బాలీవుడ్‌ యంగ్‌ హీరో టైగర్‌ ష్రాఫ్‌, శ్రద్ధా కపూర్‌ నటించిన తాజా చిత్రం భాగీ-3. యాక్షన్‌ మూవీగా శుక్రవారం విడుదలైన ఈ చిత్రం బాక్సాఫీస్‌ వద్ద శుభారంభం చేసింది. అహ్మద్‌ఖాన్‌ దర్శకత్వంలో రూపొందిన ఈ సినిమా తొలి రోజు మంచి కలెక్షన్లతో ముందుకు సాగుతోంది. హోళీ సీజన్‌ బరిలో దిగి.. ప్రపంచ వ్యాప్తంగా రూ 17. 50 కోట్లు సాధించి.. తన్హాజీ రికార్డును బ్రేక్‌ చేసింది. తన్హాజీ మొదటిరోజు రూ. 15.10 కోట్లు వసూలు చేయగా భాగీ 3.. 17.50 కోట్లు సాధించింది. కాగా అభిమానులను అలరించిన ఈ సినిమా విమర్శకులను అంతగా ఆకట్టుకోలేకపోయింది. (‘డూ యూ లవ్‌ మీ’: రెచ్చిపోయిన హీరోయిన్‌!) ఓ వైపు దేశంలో కరోనా వైరస్‌ ప్రబలుతుండటంతో కొన్ని సినిమాలు వాయిదా పడ్డ విషయం తెలిసిందే. అయితే అవేవీ పట్టించుకోకండా బరిలో దిగిన భాగీ3 పై కరోనా ప్రభావం ఎంతమాత్రం లేదని విశ్లేషకులు అభిప్రాయపడుతున్నారు. ఇక జేమ్స్‌ బాండ్‌ సిరీస్‌లో డేనియల్‌ క్రేగ్‌ నటించిన ‘నో టైమ్‌ టు డై’ సినిమా విడుదల వాయిదా పడిన విషయం తెలిసిందే. ఏడు నెలల పాటు ఈ సినిమాను వాయిదా వేయడంతో భాగీ సినిమాకు కలిసొచ్చిందని చెప్పవచ్చు. లేకుంటే భాగీ కలెక్షన్లలో భారీ కోత ఏర్పడేదని తెలుస్తోంది. టైగర్‌ ష్రాఫ్‌ తం‍డ్రి జాకీ ఫ్రాఫ్‌తో కలిసి మొదటి సారి నటించారు. సినిమాలో కూడా వారు తండ్రి, కొడుకులుగా నటించడం విశేషం. అదే విధంగా రితేష్‌ దేశ్‌ముఖ్‌, అంకితా లోఖండే తదితరులు ముఖ్య పాత్రల్లో నటించారు. (అదిరిపోయిన ‘భాగీ-3’ ట్రైలర్‌) ఇక భారత్‌లో 4500, ఓవర్సీస్‌లో1100  థియేటర్లతో కలిపి ప్రపంచ వ్యాప్తగా 5,500 థియేటర్లలో విడుదలైన ఈ మూవీ టైగర్‌ ఫ్రాఫ్‌ కెరీర్‌లో బిగ్గెస్ట్‌ రిలీజ్‌గా నిలించింది. భాగీ 3.. భాగీకి సిక్వెల్‌ అన్న విషయం తెలిసిందే. 2016లో విడుదలైన మొదటి భాగంలో టైగర్‌ ఫ్రాఫ్‌, శ్రద్ధా నటించగా, రెండవ భాగంలో టైగర్‌, దిశా పటానీ నటించగా ఈ మూవీ 2018లో విడుదలైంది. మళ్లీ భాగీ 3లో టైగర్‌తో శ్రద్ధా జతకట్టారు. ఇక మొదటిరోజే ప్రేక్షకుల నుంచి భారీ స్పందన రావడంతో మిగిలిన రోజుల్లో అత్యధిక కలెక్షన్లు రాబట్టవచ్చని విశ్లేషకులు అంచనా వేస్తున్నారు. ⭐️ #CoronaVirus scare ⭐️ #Pre-#Holi dull phase ⭐️ #Examination period Yet, #Baaghi3 takes a big start on Day 1... Emerges biggest opener of 2020 [so far]... Fifth film of #TigerShroff to open in double digits... Single screens excel, plexes decent... Fri ₹ 17.50 cr. #India biz. — taran adarsh (@taran_adarsh) March 7, 2020

