కోల్‌కతా నైట్‌ రైడర్స్‌ చేతిలో పరాజయంపై సన్‌రైజర్స్‌ కెప్టెన్‌ ప్యాట్‌ కమిన్స్‌ స్పందించాడు. తాము శుభారంభం అందుకున్నా.. దానిని కొనసాగించలేకపోవడం తీవ్ర ప్రభావం చూపిందన్నాడు. కనీసం 180 పరుగులు స్కోరు చేసి ఉంటే పరిస్థితి వేరుగా ఉండేదన్నాడు. ఐపీఎల్‌-2026లో వరుస విజయాలతో దూసుకుపోతున్న సన్‌రైజర్స్‌ హైదరాబాద్‌ జోరుకు బ్రేక్‌ పడిన సంగతి తెలిసిందే.హెడ్‌ మెరుపు అర్ధ సెంచరీ సొంతగడ్డపై జరిగిన మ్యాచ్‌లో బలహీన కేకేఆర్‌ చేతిలో జట్టు అనూహ్యంగా ఓటమిపాలైంది. ఉప్పల్‌ స్టేడియంలో ఆదివారం జరిగిన పోరులో కేకేఆర్‌ 7 వికెట్ల తేడాతో రైజర్స్‌పై ఘన విజయం సాధించింది. టాస్‌ గెలిచి బ్యాటింగ్‌ ఎంచుకున్న హైదరాబాద్‌ 19 ఓవర్లలో 165 పరుగులకే ఆలౌటైంది. ఓపెనర్‌ ట్రవిస్‌ హెడ్‌ (28 బంతుల్లో 61; 9 ఫోర్లు, 3 సిక్స్‌లు) అర్ధ సెంచరీ సాధించాడు.మిగిలిన వారిలో ఇషాన్‌ కిషన్‌ (29 బంతుల్లో 42; 4 ఫోర్లు, 2 సిక్స్‌లు) ఫర్వాలేదనిపించగా.. మిగతావాళ్లంతా చేతులెత్తేశారు. ‘ప్లేయర్‌ ఆఫ్‌ ద మ్యాచ్‌’ వరుణ్‌ చక్రవర్తికి 3 వికెట్లు దక్కాయి. నరైన్, కార్తీక్‌ త్యాగి 2 వికెట్ల చొప్పున తీశారు. అనంతరం కోల్‌కతా 18.2 ఓవర్లలో 3 వికెట్లకు 169 పరుగులు చేసి విజయాన్నందుకుంది. అంగ్‌కృష్‌ రఘువంశీ (47 బంతుల్లో 59; 5 ఫోర్లు, 2 సిక్స్‌) హాఫ్‌ సెంచరీ చేశాడు. కెప్టెన్‌ అజింక్య రహానే (36 బంతుల్లో 43; 4 ఫోర్లు, 1 సిక్స్‌) రాణించాడు.ఏకంగా 47 పరుగులు సమర్పించుకుని..సన్‌రైజర్స్‌ బౌలర్లలో సాకిబ్‌ హుసేన్‌ మెరుగ్గా బౌలింగ్‌ చేశాడు. మూడు ఓవర్లలో 17 పరుగులే ఇచ్చి ఒక వికెట్‌ తీశాడు. మిగిలిన వారిలో శివాంగ్‌ 4 ఓవర్లు వేసి 31 పరుగులు ఇచ్చి ఒక వికెట్‌ తీయగా.. ఎషాన్‌ మలింగ, కెప్టెన్‌ ప్యాట్‌ కమిన్స్‌ ధారాళంగా పరుగులు ఇచ్చుకున్నారు.కమిన్స్‌ నాలుగు ఓవర్ల కోటాలో ఏకంగా 47 పరుగులు సమర్పించుకుని ఒక వికెట్‌ తీయగా.. ఎషాన్‌ 3.2 ఓవర్లోలనే 42 పరుగులు ఇచ్చుకున్నాడు. ఈ నేపథ్యంలో ఓటమి అనంతరం కమిన్స్‌ (Pat Cummins) మాట్లాడుతూ.. తన ప్రదర్శన పట్ల సంతృప్తిగా లేనన్నాడు.తప్పంతా నాదే.. ఓటమికి కారణం నేనే!‘‘ఈరోజు మాది కాదు. మేము శుభారంభం అందుకున్నప్పటికీ దానిని కొనసాగించలేకపోయాము. కనీసం 180- 200 పరుగులు చేసి ఉంటే ఫలితం వేరుగా ఉండేది. కనీసం 180 పరుగులైనా స్కోరు చేస్తామనుకున్నాను.మా ఇన్నింగ్స్ ద్వితీయార్థ భాగం చప్పగా సాగింది. ఇందులో నేను కూడా భాగమే. ఏదేమైనా వరుసగా ఐదు మ్యాచ్‌లు గెలవడం మా ఆత్మవిశ్వాసాన్ని పెంచింది. ఈరోజు కూడా మా బౌలర్లు మెరుగ్గా రాణించడం సానుకూలాంశం. నాలుగో ఓవర్లో నేను ఏకంగా 27 పరుగులు ఇవ్వడం మాత్రం తీవ్ర ప్రభావం చూపింది. దీని కారణంగా మేము భారీ మూల్యమే చెల్లించాల్సి వచ్చింది. చిన్న చిన్న తప్పిదాలే తీవ్ర ప్రభావం చూపుతాయి’’ అని కమిన్స్‌ నిరాశ వ్యక్తం చేశాడు. ఓటమికి తానే కారణమని పరోక్షంగా వెల్లడిస్తూ తప్పు తన మీద వేసుకున్నాడు. కాగా ఈ మ్యాచ్‌లో కమిన్స్‌ 8 బంతుల్లో 10 పరుగులు చేశాడు.చదవండి: ‘భారీ’ ధరకు అమ్ముడుపోయిన అర్జున్‌ టెండుల్కర్‌Pat Cummins turns the corner 👏🎥 27 runs off the over but the #SRH skipper comes back with a wicket 👊Finn Allen departs! Updates ▶️ https://t.co/muersQO7at#TATAIPL | #KhelBindaas | #SRHvKKR | @SunRisers pic.twitter.com/Aicconk2N8— IndianPremierLeague (@IPL) May 3, 2026

క్రికెట్ చ‌రిత్ర‌లో ‘అబ్‌స్ట్ర‌క్టింగ్ ది ఫీల్డ్’ అనేది చాలా పాత రూల్‌. ఈ నిబంధ‌న ఎప్ప‌టి నుంచో అమ‌ల్లో ఉంది. తాజాగా ఐపీఎల్ 2026 సీజ‌న్‌లో కేకేఆర్‌, ల‌క్నో సూప‌ర్‌జెయింట్స్ మ‌ధ్య మ్యాచ్‌లో కేకేఆర్ బ్యాట‌ర్ అంగ్‌క్రిష్ ర‌ఘువంశీ అబ్‌స్ట్ర‌క్టింగ్ ది ఫీల్డ్ కింద ఔట్ కావ‌డంతో ఈ అంశం మ‌రోసారి తెర‌మీద‌కు వ‌చ్చింది. మ‌రి అబ్‌స్ట్ర‌క్టింగ్ ది ఫీల్డ్ అంటే ఏమిటీ? అంత‌ర్జాతీయ క్రికెట్‌లో దీనికున్న రూల్ ఏంటి? ఇప్ప‌టివ‌ర‌కు ఎంత‌మంది క్రికెట‌ర్లు అబ్‌స్ట్ర‌క్టింగ్ ది ఫీల్డ్ కింద ఔట‌య్యార‌నేది ఇప్పుడు తెలుసుకుందాం.అబ్‌స్ట్ర‌క్టింగ్ ది ఫీల్డ్ అంటే?క్రికెట్ చ‌ట్టాల‌ను రూపొందించే ఎంసీసీ చ‌ట్టాల్లో అబ్‌స్ట్రాకింగ్‌ ది ఫీల్డ్ అనే నిబంధ‌న ఉంది. 37.2 నిబంధ‌న ప్ర‌కారం ఓ బ్యాట‌ర్ ఉద్దేశ‌పూర్వంగా త‌న వికెట్ కాపాడుకోవ‌డానికి బంతిని చేతితో అడ్డుకున్న‌ట్ల‌యితే దాన్ని అబ్‌స్ట్రాకింగ్‌ ది ఫీల్డ్ గా కింద ప‌రిగ‌ణిస్తూ బ్యాట‌ర్‌ను ఔట్‌గా ప్ర‌క‌టిస్తారు. అంత‌ర్జాతీయ క్రికెట్‌లో ఇప్ప‌టి వ‌ర‌కు ఇలా 11 మంది ఆట‌గాళ్లు ఔట్ అయ్యారు. ఈ జాబితాలో ముష్ఫీకర్‌ రహీం 11వ ఆట‌గాడిగా రికార్డుల్లోకి ఎక్కాడు. టెస్టు క్రికెట్‌లో మాత్రం ఇద్ద‌రే ఇలా పెవిలియ‌న్‌కు చేరుకున్నారు. వీరిలో ర‌హీం రెండ‌వ ఆట‌గాడు కాగా.. 1951లో ఇంగ్లాండ్‌కు చెందిన లియోనార్డ్ హ‌ట‌న్ మొద‌టి ప్లేయ‌ర్‌. భార‌త క్రికెట్ చ‌రిత్ర‌లో ఒకే ఒక్క ఆట‌గాడు అబ్‌స్ట్రాకింగ్‌ ది ఫీల్డ్ కింద ఔట్ అయ్యాడు. ఆస్ట్రేలియాతో జ‌రిగిన మ్యాచ్‌లో మొహింద‌ర్ అమ‌ర్‌నాథ్ ఇలా ఔట్ అయ్యాడు.అంత‌ర్జాతీయ క్రికెట్‌లో అబ్‌స్ట్ర‌క్టింగ్ ది ఫీల్డ్ గా ఔటైన ఆట‌గాళ్లు..