందర్ అమర్‌నాథ్: 1984లో మోహిందర్ అమర్‌నాథ్ ఒక వన్డే మ్యాచ్‌లో టీమిండియా కెప్టెన్‌గా వ్య‌వ‌హ‌రించాడు.రవిశాస్త్రి:1986 నుండి 1991 వరకు 11 వన్డే మ్యాచ్‌లకు రవిశాస్త్రి టీమిండియా కెప్టెన్‌గా పనిచేశాడు.దిలీప్ వెంగ్‌సర్కార్: 1987 నుండి 1998 వరకు దిలీప్ వెంగ్‌సర్కార్ నాయకత్వంలో భారత్ 18 వన్డేలు ఆడింది.కృష్ణమాచారి శ్రీకాంత్: 1989లో కృష్ణమాచారి శ్రీకాంత్ భారత జట్టు కెప్టెన్‌గా వ్య‌వ‌హ‌రించాడు.అజారుద్దీన్‌: మహ్మద్ అజారుద్దీన్ కెప్టెన్సీలో భారత్ 174 వన్డే మ్యాచ్‌లు ఆడింది.సచిన్ టెండూల్కర్: లెజెండరీ బ్యాటర్ సచిన్ టెండూల్కర్ 1996 నుండి 1999 వరకు 73 వన్డేల్లో భారత జట్టుకు నాయకత్వం వహించాడు. కానీ అతడి కెప్టెన్సీలో 23 మ్యాచ్‌ల్లో మాత్రమే భారత్‌ విజయం సాధించింది. అజయ్ జడేజా: అజయ్ జడేజా భారత కెప్టెన్‌గా 13 వన్డేల్లో వ్య‌వ‌హ‌రించాడు. కెప్టెన్‌గా 8 విజయాల‌ను అందుకున్నాడు.సౌరవ్ గంగూలీ: 1999 నుండి 2005 వరకు సౌరవ్ గంగూలీ నాయకత్వంలో భారత్ 146 వన్డేలు ఆడి 76 గెలిచింది.రాహుల్ ద్రవిడ్: 2000 నుండి 2007 వరకు 79 వన్డేల్లో భారత్‌కు నాయకత్వం వహించిన ద్రవిడ్ 42 మ్యాచ్‌లను గెలిపించాడు.అనిల్ కుంబ్లే: 2002లో కుంబ్లే భారత కెప్టెన్‌గా ఒకే ఒక వ‌న్డే మ్యాచ్‌లో వ్య‌వ‌హ‌రించాడు.వీరేంద్ర సెహ్వాగ్: వీరేంద్ర సెహ్వాగ్ నాయకత్వంలో భారత్ 12 వన్డేలు ఆడి 7 విజయాలు సాధించింది.ఎంఎస్ ధోని: వ‌న్డేల్లో అత్యంత విజ‌య‌వంత‌మైన భార‌త కెప్టెన్ల‌లో ధోని ఒక‌డిగా నిలిచాడు. 2007 నుంచి 2018 వరకు అత‌డి సార‌థ్యంలో 200 మ్యాచ్‌లు ఆడిన భార‌త్‌.. 110 మ్యాచ్‌ల‌లో విజ‌యం సాధించింది. అత‌డి నాయ‌కత్వంలో భార‌త్ ఆసియాక‌ప్‌, వన్డే ప్రపం‍చకప్‌, ఛాంపియన్స్ ట్రోఫీని సొంతం చేసుకుంది.సురేష్ రైనా: 2010 నుండి 2014 వరకు 12 వన్డేల్లో రైనా భారత్‌కు నాయకత్వం వహించాడు.గౌతమ్ గంభీర్: ప్రస్తుత హెడ్‌కోచ్‌ భారత కెప్టెన్‌గా ఆరు వన్డేల్లో వ్యవహవరించాడు. మొత్తం అన్ని మ్యాచ్‌లలోనూ భారత్ విజయం సాధించింది.విరాట్ కోహ్లీ: 2013 నుండి 2021 వరకు భారత కెప్టెన్‌గా విరాట్ కోహ్లి వ్యవహరించాడు. అతడి సారథ్యంలో 95 వన్డేలు ఆడిన భారత్‌ 65 విజయాలు సాధించింది.అజింక్య రహానే: 2015లో, అజింక్య రహానే మూడు వన్డే మ్యాచ్‌ల్లో భారత్‌కు నాయకత్వం వహించాడు.రోహిత్ శర్మ: రోహిత్ శర్మ 2017 నుండి 2025 వరకు 56 వన్డేల్లో టీమిండియాకు నాయకత్వం వహించాడు. 42 మ్యాచ్‌లలో భారత్ గెలుపొందింది. అతడి కెప్టెన్సీలోనే భారత్ 2025 ఐసిసి ఛాంపియన్స్ ట్రోఫీని గెలుచుకుంది.శిఖర్ ధావన్: మాజీ ఓపెనింగ్ బ్యాటర్‌ శిఖర్ ధావన్ కూడా 12 మ్యాచ్‌లలో భారత జట్టు​ కెప్టెన్‌గా వ్యవహరించాడు.కెఎల్ రాహుల్: స్టార్ బ్యాటర్ కేఎల్‌ రాహుల్ ఇప్పటివరకు 12 వన్డేల్లో భారత్‌కు నాయకత్వం వహించాడు.హార్దిక్ పాండ్యా: రోహిత్ శర్మ గైర్హజరీలో హార్దిక్ పాండ్యా మూడు వన్డేల్లో భారత జట్టుకు నాయకత్వం వహించాడు.శుభ్‌మన్ గిల్: అక్టోబర్ 19న పెర్త్‌లో ఆస్ట్రేలియాతో జరిగే మ్యాచ్‌తో టీమిండియా వన్డే కెప్టెన్‌గా గిల్ శకం మొదలు కానుంది.

భారత క్రికెట్‌లో గత కొన్నాళ్లుగా కీలక పరిణామాలు చోటుచేసుకుంటున్నాయి. టీమిండియా జూన్‌లో ఇంగ్లండ్‌ పర్యటనకు వెళ్లే ముందే కెప్టెన్‌ రోహిత్‌ శర్మ (Rohit Sharma) టెస్టులకు వీడ్కోలు పలకగా.. దిగ్గజ బ్యాటర్‌ విరాట్‌ కోహ్లి (Virat Kohli)కూడా సంప్రదాయ క్రికెట్‌కు రిటైర్మెంట్‌ ప్రకటించాడు.రో- కో బైబైఅంతకంటే ముందే.. అంటే 2024లో టీమిండియా టీ20 ప్రపంచకప్‌ టైటిల్‌ సాధించిన తర్వాత రోహిత్‌- కోహ్లి అంతర్జాతీయ పొట్టి ఫార్మాట్‌కు గుడ్‌బై చెప్పిన సంగతి తెలిసిందే. ప్రస్తుతం వీరిద్దరు వన్డేల్లో మాత్రమే కొనసాగుతండగా.. ఆస్ట్రేలియా టూర్‌కు ముందు బీసీసీఐ రోహిత్‌పై వేటు వేసింది. వన్డే కెప్టెన్సీ నుంచి అతడిని తప్పించింది.ఇప్పటికే టెస్టు జట్టు సారథిగా వ్యవహరిస్తున్న యువ ఆటగాడు శుబ్‌మన్‌ గిల్‌ (Shubman Gill)ను.. వన్డేలకూ కెప్టెన్‌గా నియమించింది. ఈ విషయం గురించి టీమిండియా చీఫ్‌ సెలక్టర్‌ అజిత్‌ అగార్కర్‌ మాట్లాడుతూ.. మూడు ఫార్మాట్లకు వేర్వేరు కెప్టెన్లు ఉండటం సరికాదని పేర్కొన్నాడు.గిల్‌కే మేనేజ్‌మెంట్‌ మద్దతువన్డే వరల్డ్‌కప్‌-2027 టోర్నీకి పూర్తిస్థాయిలో జట్టును సిద్ధం చేసే క్రమంలో గిల్‌కు సారథ్య బాధ్యతలు అప్పగించినట్లు అగార్కర్‌ తెలిపాడు. అంతేకాదు.. రోహిత్‌- కోహ్లి వన్డే ప్రపంచకప్‌ టోర్నీ ఆడతామనే హామీ ఇవ్వలేదంటూ అభిమానుల హృదయాలు ముక్కలు చేశాడు.ఇదిలా ఉంటే.. టెస్టు, వన్డే జట్లకు కెప్టెన్‌ అయిన గిల్‌.. త్వరలోనే టీ20 కెప్టెన్‌గానూ స్వీకరించబోతున్నట్లు అగార్కర్‌ మాటలను బట్టి అర్థమవుతోంది. ప్రస్తుతం టీమిండియా టీ20 కెప్టెన్‌గా ఉన్న సూర్యకుమార్‌ యాదవ్‌ టీ20 ప్రపంచకప్‌-2026 తర్వాత తప్పుకొంటే.. గిల్‌ అతడి స్థానాన్ని భర్తీ చేస్తాడనే అభిప్రాయాలు వ్యక్తమవుతున్నాయి.టెస్టులలో ఒకే.. కానీ వన్డేలలో..ఇలాంటి తరుణంలో టీమిండియా మాజీ క్రికెటర్‌ రాబిన్‌ ఊతప్ప మాత్రం భిన్నంగా స్పందించాడు. తన యూట్యూబ్‌ చానెల్‌ వేదికగా మాట్లాడుతూ.. ‘‘టెస్టు ఫార్మాట్‌కు గిల్‌ కెప్టెన్‌ కావడం మంచి పరిణామం. అందుకు తాను అర్హుడినని ఇప్పటికే తను నిరూపించుకుంటున్నాడు.అయితే, వన్డేల్లో మాత్రం.. గిల్‌ కంటే గొప్ప సామర్థ్యమున్న ఆటగాడు టీమిండియాకు దొరికేవాడు. బ్యాటర్‌గా అతడి గణాంకాలు ఫర్వాలేదు. కానీ ఇప్పటికిప్పుడు కెప్టెన్‌ అంటేనే కాస్త చిత్రంగా ఉంది.శ్రేయస్‌ అయ్యర్‌ వైపు చూపుటీ20 ఫార్మాట్లో మాత్రం ఇప్పటికీ శుబ్‌మన్‌ గిల్‌ తన స్థానాన్ని సుస్థిరం చేసుకునే ప్రయత్నాల్లోనే ఉన్నాడు. నాకు తెలిసి టీ20 భవిష్య కెప్టెన్‌గా యాజమాన్యం శ్రేయస్‌ అయ్యర్‌ వైపు దృష్టి సారించే అవకాశం ఉందనిపిస్తోంది’’ అని భారత మాజీ వికెట్‌ కీపర్ బ్యాటర్‌ రాబిన్‌ ఊతప్ప అభిప్రాయపడ్డాడు. కాగా ఫిట్‌నెస్‌ సమస్యల కారణంగా ఇటీవల టెస్టు ఫార్మాట్‌ నుంచి విరామం తీసుకున్న శ్రేయస్‌ అయ్యర్‌.. వన్డేల్లో మాత్రం సత్తా చాటుతున్నాడు. ఇటీవల ఐసీసీ చాంపియన్స్‌ ట్రోఫీ-2025లో టీమిండియా తరఫున టాప్‌ రన్‌ స్కోరర్‌గా నిలిచాడు.జట్టులోనే స్థానం లేదుమరోవైపు.. ఐపీఎల్‌లో గతేడాది కెప్టెన్‌గా కోల్‌కతా నైట్‌రైడర్స్‌ను చాంపియన్‌గా నిలిపిన శ్రేయస్‌ అయ్యర్‌.. ఈ ఏడాది పంజాబ్‌ కింగ్స్‌ సారథిగా జట్టును ఫైనల్‌కు చేర్చాడు. బ్యాటర్‌గానూ పొట్టి ఫార్మాట్లో పరుగుల వరద పారించాడు. అయినప్పటికీ ఆసియా టీ20 కప్‌-2025 జట్టుకు సెలక్టర్లు అతడిని ఎంపిక చేయలేదు. ఆటగాడిగానే శ్రేయస్‌కు స్థానమివ్వని యాజమాన్యం.. సూర్యకుమార్‌ యాదవ్‌ తర్వాత అతడిని ఏకంగా కెప్టెన్‌ను చేస్తుందంటూ ఊతప్ప అంచనా వేయడం విశేషం. కాగా ఆసీస్‌తో వన్డేలకు గిల్‌కు డిప్యూటీగా.. వైస్‌ కెప్టెన్‌గా అయ్యర్‌ ఎంపిక కావడం గమనార్హం.చదవండి: ‘మీ నాన్నతో కలిసి ఆటో తోలుకో’;.. ధోని ఆరోజు చెప్పిన మాటతో ఇలా..: సిరాజ్‌

టీమిండియా వన్డే కెప్టెన్‌ మార్పు విషయంలో హెడ్‌కోచ్‌ గౌతం గంభీర్‌ (Gautam Gambhir)పై విమర్శలు వెల్లువెత్తుతున్నాయి. ఉద్దేశపూర్వకంగానే రోహిత్‌ శర్మ (Rohit Sharma)ను తప్పించాడంటూ హిట్‌మ్యాన్‌ అభిమానులు గౌతీని సోషల్‌ మీడియా వేదికగా ట్రోల్‌ చేస్తున్నారు. గౌతీతో పాటు చీఫ్‌ సెలక్టర్‌ అజిత్‌ అగార్క (Ajit Agarkar)ర్‌పై కూడా రోహిత్‌ ఫ్యాన్స్‌ ఆగ్రహం వ్యక్తం చేస్తూ పోస్టులు పెడుతున్నారు.అది సిగ్గుచేటుఈ నేపథ్యంలో గౌతం గంభీర్‌ రోహిత్‌ శర్మను ఉద్దేశించి గతంలో చేసిన వ్యాఖ్యలకు సంబంధించిన వీడియో మరోసారి తెరమీదకు వచ్చింది. ఇందులో మాట్లాడుతూ.. ‘‘ఒకవేళ రోహిత్‌ శర్మ టీమిండియా కెప్టెన్‌ కాకపోతే అది జట్టు చేసుకున్న దురదృష్టమే కానీ... రోహిత్‌కు కాదు.పరిమిత ఓవర్ల క్రికెట్‌ లేదంటే టీ20 జట్టుకు అతడు కెప్టెన్‌ కాలేదంటే.. అది సిగ్గుచేటు. ఇంతకంటే రోహిత్‌ శర్మ ఇంకేం చేస్తే కెప్టెన్సీకి అర్హుడు అవుతాడు?’’ అంటూ గంభీర్‌ టీమిండియా యాజమాన్యం తీరును విమర్శిస్తూ రోహిత్‌ శర్మకు మద్దతు తెలిపాడు. పరోక్షంగా విరాట్‌ కోహ్లిని టార్గెట్‌ చేశాడు.నాడు కోహ్లి స్థానంలో రోహిత్‌ శర్మకాగా టీ20 ప్రపంచకప్‌-2021లో కనీసం సెమీస్‌ కూడా చేరకుండానే టీమిండియా ఇంటిబాట పట్టడంతో అప్పటి కెప్టెన్‌ విరాట్‌ కోహ్లి టీ20 కెప్టెన్సీ నుంచి వైదొలిగాడు. ఆ తర్వాత వన్డే సారథ్య బాధ్యతల నుంచి బీసీసీఐ కోహ్లిని తప్పించగా.. సౌతాఫ్రికా పర్యటన మధ్యలోనే టెస్టు కెప్టెన్సీ నుంచి కోహ్లి స్వయంగా తప్పుకొన్నాడు.ఈ క్రమంలో 2021-22 మధ్య కాలంలో కోహ్లి స్థానంలో రోహిత్‌ శర్మను మూడు ఫార్మాట్లలో కెప్టెన్‌ను చేసింది బీసీసీఐ. అప్పటి నుంచి రోహిత్‌ సారథ్యంలో టీ20 ద్వైపాక్షిక సిరీస్‌లలో సత్తా చాటిన టీమిండియా గతేడాది వరల్డ్‌కప్‌ గెలిచింది.అంతకుముందు వన్డే వరల్డ్‌కప్‌-2023లో అజేయంగా ఫైనల్‌ చేరింది. ఇటీవల ఐసీసీ చాంపియన్స్‌ట్రోఫీ-2025 గెలిచింది. అయితే, ఇప్పటికే అంతర్జాతీయ టీ20లకు, టెస్టులకు రిటైర్మెంట్‌ ప్రకటించిన రోహిత్‌ వన్డేల్లో కొనసాగుతానని చెప్పగా.. బీసీసీఐ అనూహ్యంగా అతడిని కెప్టెన్సీ నుంచి తప్పించింది.ఇపుడు రోహిత్‌ ప్లేస్‌లో గిల్‌రోహిత్‌ స్థానంలో టెస్టు సారథిగా వచ్చిన యువ ఆటగాడు శుబ్‌మన్‌ గిల్‌కు వన్డే పగ్గాలనూ అప్పగించింది. ఇందులో హెడ్‌కోచ్‌ గంభీర్‌ పాత్ర కీలకం అని తెలుస్తోంది. గంభీర్‌తో పాటు చీఫ్‌ సెలక్టర్‌ అజిత్‌ అగార్కర్‌ కలిసి 38 ఏళ్ల రోహిత్‌ను కెప్టెన్‌గా తప్పించాలనే నిర్ణయం తీసుకున్నట్లు బీసీసీఐ వర్గాలు జాతీయ మీడియాతో పేర్కొనడం గమనార్హం.ఈ నేపథ్యంలో గంభీర్‌ గతంలో రోహిత్‌ శర్మపై ప్రశంసలు కురిపిస్తున్న వీడియోను షేర్‌ చేస్తూ.. ‘‘అప్పుడలా.. ఇప్పుడిలా.. నిజంగానే ఇది సిగ్గుచేటు’’ అంటూ ట్రోల్‌ చేస్తున్నారు. కాగా వన్డే వరల్డ్‌కప్‌-2027 నాటికి గిల్‌ చుట్టు జట్టును నిర్మించే క్రమంలో అతడిని కెప్టెన్‌ను చేసినట్లు అగార్కర్‌ ఇప్పటికే స్పష్టం చేశాడు.చదవండి: ‘మీ నాన్నతో కలిసి ఆటో తోలుకో’;.. ధోని ఆరోజు చెప్పిన మాటతో ఇలా..: సిరాజ్‌Never seen anyone more hypocritical and two-faced than Gautam Gambhir. The same guy who once said, “If Rohit Sharma doesn’t become India’s captain, it’s India’s loss, not Rohit’s,” now doesn’t want him as captain after becoming coach himself. pic.twitter.com/pqRzYKDR2a— Kusha Sharma  (@Kushacritic) October 4, 2025

