ముంబై: దేశీయంగా రియల్‌ మనీ గేమ్స్‌ (ఆర్‌ఎంజీ)పై నిషేధం విధించడంతో పలు అంకురాల వాల్యుయేషన్‌పై ప్రభావం చూపింది. నాలుగు బడా సంస్థలు .. యూనికార్న్‌ (1 బిలియన్‌ డాలర్ల విలువ చేసే అంకురాలు) జాబితా నుంచి చోటు కోల్పోయాయి. డ్రీమ్‌11 (26 కోట్ల యూజర్లు) , గేమ్స్‌ 24 x 7 (12 కోట్ల యూజర్లు), గేమ్స్‌క్రాఫ్ట్‌ (3 కోట్ల యూజర్లు), మొబైల్‌ ప్రీమియర్‌ లీగ్‌ (9 కోట్ల యూజర్లు) వీటిలో ఉన్నాయి. ఇక యూనికార్న్‌లు కాకపోయినప్పటికీ ‘జూపీ’, ‘విన్‌జో గేమ్స్‌’లాంటి సంస్థల వాల్యుయేషన్లు కూడా పడిపోయాయి. ‘2025 ఆస్క్‌ ప్రైవేట్‌ వెల్త్‌ హురున్‌ ఇండియా యూనికార్న్, ఫ్యూచర్‌ యూనికార్న్‌’ నివేదికలో ఈ విషయాలు వెల్లడయ్యాయి. ఆన్‌లైన్‌ మనీ గేమ్స్‌ను నిషేధించే బిల్లును పార్లమెంటు గత నెల ఆమోదించిన సంగతి తెలిసిందే. దీని ప్రకారం ఆన్‌లైన్‌ మనీ గేమ్స్‌ సంబంధిత ప్రకటనలపై కూడా నిషేధం వర్తిస్తుంది. అలాంటి గేమ్స్‌ ఆడేందుకు నగదును బదిలీ చేసే సరీ్వసులను సైతం బ్యాంకులు, ఆర్థిక సంస్థలు అందించకూడదు. ‘‘ఇలాంటి మార్పులన్నింటి వల్ల భారత్‌లో పేరొందిన పలు ఆర్‌ఎంజీ కంపెనీలపై ప్రభావం పడింది. దీనితో వాటి వృద్ధి నెమ్మదించే అవకాశం ఉంది’’ అని నివేదిక పేర్కొంది. అలాగే ఈ చట్టం వల్ల పరిశ్రమపై ఇన్వెస్టర్ల నమ్మకం కూడా సడలిందని వివరించింది. మరోవైపు, అంకురాలు క్రమంగా లాభదాయకత, పెట్టుబడులను సమర్ధంగా వినియోగించుకోవడం, దీర్ఘకాలంలో నిలకడగా ఉండే వ్యాపార విధానాల వైపు మొగ్గు చూపుతున్నాయని ఆస్క్‌ ప్రైవేట్‌ వెల్త్‌ ఎండీ రాజేశ్‌ సలూజా తెలిపారు. నివేదికలోని మరిన్ని ముఖ్యాంశాలు.. → 8.2 బిలియన్‌ డాలర్ల వాల్యుయేషన్‌తో అత్యంత విలువైన భారతీయ స్టార్టప్‌గా డిస్కౌంట్‌ బ్రోకరేజీ సంస్థ జిరోధా అగ్రస్థానంలో ఉంది. చెరి 7.5 బిలియన్‌ డాలర్లతో ఫిన్‌టెక్‌ సంస్థ రేజర్‌పే, లెన్స్‌కార్ట్‌ ఆ తర్వాత స్థానాల్లో ఉన్నాయి. → అత్యధికంగా 26 అంకురాలతో బెంగళూరు యూనికార్న్‌ హబ్‌గా నిల్చింది. వీటి మొత్తం వాల్యుయేషన్‌ 70 బిలియన్‌ డాలర్లుగా ఉంది. ఇక 36.3 బిలియన్‌ డాలర్ల విలువ చేసే 12 స్టార్టప్‌లతో ఢిల్లీ–ఎన్‌సీఆర్‌ (నేషనల్‌ క్యాపిటల్‌ రీజియన్‌) రెండో స్థానంలో, 22.8 బిలియన్‌ డాలర్ల విలువ చేసే 11 సంస్థలతో ముంబై మూడో స్థానంలో నిల్చాయి. → దేశీయంగా అత్యంత పిన్న వయసు్కలైన యూనికార్న్‌ వ్యవస్థాపకులుగా జెప్టో ఫౌండర్లు కైవల్య ఓహ్రా, ఆదిత్‌ పలిచా (ఇద్దరికీ 22 ఏళ్లు) నిల్చారు. → వెంచర్‌ క్యాపిటల్‌ సంస్థ పీక్‌ ఫిఫ్టీన్‌ పార్ట్‌నర్స్‌ భారతీయ స్టార్టప్స్‌లో అత్యధికంగా ఇన్వెస్ట్‌ చేసింది. టరి్టల్‌మింట్, వాట్‌ఫిక్స్, గ్రో, ప్రిజమ్‌ (ఓయో) సహా 68 అంకురాల్లో 200 మిలియన్‌ డాలర్ల పైగా పెట్టుబడులు పెట్టింది. అత్యంత విలువైన స్టార్టప్‌లు ఏకంగా 3.74 లక్షల మందికి ఉపాధి కల్పిస్తున్నాయి. యూనికార్న్‌లలో ఉపాధి పొందుతున్న వారి సంఖ్య 2.06 లక్షలుగా ఉంది. 