బ్రిటన్ దేశానికి చెందిన ఆటమ్ బ్యాంక్ తమ ఉద్యోగులందరికీ అదిరిపోయే శుభవార్త తెలిపింది. ఆటమ్ బ్యాంక్ తమ ఉద్యోగుల కోసం వారానికి నాలుగు రోజులే పని అనే కాన్సెప్టు అమలుకు శ్రీకారం చుట్టింది. జీతం తగ్గించకుండా వారానికి నాలుగు రోజులే పని అనే కాన్సెప్టు అమలు చేసే అతిపెద్ద సంస్థ బ్రిటన్‌లో మాది మాత్రమే అని ఆటమ్ బ్యాంక్ తెలిపింది. నవంబర్ 1న అమల్లోకి వచ్చిన ఈ విధానాన్ని ఉద్యోగుల శ్రేయస్సు కోసం ప్రవేశపెట్టినట్లు సీఈఓ మార్క్ ముల్లెన్ బీబీసీకి తెలిపారు. ఉద్యోగులు ఇంతకు ముందు ఉన్న 37.5 పని గంటలకు బదులుగా వారానికి 34 గంటలే పనిచేస్తారు అని పేర్కొన్నారు. కంపెనీలోని 430 మంది ఉద్యోగులకు ఈ విధంగా సెలవులు ఇస్తోంది. దీంతో ఆ బ్యాంకులో పనిచేసే ఉద్యోగులు ఫుల్ హ్యాపీగా ఫీల్ అవుతున్నారు. వారానికి సోమ, శుక్రవారంతో పాటు మరో రోజును సెలవుగా ఎంచుకునే అవకాశం కల్పించింది. కరోనా వేళ ఉద్యోగులు మానసికంగా శారీరకంగా దృఢంగా ఉండి సక్రమంగా పని చేయడానికి ఈ నిర్ణయం తీసుకున్నట్టు కంపెనీ చెబుతోంది. దీనిని ఉపయోగించుకునే ఉద్యోగులు వారు పని రోజుల్లో మరింత ఉత్సాహంగా పనిచేస్తారని కంపెనీ ఆశిస్తుంది. బ్యాంకు ఖాతాదారులు అసౌకర్యానికి గురికాకుండా ఉండటానికి అందరికీ ఒకే రోజు సెలవు ఇవ్వకుండా వారినికి రొటేషనల్ మాదిరి సెలవు ఇస్తున్నట్లు పేర్కొంది. ఎక్కువ రోజులు సెలవులు రావడం ఉద్యోగులు తమ అవసరాలను కూడా తీర్చుకోవచ్చు అని, కుటుంబంతో ఎక్కువ సమయం గడపటంతో మానసిక ఒత్తిడి తగ్గి ఉద్యోగాన్ని కూడా సక్రమంగా చేస్తారని కంపెనీ తెలిపింది.  (చదవండి: స్టార్టప్‌ రంగంలో భారత్ అగ్రస్థానం: మోదీ)


 వాషింగ్టన్: భూమి మీద ఉన్న మారుమూల ప్రాంతాల్లో కాలుష్య స్థాయిని గుర్తించి, తద్వారా వాతావరణం ఎంతగా మారుతుందో అంచనా వేయడానికి వీలుగా భూ వాతావరణ ఆకృతులను మ్యాపింగ్ చేయడం కోసం నాసా ఒక వైమానిక మిషన్‌ను ప్రారంభించింది. వాతావరణంలో మసి, హైడ్రోకార్బన్లు, నైట్రోజెన్ ఆక్సైడ్‌లు పూర్తిగా విస్తరించి కాలుష్యాన్ని పెంపొందిస్తున్నాయి.
 
 అయితే ఖండాల సమీపంలో ఉండే ప్రాంతాల్లో కంటే మారుమూల ప్రాంతాల్లో వాతావరణం 1000కి పైగాకారకాలతో పరిశుభ్రంగా ఉందని పరిశోధకులు చెబుతున్నారు. అందువల్ల మొదటగా సముద్రాల్లో వాతావరణం ఎలా ఉందో అట్మాస్పియర్ టోమోగ్రఫీ మిషన్(ఆటమ్) ద్వారా సర్వే చేయనున్నారు. ఇందుకోసం నాసా శాస్త్రవేత్తలు ‘కదిలే డీసీ-8 ల్యాబొరేటరీ’ సహాయంతో ఉత్తర దక్షిణ ధృవం నుంచి పసిఫిక్ సముద్రం మీదుగా న్యూజేలాండ్ వరకు, ఆ తర్వాత దక్షిణ అమెరికా తీర ప్రాంతం, ఉత్తరాన అట్లాంటిక్ మహాసముద్రం నుంచి గ్రీన్‌లాండ్ వరకు ప్రయాణించనున్నారు.
 
 ‘మేము ఇప్పటికే భూమి మీద ఉన్న చాలా ప్రాంతాల్లోని వాతావరణాన్ని గుర్తించాము. చాలా ప్రాంతాల్లో కాలుష్య కారకాలు విడుదల అవుతున్నాయి. అయితే గ్రహంలో నేల ఉన్న ప్రాంతం చాలా స్వల్పం. సముద్రాల్లో చాలా రసాయన ప్రతిచర్యలు జరుగుతున్నాయి. వీటిలో చాలా ప్రాంతాలు చాలా మారుమూల ఉండడంతో వీటిని అర్థం చేసుకోవడం కష్టంగా ఉంది. ఈ ఆటమ్ ప్రాజెక్టు ద్వారా మేము చాలా మారుమూల ఉన్న ప్రాంతాలకు వెళ్లి అక్కడి రసాయనిక మార్పులను కొలవనున్నాం’ అని వాతావరణ శాస్త్రవేత్త, యూనివర్సిటీ ఆఫ్ కాలిఫోర్నియా ఇర్విన్ ఆటమ్స్ డిప్యూటీ ప్రాజెక్టు శాస్త్రవేత్త మైఖెల్ ప్రథెర్ తెలిపారు. ఆటమ్స్ మొదటి ప్రయాణం జూలై 31న ప్రారంభమై 26 రోజుల్లో ప్రపంచాన్ని చుట్టేయనుంది. వివిధ సీజన్లలో వచ్చే మూడు సంవత్సరాలపాటు ఈ పర్యటన కొనసాగనుంది.