‘వన్డే కెప్టెన్‌గా రోహిత్‌ శర్మను అకస్మాత్తుగా ఎందుకు తొలగించారు?’.. భారత క్రికెట్‌ వర్గాల్లో ప్రస్తుతం ఇదే ప్రధాన చర్చ. టీమిండియాకు రెండు ఐసీసీ టైటిళ్లు అందించిన హిట్‌మ్యాన్‌ పట్ల భారత క్రికెట్‌ నియంత్రణ మండలి (BCCI) మండలి తీరుపై ఓవైపు విమర్శలు వస్తుండగా.. మరోవైపు.. సునిల్‌ గావస్కర్‌ (Sunil Gavaskar) వంటి దిగ్గజాలు మాత్రం బోర్డు నిర్ణయాన్ని సమర్థిస్తున్నారు.రోహిత్‌ కెప్టెన్‌గా ఉంటే ఆ ప్రమాదం!ఈ నేపథ్యంలో టీమిండియా వన్డే కెప్టెన్సీ మార్పునకు సంబంధించి బీసీసీఐ సన్నిహిత వర్గాలు కీలక విషయాలు వెల్లడించాయి. టైమ్స్‌ ఆఫ్‌ ఇండియా అందించిన వివరాల మేరకు.. ‘‘నాయకుడిగా డ్రెసింగ్‌రూమ్‌లో రోహిత్‌ శర్మ (Rohit Sharma) వ్యవహరించే తీరు భిన్నంగా ఉంటుంది. సారథిగా తనకంటూ ప్రత్యేక శైలి ఉంది.అయితే, తను ఇప్పుడు కేవలం వన్డేల్లో మాత్రమే కొనసాగుతున్నాడు. మరి అలాంటపుడు.. కేవలం ఒక్క ఫార్మాట్‌కు తను కెప్టెన్‌గా ఉంటే టీమ్‌ కల్చర్‌ దెబ్బతినే అవకాశం ఉంటుంది. ప్రధాన కోచ్‌గా బాధ్యతలు చేపట్టిన మొదటి ఆరు నెలలు గౌతం గంభీర్‌ టెస్టు, వన్డే జట్ల విషయంలో వెనక ఉండే నడిపించాడు.అంతా గంభీర్‌ ఆధీనంలోనే..అయితే, స్వదేశంలో న్యూజిలాండ్‌ చేతిలో ఘోర పరాభవం (టెస్టుల్లో 3-0తో వైట్‌వాష్‌), ఆస్ట్రేలియా పర్యటనలో టెస్టు సిరీస్‌లో ఓటమి తర్వాత గంభీర్‌ అన్ని విషయాలను పూర్తిగా తన ఆధీనంలోకి తీసుకున్నాడు.ప్రస్తుత నిర్ణయం (కెప్టెన్సీ నుంచి రోహిత్‌ను తప్పించడం) కూడా గంభీర్‌, చీఫ్‌ సెలక్టర్‌ అజిత్‌ అగార్కర్‌ కలిసికట్టుగా తీసుకున్నారు. రోహిత్‌, విరాట్‌ కోహ్లిల వయస్సు ఇప్పటికే 35 ఏళ్లు దాటిపోయింది. కెరీర్‌లో వారు చివరి అంకానికి చేరుకుంటున్నారు. ఇలాంటి దశలో అకస్మాత్తుగా రోహిత్‌, కోహ్లిలు ఫామ్‌ కోల్పోతే నాయకత్వ బృందంలో గందరగోళం తలెత్తే పరిస్థితి ఉంటుంది.గంభీర్‌ నిర్ణయాల వల్లే మెరుగైన ఫలితాలునిజానికి ఇంగ్లండ్‌ పర్యటనకు ముందే వీరిద్దరు టెస్టులకు రిటైర్మెంట్‌ ప్రకటించడం గురించి కూడా ఇక్కడ ప్రస్తావించాలి. ఏదేమైనా ఐసీసీ చాంపియన్స్‌ ట్రోఫీతో పాటు ఇంగ్లండ్‌లో రెండు టెస్టుల్లోనూ జస్‌ప్రీత్‌ బుమ్రా లేకుండానే టీమిండియా గెలిచిన తీరు కూడా మనం గుర్తుపెట్టుకోవాలి’’ అని సదరు వర్గాలు పేర్కొన్నాయి.కాగా టీ20 ప్రపంచకప్‌-2024లో టీమిండియా చాంపియన్‌గా నిలిచిన తర్వాత.. రోహిత్‌తో పాటు కోహ్లి కూడా అంతర్జాతీయ టీ20 ఫార్మాట్‌కు వీడ్కోలు పలికాడు. ఇక ఇటీవల ఇంగ్లండ్‌తో టెస్టులకు ముందు సంప్రదాయ క్రికెట్‌కూ ఇద్దరూ రిటైర్మెంట్‌ ప్రకటించారు. అయితే, ఈ దిగ్గజ బ్యాటర్లు వన్డేల్లో మాత్రం మరికొన్నాళ్లు కొనసాగుతామని స్పష్టం చేశారు.త్వరలోనే టీ20 జట్టు పగ్గాలు కూడా అతడికేకానీ అనూహ్య రీతిలో రోహిత్‌ శర్మను కెప్టెన్సీ నుంచి తప్పించిన బీసీసీఐ.. అతడి స్థానంలో శుబ్‌మన్‌ గిల్‌ను వన్డేలకూ సారథిని చేసింది. వన్డే వరల్డ్‌కప్‌-2027 టోర్నీని దృష్టిలో పెట్టుకుని ఈ నిర్ణయం తీసుకున్నట్లు చీఫ్‌ సెలక్టర్‌ అగార్కర్‌ వెల్లడించాడు. అంతేకాదు.. రోహిత్‌- కోహ్లి 2027 ప్రపంచకప్‌ వరకు ఆడతామని తమకు హామీ ఇవ్వలేదని పేర్కొన్నాడు.ఇదిలా ఉంటే.. ఇంగ్లండ్‌ టూర్‌ సందర్భంగా గిల్‌ టెస్టు జట్టు కెప్టెన్‌గా బాధ్యతలు చేపట్టిన విషయం తెలిసిందే. ఇటీవలే టీ20 జట్టులోనూ సూర్యకుమార్‌ యాదవ్‌కు డిప్యూటీగా గిల్‌ ఆసియా కప్‌-2025లో పాల్గొన్నాడు. త్వరలోనే టీ20లకు కూడా అతడే కెప్టెన్‌ అయ్యే అవకాశం లేకపోలేదు. ఏదేమైనా రోహిత్‌ను కెప్టెన్సీ నుంచి తప్పించడంలో గంభీర్‌ కీలక పాత్ర పోషించినట్లు బీసీసీఐ వర్గాల మాటల ద్వారా స్పష్టం అవుతోంది.చదవండి: 50 ఓవర్ల క్రికెట్‌లో ట్రిపుల్‌ సెంచరీ.. ఆసీస్‌ బ్యాటర్‌ విధ్వంసం

టీమిండియా వ‌న్డే కెప్టెన్‌గా రోహిత్ శ‌ర్మ స్ధానంలో శుబ్‌మ‌న్ గిల్‌ను బీసీసీఐ సెల‌క్ష‌న్ క‌మిటీ నియ‌మించిన సంగ‌తి తెలిసిందే. ఆస్ట్రేలియా టూర్‌కు జ‌ట్టు ఎంపిక సంద‌ర్భంగా ఈ అనుహ్య మార్పు చోటు చేసుకుంది. 2027 ప్రపంచ కప్ కోసం దీర్ఘకాలిక ప్రణాళికలో భాగంగా ఈ నిర్ణ‌యం తీసుకున్న‌ట్లు బీసీసీఐ చీఫ్ సెల‌క్ట‌ర్ అజిత్ అగార్క‌క‌ర్ పేర్కొన్నాడు. కాగా హిట్‌మ్యాన్ కెప్టెన్‌గా అద్బుత‌మైన ట్రాక్ రికార్డు క‌లిగి ఉన్నాడు.ఎంఎస్ ధోని తర్వాత మూడు ఐసీసీ వైట్ బాల్ ఈవెంట్స్‌లో భార‌త జ‌ట్టును ఫైన‌ల్‌కు చేర్చిన‌ ఏకైక కెప్టెన్‌గా రోహిత్ నిలిచాడు. భార‌త్‌కు టీ20 ప్ర‌పంచ‌క‌ప్‌, ఛాంపియన్స్ ట్రోఫీ టైటిల్స్‌ను రోహిత్ అందించాడు. వ‌న్డే ప్ర‌పంచ‌క‌ప్‌-2023లో ర‌న్న‌ర‌ప్‌గా టీమిండియాను నిలిపాడు.అయిన‌ప్ప‌టికి రోహిత్‌ను స‌డ‌న్‌గా కెప్టెన్సీ నుంచి త‌ప్పించ‌డాన్ని చాలా మంది మాజీలు త‌ప్పుబ‌డుతున్నారు. ఈ జాబితాలోకి భార‌త మాజీ వికెట్ కీప‌ర్ బ్యాట‌ర్ స‌బా కరీం చేరాడు. రోహిత్‌ను కెప్టెన్సీ త‌ప్పించ‌డంతో అత‌డి వ‌న్డే భ‌విష్య‌త్తు ప్ర‌శ్నార్ధ‌కంగా మారింద‌ని క‌రీం అభిప్రాయ‌ప‌డ్డాడు."రోహిత్‌ను కెప్టెన్సీ నుంచి త‌ప్పిస్తూ సెల‌క్ట‌ర్ల తీసుకున్న నిర్ణ‌యం నన్ను షాక్‌కు గురిచేసింది. ప్ర‌స్తుతం అస్స‌లు కెప్టెన్సీ మార్పు అవ‌స‌ర‌మే లేదు. భార‌త్‌కు రోహిత్ వ‌రుస‌గా రెండు ట్రోఫీల‌ను అందించాడు. వ‌ర‌ల్డ్‌కప్ విన్నింగ్ కెప్టెన్‌కు మీరు ఇచ్చే గౌర‌వ‌మిదేనా? 2027 ప్రపంచకప్‌కు ఇంకా సమయం ఉంది. తొందరపడాల్సిన అవసరం ఏమి వచ్చింది. అతడు ఇప్పటికే ఒక ఫార్మాట్‌లో మాత్రమే కొనసాగుతున్నాడు. రోహిత్ శర్మ ఒక నాయకుడిగా అద్బుతమైన జట్టును తాయారు చేశాడు. దాని ఫలితంగానే టీ20 ప్రపంచకప్‌-2024, ఛాంపియన్స్ ట్రోఫీ-2025ని భారత్ సొంతం చేసుకుంది.అంతేకాకుండా ప్రస్తుతం టీ20 ఫార్మాట్‌లలో దుమ్ములేపుతున్న భారత జట్టు వెనక కూడా రోహిత్ ఉన్నాడు. అందులో చాలా మంది ఆటగాళ్లు రోహిత్ సారథ్యంలోనే ఆడినవారే. రోహిత్ ఐదు ఆరు నెలలు ఆడకపోతే తన కెప్టెన్సీ, బ్యాటింగ్‌ను మర్చిపోయినట్లు కాదు.అతడికి వన్డే ఫార్మాట్‌లో ఎలా ఆడాలో తెలుసు, జట్టును విజయ పథంలో ఎలా నడిపించాలో తెలుసు. జట్టులో రోహిత్ రోల్‌పై సెలక్టర్లు క్లారిటీ వుందో లేదో నాకు ఆర్ధం కావడం లేదు. కెప్టెన్సీ నుంచి తప్పించారంటే రోహిత్ వన్డే ఫ్యూచర్‌పై మీకు స్పష్టత లేదు. 2027 ప్రపంచకప్‌లో హిట్ మ్యాన్ ఆడాడని మీరు అనుకుంటుంటే మరి జట్టులో ఎందుకు ఉంచారు. ప్రపంచకప్ ప్రణాళికలలో అతడు లేకపోతే జట్టులో ఎందుకు తీసేయండి? ఒక‌వేళ అత‌డు మీ ప్లాన్స్‌లో ఉంటే కెప్టెన్సీ నుంచి తొలిగించాల్సిన అవ‌స‌రం ఏముంది? ఏదేమైనప్పటికి నా వరకు అయితే సెలక్టర్లు తీసుకున్న నిర్ణయం సరైనది కాదు" తన యూట్యూబ్‌ ఛానల్‌లో పేర్కొన్నాడు.

టీమిండియా వన్డే జట్టు కెప్టెన్‌గా రోహిత్‌ శర్మ (Rohit Sharma)ను తప్పించడం పట్ల భారత మాజీ బ్యాటర్‌ మహ్మద్‌ కైఫ్‌ స్పందించాడు. పదహారేళ్లుగా జట్టుకు సేవలు అందిస్తున్న దిగ్గజ ఆటగాడికి.. కేవలం ఇంకొక్క ఏడాదైనా సమయం ఇచ్చి ఉంటే బాగుండేదని పేర్కొన్నాడు. ఇప్పటికిప్పుడు కెప్టెన్‌ను మార్చాల్సిన అవసరం ఏముందని.. రోహిత్‌ పట్ల భారత క్రికెట్‌ నియంత్రణ మండలి (BCCI) తీరు సరికాదని మండిపడ్డాడు.ఆస్ట్రేలియాతో వన్డే సిరీస్‌కు ముందే బీసీసీఐ వన్డే కెప్టెన్‌ను మార్చిన విషయం తెలిసిందే. ఇటీవలే ఐసీసీ చాంపియన్స్‌ ట్రోఫీ-2025లో భారత్‌ను గెలిపించిన రోహిత్‌ను తప్పించి.. టెస్టు సారథి శుబ్‌మన్‌ గిల్‌ (Shubman Gill)కే వన్డే పగ్గాలూ అప్పగించింది. ఈ నేపథ్యంలో కైఫ్‌ సోషల్‌ మీడియా వేదికగా స్పందించాడు.గొప్పతనాన్ని చాటుకున్నాడు‘‘టీమిండియా కోసం రోహిత్‌ శర్మ తన జీవితంలో ఇప్పటికే పదహారేళ్లు ఇచ్చాడు. అతడి కోసం ఒక్కటంటే ఇంకొక్క ఏడాదే కెప్టెన్‌గా సమయం ఇవ్వలేరా?.. ఐసీసీ ఈవెంట్లలో పదహారు మ్యాచ్‌లలో పదిహేను మ్యాచ్‌లను గెలిపించిన సారథి. వన్డే వరల్డ్‌కప్‌-2023లో జట్టును ఫైనల్‌కు చేర్చాడు.ఇటీవల దుబాయ్‌లో జరిగిన ఐసీసీ చాంపియన్స్‌ట్రోఫీ ఫైనల్లో రోహిత్‌ ప్లేయర్‌ ఆఫ్‌ ది మ్యాచ్‌గా నిలిచాడు. జట్టుకు ట్రోఫీ అందించాడు. 2024లో టీ20 ప్రపంచకప్‌ గెలవగానే రిటైర్మెంట్‌ ప్రకటించి తన గొప్పతనాన్ని చాటుకున్నాడు.కొందరు పట్టుకుని వేలాడతారు.. రోహిత్‌ అలా చేయలేదు‘మేము ప్రపంచకప్‌ గెలిచాం. కొత్త ఆటగాళ్లకు కూడా అవకాశాలు రావాలి’ అని తనే తప్పుకొన్నాడు. కొన్నాళ్లు లైమ్‌లైట్‌కు దూరంగా ఉన్నాడు. నిజానికి భారత క్రికెట్‌లో కెప్టెన్‌గా చాలామంది తమ కాలాన్ని పొడిగించుకునేందుకు, పదవిని పట్టుకుని వేలాడుతూ ఉంటారు.కానీ రోహిత్‌ శర్మ అలా చేయలేదు కదా!.. తను వాళ్ల లాంటి వాడు కాదు.. అయినా ఇలా ఎందుకు?.. నిజానికి రోహిత్‌ ఎంతో మంది ఆటగాళ్లను తీర్చిదిద్దాడు. వారికి ఎన్నో విషయాలు నేర్పించాడు. అయినా సరే అతడిని ఇంకొక్క ఏడాది కెప్టెన్‌గా కొనసాగించలేరా?ఇంత హడావుడిగా ఎందుకు?వన్డే వరల్డ్‌కప్‌-2027 గురించి చాలా మంది మాట్లాడుతున్నారు. అందుకు ఇంకా సమయం ఉంది. అయితే, ఇప్పటికే రోహిత్‌ను తొలగించారు. శుబ్‌మన్‌ గిల్‌ కొత్త సారథిగా వచ్చాడు. గిల్‌ ఇంకా యువకుడే. ఇప్పుడే హడావుడిగా అతడికి వన్డే కెప్టెన్సీ అప్పగించాల్సిన అవసరమైతే నాకు కనిపించలేదు’’ అంటూ కైఫ్‌ బీసీసీఐ తీరును విమర్శించాడు. చదవండి: 50 ఓవర్ల క్రికెట్‌లో ట్రిపుల్‌ సెంచరీ.. ఆసీస్‌ బ్యాటర్‌ విధ్వంసం