11 కొత్త యూనికార్న్‌లు .. కొన్ని ఆర్‌ఎంజీ కంపెనీలు లిస్టు నుంచి నిష్క్రమించినప్పటికీ ఈ ఏడాది యూనికార్న్‌ల జాబితాలోని స్టార్టప్‌ల సంఖ్య మొత్తం మీద పెరిగి, 73కి చేరింది. ఈ ఏడాది 11 అంకురాలు యూనికార్న్‌ హోదా దక్కించుకున్నాయి. ఏఐడాట్‌టెక్, నవీ టెక్నాలజీస్, వివృతి క్యాపిటల్, వెరిటాస్‌ ఫైనాన్స్, ర్యాపిడో, నెట్రాడైన్, జంబోటెయిల్, డార్విన్‌బాక్స్, మనీవ్యూ, జస్‌పే, డ్రూల్స్‌ వీటిలో ఉన్నాయి.

కాఠ్మండు/న్యూఢిల్లీ/డెహ్రాడూన్‌/జైపూర్‌: హిమాలయాల నేపాల్‌లో సోషల్‌మీడియాపై నిషేధంతో శాంతియుతంగా మొదలైన విద్యార్థుల ఉద్యమం ఉగ్రరూపం దాల్చి డజన్లమందిని పొట్టనబెట్టుకుని బుధవారానికి చాలామటుకు శాంతించింది. కానీ బయటిశక్తుల విధ్వంసకర ఉద్యమ ఎగబోతతో నివురుగప్పిన నిప్పులా తయారై తాత్కాలిక ప్రభుత్వానికి కంటిమీద కనుకులేకుండా చేస్తోంది. దాంతో సైన్యంరంగంలోకి దిగి దేశవ్యాప్త కర్ఫ్యూను కఠినంగా అమలుచేస్తోంది. ఉద్యమబాట వీడి చర్చల పథంలో సాగాలంటూ విద్యార్థి సంఘాలకు దేశాధ్యక్షుడు రామచంద్ర పౌదెల్‌ పిలుపునిచ్చిన నేపథ్యంలో ‘జెన్‌ జెడ్‌ నేపాల్‌’విద్యార్థి సంఘం ప్రతినిధులు నేపాల్‌ సైన్యంతో బుధవారం తొలిదఫా చర్చలు జరిపారు. రెండు గంటలపాటు చర్చించినా ఎలాంటి ఏకాభిప్రాయం కుదర్లేదు. మరోమారు చర్చలు జరపనున్నారు. నేపాల్‌ మాజీ మహిళా చీఫ్‌ జస్టిస్‌ సుశీల కరీ్క, కాఠ్మండు మేయర్‌ బాలేంద్ర షా, మాజీ విద్యుత్‌ బోర్డ్‌ సీఈఓ కుల్మాన్‌ ఘిసింగ్‌లలో ఏవరో ఒకరి సారథ్యంలో తాత్కాలిక ప్రభుత్వం ఏర్పడాలని విద్యార్థులు డిమాండ్‌చేస్తున్నట్లు తెలుస్తోంది. స్వదేశాన్ని నిరసనోద్యమ అగి్నకీలల్లోకి తోసేశారన్న ఆరోపణలను విద్యార్థులు నిర్ద్వంద్వంగా తోసిపుచ్చారు. శాంతియుతంగా పోరాటంచేస్తుంటే బయటిశక్తులు దూరి విధ్వంసం సృష్టించాయని స్పష్టంచేశాయి. ప్రధాని కేపీ శర్మ ఓలీ తన పదవికి రాజీనామా చేసినా ఆందోళనలు చల్లారకపోవడంతో సైన్యం మంగళవారం అర్థరాత్రి రంగంలోకి దిగింది. అత్యంత సమస్యాత్మకంగా మారిన ప్రాంతాలను తమ అధీనంలోకి తీసుకుంది. దేశవ్యాప్త కర్ఫ్యూను విధించింది. అయితే హింసాత్మక ఘటనల్లో మరణాల సంఖ్య బుధవారానికి 33కు పెరిగింది. 