బాలీవుడ్‌లో యాక్షన్‌ సన్నివేశాల స్టాండర్డ్‌ను సినిమా సినిమాతో పెంచుకుంటూ వెళ్తున్న యంగ్‌ హీరో టైగర్‌ ష్రాఫ్‌. యాక్షన్‌ సన్నివేశాలే ‘భాగీ’ సిరీస్‌ను బాక్సాఫీస్‌ వద్ద బ్లాక్‌బస్టర్‌గా నిలుపుతున్నాయి అనొచ్చు. తాజాగా ఈ సిరీస్‌లో మూడో పార్ట్‌ ‘భాగీ 3’తో సిద్ధమయ్యారు టైగర్‌. ఈ సినిమాలో స్టంట్స్‌ను సొంతంగా కంపోజ్‌ చేసుకుంటున్నారట టైగర్‌. ఆల్రెడీ మిక్స్‌డ్‌ మార్షల్‌ ఆర్ట్స్‌లో టైగర్‌ ష్రాఫ్‌కు మంచి అనుభవం ఉంది. కానీ ‘భాగీ 3’ యాక్షన్‌ మరింత కొత్తగా ఉండటం కోసం కుంగ్‌ ఫూ, కిక్‌ బాక్సింగ్‌లో శిక్షణ పొందుతున్నారట. 2020 మార్చి 6న ‘భాగీ 3’ థియేటర్స్‌లోకి రానుంది.

సినిమా రిలీజ్‌ కాలేదు. బాక్సాఫీసు లెక్కలు తేలలేదు. కానీ ‘భాగీ’ ప్రాంచైజీలో నెక్ట్స్‌ చిత్రం ‘భాగీ 3’ ఎనౌన్స్‌ చేశారు. అంటే..‘భాగీ 3’ ఆన్‌ ద వే అన్నమాట. టైగర్‌ ష్రాఫ్, దిశా పాట్నీ జంటగా ఆహ్మద్‌ఖాన్‌ దర్శకత్వంలో ‘భాగీ’కి సీక్వెల్‌గా రూపొందుతున్న సినిమా ‘భాగీ 2’. మంగళవారం ఫస్ట్‌ లుక్‌ను, బుధవారం ట్రైలర్‌ను రిలీజ్‌ చేశారు. ఫుల్‌యాక్షన్‌ ప్యాకేజీగా ట్రైలర్‌ ఉంది. ఇది తెలుగు ‘క్షణం’ చిత్రానికి రీమేక్‌ అని టాక్‌. ముందుగా సెకండ్‌ పార్ట్‌నీ ఏప్రిల్‌ 27న రిలీజ్‌ చేయాలనుకున్నారు. కానీ ఇప్పుడు ఏప్రిల్‌ 30న విడుదల చేస్తున్నారు చిత్రబృందం.