టీమిండియా వన్డే కెప్టెన్‌గా ఎంపిక కావడం పట్ల శుబ్‌మన్‌ గిల్‌ (Shubman Gill) హర్షం వ్యక్తం చేశాడు. వన్డేల్లోనూ జట్టుకు సారథ్యం వహించడం తనకు దక్కిన గొప్ప గౌరవమని పేర్కొన్నాడు. వరల్డ్‌కప్‌ గెలవడమే లక్ష్యంగా ముందుకు సాగుతానని ఈ సందర్భంగా గిల్‌ పేర్కొన్నాడు.కాగా ఆస్ట్రేలియా పర్యటన నేపథ్యంలో భారత క్రికెట్‌ నియంత్రణ మండలి (BCCI) వన్డే, టీ20 జట్లను శనివారం ప్రకటించిన విషయం తెలిసిందే. అయితే, అనూహ్య రీతిలో రోహిత్‌ శర్మను కెప్టెన్సీ నుంచి తొలగించిన బోర్డు.. అతడి స్థానంలో గిల్‌కు సారథ్య బాధ్యతలు అప్పగించింది. వన్డే వరల్డ్‌కప్‌-2027 (ICC ODI World Cup 2027) టోర్నీని దృష్టిలో పెట్టుకుని ముందుగానే ఈ నిర్ణయం తీసుకున్నట్లు చీఫ్‌ సెలక్టర్‌ అజిత్‌ అగార్కర్‌ వెల్లడించాడు.ప్రపంచకప్‌ గెలవడమే లక్ష్యంఈ నేపథ్యంలో తాను వన్డే కెప్టెన్‌గా ఎంపిక కావడం పట్ల టెస్టు సారథి శుబ్‌మన్‌ గిల్‌ స్పందించాడు. ‘‘వన్డే క్రికెట్‌లో జాతీయ జట్టును ముందుకు నడిపించడం నాకు దక్కిన గొప్ప గౌరవం. చాంపియన్‌ జట్టుకు సారథిగా ఎంపిక కావడం గర్వంగా ఉంది. నేను కూడా జట్టును గొప్పగా ముందుకు నడిపించాలనే ఆశిస్తున్నా.వరల్డ్‌కప్‌ కంటే ముందు మేము 20 వరకు వన్డేలు ఆడబోతున్నాము. ప్రపంచకప్‌ గెలవడమే లక్ష్యంగా ముందుకు సాగుతాం. ప్రతి ఒక్క ఆటగాడు తమ అత్యుత్తమ ప్రదర్శన ఇవ్వాలనే కోరుకుంటాడు. నేను కూడా అంతే. సౌతాఫ్రికాలో జరిగే ఐసీసీ టోర్నీకి మేము పూర్తిస్థాయిలో సన్నద్ధమవుతాము. వరల్డ్‌కప్‌ గెలుస్తాం’’ అని శుబ్‌మన్‌ గిల్‌ పేర్కొన్నాడు.రోహిత్‌ ఖాతాలో రెండుకాగా చివరగా 2011లో మహేంద్ర సింగ్‌ ధోని సారథ్యంలో వన్డే వరల్డ్‌కప్‌ గెలిచిన టీమిండియా.. 2023లో సొంతగడ్డపై రోహిత్‌ శర్మ కెప్టెన్సీలో రన్నరప్‌గా నిలిచింది. అయితే, ఈ ఏడాది ఐసీసీ వన్డే చాంపియన్స్‌ ట్రోఫీ-2025లో మాత్రం విజేతగా నిలిచింది. తద్వారా కెప్టెన్‌గా రోహిత్‌ శర్మ ఖాతాలో రెండు ఐసీసీ టైటిళ్లు చేరాయి. అంతకుముందు టీ20 ప్రపంచకప్‌-2024 టోర్నీలోనూ కెప్టెన్‌ హోదాలో రోహిత్‌ భారత్‌ను చాంపియన్‌గా నిలిపిన సంగతి తెలిసిందే.అనూహ్య రీతిలోఆ తర్వాత అంతర్జాతీయ టీ20 ఫార్మాట్‌కు వీడ్కోలు పలికిన రోహిత్‌ శర్మ.. ఇటీవలే టెస్టులకు కూడా రిటైర్మెంట్‌ ప్రకటించాడు. వన్డేల్లో కొనసాగుతానని స్పష్టం చేసిన రోహిత్‌ శర్మ పది కిలోల బరువు తగ్గి ఫిట్‌నెస్‌ను మరింత మెరుగుపరచుకున్నాడు. వన్డే వరల్డ్‌కప్‌-2027 ఆడటమే లక్ష్యంగా తనను తాను తీర్చిదిద్దుకుంటున్న తరుణంలో అనూహ్య రీతిలో కెప్టెన్సీ కోల్పోయాడు. కాగా 2027లో సౌతాఫ్రికా- జింబాబ్వే- నమీబియా ఉమ్మడిగా వన్డే వరల్డ్‌కప్‌ టోర్నీకి ఆతిథ్యం ఇవ్వబోతున్నాయి. చదవండి: 50 ఓవర్ల క్రికెట్‌లో ట్రిపుల్‌ సెంచరీ.. ఆసీస్‌ బ్యాటర్‌ విధ్వంసం

టీమిండియా సెలక్టర్ల తీరుపై భారత జట్టు మాజీ కెప్టెన్‌ క్రిష్ణమాచారి శ్రీకాంత్‌ (Kris Srikkanth) ఆగ్రహం వ్యక్తం చేశాడు. కొంతమంది ఆటగాళ్లను తప్పించడానికి వీరికి రోజుకో సాకు దొరుకుతుందని మండిపడ్డాడు. ఆస్ట్రేలియాతో వన్డేలకు ఎంపిక చేసిన జట్టు తనను ఆశ్చర్యపరిచిందని.. సంజూ శాంసన్ (Sanju Samson) పట్ల వివక్ష ఎందుకో అర్థం కావడం లేదని వాపోయాడు.ఆస్ట్రేలియా పర్యటనకు టీమిండియాస్వదేశంలో వెస్టిండీస్‌తో టెస్టు సిరీస్‌ ముగిసిన తర్వాత టీమిండియా ఆస్ట్రేలియా పర్యటన (India Tour Of Australia 2025)కు వెళ్లనున్న విషయం తెలిసిందే. అక్టోబరు 19- నవంబరు 8 మధ్య ఇరుజట్లు మూడు వన్డేలు, ఐదు టీ20 మ్యాచ్‌లలో తలపడనున్నాయి. ఈ నేపథ్యంలో భారత క్రికెట్‌ నియంత్రణ మండలి (BCCI) శనివారం ఇందుకు సంబంధించిన జట్లను ప్రకటించింది.వారిద్దరు తొలిసారి..వన్డే కెప్టెన్‌గా రోహిత్‌ శర్మపై వేటు వేసి.. శుబ్‌మన్‌ గిల్‌కు పగ్గాలు అప్పగించారు. ఇక శ్రేయస్‌ అయ్యర్‌కు వైస్‌ కెప్టెన్‌గా ప్రమోషన్‌ ఇవ్వడంతో పాటు.. నితీశ్‌ కుమార్‌ రెడ్డి, ధ్రువ్‌ జురెల్‌ను తొలిసారి వన్డే జట్టుకు ఎంపిక చేశారు. వికెట్‌ కీపర్‌ కోటాలో కేఎల్‌ రాహుల్‌తో పాటు జురెల్‌ను ఎంపిక చేసిన సెలక్టర్లు.. సంజూ శాంసన్‌కు మాత్రం మొండిచేయి చూపారు.అతడికి అన్యాయంఈ విషయంపై టీమిండియా మాజీ చీఫ్‌ సెలక్టర్‌ క్రిష్ణమాచారి శ్రీకాంత్‌ ఘాటుగా స్పందించాడు. ‘‘మరోసారి అతడికి అన్యాయం చేశారు. ఆఖరిగా ఆడిన వన్డేలో అతడు సెంచరీ చేశాడు. ఆసీస్‌తో వన్డే సిరీస్‌కు సంజూను తప్పక ఎంపిక చేయాల్సింది.కానీ ఓ ఆటగాడిని తప్పించడానికి వీళ్లకు (సెలక్టర్లు) రోజుకో సాకు దొరుకుతుంది. ఓసారి అతడిని ఐదో స్థానంలో బ్యాటింగ్‌ చేయమంటారు. మరోసారి ఓపెనర్‌గా రమ్మంటారు. ఇంకోసారి ఏడు లేదంటే ఎనిమిదో నంబర్‌ బ్యాటర్‌గా ఆడమంటారు.జురెల్‌ ఎక్కడి నుంచి ఊడిపడ్డాడు?అయినా.. అకస్మాత్తుగా ధ్రువ్‌ జురెల్‌ ఎక్కడి నుంచి ఊడిపడ్డాడు?.. వన్డేల్లో సంజూ శాంసన్‌ కంటే అతడికి మొదటి ప్రాధాన్యం ఎలా దక్కుతుంది?.. తుదిజట్టులో సంజూ ఉన్నా, లేకపోయినా జట్టులో మాత్రం అతడికి చోటివ్వాలి కదా!హర్షిత్‌ రాణా ఎందుకు?ఇలాంటి పనులు చేయడం ద్వారా ఆటగాళ్లను గందరగోళానికి గురిచేస్తున్నారు. ఒక్కోసారి యశస్వి జైస్వాల్‌ జట్టులో ఉంటాడు. మరోసారి అతడి పేరే కనిపించదు. అయితే, హర్షిత్‌ రాణా మాత్రం అన్ని జట్లలో ఉంటాడు.అతడు జట్టులో ఎందుకు ఉంటున్నాడో ఎవరికీ తెలియదు. ఇలా ప్రతిసారి ఒకరికి వరుస అవకాశాలు ఇస్తూ.. మరొకరిని తప్పించడం ద్వారా ఆటగాళ్ల ఆత్మవిశ్వాసం దెబ్బతింటుంది’’ అని చిక్కా సెలక్టర్ల తీరును విమర్శించాడు. కాగా ఇప్పటికే టెస్టుల్లో ఇరగదీస్తున్న జురెల్‌.. టీమిండియా తరఫున టీ20 ఫార్మాట్లోనూ అరంగేట్రం చేశాడు.సౌతాఫ్రికా జట్టుపై సంజూ సెంచరీమరోవైపు.. సంజూ చివరగా 2023లో సౌతాఫ్రికాతో వన్డేలో 108 పరుగులు సాధించి.. టీమిండియా గెలుపులో కీలక పాత్ర పోషించాడు. మొత్తంగా 16 వన్డేల్లో కలిపి సగటు 56తో 99కు పైగా స్ట్రైక్‌రేటుతో 510 పరుగులు సాధించాడు. అయినప్పటికీ సెలక్టర్లు మాత్రం అతడిని వన్డేలకు ఎంపిక చేయడం లేదు. అయితే, ఆసీస్‌తో టీ20 సిరీస్‌ ఆడే జట్టులో మాత్రం ఈ కేరళ వికెట్‌ కీపర్‌ బ్యాటర్‌కు చోటు దక్కింది.ఆస్ట్రేలియాతో వన్డే సిరీస్‌కు బీసీసీఐ ప్రకటించిన జట్టుశుబ్‌మన్‌ గిల్ (కెప్టెన్‌), రోహిత్ శర్మ, విరాట్ కోహ్లి, శ్రేయస్ అయ్యర్ (వైస్ కెప్టెన్‌), అక్షర్ పటేల్, కేఎల్ రాహుల్ (వికెట్ కీపర్), నితీశ్ కుమార్ రెడ్డి, వాషింగ్టన్ సుందర్, కుల్‌దీప్ యాదవ్, హర్షిత్ రాణా, మొహమ్మద్ సిరాజ్, అర్ష్‌దీప్‌ సింగ్, ప్రసిద్‌ కృష్ణ, ధ్రువ్ జురెల్ (వికెట్ కీపర్), యశస్వి జైశ్వాల్.చదవండి: 50 ఓవర్ల క్రికెట్‌లో ట్రిపుల్‌ సెంచరీ.. ఆసీస్‌ బ్యాటర్‌ విధ్వంసం

ఆస్ట్రేలియా పర్యటనకు ముందు భారత క్రికెట్‌లో కీలక పరిణామం చోటుచేసుకుంది. వన్డే కెప్టెన్‌గా రోహిత్‌ శర్మ (Rohit Sharma)పై వేటువేసిన భారత క్రికెట్‌ నియంత్రణ మండలి (BCCI).. అతడి స్థానంలో శుబ్‌మన్‌ గిల్‌ (Shubman Gill)ను సారథిగా ఎంపిక చేసింది.ఆసీస్‌తో అక్టోబరులో జరిగే వన్డే సిరీస్‌ సందర్భంగా గిల్‌ వన్డే జట్టు పగ్గాలు చేపట్టనుండగా.. రోహిత్‌ శర్మ కేవలం ఆటగాడిగా కొనసాగనున్నాడు. ఈ నేపథ్యంలో బీసీసీఐ తీరుపై విమర్శలు వస్తుండగా.. భారత క్రికెట్‌ దిగ్గజం సునిల్‌ గావస్కర్‌ కూడా స్పందించాడు.త్వరలోనే అతడూ అవుట్‌రోహిత్‌ శర్మపై వేటు వేస్తూ బీసీసీఐ తీసుకున్న నిర్ణయాన్ని గావస్కర్‌ సమర్థించాడు. ‘‘వన్డే వరల్డ్‌కప్‌-2027 నేపథ్యంలో బోర్డు ఇలాంటి నిర్ణయం తీసుకోవడం నాకేమీ ఆశ్చర్యంగా అనిపించలేదు. ప్రస్తుతం టీ20 కెప్టెన్సీ సూర్యకుమార్‌ యాదవ్‌ చేతిలో ఉంది.ఇటీవలే అతడు టీమిండియాను ఆసియా కప్‌ విజేతగా నిలిపాడు. ఈ టోర్నీలో సూర్య డిప్యూటీగా, వైస్‌ కెప్టెన్‌గా గిల్‌ వ్యవహరించాడు. అంటే.. త్వరలోనే అతడు మూడు ఫార్మాట్లకు కెప్టెన్‌గా ఉండబోతున్నాడని ముందుగానే స్పష్టమైన సంకేతాలు ఇచ్చారు’’ అని గావస్కర్‌ స్పోర్ట్స్‌ టుడేతో పేర్కొన్నాడు. వన్డే ప్రపంచకప్‌-2027 నాటికి గిల్‌ చుట్టూ జట్టును నిర్మించే క్రమంలో బీసీసీఐ సరైన నిర్ణయమే తీసుకుందని అభిప్రాయపడ్డాడు. అందుకే ఈ నిర్ణయం’కెప్టెన్సీ మార్పు గురించి రోహిత్‌కు ముందే తెలియజేశాం. 2027 వన్డే వరల్డ్‌ కప్‌కు చాలా సమయం ఉన్నా సహజంగానే దాని గురించి ఆలోచించాల్సి ఉంటుంది. ఇప్పుడు వన్డే జరుగుతున్న తీరు చూస్తే వచ్చే రెండేళ్లలో ఎక్కువగా మ్యాచ్‌లు లేకపోవచ్చు. కాబట్టి కెప్టెన్‌ జట్టు గురించి తెలుసుకునేందుకు, తన ప్రణాళికలు రూపొందించుకునేందుకు తగినంత సమయం కావాలి. అందుకే గిల్‌ను ఎంపిక చేశాం. నిజంగా చెప్పాలంటే మూడు ఫార్మాట్‌లకు ముగ్గురు వేర్వేరు కెప్టెన్లు ఉండటం కూడా కష్టమే. కెప్టెన్‌గా రోహిత్‌ చాలా అద్భుతంగా నడిపించాడు. ఒక వేళ చాంపియన్స్‌ ట్రోఫీ గెలవకపోయినా అది అతని గొప్పతనాన్ని తగ్గించదు. కానీ ఇప్పుడు కాకపోతే ఆరు నెలల తర్వాత అయినా ఏదో ఒక దశలో టీమ్‌ భవిష్యత్తు గురించి ఆలోచించాల్సిందే’ అని టీమిండియా చీఫ్‌ సెలక్టర్‌ అజిత్‌ అగార్కర్‌ కూడా తమ నిర్ణయాన్ని సమర్థించుకున్న సంగతి తెలిసిందే.