1,033 మంది గాయపడ్డారు. గురువారం ఉదయం దాకా కఠిన ఆంక్షలను అందరూ పాటించాలని, లూటీ, దోపిడీ వంటివి పునరావృతమైతే తీవ్ర పరిణామాలను ఎదుర్కోవాల్సి ఉంటుందని హెచ్చరించింది. యాత్ర, పర్యటన కోసమొచ్చి చిక్కుకుపోయిన విదేశీయులను భద్రంగా స్వదేశాలకు తరలించే ప్రక్రియ మొదలెడతామని ఆర్మీ భరోసా ఇచ్చింది. ఆలోపు విదేశీ పర్యాటకులు, యాత్రికులకు తగు సాయం చేయాలని హోటళ్లు, టూరిజం సంస్థలను ఆర్మీ ఆదేశించింది. కాఠ్మండులో దుకాణాలు కొల్లగొట్టిన అల్లరిమూకల సభ్యులను ఆర్మీ అరెస్ట్‌చేసింది. వారి నుంచి భారీ ఎత్తున నగదు, 31 ఆయుధాలు, విలువైన వస్తువులను స్వా«దీనంచేసుకుంది. నేపాల్‌లో తాజా పరిస్థితిని గమనిస్తున్నట్లు ఐక్యరాజ్యసమితి ప్రధాన కార్యదర్శి ఆంటోనియో గుటెరస్‌ బుధవారం చెప్పారు. పారిపోయిన ఖైదీలు ఆందోళనకారులు జైళ్లను బద్దలుకొట్టడంతో వాటిల్లోని 13,000 మందికిపైగా ఖైదీలు పరారయ్యారు. ఢిల్లీబజార్‌ జైలు, ఛిత్వాన్, నఖూ, ఝుంప్కా, కంఛన్‌పూర్, జలేశ్వర్, కస్కీ, డాంగ్, జుమ్లా, సోలూఖుంబు, గౌర్, బజ్హాంగ్‌లోని జైళ్ల నుంచి ఖైదీలు పారిపోయారు. ఆకొద్ది సమయంలో పారిపోవడం సాధ్యంకాని ఖైదీలు కారాగారాల్లో ఘర్షణలకు దిగుతున్నారు. పశ్చిమ నేపాల్‌లోని బాంకే ప్రాంతంలోని నౌబస్తా ప్రాంతీయ జైలు పరిధిలోని బాలనేరస్తుల కేంద్రంలో కొందరు జైలువార్డన్ల నుంచి ఆయుధాలు లాక్కునేందుకు తెగించారు. ఈ ఘర్షణల్లో ఐదుగురు బాలలు చనిపోయారు. కొన్ని జైళ్ల నుంచి పారిపోయిన ఖైదీలను సైన్యం ఎలాగోలా వెతికి పట్టుకుని మళ్లీ జైల్లో పడేసింది.పర్యాటకుల ఆక్రందనలు పొఖారా పట్టణంలో వాలీబాల్‌ లీగ్‌ మ్యాచ్‌ల కోసం వచి్చన భారతీయ మహిళ ఉపస్థ గిల్‌ ఆందోళనకారుల దాడి నుంచి తప్పించుకున్నారు. తనను రక్షించాలని, స్వదేశానికి పంపించాలని భారతసర్కార్‌ను వేడుకుంటూ ఆమె ఇన్‌స్టా గ్రామ్‌లో ఒక వీడియో పోస్ట్‌చేశారు. ‘‘మ్యాచ్‌ కోసం ఇక్కడికొచ్చా. హోటల్‌ స్పాలో ఉన్నప్పుడు ఆందోళనకారులు పెద్ద కర్రలతో వెంటబడ్డారు. ఎలాగోలా వారి బారి నుంచి తప్పించుకున్నా. కానీ నా లగేజీ మొత్తం హోటల్‌లోనే ఉండిపోయింది. ఆ హోటల్‌కు నిరసనకారులు నిప్పుపెట్టి కాల్చేశారు. దయచేసి నన్ను భారత్‌కు పంపేయండి. రోడ్ల మీద ఎక్కడ చూసిన మంటలే చెలరేగుతున్నాయి. ఇక్కడ దారుణ పరిస్థితులున్నాయి’’అని ఆమె వీడియోలో వాపోయారు. ఆంధ్రప్రదేశ్, తెలంగాణ, పశ్చిమబెంగాల్, మహారాష్ట్ర, గుజరాత్, ఢిల్లీ, కేరళ, కర్ణాటక, ఉత్తరాఖండ్, ఉత్తరప్రదేశ్, రాజస్థాన్‌ ఇలా పలు రాష్ట్రాలకు చెందిన చాలా మంది పర్యాటకులు నేపాల్‌లో చిక్కుకుపోయి సురక్షిత తిరుగుప్రయాణం కోసం ప్రభుత్వ సాయం అర్థిస్తున్నా రు. పలు రాష్ట్రాల ప్రభుత్వాలు ఇప్పటికే నేపా ల్‌ అధికారవర్గాలతో చర్చలు జరుపుతున్నాయి. అయితే ఎయిర్‌ఇండియా, ఇండిగో విమానాల్లో భారతీయులను వెనక్కి రప్పిస్తామని పౌరవిమాన శాఖ మంత్రి కె.రామ్మోహన్‌ నాయుడు ‘ఎక్స్‌’లో పేర్కొన్నారు.