రస్సెల్ ఎండీన్, ఆండ్రూ హిల్డిచ్, మొహ్సిన్ ఖాన్, డెస్మండ్ హేన్స్, మొహిందర్ అమర్‌నాథ్, గ్రాహం గూచ్, డారిల్ కల్లినన్, స్టీవ్ వా, మైఖేల్ వాఘన్, చము చిభాభా, ముష్ఫికర్ రహీమ్.ఐపీఎల్‌లో నాలుగుసార్లు..ఇక ఐపీఎల్ విష‌యానికొస్తే ఇప్ప‌టివ‌ర‌కు జ‌రిగిన 19 సీజ‌న్ల‌లో న‌లుగురు ఆట‌గాళ్లు అబ్‌స్ట్ర‌క్టింగ్ ది ఫీల్డ్ కింద ఔట‌య్యారు. ఈ జాబితాలో యూస‌ఫ్ ప‌ఠాన్‌, అమిత్ మిశ్రా, ర‌వీంద్ర జ‌డేజా ఉండ‌గా.. తాజాగా అంగ్‌క్రిష్ ర‌ఘువంశీ చేరాడు.యూస‌ఫ్ ప‌ఠాన్‌ఐపీఎల్‌లో అబ్‌స్ట్ర‌క్టింగ్ ది ఫీల్డ్ కింద వెనుదిరిగిన తొలి ఆట‌గాడిగా ఆల్‌రౌండ‌ర్ యూస‌ఫ్ ప‌ఠాన్ నిలిచాడు. 2013 సీజ‌న్‌లో రైజింగ్ పుణే వారియ‌ర్స్‌తో కేకేఆర్ త‌ల‌ప‌డింది. కేకేఆర్ ఇన్నింగ్స్ స‌మ‌యంలో 72 ప‌రుగుల‌తో ఆడుతున్న యూస‌ఫ్ ప‌ఠాన్ బౌల‌ర్ స్ట్రైకింగ్ ఎండ్‌వైపు విసిరిన బంతికి అడ్డువ‌చ్చాడు. దీంతో ఉద్దేశ‌పూర్వ‌కంగానే బంతికి అడ్డువ‌చ్చిన‌ట్లు పుణే ఆట‌గాళ్లు అప్పీల్ చేయ‌డంతో అంపైర్ ఔటిచ్చాడు.అమిత్ మిశ్రా2019 సీజ‌న్‌లో ఢిల్లీ క్యాపిట‌ల్స్‌కు ప్రాతినిధ్యం వ‌హిస్తున్న అమిత్ షా ఎస్ఆర్‌హెచ్‌తో ఎలిమినేట‌ర్ మ్యాచ్‌లో అబ్‌స్ట్ర‌క్టింగ్ ది ఫీల్డ్ కింద వెనుదిరిగాడు. బౌల‌ర్ వేసిన బంతిని ఎడ్జ్ తీసుకొని సింగిల్ కోసం పిచ్ మ‌ధ్య‌లో ప‌రిగెత్తాడు. అయితే బంతిని తీసుకున్న కీప‌ర్ నాన్‌స్ట్రైక్ ఎండ్ వికెట్ల వైపు విసిరాడు.కానీ అమిత్ మిశ్రా బంతికి అడ్డంగా వెళ్ల‌డంతో అంపైర్ ఔట్ ఇవ్వ‌క త‌ప్ప‌లేదు.ర‌వీంద్ర జ‌డేజా2024 సీజ‌న్‌లో రాజ‌స్తాన్ రాయ‌ల్స్‌తో మ్యాచ్ సంద‌ర్భంగా సీఎస్‌కే బ్యాట‌ర్ ర‌వీంద్ర జ‌డేజా రెండో ప‌రుగు కోసం ప్ర‌య‌త్నించాడు. అయితే స్ట్రైక్ ఎండ్‌లో ఉన్న బ్యాట‌ర్‌ప‌రుగు వ‌ద్ద‌ని వారించ‌డంతో జ‌డేజా వెన‌క్కి ప‌రిగెత్తే క్ర‌మంలో త‌న దిశ‌ను మార్చుకున్నాడు. అప్ప‌టికే బంతిని అందుకున్న కీప‌ర్ శాంస‌న్ బంతిని విస‌ర‌డం, అదే స‌మ‌యంలో జ‌డేజా అడ్డు రావ‌డంతో అంపైర్ అబ్‌స్ట్ర‌క్టింగ్ ది ఫీల్డ్ కింద ఔటిచ్చాడు.అంగ్‌క్రిష్ ర‌ఘువంశీతాజాగా 2026 సీజ‌న్‌లో కేకేఆర్ బ్యాట‌ర్ అంగ్‌క్రిష్ రఘువంశీ ఇదే త‌ర‌హాలో ఔట‌య్యాడు. కేకేఆర్‌ ఇన్నింగ్స్ 5వ ఓవర్ ప్రిన్స్ యాద‌వ్ బౌలింగ్‌లో ఆఖ‌రి బంతికి రఘువంశీ మిడ్-ఆన్ వైపు షాట్ ఆడి సింగిల్ కోసం ప్రయత్నించాడు. అయితే మిడ్ ఆన్‌లో ఉన్న మ‌హ్మ‌ద్ ష‌మీ బంతిని వేగంగా అందుకోవ‌డంతో.. ర‌ఘువంశీ స‌గం దూరం వెళ్ళాక మళ్ళీ వెన‌క్కి వ‌చ్చేందుకు ప్ర‌య‌త్నించాడు. అయితే వెన‌క్కి వెళ్లే క్ర‌మంలో ష‌మీ త్రో చేసిన బంతి రఘువంశీ కాలికి తగిలి వికెట్ కీపర్ పంత్ చేతికి వెళ్లలేదు. అయితే రఘువంశీ కావాలనే తన దారిని మార్చుకుని వెన‌క్కి పరిగెత్తాడని పంత్ అబ్‌స్ట్రక్టింగ్ ద ఫీల్డ్‌కు అప్పీల్‌ చేశాడు. దీంతో ఫీల్డ్ అంపైర్‌లు థర్డ్ అంపైర్‌కు రిఫర్ చేశారు. చాలా సేపు రీప్లేలను పరిశీలించిన టీవీ అంపైర్.. రఘువంశీ కావాలనే ఫీల్డర్ విసిరిన బంతికి అడ్డుపడ్డాడని నిర్ధారించారు. దీంతో ఆర్టికల్ 37 ప్రకారం అతడిని అబ్‌స్ట్రక్టింగ్ ద ఫీల్డ్ కింద అవుట్‌గా ప్రకటించారు.𝗜.𝗖.𝗬.𝗠.𝗜A rare dismissal as Angkrish Raghuvanshi was given out 𝗼𝗯𝘀𝘁𝗿𝘂𝗰𝘁𝗶𝗻𝗴 𝘁𝗵𝗲 𝗳𝗶𝗲𝗹𝗱 😮WATCH how it all unfolded ▶️ https://t.co/uNqNFhXhoL#TATAIPL | #KhelBindaas | #LSGvKKR pic.twitter.com/tvKuRe4x5S— IndianPremierLeague (@IPL) April 26, 2026చదవండి: ‘నేను చాలా మారాను.. మునుపటి పాండ్యాను కాను’

కోల్‌కతా నైట్‌ రైడర్స్‌ యువ బ్యాటర్‌ అంగ్‌క్రిష్‌ రఘువంశీపై ఐపీఎల్‌ పాలక మండలి కఠిన చర్యలు తీసుకుంది. లక్నో సూపర్‌ జెయింట్స్‌తో మ్యాచ్‌ సందర్భంగా నిబంధనలు ఉ‍ల్లంఘించాడనే కారణంతో మ్యాచ్‌ ఫీజులో కోత విధించింది. ఐపీఎల్‌-2026లో భాగంగా ఆదివారం నాటి మ్యాచ్‌లో ఏకనా స్టేడియంలో లక్నో- కోల్‌కతా జట్లు తలపడ్డాయి. అనూహ్య రనౌట్‌ఈ మ్యాచ్‌లో టాస్‌ గెలిచిన ఆతిథ్య లక్నో తొలుత బౌలింగ్‌ ఎంచుకోగా.. కోల్‌కతా బ్యాటింగ్‌కు దిగింది. లక్నో బౌలర్‌ మొహ్సిన్‌ ఖాన్‌ (Mohsin Khan) ఆదిలోనే చెలరేగి ఓపెనర్లు టిమ్‌ సీఫర్ట్‌ (0), అజింక్య రహానే (10) వికెట్లు కూల్చాడు. ఇక వన్‌డౌన్‌లో వచ్చిన అంగ్‌క్రిష్‌ రఘువంశీ అనూహ్యంగా రనౌటయ్యాడు. ప్రిన్స్‌ యాదవ్‌ వేసిన ఇన్నింగ్స్‌ ఐదో ఓవర్‌ చివరి బంతిని మిడాఫ్‌ దిశగా ఆడిన రఘువంశీ సింగిల్‌ కోసం ముందుకొచ్చాడు.అబ్‌స్ట్రక్టింగ్‌ ద ఫీల్డ్‌అయితే మరో ఎండ్‌లో ఉన్న కామెరాన్‌ గ్రీన్‌ నిరాకరించడంతో వెనుదిరిగాడు. ఈ క్రమంలో మిడాఫ్‌ దగ్గర బంతి అందుకున్న మహ్మద్‌ షమీ వికెట్ల వైపు విసిరాడు. ఆ బాల్‌ కాస్త రఘువంశీకి తాకగా... లక్నో జట్టు ‘అబ్‌స్ట్రక్టింగ్‌ ద ఫీల్డ్‌’ కోసం అప్పీల్‌ చేసింది.KKR ತಂಡಕ್ಕಂತೂ ಇದು ನಿಜಕ್ಕೂ ನುಂಗಲಾರದ ತುತ್ತು! 'Obstruction of Field' ಅಂತ Raghuvanshi ಗೆ ಔಟ್ ಕೊಡಲಾಗಿದೆ.☝️ ನಿಮ್ಮ ಪ್ರಕಾರ ಇದು Out? ಅಥವಾ Not Out? 👀 ವೀಕ್ಷಿಸಿ | #TATAIPL2026 👉 #LSGvsKKR | LIVE NOW | ನಿಮ್ಮ Star Sports ಕನ್ನಡ & JioHotstar ನಲ್ಲಿ.