తమిళసినిమా: యువ నటుడు ఆదవా ఈశ్వరా కథనాయకుడిగా నటించి, కేఎస్‌ఆర్‌ ఫిలిండమ్‌ పతాకంపై నిర్మించిన చిత్రం భాయ్‌. నటి శ్రీఇనియా నాయకిగా నటించిన ఈ చిత్రానికి కమల్‌ నాథన్‌ భువన్‌ దర్శకత్వం వహించారు. నిర్మాణ కార్యక్రమాలను పూర్తి చేసుకున్న ఈ చిత్రం ఫిబ్రవరి నెలలో తెరపైకి రావడానికి ముస్తాబవుతోంది. ఈ సందర్భంగా బుధవారం ఉదయం చిత్ర ట్రైలర్‌ ఆవిష్కరణ కార్యక్రమాన్ని చైన్నెలోని ప్రసాద్‌ ల్యాబ్‌లో నిర్వహించారు. ఇందులో నిర్మాత, నటుడు కే.రాజన్‌, దర్శకుడు పేరరసు, నటుడు జీవా, తమిళనాడు పాత్రికేయుల సంఘం అధ్యక్షుడు సుభాష్‌ తదితరులు ముఖ్య అతిథులుగా పాల్గొని చిత్ర ట్రైలర్‌ను ఆవిష్కరించారు. ఈ సందర్భంగా చిత్ర కథానాయకుడు, నిర్మాత ఆదవా ఈశ్వరా మాట్లాడుతూ తాను ఇంతకు ముందు రూ.2 కోట్లు ఖర్చుతో చిత్రాన్ని నిర్మించానన్నారు. అయితే అది ఇప్పటికీ విడుదల కాకపోవడంతో పెట్టిన పెట్టుబడి మొత్తాన్ని నష్టపోయానన్నారు. ఆ తరువాత హీరోగా నటించిన చిత్రం సరిగా ఆడలేదన్నారు. తాజాగా భాయ్‌ చిత్రాన్ని చేసినట్లు చెప్పారు. ఇక్కడ చిన్న చిత్రాలకు ప్రోత్సాహం, ఆదరణ లేవన్నారు. చిన్న చిత్రాలను ఆదరిస్తేనే మరి కొందరు కొత్త నిర్మాతలు వస్తారని అన్నారు. తనకు సినిమా మినహా వేరే వృత్తి తెలియదన్నారు. అందుకే నష్టపోయినా, మళ్లీ మళ్లీ చిత్రాలు చేస్తున్నట్లు చెప్పారు. తాను ఊటీలో రెండో క్లాస్‌ చదువుతున్న సమయంలో కోయంబత్తూర్‌లో బాంబ్‌ బ్లాస్ట్‌ సంఘటన జరిగిందన్నారు. అది తమ ఇంటి వెనుక భాగంలో జరగడంతో ఆందోళనకు గురయ్యానన్నారు. ఆ ఘటనకు తమ ఇళ్లు, డబ్బు అంతా నాశనం అయ్యిందన్నారు. అలాంటి బాంబ్‌ బ్లాస్టర్లు ఎందుకు జరుగుతున్నాయో తెలియదన్నారు. అయితే ఎందరో అమాయక ప్రజలు ప్రాణాలు కోల్పోతున్నారని చెప్పారు. అలాంటి ఇతి వృత్తంతో తెరకెక్కించిన చిత్రం భాయ్‌ అని చెప్పారు. ఇది మానవత్వం ప్రదానాంశంగా రూపొందించిన కథా చిత్రం అని ఆదవా ఈశ్వరా తెలిపారు.అయితే చిత్ర నిర్మాణంలో పలు సమస్యలను ఎదురొడ్డి పూర్తి చేసినట్లు ఆయన చెప్పారు.


 ‘‘హాస్పటల్ నుంచి నాన్నగారు ‘వాట్సప్’ ద్వారా ‘ఆల్ ది బెస్ట్ భాయ్ టీమ్’ అని మెసేజ్ పెట్టారు. నాకు చాలా ఆనందంగా ఉంది’’ అన్నారు అక్కినేని నాగార్జున. వీరభద్రమ్ దర్శకత్వంలో నాగార్జున నటించి, నిర్మించిన చిత్రం ‘భాయ్’. దేవిశ్రీ ప్రసాద్ స్వరాలందించిన ఈ చిత్రం పాటల ట్రిపుల్ ప్లాటినమ్ డిస్క్ వేడుక గురువారం హైదరాబాద్‌లో జరిగింది. ఈ సందర్భంగా నాగార్జున మాట్లాడుతూ -‘‘అహనా పెళ్లంట, పూలరంగడు సినిమాల్లో వీరభద్రమ్ కామెడీ టైమింగ్ నచ్చి ఈ కథ విన్నాను. వండర్ అనిపించింది. కేవలం స్క్రిప్ట్‌కే అయిదారు నెలలు పనిచేశాం. అభిమానులకు ఫుల్ మీల్స్‌లా ఉంటుందీ సినిమా. వీరభద్రం మంచి పంచ్ డైలాగులు రాయించాడు.
  