ప్రపంచ నంబర్‌ 1 కంపెనీ యాపిల్‌ కొన్ని ఉత్పత్తులను నిలిపేస్తున్నట్లు ప్రకటించింది. ఐఫోన్‌ 14, ఐఫోన్‌ ఎస్‌ఈ(3వ తరం) ఫోన్లను యూరప్‌లో నిలిపేస్తున్నట్లు స్పష్టం చేసింది. ఎలక్ట్రానిక్ పరికరాలకు ప్రామాణికంగా ఒకే రకమైన ఛార్జింగ్ పోర్టు ఉండాలనేలా యూరప్‌ ప్రభుత్వం(EU) నిర్ణయం తీసుకోవడమే ఇందుకు కారణమని తెలిసింది.యూరప్‌ ప్రభుత్వం అన్ని మోబైళ్లలో ప్రామాణికంగా యూఎస్‌బీ టైప్‌-సీ(Type-C) పోర్ట్‌తో ఉన్న ఛార్జింగ్‌ సదుపాయం ఉండాలనేలా నిబంధనలు తీసుకొచ్చింది. కానీ ప్రస్తుతం అధికారికంగా వాడుకలో ఉన్న ఐఫోన్‌ 14, ఐఫోన్‌ ఎస్‌ఈ(3వ తరం) ఫోన్లలో ప్రత్యేకంగా యాపిల్‌ ఛార్జింగ్‌ పోర్ట్‌ ఉంటుంది. ఇది యూరప్‌ నిబంధనలకు విరుద్ధం. దాంతో స్థానికంగా ఈ మోడళ్లను నిలిపేస్తున్నట్లు యాపిల్‌(Apple) ప్రకటించింది.ఇదీ చదవండి: స్వల్ప స్థాయిలోనే కదలికలుయాపిల్‌ ఐఫోన్‌ 14 తర్వాత విడుదల చేసిన మోడళ్లలో టైప్‌-సీ పోర్ట్‌ను తీసుకొచ్చింది. దాంతో ఐఫోన్‌ 15తోపాటు తదుపరి మోడళ్లకు ఈ సమస్య లేదు. ఇప్పటికే ఐఫోన్‌(IPhone) 14 వాడుతున్నవారికి ఇబ్బంది ఉండదు. కానీ కొత్తగా ఈ మోడల్‌ కొనుగోలు చేయాలనుకుంటున్నవారికి మాత్రం యూరప్‌లో అందుబాటులో ఉండదని కంపెనీ స్పష్టం చేసింది. అయితే ఇటీవల ఐఫోన్‌ 16 మోడల్‌ను విడుదల చేయడంతో చాలామంది ఈ మోడల్‌ను కొనుగోలు చేస్తున్నారని కంపెనీ వర్గాలు తెలిపాయి. యూరప్‌కు చెందిన వినియోగదారులకు 2025 ప్రారంభంలో యూఎస్‌బీ టైప్‌-సీ పోర్ట్‌తో ఐఫోన్‌ ఎస్‌ఈ(IPhone SE) మోడల్‌ను అందుబాటులోకి తీసుకురాబోతున్నట్లు కంపెనీ తెలిపింది.

ప్రముఖ వీడియో షేరింగ్‌ యాప్‌ ‘టిక్‌ టాక్‌’ కీలక నిర్ణయం తీసుకుంది. అమెరికాలో కంటెంట్‌ క్రియేటర్లు లబ్ధి చేకూరేలా డబ్బులు సంపాదించుకునే (మానిటైజేషన్‌) మార్గాన్ని మరింత సులభతరం చేసింది. అందుకు టిక్‌ టాక్‌ మాతృసంస్థ బైట్‌ డ్యాన్స్‌పై అమెరికా ఒత్తిడే కారణమని తెలుస్తోంది. టిక్‌ టాక్‌లో కంటెంట్‌ క్రియేటర్లు ఏదైనా అంశం మీద వీడియోలు చేస్తుంటారు. ఫలితంగా 5వే ఫాలోవర్స్‌ ఉన్న టిక్‌ టాక్‌ ఛానెల్‌ క్రియేటర్‌.. తన ఛానెల్‌ ద్వారా ఏదైనా వస్తువును సేల్‌ చేసి అఫిలేట్‌ మార్కెటింగ్‌ చేసి డబ్బులు సంపాదించుకోవచ్చు. తాజాగా, ఆ ఫాలోవర్ల సంఖ్యని 1000కి తగ్గించింది.అఫిలేట్‌ మార్కెటింగ్‌ అంటే?అమెజాన్‌, ఇతర అఫిలేట్‌ నెట్‌ వర్క్‌ వెబ్‌సైట్‌లలో యూజర్లకు ఏదైనా నచ్చిన ప్రొడక్ట్‌ను వివిధ మార్గాల్లో అంటే ఫేస్‌బుక్‌, వెబ్‌సైట్లు, బ్లాగ్స్‌, యూట్యూబ్‌ ఛానెల్స్‌లో ప్రమోషన్‌ చేసి వాటిని అమ్మాల్సి ఉంటుంది. అలా అమ్మితే అమెజాన్‌ అందుకు ప్రొడక్ట్‌ను బట్టి 10 నుంచి 20 శాతం వరకు కమిషన్‌ను అందిస్తుంది. న్యాయ పరమైన ఇబ్బందుల్లో టిక్‌ టాక్‌ చైనాకు చెందిన టిక్‌ టాక్‌ అమెరికాలో న్యాయ పరమైన ఇబ్బందుల్ని ఎదుర్కొంటోంది. టిక్‌టాక్‌లో డేటా భద్రతపై అగ్రరాజ్యం ఎప్పటి నుంచో ఆందోళన వ్యక్తం చేస్తూ వస్తోంది. పలు సందర్భాలలో టిక్‌ టాక్‌పై బ్యాన్‌ విధించే ప్రయత‍్నాలు ముమ్మరం చేసింది. అయితే బ్యాన్‌ తర్వాత ఎదురయ్యే ఆర్ధికపరమైన పర్యవసానాల గురించి ఆలోచించి వెనక్కి తగ్గింది. టిక్‌టాక్‌పై వరుస పిటిషన్‌లు నిషేధ చట్టం న్యాయ విభాగం టిక్‌టాక్‌పై అనుమానం వ్యక్తం చేసింది. 170 మిలియన్ల యూజర్ల డేటాను ప్రమాదంలో పడేసిందని ఆరోపించారు. ఈ నేపథ్యంలో టిక్‌టాక్‌లో డేటా భద్రతపై అనుమానం వ్యక్తం చేసిన అమెరికన్‌ టిక్‌ టాక్‌ యూజర్లు కోర్టులో వరుస పిటిషన్‌ దాఖలు చేశారు. ఆ పిటిషన్‌పై న్యాయస్థానం విచారణ చేపట్టింది.అమ్ముతారా? లేదంటే బ్యాన్‌ చేయమంటారా?ఈ సందర్భంగా టిక్‌ టాక్‌ను అమెరికన్‌ సంస్థకు అమ్మాలని, లేదంటే నిషేధం విధిస్తామని తెలుపుతూ హౌస్ బిల్లుపై జో బైడెన్ సంతకం చేశారు. అందుకు 270 రోజులు గడువు ఇచ్చింది. అదీ సాధ్యం కాకపోతే మరో 90 రోజుల పొడిగింపుతో టిక్‌ టాక్‌ను అమెరికన్‌ సంస్థకు అమ్మాలని లేదంటే దేశంలో నిషేధం ఎదుర్కొవాల్సి ఉంటుందని ఆదేశించింది.మానిటైజేషన్‌ నిబంధనల్ని తగ్గించిదీంతో బైట్ డాన్స్ పై ఒత్తిడి ఎక్కువయింది. ఈ క్రమంలో మానిటైజేషన్‌ నిబంధనల్ని తగ్గిస్తూ టిక్‌ టాక్‌ నిర్ణయం తీసుకున్నట్లు పలు మీడియా కథనాలు వెలుగులోకి వచ్చాయి. దీనిపై బైట్‌ డ్యాన్స్‌ స్పష్టత ఇవ్వాల్సి ఉంది.

స్టార్‌ హీరో మోహన్‌ లాల్‌కు గల్ఫ్‌ దేశాలు షాకిచ్చాయి. ఆయన ప్రధాన పాత్రలో తెరకెక్కిన లేటెస్ట్‌ మూవీ మాన్‌స్టర్‌. మంచు లక్ష్మి కీ రోల్‌ పోషించిన ఈ మూవీ ఇటీవల అన్ని కార్యక్రమాలను పూర్తి చేసుకుని అక్టోబర్‌ 21న ప్రపంచవ్యాప్తంగా విడుదలకు సిద్ధం అవుతోంది. ఈ నేపథ్యంలో ఈ మూవీకి ఆదిలో ఎదురుదెబ్బ తగిలింది. ఈ చిత్రంపై గల్ఫ్‌ దేశాల సన్సార్‌ బోర్డ్‌ అభ్యంతరం వ్యక్తం చేసింది. దీంతో తమ దేశాల్లో మాన్‌స్టర్‌ను నిషేధిస్తున్నట్లు పేర్కొంది. అయితే  సినిమాలో లెస్బేనియన్, గే, బై సెక్సువల్, ట్రాన్స్ జెండర్ (ఎల్‌జీబీటీక్యూ) కంటెంట్ ఉండడం వల్లే నిషేధం విధించినట్లు తెలుస్తోంది. చదవండి: ఈ వారం థియేటర్‌, ఓటీటీలోకి వచ్చే చిత్రాలివే దీంతో ఈ మూవీ నిర్మాత ఆంటోనీ పెరుంబవూర్ సెన్సార్ బోర్డ్ ఫర్ ఈ ఎవాల్యుయేషన్‌కు సినిమా కాపీని  అందించినట్టు తెలిసింది. ఒకవేళ బోర్డ్ నుంచి అనుమతి వస్తే వచ్చే వారం గల్ఫ్ దేశాల్లో ఈ సినిమా విడుదల అవుతుందని విశ్వసనీయ వర్గాలు తెలిపాయి. దీంతో ఈ వారం విడుదలయ్యే అవకాశాల్లేవని తెలుస్తోంది. ఈ సినిమాలో మోహన్ లాల్ లక్కీ సింగ్ పాత్రలో కనిపించనున్నారు. కథను ఉదయ్ కృష్ణ అందించగా, వ్యాసక్ దర్శకత్వం వహించారు. ఈ సినిమాలో లక్ష్మీ మంచు కూడా నటించింది. 

