సినిమా : నటుడు సంతానంతో బాలీవుడ్‌ బ్యూటీ అనైకా సాటీ రొమాన్స్‌ చేయనుంది. చేతినిండా చిత్రాలతో బిజీగా ఉన్న నటుడు సంతానం. ఈయన నటించిన డగాల్టీ చిత్రం ఇటీవలే తెరపైకి వచ్చింది. మరో చిత్రం సర్వర్‌సుందరం త్వరలో తెరపైకి రావడానికి సిద్ధం అవుతోంది. కాగా కన్నన్‌ దర్శకత్వంలో నటిస్తున్న బిస్కోత్, కార్తీక్‌ యోగి దర్శకత్వంలో నటిస్తున్న డిక్కిలోనా చిత్రాలు షూటింగ్‌ను పూర్తి చేసుకున్నాయి. ప్రస్తుతం నిర్మాణాంతర కార్యక్రమాలను జరుపుకుంటున్నాయి. కాగా  సంతారం కొత్త చిత్రానికి రెడీ అయ్యాడు. జాన్సన్‌ దర్శకత్వంలో నటిస్తున్నారు. ఈ చిత్రం సోమవారం పూజా కార్యక్రమాలతో ప్రారంభమైంది. కాగా ఈ దర్శకుడితో ఇంతకు ముందు ఏ 1 అనే సక్సెస్‌ఫుల్‌ చిత్రంలో సంతానం నటించారు. తాజాగా రెండోసారి జాన్సన్‌ దర్శకత్వంలో నటిస్తున్నారు. ఇందులో ఆయనకు జంటగా బాలీవుడ్‌ గ్లామరస్‌ నటి అనైకా సాటి నటిస్తోంది. ఈ అమ్మడు రామ్‌గోపాల్‌వర్మ దర్శకత్వంలో సత్య 2 చిత్రంలో నటించి అందాలను ఆరబోసింది. ఆ తరువాత తమిళంలో కావ్యవతలైవన్, ఆధర్వకు జంటగా సెమ్మబోద ఆగాదే చిత్రాలలో నటించింది. చిన్న గ్యాప్‌ తరువాత ఇప్పుడు సంతానంతో రొమాన్స్‌ చేయడానికి రెడీ అయ్యింది. ఈ చిత్రాన్ని లార్క్‌ స్టూడియోస్‌ సంస్థ నిర్మిస్తోంది. దీనికి సంతోష్‌నారాయణన్‌ సంగీతాన్ని అందిస్తున్నారు. ఇతర వివరాలు వెల్లడించాల్సి ఉంది. 

‘నువ్వొస్తానంటే నేనొద్దంటానా, బొమ్మరిల్లు’ వంటి చిత్రాలతో తెలుగు ప్రేక్షకుల్లో ప్రత్యేక స్థానం ఏర్పరచుకున్నారు సిద్ధార్థ్‌. కొంచెం గ్యాప్‌ తర్వాత ‘ప్రేమాలయం’తో ప్రేక్షకుల ముందుకు వస్తున్నారు. వసంత బాలన్‌ దర్శకత్వంలో సిద్ధార్థ్‌ హీరోగా, వేదిక, అౖనైకా సోఠి హీరోయిన్లుగా తెరకెక్కిన ఓ తమిళ చిత్రం ‘ప్రేమాలయం’ పేరుతో తెలుగులో విడుదల అవుతోంది. పి. సునీత సమర్పణలో శ్రీధర్‌ యచ్చర్ల ఈ చిత్రాన్ని తెలుగు ప్రేక్షకులకు అందిస్తున్నారు. శ్రీధర్‌ యచ్చర్ల మాట్లాడుతూ– ‘‘సిద్ధార్థ్‌ హీరోగా నటించిన ఈ చిత్రంలో మలయాళ స్టార్‌ హీరో పృథ్వీరాజ్‌ విలన్‌గా నటించారు. ఏ.ఆర్‌. రెహమాన్‌గారి పాటలు ప్రేక్షకుల్ని అలరిస్తాయి. వనమాలి, కందికొండ పాటలు, రాజశేఖర్‌ రెడ్డి మాటలు మా సినిమాకి ప్రధాన ఆకర్షణలుగా నిలుస్తాయి. చక్కటి కాంబినేషన్‌లో వచ్చిన ‘ప్రేమాలయం’ చిత్రాన్ని తెలుగుప్రేక్షకులకు అందించే అవకాశం లభించడం ఆనందంగా ఉంది. త్వరలోనే పాటలను, మార్చిలో సినిమా విడుదలకు సన్నాహాలు చేస్తున్నాం’’ అన్నారు.  ఈ చిత్రానికి కెమెరా: నీరవ్‌ షా.