  దేవిశ్రీతో ఇది నా అయిదో కాంబినేషన్. నా ప్రతి సినిమాకూ డిఫరెంట్ పాటలిచ్చాడు. ఈ జన్మకి దేవిశ్రీకు రుణపడి ఉంటాను. గీతరచయితలందరూ మంచి సాహిత్యం ఇచ్చారు. స్టార్స్ అని మమ్మల్ని అంటారు కానీ... నిజానికి  తెరవెనుక ఉన్నవాళ్లే నిజమైన స్టార్స్. రిలయన్స్ సంస్థతో టై ఆప్ కావడంతో క్రమశిక్షణ అంటే ఏంటో తెలిసింది. ఇలాంటి కార్పొరేట్ సంస్థలు సినీ నిర్మాణంలో పాలు పంచుకుంటే... పరిశ్రమకు క్రమశిక్షణ తెలుస్తుంది. ఇప్పుడు నాకూ వరుసగా సినిమాలు నిర్మించాలని ఉంది’’ అన్నారు. ‘‘నాగార్జునగారితో మళ్లీ కలిసి పనిచేయడం ఆనందంగా ఉంది. కెరీర్ ప్రారంభ దశలో నాకు పెద్ద బ్రేక్‌ని ఇచ్చిన సినిమా ‘మన్మథుడు’. అప్పట్నుంచి మా కలయిక సూపర్‌హిట్టే. వీరభధ్రమ్ చెప్పిన కథ నాకు బాగా నచ్చింది. కొన్ని పంచ్ డైలాగులు కూడా చెప్పాడు.
  
  వాటిని బట్టే ‘బీహెచ్‌ఏఐ భాయ్’ టైటిల్ సాంగ్  చేసి వెంటనే వినిపించా. ఓ హీరో వేరే హీరో సక్సెస్ గురించి మాట్లాడటం అరుదు. కానీ నాగ్ అందుకు అతీతుడు. రీసెంట్‌గా జరిగిన ‘భాయ్’ వేడుకలో ‘అత్తారింటికి దారేది’ గురించి, నా గురించి అభినందనీయంగా మాట్లాడారు. ఇలాంటి మాటలు పరిశ్రమలో మంచి వాతావరణానికి నాంది పలుకుతాయి’’ అని దేవిశ్రీ ప్రసాద్ అభిప్రాయపడ్డారు. నాగార్జున చేతుల మీదుగా చిత్రం యూనిట్‌కి డిస్క్‌ల ప్రదానం జరిగింది. ఇంకా వీరభద్రమ్, హంసానందిని, జరాషా, భాస్కరభట్ల, రామజోగయ్యశాస్త్రి, అనంతశ్రీరామ్, ఆదిత్య ఉమేష్‌గుప్త, ఫైట్ మాస్టర్ విజయ్, రిలయన్స్ సీఎఫ్‌ఓ శభాషిష్ సర్కార్ తదితరులు ఈ వేడుకలో పాల్గొన్నారు.
  


 నటనకు చిన్న విరామం ఇవ్వనున్నట్లు రిచా గంగోపాధ్యాయ తెలిపింది. తమిళంలో మయ్కమ్ ఎన్నా, ఒస్తి చిత్రా ల్లో ఈ బ్యూటీ నటించింది. తెలుగులోనూ కొన్ని చిత్రాల్లో మెరిసింది. రిచా మాట్లాడుతూ అమెరికాలో చదువు కొనసాగించాలా లేక వరుసగా నటించాలా అని ఏడాదిగా సందిగ్ధంలో ఉన్నానని తెలిపింది. చివరికి చదువును పూర్తి చేయాలనే నిర్ణయానికొచ్చానని స్పష్టం చేసింది.
  
 తెలుగులో నాగార్జున సరసన భాయ్ చిత్రంలో నటించానని, ఇది ఈ నెల 25న తెరపైకి రానుం దని వివరించింది. ప్రస్తుతం మరిన్ని అవకాశాలు వస్తున్నాయని ఆమె తెలిపింది. అయినా నటన కు కాస్త విరామం ఇచ్చి చదువు పూర్తి చేయూలని నిర్ణరుుంచుకున్నట్లు వెల్లడించింది.