ట్విటర్‌ ప్రైవేట్‌ లిమిటెడ్‌ కంపెనీగా మారడం పట్ల ఆ సం‍స్థ ఉద్యోగులు ఆందోళన చెందుతున్నారు. ఎంతో ఒత్తిడిలో ఎదుర్కొంటున్నప్పటికీ.. ఇప్పటి వరకు కొనసాగిస్తూ వచ్చిన విధానాలను కొత్త యజమాని ఈలాన్‌ మస్క్‌ కోసం మార్చుకోవడానికి సిద్ధంగా లేమంటున్నారు. ఈ మేరకు కఠిన నిర్ణయం తీసుకుని ఈలాన్‌ మస్క్‌కి కౌంటర్‌ ఇచ్చారు. ట్విటర్‌ వ్యవహారం రోజురోజుకు కొత్త మలుపులు తీసుకుంటుంది. ఫ్రీ స్పీచ్‌కు అవకాశం లేదంటూ ప్రచారం మొదలెట్టిన ఎలన్‌ మస్క్‌ కేవలం నెల రోజుల వ్యవధిలోనే భారీ ఆఫర్‌ ఇచ్చి ట్విటన్‌ను పబ్లిక్‌ నుంచి ప్రైవేటు కంపెనీగా మార్చేశాడు. ఆ తర్వాత ట్విటర​ బోర్డు సభ్యులపై వరుసగా విమర్శలు ఎక్కుపెడుతూనే ఉన్నారు. మరోవైపు ఈలాన్‌ మస్క్‌ చేతిలోకి కంపెనీ వెళ్లిపోవడంతో ఉద్యోగుల్లో ఆందోళన మొదలైంది. ఐనప్పటికీ వారి మనో ధైర్యం చెక్కు చెదరడం లేదు. అప్పుడు బ్యాన్‌ అమెరికాకు చెందిన మై పిల్లోస్‌ సంస్థ సీఈవో మైక్‌ లిండెల్‌ ఖాతాను 2021 జనవరిలో ట్విటర్‌ బ్యాన్‌ చేసింది. అమెరికా అధ్యక్ష ఎన్నికల సందర్భంగా విద్వేషాలు రెచ్చగొట్టేలా మాజీ అధ్యక్షుడు డొనాల్డ్‌ ట్రంప్‌ అనేక కామెంట్లు ట్వీట్‌ చేశారు. అతనికి మద్దతుగా మైక్‌ లిండెల్‌ కూడా ట్వీటర్‌ను యూజ్‌ చేశారు. దీంతో వీరిద్దరి ఖాతాలను ట్వీటర్‌ బ్యాన్‌ చేసింది. మళ్లీ ట్విటర్‌ ఖాతా అయితే ఇటీవల ట్విటర్‌ యజమాన్య మార్పులు జరగడం. కొత్త బాస్‌ ఈలాన్‌ మస్క్‌ ఫ్రీ స్పీచ్‌కే ప్రాధాన్యం అంటూ చెబుతూ వస్తున్నారు. ఇదే సమయంలో 2022 మే 1న మైక్‌ లిండెల్‌ ట్విటర్‌ ఖాతాను ప్రారంభించారు. నా ట్విటర్‌ ఖాతా ఇదే నంటూ పోస్ట్‌ చేశారు. ఈ విషయాన్ని అందరికి తెలపాలంటూ కోరారు. ట్విటర్‌లో నా ఖాతా లేకపోవడంతో నకిలీవి వస్తున్నాయంటూ వాపోయాడు. నిషేధిత జాబితాలో ఉన్న లిండెల్‌ ఖాతా మళ్లీ ఖాతా తెరవడంతో ట్విటర్‌ యూజర్లు అదంతా ఈలాన్‌ మస్క్‌ పవర్‌ అనుకున్నారు. ట్విటర్‌ బోర్డు డమ్మీగా మారిందనే సందేహాలు వ్యక్తమయ్యాయి. మూడున్నర గంటల్లో ఫ్రీ స్పీచ్‌ విషయంలో ఈలాన్‌ మస్క్‌ విధానం ఎలా ఉన్నా విద్వేష పూరిత వ్యక్తుల పట్ల మా తీరు మారదంటూ వెంటనే రంగంలోకి దిగింది ట్విటర్‌ బోర్డు. మైక్‌ లిండెల్‌ రెండో సారి ఖాతా తెరిచిన మూడున్నర గంటల్లోనే చర్యలు తీసుకుంది. మరోసారి అతని ఖాతాను స్థంభింప చేసింది. మా విధానాలకే కట్టుబడి ఉన్నామంటూ గట్టిగా బదులిచ్చింది. మనవాళ్ల ధైర్యం ప్రస్తుతం ట్విటర్‌కు పరాగ్‌ అగ్రావాల్‌ సీఈవోగా ఉండగా