ఓటీటీలో ఇది చూడొచ్చు అనేప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో తమిళ చిత్రం అగత్తియా ఒకటి. ఈ చిత్రం గురించి తెలుసుకుందాం.మనం చూసే సినిమాలలో మనకు తెలియని చరిత్రకు సంబంధించిన రహస్యాలు చాలావరకు తెలుపుతూ ఉంటాయి. అటువంటి రహస్యాలలో మన సంస్కృతికి సంబంధించిన సిద్ధ వైద్యం ఒకటి. కొన్ని వేల సంవత్సరాలకు ముందే మన పూర్వీకులు మన ఆరోగ్యం కోసం అద్భుత ఔషధాల వివరాలను గోప్యంగా పొందుపరిచారు. కోట్ల విలువైన సంపద కంటే ఈ వివరాలు ఎంతో విలువగలవి. కానీ దురదృష్టవశాత్తు అటువంటి వివరాలు చాలావరకు విదేశీయులు నాశనం చేయడమో, కొల్లగొట్టడమో జరిగింది. ఆ సమయంలో ఎంతోమంది ఎన్నో పోరాటాలు చేసి ఆ మహత్‌ గ్రంథాలను కాపాడిప్రాణత్యాగం చేశారు. ఆ నేపథ్యంలోనే అల్లుకున్న కథ ‘అగత్తియా’. దేవతలకు రాక్షసుల మధ్య పోరాటం అనే టాగ్‌ లైన్‌తో సినిమా కథాంశం నడుస్తుంది. కథానుగుణంగా సీరియస్‌పాయింట్‌ అయినా ఈ సినిమా దర్శకుడుపా. విజయ్‌ తన స్క్రీన్‌ప్లేతో దీనిని హారర్‌ కామెడీలా తెరకెక్కించారు.సినిమా మొత్తం సిద్ధ వైద్యం గొప్పతనాన్ని ప్రేక్షకులకు ఓ పక్క చెబుతూనే మరో పక్క కమర్షియల్‌ కామెడీ హంగులతో ప్రేక్షకులకు బోర్‌ కొట్టకుండా చేశారు. ఈ సినిమాలో లీడ్‌ రోల్స్‌లో జీవా, రాశీ ఖన్నా నటించారు. మరో ముఖ్యపాత్రలో ప్రముఖ నటుడు అర్జున్‌ నటించారు. ఇక సినిమా కథ విషయానికొస్తే... అగత్యన్‌ అనే ఆర్ట్‌ డైరెక్టర్‌ ఓ సినిమా కోసం తాను కూడా డబ్బులు పెట్టి ఓ పురాతన బంగ్లాలో షూటింగ్‌ ఏర్పాటు చేసుకుంటాడు. కానీ కొన్ని కారణాల వల్ల ఆ సినిమా షూటింగ్‌ రద్దవుతుంది. పెట్టుబడి పెట్టిన డబ్బులు పోతాయనే ఉద్దేశంతో ఆ బంగ్లాని ఓ హారర్‌ థీమ్‌తో పర్యాటక కేంద్రంగా మారుస్తాడు. పర్యాటకులను ఆ బంగ్లాలో అనుమతించినప్పటి నుండి బంగ్లాలో కొన్ని అనూహ్య సంఘటనలు జరుగుతాయి. అంతేకాదు అగత్యన్‌ టీమ్‌కి ఓపాత పియానో కూడా దొరుకుతుంది. ఆ మిస్టరీ పియానో అగత్యన్‌కి ఆ బంగ్లా కథ చెబుతుంటుంది. అగత్యన్‌ తల్లి కేన్సర్‌తో బాధ పడుతుంటుంది. ఆ బంగ్లా వల్ల వాళ్ల అమ్మ కోలుకుంటుంది. అది ఎలానో మీరు సన్‌ నెక్ట్స్‌ వేదికగా స్ట్రీమ్‌ అవుతున్న ‘అగత్తియా’ చూసి