#TATAIPL #AngkrishRaghuvanshi pic.twitter.com/cPsuy1J2p7— Star Sports Kannada (@StarSportsKan) April 26, 2026తీవ్ర అసంతృప్తిదీంతో పలుమార్లు రీప్లేను పరిశీలించిన థర్డ్‌ అంపైర్‌... రఘువంశీ దిశ మార్చుకున్నాడని నిర్ధారించి అతడిని అవుట్‌గా ప్రకటించాడు. ఈ నిర్ణయంపై రఘువంశీ తీవ్ర అసంతృప్తి వ్యక్తం చేస్తూ కోపంగా మైదానాన్ని వీడాడు. హెల్మెట్‌ను విసిరేసి అసంతృప్తి వెళ్లగక్కాడు.జరిమానాతో పాటు..ఈ నేపథ్యంలో ఐపీఎల్‌ పాలక మండలి చర్యలకు దిగింది. ‘‘ఐపీఎల్‌ ప్రవర్తనా నియమావళిలోని ఆర్టికల్‌ 2.2 ప్రకారం.. మ్యాచ్‌ జరుగుతున్న సమయంలో క్రికెట్‌ పరికరాలు, క్లాతింగ్‌ తదితర వస్తువులకు హాని కలిగించకూడదు. లక్నోతో మ్యాచ్‌ సందర్భంగా రఘువంశీ ఈ నిబంధనను ఉల్లంఘించాడు.అందుకే అతడి మ్యాచ్‌ ఫీజులో 20 శాతం కోత విధించడంతో పాటు.. ఓ డిమెరిట్‌ పాయింట్‌ కూడా జత చేస్తున్నాం’’ అని ప్రకటన విడుదల చేసింది. ఈ మ్యాచ్‌లో కోల్‌కతా- లక్నో జట్లు నిర్ణీత 20 ఓవర్లలో సరిసమానంగా చెరో 155 పరుగులు చేశాయి. ఈ క్రమంలో సూపర్‌ ఓవర్‌ నిర్వహించగా.. కోల్‌కతా విజయం సాధించింది.చదవండి: LSG Vs KKR: నరాలు తెగే ఉత్కంఠ!.. ఫామ్‌లో లేకున్నా అందుకే అతడిని పంపించాం

ఐపీఎల్‌-2026లో భాగంగా ఏకానా స్టేడియం వేదికగా లక్నో సూపర్ జెయింట్స్‌తో జరుగుతున్న మ్యాచ్‌లో కేకేఆర్ బ్యాటర్ అంగ్‌క్రిష్ రఘువంశీని దురదృష్టం వెంటాడింది. క్రికెట్‌లో అరుదుగా కన్పించే 'అబ్‌స్ట్రక్టింగ్ ద ఫీల్డ్' (ఫీల్డింగ్‌కు ఆటంకం కలిగించడం) నిబంధన ప్రకారం రఘువంశీ ఔటయ్యాడు. దీంతో ఐపీఎల్ చరిత్రలో అబ్‌స్ట్రక్టింగ్ ద ఫీల్డ్ ప్రకారం ఔటైన నాలుగో బ్యాటర్‌గా రఘువంశీ నిలిచాడు.ఏమి జరిగిందంటే?కోల్‌కతా ఇన్నింగ్స్ 5వ ఓవర్ ప్రిన్స్ యాద‌వ్ బౌలింగ్‌లో ఆఖ‌రి బంతికి రఘువంశీ మిడ్-ఆన్ వైపు షాట్ ఆడి సింగిల్ కోసం ప్రయత్నించాడు. అయితే మిడ్ ఆన్‌లో ఉన్న మ‌హ్మ‌ద్ ష‌మీ బంతిని వేగంగా అందుకోవ‌డంతో.. ర‌ఘువంశీ స‌గం దూరం వెళ్ళాక మళ్ళీ వెన‌క్కి వ‌చ్చేందుకు ప్ర‌య‌త్నించాడు.అయితే వెన‌క్కి వెళ్లే క్ర‌మంలో ష‌మీ త్రో చేసిన బంతి రఘువంశీ కాలికి తగిలి వికెట్ కీపర్ పంత్ చేతికి వెళ్లలేదు. అయితే రఘువంశీ కావాలనే తన దారిని మార్చుకుని వెనుక్కి పరిగెత్తాడని పంత్ అబ్‌స్ట్రక్టింగ్ ద ఫీల్డ్‌కు అప్పీల్‌ చేశాడు. దీంతో ఫీల్డ్ అంపైర్‌లు థర్డ్ అంపైర్‌కు రిఫర్ చేశారు. చాలా సేపు రీప్లేలను పరిశీలించిన టీవీ అంపైర్.. రఘువంశీ కావాలనే ఫీల్డర్ విసిరిన బంతికి అడ్డుపడ్డాడని నిర్ధారించారు.దీంతో ఆర్టికల్ 37 ప్రకారం అతడిని అబ్‌స్ట్రక్టింగ్ ద ఫీల్డ్ కింద అవుట్‌గా ప్రకటించారు. థర్డ్ అంపైర్ నిర్ణయంపై రఘువంశీతో పాటు హెడ్ కోచ్ అభిషేక్ నాయర్, మెంటార్లు షేన్ వాట్సన్ తీవ్ర అసహనం వ్యక్తం చేశాడు. రఘువంశీ మైదానాన్ని వీడే క్రమంలో తన బ్యాట్‌ను, హెల్మెట్‌ను నేలకేసి కొట్టాడు.ఇందుకు సంబంధించిన వీడియో ప్రస్తుతం సోషల్ మీడియాలో వైరలవుతోంది. ఇది చూసిన నెటిజన్లు భిన్నాభిప్రాయాలను వ్యక్తం చేస్తున్నారు. అతడు క్రీజులోకి చేరుకోవాలనే ఉద్దేశంతోనే అలా పరిగెత్తాడని, అలా ఎలా ఔట్ ఇస్తారని ఓ యూజర్ పోస్ట్ చేశాడు. మరో యూజర్ రూల్స్ ప్రకారం ఇది అవుటేనని కామెంట్ చేశాడు. Obs 🥵Angkrish Raghuvanshi !! Obstructing the field #LSGvsKKR #CSKvsGTpic.twitter.com/2mTxfZlbJU— Baba Jaipuriya (@BabaJaipuriya) April 26, 2026

ఐపీఎల్‌ 2026లో భాగంగా ముంబై ఇండియన్స్‌తో ఇవాళ (మార్చి 29) జరుగుతున్న మ్యాచ్‌లో కేకేఆర్‌ భారీ స్కోర్‌ చేసింది. ముంబైలోని వాంఖడే స్టేడియం వేదికగా జరుగుతున్న ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన కేకేఆర్‌ నిర్ణీత 20 ఓవర్లలో 4 వికెట్ల నష్టానికి 220 పరుగులు చేసింది.రెచ్చిపోయిన రహానేకేకేఆర్‌ కెప్టెన్‌ రహానే లేటు వయసులో రెచ్చిపోయి, కేకేఆర్‌కు మెరుపు ఆరంభాన్ని అందించాడు. కేవంల 27 బంతుల్లో హాఫ్‌ సెంచరీ పూర్తి చేసిన అతను.. మొత్తంగా 40 బంతుల్లో 3 ఫోర్లు, 5 సిక్సర్ల సాయంతో 67 పరుగులు చేశాడు. రహానేకు జతగా ఓపెనింగ్‌ చేసిన ఫిన్‌ అలెన్‌ కూడా చెలరేగిపోయాడు. కేవలం 17 బంతుల్లోనే 6 ఫోర్లు, 2 సిక్సర్ల సాయంతో 37 పరుగులు చేశాడు.25 కోట్ల ప్లేయ‌ర్ అట్ట‌ర్ ప్లాప్‌ఐపీఎల్‌ చరిత్రలో అత్యంత ఖ‌రీదైన విదేశీ ఆట‌గాడిగా నిలిచిన కెమరూన్‌ గ్రీన్‌ దారుణంగా విఫలమయ్యాడు. అలెన్‌ ఔటయ్యాక వన్‌డౌన్‌లో బరిలోకి దిగిన గ్రీన్‌.. 10 బంతుల్లో బౌండరీ, సిక్సర్‌ సాయంతో 18 ప‌రుగులు చేసి ఔటయ్యాడు. ఈ సీజన్‌ వేలంలో కేకేఆర్‌ గ్రీన్‌ను రూ. 25.20 కోట్ల భారీ మొత్తం వెచ్చించి సొంతం చేసుకుంది.రాణించిన రఘువంశీగ్రీన్‌ ఔటయ్యాక క్రీజ్‌లోకి వచ్చిన అంగ్క్క్రిష్‌ రఘువంశీ ఆరంభంలో కాస్త నిదానంగా ఆడినా, ఆతర్వాత బ్యాట్‌ ఝులిపించాడు. 29 బంతుల్లో 6 ఫోర్లు, 2 సిక్సర్ల సాయంతో 51 పరుగులు చేసి ఔటయ్యాడు. రఘువంశీ మెరుపుల కారణంగానే కేకేఆర్‌ 200 పరుగుల మార్కును దాటగలిగింది.పర్వాలేదనిపించిన రింకూ ఇన్నింగ్స్‌ చివర్లో బరిలోకి దిగిన రింకూ సింగ్‌ తన సహజ శైలిలో మెరుపు బ్యాటింగ్‌ చేయనప్పటికీ పర్వాలేదనిపించాడు. 21 బంతుల్లో 4 ఫోర్ల సాయంతో 33 పరుగులతో అజేయంగా నిలిచాడు. ముంబై ఇండియన్స్‌ బౌలర్లలో శార్దూల్‌ ఠాకూర్‌ (4-0-39-3), ట్రెంట్‌ బౌల్ట్‌ (4-0-38-0) అద్భుతంగా బౌలింగ్‌ చేయగా..హార్దిక్‌ పాండ్యా ఓ వికెట్‌ తీశాడు.