లీగల్‌ అడ్వెజర్‌గా గద్దె విజయ ఉన్నారు. ఈలాన్‌ మస్క​ త్వరలోనే వీరిని బయటకు సాగనంపుతారనే ప్రచారం జరుగుతోంది. ఐనప్పటికీ తాము నమ్మిన సిద్ధాంతాలు, తాము రూపొందించిన విధానాలు అమలు చేయడానికి వీరిద్దరు మొగ్గు చూపారంటున్నారు నెటిజన్లు. మరీ తాజా నిషేధంపై ఎలన్‌ మస్క్‌ ఎలా స్పందిస్తాడో చూడాలి. చదవండి: Vijaya Gadde: ఎలన్‌మస్క్‌తో కష్టమే.. పరాగ్‌ తర్వాత మరో ఇండియన్‌ లేడికి ఎసరు?

అబూజా: ఆఫ్రికన్​ కంట్రీ నైజీరియా.. మైక్రోబ్లాగింగ్ ప్లాట్​ఫామ్​ ట్విట్టర్​ను నిషేధిస్తున్నట్లు ప్రకటించిన విషయం తెలిసిందే. తమ అధ్యక్షుడు బుహారీ ట్వీట్​ను తొలగించిన కారణంగానే ట్విట్టర్​ కార్యాకలాపాలను నిలిపివేస్తున్నట్లు నైజీరియా ప్రభుత్వం ప్రకటించింది. అయితే నైజీరియా నిర్ణయంపై సొంత ప్రజలు అంసతృప్తి వ్యక్తం చేస్తుండగా.. ప్రపంచం మొత్తం నివ్వెరపోతోంది. అయితే ఇది అసలు కారణం కాదనే వాదన ఒకటి వెలుగులోకి వచ్చింది.   నిజానికి ట్విట్టర్​పై నైజీరియా సర్కార్ గుర్రుగా ఉంది అధ్యక్షుడి ట్వీట్ డిలీట్​ వ్యవహారంతో మాత్రమే కాదని ఆ వాదన సారాంశం. గత కొన్నేళ్లుగా నైజీరియాలోని లాగోస్​ ఆఫ్రికాలోనే అత్యంత ఆకర్షణనీయమైన టెక్​ హబ్​గా పెట్టుబడిదారులను ఆకర్షిస్తూ వస్తోంది. కానీ, ఈ ఏప్రిల్​లో ట్విట్టర్​ ఆఫ్రికాలో తన రీజినల్ హెడ్​క్వార్టర్​ కోసం లాగోస్ కాకుండా.. ఘనాను ఎంచుకుంది. దీనిపై నైజీరియా వివరణ కోరగా.. ఘనా ప్రభుత్వం బయటి పెట్టుబడులను ఆకర్షించడంలో ముందుందని ట్విట్టర్​ కారణం చెప్పింది. నిజానికి ట్విట్టర్​ వివరణను సమర్థించడానికి బోలెడు కారణాలున్నాయి. అయినప్పటికీ నైజీరియా ఆ విషయంలో దారుణంగా హర్ట్ అయ్యింది. ఈ నేపథ్యంలో తాజా ట్వీట్​ డిలీట్ వ్యవహారం అగ్నికి ఆజ్యం పోసినట్లయ్యింది.  దెబ్బ నైజీరియాకే! ఇక ట్విట్టర్​ బ్యాన్​ వివాదంతో నైజీరియా టెక్ రంగం సంక్షోభంలో పడే అవకాశం లేకపోలేదని నిపుణులు చెప్తున్నారు. ఇరవై కోట్లకు పైగా జనాభా ఉన్న నైజీరియాలో స్మార్ట్​ ఫోన్​ యూజర్ల శాతం 60కి పైనే ఉంది. మరోవైపు టెక్​ పెట్టుబడులతో లాగోస్​ ఆర్థికాభివృద్ధికి బీజం వేసింది. ఆఫ్రికాకే అతిపెద్ద ఆర్థిక కేంద్రంగా అవతరించింది. ఇలాంటి తరుణంలో నైజీరియా ట్విట్టర్​ బ్యాన్​ నిర్ణయంతో.. విదేశీ పెట్టుబడులు వెనక్కి వెళ్లే అవకాశాలు స్పష్టంగా కనిపిస్తున్నాయి. 2016లో నైజీరియా టూర్​లో మార్క్​ జుకర్​బర్గ్​ ఫేస్​బుక్​ ఆఫీస్​ ప్రారంభించబోతున్నట్లు ప్రకటించాడు. 