పల్లవి :
  
  సృష్టికర్త ఒక బ్రహ్మ
  అతనిని సృష్టించినదొక అమ్మ
  ॥
  ఆ అమ్మకే తెలియని చిత్రాలు ఎన్నో
  ఈ సృష్టినే స్తంభింపచేసే తంత్రాలు ఎన్నో
  ॥
  
  చరణం : 1
  
  బొట్టుపెట్టి పూజచేసి
  గడ్డి మేపి పాలు తాగి
  వయసు ముదిరి వట్టిపోతే గోవుతల్లే కోతకోత
  ॥
  విత్తునాటి చెట్టు పెంచితే...
  చెట్టు పెరిగి పళ్ళు పంచితే...
  తిన్న తీపి మరచిపోయి చెట్టుకొట్టి కట్టెలమ్మితే
  లోకమా ఇది న్యాయమా? (2)
  ॥
  
  చరణం : 2
  
  ఆకుచాటు పిందె ముద్దు
  తల్లిచాటు బిడ్డ ముద్దు
  బిడ్డ పెరిగి గడ్డమొస్తే కన్నత ల్లే అడ్డు అడ్డు
  ॥
  ఉగ్గుపోసి ఊసు నేర్పితే...
  చేయిబట్టి నడక నేర్పితే...
  పరుగు తీసి పారిపోతే
  చేయిమార్చి చిందులేస్తే
  లోకమా ఇది న్యాయమా? (2)
  ॥
  
  చిత్రం : అమ్మరాజీనామా (1991)
  రచన : దాసరి నారాయణరావు
  సంగీతం : చక్రవర్తి
  గానం : కె.జె.ఏసుదాస్
  
  - నిర్వహణ: నాగేశ్