తమిళసినిమా: ఇంత వరకూ తమిళ తెరపై రానటువంటి సరికొత్త ప్రేమకథా చిత్రంగా అభియుమ్‌ అనువుమ్‌ ఉంటుందని ఆ చిత్ర దర్శకురాలు బీఆర్‌.విజయలక్ష్మి పేర్కొన్నారు. ప్రముఖ ఛాయాగ్రాహకుడు సంతోష్‌శివన్‌ నిర్మాణ నిర్వహణ బాధ్యతలను నిర్వహించిన ఈ చిత్రాన్ని యూడిల్‌ ఫిలింస్‌ సంస్థ నిర్మిస్తోంది. నటి పియాబాజ్‌పాయ్‌ కథానాయకిగా నటిస్తున్న ఇందులో నవ నటుడు డావినో థామస్‌ కథానాయకుడిగా పరిచయం అవుతున్నారు. ఇతర ముఖ్య పాత్రల్లో సుహాసిని, ప్రభు,రోహిణి, మనోబాల నటిస్తున్నారు. చిత్రం గురించి దర్శకురాలు బీఆర్‌.విజయలక్ష్మి వివరిస్తూ ఇంతవరకూ ఎవరూ హ్యాండిల్‌ చేయని కథ కావడంతో చాలా జాగ్రత్తగా అభియుమ్‌ అనువుమ్‌ చిత్రాన్ని తెరకెక్కించాల్సి వచ్చిందన్నారు. నటి పియాబాజ్‌పాయ్‌ తన నట కెరీర్‌లోనే దీ బెస్ట్‌ పర్ఫార్మెన్స్‌ను ఇచ్చిన చిత్రం ఇదే అవుతుందన్నారు. కొందరు ఇది కేన్సర్‌ ఇతివృత్తంగా రూపొందుతున్న చిత్రం అని అనుకుంటున్నారని, కేన్సర్‌కు ఈ చిత్రానికి అసలు సంబంధం ఉండదని అన్నారు. లాఠిన్‌ అమెరికాలో జరిగిన ఒక యథార్థ సంఘటన ఆధారంగా తెరకెక్కిస్తున్న విభిన్న కథా చిత్రంగా అభియుమ్‌ అనువుమ్‌ ఉంటుందని తెలిపారు. చిత్రం సంతృప్తికరంగా వచ్చిందని, త్వరలోనే చిత్ర విడుదలకు సన్నాహాలు చేస్తున్నట్లు దర్శకురాలు వెల్లడించారు.


 రంగం సినిమాతో బబ్లీ క్యారెక్టర్ తో ఆకట్టుకున్న భామ పియా బాజ్పాయ్. రంగం సినిమా తరవాత కూడా బోల్డ్ ఫొటో షూట్లతో అలరించిన ఈ భామ ఇప్పుడు అభియుం అనువుం అనే కోలీవుడ్ సినిమాలో నటిస్తున్నారు. చాలా కాలం తరువాత సినిమాటోగ్రాఫర్ ఆర్ విజయలక్ష్మి ఈ సినిమాకు దర్శకత్వం వహిస్తున్నారు. ఈ సినిమాలో డోవినో థామస్ హీరోగా నటిస్తున్నారు.
 
 సీనియర్ నటి రోహిణి కీలక పాత్రలో నటిస్తున్న ఈ సినిమాలో పియా ఓ ఛాలెంజింగ్ రోల్ లో నటిస్తున్నారు. అందుకే కథ డిమాండ్ మేరకు సినిమా కోసం గుండు గీయించుకున్న పియా అందరికి షాక్ ఇచ్చారు. అంతేకాదు ' ఈ సినిమాలో నటించే అవకాశం రావటం నా అదృష్టం. విజయలక్ష్మి కథ వినిపించినప్పుడు చాలా ఎక్సైటింగ్ గా అనిపించింది. నటులు ఇలాంటి పాత్రల కోసమే ఎదురుచూస్తుంటారు.
 
 అందుకే  వెంటనే ఓకె చెప్పేవా. ఈ సినిమాలోని కొన్ని సీన్స్ గుండుతో నటించాల్సి వచ్చింది. గుండుతో కనిపించేందుకు ప్రొస్థటిక్ మేకప్ చేసే అవకాశం ఉన్నా.. నేచురల్ గా కనిపించేందుకు గుండు గీయించుకోవాలని నిర్ణయించుకున్నా'  అని తెలిపారు. ప్రేమకథగా తెరకెక్కుతున్న ఈ సినిమా మైత్ స్టోన్ గానిలిచిపోతుందన్న నమ్మకంతో ఉన్నారు చిత్రయూనిట్.


 తమిళసినిమా: ప్రేక్షకులకు అలుపు పుట్టించని చిత్రాలంటే ప్రేమ కథా చిత్రాలే అని చెప్పడం ఏమాత్రం అవాస్తవం కాదు. మంచి కథా, కథనాలతో ఈ తరహా చిత్రాలు ఇప్పటికే కోకొల్లలుగా వచ్చాయి. ఇకపై కూడా వస్తాయి. అలాంటి కథలను చెప్పే విధానంలో కొత్తదనం ఉంటే ప్రేక్షకులు తప్పకుండా ఆదరిస్తారు. అలాంటి తాజా చిత్రమే అభియుమ్‌ అనువుమ్‌ అంటున్నారు మహిళా దర్శకురాలు బీఆర్‌.విజయలక్ష్మి. సరిగమ ఇండియా లిమిటెడ్‌ సంస్థకు చెందిన యోడ్లీ ఫిలింస్‌ నిర్మిస్తున్న ఈ చిత్రానికి ప్రఖ్యాత ఛాయాగ్రహకుడు సంతోష్‌ శివన్‌ నిర్వహణ బాధ్యతలను చేపట్టడం విశేషం.
 
 ఈ చిత్రం ద్వారా మలయాళంలో కథానాయకుడిగా ఎదుగుతున్న టావిరో థామస్‌ హీరోగానూ, ఆయనకు జంటగా పియా బాజ్‌పాయ్‌ నటించింది. ఇతర ముఖ్య పాత్రల్లో ప్రభు, సుహాసిని, రోహిణి, మనోబాల తదితరులు నటించారు. చిత్రం గురించి దర్శకురాలు బీఆర్‌. విజయలక్ష్మి తెలుపుతూ అభయుమ్‌ అనువుమ్‌ వంటి విభిన్న ప్రేమ కథా చిత్రం ఇప్పటి వరకూ తెరపైకి రాలేదన్నారు. ఇలా చాలా మంది చెప్పి ఉంటారన్న విషయం తనకూ తెలుసని, అభియుమ్‌ అనువుమ్‌ చిత్రం చూసిన తరువాత ప్రేక్షకులే తాను చెప్పింది నిజం అని నమ్ముతారని చెప్పారు. ఈ చిత్రానికి ధరణి సంగీతాన్ని అందిస్తున్నారని తెలిపారు. చిత్రీకరణ పూర్తి చేసుకున్న అభియుమ్‌ అనువుమ్‌ చిత్రం ప్రస్తుతం నిర్మాణాంతర కార్యక్రమాలను జరుపుకుంటోందని, త్వరలోనే విడుదల తేదీ వెల్లడిస్తామని దర్శకురాలు చెప్పారు.