ఐపీఎల్ 2026 సీజన్ కోసం మూడు సార్లు ఛాంపియన్ కోల్‌కతా నైట్‌రైడర్స్ తీవ్రంగా శ్రమి‍స్తోంది. గత సీజన్‌లో దారుణంగా విఫలమైన కేకేఆర్‌.. ఈసారి మాత్రం మెరుగైన ప్రదర్శన చేయాలని పట్టుదలతో ఉంది. కోల్‌కతాలోని ఈడెన్ గార్డెన్స్‌లో తమ ట్రైనింగ్ క్యాంపును కేకేఆర్ ఏర్పాటు చేసింది.ఈ క్రమంలో శుక్రవారం కేకేఆర్ సభ్యులు రెండు జట్లగా విడిపోయి ఇంట్రా-స్క్వాడ్ మ్యాచ్ ఆడాడు. గోల్డెన్ నైట్స్ జట్టుకు రింకూ సింగ్‌ కెప్టెన్‌ కాగా.. 'పర్పుల్ నైట్స్' జట్టుకు అజింక్య రహానే సారథ్యం వహించాడు. అయితే ఈ మ్యాచ్‌లో రహానే జట్టుకు ప్రాతినిథ్యం వహించిన యువ ఆటగాడు అంగ్‌క్రిష్ రఘువంశీ ఆకాశమే హద్దుగా చెలరేగిపోయాడు.200 పరుగుల భారీ లక్ష్య ఛేదనలో ప్రత్యర్ధి బౌలర్లను ఉతికారేశాడు. కేవలం 55 బంతుల్లోనే 9 ఫోర్లు, 5 సిక్సర్లతో 103 పరుగులు చేసి నాటౌట్‌గా నిలిచాడు. అతడితో పాటు కివీ స్టార్ ఫిన్ అలెన్ కూడా దూకుడుగా ఆడాడు. ఫ‌లితంగా ల‌క్ష్యాన్ని పర్పుల్ నైట్స్ జ‌ట్టు 19.2 ఛేదించింది.అయితే ఈ ఏడాది సీజ‌న్‌లో ర‌ఘువంశీ బ్యాటింగ్ ఆర్డ‌ర్‌పై ఇంకా స్ప‌ష్ట‌త లేదు. గ‌త సీజ‌న్‌లో కొన్ని సార్లు మూడో స్ధానంలో, మ‌రికొన్ని మిడిలార్డ‌ర్‌లో బ్యాటింగ్‌కు వ‌చ్చేవాడు. అయితే ఇప్పుడు ఫిన్ అలెన్, టిమ్ సీఫెర్ట్, సునీల్ నరైన్, అజింక్య ర‌హానే, కామెరాన్ గ్రీన్ వంటి టాపార్డ‌ర్ బ్యాట‌ర్లు ఉండ‌డంతో ర‌ఘువంశీని మ‌రి ఎలా ఉప‌యోగిస్తారో చూడాలి. ఈ ఏడాది సీజ‌న్‌లో కేకేఆర్ త‌మ తొలి మ్యాచ్‌లో మార్చి 29న వాంఖ‌డే స్టేడియం వేదిక‌గా ముంబై ఇండియ‌న్స్‌తో త‌ల‌ప‌డ‌నుంది.చదవండి: IPl 2026: 'ఒక్క నిమిషం కూడా వృథా చేయొద్దు'.. సహచరులకు కోహ్లి వార్నింగ్‌

ముంబై అండర్ 23 జట్టు ఈ ఏడాది జూన్ ఆఖరిలో ఇంగ్లండ్ పర్యటనకు వెళ్లనుంది. ఈ టూర్‌లో భాగంగా ముంబై జట్టు నాటింగ్‌హామ్‌షైర్, వోర్సెస్టర్‌షైర్, గ్లౌసెస్టర్‌షైర్ వంటి కౌంటీ టీమ్స్‌తో ఐదు రెండు రోజుల మ్యాచ్‌లు, నాలుగు వన్డే మ్యాచ్‌లు ఆడనుంది. ఈ క్రమంలో ఇంగ్లండ్ పర్యటన కోసం తమ జట్టును ముంబై క్రికెట్ అసోసియేషన్ ప్రకటించింది. ఈ జట్టుకు స్టార్ ఆల్‌రౌండర్ సూర్యాంష్ షెగ్దే కెప్టెన్‌గా ఎంపికయ్యాడు. సూర్యాంష్ డిప్యూటీగా వేదాంత్ ముర్కర్ వ్యవహరించనున్నాడు. అదేవిధంగా ఈ జట్టులో బ్యాటింగ్ ఆల్ రౌండర్ ముషీర్ ఖాన్, కేకేఆర్ స్టార్ ప్లేయర్ అంగ్క్రిష్ రఘువంశీ, యువ స్పిన్నర్ హిమాన్షు సింగ్ కూడా ఉన్నారు.ముంబై జట్టు దాదాపు నెల రోజుల పాటు ఇంగ్లండ్‌లో పర్యటించనుంది. ఈ టూర్‌లో ముంబై జట్టుకు కిరణ్ పొవార్ ప్రధాన కోచ్‌గా వ్యవహరించనున్నాడు. అంతేకాకుండా ఎంసీఎ జాయింట్ సెక్రటరీ దీపక్ పాటిల్,ట్రెజరర్ అర్మాన్ మాలిక్ జట్టు సమన్వయకర్తలుగా పనిచేయనున్నారు.ఇంగ్లండ్ టూర్‌కు ముంబై అండర్ 23 జట్టు ఇదే..సూర్యాంశ్ షెడ్గే (కెప్టెన్‌), వేదాంత్ ముర్కర్ (వైస్ కెప్టెన్‌), అంగ్క్రిష్ రఘువంశీ, ఆయుష్ వర్తక్, ఆయుష్ జిమారే, హిమాన్షు సింగ్, మనన్ భట్, ముషీర్ ఖాన్, నిఖిల్ గిరి, ప్రజ్ఞేష్ కాన్పిల్లెవార్, ప్రతీక్‌కుమార్ యాదవ్, ప్రేమ్ దేవ్‌కర్, ప్రిన్స్ బదియాని, జైద్ హరీష్‌హల్ పటాన్‌కర్, హెచ్ హరీష్‌హల్ పటాన్‌కర్.

