ట్రిపోలి: లిబియాలో సైనికులకు ఉగ్రవాద సంస్థ ఇస్లామిక్ స్టేట్ ప్రేరేపిత ఉగ్రవాదులకు మధ్య పోరాటం కొనసాగుతోంది. ఇప్పటి వరకు 16మంది ప్రాణాలు కోల్పోయారు. బెంగాజీ వద్ద చోటు చేసుకున్న ఇరు వర్గాల మధ్య ఘర్షణల్లో ఈ ప్రాణనష్టం చోటుచేసుకున్నట్లు అక్కడి హక్కుల సంస్థ ఒకటి తెలిపింది.
 
 బెంగాజీ ఎయిర్ బేస్ క్యాంపును గత ఏడాది ఉగ్రవాదులు తమ ఆధీనంలోకి తీసుకున్నారు. దానిని తిరిగి తమ అదుపులోకి తెచ్చుకునేందుకు లిబియా సైన్యాలు ప్రయత్నిస్తూనే ఉన్నాయి. ఈ క్రమంలో జరిగిన దాడిలో ఏడుగురు ఉగ్రవాదులు చనిపోగా మరో తొమ్మిదిమంది అమాయకలు ప్రాణాలు విడిచారు.