అమ్మా, నాన్న.. ఓ తమిళ అమ్మాయి చిత్రంతో రవితేజ సరసన తెలుగు ప్రేక్షకులకు దగ్గరైన మలయాళీ భామ ఆసిన్. ఆ తర్వాత శివమణి, లక్ష్మీనరసింహా, షుర్షణ, అన్నవరం లాంటి చిత్రాల్లో స్టార్ హీరోలతో నటించింది. తమిళంతో పాటు హిందీలోనూ పలు సినిమాల్లో కనిపించింది. కోలీవుడ్‌లో కమల్‌ హాసన్‌ సరసన దశవతారం, సూర్యకు జంటగా గజిని లాంటి బ్లాక్ బస్టర్ చిత్రాల్లో నటించింది. ఆసిన్ ఏకంగా ఎనిమిది భాషల్లో మాట్లాడగలదు. అ‍న్ని భాషల్లోనూ తన పాత్రలకు తానే డబ్బింగ్ చెప్పుకునే టాలెంట్ ఆమె సొంతం.  (ఇది చదవండి: రికార్డులు కొల్లగొడుతున్న లియో.. కమల్, రజినీ చిత్రాలను వెనక్కినెట్టి!) తాజాగా అసిన్ తన కుమార్తె అరిన్ పుట్టినరోజు వేడుకలు చేసుకుంది భామ. దీనికి సంబంధించిన ఫోటోలను తన ఇన్‌స్టా స్టోరీస్‌లో పంచుకుంది. ప్రస్తుతం ఆసిన్ కూతురు తన ఆరో వసంతంలోకి అడుగుపెట్టింది. దీనికి సంబంధించిన ఫోటోలు నెట్టింట వైరలవుతున్నాయి. కాగా.. ఆసిన్ చివరిసారిగా 2015లో వచ్చిన అభిషేక్ బచ్చన్, రిషి కపూర్, సుప్రియా పాఠక్‌లతో కలిసి ఆల్ ఈజ్ వెల్ అనే కామెడీ చిత్రంలో కనిపించింది. అంతే కాకుండా బాలీవుడ్‌లో అమీర్ ఖాన్ నటించిన గజిని, రెడీ, బోల్ బచ్చన్, హౌస్‌ఫుల్ -2 లాంటి హిట్ చిత్రాలలో నటించింది. కాగా.. అసిన్ 2016లో మైక్రోమ్యాక్స్ సహ వ్యవస్థాపకుడు రాహుల్ శర్మను వివాహం చేసుకున్నారు. ఈ జంట అక్టోబర్ 2017లో తమ కుమార్తె అరిన్‌ను స్వాగతించారు. అయితే రాహుల్ శర్మను పెళ్లాడిన తర్వాత ఆసిన్ సినిమాలకు పూర్తిగా దూరమైంది.  (ఇది చదవండి: గర్భస్రావమని చెప్పినా వినలేదు.. మరుసటి రోజే షూటింగ్‌: బుల్లితెర నటి)

‘అమ్మానాన్న.. ఓ తమిళ అమ్మాయి’ మూవీతో తెలుగు తెరపై మెరిసింది మలయాళ బ్యూటీ అసిన్‌. తొలి చిత్రంతోనే సూపర్‌ హిట్‌ను అందుకున్న ఆమె ఆ తర్వాత వరుసగా సౌత్‌ స్టార్‌ హీరోలందరితో కలిసి నటించింది. హీరో సూర్యతో ‘గజిని’, నాగార్జునతో ‘శివమణి’, పవన్‌తో ‘అన్నవరం’ వంటి చిత్రాల్లో నటించారు. గజిని మూవీ ఎంతటి బ్లాక్‌బస్టర్‌ హిట్‌ను అందుకుందో ప్రత్యేకంగా చెప్పనవసరం లేదు. దక్షిణాదిన స్టార్‌ హీరోయిన్‌గా రాణిస్తున్న క్రమంలోనే ఆమెకు బాలీవుడ్‌ నుంచి పిలుపు వచ్చింది. హిందీలో అమిర్‌ ఖాన్‌తో ‘గజిని’ రిమేక్‌లో నటించించారు. ఆ తర్వాత బాలీవుడ్‌కు మాకాం మార్చి అక్కడ పలు చిత్రాల్లో నటించిన ఆమెకు మెల్లిగా అవకాశాలు తగ్గిపోయాయి. ఈ క్రమంలో 2016లో అసిన్‌ మైక్రోమాక్స్‌ సహా వ్యవస్థాపకుడు రాహుల్‌ శర్మను వివాహం చేసుకున్నారు. వీరికి 2017లో కూతురు అరిన్‌ జన్మించింది. అయితే అసిన్‌ సినిమాలకు దూరమైనప్పటికీ సోషల్‌ మీడియా ద్వారా అభిమాలను పలకరిస్తూనే ఉన్నారు.  తన కూతురికి సంబంధించిన ఫొటోలను తరచూ సోషల్‌ మీడియాలో షేర్‌ చేస్తూ ఆమె మురిసిపోతుంటారు.  తాజాగా అరిన్‌ కథక్‌ ప్రాక్టిస్‌ చేస్తున్న ఫొటోను అభిమానులతో పంచుకున్నారు. ‘వీకెండ్‌ కథక్‌ ప్రాక్టిస్’ అంటూ మూడేళ్ల వయసులోనే తన కూతురు కథక్‌ నేర్చుకుంటుందని ఆమె తన పోస్టులో పేర్కొన్నారు. దీంతో అరిన్‌ను చూసి నెటిజన్లంతా షాక్‌ అవుతున్నారు. ‘ఇంత చిన్న వయసులోనే అరిన్‌ కథక్‌ నేర్చుకుంటుందా.. సో క్యూట్‌’ అంటూ నెటిజన్లు ఆమె ఫాలోవర్స్‌ అంతా ఆశ్చర్యం వ్యక్తం చేస్తున్నారు. కాగా అసిన్‌ చివరగా అభిషేక్‌ బచ్చన్‌ ‘ఆల్‌ ఈజ్‌ వెల్‌కమ్‌’  చిత్రంలో నటించారు. 