రోహిత్‌ శర్మ భారత వన్డే జట్టు కెప్టెన్‌ హోదాలో చాంపియన్స్‌ ట్రోఫీలో జట్టును విజేతగా నిలిపాడు. దీని తర్వాత టీమిండియా మరో వన్డే మ్యాచ్‌ ఆడలేదు. లెక్క ప్రకారం చూస్తే ఏదైనా స్వల్ప మార్పు మినహా అదే జట్టు తర్వాతి సిరీస్‌ కోసం కొనసాగాలి. కానీ బీసీసీఐ సెలక్షన్‌ కమిటీ భిన్నంగా ఆలోచించింది. ఐసీసీ టోర్నీని గెలిపించినా సరే... సారథ్యం నుంచి తప్పించి అనూహ్య నిర్ణయం తీసుకుంది. ఓపెనింగ్‌ బ్యాటర్‌గా జట్టులో స్థానం దక్కించుకోగలిగిన ఆటగాడు నాయకత్వానికి మాత్రం అవసరం లేదని తేలి్చంది. ఇప్పటికే టెస్టు కెప్టెన్‌గా ఉన్న శుబ్‌మన్‌ గిల్‌ను ఇప్పుడు వన్డే కెప్టెన్‌గా కూడా నియమించి మార్పుకు సెలక్టర్లు శ్రీకారం చుట్టారు. ఆటగాళ్లుగా మాత్రం రోహిత్, విరాట్‌ కోహ్లి భారత జట్టు తరఫున ఆ్రస్టేలియా పర్యటనకు ఎంపికయ్యారు. అహ్మదాబాద్‌: భారత టెస్టు కెప్టెన్‌ శుబ్‌మన్‌ గిల్‌ ఇప్పుడు వన్డేల్లోనూ సారథ్య బాధ్యతలు చేపడుతున్నాడు. అజిత్‌ అగార్కర్‌ సారథ్యంలోని సెలక్షన్‌ కమిటీ గిల్‌ను వన్డే జట్టు కొత్త కెప్టెన్‌గా నియమించింది. ఇప్పటి వరకు కెప్టెన్‌గా ఉన్న రోహిత్‌ శర్మను అనూహ్యంగా నాయకత్వం నుంచి తప్పిస్తూ సెలక్టర్లు నిర్ణయం తీసుకున్నారు. ఆస్ట్రేలియా గడ్డపై జరిగే 3 వన్డేలు, 5 టి20ల సిరీస్‌ల కోసం టీమ్‌లను సెలక్టర్లు ప్రకటించారు. కెప్టెన్‌గా రోహిత్‌ వైఫల్యం లేకపోయినా... భవిష్యత్తును, ముఖ్యంగా 2027 వన్డే వరల్డ్‌ కప్‌ను దృష్టిలో ఉంచుకొని 26 ఏళ్ల గిల్‌ను కెప్టెన్‌గా ఎంపిక చేసినట్లు సెలక్టర్లు వెల్లడించారు. ఇంగ్లండ్‌తో సిరీస్‌లో తొలి సారి టెస్టు కెప్టెన్‌గా వ్యవహరించిన గిల్‌ ఇప్పుడు రెండు ఫార్మాట్‌లలో కెప్టెన్‌ కావడంతో పాటు టి20 టీమ్‌కు వైస్‌ కెప్టెన్‌గా ఉన్నాడు. 2026 టి20 వరల్డ్‌ కప్‌ తర్వాత సూర్యకుమార్‌ యాదవ్‌నుంచి అతనికి టి20 సారథ్య బాధ్యతలు కూడా వచ్చే అవకాశం ఉంది. రోహిత్‌ వయసు (38)ను దృష్టిలో ఉంచుకొని చూస్తే 2027 వరకు ఆటగాడిగా, కెప్టెన్‌గా కొనసాగడం కష్టంగానే అనిపించినా... ఇంత తొందరగా అతడిని కెప్టెన్‌ హోదానుంచి తప్పిస్తారనేది మాత్రం ఎవరూ ఊహించలేదు. అయితే అసలు వన్డే జట్టులో ఉంటారా లేదా అనే చర్చ జరిగిన నేపథ్యంలో... రోహిత్‌తో పాటు మరో సీనియర్‌ విరాట్‌ కోహ్లిలకు కూడా వన్డే టీమ్‌లో స్థానం లభించింది. వైస్‌ కెప్టెన్‌గా శ్రేయస్‌... భారత జట్టు చాంపియన్స్‌ ట్రోఫీలో విజేతగా నిలిచిన జట్టులో పలు మార్పులు జరిగాయి. ఆ టీమ్‌లో ఉన్నవారిలో రిషభ్‌ పంత్, హార్దిక్‌ పాండ్యా ఇంకా గాయాలనుంచి కోలుకోలేదు. ఇద్దరు స్పిన్నర్లు జడేజా, వరుణ్‌ చక్రవర్తిలను ఎంపిక చేయలేదు. పేస్‌ బౌలర్‌ మొహమ్మద్‌ షమీకి కూడా జట్టులో స్థానం లభించలేదు. వారి స్థానాల్లో నితీశ్‌ కుమార్‌ రెడ్డి, ధ్రువ్‌ జురేల్, ప్రసిధ్‌ కృష్ణ, అర్‌‡్షదీప్‌ సింగ్, మొహమ్మద్‌ సిరాజ్‌ వచ్చారు. టాప్‌ పేసర్‌ జస్‌ప్రీత్‌ బుమ్రాకు వన్డేల నుంచి మరోసారి విశ్రాంతినిచ్చారు. గత ఏడాది ఆగస్టు తర్వాత వన్డేలు ఆడని సిరాజ్‌ తన ఇటీవలి టెస్టు ప్రదర్శనతో మళ్లీ టీమ్‌లోకి రాగా... టెస్టులు, టి20ల్లో ఆకట్టుకున్న ఆంధ్ర క్రికెటర్‌ నితీశ్‌ కుమార్‌ రెడ్డి, కీపర్‌ ధ్రువ్‌ జురేల్‌లకు వన్డేల్లో ఇదే తొలి అవకాశం. దుబాయ్‌ తరహాలో ఎక్కువ మంది స్పిన్నర్లను ఆడించే అవకాశం ఆ్రస్టేలియాలో లేదని...అందుకే జడేజాను పక్కన పెట్టామని అగార్కర్‌ స్పష్టం చేశాడు. వన్డేల్లో నిలకడగా రాణిస్తున్న శ్రేయస్‌ అయ్యర్‌ను ఈ సిరీస్‌ కోసం వైస్‌ కెప్టెన్‌గా ఎంపిక చేశారు. సుందర్‌కు చోటు... టి20 టీమ్‌లో మాత్రం సెలక్టర్లు పెద్దగా మార్పేమీ చేయలేదు. ఆసియా కప్‌లో విజేతగా నిలిచిన జట్టులో ఒక్క హార్దిక్‌ పాండ్యా మాత్రమే గాయం కారణంగా దూరమయ్యాడు. అతని స్థానంలోనే ఆల్‌రౌండర్‌గా నితీశ్‌ రెడ్డికి స్థానం లభించింది. ఆ 15 మందితో పాటు ఆ్రస్టేలియా పర్యటన కోసం అదనంగా 16వ ఆటగాడి రూపంలో ఆల్‌రౌండర్‌ వాషింగ్టన్‌ సుందర్‌ను ఎంపిక చేశారు. వన్డేలకు దూరంగా ఉండనున్న బుమ్రా టి20లు మాత్రం ఆడతాడు. భారత్, ఆ్రస్టేలియా మధ్య అక్టోబర్‌ 19, 23, 25 తేదీల్లో వన్డేలు...అక్టోబర్‌ 29 నుంచి నవంబర్‌ 8 మధ్య 5 టి20లు జరుగుతాయి.

భారత క్రికెట్‌లో కెప్టెన్‌గా రోహిత్ శర్మ శకం ముగిసింది. ఇప్పటికే టెస్టు, టీ20లకు రిటైర్మెంట్ ప్రకటించిన రోహిత్‌ను తాజాగా వన్డే కెప్టెన్సీ నుంచి సైతం బీసీసీఐ తప్పించింది. అత‌డి స్ధానంలో యువ ఆట‌గాడు శుబ్‌మ‌న్ గిల్‌ను కొత్త వ‌న్డే కెప్టెన్‌గా అజిత్ అగార్కర్ నేతృత్వంలోని సెలక్షన్ కమిటీ నియ‌మించింది.బీసీసీఐ సెల‌క్ష‌న్ క‌మిటీ తీసుకున్న ఈ నిర్ణ‌యాన్ని హిట్‌మ్యాన్ అభిమానులు జీర్ణించుకోలేక‌పోతున్నారు. సోష‌ల్ మీడియా వేదిక‌గా బీసీసీఐపై విమ‌ర్శ‌ల వ‌ర్షం కురిపిస్తున్నారు. రోహిత్ ఇప్ప‌టికీ ఫిట్‌గా ఉన్నాడ‌ని, వ‌న్డే ప్ర‌పంచ‌క‌ప్-2027 వ‌ర‌కు అత‌డు ఆడ‌గ‌ల‌డ‌ని ఫ్యాన్స్ పోస్ట్‌లు పెడుతున్నారు.రోహిత్ శర్మ ది బెస్ట్ కెప్టెన్‌.. బీసీసీపై అత‌డిని కావాల‌నే త‌ప్పించంద‌ని ఓ యూజ‌ర్ ఎక్స్‌లో పోస్ట్ చేశాడు. రెండు ఐసీసీ ట్రోఫీలు అందించిన కెప్టెన్‌ను ఇలా అవ‌మానిస్తారా? అని మ‌రో యూజ‌ర్ ఎక్స్‌లో రాసుకొచ్చాడు. ప్ర‌స్తుతం ఎక్స్‌లో రోహిత్ శ‌ర్మ పేరు ట్రెండ్ అవుతోంది. థాంక్యూ రోహిత్ అని అభిమానులు భావోద్వేగానికి లోన‌వ‌తున్నారు.1 Like = 100 Slap .1 Rt =1000 Slap.#RohitSharma𓃵#RohitSharma #INDvsAUS pic.twitter.com/Qm4DJZI3ct— Avneesh Mishra (@RajaMishra007) October 4, 2025 END OF AN ERA 💔Thank You, Captain Rohit Sharma 🙌2 ICC trophies in just 8 months.A leader who gave India glory, pride & unforgettable memories. 🇮🇳THE HITMAN. THE CAPTAIN. THE LEGEND. #RohitSharma𓃵Congratulations Gill for your ODIs captaincy in #INDvsAUS#RohitSharma pic.twitter.com/V3KZeZAxWH— Adorable (@rehnedotumm_) October 4, 2025తిరుగులేని రోహిత్‌..మూడు ఫార్మాట్‌ల‌లోనూ తిరిగి లేని కెప్టెన్‌గా రోహిత్ నిలిచాడు. నాయకుడిగా హిట్‌మ్యాన్‌ భార‌త్‌కు రెండు ఐసీసీ టైటిల్స్‌ను అందించాడు. టీ20 ప్ర‌పంచ‌క‌ప్‌-2024, ఛాంపియ‌న్స్ ట్రోఫీ-2025 టైటిల్స్‌ను అత‌డి సార‌థ్యంలోనే టీమిండియా సొంతం చేసుకుంది. అదేవిధంగా వన్డే ప్రపంచకప్ 2023లో జ‌ట్టును ఫైనల్‌ వరకూ తీసుకెళ్లాడు. ఆ టోర్నీలో భార‌త్ మొత్తంగా 11 మ్యాచ్‌ల‌లో ప‌దింట గెలిచింది. అనుహ్యంగా తుది పోరులో ఓట‌మి పాలై తృటిలో ట్రోఫీని కోల్పోయింది. రోహిత్ శర్మ కెప్టెన్సీలో టీమిండియా ఓవరాల్‌గా 56 వన్డే మ్యాచ్‌లు ఆడింది.అందులో 42 మ్యాచ్‌లలో గెలిచింది. 12 మ్యాచ్‌లలో ఓడిపోయింది. ఒక మ్యాచ్‌లో ఫలితం రాలేదు. మరో మ్యాచ్‌ టైగా ముగిసింది. కెప్టెన్‌గా అతడి విజయం శాతం 76గా ఉంది. ఆసీస్ టూర్‌కు భారత వన్డే జట్టు: శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లి, శ్రేయాస్ అయ్యర్ , అక్షర్ పటేల్, కేఎల్ రాహుల్ (వికెట్ కీప‌ర్‌), నితీష్ కుమార్ రెడ్డి, వాషింగ్టన్ సుందర్, కుల్దీప్ యాదవ్, హర్షిత్ రాణా, మహమ్మద్ సిరాజ్, అర్ష్‌దీప్ సింగ్‌

టీమిండియా కెప్టెన్‌గా రోహిత్‌ శర్మ (Rohit Sharma) శకం ముగిసింది. ఇప్పటికే టెస్టు, అంతర్జాతీయ టీ20 ఫార్మాట్లకు రిటైర్మెంట్‌ ప్రకటించిన హిట్‌మ్యాన్‌.. వన్డేల్లో మాత్రం కెప్టెన్‌గా కొనసాగుతానని ప్రకటించాడు. అయితే, అనూహ్య రీతిలో ఆస్ట్రేలియా పర్యటనకు ముందు భారత క్రికెట్‌ నియంత్రణ మండలి (BCCI) రోహిత్‌పై వేటు వేసింది.వన్డే సారథిగా రోహిత్‌ శర్మను తప్పించి.. అతడి స్థానంలో.. యువ ఆటగాడు, టీమిండియా టెస్టు కెప్టెన్‌ శుబ్‌మన్‌ గిల్‌ (Shubman Gill)కు పగ్గాలు అప్పగించింది. దీంతో రోహిత్‌ కేవలం ఆటగాడిగానే జట్టులో కొనసాగనున్నాడు. ఈ నేపథ్యంలో బీసీసీఐ తీరుపై రోహిత్‌ శర్మ అభిమానులు ఆగ్రహం వ్యక్తం చేస్తున్నారు. దిగ్గజ కెప్టెన్‌కు ఇది అవమానం లాంటిదేనని సోషల్‌ మీడియా వేదికగా సెలక్టర్ల తీరును ఎండగడుతున్నారు. వన్డేల్లో డెబ్బై ఐదుకు పైగా విజయశాతం కలిగి ఉన్న సారథి పట్ల ఇలా వ్యవహరించడం సరికాదని హితవు పలుకుతున్నారు.అందుకే రోహిత్‌ శర్మపై వేటుఇదిలా ఉంటే.. రోహిత్‌ శర్మను కెప్టెన్సీ నుంచి తప్పించడంపై టీమిండియా చీఫ్‌ సెలక్టర్‌ అజిత్‌ అగార్కర్‌ స్పందించాడు. ఆస్ట్రేలియాతో వన్డే, టీ20 సిరీస్‌లకు జట్టును ప్రకటించిన సందర్భంగా ఈ విషయంపై వివరణ ఇచ్చాడు. ‘‘భవిష్యత్తును దృష్టిలో పెట్టుకోవాల్సి ఉంటుంది.జట్టు అత్యుత్తమ ప్రయోజనాల గురించే ఆలోచించాల్సి ఉంటుంది. ముందుగానే స్పందించి.. కొత్త వ్యక్తి (గిల్‌) చుట్టూ జట్టును నిర్మించాల్సి ఉంటుంది. ఇది సహేతుకమైన నిర్ణయం’’ అగార్కర్‌ తమ నిర్ణయాన్ని సమర్థించుకున్నాడు.అదే విధంగా.. మూడు ఫార్మాట్లలో ముగ్గురు కెప్టెన్లు ఉండటం ప్రాక్టికల్‌గా అంతగా వర్కౌట్‌ కాదని.. అన్ని జట్లకు ఒకే కెప్టెన్‌ ఉండటం ద్వారా హెడ్‌కోచ్‌ గౌతం గంభీర్‌కు కూడా పని సులువు అవుతుందని పేర్కొన్నాడు. అయితే, కెప్టెన్సీ నుంచి తప్పించడంపై రోహిత్‌తో ఎలాంటి చర్చ జరిగిందన్న విషయంపై మాత్రం అగార్కర్‌ స్పష్టతనివ్వలేదు.అప్పటి వరకు రో-కో ఆడటం కష్టమేఏదేమైనా వన్డే వరల్డ్‌కప్‌​-2027 టోర్నీని దృష్టిలో పెట్టుకుని.. కెప్టెన్సీ విషయం గురించి రోహిత్‌తో మాట్లాడమని మాత్రమే అగార్కర్‌ వెల్లడించాడు. ఇక రోహిత్‌తో పాటు మరో దిగ్గజ బ్యాటర్‌ విరాట్‌ కోహ్లి కూడా దేశీ క్రికెట్‌ ఆడాల్సి ఉంటుందా? అన్న ప్రశ్నకు బదులిస్తూ.. ‘‘ఆటగాళ్లు అందుబాటులో ఉన్నపుడు కచ్చితంగా దేశవాళీ క్రికెట్‌ ఆడాల్సి ఉంటుందని మేము స్పష్టంగా చెప్పాము’’ అని పేర్కొన్నాడు.అంతేకాదు.. రోహిత్‌ శర్మ, విరాట్‌ కోహ్లి వన్డే వరల్డ్‌కప్‌-2027 నాటికి ఆడే విషయంపై తమకు ఎలాంటి హామీ ఇవ్వలేదని అగార్కర్‌ ఈ సందర్భంగా పేర్కొనడం గమనార్హం. ప్రస్తుతం నిబంధనలకు అనుగుణంగా ఇద్దరికీ ఫిట్‌నెస్‌ టెస్టులు నిర్వహించామని.. ఇద్దరూ మ్యాచ్‌ ఆడేందుకు ఫిట్‌గా ఉన్నారని తెలిపాడు. కాగా అక్టోబరు 19 నుంచి నవంబరు 8 వరకు టీమిండియా-ఆస్ట్రేలియా మధ్య మూడు వన్డేలు, ఐదు టీ20 మ్యాచ్‌లు జరుగనున్నాయి. ఇందుకు సంబంధించిన బీసీసీఐ శనివారం తమ జట్లను ప్రకటించింది.చదవండి: IND vs AUS: ఆస్ట్రేలియా టూర్‌కు భార‌త జ‌ట్టు ప్ర‌క‌ట‌న‌.. నితీశ్‌ రెడ్డికి బంపరాఫర్‌