కోల్‌కతా నైట్‌ రైడర్స్‌ (KKR)కు చేదు అనుభవం ఎదురైంది. ఐపీఎల్‌-2025 (IPL 2025)లో భాగంగా పంజాబ్‌ కింగ్స్‌ విధించిన 112 పరుగుల స్వల్ప లక్ష్యాన్ని ఛేదించలేక చతికిలపడింది. పటిష్ట పంజాబ్‌ బ్యాటర్లను తమ బౌలర్లు అద్బుత రీతిలో కట్టడి చేసినా.. బ్యాటర్ల వైఫల్యం, నిర్లక్ష్యం కారణంగా ఓటమిని చవిచూసింది.ఈ నేపథ్యంలో కేకేఆర్‌ కెప్టెన్‌ అజింక్య రహానే (Ajinkya Rahane) తీవ్ర విచారం వ్యక్తం చేశాడు. ఓటమికి పూర్తి బాధ్యత తనదేనని.. తన తప్పు వల్లే గెలవాల్సిన మ్యాచ్‌ ఓడిపోయామని అంగీకరించాడు. బౌలర్లు ఎంతో కష్టపడినా.. చెత్త బ్యాటింగ్‌ వల్ల పంజాబ్‌ ముందు తలవంచాల్సి వచ్చిందని పేర్కొన్నాడు.తప్పంతా నాదే.. ‘‘మైదానంలో ఏం జరిగిందో నేను ప్రత్యేకంగా చెప్పనక్కర్లేదు. ఈ ఓటమి అన్నింటికంటే ఎక్కువగా బాధిస్తోంది. ఇందుకు పూర్తిగా నేనే బాధ్యుడిని. షాట్‌ ఎంపికలో పొరపాటు చేశాను. అయితే, అదృష్టవశాత్తూ బాల్‌ స్టంప్స్‌ను మిస్‌ అయింది. కానీ లెగ్‌ బిఫోర్‌ వికెట్‌ విషయంలో నాకు స్పష్టత లేదు.అతడు కూడా నాతో అదే అన్నాడుఅంపైర్‌ ఎల్బీడబ్ల్యూ (LBW) ఇచ్చిన తర్వాత మరో ఎండ్‌లో ఉన్న అంగ్‌క్రిష్‌తో చర్చించాను. అతడు కూడా అంపైర్స్‌ కాల్‌ నిజమవుతుందేమోనని చెప్పాడు. అందుకే ఆ సమయంలో నేను చాన్స్‌ తీసుకోవాలని అనుకోలేదు. నాకు కూడా పూర్తి స్పష్టత లేదు కాబట్టి రివ్యూకు వెళ్లలేదు.నిర్లక్ష్య ఆట తీరు వల్లే ఓటమిమా బ్యాటింగ్‌ విభాగం ఈ రోజు అత్యంత చెత్తగా ఆడింది. సమిష్టిగా విఫలమయ్యాం. బౌలర్లు ఎంతో కష్టపడి పటిష్ట బ్యాటింగ్‌ లైనప్‌ను 111 పరుగులకే ఆలౌట్‌ చేశారు. కానీ మేము మాత్రం వారి కష్టానికి ప్రతిఫలం లేకుండా చేశాం. మా నిర్లక్ష్య ఆట తీరే మా ఓటమికి కారణం.ఇప్పుడు నా మనసులో ఎన్నో భావాలు చెలరేగుతున్నాయి. సులువుగా ఛేదించగల లక్ష్యాన్ని కూడా మేము దాటలేకపోయాం. మా వాళ్లతో ఏం మాట్లాడాలో కూడా అర్థం కావడం లేదు. ఇంకా సగం టోర్నీ మిగిలే ఉంది. ఏదేమైనా సానుకూల దృక్పథంతో ముందుకు సాగాలి’’ అని అజింక్య రహానే పేర్కొన్నాడు.రివ్యూకు వెళ్లకుండా తప్పు చేశాడుకాగా కేకేఆర్‌ ఇన్నింగ్స్‌లో ఎనిమిదవ ఓవర్‌ను పంజాబ్‌ స్పిన్నర్‌ యజువేంద్ర చహల్‌ వేశాడు. అతడి బౌలింగ్‌లో నాలుగో బంతికి స్వీప్‌ షాట్‌ ఆడేందుకు ప్రయత్నించిన రహానే విఫలం కాగా.. బంతి ప్యాడ్‌ను తాకినట్లు కనిపించింది. దీంతో పంజాబ్‌ అప్పీలు చేయగా.. అంపైర్‌ ఎల్బీడబ్ల్యూగా ప్రకటించాడు.అయితే, రీప్లేలో మాత్రం ఇంపాక్ట్‌ అవుట్‌సైడ్‌ ఆఫ్‌గా తేలింది. ఒకవేళ రహానే గనుక రివ్యూకు వెళ్లి ఉంటే నాటౌట్‌గా ఉండేవాడు. అప్పుడు ఫలితం మరోలా ఉండేది. నిజానికి అప్పటికి కేకేఆర్‌కు ఇంకా రెండు రివ్యూలు మిగిలే ఉండటం గమనార్హం. ఇలా స్వీయ తప్పిదం కారణంగా జట్టు ఓడిపోవడాన్ని తట్టుకోలేక రహానే పైవిధంగా స్పందించాడు.ఐపీఎల్‌-2025: పంజాబ్‌ వర్సెస్‌ కేకేఆర్‌వేదిక: మహరాజ యదవీంద్ర సింగ్‌ అంతర్జాతీయ క్రికెట్‌ స్టేడియం, ముల్లన్‌పూర్‌, చండీగడ్‌టాస్‌: పంజాబ్‌.. బ్యాటింగ్‌పంజాబ్‌ స్కోరు: 111 (15.3)కేకేఆర్‌ స్కోరు: 95 (15.1)ఫలితం: 16 పరుగుల తేడాతో కేకేఆర్‌పై పంజాబ్‌ గెలుపుప్లేయర్‌ ఆఫ్‌ ది మ్యాచ్‌: యజువేంద్ర చహల్‌ (4/28).చదవండి: IPL 2025:చ‌రిత్ర సృష్టించిన పంజాబ్.. ఐపీఎల్ హిస్ట‌రీలోనే తొలి జ‌ట్టుగా𝘈𝘴 𝘥𝘦𝘭𝘪𝘨𝘩𝘵𝘧𝘶𝘭 𝘢𝘴 𝘪𝘵 𝘤𝘢𝘯 𝘨𝘦𝘵 🤌Ajinkya Rahane & Angkrish Raghuvanshi ignite the #KKR chase with some beautiful sixes 💜Updates ▶️ https://t.co/sZtJIQoElZ#TATAIPL | #PBKSvKKR pic.twitter.com/YQxJJep9z3— IndianPremierLeague (@IPL) April 15, 2025The moment where Yuzvendra Chahal turned the game 🪄#TATAIPL | #PBKSvKKR | @PunjabKingsIPL pic.twitter.com/D2O5ImOSf4— IndianPremierLeague (@IPL) April 15, 2025

ఐపీఎల్‌ మెగా వేలం-2025లో అత్యధిక ధరకు అమ్ముడుపోయిన ఆటగాళ్లలో వెంకటేశ్‌ అయ్యర్‌ (Venkatesh Iyer)మూడోవాడు. లక్నో సూపర్‌ జెయింట్స్‌ రిషభ్‌ పంత్‌ (Rishabh Pant) కోసం రూ. 27 కోట్లు ఖర్చు చేస్తే.. పంజాబ్‌ కింగ్స్‌ శ్రేయస్‌ అయ్యర్‌ (Shreyas Iyer)ను ఏకంగా రూ. 26.75 కోట్లకు కొనుగోలు చేసింది.రూ. 23.75 కోట్లుఅయితే, కోల్‌కతా నైట్ రైడర్స్‌ అనూహ్య రీతిలో వెంకటేశ్‌ అయ్యర్‌ను దక్కించుకునేందుకు రూ. 23.75 కోట్లు కుమ్మరించింది. నిజానికి గతేడాది అతడు అంత గొప్పగా ఏమీ ఆడలేదు. పదిహేను మ్యాచ్‌లలో కలిపి 370 పరుగులు సాధించాడు.అయితే, సన్‌రైజర్స్‌ హైదరాబాద్‌తో కీలకమైన ఫైనల్లో మాత్రం వెంకటేశ్‌ అయ్యర్‌ బ్యాట్‌ ఝులిపించాడు. కేవలం 26 బంతుల్లోనే 52 పరుగులతో అజేయంగా నిలిచి.. జట్టును చాంపియన్‌గా నిలపడంలో కీలక పాత్ర పోషించాడు. ఈ నేపథ్యంలో కేకేఆర్‌ అతడిని భారీ ధరకు దక్కించుకోవడం గమనార్హం.ఆరంభ మ్యాచ్‌లో ఆరు.. ముంబైపై మూడుఅయితే, ఐపీఎల్‌-2025 ఆరంభ మ్యాచ్‌లలో మాత్రం వెంకటేశ్‌ అయ్యర్‌ తేలిపోయాడు. ఆర్సీబీతో మ్యాచ్‌లో కేవలం ఆరు పరుగులే చేసిన ఈ ఆల్‌రౌండర్‌.. రాజస్తాన్‌ రాయల్స్‌తో మ్యాచ్‌లో బ్యాటింగ్‌కు దిగలేదు. ఇక ముంబై ఇండియన్స్‌తో మ్యాచ్‌లో కేవలం మూడు పరుగులకే పెవిలియన్‌ చేరాడు.మెరుపు బ్యాటింగ్‌ఈ క్రమంలో వెంకటేశ్‌కు కేకేఆర్‌ భారీ మొత్తం చెల్లించడం వృథా అయిందని పెద్ద ఎత్తున ట్రోల్స్‌ వచ్చాయి. అయితే, సన్‌రైజర్స్‌ హైదరాబాద్‌తో గురువారం నాటి మ్యాచ్‌ సందర్భంగా విమర్శకులందరికీ బ్యాట్‌తోనే సమాధానమిచ్చాడు వెంకటేశ్‌. ఇన్నింగ్స్‌ ఆరంభంలో టెస్టు మ్యాచ్‌ మాదిరి ఆడిన అతడు ఆఖర్లో మెరుపులు మెరిపించాడు.Lighting up Eden Gardens with some fireworks 💥 Sit back and enjoy Rinku Singh and Venkatesh Iyer's super striking 🍿👏5⃣0⃣ up for Iyer in the process!Updates ▶ https://t.co/jahSPzdeys#TATAIPL | #KKRvSRH | @KKRiders pic.twitter.com/AAAqnOsRy8— IndianPremierLeague (@IPL) April 3, 2025 కేవలం 29 బంతుల్లోనే వెంకటేశ్‌ అయ్యర్‌ 60 పరుగులు చేసి కేకేఆర్‌ టాప్‌ రన్‌ స్కోరర్‌గా నిలిచాడు. రైజర్స్‌పై కేకేఆర్‌ 80 పరుగుల తేడాతో గెలుపొందడంలో కీలక పాత్ర పోషించాడు. ఈ నేపథ్యంలో మ్యాచ్‌ అనంతరం వెంకటేశ్‌ అయ్యర్‌ తన ‘ప్రైస్‌ ట్యాగ్‌’పై ఆసక్తికర వ్యాఖ్యలు చేశాడు.