సాక్షి, హైదరాబాద్‌: ఒకప్పుడు తెలుగు, హిందీ, తమిళ సినిమాల్లో అలరించిన అసిన్‌ పండంటి బిడ్డకు జన్మనిచ్చింది.  అసిన్‌ థొట్టుంకల్‌, రాహుల్‌ శర్మ దంపతులు మంగళవారం పాపకు జన్మనిచ్చారు. ’మా జీవితాల్లోకి ఓ చిన్నారి పాప వచ్చిందనే విషయాన్ని తెలిపేందుకు ఎంతో సంతోషిస్తున్నాం. గత తొమ్మిది నెలలు మాకు ఎంతో ప్రత్యేకమైన కాలం. మా శ్రేయోభిలాషులకు, మాపై ప్రేమాభిమానాలు చూపుతున్న అందరికీ కృతజ్ఞతలు’ అని అసిన్‌-రాహుల్‌ శర్మ దంపతులు ఒక ప్రకటనలో పేర్కొన్నారు. ఇతర సెలబ్రిటీల తరహాలో అసిన్‌ తాను ప్రెగ్నెంట్‌ అయిన విషయాన్ని పెద్దగా వెల్లడించలేదు. గత ఫిబ్రవరి 27న ఇన్‌స్టాగ్రామ్‌లో చివరిపోస్టు పెట్టిన అసిన్‌ ఆ తర్వాత ఇప్పుడు అకస్మాత్తుగా తాము ఒక బిడ్డకు జన్మనిచ్చామని ప్రకటించడం ఆమె అభిమానులకు సర్‌ప్రైజ్‌తోపాటు సంతోషాన్ని కలుగజేసింది. ’గజనీ’ సినిమాతో ఫేమస్‌ అయిన అసిన్‌ 2016 జనవరిలో రాహుల్‌ను పెళ్లాడింది. అసిన్‌ కూతురు ఫొటో, తన పేరు తెలియాల్సి ఉంది. ఇటీవల బాలీవుడ్‌లో పెళ్లిలు జరగడం, పిల్లలు పుట్టడం నిత్య నూతనంగా కనిపిస్తోంది. హేమామాలిని కూతురు ఇషా డియోల్‌ ఇటీవల పండంటి బిడ్డకు జన్మనిచ్చింది. తన కూతురికి రధ్య అని పెట్టినట్టు తెలిపింది. Veni Vidi Amavi #HappyValentinesDay ❤ A post shared by Asin Thottumkal (@simply.asin) on Feb 13, 2017 at 6:38pm PST Love, Laughter and Happily ever after! ❤️ A post shared by Asin Thottumkal (@simply.asin) on Jan 18, 2017 at 6:58pm PST 🎿 A post shared by Asin Thottumkal (@simply.asin) on Dec 28, 2016 at 1:21pm PST


 చెన్నై: ప్రపంచ పర్యటన చేస్తున్న బాలీవుడ్ నటి ఆసిన్ పారిస్ నగరంలో జన్మదిన వేడుకల్ని జరుపుకున్నారు. ప్రస్తుతం పారిస్ పర్యటనలో ఉన్న ఆసిన్ జన్మదిన వేడుకల్లో కుటుంబ సభ్యులు, స్నేహితులు పాలుపంచుకుంటారని ఆమె సన్నిహితులు మీడియాకు వెల్లడించారు. ఆదివారం అక్టోబర్ 26 తేదిన ఆసిన్ 29 ఏట అడుగుపెడుతున్నారు. 
  
 దక్షిణాదిలో మంచి గుర్తింపు తెచ్చుకున్న తర్వాత ఆసిన్ 2008లో గజిని చిత్రంతో బాలీవుడ్ స్టార్ గా మారారు. ఆతర్వాత లండన్ డ్రీమ్స్, రెఢీ, బోల్ బచ్చన్ చిత్రాల్లో నటించింది.  ఉమేశ్ శుక్లా నిర్మిస్తున్న 'ఆల్ ఈజ్ వెల్' చిత్రంలో అభిషేక్ బచ్చన్ సరసన నటిస్తోంది.