ఆస్ట్రేలియా టూర్‌కు భార‌త జ‌ట్టును బీసీసీఐ సెలక్షన్ కమిటీ శ‌నివారం ప్రకటించింది. భార‌త జ‌ట్టు వ‌న్డే కెప్టెన్‌గా రోహిత్ శ‌ర్మ‌ను సెల‌క్ట‌ర్లు త‌ప్పించారు. అత‌డి స్ధానంలో శుభ్‌మ‌న్ గిల్‌ను కొత్త వ‌న్డే కెప్టెన్‌గా నియ‌మించారు. గత కొన్నేళ్లుగా భార‌త వ‌న్డే జ‌ట్టును న‌డిపిస్తున్న‌ రోహిత్ శర్మ ఇకపై కేవలం ఆటగాడిగా మాత్రమే కొనసాగనున్నాడు.అత‌డితో పాటు స్టార్ బ్యాట‌ర్ విరాట్ కోహ్లికి కూడా వ‌న్డే జ‌ట్టులో చోటు ద‌క్కింది. కాగా ఆస్ట్రేలియా ప‌ర్య‌ట‌న‌కు స్టార్ ప్లేయ‌ర్లు హార్ధిక్ పాండ్యా, రిష‌బ్ పంత్ గాయాల కార‌ణంగా దూర‌మ‌య్యారు. ఇంగ్లండ్ ప‌ర్య‌ట‌న‌లో గాయ‌ప‌డిన పంత్ ఇంకా పూర్తి ఫిట్‌నెస్ సాధించ‌లేదు.అదేవిధంగా యూఏఈ వేదిక‌గా జ‌రిగిన ఆసియాక‌ప్‌లో గాయ‌ప‌డ్డ హార్ధిక్ పూర్తిగా కోలుకోవ‌డానికి మ‌రో నెల రోజుల స‌మ‌యం ప‌ట్ట‌నున్న‌ట్లు తెలుస్తోంది. ఈ క్ర‌మంలోనే వీరిద్ద‌రిని సెల‌క్ట‌ర్లు ఎంపిక చేయ‌లేదు. హార్ధిక్ పాండ్యా స్ధానంలో యువ ఆల్‌రౌండ‌ర్ నితీశ్‌ కుమార్ రెడ్డి వ‌న్డే, టీ20 జ‌ట్టులో చోటు ద‌క్కించుకున్నాడు. నితీష్ గ‌త కొన్నాళ్ల‌గా కేవ‌లం టెస్టు జ‌ట్టులో మాత్రమే కొన‌సాగుతున్నాడు. కానీ హార్దిక్ గాయం ప‌డ‌డంతో నితీష్‌కు జాక్ పాట్ త‌గిలింది. పంత్ స్ధానంలో ధ్రువ్ జురెల్ ఎంపికయ్యాడు.బుమ్రాకు విశ్రాంతి..కాగా ఆసీస్‌తో వ‌న్డే సిరీస్‌కు స్టార్ పేస‌ర్ జ‌స్ప్రీత్ బుమ్రాకు సెల‌క్ట‌ర్లు విశ్రాంతి ఇచ్చారు. మ‌హ్మ‌ద్ సిరాజ్ తిరిగి వ‌న్డే జ‌ట్టులోకి వ‌చ్చాడు. పేస్ బౌలింగ్ ఎటాక్‌ను సిరాజ్ లీడ్ చేయ‌నున్నాడు. అత‌డితో పాటు యువ పేస‌ర్లు అర్ష్‌దీప్ సింగ్‌, హ‌ర్షిత్ రాణా, ప్ర‌సిద్ద్ కృష్ణలు బంతిని పంచుకోనున్నారు.స్పిన్నర్లగా కుల్దీప్ యాదవ్‌, అక్షర్ పటేల్‌, వాషింగ్టన్ సుందర్ చోటు దక్కించుకున్నారు. ఇక టీ20 జట్టులో పెద్దగా మార్పులు చోటు చేసుకోలేదు. కెప్టెన్‌గా సూర్య కొనసాగుతుండగా.. నితీష్‌, సుందర్ కొత్తగా జట్టులోకి వచ్చారు. ఆక్టోబర్ 19 నుంచి భారత జట్టు ఆస్ట్రేలియా పర్యటన ప్రారంభం కానుంది.ఆస్ట్రేలియాతో వన్డే సిరీస్‌కు భారత జట్టు:శుభ్‌మన్ గిల్ (కెప్టెన్‌), రోహిత్ శర్మ, విరాట్ కోహ్లీ, శ్రేయస్ అయ్యర్ (వైస్ కెప్టెన్‌), అక్షర్ పటేల్, కేఎల్ రాహుల్ (వికెట్ కీపర్), నితీశ్ కుమార్ రెడ్డి, వాషింగ్టన్ సుందర్, కుల్‌దీప్ యాదవ్, హర్షిత్ రాణా, మహమ్మద్ సిరాజ్, అర్షదీప్ సింగ్, ప్రసిద్ధ్ కృష్ణ, ధ్రువ్ జురెల్ (వికెట్ కీపర్), యశస్వి జైశ్వాల్ఆస్ట్రేలియాతో టీ20 సిరీస్‌కు భారత జట్టు:సూర్యకుమార్ యాదవ్ (కెప్టెన్‌), అభిషేక్ శర్మ, శుభ్‌మన్ గిల్ (వైస్ కెప్టెన్), తిలక్ వర్మ, నితీశ్ కుమార్ రెడ్డి, శివమ్ దూబె, అక్షర్ పటేల్, జితేశ్ శర్మ (వికెట్ కీపర్), వరుణ్ చక్రవర్తి, జస్‌ప్రీత్ బుమ్రా, అర్షదీప్ సింగ్, కుల్‌దీప్ యాదవ్, హర్షిత్ రాణా, సంజూ శాంసన్ (వికెట్ కీపర్), రింకూ సింగ్, వాషింగ్టన్ సుందర్‌చదవండి: BCCI: రోహిత్ శ‌ర్మకు భారీ షాక్‌.. టీమిండియా వ‌న్డే కెప్టెన్‌గా శుభ్‌మన్‌ గిల్‌

వెస్టిండీస్‌తో తొలి టెస్టులో గెలుపు పట్ల టీమిండియా కెప్టెన్‌ శుబ్‌మన్‌ గిల్‌ (Shubman Gill) హర్షం వ్యక్తం చేశాడు. ఇదొక సంపూర్ణ మ్యాచ్‌ అని.. రెండు ఇన్నింగ్స్‌లో బౌలర్లు రాణించిన తీరు అద్భుతమని కొనియాడాడు. బ్యాటింగ్‌ పరంగానూ తాము గొప్పగా ఆడామని.. ముగ్గురు సెంచరీలు చేయడం సంతోషాన్నిచ్చిందని పేర్కొన్నాడు.ఇంగ్లండ్‌ పర్యటనలో భాగంగా టీమిండియా టెస్టు సారథిగా గిల్‌ బాధ్యతలు చేపట్టిన విషయం తెలిసిందే. ఇంగ్లండ్‌ గడ్డ మీద బ్యాటర్‌గా, కెప్టెన్‌గా రాణించిన ఈ కుడిచేతి వాటం ఆటగాడు.. ఐదు మ్యాచ్‌ల సిరీస్‌ను 2-2తో సమం చేసుకున్నాడు. అయితే, ఇంగ్లండ్‌ గడ్డ మీద ఐదు టెస్టుల్లోనూ గిల్‌ టాస్‌ ఓడిపోయాడు.వరుసగా ఆరు ఓటములుతాజాగా వెస్టిండీస్‌తో తొలి టెస్టు (IND vs WI 1st Test)లోనూ ఇదే రిపీటైంది. అయితే, సారథిగా టాస్‌ ఓడినా మ్యాచ్‌లు మాత్రం గెలిచాడు గిల్‌. ఈ నేపథ్యంలో విండీస్‌పై విజయానంతరం మాట్లాడుతూ.. ‘‘వరుసగా ఆరుసార్లు టాస్‌ ఓడిపోయాను.అయితే, మ్యాచ్‌లు మాత్రం గెలుస్తూనే ఉన్నాం. కాబట్టి టాస్‌లో ఓడిన ప్రభావం పడిందని అనుకోను. దానిని అసలు లెక్కేచేయను. ఇదొక సంపూర్ణ మ్యాచ్‌. విజయం పట్ల సంతోషంగా ఉంది.ఎలాంటి ఫిర్యాదులూ లేవుముగ్గురు సెంచరీలు చేశారు. ఈ మ్యాచ్‌లో మా ఫీల్డింగ్‌ రెండు ఇన్నింగ్స్‌లోనూ భేషుగ్గా ఉంది. ఏ విషయంలోనూ ఎలాంటి ఫిర్యాదులూ లేవు. ఈ పిచ్‌ బ్యాటింగ్‌కు బాగానే ఉంది.అయితే, నేను, జైస్వాల్‌ మెరుగ్గా ఆడలేకపోయాము. శుభారంభం అందుకున్నా దానిని కొనసాగించలేకపోయాము. ఇక మా స్పిన్నర్ల గురించి ప్రత్యేకంగా చెప్పేదేమీ లేదు. నాణ్యమైన స్పిన్నర్లు జట్టులో ఉన్నారు. వారిని రొటేట్‌ చేసుకోవడమే కష్టం. అయితే, ఇలాంటి సవాలు ఎదురుకావడం జట్టుకు మంచిదే.కెప్టెన్‌గా చాలా విషయాలు నేర్చుకుంటున్నాఅవసరమైనప్పుడు ప్రతి ఒక్కరు అందుబాటులో ఉండి పని పూర్తి చేస్తారు. మా జట్టులో యువకులు ఎక్కువగా ఉన్నారు. కెప్టెన్‌గా నేను చాలా విషయాలు నేర్చుకుంటున్నా. క్లిష్ట పరిస్థితులను ఎలా అధిగమించాలో తెలుసుకుంటున్నా. జట్టుగా మేమంతా ఇప్పటికీ నేర్చుకునే దశలోనే ఉన్నాం. అనుభవం గడించే కొద్దీ మేము మరింత సానుకూలంగా.. ఆత్మవిశ్వాసంతో ముందుకు సాగగలం’’ అని గిల్‌ చెప్పుకొచ్చాడు. కాగా విండీస్‌తో తొలి టెస్టులో కేఎల్‌ రాహుల్‌ (100), ధ్రువ్‌ జురెల్‌ (125), రవీంద్ర జడేజా (104- నాటౌట్‌) సెంచరీలు చేయగా.. గిల్‌ 50 పరుగులు సాధించాడు. ఇక బౌలర్లలో పేసర్లు సిరాజ్‌ ఓవరాల్‌గా ఏడు వికెట్లు తీయగా.. బుమ్రా మూడు వికెట్లు కూల్చాడు. స్పిన్నర్లలో రవీంద్ర జడేజా నాలుగు, కుల్దీప్‌ యాదవ్‌ నాలుగు, వాషింగ్టన్‌ సుందర్‌ రెండు వికెట్లు తమ ఖాతాలో వేసుకున్నారు.టీమిండియా వర్సెస్‌ వెస్టిండీస్‌ తొలి టెస్టు స్కోర్లుటీమిండియా: 448/5 డిక్లేర్డ్‌వెస్టిండీస్‌: 162 & 146ఫలితం: వెస్టిండీస్‌ను ఇన్నింగ్స్‌ 140 పరుగుల తేడాతో ఓడించిన టీమిండియా.చదవండి: Rishabh Pant Facts: రిషభ్‌ పంత్‌ నెట్‌వర్త్‌ ఎంతో తెలుసా?

ఆస్ట్రేలియాతో వ‌న్డే సిరీస్‌కు ముందు బీసీసీఐ సెల‌క్ష‌న్ కమిటీ కీల‌క నిర్ణ‌యం తీసుకుంది. టీమిండియా వ‌న్డే కెప్టెన్‌గా రోహిత్ శ‌ర్మ(Rohit sharma) స్ధానంలో యువ ఆట‌గాడు శుభ్‌మ‌న్ గిల్‌ను అజిత్ అగార్కర్ అండ్ కో నియ‌మించింది. ఆస్ట్రేలియా టూర్‌కు భార‌త జ‌ట్టు ఎంపిక సంద‌ర్భంగా ఈ నిర్ణ‌యాన్ని సెల‌క్టర్లు తీసుకున్నారు. రోహిత్‌ శర్మ, విరాట్‌ కోహ్లిలు వన్డే జట్టులో సభ్యులుగా కొనసాగనున్నారు.2027 వన్డే ప్రపంచ కప్ దృష్ట్యా రోహిత్ శర్మ స్ధానంలో కెప్టెన్‌గా గిల్‌ను భారత క్రికెట్ నియంత్రణ బోర్డు(బీసీసీఐ) ఎంపిక చేసినట్లు తెలుస్తోంది. ప్రపంచ కప్‌కు ఇంకా రెండేళ్ల కంటే ఎక్కువ సమయం ఉండడంతో అప్పటివరకు రోహిత్ ఆడుతాడో లేదో స్పష్టత లేనందున భారత క్రికెట్ బోర్డు ఈ నిర్ణయం తీసుకుంది.ముగిసిన రోహిత్ శకం..భారత క్రికెట్‌లో కెప్టెన్‌గా రోహిత్ శర్మ శకం ముగిసింది. ఇప్పటికే టెస్టులకు, టీ20లకు వీడ్కోలు పలికిన హిట్‌మ్యాన్‌.. ఇప్పుడు వన్డే కెప్టెన్సీ కోల్పోయాడు. దీంతో ఆసీస్ సిరీస్‌లో అతడిని కెప్టెన్‌గా చూడాలనకున్న అభిమానులకు తీవ్ర నిరాశే ఎదురైంది.వన్డేల్లో భారత సారథిగా రోహిత్‌కు అద్భతమైన ట్రాక్ రికార్డు ఉంది. టీమిండియాకు కెప్టెన్‌గా ఎన్నో చిరస్మరణీయ విజయాలను అందించాడు. వన్డేల్లో 50పైగా మ్యాచ్‌లలో భారత జట్టుకు కెప్టెన్‌గా వ్యవహరించిన ఏడుగురులో ఒకడిగా రోహిత్ నిలిచాడు. వన్డేల్లో 75% విజయ శాతంతో అత్యుత్తమ కెప్టెన్‌గా రోహిత్ నిలిచాడు. ఇది ఎంఎస్ ధోని, గంగూలీ, కోహ్లి వంటి దిగ్గజ కెప్టెన్‌లకు కూడా సాధ్యం కాలేదు. అదేవిధంగా అతడి సారథ్యంలోనే ఐసీసీ ఛాంపియన్స్ ట్రోఫీ-2025 టైటిల్‌ను భారత్ సొంతం చేసుకుంది. అదేవిధంగా వన్డే ప్రపంచకప్‌-2023 రన్నరప్‌గా భారత్‌ను హిట్‌మ్యాన్ నిలిపాడు.ఈ టోర్నీ అసాంతం అద్భుతమైన ప్రదర్శన కనబరిచిన భారత జట్టు తుది మొట్టుపై బోల్తా పడింది. మొత్తం 56 వన్డేల్లో భారత జట్టు కెప్టెన్‌గా వ్యవహరించిన రోహిత్‌.. 42 మ్యాచ్‌ల్లో విజయాలను అందించాడు. అతడి కెప్టెన్సీలో భారత్‌ కేవలం 12 వన్డేల్లో మాత్రం ఓటమి పాలైంది.పంత్ దూరం..కాగా ఆస్ట్రేలియా టూర్‌కు స్టార్ వికెట్ కీప‌ర్ బ్యాట‌ర్ రిష‌బ్ పంత్‌, ఆల్‌రౌండ‌ర్ హార్దిక్ పాండ్యా గాయం కార‌ణంగా దూర‌మ‌య్యారు. హార్దిక్ పాండ్యా స్ధానంలో నితీష్ కుమార్ రెడ్డి చోటు ద‌క్కించుకోగా.. పంత్ స్ధానంలో ధ్రువ్ జురెల్ వ‌న్డే జ‌ట్టులోకి వ‌చ్చాడు. ఆసీస్‌తో వన్డేలకు స్టార్‌ పేసర్‌ జస్ప్రీత్‌ బుమ్రాకు విశ్రాంతి ఇచ్చారు.ఆసీస్ టూర్‌కు భారత వన్డే జట్టు: శుభ్‌మన్ గిల్ (కెప్టెన్), రోహిత్ శర్మ, విరాట్ కోహ్లి, శ్రేయాస్ అయ్యర్ , అక్షర్ పటేల్, కేఎల్ రాహుల్ (వికెట్ కీప‌ర్‌), నితీష్ కుమార్ రెడ్డి, వాషింగ్టన్ సుందర్, కుల్దీప్ యాదవ్, హర్షిత్ రాణా, మహమ్మద్ సిరాజ్, అర్ష్‌దీప్ సింగ్‌, విరాట్ కోహ్లిభారత టీ20 జట్టు: సూర్యకుమార్ యాదవ్ (కెప్టెన్‌), అభిషేక్ శర్మ, శుభ్‌మన్ గిల్ (వైస్ కెప్టెన్‌), తిలక్ వర్మ, నితీష్ కుమార్ రెడ్డి, శివమ్ దూబే, అక్షర్ పటేల్, జితేష్ శర్మ (వికెట్ కీపర్‌), వరుణ్ చక్రవర్తి, జస్‌ప్రీత్ బుమ్రా, అర్ష్‌దీప్ సింగ్, కుల్దీప్ యాదవ్‌, సంజూ శాంసన్‌, వాషింగ్టన్ సుందర్‌

