అంజలి మీనన్‌ మహిళా దర్శకురాలిగా తనకంటూ ప్రత్యేక స్థానాన్ని సంపాదించుకున్నారు. గతంలో బెంగళూరు డేస్‌, మంచాడి గురు, ఉస్తాద్‌ హోటల్‌ వంటి వైవిధ్య భరిత కథా చిత్రాలను తెరకెక్కించారు. ఇటీవలే ఆమె దర్శకత్వం వహించిన వండర్‌ ఉమెన్‌ చిత్రం విడుదలై విమర్శకుల ప్రశంసలను అందుకుంది. తాజాగా అంజలి మీనన్‌ మరో చిత్రానికి సిద్ధమవుతున్నారు. ఈసారి తమిళ చిత్రానికి దర్శకత్వం వహించబోతున్నారు. కేఆర్‌జీ సంస్థ  ఈ మూవీని నిర్మించనుంది. ఈ సంస్థ తొలిసారిగా తమిళంలో చిత్ర నిర్మాణాన్ని ప్రారంభించింది. అంజలిమీనన్‌ సహా ప్రతిభావంతులైన పలువురు నవ దర్శకులను ప్రోత్సహించే విధంగా తమ సంస్థ పనిచేస్తుందని తెలిపింది. మంచి కథ అందించడమే లక్ష్యంగా తమ సంస్థ పనిచేస్తుందని మేకర్స్ పేర్కొన్నారు. ఆలోచింప జేసే కథ, కథనాలతో పాటు ప్రేక్షకులకు మంచి ఎంటర్‌టెయిన్‌మెంట్‌ ఇచ్చే కథా చిత్రాలను అందిస్తామని చెప్పారు. దర్శకురాలు అంజలిమీనన్‌ మట్లాడుతూ ప్రేక్షకులకు ఆసక్తిని కలిగించే మన సంస్కృతికి అద్దం పట్టే విధంగా ప్రపంచ స్థాయి కథా చిత్రాలను రూపొందిస్తామని చెప్పారు. ఈ చిత్రానికి సంబంధించిన పూర్తి వివరాలను త్వరలోనే వెల్లడించనున్నట్లు ఆమె పేర్కొన్నారు.  Happy to share news about the next film and our exciting association with @KRG_Studios @Karthik1423 @vjsub @yogigraj It’s a first step for me with தமிழ் and with all the blessings, I hope we can bring together a memorable movie. 🙏❤️ https://t.co/rkfsUzleeM — Anjali Menon (@AnjaliMenonFilm) February 20, 2024

సూర్య, జ్యోతిక జంటగా ఏడు సినిమాలు చేశారు. ఆ తర్వాత ఏడడుగులు వేశారు. పెళ్లి తర్వాత సూర్య, జ్యోతిక కలసి సినిమా ఎప్పుడు చేస్తారు? అనే చర్చ ఎప్పుడూ నడుస్తూనే ఉంది. ‘‘కలిసి కనిపించాల్సిన కథ వస్తే మళ్లీ ఆన్‌స్క్రీన్‌ మీద మరోసారి జోడీగా కనబడతాం’’ అని పలు సందర్భాల్లో సూర్య చెప్పారు. ఇప్పుడు కథ కుదిరిందని, పధ్నాలుగేళ్ల తర్వాత వీళ్లిద్దరూ స్క్రీన్‌ మీద కనిపించనున్నారని టాక్‌. మలయాళ దర్శకురాలు అంజలీ మీనన్‌ దర్శకత్వంలో ఈ సినిమా రూపొందనుందట. తమిళ చిత్రం ‘సిల్లు కరుప్పాట్టి’ దర్శకురాలు హలితా షహీమ్‌తో కలసి అంజలీ మీనన్‌ కథ సిద్ధం చేస్తున్నారని సమాచారం.