తెలుసుకోవాల్సిందే. తెలుగు వెర్షన్‌ ‘అగత్యా’ కూడా స్ట్రీమింగ్‌ అవుతోంది. ఐదేళ్ల క్రితం కరోనా వచ్చినప్పుడు ప్రపంచం అల్లాడిపోయింది. అప్పుడు ఇంగ్లిషు మందులతోపాటు మనప్రాచీన వైద్యంతో కూడా చాలా మంది కోలుకున్నారు. అలానే మన సిద్ధ వైద్యం కూడా. అసలింతలా ఏముంది ఆ సిద్ధ వైద్యంలో అని అనుకుంటే ‘అగత్యా’ సినిమా చూడండి. ఉగాది పండగ రోజు పూజా పునస్కారాలయ్యాక మంచి కాలక్షేపం ఈ సినిమా. – ఇంటూరు హరికృష్ణ

జీవా(jeeva), అర్జున్‌ సర్జా(arjun sarja) హీరోలుగా నటించిన 'అగత్యా' (Aghathiyaa) చిత్రం ఓటీటీలోకి వస్తున్నట్లు అధికారికంగా ప్రకటన వచ్చేసింది. ఫాంటసీ హారర్‌ కాన్సెప్ట్‌తో ఈ మూవీ తెరకెక్కింది. రాశీ ఖన్నా హీరోయిన్‌గా నటించిన పాన్‌ ఇండియా మూవీని ప్రముఖ గీత రచయిత పా.విజయ్‌ దర్శకత్వం వహించారు. డా.ఇషారి కె.గణేశ్, అనీశ్‌ అర్జున్‌దేవ్‌ నిర్మాతలు. ఈ చిత్రం తమిళ, తెలుగు, హిందీ భాషల్లో ఫిబ్రవరి 28న విడుదల అయింది. ట్రైలర్‌కు అయితే మంచి రెస్పాన్స్‌ వచ్చింది. కానీ, బాక్సాఫీస్‌ వద్ద పెద్దగా మెప్పించలేదు.గ్రామీణ నేపథ్యంతో పాటు మంచి థ్రిల్లింగ్‌ కాన్సెప్ట్‌తో రూపొందిన ఈ చిత్రం.. సన్‌ నెక్స్ట్‌ వేదికగా మార్చి 28 నుంచి స్ట్రీమింగ్‌కు రానుందని ప్రకటన వచ్చేసింది. పాన్‌ ఇండియా రేంజ్‌లో తమిళ్‌,హిందీ,తెలుగు,మలయాళం, కన్నడలో విడుదలైన ఈ మూవీ ఓటీటీలో మాత్రం ఎన్ని భాషలలో విడుదల అవుతుంది అనేది మాత్రం ఆ సంస్థ చెప్పలేదు. కానీ, అన్ని లాంగ్వేజెస్‌లో అగత్యా స్ట్రీమింగ్‌ అవుతుందని ఇండస్ట్రీ వర్గాలు పేర్కొంటున్నాయి. అమెజాన్‌ ప్రైమ్‌లో కూడా ఈ మూవీ అందుబాటులోకి రావచ్చని తెలుస్తోంది.కథేంటంటే..అగత్య(జీవా) ఓ ఆర్ట్‌ డైరెక్టర్‌. ఓ పెద్ద సినిమా చేసే చాన్స్‌ వస్తుంది. ఓ భారీ సెట్‌ వేసిన తర్వాత నిర్మాత షూటింగ్‌ నిలిపివేస్తాడు. దీంతో ప్రియురాలు వీణా(రాశీ ఖన్నా) ఇచ్చిన సలహాతో ఆ సెట్‌ని స్కేరీ హౌస్‌లా మార్చుతాడు. అయితే నిజంగానే ఆ బంగ్లాలో దెయ్యాలు ఉంటాయి. అసలు ఆ బంగ్లాలో ఉన్న దెయ్యాలు ఎవరు? ఓ ఆడ దెయ్యం అగత్యను ఎందుకు బయటకు పంపించాలనుకుంటుంది? అసలు 1940లో ఆ బంగ్లాలో ఏం జరిగింది? సిద్ద వైద్యం కోసం డాక్టర్‌ సిద్ధార్థ్‌(అర్జున్‌) ఎలాంటి కృషి చేశాడు? బ్రిటిష్‌ గవర్నర్‌ ఎడ్విన్‌ డూప్లెక్స్‌ చేసిన అరాచకం ఏంటి? అతని చెల్లెలు జాక్వెలిన్‌ పూవిలేకి సిద్ధార్థ్‌ చేసిన సహాయం ఏంటి? ఫ్రీడం ఫైటర్‌ నాన్సీకి అగత్యకు ఉన్న సంబంధం ఏంటి? కాన్సర్‌తో బాధపడుతున్న తల్లిని రక్షించుకునేందుకు అగత్యా ఏం చేశాడు? అనేది తెలియాలంటే సినిమా చూడాల్సిందే. View this post on Instagram A post shared by SUN NXT (@sunnxt)

టైటిల్‌: అగత్యానటీనటులు: జీవా, అర్జున్‌ సర్జా, రాశీ ఖన్నా, ఎడ్వర్డ్ సోన్నెన్‌బ్లిక్, యోగి బాబు తదితరులునిర్మాణ సంస్థ: వెల్స్ ఫిల్మ్ ఇంటర్నేషనల్, వామిండియానిర్మాతలు: డాక్టర్‌ ఇషారి కే గణేశ్‌, అనీష్‌ అర్జున్‌దేవ్‌దర్శకత్వం: పా.విజయ్‌సంగీతం: యువన్‌ శంకర్‌ రాజావిడుదల తేది: ఫిబ్రవరి 28, 2025రంగం, యాత్ర2 చిత్రాలతో తెలుగు ప్రేక్షకులకు బాగా దగ్గరయ్యాడు జీవా. తాజాగా ఈ తమిళ హీరో నటించిన చిత్రం అగత్యా. పా. విజయ్‌ దర్శకత్వం వహించిన ఈ చిత్రం నేడు(ఫిబ్రవరి 28) ప్రేక్షకుల ముందుకు వచ్చింది. మరి ఈ చిత్రం ఎలా ఉందో రివ్యూలో చూద్దాం.కథేంటంటే..అగత్య(జీవా) ఓ ఆర్ట్‌ డైరెక్టర్‌. ఓ పెద్ద సినిమా చేసే చాన్స్‌ వస్తుంది. ఓ భారీ సెట్‌ వేసిన తర్వాత నిర్మాత షూటింగ్‌ నిలిపివేస్తాడు. దీంతో ప్రియురాలు వీణా(రాశీ ఖన్నా) ఇచ్చిన సలహాతో ఆ సెట్‌ని స్కేరీ హౌస్‌లా మార్చుతాడు. అయితే నిజంగానే ఆ బంగ్లాలో దెయ్యాలు ఉంటాయి. అసలు ఆ బంగ్లాలో ఉన్న దెయ్యాలు ఎవరు? ఓ ఆడ దెయ్యం అగత్యను ఎందుకు బయటకు పంపించాలనుకుంటుంది? అసలు 1940లో ఆ బంగ్లాలో ఏం జరిగింది? సిద్ద వైద్యం కోసం డాక్టర్‌ సిద్ధార్థ్‌(అర్జున్‌) ఎలాంటి కృషి చేశాడు? బ్రిటిష్‌ గవర్నర్‌ ఎడ్విన్‌ డూప్లెక్స్‌ చేసిన అరాచకం ఏంటి? అతని చెల్లెలు జాక్వెలిన్‌ పూవిలేకి సిద్ధార్థ్‌ చేసిన సహాయం ఏంటి? ఫ్రీడం ఫైటర్‌ నాన్సీకి అగత్యకు ఉన్న సంబంధం ఏంటి? కాన్సర్‌తో బాధపడుతున్న తల్లిని రక్షించుకునేందుకు అగత్యా ఏం చేశాడు? అనేది తెలియాలంటే సినిమా చూడాల్సిందే.ఎలా ఉందంటే..ఇదొక డిఫరెంట్‌ హారర్‌ మూవీ. హారర్‌ ఎలిమెంట్స్‌కి దేశభక్తి, మదర్‌ సెంటిమెంట్‌ని యాడ్‌ చేసిన డిఫరెంట్‌గా కథ చెప్పే ప్రయత్నం చేశాడు దర్శకుడు పా.