వెస్టిండీస్‌తో తొలి టెస్టులో టీమిండియా ఘన విజయం సాధించింది. పర్యాటక జట్టును.. ఇన్నింగ్స్‌ మీద 140 పరుగుల తేడాతో చిత్తుగా ఓడించింది. సమిష్టిగా రాణించి ముచ్చటగా మూడు రోజుల్లోనే మ్యాచ్‌ ముగించింది.ప్రపంచ టెస్టు చాంపియన్‌షిప్‌ (WTC) 2025-27 సీజన్‌లో భాగంగా తొలుత ఇంగ్లండ్‌తో తలపడిన టీమిండియా.. ఐదు మ్యాచ్‌లలో రెండు గెలిచి 2-2తో సిరీస్‌ సమం చేసుకుంది. అనంతరం స్వదేశంలో వెస్టిండీస్‌తో రెండు టెస్టు మ్యాచ్‌లు ఆడుతోంది.చెలరేగిన భారత బౌలర్లుఇందులో భాగంగా తొలుత అహ్మదాబాద్‌ వేదికగా గురువారం ఇరుజట్ల మధ్య తొలి టెస్టు (IND vs WI 1st Test) మొదలైంది. టాస్‌ గెలిచిన వెస్టిండీస్‌ మొదట బ్యాటింగ్‌ చేసింది. భారత పేసర్లు జస్‌ప్రీత్‌ బుమ్రా, మొహమ్మద్‌ సిరాజ్‌ ధాటికి టాపార్డర్‌ కుదేలు కాగా.. మిడిలార్డర్‌లో కెప్టెన్‌ రోస్టన్‌ ఛేజ్‌ (24), షాయీ హోప్‌ (26), జస్టిన్‌ గ్రీవ్స్‌ (32) ఓ మోస్తరుగా రాణించారు.ఈ క్రమంలో 44.1 ఓవర్లలో 162 పరుగులు చేసి వెస్టిండీస్‌ ఆలౌట్‌ అయింది. టీమిండియా బౌలర్లలో సిరాజ్‌.. తగ్‌నరైన్‌ చందర్‌పాల్‌ (0), అలిక్‌ అథనాజ్‌ (12), బ్రాండన్‌ కింగ్‌ (13), రోస్టన్‌ ఛేజ్‌ రూపంలో నాలుగు కీలక వికెట్లు దక్కించుకున్నాడు.మరోవైపు.. బుమ్రా జాన్‌ కాంప్‌బెల్‌ (8), జస్టిన్‌ గ్రీవ్స్‌ (32), జొహాన్‌ లేన్‌ (1) వికెట్లు తీయగా.. కుల్దీప్‌ యాదవ్‌.. షాయీ హోప్‌ (26), వారికన్‌ (8) వికెట్లు తన ఖాతాలో వేసుకున్నాడు. వాషింగ్టన్‌ సుందర్‌ ఖరీ పియరీ (11)ను వికెట్ల ముందు దొరకబుచ్చుకున్నాడు.రాహుల్‌, డీజే, జడ్డూ శతకాలుఈ క్రమంలో బ్యాటింగ్‌కు దిగిన భారత్‌ శుక్రవారం నాటి రెండో రోజు ఆట ముగిసే సరికి 128 ఓవర్లలో ఐదు వికెట్ల నష్టానికి 448 పరుగులు సాధించింది. కేఎల్‌ రాహుల్‌ (100), ధ్రువ్‌ జురెల్‌ (125), రవీంద్ర జడేజా (104 నాటౌట్‌) శతకాలతో చెలరేగగా.. కెప్టెన్‌ శుబ్‌మన్‌ గిల్‌ హాఫ్‌ సెంచరీ (50) చేశాడు.అయితే, శనివారం నాటి మూడో రోజు ఆట మొదలుకాగానే భారత్‌ తమ ఓవర్‌నైట్‌ స్కోరు 448/5 వద్ద తొలి ఇన్నింగ్స్‌ డిక్లేర్‌ చేసింది. దీంతో టీమిండియాకు 286 పరుగుల ఆధిక్యం దక్కింది. ఈ క్రమంలో రెండో ఇన్నింగ్స్‌ మొదలుపెట్టిన వెస్టిండీస్‌ 146 పరుగులకే కుప్పకూలింది.మరోసారి చెలరేగిన భారత బౌలర్లుభారత బౌలర్ల విజృంభణ కారణంగా విండీస్‌ బ్యాటర్లు పెవిలియన్‌కు వరుసకట్టారు. సిరాజ్‌ టీమిండియా తరఫున వికెట్ల వేట మొదలుపెట్టగా.. జడ్డూ వరుస విరామాల్లో వికెట్లు పడగొట్టాడు. కుల్దీప్‌ యాదవ్‌ కూడా తన స్పిన్‌ మాయాజాలంతో విండీస్‌ను ఆడుకున్నాడు.ఈ క్రమంలో ఓపెనర్‌ తగ్‌నరైన్‌ చందర్‌పాల్‌ (8) మరోసారి విఫలం కాగా.. జాన్‌ కాంప్‌బెల్‌ 14, బ్రాండన్‌ కింగ్‌ 5, రోస్టన్‌ ఛేజ్‌ 1, షాయీ హోప్‌ 1 పరుగు చేశారు. వన్‌డౌన్‌బ్యాటర్‌ అలిక్‌ అథనాజ్‌ 38 పరుగులు సాధించగా.. అతడితో కలిసి జస్టిన్‌ గ్రీవ్స్‌ (25) కాసేపు పోరాటం చేశాడు.టీమిండియా ఘన విజయంఆఖర్లో ఖరీ పియరీ 13 పరుగులతో అజేయంగా నిలవగా.. బౌలర్‌ జేడన్‌ సీల్స్‌ 22 పరుగులతో సత్తా చాటాడు. అయితే, కుల్దీప్‌ బౌలింగ్‌లో సీల్స్‌ పదో వికెట్‌గా వెనుదిరగడంతో విండీస్‌ పరాజయం ఖరారైంది.ఇన్నింగ్స్‌ మీద 140 పరుగుల తేడాతో భారత్‌ జయభేరి మోగించింది. ‘ప్లేయర్‌ ఆఫ్‌ ది మ్యాచ్‌’ జడ్డూ నాలుగు, సిరాజ్‌ మూడు వికెట్లు తీయగా.. కుల్దీప్‌ రెండు, వాషింగ్టన్‌ సుందర్‌ ఒక వికెట్‌ తమ ఖాతాలో వేసుకున్నారు. ఇక ఈ విజయంతో టీమిండియా రెండు టెస్టుల సిరీస్‌లో 1-0తో ఆధిక్యంలోకి వెళ్లింది.భారత్‌ వర్సెస్‌ వెస్టిండీస్‌ తొలి టెస్టు సంక్షిప్త స్కోర్లు👉వేదిక: నరేంద్ర మోదీ స్టేడియం, అహ్మదాబాద్‌👉టాస్‌: వెస్టిండీస్‌.. తొలుత బ్యాటింగ్‌👉వెస్టిండీస్‌ తొలి ఇన్నింగ్స్‌ స్కోరు: 162 ఆలౌట్‌👉భారత్‌ తొలి ఇన్నింగ్స్‌ స్కోరు: 448/5 డిక్లేర్డ్‌ ✊భారత్‌కు 286 పరుగుల ఆధిక్యం👉వెస్టిండీస్‌ రెండో ఇన్నింగ్స్‌ స్కోరు: 146 ఆలౌట్‌✌️ఫలితం: వెస్టిండీస్‌పై ఇన్నింగ్స్‌ 140 పరుగుల తేడాతో భారత్‌ ఘన విజయం.చదవండి: Rishabh Pant Facts: రిషభ్‌ పంత్‌ నెట్‌వర్త్‌ ఎంతో తెలుసా?Hugs and smiles all around 😊#TeamIndia celebrate a magnificent victory in Ahmedabad and take a 1-0 lead in the series 👏Scorecard ▶ https://t.co/MNXdZceTab#INDvWI | @IDFCFIRSTBank pic.twitter.com/22q4aUUhqp— BCCI (@BCCI) October 4, 2025

అహ్మదాబాద్‌లోని నరేంద్ర మోదీ స్టేడియం వేదికగా వెస్టిండీస్‌తో జరుగుతున్న తొలి టెస్ట్ మ్యాచ్‌లో (India vs West Indies) భారత కెప్టెన్ శుభ్‌మన్ గిల్ (Shubman Gill) ఓ అరుదైన ఘనత సాధించాడు. టెస్ట్ కెప్టెన్‌గా స్వదేశంలో తొలి ఇన్నింగ్స్‌లోనే హాఫ్ సెంచరీ బాది, 47 ఏళ్ల క్రితం సునీల్ గవాస్కర్ (Sunil Gavaskar) నెలకొల్పిన రికార్డును పునరావృతం చేశాడు.1978లో గవాస్కర్‌ భారత కెప్టెన్‌గా స్వదేశంలో తన తొలి ఇన్నింగ్స్‌లోనే హాఫ్‌ సెంచరీ చేశాడు. ముంబై వాంఖడే స్టేడియంలో వెస్టిండీస్‌తో జరిగిన మ్యాచ్‌లో ఏకంగా డబుల్‌ సెంచరీనే (205) బాదాడు. తిరిగి 47 ఏళ్ల తర్వాత శుభ్‌మన్‌ గిల్‌ స్వదేశంలో భారత కెప్టెన్‌గా తన తొలి ఇన్నింగ్స్‌లోనే హాఫ్‌ సెంచరీ మార్కు తాకాడు.ఈ మ్యాచ్‌లో గిల్‌ సరిగ్గా 50 పరుగులు (100 బంతుల్లో 5 ఫోర్లు) చేసి రోస్టన్‌ ఛేజ్‌ బౌలింగ్‌లో జస్టిన్‌ గ్రీవ్స్‌కు క్యాచ్‌ ఇచ్చి ఔటయ్యాడు.మ్యాచ్‌ విషయానికొస్తే.. విండీస్‌ను 162 పరుగులకే ఆలౌట్‌ చేసి తొలి ఇన్నింగ్స్‌ కొనసాగిస్తున్న భారత్‌ భారీ స్కోర్‌ దిశగా సాగుతోంది. రెండో రోజు మూడో సెషన్‌ సమయానికి జట్టు స్కోర్‌ 4 వికెట్ల నష్టానికి 338 పరుగులుగా ఉంది. ప్రస్తుతం 176 టీమిండియా 176 పరుగుల ఆధిక్యంలో కొనసాగుతుంది. ధృవ్‌ జురెల్‌ (75), రవీంద్ర జడేజా (56) అర్ద సెంచరీలు పూర్తి చేసుకొని ఇన్నింగ్స్‌లు కొనసాగిస్తున్నారు.అంతకుముందు కేఎల్‌ రాహుల్‌ సూపర్‌ సెంచరీతో సత్తా చాటాడు. 190 బంతుల్లో 12 ఫోర్ల సాయంతో 100 పరుగులు చేసి ఔటయ్యాడు. వార్రికన్‌ బౌలింగ్‌లో గ్రీవ్స్‌కు క్యాచ్‌ ఇచ్చి పెవిలియన్‌కు చేరాడు. దీనికి ముందే శుభ్‌మన్‌ గిల్‌ సరిగ్గా 50 పరుగుల వద్ద ఔటయ్యాడు. భారత ఇన్నింగ్స్‌లో యశస్వి జైస్వాల్‌ 36, సాయి సుదర్శన్‌ 7 పరుగులు చేశారు.ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన విండీస్‌ 162 ప‌రుగుల‌కే ఆలౌటైంది. సిరాజ్‌ (14-3-40-4), బుమ్రా (14-3-42-3), కుల్దీప్‌ (6.1-0-25-2), వాషింగ్టన్‌ సుందర్‌ (3-0-9-1) ధాటికి విండీస్‌ ఇన్నింగ్స్‌ పేకమేడలా కూలింది.విండీస్‌ ఇన్నింగ్స్‌లో ఏడో నంబర్‌ ఆటగాడు జస్టిన్‌ గ్రీవ్స్‌ చేసిన 32 పరుగులే అత్యధికం. ఈ ఇన్నింగ్స్‌లో భారత వికెట్‌కీపర్‌ ధృవ్‌ జురెల్‌ 4 క్యాచ్‌లు పట్టాడు. కాగా, రెండు మ్యాచ్‌ల టెస్ట్‌ సిరీస్‌ కోసం వెస్టిండీస్‌ జట్టు భారత్‌లో పర్యటిస్తున్న విషయం తెలిసిందే.

అహ్మదాబాద్‌ టెస్ట్‌లో (India vs West Indies) టీమిండియా (Team India) భారీ ఆధిక్యం దిశగా సాగుతోంది. రెండో రోజు రెండో సెషన్‌ సమయానికి 124 పరుగుల ఆధిక్యంలో ఉంది. భారత్‌ స్కోర్‌ 4 వికెట్ల నష్టానికి 286 పరుగులుగా ఉంది. ధృవ్‌ జురెల్‌ (Dhruv Jurel) అర్ద సెంచరీ పూర్తి చేసుకోగా.. రవీంద్ర జడేజా 30 పరుగులతో ఇన్నింగ్స్‌ కొనసాగిస్తున్నాడు.డీజే హాఫ్‌ సెంచరీరిషబ్‌ పంత్‌ స్థానంలో జట్టులోకి వచ్చిన ధృవ్‌ జురెల్‌ తనకు లభించిన అవకాశాన్ని సరిగ్గా సద్వినియోగం చేసుకున్నాడు. ఈ మ్యాచ్‌లో ఐదో స్థానంలో బరిలోకి దిగి అర్ద సెంచరీ పూర్తి చేశాడు. 91 బంతుల్లో డీజే ఈ మార్కును తాకాడు. గ్రీవ్స్‌ బౌలింగ్‌లో బౌండరీ బాది హాఫ్‌ సెంచరీ మార్కును తాకాడు.రాహుల్‌ సూపర్‌ సెంచరీఓపెనర్‌ కేఎల్‌ రాహుల్‌ సూపర్‌ సెంచరీతో సత్తా చాటాడు. 190 బంతుల్లో 12 ఫోర్ల సాయంతో 100 పరుగులు చేశాడు. సెంచరీ పూర్తైన వెంటనే రాహుల్‌ ఔటయ్యాడు. వార్రికన్‌ బౌలింగ్‌లో గ్రీవ్స్‌కు క్యాచ్‌ ఇచ్చి పెవిలియన్‌కు చేరాడు. టెస్ట్‌ల్లో రాహుల్‌కు ఇది 11వ శతకం. సొంతగడ్డపై మాత్రం రెండోదే. రాహుల్‌ స్వదేశంలో తన చివరి శతకాన్ని 2016లొ చెన్నైలో ఇంగ్లండ్‌పై చేశాడు.గిల్‌ హాఫ్‌ సెంచరీశుభ్‌మన్‌ గిల్‌ హాఫ్‌ సెంచరీ (100 బంతుల్లో 5 ఫోర్లు) పూర్తి చేసిన వెంటనే ఔటయ్యాడు. రోస్టన్‌ ఛేజ్‌ బౌలింగ్‌లో జస్టిన్‌ గ్రీవ్స్‌కు క్యాచ్‌ ఇచ్చి పెవిలియన్‌ బాట పట్టాడు.భారత ఇన్నింగ్స్‌లో యశస్వి జైస్వాల్‌ 36, సాయి సుదర్శన్‌ 7 పరుగులు చేశారు. జైస్వాల్‌ వికెట్‌ సీల్స్‌కు, సాయి సుదర్శన్‌ వికెట్‌ ఛేజ్‌కు దక్కాయి. ఈ మ్యాచ్‌లో టాస్‌ గెలిచి తొలుత బ్యాటింగ్‌ చేసిన విండీస్‌ 162 ప‌రుగుల‌కే ఆలౌటైంది. సిరాజ్‌ (14-3-40-4), బుమ్రా (14-3-42-3), కుల్దీప్‌ (6.1-0-25-2), వాషింగ్టన్‌ సుందర్‌ (3-0-9-1) ధాటికి విండీస్‌ ఇన్నింగ్స్‌ పేకమేడలా కూలింది.విండీస్‌ ఇన్నింగ్స్‌లో ఏడో నంబర్‌ ఆటగాడు జస్టిన్‌ గ్రీవ్స్‌ చేసిన 32 పరుగులే అత్యధికం. ఈ ఇన్నింగ్స్‌లో భారత వికెట్‌కీపర్‌ ధృవ్‌ జురెల్‌ 4 క్యాచ్‌లు పట్టాడు. కాగా, రెండు మ్యాచ్‌ల టెస్ట్‌ సిరీస్‌ కోసం వెస్టిండీస్‌ జట్టు భారత్‌లో పర్యటిస్తున్న విషయం తెలిసిందే.చదవండి: నిప్పులు చెరిగిన పంజాబ్‌ కింగ్స్‌ బౌలర్‌

గిల్‌ ఔట్‌శుభ్‌మన్‌ గిల్‌ హాఫ్‌ సెంచరీ పూర్తి చేసిన వెంటనే ఔటయ్యాడు. రోస్టన్‌ ఛేజ్‌ బౌలింగ్‌లో జస్టిన్‌ గ్రీవ్స్‌కు క్యాచ్‌ ఇచ్చి పెవిలియన్‌ బాట పట్టాడు. 59 ఓవర్ల తర్వాత టీమిండియా స్కోర్‌ 192/3గా ఉంది. ప్రస్తుతం భారత్‌ 30 పరుగుల ఆధిక్యంలో కొనసాగుతోంది. రాహుల్‌ 86, జురెల్‌ 2 పరుగులతో క్రీజ్‌లో ఉన్నారు.అహ్మదాబాద్‌ వేదికగా వెస్టిండీస్‌తో జరుగుతున్న తొలి టెస్ట్‌లో భారత్‌ ఆధిక్యంలోకి వెళ్లింది. రెండో రోజు తొలి సెషన్‌లోనే ఇది సాధించింది. 56 ఓవర్ల తర్వాత భారత్‌ తొలి ఇన్నింగ్స్‌ స్కోర్‌ 188/2గా ఉంది. ప్రస్తుతం టీమిండియా 26 పరుగుల ఆధిక్యంలో కొనసాగుతోంది.శుభ్‌మన్‌ గిల్‌ (50) అర్ద సెంచరీ పూర్తి చేసుకోగా.. రాహుల్‌ (84) సెంచరీ దిశగా సాగుతున్నాడు. భారత ఇన్నింగ్స్‌లో యశస్వి జైస్వాల్‌ 36, సాయి సుదర్శన్‌ 7 పరుగులు చేసి ఔటయ్యాడు. విండీస్‌ బౌలర్లలో జేడన్‌ సీల్స్‌, రోస్టన్‌ ఛేజ్‌ తలో వికెట్‌ తీశారు.అంతకుముందు టాస్‌ గెలిచి తొలుత బ్యాటింగ్‌ చేసిన విండీస్‌ 162 ప‌రుగుల‌కే ఆలౌటైంది. సిరాజ్‌ (14-3-40-4), బుమ్రా (14-3-42-3), కుల్దీప్‌ (6.1-0-25-2), వాషింగ్టన్‌ సుందర్‌ (3-0-9-1) ధాటికి విండీస్‌ ఇన్నింగ్స్‌ పేకమేడలా కూలింది.విండీస్‌ ఇన్నింగ్స్‌లో ఏడో నంబర్‌ ఆటగాడు జస్టిన్‌ గ్రీవ్స్‌ చేసిన 32 పరుగులే అత్యధికం. గ్రీవ్స్‌ కాకుండా అలిక్‌ అథనాజ్‌ (12), బ్రాండన్‌ కింగ్‌ (13), కెప్టెన్‌ రోస్టన్‌ ఛేజ్‌ (24), షాయ్‌ హోప్‌ (26), ఖారీ పియెర్‌ (11) అతి కష్టం మీద రెండంకెల స్కోర్లు చేశారు.మిగతా వారిలో జాన్‌ క్యాంప్‌బెల్‌ 8, తేజ్‌నరైన్‌ చంద్రపాల్‌ డకౌట్‌, జోమెల్‌ వార్రికన్‌ 8, జోహన్‌ లేన్‌ ఒక్క పరుగుకు ఔటయ్యారు. ఈ ఇన్నింగ్స్‌లో భారత వికెట్‌కీపర్‌ ధృవ్‌ జురెల్‌ 4 క్యాచ్‌లు పట్టాడు. కాగా, రెండు మ్యాచ్‌ల టెస్ట్‌ సిరీస్‌ కోసం వెస్టిండీస్‌ జట్టు భారత్‌లో పర్యటిస్తున్న విషయం తెలిసిందే. చదవండి: World Cup 2025: పాకిస్తాన్‌కు షాకిచ్చిన బంగ్లాదేశ్‌