 విశ్వనాయకుడు కమలహాసన్ తన చిత్రంలో ఈ మధ్య ముగ్గురు హీరోయిన్లకు తక్కువ నటించడం లేదు. ఆ మధ్య నటించిన దశావతారం చిత్రంలో ఆశిన్, జయప్రద, మల్లికా షెరావత్ అంటూ ముగ్గురు హీరోయిన్లతో నటించారు. ఆ చిత్రం ఘన విజయం సాధించింది. ఆ తరువాత విశ్వరూపం చిత్రంలో ఆండ్రియా, పూజాకుమార్‌లతో డ్యూయెట్స్ పాడారు. ఆ చిత్రం విజయాన్ని చూసింది. అయితే ఆ చిత్రం నిర్మాణంలో ఉండగానే విశ్వరూపం-2 చిత్రం చేశారు. అందులోనూ ఆ ఇద్దరే హీరోయిన్లు.
 
 ఇక ఇటీవల విడుదలైన ఉత్తమవిలన్ చిత్రంలో ఆండ్రియా, పూజాకుమార్, ఊర్వశి, పార్వతి నాయర్, పార్వతి మీనన్ అంటూ ఐదుగురు కథానాయికలతో నటించారు. ఈ చిత్రం విమర్శకులను మెప్పించింది. విశ్వరూపం-2 విడుదల కావలసి ఉంది.కమల్ నటించిన తాజా చిత్రం పాపనాశనం త్వరలోనే విడుదలకు సిద్ధం అవుతోంది. ఈ చిత్రంలో నటి గౌతమి ఒక్కరే నాయకి. కమల్ ఈసారి యాక్షన్ థ్రిల్లర్‌కు రెడీ అవుతున్నారు. ఈ చిత్ర కథ జేమ్స్‌బాండ్ చిత్రాల తరహాలో ఉంటుందని తెలిసింది.
 
 ఆ తరహా చిత్రం అంటే ఖచ్చితంగా హీరోయిన్లు ఇద్దరికి మించే ఉంటారు. ఈ చిత్రానికి తూంగావనం అనే టైటిల్‌ను ఖరారు చేసినట్లు సమాచారం. ఇందులో నటి త్రిష హీరోయిన్‌గా ఎంపికయ్యారు. తాజాగా మనీషాకొయిరాలా, అనైకసోటి నటించనున్నట్లు సమాచారం. త్రిష ఇప్పటికే కమలహాసన్ సరసన మన్మథన్ అన్భులో నటించారు. మనీషా కొయిరాలా ముంబయి ఎక్స్‌ప్రెస్ చిత్రంలో నటించారు. అనైక మాత్రం కమల్‌తో తొలిసారిగా నటించే లక్కీచాన్స్ కొట్టేసింది. విశ్వరూపం సీక్వెల్స్‌ను, ఉత్తమ విలన్ చిత్రంలోనూ వరుస అవకాశాలు కల్పించిన ఆండ్రియా, పూజాకుమార్‌లకు చిత్రంలో కమల్ స్థానం కనిపించలేదు.


 ‘‘ఏడేళ్లు ప్రేమించి, పెళ్లి చేసుకుని ఏడు రోజుల్లో విడిపోయే భార్యాభర్తలు నాకు తెలుసు. అలాగే, నిశ్చితార్థం జరిగి, పెళ్లి వరకూ వెళ్లకుండా విడిపోయినవాళ్లూ తెలుసు. ఇప్పుడు ప్రతి ఒక్కరూ ‘పర్సనల్ స్పేస్’ ఏర్పరచుకుంటున్నారు. అందుకని సర్దుకుపోలేక విడిపోతున్నారు’’ అని దర్శకుడు రామ్‌గోపాల్ వర్మ అన్నారు. ఆయన దర్శకత్వంలో నందు, ఐనైకా సోటి జంటగా నటించిన చిత్రం ‘365 డేస్’. డి.వి క్రియేషన్స్ పతాకంపై డి.వెంకటేశ్ నిర్మించిన ఈ చిత్రం ఈ నెల 15న ప్రేక్షకుల ముందుకు వస్తోంది. ఈ సందర్భంగా రామ్‌గోపాల్ వర్మ మీడియాతో చెప్పిన ముచ్చట్లు...
  