విజయ్‌. అయితే ఆ కథను తెరపై చూసినప్పుడు రొటీన్‌ హారర్‌ చిత్రంగానే అనిపిస్తుంది. కొన్ని చోట్ల భయపెట్టే సన్నివేశాలు ఉన్నప్పటికీ.. చాలా వరకు కథనం సాదాసీదాగానే సాగుతుంది. కథలో ఎక్కువ లేయర్స్‌ ఉండడంతో దర్శకుడు ఎం చెప్పాలనుకున్నాడనేది సరిగ్గా అర్థంకాదు. ఫస్టాఫ్‌లో వచ్చే హారర్‌ సన్నివేశాలు కొన్ని చోట్ల భయపడితే.. మరికొన్ని చోట్ల నవ్విస్తాయి.కథ 1940లోకి వెళ్లిన తర్వాత సాగదీసినట్లుగా అనిపిస్తుంది. సిద్దవైద్యం గొప్పదనం గురించి చెప్పేందుకు అనవసరపు సన్నివేశాలను జోడించారు. మధ్యలో కాసేపు స్వాతంత్ర పోరాటం.. మదర్‌ సెంటిమెంట్‌.. దైవ భక్తి అంటూ అసలు కథను పక్కన పెట్టేసినట్లుగా అనిపిస్తుంది. ఇక దెయ్యాల ప్లాష్‌బ్యాక్‌ ప్రారంభం అయిన కాసేపటికే క్లైమాక్స్‌ ఊహించొచ్చు. అయితే ఈ క్రమంలో వచ్చే యాక్షన్‌ సీన్లు, యానిమేషన్ ఫైట్ ఆకట్టుకుంటాయి. మదర్‌ సెంటిమెంట్‌ కూడా వర్కౌట్‌ అయింది. క్లైమాక్స్‌ బాగుంటుంది. ఎవరెలా చేశారంటే.. అగత్యా పాత్రకు జీవా న్యాయం చేశాడు. ఈ తరహా పాత్రలు ఆయనకు కొత్తేమి కాదు. గతంలో చాలానే చేశాడు. అర్జున్‌ సర్జా ఓ డిఫరెంట్‌ పాత్రలో కనిపించాడు. డాక్టర్‌ సిద్ధార్థ్‌గా తనదైన నటనతో ఆకట్టుకున్నాడు. రాశీఖన్నా పాత్ర నిడివి ఎక్కువే ఉంటుంది కానీ అంతగా ప్రాధాన్యత ఉండదు. యోగిబాబు, టీవీ గణేష్‌ కనిపించేది ఒక్క సీన్‌లోనే అయినా.. నవ్వించే ప్రయత్నం చేశారు. హీరో తల్లిగా రోహిణి రొటీన్‌ పాత్రే చేసింది. అయితే ఆమె ప్రాస్థెటిక్ మేకప్‌తో కనిపించడం కొత్తగా అనిపిస్తుంది. విలన్‌గా ఫారిన్‌ యాక్టర్‌ ఎడ్వర్డ్ సోన్నెన్‌బ్లిక్ చక్కగా నటించాడు. మిలిగిన నటీనటులు తమ తమ పాత్రలకు న్యాయం చేశారు. సాంకేతికంగా సినిమా బాగుంది. యువన్‌ శంకర్‌ రాజాగా నేపథ్య సంగీతం పర్వాలేదు. అమ్మ పాట ఆకట్టుకునేలా ఉంటుంది. సినిమాటోగ్రఫీ, ఆర్ట్‌ డిపార్ట్‌మెంట్‌ పనితీరుని బాగుంది. 1940 కాలం నాటి బంగ్లాతో పాటు అప్పటి వాతావరణాన్ని తెరపై చక్కగా ఆవిష్కరించారు. ఎడిటర్‌ తన కత్తెరకు ఇంకాస్త పని చెప్పాల్సింది. సెకండాఫ్‌లో కొన్ని సన్నివేశాలను మరింత క్రిస్పీగా కట్‌ చేయాల్సింది. నిర్మాణ విలువలు బాగున్నాయి.