2021 ద్వితియార్థంలో అది జరగాల్సి ఉంది. అయితే ఇప్పుడున్న పరిస్థితుల్లో ఫేస్​బుక్​ పునరాలోచనలో పడ్డట్లు తెలుస్తోంది. తాజా పరిస్థితుల తర్వాత నైజీరియా ప్రతినిధులు ఫేస్​బుక్​ హెడ్​ క్వార్టర్స్​కు సందేశం పంపగా.. అక్కడి నుంచి బదులు లేకపోవడంతో ఇది దాదాపుగా కన్ఫర్మ్ అయినట్లు చెప్తున్నారు. ఇక ఇదే బాటలో మరికొన్ని టెక్​ సంస్థలు లాగోస్​ నుంచి వెనక్కి వెళ్లే ఆలోచనలు చేస్తున్నట్లు తెలుస్తోంది. మొత్తానికి నైజీరియా దూకుడు నిర్ణయం వల్ల 170 మిలియన్​ డాలర్ల మేర విదేశీ పెట్టుబడులు వెనక్కిపోయే ప్రమాదం నెలకొన్నట్లు వ్యాపార నిపుణులు అంచనా వేస్తున్నారు.


 పెద్ద నోట్లను రద్దుచేస్తూ ప్రభుత్వం తీసుకున్న నిర్ణయం వివాహాది వేడుకలు, శుభకార్యాక్రమాలకు తీవ్ర ఎఫెక్ట్ చూపుతుందంటూ పలు ప్రచారాలు జరిగాయి. కార్తికమాసం కావడంతో పెళ్లిళ్లకు మంచి ముహుర్తాలు ఉంటాయని, కానీ ప్రభుత్వ నిర్ణయంతో పెళ్లిళ్లను వాయిదా పడే అవకాశాలున్నాయంటూ పలువురు విమర్శించారు. కానీ పెద్ద నోట్ల రద్దు పెళ్లి కార్యక్రమాలకు ఎలాంటి ఆటంకం కలిగించలేదని మెజారిటీ భారతీయులు వెల్లడించినట్టు ఓ సర్వేలో తేలింది. ప్రస్తుతం నెలకొన్న ఈ కరెన్సీ సంక్షోభం పెళ్లిళ్లపై ప్రభావం చూపిందా అంటూ..మాట్రిమోనియల్ సైట్ షాదీ.కామ్ నిర్వహించిన సర్వేలో 41 శాతానికి పైగా పురుషులు, 39 శాతానికి స్త్రీలు నో చెప్పినట్టు తెలిసింది. కేవలం 20.3 శాతం పురుషులు, 24.5 శాతం మహిళలు మాత్రమే వారి వెడ్డింగ్ ప్లాన్స్పై ప్రభావం చూపినట్టు వెల్లడించారు.
  
  
 ముందస్తు బుకింగ్స్ గా పెళ్లిళ్లుగా అన్ని ఏర్పాట్లు చేసుకోవడంతో పాటు, ఎలాంటి హంగు ఆర్భాటాలు లేకుండా పెళ్లిళ్లకు ప్లాన్ చేసుకోవడంతో నోట్ల ఎఫెక్ట్ వారిపై చూపించలేదని షాదీ.కామ్ సర్వేలో వెల్లడైంది. పెద్దనోట్లతో ప్రభావితులైన వారు ముందస్తుగా ఎలాంటి ప్లాన్ చేసుకోకపోవడం వల్ల ఈ సమస్య బారినపడినట్టు తేలింది. కేవలం 17.8 శాతం మంది పురుషులు, 7.6 మంది మహిళలు మాత్రమే వారి పెళ్లిళ్లను వాయిదా వేసుకున్నట్టు చెప్పారు. 25 నుంచి 32 వయసున్న సింగిల్ ఇండియన్స్ ఈ సర్వేలో పాల్గొన్నారు. ఈ ఆన్లైన్ పోల్లో 13,200 స్పందనలను షాదీ.కామ్ సేకరించింది. పెళ్లిళ్ల కోసం ఖర్చుచేసే నగదంతా పెద్ద నోట్లేనని, వాటిని రద్దుచేయడంతో పెళ్లిళ్లు ఆగిపోతాయని విపక్షాలు, పలువురు ప్రభుత్వాన్ని విమర్శించారు. కానీ షాదీ.కామ్ నిర్వహించిన సర్వేలో నోట్ల రద్దు ఎఫెక్ట్ అనుకున్న స్థాయిలో లేదని తేలింది.