అహ్మదాబాద్ వేదిక‌గా భార‌త్‌-వెస్టిండీస్ మ‌ధ్య తొలి టెస్టు ప్రారంభ‌మైంది. ఈ మ్యాచ్‌లో టాస్ గెలిచిన వెస్టిండీస్ తొలుత బ్యాటింగ్ ఎంచుకుంది. తొలి టెస్టులో టీమిండియా ఇద్దరు స్పెషలిస్టు ఫాస్ట్‌ బౌలర్లు, ముగ్గురు స్పిన్నర్లతో బరిలోకి దిగింది. జస్ప్రీత్‌ బుమ్రా ఈ మ్యాచ్‌లో ఆడుతున్నాడు. అదేవిధంగా ఇంగ్లండ్‌ టూర్‌లో గాయం కారణంగా మధ్యలోనే వైదొలిగిన ఆల్‌రౌండర్‌ నితీశ్‌ రెడ్డి తిరిగి జట్టులోకి వచ్చాడు. యువ ఆటగాడు సాయిసుదర్శన్‌కు టీమ్‌ మెనెజ్‌మెంట్‌ మరో అవకాశమిచ్చింది. మరోవైపు విండీస్‌ తరపున ఖరీ పియర్, జోహన్ లేన్ టెస్టుల్లో అరంగేట్రం చేశారు.తుది జట్లువెస్టిండీస్ ప్లేయింగ్ ఎలెవన్: టాగెనరైన్ చందర్‌పాల్, జాన్ కాంప్‌బెల్, అలిక్ అథానాజ్, బ్రాండన్ కింగ్, షాయ్ హోప్ (వికెట్ కీప‌ర్‌), రోస్టన్ చేజ్ (కెప్టెన్‌), జస్టిన్ గ్రీవ్స్, జోమెల్ వారికన్, ఖరీ పియర్, జోహన్ లేన్, జేడెన్ సీల్స్ఇండియా ప్లేయింగ్ ఎలెవన్: కెఎల్ రాహుల్, యశస్వి జైస్వాల్, బి సాయి సుదర్శన్, శుభ్‌మన్ గిల్ (సి), ధృవ్ జురెల్ (వికెట్ కీప‌ర్‌), రవీంద్ర జడేజా, వాషింగ్టన్ సుందర్, నితీష్ కుమార్ రెడ్డి, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్

సొంతగడ్డపై టెస్టుల్లో భారత్‌ దాదాపు 12 ఏళ్ల పాటు ఎదురులేని జట్టుగా ఒక్క సిరీస్‌ కూడా ఓడిపోకుండా ఆధిపత్యం ప్రదర్శించింది. పర్యటనకు వచ్చిన పెద్ద జట్లు కూడా టీమిండియా జోరును ఆపలేకపోయాయి. అయితే పుష్కర కాలం తర్వాత బలహీనం అనుకున్న న్యూజిలాండ్‌ పెద్ద దెబ్బ కొట్టింది. గత ఏడాది అనూహ్యంగా కివీస్‌ చేతిలో భారత్‌ క్లీన్‌స్వీప్‌నకు గురైంది. ఆ తర్వాత ఇప్పుడు మళ్లీ మన టీమ్‌స్వదేశంలో టెస్టు మ్యాచ్‌ బరిలోకి దిగుతోంది. ఈసారి కూడా బలహీనమైన వెస్టిండీస్‌ ఎదురుగా ఉంది. ఇంగ్లండ్‌పై చక్కటి ప్రదర్శన తర్వాత ఎలాంటి ఉదాసీనతకు తావు ఇవ్వకుండా ఆడితే విండీస్‌పై పైచేయి ఖాయం. ఈ నేపథ్యంలో రెండు మ్యాచ్‌ల సిరీస్‌కు రంగం సిద్ధమైంది. అహ్మదాబాద్‌: శుబ్‌మన్‌ గిల్‌ నాయకత్వంలో భారత జట్టు సొంతగడ్డపై తొలి టెస్టు సిరీస్‌ ఆడనుంది. వెస్టిండీస్‌తో జరిగే రెండు టెస్టుల సిరీస్‌లో భాగంగా నేటి నుంచి మొదటి టెస్టు జరుగుతుంది. సీనియర్లు కోహ్లి, రోహిత్, అశ్విన్‌ల రిటైర్మెంట్‌ తర్వాత టీమిండియా స్వదేశంలో ఆడనున్న మొదటి టెస్టు ఇదే కానుంది. ఇంగ్లండ్‌ గడ్డపై అద్భుత ఆటతో సిరీస్‌ను సమం చేసుకున్న టీమిండియా పటిష్టంగా కనిపిస్తోంది. మరోవైపు ఆసీస్‌తో ఆడిన గత టెస్టులో ‘27 ఆలౌట్‌’ తర్వాత విండీస్‌ ఇదే మ్యాచ్‌లో బరిలోకి దిగుతోంది. బలాబలాల్లో ఎంతో అంతరం కనిపిస్తుండగా, కరీబియన్‌ టీమ్‌ ఇక్కడ ఏమాత్రం పోటీనిస్తుందనేది సందేహమే. అదనపు పేసర్‌తో... సాధారణంగా స్వదేశంలో నల్లరేగడి మట్టితో సిద్ధం చేసే స్పిన్‌ అనుకూల పిచ్‌లపై భారత్‌ ముగ్గురు స్పిన్నర్లతో బరిలోకి దిగడం ఆనవాయితీగా వస్తోంది. అయితే ఈసారి టీమ్‌ మేనేజ్‌మెంట్‌ ఉద్దేశపూర్వకంగా పేస్‌కు అనుకూలించే ‘ఎర్ర మట్టి’ పిచ్‌పై తమ సత్తాను పరీక్షించుకోవాలని భావిస్తోంది. దీని ప్రకారమే తుది జట్టు ఉండవచ్చు. ఇద్దరు ప్రధాన పేసర్లుగా బుమ్రా, సిరాజ్‌ ఖాయం. స్పిన్‌ ఆల్‌రౌండర్లుగా జడేజా, సుందర్‌ ఖాయం. అయితే మూడో స్పిన్నర్‌ అయిన కుల్దీప్, మరో పేసర్‌ మధ్య పోటీ ఉండవచ్చు. పిచ్‌ను బట్టి చూస్తే ప్రసిధ్‌ వైపే మొగ్గు కనిపిస్తోంది. అయితే ఆరో స్థానంలో ఆంధ్ర ఆల్‌రౌండర్‌ నితీశ్‌ రెడ్డిని ఆడిస్తే అప్పుడు కుల్దీప్‌కు అవకాశం ఉంటుంది. నితీశ్‌ జట్టులోకి వస్తే బ్యాటర్‌ పడిక్కల్‌ను కూడా పక్కన పెట్టాల్సి రావచ్చు. ఇంగ్లండ్‌లో పెద్దగా ఆకట్టుకోకపోయినా నితీశ్‌పై సెలక్టర్లు నమ్మకం ఉంచారు. బ్యాటింగ్‌పరంగా యశస్వి, గిల్, రాహుల్‌ చక్కటి ఫామ్‌లో ఉండగా సుదర్శన్‌ కూడా ఇటీవల ఆ్రస్టేలియా ‘ఎ’పై సత్తా చాటాడు. అందరూ అంతంతే! ‘మా గెలుపుపై ఎవరికీ అంచనాలు లేకపోవడమే మా బలం. ఓటమి భయం లేకుండా స్వేచ్ఛగా ఆడతాం. కివీస్‌ను ఆదర్శంగా తీసుకుంటాం’ అని వెస్టిండీస్‌ కెప్టెన్‌ రోస్టన్‌ ఛేజ్‌ చెబుతున్నాడు. కానీ భారత్‌లో టెస్టులు అంటే ఎంతో కష్టమో విండీస్‌కు బాగా తెలుసు. 1994లో భారత్‌ను ఓడించిన తర్వాత ఇక్కడ ఆడిన 10 టెస్టుల్లో విండీస్‌ 8 ఓడి, 2 ‘డ్రా’ చేసుకుంది. 2018లో ఆడిన సిరీస్‌లో 2 టెస్టులూ మూడు రోజులకే ముగిశాయి! పట్టుదలగా క్రీజ్‌లో నిలబడి జట్టును నడిపించగల బ్యాటర్‌ ఎవరూ కనిపించడం లేదు. హోప్, ఛేజ్, వారికన్‌లకు మాత్రమే ఇక్కడ ఆడిన అనుభవం ఉండగా, జేడెన్‌ సీల్స్‌ ఇటీవల ఆకట్టుకుంటున్నాడు. ప్రధాన పేసర్లు అల్జారీ జోసెఫ్, షామర్‌ జోసెఫ్‌ గాయంతో సిరీస్‌కు దూరం కావడం పెద్ద లోటు. విండీస్‌ కూడా ముగ్గురు పేసర్లతో ఆడనుంది. పిచ్, వాతావరణం పిచ్‌పై పచ్చికను ఎక్కువగా ఉంచారు. పేస్‌ బౌలింగ్‌కు అనుకూలం కాగా బ్యాటర్లు పట్టుదల కనబర్చాల్సి ఉంది. నగరంలో అనూహ్యంగా కురుస్తున్న వర్షాలు మ్యాచ్‌కు స్వల్పంగా అంతరాయం కలిగించవచ్చు.తుది జట్లు (అంచనా) భారత్‌: గిల్‌ (కెప్టెన్ ), జైస్వాల్, రాహుల్, సుదర్శన్, జురేల్, నితీశ్‌ రెడ్డి/పడిక్కల్, జడేజా, సుందర్, బుమ్రా, సిరాజ్, కుల్దీప్‌/ప్రసిధ్‌.వెస్టిండీస్‌: ఛేజ్‌ (కెప్టెన్ ), చందర్‌పాల్, కెవ్లాన్‌ అండర్సన్, అతనజె, బ్రెండన్‌ కింగ్, షై హోప్, గ్రీవ్స్, పైర్, వారికన్, ఫిలిప్‌ అండర్సన్, సీల్స్‌.

భార‌త్, వెస్టిండీస్ మ‌ధ్య రెండు మ్యాచ్‌ల టెస్టు సిరీస్ గురువారం(ఆక్టోబ‌ర్ 2) నుంచి ప్రారంభం కానుంది. ఈ సిరీస్‌లోని తొలి టెస్టుకు అహ్మ‌దాబాద్‌లోని నరేంద్ర మోదీ స్టేడియం ఆతిథ్య‌మివ్వ‌నుంది. ఈ మ్యాచ్ కోసం ఇప్ప‌టికే అహ్మ‌దాబాద్‌కు చేరుకున్న భార‌త జ‌ట్టు నెట్స్‌లో తీవ్రంగా శ్ర‌మించింది.కెప్టెన్ శుబ్‌మ‌న్ గిల్‌, స్టార్ పేస‌ర్ జ‌స్ప్రీత్ బుమ్రా, కుల్దీప్ యాద‌వ్‌, అక్ష‌ర్ ప‌టేల్ వంటి వారు నేరుగా దుబాయ్ నుంచి అహ్మ‌దాబాద్‌కు చేరుకున్నారు. వీరంతా సెప్టెంబ‌ర్ 28న జ‌రిగిన ఆసియాక‌ప్‌-2025లో ఫైన‌ల్లో భార‌త జ‌ట్టు త‌ర‌పున ఆడారు. కేవ‌లం మూడు రోజుల వ్యవ‌ధిలోనే ఐదు రోజుల టెస్టు మ్యాచ్ ఆడేందుకు సిద్ద‌మ‌య్యారు. అయితే వ‌ర్క్‌లోడ్‌లో భాగంగా తొలి టెస్టులో జ‌స్ప్రీత్ బుమ్రా ఆడుతాడా లేదా అన్న‌ది? ప్ర‌స్తుతం ప్రశ్నార్ధ‌కంగా మారింది. ఆసియాక‌ప్‌లో కూడా బుమ్రా కేవ‌లం 5 మ్యాచ్‌లు మాత్ర‌మే ఆడాడు. అంత‌కుముందు ఇంగ్లండ్ ప‌ర్య‌ట‌న‌లో మూడు మ్యాచ్‌ల‌కు మాత్ర‌మే జ‌స్ప్రీత్ అందుబాటులో ఉన్నాడు. మ‌రి ఇప్పుడు విండీస్‌తో అన్ని మ్యాచ్‌లు బుమ్రా ఆడుతాడో లేదో వేచి చూడాలి. తాజాగా ఇదే విష‌యంపై ప్రీ మ్యాచ్ కాన్ఫరెన్స్‌లో టీమిండియా కెప్టెన్ శుబ్‌మ‌న్ గిల్ కీల‌క వ్యాఖ్య‌లు చేశాడు. జ‌ట్టు కాంబ‌నేష‌న్‌పై ఇంకా ఎటువంటి నిర్ణ‌యం తీసుకోలేద‌ని గిల్ చెప్పుకొచ్చాడు."జ‌ట్టు కాంబ‌నేష‌న్‌పై మ్యాచ్ టు మ్యాచ్ ఆధారంగా నిర్ణయం తీసుకుంటాము. గేమ్ ఎంత సేపు సాగుతుంది, ఒక బౌల‌ర్ ఎన్ని ఓవ‌ర్లు బౌలింగ్ చేయ‌గ‌ల‌డు? ఇటువంటి ఆంశాల‌ను ప‌రిగ‌ణ‌లోకి తీసుకుని తుది జ‌ట్టును ఎంపిక చేస్తాము. అంతే త‌ప్ప ముందుగా ఎటువంటి నిర్ణ‌యాలు తీసుకోము.తొలి మ్యాచ్‌లో మా జ‌ట్టు కాంబనేష‌న్ గురుంచి రేపు మీకు తెలుస్తోంది. వాతావ‌ర‌ణ ప‌రిస్థితులు, పిచ్ కండీష‌న్‌ బ‌ట్టి మూడవ సీమ‌ర్‌ను ఆడించాలా వ‌ద్దా అన్న‌ది రేపు నిర్ణయం తీసుకుంటాము" అని గిల్‌ పేర్కొన్నాడు.అయితే బుమ్రా రెండు మ్యాచ్‌లు కూడా అడే అవ‌కాశ‌ముంది. ఇదే విష‌యాన్ని జ‌ట్టు ప్ర‌క‌ట‌న సంద‌ర్భంగా బీసీసీఐ చీఫ్ సెలెక్టర్ అజిత్ అగార్కర్ స్ప‌ష్టం చేశాడు. బుమ్రా వెస్టిండీస్‌తో జరిగే రెండు టెస్టులు ఆడటానికి సిద్ధంగా ఉన్నాడని అగార్క‌ర్ తెలిపాడు. అదేవిధంగా బుమ్రాకు దాదాపు ఐదు వారాల విశ్రాంతి ల‌భించంద‌ని అత‌డు వెల్లడించాడు.చదవండి: వెస్టిండీస్‌తో తొలి టెస్టు.. టీమిండియాకు ఊహించని షాక్‌