రూ. 20 లక్షలు.. రూ. 20 కోట్లు.. ఏదైనా ఒకటే‘‘ఒక్కసారి ఐపీఎల్‌ మొదలైందంటే.. ఓ ఆటగాడు రూ. 20 లక్షలకు అమ్ముడుపోయాడా? లేదంటే రూ. 20 కోట్లకు అమ్ముడుపోయాడా? అన్న విషయంతో సంబంధం ఉండదు. మనం ఎలా ఆడతామన్నది డబ్బు నిర్ణయించదు. మా జట్టులో అంగ్‌క్రిష్‌ రఘువన్షీ అనే కుర్రాడు ఉన్నాడు.అతడు ఆరంభం నుంచి అద్భుతంగా ఆడుతున్నాడు. ఆటగాడి ధరకు అనుగుణంగానే అంచనాలూ ఉంటాయని నాకు తెలుసు. కానీ జట్టు విజయానికి ఒక ఆటగాడు ఎంత మేర తోడ్పడుతున్నాడన్నదే ముఖ్యం. పరిస్థితులకు అనుగుణంగా నేను ఈరోజు బ్యాటింగ్‌ చేశాను.ఎక్కువ డబ్బు ఇస్తే ప్రతి మ్యాచ్‌లో స్కోరు చేయాలా?అంతేగానీ.. నేను అత్యధిక ధర పలికిన ఆటగాడిని గనుక ప్రతి మ్యాచ్‌లో స్కోరు చేయాలనే నిబంధన ఏమీ లేదు. జట్టు ప్రయోజనాలకు అనుగుణంగా ప్రభావం చూపానా? లేదా? అన్నదే ముఖ్యం. ప్రైస్‌ ట్యాగ్‌ వల్ల ఒత్తిడి ఉంటుందన్న మాట నిజం.ఈ విషయంలో నాకు అబద్ధం ఆడాల్సిన పనిలేదు. అయితే, ఆ ఒత్తిడి డబ్బు గురించి కాదు.. జట్టుకు నేను ఉపయోగపడుతున్నానా? లేదా? అన్న అంశం మీద ఆధారపడి ఉంటుంది’’ అని వెంకటేశ్‌ అయ్యర్‌ చెప్పుకొచ్చాడు. కాగా గతేడాది సత్తా చాటిన అంగ్‌క్రిష్‌ను కేకేఆర్‌ తిరిగి రూ. 3 కోట్లకు సొంతం చేసుకుంది. ఇప్పటికే అతడు ఈ సీజన్‌లో ఓ హాఫ్‌ సెంచరీ బాదేశాడు. నాలుగు మ్యాచ్‌లలో కలిపి 128 రన్స్‌ చేశాడు.ఐపీఎల్‌-2025: కోల్‌కతా వర్సెస్‌ హైదరాబాద్‌👉కోల్‌కతా స్కోరు: 200/6 (20)👉హైదరాబాద్‌ స్కోరు: 120 (16.4)👉ఫలితం: 80 పరుగుల తేడాతో సన్‌రైజర్స్‌పై కేకేఆర్‌ విజయం.చదవండి: జట్టు మారనున్న తిలక్‌ వర్మ?.. HCA స్పందన ఇదే

ఐపీఎల్‌-2025 (IPL 2024)లో కోల్‌కతా నైట్‌ రైడర్స్‌ (KKR) మళ్లీ గెలుపు బాట పట్టింది. గత మ్యాచ్‌లో ముంబై ఇండియన్స్‌ చేతిలో ఓడిన రహానే సేన.. తాజాగా సొంత మైదానంలో మాత్రం అదరగొట్టింది. సన్‌రైజర్స్‌ హైదరాబాద్‌ (SRH) జట్టుపై 80 పరుగుల తేడాతో భారీ విజయం సాధించింది.ఆరంభంలోనే షాక్‌ఈడెన్‌ గార్డెన్స్‌లో గురువారం జరిగిన మ్యాచ్‌లో టాస్‌ ఓడిన కేకేఆర్‌ తొలుత బ్యాటింగ్‌ చేసింది. అయితే, హైదరాబాద్‌ పేసర్ల దెబ్బకు స్వల్ప వ్యవధిలోనే ఓపెనర్లు క్వింటన్‌ డికాక్‌ (1), సునిల్‌ నరైన్‌(7)ల వికెట్లను కోల్పోయింది. ఈ క్రమంలో కెప్టెన్‌ అజింక్య రహానే (27 బంతుల్లో 38).. అంగ్‌క్రిష్‌ రఘువన్షీతో కలిసి ఇన్నింగ్స్‌ చక్కదిద్దాడు.రఘువన్షీ హాఫ్‌ సెంచరీరహానే అవుటైన తర్వాత రఘువన్షీకి జతైన వెంకటేశ్‌ అయ్యర్‌ ఆరంభంలో నెమ్మదిగా ఆడాడు. అయితే, రఘువన్షీ మాత్రం చక్కటి షాట్లతో అలరిస్తూ అర్ధ శతకం పూర్తి చేసుకున్నాడు. 32 బంతుల్లో ఐదు ఫోర్లు, రెండు సిక్సర్లతో 50 పరుగుల వద్ద ఉన్న వేళ కమిందు మెండిస్‌ బౌలింగ్‌లో అతడు వెనుదిరగడంతో.. రింకూ సింగ్‌ క్రీజులోకి వచ్చాడు.ఆఖర్లో సీన్‌ రివర్స్‌ఆ తర్వాత సీన్‌ మొత్తం రివర్స్‌ అయింది. రింకూతో పాటు వెంకటేశ్‌ అయ్యర్‌ ఆకాశమే హద్దుగా చెలరేగాడు. అప్పటి వరకు నెమ్మదిగా ఆడిన వెంకటేశ్‌ ఆఖర్లో మెరుపులు మెరిపించాడు. కేవలం 29 బంతుల్లోనే ఏడు ఫోర్లు, మూడు సిక్సర్ల సాయంతో 60 పరుగులు సాధించాడు.మరో ఎండ్‌లో రింకూ సింగ్‌ 17 బంతుల్లో నాలుగు ఫోర్లు, ఒక సిక్సర్‌ సాయంతో 32 పరుగులతో అజేయంగా నిలిచాడు. ఫలితంగా నిర్ణీత 20 ఓవర్లలో ఆరు వికెట్ల నష్టానికి కేకేఆర్‌ 200 పరుగులు సాధించింది. రైజర్స్‌ బౌలర్లలో మహ్మద్‌ షమీ, ప్యాట్‌ కమిన్స్‌, జీషన్‌ అన్సారీ, హర్షల్‌ పటేల్‌, కమిందు మెండిస్‌ ఒక్కో వికెట్‌ దక్కించుకున్నారు.పెవిలియన్‌కు వరుస కట్టిన సన్‌రైజర్స్‌ బ్యాటర్లుఇక లక్ష్య ఛేదనలో సన్‌రైజర్స్‌ ఆదిలోనే చేతులెత్తేసింది. కేకేఆర్‌ పేసర్ల దెబ్బకు టాపార్డర్‌ పెవిలియన్‌కు క్యూ కట్టింది. విధ్వంసకర ఓపెనర్లుగా పేరొందిన ట్రవిస్‌ హెడ్‌ (4), అభిషేక్‌ శర్మ(2) వచ్చీరాగానే అవుట్‌ కాగా.. ఇషాన్‌ కిషన్‌ (2) కూడా మరోసారి విఫలమయ్యాడు.నితీశ్‌ కుమార్‌ రెడ్డి (19) సైతం కాసేపే క్రీజులో ఉండగా.. కమిందు మెండిస్‌ (20 బంతుల్లో 27), హెన్రిచ్‌ క్లాసెన్‌ (21 బంతుల్లో 33) ఓ మోస్తరుగా రాణించారు. మిగతా వాళ్లలో కెప్టెన్‌ ప్యాట్‌ కమిన్స్‌ (14) ఒక్కడే డబుల్‌ డిజిట్‌ స్కోరు చేశాడు. ఈ క్రమంలో 16.4 ఓవర్లలో 120 పరుగులకే సన్‌రైజర్స్‌ ఆలౌట్‌ అయింది.కేకేఆర్‌ బౌలర్లలో పేసర్‌ వైభవ్‌ అరోరా ట్రవిస్‌ హెడ్‌, ఇషాన్‌ కిషన్‌, క్లాసెన్‌ రూపంలో మూడు కీలక వికెట్లు కూల్చి రైజర్స్‌ బ్యాటింగ్‌ ఆర్డర్‌ పతనాన్ని శాసించాడు. మిగతా వాళ్లలో వరుణ్‌ చక్రవర్తి మూడు, ఆండ్రీ రసెల్‌ రెండు, సునిల్‌ నరైన్‌, హర్షిత్‌ రాణా ఒక్కో వికెట్‌ సాధించారు.చరిత్ర సృష్టించిన కేకేఆర్‌.. ఐపీఎల్‌ హిస్టరీలోనే తొలిసారి ఇలాఇక ఈ విజయం ద్వారా సన్‌రైజర్స్‌ హైదరాబాద్‌పై కేకేఆర్‌ మరోసారి తమ ఆధిప​త్యాన్ని చాటుకుంది. రైజర్స్‌పై కోల్‌కతాకు ఇది ఏకంగా 20వ గెలుపు కావడం విశేషం. ఇదిలా ఉంటే.. ఆర్సీబీపై కూడా ఇప్పటి వరకు 20 విజయాలు సాధించిన కేకేఆర్‌.. పంజాబ్‌ కింగ్స్‌పై అత్యధికంగా 21 సార్లు గెలుపొందింది.ఈ క్రమంలో కోల్‌కతా సరికొత్త రికార్డు సృష్టించింది. ఐపీఎల్‌ చరిత్రలో మూడు వేర్వేరు జట్లపై 20కి పైగా విజయాలు సాధించిన తొలి జట్టుగా నిలిచింది. ఇక ఐపీఎల్‌-2024 ఫైనల్లో సన్‌రైజర్స్‌ హైదరాబాద్‌పై గెలుపొంది చాంపియన్‌గా నిలవడం కేకేఆర్‌కు ప్రత్యేకం అన్న విషయం తెలిసిందే. ఈ గెలుపు ద్వారా కేకేఆర్‌ ఖాతాలో మూడో టైటిల్‌ చేరింది.ఐపీఎల్‌ చరిత్రలో ఒకే జట్టుపై అత్యధిక విజయాలు సాధించిన జట్లు👉ముంబై ఇండియన్స్‌- కేకేఆర్‌పై 24 విజయాలు👉చెన్నై సూపర్‌ కింగ్స్‌- ఆర్సీబీపై 21 విజయాలు👉కేకేఆర్‌- పంజాబ్‌ కింగ్స్‌పై 21 విజయాలు👉ముంబై ఇండియన్స్‌- చెన్నై సూపర్‌ కింగ్స్‌పై 20 విజయాలు👉కేకేఆర్‌- ఆర్సీబీపై 20 విజయాలు👉కేకేఆర్‌- సన్‌రైజర్స్‌ హైదరాబాద్‌పై 20 విజయాలు.After impressing with the bat and in the field, #KKR 𝙬𝙖𝙡𝙩𝙯𝙚𝙙 their way to a handsome 80-run victory at home 😌💜Scorecard ▶ https://t.co/jahSPzdeys#TATAIPL | #KKRvSRH | @KKRiders pic.twitter.com/Ne4LJhXNP4— IndianPremierLeague (@IPL) April 3, 2025 చదవండి: Kamindu Mendis: కుడి ఎడమైతే పొరపాటు లేదోయి...