   పెళ్లితో ఇద్దరు వ్యక్తులు ఎక్కువ కాలం కలిసి ఉండలేరని నా అభిప్రాయం. అందుకే ఈ చిత్రానికి ‘365 డేస్’ అని టైటిల్ పెట్టా. నా దృష్టిలో ఇంకొన్ని రోజులయ్యాక  పెళ్లిళ్లు ఉండవేమో. ‘లివ్ ఇన్ రిలేషన్ షిప్స్’ తరహాలో ఇప్పటికే విదేశాల్లో ‘వీకెండ్ రిలేషన్ షిప్స్’ మొదలయ్యాయి. ప్రస్తుతం నాదైతే ‘అవర్లీ బేసిస్’ (నవ్వుతూ).
  
 ఈ చిత్రంలో నా వైవాహిక జీవితానికి సంబంధించిన 60 శాతం విషయాలను ప్రస్తావించాను. ఇప్పటివరకూ ఏ చిత్రంలోనూ చూపించలేదు. గాఢంగా ప్రేమించుకున్న ఇద్దరు వ్యక్తులు పెళ్లయ్యాక వారి మధ్య చెలరేగిన భావోద్వేగాల సమాహారంగా ఈ చిత్రాన్ని రూపొందించాను.
 
 ఓ భార్యా భర్త విడిపోయారంటే ఎవర్నీ నిందించలేం. ఎవరి దృష్టి కోణంలో వారు కరెక్ట్. నా వైవాహిక జీవితం విషయంలో నా భార్య నిర్ణయం సరైనది అయ్యుండొచ్చు. అలాగని నా నిర్ణయం తప్పని నేనను.
 
 మ అమ్మాయి రేవతి నన్నో జూలో జంతువును చూసినట్లుగా చూస్తుంది. తన మ్యారీడ్ లైఫ్ నాకు బోరింగ్‌గా ఉంటుంది. ఎందుకంటే వాళ్లిద్దరూ చాలా హ్యాపీగా ఉంటారు. కానీ, ఎప్పుడూ గొడవపడితేనే బాగుంటుంది. ఐదేళ్ల తర్వాత ఏం చేయాలి? ఎలా ఉండాలి? అని కూడా వాళ్లు ప్లాన్ చేసుకుంటారు. కానీ, తర్వాతి నిమిషంలో ఏం చేయాలో కూడా నేను ప్లాన్ చేయను.
  


 గతంలో లవర్ బాయ్, చాక్లెట్ బాయ్ గా దక్షిణాది సినిమా ప్రేక్షకులకు సుపరిచితులైలన సిద్ధార్థ్ ప్రస్తుతం విభిన్న పాత్రలతో ప్రేక్షకుల్ని కనువిందు చేయనున్నారు. జిగర్ తాండ్ (చిక్కడు దొరకడు) చిత్రంతో ఓ డిఫరెంట్ లుక్, విభిన్నమైన పాత్రను పోషించి వరుస విజయాన్ని తన ఖాతాలో వేసుకున్నాడు. జిగర్ తాండ తర్వాత కావ్య తలైవన్ అనే చిత్రంలో నటిస్తున్నాడు. 
  
 కావ్య తలైవన్ చిత్ర ఆడియో ఆవిష్కరణ ఇటీవల జరిగింది. కావ్య తలైవన్ ఆడియో ఆవిష్కరణ నేపథ్యంలో ఆ చిత్రంలోని కొన్ని స్టిల్స్ ను సోషల్ మీడియాలో విడుదల చేశారు. కావ్య తలైవన్ చిత్రంలోని సిద్దార్థ గెటప్స్ చాలా ఆసక్తిని కలిగిస్తున్నాయి. వివిధ గెటప్ లో ఉన్న స్టిల్స్ నటుడిగా సిద్ధార్థను కొత్త ఆవిష్కరించే విధంగా ఉన్నాయి. వసంత బాలన్ దర్శకత్వంలో రూపొందిన ఈ చిత్రానికి సంగీతాన్ని ఏఆర్ రహ్మన్ అందిస్తున్నారు. సిద్ధార్థ తోపాటు పృథ్వీరాజ్, నాజర్, వేదిక, అనైక సోటిలు నటిస్తున్నారు.