‘‘ఏక్‌ దో తీన్‌..’’  అనగానే మనందరికి గుర్తొచ్చేది మాధురీ దీక్షిత్‌. మోహినిగా తను వేసిన స్టెప్పులను   దశాబ్దాలు దాటిపోయినా ఎవ్వరూ మరచిపోయి ఉండరు. మాధురీ దీక్షిత్‌ను ఓవర్‌ నైట్‌ స్టార్‌గా మార్చేసి, డ్యాన్సింగ్‌ క్వీన్‌ అంటూ బాలీవుడ్‌ అభిమానుల కితాబులు పొందేలా చేసిందీ సాంగ్‌. ప్రస్తుతం‘భాగీ 2’ చిత్రం కోసం ఆ పాటను రీమిక్స్‌ చేస్తున్నారు. నయా మోహినిగా జాక్వెలిన్‌ ఫెర్నాండెజ్‌ కనిపించనున్నారు.  టైగర్‌ ష్రాఫ్, దిశా పటానీ జంటగా అహ్మద్‌ ఖాన్‌ దర్శకత్వంలో సాజిద్‌ నడియాడ్‌వాలా నిర్మిస్తున్న చిత్రం ‘భాగీ 2’. 2016లో వచ్చిన ‘భాగీ’ చిత్రానికి ఇది సీక్వెల్‌. అప్పుడు మాధురీ కోసం ప్యారీలాల్‌ కంపోజ్‌ చేసిన ఆ పాటకు సరోజ్‌ ఖాన్‌ కొరియోగ్రఫీ చేశారు. ఇప్పుడు సరోజ్‌ ఖాన్‌  శిష్యుడు, ‘భాగీ 2’ చిత్ర దర్శకుడు ఈ పాటను రీమిక్స్‌ చేయాలనుకోవడం విశేషం. ‘ఏక్‌ దో తీన్‌...’ సాంగ్‌లో సైడ్‌ డ్యాన్సర్‌గా కనిపించిన గణేష్‌ ఆచార్యనే ఈ రీమిక్స్‌కు కొరియోగ్రఫీ చేయడం మరో విశేషం. ఈ సాంగ్‌ రీమిక్స్‌ గురించి దర్శకుడు మాట్లాడుతూ – ‘‘ఏక్‌ దో తీన్‌’ అనే పాట ఆల్‌ టైమ్‌ హిట్‌. గణేష్‌ మాస్టర్‌ను సేమ్‌ సరోజ్‌ ఖాన్‌ స్టైల్‌లోనే కంపోజ్‌ చేయమని అడిగాను. అలాగే మాధురీ దీక్షిత్‌ ధరించిన పింక్‌ కలర్‌ డ్రెస్‌ను దృష్టిలో ఉంచుకొనే జాక్వెలిన్‌కు డ్రెస్‌ డిజైన్‌ చేయమని మనీష్‌ మల్హోత్రాను కోరాను. జాక్వెలిన్‌తో ఇంతకు ముందు ‘కిక్‌’లో ‘జుమ్మే కీ రాత్‌ హై’, ‘రాయ్‌’ సినిమాలో ‘చిట్టియన్‌ కలయ్యా’ వంటి సూపర్‌ హిట్‌ సాంగ్స్‌ చేశాం. ఆమె ఫెంటాస్టిక్‌ డ్యాన్సర్‌. అందుకే ‘ఏక్‌ దో...’ సాంగ్‌ను రీక్రియేట్‌ చేయటానికి జాక్వెలిన్‌ మంచి ఛాయిస్‌ అనుకున్నాను’’ అన్నారు. ఈ సాంగ్‌ను మూడు రోజులు షూట్‌ చేస్తారట. ‘భాగీ 2’ మార్చి 30న విడుదల కానుంది. మాధురీ దీక్షిత్‌ గురించి సరోజ్‌ ఖాన్‌ మాట్లాడుతూ – ‘‘బేసిక్‌గా మాధురీ కథక్‌ డ్యాన్సర్‌. అందుకే బాలీవుడ్‌ స్టైల్‌ పాటలను అడాప్ట్‌ చేసుకోవటానికి కొంచెం ఇబ్బంది పడేవారు. ‘ఏక్‌ దో...’ సాంగ్‌ను నేను కేవలం 20 నిమిషాల్లో కంపోజ్‌ చేశాను. కానీ ఆ హిప్‌ మూమెంట్స్‌ను క్యాచ్‌ చేయటానికి ఆమె బాగా కష్టపడ్డారు. దానికోసం పదిహేడు రోజులు ప్రాక్టీస్‌ చేద్దాం అనుకున్నాం. ప్రతిరోజు ఉదయం 10 నుంచి రాత్రి 10 వరకూ ప్రాక్టీస్‌ చేసేవారు. పదో రోజు కల్లా తన స్టెప్స్‌లో పర్ఫెక్ట్‌ అయ్యారు మాధురి. ఇక ప్రాక్టీస్‌కు రావద్దులే అంటే మిగతా 7 రోజులు కూడా డ్యాన్స్‌ స్టూడియోకి వచ్చి ప్రాక్టీస్‌ చేస్తూనే ఉండేవారామె’’ అన్నారు.


 ‘ఆషికి-2’ చిత్రంలో జోరు వానలో ఓ గొడుగు చాటున ఆదిత్యారాయ్ కపూర్‌తో శ్రద్ధాకపూర్ చేసిన లిప్‌లాక్ ఇప్పటికీ ఓ సంచలనమే. మళ్లీ అదే రేంజ్‌లో ‘భాగీ’ చిత్రం కోసం శ్రద్ధాకపూర్ చేసిన లిప్‌లాక్ ఇప్పుడు నెట్‌లో హల్‌చల్ చేస్తోంది. తెల్లటి  చొక్కాలో వర్షంలో తడుస్తూ  ఆమె తన సహనటుడు టైగర్ ష్రాఫ్‌కు ఘాటైన ముద్దు లాగించేశారు. కచ్చితంగా ఈ దృశ్యం కుర్రకారు గుండెల్లో వేడి పెంచడం ఖాయం. సాబిర్‌ఖాన్ దర్శకత్వంలో రూపొందుతున్న ఈ చిత్రం కోసం ఇటీవలే ఈ హాట్ లిప్‌కిస్ సీన్‌ను చిత్రీకరించారు. దర్శకుడు సాబిర్ ఖాన్ మాట్లాడుతూ- ‘‘టైగర్‌ష్రాఫ్, శ్రద్ధాకపూర్‌ల మధ్య  స్కూల్ రోజుల నుంచే మంచి స్నేహం ఉంది.
 
 అందుకే ఈ సన్నివేశాన్ని చిత్రీకరించే సమయంలో వాళ్లిద్దరూ ఇబ్బందిపడలేదు. స్క్రిప్ట్‌ను పూర్తిగా అర్థం చేసుకుని, ఈ సీన్‌కు ఎంతో ప్రాధాన్యం ఉందని గ్రహించే ఈ లిప్ లాక్‌కు ఒప్పుకున్నారు’’ అని  చెప్పారు.