కోల్‌కతా నైట్ రైడర్స్ యువ‌ బ్యాటర్ అంగ్క్రిష్ రఘువంశీపై తీవ్ర విమ‌ర్శ‌ల వ‌ర్షం కురుస్తోంది. భారత బ్యాడ్మింటన్ స్టార్ సైనా నెహ్వాల్‌ను రఘువంశీ అవహేళన చేయ‌డ‌మే ఇందుకు కార‌ణం. అయితే త‌న త‌ప్పు తెలుసుకున్న ఈ యువ క్రికెట‌ర్‌.. సైనా నెహ్వాల్‌కు క్ష‌మాప‌ణ‌లు కూడా తెలిపాడు.అస‌లేం జ‌రిగిందంటే..?బ్యాడ్మింటన్, టెన్నిస్, బాస్కెట్‌బాల్ వంటి క్రీడలు శారీరకంగా చాలా కష్టమైనవని, కానీ అభిమానులు మాత్రం ఇతర క్రీడల కంటే క్రికెట్‌కే ఎల్లప్పుడూ ప్రాధాన్యత ఇస్తారని సైనా ఓ ఇంటర్వ్యూలో వ్యాఖ్యనించింది."సైనా ఏం చేస్తుందో, రెజ్లర్లు, బాక్సర్లు, నీరజ్ చోప్రా ఏం​ చేస్తున్నారని అందరూ తెలుసుకోవాలనుకుంటారు. ఈ క్రీడాకారుల గురించి దాదాపుగా అందరికీ తెలుసు. ఎందుకంటే మేము మేము మంచి ప్రదర్శనలు కనబరిచి తరచుగా వార్తాపత్రికలలో వస్తుంటాం. మా లాంటి క్రీడాకారుల వల్ల భారత్‌కు గౌరవం దక్కడం చాలా సంతోషంగా ఉంది. కానీ మన దేశంలో మాత్రం క్రీడా సంస్కృతి పెద్దగా లేదు. అందరి దృష్టి క్రికెట్‌పైనే ఉంటోందని కొన్నిసార్లు బాధేస్తుంది. క్రికెట్‌కు మిగితా క్రీడలకు చాలా తేడా ఉంది. క్రికెట్‌తో పోలిస్తే బ్యాడ్మింటన్, బాస్కెట్‌బాల్, టెన్నిస్, ఇతర క్రీడలు శారీరకంగా చాలా కఠినమైనవి. షటిల్‌ తీసుకొని సర్వ్‌ చేసేంత సమయం కూడా ఉండదు. అతి కష్టం మీద ఊపిరి తీసుకోవాల్సి వస్తుంది. కానీ క్రికెట్‌లో మాత్రం అలాంటి పరిస్థితి ఉండదు. అయినప్పటకి క్రికెట్టే ఎక్కువ మంది దృష్టిని ఆకర్షిస్తుందని" అని నిఖిల్ సింహా పోడ్‌కాస్ట్‌లో సైనా నెహ్వాల్ పేర్కొంది. ఇందుకు సంబంధించిన వీడియో సోషల్ మీడియాలో వైరల్‌గా మారింది. ఈ క్రమంలో సైనా వ్యాఖ్యలపై స్పందించిన రఘువంశీ వివాదస్పద ట్వీట్‌(ఎక్స్‌) చేశాడు. ‘‘బుమ్రా 150 కి.మీ వేగంతో ఆమె తలపైకి బౌన్సర్‌ బౌలింగ్‌ చేస్తే ఎలా ఉంటుందో చూద్దాం’’ ఎక్స్‌లో రాసుకొచ్చాడు. దీంతో అతడిపై నెటిజన్లు విమర్శల వర్షం​ కురిపించారు. వెంటనే తన తప్పును గ్రహించిన రఘువంశీ తన చేసిన పోస్ట్‌ను డిలీట్ చేశాడు. ఆమె సారీ చెబుతూ మరో పోస్ట్ చేశాడు.అందరూ నన్ను క్షమించండి. నా వ్యాఖ్యలను సరదగా తీసుకుంటారు అనుకున్న. కానీ తర్వాత ఆలోచిస్తే ఆర్ధంలేని జోక్‌లా అన్పించింది. నేను నా తప్పును గ్రహించాను. అందుకే హృదయపూర్వకంగా క్షమాపణలు తెలుపుతున్నానని ఎక్స్‌లో రఘువంశీ మరో పోస్ట్ చేశాడు. కాగా 2024 ఐపీఎల్‌లో కోల్‌కతా నైట్‌రైడర్స్‌ తరఫున అరంగేట్రం చేసిన రఘువంశీ తన బ్యాటింగ్‌తో ఆకట్టుకున్నాడు. మొత్తం 10 ఇన్నింగ్స్ ఆడి.. 115.24 స్ట్రైక్‌ రేట్‌తో 163 పరుగులు చేశాడు. Saina Nehwal Stoodup and Spoken Some Harsh Facts 🔥 pic.twitter.com/gaF9fSROXc— Gems of Shorts (@Warlock_Shabby) July 11, 2024

‘‘ప్రతీ విషయంలోనూ ఆయన నాకు సహాయం అందించారు. మ్యాచ్‌ ఆడేటపుడు నేను ఆలోచించే విధానంపై ఆయన ప్రభావం ఉంటుంది. గేమ్‌లో ఎలా ముందుకు వెళ్లాలన్న విషయంపై ఆయన వల్లే నాకు స్పష్టత వచ్చింది. అంతేకాదు.. ఎలాంటి ఫుడ్‌ తినాలి? ఎలాంటి శిక్షణ తీసుకోవాలి? అన్నవి కూడా ఆయన నిర్ణయాలకు అనుగుణంగానే సాగుతాయి. ఆయన నా గురువు. నా సర్వస్వం. ఆయనతో నాకున్న అనుబంధం ఇదే’’ అంటూ కోల్‌కతా నైట్‌ రైడర్స్‌ యువ సంచలనం అంగ్‌క్రిష్‌ రఘువంశీ ఉద్వేగానికి లోనయ్యాడు. తనను క్రికెటర్‌గా తీర్చిదిద్దిన కోచ్‌ పట్ల కృతజ్ఞతా భావం చాటుకున్నాడు. కాగా ఐపీఎల్‌-2024లో ఢిల్లీ క్యాపిటల్స్‌తో బుధవారం జరిగిన మ్యాచ్‌ సందర్భంగా క్యాష్‌ రిచ్‌ లీగ్‌లో తన తొలి ఇన్నింగ్స్‌ ఆడాడు అంగ్‌క్రిష్‌.  మెరుపు అర్ధ శతకంతో కేకేఆర్‌ తరఫున వన్‌డౌన్‌లో బ్యాటింగ్‌కు వచ్చిన ఈ కుడిచేతి వాటం బ్యాటర్‌.. మెరుపు అర్ధ శతకం(27 బంతుల్లో 54)తో అలరించాడు. ఆడిన తొలి ఇన్నింగ్స్‌లోనే తనదైన ముద్ర వేసి ‘హీరో’ అనిపించుకున్నాడు. ఢిల్లీపై కేకేఆర్‌ 106 పరుగుల తేడాతో భారీ విజయం సాధించడంలో తన వంతు పాత్ర పోషించాడు. ఈ నేపథ్యంలో మ్యాచ్‌ అనంతరం 18 ఏళ్ల అంగ్‌క్రిష్‌ రఘువంశీ మాట్లాడుతూ.. తన ఆట తీరు పట్ల హర్షం వ్యక్తం చేశాడు. గత కొన్ని వారాలుగా తాను కఠినంగా ప్రాక్టీస్‌ చేస్తున్నానన్న అతడు.. ఢిల్లీతో మ్యాచ్‌లో తనకు అదే ఉపకరించిందని పేర్కొన్నాడు. ఆయన దగ్గర ఎన్నో విషయాలు నేర్చుకున్నా ఇక తన కోచ్‌ గురించి ప్రస్తావిస్తూ భావోద్వేగానికి గురైన అంగ్‌క్రిష్‌.. ఆయనే తన సర్వస్వం అని పేర్కొన్నాడు. చిన్నానాటి నుంచి తన దగ్గర నేను ఎన్నో విషయాలు నేర్చుకున్నానని తెలిపాడు. ఇంతకీ అంగ్‌క్రిష్‌ గురువు ఎవరంటే...?! అభిషేక్‌ నాయర్‌. ఈ మెరుపులకు ఒక రకంగా మనోడే కారణం హైదరాబాద్‌లోని సికింద్రాబాద్‌లో జన్మించిన అభిషేక్‌ దేశవాళీ క్రికెట్‌లో ముంబైకి ప్రాతినిథ్యం వహించాడు. 2009, జూలైలో వెస్టిండీస్‌తో వన్డే మ్యాచ్‌ సందర్భంగా అంతర్జాతీయ క్రికెట్‌లో అడుగుపెట్టాడు. అయితే, మీడియం పేస్‌ ఆల్‌రౌండర్‌ టీమిండియాలో నిలదొక్కుకోలేకపోయాడు. అదే ఏడాది సెప్టెంబరులో తన చివరి ఇంటర్నేషనల్‌ మ్యాచ్‌ ఆడాడు. భారత్‌ తరఫున మొత్తం మూడు వన్డేలు ఆడి ఒక్క పరుగు కూడా చేయలేకపోయిన ఈ బ్యాటింగ్‌ ఆల్‌రౌండర్‌.. ఒక్క వికెట్‌ కూడా తీయలేకపోయాడు.  