ఆసియా కప్‌ 2025లో (Asia cup 2025) భారత్‌ (Team India) విజేతగా నిలిచింది. నిన్న (సెప్టెంబర్‌ 28) జరిగిన ఫైనల్లో పాక్‌ను ఓడించి 9వ సారి ఆసియా ఛాంపియన్‌గా అవతరించింది. టీ20 ఫార్మాట్‌లో జరిగిన ఈ టోర్నీ దాదాపు 20 రోజుల పాటు సాగింది. భారత్‌ ఈ టోర్నీలో ఓటమెరుగని జట్టుగా నిలిచింది.గ్రూప్‌ దశలో యూఏఈ, పాకిస్తాన్‌, ఒమన్‌పై విజయాలు సాధించిన టీమిండియా.. సూపర్‌-4లో పాకిస్తాన్‌, బంగ్లాదేశ్‌, శ్రీలంకపై గెలుపొందింది. ఫైనల్లో మరోసారి పాక్‌పై గెలిచి టైటిల్‌ ఎగరేసుకుపోయింది. ఈ టోర్నీలో భారత్‌కు శ్రీలంక ఒక్కటే కాస్త టఫ్‌ ఫైట్‌ ఇచ్చింది. పాక్‌తో తలపడిన మూడు సందర్భాల్లో టీమిండియాదే పైచేయిగా నిలిచింది.ఆసియా కప్‌ అనంతరం టీమిండియా స్వదేశంలో వెస్టిండీస్‌తో (India vs West Indies) రెండు మ్యాచ్‌ల టెస్ట్‌ సిరీస్‌ ఆడనుంది. ఆసియా కప్‌ తర్వాత కేవలం 3 రోజుల గ్యాప్‌లోనే భారత్‌, వెస్టిండీస్‌తో తలపడనుంది. అక్టోబర్‌ 2 నుంచి అహ్మదాబాద్‌లోని నరేంద్ర మోదీ స్టేడియంలో తొలి టెస్ట్‌ జరుగనుంది. అనంతరం అక్టోబర్‌ 10 నుంచి 14 వరకు న్యూఢిల్లీలో రెండో టెస్ట్‌ జరుగుతుంది.ఈ సిరీస్‌ కోసం ఇరు జట్లను ఇదివరకే ప్రకటించారు. భారత జట్టుకు శుభ్‌మన్‌ గిల్‌ కెప్టెన్‌గా కొనసాగనుండగా.. విండీస్‌కు రోస్టన్‌ ఛేజ్‌ సారథ్యం వహిస్తాడు. ఈ సిరీస్‌కు ఇంగ్లండ్‌లో గాయపడ్డ భారత రెగ్యులర్‌ వికెట్‌కీపర్‌ బ్యాటర్‌ రిషబ్‌ పంత్‌ దూరంగా ఉన్నాడు. అతని స్థానంలో ధృవ్‌ జురెల్‌, ఎన్‌ జగదీసన్‌ వికెట​్‌ కీపర్‌ బ్యాటర్లుగా ఎంపికయ్యారు.కొత్తగా దేవ్‌దత్‌ పడిక్కల్‌ జట్టులోకి వచ్చాడు. కరుణ్‌ నాయర్‌ స్థానాన్ని అతను భర్తీ చేయనున్నాడు. ఆస్ట్రేలియా సిరీస్‌ సందర్భంగా గాయపడిన నితీశ​్‌ కుమార్‌ రెడ్డి ఈ సిరీస్‌తో రీఎంట్రీ ఇచ్చాడు. విండీస్‌ జట్టులో ఎక్కువ శాతం కొత్త ముఖాలు ఉన్నాయి. బ్యాటింగ్‌లో షాయ్‌ హోప్‌, బౌలింగ్‌లో అల్జరీ జోసఫ్‌ మాత్రమే కాస్త అనుభవజ్ఞులు.ఈ సిరీస్‌ స్టార్‌ స్పోర్ట్స్‌ నెట్‌వర్క్‌లో ప్రత్యక్ష ప్రసారం అవుతుంది. జియో హాట్‌స్టార్‌ యాప్‌లో లైవ్‌ స్ట్రీమింగ్‌ అవుతుంది.భారత జట్టు: శుభ్‌మన్ గిల్ (కెప్టెన్‌), యశస్వి జైస్వాల్, కేఎల్ రాహుల్, సాయి సుదర్శన్, దేవదత్ పడిక్కల్, ధ్రువ్ జురెల్ (వికెట్‌కీపర్‌), రవీంద్ర జడేజా (వైస్‌ కెప్టెన్‌), వాషింగ్టన్ సుందర్, జస్ప్రీత్ బుమ్రా, అక్షర్ పటేల్, నితీష్ కుమార్ రెడ్డి, ఎన్. జగదీశన్ (వికెట్‌కీపర్‌), మహ్మద్ సిరాజ్, ప్రసిద్ద్‌ కృష్ణ, కుల్దీప్‌ యాదవ్‌వెస్టిండీస్: రోస్టన్‌ ఛేజ్‌ (కెప్టెన్‌), కెవ్లాన్‌ ఆండర్సన్‌, తేజ్‌నరైన్‌ చంద్రపాల్‌, జాన్‌ క్యాంప్‌బెల్‌, జోహన్‌ లేన్‌, అలిక్‌ అథానాజ్‌, బ్రాండన్‌ కింగ్‌, జస్టిన్‌ గ్రీవ్స్‌, షాయ్‌ హోప్‌, టెవిన్‌ ఇమ్లాచ్‌, జోమెల్‌ వారికన్‌, ఆండర్సన్‌ ఫిలిప్‌, అల్జరీ జోసఫ్‌, జేడన్‌ సీల్స్‌, ఖారీ పియెర్‌చదవండి: Asia Cup 2025: సూర్యకుమార్‌ యాదవ్‌ చేశాడని పాకిస్తాన్‌ కెప్టెన్‌ కూడా..!

టీమిండియా యువ క్రికెటర్‌ సర్ఫరాజ్‌ ఖాన్‌ (Sarfaraz Khan)ను మరోసారి దురదృష్టం వెంటాడింది. వెస్టిండీస్‌తో టెస్టు సిరీస్‌ (IND vs WI) ఆడే భారత జట్టులో అతడికి చోటు దక్కలేదు. అయితే, ఈసారి గాయం వల్ల అతడికి ఇలా చేదు అనుభవం ఎదురైంది. ఫస్ట్‌క్లాస్‌ క్రికెట్‌లో పరుగుల వరద పారించిన సర్ఫరాజ్‌ ఖాన్‌ ఎట్టకేలకు గతేడాది అంతర్జాతీయ క్రికెట్‌లో అడుగుపెట్టాడు.చివరగా గతేడాదిసొంతగడ్డపై ఇంగ్లండ్‌తో జరిగిన టెస్టు సిరీస్‌ సందర్భంగా సర్ఫరాజ్‌ ఖాన్‌ టీమిండియా తరఫున అరంగేట్రం చేశాడు. ఇప్పటి వరకు మొత్తంగా ఆరు టెస్టులు ఆడి మూడు అర్ధ శతకాలు, ఓ సెంచరీ సాయంతో 371 పరుగులు చేశాడు. చివరగా గతేడాది స్వదేశంలో న్యూజిలాండ్‌తో జరిగిన సిరీస్‌లో సర్ఫరాజ్‌ టీమిండియాకు ఆడాడు.భారీగా బరువు తగ్గి... ఆ తర్వాత ఇంగ్లండ్‌ పర్యటనకు ఎంపిక చేస్తారని ఆశించిన సర్ఫరాజ్‌ ఖాన్‌కు సెలక్టర్లు మొండిచేయి చూపారు. ఈ క్రమంలో తనకు దొరికిన విరామాన్ని ఈ ముంబై బ్యాటర్‌ ఫిట్‌నెస్‌పై శ్రద్ధ పెట్టేందుకు ఉపయోగించుకున్నాడు. రెండు నెలల వ్యవధిలో ఏకంగా పదిహేడు కిలోల బరువు తగ్గి గుర్తుపట్టలేనంతగా సన్నబడ్డాడు. ఈ క్రమంలో బుచ్చిబాబు ఇన్విటేషనల్‌ టోర్నీ ద్వారా కాంపిటేటివ్‌ క్రికెట్‌లో అడుగుపెట్టాడు. తమిళనాడు క్రికెట్‌ అసోసియేషన్‌ నిర్వహించే ఈ రెడ్‌బాల్‌ టోర్నీలో ముంబై తరఫున సర్ఫరాజ్‌ శతకంతో సత్తా చాటాడు. 114 బంతుల్లో పది బౌండరీలు, ఆరు సిక్సర్ల సాయంతో 138 పరుగులు సాధించాడు. విండీస్‌కు జట్టును ఎంపిక చేసే సమయంలో తనను గుర్తుపెట్టుకోవాలన్నట్లుగా ఇలా బ్యాట్‌తోనే సెలక్టర్లకు సందేశం ఇచ్చాడు.అంతా తలకిందులుకానీ గాయం కారణంగా అంతా తలకిందులైంది. తొడ కండరాల నొప్పితో బాధపడిన 27 ఏళ్ల సర్ఫరాజ్‌ ఖాన్‌... దులిప్‌ ట్రోఫీ టోర్నీకి కూడా దూరమయ్యాడు. తాజాగా వెస్టిండీస్‌తో టెస్టులకు కూడా అతడు ఎంపిక కాలేదు. ఇందుకు గల కారణాన్ని టీమిండియా చీఫ్‌ సెలక్టర్‌ అజిత్‌ అగార్కర్‌ వెల్లడించాడు. గాయం కారణంగానే అతడు సెలక్షన్‌కు అందుబాటులో లేకుండా పోయాడని తెలిపాడు.కాగా టీమిండియా స్వదేశంలో వెస్టిండీస్‌తో రెండు టెస్టుల సిరీస్‌ ఆడనుంది. అహ్మదాబాద్‌ వేదికగా అక్టోబరు 2- 6 తొలి టెస్టు.. ఢిల్లీలో అక్టోబరు 10- 14 వరకు రెండో టెస్టు నిర్వహణకు షెడ్యూల్‌ ఖరారైంది.వెస్టిండీస్‌తో టెస్టులకు బీసీసీఐ ప్రకటించిన జట్టుశుబ్‌మన్‌ గిల్‌ (కెప్టెన్‌), యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, దేవ్‌దత్‌ పడిక్కల్‌, ధ్రువ్‌ జురెల్‌ (వికెట్‌ కీపర్‌), రవీంద్ర జడేజా (వైస్‌ కెప్టెన్‌), వాషింగ్టన్‌ సుందర్‌, జస్‌ప్రీత్‌ బుమ్రా, అక్షర్‌ పటేల్‌, నితీశ్‌ కుమార్‌ రెడ్డి, నారాయణ్‌ జగదీశన్‌ (వికెట్‌ కీపర్‌), మహ్మద్‌ సిరాజ్‌, ప్రసిద్‌ కృష్ణ, కుల్దీప్‌ యాదవ్‌.చదవండి: టీమిండియా కెప్టెన్‌గా శ్రేయస్‌ అయ్యర్‌.. బీసీసీఐ ప్రకటన

వెస్టిండీస్‌తో టెస్టు సిరీస్‌కు భారత క్రికెట్‌ నియంత్రణ మండలి (BCCI) తమ జట్టును ప్రకటించింది. శుబ్‌మన్‌ గిల్‌ (Shubman Gill) సారథ్యంలో.. పదిహేను మంది సభ్యులతో కూడిన జట్టు వివరాలను గురువారం వెల్లడించింది.ఇక స్వదేశంలో జరిగే ఈ సిరీస్‌కు గిల్‌ డిప్యూటీగా సీనియర్‌ ఆల్‌రౌండర్‌ రవీంద్ర జడేజా (Ravindra Jadeja)ను.. బీసీసీఐ వైస్‌ కెప్టెన్‌గా ఎంపిక చేసింది. ఇంగ్లండ్‌ పర్యటనలో భాగంగా ఆండర్సన్‌- టెండుల్కర్‌ ట్రోఫీ ఆడిన జట్టులో స్వల్ప మార్పులతోనే భారత్‌ విండీస్‌తో బరిలో దిగనుంది.రిషభ్‌ పంత్‌ దూరం.. కరుణ్‌పై వేటువైస్‌ కెప్టెన్‌ రిషభ్‌ పంత్‌ (Rishabh Pant) గాయం నుంచి ఇంకా కోలుకోని కారణంగా వెస్టిండీస్‌తో సిరీస్‌కు దూరం కాగా.. ఇంగ్లండ్‌ పర్యటనలో వరుస వైఫల్యాలు చవిచూసిన కరుణ్‌ నాయర్‌పై వేటు పడింది. కాగా దాదాపు ఏడేళ్ల విరామం తర్వాత టీమిండియా తరఫున ఇంగ్లండ్‌తో టెస్టు సిరీస్‌ ద్వారా రీఎంట్రీ ఇచ్చిన కరుణ్‌ నాయర్‌ వచ్చిన అవకాశాలను సద్వినియోగం చేసుకోలేకపోయాడు.ధ్రువ్‌ జురెల్‌తో పాటు అతడు..ఐదు టెస్టుల్లో భాగంగా నాలుగు మ్యాచ్‌లు ఆడిన కరుణ్‌ నాయర్‌.. కేవలం ఒకే ఒక్క హాఫ్‌ సెంచరీ చేయగలిగాడు. దీంతో బీసీసీఐ అతడికి మరో అవకాశం ఇచ్చేందుకు మొగ్గుచూపకపోవడం గమనార్హం. మరోవైపు.. వికెట్‌ కీపర్ల కోటాలో.. పంత్‌ గైర్హాజరీలో ధ్రువ్‌ జురెల్‌తో పాటు తమిళనాడు ప్లేయర్‌ నారాయణ్‌ జగదీశన్‌ జట్టుకు ఎంపికయ్యాడు.నితీశ్‌ రెడ్డికి చోటుఇక గాయం వల్ల ఇంగ్లండ్‌ సిరీస్‌ మధ్యలోనే జట్టుకు దూరమైన ఆంధ్ర ఆల్‌రౌండర్‌ నితీశ్‌ కుమార్‌ రెడ్డి కూడా.. విండీస్‌తో సిరీస్‌తో రీఎంట్రీ ఇచ్చేందుకు సిద్ధమయ్యాడు. ఇక పేస్‌ విభాగంలో జస్‌ప్రీత్‌ బుమ్రా, మహ్మద్‌ సిరాజ్‌తో కలిసి ప్రసిద్‌ కృష్ణ మరోసారి సేవలు అందించనున్నాడు. స్పెషలిస్టు స్పిన్నర్‌ కుల్దీప్‌ యాదవ్‌ తన స్థానాన్ని నిలబెట్టుకోగా.. స్పిన్‌ ఆల్‌రౌండర్ల కోటాలో జడేజా, అక్షర్‌ పటేల్‌తో కలిసి వాషింగ్టన్‌ సుందర్‌ బరిలో దిగనున్నాడు.2-2తో సమంకాగా ఆసియా టీ20 కప్‌- 2025 టోర్నీ ముగిసిన తర్వాత టీమిండియా సొంతగడ్డపై రెండు టెస్టులు ఆడనుంది. ప్రపంచ టెస్టు చాంపియన్‌షిప్‌ 2025-27లో భాగంగా అక్టోబరు 2- అక్టోబరు 14 వరకు ఈ సిరీస్‌ జరుగుతుంది. కాగా చివరగా గిల్‌ సేన ఇంగ్లండ్‌తో టెస్టు సిరీస్‌లో తలపడి 2-2తో సమం చేసుకున్న విషయం తెలిసిందే. వెస్టిండీస్‌తో టెస్టులకు భారత జట్టుశుబ్‌మన్‌ గిల్‌ (కెప్టెన్‌), యశస్వి జైస్వాల్‌, కేఎల్‌ రాహుల్‌, సాయి సుదర్శన్‌, దేవ్‌దత్‌ పడిక్కల్‌, ధ్రువ్‌ జురెల్‌ (వికెట్‌ కీపర్‌), రవీంద్ర జడేజా (వైస్‌ కెప్టెన్‌), వాషింగ్టన్‌ సుందర్‌, జస్‌ప్రీత్‌ బుమ్రా, అక్షర్‌ పటేల్‌, నితీశ్‌ కుమార్‌ రెడ్డి, నారాయణ్‌ జగదీశన్‌ (వికెట్‌ కీపర్‌), మహ్మద్‌ సిరాజ్‌, ప్రసిద్‌ కృష్ణ, కుల్దీప్‌ యాదవ్‌.చదవండి: పాక్‌ ఆటగాళ్ల బరితెగింపు.. షాకిచ్చిన బీసీసీఐ!.. తగ్గమంటూ పీసీబీ ఓవరాక్షన్‌

వెస్టిండీస్‌తో జరగబోయే టెస్టు సిరీస్‌కు (India vs West Indies) భారత జట్టు (Team India) ప్రకటన రేపటికి వాయిదా పడింది. బుమ్రా (Jasprit Bumrah) ఆసియా కప్‌లో పాల్గొంటున్న నేపథ్యంలో అతని అందుబాటుపై స్పష్టత లేకపోవడం.. ఆస్ట్రేలియా-ఏతో మ్యాచ్‌లో ప్రసిద్ధ్ కృష్ణ (Prasidh Krishna) గాయపడటం వంటి అంశాలు సెలక్టర్లను గందరగోళంలోకి నెట్టాయి.విండీస్‌తో సిరీస్‌కు బుమ్రా అందుబాటులో ఉన్నా అతని ఫిట్‌నెస్, వర్క్‌లోడ్‌ మేనేజ్‌మెంట్ అంశాలను సెలెక్టర్లు పరిగణనలోకి తీసుకున్నారు. ఆసీస్‌-ఏతో మ్యాచ్‌లో ఇవాళ ప్రసిద్ధ్ కృష్ణ తలకు తీవ్ర గాయం కావడం సెలెక్టర్లను మరింత ఇరకాటంలో పడేసింది.అతనికి ప్రత్యామ్నాయంగా యాశ్‌ ఠాకూర్, ఉమేశ్ యాదవ్, నవదీప్ సైనీ పేర్లను సెలెక్టర్లు పరిశీలిస్తున్నారు. పై రెండు కారణాల చేత జట్టు ప్రకటన రేపటికి వాయిదా పడింది. బీసీసీఐ వర్గాల సమాచారం మేరకు.. చీఫ్‌ సెలెక్టర్‌ అజిత్‌ అగార్కర్‌ (Ajit Agarkar) రేపు మధ్యాహ్నం లేదా సాయంత్రం సమయంలో టీమిండియాను ప్రకటించే అవకాశం ఉంది.చదవండి: చెలరేగిన వైభవ్‌ సూర్యవంశీ.. రాణించిన మాత్రే.. ఆసీస్‌ను చిత్తు చేసిన టీమిండియా