దీపం ఉండగానే ఇల్లు చక్కబెట్టుకోవాలనేది ఈతరం హీరోయిన్ల ఫిలాసఫీ! అందువల్లే, ప్రేక్షకుల్లో మంచి పేరున్నప్పుడు నాలుగు రాళ్లు వెనక వేసుకోవాలని ప్రయత్నిస్తుంటారు. నజ్రియా నజీమ్‌ మాత్రం కొంచెం డిఫరెంట్‌! ఏ వయసులో ముచ్చట ఆ వయసులోనే... అన్నట్టు పద్దెనిమిదేళ్లు నిండగానే పెళ్లి చేసుకున్నారు. ఇంతకీ, ఈ హీరోయిన్‌ ఎవరో గుర్తు పట్టారా? తెలుగులోనూ మంచి హిటై్టన ‘రాజా రాణి’లో ఫ్లాష్‌ బ్యాక్‌ ఎపిసోడ్‌లో నటించిన హీరోయిన్‌. 2014 ఆగస్టులో మలయాళ నటుడు ఫాహద్‌ ఫాజిల్‌ను పెళ్లి చేసుకున్న తర్వాత సినిమాలకు చిన్న కామా (,) పెట్టారామె. ఇప్పుడు కామా తర్వాత కదలిక వచ్చింది. కొత్త సినిమాకు నజ్రియా నజీమ్‌ సంతకం చేశారు. అంటే... నటిగా మళ్లీ కెరీర్‌ కంటిన్యూ చేస్తున్నారన్న మాట! మహిళా దర్శకురాలు అంజలీ మీనన్‌ తీయనున్న సినిమాలో ఇంపార్టెంట్‌ క్యారెక్టర్‌ చేయడానికి నజ్రియా అంగీకరించారు. ఆమె కూడా ఈ వార్తను కన్ఫర్మ్‌ చేశారు. ‘‘మీ నెక్ట్స్‌ సిన్మా ఎప్పుడు? –  ‘బెంగళూరు డేస్‌’ తర్వాత నన్నందరూ ఈ ప్రశ్న అడుగుతూనే ఉన్నారు. వాళ్లకు నా ఆన్సర్‌ ఇదే... బ్యాక్‌ ఇన్‌ యాక్షన్‌.. ఈ సినిమాలో పృథ్వీరాజ్, పార్వతి, నేనూ! లవ్‌’’ అని నజ్రియా నజీమ్‌ ఫేస్‌బుక్‌లో పేర్కొన్నారు.


 తమిళసినిమా: హీరోయిన్ గా మాలీవుడ్, కోలీవుడ్‌ల్లో చాలా వేగంగా ఎదిగిన నటి నజ్రియా. మాతృభాషలో పలు సక్సెస్‌ఫుల్‌ చిత్రాలతో లక్షలాది మంది అభిమానుల మనసుల్ని దోచుకున్న ఈ కేరళాకుట్టి నేరం అనే చిత్రంతో కోలీవుడ్‌కు పరిచయమైంది.ఇక్కడ తొలి చిత్రంతోనే విజయాన్ని తన ఖాతాలో వేసుకున్న ఆ భామకు ఇక్కడ వరుసగా అవకాశాలు తలుపుతట్టాయి.
 
 ధనుష్‌తో నయ్యాండి, దుల్కర్‌సల్మాన్ కు జంటగా వాయైయూడి పేసవుమ్, జై సరసన తిరుమణం ఎనుమ్‌ నిఖా, ఆర్యకు జంటగా రాజారాణి చిత్రాల్లో నటించి మంచి గుర్తింపు పొందింది. ఇలా కథానాయకిగా ఎదుగుతున్న సమయంలోనే నటుడు ఫాహద్‌ ఫాజిల్‌ను ప్రేమ వివాహం చేసుకుని నటనకు దూరమైన నజ్రియా సుదీర్ఘ విరామం తరువాత మళ్లీ కథానాయకిగా ఎంట్రీ అవుతోంది.
 
 ప్రముఖ మలయాళ దర్శకురాలు అంజలి మీనన్ ప్రోద్బలంతో నజ్రియా మళ్లీ నటించడానికి రెడీ అయ్యినట్లు సమాచారం. అంజలిమీనన్ దర్శకత్వం వహిస్తున్న మలయాళ చిత్రంలో పృథ్వీరాజ్‌కు జంటగా నటిస్తున్న నజ్రియా తాజాగా తమిళం, మలయాళం భాషల్లో తెరకెక్కనున్న మరో చిత్రంలో దుల్కర్‌సల్మాన్ కు జంటగా నటించడానికి ఒప్పందం కుదుర్చుకుందని కోలీవుడ్‌ వర్గాల సమాచారం. మరి రీఎంట్రీలో నజ్రియా లక్కు ఎలా ఉంటుందో చూడాలి.


  ‘బెంగళూరు డేస్’... అంజలీమీనన్ దర్శకత్వంలో, దుల్కేర్, ఫహాద్, నివీన్, నాజ్రియా ప్రధాన పాత్రలు పోషించిన ఈ మలయాళ చిత్రం ప్రస్తుతం దక్షిణాదిన ఓ సెన్సేషన్. మలయాళ చిత్రసీమ రికార్డులన్నింటినీ తిరగరాసి దేశవ్యాప్తంగా అందరి దృష్టిని ఆకర్షించిందీ సినిమా. ‘బెంగళూరు డేస్’ హక్కుల కోసం ప్రముఖ చిత్ర నిర్మాణ సంస్థలే పోటీకి దిగాయి. అయితే... ఈ సినిమా హక్కులను ప్రసాద్ పొట్లూరి, ‘దిల్’ రాజు కలిసి సొంతం చేసుకున్నారు. తెలుగుతో పాటు హిందీ, తమిళ హక్కులను కూడా వారే సొంతం చేసుకోవడం విశేషం. త్వరలోనే... ఈ మూడు భాషల్లో ఒకేసారి చిత్రాన్ని నిర్మించడానికి నిర్మాతలు సన్నాహాలు చేసుకుంటున్నారు. ఇందులో నటించే నటీనటులు, సాంకేతిక నిపుణుల వివరాలు తెలియాల్సి ఉంది.