కాగా అంగ్‌క్రిష్‌ రఘువంశీ ఢిల్లీలో జన్మించాడు. అయితే, పదకొండేళ్ల వయసులోనే ముంబైకి వెళ్లగా.. అక్కడ అభిషేక్‌ నాయర్‌ శిక్షణలో క్రికెటర్‌గా ఓనమాలు దిద్ది.. ఈస్థాయికి చేరాడు. ఇక అంగ్‌క్రిష్‌ దేశవాళీ క్రికెట్‌లో ముంబైకి ప్రాతినిథ్యం వహిస్తున్నాడు. చదవండి: IPL 2024: వాళ్లకు రిషభ్‌ పంత్‌ స్ట్రాంగ్‌ వార్నింగ్‌.. ఇకపై Innovative! Maiden IPL Fifty for Angkrish Raghuvanshi ✨ Head to @JioCinema and @StarSportsIndia to watch the match LIVE#TATAIPL | #DCvKKR pic.twitter.com/72oQQZIDbd — IndianPremierLeague (@IPL) April 3, 2024 var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

IPL 2024: Who Is Angkrish Raghuvanshi?: ఇండియన్‌ ప్రీమియర్‌ లీగ్‌ ద్వారా మరో ప్రతిభావంతుడైన క్రికెటర్‌ వెలుగులోకి వచ్చాడు. ఇప్పటికే ఐపీఎల్‌-2024లో  ఢిల్లీ క్యాపిటల్స్‌ తరఫున అభిషేక్‌ పోరెల్‌ సత్తా చాటగా..  లక్నో సూపర్‌ జెయింట్స్‌ తరఫున మయాంక్‌ యాదవ్‌ సంచలనాలు సృష్టిస్తున్నాడు. తన స్పీడ్‌ పవర్‌తో ‍ప్రత్యర్థి బ్యాటర్లకు చెమటలు పట్టిస్తున్నాడు ఈ 21 ఏళ్ల రైటార్మ్‌ పేసర్‌. ఆడిన తొలి రెండు మ్యాచ్‌లలో వరుసగా ప్లేయర్‌ ఆఫ్‌ ది మ్యాచ్‌ అవార్డులు అందుకుని.. టీమిండియా సెలక్టర్ల దృష్టిలో పడ్డాడు ఢిల్లీ ఎక్స్‌ప్రెస్‌ మయాంక్‌. ఇక తాజాగా ఢిల్లీ క్యాపిటల్స్‌- కోల్‌కతా నైట్‌ రైడర్స్‌తో మ్యాచ్‌లో మరో యువ సంచలనం తెర మీదకు వచ్చాడు. విశాఖ సాగర తీరాన పరుగుల సునామీ విశాఖ సాగర తీరాన పరుగుల సునామీ సృష్టించి తన ఆగమాన్ని ఘనంగా చాటాడు. అతడే అంగ్‌క్రిష్‌ రఘువంశీ. జూన్‌ 5, 2005లో.. ఢిల్లీలో జన్మించాడు ఈ బ్యాటింగ్‌ ఆల్‌రౌండర్‌. అండర్‌ 19 వరల్డ్‌కప్‌-2023 గెలిచిన భారత జట్టులో సభ్యుడు. Raghuvanshi Ji ke ang ang mein talent hai 🤌#DCvKKR #TATAIPL #IPLonJioCinema #TATAIPLinBhojpuri pic.twitter.com/YKUIw577kD — JioCinema (@JioCinema) April 3, 2024 యశ్‌ ధుల్‌ సారథ్యంలో యంగ్‌ ఇండియాకు ఆడి ఆ ఏడాది ప్రపంచకప్‌ టోర్నీలో 278 పరుగులు సాధించాడు. తద్వారా భారత్‌ తరఫున అత్యధిక పరుగులు సాధించిన బ్యాటర్‌గా నిలిచాడు. ఈ క్రమంలో ఐపీఎల్‌ ఫ్రాంఛైజీల దృష్టిని ఆకర్షించిన అంగ్‌క్రిష్‌ రూ. 20 లక్షల కనీస ధరతో వేలంలోకి వచ్చాడు. వన్‌డౌన్‌లో వచ్చి దుమ్ములేపాడు ఈ నేపథ్యంలో దుబాయ్‌లో జరిగిన ఐపీఎల్‌-2024 వేలంలో భాగంగా కోల్‌కతా నైట్‌ రైడర్స్‌ అతడిని 20 లక్షలకు సొంతం చేసుకుంది. ఈ క్రమంలో రాయల్‌ చాలెంజర్స్‌ బెంగళూరుతో మ్యాచ్‌ సందర్భంగా అంగ్‌క్రిష్‌ క్యాష్‌ రిచ్‌ లీగ్‌లో అడుగుపెట్టాడు.  అయితే, ఆర్సీబీతో మ్యాచ్‌లో ఇంపాక్ట్‌ ప్లేయర్‌గా అతడికి అవకాశం వచ్చింది. ఇక డాక్టర్‌ వైఎస్‌ రాజశేఖరరెడ్డి స్టేడియంలో.. ఢిల్లీ క్యాపిటల్స్‌తో బుధవారం జరిగిన మ్యాచ్‌లో మాత్రం బ్యాటిం‍గ్‌ చేసే దక్కించుకున్న అంగ్‌క్రిష్‌.. వన్‌డౌన్‌లో వచ్చి ఇరగదీశాడు. నరైన్‌ ఊచకోత.. అంగ్‌క్రిష్‌ విధ్వంసం ఓవైపు సునిల్‌ నరైన్‌(39 బంతుల్లో 85) ఢిల్లీ బౌలింగ్‌ను ఊచకోత కోస్తుంటే.. అతడికి తోడుగా మరోవైపు అంగ్‌క్రిష్‌ కూడా దుమ్ములేపే ఇన్నింగ్స్‌ ఆడాడు. 27 బంతులు ఎదుర్కొన్న ఈ కుడిచేతి వాటం బ్యాటర్‌ 5 ఫోర్లు, 3 సిక్సర్ల సాయంతో ఏకంగా 54 పరుగులు రాబట్టాడు.  తద్వారా క్యాష్‌ రిచ్‌ లీగ్‌ చరిత్రలో అతి పిన్న వయసులో అర్ధ శతకం సాధించిన ఏడో ఆటగాడిగా నిలిచాడు. 18 ఏళ్ల 303 రోజుల వయసులో అంగ్‌క్రిష్‌ ఈ ఘనత అందుకున్నాడు. ఓవరాల్‌గా ఐపీఎల్‌లో ఆడిన తొలి ఇన్నింగ్స్‌లోనే యాభై కంటే ఎక్కువ రన్స్‌ చేసిన ఆటగాళ్ల జాబితాలో 23వ స్థానం సంపాదించాడు. దేశవాళీ క్రికెట్‌లో ముంబైకి ఆడుతూ.. ఢిల్లీకి చెందిన అంగ్‌క్రిష్‌ రఘువంశీ పదకొండేళ్ల వయసులో ముంబైకి వచ్చాడు. చిన్ననాటి కోచ్‌, టీమిండియా మాజీ క్రికెటర్‌ అభిషేక్‌ నాయర్‌ సాయంతో అంచెలంచెలుగా ఎదిగి ముంబై జట్టుకు ఆడే స్థాయికి చేరాడు. 2023లో ముంబై తరఫున లిస్ట్‌ ఏ, టీ20లలో అరంగేట్రం చేశాడు. సీకే నాయుడు ట్రోఫీ(ఫస్ట్‌ క్లాస్‌ క్రికెట్‌)లో తొమ్మిది మ్యాచ్‌లు ఆడి 765 పరుగులతో సత్తా చాటాడు. ఇక కేకేఆర్‌ తరఫున అరంగేట్రంలోనే అదరగొట్టిన అంగ్‌క్రిష్‌ రఘువంశీ ఇదే జోరు కొనసాగిస్తే సహచర ఆటగాడు రింకూ మాదిరి.. త్వరలోనే టీమిండియాలోనూ అడుగుపెట్టే అవకాశం దక్కించుకోగలడు. ఆల్‌ ది బెస్ట్‌ అంగ్‌క్రిష్‌ రఘువంశీ!! ​ var request = 'https://www.sakshi.com/knowwidget/kwstr_7522010156.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } }); Innovative! Maiden IPL Fifty for Angkrish Raghuvanshi ✨ Head to @JioCinema and @StarSportsIndia to watch the match LIVE#TATAIPL | #DCvKKR pic.twitter.com/72oQQZIDbd — IndianPremierLeague (@IPL) April 3, 2024